শ্যামলাদণ্ডকং কালিদাসবিরচিতম্

{॥ শ্যামলাদণ্ডকং কালিদাসবিরচিতম্ ॥}
॥ অথ শ্যামলা দণ্ডকম্ ॥
॥ ধ্যানম্ ॥
মাণিক্যবীণামুপলালযন্তীং
মদালসাং মঞ্জুলবাগ্বিলাসাম্ ।
মাহেন্দ্রনীলদ্যুতিকোমলাঙ্গীং
মাতঙ্গকন্যাং মনসা স্মরামি ॥ ১॥

চতুর্ভুজে চন্দ্রকলাবতংসে
কুচোন্নতে কুঙ্কুমরাগশোণে ।
পুণ্ড্রেক্ষুপাশাঙ্কুশপুষ্পবাণ-
হস্তে নমস্তে জগদেকমাতঃ ॥ ২॥

॥ বিনিযোগঃ ॥
মাতা মরকতশ্যামা মাতঙ্গী মদশালিনী ।
কুর্যাত্ কটাক্ষং কল্যাণী কদংববনবাসিনী ॥ ৩॥

॥ স্তুতি ॥
জয মাতঙ্গতনযে জয নীলোত্পলদ্যুতে ।
জয সঙ্গীতরসিকে জয লীলাশুকপ্রিযে ॥ ৪॥

॥ দণ্ডকম্ ॥
জয জননি সুধাসমুদ্রান্তরুদ্যন্মণীদ্বীপসংরূঢ্ -
বিল্বাটবীমধ্যকল্পদ্রুমাকল্পকাদংবকান্তারবাসপ্রিযে
কৃত্তিবাসপ্রিযে সর্বলোকপ্রিযে
সাদরারব্ধসংগীতসংভাবনাসংভ্রমালোল-
নীপস্রগাবদ্ধচূলীসনাথত্রিকে সানুমত্পুত্রিকে
শেখরীভূতশীতাংশুরেখামযূখাবলীবদ্ধ-
সুস্নিগ্ধনীলালকশ্রেণিশৃঙ্গারিতে লোকসংভাবিতে
কামলীলাধনুস্সন্নিভভ্রূলতাপুষ্পসন্দোহসন্দেহকৃল্লোচনে
বাক্সুধাসেচনে চারুগোরোচনাপঙ্ককেলীললামাভিরামে সুরামে রমে
প্রোল্লসদ্ধ্বালিকামৌক্তিকশ্রেণিকাচন্দ্রিকামণ্ডলোদ্ভাসি
লাবণ্যগণ্ডস্থলন্যস্তকস্তূরিকাপত্ররেখাসমুদ্ভূতসৌরভ্য-
সংভ্রান্তভৃঙ্গাঙ্গনাগীতসান্দ্রীভবন্মন্দ্রতন্ত্রীস্বরে
সুস্বরে ভাস্বরে
বল্লকীবাদনপ্রক্রিযালোলতালীদলাবদ্ধ-
তাটঙ্কভূষাবিশেষান্বিতে সিদ্ধসম্মানিতে
দিব্যহালামদোদ্বেলহেলালসচ্চক্ষুরান্দোলনশ্রীসমাক্ষিপ্তকর্ণৈক-
নীলোত্পলে শ্যামলে পূরিতাশেষলোকাভিবাঞ্ছাফলে শ্রীফলে
স্বেদবিন্দূল্লসদ্ফাললাবণ্য নিষ্যন্দসন্দোহসন্দেহকৃন্নাসিকামৌক্তিকে
সর্ববিশ্বাত্মিকে সর্বসিদ্ধ্যাত্মিকে কালিকে মুগ্দ্ধমন্দস্মিতোদারবক্ত্র-
স্ফুরত্ পূগতাম্বূলকর্পূরখণ্ডোত্করে জ্ঞানমুদ্রাকরে সর্বসম্পত্করে
পদ্মভাস্বত্করে শ্রীকরে
কুন্দপুষ্পদ্যুতিস্নিগ্ধদন্তাবলীনির্মলালোলকল্লোলসম্মেলন
স্মেরশোণাধরে চারুবীণাধরে পক্ববিংবাধরে
সুললিত নবযৌবনারংভচন্দ্রোদযোদ্বেললাবণ্যদুগ্ধার্ণবাবির্ভবত্
কম্বুবিম্বোকভৃত্কন্থরে সত্কলামন্দিরে মন্থরে
দিব্যরত্নপ্রভাবন্ধুরচ্ছন্নহারাদিভূষাসমুদ্যোতমানানবদ্যাঙ্গ-
শোভে শুভে
রত্নকেযূররশ্মিচ্ছটাপল্লবপ্রোল্লসদ্দোল্লতারাজিতে যোগিভিঃ
পূজিতে বিশ্বদিঙ্মণ্ডলব্যাপ্তমাণিক্যতেজস্স্ফুরত্কঙ্কণালংকৃতে
বিভ্রমালংকৃতে সাধুভিঃ পূজিতে বাসরারংভবেলাসমুজ্জৃম্ভ
মাণারবিন্দপ্রতিদ্বন্দ্বিপাণিদ্বযে সন্ততোদ্যদ্দযে অদ্বযে
দিব্যরত্নোর্মিকাদীধিতিস্তোমসন্ধ্যাযমানাঙ্গুলীপল্লবোদ্য
ন্নখেন্দুপ্রভামণ্ডলে সন্নুতাখণ্ডলে চিত্প্রভামণ্ডলে প্রোল্লসত্কুণ্ডলে
তারকারাজিনীকাশহারাবলিস্মের চারুস্তনাভোগভারানমন্মধ্য-
বল্লীবলিচ্ছেদ বীচীসমুদ্যত্সমুল্লাসসন্দর্শিতাকারসৌন্দর্যরত্নাকরে
বল্লকীভৃত্করে কিঙ্করশ্রীকরে
হেমকুংভোপমোত্তুঙ্গ বক্ষোজভারাবনম্রে ত্রিলোকাবনম্রে
লসদ্বৃত্তগংভীর নাভীসরস্তীরশৈবালশঙ্কাকরশ্যামরোমাবলীভূষণে
মঞ্জুসংভাষণে
চারুশিঞ্চত্কটীসূত্রনির্ভত্সিতানঙ্গলীলধনুশ্শিঞ্চিনীডংবরে
দিব্যরত্নাম্বরে
পদ্মরাগোল্লস ন্মেখলামৌক্তিকশ্রোণিশোভাজিতস্বর্ণভূভৃত্তলে
চন্দ্রিকাশীতলে বিকসিতনবকিংশুকাতাম্রদিব্যাংশুকচ্ছন্ন
চারূরুশোভাপরাভূতসিন্দূরশোণাযমানেন্দ্রমাতঙ্গ
হস্মার্গ্গলে বৈভবানর্গ্গলে শ্যামলে কোমলস্নিগ্দ্ধ
নীলোত্পলোত্পাদিতানঙ্গতূণীরশঙ্কাকরোদার
জংঘালতে চারুলীলাগতে নম্রদিক্পালসীমন্তিনী
কুন্তলস্নিগ্দ্ধনীলপ্রভাপুঞ্চসঞ্জাতদুর্বাঙ্কুরাশঙ্ক
সারংগসংযোগরিংখন্নখেন্দূজ্জ্বলে প্রোজ্জ্বলে
নির্মলে প্রহ্ব দেবেশ লক্ষ্মীশ ভূতেশ তোযেশ বাণীশ কীনাশ
দৈত্যেশ যক্ষেশ বায্বগ্নিকোটীরমাণিক্য সংহৃষ্টবালাতপোদ্দাম--
লাক্ষারসারুণ্যতারুণ্য লক্ষ্মীগৃহিতাঙ্ঘ্রিপদ্ম্মে সুপদ্মে উমে
সুরুচিরনবরত্নপীঠস্থিতে সুস্থিতে
রত্নপদ্মাসনে রত্নসিম্হাসনে শঙ্খপদ্মদ্বযোপাশ্রিতে বিশ্রুতে
তত্র বিঘ্নেশদুর্গাবটুক্ষেত্রপালৈর্যুতে মত্তমাতঙ্গ
কন্যাসমূহান্বিতে ভৈরবৈরষ্টভির্বেষ্টিতে
মঞ্চুলামেনকাদ্যঙ্গনামানিতে দেবি বামাদিভিঃ শক্তিভিস্সেবিতে
ধাত্রি লক্ষ্ম্যাদিশক্ত্যষ্টকৈঃ সংযুতে মাতৃকামণ্ডলৈর্মণ্ডিতে
যক্ষগন্ধর্বসিদ্ধাঙ্গনা মণ্ডলৈরর্চিতে
ভৈরবী সংবৃতে পঞ্চবাণাত্মিকে পঞ্চবাণেন রত্যা চ
সংভাবিতে প্রীতিভাজা বসন্তেন চানন্দিতে ভক্তিভাজং পরং শ্রেযসে
কল্পসে যোগিনাং মানসে দ্যোতসে ছন্দসামোজসা ভ্রাজসে গীতবিদ্যা
বিনোদাতি তৃষ্ণেন কৃষ্ণেন সম্পূজ্যসে ভক্তিমচ্চেতসা বেধসা
স্তূযসে বিশ্বহৃদ্যেন বাদ্যেন বিদ্যাধরৈর্গীযসে
শ্রবণহরদক্ষিণক্বাণযা বীণযা কিন্নরৈর্গীযসে
যক্ষগন্ধর্বসিদ্ধাঙ্গনা মণ্ডলৈরর্চ্যসে
সর্বসৌভাগ্যবাঞ্ছাবতীভির্ বধূভিস্সুরাণাং সমারাধ্যসে
সর্ববিদ্যাবিশেষত্মকং চাটুগাথা সমুচ্চারণাকণ্ঠমূলোল্লসদ্-
বর্ণরাজিত্রযং কোমলশ্যামলোদারপক্ষদ্বযং তুণ্ডশোভাতিদূরীভবত্
কিংশুকং তং শুকং লালযন্তী পরিক্রীডসে
পাণিপদ্মদ্বযেনাক্ষমালামপি স্ফাটিকীং জ্ঞানসারাত্মকং var মালাগুণ
পুস্তকঞ্চঙ্কুশং পাশমাবিভ্রতী তেন সঞ্চিন্ত্যসে তস্য
বক্ত্রান্তরাত্ গদ্যপদ্যাত্মিকা ভারতী নিস্সরেত্ যেন বাধ্বংসনাদা
কৃতির্ভাব্যসে তস্য বশ্যা ভবন্তিস্তিযঃ পূরুষাঃ যেন বা
শাতকংবদ্যুতির্ভাব্যসে সোপি লক্ষ্মীসহস্রৈঃ পরিক্রীডতে
কিন্ন সিদ্ধ্যেদ্বপুঃ শ্যামলং কোমলং চন্দ্রচূডান্বিতং
তাবকং ধ্যাযতঃ তস্য লীলা সরোবারিধীঃ তস্য কেলীবনং
নন্দনং তস্য ভদ্রাসনং ভূতলং তস্য গীর্দেবতা কিঙ্করি
তস্য চাজ্ঞাকরী শ্রী স্বযং
সর্বতীর্থাত্মিকে সর্ব মন্ত্রাত্মিকে
সর্ব যন্ত্রাত্মিকে সর্ব তন্ত্রাত্মিকে
সর্ব চক্রাত্মিকে সর্ব শক্ত্যাত্মিকে
সর্ব পীঠাত্মিকে সর্ব বেদাত্মিকে
সর্ব বিদ্যাত্মিকে সর্ব যোগাত্মিকে
সর্ব বর্ণাত্মিকে সর্বগীতাত্মিকে
সর্ব নাদাত্মিকে সর্ব শব্দাত্মিকে
সর্ব বিশ্বাত্মিকে সর্ব বর্গাত্মিকে
সর্ব সর্বাত্মিকে সর্বগে সর্ব রূপে
জগন্মাতৃকে পাহি মাং পাহি মাং পাহি মাং
দেবি তুভ্যং নমো দেবি তুভ্যং নমো দেবি তুভ্যং নমো
দেবি তুভ্যং নমঃ
॥ ইতি শ্যামলা দণ্ডকম্ সম্পূর্ণম্ ॥

Encoded and proofread by P. P. Narayanaswami (swami@math.mun.ca)
and srirama at navayuga.com, Avinash

Please send corrections to sanskrit@cheerful.com
Last updated ত্oday
http://sanskritdocuments.org

Shyamala Dandakam Lyrics in Bengali PDF
% File name : shyaamala.itx
% Location : doc\_devii
% Author : Kalidasa
% Language : Sanskrit
% Subject : philosophy/hinduism/literature
% Transliterated by : P. P. Narayanaswami (swami at math.mun.ca)
% Proofread by : P. P. Narayanaswami (swami at math.mun.ca), srirama\_at\_navayuga.com, Avinash
% Latest update : December 24, 2008, April 5, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 14, 2015 ] at Stotram Website