% Text title            : sumukhImAtaNgIkavacham
% File name             : sumukhiikavacham.itx
% Category              : kavacha
% Location              : doc\_devii
% Author                : Traditional
% Language              : Sanskrit
% Subject               : philosophy/hinduism/religion
% Transliterated by     : Ravin Bhalekar ravibhalekar at hotmail.com
% Proofread by          : Ravin Bhalekar ravibhalekar at hotmail.com
% Description-comments  : rudrayAmale tantre
% Latest update         : May, 15, 2006
% Send corrections to   : Sanskrit@cheerful.com
% Site access           : http://sanskritdocuments.org
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sumukhi or Matangi Kavacham ..}##
\itxtitle{.. sumukhI athavA mAta~ngIkavacham ..}##\endtitles ##
\section{.. sumukhI athavA mAta~ngIkavacham ..}

shrIgaNeshAya namaH |
shrIpArvatyuvAcha |
devadeva mahAdeva sR^iShTisa.nhArakAraka |
mAta~NgyAH kavachaM brUhi yadi sneho.asti te mayi || 1||
shiva uvAcha |
atyantagopanaM guhyaM kavachaM sarvakAmadam |
tava prItyA mayA.a.akhyAtaM nAnyeShu kathyate shubhe || 2||
shapathaM kuru me devi yadi ki~nchitprakAshase |
anayA sadR^ishI vidyA na bhUtA na bhaviShyati || 3||
shavAsanAM raktavastrAM yuvatIM sarvasiddhidAm |
evaM dhyAtvA mahAdevIM paThetkavachamuttamam || 4||
uchChiShTaM rakShatu shiraH shikhAM chaNDAlinI tataH |
sumukhI kavachaM rakSheddevI rakShatu chakShuShI || 5||
mahApishAchinI pAyAnnAsikAM hrIM sadA.avatu |
ThaH pAtu kaNThadeshaM me ThaH pAtu hR^idayaM tathA || 6||
Tho bhujau bAhumUle cha sadA rakShatu chaNDikA |
aiM cha rakShatu pAdau me sauH kukShiM sarvataH shivA || 7||
aiM hrIM kaTideshaM cha AM hrIM sandhiShu sarvadA |
jyeShThamAta~Ngya~Ngulirme a~Ngulyagre namAmi cha || 8||
uchChiShTachANDAli mAM pAtu trailokyasya vasha~NkarI |
shive svAhA sharIraM me sarvasaubhAgyadAyinI || 9||
uchChiShTachANDAli mAta~Ngi sarvavasha~Nkari namaH |
svAhA stanadvayaM pAtu sarvashatruvinAshinI || 10||
atyantagopanaM devi devairapi sudurlabham |
bhraShTebhyaH sAdhakebhyo.api draShTavyaM na kadAchana || 11||
dattena siddhihAniH syAtsarvathA na prakAshyatAm |
uchChiShTena baliM datvA shanau vA ma~Ngale nishi || 12||
rajasvalAbhagaM spR^iShTvA japenmantraM cha sAdhakaH |
rajasvalAyA vastreNa homaM kuryAtsadA sudhIH || 13||
siddhavidyA ito nAsti niyamo nAsti kashchana |
aShTasahasraM japenmantraM dashA.nshaM havanAdikam || 14||
bhUrjapatre likhitvA cha raktasUtreNa veShTayet |
prANapratiShThAmantreNa jIvanyAsaM samAcharet || 15||
svarNamadhye tu sa.nsthApya dhArayeddakShiNe kare |
sarvasiddhirbhavettasya achirAtputravAnbhavet || 16||
strIbhirvAmakare dhAryaM bahuputrA bhavettadA |
vandyA vA kAkavandyA vA mR^itavatsA cha sA~NganA || 17||
jIvadvatsA bhavetsApi samR^iddhirbhavati dhruvam |
shaktipUjAM sadA kuryAchChivAbaliM pradApayet || 18||
idaM kavachamaj~nAtvA mAta~NgI yo japetsadA |
tasya siddhirna bhavati purashcharaNalakShataH || 19||

|| iti shrIrudrayAmale tantre mAta~NgIsumukhIkavachaM samAptam ||
##
Encoded and Proofread by Ravin Bhalekar ravibhalekar@hotmail.com

\medskip\hrule\obeylines

Please send corrections to sanskrit@cheerful.com
Last updated \today
http://sanskritdocuments.org

\end{document}