{॥ ଶ୍ଯାମଲାଦଣ୍ଡକଂ କାଲିଦାସଵିରଚିତମ୍ ॥}
॥ ଅଥ ଶ୍ଯାମଲା ଦଣ୍ଡକମ୍ ॥
॥ ଧ୍ଯାନମ୍ ॥
ମାଣିକ୍ଯଵୀଣାମୁପଲାଲଯନ୍ତୀଂ
ମଦାଲସାଂ ମଞ୍ଜୁଲଵାଗ୍ଵିଲାସାମ୍ ।
ମାହେନ୍ଦ୍ରନୀଲଦ୍ଯୁତିକୋମଲାଙ୍ଗୀଂ
ମାତଙ୍ଗକନ୍ଯାଂ ମନସା ସ୍ମରାମି ॥ ୧॥

ଚତୁର୍ଭୁଜେ ଚନ୍ଦ୍ରକଲାଵତଂସେ
କୁଚୋନ୍ନତେ କୁଙ୍କୁମରାଗଶୋଣେ ।
ପୁଣ୍ଡ୍ରେକ୍ଷୁପାଶାଙ୍କୁଶପୁଷ୍ପବାଣ-
ହସ୍ତେ ନମସ୍ତେ ଜଗଦେକମାତଃ ॥ ୨॥

॥ ଵିନିଯୋଗଃ ॥
ମାତା ମରକତଶ୍ଯାମା ମାତଙ୍ଗୀ ମଦଶାଲିନୀ ।
କୁର୍ଯାତ୍ କଟାକ୍ଷଂ କଲ୍ଯାଣୀ କଦଂବଵନଵାସିନୀ ॥ ୩॥

॥ ସ୍ତୁତି ॥
ଜଯ ମାତଙ୍ଗତନଯେ ଜଯ ନୀଲୋତ୍ପଲଦ୍ଯୁତେ ।
ଜଯ ସଙ୍ଗୀତରସିକେ ଜଯ ଲୀଲାଶୁକପ୍ରିଯେ ॥ ୪॥

॥ ଦଣ୍ଡକମ୍ ॥
ଜଯ ଜନନି ସୁଧାସମୁଦ୍ରାନ୍ତରୁଦ୍ଯନ୍ମଣୀଦ୍ଵୀପସଂରୂଢ୍ -
ବିଲ୍ଵାଟଵୀମଧ୍ଯକଲ୍ପଦ୍ରୁମାକଲ୍ପକାଦଂବକାନ୍ତାରଵାସପ୍ରିଯେ
କୃତ୍ତିଵାସପ୍ରିଯେ ସର୍ଵଲୋକପ୍ରିଯେ
ସାଦରାରବ୍ଧସଂଗୀତସଂଭାଵନାସଂଭ୍ରମାଲୋଲ-
ନୀପସ୍ରଗାବଦ୍ଧଚୂଲୀସନାଥତ୍ରିକେ ସାନୁମତ୍ପୁତ୍ରିକେ
ଶେଖରୀଭୂତଶୀତାଂଶୁରେଖାମଯୂଖାଵଲୀବଦ୍ଧ-
ସୁସ୍ନିଗ୍ଧନୀଲାଲକଶ୍ରେଣିଶୃଙ୍ଗାରିତେ ଲୋକସଂଭାଵିତେ
କାମଲୀଲାଧନୁସ୍ସନ୍ନିଭଭ୍ରୂଲତାପୁଷ୍ପସନ୍ଦୋହସନ୍ଦେହକୃଲ୍ଲୋଚନେ
ଵାକ୍ସୁଧାସେଚନେ ଚାରୁଗୋରୋଚନାପଙ୍କକେଲୀଲଲାମାଭିରାମେ ସୁରାମେ ରମେ
ପ୍ରୋଲ୍ଲସଦ୍ଧ୍ଵାଲିକାମୌକ୍ତିକଶ୍ରେଣିକାଚନ୍ଦ୍ରିକାମଣ୍ଡଲୋଦ୍ଭାସି
ଲାଵଣ୍ଯଗଣ୍ଡସ୍ଥଲନ୍ଯସ୍ତକସ୍ତୂରିକାପତ୍ରରେଖାସମୁଦ୍ଭୂତସୌରଭ୍ଯ-
ସଂଭ୍ରାନ୍ତଭୃଙ୍ଗାଙ୍ଗନାଗୀତସାନ୍ଦ୍ରୀଭଵନ୍ମନ୍ଦ୍ରତନ୍ତ୍ରୀସ୍ଵରେ
ସୁସ୍ଵରେ ଭାସ୍ଵରେ
ଵଲ୍ଲକୀଵାଦନପ୍ରକ୍ରିଯାଲୋଲତାଲୀଦଲାବଦ୍ଧ-
ତାଟଙ୍କଭୂଷାଵିଶେଷାନ୍ଵିତେ ସିଦ୍ଧସମ୍ମାନିତେ
ଦିଵ୍ଯହାଲାମଦୋଦ୍ଵେଲହେଲାଲସଚ୍ଚକ୍ଷୁରାନ୍ଦୋଲନଶ୍ରୀସମାକ୍ଷିପ୍ତକର୍ଣୈକ-
ନୀଲୋତ୍ପଲେ ଶ୍ଯାମଲେ ପୂରିତାଶେଷଲୋକାଭିଵାଞ୍ଛାଫଲେ ଶ୍ରୀଫଲେ
ସ୍ଵେଦବିନ୍ଦୂଲ୍ଲସଦ୍ଫାଲଲାଵଣ୍ଯ ନିଷ୍ଯନ୍ଦସନ୍ଦୋହସନ୍ଦେହକୃନ୍ନାସିକାମୌକ୍ତିକେ
ସର୍ଵଵିଶ୍ଵାତ୍ମିକେ ସର୍ଵସିଦ୍ଧ୍ଯାତ୍ମିକେ କାଲିକେ ମୁଗ୍ଦ୍ଧମନ୍ଦସ୍ମିତୋଦାରଵକ୍ତ୍ର-
ସ୍ଫୁରତ୍ ପୂଗତାମ୍ବୂଲକର୍ପୂରଖଣ୍ଡୋତ୍କରେ ଜ୍ଞାନମୁଦ୍ରାକରେ ସର୍ଵସମ୍ପତ୍କରେ
ପଦ୍ମଭାସ୍ଵତ୍କରେ ଶ୍ରୀକରେ
କୁନ୍ଦପୁଷ୍ପଦ୍ଯୁତିସ୍ନିଗ୍ଧଦନ୍ତାଵଲୀନିର୍ମଲାଲୋଲକଲ୍ଲୋଲସମ୍ମେଲନ
ସ୍ମେରଶୋଣାଧରେ ଚାରୁଵୀଣାଧରେ ପକ୍ଵବିଂବାଧରେ
ସୁଲଲିତ ନଵଯୌଵନାରଂଭଚନ୍ଦ୍ରୋଦଯୋଦ୍ଵେଲଲାଵଣ୍ଯଦୁଗ୍ଧାର୍ଣଵାଵିର୍ଭଵତ୍
କମ୍ବୁବିମ୍ବୋକଭୃତ୍କନ୍ଥରେ ସତ୍କଲାମନ୍ଦିରେ ମନ୍ଥରେ
ଦିଵ୍ଯରତ୍ନପ୍ରଭାବନ୍ଧୁରଚ୍ଛନ୍ନହାରାଦିଭୂଷାସମୁଦ୍ଯୋତମାନାନଵଦ୍ଯାଙ୍ଗ-
ଶୋଭେ ଶୁଭେ
ରତ୍ନକେଯୂରରଶ୍ମିଚ୍ଛଟାପଲ୍ଲଵପ୍ରୋଲ୍ଲସଦ୍ଦୋଲ୍ଲତାରାଜିତେ ଯୋଗିଭିଃ
ପୂଜିତେ ଵିଶ୍ଵଦିଙ୍ମଣ୍ଡଲଵ୍ଯାପ୍ତମାଣିକ୍ଯତେଜସ୍ସ୍ଫୁରତ୍କଙ୍କଣାଲଂକୃତେ
ଵିଭ୍ରମାଲଂକୃତେ ସାଧୁଭିଃ ପୂଜିତେ ଵାସରାରଂଭଵେଲାସମୁଜ୍ଜୃମ୍ଭ
ମାଣାରଵିନ୍ଦପ୍ରତିଦ୍ଵନ୍ଦ୍ଵିପାଣିଦ୍ଵଯେ ସନ୍ତତୋଦ୍ଯଦ୍ଦଯେ ଅଦ୍ଵଯେ
ଦିଵ୍ଯରତ୍ନୋର୍ମିକାଦୀଧିତିସ୍ତୋମସନ୍ଧ୍ଯାଯମାନାଙ୍ଗୁଲୀପଲ୍ଲଵୋଦ୍ଯ
ନ୍ନଖେନ୍ଦୁପ୍ରଭାମଣ୍ଡଲେ ସନ୍ନୁତାଖଣ୍ଡଲେ ଚିତ୍ପ୍ରଭାମଣ୍ଡଲେ ପ୍ରୋଲ୍ଲସତ୍କୁଣ୍ଡଲେ
ତାରକାରାଜିନୀକାଶହାରାଵଲିସ୍ମେର ଚାରୁସ୍ତନାଭୋଗଭାରାନମନ୍ମଧ୍ଯ-
ଵଲ୍ଲୀଵଲିଚ୍ଛେଦ ଵୀଚୀସମୁଦ୍ଯତ୍ସମୁଲ୍ଲାସସନ୍ଦର୍ଶିତାକାରସୌନ୍ଦର୍ଯରତ୍ନାକରେ
ଵଲ୍ଲକୀଭୃତ୍କରେ କିଙ୍କରଶ୍ରୀକରେ
ହେମକୁଂଭୋପମୋତ୍ତୁଙ୍ଗ ଵକ୍ଷୋଜଭାରାଵନମ୍ରେ ତ୍ରିଲୋକାଵନମ୍ରେ
ଲସଦ୍ଵୃତ୍ତଗଂଭୀର ନାଭୀସରସ୍ତୀରଶୈଵାଲଶଙ୍କାକରଶ୍ଯାମରୋମାଵଲୀଭୂଷଣେ
ମଞ୍ଜୁସଂଭାଷଣେ
ଚାରୁଶିଞ୍ଚତ୍କଟୀସୂତ୍ରନିର୍ଭତ୍ସିତାନଙ୍ଗଲୀଲଧନୁଶ୍ଶିଞ୍ଚିନୀଡଂବରେ
ଦିଵ୍ଯରତ୍ନାମ୍ବରେ
ପଦ୍ମରାଗୋଲ୍ଲସ ନ୍ମେଖଲାମୌକ୍ତିକଶ୍ରୋଣିଶୋଭାଜିତସ୍ଵର୍ଣଭୂଭୃତ୍ତଲେ
ଚନ୍ଦ୍ରିକାଶୀତଲେ ଵିକସିତନଵକିଂଶୁକାତାମ୍ରଦିଵ୍ଯାଂଶୁକଚ୍ଛନ୍ନ
ଚାରୂରୁଶୋଭାପରାଭୂତସିନ୍ଦୂରଶୋଣାଯମାନେନ୍ଦ୍ରମାତଙ୍ଗ
ହସ୍ମାର୍ଗ୍ଗଲେ ଵୈଭଵାନର୍ଗ୍ଗଲେ ଶ୍ଯାମଲେ କୋମଲସ୍ନିଗ୍ଦ୍ଧ
ନୀଲୋତ୍ପଲୋତ୍ପାଦିତାନଙ୍ଗତୂଣୀରଶଙ୍କାକରୋଦାର
ଜଂଘାଲତେ ଚାରୁଲୀଲାଗତେ ନମ୍ରଦିକ୍ପାଲସୀମନ୍ତିନୀ
କୁନ୍ତଲସ୍ନିଗ୍ଦ୍ଧନୀଲପ୍ରଭାପୁଞ୍ଚସଞ୍ଜାତଦୁର୍ଵାଙ୍କୁରାଶଙ୍କ
ସାରଂଗସଂଯୋଗରିଂଖନ୍ନଖେନ୍ଦୂଜ୍ଜ୍ଵଲେ ପ୍ରୋଜ୍ଜ୍ଵଲେ
ନିର୍ମଲେ ପ୍ରହ୍ଵ ଦେଵେଶ ଲକ୍ଷ୍ମୀଶ ଭୂତେଶ ତୋଯେଶ ଵାଣୀଶ କୀନାଶ
ଦୈତ୍ଯେଶ ଯକ୍ଷେଶ ଵାଯ୍ଵଗ୍ନିକୋଟୀରମାଣିକ୍ଯ ସଂହୃଷ୍ଟବାଲାତପୋଦ୍ଦାମ--
ଲାକ୍ଷାରସାରୁଣ୍ଯତାରୁଣ୍ଯ ଲକ୍ଷ୍ମୀଗୃହିତାଙ୍ଘ୍ରିପଦ୍ମ୍ମେ ସୁପଦ୍ମେ ଉମେ
ସୁରୁଚିରନଵରତ୍ନପୀଠସ୍ଥିତେ ସୁସ୍ଥିତେ
ରତ୍ନପଦ୍ମାସନେ ରତ୍ନସିମ୍ହାସନେ ଶଙ୍ଖପଦ୍ମଦ୍ଵଯୋପାଶ୍ରିତେ ଵିଶ୍ରୁତେ
ତତ୍ର ଵିଘ୍ନେଶଦୁର୍ଗାଵଟୁକ୍ଷେତ୍ରପାଲୈର୍ଯୁତେ ମତ୍ତମାତଙ୍ଗ
କନ୍ଯାସମୂହାନ୍ଵିତେ ଭୈରଵୈରଷ୍ଟଭିର୍ଵେଷ୍ଟିତେ
ମଞ୍ଚୁଲାମେନକାଦ୍ଯଙ୍ଗନାମାନିତେ ଦେଵି ଵାମାଦିଭିଃ ଶକ୍ତିଭିସ୍ସେଵିତେ
ଧାତ୍ରି ଲକ୍ଷ୍ମ୍ଯାଦିଶକ୍ତ୍ଯଷ୍ଟକୈଃ ସଂଯୁତେ ମାତୃକାମଣ୍ଡଲୈର୍ମଣ୍ଡିତେ
ଯକ୍ଷଗନ୍ଧର୍ଵସିଦ୍ଧାଙ୍ଗନା ମଣ୍ଡଲୈରର୍ଚିତେ
ଭୈରଵୀ ସଂଵୃତେ ପଞ୍ଚବାଣାତ୍ମିକେ ପଞ୍ଚବାଣେନ ରତ୍ଯା ଚ
ସଂଭାଵିତେ ପ୍ରୀତିଭାଜା ଵସନ୍ତେନ ଚାନନ୍ଦିତେ ଭକ୍ତିଭାଜଂ ପରଂ ଶ୍ରେଯସେ
କଲ୍ପସେ ଯୋଗିନାଂ ମାନସେ ଦ୍ଯୋତସେ ଛନ୍ଦସାମୋଜସା ଭ୍ରାଜସେ ଗୀତଵିଦ୍ଯା
ଵିନୋଦାତି ତୃଷ୍ଣେନ କୃଷ୍ଣେନ ସମ୍ପୂଜ୍ଯସେ ଭକ୍ତିମଚ୍ଚେତସା ଵେଧସା
ସ୍ତୂଯସେ ଵିଶ୍ଵହୃଦ୍ଯେନ ଵାଦ୍ଯେନ ଵିଦ୍ଯାଧରୈର୍ଗୀଯସେ
ଶ୍ରଵଣହରଦକ୍ଷିଣକ୍ଵାଣଯା ଵୀଣଯା କିନ୍ନରୈର୍ଗୀଯସେ
ଯକ୍ଷଗନ୍ଧର୍ଵସିଦ୍ଧାଙ୍ଗନା ମଣ୍ଡଲୈରର୍ଚ୍ଯସେ
ସର୍ଵସୌଭାଗ୍ଯଵାଞ୍ଛାଵତୀଭିର୍ ଵଧୂଭିସ୍ସୁରାଣାଂ ସମାରାଧ୍ଯସେ
ସର୍ଵଵିଦ୍ଯାଵିଶେଷତ୍ମକଂ ଚାଟୁଗାଥା ସମୁଚ୍ଚାରଣାକଣ୍ଠମୂଲୋଲ୍ଲସଦ୍-
ଵର୍ଣରାଜିତ୍ରଯଂ କୋମଲଶ୍ଯାମଲୋଦାରପକ୍ଷଦ୍ଵଯଂ ତୁଣ୍ଡଶୋଭାତିଦୂରୀଭଵତ୍
କିଂଶୁକଂ ତଂ ଶୁକଂ ଲାଲଯନ୍ତୀ ପରିକ୍ରୀଡସେ
ପାଣିପଦ୍ମଦ୍ଵଯେନାକ୍ଷମାଲାମପି ସ୍ଫାଟିକୀଂ ଜ୍ଞାନସାରାତ୍ମକଂ var ମାଲାଗୁଣ
ପୁସ୍ତକଞ୍ଚଙ୍କୁଶଂ ପାଶମାବିଭ୍ରତୀ ତେନ ସଞ୍ଚିନ୍ତ୍ଯସେ ତସ୍ଯ
ଵକ୍ତ୍ରାନ୍ତରାତ୍ ଗଦ୍ଯପଦ୍ଯାତ୍ମିକା ଭାରତୀ ନିସ୍ସରେତ୍ ଯେନ ଵାଧ୍ଵଂସନାଦା
କୃତିର୍ଭାଵ୍ଯସେ ତସ୍ଯ ଵଶ୍ଯା ଭଵନ୍ତିସ୍ତିଯଃ ପୂରୁଷାଃ ଯେନ ଵା
ଶାତକଂବଦ୍ଯୁତିର୍ଭାଵ୍ଯସେ ସୋପି ଲକ୍ଷ୍ମୀସହସ୍ରୈଃ ପରିକ୍ରୀଡତେ
କିନ୍ନ ସିଦ୍ଧ୍ଯେଦ୍ଵପୁଃ ଶ୍ଯାମଲଂ କୋମଲଂ ଚନ୍ଦ୍ରଚୂଡାନ୍ଵିତଂ
ତାଵକଂ ଧ୍ଯାଯତଃ ତସ୍ଯ ଲୀଲା ସରୋଵାରିଧୀଃ ତସ୍ଯ କେଲୀଵନଂ
ନନ୍ଦନଂ ତସ୍ଯ ଭଦ୍ରାସନଂ ଭୂତଲଂ ତସ୍ଯ ଗୀର୍ଦେଵତା କିଙ୍କରି
ତସ୍ଯ ଚାଜ୍ଞାକରୀ ଶ୍ରୀ ସ୍ଵଯଂ
ସର୍ଵତୀର୍ଥାତ୍ମିକେ ସର୍ଵ ମନ୍ତ୍ରାତ୍ମିକେ
ସର୍ଵ ଯନ୍ତ୍ରାତ୍ମିକେ ସର୍ଵ ତନ୍ତ୍ରାତ୍ମିକେ
ସର୍ଵ ଚକ୍ରାତ୍ମିକେ ସର୍ଵ ଶକ୍ତ୍ଯାତ୍ମିକେ
ସର୍ଵ ପୀଠାତ୍ମିକେ ସର୍ଵ ଵେଦାତ୍ମିକେ
ସର୍ଵ ଵିଦ୍ଯାତ୍ମିକେ ସର୍ଵ ଯୋଗାତ୍ମିକେ
ସର୍ଵ ଵର୍ଣାତ୍ମିକେ ସର୍ଵଗୀତାତ୍ମିକେ
ସର୍ଵ ନାଦାତ୍ମିକେ ସର୍ଵ ଶବ୍ଦାତ୍ମିକେ
ସର୍ଵ ଵିଶ୍ଵାତ୍ମିକେ ସର୍ଵ ଵର୍ଗାତ୍ମିକେ
ସର୍ଵ ସର୍ଵାତ୍ମିକେ ସର୍ଵଗେ ସର୍ଵ ରୂପେ
ଜଗନ୍ମାତୃକେ ପାହି ମାଂ ପାହି ମାଂ ପାହି ମାଂ
ଦେଵି ତୁଭ୍ଯଂ ନମୋ ଦେଵି ତୁଭ୍ଯଂ ନମୋ ଦେଵି ତୁଭ୍ଯଂ ନମୋ
ଦେଵି ତୁଭ୍ଯଂ ନମଃ
॥ ଇତି ଶ୍ଯାମଲା ଦଣ୍ଡକମ୍ ସମ୍ପୂର୍ଣମ୍ ॥

Encoded and proofread by P. P. Narayanaswami (swami@math.mun.ca)
and srirama at navayuga.com, Avinash

Please send corrections to sanskrit@cheerful.com
Last updated ତ୍oday
http://sanskritdocuments.org

Shyamala Dandakam Lyrics in Oriya PDF
% File name : shyaamala.itx
% Location : doc\_devii
% Author : Kalidasa
% Language : Sanskrit
% Subject : philosophy/hinduism/literature
% Transliterated by : P. P. Narayanaswami (swami at math.mun.ca)
% Proofread by : P. P. Narayanaswami (swami at math.mun.ca), srirama\_at\_navayuga.com, Avinash
% Latest update : December 24, 2008, April 5, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 14, 2015 ] at Stotram Website