{॥ ഹാകിനീസഹസ്രനാമസ്തോത്ര ॥}
ശ്രീഗണേശായ നമഃ ।
ശ്രീ ആനന്ദഭൈരവ ഉവാച ।
ആനന്ദാര്ണവമധ്യഭാവഘടിതശ്രൌതപ്രവാഹോജ്ജ്വലേ
കാന്തേ ദത്തസുശാന്തിദേ യമദമാഹ്ലാദൈകശക്തിപ്രഭേ ।
സ്നേഹാനന്ദകടാക്ഷദിവ്യകൃപയാ ശീഘ്രം വദസ്വാദ്ഭുതം
ഹാകിന്യാഃ ശുഭനാമ സുന്ദരസഹസ്രാഷ്ടോത്തരം ശ്രീഗുരോഃ ॥ ൧ ॥

ശ്രീ ആനന്ദഭൈരവീ ഉവാച
സാക്ഷാത്തേ കഥയാമി നാഥ സകലം പുണ്യം പവിത്രം ഗുരോ
നാമ്നാം ശക്തിസഹസ്രനാമ ഭാവികം ജ്ഞാനാദി ചാഷ്ടോത്തരമ് ।
യോഗീന്ദ്രൈര്ജയകാങ്ക്ഷിഭിഃ പ്രിയകലാപ്രേമാഭിലാഷാചീതൈഃ
സേവ്യം പാഠ്യമതീവ ഗോപ്യമഖിലേ ശീഘ്രം പഠസ്വ പ്രഭോ ॥ ൨ ॥

അസ്യ ശ്രീപരനാഥമഹാശക്തിഹാകിനീപരമേശ്വരീദേവ്യഷ്ടോത്തരസഹസ്രനാമ്നഃ
സ്തോത്രസ്യ സദാശിവ ഋഷിഃ , ഗായത്രീച്ഛന്ദഃ ,
ശ്രീപരമേശ്വരീഹാകിനീമഹാശക്തിര്ദേവതാ , ക്ലീം ബീജം , സ്വാഹാ ശക്തിഃ ,
സിദ്ധലക്ഷ്മീമൂലകീലകം , ദേഹാന്തര്ഗത മഹാകായജ്ഞാനസിദ്ധ്യര്ഥേ ജപേ വിനിയോഗഃ ।
ഓം ഹാകിനീ വസുധാ ലക്ഷ്മീ പരമാത്മകലാ പരാ ।
പരപ്രിയാ പരാതീതാ പരമാ പരമപ്രിയാ ॥ ൩ ॥

പരേശ്വരീ പരപ്രേമാ പരബ്രഹ്മസ്വരൂപിണീ ।
പരന്തപാ പരാനന്ദാ പരനാഥനിസേവിനീ ॥ ൪ ॥

പരാകാശസ്ഥിതാ പാരാ പാരാപാരനിരൂപിണീ ।
പരാകാങ്ക്ഷ്യാ പരാശക്തിഃ പുരാതനതനുഃ പ്രഭാ ॥ ൫ ॥

പഞ്ചാനനപ്രിയാ പൂര്വാ പരദാരാ പരാദരാ ।
പരദേശഗതാ നാഥാ പരമാഹ്ലാദവര്ധിനീ ॥ ൬ ॥

പാര്വതീ പരകുലാഖ്യാ പരാഞ്ജനസുലോചനാ ।
പരംബ്രഹ്മപ്രിയാ മായാ പരംബ്രഹ്മപ്രകാശിനീ ॥ ൭ ॥

പരംബ്രഹ്മജ്ഞാനഗമ്യാ പരംബ്രഹ്മേശ്വരപ്രിമയാ ।
പൂര്വാതീതാ പരാതീതാ അപാരമഹിമസ്ഥിതാ ॥ ൮ ॥

അപാരസാഗരോദ്ധാരാ അപാരദുസ്തരോദ്ധരാ ।
പരാനലശിഖാകാരാ പരഭ്രൂമധ്യവാസിനീ ॥ ൯ ॥

പരശ്രേഷ്ഠാ പരക്ഷേത്രവാസിനീ പരമാലിനീ ।
പര്വതേശ്വരകന്യാ ച പരാഗ്നികോടിസമ്ഭവാ ॥ ൧൦ ॥

പരച്ഛായാ പരച്ഛത്രാ പരച്ഛിദ്രവിനിര്ഗതാ ।
പരദേവഗതിഃ പ്രേമാ പഞ്ചചൂഡാമണിപ്രഭാ ॥ ൧൧ ॥

പഞ്ചമീ പശുനാഥേശീ ത്രിപഞ്ചാ പഞ്ചസുന്ദരീ ।
പാരിജാതവനസ്ഥാ ച പാരിജാതസ്രജപ്രിയാ ॥ ൧൨ ॥

പരാപരവിഭേദാ ച പരലോകവിമുക്തിദാ ।
പരതാപാനലാകാരാ പരസ്ത്രീ പരജാപിനീ ॥ ൧൩ ॥

പരാസ്ത്രധാരിണീ പൂരവാസിനീ പരമേശ്വരീ ।
പ്രേമോല്ലാസകരീ പ്രേമസന്താനഭക്തിദായിനീ ॥ ൧൪ ॥

പരശബ്ദപ്രിയാ പൌരാ പരാമര്ഷണകാരിണീ ।
പ്രസന്നാ പരയന്ത്രസ്ഥാ പ്രസന്നാ പദ്മമാലിനീ ॥ ൧൫ ॥

പ്രിയംവദാ പരത്രാപ്താ പരധാന്യാര്ഥവര്ധിനീ ।
പരഭൂമിരതാ പീതാ പരകാതരപൂജിതാ ॥ ൧൬॥

പരാസ്യവാക്യവിനതാ പുരുഷസ്ഥാ പുരഞ്ജനാ ।
പ്രൌഢാ മേയഹരാ പ്രീതിവര്ധിനീ പ്രിയവര്ധിനീ ॥ ൧൭ ॥

പ്രപഞ്ചദുഃഖഹന്ത്രീ ച പ്രപഞ്ചസാരനിര്ഗതാ ।
പുരാണനിര്ഗതാ പീനാ പീനസ്തനഭവോജ്ജ്വലാ ॥ ൧൮ ॥

പട്ടവസ്ത്രപരീധാനാ പട്ടസൂത്രപ്രചാലിനീ ।
പരദ്രവ്യപ്രദാ പ്രീതാ പരശ്രദ്ധാ പരാന്തരാ ॥ ൧൯ ॥

പാവനീയാ പരക്ഷുബ്ധാ പരസാരവിനാശിനീ ।
പരമേവ നിഗൂഢാര്ഥതത്ത്വചിന്താപ്രകാശിനീ ॥ ൨൦ ॥

പ്രചുരാര്ഥപ്രദാ പൃഥ്വീ പദ്മപത്രദ്വയസ്ഥിതാ ।
പ്രസന്നഹൃദയാനന്ദാ പ്രസന്നാസനസംസ്ഥിതാ ॥ ൨൧ ॥

പ്രസന്നരത്നമാലാഢ്യാ പ്രസന്നവനമാലിനീ ।
പ്രസന്നകരുണാനന്ദാ പ്രസന്നഹൃദയസ്ഥിതാ ॥ ൨൨ ॥

പരാഭാസരതാ പൂര്വപശ്ചിമോത്തരദക്ഷിണാ ।
പവനസ്ഥാ പാനരതാ പവനാധാരവിഗ്രഹാ ॥ ൨൩ ॥

പ്രഭുപ്രിയാ പ്രഭുരതാ പ്രഭുഭക്തിപ്രദായിനീ ।
പരതൃഷ്ണാവര്ധിനീ ച പ്രചയാ പരജന്മദാ ॥ ൨൪ ॥

പരജന്മനിരസ്താ ച പരസഞ്ചാരകാരിണീ ।
പരജാതാ പാരിജാതാ പവിത്രാ പുണ്യവര്ധിനീ ॥ ൨൫ ॥

പാപഹര്ത്രീ പാപകോടിനാശിനീ പരമോക്ഷദാ ।
പരമാണുരതാ സൂക്ഷ്മാ പരമാണുവിഭഞ്ജിനീ ॥ ൨൬ ॥

പരമാണുസ്ഥൂലകരീ പരാത്പരതരാ പഥാ ।
പൂഷണഃ പ്രിയകര്ത്രീ ച പൂഷണാ പോഷണത്രയാ ॥ ൨൭ ॥

ഭൂപപാലാ പാശഹസ്താ പ്രചണ്ഡാ പ്രാണരക്ഷിണീ ।
പയഃശിലാഽപൂപഭക്ഷാ പീയൂഷപാനതത്പരാ ॥ ൨൮ ॥

പീയൂഷതൃപ്തദേഹാ ച പീയൂഷമഥനക്രിയാ ।
പീയൂഷസാഗരോദ്ഭൂതാ പീയൂഷസ്നിഗ്ധദോഹിനീ ॥ ൨൯ ॥

പീയൂഷനിര്മലാകാരാ പീയൂഷഘനവിഗ്രഹാ ।
പ്രാണാപാനസമാനാദിപവനസ്തമ്ഭനപ്രിയാ ॥ ൩൦ ॥

പവനാംശപ്രഭാകാരാ പ്രേമോദ്ഗതസ്വഭക്തിദാ ।
പാഷാണതനുസംസ്ഥാ ച പാഷാണചിത്തവിഗ്രഹാ ॥ ൩൧ ॥

പശ്ചിമാനന്ദനിരതാ പശ്ചിമാ പശ്ചിമപ്രിയാ ।
പ്രഭാകാരതനൂഗ്രാ ച പ്രഭാകരമുഖീ പ്രഭാ ॥ ൩൨ ॥

സുപ്രഭാ പ്രാന്തരസ്ഥാ ച പ്രേയത്വസാധനപ്രിയാ ।
അസ്ഥിതാ പാമസീ പൂര്വനാഥപൂജിതപാദുകാ ॥ ൩൩ ॥

പാദുകാമന്ത്രസിദ്ധാ ച പാദുകാമന്ത്രജാപിനീ ।
പാദുകാമങ്ഗലസ്ഥാ ച പാദുകാമ്ഭോജരാജിനീ ॥ ൩൪ ॥

പ്രഭാഭാരുണകോടിസ്ഥാ പ്രചണ്ഡസൂര്യകോടിഗാ ।
പാലയന്തീ ത്രിലോകാനാം പരമാ പരഹാകിനീ ॥ ൩൫ ॥

പരാവരാനനാ പ്രജ്ഞാ പ്രാന്തരാന്തഃപ്രസിദ്ധിദാ ।
പാരിജാതവനോന്മാദാ പരമോന്മാദരാഗിണീ ॥ ൩൬ ॥

പരമാഹ്ലാദമോദാ ച പരമാകാശവാഹിനീ ।
പരമാകാശദേവീ ച പ്രഥാത്രിപുരസുന്ദരീ ॥ ൩൭ ॥

പ്രതികൂലകരീ പ്രാണാനുകൂലപരികാരിണീ ।
പ്രാണരുദ്രേശ്വരപ്രീതാ പ്രചണ്ഡഗണനായികാ ॥ ൩൮ ॥

പോഷ്ട്രീ പൌത്രാദിരക്ഷത്രീ പുണ്ഡ്രകാ പഞ്ചചാമരാ ।
പരയോഷാ പരപ്രായാ പരസന്താനരക്ഷകാ ॥ ൩൯ ॥

പരയോഗിരതാ പാശപശുപാശവിമോഹിനീ ।
പശുപാശപ്രദാ പൂജ്യാ പ്രസാദഗുണദായിനീ ॥ ൪൦ ॥

പ്രഹ്ലാദസ്ഥാ പ്രഫുല്ലാബ്ജമുഖീ പരമസുന്ദരീ ।
പരരാമാ പരാരാമാ പാര്വണീ പാര്വണപ്രിയാ ॥ ൪൧ ॥

പ്രിയങ്കരീ പൂര്വമാതാ പാലനാഖ്യാ പരാസരാ ।
പരാശരസുഭാഗ്യസ്ഥാ പരകാന്തിനിതമ്ബിനീ ॥ ൪൨ ॥

പരശ്മശാനഗമ്യാ ച പ്രിയചന്ദ്രമുഖീപലാ ।
പലസാനകരീ പ്ലക്ഷാ പ്ലവങ്ഗഗണപൂജിതാ ॥ ൪൩ ॥

പ്ലക്ഷസ്ഥാ പല്ലവസ്ഥാ ച പങ്കേരുഹമുഖീ പടാ ।
പടാകാരസ്ഥിതാ പാഠ്യാ പവിത്രലോകദായിനീ ॥ ൪൪ ॥

പവിത്രമന്ത്രജാപ്യസ്ഥാ പവിത്രസ്ഥാനവാസിനീ ।
പവിത്രാലങ്കൃതാങ്ഗീ ച പവിത്രദേഹധാരിണീ ॥ ൪൫ ॥

ത്രിപുരാ പരമൈശ്വര്യപൂജിതാ സര്വപൂജിതാ ।
പലാലപ്രിയഹൃദ്യാ ച പലാലചര്വണപ്രിയാ ॥ ൪൬ ॥

പരഗോഗണഗോപ്യാ ച പ്രഭുസ്ത്രീരൌദ്രതൈജസീ ।
പ്രഫുല്ലാമ്ഭോജവദനാ പ്രഫുല്ലപദ്മമാലിനീ ॥ ൪൭ ॥

പുഷ്പപ്രിയാ പുഷ്പകുലാ കുലപുഷ്പപ്രിയാകുലാ ।
പുഷ്പസ്ഥാ പുഷ്പസങ്കാശാ പുഷ്പകോമലവിഗ്രഹാ ॥ ൪൮ ॥

പൌഷ്പീ പാനരതാ പുഷ്പമധുപാനരതാ പ്രചാ ।
പ്രതീചീ പ്രചയാഹ്ലാദോ പ്രാചനാഖ്യാ ച പ്രാഞ്ചികാ ॥ ൪൯ ॥

പരോദരേ ഗുണാനന്ദാ പരൌദാര്യഗുണപ്രിയാ ।
പാരാ കോടിധ്വനിരതാ പദ്മസൂത്രപ്രബോധിനീ ॥ ൫൦ ॥

പ്രിയപ്രബോധനിരതാ പ്രചണ്ഡനാദമോഹിനീ ।
പീവരാ പീവരഗ്രന്ഥിപ്രഭേദാ പ്രലയാപഹാ ॥ ൫൧ ॥

പ്രലയാ പ്രലയാനന്ദാ പ്രലയസ്ഥാ പ്രയോഗിനീ ।
പ്രയോഗകുശലാ പക്ഷാ പക്ഷഭേദപ്രകാശിനീ ॥ ൫൨ ॥

ഏകപക്ഷാ ദ്വിപക്ഷാ ച പഞ്ചപക്ഷപ്രസിദ്ധിദാ ।
പലാശകുസുമാനന്ദാ പലാശപുഷ്പമാലിനീ ॥ ൫൩ ॥

പലാശപുഷ്പഹോമസ്ഥാ പലാശച്ഛദസംസ്ഥിതാ ।
പാത്രപക്ഷാ പീതവസ്ത്രാ പീതവര്ണപ്രകാശിനീ ॥ ൫൪ ॥

നിപീതകാലകൂടീ ച പീതസംസാരസാഗരാ ।
പദ്മപത്രജലസ്ഥാ ച പദ്മപത്രനിവാസിനീ ॥ ൫൫ ॥

പദ്മമാലാ പാപഹരാ പട്ടാമ്ബരധരാ പരാ ।
പരനിര്വാണദാത്രീ ച പരാശാ പരശാസനാ ॥ ൫൬ ॥

അപ്രിയവിനിഹന്ത്രീ ച പരസംസ്കാരപാലിനീ ।
പ്രതിഷ്ഠാ പൂജിതാ സിദ്ധാ പ്രസിദ്ധപ്രഭുവാദിനീ ॥ ൫൭ ॥

പ്രയാസസിദ്ധിദാ ക്ഷുബ്ധാ പ്രപഞ്ചഗുണനാശിനീ ।
പ്രണിപത്യാ പ്രാണിശിഷ്യാ പ്രതിഷ്ഠിതതനൂപ്രിയാ ॥ ൫൮ ॥

അപ്രതിഷ്ഠാ നിഹന്ത്രീ ച പാദപദ്മദ്വയാന്വിതാ ।
പാദാമ്ബുജപ്രേമഭക്തിപൂജ്യപ്രാണപ്രദായിനീ ॥ ൫൯ ॥

പൈശാചീ ച പ്രക്ഷപിതാ പിതൃശ്രദ്ധാ പിതാമഹീ ।
പ്രപിതാമഹപൂജ്യാ ച പിതൃലോകസ്വധാപരാ ॥ ൬൦ ॥

പുനര്ഭവാ പുനര്ജീവാ പൌനഃപുന്യഗതിസ്ഥിതാ ।
പ്രധാനബലിഭക്ഷാദിസുപ്രിയാ പ്രിയസാക്ഷിണീ ॥ ൬൧ ॥

പതങ്ഗകോടിജീവാഖ്യാ പാവകസ്ഥാ ച പാവനീ ।
പരജ്ഞാനാര്ഥദാത്രീ ച പരതന്ത്രാര്ഥസാധിനീ ॥ ൬൨ ॥

പ്രത്യഗ്ജ്യോതിഃ സ്വരൂപാ ച പ്രഥമാപ്രഥമാരുണാ ।
പ്രാതഃസന്ധ്യാ പാര്ഥസന്ധ്യാ പരസന്ധ്യാസ്വരൂപിണീ ॥ ൬൩ ॥

പ്രധാനവരദാ പ്രാണജ്ഞാനനിര്ണയകാരിണീ ।
പ്രഭഞ്ജനാ പ്രാഞ്ജനേശീ പ്രയോഗോദ്രേകകാരിണീ ॥ ൬൪ ॥

പ്രഫുല്ലപദദാത്രീ ച പ്രസമായാ പുരോദയാ ।
പര്വതപ്രാണരക്ഷത്രീ പര്വതാധാരസാക്ഷിണീ ॥ ൬൫ ॥

പര്വതപ്രാണശോഭാ ച പര്വതച്ഛത്രകാരിണീ ।
പര്വതാ ജ്ഞാനഹര്ത്രീ ച പ്രലയോദയസാക്ഷിണീ ॥ ൬൬ ॥

പ്രാരബ്ധജനനീ കാലീ പ്രദ്യുമ്നജനനീ സുരാ ।
പ്രാക്സുരേശ്വരപത്നീ ച പരവീരകുലാപഹാ ॥ ൬൭ ॥

പരവീരനിയന്ത്രീ ച പരപ്രണവമാലിനീ ।
പ്രണവേശീ പ്രണവഗാ പ്രണവാദ്യാക്ഷരപ്രിയാ ॥ ൬൮ ॥

പ്രണവാര്ണജപപ്രീതാ പ്രാണമൃത്യുഞ്ജയപ്രദാ ।
പ്രണവാലങ്കൃതാ വ്യൂഢാ പശുഭക്ഷണതര്പണാ ॥ ൬൯ ॥

പശുദോഷഹരാ പാശുപതാസ്ത്രകോടിധാരിണീ ।
പ്രവേശിനീ പ്രവേശാഖ്യാ പദ്മപത്രത്രിലോചനാ ॥ ൭൦ ॥

പശുമാംസാസവാനന്ദാ പശുകോടിബലിപ്രിയാ ।
പശുധര്മക്ഷയാ പ്രാര്യാ പശുതര്പണകാരിണീ ॥ ൭൧ ॥

പശുശ്രദ്ധാകരീ പൂജ്യാ പശുമുണ്ഡസുമാലിനീ ।
പരവീരയോഗശിക്ഷാ പരസിദ്ധാന്തയോഗിനീ ॥ ൭൨ ॥

പരശുക്രോധമുഖ്യാസ്ത്രാ പരശുപ്രലയപ്രദാ ।
പദ്മരാഗമാലധരാ പദ്മരാഗാസനസ്ഥിതാ ॥ ൭൩ ॥

പദ്മരാഗമണിശ്രേണീഹാരാലങ്കാരശോഭിതാ ।
പരമധൂലിസൌന്ദര്യമഞ്ജീരപാദുകാമ്ബുജാ ॥ ൭൪ ॥

ഹര്ത്രീ സമസ്തദുഃഖാനാം ഹിരണ്യഹാരശോഭിതാ ।
ഹരിണാക്ഷീ ഹരിസ്ഥാ ച ഹരാ ഹാരാവതീ ഹിരാ ॥ ൭൫ ॥

ഹാരകുണ്ഡലശോഭാഢ്യാ ഹാരകേയൂരമണ്ഡിതാ ।
ഹരണസ്ഥാ ഹാകിനീ ച ഹോമകര്മപ്രകാശിനീ ॥ ൭൬ ॥

ഹരിദ്രാ ഹരിപൂജ്യാ ച ഹരമാലാ ഹരേശ്വരീ ।
ഹരാതീതാ ഹരസിദ്ധാ ഹ്രീംകാരീ ഹംസമാലിനീ ॥ ൭൭ ॥

ഹംസമന്ത്രസ്വരൂപാ ച ഹംസമണ്ഡലഭേദിനീ ।
ഹംസഃ സോഽഹം മണികരാ ഹംസരാജോപരിസ്ഥിതാ ॥ ൭൮ ॥

ഹീരകാഭാ ഹീരകസൂകധാരിണീ ഹരമേഖലാ ।
ഹരകുണ്ഡമേഖലാ ച ഹോമദണ്ഡസുമേഖലാ ॥ ൭൯ ॥

ഹരധരപ്രിയാനന്ദാ ഹലീശാനീ ഹരോദയാ ।
ഹരപത്നീ ഹരരതാ സംഹാരവിഗ്രഹോജ്ജ്വലാ ॥ ൮൦ ॥

സംഹാരനിലയാ ഹാലാ ഹ്ലീംബീജപ്രണവപ്രിയാ ।
ഹലക്ഷാ ഹക്ഷവര്ണസ്ഥാ ഹാകിനീ ഹരമോഹിനീ ॥ ൮൧ ॥

ഹാഹാഹൂഹൂപ്രിയാനന്ദഗായനപ്രേമസുപ്രിയാ ।
ഹരഭൂതിപ്രദാ ഹാരപ്രിയാ ഹീരകമാലിനീ ॥ ൮൨ ॥

ഹീരകാഭാ ഹീരകസ്ഥാ ഹരാധാരാ ഹരസ്ഥിതാ ।
ഹാലാനിഷേവിതാ ഹിന്താ ഹിന്താലവനസിദ്ധിദാ ॥ ൮൩ ॥

മഹാമായാ മഹാരൌദ്രീ മഹാദേവനിഷേവിതാ ।
മഹാനയാ മഹാദേവീ മഹാസിദ്ധാ മഹോദയാ ॥ ൮൪ ॥

മഹായോഗാ മഹാഭദ്രാ മഹായോഗേന്ദ്രതാരിണീ ।
മഹാദീപശിഖാകാരാ മഹാദീപപ്രകാശിനീ ॥ ൮൫ ॥

മഹാദീപപ്രകാശാഖ്യാ മഹാശ്രദ്ധാ മഹാമതിഃ ।
മഹാമഹീയസീ മോഹനാശിനീ മഹതീ മഹാ ॥ ൮൬ ॥

മഹാകാലപൂജിതാ ച മഹാകാലകുലേശ്വരീ ।
മഹായോഗീന്ദ്രജനനീ മോഹസിദ്ധിപ്രദായിനീ ॥ ൮൭ ॥

ആഹുതിസ്ഥാഹുതിരതാ ഹോതൃവേദമനുപ്രിയാ ।
ഹൈയങ്ഗബീജഭോക്ത്രീ ച ഹൈയങ്ഗബീജസുപ്രിയാ ॥ ൮൮ ॥

ഹേ സമ്ബോധനരൂപാ ച ഹേ ഹേതോഃ പരമാത്മജാ ।
ഹലനാഥപ്രിയാ ദേവീ ഹിതാഹിതവിനാശിനീ ॥ ൮൯ ॥

ഹന്ത്രീ സമസ്തപാപാനാം ഹലഹേതുപ്രദാപ്രദാ ।
ഹലഹേതുച്ഛലസ്ഥാ ച ഹിലിഹിലിപ്രയാഗിനീ ॥ ൯൦ ॥

ഹുതാസനമുഖീ ശൂന്യാ ഹരിണീ ഹരതന്ത്രദാ ।
ഹഠാത്കാരഗതിപ്രീതാ സുണ്ടകാലങ്കൃതാ ഇലാ ॥ ൯൧ ॥

ഹലായുധാദ്യജനനീ ഹില്ലോലാ ഹേമബഹീണീ ।
ഹൈമീ ഹിമസുതാ ഹേമപര്വതശൃങ്ഗസംസ്ഥിരാ ॥ ൯൨ ॥

ഹരണാഖ്യാ ഹരിപ്രേമവര്ധിനീ ഹരമോഹിനീ ।
ഹരമാതാ ഹരപ്രജ്ഞാ ഹുങ്കാരീ ഹരപാവനീ ॥ ൯൩ ॥

ഹേരമ്ബജനനീ ഹട്ടമധ്യസ്ഥലനിവാസിനീ ।
ഹിമകുന്ദേന്ദുധവലാ ഹിമപര്വതവാസിനീ ॥ ൯൪ ॥

ഹോതൃസ്ഥാ ഹരഹാലാ ച ഹേലാതീതാ അഹര്ഗണാ ।
അഹങ്കാരാ ഹേതുഗര്താ ഹേതുസ്ഥാ ഹിതകാരിണീ ॥ ൯൫ ॥

ഹതഭാഗ്യനിഹന്ത്രീ ച ഹതാസദ്ബുദ്ധിജീവികാ ।
ഹേതുപ്രിയാ മഹാരാത്രീ അഹോരാഖ്യാ ഹരോദ്ഗമാ ॥ ൯൬ ॥

അര്ഹണാദിപ്രിയാ ചാര്ഹാ ഹാഹാകാരനിനാദിനീ ।
ഹനുമത്കല്പസംസ്ഥാനാ ഹനുമത്സിദ്ധിദായിനീ ॥ ൯൭ ॥

ഹലാഹലപ്രിയാഘോരാ മഹാഭീമാ ഹലായുധാ ।
ഹ്സൌഃ ബീജസ്വരൂപാ ച ഹ്സൌം പ്രേതാഖ്യജാപിനീ ॥ ൯൮ ॥

ആഹ്ലാദിനീ ഇഹാനന്ദാ അര്ഘ്യക്രാന്താ ഹരാര്ചനാ ।
ഹരഭീതിഹരാഹഃകാ ബീജഹഃകാമഹക്ഷരാ ॥ ൯൯ ॥

ഹേരമ്ബയോഗസിദ്ധിസ്ഥാ ഹേരമ്ബാദിസുതപ്രിയാ ।
ഹനനാഖ്യാ ഹേതുനാമ്നീ ഹഠാത് സിദ്ധിപ്രയോഗദാ ॥ ൧൦൦ ॥

ഉമാ മഹേശ്വരീ ആദ്യാ അനന്താനന്തശക്തിദാ ।
ആധാരാര്ഹസുരക്ഷാ ച ഈശ്വരീ ഉഗ്രതാരിണീ ॥ ൧൦൧ ॥

ഉഷേശ്വരീ ഉത്തമാ ച ഊര്ധ്വപദ്മവിഭേദിനീ ।
ഋദ്ധിസിദ്ധിപ്രദാ ക്ഷുല്ലാകാശബീജസുസിദ്ധിദാ ॥ ൧൦൨ ॥

തൃതകസ്ഥാതൃതകസ്ഥാ തൃസ്വരാഖര്വബീജഗാ ।
ഏരണ്ഡപുഷ്പഹോമാഢ്യാ ഐശ്വര്യദാനതത്പരാ ॥ ൧൦൩ ॥

ഓഡ്രപുഷ്പപ്രിയാ ഓംകാരാക്ഷരാ ഔഷധപ്രിയാ ।
അര്വണാസാരഃ അംശാഖ്യാ അഃസ്ഥാ ച കപിലാ കലാ ॥ ൧൦൪ ॥

കൈലാസസ്ഥാ കാമധേനുഃ ഖര്വാ ഖേടകധാരിണീ ।
ഖരപുഷ്പപ്രിയാ ഖഡ്ഗധാരിണീ ഖരഗാമിനീ ॥ ൧൦൫ ॥

ഗഭീരാ ഗീതഗായത്രീ ഗുര്വാ ഗുരുതരാ ഗയാ ।
ഘനകോടിനാദകരീ ഘര്ഘരാ ഘോരനാദിനീ ॥ ൧൦൬ ॥

ഘനച്ഛായാ ചാരുവര്ണാ ചണ്ഡികാ ചാരുഹാസിനീ ।
ചാരുചന്ദ്രമുഖീ ചാരുചിത്തഭാവാര്ഥഗാമിനീ ॥ ൧൦൭ ॥

ഛത്രാകിനീ ഛലച്ഛിന്നാ ഛാഗമാംസവിനോദിനീ ।
ജയദാ ജീവീ ജന്യാ ച ജീമൂതൈരുപശോഭിതാ ॥ ൧൦൮ ॥

ജയിത്രീ ജയമുണ്ഡാലീ ഝങ്കാരീ ഝഞ്ജനാദികാ ।
ടങ്കാരധാരിണീ ടങ്കബാണകാര്മുകധാരിണീ ॥ ൧൦൯ ॥

ഠകുരാണീ ഠഠങ്കാരീ ഡാമരേശീ ച ഡിണ്ഡിമാ ।
ഢക്കാനാദപ്രിയാ ഢക്കാ തവമാലാ തലാതലാ ॥ ൧൧൦ ॥

തിമിരാ താരിണീ താരാ തരുണാ താലസിദ്ധിദാ ।
തൃപ്താ ച തൈജസീ ചൈവ തുലനാതലവാസിനീ ॥ ൧൧൧ ॥

തോഷണാ തൌലിനീ തൈലഗന്ധാമോദിതദിങ്മുഖീ ।
സ്ഥൂലപ്രിയാ ഥകാരാദ്യാ സ്ഥിതിരൂപാ ച സംസ്ഥിരാ ॥ ൧൧൨ ॥

ദക്ഷിണദേഹനാദാക്ഷാ ദക്ഷപത്നീ ച ദക്ഷജാ ।
ദാരിദ്ര്യദോഷഹന്ത്രീ ച ദാരുണാസ്ത്രവിഭഞ്ജിനീ ॥ ൧൧൩ ॥

ദംഷ്ട്രകരാലവദനീ ദീര്ഘമാത്രാദലാന്വിതാ ।
ദേവമാതാ ദേവസേനാ ദേവപൂജ്യാ ദയാദശാ ॥ ൧൧൪ ॥

ദീക്ഷാദാനപ്രദാ ദൈന്യഹന്ത്രീ ദീര്ഘസുകുന്തലാ ।
ദനുജേന്ദ്രനിഹന്ത്രീ ച ദനുജാരിവിമര്ദിനീ ॥ ൧൧൫ ॥

ദേശപൂജ്യാ ദായദാത്രീ ദശനാസ്ത്രപ്രധാരിണീ ।
ദാസരക്ഷാ ദേശരക്ഷാ ദിഗമ്ബരദിഗമ്ബരീ ॥ ൧൧൬ ॥

ദിക്പ്രഭാപാടലവ്യാപ്താ ദരീഗൃഹനിവാസിനീ ।
ദര്ശനസ്ഥാ ദാര്ശനികാ ദത്തഭാര്യാ ച ദുര്ഗഹാ ॥ ൧൧൭ ॥

ദുര്ഗാ ദീര്ഘമുഖീ ദുഃഖനാശിനീ ദിവിസംസ്ഥിതാ ।
ധന്യാ ധനപ്രദാ ധാരാ ധരണീ ധാരിണീ ധരാ ॥ ൧൧൮ ॥

ധൃതസൌന്ദര്യവദനാ ധനദാ ധാന്യവര്ധിനീ ।
ധ്യാനപ്രാപ്താ ധ്യാനഗമ്യാ ധ്യാനജ്ഞാനപ്രകാശിനീ ॥ ൧൧൯ ॥

ധ്യേയാ ധീരപൂജിതാ ച ധൂമേശീ ച ധുരന്ധരാ ।
ധൂമകേതുഹരാ ധൂമാ ധ്യേയാ സര്വസുരേശ്വരഈ ॥ ൧൨൦ ॥

ധര്മാര്ഥമോക്ഷദാ ധര്മചിന്താ ധര്മപ്രകാശിനീ ।
ധൂലിരൂപാ ച ധവലാ ധവലച്ഛത്രധാരിണീ ॥ ൧൨൧ ॥

ധവലാമ്ബരധാത്രീ ച ധവലാസനസംസ്ഥിതാ ।
ധവലാ ഹിമാലയധരാ ധരണീ സാധനക്രിയാ ॥ ൧൨൨ ॥

ധവലേശ്വരകന്യാ ച ധവലാധ്വാധലാമുഖീ ।
ധീരകന്യാ ധര്മകന്യാ ധ്രുവസിദ്ധിപ്രദായിനീ ॥ ൧൨൩ ॥

ധ്രുവാനന്ദാ ധ്രുവശ്രദ്ധാ ധ്രുവസന്തോഷവര്ധിനീ ।
നാരികേലജലസ്നാതാ നാരികേലഫലാസനാ ॥ ൧൨൪ ॥

നാരീ നാരായണീശാനാ നമ്രപൂജനസുപ്രിയാ ।
നരദേവരതാ നിത്യഗണഗന്ധര്വപൂജിതാ ॥ ൧൨൫ ॥

നരകവിഹാരിണീ ചൈവ നരകാന്തകകാരിണീ ।
നരക്ഷേത്രകലാദേവീ നവകോശനിവാസിനീ ॥ ൧൨൬ ॥

നാക്ഷത്രവിദ്യാ നാക്ഷത്രീ നക്ഷത്രമണ്ഡലസ്ഥിതാ ।
നൃപോന്നാശകരീ നാരായണീ നൂപുരധാരിണീ ॥ ൧൨൭ ॥

നൃത്യഗീതപ്രിയാനീതാ നവീനാ നാമശായിനീ ।
നൌനൂതനാസ്ത്രധരാ നിത്യാ നവപുഷ്പവനസ്ഥിതാ ॥ ൧൨൮ ॥

നവപുഷ്പപ്രേമരതാ നവചമ്പകമാലിനീ ।
നവരത്നഹാരമാലാ നവജാമ്ബൂനദപ്രഭാ ॥ ൧൨൯ ॥

നമസ്കാരപ്രിയാ നിന്ദാ വാദനാദപ്രണാശിനീ ।
പവനാക്ഷരമാലാ ച പവനാക്ഷരമാലിനീ ॥ ൧൩൦ ॥

പരദോഷഭയങ്കാരാ പ്രചരദ്രൂപസംസ്ഥിതാ ।
പ്രസ്ഫുടിതാമ്ഭോജമാലാധാരിണീ പ്രേമവാസിനീ ॥ ൧൩൧ ॥

പരമാനന്ദസപ്താനഹരീ പൃഥുനിതമ്ബിനീ ।
പ്രവാലമാലാ ലോഭാങ്ഗീ പയോദാ ശതവിഗ്രഹാ ॥ ൧൩൨ ॥

പയോദകരുണാകാരാ പാരമ്പര്യാപ്രസാദിനീ ।
പ്രാരമ്ഭകര്മനിരതാ പ്രാരബ്ധഭോഗദായിനീ ॥ ൧൩൩ ॥

പ്രേമസിദ്ധികരീ പ്രേമധാരാ ഗങ്ഗാമ്ബുശോഭിനീ ।
ഫേരുപുണ്യവരാനന്ദാ ഫേരുഭോജനതോഷിണീ ॥ ൧൩൪ ॥

ഫലദാ ഫലവര്ധാ ച ഫലാഹ്ലാദവിനോദിനീ ।
ഫണിമാലാധരാ ദേവീ ഫണിഹാരാദിശോഭിനീ ॥ ൧൩൫ ॥

ഫണാ ഫണീകാരമുഖീ ഫണസ്ഥാ ഫണിമണ്ഡലാ ।
സഹസ്രഫണിസമ്പ്രാപ്താ ഫുല്ലാരവിന്ദമാലിനീ ॥ ൧൩൬ ॥

വാസുകീ വ്യാസപൂജ്യാ ച വാസുദേവാര്ചനപ്രിയാ ।
വാസുദേവകലാവാച്യാ വാചകസ്ഥാ വസുസ്ഥിതാ ॥ ൧൩൭ ॥

വജ്രദണ്ഡധരാധാരാ വിരദാ വാദസാധിനീ ।
വസന്തകാലനിലയാ വസോര്ദ്ധാരാ വസുന്ധരാ ॥ ൧൩൮ ॥

വേപമാനരക്ഷകാ ച വപൂരക്ഷാ വൃഷാസനാ ।
വിവസ്വത്പ്രേമകുശലാ വിദ്യാവാദ്യവിനോദിനീ ॥ ൧൩൯ ॥

വിധിവിദ്യാപ്രകാശാ ച വിധിസിദ്ധാന്തദായിനീ ।
വിധിജ്ഞാ വേദകുശലാ വേദവാക്യവിവാസിനീ ॥ ൧൪൦ ॥

ബലദേവപൂജിതാ ച ബാലഭാവപ്രപൂജിതാ ।
ബാലാ വസുമതീ വേദ്യാ വൃദ്ധമാതാ ബുധപ്രിയാ ॥ ൧൪൧ ॥

ബൃഹസ്പതിപ്രിയാ വീരപൂജിതാ ബാലചന്ദ്രികാ ।
വിഗ്രഹജ്ഞാനരക്ഷാ ച വ്യാഘ്രചര്മധരാവരാ ॥ ൧൪൨ ॥

വ്യഥാബോധാപഹന്ത്രീ ച വിസര്ഗമണ്ഡലസ്ഥിതാ ।
ബാണഭൂഷാപൂജിതാ വനമാലാ വിഹായസീ ॥ ൧൪൩ ॥

വാമദേവപ്രിയാ വാമപൂജാജാപപരായണാ ।
ഭദ്രാ ഭ്രമരവര്ണാ ച ഭ്രാമരീ ഭ്രമരപ്രഭാ ॥ ൧൪൪ ॥

ഭാലചന്ദ്രധരാ ഭീമാ ഭീമനേത്രാഭവാഭവാ ।
ഭീമമുഖീ ഭീമദേഹാ ഭീമവിക്രമകാരിണീ ॥ ൧൪൫ ॥

ഭീമശ്രദ്ധാ ഭീമപൂജ്യാ ഭീമാകാരാതിസുന്ദരീ ।
ഭീമസങ്ഗ്രാമജയദാ ഭീമാദ്യാ ഭീമഭൈരവീ ॥ ൧൪൬ ॥

ഭൈരവേശീ ഭൈരവീ ച സദാനന്ദാദിഭൈരവീ ।
സദാനന്ദഭൈരവീ ച ഭൈരവേന്ദ്രപ്രിയങ്കരീ ॥ ൧൪൭ ॥

ഭല്ലാസ്ത്രധാരിണീ ഭൈമീ ഭൃഗുവംശപ്രകാശിനീ ।
ഭര്ഗപത്നീ ഭര്ഗമാതാ ഭങ്ഗസ്ഥാ ഭങ്ഗഭക്ഷിണീ ॥ ൧൪൮ ॥

ഭക്ഷപ്രിയാ ഭക്ഷരതാ ഭൃകുണ്ഡാ ഭാവഭൈരവീ ।
ഭാവദാ ഭവദാ ഭാവപ്രഭാവാ ഭാവനാശിനീ ॥ ൧൪൯ ॥

ഭാലസിന്ദൂരതിലകാ ഭാലലോകസുകുണ്ഡലാ ।
ഭാലമാലാലകാശോഭാ ഭാസയന്തീ ഭവാര്ണവാ ॥ ൧൫൦ ॥

ഭവഭീതിഹരാ ഭാലചന്ദ്രമണ്ഡലവാസിനീ ।
മദ്ഭ്രമരനേത്രാബ്ജസുന്ദരീ ഭീമസുന്ദരീ ॥ ൧൫൧ ॥

ഭജനപ്രിയരൂപാ ച ഭാവഭോജനസിദ്ധിദാ ।
ഭ്രൂചന്ദ്രനിരതാ ബിന്ദുചക്രഭ്രൂപദ്മഭേദിനീ ॥ ൧൫൨ ॥

ഭവപാശഹരാ ഭീമഭാവകന്ദനിവാസിനീ ।
മനോയോഗസിദ്ധിദാത്രീ മാനസീ മനസോ മഹീ ॥ ൧൫൩ ॥

മഹതീ മീനഭക്ഷാ ച മീനചര്വണതത്പരാ ।
മീനാവതാരനിരതാ മാംസചര്വണതത്പരാ ॥ ൧൫൪ ॥

മാംസപ്രിയാ മാംസസിദ്ധാ സിദ്ധമാംസവിനോദിനീ ।
മായാ മഹാവീരപൂജ്യാ മധുപ്രേമദിഗമ്ബരീ ॥ ൧൫൫ ॥

മാധവീ മദിരാമധ്യാ മധുമാംസനിഷേവിതാ ।
മീനമുദ്രാഭക്ഷിണീ ച മീനമുദ്രാപതര്പിണീ ॥ ൧൫൬ ॥

മുദ്രാമൈഥുനസംതൃപ്താ മൈഥുനാനന്ദവര്ധിനീ ।
മൈഥുനജ്ഞാനമോക്ഷസ്ഥാ മഹാമഹിഷമര്ദിനീ ॥ ൧൫൭ ॥

യജ്ഞശ്രദ്ധാ യോഗസിദ്ധാ യത്നീ യത്നപ്രകാശിനീ ।
യശോദാ യശസി പ്രീതാ യൌവനസ്ഥാ യമാപഹാ ॥ ൧൫൮ ॥

രാസശ്രദ്ധാതുരാരാമരമണീരമണപ്രിയാ ।
രാജ്യദാ രജനീരാജവല്ലഭാ രാമസുന്ദരീ ॥ ൧൫൯ ॥

രതിശ്ചാരതിരൂപാ ച രുദ്രലോകസരസ്വതീ ।
രുദ്രാണീ രണചാമുണ്ഡാ രഘുവംശപ്രകാശിനീ ॥ ൧൬൦ ॥

ലക്ഷ്മീര്ലീലാവതീ ലോകാ ലാവണ്യകോടിസമ്ഭവാ ।
ലോകാതീതാ ലക്ഷണാഖ്യാ ലിങ്ഗധാരാ ലവങ്ഗദാ ॥ ൧൬൧ ॥

ലവങ്ഗപുഷ്പനിരതാ ലവങ്ഗതരുസംസ്ഥിതാ ।
ലേലിഹാനാ ലയകരീ ലീലാദേഹപ്രകാശിനീ ॥ ൧൬൨ ॥

ലാക്ഷാശോഭാധരാ ലങ്കാ രത്നമാസവധാരിണീ ।
ലക്ഷജാപസിദ്ധികരീ ലക്ഷമന്ത്രപ്രകാശിനീ ॥ ൧൬൩ ॥

വശിനീ വശകര്ത്രീ ച വശ്യകര്മനിവാസിനീ ।
വേശാവേശ്യാ വേശവേശ്യാ വംശിനീ വംശവര്ധിനീ ॥ ൧൬൪ ॥

വംശമായാ വജ്രശബ്ദമോഹിനീ ശബ്ദരൂപിണീ ।
ശിവാ ശിവമയീ ശിക്ഷാ ശശിചൂഡാമണിപ്രഭാ ॥ ൧൬൫ ॥

ശവയുഗ്മഭീതിദാ ച ശവയുഗ്മഭയാനകാ ।
ശവസ്ഥാ ശവവക്ഷസ്ഥാ ശാബ്ദബോധപ്രകാശിനീ ॥ ൧൬൬ ॥

ഷട്പദ്മഭേദിനീ ഷട്കാ ഷട്കോണയന്ത്രമധ്യഗാ ।
ഷട്ചക്രസാരദാ സാരാ സാരാത്സാരസരോരുഹാ ॥ ൧൬൭ ॥

സമനാദിനിഹന്ത്രീ ച സിദ്ധിദാ സംശയാപഹാ ।
സംസാരപൂജിതാ ധന്യാ സപ്തമണ്ഡലസാക്ഷിണീ ॥ ൧൬൮ ॥

സുന്ദരീ സുന്ദരപ്രീതാ സുന്ദരാനന്ദവര്ധിനീ ।
സുന്ദരാസ്യാ സുനവസ്ത്രീ സൌന്ദര്യസിദ്ധിദായിനീ ॥ ൧൬൯ ॥

ത്രിസുന്ദരീ സര്വരീ ച സര്വാ ത്രിപുരസുന്ദരീ ।
ശ്യാമലാ സര്വമാതാ ച സഖ്യഭാവപ്രിയാ സ്വരാ ॥ ൧൭൦ ॥

സാക്ഷാത്കാരസ്ഥിതാ സാക്ഷാത്സാക്ഷിണീ സര്വസാക്ഷിണീ ।
ഹാകിനീ ശാകിനീമാതാ ശാകിനീ കാകിനീപ്രിയാ ॥ ൧൭൧ ॥

ഹാകിനീ ലാകിനീമാതാ ഹാകിനീ രാകിണീപ്രിയാ ।
ഹാകിനീ ഡാകിനീമാതാ ഹരാ കുണ്ഡലിനീ ഹയാ ॥ ൧൭൨ ॥

ഹയസ്ഥാ ഹയതേജഃസ്ഥാ ഹ്സൌംബീജപ്രകാശിനീ ।
ലവണാമ്ബുസ്ഥിതാ ലക്ഷഗ്രന്ഥിഭേദനകാരിണീ ॥ ൧൭൩ ॥

ലക്ഷകോടിഭാസ്കരാഭാ ലക്ഷബ്രഹ്മാണ്ഡകാരിണീ ।
ക്ഷണദണ്ഡപലാകാരാ ക്ഷപാക്ഷോഭവിനാശിനീ ॥ ൧൭൪ ॥

ക്ഷേത്രപാലാദിവടുകഗണേശയോഗിനീപ്രിയാ ।
ക്ഷയരോഗഹരാ ക്ഷൌണീ ക്ഷാലനസ്ഥാക്ഷരപ്രിയാ ॥ ൧൭൫ ॥

ക്ഷാദ്യസ്വരാന്തസിദ്ധിസ്ഥാ ക്ഷാദികാന്തപ്രകാശിനീ ।
ക്ഷാരാമ്ബുതിക്തനികരാ ക്ഷിതിദുഃഖവിനാശിനീ ॥ ൧൭൬ ॥

ക്ഷുന്നിവൃത്തിഃ ക്ഷണജ്ഞാനീ വല്ലഭാ ക്ഷണഭങ്ഗുരാ ।
ഇത്യേതത് കഥിതം നാഥ ഹാകിന്യാഃ കുലശേഖര ॥ ൧൭൭ ॥

സഹസ്രനാമയോഗാങ്ഗമഷ്ടോത്തരശതാന്വിതമ് ।
യഃ പഠേന്നിയതഃ ശ്രീമാന് സ യോഗീ നാത്ര സംശയഃ ॥ ൧൭൮ ॥

അസ്യ സ്മരണമാത്രേണ വീരോ യോഗേശ്വരോ ഭവേത് ।
അസ്യാപി ച ഫലം വക്തും കോടിവര്ഷശതൈരപി ॥ ൧൭൯ ॥

ശക്യതേ നാപി സഹസാ സംക്ഷേപാത് ശൃണു സത്ഫലമ് ।
ആയുരാരോഗ്യമാപ്നോതി വിശ്വാസം ശ്രീഗുരോഃ പദൈഃ ॥ ൧൮൦ ॥

സാരസിദ്ധികരം പുണ്യം പവിത്രം പാപനാശനമ് ।
അത്യന്തദുഃഖദഹനം സര്വസൌഭാഗ്യദായകമ് ॥ ൧൮൧ ॥

പഠനാത് സര്വദാ യോഗസിദ്ധിമാപ്നോതി യോഗിരാട് ।
ദേഹസിദ്ധിഃ കാവ്യസിദ്ധിര്ജ്ഞാനസിദ്ധിര്ഭവേദ് ധ്രുവമ് ॥ ൧൮൨ ॥

വാചാം സിദ്ധിഃ ഖഡ്ഗസിദ്ധിഃ ഖേചരത്വമവാപ്നുയാത് ।
ത്രൈലോക്യവല്ലഭോ യോഗീ സര്വകാമാര്ഥസിദ്ധിഭാക് ॥ ൧൮൩ ॥

അപ്രകാശ്യം മഹാരത്നം പഠിത്വാ സിദ്ധിമാപ്നുയാത് ।
അസ്യ പ്രപഠനേനാപി ഭ്രൂപദ്മേ ചിത്തമര്പയന് ॥ ൧൮൪ ॥

യശോഭാഗ്യമവാപ്നോതിരാജരാജേശ്വരോ ഭവേത് ।
ഡാകിനീസിദ്ധിമാപ്നോതി കുണ്ഡലീവശമാനയേത് ॥ ൧൮൫ ॥

ധ്യാനാത്മാ സാധകേന്ദ്രശ്ച യതിര്ഭൂത്വാ ശുഭേ ദിനേ ।
ധ്യാനം കുര്യാത് പദ്മമധ്യകര്ണികായാം ശിഖാലയേ ॥ ൧൮൬ ॥

ഭ്രൂമധ്യേ ചക്രസാരേ ച ധ്യാത്വാ ധ്യാത്വാ പഠേദ് യദി ।
രാകിണീസിദ്ധിമാപ്നോതി ദേവതാദര്ശനം ലഭേത് ॥ ൧൮൭ ॥

ഭാഗ്യസിദ്ധിമവാപ്നോതി നിത്യം പ്രപഠനാദ്യതഃ ।
സാക്ഷാത്സിദ്ധിമവാപ്നോതി ശക്തിയുക്തഃ പഠേദ്യദി ॥ ൧൮൮ ॥

ഹിരണ്യാക്ഷീ ലാകിനീശാ വശമാപ്നോതി ധൈര്യവാന് ।
രാത്രിശേഷേ സമുത്ഥായ പഠേദ് യദി ശിവാലയേ ॥ ൧൮൯ ॥

പൂജാന്തേ വാ ജപാന്തേ വാ വാരമേകം പഠേദ്യദി ।
വീരസിദ്ധിമവാപ്നോതി കാകിനീവശമാനയേത് ॥ ൧൯൦ ॥

രാത്രിം വ്യാപ്യ പഠേദ്യസ്തു ശുദ്ധചേതാ ജിതേന്ദ്രിയഃ ।
ശയ്യായാം ചണ്ഡികാഗേഹേ മധുഗേഹേഽഥവാ പുനഃ ॥ ൧൯൧ ॥

ശാകിനീസിദ്ധിമാപ്നോതി സര്വദേശേ ച സര്വദാ ।
പ്രഭാതേ ച സമുത്ഥായ ശുദ്ധാത്മാ പഞ്ചമേ ദിനേ ॥ ൧൯൨ ॥

അമാവാസ്യാസു വിജ്ഞായാം ശ്രവണായാം വിശേഷതഃ ।
ശുക്ലപക്ഷേ നവമ്യാം തു കൃഷ്ണപക്ഷേഽഷ്ടമീദിനേ ॥ ൧൯൩ ॥

ഭാര്യായുക്തഃ പഠേദ്യസ്തു വശമാപ്നോതി ഭൂപതിമ് ।
ഏകാകീ നിര്ജനേ ദേശേ കാമജേതാ മഹാബലീ ॥ ൧൯൪ ॥

പ്രപഠേദ് രാത്രിശേഷേ ച സ ഭവേത് സാധകോത്തമഃ ।
കല്പദ്രുമസമോ ദാതാ ദേവജേതാ ന സംശയഃ ॥ ൧൯൫ ॥

ശിവശക്തിമധ്യഭാഗേ യന്ത്രം സംസ്ഥാപ്യ യത്നതഃ ।
പ്രപഠേത് സാധകേന്ദ്രശ്ച സര്വജ്ഞാതാ സ്ഥിരാശയഃ ॥ ൧൯൬ ॥

ഏകാന്തനിര്ജനേ രമ്യേ തപഃസിദ്ധിഫലോദയേ ।
ദേശേ സ്ഥിത്വാ പഠേദ്യസ്തു ജീവന്മുക്തി ഫലം ലഭേത് ॥ ൧൯൭ ॥

അകാലേഽപി സകാലേഽപി പഠിത്വാ സിദ്ധിമാപ്നുയാത് ।
ത്രികാലം യസ്തു പഠതി പ്രാന്തരേ വാ ചതുഷ്പഥേ ॥ ൧൯൮ ॥

യോഗിനീനാം പതിഃ സാക്ഷാദായുര്വൃദ്ധിദീനേ ദിനേ ।
വാരമേകം പഠേദ്യസ്തു മൂര്ഖോ വാ പണ്ഡിതോഽപി വാ ॥ ൧൯൯ ॥

വാചാമീശോ ഭവേത് ക്ഷിപ്രം യോഗയുക്തോ ഭവേദ് ധ്രുവമ് ।
സമ്ഭാവിതോ ഭവേദേകം വാരപാഠേന ഭൈരവ ॥ ൨൦൦ ॥

ജിത്വാ കാലമഹാമൃത്യും ദേവീഭക്തിമവാപ്നുയാത് ।
പഠിത്വാ വാരമേകം തു യാത്രാം കുര്വന്തി യേ ജനാഃ ॥ ൨൦൧ ॥

ദേവീദര്ശനസിദ്ധിഞ്ച പ്രാപ്തോ യോഗമവാപ്നുയാത് ।
പ്രത്യേകം നാമമുച്ചാര്യ യോ യാഗമനുസഞ്ചരേത് ॥ ൨൦൨ ॥

സ ഭവേന്മമ പുത്രോ ഹി സര്വകാമഫലം ലഭേത് ।
സര്വയജ്ഞഫലം ജ്ഞാനസിദ്ധിമാപ്നോതി യോഗിരാട് ॥ ൨൦൩ ॥

ഭൂതലേ ഭൂഭൃതാംനാഥോ മഹാസിദ്ധോ മഹാകവിഃ ।
കണ്ഠേ ശീര്ഷേ ദക്ഷഭുജേ പുരുഷോ ധാരയേദ്യദി ॥ ൨൦൪ ॥

യോഷിദ്വാമഭുജേ ധൃത്വാ സര്വസിദ്ധിമവാപ്നുയാത് ।
ഗോരോചനാകുങ്കുമേന രക്തചന്ദനകേന ച ॥ ൨൦൫ ॥

യാവകൈര്വാ മഹേശാനി ലിഖേന്മന്ത്രം സമാഹിതഃ ।
ആദ്യാ ദേവീ പരപ്രാണസിദ്ധിമാപ്നോതി നിശ്ചിതമ് ॥ ൨൦൬ ॥

ലിങ്ഗം പീഠേ പൂര്ണിമായാം കൃഷ്ണചതുര്ദശീദിനേ ।
ഭൌമവാരേ മധ്യരാത്രൌ പഠിത്വാ കാമസിദ്ധിഭാക് ॥ ൨൦൭ ॥

കിം ന സിദ്ധ്യതി ഭൂഖണ്ഡേ അജരാമര ഏവ സഃ ।
രമണീകോടിഭര്താ സ്യാദ് വര്ഷദ്വാദശപാഠതഃ ॥ ൨൦൮ ॥

അഷ്ടവര്ഷപ്രപാഠേന കായപ്രവേശസിദ്ധിഭാക് ।
ഷഡ്വര്ഷമാത്രപാഠേന കുബേരസദൃശോ ധനീ ॥ ൨൦൯ ॥

വാരൈകമാത്രപാഠേന വര്ഷേ വര്ഷേ ദിനേ ദിനേ ।
സ ഭവേത് പഞ്ചതത്ത്വജ്ഞോ തത്ത്വജ്ഞാനീ ന സംശയഃ ॥ ൨൧൦ ॥

സര്വപാപവിനിര്മുക്തോ വസേത് കല്പത്രയം ഭുവി ।
യഃ പഠേത് സപ്തധാ നാഥ സപ്താഹനി ദിനേ ദിനേ ॥ ൨൧൧ ॥

രാത്രൌ വാരത്രയം ധീമാന് പഠിത്വാ ഖേചരോ ഭവേത് ।
അശ്വിനീ ശുക്ലപക്ഷേ ച രോഹിണ്യസിതപക്ഷകേ ॥ ൨൧൨ ॥

അഷ്ടമ്യാം ഹി നവമ്യാം തു പഠേദ് വാരത്രയം നിശി ।
ദിവസേ വാരമേകം തു സ ഭവേത് പഞ്ചതത്ത്വവിത് ॥ ൨൧൩ ॥

അനായാസേന ദേവേശ പഞ്ചാമരാദിസിദ്ധിഭാക് ।
ഖേചരീമേലനം തസ്യ നിത്യം ഭവതി നിശ്ചിതമ് ॥ ൨൧൪ ॥

സ്വര്ഗേ മര്ത്യേ ച പാതാലേ ക്ഷണാന്നിഃസരതി ധ്രുവമ് ।
അഗ്നിസ്തമ്ഭം ജലസ്തമ്ഭം വാതസ്തമ്ഭം കരോതി സഃ ॥ ൨൧൫ ॥

പഞ്ചതത്ത്വക്രമേണൈവ ശ്മശാനേ യസ്തു സമ്പഠേത് ।
സ ഭവേദ് ദേവദേവേശഃ സിദ്ധാന്തസാരപണ്ഡിതഃ ॥ ൨൧൬ ॥

ശൂകരാസവസംയുക്തഃ കുലദ്രവ്യേണ വാ പുനഃ ।
ബില്വമൂലേ പീഠമൂലേ വിധാനേന പ്രപൂജയേത് ।
പരേണ പരമാ ദേവീ തുഷ്ടാ ഭവതി സിദ്ധിദാ ॥ ൨൧൭ ॥

॥ ഇതി ശ്രീരുദ്രയാമലേ ഉത്തരതന്ത്രേ ഭൈരവഭൈരവീസംവാദേ

ഹാകിനീസഹസ്രനാമസ്തോത്രം സമ്പൂര്ണമ് ॥


Proofread by Ravin Bhalekar ravibhalekar@hotmail.com

Please send corrections to sanskrit@cheerful.com
Last updated ത്oday
http://sanskritdocuments.org

Hakini Sahasranama Stotram Lyrics in Malayalam PDF
% File name : hAkinIsahasra.itx
% Category : sahasranAma
% Location : doc\_devii
% Author : Traditional
% Language : Sanskrit
% Subject : philosophy/hinduism/religion
% Transliterated by : Mark S.G. Dyczkowski muktAbodha
% Proofread by : Ravin Bhalekar ravibhalekar at hotmail.com
% Description-comments : rudrayAmale uttaratantre bhairava bhairavI sa.nvAde
% Latest update : May 25, 2009
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 15, 2015 ] at Stotram Website