{॥ ସୌଭାଗ୍ଯାଷ୍ଟୋତ୍ତରଶତନାମସ୍ତୋତ୍ରମ୍ ॥}
ଦତ୍ତାତ୍ରେଯେଣ କୃତଂ ସୌଭାଗ୍ଯାଷ୍ଟୋତ୍ତରଶତନାମସ୍ତୋତ୍ରୋପଦେଶଵର୍ଣନମ୍
ନିଶମ୍ଯୈତଜ୍ଜାମଦଗ୍ନ୍ଯୋ ମାହାତ୍ମ୍ଯଂ ସର୍ଵତୋଽଧିକମ୍ ।
ସ୍ତୋତ୍ରସ୍ଯ ଭୂଯଃ ପପ୍ରଚ୍ଛ ଦତ୍ତାତ୍ରେଯଂ ଗୁରୂତ୍ତମମ୍ ॥ ୧॥

ଭଗଵନ୍ ତ୍ଵନ୍ମୁଖାମ୍ଭୋଜନିର୍ଗମଦ୍ଵାକ୍ସୁଧାରସମ୍ ।
ପିବତଃ ଶ୍ରୋତମୁଖତୋ ଵର୍ଧତେଽନୁକ୍ଷଣଂ ତୃଷା ॥ ୨॥

ଅଷ୍ଟୋତ୍ତରଶତଂ ନାମ୍ନାଂ ଶ୍ରୀଦେଵ୍ଯା ଯତ୍ପ୍ରସାଦତଃ ।
କାମଃ ସମ୍ପ୍ରାପ୍ତଵାନ୍ ଲୋକେ ସୌଭାଗ୍ଯଂ ସର୍ଵମୋହନମ୍ ॥ ୩॥

ସୌଭାଗ୍ଯଵିଦ୍ଯାଵର୍ଣାନାମୁଦ୍ଧାରୋ ଯତ୍ର ସଂସ୍ଥିତଃ ।
ତତ୍ସମାଚକ୍ଷ୍ଵ ଭଗଵନ୍ କୃପଯା ମଯି ସେଵକେ ॥ ୪॥

ନିଶମ୍ଯୈଵଂ ଭାର୍ଗଵୋକ୍ତିଂ ଦତ୍ତାତ୍ରେଯୋ ଦଯାନିଧିଃ ।
ପ୍ରୋଵାଚ ଭାର୍ଗଵଂ ରାମଂ ମଧୁରାଽକ୍ଷରପୂର୍ଵକମ୍ ॥ ୫॥

ଶୃଣୁ ଭାର୍ଗଵ ! ଯତ୍ ପୃଷ୍ଟଂ ନାମ୍ନାମଷ୍ଟୋତ୍ତରଂ ଶତମ୍ ।
ଶ୍ରୀଵିଦ୍ଯାଵର୍ଣରତ୍ନାନାଂ ନିଧାନମିଵ ସଂସ୍ଥିତମ୍ ॥ ୬॥

ଶ୍ରୀଦେଵ୍ଯା ବହୁଧା ସନ୍ତି ନାମାନି ଶୃଣୁ ଭାର୍ଗଵ ।
ସହସ୍ରଶତସଂଖ୍ଯାନି ପୁରାଣେଷ୍ଵାଗମେଷୁ ଚ ॥ ୭॥

ତେଷୁ ସାରତମଂ ହ୍ଯେତତ୍ସୌଭାଗ୍ଯାଽଷ୍ଟୋତ୍ତରାଽଽତ୍ମକମ୍ ।
ଯଦୁଵାଚ ଶିଵଃ ପୂର୍ଵଂ ଭଵାନ୍ଯୈ ବହୁଧାଽର୍ଥିତଃ ॥ ୮॥

ସୌଭାଗ୍ଯାଽଷ୍ଟୋତ୍ତରଶତନାମସ୍ତୋତ୍ରସ୍ଯ ଭାର୍ଗଵ ।
ଋଷିରୁକ୍ତଃ ଶିଵଶ୍ଛନ୍ଦୋଽନୁଷ୍ଟୁପ୍ ଶ୍ରୀଲଲିତାଽମ୍ବିକା ॥ ୯॥

ଦେଵତା ଵିନ୍ଯସେତ୍କୂଟତ୍ରଯେଣାଽଽଵର୍ତ୍ଯ ସର୍ଵତଃ ।
ଧ୍ଯାତ୍ଵା ସମ୍ପୂଜ୍ଯ ମନସା ସ୍ତୋତ୍ରମେତଦୁଦୀରଯେତ୍ ॥ ୧୦॥

॥ ତ୍ରିପୁରାମ୍ବିକାଯୈନମଃ॥
କାମେଶ୍ଵରୀ କାମଶକ୍ତିଃ କାମସୌଭାଗ୍ଯଦାଯିନୀ।
କାମରୂପା କାମକଲା କାମିନୀ କମଲାଽଽସନା ॥ ୧୧॥

କମଲା କଲ୍ପନାହୀନା କମନୀଯକଲାଵତୀ ।
କମଲା ଭାରତୀସେଵ୍ଯା କଲ୍ପିତାଽଶେଷସଂସୃତିଃ ॥ ୧୨॥

ଅନୁତ୍ତରାଽନଘାଽନନ୍ତାଽଦ୍ଭୁତରୂପାଽନଲୋଦ୍ଭଵା ।
ଅତିଲୋକଚରିତ୍ରାଽତିସୁନ୍ଦର୍ଯତିଶୁଭପ୍ରଦା ॥ ୧୩॥

ଅଘହନ୍ତ୍ର୍ଯତିଵିସ୍ତାରାଽର୍ଚନତୁଷ୍ଟାଽମିତପ୍ରଭା ।
ଏକରୂପୈକଵୀରୈକନାଥୈକାନ୍ତାଽର୍ଚନପ୍ରିଯା ॥ ୧୪॥

ଏକୈକଭାଵତୁଷ୍ଟୈକରସୈକାନ୍ତଜନପ୍ରିଯା ।
ଏଧମାନପ୍ରଭାଵୈଧଦ୍ଭକ୍ତପାତକନାଶିନୀ ॥ ୧୫॥

ଏଲାମୋଦମୁଖୈନୋଽଦ୍ରିଶକ୍ରାଯୁଧସମସ୍ଥିତିଃ ।
ଈହାଶୂନ୍ଯେପ୍ସିତେଶାଦିସେଵ୍ଯେଶାନଵରାଙ୍ଗନା ॥ ୧୬॥

ଈଶ୍ଵରାଽଽଜ୍ଞାପିକେକାରଭାଵ୍ଯେପ୍ସିତଫଲପ୍ରଦା ।
ଈଶାନେତିହରେକ୍ଷେଷଦରୁଣାକ୍ଷୀଶ୍ଵରେଶ୍ଵରୀ ॥ ୧୭॥

ଲଲିତା ଲଲନାରୂପା ଲଯହୀନା ଲସତ୍ତନୁଃ ।
ଲଯସର୍ଵା ଲଯକ୍ଷୋଣିର୍ଲଯକର୍ଣୀ ଲଯାତ୍ମିକା ॥ ୧୮॥

ଲଘିମା ଲଘୁମଧ୍ଯାଽଽଢ୍ଯା ଲଲମାନା ଲଘୁଦ୍ରୁତା ।
ହଯାଽଽରୂଢା ହତାଽମିତ୍ରା ହରକାନ୍ତା ହରିସ୍ତୁତା ॥ ୧୯॥

ହଯଗ୍ରୀଵେଷ୍ଟଦା ହାଲାପ୍ରିଯା ହର୍ଷସମୁଦ୍ଧତା ।
ହର୍ଷଣା ହଲ୍ଲକାଭାଙ୍ଗୀ ହସ୍ତ୍ଯନ୍ତୈଶ୍ଵର୍ଯଦାଯିନୀ ॥ ୨୦॥

ହଲହସ୍ତାଽର୍ଚିତପଦା ହଵିର୍ଦାନପ୍ରସାଦିନୀ ।
ରାମରାମାଽର୍ଚିତା ରାଜ୍ଞୀ ରମ୍ଯା ରଵମଯୀ ରତିଃ ॥ ୨୧॥

ରକ୍ଷିଣୀରମଣୀରାକା ରମଣୀମଣ୍ଡଲପ୍ରିଯା ।
ରକ୍ଷିତାଽଖିଲଲୋକେଶା ରକ୍ଷୋଗଣନିଷୂଦିନୀ ॥ ୨୨॥

ଅମ୍ବାନ୍ତକାରିଣ୍ଯମ୍ଭୋଜପ୍ରିଯାଽନ୍ତକଭଯଙ୍କରୀ ।
ଅମ୍ବୁରୂପାଽମ୍ବୁଜକରାଽମ୍ବୁଜଜାତଵରପ୍ରଦା ॥ ୨୩॥

ଅନ୍ତଃପୂଜାପ୍ରିଯାଽନ୍ତଃସ୍ଵରୂପିଣ୍ଯନ୍ତର୍ଵଚୋମଯୀ ।
ଅନ୍ତକାଽରାତିଵାମାଙ୍କସ୍ଥିତାଽନ୍ତଃସୁଖରୂପିଣୀ ॥ ୨୪॥

ସର୍ଵଜ୍ଞା ସର୍ଵଗା ସାରା ସମା ସମସୁଖା ସତୀ ।
ସନ୍ତତିଃ ସନ୍ତତା ସୋମା ସର୍ଵା ସାଙ୍ଖ୍ଯା ସନାତନୀ ॥ ୨୫॥

॥ ଫଲଶ୍ରୁତିଃ॥
ଏତତ୍ତେ କଥିତଂ ରାମ ନାମ୍ନାମଷ୍ଟୋତ୍ତରଂ ଶତମ୍ ।
ଅତିଗୋପ୍ଯମିଦଂ ନାମ୍ନଃ ସର୍ଵତଃ ସାରମୁଦ୍ଧୃତମ୍ ॥ ୨୬॥

ଏତସ୍ଯ ସଦୃଶଂ ସ୍ତୋତ୍ରଂ ତ୍ରିଷୁ ଲୋକେଷୁ ଦୁର୍ଲଭମ୍ ।
ଅପ୍ରାକଶ୍ଯମଭକ୍ତାନାଂ ପୁରତୋ ଦେଵତାଦ୍ଵିଷାମ୍ ॥ ୨୭॥

ଏତତ୍ ସଦାଶିଵୋ ନିତ୍ଯଂ ପଠନ୍ତ୍ଯନ୍ଯେ ହରାଦଯଃ ।
ଏତତ୍ପ୍ରଭାଵାତ୍କନ୍ଦର୍ପସ୍ତ୍ରୈଲୋକ୍ଯଂ ଜଯତି କ୍ଷଣାତ୍ ॥ ୨୮॥

ସୌଭାଗ୍ଯାଽଷ୍ଟୋତ୍ତରଶତନାମସ୍ତୋତ୍ରଂ ମନୋହରମ୍ ।
ଯସ୍ତ୍ରିସନ୍ଧ୍ଯଂ ପଠେନ୍ନିତ୍ଯଂ ନ ତସ୍ଯ ଭୁଵି ଦୁର୍ଲଭମ୍ ॥ ୨୯॥

ଶ୍ରୀଵିଦ୍ଯୋପାସନଵତାମେତଦାଵଶ୍ଯକଂ ମତମ୍ ।
ସକୃଦେତତ୍ପ୍ରପଠତାଂ ନାଽନ୍ଯତ୍କର୍ମ ଵିଲୁପ୍ଯତେ ॥ ୩୦॥

ଅପଠିତ୍ଵା ସ୍ତୋତ୍ରମିଦଂ ନିତ୍ଯଂ ନୈମିତ୍ତିକଂ କୃତମ୍ ।
ଵ୍ଯର୍ଥୀଭଵତି ନଗ୍ନେନ କୃତଂ କର୍ମ ଯଥା ତଥା ॥ ୩୧॥

ସହସ୍ରନାମପାଠାଦାଵଶକ୍ତସ୍ତ୍ଵେତଦୀରଯେତ୍ ।
ସହସ୍ରନାମପାଠସ୍ଯ ଫଲଂ ଶତଗୁଣଂ ଭଵେତ୍ ॥ ୩୨॥

ସହସ୍ରଧା ପଠିତ୍ଵା ତୁ ଵୀକ୍ଷଣାନ୍ନାଶଯେଦ୍ରିପୂନ୍ ।
କରଵୀରରକ୍ତପୁଷ୍ପୈର୍ହୁତ୍ଵା ଲୋକାନ୍ ଵଶଂ ନଯେତ୍ ॥ ୩୩॥

ସ୍ତମ୍ଭେଯତ୍ ଶ୍ଵେତକୁସୁମୈର୍ନୀଲୈରୁଚ୍ଚାଟଯେଦ୍ରିପୂନ୍ ।
ମରିଚୈର୍ଵିଦ୍ଵେଷେଣାଯ ଲଵଙ୍ଗୈର୍ଵ୍ଯାଧିନାଶନେ ॥ ୩୪॥

ସୁଵାସିନୀର୍ବ୍ରାହ୍ମଣାନ୍ ଵା ଭୋଜଯେଦ୍ଯସ୍ତୁ ନାମଭିଃ ।
ଯଶ୍ଚ ପୁଷ୍ପୈଃ ଫଲୈର୍ଵାପି ପୂଜଯେତ୍ ପ୍ରତିନାମଭିଃ ॥ ୩୫॥

ଚକ୍ରରାଜେଽଥଵାଽନ୍ଯତ୍ର ସ ଵସେଚ୍ଛ୍ରୀପୁରେ ଚିରମ୍ ।
ଯଃ ସଦା ଵର୍ତଯନ୍ନାସ୍ତେ ନାମାଽଷ୍ଟଶତମୁତ୍ତମମ୍ ॥ ୩୬॥

ତସ୍ଯ ଶ୍ରୀଲଲିତା ରାଜ୍ଞୀ ପ୍ରସନ୍ନା ଵାଞ୍ଛିତପ୍ରଦା॥



The saubhAgyAShTottarashatanAmastotram was recited by
Dattatreya to Parashurama. This is a very secretive and
potent text, and that is mandatory for shrIvidyopAsakA-s
(verse 30, line 1). The rishi for this stotram is Lord
Shiva, it is in Anushtup meter and the deity is shrIlalitAmbikA.
The text is in 26th adhyAya gauryupAkhyAna of mAhAtmyakANDam
in tripurA rahasya.

Encoded by Sridhar Seshagiri seshagir at engineering.sdsu.edu
Proofread by Sridhar and Avinash Sathaye

Please send corrections to sanskrit@cheerful.com
Last updated ତ୍oday
http://sanskritdocuments.org

Saubhagya Ashtottara Shatanama Stotram Lyrics in Oriya PDF
% File name : saubhAgya108str.itx
% Category : aShTottarashatanAma
% Location : doc\_devii
% Author : Dattatreya
% Language : Sanskrit
% Subject : philosophy/hinduism/religion
% Transliterated by : Sridhar Seshagiri seshagir at engineering.sdsu.edu
% Proofread by : Sridhar Seshagiri seshagir at engineering.sdsu.edu, Avinash Sathaye sohum at ms.uky.edu, NA
% Description-comments : 26th adhyAya mAhAtmya khaNDam of tripurA rahasyam
% Latest update : December 22, 2002, May 21, 2011
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 14, 2015 ] at Stotram Website