{॥ శ్యామలాదణ్డకం కాలిదాసవిరచితమ్ ॥}
॥ అథ శ్యామలా దణ్డకమ్ ॥
॥ ధ్యానమ్ ॥
మాణిక్యవీణాముపలాలయన్తీం
మదాలసాం మఞ్జులవాగ్విలాసామ్ ।
మాహేన్ద్రనీలద్యుతికోమలాఙ్గీం
మాతఙ్గకన్యాం మనసా స్మరామి ॥ ౧॥

చతుర్భుజే చన్ద్రకలావతంసే
కుచోన్నతే కుఙ్కుమరాగశోణే ।
పుణ్డ్రేక్షుపాశాఙ్కుశపుష్పబాణ-
హస్తే నమస్తే జగదేకమాతః ॥ ౨॥

॥ వినియోగః ॥
మాతా మరకతశ్యామా మాతఙ్గీ మదశాలినీ ।
కుర్యాత్ కటాక్షం కల్యాణీ కదంబవనవాసినీ ॥ ౩॥

॥ స్తుతి ॥
జయ మాతఙ్గతనయే జయ నీలోత్పలద్యుతే ।
జయ సఙ్గీతరసికే జయ లీలాశుకప్రియే ॥ ౪॥

॥ దణ్డకమ్ ॥
జయ జనని సుధాసముద్రాన్తరుద్యన్మణీద్వీపసంరూఢ్ -
బిల్వాటవీమధ్యకల్పద్రుమాకల్పకాదంబకాన్తారవాసప్రియే
కృత్తివాసప్రియే సర్వలోకప్రియే
సాదరారబ్ధసంగీతసంభావనాసంభ్రమాలోల-
నీపస్రగాబద్ధచూలీసనాథత్రికే సానుమత్పుత్రికే
శేఖరీభూతశీతాంశురేఖామయూఖావలీబద్ధ-
సుస్నిగ్ధనీలాలకశ్రేణిశృఙ్గారితే లోకసంభావితే
కామలీలాధనుస్సన్నిభభ్రూలతాపుష్పసన్దోహసన్దేహకృల్లోచనే
వాక్సుధాసేచనే చారుగోరోచనాపఙ్కకేలీలలామాభిరామే సురామే రమే
ప్రోల్లసద్ధ్వాలికామౌక్తికశ్రేణికాచన్ద్రికామణ్డలోద్భాసి
లావణ్యగణ్డస్థలన్యస్తకస్తూరికాపత్రరేఖాసముద్భూతసౌరభ్య-
సంభ్రాన్తభృఙ్గాఙ్గనాగీతసాన్ద్రీభవన్మన్ద్రతన్త్రీస్వరే
సుస్వరే భాస్వరే
వల్లకీవాదనప్రక్రియాలోలతాలీదలాబద్ధ-
తాటఙ్కభూషావిశేషాన్వితే సిద్ధసమ్మానితే
దివ్యహాలామదోద్వేలహేలాలసచ్చక్షురాన్దోలనశ్రీసమాక్షిప్తకర్ణైక-
నీలోత్పలే శ్యామలే పూరితాశేషలోకాభివాఞ్ఛాఫలే శ్రీఫలే
స్వేదబిన్దూల్లసద్ఫాలలావణ్య నిష్యన్దసన్దోహసన్దేహకృన్నాసికామౌక్తికే
సర్వవిశ్వాత్మికే సర్వసిద్ధ్యాత్మికే కాలికే ముగ్ద్ధమన్దస్మితోదారవక్త్ర-
స్ఫురత్ పూగతామ్బూలకర్పూరఖణ్డోత్కరే జ్ఞానముద్రాకరే సర్వసమ్పత్కరే
పద్మభాస్వత్కరే శ్రీకరే
కున్దపుష్పద్యుతిస్నిగ్ధదన్తావలీనిర్మలాలోలకల్లోలసమ్మేలన
స్మేరశోణాధరే చారువీణాధరే పక్వబింబాధరే
సులలిత నవయౌవనారంభచన్ద్రోదయోద్వేలలావణ్యదుగ్ధార్ణవావిర్భవత్
కమ్బుబిమ్బోకభృత్కన్థరే సత్కలామన్దిరే మన్థరే
దివ్యరత్నప్రభాబన్ధురచ్ఛన్నహారాదిభూషాసముద్యోతమానానవద్యాఙ్గ-
శోభే శుభే
రత్నకేయూరరశ్మిచ్ఛటాపల్లవప్రోల్లసద్దోల్లతారాజితే యోగిభిః
పూజితే విశ్వదిఙ్మణ్డలవ్యాప్తమాణిక్యతేజస్స్ఫురత్కఙ్కణాలంకృతే
విభ్రమాలంకృతే సాధుభిః పూజితే వాసరారంభవేలాసముజ్జృమ్భ
మాణారవిన్దప్రతిద్వన్ద్విపాణిద్వయే సన్తతోద్యద్దయే అద్వయే
దివ్యరత్నోర్మికాదీధితిస్తోమసన్ధ్యాయమానాఙ్గులీపల్లవోద్య
న్నఖేన్దుప్రభామణ్డలే సన్నుతాఖణ్డలే చిత్ప్రభామణ్డలే ప్రోల్లసత్కుణ్డలే
తారకారాజినీకాశహారావలిస్మేర చారుస్తనాభోగభారానమన్మధ్య-
వల్లీవలిచ్ఛేద వీచీసముద్యత్సముల్లాససన్దర్శితాకారసౌన్దర్యరత్నాకరే
వల్లకీభృత్కరే కిఙ్కరశ్రీకరే
హేమకుంభోపమోత్తుఙ్గ వక్షోజభారావనమ్రే త్రిలోకావనమ్రే
లసద్వృత్తగంభీర నాభీసరస్తీరశైవాలశఙ్కాకరశ్యామరోమావలీభూషణే
మఞ్జుసంభాషణే
చారుశిఞ్చత్కటీసూత్రనిర్భత్సితానఙ్గలీలధనుశ్శిఞ్చినీడంబరే
దివ్యరత్నామ్బరే
పద్మరాగోల్లస న్మేఖలామౌక్తికశ్రోణిశోభాజితస్వర్ణభూభృత్తలే
చన్ద్రికాశీతలే వికసితనవకింశుకాతామ్రదివ్యాంశుకచ్ఛన్న
చారూరుశోభాపరాభూతసిన్దూరశోణాయమానేన్ద్రమాతఙ్గ
హస్మార్గ్గలే వైభవానర్గ్గలే శ్యామలే కోమలస్నిగ్ద్ధ
నీలోత్పలోత్పాదితానఙ్గతూణీరశఙ్కాకరోదార
జంఘాలతే చారులీలాగతే నమ్రదిక్పాలసీమన్తినీ
కున్తలస్నిగ్ద్ధనీలప్రభాపుఞ్చసఞ్జాతదుర్వాఙ్కురాశఙ్క
సారంగసంయోగరింఖన్నఖేన్దూజ్జ్వలే ప్రోజ్జ్వలే
నిర్మలే ప్రహ్వ దేవేశ లక్ష్మీశ భూతేశ తోయేశ వాణీశ కీనాశ
దైత్యేశ యక్షేశ వాయ్వగ్నికోటీరమాణిక్య సంహృష్టబాలాతపోద్దామ--
లాక్షారసారుణ్యతారుణ్య లక్ష్మీగృహితాఙ్ఘ్రిపద్మ్మే సుపద్మే ఉమే
సురుచిరనవరత్నపీఠస్థితే సుస్థితే
రత్నపద్మాసనే రత్నసిమ్హాసనే శఙ్ఖపద్మద్వయోపాశ్రితే విశ్రుతే
తత్ర విఘ్నేశదుర్గావటుక్షేత్రపాలైర్యుతే మత్తమాతఙ్గ
కన్యాసమూహాన్వితే భైరవైరష్టభిర్వేష్టితే
మఞ్చులామేనకాద్యఙ్గనామానితే దేవి వామాదిభిః శక్తిభిస్సేవితే
ధాత్రి లక్ష్మ్యాదిశక్త్యష్టకైః సంయుతే మాతృకామణ్డలైర్మణ్డితే
యక్షగన్ధర్వసిద్ధాఙ్గనా మణ్డలైరర్చితే
భైరవీ సంవృతే పఞ్చబాణాత్మికే పఞ్చబాణేన రత్యా చ
సంభావితే ప్రీతిభాజా వసన్తేన చానన్దితే భక్తిభాజం పరం శ్రేయసే
కల్పసే యోగినాం మానసే ద్యోతసే ఛన్దసామోజసా భ్రాజసే గీతవిద్యా
వినోదాతి తృష్ణేన కృష్ణేన సమ్పూజ్యసే భక్తిమచ్చేతసా వేధసా
స్తూయసే విశ్వహృద్యేన వాద్యేన విద్యాధరైర్గీయసే
శ్రవణహరదక్షిణక్వాణయా వీణయా కిన్నరైర్గీయసే
యక్షగన్ధర్వసిద్ధాఙ్గనా మణ్డలైరర్చ్యసే
సర్వసౌభాగ్యవాఞ్ఛావతీభిర్ వధూభిస్సురాణాం సమారాధ్యసే
సర్వవిద్యావిశేషత్మకం చాటుగాథా సముచ్చారణాకణ్ఠమూలోల్లసద్-
వర్ణరాజిత్రయం కోమలశ్యామలోదారపక్షద్వయం తుణ్డశోభాతిదూరీభవత్
కింశుకం తం శుకం లాలయన్తీ పరిక్రీడసే
పాణిపద్మద్వయేనాక్షమాలామపి స్ఫాటికీం జ్ఞానసారాత్మకం var మాలాగుణ
పుస్తకఞ్చఙ్కుశం పాశమాబిభ్రతీ తేన సఞ్చిన్త్యసే తస్య
వక్త్రాన్తరాత్ గద్యపద్యాత్మికా భారతీ నిస్సరేత్ యేన వాధ్వంసనాదా
కృతిర్భావ్యసే తస్య వశ్యా భవన్తిస్తియః పూరుషాః యేన వా
శాతకంబద్యుతిర్భావ్యసే సోపి లక్ష్మీసహస్రైః పరిక్రీడతే
కిన్న సిద్ధ్యేద్వపుః శ్యామలం కోమలం చన్ద్రచూడాన్వితం
తావకం ధ్యాయతః తస్య లీలా సరోవారిధీః తస్య కేలీవనం
నన్దనం తస్య భద్రాసనం భూతలం తస్య గీర్దేవతా కిఙ్కరి
తస్య చాజ్ఞాకరీ శ్రీ స్వయం
సర్వతీర్థాత్మికే సర్వ మన్త్రాత్మికే
సర్వ యన్త్రాత్మికే సర్వ తన్త్రాత్మికే
సర్వ చక్రాత్మికే సర్వ శక్త్యాత్మికే
సర్వ పీఠాత్మికే సర్వ వేదాత్మికే
సర్వ విద్యాత్మికే సర్వ యోగాత్మికే
సర్వ వర్ణాత్మికే సర్వగీతాత్మికే
సర్వ నాదాత్మికే సర్వ శబ్దాత్మికే
సర్వ విశ్వాత్మికే సర్వ వర్గాత్మికే
సర్వ సర్వాత్మికే సర్వగే సర్వ రూపే
జగన్మాతృకే పాహి మాం పాహి మాం పాహి మాం
దేవి తుభ్యం నమో దేవి తుభ్యం నమో దేవి తుభ్యం నమో
దేవి తుభ్యం నమః
॥ ఇతి శ్యామలా దణ్డకమ్ సమ్పూర్ణమ్ ॥

Encoded and proofread by P. P. Narayanaswami (swami@math.mun.ca)
and srirama at navayuga.com, Avinash

Please send corrections to sanskrit@cheerful.com
Last updated త్oday
http://sanskritdocuments.org

Shyamala Dandakam Lyrics in Telugu PDF
% File name : shyaamala.itx
% Location : doc\_devii
% Author : Kalidasa
% Language : Sanskrit
% Subject : philosophy/hinduism/literature
% Transliterated by : P. P. Narayanaswami (swami at math.mun.ca)
% Proofread by : P. P. Narayanaswami (swami at math.mun.ca), srirama\_at\_navayuga.com, Avinash
% Latest update : December 24, 2008, April 5, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 14, 2015 ] at Stotram Website