ಶ್ರೀಶಿವಕಾಮಸುನ್ದರೀಸಹಸ್ರನಾಮಸ್ತೋತ್ರಮ್
{॥ ಶ್ರೀಶಿವಕಾಮಸುನ್ದರೀಸಹಸ್ರನಾಮಸ್ತೋತ್ರಮ್ ॥}
॥ ಪೂರ್ವಪೀಠಿಕಾ ॥
ಯಸ್ಯಾಸ್ಸರ್ವಂ ಸಮುತ್ಪನ್ನಂ ಚರಾಚರಮಿದಂ ಜಗತ್ ।
ಇದಂ ನಮೋ ನಟೇಶಾನ್ಯೈ ತಸ್ಯೈ ಕಾರುಣ್ಯಮೂರ್ತಯೇ ॥
ಕೈಲಾಸಾದ್ರೌ ಸುಖಾಸೀನಂ ಶಿವಂ ವೇದಾನ್ತಗೋಚರಮ್ ।
ಸರ್ವವಿದ್ಯೇಶ್ವರಂ ಭೂತಿರುದ್ರಾಕ್ಷಾಲಙ್ಕೃತಂ ಪರಮ್ ॥ ೧॥
ಸರ್ವಲಕ್ಷಣಸಮ್ಪನ್ನಂ ಸನಕಾದಿಮುನೀಡಿತಮ್ ।
ಸಂಸಾರಾರಣ್ಯದಾವಾಗ್ನಿಂ ಯೋಗಿರಾಜಂ ಯತೇನ್ದ್ರಿಯಮ್ ॥ ೨॥
ಮುಕುಟೇನ್ದುಸುಧಾಪೂರಲಬ್ಧಜೀವಕಶೀರ್ಷಕಮ್ ।
ವ್ಯಾಘ್ರಚರ್ಮಾಮ್ಬರಧರಂ ನೀಲಕಣ್ಠಂ ಕಪರ್ದಿನಮ್ ॥ ೩॥
ಸವ್ಯಹಸ್ತೇ ವಹ್ನಿಧರಂ ಮನ್ದಸ್ಮಿತಮುಖಾಮ್ಬುಜಮ್ ।
ಢಕ್ಕಾಂ ಚ ದಕ್ಷಿಣೇ ಹಸ್ತೇ ವಹನ್ತಂ ಚ ತ್ರಿಲೋಚನಮ್ ॥ ೪॥
ಅಭಯಂ ದಕ್ಷಹಸ್ತೇನ ದರ್ಶಯನ್ತಂ ಮನೋಹರಮ್ ।
ಡೋಲಹಸ್ತೇನ ವಾಮೇನ ದರ್ಶಯನ್ತಂ ಪದಾಮ್ಬುಜಮ್ ॥ ೫॥
ಕುಚಿತಂ ದಕ್ಷಪಾದೇನ ತಿಷ್ಠನ್ತಂ ಮುಸಲೋಪರಿ ।
ಬ್ರಹ್ಮವಿಷ್ಣ್ವಾದಿವಿನುತಂ ವೇದವೇದ್ಯಂ ನಟೇಶ್ವರಮ್ ॥ ೬॥
ಪ್ರಣಮ್ಯ ಪಾರ್ವತೀ ಗೌರೀ ಪಪ್ರಚ್ಛ ಮುದಿತಾನನಾ ।
ಸರ್ವಲಕ್ಷಣಸಮ್ಪನ್ನಾ ಸರ್ವದಾ ಸರ್ವದಾ ನೃಣಾಮ್ ॥ ೭॥
ಪಾರ್ವತ್ಯುವಾಚ -
ಶಿವ! ಶಙ್ಕರ! ವಿಶ್ವೇಶ! ಮಹಾದೇವ! ದಯಾನಿಧೇ!
ಸರ್ವಾಸಾಂ ಚೈವ ದೇವೀನಾಂ ನಾಮಸಾಹಸ್ರಮುತ್ತಮಮ್ ॥ ೮॥
ಪುರಾ ಪ್ರೋಕ್ತಂ ಸದಾನನ್ದ ! ಮಹ್ಯಂ ಶ್ರೀಪತಿಪೂಜಿತ ! ।
ಶಿವಕಾಮಸುನ್ದರೀನಾಮ್ನಾಂ ಸಹಸ್ರಂ ವದ ಸುನ್ದರ! ॥ ೯॥
ಸದ್ಯಸ್ಸಮ್ಪತ್ಕರಂ ಪುಣ್ಯಂ ಸರ್ವಪಾಪಪ್ರಣಾಶನಮ್ ।
ಇತ್ಯುಕ್ತ್ವಾ ಪಾರ್ವತೀ ದೇವೀ ತುಷ್ಟಾವ ನಟನೇಶ್ವರಮ್ ॥ ೧೦॥
ಸತ್ಯಪ್ರಬೋಧಸುಖಸನ್ತತಿರೂಪ ವಿಶ್ವ -
ಮಾಯೇನ್ದ್ರಜಾಲಿಕವರೇಣ್ಯ ಸಮಸ್ತಸಾಕ್ಷಿನ್ ।
ಸೃಷ್ಟಿಸ್ಥಿತಿಪ್ರಲಯಹೇತುಕವಿಷ್ಣುರುದ್ರ
ಶ್ರೀಮನ್ನಟೇಶ ಮಮ ದೇಹಿ ಕರಾವಲಮ್ಬಮ್ ॥ ೧೧॥
ಭೂವಾರಿವಹ್ನಿಪವನಾಮ್ಬರಚನ್ದ್ರಸೂರ್ಯ -
ಯಜ್ವಾಷ್ಟಮೂರ್ತಿವಿಮಲೀಕೃತವಿಗ್ರಹೇದಶ ।
ಸ್ವಾಙ್ಘ್ರ್ಯಮ್ಬುಜದ್ವಯನಿಷಸ್ತಹೃದಾಂ ಪ್ರಸನ್ನ !
ಶ್ರೀಮನ್ನಟೇಶ ಮಮ ದೇಹಿ ಕರಾವಲಮ್ಬಮ್ ॥ ೧೨॥
ಲಿಙ್ಗಾಕೃತೇ ಪಶುಪತೇ ಗಿರಿಜಾಪತೇ ತ್ವಂ
ನಾರಾಯಣೇಶ ಗಿರಿವಾಸ ವಿಧೀಶ ಶಮ್ಭೋ
ಫಾಲಾಕ್ಷ ಶಙ್ಕರ! ಮಹೇಶ್ವರ ಮನ್ಮಥಾರೇ
ಶ್ರೀಮನ್ನಟೇಶ ಮಮ ದೇಹಿ ಕರಾವಲಮ್ಬಮ್ ॥ ೧೩॥
ಶ್ರೀನೀಲಕಣ್ಠ ಶಮನಾನ್ತಕ ಪಞ್ಚವಕ್ತ್ರ
ಪಞ್ಚಾಕ್ಷರಪ್ರಿಯ ಪರಾತ್ಪರ! ವಿಶ್ವವನ್ದ್ಯ ।
ಶ್ರೀಚನ್ದ್ರಚೂಡ ಗಜವಕ್ತ್ರಪಿತಃ ಪರೇಶ
ಶ್ರೀಮನ್ನಟೇಶ ಮಮ ದೇಹಿ ಕರಾವಲಮ್ಬಮ್ ॥ ೧೪॥
ಗಙ್ಗಾಧರ ಪ್ರಮಥನಾಥ ಸದಾಶಿವಾರ್ಯಾ -
ಜಾನೇ! ಜಲನ್ಧರರಿಪೋ ಜಗತಾಮಧೀಶ ।
ಶರ್ವೋಗ್ರ ಭರ್ಗ ಮೃಡ ಶಾಶ್ವತ! ಶೂಲಪಾಣೇ
ಶ್ರೀಮನ್ನಟೇಶ ಮಮ ದೇಹಿ ಕರಾವಲಮ್ಬಮ್ ॥ ೧೫॥
ಸ್ಥಾಣೋ ತ್ರಿಣೇತ್ರ ಶಿಪಿವಿಷ್ಟ! ಮಹೇಶ! ತಾತ
ನಾರಾಯಣಪ್ರಿಯ ಕುಮಾರಗುರೋ ಕಪರ್ದಿನ್ ।
ಶಮ್ಭೋ! ಗಿರೀಶ! ಶಿವ ಲೋಕಪತೇ! ಪಿನಾಕಿನ್
ಶ್ರೀಮನ್ನಟೇಶ ಮಮ ದೇಹಿ ಕರಾವಲಮ್ಬಮ್ ॥ ೧೬॥
ಖಙ್ಗಾಙ್ಗಿನ್ ಅನ್ಧಕರಿಪೋ ಭವ ಭೀಮ ರುದ್ರ
ದೇವೇಶ! ಖಣ್ಡಪರಶೋ! ಕರುಣಾಮ್ಬುರಾಶೇ ।
ಭಸ್ಮಾಙ್ಗರಾಗ ಪರಮೇಶ್ವರ! ವಿಶ್ವಮೂರ್ತೇ
ಶ್ರೀಮನ್ನಟೇಶ ದೇಹಿ ಕರಾವಲಮ್ಬಮ್ ॥ ೧೭॥
ವಿಶ್ವೇಶ್ವರಾತ್ಮಕ ವಿವೇಕಸುಖಾಭಿರಾಮ
ಶ್ರೀವೀರಭದ್ರ! ಮಖಹನ್ತರುಮಾಸಹಾಯ ।
ವೀರೇಶ್ವರೈಣಕರ ಶುಭ್ರವೃಷಾಧಿರೂಢ
ಶ್ರೀಮನ್ನಟೇಶ ಮಮ ದೇಹಿ ಕರಾವಲಮ್ಬಮ್ ॥ ೧೮॥
ಏವಂ ಸ್ತುತ್ವಾ ಮಹಾದೇವೀ ಪಞ್ಚಾಙ್ಗಂ ಪ್ರಣನಾಮ ಹ ।
ತತಸ್ತುಷ್ಟೋ ನಟೇಶಶ್ಚ ಪ್ರೋವಾಚ ವಚನಂ ಶುಭಮ್ ॥ ೧೯॥
ಏವಮೇವ ಪುರಾ ದೇವೀ ಮಹಾಲಕ್ಷ್ಮೀಃ ಪತಿವ್ರತಾ ।
ಶಙ್ಖಚಕ್ರಗದಾಪಾಣಿಃ ಸರ್ವಲೋಕಹಿತಾವಹಃ ॥ ೨೦॥
ಧರ್ಮಸಂಸ್ಥಾಪನಾರ್ಥಾಯಾವತಾರಾನ್ಯುಗೇ ಯುಗೇ ।
ಕರಿಷ್ಯತಿ ಮಹಾ ವಿಷ್ಣುಃ ಮಮ ಭರ್ತಾ ದಶ ಶೃಣು ॥ ೨೧॥
ಮತ್ಸ್ಯಃ ಕೂರ್ಮೋ ವರಾಹಶ್ಚ ನಾರಸಿಂಹೋಽಥ ವಾಮನಃ ।
ರಾಮೋ ದಾಶರಥಿಶ್ಚೈವ ರಾಮಃ ಪರಶುಧಾರಕಃ ॥ ೨೨॥
ಹಲಭೃತ್ ಬಲರಾಮಶ್ಚ ಕೃಷ್ಣಃ ಕಲ್ಕಿಃ ದಶ ಸ್ಮೃತಾಃ ।
ಅವತಾರೇಷು ದಶಸು ಮದ್ಭರ್ತುರ್ನಾಶಶಙ್ಕಯಾ ॥ ೨೩॥
ಪ್ರಾಪ್ತಾ ಭವನ್ತ ಶರಣಂ ಭವಾನೇವ ಪರಾ ಗತಿಃ ।
ಇತ್ಯುಕ್ತ್ವಾ ಚ ಮಹಾಲಕ್ಷ್ಮೀರ್ಭಸ್ತಾನಾಮಿಷ್ಟದಾಯಕಮ್ ॥ ೨೪॥
ವೇದಪಾದಸ್ತವಂ ಚಾರು ಮಧುರಂ ಮಧುರಾಕ್ಷರಮ್ ।
ಉಕ್ತ್ವಾ ತುಷ್ಟಾವ ಮುದಿತಾ ನಟೇಶಾನಂ ಮಹೇಶ್ವರಮ್ ॥ ೨೫॥
ವಿಘ್ನೇಶ್ವರಂ ವೀತವಿರಾಗಸೇವಿತಮ್
ವಿಧೀನ್ದ್ರವಿಷ್ಣ್ವಾದಿನತಾಙ್ಘ್ರಿಪಙ್ಕಜಮ್ ।
ಸಭಾಸದಾಮಾಶು ಸುಖಾರ್ಥಸಿದ್ಧಿದಂ
ಗಣಾನಾಂ ತ್ವಾಂ ಗಣಪತಿಂ ಹವಾಮಹೇ ॥ ೨೬॥
ನಗೇನ್ದ್ರತನಯಾರಮ್ಯಸ್ತನ್ಯಪಾನರತಾನನಮ್ ।
ಮಾಣಿಕ್ಯಕುಣ್ಡಲಧರಂ ಕುಮಾರಂ ಪುಷ್ಕರಸ್ರಜಮ್ ॥ ೨೭॥
ನಮಃ ಶಿವಾಯ ಸಾಮ್ಬಾಯ ಸಗಣಾಯ ಸಸೂನವೇ ।
ನಮೋ ಜ್ಞಾನಸಭೇಶಾಯ ದಿಶಾಂ ಚ ಪತಯೇನಮಃ ॥ ೨೮॥
ನಮೋ ಬ್ರಹ್ಮಾದಿದೇವಾಯ ವಿಷ್ಣುಕಾನ್ತಾಯ ಶಮ್ಭವೇ ।
ಪೀತಾಮ್ಬರಾಯ ಚ ನಮಃ ಪಶುನಾಂ ಪತಯೇ ನಮಃ ॥ ೨೯॥
ಸನ್ಮಾರ್ಗದಾಯ ಶಿಷ್ಟಾನಾಮಾಶ್ರಿತಾನಾಂ ದ್ವಿಜನ್ಮನಾಮ್ ।
ಅಭಕ್ತಾನಾಂ ಮೋಹದಾತ್ರೇ ಪಥೀನಾಂ ಪತಯೇ ನಮಃ ॥ ೩೦॥
ಅಪಸ್ಮಾರಮಧಃ ಕೃತ್ಯ ನೃತ್ಯನ್ತಂ ತಸ್ಯ ಪೃಷ್ಠಕೇ ।
ಸರ್ವಾಭರಣರಮ್ಯಂ ತಂ ಪಶ್ಯೇಮ ಶರದಶ್ಶತಮ್ ॥ ೩೧॥
ಸುನ್ದರಂ ಸ್ಮೇರವದನಂ ನಟರಾಜಮುಮಾಪತಿಮ್ ।
ಸಮ್ಪೂಜ್ಯ ನೃತ್ಯಪಾದಂ ತೇ ಜೀವೇಮ ಶರದಶ್ಶತಮ್ ॥ ೩೨॥
ಕುಭೀನ್ದ್ರದೈತ್ಯಂ ಹತವಾನಿತಿ ಶಮ್ಭುರ್ಜಗತ್ಪತಿಃ ।
ಶ್ರುತ್ವಾ ತೇ ಕೀರ್ತಿಮಮಲಾಂ ನನ್ದಾಮ ಶರದಶ್ಶತಮ್ ॥ ೩೩॥
ಮನ್ಮಥಾನ್ಧಕಸಂಹಾರಕಥಾಶ್ರುತಿಮನೋಹರಮ್ ।
ಶ್ರುತ್ವಾ ತೇ ವಿಕ್ರಮಯುತಂ ಮೋದಾಮ ಶರದಶ್ಶತಮ್ ॥ ೩೪॥
ಸರ್ವದುಃಖಾನ್ವಿಹಾಯಾಶು ಶಿವ ತೇಽಙ್ಘ್ರಿಯುಗಾಮ್ಬುಜಮ್ ।
ಅರ್ಚಯನ್ತಃ ಸದಾ ಧನ್ಯಾ ಭವಾಮ ಶರದಶ್ಶತಮ್ ॥ ೩೫॥
ತ್ವತ್ಕೀರ್ತನಂ ಸದಾ ಭಕ್ತ್ಯಾ ಸರ್ವಕಲ್ಮಷನಾಶನಮ್ ।
ಶಙ್ಕರಾಘಹರ ಸ್ವಾಮಿನ್ ಶೃಣವಾಮ ಶರದಶ್ಶತಮ್ ॥ ೩೬॥
ತ್ವಚ್ಚರಿತ್ರಂ ಪವಿತ್ರಂ ಚ ಸರ್ವದಾರಿದ್ರ್ಯನಾಶನಮ್ ।
ಅಸ್ಮತ್ಪುತ್ರಪ್ರಣಪ್ತೄಣಾಂ ಪ್ರಬ್ರವಾಮ ಶರದಶ್ಶತಮ್ ॥ ೩೭॥
ತ್ವದ್ಭಕ್ತಕಲ್ಪಕತರುಮಾಶ್ರಯನ್ತಸ್ಸದಾ ವಯಮ್ ।
ಇನ್ದ್ರಿಯಾಘೌಘನಿಚಯೈರಜೀತಾಸ್ಸ್ಯಾಮ ಶರದಶ್ಶತಮ್ ॥ ೩೮॥
ಏವಂ ಸ್ತುತ್ವಾ ಮಹಾದೇವೀ ಮಹಾಲಕ್ಷ್ಮೀರ್ಮನೋಹರಾ ।
ಪ್ರಣಮ್ಯ ಚಿತ್ಸಭಾನಾಥಂ ತಿಷ್ಠನ್ತೀ ಮುದಿತಾನನಾ ॥ ೩೯॥
ಮನ್ಮಾಙ್ಗಲ್ಯಸ್ಯ ರಕ್ಷಾಯೈ ಮನ್ತ್ರಮೇಕಂ ಮಮಾದಿಶ ।
ತಾಂ ದೃಷ್ಟ್ವಾ ಚ ಮಹಾದೇವಃ ಪ್ರಹಸನ್ನಿದಮಬ್ರವೀತ್ ॥ ೪೦॥
ತ್ವಂ ಶೀಘ್ರಂ ಗಚ್ಛ ದೇವೇಶೀಂ ಶಿವಕಾಮಾಂ ಚ ಸುನ್ದರೀಮ್ ।
ತತ್ರ ಗತ್ವಾ ಮಹೇಶಾನೀಂ ಪೂಜಯ ತ್ವಂ ವಿಶೇಷತಃ ॥ ೪೧॥
ಸಹಸ್ರಕುಸುಮೈಃ ಪದ್ಮೈಃ ನೈವೇದ್ಯೈಶ್ಚ ಮನೋಹರೈಃ ।
ಇತ್ಯುಕ್ತ್ವಾ ಪರಮಪ್ರೀತೋ ಭಗವಾನ್ಭಕ್ತವತ್ಸಲಃ ॥ ೪೨॥
ಶಿವಕಾಮಸುನ್ದರೀನಾಮ್ನಾಂ ಸಹಸ್ರಂ ಪ್ರಜಗಾದ ಹ ।
ಉಪದಿಶ್ಯ ಚ ತಾಂ ದೇವೀಂ ಪ್ರೇಷಯಾಮಾಸ ಶಙ್ಕರಃ ॥ ೪೩॥
ಲಕ್ಷ್ಮೀರ್ಗತ್ವಾ ಮಹೇಶಾನೀಂ ಶಿವಕಾಮೀಂ ಮುದಾನ್ವಿತಾ ।
ಶಿವೋಕ್ತೇನ ಪ್ರಕಾರೇಣ ಸಹಸ್ರೈಃ ಪಙ್ಕಜೈಃ ಕ್ರಮಾತ್ ॥ ೪೪॥
ನಾಮಭಿಶ್ಚ ತ್ರಿತಾರೈಶ್ಚ ಯುಕ್ತ್ವೈಶ್ಚ ಸುಮಹತ್ತರೈಃ ।
ಪೂಜಯಾಮಾಸ ವಿಧಿವತ್ ಶಿವಾಚಿನ್ತನತತ್ಪರಾ ॥ ೪೫॥
ತದಾ ಶಿವಃ ಶೋಧನಾಯ ತಸ್ಯಾಃ ಚಿತ್ತಂ ಜಗತ್ಪ್ರಭುಃ ।
ಆನೀತೇಷು ಚ ಪದ್ಮೇಷು ನ್ಯೂನಮೇಕಂ ಚಕಾರ ಹಿ ॥ ೪೬॥
ಅತೀವ ದುಃಖಿತಾಲಕ್ಷ್ಮೀಃ ಪೂರ್ತಿಕಾಮೇಚ್ಛಯಾ ಸ್ವಯಮ್ ।
ಅಭಾವಪುಷ್ಪಸಮ್ಪೂರ್ತ್ಯೈ ನೇತ್ರಮುತ್ಪಾಟ್ಯ ವಾಮಕಮ್ ॥ ೪೭॥
ಅರ್ಚಯಾಮಾಸ ಲಕ್ಷ್ಮೀಶ್ಚ ಭಕ್ತ್ಯಾ ಪರಮಯಾ ಯುತಾ ।
ದೃಷ್ಟೇವದಂ ಸುನ್ದರೀದೇವೀ ಶಿವಕಾಮಮನೋಹರೀ ॥ ೪೮॥
ಪೂರ್ವಸ್ಮಾದಪಿ ಸೌನ್ದರ್ಯಂ ನೇತ್ರಂ ದತ್ವಾಽತಿಹರ್ಷತಃ ।
ತುಷ್ಟಾಽಹಮಿಷ್ಟಂ ವ್ರಿಯತಾಂ ವರಮಿತ್ಯಾಹ ಶಙ್ಕರೀ ॥ ೪೯॥
ತದಾ ವವ್ರೇ ಮಹಾಲಕ್ಷ್ಮೀಃ ಸರ್ವಲೋಕಪ್ರಿಯಙ್ಕರಮ್ ।
ಸೌಮಙ್ಗಲ್ಯಂ ಕುರು ಮಮ ದೀರ್ಘಂ ಚ ಭವತು ಧುವಮ್ ।
ತಥಾ ಭವತು ಭದ್ರಂ ತೇ ವಿಷ್ಣುಂ ಗಚ್ಛ ಯಥಾಸುಖಮ್ ॥ ೫೦॥
ಇತ್ಯುಕ್ತ್ವಾಽನ್ತರ್ದಧೇ ದೇವೀ ಶಿವಕಾಮೀ ಮಹೇಶ್ವರೀ ।
ಲಕ್ಷ್ಮೀಶ್ಚ ವಿಷ್ಣುಂ ಗತ್ವಾಽಥ ಯಥಾಪೂರ್ವಂ ಸ್ಥಿತೋರಸಿ ॥ ೫೧॥
ತಾದೃಶಂ ನಾಮಸಾಹಸ್ರಂ ಶಿವಕಾಮ್ಯಾಃ ಮನೋಹರಮ್ ।
ವದಾಮಿ ಶೃಣು ಹೇ ದೇವೀನಾಮಸಾಹಸ್ರಮುತ್ತಮಮ್ ॥ ೫೨॥
ಋಷಿಃ ಛನ್ದೋ ದೇವತಾ ಚ ಬೀಜಂ ಶಕ್ತಿಶ್ಚ ಕೀಲಕಮ್ ।
ಕರಾಙ್ಗನ್ಯಾಸಕೌ ಪೂರ್ವಂ ಸುರಹಸ್ಯಂ ಮಹೇಶ್ವರಿ ॥ ೫೩॥
ನಾಮ್ನಾಂ ತ್ರಿಪುರಸುನ್ದರ್ಯಾಃ ಯತ್ಪ್ರೋಸ್ತಂ ತದ್ವದೇವ ಹಿ ।
ಶಿವಕಾಮಸುನ್ದರೀಪ್ರೀತ್ಯೈ ವಿನಿಯೋಗೋ ಜಪೇ ಸ್ಮೃತಃ ॥ ೫೪॥
ದಿಗ್ಬನ್ಧಂ ತತೋ ಧ್ಯಾಯೇತ್ ಶಿವಕಾಮೀಂ ಮಹೇಶ್ವರೀಮ್ ।
ತತಶ್ಚ ಪಞ್ಚಪೂಜಾ ಚ ಕರ್ತವ್ಯಾ ಮನುಜಾಪಿನಾ ॥ ೫೫॥
ತತಃ ಪರಂ ಸ್ತೋತ್ರಮೇತಜ್ಜಪ್ತವ್ಯಂ ಭದ್ರಕಾಮಿನಾ ।
ಸ್ತೋತ್ರಾನ್ತೇ ಚ ಪ್ರಕರ್ತವ್ಯಮಙ್ಗನ್ಯಾಸಂ ಚ ಪೂರ್ವವತ್ತ್ ॥ ೫೬॥
ಕೃತ್ವಾ ಚ ದಿಗ್ವಿಮೋಕಂ ಚ ತತೋಧ್ಯಾಯೇಚ್ಚ ಸುನ್ದರೀಮ್ ।
ಲಮಿತ್ಯಾದಿಮಮನ್ತ್ರೈಶ್ಚ ಪಞ್ಚಪೂಜಾಂ ಚ ಸಂವದೇತ್ ॥ ೫೭॥
ಓಂ ಅಸ್ಯ ಶ್ರೀ ಶಿವಕಾಮಸುನ್ದರೀಸಹಸ್ರನಾಮಸ್ತೋತ್ರಮಹಾ
ಮನ್ತ್ರಸ್ಯ । ಆನನ್ದಭೈರವದಕ್ಷಿಣಾಮೂರ್ತಿಃ ಋಷಿಃ । ದೇವೀ ಗಾಯತ್ರೀ
ಛನ್ದಃ । ಶ್ರೀಶಿವಕಾಮಸುನ್ದರೀ ದೇವತಾ । ಬೀಜಂ ಶಕ್ತಿಃ ಕೀಲಕಂ
ಕರಾಙ್ಗನ್ಯಾಸೌ ಚ ಶ್ರೀಮಹಾತ್ರಿಪುರಸುನ್ದರೀಮಹಾಮನ್ತ್ರವತ್ ।
॥ ಧ್ಯಾನಮ್ ॥
ಪದ್ಮಸ್ಥಾಂ ಕನಕಪ್ರಭಾಂ ಪರಿಲಸತ್ಪದ್ಮಾಕ್ಷಿಯುಗ್ಮೋತ್ಪಲಾಮ್
ಅಕ್ಷಸ್ರಕ್ಷುಕಶಾರಿಕಾಕಟಿಲಸತ್ ಕಲ್ಹಾರ ಹಸ್ತಾಬ್ಜಿನೀಮ್ ।
ರಕ್ತಸ್ರಕ್ಸುವಿಲೇಪನಾಮ್ಬರಧರಾಂ ರಾಜೀವನೇತ್ರಾರ್ಚಿತಾಂ
ಧ್ಯಾಯೇತ್ ಶ್ರೀಶಿವಕಾಮಕೋಷ್ಠನಿಲಯಾಂ ನೃತ್ತೇಶ್ವರಸ್ಯ ಪ್ರಿಯಾಮ್ ॥
ಮುಕ್ತಾಕುನ್ದೇನ್ದುಗೌರಾಂ ಮಣಿಮಯಮಕುಟಾಂ ರತ್ನತಾಣ್ಟಙ್ಕಯುಕ್ತಾಂ
ಅಕ್ಷಸ್ರಕ್ಪುಷ್ಪಹಸ್ತಾ ಸಶುಕಕಟಿಕರಾಂ ಚನ್ದ್ರಚೂಡಾಂ ತ್ರಿನೇತ್ರೀಮ್ ।
ನಾನಾಲಙ್ಕಾರಯುಕ್ತಾಂ ಸುರಮಕುಟಮಣಿದ್ಯೋತಿತ ಸ್ವರ್ಣಪೀಠಾಂ
ಯಾಸಾಪದ್ಮಾಸನಸ್ಥಾಂ ಶಿವಪದಸಹಿತಾಂ ಸುನ್ದರೀಂ ಚಿನ್ತಯಾಮಿ ॥
ರತ್ನತಾಟಙ್ಕಸಂಯುಕ್ತಾಂ ಸುವರ್ಣಕವಚಾನ್ವಿತಾಮ್ ।
ದಕ್ಷಿಣೋರ್ಧ್ವಕರಾಗ್ರೇಣ ಸ್ವರ್ಣಮಾಲಾಧರಾಂ ಶುಭಾಮ್ ॥
ದಕ್ಷಾಧಃ ಕರಪದ್ಮೇನ ಪುಲ್ಲಕಲ್ಹಾರ ಧಾರಿಣೀಮ್ ।
ವಾಮೇನೋಏಧ್ವಕರಾಬ್ಜೇನ ಶುಕಾರ್ಭಕಧರಾಂ ವರಾಮ್ ।
ಕಟಿದೇಶೇ ವಾಮಹಸ್ತಂ ನ್ಯಸ್ಯನ್ತೀಂ ಚ ಸುದರ್ಶನಾಮ್ ॥
ಶಿವಕಾಮಸುನ್ದರೀಂ ನೌಮಿ ಪ್ರಸನ್ನವದನಾಂ ಶಿವಾಮ್ ।
ಲಮಿತ್ಪಾದಿಪಞ್ಚಪೂಜಾ ॥
॥ ಶ್ರೀ ಶಿವಕಾಮಸುನ್ದರೀಸಹಸ್ರನಾಮಸ್ತೋತ್ರಮ್ ॥
ಓಂ ಐಂ ಹ್ರೀಂ ಶ್ರೀಂ ಅಂ - ೧॥
ಅಗಣ್ಯಾಽಗಣ್ಯಮಹಿಮಾಽಸುರಪ್ರೇತಾಸನಸ್ಥಿತಾ ।
ಅಜರಾಽಮೃತ್ಯುಜನನಾಽಪ್ಯಕಾಲಾನ್ತಕ ಭೀಕರಾ ॥ ೧॥
ಅಜಾಽಜಾಂಶಸಮುದ್ಭೂತಾಽಮರಾಲೀವೃತಗೋಪುರಾ ।
ಅತ್ಯುಗ್ರಾಜಿನಟಚ್ಛತ್ರುಕಬನ್ಧಾನೇಕಕೋಟಿಕಾ ॥ ೨॥
ಅದ್ರಿದುರ್ಗಾಽಣಿಮಾಸಿದ್ಧಿದಾಪಿತೇಷ್ಟಾಮರಾವಲಿಃ ।
ಅನನ್ತಾಽನನ್ಯಸುಲಭಪ್ರಿಯಾಽದ್ಭುತವಿಭೂಷಣಾ ॥ ೩॥
ಅನೂರುಕರಸಙ್ಕಾಶಾಽಖಣ್ಡಾನನ್ದಸ್ವರೂಪಿಣೀ ।
ಅನ್ಧೀಕೃತದ್ವಿಜಾರಾತಿನೇತ್ರಾಽತ್ಯುಗ್ರಾಟ್ಟಹಾಸಿನೀ ॥ ೪॥
ಅನ್ನಪೂರ್ಣಾಽಪರಾಽಲಕ್ಷ್ಯಾಽಮ್ಬಿಕಾಽಘವಿನಾಶಿನೀ ।
ಅಪಾರಕರುಣಾಪೂರನಿಭರೇಖಾಂ ಜನಾಕ್ಷಿಣೀ ॥ ೫॥
ಅಮೃತಾಮ್ಭೋಧಿಮಧ್ಯಸ್ಥಾಽಣಿಮಾಸಿದ್ಧಿಮುಖಾಶ್ರಿತಾ ।
ಅರವಿನ್ದಾಕ್ಷಮಾಲಾಲಿಪಾತ್ರಶೂಲಧರಾಽನಘಾ ॥ ೬॥
ಅಶ್ವಮೇಧಮಖಾವಾಪ್ತಹವಿಃಪುಜಕೃತಾದರಾ ।
ಅಶ್ವಸೇನಾವೃತಾಽನೇಕಪಾರೂಢಾಽಪ್ಯಗಜನ್ಮಭೂಃ ॥ ೭॥
ಓಂ ಐಂ ಹ್ರೀಂ ಶ್ರೀಂ ಆಂ - ೨॥
ಆಕಾಶವಿಗ್ರಹಾಽಽನನ್ದದಾತ್ರೀ ಚಾಜ್ಞಾಬ್ಜಭಾಸುರಾ ।
ಆಚಾರತತ್ಪರಸ್ವಾನ್ತಪದ್ಮಸಂಸ್ಥಾಽಽಢ್ಯಪೂಜಿತಾ ॥ ೮॥
ಆತ್ಮಾಯತ್ತಜಗಚ್ಚಕ್ರಾ ಚಾತ್ಮಾರಾಮಪರಾಯಣಾ ।
ಆದಿತ್ಯಮಣ್ಡಲಾನ್ತಸ್ಥಾ ಚಾದಿಮಧ್ಯಾನ್ತವರ್ಜಿತಾ ॥ ೯॥
ಆದ್ಯನ್ತರಹಿತಾಽಚಾರ್ಯಾ ಚಾದಿಕ್ಷಾನ್ತಾರ್ಣರೂಪಿಣೀ ।
ಆದ್ಯಾಽಮಾತ್ಯುನುತಾ ಚಾಜ್ಯಹೋಮಪ್ರೀತಾಽಽವೃತಾಙ್ಗನಾ ॥ ೧೦॥
ಆಧಾರಕಮಲಾರೂಢಾ ಚಾಧಾರಾಧೇಯವಿವರ್ಜಿತಾ ।
ಆಧಿಹೀನಾಽಽಸುರೀದುರ್ಗಾಽಽಜಿಸಙ್ಕ್ಷೋಭಿತಾಸುರಾ ॥ ೧೧॥
ಆಧೋರಣಾಜ್ಞಾಶುಣ್ಡಾಗ್ರಾಕೃಷ್ಟಾಸುರಗಜಾವೃತಾ ।
ಆಶ್ಚರ್ಯವಿಯಹಾಽಽಚಾರ್ಯಸೇವಿತಾಽಽಗಮಸಂಸ್ತುತಾ ॥ ೧೨॥
ಆಶ್ರಿತಾಖಿಲದೇವಾದಿವೃನ್ದರಕ್ಷಣತತ್ಪರಾ ।
ಓಂ ಐಂ ಹ್ರೀಂ ಶ್ರೀಂ ಇಂ - ೩॥
ಇಚ್ಛಾಜ್ಞಾನಕ್ರಿಯಾಶಕ್ತಿರೂಪೇರಾವತಿಸಂಸ್ತುತಾ ॥ ೧೩॥
ಇನ್ದ್ರಾಣೀರಚಿತಶ್ವೇತಚ್ಛತ್ರೇಡಾಭಕ್ಷಣಪ್ರಿಯಾ ।
ಇನ್ದ್ರಾಕ್ಷೀನ್ದ್ರಾರ್ಚಿತೇನ್ದ್ರಾಣೀ ಚೇನ್ದಿರಾಪತಿಸೋದರೀ ॥ ೧೪॥
ಇನ್ದಿರೇನ್ದೀವರಶ್ಯಾಮಾ ಚೇರಮ್ಮದಸಮಪ್ರಭಾ ।
ಇಭಕುಮ್ಭಾಭವಕ್ಷೋಜದ್ವಯಾ ಚೇಕ್ಷುಧನುರ್ಧರಾ ॥ ೧೫॥
ಇಭದನ್ತೋರುನಯನಾ ಚೇನ್ದ್ರಗೋಪಸಮಾಕೃತಿಃ ।
ಇಭಶುಣ್ಡೋರುಯುಗಲಾಚೇನ್ದುಮಣ್ಡಲಮಧ್ಯಗಾ ॥ ೧೬॥
ಇಷ್ಟಾರ್ತಿಘ್ನೀಷ್ಟವರದಾ ಚೇಭವಕ್ತ್ರಪ್ರಿಯಙ್ಕರೀ ।
ಓಂ ಐಂ ಹ್ರೀಂ ಶ್ರೀಂ ಈಂ - ೪॥
ಈಶಿತ್ವಸಿದ್ಧಿಸಮ್ಪ್ರಾರ್ಥಿತಾಪಸೇಷತ್ಸ್ಮಿತಾನನಾ ॥ ೧೭॥
ಈಶ್ವರೀಶಪ್ರಿಯಾ ಚೇಶತಾಣ್ಡವಾಲೋಕನೋನ್ತುಕಾ ।
ಈಕ್ಷಣೋತ್ಪನ್ನಭುವನಕದಮ್ಬಾ ಚೇಡ್ಯವೈಭವಾ ॥ ೧೮॥
ಓಂ ಐಂ ಹ್ರೀಂ ಶ್ರೀಂ ಉಂ - ೫॥
ಉಚ್ಚನೀಚಾದಿರಹಿತಾಽಪ್ಯುರುಕಾನ್ತಾರವಾಸಿನೀ ।
ಉತ್ಸಾಹರಹಿತೇನ್ದ್ರಾರಿಶ್ಚೋರುಸನ್ತೋಷಿತಾಮರಾ ॥ ೧೯॥
ಉದಾಸೀನೋಡುರಾವಕ್ತ್ರಾಽಪ್ಯುಗ್ರಕೃತ್ಯವಿದೂಷಣೀ ।
ಉಪಾಧಿರಹಿತೋಪಾದಾನಕಾರಣೋನ್ಮತ್ತನೃತ್ತಕೀ ॥ ೨೦॥
ಉರುಸ್ಯನ್ದನಸಮ್ಬದ್ಧಕೋಟ್ಯಶ್ವೋರುಪರಾಕ್ರಮಾ ।
ಉಲ್ಕಾಮುಖೀ ಹ್ಯುಮಾದೇವೀ ಚೋನ್ಮತ್ತಕ್ರೋಧಭೈರವೀ ॥ ೨೧॥
ಓಂ ಐಂ ಹ್ರೀಂ ಶ್ರೀಂ ಊಂ - ೬॥
ಊರ್ಜಿತಜ್ಞೋಢಭುವನಕದಮ್ಬೋರ್ಧ್ವಮುಖಾವಲಿಃ ।
ಊರ್ಧ್ವಪ್ರಸಾರಿತಾಙ್ಘ್ರೀಶದರ್ಶನೋದ್ವಿಗ್ರಮಾನಸಾ ॥ ೨೨॥
ಊಹಾಪೋಹವಿಹೀನೋರುಜಿತರಮ್ಭಾಮನೋಹರಾ ।
ಓಂ ಐಂ ಹ್ರೀಂ ಶ್ರೀಂ ಋಂ - ೭॥
ಋಗ್ವೇದಸಂಸ್ತುತಾ ಋದ್ಧಿದಾಯಿನೀ ಋಣಮೋಚಿನೀ ॥ ೨೩॥
ಋಜುಮಾರ್ಗಪರಪ್ರೀತಾ ಋಷಭಧ್ವಜಭಾಸುರಾ ।
ಋದ್ಧಿಕಾಮಮುನಿವ್ರಾತಸತ್ರಯಾಗಸಮರ್ಚಿತಾ ॥ ೨೪॥
ಓಂ ಐಂ ಹ್ರೀಂ ಶ್ರೀಂ ೠಂ - ೮॥
ೠಕಾರವಾಚ್ಯಾ ೠಕ್ಷಾದಿವೃತಾ ೠಕಾರನಾಸಿಕಾ ।
ಓಂ ಐಂ ಹ್ರೀಂ ಶ್ರೀಂ ಲೃಂ - ೯॥
ಲೃಕರಿಣೀ ಲೃಕಾರೋಷ್ಠಾ
ಓಂ ಐಂ ಹ್ರೀಂ ಶ್ರೀಂ ಲೄಂ - ೧೦॥
ಲೄವರ್ಣಾಧರಪಲ್ಲವಾ ॥ ೨೫॥
ಓಂ ಐಂ ಹ್ರೀಂ ಶ್ರೀಂ ಏಂ - ೧೧॥
ಏಕಾಕಿನ್ಯೇಕಮನ್ತ್ರಾಕ್ಷರೈಧಿತೋತ್ಸಾಹವಲ್ಲಭಾ ।
ಓಂ ಐಂ ಹ್ರೀಂ ಶ್ರೀಂ ಐಂ - ೧೨॥
ಐಶ್ವರ್ಯದಾತ್ರೀ
ಓಂ ಐಂ ಹ್ರೀಂ ಶ್ರೀಂ ಓಂ - ೧೩॥
ಚೋಙ್ಕಾರವಾದಿವಾಗೀಶಸಿದ್ಧಿದಾ ॥ ೨೬॥
ಓಜಃಪುಞ್ಜಘನೀಸಾನ್ದ್ರರೂಪಿಣ್ಯೋಙ್ಕಾರಮಧ್ಯಗಾ ।
ಓಷಧೀಶಮನುಪ್ರೀತಾ
ಓಂ ಐಂ ಹ್ರೀಂ ಶ್ರೀಂ ಔಂ - ೧೪॥
ಚೌದಾರ್ಯಗುಪಾವಾರಿಧಿಃ ॥ ೨೭॥
ಔಪಮ್ಯರಹಿತಾಚೈವ
ಓಂ ಐಂ ಹ್ರೀಂ ಶ್ರೀಂ ಅಂ - ೧೫॥
ಅಮ್ಬುಜಾಸನಸುನ್ದರೀ ।
ಅಮ್ಬರಾಧೀಶನಟನಸಾಕ್ಷಿಣೀ
ಓಂ ಐಂ ಹ್ರೀಂ ಶ್ರೀಂ ಅಃ - ೧೬॥
ಅಃ ಪದದಾಯಿನೀ ॥ ೨೮॥
ಓಂ ಐಂ ಹ್ರೀಂ ಶ್ರೀಂ ಕಂ - ೧೭॥
ಕಬರೀಬನ್ಧಮುಖರೀಭಮರಭ್ರಮರಾಲಕಾ ।
ಕರವಾಲಲತಾಧಾರಾಭೀಷಣಾ ಕೌಮುದೀನಿಭಾ ॥ ೨೯॥
ಕರ್ಪೂರಾಮ್ಬಾ ಕಾಲರಾತ್ರಿಃ ಕಾಲೀ ಕಲಿವಿನಾಶಿನೀ ।
ಕಾದಿವಿದ್ಯಾಮಯೀ ಕಾಮ್ಯಾ ಕಾಞ್ಚನಾಭಾ ಕಲಾವತೀ ॥ ೩೦॥
ಕಾಮೇಶ್ವರೀ ಕಾಮರಾಜಮನುಪ್ರೀತಾ ಕೃಪಾವತೀ ।
ಕಾರ್ತವೀರ್ಯದ್ವಿಸಾಹಸ್ರದೋರ್ದಣ್ಡಪಟಹಧ್ವನಿಃ ॥ ೩೧॥
ಕಿಟಿವಕ್ತ್ರಾಧಿಕಾರೋದ್ಯದ್ಗಣಪ್ರೋತ್ಸಾಹಿತಾಙ್ಗನಾ ।
ಕೀರ್ತಿಪ್ರದಾ ಕೀರ್ತಿಮತೀ ಕುಮಾರೀ ಕುಲಸುನ್ದರೀ ॥ ೩೨॥
ಕುನ್ತಾಯುಧಧರಾ ಕುಬ್ಜಿಕಾಮ್ಬಾ ಕುಧ್ರವಿಹಾರಿಣೀ ।
ಕುಲಾಗಮರಹಸ್ಯಜ್ಞವಾಞ್ಛಾದಾನಪರಾಯಣಾ ॥ ೩೩॥
ಕೂಟಸ್ಥಿತಿಜುಷೀ ಕೂರ್ಮಪೃಷ್ಠಜಿತ್ಪ್ರಪದಾನ್ವಿತಾ ।
ಕೇಕಾಶಬ್ದತಿರಸ್ಕಾರಿಬಾಣಾಸನಮಣೀರವಾ ॥ ೩೪॥
ಕೇಶಾಕೇಶಿಚಣಾ ಕೇಶಿರಾಕ್ಷಸಾಧಿಪಮರ್ದಿನೀ ।
ಕೈತಕಚ್ಛದಸನ್ಧ್ಯಾಭಪಿಶಙ್ಗಿತಕಚಾಮ್ಬುದಾ ॥ ೩೫॥
ಕೈಲಾಸೋತ್ತುಙ್ಗಶೃಙ್ಗಾದ್ರವಿಲಾಸೇಶಪರಾಜಿತಾ ।
ಕೈಶಿಕ್ಯಾರಭಟೀರೀತಿಸ್ತುತರಕ್ತೇಶ್ವರೀಪ್ರಿಯಾ ॥ ೩೬॥
ಕೋಕಾಹಿತಕರಸ್ಪರ್ಧಿನಖಾ ಕೋಕಿಲವಾದಿನೀ ।
ಕೋಪಹುಙ್ಕಾರಸನ್ತ್ರಸ್ತಸಸೇನಾಸುರನಾಯಕಾ ॥ ೩೭॥
ಕೋಲಾಹಲರವೋದ್ರೇಕರಿಙ್ಖಜ್ಜಮ್ಬುಕಮಣ್ಡಲಾ ।
ಕೌಣಿಡನ್ಯಾನ್ವಯಸಮ್ಭೂತಾ ಕರಿಚರ್ಮಾಮ್ಬರಪ್ರಿಯಾ ॥ ೩೮॥
ಕೌಪೀನಶಿಷ್ಟವಿಪ್ರರ್ಷಿಸ್ತುತಾ ಕೌಲಿಕದೇಶಿಕಾ ।
ಕೌಸುಮ್ಭಾಸ್ತರಣಾ ಕೌಲಮಾರ್ಗನಿಷ್ಠಾನ್ತರಾಸ್ಥಿತಾ ॥ ೩೯॥
ಕಙ್ಕಣಾಹಿಗಣಕ್ಷೇಮವಚನೋದ್ವಿಗ್ನತಾರ್ಕ್ಷ್ಯಕಾ ।
ಕಞ್ಜಾಕ್ಷೀ ಕಞ್ಜವಿನುತಾ ಕಞ್ಜಜಾತಿಪ್ರಿಯಙ್ಕರೀ ॥ ೪೦॥
ಓಂ ಐಂ ಹ್ರೀಂ ಶ್ರೀಂ ಖಂ - ೧೮॥
ಖಡ್ಗಖೇಟಕದೋರ್ದಣ್ಡಾ ಖಟ್ವಾಙ್ಗೀ ಖಡ್ಗಸಿದ್ಧಿದಾ ।
ಖಣ್ಡಿತಾಸುರಗರ್ವಾದ್ರಿಃ ಖಲಾದೃಷ್ಟಸ್ವರೂಪಿಣೀ ॥ ೪೧॥
ಖಣ್ಡೇನ್ದುಮೌಲಿಹೃದಯಾ ಖಣ್ಡಿತಾರ್ಕೇನ್ದುಮಣ್ಡಲಾ ।
ಖರಾಂಶುತಾಪಶಮನೀ ಖಸ್ಥಾ ಖೇಚರಸಂಸ್ತುತಾ ॥ ೪೨॥
ಖೇಚರೀ ಖೇಚರೀಮುದ್ರಾ ಖೇಚರಾಧೀಶವಾಹನಾ ।
ಖೇಲಾಪಾರಾವತರತಿಪ್ರೀತಾ ಖಾದ್ಯಾಯಿತಾನ್ತಕಾ ॥ ೪೩॥
ಓಂ ಐಂ ಹ್ರೀಂ ಶ್ರೀಂ ಗಂ - ೧೯॥
ಗಗನಾ ಗಗನಾನ್ತಸ್ಥಾ ಗಗನಾಕಾರಮಧ್ಯಮಾ ।
ಗಜಾರೂಢಾ ಗಜಮುಖೀ ಗಾಥಾಗೀತಾಮರಾಙ್ಗನಾ ॥ ೪೪॥
ಗದಾಧರೀ ಗದಾಽಽಧಾತಮೂರ್ಛಿತಾನೇಕಪಾಸುರಾ ।
ಗರಿಮಾಲಘಿಮಾಸಿದ್ಧಿವೃತಾ ಗ್ರಾಮಾದಿಪಾಲಿನೀ ॥ ೪೫॥
ಗರ್ವಿತಾ ಗನ್ಧವಸನಾ ಗನ್ಧವಾಹಸಮರ್ಚಿತಾ ।
ಗರ್ವಿತಾಸುರದಾರಾಶ್ರುಪಙ್ಕಿತಾಜಿವಸುನ್ಧರಾ ॥ ೪೬॥
ಗಾಯತ್ರೀ ಗಾನಸನ್ತುಷ್ಟಾ ಗನ್ಧರ್ವಾಧಿಪತೀಡಿತಾ ।
ಗಿರಿದುರ್ಗಾ ಗಿರೀಶಾನಸುತಾ ಗಿರಿವರಾಶ್ರಯಾ ॥ ೪೭॥
ಗಿರೀನ್ದ್ರಕ್ರೂರಕಠಿನಕರ್ಷದ್ಧಲವರಾಯುಧಾ ।
ಗೀತಚಾರಿತ್ರಹರಿತಶುಕೈಕಗತಮಾನಸಾ ॥ ೪೮॥
ಗೀತಿಶಾಸ್ತ್ರಗುರುಃ ಗೀತಿಹೃದಯಾ ಗೀರ್ಗಿರೀಶ್ವರೀ ।
ಗೀರ್ವಾಣದನುಜಾಚಾರ್ಯಪೂಜಿತಾ ಗೃಧ್ರವಾಹನಾ ॥ ೪೯॥
ಗುಡಪಾಯಸಸನ್ತುಷ್ಟಹೃದ್ಯಪ್ತತರಯೋಗಿನೀ ।
ಗುಣಾತೀತಾ ಗುರುರ್ಗೌರೀ ಗೋಪ್ತ್ರೀ ಗೋವಿನ್ದಸೋದರೀ ॥ ೫೦॥
ಗುರುಮೂತಿರ್ಗುಣಾಮ್ಭೋಧಿರ್ಗುಣಾಗುಣವಿವರ್ಜಿತಾ ।
ಗುಹೇಷ್ಟದಾ ಗುಹಾವಾಸಿಯೋಗಿಚಿನ್ತಿತರೂಪಿಣೀ ॥ ೫೧॥
ಗುಹ್ಯಾಗಮರಹಸ್ಯಜ್ಞಾ ಗುಹ್ಯಕಾನನ್ದದಾಯಿನೀ ।
ಗುಹ್ಯಾ ಗುಹ್ಯಾರ್ಚಿತಾ ಗುಹ್ಯಸ್ಥಾನಬಿನ್ದುಸ್ವರೂಪಿಣೀ ॥ ೫೨॥
ಗೋದಾವರೀನದೀತೀರವಾಸಿನೀ ಗುಣವರ್ಜಿತಾ ।
ಗೋಮೇದಕಮಣೀಕರ್ಣಕುಣ್ಡಲಾ ಗೋಪಪಾಲಿನೀ ॥ ೫೩॥
ಗೋಸವಾಸಕ್ತಹೃದಯಾ ಗೋಶೃಙ್ಗಧ್ಯಾನಮೋದಿನೀ ।
ಗಙ್ಗಾಗರ್ವಙ್ಕಷೋದ್ಯುಕ್ತರುದ್ರಪ್ರೋತ್ಸಾಹವಾದಿನೀ ॥ ೫೪॥
ಗನ್ಧರ್ವವನಿತಾಮಾಲಾಮೋದಿನೀ ಗರ್ವನಾಶಿನೀ ।
ಗುಞ್ಜಾಮಣಿಗಣಪ್ರೋತಮಾಲಾಭಾಸುರಕನ್ಧರಾ ॥ ೫೫॥
ಓಂ ಐಂ ಹ್ರೀಂ ಶ್ರೀಂ ಘಂ - ೨೦॥
ಘಟವಾದ್ಯಪ್ರಿಯಾ ಘೋರಕೋಣಪಘ್ನೀ ಘಟಾರ್ಗಲಾ ।
ಘಟಿಕಾ ಘಟಿಕಾಮುಖ್ಯಷಟ್ಪಾರಾಯಣಮೋದಿನೀ ॥ ೫೬॥
ಘಣ್ಟಾಕರ್ಣಾದಿವಿನುತಾ ಘನಜ್ಯೋತಿರ್ಲತಾನಿಭಾ ।
ಘನಶ್ಯಾಮಾ ಘಟೋತ್ಭೂತತಾಪಸಾತ್ಮಾರ್ಥದೇವತಾ ॥ ೫೭॥
ಘನಸಾರಾನುಲಿಪ್ತಾಙ್ಗೀ ಘೋಣೋದ್ಧೃತವಸುನ್ಧರಾ ।
ಘನಸ್ಫಟಿಕಸಙ್ಕ್ಲೃಪ್ತಸಾಲಾನ್ತರಕದಮ್ಬಕಾ ॥ ೫೮॥
ಘನಾಲ್ಯುದ್ಭೇದಶಿಖರಗೋಪುರಾನೇಕಮನ್ದಿರಾ ।
ಘೂರ್ಣೀತಾಕ್ಷೀ ಘೃಣಾಸಿನ್ಧುಃ ಘೃಣಿವಿದ್ಯಾ ಘಟೇಶ್ವರೀ ॥ ೫೯॥
ಘೃತಕಾತಿನ್ಯಹೃದ್ಧಣ್ಟಾಮಣಿಮಾಲಾಪ್ರಸಾಧನಾ ।
ಘೋರಕೃತ್ಯಾ ಘೋರವಾದ್ಯಾ ಘೋರಾಘೌಘವಿನಾಶಿನೀ ॥ ೬೦॥
ಘೋರಾಘನಕೃಪಾಯುಕ್ತಾ ಘನನೀಲಾಮ್ಬರಾನ್ವಿತಾ ।
ಘೋರಾಸ್ಯಾ ಘೋರಶೂಲಾಗ್ರಪ್ರೋತಾಸುರಕಲೇಬರಾ ॥ ೬೧॥
ಘೋಷತ್ರಸ್ತಾನ್ತಕಭಟಾ ಘೋರಸಙ್ಘೋಷಕೃದ್ಬಲಾ ।
ಓಂ ಐಂ ಹ್ರೀಂ ಶ್ರೀಂ ಙಂ - ೨೧॥
ಙಾನ್ತಾರ್ಣಾದ್ಯಮನುಪ್ರೀತಾ ಙಾಕಾರಾಡೀಮ್ಪರಾಯಣಾ ॥ ೬೨॥
ಙೀಕಾರಿಮಮಞ್ಜುಮಞ್ಜೀರಚರಣಾ ಙಾಙ್ಕಿತ್ತಾಙ್ಗುಲಿಃ ।
ಓಂ ಐ ಹ್ರೀಂ ಶ್ರೀಂ ಚಂ - ೨೨॥
ಚಕ್ರವರ್ತಿಸಮಾರಾಧ್ಯಾ ಚಕ್ರನೇಮಿರವೋನ್ತುಕಾ ॥ ೬೩॥
ಚಣ್ಡಮಾರ್ಣ್ಡಧಿಕ್ಕಾರಿಪ್ರಭಾ ಚಕ್ರಾಧಿನಾಯಿಕಾ ।
ಚಣ್ಡಾಲಾಸ್ಯಪರಾಮೋದಾ ಚಣ್ಡವಾದಪಟೀಯಸೀ ॥ ೬೪॥
ಚಣ್ಡಿಕಾ ಚಣ್ಡಕೋದಣ್ಡಾ ಚಣ್ಡಘ್ನೀ ಚಣ್ಡಭೈರವೀ ।
ಚತುರಾ ಚತುರಾಮ್ನಾಯಶಿರೋಲಕ್ಷಿತರೂಪಿಣೀ ॥ ೬೫॥
ಚತುರಙ್ಗಬಲೋಪೇತಾ ಚರಾಚರವಿನೋದಿನೀ ।
ಚತುರ್ವಕ್ತ್ರಾ ಚಕ್ರಹಸ್ತಾ ಚಕ್ರಪಾಣಿಸಮರ್ಚಿತಾ ॥ ೬೬॥
ಚತುಷ್ಷಷ್ಟಿಕಲಾರೂಪಾ ಚತುಷ್ಷಷ್ಯಚರ್ಚನೋಸ್ತುಕಾ ।
ಚನ್ದ್ರಮಣ್ಡಲನ್ಧ್ಯಯಸ್ಥಾ ಚತುರ್ವರ್ಗಫಲಪ್ರದಾ ॥ ೬೭॥
ಚಮರೀಮೃಗಯೋದ್ಯುಕ್ತಾ ಚಿರಞ್ಜೀವಿತ್ವದಾಯಿನೀ ।
ಚಮ್ಪಕಾಶೋಕಸ್ರದ್ಬದ್ಧಚಿಕುರಾ ಚರುಭಕ್ಷಿಣೀ ॥ ೬೮॥
ಚರಾಚರಜಗದ್ಧಾತ್ರೀ ಚನ್ದ್ರಿಕಾಧವಲಸ್ಮಿತಾ ।
ಚರ್ಮಾಮ್ಬರಧರಾ ಚಣ್ಡಕ್ರೋಧಹುಙ್ಕಾರಭೀಕರಾ ॥ ೬೯॥
ಚಾಟುವಾದಪ್ರಿಯಾ ಚಾಮೀಕರಪರ್ವತವಾಸಿನೀ ।
ಚಾಪಿನೀ ಚಾಪಮುಕ್ತೇಷುಚ್ಛನ್ನದಿಗ್ಭ್ರಾನ್ತಪನ್ನಗಾ ॥ ೭೦॥
ಚಿತ್ರಭಾನುಮುಖೀ ಚಿತ್ರಸೇನಾ ಚಿತ್ರಾಙ್ಗದೇಷ್ಟದಾ ।
ಚಿತ್ರಲೇಖಾ ಚಿದಾಕಾಶಮಧ್ಯಗಾ ಚಿನ್ತಿತಾರ್ಥದಾ ॥ ೭೧॥
ಚಿನ್ತ್ಯಾ ಚಿರನ್ತನೀ ಚಿತ್ರಾ ಚಿತ್ರಾಮ್ಬಾ ಚಿತ್ತವಾಸಿನೀ ।
ಚೈತನ್ಯರೂಪಾ ಚಿಚ್ಛಕ್ತಿಶ್ಚಿದಮ್ಬರವಿಹಾರಿಣೀ ॥ ೭೨॥
ಚೋರಘ್ನೀ ಚೀರ್ಯವಿಮುಖಾ ಚತುರ್ದಶಮನುಪ್ರಿಯಾ ।
ಓಂ ಐಂ ಹ್ರೀಂ ಶ್ರೀಂ ಛಂ - ೨೩॥
ಛತ್ರಚಾಮರಭೃಲ್ಲಕ್ಷ್ಮೀವಾಗಿನ್ದ್ರಾಣೀರತೀವೃತಾ ॥ ೭೩॥
ಛನ್ದಶ್ಶಾಸ್ತ್ರಮಯೀ ಛನ್ದೋಲಕ್ಷ್ಯಾಚ್ಛೇದವಿವರ್ಜಿತಾ ।
ಛನ್ದೋರೂಪಾಛನ್ದಗತಿಃ ಛನ್ದಶ್ಶಿರವಿಹಾರಿಣೀ ॥ ೭೪॥
ಛದ್ಮಹೃತ್ಛವಿಸನ್ದೀಪ್ತಸೂರ್ಯಚನ್ದ್ರಾಗ್ನಿತಾರಕಾ ।
ಛರ್ದಿತಾಣ್ಡಾವಲಿಶ್ಛಾದಿತಾಕಾರಾ ಛಿನ್ನಸಂಶಯಾ ॥ ೭೫॥
ಛಾಯಾಪತಿಸಮಾರಾಧ್ಯಾ ಛಾಯಾಮ್ಬಾ ಛತ್ರಸೇವಿತಾ ।
ಛಿನ್ನಮಸ್ತಾಬಿಕಾ ಛಿನ್ನಶೀರ್ಷಶತ್ರುಶ್ಛಲಾನ್ತಕೀ ॥ ೭೬॥
ಛೇದಿತಾಸುರಜಿಹ್ವಾಗ್ರಾ ಛತ್ರೀಕೃತಯಶಸ್ವಿನೀ ।
ಓಂ ಐಂ ಹ್ರೀಂ ಶ್ರೀಂ ಜಂ - ೨೪॥
ಜಗನ್ಮಾತಾ ಜಗತ್ಸಾಕ್ಷೀ ಜಗದ್ಯೋನಿರ್ಜಗದ್ಗುರುಃ ॥ ೭೭॥
ಜಗನ್ಮಾಯಾ ಜಗನ್ತ್ವೃನ್ದವನ್ದಿತಾ ಜಯಿನೀಜಯಾ ।
ಜನಜಾಡ್ಯಪ್ರತಾಪಘ್ನೀ ಜಿತಾಸುರಮಹಾವ್ರಜಾ ॥ ೭೮॥
ಜನನೀ ಜಗದಾನನ್ದದಾತ್ರೀ ಜಹ್ನುಸಮರ್ಚಿತಾ ।
ಜಪಮಾಲಾವರಾಭೀತಿಮುದ್ರಾಪುಸ್ತಕಧಾರಿಣೀ ॥ ೭೯॥
ಜಪಯಜ್ಞಪರಾಧೀನಹೃದಯಾ ಜಗದೀಶ್ವರೀ ।
ಜಪಾಕುಸುಮಸಙ್ಕಾಶಾ ಜನ್ಮಾದಿಧ್ವಂಸಕಾರಣಾ ॥ ೮೦॥
ಜಾಲಧ್ರಪೂರ್ಣಕಾಮೋಡ್ಯಾಣಚತುಷ್ಪೀಠರೂಪಿಣೀ ।
ಜೀವನಾರ್ಥಿದ್ವಿಜವ್ರಾತತ್ರಾಣನಾಬದ್ಧಕಙ್ಕಣಾ ॥ ೮೧॥
ಜೀವಬ್ರಹ್ಮೈಕತಾಕಾಙ್ಕ್ಷಿ ಜನತಾಕೀರ್ಣಪಾರ್ವಭೂಃ ।
ಜಮ್ಭಿನೀ ಜಮ್ಭಭಿತ್ಪೂಲ್ಯಾ ಜಾಗ್ರದಾದಿತ್ರಯಾತಿಗಾ ॥ ೮೨॥
ಜಲದಗ್ರಿಧರಾ ಜ್ವಾಲಾಪ್ರೋಚ್ಚಕೇಶೀ ಜ್ವರಾರ್ತಿಹೃತ್ ।
ಜ್ವಾಲಾಮಾಲಿನಿಕಾ ಜ್ವಾಲಾಮುಖೀ ಜೈಮಿನಿಸಂಸ್ತುತಾ ॥ ೮೩॥
ಓಂ ಐಂ ಹ್ರೀಂ ಶ್ರೀಂ ಝಂ - ೨೫॥
ಝಲಞ್ಝಲಕೃತಸ್ವರ್ಣಮಞ್ಜೀರಾ ಝಷಲೋಚನಾ ।
ಝಷಕುಣ್ಡಲಿನೀ ಝಲ್ಲರೀವಾದ್ಯಮುದಿತಾನನಾ ॥ ೮೪॥
ಝಷಕೇತುಸಮಾರಾಧ್ಯಾ ಝಷಮಾಂಸಾನ್ನಭಕ್ಷಿಣೀ ।
ಝಷೋಪದ್ರವಕೃದ್ಧನ್ತ್ರೀ ಝ್ಮ್ರೂಮ್ಮನ್ತ್ರಾಧಿದೇವತಾ ॥ ೮೫॥
ಝಞ್ಝಾನಿಲಾತಿಗಮನಾ ಝಷರಾಣ್ಣೀತಸಾಗರಾ ।
ಓಂ ಐಂ ಹ್ರೀಂ ಶ್ರೀಂ ಜ್ಞಂ - ೨೬॥
ಜ್ಞಾನಮುದ್ರಾಧರಾ ಜ್ಞಾನಿಹೃತ್ಪದ್ಮಕುಹರಾಸ್ಥಿತಾ ॥ ೮೬॥
ಜ್ಞಾನಮೂರ್ತಿಜ್ಞನಿಗಮ್ಯಾ ಜ್ಞಾನದಾ ಜ್ಞಾತಿವರ್ಜಿತಾ ।
ಜ್ಞೇಯಾ ಜ್ಞೇಯಾದಿರಹಿತಾ ಜ್ಞಾತ್ರೀ ಜ್ಞಾನಸ್ವರೂಪಿಣೀ ॥ ೮೭॥
ಓಂ ಐಂ ಹ್ರೀಂ ಶ್ರೀಂ ಟಂ - ೨೭॥
ಟಙ್ಕಪುಷ್ಪಾಲಿಸ್ರಙ್ಮಞ್ಜುಕನ್ಧರಾ ಟಞ್ಕಿತಾಚಲಾ ।
ಟಙ್ಕವೇತ್ರಾದಿಕಾನೇಕಶಸ್ತ್ರಭೃದ್ದೋರ್ಲತಾವಲಿಃ ॥ ೮೮॥
ಓಂ ಐ ಹ್ರೀಂ ಶ್ರೀಂ ಠಂ - ೨೮॥
ಠಕಾರನಿಭವಕ್ಷೋಜದ್ವಯಾಧೋವೃತ್ತಭಾಸುರಾ ।
ಠಕಾರಾಙ್ಕಿತಜಾನ್ವಗ್ರಜಿತಕೋರಕಿತಾಮ್ಬುಜಾ ॥ ೮೯॥
ಓಂ ಐಂ ಹ್ರೀಂ ಶ್ರೀಂ ಶಂ - ೨೯॥
ಡಾಕಿನೀ ಡಾಮರೀತನ್ತ್ರರೂಪಾ ಡಾಡಿಮಪಾಟಲಾ ।
ಡಮ್ಬಘ್ನೀ ಡಮ್ಬರಾಽಽಡಮ್ಬರೋನ್ಮುಖೀ ಡಮರುಪ್ರಿಯಾ ॥ ೯೦॥
ಡಿಮ್ಬದಾನಚಣಾ ಡೋಲಾಮುದಿತಾ ಡುಣ್ಠಿಪೂಜಿತಾ ।
ಓಂ ಐಂ ಹ್ರೀಂ ಶ್ರೀಂ ಢಂ - ೩೦॥
ಢಕಾನಿನದಸನ್ತುಷ್ಟಶಿಖಿನೃತ್ತಸಮುತ್ಸುಕಾ ॥ ೯೧॥
ಓಂ ಐಂ ಹ್ರೀಂ ಶ್ರೀಂ ಣಂ - ೩೧॥
ಣಕಾರಪಞ್ಜರಶುಕೀ ಣಕಾರೋದ್ಯಾನಕೋಕಿಲಾ ।
ಓಂ ಐಂ ಹ್ರೀಂ ಶ್ರೀಂ ತಂ - ೩೨॥
ತತ್ವಾತೀತಾ ತಪೋಲಕ್ಷ್ಯಾ ತಪ್ತಕಾಞ್ಚನಸನ್ನಿಭಾ ॥ ೯೨॥
ತನ್ತ್ರೀ ತತ್ವಮಸೀವಾಕ್ಯವಿಷಯಾ ತರುಣೀವೃತಾ ।
ತರ್ಜನ್ಯಙ್ಗುಷ್ಠಸಂಯೋಗಜ್ಞಾನಬ್ರಹ್ಮಮುನೀಶ್ವರಾ ॥ ೯೩॥
ತರ್ಜಿತಾನೇಕದನುಜಾ ತಕ್ಷಕೀ ತಡಿತಾಲಿಭಾ ।
ತಾಮ್ರಚೂಡಧ್ವಜೋತ್ಸಙ್ಗಾ ತಾಪತ್ರಯವಿನಾಶಿನೀ ॥ ೯೪॥
ತಾರಾಮ್ಬಾ ತಾರಕೀ ತಾರಾಪೂಜ್ಯಾ ತಾಣ್ಡವಲೋಲುಪಾ ।
ತಿಲೋತ್ತಮಾದಿದೇವಸ್ತ್ರೀಶಾರೀರೋನ್ಸುಕಮಾನಸಾ ॥ ೯೫॥
ತಿಲ್ವದ್ರುಸಙ್ಕುಲಾಭೋಗಕಾನ್ತಾರಾನ್ತರವಾಸಿನೀ ।
ತ್ರಯೀದ್ವಿಡ್ರಸನಾರಕ್ತಪಾನಲೋಲಾಸಿಧಾರಿಣೀ ॥ ೯೬॥
ತ್ರಯೀಮಯೀ ತ್ರಯೀವೇದ್ಯಾ ತ್ರ್ಯಯ್ಯನ್ತೋದ್ಗೀತವೈಭವಾ ।
ತ್ರಿಕೋಣಸ್ಥಾ ತ್ರಿಕಾಲಜ್ಞಾ ತ್ರಿಕೂಟಾ ತ್ರಿಪುರೇಶ್ವರೀ ॥ ೯೭॥
ತ್ರಿಚತ್ವಾರಿಂಶದಶ್ರಾಙ್ಕಚಕ್ರಾನ್ತರ್ಬಿನ್ದುಸಂಸ್ಥಿತಾ ।
ತ್ರಿತಾರಾ ತುಮ್ಬುರೂದ್ಗೀತಾ ತಾರ್ಕ್ಷ್ಯಾಕಾರಾ ತ್ರಿಕಾಗ್ನಿಜಾ ॥ ೯೮॥
ತ್ರಿಪುರಾ ತ್ರಿಪುರಧ್ವಂಸಿಪ್ರಿಯಾ ತ್ರಿಪುರಸುನ್ದರೀ ।
ತ್ರಿಸ್ಥಾ ತ್ರಿಮೂರ್ತಿಸಹಜಶಕ್ತಿಸ್ತ್ರಿಪುರಭೈರವೀ ॥ ೯೯॥
ಓಂ ಐಂ ಹ್ರೀಂ ಶ್ರೀಂ ಥಂ - ೩೩॥
ಥಾಂ ಥೀಕರಮೃದಗಾದಿಭೃದ್ವಿಷ್ಣುಮುಖಸೇವಿತಾ ।
ಥಾಂ ಥೀಂ ತಕ್ತಕ ಥಿಂ ತೋಕೃತ್ತಾಲಧ್ವನಿಸಭಾಙ್ಗಣಾ ॥ ೧೦೦॥
ಓಂ ಐಂ ಹ್ರೀಂ ಶ್ರೀಂ ದಂ - ೩೪॥
ದಕ್ಷಾ ದಾಕ್ಷಾಯಣೀ ದಕ್ಷಪ್ರಜಾಪತಿಮಖಾನ್ತಕೀ ।
ದಕ್ಷಿಣಾಚಾರರಸಿಕಾ ದಯಾಸಮ್ಪೂರ್ಣಮಾನಸಾ ॥ ೧೦೧॥
ದಾರಿದ್ರಯೋನ್ಮೂಲಿನೀ ದಾನಶೀಲಾ ದೋಷವಿವರ್ಜಿತಾ ।
ದಾರುಕಾನ್ತಕರೀ ದಾರುಕಾರಣ್ಯಮುನಿಮೋಹಿನೀ ॥ ೧೦೨॥
ದೀರ್ಘದಂಷ್ಟ್ರಾನನಾ ದೀರ್ಘರಸನಾಗೀರ್ಣದಾನವಾ ।
ದೀಕ್ಷಿತಾ ದೀಕ್ಷಿತಾರಾಧ್ಯಾ ದೀನಸಂರಕ್ಷಣೋದ್ಯತಾ ॥ ೧೦೩॥
ದುಃಖಾಬ್ಧಿಬಡಬಾ ದುರ್ಗಾ ದುಮ್ಬೀಜಾ ದುರಿತಾಪಹಾ ।
ದುಷ್ಟದೂರಾ ದುರಾಚಾರಶಮನೀ ದ್ಯೂತವೇದಿನೀ ॥ ೧೦೪॥
ದ್ವಿಜಾವಗೂರಣಸ್ವಾನ್ತಪಿಶಿತಾಮೋದಿತಾಣ್ಡಜಾ ।
ಓಂ ಐಂ ಹ್ರೀಂ ಶ್ರೀಂ ಧಂ - ೩೫॥
ಧನದಾ ಧನದಾರಾಧ್ಯಾ ಧನದಾಪ್ತಕುಟುಮ್ಬಿನೀ ॥ ೧೦೫॥
ಧರಾಧರಾತ್ಮಜಾ ಧರ್ಮರೂಪಾ ಧರಣಿಧೂರ್ಧರಾ ।
ಧಾತ್ರೀ ಧಾತೃಶಿರಚ್ಛೇತ್ರೀ ಧೀಧ್ಯೇಯಾ ಧುವಪೂಜಿತಾ ॥ ೧೦೬॥
ಧೂಮಾವತೀ ಧೂಮ್ರನೇತ್ರಗರ್ವಸಂಹಾರಿಣೀ ಧೃತಿಃ ।
ಓಂ ಐಂ ಹ್ರೀಂ ಶ್ರೀಂ ನಂ - ೩೬॥
ನಖೋತ್ಪನ್ನದಶಾಕಾರಮಾಧವಾ ನಕುಲೀಶ್ವರೀ ॥ ೧೦೭॥
ನರನಾರಾಯಣಸ್ತುತ್ಯಾ ನಲಿನಾಯತಲೋಚನಾ ।
ನರಾಸ್ಥಿಸ್ರಗ್ಧರಾ ನಾರೀ ನರಪ್ರೇತೋಪರಿಸ್ಥಿತಾ ॥ ೧೦೮॥
ನವಾಕ್ಷರೀನಾಮಮನ್ತ್ರಜಪಪ್ರೀತಾ ನಟೇಶ್ವರೀ ।
ನಾದಚಾಮುಣ್ಡಿಕಾ ನಾನಾರೂಪಕೃನ್ನಾಸ್ತಿಕಾನ್ತಕೀ ॥ ೧೦೯॥
ನಾದಬ್ರಹ್ಮಮಯೀ ನಾಮರೂಪಹೀನಾ ನತಾನನಾ ।
ನಾರಾಯಣೀ ನನ್ದಿವಿದ್ಯಾ ನಾರದೋದ್ಗೀತವೈಭವಾ ॥ ೧೧೦॥
ನಿಗಮಾಗಮಸಂವೇದ್ಯಾ ನೇತ್ರೀ ನೀತಿವಿಶಾರದಾ ।
ನಿರ್ಗುಣಾ ನಿತ್ಯಸನ್ತುಷ್ಟಾ ನಿತ್ಯಾಷೋಡಶಿಕಾವೃತಾ ॥ ೧೧೧॥
ನೃಸಿಂಹದರ್ಪಶಮನೀ ನರೇನ್ದ್ರಗಣವನ್ದಿತಾ ।
ನೌಕಾರೂಢಾಸಮುತ್ತೀರ್ಣಭವಾಮ್ಭೋಧಿ ನಿಜಾಶ್ರಿತಾ ॥ ೧೧೨॥
ಓಂ ಐಂ ಹ್ರೀಂ ಶ್ರೀಂ ಪಂ - ೩೭॥
ಪರಮಾ ಪರಮಂ ಜ್ಯೋತಿಃ ಪರಬ್ರಹ್ಮಮಯೀ ಪರಾ ।
ಪರಾಪರಮಯೀ ಪಾಶಬಾಣಾಙ್ಕುಶಧನುರ್ಧರಾ ॥ ೧೧೩॥
ಪರಾಪ್ರಾಸಾದಮನ್ತ್ರಾರ್ಥಾ ಪತಞ್ಜಲಿಸಮರ್ಚಿತಾ ।
ಪಾಪಘ್ನೀ ಪಾಶರಹಿತಾ ಪಾರ್ವತೀ ಪರಮೇಶ್ವರೀ ॥ ೧೧೪॥
ಪುಣ್ಯಾ ಪುಲಿನ್ದಿನೀಪೂಜ್ಯಾ ಪ್ರಾಜ್ಞಾ ಪ್ರಜ್ಞಾನರೂಪಿಣೀ ।
ಪುರಾತನಾ ಪರಾಶಕ್ತಿಃ ಪಞ್ಚವರ್ಣಸ್ವರೂಪಿಣೀ ॥ ೧೧೫॥
ಪ್ರತ್ಯಙ್ಗಿರಾಃ ಪಾನಪಾತ್ರಧರಾ ಪೀನೋನ್ನತಸ್ತನೀ ।
ಓಂ ಐಂ ಹ್ರೀಂ ಶ್ರೀಂ ಫಂ - ೩೮॥
ಫಡರ್ಣಧ್ವಸ್ತಪಾಪೌಘದಾಸಾ ಫಣಿವರೇಡಿತಾ ॥ ೧೧೬॥
ಫಣಿರತ್ನಾಸನಾಸೀನಕಾಮೇಶೋತ್ಸಙ್ಗವಾಸಿನೀ ।
ಫಲದಾ ಫಲ್ಗುನಪ್ರೀತಾ ಫುಲ್ಲಾನನಸರೋರುಹಾ ॥ ೧೧೭॥
ಫುಲ್ಲೋತ್ತಪ್ತಾಙ್ಗಸಾಹಸ್ರದಲಪಙ್ಕಜಭಾಸುರಾ ।
ಓಂ ಐಂ ಹ್ರೀಂ ಶ್ರೀಂ ಬಂ - ೩೯॥
ಬನ್ಧೂಕಸುಮನೋರಾಗಾ ಬಾದರಾಯಣದೇಶಿಕಾ ॥ ೧೧೮॥
ಬಾಲಾಮ್ಬಾ ಬಾಣಕುಸುಮಾ ಬಗಲಾಮುಖಿರೂಪಿಣೀ ।
ಬಿನ್ದುಚಕ್ರಸ್ಥಿತಾ ಬಿನ್ದುತರ್ಪಣಪ್ರೀತಮಾನಸಾ ॥ ೧೧೯॥
ಬೃಹತ್ಸಾಮಸ್ತುತಾ ಬ್ರಹ್ಮಮಾಯಾ ಬ್ರಹ್ಮರ್ಷಿಪೂಜಿತಾ ।
ಬೃಹದೈಶ್ವರ್ಯದಾ ಬನ್ಧಹೀನಾ ಬುಧಸಮರ್ಚಿತಾ ॥ ೧೨೦॥
ಬ್ರಹ್ಮಚಾಮುಣ್ಡಿಕಾ ಬ್ರಹ್ಮಜನನೀ ಬ್ರಾಹ್ಮಣಪ್ರಿಯಾ ।
ಬ್ರಹ್ಮಜ್ಞಾನಪ್ರದಾ ಬ್ರಹ್ಮವಿದ್ಯಾ ಬ್ರಹ್ಮಾಣ್ಡನಾಯಿಕಾ ॥ ೧೨೧॥
ಬ್ರಹ್ಮತಾಲಪ್ರಿಯಾ ಬ್ರಹ್ಮಪಞ್ಚಮಞ್ಚಕಶಾಯಿನೀ । (??)
ಬ್ರಹ್ಮಾದಿವಿನುತಾ ಬ್ರಹ್ಮಪತ್ನೀ ಬ್ರಹ್ಮಪುರಸ್ಥಿತಾ ॥ ೧೨೨॥
ಬ್ರಾಹ್ಮೀಮಾಹೇಶ್ವರೀಮುಖ್ಯಶಕ್ತಿವೃನ್ದಸಮಾವೃತಾ ।
ಓಂ ಐಂ ಹ್ರೀಂ ಶ್ರೀಂ ಭಂ - ೪೦॥
ಭಗಾರಾಧ್ಯಾ ಭಗವತೀ ಭಾರ್ಗವೀ ಭಾರ್ಗವಾರ್ಚಿತಾ ॥ ೧೨೩॥
ಭಣ್ಡಾಸುರಶಿರಶ್ಛೇತ್ರೀ ಭಾಷಾಸರ್ವಸ್ವದರ್ಶಿನೀ ।
ಭದ್ರಾ ಭದ್ರಾರ್ಚಿತಾ ಭದ್ರಕಾಲೀ ಭರ್ಗಸ್ವರೂಪಿಣೀ ॥ ೧೨೪॥
ಭವಾನೀ ಭಾಗ್ಯದಾ ಭೀಮಾ ಭಾಮತೀ ಭೀಮಸೈನಿಕಾ ।
ಭುಜಙ್ಗನಟನೋದ್ಯುಕ್ತಾ ಭುಜನಿರ್ಜಿತದಾನವಾ ॥ ೧೨೫॥
ಭ್ರುಕುಟೀಕ್ರೂರವದನಾ ಭ್ರೂಮಧ್ಯನಿಲಯಸ್ಥಿತಾ ।
ಭೇತಾಲನಟನಪ್ರೀತಾ ಭೋಗಿರಾಜಾಙ್ಗುಲೀಯಕಾ ॥ ೧೨೬॥
ಭೇರುಣ್ಡಾ ಭೇದನಿರ್ಮುಕ್ತಾ ಭೈರವೀ ಭೈರವಾರ್ಚಿತಾ ।
ಓಂ ಐಂ ಹ್ರೀಂ ಶ್ರೀಂ ಮಂ - ೪೧॥
ಮಣಿಮಣ್ಡಪಮಧ್ಯಸ್ಥಾ ಮಾಣಿಕ್ಯಾಭರಣಾನ್ವಿತಾ ॥ ೧೨೭॥
ಮನೋನ್ಮನೀ ಮನೋಗಮ್ಯಾ ಮಹಾದೇವಪತಿತ್ರತಾ ।
ಮನ್ತ್ರರೂಪಾ ಮಹಾರಾಜ್ಞೀ ಮಹಾಸಿದ್ಧಾಲಿಸಂವೃತಾ ॥ ೧೨೮॥
ಮನ್ದರಾದಿಕೃತಾವಾಸಾ ಮಹಾದೇವೀ ಮಹೇಶ್ವರೀ ।
ಮಹಾಹಿಧಮೇಖಲಾ ಮಾರ್ಗದುರ್ಗಾ ಮಾಙ್ಗಲ್ಯದಾಯಿನೀ ॥ ೧೨೯॥
ಮಹಾವತಕ್ರತುಪ್ರೀತಾ ಮಾಣಿಭದ್ರಸಮರ್ಚಿತಾ । (??)
ಮಹಿಷಾಸುರಶಿರಶ್ಛೇದನರ್ತಕೀ ಮುಣ್ಡಖಮಿಡನೀ ॥ ೧೩೦॥
ಮಾತಾ ಮರಕಟಶ್ಯಾಮಾ ಮಾತಙ್ಗೀ ಮತಿಸಾಕ್ಷಿಣೀ । (??)
ಮಾಧವೀ ಮಾಧವಾರಾಧ್ಯಾ ಮಧುಮಾಂಸಪ್ರಿಯಾ ಮಹೀ ॥ ೧೩೧॥
ಮಾರೀ ಮಾರಾನ್ತಕ ಕ್ಷೋಭಕಾರಿಣೀ ಮೀನಲೋಚನಾ ।
ಮಾಲತೀಕುನ್ದಮಾಲಾಢ್ಯಾ ಮಾಷೌದನಸಮುನ್ಸುಕಾ ॥ ೧೩೨॥
ಮಿಥುನಾಸಕ್ತಹೃದಯಾ ಮೋಹಿತಾಶೇಷವಿಷ್ಟಪಾ ।
ಮುದ್ರಾ ಮುದ್ರಾಪ್ರಿಯಾ ಮೂರ್ಖನಾಶಿನೀ ಮೇಷಭಕ್ಷಿಣೀ ॥ ೧೩೩॥
ಮೂಕಾಮ್ಬಾ ಮುಖಜಾ ಮೋದಜನಕಾಲೋಕನಪ್ರಿಯಾ ।
ಮೌನವ್ಯಾಖ್ಯಾಪರಾ ಮೌನಸತ್ಯಚಿನ್ಮಾತ್ರಲಕ್ಷಣಾ ॥ ೧೩೪॥
ಮೌಞ್ಜೀಕಚ್ಛಧರಾ ಮೌರ್ವೀದ್ವಿರೇಫಮುಖರೋನ್ಮುಖಾ ।
ಓಂ ಐಂ ಹ್ರೀಂ ಶ್ರೀಂ ಯಂ - ೪೨॥
ಯಜ್ಞವೃನ್ದಪ್ರಿಯಾ ಯಷ್ಟ್ರೀ ಯಾನ್ತವರ್ಣಸ್ವರೂಪಿಣೀ ॥ ೧೩೫॥
ಯನ್ತ್ರರೂಪಾ ಯಶೋದಾತ್ಮಜಾತಸಜುತವೈಭವಾ ।
ಯಶಸ್ಕರೀ ಯಮಾರಾಧ್ಯಾ ಯಜಮಾನಾಕೃತಿರ್ಯತಿಃ ॥ ೧೩೬॥
ಯಾಕಿನೀ ಯಕ್ಷರಕ್ಷಾದಿವೃತಾ ಯಜನತರ್ಪಣಾ ।
ಯಾಥಾರ್ಥ್ಯವಿಗ್ರಹಾ ಯೋಗ್ಯಾ ಯೋಗಿನೀ ಯೋಗನಾಯಿಕಾ ॥ ೧೩೭॥
ಯಾಮಿನೀ ಯಜಮೋತ್ಸಾಹಾ ಯಾಮಿನೀಚರಭಕ್ಷಿಣೀ ।
ಯಾಯಜೂಕರ್ಚಿತಪದಾ ಯಜ್ಞೇಶೀ ಯಕ್ಷಿಣೀಶ್ವರೀ ॥ ೧೩೮॥
ಯಾಸಾಪದ್ಮಧರಾ ಯಾಸಾಪದ್ಮಾನ್ತರಪರಿಷ್ಕೃತಾ ।
ಯೋಷಾಽಭಯಙ್ಕರೀ ಯೋಷಿದ್ವೃನ್ದವನ್ದಿತಪಾದುಕಾ ॥ ೧೩೯॥
ಓಂ ಐಂ ಹ್ರೀಂ ಶ್ರೀಂ ರಂ - ೪೩॥
ರಕ್ತಚಾಮುಣ್ಡಿಕಾ ರಾತ್ರಿದೇವತಾ ರಾಗಲೋಲುಪಾ ।
ರಕ್ತಬೀಜಪ್ರಶಮನೀ ರಜೋಗನ್ಧನಿವಾರಿಣೀ ॥ ೧೪೦॥
ರಣರಗನಟೀರತ್ತ್ರಮಜ್ಜೀರಚರಣಾಮ್ಬುಜಾ ।
ರಜಧ್ವವಸ್ತಾಚಲಾ ರಾಗಹೀನಮಾನಸಹಂಸಿನೀ ॥ ೧೪೧॥
ರಸನಾಲೇಪಿತಕ್ರೂರರಕ್ತಬೀಜಕಲೇಬರಾ ।
ರಕ್ಷಾಕರೀ ರಮಾ ರಮ್ಯಾ ರಞ್ಜಿನೀ ರಸಿಕಾವೃತಾ ॥ ೧೪೨॥
ರಾಕಿಣ್ಯಮ್ಬಾ ರಾಮನುತಾ ರಮಾವಾಣೀನಿಷೇವಿತಾ ।
ರಾಗಾಲಾಪಪರಬ್ರಹ್ಮ ಶಿರೋ ಮಾಲಾಪ್ರಸಾಧನಾ ॥ ೧೪೩॥
ರಾಜರಾಜೇಶ್ವರೀ ರಾಜ್ಞೀ ರಾಜೀವನಯನಪ್ರಿಯಾ ।
ರಾಜವ್ರಾತಕಿರೀಟಾಂಶುನೀರಾಜಿತಪದಾಮ್ಬುಜಾ ॥ ೧೪೪॥
ರುದ್ರಚಾಮುಣ್ಡಿಕಾ ರುಕ್ಮಸದೃಶಾ ರುಧಿರಪ್ರಿಯಾ ।
ರುದ್ರತಾಣ್ಡವಸಾಮರ್ಥ್ಯದರ್ಶನೋತ್ಸುಕಮಾನಸಾ ॥ ೧೪೫॥
ರುದ್ರಾಟ್ಟಹಾಸಸಙ್ಕ್ಷುಭ್ಯಜ್ಜಗನ್ತುಷ್ಟಿವಿಧಾಯಿನೀ ।
ರುದ್ರಾಣೀ ರುದ್ರವನಿತಾ ರುರುರಾಜಹಿತೈಷಿಣೀ ॥ ೧೪೬॥
ರೇಣುಕಾ ರೇಣುಕಾಸೂನುಸ್ತುತ್ಯಾ ರೇವಾವಿಹಾರಿಣೀ ।
ರೋಗಘ್ನೀ ರೋಷನಿರ್ದಗ್ಧಶತ್ರುಸೇನಾನಿವೇಶಿನೀ ॥ ೧೪೭॥
ರೋಹಿಣೀಶಾಂಶುಸಮ್ಭೂತಝರೀರತ್ನವಿತಾನಕಾ ।
ರೌದ್ರೀ ರೌದ್ರಾಸ್ತ್ರನಿರ್ದಗ್ಧರಾಕ್ಷಸಾ ರಾಹುಪೂಜಿತಾ ॥ ೧೪೮॥
ಓಂ ಐಂ ಹ್ರೀಂ ಶ್ರೀಂ ಲಂ - ೪೪॥
ಲಘೂಕ್ತಿವಲ್ಗುಸ್ತಿಮಿತವಾಣೀತ್ಯಕ್ತವಿಪಞ್ಚಿಕಾ ।
ಲಜ್ಜಾವತೀ ಲಲತ್ಪ್ರೋಚ್ಚಕೇಶಾ ಲಮ್ಬಿಪಯೋಧರಾ ॥ ೧೪೯॥
ಲಯಾದಿಕರ್ತ್ರೀ ಲೋಮಾಲಿಲತಾನಾಭೀಸರಃ ಕಟೀ ।
ಲಲದೋಷ್ಠದಲದ್ವನ್ದ್ವವದನಾ ಲಕ್ಷ್ಯದೂರಗಾ ॥ ೧೫೦॥
ಲಲನ್ತಿಕಾಮಣೀಭಾಸ್ವನ್ನಿಟಿಲಶ್ರೀಮುಖಾಮ್ಬುಜಾ ।
ಲಲಾಟಾರ್ಧನಿಶಾನಾಥಕಲಙ್ಕೋದ್ಭಾಸಿಲೋಚನಾ ॥ ೧೫೧॥
ಲಲಿತಾ ಲೋಭಿನೀ ಲೋಭಹೀನಾ ಲೋಕೇಶ್ವರೀ ಲಘುಃ ।
ಲಕ್ಷ್ಮೀರ್ಲಕ್ಷ್ಮೀಶಸಹಜಾ ಲಕ್ಷ್ಮಣಾಗ್ರಜವನ್ದಿತಾ ॥ ೧೫೨॥
ಲಾಕಿನೀ ಲಘಿತಾಪೃಭೋಧಿನಿವಹಾ ಲಲಿತಾಗ್ಬಿಕಾ ।
ಲಾಜಹೋಮಪ್ರಿಯಾ ಲಮ್ಬಮುಕ್ತಾಭಾಸುರನಾಸಿಕಾ ॥ ೧೫೩॥
ಲಾಭಾಲಾಭಾದಿರಹಿತಾ ಲಾಸ್ಯದರ್ಶನಕೋವಿದಾ ।
ಲಾವಣ್ಯದರ್ಶನೋದ್ವಿಗ್ನರತೀಶಾ ಲಧುಭಾಷಿಣೀ ॥ ೧೫೪॥
ಲಾಕ್ಷಾರಸಾಞ್ಚಿತಪದಾ ಲಧುಶ್ಯಾಮಾ ಲತಾತನುಃ ।
ಲಾಕ್ಷಾಲಕ್ಷ್ಮೀತಿರಸ್ಕಾರಿಯುಗಲಾಧರಪಲ್ಲವಾ ॥ ೧೫೫॥
ಲೀಲಾಗತಿಪರಾಭೂತಹಂಸಾ ಲೀಲಾವಿನೋದಿನೀ ।
ಲೀಲಾನನ್ದನಕಲ್ಪದ್ರುಮಲತಾಡೋಲಾವಿಹಾರಿಣೀ ॥ ೧೫೬॥
ಲೀಲಾಪೀತಾಬ್ಧಿವಿನುತಾ ಲೀಲಾಸ್ವೀಕೃತವಿಯಹಾ ।
ಲೀಲಾಶುಕೋಸ್ತಿಮುದಿತಾ ಲೀಲಾಮೃಗವಿಹಾರಿಣೀ ॥ ೧೫೭॥
ಲೋಕಮಾತಾ ಲೋಕಸೃಷ್ಟಿಸ್ಥಿತಿಸಂಹಾರಕಾರಿಣೀ ।
ಲೋಕಾತೀತಪದಾ ಲೋಕವನ್ದ್ಯಾ ಲೋಕೈಕಸಾಕ್ಷಿಣೀ ॥ ೧೫೮॥
ಲೋಕಾತೀತಾಕೃತಿರ್ಲಬ್ಧಾ ಮಾರ್ಗತ್ಯಾಗಪರಾನ್ತಕೀ । (??)
ಲೋಕಾನುಲ್ಲಞ್ಘಿತನಿಜಶಾಸನಾ ಲಬ್ಧವಿಯಹಾ ॥ ೧೫೯॥
ಲೋಮಾವಲಿ ಲತಾ ಲಮ್ಬಿಸ್ತನಯುಗ್ಮನತಾನನಾ ।
ಲೋಲಚಿತ್ತವಿದೂರಸ್ಥಾ ಲೋಮಲಮ್ಬ್ಯಣ್ಡಜಾಲಕಾ ॥ ೧೬೦॥
ಲಬಿತಾರಿಶಿರೋಹಸ್ತಾ ಲೋಕರಕ್ಷಾಪರಾಯಣಾ ।
ಓಂ ಐಂ ಹ್ರೀಂ ಶ್ರೀಂ ವಂ - ೪೫॥
ವನದುರ್ಗಾ ವಿನ್ಧ್ಯದಲವಾಸಿನೀ ವಾಮಕೇಶ್ವರೀ ॥ ೧೬೧॥
ವಶಿನ್ಯಾದಿಸ್ತುತಾ ವಹ್ನಿಜ್ವಾಲೋದ್ಗಾರಿಮುಖೀ ವರಾ ।
ವಕ್ಷೋಜಯಯುಗ್ಮವಿರಹಾಸಹಿಷ್ಣುಕರಶಙ್ಕರಾ ॥ ೧೬೨॥
ವಾಙ್ಮನೋತೀತವಿಷಯಾ ವಾಮಾಚಾರಸಮುತ್ಸುಕಾ ।
ವಾಜಪೇಯಾಧ್ವರಾನನ್ದಾ ವಾಸುದೇವೇಷ್ಟದಾಯಿನೀ ॥ ೧೬೩॥
ವಾದಿತ್ರಧ್ವನಿಸಮ್ಭ್ರಾನ್ತದಿಗ್ಗಜಾಲಿರ್ವಿಧೀಡಿತಾ ।
ವಾಮದೇವವಸಿಷ್ಠಾದಿಪೂಜಿತಾ ವಾರಿದಪ್ರಭಾ ॥ ೧೬೪॥
ವಾಮಸ್ತನಾಶ್ಲಿಷ್ದ್ಧಸ್ತಪದ್ಮಶಮ್ಭುವಿಹಾರಿಣೀ ।
ವಾರಾಹೀ ವಾಸ್ತುಮಧ್ಯಸ್ಥಾ ವಾಸವಾನ್ತಃ ಪುರೇಷ್ಟದಾ ॥ ೧೬೫॥
ವಾರಾಙ್ಗನಾನೀತಪೂರ್ಣಕುಮ್ಭದೀಪಾಲಿಮಣ್ಟಪಾ ।
ವಾರಿಜಾಸನಶೀರ್ಷಾಲಿಮಾಲಾ ವಾರ್ಧಿಸರೋವರಾ ॥ ೧೬೬॥
ವಾರಿತಾಸುರದರ್ಪಶ್ರೀಃ ವಾರ್ಧಘ್ನೀಮನ್ತ್ರರೂಪಿಣೀ ।
ವಾರ್ತಾಲೀ ವಾರುಣೀ ವಿದ್ಯಾ ವರುಣಾರೋಗ್ಯದಾಯಿನೀ ॥ ೧೬೭॥
ವಿಜಯಾ ವಿಜಯಾಸ್ತುತ್ಯಾ ವಿರೂಪಾ ವಿಶ್ವರೂಪಿಣೀ ।
ವಿಪ್ರಶತ್ರುಕದಮ್ಬಘ್ನೀ ವಿಪ್ರಪೂಜ್ಯಾ ವಿಷಾಪಹಾ ॥ ೧೬೮॥
ವಿರಿಞ್ಚಿಶಿಕ್ಷಣೋದ್ಯುಕ್ತಮಧುಕೈಟಭನಾಶಿನೀ ।
ವಿಶ್ವಮಾತಾ ವಿಶಾಲಾಕ್ಷೀ ವಿರಾಗಾ ವೀಶವಾಹನಾ ॥ ೧೬೯॥
ವೀತರಾಗವೃತಾ ವ್ಯಾಘ್ರಪಾದ ನೃತ್ತಪ್ರದರ್ಶಿನೀ ।
ವೀರಭದ್ರಹತೋನ್ಮತ್ತದಕ್ಷಯಜ್ಞಾಶ್ರಿತಾಮರಾ ॥ ೧೭೦॥
ವೇದವೇದ್ಯಾ ವೇದರೂಪಾ ವೇದಾನನಸರೋರುಹಾ ।
ವೇದಾನ್ತವಿಷಯಾ ವೇಣುನಾದಜ್ಞಾ ವೇದಪೂಜಿತಾ ॥ ೧೭೧॥
ವೌಷಟ್ಮನ್ತ್ರಮಯಾಕಾರಾ ವ್ಯೋಮಕೇಶೀ ವಿಭಾವರೀ । ??
ವನ್ದ್ಯಾ ವಾಗ್ವಾದಿನೀ ವನ್ಯಮಾಂಸಾಹಾರಾ ವನೇಶ್ವರೀ ॥ ೧೭೨॥
ವಾಞ್ಛಾಕಲ್ಪಲತಾ ವಾಣೀ ವಾಕ್ಪ್ರದಾ ವಾಗಧೀಶ್ವರೀ ।
ಓಂ ಐಂ ಹ್ರೀಂ ಶ್ರೀಂ ಶಂ - ೪೬॥
ಶಕ್ತಿವೃನ್ದಾವೃತಾ ಶಬ್ದಮಯೀ ಶ್ರೀಚಕ್ರರೂಪಿಣೀ ॥ ೧೭೩॥
ಶಬರೀ ಶಬರೀದುರ್ಗಾ ಶರಭೇಶಚ್ಛದಾಕೃತಿಃ ।
ಶಬ್ದಜಾಲೋದ್ಭವಢ್ಢಕ್ಕಾರವಾಸನ್ದಿಗ್ಧತಾಪಸಾ ॥ ೧೭೪॥
ಶರಣಾಗತಸನ್ತ್ರಾಣಪರಾಯಣಪಟೀಯಸೀ ।
ಶಶಾಙ್ಕಶೇಖರಾ ಶಸ್ತ್ರಧರಾ ಶತಮುಖಾಮ್ಬುಜಾ ॥ ೧೭೫॥
ಶಾತೋದರೀ ಶಾನ್ತಿಮತೀ ಶರಚ್ಚನ್ದ್ರನಿಭಾನನಾ ।
ಶಾಪಾಪನೋದನಚಣಾ ಶಙ್ಕಾದೋಷಾದಿನಾಶಿನೀ ॥ ೧೭೬॥
ಶಿವಕಾಮಸುನ್ದರೀ ಶ್ರೀದಾ ಶಿವವಾಮಾಙ್ಗವಾಸಿನೀ ।
ಶಿವಾ ಶ್ರೀದಾನನಿಪುಣಲೋಚನಾ ಶ್ರೀಪತಿಪ್ರಿಯಾ ॥ ೧೭೭॥
ಶುಕಾದಿದ್ವಿಜವೃನ್ದೋಕ್ತಿಸ್ತಬ್ಧಮಾನಸಗೀಷ್ಪತಿಃ ।
ಶುಕ್ರಮಣ್ಡಲಸಙ್ಕಾಶಮುಕ್ತಾಮಾಲಾ ಶುಚಿಸ್ಮಿತಾ ॥ ೧೭೮॥
ಶುಕ್ಲದಂಷ್ಟ್ರಾಗ್ರಸನ್ದೀಪ್ತಪಾತಾಲಭ್ರಾನ್ತಪನ್ನಗಾ ।
ಶುಭ್ರಾಸನಾ ಶೂರಸೇನಾವೃತಾ ಶೂಲಾದಿನಾಶಿನೀ ॥ ೧೭೯॥
ಶೂಕವೃಶ್ಚಿಕನಾಗಾಖುರ್ವೃಕಹ್ರಿಂಸ್ರಾಲಿಸಂವೃತಾ ।
ಶೂಲಿನೀ ಶೂಲಡ್ಗಾಹಿಶಙ್ಖಚಕ್ರಗದಾಧರಾ ॥ ೧೮೦॥
ಶೋಕಾಬ್ಧಿಶೋಷಣೋದ್ಯುಕ್ತಬಡವಾ ಶ್ರೋತ್ರಿಯಾವೃತಾ ।
ಶಙ್ಕರಾಲಿಙ್ಗನಾನನ್ದಮೇದುರಾ ಶೀತಲಾಮ್ಬಿಕಾ ॥ ೧೮೧॥
ಶಙ್ಕರೀ ಶಙ್ಕರಾರ್ಧಾಙ್ಗಹರಾ ಶಾಕ್ಕರವಾಹನಾ ।
ಶಮ್ಭುಕೋಪಾಗ್ನಿನಿರ್ದಗ್ಧಮದನೋತ್ಪಾದಕೇಕ್ಷಣಾ ॥ ೧೮೨॥
ಶಾಮ್ಭವೀ ಶಮ್ಭುಹಸ್ತಾಬ್ಜಲೀಲಾರುಣಕರಾವಲಿಃ ।
ಶ್ರೀವಿದ್ಯಾ ಶುಭದಾ ಶುಭವಸ್ತ್ರಾ ಶುಮ್ಭಾಸುರಾನ್ತಕೀ ॥ ೧೮೩॥
ಓಂ ಐಂ ಹ್ರೀಂ ಶ್ರೀಂ ಷಂ - ೪೭॥
ಷಡಾಧಾರಾಬ್ಜನಿಲಯಾ ಷಾಡ್ಗುಣ್ಯಶ್ರೀಪ್ರದಾಯಿನೀ ।
ಷಡೂರ್ಮಿಘ್ನಿ ಷಡಧ್ವಾನ್ತಪದಾರೂಢಸ್ವರೂಪಿಣೀ ॥ ೧೮೪॥
ಷಟ್ಕೋಣಮಧ್ಯನಿಲಯಾ ಷಡರ್ಣಾ ಷಾನ್ತರೂಪಿಣೀ ।
ಷಡ್ಜಾದಿಸ್ವರನಿರ್ಮಾತ್ರೀ ಷಡಙ್ಗಯುವತೀಶ್ವರೀ ॥ ೧೮೫॥
ಷಡ್ಭಾವರಹಿತಾ ಷಣ್ಡಕಣ್ಟಕೀ ಷಣ್ಮುಖಪ್ರಿಯಾ ।
ಷಡ್ಸಾಸ್ವಾದಮುದಿತಾ ಷಷ್ಠೀಶಾದಿಮದೇವತಾ ॥ ೧೮೬॥
ಷೋಢಾನ್ಯಾಸಮಯಾಕಾರಾ ಷೋಡಶಾಕ್ಷರದೇವತಾ ।
ಓಂ ಐಂ ಹ್ರೀಂ ಶ್ರೀಂ ಸಂ - ೪೮॥
ಸಕಲಾ ಸಚ್ಚಿದಾನನ್ದಲಕ್ಷಣಾ ಸೌಖ್ಯದಾಯಿನೀ ॥ ೧೮೭॥
ಸನಕಾದಿಮುನಿಧ್ಯೇಯಾ ಸನ್ಧ್ಯಾನಾಟ್ಯವಿಶಾರದಾ ।
ಸಮಸ್ತಲೋಕಜನನೀ ಸಭಾನಟನರನ್ಜಿನೀ ॥ ೧೮೮॥
ಸರಃ ಪುಲಿನಲೀಲಾರ್ಥಿಯುವತೀನಿವಹೋತ್ಸುಕಾ ।
ಸರಸ್ವತೀ ಸುರಾರಾಧ್ಯಾ ಸುರಾಪಾನಪ್ರಿಯಾಸುರಾ ॥ ೧೮೯॥
ಸರೋಜಲವಿಹಾರೋದ್ಯತ್ಪ್ರಿಯಾಕೃಷ್ಟೋತ್ತರಾಂಶುಕಾ ।
ಸಾಧ್ಯಾ ಸಾಧ್ಯಾದಿರೀಹತಾ ಸ್ವತನ್ತ್ರಾ ಸ್ವಸ್ತಿರೂಪಿಣೀ ॥ ೧೯೦॥
ಸಾಧ್ವೀ ಸಙ್ಗೀತರಸಿಕಾ ಸರ್ವದಾ ಸರ್ವಮಙ್ಗಲಾ ।
ಸಾಮೋದ್ಗೀತನಿಜಾನನ್ದಮಹಿಮಾಲಿಸ್ಸನಾತನಾ ॥ ೧೯೧॥
ಸಾರಸ್ವತಪ್ರದಾ ಸಾಮಾ ಸಂಸಾರಾರ್ಣವತಾರಿಣೀಮ್ ।
ಸಾವಿತ್ರೀ ಸಙ್ಗನಿರ್ಮುಕ್ತಾ ಸತೀಶೀ ಸರ್ವತೋಮುಖೀ ॥ ೧೯೨॥
ಸಾಖ್ಯತತ್ವಜ್ಞನಿವಹವ್ಯಾಪಿಸಾಲಾ ಸುಖೇಶ್ವರೀ ।
ಸಿದ್ಧಸಙ್ಘಾವೃತಾ ಸಾನ್ಧ್ಯವನ್ದಿತಾ ಸಾಧುಸತ್ಕೃತಾ ॥ ೧೯೩॥
ಸಿಂಹಾಸನಗತಾ ಸರ್ವಶೃಙ್ಗಾರರಸವಾರಿಧಿಃ ।
ಸುಧಾಬ್ಧಿಮಧ್ಯನಿಲಯಾ ಸ್ವರ್ಣದ್ವೀಪಾನ್ತರಸ್ಥಿತಾ ॥ ೧೯೪॥
ಸುಧಾಸಿಕ್ತಾಲವಾಲೋದ್ಯತ್ಕಾಯಮಾನಲತಾಗೃಹಾ ।
ಸುಭಗಾ ಸುನ್ದರೀ ಸುಭ್ರೂಃ ಸಮುಪಾಸ್ಯತ್ವಲಕ್ಷಣಾ ॥ ೧೯೫॥
ಸುರದುಸಙ್ಕುಲಾಭೋಗತಟಾ ಸೌದಾಮಿನೀನಿಭಾ ।
ಸುರಭೀಕೇಶಸಮ್ಭ್ರಾನ್ತದ್ವಿರೇಫಮುಖರಾನ್ವಿತಾ ॥ ೧೯೬॥
ಸೂರ್ಯಚನ್ದ್ರಾಂಶುಧಿಕ್ಕಾರಿಪ್ರಭಾರತ್ನಾಲಿಮಣ್ಡಪಾ ।
ಸೋಮಪಾನೋದ್ಭವಾಮೋದವಿಪ್ರಗೀತಾಪದಾನಕಾ ॥ ೧೯೭॥
ಸೋಮಯಾಗಪ್ರಿಯಾ ಸೋಮಸೂರ್ಯವಹ್ನಿವಿಲೋಚನಾ ।
ಸೌಗನ್ಧಿಕಮರುದ್ವೇಗಮೋದಿತಾ ಸದ್ವಿಲಾಸಿನೀ ॥ ೧೯೮॥
ಸೌನ್ದರ್ಯಮೋಹಿತಾಧೀನವಲ್ಲಭಾ ಸನ್ತತಿಪ್ರದಾ ।
ಸೌಭಾಗ್ಯಮನ್ತ್ರಿಣೀ ಸತ್ಯವಾದಾ ಸಾಗರಮೇಖಲಾ ॥ ೧೯೯॥
ಸ್ವಶ್ವಾಸೋಚ್ಛವಾಸಭುವನಮೋಚನೋನ್ಮೋಚನಾ ಸ್ವಧಾ ।
ಓಂ ಐಂ ಹ್ರೀಂ ಶ್ರೀಂ ಹಂ - ೪೯॥
ಹಯಾರೂಢಾ ಹಯಗ್ರೀವವಿನುತಾ ಹತಕಿಲ್ಬಿಷಾ ॥ ೨೦೦॥
ಹರಾಲಿಙ್ಗನಶೀತಾಂಶೂನ್ಮಿಷನ್ನೇತ್ರಮುದ್ವತೀ ।
ಹರಿನಾಭಿಸಮುದ್ಭೂತವಿರಿಞ್ಚಿವಿನುತಾ ಹರಾ ॥ ೨೦೧॥
ಹಾದಿವಿದ್ಯಾ ಹಾನಿಹೀನಾ ಹಾಕಿನೀ ಹರಿಚಣ್ಡಿಕಾ ।
ಹಾರಾವಲಿಪ್ರಭಾದೀಪ್ತ ಹರಿದನ್ತದಿಗಮ್ಬರಾ ॥ ೨೦೨॥
ಹಾಲಾಹಲವಿಷೋದ್ವಿಗ್ರವಿಷ್ಟಾಪಾನೇಕರಕ್ಷಕೀ ।
ಹಾಹಾಕಾರರವೋದ್ಗೀತದನುಜಾ ಹಾರಮಞ್ಜುಲಾ ॥ ೨೦೩॥
ಹಿಮಾದ್ರಿತನಯಾ ಹೀರಮಕುಟಾ ಹಾರಪನ್ನಗಾ ।
ಹುತಾಶನಧರಾ ಹೋಮಪ್ರಿಯಾ ಹೋತ್ರೀ ಹಯೇಶ್ವರೀ ॥ ೨೦೪॥
ಹೇಮಪದ್ಮಧರಾ ಹೇಮವರ್ಮರಾಜಸಮರ್ಚಿತಾ ।
ಹಂಸಿನೀ ಹಂಸಮನ್ತ್ರಾರ್ಥಾ ಹಂಸವಾಹಾ ಹರಾಙ್ಗಭೃತ್ ॥ ೨೦೫॥
ಹೃದ್ಯಾ ಹೃದ್ಯಮನೋನಿತ್ಯವಾಸಾ ಹರಕುಟುಮ್ಬಿನೀ । (??)
ಹ್ರೀಮತಿಃ ಹೃದಯಾಕಾಶತರಣಿಃ ಹ್ರಿಮ್ಪರಾಯಣಾ ॥ ೨೦೬॥
ಓಂ ಐಂ ಹ್ರೀಂ ಶ್ರೀಂ ಕ್ಷಂ - ೫೦॥
ಕ್ಷಣದಾಚರಸಂಹಾರಚತುರಾ ಕ್ಷುದ್ರದುರ್ಮುಖಾ ।
ಕ್ಷಣದಾರ್ಚ್ಯಾ ಕ್ಷಪಾನಾಥಸುಧಾರ್ದ್ರಕಬರೀ ಕ್ಷಿತಿಃ ॥ ೨೦೭॥
ಕ್ಷಮಾ ಕ್ಷಮಾಧರಸುತಾ ಕ್ಷಾಮಕ್ಷೋಭವಿನಾಶಿನೀ ।
ಕ್ಷಿಪ್ರಸಿದ್ಧಿಮ್ಪ್ರದಾ ಕ್ಷಿಪ್ರಗಮನಾ ಕ್ಷುಣ್ಣಿವಾರಿಣೀ ॥ ೨೦೮॥
ಕ್ಷೀಣಪುಣ್ಯಾಸುಹೃತ್ ಕ್ಷೀರವರ್ಣಾ ಕ್ಷಯವಿವರ್ಜಿತಾ ।
ಕ್ಷೀರಾನ್ನಾಹಾರಮುದಿತಾ ಕ್ಷ್ಮ್ರ್ಯೂಮ್ಮನ್ತ್ರಾಪ್ತೇಷ್ಟಯೋಗಿರಾಟ್ ॥ ೨೦೯॥
ಕ್ಷೀರಾಬ್ಧಿತನಯಾ ಕ್ಷೀರಘೃತಮಧ್ವಾಸವಾರ್ಚಿತಾ ।
ಕ್ಷುಧಾರ್ತಿದೀನಸನ್ತ್ರಾಣಾ ಕ್ಷಿತಿಸಂರಕ್ಷಣಕ್ಷಮಾ ॥ ೨೧೦॥
ಕ್ಷೇಮಙ್ಕರೀ ಕ್ಷೇತ್ರಪಾಲವನ್ದಿತಾ ಕ್ಷೇತ್ರರೂಪಿಣೀ ।
ಕ್ಷೌಮಾಮ್ಬರಧರಾ ಕ್ಷತ್ರಸಮ್ಪ್ರಾರ್ಥಿತಜಯೋತ್ಸವಾ ॥ ೨೧೧॥
ಕ್ಷ್ವೇಲಭುಗ್ರಸನಾಸ್ವಾದ ಜಾತ ವಾಗ್ರಸವೈಭವಾ ।
ಇತಿ ಶ್ರೀಭೃಙ್ಗಿರಿಟಿಸಂಹಿತಾಯಾಂ ಶಕ್ತ್ಯುತ್ಕರ್ಷಪ್ರಕರಣೇ
ಶಿವಗೌರೀಸಂವಾದೇ ಶ್ರೀಶಿವಕಾಮಸುನ್ದರೀಸಹಸ್ರನಾಮಸ್ತೋತ್ರಂ ಸಮ್ಪೂರ್ಣಮ್
॥ ಉತ್ತರಪೀತಿಕಾ ॥
ಇತ್ಯೇತತ್ತೇ ಮಯಾಽಽಖ್ಯಾತಂ ನಾಮ ಸಾಹಸ್ರಮುತ್ತಮಮ್ ।
ಶಿವಕಾಮಸುನ್ದರೀದೇವ್ಯಾಃ ಶಿವಾಯಾಃ ಪರಮೇಶ್ವರಿ ॥ ೧॥
ಚತುರ್ವೇದಸ್ಯ ತಾತ್ಪರ್ಯಸಾರಭೂತಂ ಸುಖಪ್ರದಮ್ ।
ಸಹಸ್ರನಾಮಕ ಸ್ತೋತ್ರರತ್ನಾಭಿಧಮಿದಂ ಪ್ರಿಯೇ ।
ಶ್ರುತ್ಯನ್ತವಾಕ್ಯನಿಚಯಬದ್ಧಂ ಶೀಘ್ರಪ್ರಸಿದ್ಧಿದಮ್ ॥ ೨॥
ಆಯುರಾರೋಗ್ಯದಂ ಪುಣ್ಯವರ್ಧನಂ ಭುಕ್ತಿಮುಕ್ತಿದಮ್ ।
ವಿಘ್ನವಾರಣವಿಘ್ನೇಶಂ ಸಂಸಾರಧ್ವಾನ್ತಭಾಸ್ಕರಮ್ ॥ ೩॥
ಶೋಕಕಾನ್ತಾರದಾವಾಗ್ನಿಮಜ್ಞಾನಾಬ್ಧಿಘಟೋದ್ಭವಮ್ ।
ರೋಗಪರ್ವತದಭ್ಭೋಲಿಂ ಶತ್ರುವರ್ಗಾಹಿತಾರ್ಕ್ಷ್ಯಕಮ್ ॥ ೪॥
ಸರ್ವವಿದ್ಯಾಪ್ರದಂ ನೄಣಾಂ ತುಷ್ಟಿದಂ ಪುಷ್ಟಿದಂ ಪ್ರಿಯೇ ।
ಭೂತಾಃ ಪ್ರೇತಾಃ ಪಿಶಾಚಾಶ್ಚ ಬ್ರಹ್ಮರಕ್ಷೋಗಣೋರಗಾಃ ॥ ೫॥
ಜಟಾಮುನಿಗಣಾಃ ಕ್ಷುದ್ರಜ್ವರಕೃದ್ಗ್ರಹಮಣ್ಡಲಾಃ ।
ಕೋಟರಾರೇವತೀಜ್ಯೇಷ್ಠಾಪೂತನಾಮಾತೃಕಾದಯಃ ॥ ೬॥
ಮಹಾಜ್ವರಕರಾಶ್ಚಾನ್ಯೇ ಭೇತಾಲಾಗ್ನಿಧರಾಶ್ಶಿವೇ ।
ಅಪಸ್ಮಾರಾದಿಮಾಶ್ಚಾನ್ಯೇ ದೃಷ್ಟಾ ಹಿಂಸಾರಾರಾಶ್ಶಿವೇ ॥ ೭॥
ರಾಕ್ಷಸಾ ಮನುಜಾ ಯಜ್ಞವಿಘ್ನಭೂತಾಶ್ಚ ಪನ್ನಗಾಃ ।
ಸಾಲುವಾಃ ಶರಭಾಃ ಸಿಂಹಾಃ ವ್ಯಾಘ್ರಾ ಋಕ್ಷಾ ಗಜಾ ವೃಷಾಃ ।
ಶಾಕ್ಕರಾ ಮಹಿಷಾಚ್ಛಗಾಃ ಗವಯಾವೃಕಜಮ್ಬುಕಾಃ ।
ಅನ್ಯೇ ವನ್ಯಾ ಮೃಗಾ ದೇವಿ ಹಿಂಸಕಾಶ್ಶೂಕವೃಶ್ಚಿಕಾಃ ॥ ೯॥
ಅಣ್ಡಜಾಸ್ಸ್ವೇದಜಾ ದೇವಿ ಚೋದ್ಭಿದಾಶ್ಚ ಜರಾಯುಜಾಃ ।
ಯೇ ಯೇ ಹಿಂಸಾಕರಾಸ್ಸರ್ವೇ ನಾಮಸಾಹಸ್ರಜಾಪಿನಮ್ ॥ ೧೦॥
ದೃಷ್ಟ್ವಾ ಭೀತ್ಯಾ ಪರಿಭ್ರಾನ್ತಾಃ ಸ್ಖಲನ್ತಶ್ಚ ವಿದೂರತಃ ।
ಪತನ್ತಶ್ಚ ಪಲಾಯನ್ತೇ ಪ್ರಾಣತ್ರಾಣಪರಾಯಣಾಃ ॥ ೧೧॥
ಅಮ್ಬಿಕಾನಾಮಸಾಹಸ್ರಜಪಶೀಲಸ್ಯ ಯೋಗಿನಃ ।
ದ್ರವ್ಯಾಣಿ ಯೋಽಪಹರತೇ ತಂ ಭಕ್ಷಯತಿ ಯೋಗಿನೀ ॥ ೧೨॥
ಶಿವಕಾಮಸುನ್ದರೀಭಸ್ತಿಶಾಲಿನಂ ದ್ವೇಷ್ಟಿ ಯೋ ನರಃ ।
ತಂ ನಾಶಯತಿ ಸಾ ದೇವೀ ಸಪುತ್ರಗಣಬಾನ್ಧವಮ್ ॥ ೧೩॥
ಶಿವಕಾಮಸುನ್ದರೀಭಕ್ತೇ ಚಾಭಿಚಾರಾದಿದುಷ್ಕೃತಿಮ್ ।
ಯಃ ಪ್ರೇರಯತಿ ಮೂಢಾತ್ಮಾ ತಂ ದೇವೀ ಶಿವಸುನ್ದರೀ ॥ ೧೪॥
ಮುಖಾಗ್ನಿಜ್ವಾಲಯಾ ದೇವೀ ದಾಹಯತ್ಯಞ್ಜಸಾ ಧುವಮ್ ।
ಅನೇನ ಸದೃಶಂ ಸ್ತೋತ್ರಂ ನಾಸ್ತಿ ನಾಸ್ತ್ಯದ್ರಿಕನ್ಯಕೇ ॥ ೧೫॥
ಏತತ್ಸ್ತೋತ್ರಜಪೇನೈವ ವಿಷ್ಣುರ್ಲಕ್ಷ್ಮೀಶ್ವರೋಽಭವತ್ ।
ಜಗದ್ರಕ್ಷಕಕರ್ತೃತ್ವಂ ಬ್ರಹ್ಮಣೋ ವೇಧಸಃ ಪ್ರಿಯೇ ॥ ೧೬॥
ಸೃಷ್ಟಿಕರ್ತೃತ್ವಮಪ್ಯಮ್ಬೇ ವೇದಾನಾಂ ಚ ವಿಧಾಯಕಃ ।
ಅಭೂದನ್ಯೇಽಮರಾಶ್ಚೈವ ವಹ್ನೀನ್ದ್ರಯಮರಾಕ್ಷಸಾಃ ॥ ೧೭॥
ಜಲವಾಯ್ವೀಶಧನದಾಃ ಯೋಗಿನಶ್ಚ ಮಹರ್ಷಯಃ ।
ಜಪಾದಸ್ಯ ಸ್ವಯಂ ಸಿದ್ಧಿಂ ಲೇಭಿರೇ ಸತತಂ ಶಿವೇ ॥ ೧೮॥
ಮಮ ಶಕ್ತಿಮಯೀ ತ್ವಂ ಹಿ ದೇವೀ ಸಾ ಕಾಮಸುನ್ದರೀ ।
ತಸ್ಯಾಃ ಪ್ರಭಾವಂ ನಾನ್ಯೇನ ವಸ್ತುಂ ಶಕ್ಯಂ ಹಿ ಸುನ್ದರಿ! ॥ ೧೯॥
ತ್ವಯೈವ ಚಿನ್ತನೀಯಂ ತತ್ ತ್ವತ್ತೋ ನಾನ್ಯಾಸ್ತಿ ಹಿ ಪ್ರಿಯಾ ।
ಏತನ್ನಾಮಸಹಸ್ರಸ್ಯ ಜಪೇ ತ್ರೈವರ್ಣಿಕಃ ಪ್ರಿಯೇ ॥ ೨೦॥
ಮಯಾಧಿಕ್ರಿಯತೇಽನ್ಯೇಷಾಂ ಚ ಭವೇದಧಿಕಾರತಾ ।
ಅನ್ಯೇ ತು ಪಾಠಯೇದ್ವಿಪ್ರೈಃ ಲಭೇರನ್ದವೇಷ್ಟಕಾಮನಾಮ್ ॥ ೨೧॥
ಯೋ ವಿಪ್ರಶ್ಶಾನ್ತಹೃದಯಃ ನಾಮಸಾಹಸ್ರಮುತ್ತಮಮ್ ।
ಜಪತಿ ಶ್ರದ್ಧಯಾ ಯುಕ್ತಃ ಸರ್ವಾನ್ಕಾಮಾನವಾಪ್ನುಯಾತ್ ॥ ೨೨॥
ಶುಕ್ರವಾರೇ ಸೌಮವಾರೇ ಭೌಮವಾರೇ ಗುರೋರ್ದಿನೇ ।
ದರ್ಶೇ ಪರ್ವಣಿ ಪಞ್ಚಮ್ಯಾಂ ನವಮ್ಯಾಂ ಕುಲಸುನ್ದರಿ ॥ ೨೩॥
ಕೃಷ್ಣಾಙ್ಗಾರಚತುರ್ದಶ್ಯಾಂ ಸಙ್ಕ್ರಾನ್ತಾವಯನೇ ವಿಷೌ ।
ವೃಷೇ ಶುಕ್ಲನವಮ್ಯಾಂ ಚ ಶ್ರಾವಣ್ಯಾಂ ಮೂಲಭೇ ಶುಭೇ ॥ ೨೪॥
ಆಷಾಢೇ ಚ ತುಲಾಯಾಂ ಚ ನಕ್ಷತ್ರೇ ಪೂರ್ವಫಲ್ಗುನೇ ।
ಜ್ಯೇಷ್ಠೇ ಚ ಫಾಲ್ಗುನೇ ಮಾಸಿ ಉತ್ತರೇ ಫಲ್ಗುನೇ ಶುಭೇ ॥ ೨೫॥
ನಕ್ಷತ್ರೇ ಚ ಶುಭಾಂ ದೇವೀಂ ಗೌರೀನಾಮಭಿರಮ್ಬಿಕಾಮ್ ।
ಅರ್ಚಯೇತ್ಸತತಂ ಪ್ರೀತಾ ಸುನ್ದರೀ ಭವತಿ ಪ್ರಿಯೇ ॥ ೨೬॥
ಪ್ರತಿಪನ್ಮುಖರಾಕಾನ್ತದಿನರಾತ್ರಿಷು ಚಾಮ್ಬಿಕಾಮ್ ।
ಅರ್ಚಯೇತ್ಕುಸುಮೈರ್ಬಿಲ್ವೈಃ ಹಾರಿದ್ರೈಃ ಕುಕುಮೈಃ ಶುಭೈಃ ॥ ೨೭॥
ಹರಿದ್ರಾಚೂರ್ಣಸಮ್ಪೃಕ್ತೈರಕ್ಷತೈರ್ತುಲಸೀದಲೈಃ ।
ಕೇಸರೈಃ ಕೇತಕೈಶ್ಚೈವ ಮನ್ದಾರೈಶ್ಚಮ್ಪಕೈರಪಿ ॥ ೨೮॥
ಪ್ರಥಮಂ ಗನ್ಧತೈಲೇನಾಭಿಷಿಚ್ಯ ತತಃ ಪರಮ್ ।
ಪಯಸಾ ಮಧುನಾ ದಘ್ನಾ ಘೃತೇನ ಲಿಕುಚೇನ ಚ ॥ ೨೯॥
ನಾರಿಕೇಲಾಮ್ರಪನಸಕದಲೀನಾಂ ಫಲತ್ರಯಮ್ ।
ಶರ್ಕರಾಮಧುಸಮ್ಪೃಕ್ತಂ ಪಞ್ಚ್ಜಾಮೃತಮಥಾಮ್ಬಿಕಾಮ್ ॥ ೩೦॥
ಅಭಿಷಿಚ್ಯ ತತಃ ಪಶ್ಚಾತ್ಸಗನ್ಧೀಶ್ಚನ್ದನೈಃ ಶುಭೈಃ ।
ಅನ್ನೈಶ್ಚ ಕುಙ್ಕುಮೈಶ್ಚೈವ ಫಲಾನಾಂ ಚ ರಸೈಸ್ತಥಾ ॥ ೩೧॥
ಗಙ್ಗಾಮ್ಬುಭಿಸ್ತತಃ ಕುರ್ಯಾತ್ವಾಸಿತೈಃ ಸಲಿಲೈಶ್ಶುಭೈಃ ।
ಸಮ್ಯಗುನ್ಮಾರ್ಜ್ಯ ವಸ್ತ್ರೈಶ್ಚ ಪೀತಾಮ್ಬರಮುಖೈಃ ಶಿವೈಃ ॥ ೩೨॥
ಆಚ್ಛಾದ್ಯ ಕಞ್ಚುಕೈಶ್ಚೈವಾಲಙ್ಕೃತ್ಯಾಭರಣೈಸ್ಸುಮೈಃ ।
ಶುದ್ಧಾನ್ನೈಃ ಪಾಯಸಾನ್ನೈಶ್ಚ ರಸಖಣ್ಡಾನ್ನೈಶ್ಚ ಭಕ್ಷ್ಯಕೈಃ ॥ ೩೩॥
ಗುಡಾನ್ನೇಃ ಪಾಯಸಾಪೂಪೈರ್ಮಾಷಾಪೂಪೈಶ್ಚ ಲೇಹ್ಯಕೈಃ ।
ಖಾದ್ಯೈಶ್ಚ ವಿವಿಧೈರನ್ನೈಃ ಚಿತ್ರಾನ್ನೈಶ್ಚ ವಿಶೇಷತಃ ॥ ೩೪॥
ಲಡ್ಡುಕೈರ್ಮೋದಕೈಶ್ಚಾಪಿ ಕರಮ್ಭೈಶ್ಚ ಶರಾವಕೈಃ ।
ಫಲೈಶ್ಚ ವಿವಿಧೈಶ್ಚಾಪಿ ಕುರ್ಯಾನ್ನೈವೇದ್ಯಮಾದರಾತ್ ॥ ೩೫॥
ಷೋಡಶೈರುಪಚಾರೈಶ್ಚ ಪೂಜಯೇಚ್ಛಿವಸುನ್ದರೀಮ್ ।
ಸುವಾಸಿನೀಃ ಕನ್ಯಕಾಶ್ಚ ವಸ್ತ್ರಾನ್ನೈಶ್ಚ ಪ್ರಪೂಜಯೇತ್ ॥ ೩೬॥
ಏಭಿರ್ನಾಮಭಿರೇವೈತಾಂ ಮೂರ್ತೇ ಯನ್ತ್ರೇ ಘಟೇಽಪಿ ವಾ ।
ಆವಾಹ್ಯಾಭ್ಯರ್ಚ್ಯಯೇದ್ದೇವೀಂ ಜಪೇದ್ವಾ ಸನ್ನಿಧೌ ಸ್ತುತಿಮ್ ॥ ೩೭॥
ಯಂ ಯಂ ಕಾಮಯತೇ ಶೀಘ್ರಂ ತಂ ತಂ ಪ್ರಾಪ್ನೋತ್ಯಸಂಶಯಃ ।
ವಿದ್ಯಾರ್ಥೀ ಲಭತೇ ವಿದ್ಯಾಂ ಪುತ್ರಾರ್ಥೀ ಪುತ್ರಮಾಪ್ನುಯಾತ್ ॥ ೩೮॥
ಕನ್ಯಾರ್ಥೀ ಲಭತೇ ಕನ್ಯಾಂ ಅಪ್ಸರಸ್ಸದೃಶೀಂ ಶಿವೇ ।
ಧನಾರ್ಥೀ ಲಭತೇ ಶೀಘ್ರಂ ಧನಂ ಭೂರಿ ಮಹೇಶ್ವರಿ ॥ ೩೯॥
ಶ್ರೀವಿದ್ಯೋಪಾಸ್ತಿಶೀಲಾನಾಮಾತ್ಮರಕ್ಷಾರ್ಥಮಾದರಾತ್ ।
ಶತ್ರುನಿರ್ಘಾತನಾರ್ಥಞ್ಚ ಸ್ವದಾಸಾನುಗ್ರಹಾಯ ಚ ॥ ೪೦॥
ಜಪ್ತವ್ಯಂ ಸತತಂ ಭದ್ರೇ ಶ್ರುತಿವದ್ವಾಗ್ಯತಶ್ಶುಚಿಃ ।
ಸರ್ವಮನ್ತ್ರಾಧಿಕಾರತ್ವಾತ್ ಶ್ರೀವಿದ್ಯೋಪಾಸಕಸ್ಯ ತು ॥ ೪೧॥
ಗುರುಂ ಸ್ವಯಂ ಜಪ್ಯಂ ವಿನಾ ಸುನ್ದರ್ಯೇವಾಸ್ಯ ದೇಶಿಕಾ ।
ತೇಷಾಮೇವ ವಿಧಿಃ ಪ್ರೋಕ್ತೋ ನಾನ್ಯೇಷಾಂ ಮೇನಕಾತ್ಮನ್ತೇ ॥ ೪೨॥
ಉಪದೇಶಾದೇವ ಚ ಗುರೋಃ ಜಪ್ತವ್ಯಂ ಶಿವಭಾಷಿತಮ್ ।
ಶ್ರೀಚಕ್ರಪುರಸಮಾಜಸ್ತ್ರಿಪುರಾತುಷ್ಟಿಕಾರಣಮ್ ॥ ೪೩॥
ತತ್ತ್ವಮಸ್ಯಾದಿವಾಕ್ಯಾರ್ಥಪರಬ್ರಹ್ಮಪದಪ್ರದಮ್ ।
ಶಿವಜ್ಞಾನಪ್ರದಂ ದೇವಿ ಶೀಘ್ರಸಿದ್ಧಿಕರಂ ಪರಮ್ ॥ ೪೪॥
ಶ್ರೌತಸ್ಮಾರ್ತಾದಿಕರ್ಮಾದೌ ಭಕ್ತ್ಯೇದಂ ಯೋ ಜಪೇತ್ಪ್ರಿಯೇ ।
ಅವಿಘ್ನೇನ ಚ ತತ್ಕರ್ಮ ಸಾಫಲ್ಯಂ ಚೈತಿ ನಿಶ್ಚಯಃ ॥ ೪೫॥
ಯುದ್ಧೇ ಪ್ರಯಾಣೇ ದುರ್ದ್ಧರ್ಷೇ ಸ್ವಪ್ನೇ ವಾತೇ ಜಲೇ ಭಯೇ ।
ಜಪ್ತವ್ಯಂ ಸತತಂ ಭದ್ರೇ ತತ್ತಚ್ಛಾನ್ತ್ಯೈ ಮಹೇಶ್ವರಿ ॥ ೪೬॥
ತತ್ತನ್ಮಾತೃಕಯಾ ಪುಸ್ತಂ ತ್ರಿತಾರೇಣ ಸಮನ್ವಿತಮ್ ।
ಸ್ತೋತ್ರಮೇತಜ್ಜಪೇದ್ದೇವೀಮರ್ಚಯೇಚ್ಚ ವಿಶೇಷತಃ ॥ ೪೭॥
ಸದಾ ತಸ್ಯ ಹೃದಮ್ಭೋಜೇ ಸುನ್ದರೀ ವಸತಿ ಧುವಮ್ ।
ಅಣಿಮಾದಿಮಹಾಸಿದ್ಧೀಃ ಲಭತೇ ನಾತ್ರ ಸಂಶಯಃ ॥ ೪೮॥
ಅಶ್ವಮೇಧಾದಿಭಿರ್ಯಜ್ಞೈಃ ಯತ್ಫಲಂ ತತ್ ಸುದುರ್ಲಭಮ್ ।
ಅಣಿಮಾದಿಮಮಹಾಸಿದ್ಧೀಃ ಲಭತೇ ನಾತ್ರ ಸಂಶಯಃ ॥ ೪೯॥
ಏಭಿರ್ನಾಮಭಿರೇವಂ ಯಃ ಕಾಲೀಂ ದುರ್ಗಾಞ್ಚ ಚಣ್ಡಿಕಾಮ್ ।
ಅರ್ಚಯೇತ್ಸತತಂ ಭಕ್ತ್ಯಾ ಯೇ ಸರ್ವಾನ್ಕಾಮಾಂಲ್ಲಭೇನ್ನರಃ ॥ ೫೦॥
ಸುನ್ದರೀಮೂರ್ತಿಭೇದಾಶ್ಚ ಕಾಲೀ ದುರ್ಗಾ ಚ ಚಣ್ಡಿಕಾ ॥ ೫೧॥
ಏಕೈವ ಶಕ್ತಿಃ ಪರಮೇಶ್ವರಸ್ಯ
ಭಿನ್ನಾ ಚತುರ್ಧಾ ವಿನಿಯೋಗಕಾಲೇ ।
ಭೋಗೇ ಭವಾನೀ ಪುರುಷೇಷು ವಿಷ್ಣುಃ
ಕೋಪೇಷು ಕಾಲೀ ಸಮರೇಷು ದುರ್ಗಾ ॥ ೫೨॥
ಏಕಾ ಶಕ್ತಿಶ್ಚ ಶಮ್ಭೋರ್ವಿನಿಮಯನವಿಧೌ ಸಾ ಚತುರ್ಧಾ ವಿಭಿನ್ನಾ
ಕ್ರೋಧೇ ಕಾಲೀ ವಿಜಾತಾಚ ಸಮರಸಮಯೇ ಸಾ ಚ ಚಣ್ಡೀ ಚ ದುರ್ಗಾ ।
ಭೋಗೇ ಸೃಷ್ಟೌ ನಿಯೋಗೇ ಚ ಸಕಲಜಗತಾಂ ಸಾ ಭವಾನೀ ಚ ಜಾತಾ
ಸರ್ವೇಷಾಂ ರಕ್ಷಣಾನುಗ್ರಹಕರಣವಿಧೌ ತಸ್ಯ ವಿಷ್ಣುರ್ಭವೇತ್ಸಾ ॥ ೫೨॥
ಸಮ್ಪ್ರಯಚ್ಛತಿ ತಸ್ಯೇಷ್ಟಮಚಿರಾದೇವ ಸುನ್ದರೀ ।
ಸ್ತೋತ್ರರತ್ನಮಿದಂ ಭದ್ರೇ ಸದಾ ನಿಷ್ಕಾಮನಾಯುತಃ ॥ ೫೩॥
ಯೋ ಜಪೇನ್ಮಾಮಕಂ ಧಾಮ ಬ್ರಹ್ಮವಿಷ್ಣ್ವಾದಿದುರ್ಲಭಮ್ ।
ಸತ್ಯಜ್ಞಾನಮನನ್ತಾಖ್ಯಂ ಬ್ರಾಹ್ಮಂ ಕೈವಲ್ಯಸಞ್ಜ್ಞಕಮ್ ॥ ೫೪॥
ಭವಾಬ್ಧಿತಾರಕಂ ಸೋಽಪಿ ಪ್ರಾಪ್ನೋತಿ ಮದನುಗ್ರಹಾತ್ ।
ಚಿತ್ಸಭಾಯಾಂ ನೃತ್ಯಮಾನನಟರಾಜಸ್ಯ ಸಾಕ್ಷಿಣೀ ॥ ೫೫॥
ತಸ್ಯೈವ ಮಹಿಷೀ ನಾಮ್ರಾ ಶಿವಕಾಮಾ ಚ ಸುನ್ದರೀ ।
ಸಾ ಪರಬ್ರಹ್ಮಮಹಿಷೀ ಸದಾನನ್ದಾ ಶುಭಪ್ರದಾ ॥ ೫೬॥
ಶಿವಕಾಮಸುನ್ದರೀನಾಮ್ನಾಂ ಸಹಸ್ರಂ ಪ್ರೋಕ್ತಮಮ್ಬಿಕೇ ।
ಏತಸ್ಯ ಸದೃಶಂ ಸ್ತೋತ್ರಂ ನಾಸ್ತಿ ನಾಸ್ತಿ ಜಗತ್ತ್ರಯೇ ॥ ೫೭॥
ಸತ್ಯಂ ಸತ್ಯಂ ಪುನಸ್ಸತ್ಯಂ ತ್ವಾಂ ಶಪೇಽಹಂ ವದಾಮಿ ತೇ ।
ನಾಸ್ತಿಕಾಯ ಕೃತಘ್ನಾಯ ವಿಪ್ರದ್ವೇಷಪರಾಯ ಚ ॥ ೫೮॥
ನ ದೇಯಂ ವೇದವಿಪ್ರರ್ಷಿಭಕ್ತಿಯುಕ್ತಾಯ ಶಾಮ್ಭವಿ ।
ದೇಯಂ ತ್ರಿಪುರವಿದ್ಯೇಶೀತ್ಯಥರ್ವಶ್ರುತಿ ಚೋದಿತಮ್ ॥ ೫೯॥
ವಿಸ್ತೃತೇನ ಕಿಮನ್ಯಚ್ಚ ಶ್ರೋತುಕಾಮಾಸಿ ಸುನ್ದರಿ ।
ಇತಿ ನಿಗದಿತವನ್ತಂ ರಾಜತೇ ಪರ್ವತೇಽಸ್ಮಿನ್
ನವಮಣಿಗಣಪೀಠೇ ಸಂಸ್ಥಿತಂ ದೇವಮೀಶಮ್ ।
ಮುಹುರಪಿ ಕೃತನಮ್ರಾ ಭಕ್ತಿನಮ್ರಾ ಭವಾನೀ
ಕರಯುಗಸರಸಿಜೇನಾಲಿಲಿಙ್ಗಾತಿಗಾಢಮ್ ॥ ೬೦॥
ಇತಿ ಶ್ರೀಭೃಙ್ಗಿರಿಟಿಸಂಹಿತಾಯಾಂ ಶಕ್ತ್ಯುತ್ಕರ್ಷಪ್ರಕರಣೇ ಶಿವಗೌರೀಸಂವಾದೇ
ಶ್ರೀಶಿವಕಾಮಸುನ್ದರೀಸಹಸ್ರನಾಮಸ್ತೋತ್ರೋತ್ತರಪೀಠಿಕಾ ಸಮ್ಪೂರ್ಣಾ ॥
॥ ಶಿವಮಸ್ತು ॥
Proofread by DPD
Please send corrections to sanskrit@cheerful.com
Last updated ತ್oday
http://sanskritdocuments.org
॥ ಪೂರ್ವಪೀಠಿಕಾ ॥
ಯಸ್ಯಾಸ್ಸರ್ವಂ ಸಮುತ್ಪನ್ನಂ ಚರಾಚರಮಿದಂ ಜಗತ್ ।
ಇದಂ ನಮೋ ನಟೇಶಾನ್ಯೈ ತಸ್ಯೈ ಕಾರುಣ್ಯಮೂರ್ತಯೇ ॥
ಕೈಲಾಸಾದ್ರೌ ಸುಖಾಸೀನಂ ಶಿವಂ ವೇದಾನ್ತಗೋಚರಮ್ ।
ಸರ್ವವಿದ್ಯೇಶ್ವರಂ ಭೂತಿರುದ್ರಾಕ್ಷಾಲಙ್ಕೃತಂ ಪರಮ್ ॥ ೧॥
ಸರ್ವಲಕ್ಷಣಸಮ್ಪನ್ನಂ ಸನಕಾದಿಮುನೀಡಿತಮ್ ।
ಸಂಸಾರಾರಣ್ಯದಾವಾಗ್ನಿಂ ಯೋಗಿರಾಜಂ ಯತೇನ್ದ್ರಿಯಮ್ ॥ ೨॥
ಮುಕುಟೇನ್ದುಸುಧಾಪೂರಲಬ್ಧಜೀವಕಶೀರ್ಷಕಮ್ ।
ವ್ಯಾಘ್ರಚರ್ಮಾಮ್ಬರಧರಂ ನೀಲಕಣ್ಠಂ ಕಪರ್ದಿನಮ್ ॥ ೩॥
ಸವ್ಯಹಸ್ತೇ ವಹ್ನಿಧರಂ ಮನ್ದಸ್ಮಿತಮುಖಾಮ್ಬುಜಮ್ ।
ಢಕ್ಕಾಂ ಚ ದಕ್ಷಿಣೇ ಹಸ್ತೇ ವಹನ್ತಂ ಚ ತ್ರಿಲೋಚನಮ್ ॥ ೪॥
ಅಭಯಂ ದಕ್ಷಹಸ್ತೇನ ದರ್ಶಯನ್ತಂ ಮನೋಹರಮ್ ।
ಡೋಲಹಸ್ತೇನ ವಾಮೇನ ದರ್ಶಯನ್ತಂ ಪದಾಮ್ಬುಜಮ್ ॥ ೫॥
ಕುಚಿತಂ ದಕ್ಷಪಾದೇನ ತಿಷ್ಠನ್ತಂ ಮುಸಲೋಪರಿ ।
ಬ್ರಹ್ಮವಿಷ್ಣ್ವಾದಿವಿನುತಂ ವೇದವೇದ್ಯಂ ನಟೇಶ್ವರಮ್ ॥ ೬॥
ಪ್ರಣಮ್ಯ ಪಾರ್ವತೀ ಗೌರೀ ಪಪ್ರಚ್ಛ ಮುದಿತಾನನಾ ।
ಸರ್ವಲಕ್ಷಣಸಮ್ಪನ್ನಾ ಸರ್ವದಾ ಸರ್ವದಾ ನೃಣಾಮ್ ॥ ೭॥
ಪಾರ್ವತ್ಯುವಾಚ -
ಶಿವ! ಶಙ್ಕರ! ವಿಶ್ವೇಶ! ಮಹಾದೇವ! ದಯಾನಿಧೇ!
ಸರ್ವಾಸಾಂ ಚೈವ ದೇವೀನಾಂ ನಾಮಸಾಹಸ್ರಮುತ್ತಮಮ್ ॥ ೮॥
ಪುರಾ ಪ್ರೋಕ್ತಂ ಸದಾನನ್ದ ! ಮಹ್ಯಂ ಶ್ರೀಪತಿಪೂಜಿತ ! ।
ಶಿವಕಾಮಸುನ್ದರೀನಾಮ್ನಾಂ ಸಹಸ್ರಂ ವದ ಸುನ್ದರ! ॥ ೯॥
ಸದ್ಯಸ್ಸಮ್ಪತ್ಕರಂ ಪುಣ್ಯಂ ಸರ್ವಪಾಪಪ್ರಣಾಶನಮ್ ।
ಇತ್ಯುಕ್ತ್ವಾ ಪಾರ್ವತೀ ದೇವೀ ತುಷ್ಟಾವ ನಟನೇಶ್ವರಮ್ ॥ ೧೦॥
ಸತ್ಯಪ್ರಬೋಧಸುಖಸನ್ತತಿರೂಪ ವಿಶ್ವ -
ಮಾಯೇನ್ದ್ರಜಾಲಿಕವರೇಣ್ಯ ಸಮಸ್ತಸಾಕ್ಷಿನ್ ।
ಸೃಷ್ಟಿಸ್ಥಿತಿಪ್ರಲಯಹೇತುಕವಿಷ್ಣುರುದ್ರ
ಶ್ರೀಮನ್ನಟೇಶ ಮಮ ದೇಹಿ ಕರಾವಲಮ್ಬಮ್ ॥ ೧೧॥
ಭೂವಾರಿವಹ್ನಿಪವನಾಮ್ಬರಚನ್ದ್ರಸೂರ್ಯ -
ಯಜ್ವಾಷ್ಟಮೂರ್ತಿವಿಮಲೀಕೃತವಿಗ್ರಹೇದಶ ।
ಸ್ವಾಙ್ಘ್ರ್ಯಮ್ಬುಜದ್ವಯನಿಷಸ್ತಹೃದಾಂ ಪ್ರಸನ್ನ !
ಶ್ರೀಮನ್ನಟೇಶ ಮಮ ದೇಹಿ ಕರಾವಲಮ್ಬಮ್ ॥ ೧೨॥
ಲಿಙ್ಗಾಕೃತೇ ಪಶುಪತೇ ಗಿರಿಜಾಪತೇ ತ್ವಂ
ನಾರಾಯಣೇಶ ಗಿರಿವಾಸ ವಿಧೀಶ ಶಮ್ಭೋ
ಫಾಲಾಕ್ಷ ಶಙ್ಕರ! ಮಹೇಶ್ವರ ಮನ್ಮಥಾರೇ
ಶ್ರೀಮನ್ನಟೇಶ ಮಮ ದೇಹಿ ಕರಾವಲಮ್ಬಮ್ ॥ ೧೩॥
ಶ್ರೀನೀಲಕಣ್ಠ ಶಮನಾನ್ತಕ ಪಞ್ಚವಕ್ತ್ರ
ಪಞ್ಚಾಕ್ಷರಪ್ರಿಯ ಪರಾತ್ಪರ! ವಿಶ್ವವನ್ದ್ಯ ।
ಶ್ರೀಚನ್ದ್ರಚೂಡ ಗಜವಕ್ತ್ರಪಿತಃ ಪರೇಶ
ಶ್ರೀಮನ್ನಟೇಶ ಮಮ ದೇಹಿ ಕರಾವಲಮ್ಬಮ್ ॥ ೧೪॥
ಗಙ್ಗಾಧರ ಪ್ರಮಥನಾಥ ಸದಾಶಿವಾರ್ಯಾ -
ಜಾನೇ! ಜಲನ್ಧರರಿಪೋ ಜಗತಾಮಧೀಶ ।
ಶರ್ವೋಗ್ರ ಭರ್ಗ ಮೃಡ ಶಾಶ್ವತ! ಶೂಲಪಾಣೇ
ಶ್ರೀಮನ್ನಟೇಶ ಮಮ ದೇಹಿ ಕರಾವಲಮ್ಬಮ್ ॥ ೧೫॥
ಸ್ಥಾಣೋ ತ್ರಿಣೇತ್ರ ಶಿಪಿವಿಷ್ಟ! ಮಹೇಶ! ತಾತ
ನಾರಾಯಣಪ್ರಿಯ ಕುಮಾರಗುರೋ ಕಪರ್ದಿನ್ ।
ಶಮ್ಭೋ! ಗಿರೀಶ! ಶಿವ ಲೋಕಪತೇ! ಪಿನಾಕಿನ್
ಶ್ರೀಮನ್ನಟೇಶ ಮಮ ದೇಹಿ ಕರಾವಲಮ್ಬಮ್ ॥ ೧೬॥
ಖಙ್ಗಾಙ್ಗಿನ್ ಅನ್ಧಕರಿಪೋ ಭವ ಭೀಮ ರುದ್ರ
ದೇವೇಶ! ಖಣ್ಡಪರಶೋ! ಕರುಣಾಮ್ಬುರಾಶೇ ।
ಭಸ್ಮಾಙ್ಗರಾಗ ಪರಮೇಶ್ವರ! ವಿಶ್ವಮೂರ್ತೇ
ಶ್ರೀಮನ್ನಟೇಶ ದೇಹಿ ಕರಾವಲಮ್ಬಮ್ ॥ ೧೭॥
ವಿಶ್ವೇಶ್ವರಾತ್ಮಕ ವಿವೇಕಸುಖಾಭಿರಾಮ
ಶ್ರೀವೀರಭದ್ರ! ಮಖಹನ್ತರುಮಾಸಹಾಯ ।
ವೀರೇಶ್ವರೈಣಕರ ಶುಭ್ರವೃಷಾಧಿರೂಢ
ಶ್ರೀಮನ್ನಟೇಶ ಮಮ ದೇಹಿ ಕರಾವಲಮ್ಬಮ್ ॥ ೧೮॥
ಏವಂ ಸ್ತುತ್ವಾ ಮಹಾದೇವೀ ಪಞ್ಚಾಙ್ಗಂ ಪ್ರಣನಾಮ ಹ ।
ತತಸ್ತುಷ್ಟೋ ನಟೇಶಶ್ಚ ಪ್ರೋವಾಚ ವಚನಂ ಶುಭಮ್ ॥ ೧೯॥
ಏವಮೇವ ಪುರಾ ದೇವೀ ಮಹಾಲಕ್ಷ್ಮೀಃ ಪತಿವ್ರತಾ ।
ಶಙ್ಖಚಕ್ರಗದಾಪಾಣಿಃ ಸರ್ವಲೋಕಹಿತಾವಹಃ ॥ ೨೦॥
ಧರ್ಮಸಂಸ್ಥಾಪನಾರ್ಥಾಯಾವತಾರಾನ್ಯುಗೇ ಯುಗೇ ।
ಕರಿಷ್ಯತಿ ಮಹಾ ವಿಷ್ಣುಃ ಮಮ ಭರ್ತಾ ದಶ ಶೃಣು ॥ ೨೧॥
ಮತ್ಸ್ಯಃ ಕೂರ್ಮೋ ವರಾಹಶ್ಚ ನಾರಸಿಂಹೋಽಥ ವಾಮನಃ ।
ರಾಮೋ ದಾಶರಥಿಶ್ಚೈವ ರಾಮಃ ಪರಶುಧಾರಕಃ ॥ ೨೨॥
ಹಲಭೃತ್ ಬಲರಾಮಶ್ಚ ಕೃಷ್ಣಃ ಕಲ್ಕಿಃ ದಶ ಸ್ಮೃತಾಃ ।
ಅವತಾರೇಷು ದಶಸು ಮದ್ಭರ್ತುರ್ನಾಶಶಙ್ಕಯಾ ॥ ೨೩॥
ಪ್ರಾಪ್ತಾ ಭವನ್ತ ಶರಣಂ ಭವಾನೇವ ಪರಾ ಗತಿಃ ।
ಇತ್ಯುಕ್ತ್ವಾ ಚ ಮಹಾಲಕ್ಷ್ಮೀರ್ಭಸ್ತಾನಾಮಿಷ್ಟದಾಯಕಮ್ ॥ ೨೪॥
ವೇದಪಾದಸ್ತವಂ ಚಾರು ಮಧುರಂ ಮಧುರಾಕ್ಷರಮ್ ।
ಉಕ್ತ್ವಾ ತುಷ್ಟಾವ ಮುದಿತಾ ನಟೇಶಾನಂ ಮಹೇಶ್ವರಮ್ ॥ ೨೫॥
ವಿಘ್ನೇಶ್ವರಂ ವೀತವಿರಾಗಸೇವಿತಮ್
ವಿಧೀನ್ದ್ರವಿಷ್ಣ್ವಾದಿನತಾಙ್ಘ್ರಿಪಙ್ಕಜಮ್ ।
ಸಭಾಸದಾಮಾಶು ಸುಖಾರ್ಥಸಿದ್ಧಿದಂ
ಗಣಾನಾಂ ತ್ವಾಂ ಗಣಪತಿಂ ಹವಾಮಹೇ ॥ ೨೬॥
ನಗೇನ್ದ್ರತನಯಾರಮ್ಯಸ್ತನ್ಯಪಾನರತಾನನಮ್ ।
ಮಾಣಿಕ್ಯಕುಣ್ಡಲಧರಂ ಕುಮಾರಂ ಪುಷ್ಕರಸ್ರಜಮ್ ॥ ೨೭॥
ನಮಃ ಶಿವಾಯ ಸಾಮ್ಬಾಯ ಸಗಣಾಯ ಸಸೂನವೇ ।
ನಮೋ ಜ್ಞಾನಸಭೇಶಾಯ ದಿಶಾಂ ಚ ಪತಯೇನಮಃ ॥ ೨೮॥
ನಮೋ ಬ್ರಹ್ಮಾದಿದೇವಾಯ ವಿಷ್ಣುಕಾನ್ತಾಯ ಶಮ್ಭವೇ ।
ಪೀತಾಮ್ಬರಾಯ ಚ ನಮಃ ಪಶುನಾಂ ಪತಯೇ ನಮಃ ॥ ೨೯॥
ಸನ್ಮಾರ್ಗದಾಯ ಶಿಷ್ಟಾನಾಮಾಶ್ರಿತಾನಾಂ ದ್ವಿಜನ್ಮನಾಮ್ ।
ಅಭಕ್ತಾನಾಂ ಮೋಹದಾತ್ರೇ ಪಥೀನಾಂ ಪತಯೇ ನಮಃ ॥ ೩೦॥
ಅಪಸ್ಮಾರಮಧಃ ಕೃತ್ಯ ನೃತ್ಯನ್ತಂ ತಸ್ಯ ಪೃಷ್ಠಕೇ ।
ಸರ್ವಾಭರಣರಮ್ಯಂ ತಂ ಪಶ್ಯೇಮ ಶರದಶ್ಶತಮ್ ॥ ೩೧॥
ಸುನ್ದರಂ ಸ್ಮೇರವದನಂ ನಟರಾಜಮುಮಾಪತಿಮ್ ।
ಸಮ್ಪೂಜ್ಯ ನೃತ್ಯಪಾದಂ ತೇ ಜೀವೇಮ ಶರದಶ್ಶತಮ್ ॥ ೩೨॥
ಕುಭೀನ್ದ್ರದೈತ್ಯಂ ಹತವಾನಿತಿ ಶಮ್ಭುರ್ಜಗತ್ಪತಿಃ ।
ಶ್ರುತ್ವಾ ತೇ ಕೀರ್ತಿಮಮಲಾಂ ನನ್ದಾಮ ಶರದಶ್ಶತಮ್ ॥ ೩೩॥
ಮನ್ಮಥಾನ್ಧಕಸಂಹಾರಕಥಾಶ್ರುತಿಮನೋಹರಮ್ ।
ಶ್ರುತ್ವಾ ತೇ ವಿಕ್ರಮಯುತಂ ಮೋದಾಮ ಶರದಶ್ಶತಮ್ ॥ ೩೪॥
ಸರ್ವದುಃಖಾನ್ವಿಹಾಯಾಶು ಶಿವ ತೇಽಙ್ಘ್ರಿಯುಗಾಮ್ಬುಜಮ್ ।
ಅರ್ಚಯನ್ತಃ ಸದಾ ಧನ್ಯಾ ಭವಾಮ ಶರದಶ್ಶತಮ್ ॥ ೩೫॥
ತ್ವತ್ಕೀರ್ತನಂ ಸದಾ ಭಕ್ತ್ಯಾ ಸರ್ವಕಲ್ಮಷನಾಶನಮ್ ।
ಶಙ್ಕರಾಘಹರ ಸ್ವಾಮಿನ್ ಶೃಣವಾಮ ಶರದಶ್ಶತಮ್ ॥ ೩೬॥
ತ್ವಚ್ಚರಿತ್ರಂ ಪವಿತ್ರಂ ಚ ಸರ್ವದಾರಿದ್ರ್ಯನಾಶನಮ್ ।
ಅಸ್ಮತ್ಪುತ್ರಪ್ರಣಪ್ತೄಣಾಂ ಪ್ರಬ್ರವಾಮ ಶರದಶ್ಶತಮ್ ॥ ೩೭॥
ತ್ವದ್ಭಕ್ತಕಲ್ಪಕತರುಮಾಶ್ರಯನ್ತಸ್ಸದಾ ವಯಮ್ ।
ಇನ್ದ್ರಿಯಾಘೌಘನಿಚಯೈರಜೀತಾಸ್ಸ್ಯಾಮ ಶರದಶ್ಶತಮ್ ॥ ೩೮॥
ಏವಂ ಸ್ತುತ್ವಾ ಮಹಾದೇವೀ ಮಹಾಲಕ್ಷ್ಮೀರ್ಮನೋಹರಾ ।
ಪ್ರಣಮ್ಯ ಚಿತ್ಸಭಾನಾಥಂ ತಿಷ್ಠನ್ತೀ ಮುದಿತಾನನಾ ॥ ೩೯॥
ಮನ್ಮಾಙ್ಗಲ್ಯಸ್ಯ ರಕ್ಷಾಯೈ ಮನ್ತ್ರಮೇಕಂ ಮಮಾದಿಶ ।
ತಾಂ ದೃಷ್ಟ್ವಾ ಚ ಮಹಾದೇವಃ ಪ್ರಹಸನ್ನಿದಮಬ್ರವೀತ್ ॥ ೪೦॥
ತ್ವಂ ಶೀಘ್ರಂ ಗಚ್ಛ ದೇವೇಶೀಂ ಶಿವಕಾಮಾಂ ಚ ಸುನ್ದರೀಮ್ ।
ತತ್ರ ಗತ್ವಾ ಮಹೇಶಾನೀಂ ಪೂಜಯ ತ್ವಂ ವಿಶೇಷತಃ ॥ ೪೧॥
ಸಹಸ್ರಕುಸುಮೈಃ ಪದ್ಮೈಃ ನೈವೇದ್ಯೈಶ್ಚ ಮನೋಹರೈಃ ।
ಇತ್ಯುಕ್ತ್ವಾ ಪರಮಪ್ರೀತೋ ಭಗವಾನ್ಭಕ್ತವತ್ಸಲಃ ॥ ೪೨॥
ಶಿವಕಾಮಸುನ್ದರೀನಾಮ್ನಾಂ ಸಹಸ್ರಂ ಪ್ರಜಗಾದ ಹ ।
ಉಪದಿಶ್ಯ ಚ ತಾಂ ದೇವೀಂ ಪ್ರೇಷಯಾಮಾಸ ಶಙ್ಕರಃ ॥ ೪೩॥
ಲಕ್ಷ್ಮೀರ್ಗತ್ವಾ ಮಹೇಶಾನೀಂ ಶಿವಕಾಮೀಂ ಮುದಾನ್ವಿತಾ ।
ಶಿವೋಕ್ತೇನ ಪ್ರಕಾರೇಣ ಸಹಸ್ರೈಃ ಪಙ್ಕಜೈಃ ಕ್ರಮಾತ್ ॥ ೪೪॥
ನಾಮಭಿಶ್ಚ ತ್ರಿತಾರೈಶ್ಚ ಯುಕ್ತ್ವೈಶ್ಚ ಸುಮಹತ್ತರೈಃ ।
ಪೂಜಯಾಮಾಸ ವಿಧಿವತ್ ಶಿವಾಚಿನ್ತನತತ್ಪರಾ ॥ ೪೫॥
ತದಾ ಶಿವಃ ಶೋಧನಾಯ ತಸ್ಯಾಃ ಚಿತ್ತಂ ಜಗತ್ಪ್ರಭುಃ ।
ಆನೀತೇಷು ಚ ಪದ್ಮೇಷು ನ್ಯೂನಮೇಕಂ ಚಕಾರ ಹಿ ॥ ೪೬॥
ಅತೀವ ದುಃಖಿತಾಲಕ್ಷ್ಮೀಃ ಪೂರ್ತಿಕಾಮೇಚ್ಛಯಾ ಸ್ವಯಮ್ ।
ಅಭಾವಪುಷ್ಪಸಮ್ಪೂರ್ತ್ಯೈ ನೇತ್ರಮುತ್ಪಾಟ್ಯ ವಾಮಕಮ್ ॥ ೪೭॥
ಅರ್ಚಯಾಮಾಸ ಲಕ್ಷ್ಮೀಶ್ಚ ಭಕ್ತ್ಯಾ ಪರಮಯಾ ಯುತಾ ।
ದೃಷ್ಟೇವದಂ ಸುನ್ದರೀದೇವೀ ಶಿವಕಾಮಮನೋಹರೀ ॥ ೪೮॥
ಪೂರ್ವಸ್ಮಾದಪಿ ಸೌನ್ದರ್ಯಂ ನೇತ್ರಂ ದತ್ವಾಽತಿಹರ್ಷತಃ ।
ತುಷ್ಟಾಽಹಮಿಷ್ಟಂ ವ್ರಿಯತಾಂ ವರಮಿತ್ಯಾಹ ಶಙ್ಕರೀ ॥ ೪೯॥
ತದಾ ವವ್ರೇ ಮಹಾಲಕ್ಷ್ಮೀಃ ಸರ್ವಲೋಕಪ್ರಿಯಙ್ಕರಮ್ ।
ಸೌಮಙ್ಗಲ್ಯಂ ಕುರು ಮಮ ದೀರ್ಘಂ ಚ ಭವತು ಧುವಮ್ ।
ತಥಾ ಭವತು ಭದ್ರಂ ತೇ ವಿಷ್ಣುಂ ಗಚ್ಛ ಯಥಾಸುಖಮ್ ॥ ೫೦॥
ಇತ್ಯುಕ್ತ್ವಾಽನ್ತರ್ದಧೇ ದೇವೀ ಶಿವಕಾಮೀ ಮಹೇಶ್ವರೀ ।
ಲಕ್ಷ್ಮೀಶ್ಚ ವಿಷ್ಣುಂ ಗತ್ವಾಽಥ ಯಥಾಪೂರ್ವಂ ಸ್ಥಿತೋರಸಿ ॥ ೫೧॥
ತಾದೃಶಂ ನಾಮಸಾಹಸ್ರಂ ಶಿವಕಾಮ್ಯಾಃ ಮನೋಹರಮ್ ।
ವದಾಮಿ ಶೃಣು ಹೇ ದೇವೀನಾಮಸಾಹಸ್ರಮುತ್ತಮಮ್ ॥ ೫೨॥
ಋಷಿಃ ಛನ್ದೋ ದೇವತಾ ಚ ಬೀಜಂ ಶಕ್ತಿಶ್ಚ ಕೀಲಕಮ್ ।
ಕರಾಙ್ಗನ್ಯಾಸಕೌ ಪೂರ್ವಂ ಸುರಹಸ್ಯಂ ಮಹೇಶ್ವರಿ ॥ ೫೩॥
ನಾಮ್ನಾಂ ತ್ರಿಪುರಸುನ್ದರ್ಯಾಃ ಯತ್ಪ್ರೋಸ್ತಂ ತದ್ವದೇವ ಹಿ ।
ಶಿವಕಾಮಸುನ್ದರೀಪ್ರೀತ್ಯೈ ವಿನಿಯೋಗೋ ಜಪೇ ಸ್ಮೃತಃ ॥ ೫೪॥
ದಿಗ್ಬನ್ಧಂ ತತೋ ಧ್ಯಾಯೇತ್ ಶಿವಕಾಮೀಂ ಮಹೇಶ್ವರೀಮ್ ।
ತತಶ್ಚ ಪಞ್ಚಪೂಜಾ ಚ ಕರ್ತವ್ಯಾ ಮನುಜಾಪಿನಾ ॥ ೫೫॥
ತತಃ ಪರಂ ಸ್ತೋತ್ರಮೇತಜ್ಜಪ್ತವ್ಯಂ ಭದ್ರಕಾಮಿನಾ ।
ಸ್ತೋತ್ರಾನ್ತೇ ಚ ಪ್ರಕರ್ತವ್ಯಮಙ್ಗನ್ಯಾಸಂ ಚ ಪೂರ್ವವತ್ತ್ ॥ ೫೬॥
ಕೃತ್ವಾ ಚ ದಿಗ್ವಿಮೋಕಂ ಚ ತತೋಧ್ಯಾಯೇಚ್ಚ ಸುನ್ದರೀಮ್ ।
ಲಮಿತ್ಯಾದಿಮಮನ್ತ್ರೈಶ್ಚ ಪಞ್ಚಪೂಜಾಂ ಚ ಸಂವದೇತ್ ॥ ೫೭॥
ಓಂ ಅಸ್ಯ ಶ್ರೀ ಶಿವಕಾಮಸುನ್ದರೀಸಹಸ್ರನಾಮಸ್ತೋತ್ರಮಹಾ
ಮನ್ತ್ರಸ್ಯ । ಆನನ್ದಭೈರವದಕ್ಷಿಣಾಮೂರ್ತಿಃ ಋಷಿಃ । ದೇವೀ ಗಾಯತ್ರೀ
ಛನ್ದಃ । ಶ್ರೀಶಿವಕಾಮಸುನ್ದರೀ ದೇವತಾ । ಬೀಜಂ ಶಕ್ತಿಃ ಕೀಲಕಂ
ಕರಾಙ್ಗನ್ಯಾಸೌ ಚ ಶ್ರೀಮಹಾತ್ರಿಪುರಸುನ್ದರೀಮಹಾಮನ್ತ್ರವತ್ ।
॥ ಧ್ಯಾನಮ್ ॥
ಪದ್ಮಸ್ಥಾಂ ಕನಕಪ್ರಭಾಂ ಪರಿಲಸತ್ಪದ್ಮಾಕ್ಷಿಯುಗ್ಮೋತ್ಪಲಾಮ್
ಅಕ್ಷಸ್ರಕ್ಷುಕಶಾರಿಕಾಕಟಿಲಸತ್ ಕಲ್ಹಾರ ಹಸ್ತಾಬ್ಜಿನೀಮ್ ।
ರಕ್ತಸ್ರಕ್ಸುವಿಲೇಪನಾಮ್ಬರಧರಾಂ ರಾಜೀವನೇತ್ರಾರ್ಚಿತಾಂ
ಧ್ಯಾಯೇತ್ ಶ್ರೀಶಿವಕಾಮಕೋಷ್ಠನಿಲಯಾಂ ನೃತ್ತೇಶ್ವರಸ್ಯ ಪ್ರಿಯಾಮ್ ॥
ಮುಕ್ತಾಕುನ್ದೇನ್ದುಗೌರಾಂ ಮಣಿಮಯಮಕುಟಾಂ ರತ್ನತಾಣ್ಟಙ್ಕಯುಕ್ತಾಂ
ಅಕ್ಷಸ್ರಕ್ಪುಷ್ಪಹಸ್ತಾ ಸಶುಕಕಟಿಕರಾಂ ಚನ್ದ್ರಚೂಡಾಂ ತ್ರಿನೇತ್ರೀಮ್ ।
ನಾನಾಲಙ್ಕಾರಯುಕ್ತಾಂ ಸುರಮಕುಟಮಣಿದ್ಯೋತಿತ ಸ್ವರ್ಣಪೀಠಾಂ
ಯಾಸಾಪದ್ಮಾಸನಸ್ಥಾಂ ಶಿವಪದಸಹಿತಾಂ ಸುನ್ದರೀಂ ಚಿನ್ತಯಾಮಿ ॥
ರತ್ನತಾಟಙ್ಕಸಂಯುಕ್ತಾಂ ಸುವರ್ಣಕವಚಾನ್ವಿತಾಮ್ ।
ದಕ್ಷಿಣೋರ್ಧ್ವಕರಾಗ್ರೇಣ ಸ್ವರ್ಣಮಾಲಾಧರಾಂ ಶುಭಾಮ್ ॥
ದಕ್ಷಾಧಃ ಕರಪದ್ಮೇನ ಪುಲ್ಲಕಲ್ಹಾರ ಧಾರಿಣೀಮ್ ।
ವಾಮೇನೋಏಧ್ವಕರಾಬ್ಜೇನ ಶುಕಾರ್ಭಕಧರಾಂ ವರಾಮ್ ।
ಕಟಿದೇಶೇ ವಾಮಹಸ್ತಂ ನ್ಯಸ್ಯನ್ತೀಂ ಚ ಸುದರ್ಶನಾಮ್ ॥
ಶಿವಕಾಮಸುನ್ದರೀಂ ನೌಮಿ ಪ್ರಸನ್ನವದನಾಂ ಶಿವಾಮ್ ।
ಲಮಿತ್ಪಾದಿಪಞ್ಚಪೂಜಾ ॥
॥ ಶ್ರೀ ಶಿವಕಾಮಸುನ್ದರೀಸಹಸ್ರನಾಮಸ್ತೋತ್ರಮ್ ॥
ಓಂ ಐಂ ಹ್ರೀಂ ಶ್ರೀಂ ಅಂ - ೧॥
ಅಗಣ್ಯಾಽಗಣ್ಯಮಹಿಮಾಽಸುರಪ್ರೇತಾಸನಸ್ಥಿತಾ ।
ಅಜರಾಽಮೃತ್ಯುಜನನಾಽಪ್ಯಕಾಲಾನ್ತಕ ಭೀಕರಾ ॥ ೧॥
ಅಜಾಽಜಾಂಶಸಮುದ್ಭೂತಾಽಮರಾಲೀವೃತಗೋಪುರಾ ।
ಅತ್ಯುಗ್ರಾಜಿನಟಚ್ಛತ್ರುಕಬನ್ಧಾನೇಕಕೋಟಿಕಾ ॥ ೨॥
ಅದ್ರಿದುರ್ಗಾಽಣಿಮಾಸಿದ್ಧಿದಾಪಿತೇಷ್ಟಾಮರಾವಲಿಃ ।
ಅನನ್ತಾಽನನ್ಯಸುಲಭಪ್ರಿಯಾಽದ್ಭುತವಿಭೂಷಣಾ ॥ ೩॥
ಅನೂರುಕರಸಙ್ಕಾಶಾಽಖಣ್ಡಾನನ್ದಸ್ವರೂಪಿಣೀ ।
ಅನ್ಧೀಕೃತದ್ವಿಜಾರಾತಿನೇತ್ರಾಽತ್ಯುಗ್ರಾಟ್ಟಹಾಸಿನೀ ॥ ೪॥
ಅನ್ನಪೂರ್ಣಾಽಪರಾಽಲಕ್ಷ್ಯಾಽಮ್ಬಿಕಾಽಘವಿನಾಶಿನೀ ।
ಅಪಾರಕರುಣಾಪೂರನಿಭರೇಖಾಂ ಜನಾಕ್ಷಿಣೀ ॥ ೫॥
ಅಮೃತಾಮ್ಭೋಧಿಮಧ್ಯಸ್ಥಾಽಣಿಮಾಸಿದ್ಧಿಮುಖಾಶ್ರಿತಾ ।
ಅರವಿನ್ದಾಕ್ಷಮಾಲಾಲಿಪಾತ್ರಶೂಲಧರಾಽನಘಾ ॥ ೬॥
ಅಶ್ವಮೇಧಮಖಾವಾಪ್ತಹವಿಃಪುಜಕೃತಾದರಾ ।
ಅಶ್ವಸೇನಾವೃತಾಽನೇಕಪಾರೂಢಾಽಪ್ಯಗಜನ್ಮಭೂಃ ॥ ೭॥
ಓಂ ಐಂ ಹ್ರೀಂ ಶ್ರೀಂ ಆಂ - ೨॥
ಆಕಾಶವಿಗ್ರಹಾಽಽನನ್ದದಾತ್ರೀ ಚಾಜ್ಞಾಬ್ಜಭಾಸುರಾ ।
ಆಚಾರತತ್ಪರಸ್ವಾನ್ತಪದ್ಮಸಂಸ್ಥಾಽಽಢ್ಯಪೂಜಿತಾ ॥ ೮॥
ಆತ್ಮಾಯತ್ತಜಗಚ್ಚಕ್ರಾ ಚಾತ್ಮಾರಾಮಪರಾಯಣಾ ।
ಆದಿತ್ಯಮಣ್ಡಲಾನ್ತಸ್ಥಾ ಚಾದಿಮಧ್ಯಾನ್ತವರ್ಜಿತಾ ॥ ೯॥
ಆದ್ಯನ್ತರಹಿತಾಽಚಾರ್ಯಾ ಚಾದಿಕ್ಷಾನ್ತಾರ್ಣರೂಪಿಣೀ ।
ಆದ್ಯಾಽಮಾತ್ಯುನುತಾ ಚಾಜ್ಯಹೋಮಪ್ರೀತಾಽಽವೃತಾಙ್ಗನಾ ॥ ೧೦॥
ಆಧಾರಕಮಲಾರೂಢಾ ಚಾಧಾರಾಧೇಯವಿವರ್ಜಿತಾ ।
ಆಧಿಹೀನಾಽಽಸುರೀದುರ್ಗಾಽಽಜಿಸಙ್ಕ್ಷೋಭಿತಾಸುರಾ ॥ ೧೧॥
ಆಧೋರಣಾಜ್ಞಾಶುಣ್ಡಾಗ್ರಾಕೃಷ್ಟಾಸುರಗಜಾವೃತಾ ।
ಆಶ್ಚರ್ಯವಿಯಹಾಽಽಚಾರ್ಯಸೇವಿತಾಽಽಗಮಸಂಸ್ತುತಾ ॥ ೧೨॥
ಆಶ್ರಿತಾಖಿಲದೇವಾದಿವೃನ್ದರಕ್ಷಣತತ್ಪರಾ ।
ಓಂ ಐಂ ಹ್ರೀಂ ಶ್ರೀಂ ಇಂ - ೩॥
ಇಚ್ಛಾಜ್ಞಾನಕ್ರಿಯಾಶಕ್ತಿರೂಪೇರಾವತಿಸಂಸ್ತುತಾ ॥ ೧೩॥
ಇನ್ದ್ರಾಣೀರಚಿತಶ್ವೇತಚ್ಛತ್ರೇಡಾಭಕ್ಷಣಪ್ರಿಯಾ ।
ಇನ್ದ್ರಾಕ್ಷೀನ್ದ್ರಾರ್ಚಿತೇನ್ದ್ರಾಣೀ ಚೇನ್ದಿರಾಪತಿಸೋದರೀ ॥ ೧೪॥
ಇನ್ದಿರೇನ್ದೀವರಶ್ಯಾಮಾ ಚೇರಮ್ಮದಸಮಪ್ರಭಾ ।
ಇಭಕುಮ್ಭಾಭವಕ್ಷೋಜದ್ವಯಾ ಚೇಕ್ಷುಧನುರ್ಧರಾ ॥ ೧೫॥
ಇಭದನ್ತೋರುನಯನಾ ಚೇನ್ದ್ರಗೋಪಸಮಾಕೃತಿಃ ।
ಇಭಶುಣ್ಡೋರುಯುಗಲಾಚೇನ್ದುಮಣ್ಡಲಮಧ್ಯಗಾ ॥ ೧೬॥
ಇಷ್ಟಾರ್ತಿಘ್ನೀಷ್ಟವರದಾ ಚೇಭವಕ್ತ್ರಪ್ರಿಯಙ್ಕರೀ ।
ಓಂ ಐಂ ಹ್ರೀಂ ಶ್ರೀಂ ಈಂ - ೪॥
ಈಶಿತ್ವಸಿದ್ಧಿಸಮ್ಪ್ರಾರ್ಥಿತಾಪಸೇಷತ್ಸ್ಮಿತಾನನಾ ॥ ೧೭॥
ಈಶ್ವರೀಶಪ್ರಿಯಾ ಚೇಶತಾಣ್ಡವಾಲೋಕನೋನ್ತುಕಾ ।
ಈಕ್ಷಣೋತ್ಪನ್ನಭುವನಕದಮ್ಬಾ ಚೇಡ್ಯವೈಭವಾ ॥ ೧೮॥
ಓಂ ಐಂ ಹ್ರೀಂ ಶ್ರೀಂ ಉಂ - ೫॥
ಉಚ್ಚನೀಚಾದಿರಹಿತಾಽಪ್ಯುರುಕಾನ್ತಾರವಾಸಿನೀ ।
ಉತ್ಸಾಹರಹಿತೇನ್ದ್ರಾರಿಶ್ಚೋರುಸನ್ತೋಷಿತಾಮರಾ ॥ ೧೯॥
ಉದಾಸೀನೋಡುರಾವಕ್ತ್ರಾಽಪ್ಯುಗ್ರಕೃತ್ಯವಿದೂಷಣೀ ।
ಉಪಾಧಿರಹಿತೋಪಾದಾನಕಾರಣೋನ್ಮತ್ತನೃತ್ತಕೀ ॥ ೨೦॥
ಉರುಸ್ಯನ್ದನಸಮ್ಬದ್ಧಕೋಟ್ಯಶ್ವೋರುಪರಾಕ್ರಮಾ ।
ಉಲ್ಕಾಮುಖೀ ಹ್ಯುಮಾದೇವೀ ಚೋನ್ಮತ್ತಕ್ರೋಧಭೈರವೀ ॥ ೨೧॥
ಓಂ ಐಂ ಹ್ರೀಂ ಶ್ರೀಂ ಊಂ - ೬॥
ಊರ್ಜಿತಜ್ಞೋಢಭುವನಕದಮ್ಬೋರ್ಧ್ವಮುಖಾವಲಿಃ ।
ಊರ್ಧ್ವಪ್ರಸಾರಿತಾಙ್ಘ್ರೀಶದರ್ಶನೋದ್ವಿಗ್ರಮಾನಸಾ ॥ ೨೨॥
ಊಹಾಪೋಹವಿಹೀನೋರುಜಿತರಮ್ಭಾಮನೋಹರಾ ।
ಓಂ ಐಂ ಹ್ರೀಂ ಶ್ರೀಂ ಋಂ - ೭॥
ಋಗ್ವೇದಸಂಸ್ತುತಾ ಋದ್ಧಿದಾಯಿನೀ ಋಣಮೋಚಿನೀ ॥ ೨೩॥
ಋಜುಮಾರ್ಗಪರಪ್ರೀತಾ ಋಷಭಧ್ವಜಭಾಸುರಾ ।
ಋದ್ಧಿಕಾಮಮುನಿವ್ರಾತಸತ್ರಯಾಗಸಮರ್ಚಿತಾ ॥ ೨೪॥
ಓಂ ಐಂ ಹ್ರೀಂ ಶ್ರೀಂ ೠಂ - ೮॥
ೠಕಾರವಾಚ್ಯಾ ೠಕ್ಷಾದಿವೃತಾ ೠಕಾರನಾಸಿಕಾ ।
ಓಂ ಐಂ ಹ್ರೀಂ ಶ್ರೀಂ ಲೃಂ - ೯॥
ಲೃಕರಿಣೀ ಲೃಕಾರೋಷ್ಠಾ
ಓಂ ಐಂ ಹ್ರೀಂ ಶ್ರೀಂ ಲೄಂ - ೧೦॥
ಲೄವರ್ಣಾಧರಪಲ್ಲವಾ ॥ ೨೫॥
ಓಂ ಐಂ ಹ್ರೀಂ ಶ್ರೀಂ ಏಂ - ೧೧॥
ಏಕಾಕಿನ್ಯೇಕಮನ್ತ್ರಾಕ್ಷರೈಧಿತೋತ್ಸಾಹವಲ್ಲಭಾ ।
ಓಂ ಐಂ ಹ್ರೀಂ ಶ್ರೀಂ ಐಂ - ೧೨॥
ಐಶ್ವರ್ಯದಾತ್ರೀ
ಓಂ ಐಂ ಹ್ರೀಂ ಶ್ರೀಂ ಓಂ - ೧೩॥
ಚೋಙ್ಕಾರವಾದಿವಾಗೀಶಸಿದ್ಧಿದಾ ॥ ೨೬॥
ಓಜಃಪುಞ್ಜಘನೀಸಾನ್ದ್ರರೂಪಿಣ್ಯೋಙ್ಕಾರಮಧ್ಯಗಾ ।
ಓಷಧೀಶಮನುಪ್ರೀತಾ
ಓಂ ಐಂ ಹ್ರೀಂ ಶ್ರೀಂ ಔಂ - ೧೪॥
ಚೌದಾರ್ಯಗುಪಾವಾರಿಧಿಃ ॥ ೨೭॥
ಔಪಮ್ಯರಹಿತಾಚೈವ
ಓಂ ಐಂ ಹ್ರೀಂ ಶ್ರೀಂ ಅಂ - ೧೫॥
ಅಮ್ಬುಜಾಸನಸುನ್ದರೀ ।
ಅಮ್ಬರಾಧೀಶನಟನಸಾಕ್ಷಿಣೀ
ಓಂ ಐಂ ಹ್ರೀಂ ಶ್ರೀಂ ಅಃ - ೧೬॥
ಅಃ ಪದದಾಯಿನೀ ॥ ೨೮॥
ಓಂ ಐಂ ಹ್ರೀಂ ಶ್ರೀಂ ಕಂ - ೧೭॥
ಕಬರೀಬನ್ಧಮುಖರೀಭಮರಭ್ರಮರಾಲಕಾ ।
ಕರವಾಲಲತಾಧಾರಾಭೀಷಣಾ ಕೌಮುದೀನಿಭಾ ॥ ೨೯॥
ಕರ್ಪೂರಾಮ್ಬಾ ಕಾಲರಾತ್ರಿಃ ಕಾಲೀ ಕಲಿವಿನಾಶಿನೀ ।
ಕಾದಿವಿದ್ಯಾಮಯೀ ಕಾಮ್ಯಾ ಕಾಞ್ಚನಾಭಾ ಕಲಾವತೀ ॥ ೩೦॥
ಕಾಮೇಶ್ವರೀ ಕಾಮರಾಜಮನುಪ್ರೀತಾ ಕೃಪಾವತೀ ।
ಕಾರ್ತವೀರ್ಯದ್ವಿಸಾಹಸ್ರದೋರ್ದಣ್ಡಪಟಹಧ್ವನಿಃ ॥ ೩೧॥
ಕಿಟಿವಕ್ತ್ರಾಧಿಕಾರೋದ್ಯದ್ಗಣಪ್ರೋತ್ಸಾಹಿತಾಙ್ಗನಾ ।
ಕೀರ್ತಿಪ್ರದಾ ಕೀರ್ತಿಮತೀ ಕುಮಾರೀ ಕುಲಸುನ್ದರೀ ॥ ೩೨॥
ಕುನ್ತಾಯುಧಧರಾ ಕುಬ್ಜಿಕಾಮ್ಬಾ ಕುಧ್ರವಿಹಾರಿಣೀ ।
ಕುಲಾಗಮರಹಸ್ಯಜ್ಞವಾಞ್ಛಾದಾನಪರಾಯಣಾ ॥ ೩೩॥
ಕೂಟಸ್ಥಿತಿಜುಷೀ ಕೂರ್ಮಪೃಷ್ಠಜಿತ್ಪ್ರಪದಾನ್ವಿತಾ ।
ಕೇಕಾಶಬ್ದತಿರಸ್ಕಾರಿಬಾಣಾಸನಮಣೀರವಾ ॥ ೩೪॥
ಕೇಶಾಕೇಶಿಚಣಾ ಕೇಶಿರಾಕ್ಷಸಾಧಿಪಮರ್ದಿನೀ ।
ಕೈತಕಚ್ಛದಸನ್ಧ್ಯಾಭಪಿಶಙ್ಗಿತಕಚಾಮ್ಬುದಾ ॥ ೩೫॥
ಕೈಲಾಸೋತ್ತುಙ್ಗಶೃಙ್ಗಾದ್ರವಿಲಾಸೇಶಪರಾಜಿತಾ ।
ಕೈಶಿಕ್ಯಾರಭಟೀರೀತಿಸ್ತುತರಕ್ತೇಶ್ವರೀಪ್ರಿಯಾ ॥ ೩೬॥
ಕೋಕಾಹಿತಕರಸ್ಪರ್ಧಿನಖಾ ಕೋಕಿಲವಾದಿನೀ ।
ಕೋಪಹುಙ್ಕಾರಸನ್ತ್ರಸ್ತಸಸೇನಾಸುರನಾಯಕಾ ॥ ೩೭॥
ಕೋಲಾಹಲರವೋದ್ರೇಕರಿಙ್ಖಜ್ಜಮ್ಬುಕಮಣ್ಡಲಾ ।
ಕೌಣಿಡನ್ಯಾನ್ವಯಸಮ್ಭೂತಾ ಕರಿಚರ್ಮಾಮ್ಬರಪ್ರಿಯಾ ॥ ೩೮॥
ಕೌಪೀನಶಿಷ್ಟವಿಪ್ರರ್ಷಿಸ್ತುತಾ ಕೌಲಿಕದೇಶಿಕಾ ।
ಕೌಸುಮ್ಭಾಸ್ತರಣಾ ಕೌಲಮಾರ್ಗನಿಷ್ಠಾನ್ತರಾಸ್ಥಿತಾ ॥ ೩೯॥
ಕಙ್ಕಣಾಹಿಗಣಕ್ಷೇಮವಚನೋದ್ವಿಗ್ನತಾರ್ಕ್ಷ್ಯಕಾ ।
ಕಞ್ಜಾಕ್ಷೀ ಕಞ್ಜವಿನುತಾ ಕಞ್ಜಜಾತಿಪ್ರಿಯಙ್ಕರೀ ॥ ೪೦॥
ಓಂ ಐಂ ಹ್ರೀಂ ಶ್ರೀಂ ಖಂ - ೧೮॥
ಖಡ್ಗಖೇಟಕದೋರ್ದಣ್ಡಾ ಖಟ್ವಾಙ್ಗೀ ಖಡ್ಗಸಿದ್ಧಿದಾ ।
ಖಣ್ಡಿತಾಸುರಗರ್ವಾದ್ರಿಃ ಖಲಾದೃಷ್ಟಸ್ವರೂಪಿಣೀ ॥ ೪೧॥
ಖಣ್ಡೇನ್ದುಮೌಲಿಹೃದಯಾ ಖಣ್ಡಿತಾರ್ಕೇನ್ದುಮಣ್ಡಲಾ ।
ಖರಾಂಶುತಾಪಶಮನೀ ಖಸ್ಥಾ ಖೇಚರಸಂಸ್ತುತಾ ॥ ೪೨॥
ಖೇಚರೀ ಖೇಚರೀಮುದ್ರಾ ಖೇಚರಾಧೀಶವಾಹನಾ ।
ಖೇಲಾಪಾರಾವತರತಿಪ್ರೀತಾ ಖಾದ್ಯಾಯಿತಾನ್ತಕಾ ॥ ೪೩॥
ಓಂ ಐಂ ಹ್ರೀಂ ಶ್ರೀಂ ಗಂ - ೧೯॥
ಗಗನಾ ಗಗನಾನ್ತಸ್ಥಾ ಗಗನಾಕಾರಮಧ್ಯಮಾ ।
ಗಜಾರೂಢಾ ಗಜಮುಖೀ ಗಾಥಾಗೀತಾಮರಾಙ್ಗನಾ ॥ ೪೪॥
ಗದಾಧರೀ ಗದಾಽಽಧಾತಮೂರ್ಛಿತಾನೇಕಪಾಸುರಾ ।
ಗರಿಮಾಲಘಿಮಾಸಿದ್ಧಿವೃತಾ ಗ್ರಾಮಾದಿಪಾಲಿನೀ ॥ ೪೫॥
ಗರ್ವಿತಾ ಗನ್ಧವಸನಾ ಗನ್ಧವಾಹಸಮರ್ಚಿತಾ ।
ಗರ್ವಿತಾಸುರದಾರಾಶ್ರುಪಙ್ಕಿತಾಜಿವಸುನ್ಧರಾ ॥ ೪೬॥
ಗಾಯತ್ರೀ ಗಾನಸನ್ತುಷ್ಟಾ ಗನ್ಧರ್ವಾಧಿಪತೀಡಿತಾ ।
ಗಿರಿದುರ್ಗಾ ಗಿರೀಶಾನಸುತಾ ಗಿರಿವರಾಶ್ರಯಾ ॥ ೪೭॥
ಗಿರೀನ್ದ್ರಕ್ರೂರಕಠಿನಕರ್ಷದ್ಧಲವರಾಯುಧಾ ।
ಗೀತಚಾರಿತ್ರಹರಿತಶುಕೈಕಗತಮಾನಸಾ ॥ ೪೮॥
ಗೀತಿಶಾಸ್ತ್ರಗುರುಃ ಗೀತಿಹೃದಯಾ ಗೀರ್ಗಿರೀಶ್ವರೀ ।
ಗೀರ್ವಾಣದನುಜಾಚಾರ್ಯಪೂಜಿತಾ ಗೃಧ್ರವಾಹನಾ ॥ ೪೯॥
ಗುಡಪಾಯಸಸನ್ತುಷ್ಟಹೃದ್ಯಪ್ತತರಯೋಗಿನೀ ।
ಗುಣಾತೀತಾ ಗುರುರ್ಗೌರೀ ಗೋಪ್ತ್ರೀ ಗೋವಿನ್ದಸೋದರೀ ॥ ೫೦॥
ಗುರುಮೂತಿರ್ಗುಣಾಮ್ಭೋಧಿರ್ಗುಣಾಗುಣವಿವರ್ಜಿತಾ ।
ಗುಹೇಷ್ಟದಾ ಗುಹಾವಾಸಿಯೋಗಿಚಿನ್ತಿತರೂಪಿಣೀ ॥ ೫೧॥
ಗುಹ್ಯಾಗಮರಹಸ್ಯಜ್ಞಾ ಗುಹ್ಯಕಾನನ್ದದಾಯಿನೀ ।
ಗುಹ್ಯಾ ಗುಹ್ಯಾರ್ಚಿತಾ ಗುಹ್ಯಸ್ಥಾನಬಿನ್ದುಸ್ವರೂಪಿಣೀ ॥ ೫೨॥
ಗೋದಾವರೀನದೀತೀರವಾಸಿನೀ ಗುಣವರ್ಜಿತಾ ।
ಗೋಮೇದಕಮಣೀಕರ್ಣಕುಣ್ಡಲಾ ಗೋಪಪಾಲಿನೀ ॥ ೫೩॥
ಗೋಸವಾಸಕ್ತಹೃದಯಾ ಗೋಶೃಙ್ಗಧ್ಯಾನಮೋದಿನೀ ।
ಗಙ್ಗಾಗರ್ವಙ್ಕಷೋದ್ಯುಕ್ತರುದ್ರಪ್ರೋತ್ಸಾಹವಾದಿನೀ ॥ ೫೪॥
ಗನ್ಧರ್ವವನಿತಾಮಾಲಾಮೋದಿನೀ ಗರ್ವನಾಶಿನೀ ।
ಗುಞ್ಜಾಮಣಿಗಣಪ್ರೋತಮಾಲಾಭಾಸುರಕನ್ಧರಾ ॥ ೫೫॥
ಓಂ ಐಂ ಹ್ರೀಂ ಶ್ರೀಂ ಘಂ - ೨೦॥
ಘಟವಾದ್ಯಪ್ರಿಯಾ ಘೋರಕೋಣಪಘ್ನೀ ಘಟಾರ್ಗಲಾ ।
ಘಟಿಕಾ ಘಟಿಕಾಮುಖ್ಯಷಟ್ಪಾರಾಯಣಮೋದಿನೀ ॥ ೫೬॥
ಘಣ್ಟಾಕರ್ಣಾದಿವಿನುತಾ ಘನಜ್ಯೋತಿರ್ಲತಾನಿಭಾ ।
ಘನಶ್ಯಾಮಾ ಘಟೋತ್ಭೂತತಾಪಸಾತ್ಮಾರ್ಥದೇವತಾ ॥ ೫೭॥
ಘನಸಾರಾನುಲಿಪ್ತಾಙ್ಗೀ ಘೋಣೋದ್ಧೃತವಸುನ್ಧರಾ ।
ಘನಸ್ಫಟಿಕಸಙ್ಕ್ಲೃಪ್ತಸಾಲಾನ್ತರಕದಮ್ಬಕಾ ॥ ೫೮॥
ಘನಾಲ್ಯುದ್ಭೇದಶಿಖರಗೋಪುರಾನೇಕಮನ್ದಿರಾ ।
ಘೂರ್ಣೀತಾಕ್ಷೀ ಘೃಣಾಸಿನ್ಧುಃ ಘೃಣಿವಿದ್ಯಾ ಘಟೇಶ್ವರೀ ॥ ೫೯॥
ಘೃತಕಾತಿನ್ಯಹೃದ್ಧಣ್ಟಾಮಣಿಮಾಲಾಪ್ರಸಾಧನಾ ।
ಘೋರಕೃತ್ಯಾ ಘೋರವಾದ್ಯಾ ಘೋರಾಘೌಘವಿನಾಶಿನೀ ॥ ೬೦॥
ಘೋರಾಘನಕೃಪಾಯುಕ್ತಾ ಘನನೀಲಾಮ್ಬರಾನ್ವಿತಾ ।
ಘೋರಾಸ್ಯಾ ಘೋರಶೂಲಾಗ್ರಪ್ರೋತಾಸುರಕಲೇಬರಾ ॥ ೬೧॥
ಘೋಷತ್ರಸ್ತಾನ್ತಕಭಟಾ ಘೋರಸಙ್ಘೋಷಕೃದ್ಬಲಾ ।
ಓಂ ಐಂ ಹ್ರೀಂ ಶ್ರೀಂ ಙಂ - ೨೧॥
ಙಾನ್ತಾರ್ಣಾದ್ಯಮನುಪ್ರೀತಾ ಙಾಕಾರಾಡೀಮ್ಪರಾಯಣಾ ॥ ೬೨॥
ಙೀಕಾರಿಮಮಞ್ಜುಮಞ್ಜೀರಚರಣಾ ಙಾಙ್ಕಿತ್ತಾಙ್ಗುಲಿಃ ।
ಓಂ ಐ ಹ್ರೀಂ ಶ್ರೀಂ ಚಂ - ೨೨॥
ಚಕ್ರವರ್ತಿಸಮಾರಾಧ್ಯಾ ಚಕ್ರನೇಮಿರವೋನ್ತುಕಾ ॥ ೬೩॥
ಚಣ್ಡಮಾರ್ಣ್ಡಧಿಕ್ಕಾರಿಪ್ರಭಾ ಚಕ್ರಾಧಿನಾಯಿಕಾ ।
ಚಣ್ಡಾಲಾಸ್ಯಪರಾಮೋದಾ ಚಣ್ಡವಾದಪಟೀಯಸೀ ॥ ೬೪॥
ಚಣ್ಡಿಕಾ ಚಣ್ಡಕೋದಣ್ಡಾ ಚಣ್ಡಘ್ನೀ ಚಣ್ಡಭೈರವೀ ।
ಚತುರಾ ಚತುರಾಮ್ನಾಯಶಿರೋಲಕ್ಷಿತರೂಪಿಣೀ ॥ ೬೫॥
ಚತುರಙ್ಗಬಲೋಪೇತಾ ಚರಾಚರವಿನೋದಿನೀ ।
ಚತುರ್ವಕ್ತ್ರಾ ಚಕ್ರಹಸ್ತಾ ಚಕ್ರಪಾಣಿಸಮರ್ಚಿತಾ ॥ ೬೬॥
ಚತುಷ್ಷಷ್ಟಿಕಲಾರೂಪಾ ಚತುಷ್ಷಷ್ಯಚರ್ಚನೋಸ್ತುಕಾ ।
ಚನ್ದ್ರಮಣ್ಡಲನ್ಧ್ಯಯಸ್ಥಾ ಚತುರ್ವರ್ಗಫಲಪ್ರದಾ ॥ ೬೭॥
ಚಮರೀಮೃಗಯೋದ್ಯುಕ್ತಾ ಚಿರಞ್ಜೀವಿತ್ವದಾಯಿನೀ ।
ಚಮ್ಪಕಾಶೋಕಸ್ರದ್ಬದ್ಧಚಿಕುರಾ ಚರುಭಕ್ಷಿಣೀ ॥ ೬೮॥
ಚರಾಚರಜಗದ್ಧಾತ್ರೀ ಚನ್ದ್ರಿಕಾಧವಲಸ್ಮಿತಾ ।
ಚರ್ಮಾಮ್ಬರಧರಾ ಚಣ್ಡಕ್ರೋಧಹುಙ್ಕಾರಭೀಕರಾ ॥ ೬೯॥
ಚಾಟುವಾದಪ್ರಿಯಾ ಚಾಮೀಕರಪರ್ವತವಾಸಿನೀ ।
ಚಾಪಿನೀ ಚಾಪಮುಕ್ತೇಷುಚ್ಛನ್ನದಿಗ್ಭ್ರಾನ್ತಪನ್ನಗಾ ॥ ೭೦॥
ಚಿತ್ರಭಾನುಮುಖೀ ಚಿತ್ರಸೇನಾ ಚಿತ್ರಾಙ್ಗದೇಷ್ಟದಾ ।
ಚಿತ್ರಲೇಖಾ ಚಿದಾಕಾಶಮಧ್ಯಗಾ ಚಿನ್ತಿತಾರ್ಥದಾ ॥ ೭೧॥
ಚಿನ್ತ್ಯಾ ಚಿರನ್ತನೀ ಚಿತ್ರಾ ಚಿತ್ರಾಮ್ಬಾ ಚಿತ್ತವಾಸಿನೀ ।
ಚೈತನ್ಯರೂಪಾ ಚಿಚ್ಛಕ್ತಿಶ್ಚಿದಮ್ಬರವಿಹಾರಿಣೀ ॥ ೭೨॥
ಚೋರಘ್ನೀ ಚೀರ್ಯವಿಮುಖಾ ಚತುರ್ದಶಮನುಪ್ರಿಯಾ ।
ಓಂ ಐಂ ಹ್ರೀಂ ಶ್ರೀಂ ಛಂ - ೨೩॥
ಛತ್ರಚಾಮರಭೃಲ್ಲಕ್ಷ್ಮೀವಾಗಿನ್ದ್ರಾಣೀರತೀವೃತಾ ॥ ೭೩॥
ಛನ್ದಶ್ಶಾಸ್ತ್ರಮಯೀ ಛನ್ದೋಲಕ್ಷ್ಯಾಚ್ಛೇದವಿವರ್ಜಿತಾ ।
ಛನ್ದೋರೂಪಾಛನ್ದಗತಿಃ ಛನ್ದಶ್ಶಿರವಿಹಾರಿಣೀ ॥ ೭೪॥
ಛದ್ಮಹೃತ್ಛವಿಸನ್ದೀಪ್ತಸೂರ್ಯಚನ್ದ್ರಾಗ್ನಿತಾರಕಾ ।
ಛರ್ದಿತಾಣ್ಡಾವಲಿಶ್ಛಾದಿತಾಕಾರಾ ಛಿನ್ನಸಂಶಯಾ ॥ ೭೫॥
ಛಾಯಾಪತಿಸಮಾರಾಧ್ಯಾ ಛಾಯಾಮ್ಬಾ ಛತ್ರಸೇವಿತಾ ।
ಛಿನ್ನಮಸ್ತಾಬಿಕಾ ಛಿನ್ನಶೀರ್ಷಶತ್ರುಶ್ಛಲಾನ್ತಕೀ ॥ ೭೬॥
ಛೇದಿತಾಸುರಜಿಹ್ವಾಗ್ರಾ ಛತ್ರೀಕೃತಯಶಸ್ವಿನೀ ।
ಓಂ ಐಂ ಹ್ರೀಂ ಶ್ರೀಂ ಜಂ - ೨೪॥
ಜಗನ್ಮಾತಾ ಜಗತ್ಸಾಕ್ಷೀ ಜಗದ್ಯೋನಿರ್ಜಗದ್ಗುರುಃ ॥ ೭೭॥
ಜಗನ್ಮಾಯಾ ಜಗನ್ತ್ವೃನ್ದವನ್ದಿತಾ ಜಯಿನೀಜಯಾ ।
ಜನಜಾಡ್ಯಪ್ರತಾಪಘ್ನೀ ಜಿತಾಸುರಮಹಾವ್ರಜಾ ॥ ೭೮॥
ಜನನೀ ಜಗದಾನನ್ದದಾತ್ರೀ ಜಹ್ನುಸಮರ್ಚಿತಾ ।
ಜಪಮಾಲಾವರಾಭೀತಿಮುದ್ರಾಪುಸ್ತಕಧಾರಿಣೀ ॥ ೭೯॥
ಜಪಯಜ್ಞಪರಾಧೀನಹೃದಯಾ ಜಗದೀಶ್ವರೀ ।
ಜಪಾಕುಸುಮಸಙ್ಕಾಶಾ ಜನ್ಮಾದಿಧ್ವಂಸಕಾರಣಾ ॥ ೮೦॥
ಜಾಲಧ್ರಪೂರ್ಣಕಾಮೋಡ್ಯಾಣಚತುಷ್ಪೀಠರೂಪಿಣೀ ।
ಜೀವನಾರ್ಥಿದ್ವಿಜವ್ರಾತತ್ರಾಣನಾಬದ್ಧಕಙ್ಕಣಾ ॥ ೮೧॥
ಜೀವಬ್ರಹ್ಮೈಕತಾಕಾಙ್ಕ್ಷಿ ಜನತಾಕೀರ್ಣಪಾರ್ವಭೂಃ ।
ಜಮ್ಭಿನೀ ಜಮ್ಭಭಿತ್ಪೂಲ್ಯಾ ಜಾಗ್ರದಾದಿತ್ರಯಾತಿಗಾ ॥ ೮೨॥
ಜಲದಗ್ರಿಧರಾ ಜ್ವಾಲಾಪ್ರೋಚ್ಚಕೇಶೀ ಜ್ವರಾರ್ತಿಹೃತ್ ।
ಜ್ವಾಲಾಮಾಲಿನಿಕಾ ಜ್ವಾಲಾಮುಖೀ ಜೈಮಿನಿಸಂಸ್ತುತಾ ॥ ೮೩॥
ಓಂ ಐಂ ಹ್ರೀಂ ಶ್ರೀಂ ಝಂ - ೨೫॥
ಝಲಞ್ಝಲಕೃತಸ್ವರ್ಣಮಞ್ಜೀರಾ ಝಷಲೋಚನಾ ।
ಝಷಕುಣ್ಡಲಿನೀ ಝಲ್ಲರೀವಾದ್ಯಮುದಿತಾನನಾ ॥ ೮೪॥
ಝಷಕೇತುಸಮಾರಾಧ್ಯಾ ಝಷಮಾಂಸಾನ್ನಭಕ್ಷಿಣೀ ।
ಝಷೋಪದ್ರವಕೃದ್ಧನ್ತ್ರೀ ಝ್ಮ್ರೂಮ್ಮನ್ತ್ರಾಧಿದೇವತಾ ॥ ೮೫॥
ಝಞ್ಝಾನಿಲಾತಿಗಮನಾ ಝಷರಾಣ್ಣೀತಸಾಗರಾ ।
ಓಂ ಐಂ ಹ್ರೀಂ ಶ್ರೀಂ ಜ್ಞಂ - ೨೬॥
ಜ್ಞಾನಮುದ್ರಾಧರಾ ಜ್ಞಾನಿಹೃತ್ಪದ್ಮಕುಹರಾಸ್ಥಿತಾ ॥ ೮೬॥
ಜ್ಞಾನಮೂರ್ತಿಜ್ಞನಿಗಮ್ಯಾ ಜ್ಞಾನದಾ ಜ್ಞಾತಿವರ್ಜಿತಾ ।
ಜ್ಞೇಯಾ ಜ್ಞೇಯಾದಿರಹಿತಾ ಜ್ಞಾತ್ರೀ ಜ್ಞಾನಸ್ವರೂಪಿಣೀ ॥ ೮೭॥
ಓಂ ಐಂ ಹ್ರೀಂ ಶ್ರೀಂ ಟಂ - ೨೭॥
ಟಙ್ಕಪುಷ್ಪಾಲಿಸ್ರಙ್ಮಞ್ಜುಕನ್ಧರಾ ಟಞ್ಕಿತಾಚಲಾ ।
ಟಙ್ಕವೇತ್ರಾದಿಕಾನೇಕಶಸ್ತ್ರಭೃದ್ದೋರ್ಲತಾವಲಿಃ ॥ ೮೮॥
ಓಂ ಐ ಹ್ರೀಂ ಶ್ರೀಂ ಠಂ - ೨೮॥
ಠಕಾರನಿಭವಕ್ಷೋಜದ್ವಯಾಧೋವೃತ್ತಭಾಸುರಾ ।
ಠಕಾರಾಙ್ಕಿತಜಾನ್ವಗ್ರಜಿತಕೋರಕಿತಾಮ್ಬುಜಾ ॥ ೮೯॥
ಓಂ ಐಂ ಹ್ರೀಂ ಶ್ರೀಂ ಶಂ - ೨೯॥
ಡಾಕಿನೀ ಡಾಮರೀತನ್ತ್ರರೂಪಾ ಡಾಡಿಮಪಾಟಲಾ ।
ಡಮ್ಬಘ್ನೀ ಡಮ್ಬರಾಽಽಡಮ್ಬರೋನ್ಮುಖೀ ಡಮರುಪ್ರಿಯಾ ॥ ೯೦॥
ಡಿಮ್ಬದಾನಚಣಾ ಡೋಲಾಮುದಿತಾ ಡುಣ್ಠಿಪೂಜಿತಾ ।
ಓಂ ಐಂ ಹ್ರೀಂ ಶ್ರೀಂ ಢಂ - ೩೦॥
ಢಕಾನಿನದಸನ್ತುಷ್ಟಶಿಖಿನೃತ್ತಸಮುತ್ಸುಕಾ ॥ ೯೧॥
ಓಂ ಐಂ ಹ್ರೀಂ ಶ್ರೀಂ ಣಂ - ೩೧॥
ಣಕಾರಪಞ್ಜರಶುಕೀ ಣಕಾರೋದ್ಯಾನಕೋಕಿಲಾ ।
ಓಂ ಐಂ ಹ್ರೀಂ ಶ್ರೀಂ ತಂ - ೩೨॥
ತತ್ವಾತೀತಾ ತಪೋಲಕ್ಷ್ಯಾ ತಪ್ತಕಾಞ್ಚನಸನ್ನಿಭಾ ॥ ೯೨॥
ತನ್ತ್ರೀ ತತ್ವಮಸೀವಾಕ್ಯವಿಷಯಾ ತರುಣೀವೃತಾ ।
ತರ್ಜನ್ಯಙ್ಗುಷ್ಠಸಂಯೋಗಜ್ಞಾನಬ್ರಹ್ಮಮುನೀಶ್ವರಾ ॥ ೯೩॥
ತರ್ಜಿತಾನೇಕದನುಜಾ ತಕ್ಷಕೀ ತಡಿತಾಲಿಭಾ ।
ತಾಮ್ರಚೂಡಧ್ವಜೋತ್ಸಙ್ಗಾ ತಾಪತ್ರಯವಿನಾಶಿನೀ ॥ ೯೪॥
ತಾರಾಮ್ಬಾ ತಾರಕೀ ತಾರಾಪೂಜ್ಯಾ ತಾಣ್ಡವಲೋಲುಪಾ ।
ತಿಲೋತ್ತಮಾದಿದೇವಸ್ತ್ರೀಶಾರೀರೋನ್ಸುಕಮಾನಸಾ ॥ ೯೫॥
ತಿಲ್ವದ್ರುಸಙ್ಕುಲಾಭೋಗಕಾನ್ತಾರಾನ್ತರವಾಸಿನೀ ।
ತ್ರಯೀದ್ವಿಡ್ರಸನಾರಕ್ತಪಾನಲೋಲಾಸಿಧಾರಿಣೀ ॥ ೯೬॥
ತ್ರಯೀಮಯೀ ತ್ರಯೀವೇದ್ಯಾ ತ್ರ್ಯಯ್ಯನ್ತೋದ್ಗೀತವೈಭವಾ ।
ತ್ರಿಕೋಣಸ್ಥಾ ತ್ರಿಕಾಲಜ್ಞಾ ತ್ರಿಕೂಟಾ ತ್ರಿಪುರೇಶ್ವರೀ ॥ ೯೭॥
ತ್ರಿಚತ್ವಾರಿಂಶದಶ್ರಾಙ್ಕಚಕ್ರಾನ್ತರ್ಬಿನ್ದುಸಂಸ್ಥಿತಾ ।
ತ್ರಿತಾರಾ ತುಮ್ಬುರೂದ್ಗೀತಾ ತಾರ್ಕ್ಷ್ಯಾಕಾರಾ ತ್ರಿಕಾಗ್ನಿಜಾ ॥ ೯೮॥
ತ್ರಿಪುರಾ ತ್ರಿಪುರಧ್ವಂಸಿಪ್ರಿಯಾ ತ್ರಿಪುರಸುನ್ದರೀ ।
ತ್ರಿಸ್ಥಾ ತ್ರಿಮೂರ್ತಿಸಹಜಶಕ್ತಿಸ್ತ್ರಿಪುರಭೈರವೀ ॥ ೯೯॥
ಓಂ ಐಂ ಹ್ರೀಂ ಶ್ರೀಂ ಥಂ - ೩೩॥
ಥಾಂ ಥೀಕರಮೃದಗಾದಿಭೃದ್ವಿಷ್ಣುಮುಖಸೇವಿತಾ ।
ಥಾಂ ಥೀಂ ತಕ್ತಕ ಥಿಂ ತೋಕೃತ್ತಾಲಧ್ವನಿಸಭಾಙ್ಗಣಾ ॥ ೧೦೦॥
ಓಂ ಐಂ ಹ್ರೀಂ ಶ್ರೀಂ ದಂ - ೩೪॥
ದಕ್ಷಾ ದಾಕ್ಷಾಯಣೀ ದಕ್ಷಪ್ರಜಾಪತಿಮಖಾನ್ತಕೀ ।
ದಕ್ಷಿಣಾಚಾರರಸಿಕಾ ದಯಾಸಮ್ಪೂರ್ಣಮಾನಸಾ ॥ ೧೦೧॥
ದಾರಿದ್ರಯೋನ್ಮೂಲಿನೀ ದಾನಶೀಲಾ ದೋಷವಿವರ್ಜಿತಾ ।
ದಾರುಕಾನ್ತಕರೀ ದಾರುಕಾರಣ್ಯಮುನಿಮೋಹಿನೀ ॥ ೧೦೨॥
ದೀರ್ಘದಂಷ್ಟ್ರಾನನಾ ದೀರ್ಘರಸನಾಗೀರ್ಣದಾನವಾ ।
ದೀಕ್ಷಿತಾ ದೀಕ್ಷಿತಾರಾಧ್ಯಾ ದೀನಸಂರಕ್ಷಣೋದ್ಯತಾ ॥ ೧೦೩॥
ದುಃಖಾಬ್ಧಿಬಡಬಾ ದುರ್ಗಾ ದುಮ್ಬೀಜಾ ದುರಿತಾಪಹಾ ।
ದುಷ್ಟದೂರಾ ದುರಾಚಾರಶಮನೀ ದ್ಯೂತವೇದಿನೀ ॥ ೧೦೪॥
ದ್ವಿಜಾವಗೂರಣಸ್ವಾನ್ತಪಿಶಿತಾಮೋದಿತಾಣ್ಡಜಾ ।
ಓಂ ಐಂ ಹ್ರೀಂ ಶ್ರೀಂ ಧಂ - ೩೫॥
ಧನದಾ ಧನದಾರಾಧ್ಯಾ ಧನದಾಪ್ತಕುಟುಮ್ಬಿನೀ ॥ ೧೦೫॥
ಧರಾಧರಾತ್ಮಜಾ ಧರ್ಮರೂಪಾ ಧರಣಿಧೂರ್ಧರಾ ।
ಧಾತ್ರೀ ಧಾತೃಶಿರಚ್ಛೇತ್ರೀ ಧೀಧ್ಯೇಯಾ ಧುವಪೂಜಿತಾ ॥ ೧೦೬॥
ಧೂಮಾವತೀ ಧೂಮ್ರನೇತ್ರಗರ್ವಸಂಹಾರಿಣೀ ಧೃತಿಃ ।
ಓಂ ಐಂ ಹ್ರೀಂ ಶ್ರೀಂ ನಂ - ೩೬॥
ನಖೋತ್ಪನ್ನದಶಾಕಾರಮಾಧವಾ ನಕುಲೀಶ್ವರೀ ॥ ೧೦೭॥
ನರನಾರಾಯಣಸ್ತುತ್ಯಾ ನಲಿನಾಯತಲೋಚನಾ ।
ನರಾಸ್ಥಿಸ್ರಗ್ಧರಾ ನಾರೀ ನರಪ್ರೇತೋಪರಿಸ್ಥಿತಾ ॥ ೧೦೮॥
ನವಾಕ್ಷರೀನಾಮಮನ್ತ್ರಜಪಪ್ರೀತಾ ನಟೇಶ್ವರೀ ।
ನಾದಚಾಮುಣ್ಡಿಕಾ ನಾನಾರೂಪಕೃನ್ನಾಸ್ತಿಕಾನ್ತಕೀ ॥ ೧೦೯॥
ನಾದಬ್ರಹ್ಮಮಯೀ ನಾಮರೂಪಹೀನಾ ನತಾನನಾ ।
ನಾರಾಯಣೀ ನನ್ದಿವಿದ್ಯಾ ನಾರದೋದ್ಗೀತವೈಭವಾ ॥ ೧೧೦॥
ನಿಗಮಾಗಮಸಂವೇದ್ಯಾ ನೇತ್ರೀ ನೀತಿವಿಶಾರದಾ ।
ನಿರ್ಗುಣಾ ನಿತ್ಯಸನ್ತುಷ್ಟಾ ನಿತ್ಯಾಷೋಡಶಿಕಾವೃತಾ ॥ ೧೧೧॥
ನೃಸಿಂಹದರ್ಪಶಮನೀ ನರೇನ್ದ್ರಗಣವನ್ದಿತಾ ।
ನೌಕಾರೂಢಾಸಮುತ್ತೀರ್ಣಭವಾಮ್ಭೋಧಿ ನಿಜಾಶ್ರಿತಾ ॥ ೧೧೨॥
ಓಂ ಐಂ ಹ್ರೀಂ ಶ್ರೀಂ ಪಂ - ೩೭॥
ಪರಮಾ ಪರಮಂ ಜ್ಯೋತಿಃ ಪರಬ್ರಹ್ಮಮಯೀ ಪರಾ ।
ಪರಾಪರಮಯೀ ಪಾಶಬಾಣಾಙ್ಕುಶಧನುರ್ಧರಾ ॥ ೧೧೩॥
ಪರಾಪ್ರಾಸಾದಮನ್ತ್ರಾರ್ಥಾ ಪತಞ್ಜಲಿಸಮರ್ಚಿತಾ ।
ಪಾಪಘ್ನೀ ಪಾಶರಹಿತಾ ಪಾರ್ವತೀ ಪರಮೇಶ್ವರೀ ॥ ೧೧೪॥
ಪುಣ್ಯಾ ಪುಲಿನ್ದಿನೀಪೂಜ್ಯಾ ಪ್ರಾಜ್ಞಾ ಪ್ರಜ್ಞಾನರೂಪಿಣೀ ।
ಪುರಾತನಾ ಪರಾಶಕ್ತಿಃ ಪಞ್ಚವರ್ಣಸ್ವರೂಪಿಣೀ ॥ ೧೧೫॥
ಪ್ರತ್ಯಙ್ಗಿರಾಃ ಪಾನಪಾತ್ರಧರಾ ಪೀನೋನ್ನತಸ್ತನೀ ।
ಓಂ ಐಂ ಹ್ರೀಂ ಶ್ರೀಂ ಫಂ - ೩೮॥
ಫಡರ್ಣಧ್ವಸ್ತಪಾಪೌಘದಾಸಾ ಫಣಿವರೇಡಿತಾ ॥ ೧೧೬॥
ಫಣಿರತ್ನಾಸನಾಸೀನಕಾಮೇಶೋತ್ಸಙ್ಗವಾಸಿನೀ ।
ಫಲದಾ ಫಲ್ಗುನಪ್ರೀತಾ ಫುಲ್ಲಾನನಸರೋರುಹಾ ॥ ೧೧೭॥
ಫುಲ್ಲೋತ್ತಪ್ತಾಙ್ಗಸಾಹಸ್ರದಲಪಙ್ಕಜಭಾಸುರಾ ।
ಓಂ ಐಂ ಹ್ರೀಂ ಶ್ರೀಂ ಬಂ - ೩೯॥
ಬನ್ಧೂಕಸುಮನೋರಾಗಾ ಬಾದರಾಯಣದೇಶಿಕಾ ॥ ೧೧೮॥
ಬಾಲಾಮ್ಬಾ ಬಾಣಕುಸುಮಾ ಬಗಲಾಮುಖಿರೂಪಿಣೀ ।
ಬಿನ್ದುಚಕ್ರಸ್ಥಿತಾ ಬಿನ್ದುತರ್ಪಣಪ್ರೀತಮಾನಸಾ ॥ ೧೧೯॥
ಬೃಹತ್ಸಾಮಸ್ತುತಾ ಬ್ರಹ್ಮಮಾಯಾ ಬ್ರಹ್ಮರ್ಷಿಪೂಜಿತಾ ।
ಬೃಹದೈಶ್ವರ್ಯದಾ ಬನ್ಧಹೀನಾ ಬುಧಸಮರ್ಚಿತಾ ॥ ೧೨೦॥
ಬ್ರಹ್ಮಚಾಮುಣ್ಡಿಕಾ ಬ್ರಹ್ಮಜನನೀ ಬ್ರಾಹ್ಮಣಪ್ರಿಯಾ ।
ಬ್ರಹ್ಮಜ್ಞಾನಪ್ರದಾ ಬ್ರಹ್ಮವಿದ್ಯಾ ಬ್ರಹ್ಮಾಣ್ಡನಾಯಿಕಾ ॥ ೧೨೧॥
ಬ್ರಹ್ಮತಾಲಪ್ರಿಯಾ ಬ್ರಹ್ಮಪಞ್ಚಮಞ್ಚಕಶಾಯಿನೀ । (??)
ಬ್ರಹ್ಮಾದಿವಿನುತಾ ಬ್ರಹ್ಮಪತ್ನೀ ಬ್ರಹ್ಮಪುರಸ್ಥಿತಾ ॥ ೧೨೨॥
ಬ್ರಾಹ್ಮೀಮಾಹೇಶ್ವರೀಮುಖ್ಯಶಕ್ತಿವೃನ್ದಸಮಾವೃತಾ ।
ಓಂ ಐಂ ಹ್ರೀಂ ಶ್ರೀಂ ಭಂ - ೪೦॥
ಭಗಾರಾಧ್ಯಾ ಭಗವತೀ ಭಾರ್ಗವೀ ಭಾರ್ಗವಾರ್ಚಿತಾ ॥ ೧೨೩॥
ಭಣ್ಡಾಸುರಶಿರಶ್ಛೇತ್ರೀ ಭಾಷಾಸರ್ವಸ್ವದರ್ಶಿನೀ ।
ಭದ್ರಾ ಭದ್ರಾರ್ಚಿತಾ ಭದ್ರಕಾಲೀ ಭರ್ಗಸ್ವರೂಪಿಣೀ ॥ ೧೨೪॥
ಭವಾನೀ ಭಾಗ್ಯದಾ ಭೀಮಾ ಭಾಮತೀ ಭೀಮಸೈನಿಕಾ ।
ಭುಜಙ್ಗನಟನೋದ್ಯುಕ್ತಾ ಭುಜನಿರ್ಜಿತದಾನವಾ ॥ ೧೨೫॥
ಭ್ರುಕುಟೀಕ್ರೂರವದನಾ ಭ್ರೂಮಧ್ಯನಿಲಯಸ್ಥಿತಾ ।
ಭೇತಾಲನಟನಪ್ರೀತಾ ಭೋಗಿರಾಜಾಙ್ಗುಲೀಯಕಾ ॥ ೧೨೬॥
ಭೇರುಣ್ಡಾ ಭೇದನಿರ್ಮುಕ್ತಾ ಭೈರವೀ ಭೈರವಾರ್ಚಿತಾ ।
ಓಂ ಐಂ ಹ್ರೀಂ ಶ್ರೀಂ ಮಂ - ೪೧॥
ಮಣಿಮಣ್ಡಪಮಧ್ಯಸ್ಥಾ ಮಾಣಿಕ್ಯಾಭರಣಾನ್ವಿತಾ ॥ ೧೨೭॥
ಮನೋನ್ಮನೀ ಮನೋಗಮ್ಯಾ ಮಹಾದೇವಪತಿತ್ರತಾ ।
ಮನ್ತ್ರರೂಪಾ ಮಹಾರಾಜ್ಞೀ ಮಹಾಸಿದ್ಧಾಲಿಸಂವೃತಾ ॥ ೧೨೮॥
ಮನ್ದರಾದಿಕೃತಾವಾಸಾ ಮಹಾದೇವೀ ಮಹೇಶ್ವರೀ ।
ಮಹಾಹಿಧಮೇಖಲಾ ಮಾರ್ಗದುರ್ಗಾ ಮಾಙ್ಗಲ್ಯದಾಯಿನೀ ॥ ೧೨೯॥
ಮಹಾವತಕ್ರತುಪ್ರೀತಾ ಮಾಣಿಭದ್ರಸಮರ್ಚಿತಾ । (??)
ಮಹಿಷಾಸುರಶಿರಶ್ಛೇದನರ್ತಕೀ ಮುಣ್ಡಖಮಿಡನೀ ॥ ೧೩೦॥
ಮಾತಾ ಮರಕಟಶ್ಯಾಮಾ ಮಾತಙ್ಗೀ ಮತಿಸಾಕ್ಷಿಣೀ । (??)
ಮಾಧವೀ ಮಾಧವಾರಾಧ್ಯಾ ಮಧುಮಾಂಸಪ್ರಿಯಾ ಮಹೀ ॥ ೧೩೧॥
ಮಾರೀ ಮಾರಾನ್ತಕ ಕ್ಷೋಭಕಾರಿಣೀ ಮೀನಲೋಚನಾ ।
ಮಾಲತೀಕುನ್ದಮಾಲಾಢ್ಯಾ ಮಾಷೌದನಸಮುನ್ಸುಕಾ ॥ ೧೩೨॥
ಮಿಥುನಾಸಕ್ತಹೃದಯಾ ಮೋಹಿತಾಶೇಷವಿಷ್ಟಪಾ ।
ಮುದ್ರಾ ಮುದ್ರಾಪ್ರಿಯಾ ಮೂರ್ಖನಾಶಿನೀ ಮೇಷಭಕ್ಷಿಣೀ ॥ ೧೩೩॥
ಮೂಕಾಮ್ಬಾ ಮುಖಜಾ ಮೋದಜನಕಾಲೋಕನಪ್ರಿಯಾ ।
ಮೌನವ್ಯಾಖ್ಯಾಪರಾ ಮೌನಸತ್ಯಚಿನ್ಮಾತ್ರಲಕ್ಷಣಾ ॥ ೧೩೪॥
ಮೌಞ್ಜೀಕಚ್ಛಧರಾ ಮೌರ್ವೀದ್ವಿರೇಫಮುಖರೋನ್ಮುಖಾ ।
ಓಂ ಐಂ ಹ್ರೀಂ ಶ್ರೀಂ ಯಂ - ೪೨॥
ಯಜ್ಞವೃನ್ದಪ್ರಿಯಾ ಯಷ್ಟ್ರೀ ಯಾನ್ತವರ್ಣಸ್ವರೂಪಿಣೀ ॥ ೧೩೫॥
ಯನ್ತ್ರರೂಪಾ ಯಶೋದಾತ್ಮಜಾತಸಜುತವೈಭವಾ ।
ಯಶಸ್ಕರೀ ಯಮಾರಾಧ್ಯಾ ಯಜಮಾನಾಕೃತಿರ್ಯತಿಃ ॥ ೧೩೬॥
ಯಾಕಿನೀ ಯಕ್ಷರಕ್ಷಾದಿವೃತಾ ಯಜನತರ್ಪಣಾ ।
ಯಾಥಾರ್ಥ್ಯವಿಗ್ರಹಾ ಯೋಗ್ಯಾ ಯೋಗಿನೀ ಯೋಗನಾಯಿಕಾ ॥ ೧೩೭॥
ಯಾಮಿನೀ ಯಜಮೋತ್ಸಾಹಾ ಯಾಮಿನೀಚರಭಕ್ಷಿಣೀ ।
ಯಾಯಜೂಕರ್ಚಿತಪದಾ ಯಜ್ಞೇಶೀ ಯಕ್ಷಿಣೀಶ್ವರೀ ॥ ೧೩೮॥
ಯಾಸಾಪದ್ಮಧರಾ ಯಾಸಾಪದ್ಮಾನ್ತರಪರಿಷ್ಕೃತಾ ।
ಯೋಷಾಽಭಯಙ್ಕರೀ ಯೋಷಿದ್ವೃನ್ದವನ್ದಿತಪಾದುಕಾ ॥ ೧೩೯॥
ಓಂ ಐಂ ಹ್ರೀಂ ಶ್ರೀಂ ರಂ - ೪೩॥
ರಕ್ತಚಾಮುಣ್ಡಿಕಾ ರಾತ್ರಿದೇವತಾ ರಾಗಲೋಲುಪಾ ।
ರಕ್ತಬೀಜಪ್ರಶಮನೀ ರಜೋಗನ್ಧನಿವಾರಿಣೀ ॥ ೧೪೦॥
ರಣರಗನಟೀರತ್ತ್ರಮಜ್ಜೀರಚರಣಾಮ್ಬುಜಾ ।
ರಜಧ್ವವಸ್ತಾಚಲಾ ರಾಗಹೀನಮಾನಸಹಂಸಿನೀ ॥ ೧೪೧॥
ರಸನಾಲೇಪಿತಕ್ರೂರರಕ್ತಬೀಜಕಲೇಬರಾ ।
ರಕ್ಷಾಕರೀ ರಮಾ ರಮ್ಯಾ ರಞ್ಜಿನೀ ರಸಿಕಾವೃತಾ ॥ ೧೪೨॥
ರಾಕಿಣ್ಯಮ್ಬಾ ರಾಮನುತಾ ರಮಾವಾಣೀನಿಷೇವಿತಾ ।
ರಾಗಾಲಾಪಪರಬ್ರಹ್ಮ ಶಿರೋ ಮಾಲಾಪ್ರಸಾಧನಾ ॥ ೧೪೩॥
ರಾಜರಾಜೇಶ್ವರೀ ರಾಜ್ಞೀ ರಾಜೀವನಯನಪ್ರಿಯಾ ।
ರಾಜವ್ರಾತಕಿರೀಟಾಂಶುನೀರಾಜಿತಪದಾಮ್ಬುಜಾ ॥ ೧೪೪॥
ರುದ್ರಚಾಮುಣ್ಡಿಕಾ ರುಕ್ಮಸದೃಶಾ ರುಧಿರಪ್ರಿಯಾ ।
ರುದ್ರತಾಣ್ಡವಸಾಮರ್ಥ್ಯದರ್ಶನೋತ್ಸುಕಮಾನಸಾ ॥ ೧೪೫॥
ರುದ್ರಾಟ್ಟಹಾಸಸಙ್ಕ್ಷುಭ್ಯಜ್ಜಗನ್ತುಷ್ಟಿವಿಧಾಯಿನೀ ।
ರುದ್ರಾಣೀ ರುದ್ರವನಿತಾ ರುರುರಾಜಹಿತೈಷಿಣೀ ॥ ೧೪೬॥
ರೇಣುಕಾ ರೇಣುಕಾಸೂನುಸ್ತುತ್ಯಾ ರೇವಾವಿಹಾರಿಣೀ ।
ರೋಗಘ್ನೀ ರೋಷನಿರ್ದಗ್ಧಶತ್ರುಸೇನಾನಿವೇಶಿನೀ ॥ ೧೪೭॥
ರೋಹಿಣೀಶಾಂಶುಸಮ್ಭೂತಝರೀರತ್ನವಿತಾನಕಾ ।
ರೌದ್ರೀ ರೌದ್ರಾಸ್ತ್ರನಿರ್ದಗ್ಧರಾಕ್ಷಸಾ ರಾಹುಪೂಜಿತಾ ॥ ೧೪೮॥
ಓಂ ಐಂ ಹ್ರೀಂ ಶ್ರೀಂ ಲಂ - ೪೪॥
ಲಘೂಕ್ತಿವಲ್ಗುಸ್ತಿಮಿತವಾಣೀತ್ಯಕ್ತವಿಪಞ್ಚಿಕಾ ।
ಲಜ್ಜಾವತೀ ಲಲತ್ಪ್ರೋಚ್ಚಕೇಶಾ ಲಮ್ಬಿಪಯೋಧರಾ ॥ ೧೪೯॥
ಲಯಾದಿಕರ್ತ್ರೀ ಲೋಮಾಲಿಲತಾನಾಭೀಸರಃ ಕಟೀ ।
ಲಲದೋಷ್ಠದಲದ್ವನ್ದ್ವವದನಾ ಲಕ್ಷ್ಯದೂರಗಾ ॥ ೧೫೦॥
ಲಲನ್ತಿಕಾಮಣೀಭಾಸ್ವನ್ನಿಟಿಲಶ್ರೀಮುಖಾಮ್ಬುಜಾ ।
ಲಲಾಟಾರ್ಧನಿಶಾನಾಥಕಲಙ್ಕೋದ್ಭಾಸಿಲೋಚನಾ ॥ ೧೫೧॥
ಲಲಿತಾ ಲೋಭಿನೀ ಲೋಭಹೀನಾ ಲೋಕೇಶ್ವರೀ ಲಘುಃ ।
ಲಕ್ಷ್ಮೀರ್ಲಕ್ಷ್ಮೀಶಸಹಜಾ ಲಕ್ಷ್ಮಣಾಗ್ರಜವನ್ದಿತಾ ॥ ೧೫೨॥
ಲಾಕಿನೀ ಲಘಿತಾಪೃಭೋಧಿನಿವಹಾ ಲಲಿತಾಗ್ಬಿಕಾ ।
ಲಾಜಹೋಮಪ್ರಿಯಾ ಲಮ್ಬಮುಕ್ತಾಭಾಸುರನಾಸಿಕಾ ॥ ೧೫೩॥
ಲಾಭಾಲಾಭಾದಿರಹಿತಾ ಲಾಸ್ಯದರ್ಶನಕೋವಿದಾ ।
ಲಾವಣ್ಯದರ್ಶನೋದ್ವಿಗ್ನರತೀಶಾ ಲಧುಭಾಷಿಣೀ ॥ ೧೫೪॥
ಲಾಕ್ಷಾರಸಾಞ್ಚಿತಪದಾ ಲಧುಶ್ಯಾಮಾ ಲತಾತನುಃ ।
ಲಾಕ್ಷಾಲಕ್ಷ್ಮೀತಿರಸ್ಕಾರಿಯುಗಲಾಧರಪಲ್ಲವಾ ॥ ೧೫೫॥
ಲೀಲಾಗತಿಪರಾಭೂತಹಂಸಾ ಲೀಲಾವಿನೋದಿನೀ ।
ಲೀಲಾನನ್ದನಕಲ್ಪದ್ರುಮಲತಾಡೋಲಾವಿಹಾರಿಣೀ ॥ ೧೫೬॥
ಲೀಲಾಪೀತಾಬ್ಧಿವಿನುತಾ ಲೀಲಾಸ್ವೀಕೃತವಿಯಹಾ ।
ಲೀಲಾಶುಕೋಸ್ತಿಮುದಿತಾ ಲೀಲಾಮೃಗವಿಹಾರಿಣೀ ॥ ೧೫೭॥
ಲೋಕಮಾತಾ ಲೋಕಸೃಷ್ಟಿಸ್ಥಿತಿಸಂಹಾರಕಾರಿಣೀ ।
ಲೋಕಾತೀತಪದಾ ಲೋಕವನ್ದ್ಯಾ ಲೋಕೈಕಸಾಕ್ಷಿಣೀ ॥ ೧೫೮॥
ಲೋಕಾತೀತಾಕೃತಿರ್ಲಬ್ಧಾ ಮಾರ್ಗತ್ಯಾಗಪರಾನ್ತಕೀ । (??)
ಲೋಕಾನುಲ್ಲಞ್ಘಿತನಿಜಶಾಸನಾ ಲಬ್ಧವಿಯಹಾ ॥ ೧೫೯॥
ಲೋಮಾವಲಿ ಲತಾ ಲಮ್ಬಿಸ್ತನಯುಗ್ಮನತಾನನಾ ।
ಲೋಲಚಿತ್ತವಿದೂರಸ್ಥಾ ಲೋಮಲಮ್ಬ್ಯಣ್ಡಜಾಲಕಾ ॥ ೧೬೦॥
ಲಬಿತಾರಿಶಿರೋಹಸ್ತಾ ಲೋಕರಕ್ಷಾಪರಾಯಣಾ ।
ಓಂ ಐಂ ಹ್ರೀಂ ಶ್ರೀಂ ವಂ - ೪೫॥
ವನದುರ್ಗಾ ವಿನ್ಧ್ಯದಲವಾಸಿನೀ ವಾಮಕೇಶ್ವರೀ ॥ ೧೬೧॥
ವಶಿನ್ಯಾದಿಸ್ತುತಾ ವಹ್ನಿಜ್ವಾಲೋದ್ಗಾರಿಮುಖೀ ವರಾ ।
ವಕ್ಷೋಜಯಯುಗ್ಮವಿರಹಾಸಹಿಷ್ಣುಕರಶಙ್ಕರಾ ॥ ೧೬೨॥
ವಾಙ್ಮನೋತೀತವಿಷಯಾ ವಾಮಾಚಾರಸಮುತ್ಸುಕಾ ।
ವಾಜಪೇಯಾಧ್ವರಾನನ್ದಾ ವಾಸುದೇವೇಷ್ಟದಾಯಿನೀ ॥ ೧೬೩॥
ವಾದಿತ್ರಧ್ವನಿಸಮ್ಭ್ರಾನ್ತದಿಗ್ಗಜಾಲಿರ್ವಿಧೀಡಿತಾ ।
ವಾಮದೇವವಸಿಷ್ಠಾದಿಪೂಜಿತಾ ವಾರಿದಪ್ರಭಾ ॥ ೧೬೪॥
ವಾಮಸ್ತನಾಶ್ಲಿಷ್ದ್ಧಸ್ತಪದ್ಮಶಮ್ಭುವಿಹಾರಿಣೀ ।
ವಾರಾಹೀ ವಾಸ್ತುಮಧ್ಯಸ್ಥಾ ವಾಸವಾನ್ತಃ ಪುರೇಷ್ಟದಾ ॥ ೧೬೫॥
ವಾರಾಙ್ಗನಾನೀತಪೂರ್ಣಕುಮ್ಭದೀಪಾಲಿಮಣ್ಟಪಾ ।
ವಾರಿಜಾಸನಶೀರ್ಷಾಲಿಮಾಲಾ ವಾರ್ಧಿಸರೋವರಾ ॥ ೧೬೬॥
ವಾರಿತಾಸುರದರ್ಪಶ್ರೀಃ ವಾರ್ಧಘ್ನೀಮನ್ತ್ರರೂಪಿಣೀ ।
ವಾರ್ತಾಲೀ ವಾರುಣೀ ವಿದ್ಯಾ ವರುಣಾರೋಗ್ಯದಾಯಿನೀ ॥ ೧೬೭॥
ವಿಜಯಾ ವಿಜಯಾಸ್ತುತ್ಯಾ ವಿರೂಪಾ ವಿಶ್ವರೂಪಿಣೀ ।
ವಿಪ್ರಶತ್ರುಕದಮ್ಬಘ್ನೀ ವಿಪ್ರಪೂಜ್ಯಾ ವಿಷಾಪಹಾ ॥ ೧೬೮॥
ವಿರಿಞ್ಚಿಶಿಕ್ಷಣೋದ್ಯುಕ್ತಮಧುಕೈಟಭನಾಶಿನೀ ।
ವಿಶ್ವಮಾತಾ ವಿಶಾಲಾಕ್ಷೀ ವಿರಾಗಾ ವೀಶವಾಹನಾ ॥ ೧೬೯॥
ವೀತರಾಗವೃತಾ ವ್ಯಾಘ್ರಪಾದ ನೃತ್ತಪ್ರದರ್ಶಿನೀ ।
ವೀರಭದ್ರಹತೋನ್ಮತ್ತದಕ್ಷಯಜ್ಞಾಶ್ರಿತಾಮರಾ ॥ ೧೭೦॥
ವೇದವೇದ್ಯಾ ವೇದರೂಪಾ ವೇದಾನನಸರೋರುಹಾ ।
ವೇದಾನ್ತವಿಷಯಾ ವೇಣುನಾದಜ್ಞಾ ವೇದಪೂಜಿತಾ ॥ ೧೭೧॥
ವೌಷಟ್ಮನ್ತ್ರಮಯಾಕಾರಾ ವ್ಯೋಮಕೇಶೀ ವಿಭಾವರೀ । ??
ವನ್ದ್ಯಾ ವಾಗ್ವಾದಿನೀ ವನ್ಯಮಾಂಸಾಹಾರಾ ವನೇಶ್ವರೀ ॥ ೧೭೨॥
ವಾಞ್ಛಾಕಲ್ಪಲತಾ ವಾಣೀ ವಾಕ್ಪ್ರದಾ ವಾಗಧೀಶ್ವರೀ ।
ಓಂ ಐಂ ಹ್ರೀಂ ಶ್ರೀಂ ಶಂ - ೪೬॥
ಶಕ್ತಿವೃನ್ದಾವೃತಾ ಶಬ್ದಮಯೀ ಶ್ರೀಚಕ್ರರೂಪಿಣೀ ॥ ೧೭೩॥
ಶಬರೀ ಶಬರೀದುರ್ಗಾ ಶರಭೇಶಚ್ಛದಾಕೃತಿಃ ।
ಶಬ್ದಜಾಲೋದ್ಭವಢ್ಢಕ್ಕಾರವಾಸನ್ದಿಗ್ಧತಾಪಸಾ ॥ ೧೭೪॥
ಶರಣಾಗತಸನ್ತ್ರಾಣಪರಾಯಣಪಟೀಯಸೀ ।
ಶಶಾಙ್ಕಶೇಖರಾ ಶಸ್ತ್ರಧರಾ ಶತಮುಖಾಮ್ಬುಜಾ ॥ ೧೭೫॥
ಶಾತೋದರೀ ಶಾನ್ತಿಮತೀ ಶರಚ್ಚನ್ದ್ರನಿಭಾನನಾ ।
ಶಾಪಾಪನೋದನಚಣಾ ಶಙ್ಕಾದೋಷಾದಿನಾಶಿನೀ ॥ ೧೭೬॥
ಶಿವಕಾಮಸುನ್ದರೀ ಶ್ರೀದಾ ಶಿವವಾಮಾಙ್ಗವಾಸಿನೀ ।
ಶಿವಾ ಶ್ರೀದಾನನಿಪುಣಲೋಚನಾ ಶ್ರೀಪತಿಪ್ರಿಯಾ ॥ ೧೭೭॥
ಶುಕಾದಿದ್ವಿಜವೃನ್ದೋಕ್ತಿಸ್ತಬ್ಧಮಾನಸಗೀಷ್ಪತಿಃ ।
ಶುಕ್ರಮಣ್ಡಲಸಙ್ಕಾಶಮುಕ್ತಾಮಾಲಾ ಶುಚಿಸ್ಮಿತಾ ॥ ೧೭೮॥
ಶುಕ್ಲದಂಷ್ಟ್ರಾಗ್ರಸನ್ದೀಪ್ತಪಾತಾಲಭ್ರಾನ್ತಪನ್ನಗಾ ।
ಶುಭ್ರಾಸನಾ ಶೂರಸೇನಾವೃತಾ ಶೂಲಾದಿನಾಶಿನೀ ॥ ೧೭೯॥
ಶೂಕವೃಶ್ಚಿಕನಾಗಾಖುರ್ವೃಕಹ್ರಿಂಸ್ರಾಲಿಸಂವೃತಾ ।
ಶೂಲಿನೀ ಶೂಲಡ್ಗಾಹಿಶಙ್ಖಚಕ್ರಗದಾಧರಾ ॥ ೧೮೦॥
ಶೋಕಾಬ್ಧಿಶೋಷಣೋದ್ಯುಕ್ತಬಡವಾ ಶ್ರೋತ್ರಿಯಾವೃತಾ ।
ಶಙ್ಕರಾಲಿಙ್ಗನಾನನ್ದಮೇದುರಾ ಶೀತಲಾಮ್ಬಿಕಾ ॥ ೧೮೧॥
ಶಙ್ಕರೀ ಶಙ್ಕರಾರ್ಧಾಙ್ಗಹರಾ ಶಾಕ್ಕರವಾಹನಾ ।
ಶಮ್ಭುಕೋಪಾಗ್ನಿನಿರ್ದಗ್ಧಮದನೋತ್ಪಾದಕೇಕ್ಷಣಾ ॥ ೧೮೨॥
ಶಾಮ್ಭವೀ ಶಮ್ಭುಹಸ್ತಾಬ್ಜಲೀಲಾರುಣಕರಾವಲಿಃ ।
ಶ್ರೀವಿದ್ಯಾ ಶುಭದಾ ಶುಭವಸ್ತ್ರಾ ಶುಮ್ಭಾಸುರಾನ್ತಕೀ ॥ ೧೮೩॥
ಓಂ ಐಂ ಹ್ರೀಂ ಶ್ರೀಂ ಷಂ - ೪೭॥
ಷಡಾಧಾರಾಬ್ಜನಿಲಯಾ ಷಾಡ್ಗುಣ್ಯಶ್ರೀಪ್ರದಾಯಿನೀ ।
ಷಡೂರ್ಮಿಘ್ನಿ ಷಡಧ್ವಾನ್ತಪದಾರೂಢಸ್ವರೂಪಿಣೀ ॥ ೧೮೪॥
ಷಟ್ಕೋಣಮಧ್ಯನಿಲಯಾ ಷಡರ್ಣಾ ಷಾನ್ತರೂಪಿಣೀ ।
ಷಡ್ಜಾದಿಸ್ವರನಿರ್ಮಾತ್ರೀ ಷಡಙ್ಗಯುವತೀಶ್ವರೀ ॥ ೧೮೫॥
ಷಡ್ಭಾವರಹಿತಾ ಷಣ್ಡಕಣ್ಟಕೀ ಷಣ್ಮುಖಪ್ರಿಯಾ ।
ಷಡ್ಸಾಸ್ವಾದಮುದಿತಾ ಷಷ್ಠೀಶಾದಿಮದೇವತಾ ॥ ೧೮೬॥
ಷೋಢಾನ್ಯಾಸಮಯಾಕಾರಾ ಷೋಡಶಾಕ್ಷರದೇವತಾ ।
ಓಂ ಐಂ ಹ್ರೀಂ ಶ್ರೀಂ ಸಂ - ೪೮॥
ಸಕಲಾ ಸಚ್ಚಿದಾನನ್ದಲಕ್ಷಣಾ ಸೌಖ್ಯದಾಯಿನೀ ॥ ೧೮೭॥
ಸನಕಾದಿಮುನಿಧ್ಯೇಯಾ ಸನ್ಧ್ಯಾನಾಟ್ಯವಿಶಾರದಾ ।
ಸಮಸ್ತಲೋಕಜನನೀ ಸಭಾನಟನರನ್ಜಿನೀ ॥ ೧೮೮॥
ಸರಃ ಪುಲಿನಲೀಲಾರ್ಥಿಯುವತೀನಿವಹೋತ್ಸುಕಾ ।
ಸರಸ್ವತೀ ಸುರಾರಾಧ್ಯಾ ಸುರಾಪಾನಪ್ರಿಯಾಸುರಾ ॥ ೧೮೯॥
ಸರೋಜಲವಿಹಾರೋದ್ಯತ್ಪ್ರಿಯಾಕೃಷ್ಟೋತ್ತರಾಂಶುಕಾ ।
ಸಾಧ್ಯಾ ಸಾಧ್ಯಾದಿರೀಹತಾ ಸ್ವತನ್ತ್ರಾ ಸ್ವಸ್ತಿರೂಪಿಣೀ ॥ ೧೯೦॥
ಸಾಧ್ವೀ ಸಙ್ಗೀತರಸಿಕಾ ಸರ್ವದಾ ಸರ್ವಮಙ್ಗಲಾ ।
ಸಾಮೋದ್ಗೀತನಿಜಾನನ್ದಮಹಿಮಾಲಿಸ್ಸನಾತನಾ ॥ ೧೯೧॥
ಸಾರಸ್ವತಪ್ರದಾ ಸಾಮಾ ಸಂಸಾರಾರ್ಣವತಾರಿಣೀಮ್ ।
ಸಾವಿತ್ರೀ ಸಙ್ಗನಿರ್ಮುಕ್ತಾ ಸತೀಶೀ ಸರ್ವತೋಮುಖೀ ॥ ೧೯೨॥
ಸಾಖ್ಯತತ್ವಜ್ಞನಿವಹವ್ಯಾಪಿಸಾಲಾ ಸುಖೇಶ್ವರೀ ।
ಸಿದ್ಧಸಙ್ಘಾವೃತಾ ಸಾನ್ಧ್ಯವನ್ದಿತಾ ಸಾಧುಸತ್ಕೃತಾ ॥ ೧೯೩॥
ಸಿಂಹಾಸನಗತಾ ಸರ್ವಶೃಙ್ಗಾರರಸವಾರಿಧಿಃ ।
ಸುಧಾಬ್ಧಿಮಧ್ಯನಿಲಯಾ ಸ್ವರ್ಣದ್ವೀಪಾನ್ತರಸ್ಥಿತಾ ॥ ೧೯೪॥
ಸುಧಾಸಿಕ್ತಾಲವಾಲೋದ್ಯತ್ಕಾಯಮಾನಲತಾಗೃಹಾ ।
ಸುಭಗಾ ಸುನ್ದರೀ ಸುಭ್ರೂಃ ಸಮುಪಾಸ್ಯತ್ವಲಕ್ಷಣಾ ॥ ೧೯೫॥
ಸುರದುಸಙ್ಕುಲಾಭೋಗತಟಾ ಸೌದಾಮಿನೀನಿಭಾ ।
ಸುರಭೀಕೇಶಸಮ್ಭ್ರಾನ್ತದ್ವಿರೇಫಮುಖರಾನ್ವಿತಾ ॥ ೧೯೬॥
ಸೂರ್ಯಚನ್ದ್ರಾಂಶುಧಿಕ್ಕಾರಿಪ್ರಭಾರತ್ನಾಲಿಮಣ್ಡಪಾ ।
ಸೋಮಪಾನೋದ್ಭವಾಮೋದವಿಪ್ರಗೀತಾಪದಾನಕಾ ॥ ೧೯೭॥
ಸೋಮಯಾಗಪ್ರಿಯಾ ಸೋಮಸೂರ್ಯವಹ್ನಿವಿಲೋಚನಾ ।
ಸೌಗನ್ಧಿಕಮರುದ್ವೇಗಮೋದಿತಾ ಸದ್ವಿಲಾಸಿನೀ ॥ ೧೯೮॥
ಸೌನ್ದರ್ಯಮೋಹಿತಾಧೀನವಲ್ಲಭಾ ಸನ್ತತಿಪ್ರದಾ ।
ಸೌಭಾಗ್ಯಮನ್ತ್ರಿಣೀ ಸತ್ಯವಾದಾ ಸಾಗರಮೇಖಲಾ ॥ ೧೯೯॥
ಸ್ವಶ್ವಾಸೋಚ್ಛವಾಸಭುವನಮೋಚನೋನ್ಮೋಚನಾ ಸ್ವಧಾ ।
ಓಂ ಐಂ ಹ್ರೀಂ ಶ್ರೀಂ ಹಂ - ೪೯॥
ಹಯಾರೂಢಾ ಹಯಗ್ರೀವವಿನುತಾ ಹತಕಿಲ್ಬಿಷಾ ॥ ೨೦೦॥
ಹರಾಲಿಙ್ಗನಶೀತಾಂಶೂನ್ಮಿಷನ್ನೇತ್ರಮುದ್ವತೀ ।
ಹರಿನಾಭಿಸಮುದ್ಭೂತವಿರಿಞ್ಚಿವಿನುತಾ ಹರಾ ॥ ೨೦೧॥
ಹಾದಿವಿದ್ಯಾ ಹಾನಿಹೀನಾ ಹಾಕಿನೀ ಹರಿಚಣ್ಡಿಕಾ ।
ಹಾರಾವಲಿಪ್ರಭಾದೀಪ್ತ ಹರಿದನ್ತದಿಗಮ್ಬರಾ ॥ ೨೦೨॥
ಹಾಲಾಹಲವಿಷೋದ್ವಿಗ್ರವಿಷ್ಟಾಪಾನೇಕರಕ್ಷಕೀ ।
ಹಾಹಾಕಾರರವೋದ್ಗೀತದನುಜಾ ಹಾರಮಞ್ಜುಲಾ ॥ ೨೦೩॥
ಹಿಮಾದ್ರಿತನಯಾ ಹೀರಮಕುಟಾ ಹಾರಪನ್ನಗಾ ।
ಹುತಾಶನಧರಾ ಹೋಮಪ್ರಿಯಾ ಹೋತ್ರೀ ಹಯೇಶ್ವರೀ ॥ ೨೦೪॥
ಹೇಮಪದ್ಮಧರಾ ಹೇಮವರ್ಮರಾಜಸಮರ್ಚಿತಾ ।
ಹಂಸಿನೀ ಹಂಸಮನ್ತ್ರಾರ್ಥಾ ಹಂಸವಾಹಾ ಹರಾಙ್ಗಭೃತ್ ॥ ೨೦೫॥
ಹೃದ್ಯಾ ಹೃದ್ಯಮನೋನಿತ್ಯವಾಸಾ ಹರಕುಟುಮ್ಬಿನೀ । (??)
ಹ್ರೀಮತಿಃ ಹೃದಯಾಕಾಶತರಣಿಃ ಹ್ರಿಮ್ಪರಾಯಣಾ ॥ ೨೦೬॥
ಓಂ ಐಂ ಹ್ರೀಂ ಶ್ರೀಂ ಕ್ಷಂ - ೫೦॥
ಕ್ಷಣದಾಚರಸಂಹಾರಚತುರಾ ಕ್ಷುದ್ರದುರ್ಮುಖಾ ।
ಕ್ಷಣದಾರ್ಚ್ಯಾ ಕ್ಷಪಾನಾಥಸುಧಾರ್ದ್ರಕಬರೀ ಕ್ಷಿತಿಃ ॥ ೨೦೭॥
ಕ್ಷಮಾ ಕ್ಷಮಾಧರಸುತಾ ಕ್ಷಾಮಕ್ಷೋಭವಿನಾಶಿನೀ ।
ಕ್ಷಿಪ್ರಸಿದ್ಧಿಮ್ಪ್ರದಾ ಕ್ಷಿಪ್ರಗಮನಾ ಕ್ಷುಣ್ಣಿವಾರಿಣೀ ॥ ೨೦೮॥
ಕ್ಷೀಣಪುಣ್ಯಾಸುಹೃತ್ ಕ್ಷೀರವರ್ಣಾ ಕ್ಷಯವಿವರ್ಜಿತಾ ।
ಕ್ಷೀರಾನ್ನಾಹಾರಮುದಿತಾ ಕ್ಷ್ಮ್ರ್ಯೂಮ್ಮನ್ತ್ರಾಪ್ತೇಷ್ಟಯೋಗಿರಾಟ್ ॥ ೨೦೯॥
ಕ್ಷೀರಾಬ್ಧಿತನಯಾ ಕ್ಷೀರಘೃತಮಧ್ವಾಸವಾರ್ಚಿತಾ ।
ಕ್ಷುಧಾರ್ತಿದೀನಸನ್ತ್ರಾಣಾ ಕ್ಷಿತಿಸಂರಕ್ಷಣಕ್ಷಮಾ ॥ ೨೧೦॥
ಕ್ಷೇಮಙ್ಕರೀ ಕ್ಷೇತ್ರಪಾಲವನ್ದಿತಾ ಕ್ಷೇತ್ರರೂಪಿಣೀ ।
ಕ್ಷೌಮಾಮ್ಬರಧರಾ ಕ್ಷತ್ರಸಮ್ಪ್ರಾರ್ಥಿತಜಯೋತ್ಸವಾ ॥ ೨೧೧॥
ಕ್ಷ್ವೇಲಭುಗ್ರಸನಾಸ್ವಾದ ಜಾತ ವಾಗ್ರಸವೈಭವಾ ।
ಇತಿ ಶ್ರೀಭೃಙ್ಗಿರಿಟಿಸಂಹಿತಾಯಾಂ ಶಕ್ತ್ಯುತ್ಕರ್ಷಪ್ರಕರಣೇ
ಶಿವಗೌರೀಸಂವಾದೇ ಶ್ರೀಶಿವಕಾಮಸುನ್ದರೀಸಹಸ್ರನಾಮಸ್ತೋತ್ರಂ ಸಮ್ಪೂರ್ಣಮ್
॥ ಉತ್ತರಪೀತಿಕಾ ॥
ಇತ್ಯೇತತ್ತೇ ಮಯಾಽಽಖ್ಯಾತಂ ನಾಮ ಸಾಹಸ್ರಮುತ್ತಮಮ್ ।
ಶಿವಕಾಮಸುನ್ದರೀದೇವ್ಯಾಃ ಶಿವಾಯಾಃ ಪರಮೇಶ್ವರಿ ॥ ೧॥
ಚತುರ್ವೇದಸ್ಯ ತಾತ್ಪರ್ಯಸಾರಭೂತಂ ಸುಖಪ್ರದಮ್ ।
ಸಹಸ್ರನಾಮಕ ಸ್ತೋತ್ರರತ್ನಾಭಿಧಮಿದಂ ಪ್ರಿಯೇ ।
ಶ್ರುತ್ಯನ್ತವಾಕ್ಯನಿಚಯಬದ್ಧಂ ಶೀಘ್ರಪ್ರಸಿದ್ಧಿದಮ್ ॥ ೨॥
ಆಯುರಾರೋಗ್ಯದಂ ಪುಣ್ಯವರ್ಧನಂ ಭುಕ್ತಿಮುಕ್ತಿದಮ್ ।
ವಿಘ್ನವಾರಣವಿಘ್ನೇಶಂ ಸಂಸಾರಧ್ವಾನ್ತಭಾಸ್ಕರಮ್ ॥ ೩॥
ಶೋಕಕಾನ್ತಾರದಾವಾಗ್ನಿಮಜ್ಞಾನಾಬ್ಧಿಘಟೋದ್ಭವಮ್ ।
ರೋಗಪರ್ವತದಭ್ಭೋಲಿಂ ಶತ್ರುವರ್ಗಾಹಿತಾರ್ಕ್ಷ್ಯಕಮ್ ॥ ೪॥
ಸರ್ವವಿದ್ಯಾಪ್ರದಂ ನೄಣಾಂ ತುಷ್ಟಿದಂ ಪುಷ್ಟಿದಂ ಪ್ರಿಯೇ ।
ಭೂತಾಃ ಪ್ರೇತಾಃ ಪಿಶಾಚಾಶ್ಚ ಬ್ರಹ್ಮರಕ್ಷೋಗಣೋರಗಾಃ ॥ ೫॥
ಜಟಾಮುನಿಗಣಾಃ ಕ್ಷುದ್ರಜ್ವರಕೃದ್ಗ್ರಹಮಣ್ಡಲಾಃ ।
ಕೋಟರಾರೇವತೀಜ್ಯೇಷ್ಠಾಪೂತನಾಮಾತೃಕಾದಯಃ ॥ ೬॥
ಮಹಾಜ್ವರಕರಾಶ್ಚಾನ್ಯೇ ಭೇತಾಲಾಗ್ನಿಧರಾಶ್ಶಿವೇ ।
ಅಪಸ್ಮಾರಾದಿಮಾಶ್ಚಾನ್ಯೇ ದೃಷ್ಟಾ ಹಿಂಸಾರಾರಾಶ್ಶಿವೇ ॥ ೭॥
ರಾಕ್ಷಸಾ ಮನುಜಾ ಯಜ್ಞವಿಘ್ನಭೂತಾಶ್ಚ ಪನ್ನಗಾಃ ।
ಸಾಲುವಾಃ ಶರಭಾಃ ಸಿಂಹಾಃ ವ್ಯಾಘ್ರಾ ಋಕ್ಷಾ ಗಜಾ ವೃಷಾಃ ।
ಶಾಕ್ಕರಾ ಮಹಿಷಾಚ್ಛಗಾಃ ಗವಯಾವೃಕಜಮ್ಬುಕಾಃ ।
ಅನ್ಯೇ ವನ್ಯಾ ಮೃಗಾ ದೇವಿ ಹಿಂಸಕಾಶ್ಶೂಕವೃಶ್ಚಿಕಾಃ ॥ ೯॥
ಅಣ್ಡಜಾಸ್ಸ್ವೇದಜಾ ದೇವಿ ಚೋದ್ಭಿದಾಶ್ಚ ಜರಾಯುಜಾಃ ।
ಯೇ ಯೇ ಹಿಂಸಾಕರಾಸ್ಸರ್ವೇ ನಾಮಸಾಹಸ್ರಜಾಪಿನಮ್ ॥ ೧೦॥
ದೃಷ್ಟ್ವಾ ಭೀತ್ಯಾ ಪರಿಭ್ರಾನ್ತಾಃ ಸ್ಖಲನ್ತಶ್ಚ ವಿದೂರತಃ ।
ಪತನ್ತಶ್ಚ ಪಲಾಯನ್ತೇ ಪ್ರಾಣತ್ರಾಣಪರಾಯಣಾಃ ॥ ೧೧॥
ಅಮ್ಬಿಕಾನಾಮಸಾಹಸ್ರಜಪಶೀಲಸ್ಯ ಯೋಗಿನಃ ।
ದ್ರವ್ಯಾಣಿ ಯೋಽಪಹರತೇ ತಂ ಭಕ್ಷಯತಿ ಯೋಗಿನೀ ॥ ೧೨॥
ಶಿವಕಾಮಸುನ್ದರೀಭಸ್ತಿಶಾಲಿನಂ ದ್ವೇಷ್ಟಿ ಯೋ ನರಃ ।
ತಂ ನಾಶಯತಿ ಸಾ ದೇವೀ ಸಪುತ್ರಗಣಬಾನ್ಧವಮ್ ॥ ೧೩॥
ಶಿವಕಾಮಸುನ್ದರೀಭಕ್ತೇ ಚಾಭಿಚಾರಾದಿದುಷ್ಕೃತಿಮ್ ।
ಯಃ ಪ್ರೇರಯತಿ ಮೂಢಾತ್ಮಾ ತಂ ದೇವೀ ಶಿವಸುನ್ದರೀ ॥ ೧೪॥
ಮುಖಾಗ್ನಿಜ್ವಾಲಯಾ ದೇವೀ ದಾಹಯತ್ಯಞ್ಜಸಾ ಧುವಮ್ ।
ಅನೇನ ಸದೃಶಂ ಸ್ತೋತ್ರಂ ನಾಸ್ತಿ ನಾಸ್ತ್ಯದ್ರಿಕನ್ಯಕೇ ॥ ೧೫॥
ಏತತ್ಸ್ತೋತ್ರಜಪೇನೈವ ವಿಷ್ಣುರ್ಲಕ್ಷ್ಮೀಶ್ವರೋಽಭವತ್ ।
ಜಗದ್ರಕ್ಷಕಕರ್ತೃತ್ವಂ ಬ್ರಹ್ಮಣೋ ವೇಧಸಃ ಪ್ರಿಯೇ ॥ ೧೬॥
ಸೃಷ್ಟಿಕರ್ತೃತ್ವಮಪ್ಯಮ್ಬೇ ವೇದಾನಾಂ ಚ ವಿಧಾಯಕಃ ।
ಅಭೂದನ್ಯೇಽಮರಾಶ್ಚೈವ ವಹ್ನೀನ್ದ್ರಯಮರಾಕ್ಷಸಾಃ ॥ ೧೭॥
ಜಲವಾಯ್ವೀಶಧನದಾಃ ಯೋಗಿನಶ್ಚ ಮಹರ್ಷಯಃ ।
ಜಪಾದಸ್ಯ ಸ್ವಯಂ ಸಿದ್ಧಿಂ ಲೇಭಿರೇ ಸತತಂ ಶಿವೇ ॥ ೧೮॥
ಮಮ ಶಕ್ತಿಮಯೀ ತ್ವಂ ಹಿ ದೇವೀ ಸಾ ಕಾಮಸುನ್ದರೀ ।
ತಸ್ಯಾಃ ಪ್ರಭಾವಂ ನಾನ್ಯೇನ ವಸ್ತುಂ ಶಕ್ಯಂ ಹಿ ಸುನ್ದರಿ! ॥ ೧೯॥
ತ್ವಯೈವ ಚಿನ್ತನೀಯಂ ತತ್ ತ್ವತ್ತೋ ನಾನ್ಯಾಸ್ತಿ ಹಿ ಪ್ರಿಯಾ ।
ಏತನ್ನಾಮಸಹಸ್ರಸ್ಯ ಜಪೇ ತ್ರೈವರ್ಣಿಕಃ ಪ್ರಿಯೇ ॥ ೨೦॥
ಮಯಾಧಿಕ್ರಿಯತೇಽನ್ಯೇಷಾಂ ಚ ಭವೇದಧಿಕಾರತಾ ।
ಅನ್ಯೇ ತು ಪಾಠಯೇದ್ವಿಪ್ರೈಃ ಲಭೇರನ್ದವೇಷ್ಟಕಾಮನಾಮ್ ॥ ೨೧॥
ಯೋ ವಿಪ್ರಶ್ಶಾನ್ತಹೃದಯಃ ನಾಮಸಾಹಸ್ರಮುತ್ತಮಮ್ ।
ಜಪತಿ ಶ್ರದ್ಧಯಾ ಯುಕ್ತಃ ಸರ್ವಾನ್ಕಾಮಾನವಾಪ್ನುಯಾತ್ ॥ ೨೨॥
ಶುಕ್ರವಾರೇ ಸೌಮವಾರೇ ಭೌಮವಾರೇ ಗುರೋರ್ದಿನೇ ।
ದರ್ಶೇ ಪರ್ವಣಿ ಪಞ್ಚಮ್ಯಾಂ ನವಮ್ಯಾಂ ಕುಲಸುನ್ದರಿ ॥ ೨೩॥
ಕೃಷ್ಣಾಙ್ಗಾರಚತುರ್ದಶ್ಯಾಂ ಸಙ್ಕ್ರಾನ್ತಾವಯನೇ ವಿಷೌ ।
ವೃಷೇ ಶುಕ್ಲನವಮ್ಯಾಂ ಚ ಶ್ರಾವಣ್ಯಾಂ ಮೂಲಭೇ ಶುಭೇ ॥ ೨೪॥
ಆಷಾಢೇ ಚ ತುಲಾಯಾಂ ಚ ನಕ್ಷತ್ರೇ ಪೂರ್ವಫಲ್ಗುನೇ ।
ಜ್ಯೇಷ್ಠೇ ಚ ಫಾಲ್ಗುನೇ ಮಾಸಿ ಉತ್ತರೇ ಫಲ್ಗುನೇ ಶುಭೇ ॥ ೨೫॥
ನಕ್ಷತ್ರೇ ಚ ಶುಭಾಂ ದೇವೀಂ ಗೌರೀನಾಮಭಿರಮ್ಬಿಕಾಮ್ ।
ಅರ್ಚಯೇತ್ಸತತಂ ಪ್ರೀತಾ ಸುನ್ದರೀ ಭವತಿ ಪ್ರಿಯೇ ॥ ೨೬॥
ಪ್ರತಿಪನ್ಮುಖರಾಕಾನ್ತದಿನರಾತ್ರಿಷು ಚಾಮ್ಬಿಕಾಮ್ ।
ಅರ್ಚಯೇತ್ಕುಸುಮೈರ್ಬಿಲ್ವೈಃ ಹಾರಿದ್ರೈಃ ಕುಕುಮೈಃ ಶುಭೈಃ ॥ ೨೭॥
ಹರಿದ್ರಾಚೂರ್ಣಸಮ್ಪೃಕ್ತೈರಕ್ಷತೈರ್ತುಲಸೀದಲೈಃ ।
ಕೇಸರೈಃ ಕೇತಕೈಶ್ಚೈವ ಮನ್ದಾರೈಶ್ಚಮ್ಪಕೈರಪಿ ॥ ೨೮॥
ಪ್ರಥಮಂ ಗನ್ಧತೈಲೇನಾಭಿಷಿಚ್ಯ ತತಃ ಪರಮ್ ।
ಪಯಸಾ ಮಧುನಾ ದಘ್ನಾ ಘೃತೇನ ಲಿಕುಚೇನ ಚ ॥ ೨೯॥
ನಾರಿಕೇಲಾಮ್ರಪನಸಕದಲೀನಾಂ ಫಲತ್ರಯಮ್ ।
ಶರ್ಕರಾಮಧುಸಮ್ಪೃಕ್ತಂ ಪಞ್ಚ್ಜಾಮೃತಮಥಾಮ್ಬಿಕಾಮ್ ॥ ೩೦॥
ಅಭಿಷಿಚ್ಯ ತತಃ ಪಶ್ಚಾತ್ಸಗನ್ಧೀಶ್ಚನ್ದನೈಃ ಶುಭೈಃ ।
ಅನ್ನೈಶ್ಚ ಕುಙ್ಕುಮೈಶ್ಚೈವ ಫಲಾನಾಂ ಚ ರಸೈಸ್ತಥಾ ॥ ೩೧॥
ಗಙ್ಗಾಮ್ಬುಭಿಸ್ತತಃ ಕುರ್ಯಾತ್ವಾಸಿತೈಃ ಸಲಿಲೈಶ್ಶುಭೈಃ ।
ಸಮ್ಯಗುನ್ಮಾರ್ಜ್ಯ ವಸ್ತ್ರೈಶ್ಚ ಪೀತಾಮ್ಬರಮುಖೈಃ ಶಿವೈಃ ॥ ೩೨॥
ಆಚ್ಛಾದ್ಯ ಕಞ್ಚುಕೈಶ್ಚೈವಾಲಙ್ಕೃತ್ಯಾಭರಣೈಸ್ಸುಮೈಃ ।
ಶುದ್ಧಾನ್ನೈಃ ಪಾಯಸಾನ್ನೈಶ್ಚ ರಸಖಣ್ಡಾನ್ನೈಶ್ಚ ಭಕ್ಷ್ಯಕೈಃ ॥ ೩೩॥
ಗುಡಾನ್ನೇಃ ಪಾಯಸಾಪೂಪೈರ್ಮಾಷಾಪೂಪೈಶ್ಚ ಲೇಹ್ಯಕೈಃ ।
ಖಾದ್ಯೈಶ್ಚ ವಿವಿಧೈರನ್ನೈಃ ಚಿತ್ರಾನ್ನೈಶ್ಚ ವಿಶೇಷತಃ ॥ ೩೪॥
ಲಡ್ಡುಕೈರ್ಮೋದಕೈಶ್ಚಾಪಿ ಕರಮ್ಭೈಶ್ಚ ಶರಾವಕೈಃ ।
ಫಲೈಶ್ಚ ವಿವಿಧೈಶ್ಚಾಪಿ ಕುರ್ಯಾನ್ನೈವೇದ್ಯಮಾದರಾತ್ ॥ ೩೫॥
ಷೋಡಶೈರುಪಚಾರೈಶ್ಚ ಪೂಜಯೇಚ್ಛಿವಸುನ್ದರೀಮ್ ।
ಸುವಾಸಿನೀಃ ಕನ್ಯಕಾಶ್ಚ ವಸ್ತ್ರಾನ್ನೈಶ್ಚ ಪ್ರಪೂಜಯೇತ್ ॥ ೩೬॥
ಏಭಿರ್ನಾಮಭಿರೇವೈತಾಂ ಮೂರ್ತೇ ಯನ್ತ್ರೇ ಘಟೇಽಪಿ ವಾ ।
ಆವಾಹ್ಯಾಭ್ಯರ್ಚ್ಯಯೇದ್ದೇವೀಂ ಜಪೇದ್ವಾ ಸನ್ನಿಧೌ ಸ್ತುತಿಮ್ ॥ ೩೭॥
ಯಂ ಯಂ ಕಾಮಯತೇ ಶೀಘ್ರಂ ತಂ ತಂ ಪ್ರಾಪ್ನೋತ್ಯಸಂಶಯಃ ।
ವಿದ್ಯಾರ್ಥೀ ಲಭತೇ ವಿದ್ಯಾಂ ಪುತ್ರಾರ್ಥೀ ಪುತ್ರಮಾಪ್ನುಯಾತ್ ॥ ೩೮॥
ಕನ್ಯಾರ್ಥೀ ಲಭತೇ ಕನ್ಯಾಂ ಅಪ್ಸರಸ್ಸದೃಶೀಂ ಶಿವೇ ।
ಧನಾರ್ಥೀ ಲಭತೇ ಶೀಘ್ರಂ ಧನಂ ಭೂರಿ ಮಹೇಶ್ವರಿ ॥ ೩೯॥
ಶ್ರೀವಿದ್ಯೋಪಾಸ್ತಿಶೀಲಾನಾಮಾತ್ಮರಕ್ಷಾರ್ಥಮಾದರಾತ್ ।
ಶತ್ರುನಿರ್ಘಾತನಾರ್ಥಞ್ಚ ಸ್ವದಾಸಾನುಗ್ರಹಾಯ ಚ ॥ ೪೦॥
ಜಪ್ತವ್ಯಂ ಸತತಂ ಭದ್ರೇ ಶ್ರುತಿವದ್ವಾಗ್ಯತಶ್ಶುಚಿಃ ।
ಸರ್ವಮನ್ತ್ರಾಧಿಕಾರತ್ವಾತ್ ಶ್ರೀವಿದ್ಯೋಪಾಸಕಸ್ಯ ತು ॥ ೪೧॥
ಗುರುಂ ಸ್ವಯಂ ಜಪ್ಯಂ ವಿನಾ ಸುನ್ದರ್ಯೇವಾಸ್ಯ ದೇಶಿಕಾ ।
ತೇಷಾಮೇವ ವಿಧಿಃ ಪ್ರೋಕ್ತೋ ನಾನ್ಯೇಷಾಂ ಮೇನಕಾತ್ಮನ್ತೇ ॥ ೪೨॥
ಉಪದೇಶಾದೇವ ಚ ಗುರೋಃ ಜಪ್ತವ್ಯಂ ಶಿವಭಾಷಿತಮ್ ।
ಶ್ರೀಚಕ್ರಪುರಸಮಾಜಸ್ತ್ರಿಪುರಾತುಷ್ಟಿಕಾರಣಮ್ ॥ ೪೩॥
ತತ್ತ್ವಮಸ್ಯಾದಿವಾಕ್ಯಾರ್ಥಪರಬ್ರಹ್ಮಪದಪ್ರದಮ್ ।
ಶಿವಜ್ಞಾನಪ್ರದಂ ದೇವಿ ಶೀಘ್ರಸಿದ್ಧಿಕರಂ ಪರಮ್ ॥ ೪೪॥
ಶ್ರೌತಸ್ಮಾರ್ತಾದಿಕರ್ಮಾದೌ ಭಕ್ತ್ಯೇದಂ ಯೋ ಜಪೇತ್ಪ್ರಿಯೇ ।
ಅವಿಘ್ನೇನ ಚ ತತ್ಕರ್ಮ ಸಾಫಲ್ಯಂ ಚೈತಿ ನಿಶ್ಚಯಃ ॥ ೪೫॥
ಯುದ್ಧೇ ಪ್ರಯಾಣೇ ದುರ್ದ್ಧರ್ಷೇ ಸ್ವಪ್ನೇ ವಾತೇ ಜಲೇ ಭಯೇ ।
ಜಪ್ತವ್ಯಂ ಸತತಂ ಭದ್ರೇ ತತ್ತಚ್ಛಾನ್ತ್ಯೈ ಮಹೇಶ್ವರಿ ॥ ೪೬॥
ತತ್ತನ್ಮಾತೃಕಯಾ ಪುಸ್ತಂ ತ್ರಿತಾರೇಣ ಸಮನ್ವಿತಮ್ ।
ಸ್ತೋತ್ರಮೇತಜ್ಜಪೇದ್ದೇವೀಮರ್ಚಯೇಚ್ಚ ವಿಶೇಷತಃ ॥ ೪೭॥
ಸದಾ ತಸ್ಯ ಹೃದಮ್ಭೋಜೇ ಸುನ್ದರೀ ವಸತಿ ಧುವಮ್ ।
ಅಣಿಮಾದಿಮಹಾಸಿದ್ಧೀಃ ಲಭತೇ ನಾತ್ರ ಸಂಶಯಃ ॥ ೪೮॥
ಅಶ್ವಮೇಧಾದಿಭಿರ್ಯಜ್ಞೈಃ ಯತ್ಫಲಂ ತತ್ ಸುದುರ್ಲಭಮ್ ।
ಅಣಿಮಾದಿಮಮಹಾಸಿದ್ಧೀಃ ಲಭತೇ ನಾತ್ರ ಸಂಶಯಃ ॥ ೪೯॥
ಏಭಿರ್ನಾಮಭಿರೇವಂ ಯಃ ಕಾಲೀಂ ದುರ್ಗಾಞ್ಚ ಚಣ್ಡಿಕಾಮ್ ।
ಅರ್ಚಯೇತ್ಸತತಂ ಭಕ್ತ್ಯಾ ಯೇ ಸರ್ವಾನ್ಕಾಮಾಂಲ್ಲಭೇನ್ನರಃ ॥ ೫೦॥
ಸುನ್ದರೀಮೂರ್ತಿಭೇದಾಶ್ಚ ಕಾಲೀ ದುರ್ಗಾ ಚ ಚಣ್ಡಿಕಾ ॥ ೫೧॥
ಏಕೈವ ಶಕ್ತಿಃ ಪರಮೇಶ್ವರಸ್ಯ
ಭಿನ್ನಾ ಚತುರ್ಧಾ ವಿನಿಯೋಗಕಾಲೇ ।
ಭೋಗೇ ಭವಾನೀ ಪುರುಷೇಷು ವಿಷ್ಣುಃ
ಕೋಪೇಷು ಕಾಲೀ ಸಮರೇಷು ದುರ್ಗಾ ॥ ೫೨॥
ಏಕಾ ಶಕ್ತಿಶ್ಚ ಶಮ್ಭೋರ್ವಿನಿಮಯನವಿಧೌ ಸಾ ಚತುರ್ಧಾ ವಿಭಿನ್ನಾ
ಕ್ರೋಧೇ ಕಾಲೀ ವಿಜಾತಾಚ ಸಮರಸಮಯೇ ಸಾ ಚ ಚಣ್ಡೀ ಚ ದುರ್ಗಾ ।
ಭೋಗೇ ಸೃಷ್ಟೌ ನಿಯೋಗೇ ಚ ಸಕಲಜಗತಾಂ ಸಾ ಭವಾನೀ ಚ ಜಾತಾ
ಸರ್ವೇಷಾಂ ರಕ್ಷಣಾನುಗ್ರಹಕರಣವಿಧೌ ತಸ್ಯ ವಿಷ್ಣುರ್ಭವೇತ್ಸಾ ॥ ೫೨॥
ಸಮ್ಪ್ರಯಚ್ಛತಿ ತಸ್ಯೇಷ್ಟಮಚಿರಾದೇವ ಸುನ್ದರೀ ।
ಸ್ತೋತ್ರರತ್ನಮಿದಂ ಭದ್ರೇ ಸದಾ ನಿಷ್ಕಾಮನಾಯುತಃ ॥ ೫೩॥
ಯೋ ಜಪೇನ್ಮಾಮಕಂ ಧಾಮ ಬ್ರಹ್ಮವಿಷ್ಣ್ವಾದಿದುರ್ಲಭಮ್ ।
ಸತ್ಯಜ್ಞಾನಮನನ್ತಾಖ್ಯಂ ಬ್ರಾಹ್ಮಂ ಕೈವಲ್ಯಸಞ್ಜ್ಞಕಮ್ ॥ ೫೪॥
ಭವಾಬ್ಧಿತಾರಕಂ ಸೋಽಪಿ ಪ್ರಾಪ್ನೋತಿ ಮದನುಗ್ರಹಾತ್ ।
ಚಿತ್ಸಭಾಯಾಂ ನೃತ್ಯಮಾನನಟರಾಜಸ್ಯ ಸಾಕ್ಷಿಣೀ ॥ ೫೫॥
ತಸ್ಯೈವ ಮಹಿಷೀ ನಾಮ್ರಾ ಶಿವಕಾಮಾ ಚ ಸುನ್ದರೀ ।
ಸಾ ಪರಬ್ರಹ್ಮಮಹಿಷೀ ಸದಾನನ್ದಾ ಶುಭಪ್ರದಾ ॥ ೫೬॥
ಶಿವಕಾಮಸುನ್ದರೀನಾಮ್ನಾಂ ಸಹಸ್ರಂ ಪ್ರೋಕ್ತಮಮ್ಬಿಕೇ ।
ಏತಸ್ಯ ಸದೃಶಂ ಸ್ತೋತ್ರಂ ನಾಸ್ತಿ ನಾಸ್ತಿ ಜಗತ್ತ್ರಯೇ ॥ ೫೭॥
ಸತ್ಯಂ ಸತ್ಯಂ ಪುನಸ್ಸತ್ಯಂ ತ್ವಾಂ ಶಪೇಽಹಂ ವದಾಮಿ ತೇ ।
ನಾಸ್ತಿಕಾಯ ಕೃತಘ್ನಾಯ ವಿಪ್ರದ್ವೇಷಪರಾಯ ಚ ॥ ೫೮॥
ನ ದೇಯಂ ವೇದವಿಪ್ರರ್ಷಿಭಕ್ತಿಯುಕ್ತಾಯ ಶಾಮ್ಭವಿ ।
ದೇಯಂ ತ್ರಿಪುರವಿದ್ಯೇಶೀತ್ಯಥರ್ವಶ್ರುತಿ ಚೋದಿತಮ್ ॥ ೫೯॥
ವಿಸ್ತೃತೇನ ಕಿಮನ್ಯಚ್ಚ ಶ್ರೋತುಕಾಮಾಸಿ ಸುನ್ದರಿ ।
ಇತಿ ನಿಗದಿತವನ್ತಂ ರಾಜತೇ ಪರ್ವತೇಽಸ್ಮಿನ್
ನವಮಣಿಗಣಪೀಠೇ ಸಂಸ್ಥಿತಂ ದೇವಮೀಶಮ್ ।
ಮುಹುರಪಿ ಕೃತನಮ್ರಾ ಭಕ್ತಿನಮ್ರಾ ಭವಾನೀ
ಕರಯುಗಸರಸಿಜೇನಾಲಿಲಿಙ್ಗಾತಿಗಾಢಮ್ ॥ ೬೦॥
ಇತಿ ಶ್ರೀಭೃಙ್ಗಿರಿಟಿಸಂಹಿತಾಯಾಂ ಶಕ್ತ್ಯುತ್ಕರ್ಷಪ್ರಕರಣೇ ಶಿವಗೌರೀಸಂವಾದೇ
ಶ್ರೀಶಿವಕಾಮಸುನ್ದರೀಸಹಸ್ರನಾಮಸ್ತೋತ್ರೋತ್ತರಪೀಠಿಕಾ ಸಮ್ಪೂರ್ಣಾ ॥
॥ ಶಿವಮಸ್ತು ॥
Proofread by DPD
Please send corrections to sanskrit@cheerful.com
Last updated ತ್oday
http://sanskritdocuments.org
Shivakama Sundari Sahasranama Stotram Lyrics in Kannada PDF
% File name : shivakAmasundarIsahasranAmastotra.itx
% Category : sahasranAma
% Location : doc\_devii
% Language : Sanskrit
% Subject : philosophy/hinduism/religion
% Proofread by : DPD
% Description-comments : Mahaperiaval trust publication
% Latest update : August 23, 2015
% Send corrections to : sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : shivakAmasundarIsahasranAmastotra.itx
% Category : sahasranAma
% Location : doc\_devii
% Language : Sanskrit
% Subject : philosophy/hinduism/religion
% Proofread by : DPD
% Description-comments : Mahaperiaval trust publication
% Latest update : August 23, 2015
% Send corrections to : sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 15, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ December 15, 2015 ] at Stotram Website