{॥ ಶ್ರೀವಲ್ಲೀಸಹಸ್ರನಾಮಸ್ತೋತ್ರಮ್ ॥}
(ಸ್ಕಾನ್ದೇ ಶಙ್ಕರಸಂಹಿತಾತಃ)
ಬ್ರಹ್ಮೋವಾಚ -
ಶೃಣು ನಾರದ ಮದ್ವತ್ಸ ವಲ್ಲೀನಾಮ್ನಾಂ ಸಹಸ್ರಕಮ್ ।
ಸ್ಕನ್ದಕ್ರೀಡಾವಿನೋದಾದಿಬೋಧಕಂ ಪರಮಾದ್ಭುತಮ್ ॥ ೧॥

ಮುನಿರಸ್ಮ್ಯಹಮೇವಾಸ್ಯ ಛನ್ದೋಽನುಷ್ಟುಪ್ ಪ್ರಕೀರ್ತಿತಮ್ ।
ವಲ್ಲೀದೇವೀ ದೇವತಾ ಸ್ಯಾತ್ ವ್ರಾಂ ವ್ರೀಂ ವ್ರೂಂ ಬೀಜಶಕ್ತ್ಯಪಿ ॥ ೨॥

ಕೀಲಕಂ ಚ ತಥಾ ನ್ಯಸ್ಯ ವ್ರಾಂ ಇತ್ಯಾದ್ಯೈಃ ಷಡಙ್ಗಕಮ್ ।
ತತಃ ಸಞ್ಚಿನ್ತಯೇದ್ದೇವೀಂ ವಲ್ಲೀಂ ಸ್ಕನ್ದಪತಿವ್ರತಾಮ್ ॥ ೩॥

ಶ್ಯಾಮಾಂ ಶ್ಯಾಮಾಲಕಾನ್ತಾಂ ದ್ರುತಕನಕಮಣಿ ಪ್ರಸ್ಫುರದ್ದಿವ್ಯಭೂಷಾಂ
ಗುಞ್ಜಾಮಾಲಾಭಿರಾಮಾಂ ಶಿವಮುನಿತನಯಾಂ ಕಾನನೇನ್ದ್ರಾಭಿಮಾನ್ಯಾಮ್ ।
ವಾಮೇ ಹಸ್ತೇ ಚ ಪದ್ಮಂ ತದಿತರಕರವರಂ ಲಮ್ಬಿತಂ ಸನ್ದಧಾನಾಂ
ಸಂಸ್ಥಾಂ ಸೇನಾನಿದಕ್ಷೇ ಸಮುದಮಪಿ ಮಹಾವಲ್ಲಿದೇವೀಂ ಭಜೇಽಹಮ್ ॥ ೪॥

ಇತ್ಯೇವಂ ಚಿನ್ತಯಿತ್ವಾಽಮ್ಬಾಂ ಮನಸಾಽಭ್ಯರ್ಚಂ ಸಾದರಮ್ ।
ಪಠೇನ್ನಾಮಸಹಸ್ರಂ ತತ್ ಶ್ರೂಯತಾಂ ಸ್ತೋತ್ರಮುತ್ತಮಮ್ ॥ ೫॥

ಓಂ ವಲ್ಲೀ ವಲ್ಲೀಶ್ವರೀ ವಲ್ಲೀಬಹ್ವಾ ವಲ್ಲೀನಿಭಾಕೃತಿಃ ।
ವೈಕುಣ್ಠಾಕ್ಷಿಸಮುದ್ಭೂತಾ ವಿಷ್ಣುಸಂವರ್ಧಿತಾ ವರಾ ॥ ೬॥

ವಾರಿಜಾಕ್ಷಾ ವಾರಿಜಾಸ್ಯಾ ವಾಮಾ ವಾಮೇತರಾಶ್ರಿತಾ ।
ವನ್ಯಾ ವನಭವಾ ವನ್ದ್ಯಾ ವನಜಾ ವನಜಾಸನಾ ॥ ೭॥

ವನವಾಸಪ್ರಿಯಾ ವಾದವಿಮುಖಾ ವೀರವನ್ದಿತಾ ।
ವಾಮಾಙ್ಗಾ ವಾಮನಯನಾ ವಲಯಾದಿವಿಭೂಷಣಾ ॥ ೮॥

ವನರಾಜಸುತಾ ವೀರಾ ವೀಣಾವಾದವಿದೂಷಿಣೀ ।
ವೀಣಾಧರಾ ವೈಣಿಕರ್ಷಿಶ್ರುತಸ್ಕನ್ದಕಥಾ ವಧೂಃ ॥ ೯॥

ಶಿವಙ್ಕರೀ ಶಿವಮುನಿತನಯಾ ಹರಿಣೋದ್ಭವಾ ।
ಹರೀನ್ದ್ರವಿನುತಾ ಹಾನಿಹೀನಾ ಹರಿಣಲೋಚನಾ ॥ ೧೦॥

ಹರಿಣಾಙ್ಕಮುಖೀ ಹಾರಧರಾ ಹರಜಕಾಮಿನೀ ।
ಹರಸ್ನುಷಾ ಹರಾಧಿಕ್ಯವಾದಿನೀ ಹಾನಿವರ್ಜಿತಾ ॥ ೧೧॥

ಇಷ್ಟದಾ ಚೇಭಸಮ್ಭೀತಾ ಚೇಭವಕ್ತ್ರಾನ್ತಕಪ್ರಿಯಾ ।
ಇನ್ದ್ರೇಶ್ವರೀ ಚೇನ್ದ್ರನುತಾ ಚೇನ್ದಿರಾತನಯಾರ್ಚಿತಾ ॥ ೧೨॥

ಇನ್ದ್ರಾದಿಮೋಹಿನೀ ಚೇಷ್ಟಾ ಚೇಭೇನ್ದ್ರಮುಖದೇವರಾ ।
ಸರ್ವಾರ್ಥದಾತ್ರೀ ಸರ್ವೇಶೀ ಸರ್ವಲೋಕಾಭಿವನ್ದಿತಾ ॥ ೧೩॥

ಸದ್ಗುಣಾ ಸಕಲಾ ಸಾಧ್ವೀ ಸ್ವಾಧೀನಪತಿರವ್ಯಯಾ ।
ಸ್ವಯಂವೃತಪತಿಃ ಸ್ವಸ್ಥಾ ಸುಖದಾ ಸುಖದಾಯಿನೀ ॥ ೧೪॥

ಸುಬ್ರಹ್ಮಣ್ಯಸಖೀ ಸುಭ್ರೂಃ ಸುಬ್ರಹ್ಮಣ್ಯಮನಸ್ವಿನೀ ।
ಸುಬ್ರಹ್ಮಣ್ಯಾಙ್ಕನಿಲಯಾ ಸುಬ್ರಹ್ಮಣ್ಯವಿಹಾರಿಣೀ ॥ ೧೫॥

ಸುರೀದ್ಗೀತಾ ಸುರಾನನ್ದಾ ಸುಧಾಸಾರಾ ಸುಧಾಪ್ರಿಯಾ ।
ಸೌಧಸ್ಥಾ ಸೌಮ್ಯವದನಾ ಸ್ವಾಮಿನೀ ಸ್ವಾಮಿಕಾಮಿನೀ ॥ ೧೬॥

ಸ್ವಾಮ್ಯದ್ರಿನಿಲಯಾ ಸ್ವಾಮ್ಯಹೀನಾ ಸಾಮಪರಾಯಣಾ ।
ಸಾಮವೇದಪ್ರಿಯಾ ಸಾರಾ ಸಾರಸ್ಥಾ ಸಾರವಾದಿನೀ ॥ ೧೭॥

ಸರಲಾ ಸಙ್ಘವಿಮುಖಾ ಸಙ್ಗೀತಾಲಾಪನೋತ್ಸುಕಾ ।
ಸಾರರೂಪಾ ಸತೀ ಸೌಮ್ಯಾ ಸೋಮಜಾ ಸುಮನೋಹರಾ ॥ ೧೮॥

ಸುಷ್ಠುಪ್ರಯುಕ್ತಾ ಸುಷ್ಠೂಕ್ತಿಃ ಸುಷ್ಠುವೇಷಾ ಸುರಾರಿಹಾ ।
ಸೌದಾಮಿನೀನಿಭಾ ಸುರಪುರನ್ಧ್ರ್ಯುದ್ಗೀತವೈಭವಾ ॥ ೧೯॥

ಸಮ್ಪತ್ಕರೀ ಸದಾತುಷ್ಟಾ ಸಾಧುಕೃತ್ಯಾ ಸನಾತನಾ ।
ಪ್ರಿಯಙ್ಗುಪಾಲಿನೀ ಪ್ರೀತಾ ಪ್ರಿಯಙ್ಗು ಮುದಿತಾನ್ತರಾ ॥ ೨೦॥

ಪ್ರಿಯಙ್ಗುದೀಪಸಮ್ಪ್ರೀತಾ ಪ್ರಿಯಙ್ಗುಕಲಿಕಾಧರಾ ।
ಪ್ರಿಯಙ್ಗುವನಮಧ್ಯಸ್ಥಾ ಪ್ರಿಯಙ್ಗುಗುಡಭಕ್ಷಿಣೀ ॥ ೨೧॥

ಪ್ರಿಯಙ್ಗುವನಸನ್ದೃಷ್ಟಗುಹಾ ಪ್ರಚ್ಛನ್ನಗಾಮಿನೀ ।
ಪ್ರೇಯಸೀ ಪ್ರೇಯ ಆಶ್ಲಿಷ್ಟಾ ಪ್ರಯಸೀಜ್ಞಾತಸತ್ಕೃತಿಃ ॥ ೨೨॥

ಪ್ರೇಯಸ್ಯುಕ್ತಗುಹೋದನ್ತಾ ಪ್ರೇಯಸ್ಯಾ ವನಗಾಮಿನೀ ।
ಪ್ರೇಯೋವಿಮೋಹಿನೀ ಪ್ರೇಯಃಕೃತಪುಷ್ಪೇಷುವಿಗ್ರಹಾ ॥ ೨೩॥

ಪೀತಾಮ್ಬರ ಪ್ರಿಯಸುತಾ ಪೀತಾಮ್ಬರಧರಾ ಪ್ರಿಯಾ ।
ಪುಷ್ಪಿಣೀ ಪುಷ್ಪಸುಷಮಾ ಪುಷ್ಪಿತಾ ಪುಷ್ಪಗನ್ಧಿನೀ ॥ ೨೪॥

ಪುಲಿನ್ದಿನೀ ಪುಲಿನ್ದೇಷ್ಟಾ ಪುಲಿನ್ದಾಧಿಪವರ್ಧಿತಾ ।
ಪುಲಿನ್ದವಿದ್ಯಾಕುಶಲಾ ಪುಲಿನ್ದಜನಸಂವೃತಾ ॥ ೨೫॥

ಪುಲಿನ್ದಜಾತಾ ವನಿತಾ ಪುಲಿನ್ದಕುಲದೇವತಾ ।
ಪುರುಹೂತನುತಾ ಪುಣ್ಯಾ ಪುಣ್ಯಲಭ್ಯಾಽಪುರಾತನಾ ॥ ೨೬॥

ಪೂಜ್ಯಾ ಪೂರ್ಣಕಲಾಽಪೂರ್ವಾ ಪೌರ್ಣಮೀಯಜನಪ್ರಿಯಾ ।
ಬಾಲಾ ಬಾಲಲತಾ ಬಾಹುಯುಗಲಾ ಬಾಹುಪಙ್ಕಜಾ ॥ ೨೭॥

ಬಲಾ ಬಲವತೀ ಬಿಲ್ವಪ್ರಿಯಾ ಬಿಲ್ವದಲಾರ್ಚಿತಾ ।
ಬಾಹುಲೇಯಪ್ರಿಯಾ ಬಿಮ್ಬ ಫಲೋಷ್ಠಾ ಬಿರುದೋನ್ನತಾ ॥ ೨೮॥

ಬಿಲೋತ್ತಾರಿತ ವೀರೇನ್ದ್ರಾ ಬಲಾಢ್ಯಾ ಬಾಲದೋಷಹಾ ।
ಲವಲೀಕುಞ್ಜಸಮ್ಭೂತಾ ಲವಲೀಗಿರಿಸಂಸ್ಥಿತಾ ॥ ೨೯॥

ಲಾವಣ್ಯವಿಗ್ರಹಾ ಲೀಲಾ ಸುನ್ದರೀ ಲಲಿತಾ ಲತಾ ।
ಲತೋದ್ಭವಾ ಲತಾನನ್ದಾ ಲತಾಕಾರಾ ಲತಾತನುಃ ॥ ೩೦॥

ಲತಾಕ್ರೀಡಾ ಲತೋತ್ಸಾಹಾ ಲತಾಡೋಲಾವಿಹಾರಿಣೀ ।
ಲಾಲಿತಾ ಲಾಲಿತಗುಹಾ ಲಲನಾ ಲಲನಾಪ್ರಿಯಾ ॥ ೩೧॥

ಲುಬ್ಧಪುತ್ರೀ ಲುಬ್ಧವಂಶ್ಯಾ ಲುಬ್ಧವೇಷಾ ಲತಾನಿಭಾ ।
ಲಾಕಿನೀ ಲೋಕಸಮ್ಪೂಜ್ಯಾ ಲೋಕತ್ರಯವಿನೋದಿನೀ ॥ ೩೨॥

ಲೋಭಹೀನಾ ಲಾಭಕರ್ತ್ರೀ ಲಾಕ್ಷಾರಕ್ತಪದಾಮ್ಬುಜಾ ।
ಲಮ್ಬವಾಮೇತರಕರಾ ಲಬ್ಧಾಮ್ಭೋಜಕರೇತರಾ ॥ ೩೩ ।

ಮೃಗೀ ಮೃಗಸುತಾ ಮೃಗ್ಯಾ ಮೃಗಯಾಸಕ್ತಮಾನಸಾ ।
ಮೃಗಾಕ್ಷೀ ಮಾರ್ಗಿತಗುಹಾ ಮಾರ್ಗಕ್ರೀಡಿತವಲ್ಲಭಾ ॥ ೩೪॥

ಸರಲದ್ರುಕೃತಾವಾಸಾ ಸರಲಾಯಿತಷಣ್ಮುಖಾ ।
ಸರೋವಿಹಾರರಸಿಕಾ ಸರಸ್ತೀರೇಭಭೀಮರಾ ॥ ೩೫॥

ಸರಸೀರುಹಸಙ್ಕಾಶಾ ಸಮಾನಾ ಸಮನಾಗತಾ ॥

ಶಬರೀ ಶಬರೀರಾಧ್ಯಾ ಶಬರೇನ್ದ್ರವಿವರ್ಧಿತಾ ॥ ೩೬॥

ಶಮ್ಬಾರಾರಾತಿಸಹಜಾ ಶಾಮ್ಬರೀ ಶಾಮ್ಬರೀಮಯಾ ।
ಶಕ್ತಿಃ ಶಕ್ತಿಕರೀ ಶಕ್ತಿತನಯೇಷ್ಟಾ ಶರಾಸನಾ ॥ ೩೭॥

ಶರೋದ್ಭವಪ್ರಿಯಾ ಶಿಞ್ಜನ್ಮಣಿಭೂಷಾ ಶಿವಸ್ನುಷಾ ।
ಸನಿರ್ಬನ್ಧಸಖೀಪೃಷ್ಟರಹಃ ಕೇಲಿನತಾನನಾ ॥ ೩೮ ।

ದನ್ತಕ್ಷತೋಹಿತಸ್ಕನ್ದಲೀಲಾ ಚೈವ ಸ್ಮರಾನುಜಾ ।
ಸ್ಮರಾರಾಧ್ಯಾ ಸ್ಮರಾರಾತಿಸ್ನುಷಾ ಸ್ಮರಸತೀಡಿತಾ ॥ ೩೯॥

ಸುದತೀ ಸುಮತಿಃ ಸ್ವರ್ಣಾ ಸ್ವರ್ಣಾಭಾ ಸ್ವರ್ಣದೀಪ್ರಿಯಾ ।
ವಿನಾಯಕಾನುಜಸಖೀ ಚಾನಾಯಕಪಿತಾಮಹಾ ॥ ೪೦॥

ಪ್ರಿಯಮಾತಾಮಹಾದ್ರೀಶಾ ಪಿತೃಸ್ವಸ್ರೇಯಕಾಮಿನೀ ।
ಪ್ರಿಯಮಾತುಲಮೈನಾಕಾ ಸಪತ್ನೀಜನನೀಧರಾ ॥ ೪೧॥

ಸಪತ್ನೀನ್ದ್ರಸುತಾ ದೇವರಾಜಸೋದರಸಮ್ಭವಾ ।
ವಿವಧಾನೇಕಭೃದ್ಭಕ್ತ ಸಙ್ಘಸಂಸ್ತುತವೈಭವಾ ॥ ೪೨॥

ವಿಶ್ವೇಶ್ವರೀ ವಿಶ್ವವನ್ದ್ಯಾ ವಿರಿಞ್ಚಿಮುಖಸನ್ನುತಾ ।
ವಾತಪ್ರಮೀಭವಾ ವಾಯುವಿನುತಾ ವಾಯುಸಾರಥಿಃ ॥ ೪೩॥

ವಾಜಿವಾಹಾ ವಜ್ರಭೂಷಾ ವಜ್ರಾದ್ಯಾಯುಧಮಣ್ಡಿತಾ ।
ವಿನತಾ ವಿನತಾಪೂಜ್ಯಾ ವಿನತಾನನ್ದನೇಡಿತಾ ॥ ೪೪॥

ವೀರಾಸನಗತಾ ವೀತಿಹೋತ್ರಾಭಾ ವೀರಸೇವಿತಾ ।
ವಿಶೇಷಶೋಭಾ ವೈಶ್ಯೇಷ್ಟಾ ವೈವಸ್ವತಭಯಙ್ಕರೀ ॥ ೪೫॥

ಕಾಮೇಶೀ ಕಾಮಿನೀ ಕಾಮ್ಯಾ ಕಮಲಾ ಕಮಲಾಪ್ರಿಯಾ ।
ಕಮಲಾಕ್ಷಾಕ್ಷಿಸಮ್ಭೂತಾ ಕುಮೌದಾ ಕುಮುದೋದ್ಭವಾ ॥ ೪೬॥

ಕುರಙ್ಗನೇತ್ರಾ ಕುಮುದವಲ್ಲೀ ಕುಙ್ಕುಮಶೋಭಿತಾ ।
ಗುಞ್ಜಾಹಾರಧರಾ ಗುಞ್ಜಾಮಣಿಭೂಷಾ ಕುಮಾರಗಾ ॥ ೪೭॥

ಕುಮಾರಪತ್ನೀ ಕೌಮಾರೀರೂಪಿಣೀ ಕುಕ್ಕುಟಧ್ವಜಾ ।
ಕುಕ್ಕುಟಾರಾವಮುದಿತಾ ಕುಕ್ಕುಟಧ್ವಜಮೇದುರಾ ॥ ೪೮॥

ಕುಕ್ಕುಟಾಜಿಪ್ರಿಯಾ ಕೇಲಿಕರಾ ಕೈಲಾಸವಾಸಿನೀ ।
ಕೈಲಾಸವಾಸಿತನಯಕಲತ್ರಂ ಕೇಶವಾತ್ಮಜಾ ॥ ೪೯॥

ಕಿರಾತತನಯಾ ಕೀರ್ತಿದಾಯಿನೀ ಕೀರವಾದಿನೀ ।
ಕಿರಾತಕೀ ಕಿರಾತೇಡ್ಯಾ ಕಿರಾತಾಧಿಪವನ್ದಿತಾ ॥ ೫೦॥

ಕೀಲಕೀಲಿತಭಕ್ತೇಡ್ಯಾ ಕಲಿಹೀನಾ ಕಲೀಶ್ವರೀ ।
ಕಾರ್ತಸ್ವರಸಮಚ್ಛಾಯಾ ಕಾರ್ತವೀರ್ಯಸುಪೂಜಿತಾ ॥ ೫೧॥

ಕಾಕಪಕ್ಷಧರಾ ಕೇಕಿವಾಹಾ ಕೇಕಿವಿಹಾರಿಣೀ ।
ಕೃಕವಾಕುಪತಾಕಾಢ್ಯಾ ಕೃಕವಾಕುಧರಾ ಕೃಶಾ ॥ ೫೨॥

ಕೃಶಾಙ್ಗೀ ಕೃಷ್ಣಸಹಜಪೂಜಿತಾ ಕೃಷ್ಣ ವನ್ದಿತಾ ।
ಕಲ್ಯಾಣಾದ್ರಿಕೃತಾವಾಸಾ ಕಲ್ಯಾಣಾಯಾತಷಣ್ಮುಖಾ ॥ ೫೩॥

ಕಲ್ಯಾಣೀ ಕನ್ಯಕಾ ಕನ್ಯಾ ಕಮನೀಯಾ ಕಲಾವತೀ ।
ಕಾರುಣ್ಯವಿಗ್ರಹಾ ಕಾನ್ತಾ ಕಾನ್ತಕ್ರೀಡಾರತೋತ್ಸವಾ ॥ ೫೪॥

ಕಾವೇರೀತೀರಗಾ ಕಾರ್ತಸ್ವರಾಭಾ ಕಾಮಿತಾರ್ಥದಾ ।
ವಿವಧಾಸಹಮಾನಾಸ್ಯಾ ವಿವಧೋತ್ಸಾಹಿತಾನನಾ ॥ ೫೫॥

ವೀರಾವೇಶಕರೀ ವೀರ್ಯಾ ವೀರ್ಯದಾ ವೀರ್ಯವರ್ಧಿನೀ ॥

ವೀರಭದ್ರಾ ವೀರನವಶತಸಾಹಸ್ರಸೇವಿತಾ ॥ ೫೬॥

ವಿಶಾಖಕಾಮಿನೀ ವಿದ್ಯಾಧರಾ ವಿದ್ಯಾಧರಾರ್ಚಿತಾ ।
ಶೂರ್ಪಕಾರಾತಿಸಹಜಾ ಶೂರ್ಪಕರ್ಣಾನುಜಾಙ್ಗನಾ ॥ ೫೭॥

ಶೂರ್ಪಹೋತ್ರೀ ಶೂರ್ಪಣಖಾಸಹೋದರಕುಲಾನ್ತಕಾ ।
ಶುಣ್ಡಾಲಭೀತಾ ಶುಣ್ಡಾಲಮಸ್ತಕಾಭಸ್ತನದ್ವಯಾ ॥ ೫೮॥

ಶುಣ್ಡಾಸಮೋರುಯುಗಲಾ ಶುದ್ಧಾ ಶುಭ್ರಾ ಶುಚಿಸ್ಮಿತಾ ।
ಶ್ರುತಾ ಶ್ರುತಪ್ರಿಯಾಲಾಪಾ ಶ್ರುತಿಗೀತಾ ಶಿಖಿಪ್ರಿಯಾ ॥ ೫೯॥

ಶಿಖಿಧ್ವಜಾ ಶಿಖಿಗತಾ ಶಿಖಿನೃತ್ತಪ್ರಿಯಾ ಶಿವಾ ।
ಶಿವಲಿಙ್ಗಾರ್ಚನಪರಾ ಶಿವಲಾಸ್ಯೇಕ್ಷಣೋತ್ಸುಕಾ ॥ ೬೦॥

ಶಿವಾಕಾರಾನ್ತರಾ ಶಿಷ್ಟಾ ಶಿವಾದೇಶಾನುಚಾರಿಣೀ ।
ಶಿವಸ್ಥಾನಗತಾ ಶಿಷ್ಯಶಿವಕಾಮಾ ಶಿವಾದ್ವಯಾ ॥ ೬೧॥

ಶಿವತಾಪಸಸಮ್ಭೂತಾ ಶಿವತತ್ತ್ವಾವಬೋಧಿಕಾ ।
ಶೃಙ್ಗಾರರಸಸರ್ವಸ್ವಾ ಶೃಙ್ಗಾರರಸವಾರಿಧಿಃ ॥ ೬೨॥

ಶೃಙ್ಗಾರಯೋನಿಸಹಜಾ ಶೃಙ್ಗಬೇರಪುರಾಶ್ರಿತಾ ।
ಶ್ರಿತಾಭೀಷ್ಟಪ್ರದಾ ಶ್ರೀಡ್ಯಾ ಶ್ರೀಜಾ ಶ್ರೀಮನ್ತ್ರವಾದಿನೀ ॥ ೬೩॥

ಶ್ರೀವಿದ್ಯಾ ಶ್ರೀಪರಾ ಶ್ರೀಶಾ ಶ್ರೀಮಯೀ ಶ್ರೀಗಿರಿಸ್ಥಿತಾ ।
ಶೋಣಾಧರಾ ಶೋಭನಾಙ್ಗೀ ಶೋಭನಾ ಶೋಭನಪ್ರದಾ ॥ ೬೪॥

ಶೇಷಹೀನಾ ಶೇಷಪೂಜ್ಯಾ ಶೇಷತಲ್ಪಸಮುದ್ಭವಾ ।
ಶೂರಸೇನಾ ಶೂರಪದ್ಮಕುಲಧೂಮಪತಾಕಿಕಾ ॥ ೬೫॥

ಶೂನ್ಯಾಪಾಯಾ ಶೂನ್ಯಕಟಿಃ ಶೂನ್ಯಸಿಂಹಾಸನಸ್ಥಿತಾ ।
ಶೂನ್ಯಲಿಙ್ಗಾ ಶೂನ್ಯ ಶೂನ್ಯಾ ಶೌರಿಜಾ ಶೌರ್ಯವರ್ಧಿನೀ ॥ ೬೬॥

ಶರಾನೇಕಸ್ಯೂತಕಾಯಭಕ್ತಸಙ್ಘಾಶ್ರಿತಾಲಯಾ ।
ಶಶ್ವದ್ವೈವಧಿಕಸ್ತುತ್ಯಾ ಶರಣ್ಯಾ ಶರಣಪ್ರದಾ ॥ ೬೭॥

ಅರಿಗಣ್ಡಾದಿಭಯಕೃದ್ಯನ್ತ್ರೋದ್ವಾಹಿಜನಾರ್ಚಿತಾ ।
ಕಾಲಕಣ್ಠಸ್ನುಷಾ ಕಾಲಕೇಶಾ ಕಾಲಭಯಙ್ಕರೀ ॥ ೬೮॥

ಅಜಾವಾಹಾ ಚಾಜಾಮಿತ್ರಾ ಚಾಜಾಸುರಹರಾ ಹ್ಯಜಾ ।
ಅಜಾಮುಖೀಸುತಾರಾತಿಪೂಜಿತಾ ಚಾಜರಾಽಮರಾ ॥ ೬೯॥

ಆಜಾನಪಾವನಾಽದ್ವೈತಾ ಆಸಮುದ್ರಕ್ಷಿತೀಶ್ವರೀ ।
ಆಸೇತುಹಿಮಶೈಲಾರ್ಚ್ಯಾ ಆಕುಞ್ಚಿತ ಶಿರೋರುಹಾ ॥ ೭೦॥

ಆಹಾರರಸಿಕಾ ಚಾದ್ಯಾ ಆಶ್ಚರ್ಯನಿಲಯಾ ತಥಾ ।
ಆಧಾರಾ ಚ ತಥಾಽಽಧೇಯಾ ತಥಾಚಾಧೇಯವರ್ಜಿತಾ ॥ ೭೧॥

ಆನುಪೂರ್ವೀಕ್ಲೃಪ್ತರಥಾ ಚಾಶಾಪಾಲಸುಪೂಜಿತಾ ।
ಉಮಾಸ್ನುಷಾ ಉಮಾಸೂನುಪ್ರಿಯಾ ಚೋತ್ಸವಮೋದಿತಾ ॥ ೭೨॥

ಊರ್ಧ್ವಗಾ ಋದ್ಧಿದಾ ಋದ್ಧಾ ಔಷಧೀಶಾತಿಶಾಯಿನೀ ।
ಔಪಮ್ಯಹೀನಾ ಚೌತ್ಸುಕ್ಯಕರೀ ಚೌದಾರ್ಯಶಾಲಿನೀ ॥ ೭೩॥

ಶ್ರೀಚಕ್ರವಾಲಾತಪತ್ರಾ ಶ್ರೀವತ್ಸಾಙ್ಕಿತಭೂಷಣಾ ।
ಶ್ರೀಕಾನ್ತಭಾಗಿನೇಯೇಷ್ಟಾ ಶ್ರೀಮುಖಾಬ್ದಾಧಿದೇವತಾ ॥ ೭೪॥

ಇಯಂ ನಾರೀ ವರನುತಾ ಪೀನೋನ್ನತಕುಚದ್ವಯಾ ।
ಶ್ಯಾಮಾ ಯೌವನಮಧ್ಯಸ್ಥಾ ಕಾ ಜಾತಾ ಸಾ ಗೃಹಾದೃತಾ ॥ ೭೫॥

ಏಷಾ ಸಮ್ಮೋಹಿನೀ ದೇವೀ ಪ್ರಿಯಲಕ್ಷ್ಯಾ ವರಾಶ್ರಿತಾ ।
ಕಾಮಾಽನುಭುಕ್ತಾ ಮೃಗಯಾಸಕ್ತಾಽಽವೇದ್ಯಾ ಗುಹಾಶ್ರಿತಾ ॥ ೭೬॥

ಪುಲಿನ್ದವನಿತಾನೀತಾ ರಹಃ ಕಾನ್ತಾನುಸಾರಿಣೀ ।
ನಿಶಾ ಚಾಕ್ರೀಡಿತಾಽಽಬೋಧ್ಯಾ ನಿರ್ನಿದ್ರಾ ಪುರುಷಾಯಿತಾ ॥ ೭೭॥

ಸ್ವಯಂವೃತಾ ಸುದೃಕ್ ಸೂಕ್ಷ್ಮಾ ಸುಬ್ರಹ್ಮಣ್ಯಮನೋಹರಾ ।
ಪರಿಪೂರ್ಣಾಚಲಾರೂಢಾ ಶಬರಾನುಮತಾಽನಘಾ ॥ ೭೮॥

ಚನ್ದ್ರಕಾನ್ತಾ ಚನ್ದ್ರಮುಖೀ ಚನ್ದನಾಗರುಚರ್ಚಿತಾ ।
ಚಾಟುಪ್ರಿಯೋಕ್ತಿಮುದಿತಾ ಶ್ರೇಯೋದಾತ್ರೀ ವಿಚಿನ್ತಿತಾ ॥ ೭೯॥

ಮೂರ್ಧಾಸ್ಫಾಟಿಪುರಾಧೀಶಾ ಮೂರ್ಧಾರೂಢಪದಾಮ್ಬುಜಾ ।
ಮುಕ್ತಿದಾ ಮುದಿತಾ ಮುಗ್ಧಾ ಮುಹುರ್ಧ್ಯೇಯಾ ಮನೋನ್ಮನೀ ॥ ೮೦॥

ಚಿತ್ರಿತಾತ್ಮಪ್ರಿಯಾಕಾರಾ ಚಿದಮ್ಬರವಿಹಾರಿಣೀ ।
ಚತುರ್ವೇದಸ್ವರಾರಾವಾ ಚಿನ್ತನೀಯಾ ಚಿರನ್ತನೀ ॥ ೮೧॥

ಕಾರ್ತಿಕೇಯಪ್ರಿಯಾ ಕಾಮಸಹಜಾ ಕಾಮಿನೀವೃತಾ ।
ಕಾಞ್ಚನಾದ್ರಿಸ್ಥಿತಾ ಕಾನ್ತಿಮತೀ ಸಾಧುವಿಚಿನ್ತಿತಾ ॥ ೮೨॥

ನಾರಾಯಣಸಮುದ್ಭೂತಾ ನಾಗರತ್ನವಿಭೂಷಣಾ ।
ನಾರದೋಕ್ತಪ್ರಿಯೋದನ್ತಾ ನಮ್ಯಾ ಕಲ್ಯಾಣದಾಯಿನೀ ॥ ೮೩॥

ನಾರದಾಭೀಷ್ಟಜನನೀ ನಾಕಲೋಕನಿವಾಸಿನೀ ।
ನಿತ್ಯಾನನ್ದಾ ನಿರತಿಶಯಾ ನಾಮಸಾಹಸ್ರಪೂಜಿತಾ ॥ ೮೪॥

ಪಿತಾಮಹೇಷ್ಟದಾ ಪೀತಾ ಪೀತಾಮ್ಬರಸಮುದ್ಭವಾ ।
ಪೀತಾಮ್ಬರೋಜ್ಜ್ವಲಾ ಪೀನನಿತಮ್ಬಾ ಪ್ರಾರ್ಥಿತಾ ಪರಾ ॥ ೮೫॥

ಗಣ್ಯಾ ಗಣೇಶ್ವರೀ ಗಮ್ಯಾ ಗಹನಸ್ಥಾ ಗಜಪ್ರಿಯಾ ।
ಗಜಾರೂಢಾ ಗಜಗತಿಃ ಗಜಾನನವಿನೋದಿನೀ ॥ ೮೬॥

ಅಗಜಾನನಪದ್ಮಾರ್ಕಾ ಗಜಾನನಸುಧಾಕರಾ ।
ಗನ್ಧರ್ವವನ್ದ್ಯಾ ಗನ್ಧರ್ವತನ್ತ್ರಾ ಗನ್ಧವಿನೋದಿನೀ ॥ ೮೭॥

ಗಾನ್ಧರ್ವೋದ್ವಾಹಿತಾ ಗೀತಾ ಗಾಯತ್ರೀ ಗಾನತತ್ಪರಾ ।
ಗತಿರ್ಗಹನಸಮ್ಭೂತಾ ಗಾಢಾಶ್ಲಿಷ್ಟಶಿವಾತ್ಮಜಾ ॥ ೮೮॥

ಗೂಢಾ ಗೂಢಚರಾ ಗುಹ್ಯಾ ಗುಹ್ಯಕೇಷ್ಟಾ ಗುಹಾಶ್ರಿತಾ ।
ಗುರುಪ್ರಿಯಾ ಗುರುಸ್ತುತ್ಯ ಗುಣ್ಯಾ ಗುಣಿಗಣಾಶ್ರಿತಾ ॥ ೮೯॥

ಗುಣಗಣ್ಯಾ ಗೂಢರತಿಃ ಗೀರ್ಗೀರ್ವಿನುತವೈಭವಾ ।
ಗೀರ್ವಾಣೀ ಗೀತಮಹಿಮಾ ಗೀರ್ವಾಣೇಶ್ವರಸನ್ನುತಾ ॥ ೯೦॥

ಗೀರ್ವಾಣಾದ್ರಿಕೃತಾವಾಸಾ ಗಜವಲ್ಲೀ ಗಜಾಶ್ರಿತಾ ।
ಗಾಙ್ಗೇಯವನಿತಾ ಗಙ್ಗಾಸೂನುಕಾನ್ತಾ ಗಿರೀಶ್ವರೀ ॥ ೯೧॥

ದೇವಸೇನಾಸಪತ್ನೀ ಯಾ ದೇವೇನ್ದ್ರಾನುಜಸಮ್ಭವಾ ।
ದೇವರೇಭಭಯಾವಿಷ್ಟಾ ಸರಸ್ತೀರಲುಠದ್ಗತಿಃ ॥ ೯೨॥

ವೃದ್ಧವೇಷಗುಹಾಕ್ಲಿಷ್ಟಾ ಭೀತಾ ಸರ್ವಾಙ್ಗಸುನ್ದರೀ ।
ನಿಶಾಸಮಾನಕಬರೀ ನಿಶಾಕರಸಮಾನನಾ ॥ ೯೩॥

ನಿರ್ನಿದ್ರಿತಾಕ್ಷಿಕಮಲಾ ನಿಷ್ಠ್ಯೂತಾರುಣಭಾಧರಾ ।
ಶಿವಾಚಾರ್ಯಸತೀ ಶೀತಾ ಶೀತಲಾ ಶೀತಲೇಕ್ಷಣಾ ॥ ೯೪॥

ಕಿಮೇತದಿತಿ ಸಾಶಙ್ಕಭಟಾ ಧಮ್ಮಿಲ್ಲಮಾರ್ಗಿತಾ ।
ಧಮ್ಮಿಲ್ಲಸುನ್ದರೀ ಧರ್ತ್ರೀ ಧಾತ್ರೀ ಧಾತೃವಿಮೋಚಿನೀ ॥ ೯೫॥

ಧನದಾ ಧನದಪ್ರೀತಾ ಧನೇಶೀ ಧನದೇಶ್ವರೀ ।
ಧನ್ಯಾ ಧ್ಯಾನಪರಾ ಧಾರಾ ಧರಾಧಾರಾ ಧರಾಧರಾ ॥ ೯೬॥

ಧರಾ ಧರಾಧರೋದ್ಭೂತಾ ಧೀರಾ ಧೀರಸಮರ್ಚಿತಾ ।
ಕಿಂ ಕರೋಷೀತಿ ಸಮ್ಪೃಷ್ಟಗುಹಾ ಸಾಕೂತಭಾಷಿಣೀ ॥ ೯೭॥

ರಹೋ ಭವತು ತದ್ಭೂಯಾತ್ ಶಮಿತ್ಯುಕ್ತಪ್ರಿಯಾ ಸ್ಮಿತಾ ।
ಕುಮಾರಜ್ಞಾತ ಕಾಠಿನ್ಯಕುಚಾಽರ್ಧೋರುಲಸತ್ಕಟೀ ॥ ೯೮॥

ಕಞ್ಚುಕೀ ಕಞ್ಚುಕಾಚ್ಛನ್ನಾ ಕಾಞ್ಚೀಪಟ್ಟಪರಿಷ್ಕೃತಾ ।
ವ್ಯತ್ಯಸ್ತಕಚ್ಛಾ ವಿನ್ಯಸ್ತದಕ್ಷಿಣಾಂಸಾಂಶುಕಾಽತುಲಾ ॥ ೯೯॥

ಬನ್ಧೋತ್ಸುಕಿತಕಾನ್ತಾನ್ತಾ ಪುರುಷಾಯಿತಕೌತುಕಾ ।
ಪೂತಾ ಪೂತವತೀ ಪೃಷ್ಟಾ ಪೂತನಾರಿಸಮರ್ಚಿತಾ ॥ ೧೦೦॥

ಕಣ್ಟಕೋಪಾನಹೋನ್ನೃತ್ಯದ್ಭಕ್ತಾ ದಣ್ಡಾಟ್ಟಹಾಸಿನೀ ।
ಆಕಾಶನಿಲಯಾ ಚಾಕಾಶಾ ಆಕಾಶಾಯಿತಮಧ್ಯಮಾ ॥ ೧೦೧॥

ಆಲೋಲಲೋಲಾಽಽಲೋಲಾ ಚಾಲೋಲೋತ್ಸಾರಿತಾಣ್ಡಜಾ ।
ರಮ್ಭೋರುಯುಗಲಾ ರಮ್ಭಾಪೂಜಿತಾ ರತಿರಞ್ಜನೀ ॥ ೧೦೨॥

ಆರಮ್ಭವಾದವಿಮುಖಾ ಚೇಲಾಕ್ಷೇಪಪ್ರಿಯಾಸಹಾ ।
ಅನ್ಯಾಸಙ್ಗಪ್ರಿಯೋದ್ವಿಗ್ನಾ ಅಭಿರಾಮಾ ಹ್ಯನುತ್ತಮಾ ॥ ೧೦೩॥

ಸತ್ವರಾ ತ್ವರಿತಾ ತುರ್ಯಾ ತಾರಿಣೀ ತುರಗಾಸನಾ ।
ಹಂಸಾರೂಢಾ ವ್ಯಾಘ್ರಗತಾ ಸಿಂಹಾರೂಢಾಽಽರುಣಾಧರಾ ॥ ೧೦೪॥

ಕೃತ್ತಿಕಾವ್ರತಸಮ್ಪ್ರೀತಾ ಕಾರ್ತಿಕೇಯವಿಮೋಹಿನೀ ।
ಕರಣ್ಡಮಕುಟಾ ಕಾಮದೋಗ್ಧ್ರೀ ಕಲ್ಪದ್ರುಸಂಸ್ಥಿತಾ ॥ ೧೦೫॥

ವಾರ್ತಾವ್ಯಙ್ಗ್ಯವಿನೋದೇಷ್ಟಾ ವಞ್ಚಿತಾ ವಞ್ಚನಪ್ರಿಯಾ ।
ಸ್ವಾಭಾದೀಪ್ತಗುಹಾ ಸ್ವಾಭಾಬಿಮ್ಬಿತೇಷ್ಟಾ ಸ್ವಯಙ್ಗ್ರಹಾ ॥ ೧೦೬॥

ಮೂರ್ಧಾಭಿಷಿಕ್ತವನಿತಾ ಮರಾಲಗತಿರೀಶ್ವರೀ ।
ಮಾನಿನೀ ಮಾನಿತಾ ಮಾನಹೀನಾ ಮಾತಾಮಹೇಡಿತಾ ॥ ೧೦೭॥

ಮಿತಾಕ್ಷರೀ ಮಿತಾಹಾರಾ ಮಿತವಾದಾಽಮಿತಪ್ರಭಾ ।
ಮೀನಾಕ್ಷೀ ಮುಗ್ಧಹಸನಾ ಮುಗ್ಧಾ ಮೂರ್ತಿಮತೀ ಮತಿಃ ॥ ೧೦೮॥

ಮಾತಾ ಮಾತೃಸಖಾನನ್ದಾ ಮಾರವಿದ್ಯಾಽಮೃತಾಕ್ಷರಾ ।
ಅಪಞ್ಚೀಕೃತಭೂತೇಶೀ ಪಞ್ಚೀಕೃತ ವಸುನ್ಧರಾ ॥ ೧೦೯॥

ವಿಫಲೀಕೃತಕಲ್ಪದ್ರುರಫಲೀಕೃತದಾನವಾ ।
ಅನಾದಿಷಟ್ಕವಿಪುಲಾ ಚಾದಿಷಟ್ಕಾಙ್ಗಮಾಲಿನೀ ॥ ೧೧೦ ।

ನವಕಕ್ಷಾಯಿತಭಟಾ ನವವೀರಸಮರ್ಚಿತಾ ।
ರಾಸಕ್ರೀಡಾಪ್ರಿಯಾ ರಾಧಾವಿನುತಾ ರಾಧೇಯವನ್ದಿತಾ ॥ ೧೧೧॥

ರಾಜಚಕ್ರಧರಾ ರಾಜ್ಞೀ ರಾಜೀವಾಕ್ಷಸುತಾ ರಮಾ ।
ರಾಮಾ ರಾಮಾದೃತಾ ರಮ್ಯಾ ರಾಮಾನನ್ದಾ ಮನೋರಮಾ ॥ ೧೧೨॥

ರಹಸ್ಯಜ್ಞಾ ರಹೋಧ್ಯೇಯಾ ರಙ್ಗಸ್ಥಾ ರೇಣುಕಾಪ್ರಿಯಾ ।
ರೈಣುಕೇಯನುತಾ ರೇವಾವಿಹಾರಾ ರೋಗನಾಶಿನೀ ॥ ೧೧೩॥

ವಿಟಙ್ಕಾ ವಿಗತಾಟಙ್ಕಾ ವಿಟಪಾಯಿತಷಣ್ಮುಖಾ ।
ವೀಟಿಪ್ರಿಯಾ ವೀರುಡ್ಧ್ವಜಾ ವೀರುಟ್ಪ್ರೀತಮೃಗಾವೃತಾ ॥ ೧೧೪॥

ವೀಶಾರೂಢಾ ವೀಶರತ್ನಪ್ರಭಾಽವಿದಿತವೈಭವಾ ।
ಚಿತ್ರಾ ಚಿತ್ರರಥಾ ಚಿತ್ರಸೇನಾ ಚಿತ್ರಿತವಿಗ್ರಹಾ ॥ ೧೧೫॥

ಚಿತ್ರಸೇನನುತಾ ಚಿತ್ರವಸನಾ ಚಿತ್ರಿತಾ ಚಿತಿಃ ।
ಚಿತ್ರಗುಪ್ತಾರ್ಚಿತಾ ಚಾಟುವಚನಾ ಚಾರುಭೂಷಣಾ ॥ ೧೧೬॥

ಚಮತ್ಕೃತಿಶ್ಚಮತ್ಕಾರಭ್ರಮಿತೇಷ್ಟಾ ಚಲತ್ಕಚಾ ।
ಛಾಯಾಪತಙ್ಗಬಿಮ್ಬಾಸ್ಯಾ ಛವಿನಿರ್ಜಿತಭಾಸ್ಕರಾ ॥ ೧೧೭॥

ಛತ್ರಧ್ವಜಾದಿಬಿರುದಾ ಛಾತ್ರಹೀನಾ ಛವೀಶ್ವರೀ ।
ಜನನೀ ಜನಕಾನನ್ದಾ ಜಾಹ್ನವೀತನಯಪ್ರಿಯಾ ॥ ೧೧೮॥

ಜಾಹ್ನವೀತೀರಗಾ ಜಾನಪದಸ್ಥಾಽಜನಿಮಾರಣಾ ।
ಜಮ್ಭಭೇದಿಸುತಾನನ್ದಾ ಜಮ್ಭಾರಿವಿನುತಾ ಜಯಾ ॥ ೧೧೯ ।

ಜಯಾವಹಾ ಜಯಕರೀ ಜಯಶೀಲಾ ಜಯಪ್ರದಾ ।
ಜಿನಹನ್ತ್ರೀ ಜೈನಹನ್ತ್ರೀ ಜೈಮಿನೀಯಪ್ರಕೀರ್ತಿತಾ ॥ ೧೨೦॥

ಜ್ವರಘ್ನೀ ಜ್ವಲಿತಾ ಜ್ವಾಲಾಮಾಲಾ ಜಾಜ್ವಲ್ಯಭೂಷಣಾ ।
ಜ್ವಾಲಾಮುಖೀ ಜ್ವಲತ್ಕೇಶಾ ಜ್ವಲದ್ವಲ್ಲೀಸಮುದ್ಭವಾ ॥ ೧೨೧॥

ಜ್ವಲತ್ಕುಣ್ಡಾನ್ತಾವತರದ್ಭಕ್ತಾ ಜ್ವಲನಭಾಜನಾ ।
ಜ್ವಲನೋದ್ಧೂಪಿತಾಮೋದಾ ಜ್ವಲದ್ದೀಪ್ತಧರಾವೃತಾ ॥ ೧೨೨॥

ಜಾಜ್ವಲ್ಯಮಾನಾ ಜಯಿನೀ ಜಿತಾಮಿತ್ರಾ ಜಿತಪ್ರಿಯಾ ।
ಚಿನ್ತಾಮಣೀಶ್ವರೀ ಛಿನ್ನಮಸ್ತಾ ಛೇದಿತದಾನವಾ ॥ ೧೨೩॥

ಖಡ್ಗಧಾರೋನ್ನಟದ್ದಾಸಾ ಖಡ್ಗರಾವಣಪೂಜಿತಾ ।
ಖಡ್ಗಸಿದ್ಧಿಪ್ರದಾ ಖೇಟಹಸ್ತಾ ಖೇಟವಿಹಾರಿಣೀ ॥ ೧೨೪॥

ಖಟ್ವಾಙ್ಗಧರಜಪ್ರೀತಾ ಖಾದಿರಾಸನ ಸಂಸ್ಥಿತಾ ।
ಖಾದಿನೀ ಖಾದಿತಾರಾತಿಃ ಖನೀಶೀ ಖನಿದಾಯಿನೀ ॥ ೧೨೫॥

ಅಙ್ಕೋಲಿತಾನ್ತರಗುಹಾ ಅಙ್ಕುರದನ್ತಪಙ್ಕ್ತಿಕಾ ।
ನ್ಯಙ್ಕೂದರಸಮುದ್ಭೂತಾಽಭಙ್ಗುರಾಪಾಙ್ಗವೀಕ್ಷಣಾ ॥ ೧೨೬॥

ಪಿತೃಸ್ವಾಮಿಸಖೀ ಪತಿವರಾರೂಢಾ ಪತಿವ್ರತಾ ।
ಪ್ರಕಾಶಿತಾ ಪರಾದ್ರಿಸ್ಥಾ ಜಯನ್ತೀಪುರಪಾಲಿನೀ ॥ ೧೨೭॥

ಫಲಾದ್ರಿಸ್ಥಾ ಫಲಪ್ರೀತಾ ಪಾಣ್ಡ್ಯಭೂಪಾಲವನ್ದಿತಾ ।
ಅಫಲಾ ಸಫಲಾ ಫಾಲದೃಕ್ಕುಮಾರತಪಃಫಲಾ ॥ ೧೨೮॥

ಕುಮಾರಕೋಷ್ಠಗಾ ಕುನ್ತಶಕ್ತಿಚಿಹ್ನಧರಾವೃತಾ ।
ಸ್ಮರಬಾಣಾಯಿತಾಲೋಕಾ ಸ್ಮರವಿದ್ಯೋಹಿತಾಕೃತಿಃ ॥ ೧೨೯॥

ಕಾಲಮೇಘಾಯಿತಕಚಾ ಕಾಮಸೌಭಾಗ್ಯ ವಾರಿಧಿಃ ।
ಕಾನ್ತಾಲಕಾನ್ತಾ ಕಾಮೇಡ್ಯಾ ಕರಕೋನ್ನರ್ತನ ಪ್ರಿಯಾ ॥ ೧೩೦॥

ಪೌನಃ ಪುನ್ಯಪ್ರಿಯಾಲಾಯಾ ಪಮ್ಪಾವಾದ್ಯಪ್ರಿಯಾಧಿಕಾ ।
ರಮಣೀಯಾ ಸ್ಮರಣೀಯಾ ಭಜನೀಯಾ ಪರಾತ್ಪರಾ ॥ ೧೩೧॥

ನೀಲವಾಜಿಗತಾ ನೀಲಖಡ್ಗಾ ನೀಲಾಂಶುಕಾಽನಿಲಾ ।
ರಾತ್ರಿರ್ನಿದ್ರಾ ಭಗವತೀ ನಿದ್ರಾಕರ್ತ್ರೀ ವಿಭಾವರೀ ॥ ೧೩೨॥

ಶುಕಾಯಮಾನಕಾಯೋಕ್ತಿಃ ಕಿಂಶುಕಾಭಾಧರಾಮ್ಬರಾ ।
ಶುಕಮಾನಿತಚಿದ್ರೂಪಾ ಸಂಶುಕಾನ್ತಪ್ರಸಾಧಿನೀ ॥ ೧೩೩॥

ಗೂಢೋಕ್ತಾ ಗೂಢಗದಿತಾ ಗುಹಸಙ್ಕೇತಿತಾಽಗಗಾ ।
ಧೈರ್ಯಾ ಧೈರ್ಯವತೀ ಧಾತ್ರೀಪ್ರೇಷಿತಾಽವಾಪ್ತಕಾಮನಾ ॥ ೧೩೪॥

ಸನ್ದೃಷ್ಟಾ ಕುಕ್ಕುಟಾರಾವಧ್ವಸ್ತಧಮ್ಮಿಲ್ಲಜೀವಿನೀ ।
ಭದ್ರಾ ಭದ್ರಪ್ರದಾ ಭಕ್ತವತ್ಸಲಾ ಭದ್ರದಾಯಿನೀ ॥ ೧೩೫॥

ಭಾನುಕೋಟಿಪ್ರತೀಕಾಶಾ ಚನ್ದ್ರಕೋಟಿಸುಶೀತಲಾ ।
ಜ್ವಲನಾನ್ತಃಸ್ಥಿತಾ ಭಕ್ತವಿನುತಾ ಭಾಸ್ಕರೇಡಿತಾ ॥ ೧೩೬॥

ಅಭಙ್ಗುರಾ ಭಾರಹೀನಾ ಭಾರತೀ ಭಾರತೀಡಿತಾ ।
ಭರತೇಡ್ಯಾ ಭಾರತೇಶೀ ಭುವನೇಶೀ ಭಯಾಪಹಾ ॥ ೧೩೭॥

ಭೈರವೀ ಭೈರವೀಸೇವ್ಯಾ ಭೋಕ್ತ್ರೀ ಭೋಗೀನ್ದ್ರಸೇವಿತಾ ।
ಭೋಗೇಡಿತಾ ಭೋಗಕರೀ ಭೇರುಣ್ಡಾ ಭಗಮಾಲಿನೀ ॥ ೧೩೮॥

ಭಗಾರಾಧ್ಯಾ ಭಾಗವತಪ್ರಗೀತಾಽಭೇದವಾದಿನೀ ।
ಅನ್ಯಾಽನನ್ಯಾ ನಿಜಾನನ್ಯಾ ಸ್ವಾನನ್ಯಾಽನನ್ಯಕಾಮಿನೀ ॥ ೧೩೯॥

ಯಜ್ಞೇಶ್ವರೀ ಯಾಗಶೀಲಾ ಯಜ್ಞೋದ್ಗೀತಗುಹಾನುಗಾ ।
ಸುಬ್ರಹ್ಮಣ್ಯಗಾನರತಾ ಸುಬ್ರಹ್ಮಣ್ಯಸುಖಾಸ್ಪದಾ ॥ ೧೪೦॥

ಕುಮ್ಭಜೇಡ್ಯಾ ಕುತುಕಿತಾ ಕೌಸುಮ್ಭಾಮ್ಬರಮಣ್ಡಿತಾ ।
ಸಂಸ್ಕೃತಾ ಸಂಸ್ಕೃತಾರಾವಾ ಸರ್ವಾವಯವಸುನ್ದರೀ ॥ ೧೪೧॥

ಭೂತೇಶೀ ಭೂತಿದಾ ಭೂತಿಃ ಭೂತಾವೇಶನಿವಾರಿಣೀ ।
ಭೂಷಣಾಯಿತಭೂತಾಣ್ಡಾ ಭೂಚಕ್ರಾ ಭೂಧರಾಶ್ರಿತಾ ॥ ೧೪೨॥

ಭೂಲೋಕದೇವತಾ ಭೂಮಾ ಭೂಮಿದಾ ಭೂಮಿಕನ್ಯಕಾ ।
ಭೂಸುರೇಡ್ಯಾ ಭೂಸುರಾರಿವಿಮುಖಾ ಭಾನುಬಿಮ್ಬಗಾ ॥ ೧೪೩॥

ಪುರಾತನಾಽಭೂತಪೂರ್ವಾಽವಿಜಾತೀಯಾಽಧುನಾತನಾ ।
ಅಪರಾ ಸ್ವಗತಾಭೇದಾ ಸಜಾತೀಯವಿಭೇದಿನೀ ॥ ೧೪೪॥

ಅನನ್ತರಾಽರವಿನ್ದಾಭಾ ಹೃದ್ಯಾ ಹೃದಯಸಂಸ್ಥಿತಾ ।
ಹ್ರೀಮತೀ ಹೃದಯಾಸಕ್ತಾ ಹೃಷ್ಟಾ ಹೃನ್ಮೋಹಭಾಸ್ಕರಾ ॥ ೧೪೫॥

ಹಾರಿಣೀ ಹರಿಣೀ ಹಾರಾ ಹಾರಾಯಿತವಿಲಾಸಿನೀ ।
ಹರಾರಾವಪ್ರಮುದಿತಾ ಹೀರದಾ ಹೀರಭೂಷಣಾ ॥ ೧೪೬॥

ಹೀರಭೃದ್ವಿನುತಾ ಹೇಮಾ ಹೇಮಾಚಲನಿವಾಸಿನೀ ।
ಹೋಮಪ್ರಿಯಾ ಹೌತ್ರಪರಾ ಹುಙ್ಕಾರಾ ಹುಮ್ಫಡುಜ್ಜ್ವಲಾ ॥ ೧೪೭॥

ಹುತಾಶನೇಡಿತಾ ಹೇಲಾಮುದಿತಾ ಹೇಮಭೂಷಣಾ ।
ಜ್ಞಾನೇಶ್ವರೀ ಜ್ಞಾತತತ್ತ್ವಾ ಜ್ಞೇಯಾ ಜ್ಞೇಯವಿವರ್ಜಿತಾ ॥ ೧೪೮॥

ಜ್ಞಾನಂ ಜ್ಞಾನಾಕೃತಿರ್ಜ್ಞಾನಿವಿನುತಾ ಜ್ಞಾತಿವರ್ಜಿತಾ ।
ಜ್ಞಾತಾಖಿಲಾ ಜ್ಞಾನದಾತ್ರೀ ಜ್ಞಾತಾಜ್ಞಾತವಿವರ್ಜಿತಾ ॥ ೧೪೯॥

ಜ್ಞೇಯಾನನ್ಯಾ ಜ್ಞೇಯಗುಹಾ ವಿಜ್ಞೇಯಾಽಜ್ಞೇಯವರ್ಜಿತಾ ।
ಆಜ್ಞಾಕರೀ ಪರಾಜ್ಞಾತಾ ಪ್ರಾಜ್ಞಾ ಪ್ರಜ್ಞಾವಶೇಷಿತಾ ॥ ೧೫೦॥

ಸ್ವಾಜ್ಞಾಧೀನಾಮರಾಽನುಜ್ಞಾಕಾಙ್ಕ್ಷೋನ್ನೃತ್ಯತ್ಸುರಾಙ್ಗನಾ ।
ಸಗಜಾ ಅಗಜಾನನ್ದಾ ಸಗುಹಾ ಅಗುಹಾನ್ತರಾ ॥ ೧೫೧॥

ಸಾಧಾರಾ ಚ ನಿರಾಧಾರಾ ಭೂಧರಸ್ಥಾಽತಿಭೂಧರಾ ।
ಸಗುಣಾ ಚಾಗುಣಾಕಾರಾ ನಿರ್ಗುಣಾ ಚ ಗುಣಾಧಿಕಾ ॥ ೧೫೨॥

ಅಶೇಷಾ ಚಾವಿಶೇಷೇಡ್ಯಾ ಶುಭದಾ ಚಾಶುಭಾಪಹಾ ।
ಅತರ್ಕ್ಯಾ ವ್ಯಾಕೃತಾ ನ್ಯಾಯಕೋವಿದಾ ತತ್ತ್ವಬೋಧಿನೀ ॥ ೧೫೩॥

ಸಾಙ್ಖ್ಯೋಕ್ತಾ ಕಪಿಲಾನನ್ದಾ ವೈಶೇಷಿಕವಿನಿಶ್ಚಿತಾ ।
ಪುರಾಣಪ್ರಥಿತಾಽಪಾರಕರುಣಾ ವಾಕ್ಪ್ರದಾಯಿನೀ ॥ ೧೫೪॥

ಸಙ್ಖ್ಯಾವಿಹೀನಾಽಸಙ್ಖ್ಯೇಯಾ ಸುಸ್ಮೃತಾ ವಿಸ್ಮೃತಾಪಹಾ ।
ವೀರಬಾಹುನುತಾ ವೀರಕೇಸರೀಡಿತವೈಭವಾ ॥ ೧೫೫॥

ವೀರಮಾಹೇನ್ದ್ರವಿನುತಾ ವೀರಮಾಹೇಶ್ವರಾರ್ಚಿತಾ ।
ವೀರರಾಕ್ಷಸಸಮ್ಪೂಜ್ಯಾ ವೀರಮಾರ್ತಣ್ಡವನ್ದಿತಾ ॥ ೧೫೬॥

ವೀರಾನ್ತಕಸ್ತುತಾ ವೀರಪುರನ್ದರಸಮರ್ಚಿತಾ ।
ವೀರಧೀರಾರ್ಚಿತಪದಾ ನವವೀರಸಮಾಶ್ರಿತಾ ॥ ೧೫೭॥

ಭೈರವಾಷ್ಟಕಸಂಸೇವ್ಯಾ ಬ್ರಹ್ಮಾದ್ಯಷ್ಟಕಸೇವಿತಾ ।
ಇನ್ದ್ರಾದ್ಯಷ್ಟಕಸಮ್ಪೂಜ್ಯಾ ವಜ್ರಾದ್ಯಾಯುಧಶೋಭಿತಾ ॥ ೧೫೮॥

ಅಙ್ಗಾವರಣಸಂಯುಕ್ತಾ ಚಾನಙ್ಗಾಮೃತವರ್ಷಿಣೀ ।
ತಮೋಹನ್ತ್ರೀ ತಪೋಲಭ್ಯಾ ತಮಾಲರುಚಿರಾಽಬಲಾ ॥ ೧೫೯॥

ಸಾನನ್ದಾ ಸಹಜಾನನ್ದಾ ಗುಹಾನನ್ದವಿವರ್ಧಿನೀ ।
ಪರಾನನ್ದಾ ಶಿವಾನನ್ದಾ ಸಚ್ಚಿದಾನನ್ದರೂಪಿಣೀ ॥ ೧೬೦॥

ಪುತ್ರದಾ ವಸುದಾ ಸೌಖ್ಯದಾತ್ರೀ ಸರ್ವಾರ್ಥದಾಯಿನೀ ।
ಯೋಗಾರೂಢಾ ಯೋಗಿವನ್ದ್ಯಾ ಯೋಗದಾ ಗುಹಯೋಗಿನೀ ॥ ೧೬೧॥

ಪ್ರಮದಾ ಪ್ರಮದಾಕಾರಾ ಪ್ರಮಾದಾತ್ರೀ ಪ್ರಮಾಮಯೀ ।
ಭ್ರಮಾಪಹಾ ಭ್ರಾಮಯಿತ್ರೀ ಪ್ರಧಾನಾ ಪ್ರಬಲಾ ಪ್ರಮಾ ॥ ೧೬೨॥

ಪ್ರಶಾನ್ತಾ ಪ್ರಮಿತಾನನ್ದಾ ಪರಮಾನನ್ದನಿರ್ಭರಾ ।
ಪಾರಾವಾರಾ ಪರೋತ್ಕರ್ಷಾ ಪಾರ್ವತೀತನಯಪ್ರಿಯಾ ॥ ೧೬೩॥

ಪ್ರಸಾಧಿತಾ ಪ್ರಸನ್ನಾಸ್ಯಾ ಪ್ರಾಣಾಯಾಮಪರಾರ್ಚಿತಾ ।
ಪೂಜಿತಾ ಸಾಧುವಿನುತಾ ಸುರಸಾಸ್ವಾದಿತಾ ಸುಧಾ ॥ ೧೬೪॥

ಸ್ವಾಮಿನೀ ಸ್ವಾಮಿವನಿತಾ ಸಮನೀಸ್ಥಾ ಸಮಾನಿತಾ ।
ಸರ್ವಸಮ್ಮೋಹಿನೀ ವಿಶ್ವಜನನೀ ಶಕ್ತಿರೂಪಿಣೀ ॥ ೧೬೫॥

ಕುಮಾರದಕ್ಷಿಣೋತ್ಸಙ್ಗವಾಸಿನೀ ಭೋಗಮೋಕ್ಷದಾ ॥ ಓಂ ।

ಏವಂ ನಾಮಸಹಸ್ರಂ ತೇ ಪ್ರೋಕ್ತಂ ನಾರದ ಶೋಭನಮ್ ॥ ೧೬೬॥

ಸುಬ್ರಹ್ಮಣ್ಯಸ್ಯ ಕಾನ್ತಾಯಾ ವಲ್ಲೀದೇವ್ಯಾಃ ಪ್ರಿಯಙ್ಕರಮ್ ।
ನಿತ್ಯಂ ಸಙ್ಕೀರ್ತಯೇದೇತತ್ಸರ್ವಾನ್ಕಾಮಾನವಾಪ್ನುಯಾತ್ ॥ ೧೬೭॥

ಶುಕ್ರವಾರೇ ಭೌಮವಾರೇ ಷಷ್ಠ್ಯಾಂ ವಾ ಕೃತ್ತಿಕಾಸ್ಯಪಿ ।
ಸಙ್ಕ್ರಮಾದಿಷು ಕಾಲೇಷು ಗ್ರಹಣೇ ಚನ್ದ್ರಸೂರ್ಯಯೋಃ ॥ ೧೬೮॥

ಪಠೇದಿದಂ ವಿಶೇಷೇಣ ಸರ್ವಸಿದ್ಧಿಮವಾಪ್ನುಯಾತ್ ।
ಏಭಿರ್ನಾಮಭಿರಮ್ಬಾಂ ಯಃ ಕುಙ್ಕುಮಾದಿಭಿರರ್ಚಯೇತ್ ॥ ೧೬೯॥

ಯದ್ಯದ್ವಾಞ್ಛತಿ ತತ್ಸರ್ವಮಚಿರಾಜ್ಜಾಯತೇ ಧ್ರುವಮ್ ।
ಸುಬ್ರಹ್ಮಣ್ಯೋಽಪಿ ಸತತಂ ಪ್ರೀತಃ ಸರ್ವಾರ್ಥದೋ ಭವೇತ್ ॥ ೧೭೦॥

ಪುತ್ರಪೌತ್ರಾದಿದಂ ಸರ್ವಸಮ್ಪತ್ಪ್ರದ ಮಘಾಪಹಮ್ ।
ವಿದ್ಯಾಪ್ರದಂ ವಿಶೇಷೇಣ ಸರ್ವರೋಗನಿವರ್ತಕಮ್ ॥ ೧೭೧॥

ದುಷ್ಟಾರಿಷ್ಟಪ್ರಶಮನಂ ಗ್ರಹಶಾನ್ತಿಕರಂ ವರಮ್ ।
ಜಪಾದಸ್ಯ ಪ್ರಭಾವೇಣ ಸರ್ವಾಃ ಸಿದ್ಧ್ಯನ್ತಿ ಸಿದ್ಧಯಃ ।
ಗೋಪನೀಯಂ ಪಠ ತ್ವಂ ಚ ಸರ್ವಮಾಪ್ನುಹಿ ನಾರದ ॥ ೧೭೨॥

॥ ಸ್ಕಾನ್ದೇ ಶಙ್ಕರಸಂಹಿತಾತಃ ॥

From Bhagavati Stutimanjari (Mahaperiyaval Trust)
Encoded and proofread by Sunder Hattangadi sunderh at hotmail.com

Please send corrections to sanskrit@cheerful.com
Last updated ತ್oday
http://sanskritdocuments.org

Valli Sahasranama Stotram Lyrics in Kannada PDF
% File name : vallIsahasranAmastotra.itx
% Category : sahasranAma
% Location : doc\_devii
% Author : Vyasa (Skanda Purana - Shankara Samhita)
% Language : Sanskrit
% Subject : philosophy/hinduism/religion
% Transliterated by : Sunder Hattangadi sunderh at hotmail.com
% Proofread by : Sunder Hattangadi sunderh at hotmail.com
% Source : Bhagavati Stutimanjari (Mahaperiyaval Trust)
% Latest update : October 19, 2014
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 14, 2015 ] at Stotram Website