{॥ ಹಾಕಿನೀಸಹಸ್ರನಾಮಸ್ತೋತ್ರ ॥}
ಶ್ರೀಗಣೇಶಾಯ ನಮಃ ।
ಶ್ರೀ ಆನನ್ದಭೈರವ ಉವಾಚ ।
ಆನನ್ದಾರ್ಣವಮಧ್ಯಭಾವಘಟಿತಶ್ರೌತಪ್ರವಾಹೋಜ್ಜ್ವಲೇ
ಕಾನ್ತೇ ದತ್ತಸುಶಾನ್ತಿದೇ ಯಮದಮಾಹ್ಲಾದೈಕಶಕ್ತಿಪ್ರಭೇ ।
ಸ್ನೇಹಾನನ್ದಕಟಾಕ್ಷದಿವ್ಯಕೃಪಯಾ ಶೀಘ್ರಂ ವದಸ್ವಾದ್ಭುತಂ
ಹಾಕಿನ್ಯಾಃ ಶುಭನಾಮ ಸುನ್ದರಸಹಸ್ರಾಷ್ಟೋತ್ತರಂ ಶ್ರೀಗುರೋಃ ॥ ೧ ॥

ಶ್ರೀ ಆನನ್ದಭೈರವೀ ಉವಾಚ
ಸಾಕ್ಷಾತ್ತೇ ಕಥಯಾಮಿ ನಾಥ ಸಕಲಂ ಪುಣ್ಯಂ ಪವಿತ್ರಂ ಗುರೋ
ನಾಮ್ನಾಂ ಶಕ್ತಿಸಹಸ್ರನಾಮ ಭಾವಿಕಂ ಜ್ಞಾನಾದಿ ಚಾಷ್ಟೋತ್ತರಮ್ ।
ಯೋಗೀನ್ದ್ರೈರ್ಜಯಕಾಙ್ಕ್ಷಿಭಿಃ ಪ್ರಿಯಕಲಾಪ್ರೇಮಾಭಿಲಾಷಾಚೀತೈಃ
ಸೇವ್ಯಂ ಪಾಠ್ಯಮತೀವ ಗೋಪ್ಯಮಖಿಲೇ ಶೀಘ್ರಂ ಪಠಸ್ವ ಪ್ರಭೋ ॥ ೨ ॥

ಅಸ್ಯ ಶ್ರೀಪರನಾಥಮಹಾಶಕ್ತಿಹಾಕಿನೀಪರಮೇಶ್ವರೀದೇವ್ಯಷ್ಟೋತ್ತರಸಹಸ್ರನಾಮ್ನಃ
ಸ್ತೋತ್ರಸ್ಯ ಸದಾಶಿವ ಋಷಿಃ , ಗಾಯತ್ರೀಚ್ಛನ್ದಃ ,
ಶ್ರೀಪರಮೇಶ್ವರೀಹಾಕಿನೀಮಹಾಶಕ್ತಿರ್ದೇವತಾ , ಕ್ಲೀಂ ಬೀಜಂ , ಸ್ವಾಹಾ ಶಕ್ತಿಃ ,
ಸಿದ್ಧಲಕ್ಷ್ಮೀಮೂಲಕೀಲಕಂ , ದೇಹಾನ್ತರ್ಗತ ಮಹಾಕಾಯಜ್ಞಾನಸಿದ್ಧ್ಯರ್ಥೇ ಜಪೇ ವಿನಿಯೋಗಃ ।
ಓಂ ಹಾಕಿನೀ ವಸುಧಾ ಲಕ್ಷ್ಮೀ ಪರಮಾತ್ಮಕಲಾ ಪರಾ ।
ಪರಪ್ರಿಯಾ ಪರಾತೀತಾ ಪರಮಾ ಪರಮಪ್ರಿಯಾ ॥ ೩ ॥

ಪರೇಶ್ವರೀ ಪರಪ್ರೇಮಾ ಪರಬ್ರಹ್ಮಸ್ವರೂಪಿಣೀ ।
ಪರನ್ತಪಾ ಪರಾನನ್ದಾ ಪರನಾಥನಿಸೇವಿನೀ ॥ ೪ ॥

ಪರಾಕಾಶಸ್ಥಿತಾ ಪಾರಾ ಪಾರಾಪಾರನಿರೂಪಿಣೀ ।
ಪರಾಕಾಙ್ಕ್ಷ್ಯಾ ಪರಾಶಕ್ತಿಃ ಪುರಾತನತನುಃ ಪ್ರಭಾ ॥ ೫ ॥

ಪಞ್ಚಾನನಪ್ರಿಯಾ ಪೂರ್ವಾ ಪರದಾರಾ ಪರಾದರಾ ।
ಪರದೇಶಗತಾ ನಾಥಾ ಪರಮಾಹ್ಲಾದವರ್ಧಿನೀ ॥ ೬ ॥

ಪಾರ್ವತೀ ಪರಕುಲಾಖ್ಯಾ ಪರಾಞ್ಜನಸುಲೋಚನಾ ।
ಪರಂಬ್ರಹ್ಮಪ್ರಿಯಾ ಮಾಯಾ ಪರಂಬ್ರಹ್ಮಪ್ರಕಾಶಿನೀ ॥ ೭ ॥

ಪರಂಬ್ರಹ್ಮಜ್ಞಾನಗಮ್ಯಾ ಪರಂಬ್ರಹ್ಮೇಶ್ವರಪ್ರಿಮಯಾ ।
ಪೂರ್ವಾತೀತಾ ಪರಾತೀತಾ ಅಪಾರಮಹಿಮಸ್ಥಿತಾ ॥ ೮ ॥

ಅಪಾರಸಾಗರೋದ್ಧಾರಾ ಅಪಾರದುಸ್ತರೋದ್ಧರಾ ।
ಪರಾನಲಶಿಖಾಕಾರಾ ಪರಭ್ರೂಮಧ್ಯವಾಸಿನೀ ॥ ೯ ॥

ಪರಶ್ರೇಷ್ಠಾ ಪರಕ್ಷೇತ್ರವಾಸಿನೀ ಪರಮಾಲಿನೀ ।
ಪರ್ವತೇಶ್ವರಕನ್ಯಾ ಚ ಪರಾಗ್ನಿಕೋಟಿಸಮ್ಭವಾ ॥ ೧೦ ॥

ಪರಚ್ಛಾಯಾ ಪರಚ್ಛತ್ರಾ ಪರಚ್ಛಿದ್ರವಿನಿರ್ಗತಾ ।
ಪರದೇವಗತಿಃ ಪ್ರೇಮಾ ಪಞ್ಚಚೂಡಾಮಣಿಪ್ರಭಾ ॥ ೧೧ ॥

ಪಞ್ಚಮೀ ಪಶುನಾಥೇಶೀ ತ್ರಿಪಞ್ಚಾ ಪಞ್ಚಸುನ್ದರೀ ।
ಪಾರಿಜಾತವನಸ್ಥಾ ಚ ಪಾರಿಜಾತಸ್ರಜಪ್ರಿಯಾ ॥ ೧೨ ॥

ಪರಾಪರವಿಭೇದಾ ಚ ಪರಲೋಕವಿಮುಕ್ತಿದಾ ।
ಪರತಾಪಾನಲಾಕಾರಾ ಪರಸ್ತ್ರೀ ಪರಜಾಪಿನೀ ॥ ೧೩ ॥

ಪರಾಸ್ತ್ರಧಾರಿಣೀ ಪೂರವಾಸಿನೀ ಪರಮೇಶ್ವರೀ ।
ಪ್ರೇಮೋಲ್ಲಾಸಕರೀ ಪ್ರೇಮಸನ್ತಾನಭಕ್ತಿದಾಯಿನೀ ॥ ೧೪ ॥

ಪರಶಬ್ದಪ್ರಿಯಾ ಪೌರಾ ಪರಾಮರ್ಷಣಕಾರಿಣೀ ।
ಪ್ರಸನ್ನಾ ಪರಯನ್ತ್ರಸ್ಥಾ ಪ್ರಸನ್ನಾ ಪದ್ಮಮಾಲಿನೀ ॥ ೧೫ ॥

ಪ್ರಿಯಂವದಾ ಪರತ್ರಾಪ್ತಾ ಪರಧಾನ್ಯಾರ್ಥವರ್ಧಿನೀ ।
ಪರಭೂಮಿರತಾ ಪೀತಾ ಪರಕಾತರಪೂಜಿತಾ ॥ ೧೬॥

ಪರಾಸ್ಯವಾಕ್ಯವಿನತಾ ಪುರುಷಸ್ಥಾ ಪುರಞ್ಜನಾ ।
ಪ್ರೌಢಾ ಮೇಯಹರಾ ಪ್ರೀತಿವರ್ಧಿನೀ ಪ್ರಿಯವರ್ಧಿನೀ ॥ ೧೭ ॥

ಪ್ರಪಞ್ಚದುಃಖಹನ್ತ್ರೀ ಚ ಪ್ರಪಞ್ಚಸಾರನಿರ್ಗತಾ ।
ಪುರಾಣನಿರ್ಗತಾ ಪೀನಾ ಪೀನಸ್ತನಭವೋಜ್ಜ್ವಲಾ ॥ ೧೮ ॥

ಪಟ್ಟವಸ್ತ್ರಪರೀಧಾನಾ ಪಟ್ಟಸೂತ್ರಪ್ರಚಾಲಿನೀ ।
ಪರದ್ರವ್ಯಪ್ರದಾ ಪ್ರೀತಾ ಪರಶ್ರದ್ಧಾ ಪರಾನ್ತರಾ ॥ ೧೯ ॥

ಪಾವನೀಯಾ ಪರಕ್ಷುಬ್ಧಾ ಪರಸಾರವಿನಾಶಿನೀ ।
ಪರಮೇವ ನಿಗೂಢಾರ್ಥತತ್ತ್ವಚಿನ್ತಾಪ್ರಕಾಶಿನೀ ॥ ೨೦ ॥

ಪ್ರಚುರಾರ್ಥಪ್ರದಾ ಪೃಥ್ವೀ ಪದ್ಮಪತ್ರದ್ವಯಸ್ಥಿತಾ ।
ಪ್ರಸನ್ನಹೃದಯಾನನ್ದಾ ಪ್ರಸನ್ನಾಸನಸಂಸ್ಥಿತಾ ॥ ೨೧ ॥

ಪ್ರಸನ್ನರತ್ನಮಾಲಾಢ್ಯಾ ಪ್ರಸನ್ನವನಮಾಲಿನೀ ।
ಪ್ರಸನ್ನಕರುಣಾನನ್ದಾ ಪ್ರಸನ್ನಹೃದಯಸ್ಥಿತಾ ॥ ೨೨ ॥

ಪರಾಭಾಸರತಾ ಪೂರ್ವಪಶ್ಚಿಮೋತ್ತರದಕ್ಷಿಣಾ ।
ಪವನಸ್ಥಾ ಪಾನರತಾ ಪವನಾಧಾರವಿಗ್ರಹಾ ॥ ೨೩ ॥

ಪ್ರಭುಪ್ರಿಯಾ ಪ್ರಭುರತಾ ಪ್ರಭುಭಕ್ತಿಪ್ರದಾಯಿನೀ ।
ಪರತೃಷ್ಣಾವರ್ಧಿನೀ ಚ ಪ್ರಚಯಾ ಪರಜನ್ಮದಾ ॥ ೨೪ ॥

ಪರಜನ್ಮನಿರಸ್ತಾ ಚ ಪರಸಞ್ಚಾರಕಾರಿಣೀ ।
ಪರಜಾತಾ ಪಾರಿಜಾತಾ ಪವಿತ್ರಾ ಪುಣ್ಯವರ್ಧಿನೀ ॥ ೨೫ ॥

ಪಾಪಹರ್ತ್ರೀ ಪಾಪಕೋಟಿನಾಶಿನೀ ಪರಮೋಕ್ಷದಾ ।
ಪರಮಾಣುರತಾ ಸೂಕ್ಷ್ಮಾ ಪರಮಾಣುವಿಭಞ್ಜಿನೀ ॥ ೨೬ ॥

ಪರಮಾಣುಸ್ಥೂಲಕರೀ ಪರಾತ್ಪರತರಾ ಪಥಾ ।
ಪೂಷಣಃ ಪ್ರಿಯಕರ್ತ್ರೀ ಚ ಪೂಷಣಾ ಪೋಷಣತ್ರಯಾ ॥ ೨೭ ॥

ಭೂಪಪಾಲಾ ಪಾಶಹಸ್ತಾ ಪ್ರಚಣ್ಡಾ ಪ್ರಾಣರಕ್ಷಿಣೀ ।
ಪಯಃಶಿಲಾಽಪೂಪಭಕ್ಷಾ ಪೀಯೂಷಪಾನತತ್ಪರಾ ॥ ೨೮ ॥

ಪೀಯೂಷತೃಪ್ತದೇಹಾ ಚ ಪೀಯೂಷಮಥನಕ್ರಿಯಾ ।
ಪೀಯೂಷಸಾಗರೋದ್ಭೂತಾ ಪೀಯೂಷಸ್ನಿಗ್ಧದೋಹಿನೀ ॥ ೨೯ ॥

ಪೀಯೂಷನಿರ್ಮಲಾಕಾರಾ ಪೀಯೂಷಘನವಿಗ್ರಹಾ ।
ಪ್ರಾಣಾಪಾನಸಮಾನಾದಿಪವನಸ್ತಮ್ಭನಪ್ರಿಯಾ ॥ ೩೦ ॥

ಪವನಾಂಶಪ್ರಭಾಕಾರಾ ಪ್ರೇಮೋದ್ಗತಸ್ವಭಕ್ತಿದಾ ।
ಪಾಷಾಣತನುಸಂಸ್ಥಾ ಚ ಪಾಷಾಣಚಿತ್ತವಿಗ್ರಹಾ ॥ ೩೧ ॥

ಪಶ್ಚಿಮಾನನ್ದನಿರತಾ ಪಶ್ಚಿಮಾ ಪಶ್ಚಿಮಪ್ರಿಯಾ ।
ಪ್ರಭಾಕಾರತನೂಗ್ರಾ ಚ ಪ್ರಭಾಕರಮುಖೀ ಪ್ರಭಾ ॥ ೩೨ ॥

ಸುಪ್ರಭಾ ಪ್ರಾನ್ತರಸ್ಥಾ ಚ ಪ್ರೇಯತ್ವಸಾಧನಪ್ರಿಯಾ ।
ಅಸ್ಥಿತಾ ಪಾಮಸೀ ಪೂರ್ವನಾಥಪೂಜಿತಪಾದುಕಾ ॥ ೩೩ ॥

ಪಾದುಕಾಮನ್ತ್ರಸಿದ್ಧಾ ಚ ಪಾದುಕಾಮನ್ತ್ರಜಾಪಿನೀ ।
ಪಾದುಕಾಮಙ್ಗಲಸ್ಥಾ ಚ ಪಾದುಕಾಮ್ಭೋಜರಾಜಿನೀ ॥ ೩೪ ॥

ಪ್ರಭಾಭಾರುಣಕೋಟಿಸ್ಥಾ ಪ್ರಚಣ್ಡಸೂರ್ಯಕೋಟಿಗಾ ।
ಪಾಲಯನ್ತೀ ತ್ರಿಲೋಕಾನಾಂ ಪರಮಾ ಪರಹಾಕಿನೀ ॥ ೩೫ ॥

ಪರಾವರಾನನಾ ಪ್ರಜ್ಞಾ ಪ್ರಾನ್ತರಾನ್ತಃಪ್ರಸಿದ್ಧಿದಾ ।
ಪಾರಿಜಾತವನೋನ್ಮಾದಾ ಪರಮೋನ್ಮಾದರಾಗಿಣೀ ॥ ೩೬ ॥

ಪರಮಾಹ್ಲಾದಮೋದಾ ಚ ಪರಮಾಕಾಶವಾಹಿನೀ ।
ಪರಮಾಕಾಶದೇವೀ ಚ ಪ್ರಥಾತ್ರಿಪುರಸುನ್ದರೀ ॥ ೩೭ ॥

ಪ್ರತಿಕೂಲಕರೀ ಪ್ರಾಣಾನುಕೂಲಪರಿಕಾರಿಣೀ ।
ಪ್ರಾಣರುದ್ರೇಶ್ವರಪ್ರೀತಾ ಪ್ರಚಣ್ಡಗಣನಾಯಿಕಾ ॥ ೩೮ ॥

ಪೋಷ್ಟ್ರೀ ಪೌತ್ರಾದಿರಕ್ಷತ್ರೀ ಪುಣ್ಡ್ರಕಾ ಪಞ್ಚಚಾಮರಾ ।
ಪರಯೋಷಾ ಪರಪ್ರಾಯಾ ಪರಸನ್ತಾನರಕ್ಷಕಾ ॥ ೩೯ ॥

ಪರಯೋಗಿರತಾ ಪಾಶಪಶುಪಾಶವಿಮೋಹಿನೀ ।
ಪಶುಪಾಶಪ್ರದಾ ಪೂಜ್ಯಾ ಪ್ರಸಾದಗುಣದಾಯಿನೀ ॥ ೪೦ ॥

ಪ್ರಹ್ಲಾದಸ್ಥಾ ಪ್ರಫುಲ್ಲಾಬ್ಜಮುಖೀ ಪರಮಸುನ್ದರೀ ।
ಪರರಾಮಾ ಪರಾರಾಮಾ ಪಾರ್ವಣೀ ಪಾರ್ವಣಪ್ರಿಯಾ ॥ ೪೧ ॥

ಪ್ರಿಯಙ್ಕರೀ ಪೂರ್ವಮಾತಾ ಪಾಲನಾಖ್ಯಾ ಪರಾಸರಾ ।
ಪರಾಶರಸುಭಾಗ್ಯಸ್ಥಾ ಪರಕಾನ್ತಿನಿತಮ್ಬಿನೀ ॥ ೪೨ ॥

ಪರಶ್ಮಶಾನಗಮ್ಯಾ ಚ ಪ್ರಿಯಚನ್ದ್ರಮುಖೀಪಲಾ ।
ಪಲಸಾನಕರೀ ಪ್ಲಕ್ಷಾ ಪ್ಲವಙ್ಗಗಣಪೂಜಿತಾ ॥ ೪೩ ॥

ಪ್ಲಕ್ಷಸ್ಥಾ ಪಲ್ಲವಸ್ಥಾ ಚ ಪಙ್ಕೇರುಹಮುಖೀ ಪಟಾ ।
ಪಟಾಕಾರಸ್ಥಿತಾ ಪಾಠ್ಯಾ ಪವಿತ್ರಲೋಕದಾಯಿನೀ ॥ ೪೪ ॥

ಪವಿತ್ರಮನ್ತ್ರಜಾಪ್ಯಸ್ಥಾ ಪವಿತ್ರಸ್ಥಾನವಾಸಿನೀ ।
ಪವಿತ್ರಾಲಙ್ಕೃತಾಙ್ಗೀ ಚ ಪವಿತ್ರದೇಹಧಾರಿಣೀ ॥ ೪೫ ॥

ತ್ರಿಪುರಾ ಪರಮೈಶ್ವರ್ಯಪೂಜಿತಾ ಸರ್ವಪೂಜಿತಾ ।
ಪಲಾಲಪ್ರಿಯಹೃದ್ಯಾ ಚ ಪಲಾಲಚರ್ವಣಪ್ರಿಯಾ ॥ ೪೬ ॥

ಪರಗೋಗಣಗೋಪ್ಯಾ ಚ ಪ್ರಭುಸ್ತ್ರೀರೌದ್ರತೈಜಸೀ ।
ಪ್ರಫುಲ್ಲಾಮ್ಭೋಜವದನಾ ಪ್ರಫುಲ್ಲಪದ್ಮಮಾಲಿನೀ ॥ ೪೭ ॥

ಪುಷ್ಪಪ್ರಿಯಾ ಪುಷ್ಪಕುಲಾ ಕುಲಪುಷ್ಪಪ್ರಿಯಾಕುಲಾ ।
ಪುಷ್ಪಸ್ಥಾ ಪುಷ್ಪಸಙ್ಕಾಶಾ ಪುಷ್ಪಕೋಮಲವಿಗ್ರಹಾ ॥ ೪೮ ॥

ಪೌಷ್ಪೀ ಪಾನರತಾ ಪುಷ್ಪಮಧುಪಾನರತಾ ಪ್ರಚಾ ।
ಪ್ರತೀಚೀ ಪ್ರಚಯಾಹ್ಲಾದೋ ಪ್ರಾಚನಾಖ್ಯಾ ಚ ಪ್ರಾಞ್ಚಿಕಾ ॥ ೪೯ ॥

ಪರೋದರೇ ಗುಣಾನನ್ದಾ ಪರೌದಾರ್ಯಗುಣಪ್ರಿಯಾ ।
ಪಾರಾ ಕೋಟಿಧ್ವನಿರತಾ ಪದ್ಮಸೂತ್ರಪ್ರಬೋಧಿನೀ ॥ ೫೦ ॥

ಪ್ರಿಯಪ್ರಬೋಧನಿರತಾ ಪ್ರಚಣ್ಡನಾದಮೋಹಿನೀ ।
ಪೀವರಾ ಪೀವರಗ್ರನ್ಥಿಪ್ರಭೇದಾ ಪ್ರಲಯಾಪಹಾ ॥ ೫೧ ॥

ಪ್ರಲಯಾ ಪ್ರಲಯಾನನ್ದಾ ಪ್ರಲಯಸ್ಥಾ ಪ್ರಯೋಗಿನೀ ।
ಪ್ರಯೋಗಕುಶಲಾ ಪಕ್ಷಾ ಪಕ್ಷಭೇದಪ್ರಕಾಶಿನೀ ॥ ೫೨ ॥

ಏಕಪಕ್ಷಾ ದ್ವಿಪಕ್ಷಾ ಚ ಪಞ್ಚಪಕ್ಷಪ್ರಸಿದ್ಧಿದಾ ।
ಪಲಾಶಕುಸುಮಾನನ್ದಾ ಪಲಾಶಪುಷ್ಪಮಾಲಿನೀ ॥ ೫೩ ॥

ಪಲಾಶಪುಷ್ಪಹೋಮಸ್ಥಾ ಪಲಾಶಚ್ಛದಸಂಸ್ಥಿತಾ ।
ಪಾತ್ರಪಕ್ಷಾ ಪೀತವಸ್ತ್ರಾ ಪೀತವರ್ಣಪ್ರಕಾಶಿನೀ ॥ ೫೪ ॥

ನಿಪೀತಕಾಲಕೂಟೀ ಚ ಪೀತಸಂಸಾರಸಾಗರಾ ।
ಪದ್ಮಪತ್ರಜಲಸ್ಥಾ ಚ ಪದ್ಮಪತ್ರನಿವಾಸಿನೀ ॥ ೫೫ ॥

ಪದ್ಮಮಾಲಾ ಪಾಪಹರಾ ಪಟ್ಟಾಮ್ಬರಧರಾ ಪರಾ ।
ಪರನಿರ್ವಾಣದಾತ್ರೀ ಚ ಪರಾಶಾ ಪರಶಾಸನಾ ॥ ೫೬ ॥

ಅಪ್ರಿಯವಿನಿಹನ್ತ್ರೀ ಚ ಪರಸಂಸ್ಕಾರಪಾಲಿನೀ ।
ಪ್ರತಿಷ್ಠಾ ಪೂಜಿತಾ ಸಿದ್ಧಾ ಪ್ರಸಿದ್ಧಪ್ರಭುವಾದಿನೀ ॥ ೫೭ ॥

ಪ್ರಯಾಸಸಿದ್ಧಿದಾ ಕ್ಷುಬ್ಧಾ ಪ್ರಪಞ್ಚಗುಣನಾಶಿನೀ ।
ಪ್ರಣಿಪತ್ಯಾ ಪ್ರಾಣಿಶಿಷ್ಯಾ ಪ್ರತಿಷ್ಠಿತತನೂಪ್ರಿಯಾ ॥ ೫೮ ॥

ಅಪ್ರತಿಷ್ಠಾ ನಿಹನ್ತ್ರೀ ಚ ಪಾದಪದ್ಮದ್ವಯಾನ್ವಿತಾ ।
ಪಾದಾಮ್ಬುಜಪ್ರೇಮಭಕ್ತಿಪೂಜ್ಯಪ್ರಾಣಪ್ರದಾಯಿನೀ ॥ ೫೯ ॥

ಪೈಶಾಚೀ ಚ ಪ್ರಕ್ಷಪಿತಾ ಪಿತೃಶ್ರದ್ಧಾ ಪಿತಾಮಹೀ ।
ಪ್ರಪಿತಾಮಹಪೂಜ್ಯಾ ಚ ಪಿತೃಲೋಕಸ್ವಧಾಪರಾ ॥ ೬೦ ॥

ಪುನರ್ಭವಾ ಪುನರ್ಜೀವಾ ಪೌನಃಪುನ್ಯಗತಿಸ್ಥಿತಾ ।
ಪ್ರಧಾನಬಲಿಭಕ್ಷಾದಿಸುಪ್ರಿಯಾ ಪ್ರಿಯಸಾಕ್ಷಿಣೀ ॥ ೬೧ ॥

ಪತಙ್ಗಕೋಟಿಜೀವಾಖ್ಯಾ ಪಾವಕಸ್ಥಾ ಚ ಪಾವನೀ ।
ಪರಜ್ಞಾನಾರ್ಥದಾತ್ರೀ ಚ ಪರತನ್ತ್ರಾರ್ಥಸಾಧಿನೀ ॥ ೬೨ ॥

ಪ್ರತ್ಯಗ್ಜ್ಯೋತಿಃ ಸ್ವರೂಪಾ ಚ ಪ್ರಥಮಾಪ್ರಥಮಾರುಣಾ ।
ಪ್ರಾತಃಸನ್ಧ್ಯಾ ಪಾರ್ಥಸನ್ಧ್ಯಾ ಪರಸನ್ಧ್ಯಾಸ್ವರೂಪಿಣೀ ॥ ೬೩ ॥

ಪ್ರಧಾನವರದಾ ಪ್ರಾಣಜ್ಞಾನನಿರ್ಣಯಕಾರಿಣೀ ।
ಪ್ರಭಞ್ಜನಾ ಪ್ರಾಞ್ಜನೇಶೀ ಪ್ರಯೋಗೋದ್ರೇಕಕಾರಿಣೀ ॥ ೬೪ ॥

ಪ್ರಫುಲ್ಲಪದದಾತ್ರೀ ಚ ಪ್ರಸಮಾಯಾ ಪುರೋದಯಾ ।
ಪರ್ವತಪ್ರಾಣರಕ್ಷತ್ರೀ ಪರ್ವತಾಧಾರಸಾಕ್ಷಿಣೀ ॥ ೬೫ ॥

ಪರ್ವತಪ್ರಾಣಶೋಭಾ ಚ ಪರ್ವತಚ್ಛತ್ರಕಾರಿಣೀ ।
ಪರ್ವತಾ ಜ್ಞಾನಹರ್ತ್ರೀ ಚ ಪ್ರಲಯೋದಯಸಾಕ್ಷಿಣೀ ॥ ೬೬ ॥

ಪ್ರಾರಬ್ಧಜನನೀ ಕಾಲೀ ಪ್ರದ್ಯುಮ್ನಜನನೀ ಸುರಾ ।
ಪ್ರಾಕ್ಸುರೇಶ್ವರಪತ್ನೀ ಚ ಪರವೀರಕುಲಾಪಹಾ ॥ ೬೭ ॥

ಪರವೀರನಿಯನ್ತ್ರೀ ಚ ಪರಪ್ರಣವಮಾಲಿನೀ ।
ಪ್ರಣವೇಶೀ ಪ್ರಣವಗಾ ಪ್ರಣವಾದ್ಯಾಕ್ಷರಪ್ರಿಯಾ ॥ ೬೮ ॥

ಪ್ರಣವಾರ್ಣಜಪಪ್ರೀತಾ ಪ್ರಾಣಮೃತ್ಯುಞ್ಜಯಪ್ರದಾ ।
ಪ್ರಣವಾಲಙ್ಕೃತಾ ವ್ಯೂಢಾ ಪಶುಭಕ್ಷಣತರ್ಪಣಾ ॥ ೬೯ ॥

ಪಶುದೋಷಹರಾ ಪಾಶುಪತಾಸ್ತ್ರಕೋಟಿಧಾರಿಣೀ ।
ಪ್ರವೇಶಿನೀ ಪ್ರವೇಶಾಖ್ಯಾ ಪದ್ಮಪತ್ರತ್ರಿಲೋಚನಾ ॥ ೭೦ ॥

ಪಶುಮಾಂಸಾಸವಾನನ್ದಾ ಪಶುಕೋಟಿಬಲಿಪ್ರಿಯಾ ।
ಪಶುಧರ್ಮಕ್ಷಯಾ ಪ್ರಾರ್ಯಾ ಪಶುತರ್ಪಣಕಾರಿಣೀ ॥ ೭೧ ॥

ಪಶುಶ್ರದ್ಧಾಕರೀ ಪೂಜ್ಯಾ ಪಶುಮುಣ್ಡಸುಮಾಲಿನೀ ।
ಪರವೀರಯೋಗಶಿಕ್ಷಾ ಪರಸಿದ್ಧಾನ್ತಯೋಗಿನೀ ॥ ೭೨ ॥

ಪರಶುಕ್ರೋಧಮುಖ್ಯಾಸ್ತ್ರಾ ಪರಶುಪ್ರಲಯಪ್ರದಾ ।
ಪದ್ಮರಾಗಮಾಲಧರಾ ಪದ್ಮರಾಗಾಸನಸ್ಥಿತಾ ॥ ೭೩ ॥

ಪದ್ಮರಾಗಮಣಿಶ್ರೇಣೀಹಾರಾಲಙ್ಕಾರಶೋಭಿತಾ ।
ಪರಮಧೂಲಿಸೌನ್ದರ್ಯಮಞ್ಜೀರಪಾದುಕಾಮ್ಬುಜಾ ॥ ೭೪ ॥

ಹರ್ತ್ರೀ ಸಮಸ್ತದುಃಖಾನಾಂ ಹಿರಣ್ಯಹಾರಶೋಭಿತಾ ।
ಹರಿಣಾಕ್ಷೀ ಹರಿಸ್ಥಾ ಚ ಹರಾ ಹಾರಾವತೀ ಹಿರಾ ॥ ೭೫ ॥

ಹಾರಕುಣ್ಡಲಶೋಭಾಢ್ಯಾ ಹಾರಕೇಯೂರಮಣ್ಡಿತಾ ।
ಹರಣಸ್ಥಾ ಹಾಕಿನೀ ಚ ಹೋಮಕರ್ಮಪ್ರಕಾಶಿನೀ ॥ ೭೬ ॥

ಹರಿದ್ರಾ ಹರಿಪೂಜ್ಯಾ ಚ ಹರಮಾಲಾ ಹರೇಶ್ವರೀ ।
ಹರಾತೀತಾ ಹರಸಿದ್ಧಾ ಹ್ರೀಂಕಾರೀ ಹಂಸಮಾಲಿನೀ ॥ ೭೭ ॥

ಹಂಸಮನ್ತ್ರಸ್ವರೂಪಾ ಚ ಹಂಸಮಣ್ಡಲಭೇದಿನೀ ।
ಹಂಸಃ ಸೋಽಹಂ ಮಣಿಕರಾ ಹಂಸರಾಜೋಪರಿಸ್ಥಿತಾ ॥ ೭೮ ॥

ಹೀರಕಾಭಾ ಹೀರಕಸೂಕಧಾರಿಣೀ ಹರಮೇಖಲಾ ।
ಹರಕುಣ್ಡಮೇಖಲಾ ಚ ಹೋಮದಣ್ಡಸುಮೇಖಲಾ ॥ ೭೯ ॥

ಹರಧರಪ್ರಿಯಾನನ್ದಾ ಹಲೀಶಾನೀ ಹರೋದಯಾ ।
ಹರಪತ್ನೀ ಹರರತಾ ಸಂಹಾರವಿಗ್ರಹೋಜ್ಜ್ವಲಾ ॥ ೮೦ ॥

ಸಂಹಾರನಿಲಯಾ ಹಾಲಾ ಹ್ಲೀಂಬೀಜಪ್ರಣವಪ್ರಿಯಾ ।
ಹಲಕ್ಷಾ ಹಕ್ಷವರ್ಣಸ್ಥಾ ಹಾಕಿನೀ ಹರಮೋಹಿನೀ ॥ ೮೧ ॥

ಹಾಹಾಹೂಹೂಪ್ರಿಯಾನನ್ದಗಾಯನಪ್ರೇಮಸುಪ್ರಿಯಾ ।
ಹರಭೂತಿಪ್ರದಾ ಹಾರಪ್ರಿಯಾ ಹೀರಕಮಾಲಿನೀ ॥ ೮೨ ॥

ಹೀರಕಾಭಾ ಹೀರಕಸ್ಥಾ ಹರಾಧಾರಾ ಹರಸ್ಥಿತಾ ।
ಹಾಲಾನಿಷೇವಿತಾ ಹಿನ್ತಾ ಹಿನ್ತಾಲವನಸಿದ್ಧಿದಾ ॥ ೮೩ ॥

ಮಹಾಮಾಯಾ ಮಹಾರೌದ್ರೀ ಮಹಾದೇವನಿಷೇವಿತಾ ।
ಮಹಾನಯಾ ಮಹಾದೇವೀ ಮಹಾಸಿದ್ಧಾ ಮಹೋದಯಾ ॥ ೮೪ ॥

ಮಹಾಯೋಗಾ ಮಹಾಭದ್ರಾ ಮಹಾಯೋಗೇನ್ದ್ರತಾರಿಣೀ ।
ಮಹಾದೀಪಶಿಖಾಕಾರಾ ಮಹಾದೀಪಪ್ರಕಾಶಿನೀ ॥ ೮೫ ॥

ಮಹಾದೀಪಪ್ರಕಾಶಾಖ್ಯಾ ಮಹಾಶ್ರದ್ಧಾ ಮಹಾಮತಿಃ ।
ಮಹಾಮಹೀಯಸೀ ಮೋಹನಾಶಿನೀ ಮಹತೀ ಮಹಾ ॥ ೮೬ ॥

ಮಹಾಕಾಲಪೂಜಿತಾ ಚ ಮಹಾಕಾಲಕುಲೇಶ್ವರೀ ।
ಮಹಾಯೋಗೀನ್ದ್ರಜನನೀ ಮೋಹಸಿದ್ಧಿಪ್ರದಾಯಿನೀ ॥ ೮೭ ॥

ಆಹುತಿಸ್ಥಾಹುತಿರತಾ ಹೋತೃವೇದಮನುಪ್ರಿಯಾ ।
ಹೈಯಙ್ಗಬೀಜಭೋಕ್ತ್ರೀ ಚ ಹೈಯಙ್ಗಬೀಜಸುಪ್ರಿಯಾ ॥ ೮೮ ॥

ಹೇ ಸಮ್ಬೋಧನರೂಪಾ ಚ ಹೇ ಹೇತೋಃ ಪರಮಾತ್ಮಜಾ ।
ಹಲನಾಥಪ್ರಿಯಾ ದೇವೀ ಹಿತಾಹಿತವಿನಾಶಿನೀ ॥ ೮೯ ॥

ಹನ್ತ್ರೀ ಸಮಸ್ತಪಾಪಾನಾಂ ಹಲಹೇತುಪ್ರದಾಪ್ರದಾ ।
ಹಲಹೇತುಚ್ಛಲಸ್ಥಾ ಚ ಹಿಲಿಹಿಲಿಪ್ರಯಾಗಿನೀ ॥ ೯೦ ॥

ಹುತಾಸನಮುಖೀ ಶೂನ್ಯಾ ಹರಿಣೀ ಹರತನ್ತ್ರದಾ ।
ಹಠಾತ್ಕಾರಗತಿಪ್ರೀತಾ ಸುಣ್ಟಕಾಲಙ್ಕೃತಾ ಇಲಾ ॥ ೯೧ ॥

ಹಲಾಯುಧಾದ್ಯಜನನೀ ಹಿಲ್ಲೋಲಾ ಹೇಮಬಹೀಣೀ ।
ಹೈಮೀ ಹಿಮಸುತಾ ಹೇಮಪರ್ವತಶೃಙ್ಗಸಂಸ್ಥಿರಾ ॥ ೯೨ ॥

ಹರಣಾಖ್ಯಾ ಹರಿಪ್ರೇಮವರ್ಧಿನೀ ಹರಮೋಹಿನೀ ।
ಹರಮಾತಾ ಹರಪ್ರಜ್ಞಾ ಹುಙ್ಕಾರೀ ಹರಪಾವನೀ ॥ ೯೩ ॥

ಹೇರಮ್ಬಜನನೀ ಹಟ್ಟಮಧ್ಯಸ್ಥಲನಿವಾಸಿನೀ ।
ಹಿಮಕುನ್ದೇನ್ದುಧವಲಾ ಹಿಮಪರ್ವತವಾಸಿನೀ ॥ ೯೪ ॥

ಹೋತೃಸ್ಥಾ ಹರಹಾಲಾ ಚ ಹೇಲಾತೀತಾ ಅಹರ್ಗಣಾ ।
ಅಹಙ್ಕಾರಾ ಹೇತುಗರ್ತಾ ಹೇತುಸ್ಥಾ ಹಿತಕಾರಿಣೀ ॥ ೯೫ ॥

ಹತಭಾಗ್ಯನಿಹನ್ತ್ರೀ ಚ ಹತಾಸದ್ಬುದ್ಧಿಜೀವಿಕಾ ।
ಹೇತುಪ್ರಿಯಾ ಮಹಾರಾತ್ರೀ ಅಹೋರಾಖ್ಯಾ ಹರೋದ್ಗಮಾ ॥ ೯೬ ॥

ಅರ್ಹಣಾದಿಪ್ರಿಯಾ ಚಾರ್ಹಾ ಹಾಹಾಕಾರನಿನಾದಿನೀ ।
ಹನುಮತ್ಕಲ್ಪಸಂಸ್ಥಾನಾ ಹನುಮತ್ಸಿದ್ಧಿದಾಯಿನೀ ॥ ೯೭ ॥

ಹಲಾಹಲಪ್ರಿಯಾಘೋರಾ ಮಹಾಭೀಮಾ ಹಲಾಯುಧಾ ।
ಹ್ಸೌಃ ಬೀಜಸ್ವರೂಪಾ ಚ ಹ್ಸೌಂ ಪ್ರೇತಾಖ್ಯಜಾಪಿನೀ ॥ ೯೮ ॥

ಆಹ್ಲಾದಿನೀ ಇಹಾನನ್ದಾ ಅರ್ಘ್ಯಕ್ರಾನ್ತಾ ಹರಾರ್ಚನಾ ।
ಹರಭೀತಿಹರಾಹಃಕಾ ಬೀಜಹಃಕಾಮಹಕ್ಷರಾ ॥ ೯೯ ॥

ಹೇರಮ್ಬಯೋಗಸಿದ್ಧಿಸ್ಥಾ ಹೇರಮ್ಬಾದಿಸುತಪ್ರಿಯಾ ।
ಹನನಾಖ್ಯಾ ಹೇತುನಾಮ್ನೀ ಹಠಾತ್ ಸಿದ್ಧಿಪ್ರಯೋಗದಾ ॥ ೧೦೦ ॥

ಉಮಾ ಮಹೇಶ್ವರೀ ಆದ್ಯಾ ಅನನ್ತಾನನ್ತಶಕ್ತಿದಾ ।
ಆಧಾರಾರ್ಹಸುರಕ್ಷಾ ಚ ಈಶ್ವರೀ ಉಗ್ರತಾರಿಣೀ ॥ ೧೦೧ ॥

ಉಷೇಶ್ವರೀ ಉತ್ತಮಾ ಚ ಊರ್ಧ್ವಪದ್ಮವಿಭೇದಿನೀ ।
ಋದ್ಧಿಸಿದ್ಧಿಪ್ರದಾ ಕ್ಷುಲ್ಲಾಕಾಶಬೀಜಸುಸಿದ್ಧಿದಾ ॥ ೧೦೨ ॥

ತೃತಕಸ್ಥಾತೃತಕಸ್ಥಾ ತೃಸ್ವರಾಖರ್ವಬೀಜಗಾ ।
ಏರಣ್ಡಪುಷ್ಪಹೋಮಾಢ್ಯಾ ಐಶ್ವರ್ಯದಾನತತ್ಪರಾ ॥ ೧೦೩ ॥

ಓಡ್ರಪುಷ್ಪಪ್ರಿಯಾ ಓಂಕಾರಾಕ್ಷರಾ ಔಷಧಪ್ರಿಯಾ ।
ಅರ್ವಣಾಸಾರಃ ಅಂಶಾಖ್ಯಾ ಅಃಸ್ಥಾ ಚ ಕಪಿಲಾ ಕಲಾ ॥ ೧೦೪ ॥

ಕೈಲಾಸಸ್ಥಾ ಕಾಮಧೇನುಃ ಖರ್ವಾ ಖೇಟಕಧಾರಿಣೀ ।
ಖರಪುಷ್ಪಪ್ರಿಯಾ ಖಡ್ಗಧಾರಿಣೀ ಖರಗಾಮಿನೀ ॥ ೧೦೫ ॥

ಗಭೀರಾ ಗೀತಗಾಯತ್ರೀ ಗುರ್ವಾ ಗುರುತರಾ ಗಯಾ ।
ಘನಕೋಟಿನಾದಕರೀ ಘರ್ಘರಾ ಘೋರನಾದಿನೀ ॥ ೧೦೬ ॥

ಘನಚ್ಛಾಯಾ ಚಾರುವರ್ಣಾ ಚಣ್ಡಿಕಾ ಚಾರುಹಾಸಿನೀ ।
ಚಾರುಚನ್ದ್ರಮುಖೀ ಚಾರುಚಿತ್ತಭಾವಾರ್ಥಗಾಮಿನೀ ॥ ೧೦೭ ॥

ಛತ್ರಾಕಿನೀ ಛಲಚ್ಛಿನ್ನಾ ಛಾಗಮಾಂಸವಿನೋದಿನೀ ।
ಜಯದಾ ಜೀವೀ ಜನ್ಯಾ ಚ ಜೀಮೂತೈರುಪಶೋಭಿತಾ ॥ ೧೦೮ ॥

ಜಯಿತ್ರೀ ಜಯಮುಣ್ಡಾಲೀ ಝಙ್ಕಾರೀ ಝಞ್ಜನಾದಿಕಾ ।
ಟಙ್ಕಾರಧಾರಿಣೀ ಟಙ್ಕಬಾಣಕಾರ್ಮುಕಧಾರಿಣೀ ॥ ೧೦೯ ॥

ಠಕುರಾಣೀ ಠಠಙ್ಕಾರೀ ಡಾಮರೇಶೀ ಚ ಡಿಣ್ಡಿಮಾ ।
ಢಕ್ಕಾನಾದಪ್ರಿಯಾ ಢಕ್ಕಾ ತವಮಾಲಾ ತಲಾತಲಾ ॥ ೧೧೦ ॥

ತಿಮಿರಾ ತಾರಿಣೀ ತಾರಾ ತರುಣಾ ತಾಲಸಿದ್ಧಿದಾ ।
ತೃಪ್ತಾ ಚ ತೈಜಸೀ ಚೈವ ತುಲನಾತಲವಾಸಿನೀ ॥ ೧೧೧ ॥

ತೋಷಣಾ ತೌಲಿನೀ ತೈಲಗನ್ಧಾಮೋದಿತದಿಙ್ಮುಖೀ ।
ಸ್ಥೂಲಪ್ರಿಯಾ ಥಕಾರಾದ್ಯಾ ಸ್ಥಿತಿರೂಪಾ ಚ ಸಂಸ್ಥಿರಾ ॥ ೧೧೨ ॥

ದಕ್ಷಿಣದೇಹನಾದಾಕ್ಷಾ ದಕ್ಷಪತ್ನೀ ಚ ದಕ್ಷಜಾ ।
ದಾರಿದ್ರ್ಯದೋಷಹನ್ತ್ರೀ ಚ ದಾರುಣಾಸ್ತ್ರವಿಭಞ್ಜಿನೀ ॥ ೧೧೩ ॥

ದಂಷ್ಟ್ರಕರಾಲವದನೀ ದೀರ್ಘಮಾತ್ರಾದಲಾನ್ವಿತಾ ।
ದೇವಮಾತಾ ದೇವಸೇನಾ ದೇವಪೂಜ್ಯಾ ದಯಾದಶಾ ॥ ೧೧೪ ॥

ದೀಕ್ಷಾದಾನಪ್ರದಾ ದೈನ್ಯಹನ್ತ್ರೀ ದೀರ್ಘಸುಕುನ್ತಲಾ ।
ದನುಜೇನ್ದ್ರನಿಹನ್ತ್ರೀ ಚ ದನುಜಾರಿವಿಮರ್ದಿನೀ ॥ ೧೧೫ ॥

ದೇಶಪೂಜ್ಯಾ ದಾಯದಾತ್ರೀ ದಶನಾಸ್ತ್ರಪ್ರಧಾರಿಣೀ ।
ದಾಸರಕ್ಷಾ ದೇಶರಕ್ಷಾ ದಿಗಮ್ಬರದಿಗಮ್ಬರೀ ॥ ೧೧೬ ॥

ದಿಕ್ಪ್ರಭಾಪಾಟಲವ್ಯಾಪ್ತಾ ದರೀಗೃಹನಿವಾಸಿನೀ ।
ದರ್ಶನಸ್ಥಾ ದಾರ್ಶನಿಕಾ ದತ್ತಭಾರ್ಯಾ ಚ ದುರ್ಗಹಾ ॥ ೧೧೭ ॥

ದುರ್ಗಾ ದೀರ್ಘಮುಖೀ ದುಃಖನಾಶಿನೀ ದಿವಿಸಂಸ್ಥಿತಾ ।
ಧನ್ಯಾ ಧನಪ್ರದಾ ಧಾರಾ ಧರಣೀ ಧಾರಿಣೀ ಧರಾ ॥ ೧೧೮ ॥

ಧೃತಸೌನ್ದರ್ಯವದನಾ ಧನದಾ ಧಾನ್ಯವರ್ಧಿನೀ ।
ಧ್ಯಾನಪ್ರಾಪ್ತಾ ಧ್ಯಾನಗಮ್ಯಾ ಧ್ಯಾನಜ್ಞಾನಪ್ರಕಾಶಿನೀ ॥ ೧೧೯ ॥

ಧ್ಯೇಯಾ ಧೀರಪೂಜಿತಾ ಚ ಧೂಮೇಶೀ ಚ ಧುರನ್ಧರಾ ।
ಧೂಮಕೇತುಹರಾ ಧೂಮಾ ಧ್ಯೇಯಾ ಸರ್ವಸುರೇಶ್ವರಈ ॥ ೧೨೦ ॥

ಧರ್ಮಾರ್ಥಮೋಕ್ಷದಾ ಧರ್ಮಚಿನ್ತಾ ಧರ್ಮಪ್ರಕಾಶಿನೀ ।
ಧೂಲಿರೂಪಾ ಚ ಧವಲಾ ಧವಲಚ್ಛತ್ರಧಾರಿಣೀ ॥ ೧೨೧ ॥

ಧವಲಾಮ್ಬರಧಾತ್ರೀ ಚ ಧವಲಾಸನಸಂಸ್ಥಿತಾ ।
ಧವಲಾ ಹಿಮಾಲಯಧರಾ ಧರಣೀ ಸಾಧನಕ್ರಿಯಾ ॥ ೧೨೨ ॥

ಧವಲೇಶ್ವರಕನ್ಯಾ ಚ ಧವಲಾಧ್ವಾಧಲಾಮುಖೀ ।
ಧೀರಕನ್ಯಾ ಧರ್ಮಕನ್ಯಾ ಧ್ರುವಸಿದ್ಧಿಪ್ರದಾಯಿನೀ ॥ ೧೨೩ ॥

ಧ್ರುವಾನನ್ದಾ ಧ್ರುವಶ್ರದ್ಧಾ ಧ್ರುವಸನ್ತೋಷವರ್ಧಿನೀ ।
ನಾರಿಕೇಲಜಲಸ್ನಾತಾ ನಾರಿಕೇಲಫಲಾಸನಾ ॥ ೧೨೪ ॥

ನಾರೀ ನಾರಾಯಣೀಶಾನಾ ನಮ್ರಪೂಜನಸುಪ್ರಿಯಾ ।
ನರದೇವರತಾ ನಿತ್ಯಗಣಗನ್ಧರ್ವಪೂಜಿತಾ ॥ ೧೨೫ ॥

ನರಕವಿಹಾರಿಣೀ ಚೈವ ನರಕಾನ್ತಕಕಾರಿಣೀ ।
ನರಕ್ಷೇತ್ರಕಲಾದೇವೀ ನವಕೋಶನಿವಾಸಿನೀ ॥ ೧೨೬ ॥

ನಾಕ್ಷತ್ರವಿದ್ಯಾ ನಾಕ್ಷತ್ರೀ ನಕ್ಷತ್ರಮಣ್ಡಲಸ್ಥಿತಾ ।
ನೃಪೋನ್ನಾಶಕರೀ ನಾರಾಯಣೀ ನೂಪುರಧಾರಿಣೀ ॥ ೧೨೭ ॥

ನೃತ್ಯಗೀತಪ್ರಿಯಾನೀತಾ ನವೀನಾ ನಾಮಶಾಯಿನೀ ।
ನೌನೂತನಾಸ್ತ್ರಧರಾ ನಿತ್ಯಾ ನವಪುಷ್ಪವನಸ್ಥಿತಾ ॥ ೧೨೮ ॥

ನವಪುಷ್ಪಪ್ರೇಮರತಾ ನವಚಮ್ಪಕಮಾಲಿನೀ ।
ನವರತ್ನಹಾರಮಾಲಾ ನವಜಾಮ್ಬೂನದಪ್ರಭಾ ॥ ೧೨೯ ॥

ನಮಸ್ಕಾರಪ್ರಿಯಾ ನಿನ್ದಾ ವಾದನಾದಪ್ರಣಾಶಿನೀ ।
ಪವನಾಕ್ಷರಮಾಲಾ ಚ ಪವನಾಕ್ಷರಮಾಲಿನೀ ॥ ೧೩೦ ॥

ಪರದೋಷಭಯಙ್ಕಾರಾ ಪ್ರಚರದ್ರೂಪಸಂಸ್ಥಿತಾ ।
ಪ್ರಸ್ಫುಟಿತಾಮ್ಭೋಜಮಾಲಾಧಾರಿಣೀ ಪ್ರೇಮವಾಸಿನೀ ॥ ೧೩೧ ॥

ಪರಮಾನನ್ದಸಪ್ತಾನಹರೀ ಪೃಥುನಿತಮ್ಬಿನೀ ।
ಪ್ರವಾಲಮಾಲಾ ಲೋಭಾಙ್ಗೀ ಪಯೋದಾ ಶತವಿಗ್ರಹಾ ॥ ೧೩೨ ॥

ಪಯೋದಕರುಣಾಕಾರಾ ಪಾರಮ್ಪರ್ಯಾಪ್ರಸಾದಿನೀ ।
ಪ್ರಾರಮ್ಭಕರ್ಮನಿರತಾ ಪ್ರಾರಬ್ಧಭೋಗದಾಯಿನೀ ॥ ೧೩೩ ॥

ಪ್ರೇಮಸಿದ್ಧಿಕರೀ ಪ್ರೇಮಧಾರಾ ಗಙ್ಗಾಮ್ಬುಶೋಭಿನೀ ।
ಫೇರುಪುಣ್ಯವರಾನನ್ದಾ ಫೇರುಭೋಜನತೋಷಿಣೀ ॥ ೧೩೪ ॥

ಫಲದಾ ಫಲವರ್ಧಾ ಚ ಫಲಾಹ್ಲಾದವಿನೋದಿನೀ ।
ಫಣಿಮಾಲಾಧರಾ ದೇವೀ ಫಣಿಹಾರಾದಿಶೋಭಿನೀ ॥ ೧೩೫ ॥

ಫಣಾ ಫಣೀಕಾರಮುಖೀ ಫಣಸ್ಥಾ ಫಣಿಮಣ್ಡಲಾ ।
ಸಹಸ್ರಫಣಿಸಮ್ಪ್ರಾಪ್ತಾ ಫುಲ್ಲಾರವಿನ್ದಮಾಲಿನೀ ॥ ೧೩೬ ॥

ವಾಸುಕೀ ವ್ಯಾಸಪೂಜ್ಯಾ ಚ ವಾಸುದೇವಾರ್ಚನಪ್ರಿಯಾ ।
ವಾಸುದೇವಕಲಾವಾಚ್ಯಾ ವಾಚಕಸ್ಥಾ ವಸುಸ್ಥಿತಾ ॥ ೧೩೭ ॥

ವಜ್ರದಣ್ಡಧರಾಧಾರಾ ವಿರದಾ ವಾದಸಾಧಿನೀ ।
ವಸನ್ತಕಾಲನಿಲಯಾ ವಸೋರ್ದ್ಧಾರಾ ವಸುನ್ಧರಾ ॥ ೧೩೮ ॥

ವೇಪಮಾನರಕ್ಷಕಾ ಚ ವಪೂರಕ್ಷಾ ವೃಷಾಸನಾ ।
ವಿವಸ್ವತ್ಪ್ರೇಮಕುಶಲಾ ವಿದ್ಯಾವಾದ್ಯವಿನೋದಿನೀ ॥ ೧೩೯ ॥

ವಿಧಿವಿದ್ಯಾಪ್ರಕಾಶಾ ಚ ವಿಧಿಸಿದ್ಧಾನ್ತದಾಯಿನೀ ।
ವಿಧಿಜ್ಞಾ ವೇದಕುಶಲಾ ವೇದವಾಕ್ಯವಿವಾಸಿನೀ ॥ ೧೪೦ ॥

ಬಲದೇವಪೂಜಿತಾ ಚ ಬಾಲಭಾವಪ್ರಪೂಜಿತಾ ।
ಬಾಲಾ ವಸುಮತೀ ವೇದ್ಯಾ ವೃದ್ಧಮಾತಾ ಬುಧಪ್ರಿಯಾ ॥ ೧೪೧ ॥

ಬೃಹಸ್ಪತಿಪ್ರಿಯಾ ವೀರಪೂಜಿತಾ ಬಾಲಚನ್ದ್ರಿಕಾ ।
ವಿಗ್ರಹಜ್ಞಾನರಕ್ಷಾ ಚ ವ್ಯಾಘ್ರಚರ್ಮಧರಾವರಾ ॥ ೧೪೨ ॥

ವ್ಯಥಾಬೋಧಾಪಹನ್ತ್ರೀ ಚ ವಿಸರ್ಗಮಣ್ಡಲಸ್ಥಿತಾ ।
ಬಾಣಭೂಷಾಪೂಜಿತಾ ವನಮಾಲಾ ವಿಹಾಯಸೀ ॥ ೧೪೩ ॥

ವಾಮದೇವಪ್ರಿಯಾ ವಾಮಪೂಜಾಜಾಪಪರಾಯಣಾ ।
ಭದ್ರಾ ಭ್ರಮರವರ್ಣಾ ಚ ಭ್ರಾಮರೀ ಭ್ರಮರಪ್ರಭಾ ॥ ೧೪೪ ॥

ಭಾಲಚನ್ದ್ರಧರಾ ಭೀಮಾ ಭೀಮನೇತ್ರಾಭವಾಭವಾ ।
ಭೀಮಮುಖೀ ಭೀಮದೇಹಾ ಭೀಮವಿಕ್ರಮಕಾರಿಣೀ ॥ ೧೪೫ ॥

ಭೀಮಶ್ರದ್ಧಾ ಭೀಮಪೂಜ್ಯಾ ಭೀಮಾಕಾರಾತಿಸುನ್ದರೀ ।
ಭೀಮಸಙ್ಗ್ರಾಮಜಯದಾ ಭೀಮಾದ್ಯಾ ಭೀಮಭೈರವೀ ॥ ೧೪೬ ॥

ಭೈರವೇಶೀ ಭೈರವೀ ಚ ಸದಾನನ್ದಾದಿಭೈರವೀ ।
ಸದಾನನ್ದಭೈರವೀ ಚ ಭೈರವೇನ್ದ್ರಪ್ರಿಯಙ್ಕರೀ ॥ ೧೪೭ ॥

ಭಲ್ಲಾಸ್ತ್ರಧಾರಿಣೀ ಭೈಮೀ ಭೃಗುವಂಶಪ್ರಕಾಶಿನೀ ।
ಭರ್ಗಪತ್ನೀ ಭರ್ಗಮಾತಾ ಭಙ್ಗಸ್ಥಾ ಭಙ್ಗಭಕ್ಷಿಣೀ ॥ ೧೪೮ ॥

ಭಕ್ಷಪ್ರಿಯಾ ಭಕ್ಷರತಾ ಭೃಕುಣ್ಡಾ ಭಾವಭೈರವೀ ।
ಭಾವದಾ ಭವದಾ ಭಾವಪ್ರಭಾವಾ ಭಾವನಾಶಿನೀ ॥ ೧೪೯ ॥

ಭಾಲಸಿನ್ದೂರತಿಲಕಾ ಭಾಲಲೋಕಸುಕುಣ್ಡಲಾ ।
ಭಾಲಮಾಲಾಲಕಾಶೋಭಾ ಭಾಸಯನ್ತೀ ಭವಾರ್ಣವಾ ॥ ೧೫೦ ॥

ಭವಭೀತಿಹರಾ ಭಾಲಚನ್ದ್ರಮಣ್ಡಲವಾಸಿನೀ ।
ಮದ್ಭ್ರಮರನೇತ್ರಾಬ್ಜಸುನ್ದರೀ ಭೀಮಸುನ್ದರೀ ॥ ೧೫೧ ॥

ಭಜನಪ್ರಿಯರೂಪಾ ಚ ಭಾವಭೋಜನಸಿದ್ಧಿದಾ ।
ಭ್ರೂಚನ್ದ್ರನಿರತಾ ಬಿನ್ದುಚಕ್ರಭ್ರೂಪದ್ಮಭೇದಿನೀ ॥ ೧೫೨ ॥

ಭವಪಾಶಹರಾ ಭೀಮಭಾವಕನ್ದನಿವಾಸಿನೀ ।
ಮನೋಯೋಗಸಿದ್ಧಿದಾತ್ರೀ ಮಾನಸೀ ಮನಸೋ ಮಹೀ ॥ ೧೫೩ ॥

ಮಹತೀ ಮೀನಭಕ್ಷಾ ಚ ಮೀನಚರ್ವಣತತ್ಪರಾ ।
ಮೀನಾವತಾರನಿರತಾ ಮಾಂಸಚರ್ವಣತತ್ಪರಾ ॥ ೧೫೪ ॥

ಮಾಂಸಪ್ರಿಯಾ ಮಾಂಸಸಿದ್ಧಾ ಸಿದ್ಧಮಾಂಸವಿನೋದಿನೀ ।
ಮಾಯಾ ಮಹಾವೀರಪೂಜ್ಯಾ ಮಧುಪ್ರೇಮದಿಗಮ್ಬರೀ ॥ ೧೫೫ ॥

ಮಾಧವೀ ಮದಿರಾಮಧ್ಯಾ ಮಧುಮಾಂಸನಿಷೇವಿತಾ ।
ಮೀನಮುದ್ರಾಭಕ್ಷಿಣೀ ಚ ಮೀನಮುದ್ರಾಪತರ್ಪಿಣೀ ॥ ೧೫೬ ॥

ಮುದ್ರಾಮೈಥುನಸಂತೃಪ್ತಾ ಮೈಥುನಾನನ್ದವರ್ಧಿನೀ ।
ಮೈಥುನಜ್ಞಾನಮೋಕ್ಷಸ್ಥಾ ಮಹಾಮಹಿಷಮರ್ದಿನೀ ॥ ೧೫೭ ॥

ಯಜ್ಞಶ್ರದ್ಧಾ ಯೋಗಸಿದ್ಧಾ ಯತ್ನೀ ಯತ್ನಪ್ರಕಾಶಿನೀ ।
ಯಶೋದಾ ಯಶಸಿ ಪ್ರೀತಾ ಯೌವನಸ್ಥಾ ಯಮಾಪಹಾ ॥ ೧೫೮ ॥

ರಾಸಶ್ರದ್ಧಾತುರಾರಾಮರಮಣೀರಮಣಪ್ರಿಯಾ ।
ರಾಜ್ಯದಾ ರಜನೀರಾಜವಲ್ಲಭಾ ರಾಮಸುನ್ದರೀ ॥ ೧೫೯ ॥

ರತಿಶ್ಚಾರತಿರೂಪಾ ಚ ರುದ್ರಲೋಕಸರಸ್ವತೀ ।
ರುದ್ರಾಣೀ ರಣಚಾಮುಣ್ಡಾ ರಘುವಂಶಪ್ರಕಾಶಿನೀ ॥ ೧೬೦ ॥

ಲಕ್ಷ್ಮೀರ್ಲೀಲಾವತೀ ಲೋಕಾ ಲಾವಣ್ಯಕೋಟಿಸಮ್ಭವಾ ।
ಲೋಕಾತೀತಾ ಲಕ್ಷಣಾಖ್ಯಾ ಲಿಙ್ಗಧಾರಾ ಲವಙ್ಗದಾ ॥ ೧೬೧ ॥

ಲವಙ್ಗಪುಷ್ಪನಿರತಾ ಲವಙ್ಗತರುಸಂಸ್ಥಿತಾ ।
ಲೇಲಿಹಾನಾ ಲಯಕರೀ ಲೀಲಾದೇಹಪ್ರಕಾಶಿನೀ ॥ ೧೬೨ ॥

ಲಾಕ್ಷಾಶೋಭಾಧರಾ ಲಙ್ಕಾ ರತ್ನಮಾಸವಧಾರಿಣೀ ।
ಲಕ್ಷಜಾಪಸಿದ್ಧಿಕರೀ ಲಕ್ಷಮನ್ತ್ರಪ್ರಕಾಶಿನೀ ॥ ೧೬೩ ॥

ವಶಿನೀ ವಶಕರ್ತ್ರೀ ಚ ವಶ್ಯಕರ್ಮನಿವಾಸಿನೀ ।
ವೇಶಾವೇಶ್ಯಾ ವೇಶವೇಶ್ಯಾ ವಂಶಿನೀ ವಂಶವರ್ಧಿನೀ ॥ ೧೬೪ ॥

ವಂಶಮಾಯಾ ವಜ್ರಶಬ್ದಮೋಹಿನೀ ಶಬ್ದರೂಪಿಣೀ ।
ಶಿವಾ ಶಿವಮಯೀ ಶಿಕ್ಷಾ ಶಶಿಚೂಡಾಮಣಿಪ್ರಭಾ ॥ ೧೬೫ ॥

ಶವಯುಗ್ಮಭೀತಿದಾ ಚ ಶವಯುಗ್ಮಭಯಾನಕಾ ।
ಶವಸ್ಥಾ ಶವವಕ್ಷಸ್ಥಾ ಶಾಬ್ದಬೋಧಪ್ರಕಾಶಿನೀ ॥ ೧೬೬ ॥

ಷಟ್ಪದ್ಮಭೇದಿನೀ ಷಟ್ಕಾ ಷಟ್ಕೋಣಯನ್ತ್ರಮಧ್ಯಗಾ ।
ಷಟ್ಚಕ್ರಸಾರದಾ ಸಾರಾ ಸಾರಾತ್ಸಾರಸರೋರುಹಾ ॥ ೧೬೭ ॥

ಸಮನಾದಿನಿಹನ್ತ್ರೀ ಚ ಸಿದ್ಧಿದಾ ಸಂಶಯಾಪಹಾ ।
ಸಂಸಾರಪೂಜಿತಾ ಧನ್ಯಾ ಸಪ್ತಮಣ್ಡಲಸಾಕ್ಷಿಣೀ ॥ ೧೬೮ ॥

ಸುನ್ದರೀ ಸುನ್ದರಪ್ರೀತಾ ಸುನ್ದರಾನನ್ದವರ್ಧಿನೀ ।
ಸುನ್ದರಾಸ್ಯಾ ಸುನವಸ್ತ್ರೀ ಸೌನ್ದರ್ಯಸಿದ್ಧಿದಾಯಿನೀ ॥ ೧೬೯ ॥

ತ್ರಿಸುನ್ದರೀ ಸರ್ವರೀ ಚ ಸರ್ವಾ ತ್ರಿಪುರಸುನ್ದರೀ ।
ಶ್ಯಾಮಲಾ ಸರ್ವಮಾತಾ ಚ ಸಖ್ಯಭಾವಪ್ರಿಯಾ ಸ್ವರಾ ॥ ೧೭೦ ॥

ಸಾಕ್ಷಾತ್ಕಾರಸ್ಥಿತಾ ಸಾಕ್ಷಾತ್ಸಾಕ್ಷಿಣೀ ಸರ್ವಸಾಕ್ಷಿಣೀ ।
ಹಾಕಿನೀ ಶಾಕಿನೀಮಾತಾ ಶಾಕಿನೀ ಕಾಕಿನೀಪ್ರಿಯಾ ॥ ೧೭೧ ॥

ಹಾಕಿನೀ ಲಾಕಿನೀಮಾತಾ ಹಾಕಿನೀ ರಾಕಿಣೀಪ್ರಿಯಾ ।
ಹಾಕಿನೀ ಡಾಕಿನೀಮಾತಾ ಹರಾ ಕುಣ್ಡಲಿನೀ ಹಯಾ ॥ ೧೭೨ ॥

ಹಯಸ್ಥಾ ಹಯತೇಜಃಸ್ಥಾ ಹ್ಸೌಂಬೀಜಪ್ರಕಾಶಿನೀ ।
ಲವಣಾಮ್ಬುಸ್ಥಿತಾ ಲಕ್ಷಗ್ರನ್ಥಿಭೇದನಕಾರಿಣೀ ॥ ೧೭೩ ॥

ಲಕ್ಷಕೋಟಿಭಾಸ್ಕರಾಭಾ ಲಕ್ಷಬ್ರಹ್ಮಾಣ್ಡಕಾರಿಣೀ ।
ಕ್ಷಣದಣ್ಡಪಲಾಕಾರಾ ಕ್ಷಪಾಕ್ಷೋಭವಿನಾಶಿನೀ ॥ ೧೭೪ ॥

ಕ್ಷೇತ್ರಪಾಲಾದಿವಟುಕಗಣೇಶಯೋಗಿನೀಪ್ರಿಯಾ ।
ಕ್ಷಯರೋಗಹರಾ ಕ್ಷೌಣೀ ಕ್ಷಾಲನಸ್ಥಾಕ್ಷರಪ್ರಿಯಾ ॥ ೧೭೫ ॥

ಕ್ಷಾದ್ಯಸ್ವರಾನ್ತಸಿದ್ಧಿಸ್ಥಾ ಕ್ಷಾದಿಕಾನ್ತಪ್ರಕಾಶಿನೀ ।
ಕ್ಷಾರಾಮ್ಬುತಿಕ್ತನಿಕರಾ ಕ್ಷಿತಿದುಃಖವಿನಾಶಿನೀ ॥ ೧೭೬ ॥

ಕ್ಷುನ್ನಿವೃತ್ತಿಃ ಕ್ಷಣಜ್ಞಾನೀ ವಲ್ಲಭಾ ಕ್ಷಣಭಙ್ಗುರಾ ।
ಇತ್ಯೇತತ್ ಕಥಿತಂ ನಾಥ ಹಾಕಿನ್ಯಾಃ ಕುಲಶೇಖರ ॥ ೧೭೭ ॥

ಸಹಸ್ರನಾಮಯೋಗಾಙ್ಗಮಷ್ಟೋತ್ತರಶತಾನ್ವಿತಮ್ ।
ಯಃ ಪಠೇನ್ನಿಯತಃ ಶ್ರೀಮಾನ್ ಸ ಯೋಗೀ ನಾತ್ರ ಸಂಶಯಃ ॥ ೧೭೮ ॥

ಅಸ್ಯ ಸ್ಮರಣಮಾತ್ರೇಣ ವೀರೋ ಯೋಗೇಶ್ವರೋ ಭವೇತ್ ।
ಅಸ್ಯಾಪಿ ಚ ಫಲಂ ವಕ್ತುಂ ಕೋಟಿವರ್ಷಶತೈರಪಿ ॥ ೧೭೯ ॥

ಶಕ್ಯತೇ ನಾಪಿ ಸಹಸಾ ಸಂಕ್ಷೇಪಾತ್ ಶೃಣು ಸತ್ಫಲಮ್ ।
ಆಯುರಾರೋಗ್ಯಮಾಪ್ನೋತಿ ವಿಶ್ವಾಸಂ ಶ್ರೀಗುರೋಃ ಪದೈಃ ॥ ೧೮೦ ॥

ಸಾರಸಿದ್ಧಿಕರಂ ಪುಣ್ಯಂ ಪವಿತ್ರಂ ಪಾಪನಾಶನಮ್ ।
ಅತ್ಯನ್ತದುಃಖದಹನಂ ಸರ್ವಸೌಭಾಗ್ಯದಾಯಕಮ್ ॥ ೧೮೧ ॥

ಪಠನಾತ್ ಸರ್ವದಾ ಯೋಗಸಿದ್ಧಿಮಾಪ್ನೋತಿ ಯೋಗಿರಾಟ್ ।
ದೇಹಸಿದ್ಧಿಃ ಕಾವ್ಯಸಿದ್ಧಿರ್ಜ್ಞಾನಸಿದ್ಧಿರ್ಭವೇದ್ ಧ್ರುವಮ್ ॥ ೧೮೨ ॥

ವಾಚಾಂ ಸಿದ್ಧಿಃ ಖಡ್ಗಸಿದ್ಧಿಃ ಖೇಚರತ್ವಮವಾಪ್ನುಯಾತ್ ।
ತ್ರೈಲೋಕ್ಯವಲ್ಲಭೋ ಯೋಗೀ ಸರ್ವಕಾಮಾರ್ಥಸಿದ್ಧಿಭಾಕ್ ॥ ೧೮೩ ॥

ಅಪ್ರಕಾಶ್ಯಂ ಮಹಾರತ್ನಂ ಪಠಿತ್ವಾ ಸಿದ್ಧಿಮಾಪ್ನುಯಾತ್ ।
ಅಸ್ಯ ಪ್ರಪಠನೇನಾಪಿ ಭ್ರೂಪದ್ಮೇ ಚಿತ್ತಮರ್ಪಯನ್ ॥ ೧೮೪ ॥

ಯಶೋಭಾಗ್ಯಮವಾಪ್ನೋತಿರಾಜರಾಜೇಶ್ವರೋ ಭವೇತ್ ।
ಡಾಕಿನೀಸಿದ್ಧಿಮಾಪ್ನೋತಿ ಕುಣ್ಡಲೀವಶಮಾನಯೇತ್ ॥ ೧೮೫ ॥

ಧ್ಯಾನಾತ್ಮಾ ಸಾಧಕೇನ್ದ್ರಶ್ಚ ಯತಿರ್ಭೂತ್ವಾ ಶುಭೇ ದಿನೇ ।
ಧ್ಯಾನಂ ಕುರ್ಯಾತ್ ಪದ್ಮಮಧ್ಯಕರ್ಣಿಕಾಯಾಂ ಶಿಖಾಲಯೇ ॥ ೧೮೬ ॥

ಭ್ರೂಮಧ್ಯೇ ಚಕ್ರಸಾರೇ ಚ ಧ್ಯಾತ್ವಾ ಧ್ಯಾತ್ವಾ ಪಠೇದ್ ಯದಿ ।
ರಾಕಿಣೀಸಿದ್ಧಿಮಾಪ್ನೋತಿ ದೇವತಾದರ್ಶನಂ ಲಭೇತ್ ॥ ೧೮೭ ॥

ಭಾಗ್ಯಸಿದ್ಧಿಮವಾಪ್ನೋತಿ ನಿತ್ಯಂ ಪ್ರಪಠನಾದ್ಯತಃ ।
ಸಾಕ್ಷಾತ್ಸಿದ್ಧಿಮವಾಪ್ನೋತಿ ಶಕ್ತಿಯುಕ್ತಃ ಪಠೇದ್ಯದಿ ॥ ೧೮೮ ॥

ಹಿರಣ್ಯಾಕ್ಷೀ ಲಾಕಿನೀಶಾ ವಶಮಾಪ್ನೋತಿ ಧೈರ್ಯವಾನ್ ।
ರಾತ್ರಿಶೇಷೇ ಸಮುತ್ಥಾಯ ಪಠೇದ್ ಯದಿ ಶಿವಾಲಯೇ ॥ ೧೮೯ ॥

ಪೂಜಾನ್ತೇ ವಾ ಜಪಾನ್ತೇ ವಾ ವಾರಮೇಕಂ ಪಠೇದ್ಯದಿ ।
ವೀರಸಿದ್ಧಿಮವಾಪ್ನೋತಿ ಕಾಕಿನೀವಶಮಾನಯೇತ್ ॥ ೧೯೦ ॥

ರಾತ್ರಿಂ ವ್ಯಾಪ್ಯ ಪಠೇದ್ಯಸ್ತು ಶುದ್ಧಚೇತಾ ಜಿತೇನ್ದ್ರಿಯಃ ।
ಶಯ್ಯಾಯಾಂ ಚಣ್ಡಿಕಾಗೇಹೇ ಮಧುಗೇಹೇಽಥವಾ ಪುನಃ ॥ ೧೯೧ ॥

ಶಾಕಿನೀಸಿದ್ಧಿಮಾಪ್ನೋತಿ ಸರ್ವದೇಶೇ ಚ ಸರ್ವದಾ ।
ಪ್ರಭಾತೇ ಚ ಸಮುತ್ಥಾಯ ಶುದ್ಧಾತ್ಮಾ ಪಞ್ಚಮೇ ದಿನೇ ॥ ೧೯೨ ॥

ಅಮಾವಾಸ್ಯಾಸು ವಿಜ್ಞಾಯಾಂ ಶ್ರವಣಾಯಾಂ ವಿಶೇಷತಃ ।
ಶುಕ್ಲಪಕ್ಷೇ ನವಮ್ಯಾಂ ತು ಕೃಷ್ಣಪಕ್ಷೇಽಷ್ಟಮೀದಿನೇ ॥ ೧೯೩ ॥

ಭಾರ್ಯಾಯುಕ್ತಃ ಪಠೇದ್ಯಸ್ತು ವಶಮಾಪ್ನೋತಿ ಭೂಪತಿಮ್ ।
ಏಕಾಕೀ ನಿರ್ಜನೇ ದೇಶೇ ಕಾಮಜೇತಾ ಮಹಾಬಲೀ ॥ ೧೯೪ ॥

ಪ್ರಪಠೇದ್ ರಾತ್ರಿಶೇಷೇ ಚ ಸ ಭವೇತ್ ಸಾಧಕೋತ್ತಮಃ ।
ಕಲ್ಪದ್ರುಮಸಮೋ ದಾತಾ ದೇವಜೇತಾ ನ ಸಂಶಯಃ ॥ ೧೯೫ ॥

ಶಿವಶಕ್ತಿಮಧ್ಯಭಾಗೇ ಯನ್ತ್ರಂ ಸಂಸ್ಥಾಪ್ಯ ಯತ್ನತಃ ।
ಪ್ರಪಠೇತ್ ಸಾಧಕೇನ್ದ್ರಶ್ಚ ಸರ್ವಜ್ಞಾತಾ ಸ್ಥಿರಾಶಯಃ ॥ ೧೯೬ ॥

ಏಕಾನ್ತನಿರ್ಜನೇ ರಮ್ಯೇ ತಪಃಸಿದ್ಧಿಫಲೋದಯೇ ।
ದೇಶೇ ಸ್ಥಿತ್ವಾ ಪಠೇದ್ಯಸ್ತು ಜೀವನ್ಮುಕ್ತಿ ಫಲಂ ಲಭೇತ್ ॥ ೧೯೭ ॥

ಅಕಾಲೇಽಪಿ ಸಕಾಲೇಽಪಿ ಪಠಿತ್ವಾ ಸಿದ್ಧಿಮಾಪ್ನುಯಾತ್ ।
ತ್ರಿಕಾಲಂ ಯಸ್ತು ಪಠತಿ ಪ್ರಾನ್ತರೇ ವಾ ಚತುಷ್ಪಥೇ ॥ ೧೯೮ ॥

ಯೋಗಿನೀನಾಂ ಪತಿಃ ಸಾಕ್ಷಾದಾಯುರ್ವೃದ್ಧಿದೀನೇ ದಿನೇ ।
ವಾರಮೇಕಂ ಪಠೇದ್ಯಸ್ತು ಮೂರ್ಖೋ ವಾ ಪಣ್ಡಿತೋಽಪಿ ವಾ ॥ ೧೯೯ ॥

ವಾಚಾಮೀಶೋ ಭವೇತ್ ಕ್ಷಿಪ್ರಂ ಯೋಗಯುಕ್ತೋ ಭವೇದ್ ಧ್ರುವಮ್ ।
ಸಮ್ಭಾವಿತೋ ಭವೇದೇಕಂ ವಾರಪಾಠೇನ ಭೈರವ ॥ ೨೦೦ ॥

ಜಿತ್ವಾ ಕಾಲಮಹಾಮೃತ್ಯುಂ ದೇವೀಭಕ್ತಿಮವಾಪ್ನುಯಾತ್ ।
ಪಠಿತ್ವಾ ವಾರಮೇಕಂ ತು ಯಾತ್ರಾಂ ಕುರ್ವನ್ತಿ ಯೇ ಜನಾಃ ॥ ೨೦೧ ॥

ದೇವೀದರ್ಶನಸಿದ್ಧಿಞ್ಚ ಪ್ರಾಪ್ತೋ ಯೋಗಮವಾಪ್ನುಯಾತ್ ।
ಪ್ರತ್ಯೇಕಂ ನಾಮಮುಚ್ಚಾರ್ಯ ಯೋ ಯಾಗಮನುಸಞ್ಚರೇತ್ ॥ ೨೦೨ ॥

ಸ ಭವೇನ್ಮಮ ಪುತ್ರೋ ಹಿ ಸರ್ವಕಾಮಫಲಂ ಲಭೇತ್ ।
ಸರ್ವಯಜ್ಞಫಲಂ ಜ್ಞಾನಸಿದ್ಧಿಮಾಪ್ನೋತಿ ಯೋಗಿರಾಟ್ ॥ ೨೦೩ ॥

ಭೂತಲೇ ಭೂಭೃತಾಂನಾಥೋ ಮಹಾಸಿದ್ಧೋ ಮಹಾಕವಿಃ ।
ಕಣ್ಠೇ ಶೀರ್ಷೇ ದಕ್ಷಭುಜೇ ಪುರುಷೋ ಧಾರಯೇದ್ಯದಿ ॥ ೨೦೪ ॥

ಯೋಷಿದ್ವಾಮಭುಜೇ ಧೃತ್ವಾ ಸರ್ವಸಿದ್ಧಿಮವಾಪ್ನುಯಾತ್ ।
ಗೋರೋಚನಾಕುಙ್ಕುಮೇನ ರಕ್ತಚನ್ದನಕೇನ ಚ ॥ ೨೦೫ ॥

ಯಾವಕೈರ್ವಾ ಮಹೇಶಾನಿ ಲಿಖೇನ್ಮನ್ತ್ರಂ ಸಮಾಹಿತಃ ।
ಆದ್ಯಾ ದೇವೀ ಪರಪ್ರಾಣಸಿದ್ಧಿಮಾಪ್ನೋತಿ ನಿಶ್ಚಿತಮ್ ॥ ೨೦೬ ॥

ಲಿಙ್ಗಂ ಪೀಠೇ ಪೂರ್ಣಿಮಾಯಾಂ ಕೃಷ್ಣಚತುರ್ದಶೀದಿನೇ ।
ಭೌಮವಾರೇ ಮಧ್ಯರಾತ್ರೌ ಪಠಿತ್ವಾ ಕಾಮಸಿದ್ಧಿಭಾಕ್ ॥ ೨೦೭ ॥

ಕಿಂ ನ ಸಿದ್ಧ್ಯತಿ ಭೂಖಣ್ಡೇ ಅಜರಾಮರ ಏವ ಸಃ ।
ರಮಣೀಕೋಟಿಭರ್ತಾ ಸ್ಯಾದ್ ವರ್ಷದ್ವಾದಶಪಾಠತಃ ॥ ೨೦೮ ॥

ಅಷ್ಟವರ್ಷಪ್ರಪಾಠೇನ ಕಾಯಪ್ರವೇಶಸಿದ್ಧಿಭಾಕ್ ।
ಷಡ್ವರ್ಷಮಾತ್ರಪಾಠೇನ ಕುಬೇರಸದೃಶೋ ಧನೀ ॥ ೨೦೯ ॥

ವಾರೈಕಮಾತ್ರಪಾಠೇನ ವರ್ಷೇ ವರ್ಷೇ ದಿನೇ ದಿನೇ ।
ಸ ಭವೇತ್ ಪಞ್ಚತತ್ತ್ವಜ್ಞೋ ತತ್ತ್ವಜ್ಞಾನೀ ನ ಸಂಶಯಃ ॥ ೨೧೦ ॥

ಸರ್ವಪಾಪವಿನಿರ್ಮುಕ್ತೋ ವಸೇತ್ ಕಲ್ಪತ್ರಯಂ ಭುವಿ ।
ಯಃ ಪಠೇತ್ ಸಪ್ತಧಾ ನಾಥ ಸಪ್ತಾಹನಿ ದಿನೇ ದಿನೇ ॥ ೨೧೧ ॥

ರಾತ್ರೌ ವಾರತ್ರಯಂ ಧೀಮಾನ್ ಪಠಿತ್ವಾ ಖೇಚರೋ ಭವೇತ್ ।
ಅಶ್ವಿನೀ ಶುಕ್ಲಪಕ್ಷೇ ಚ ರೋಹಿಣ್ಯಸಿತಪಕ್ಷಕೇ ॥ ೨೧೨ ॥

ಅಷ್ಟಮ್ಯಾಂ ಹಿ ನವಮ್ಯಾಂ ತು ಪಠೇದ್ ವಾರತ್ರಯಂ ನಿಶಿ ।
ದಿವಸೇ ವಾರಮೇಕಂ ತು ಸ ಭವೇತ್ ಪಞ್ಚತತ್ತ್ವವಿತ್ ॥ ೨೧೩ ॥

ಅನಾಯಾಸೇನ ದೇವೇಶ ಪಞ್ಚಾಮರಾದಿಸಿದ್ಧಿಭಾಕ್ ।
ಖೇಚರೀಮೇಲನಂ ತಸ್ಯ ನಿತ್ಯಂ ಭವತಿ ನಿಶ್ಚಿತಮ್ ॥ ೨೧೪ ॥

ಸ್ವರ್ಗೇ ಮರ್ತ್ಯೇ ಚ ಪಾತಾಲೇ ಕ್ಷಣಾನ್ನಿಃಸರತಿ ಧ್ರುವಮ್ ।
ಅಗ್ನಿಸ್ತಮ್ಭಂ ಜಲಸ್ತಮ್ಭಂ ವಾತಸ್ತಮ್ಭಂ ಕರೋತಿ ಸಃ ॥ ೨೧೫ ॥

ಪಞ್ಚತತ್ತ್ವಕ್ರಮೇಣೈವ ಶ್ಮಶಾನೇ ಯಸ್ತು ಸಮ್ಪಠೇತ್ ।
ಸ ಭವೇದ್ ದೇವದೇವೇಶಃ ಸಿದ್ಧಾನ್ತಸಾರಪಣ್ಡಿತಃ ॥ ೨೧೬ ॥

ಶೂಕರಾಸವಸಂಯುಕ್ತಃ ಕುಲದ್ರವ್ಯೇಣ ವಾ ಪುನಃ ।
ಬಿಲ್ವಮೂಲೇ ಪೀಠಮೂಲೇ ವಿಧಾನೇನ ಪ್ರಪೂಜಯೇತ್ ।
ಪರೇಣ ಪರಮಾ ದೇವೀ ತುಷ್ಟಾ ಭವತಿ ಸಿದ್ಧಿದಾ ॥ ೨೧೭ ॥

॥ ಇತಿ ಶ್ರೀರುದ್ರಯಾಮಲೇ ಉತ್ತರತನ್ತ್ರೇ ಭೈರವಭೈರವೀಸಂವಾದೇ

ಹಾಕಿನೀಸಹಸ್ರನಾಮಸ್ತೋತ್ರಂ ಸಮ್ಪೂರ್ಣಮ್ ॥


Proofread by Ravin Bhalekar ravibhalekar@hotmail.com

Please send corrections to sanskrit@cheerful.com
Last updated ತ್oday
http://sanskritdocuments.org

Hakini Sahasranama Stotram Lyrics in Kannada PDF
% File name : hAkinIsahasra.itx
% Category : sahasranAma
% Location : doc\_devii
% Author : Traditional
% Language : Sanskrit
% Subject : philosophy/hinduism/religion
% Transliterated by : Mark S.G. Dyczkowski muktAbodha
% Proofread by : Ravin Bhalekar ravibhalekar at hotmail.com
% Description-comments : rudrayAmale uttaratantre bhairava bhairavI sa.nvAde
% Latest update : May 25, 2009
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 15, 2015 ] at Stotram Website