% Text title : kAkinIshvarasahasra % File name : kAkinIshvarasahasra.itx % Category : sahasranAma % Location : doc\_devii % Author : Traditional % Language : Sanskrit % Subject : philosophy/hinduism/religion % Transliterated by : Mark S.G. Dyczkowski muktAbodha % Proofread by : Ravin Bhalekar ravibhalekar at hotmail.com % Description-comments : rudrayAmale uttaratantre bhairava bhairavI sa.nvAde % Latest update : May 25, 2009 % Send corrections to : Sanskrit@cheerful.com % Site access : http://sanskritdocuments.org % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. kAkinyaShTottarasahasranAmastotra ..}## \itxtitle{.. kAkinyaShTottarasahasranAmastotra ..}##\endtitles ## \section{.. kAkinyaShTottarasahasranAmastotra ..} shrIgaNeshAya namaH | shrIAnandabhairava uvAcha | vada kalyANi kAmeshi trailokyaparipUjite | brahmANDAnantanilaye kailAsashikharojjvale || 1 || kAlike kAlarAtristhe mahAkAlaniShevite | shabdabrahmasvarUpe tvaM vaktumarhasi sAdarAt || 2 || sahasranAmayogAkhyam aShTottaramanantaram | anantakoTibrahmANDaM sAraM paramama~Ngalam || 3 || j~nAnasiddhikaraM sAkShAd atyantAnandavardhanam | sa~NketashabdamokShArthaM kAkinIshvarasaMyutam || 4 || parAnandakaraM brahma nirvANapadalAlitam | snehAdabhisukhAnandAdAdau brahma varAnane || 5 || ichChAmi sarvadA mAtarjagatAM surasundari | snehAnandarasodrekasambandhAn kathaya drutam || 6 || shrIAnandabhairavI uvAcha Ishvara shrInIlakaNTha nAgamAlAvibhUShitaH | nAgendrachitramAlADhya nAgAdhiparameshvaraH || 7 || kAkinIshvarayogADhyaM sahasranAma ma~Ngalam | aShTottaraM vR^itAkAraM koTisaudAminIprabham || 8 || AyurArogyajananaM shR^iNuShvAvahito mama | anantakoTibrahmANDasAraM nityaM parAtparam || 9 || sAdhanaM brahmaNo j~nAnaM yogAnAM yogasAdhanam | sArvaj~naguhyasaMskAraM saMskArAdiphalapradam || 10 || vA~nChAsiddhikaraM sAkShAnmahApAtakanAshanam | mahAdAridryashamanaM mahaishvaryapradAyakam || 11 || japedyaH prAtari prIto madhyAhne.astamite ravau | namaskR^itya japennAma dhyAnayogaparAyaNaH || 12 || kAkinIshvarasaMyogaM dhyAnaM dhyAnaguNodayam | Adau dhyAnaM samAcharya nirmalo.amalachetasA || 13 || dhyAyed devIM mahAkAlIM kAkinIM kAlarUpiNIm | parAnandarasonmattAM shyAmAM kAmadughAM parAm || 14 || chaturbhujAM khaDgacharmavarapadmadharAM harAm | shatrukShayakarIM ratnA.ala~NkArakoTimaNDitAm || 15 || taruNAnandarasikAM pItavastrAM manoramAm | keyUrahAralalitAM tATa~NkadvayashobhitAm || 16 || IshvarIM kAmaratnAkhyAM kAkacha~nchupuTAnanAm | sundarIM vanamAlADhyAM chArusiMhAsanasthitAm || 17 || hR^itpadmakarNikAmadhyAkAshasaudAminIprabhAm | evaM dhyAtvA paThennAmama~NgalAni punaH punaH || 18 || IshvaraM koTisUryAbhaM dhyAyeddhR^idayamaNDale | chaturbhujaM vIrarUpaM lAvaNyaM bhAvasambhavam || 19 || shyAmaM hiraNyabhUShA~NgaM chandrakoTisushItalam | abhayaM varadaM padmaM mahAkhaDgadharaM vibhum || 20 || kirITinaM mahAkAyaM smitahAsyaM prakAshakam | hR^idayAmbujamadhyasthaM nUpurairupashobhitam || 21 || koTikAlAnalaM dIptaM kAkinIdakShiNasthitam | evaM vichintya manasA yoginaM parameshvaram || 22 || tataH paThet sahasrAkhyaM vadAmi shR^iNu tatprabho || 23 || asya shrIkAkinIshvarasahasranAmastotrasya brahmAR^iShi \, gAyatrIchChandaH \, jagadIshvara kAkinI devatA \, nirvANayogArtha siddhayarthe jape viniyogaH | OM IshvaraH kAkinIshAna IshAna kamaleshvarI | IshaH kAkeshvarIshAnI IshvarIshaH kuleshvarI || 24 || IshamokShaH kAmadhenuH kapardIshaH kapardinI | kaulaH kulInAntaragA kaviH kAvyaprakAshinI || 25 || kalAdeshaH sukavitA kAraNaH karuNAmayI | ka~njapatrekShaNaH kAlI kAmaH kolAvalIshvarI || 26 || kirAtarUpI kaivalyA kiraNaH kAmanAshanA | kArNATeshaH sakarNATI kalikaH kAlikApuTA || 27 || kishoraH kIshunamitA keshaveshaH kuleshvarI | keshaki~njalkakuTilaH kAmarAjakutUhalA || 28 || karakoTidharaH kUTA kriyAkrUraH kriyAvatI | kumbhahA kumbhahantrI cha kaTakachChakalAvatI || 29 || ka~njavaktraH kAlamukhI koTisUryakarAnanA | kamraH kalapaH samR^iddhisthA kupo.antasthaH kulAchalA || 30 || kuNapaH kaulapAkAshA svakAntaH kAmavAsinI | sukR^itiH shA~NkarI vidyA kalakaH kalanAshrayA || 31 || karkandhusthaH kaulakanyA kulInaH kanyakAkulA | kumAraH kesharI vidyA kAmahA kulapaNDitA || 32 || kalkIshaH kamanIyA~NgI kushalaH kushalAvatI | ketakIpuShpamAlADhyaH ketakIkusumAnvitA || 33 || kusumAnandamAlADhyaH kusumAmalamAlikA | kavIndraH kAvyasambhUtaH kAmama~njIrara~njinI || 34 || kushAsanasthaH kaushalyAkulapaH kalpapAdapA | kalpavR^ikShaH kalpalatA vikalpaH kalpagAminI || 35 || kaThorasthaH kAchanibhA karAlaH kAlavAsinI | kAlakUTAshrayAnandaH karkashAkAshavAhinI || 36 || kaTadhUmAkR^itichChAyo vikaTAsanasaMsthitA | kAyadhArI kUpakarI karavIrAgataH kR^iShI || 37 || kAlagambhIranAdAntA vikalAlApamAnasA | prakR^itIshaH satprakR^itiH prakR^iShTaH karShiNIshvarI || 38 || bhagavAn vAruNIvarNA vivarNo varNarUpiNI | suvarNavarNo hemAbho mahAn mahendrapUjitA || 39 || mahAtmA mahatIshAnI mahesho mattagAminI | mahAvIro mahAvegA mahAlakShmIshvaro matiH || 40 || mahAdevo mahAdevI mahAnando mahAkalA | mahAkAlo mahAkAlI mahAbalo mahAbalA || 41 || mahAmAnyo mahAmAnyA mahAdhanyo mahAdhanI | mahAmAlo mahAmAlA mahAkAsho mahAkAshA || 42 || mahAyasho mahAyaj~nA mahArAjo mahArajA | mahAvidyo mahAvidyA mahAmukhyo mahAmakhI || 43 || mahArAtro mahArAtrirmahAdhIro mahAshayA | mahAkShetro mahAkShetrA kurukShetraH kurupriyA || 44 || mahAchaNDo mahogrA cha mahAmatto mahAmatiH | mahAvedo mahAvedA mahotsAho mahotsavA || 45 || mahAkalpo mahAkalpA mahAyogo mahAgatiH | mahAbhadro mahAbhadrA mahAsUkShmo mahAchalA || 46 || mahAvAkyo mahAvANI mahAyajvA mahAjavA | mahAmUrtIrmahAkAntA mahAdharmo mahAdhanA || 47 || mahAmahogro mahiShI mahAbhogyo mahAprabhA | mahAkShemo mahAmAyA mahAmAyA mahAramA || 48 || mahendrapUjitA mAtA vibhAlo maNDaleshvarI | mahAvikAlo vikalA pratalasthalalAmagA || 49 || kaivalyadAtA kaivalyA kautukastho vikarShiNI | vAlApratirvAlapatnI balarAmo valA~NgajA || 50 || avaleshaH kAmavIrA prANeshaH prANarakShiNI | pa~nchamAchAragaH pa~nchApa~nchamaH pa~nchamIshvarI || 51 || prapa~nchaH pa~ncharasagA niShprapa~nchaH kR^ipAmayI | kAmarUpI kAmarUpA kAmakrodhavivarjitA || 52 || kAmAtmA kAmanilayA kAmAkhyA kAmacha~nchalA | kAmapuShpadharaH kAmA kAmeshaH kAmapuShpiNI || 53 || mahAmudrAdharo mudrA sanmudraH kAmamudrikA | chandrArdhakR^itabhAlAbho vidhukoTimukhAmbujA || 54 || chandrakoTiprabhAdhArI chandrajyotiHsvarUpiNI | sUryAbho vIrakiraNA sUryakoTivibhAvitA || 55 || mihiresho mAnavakA antarggAmI nirAshrayA | prajApatIshaH kalyANI dakSheshaH kularohiNI || 56 || aprachetAH prachetasthA vyAsesho vyAsapUjitA | kAshyapeshaH kAshyapeshI bhR^igvIsho bhArgaveshvarI || 57 || vashiShThaH priyabhAvastho vashiShThabAdhitAparA | pulastyapUjito devaH pulastyachittasaMsthitA || 58 || agastyArchyo.agastyamAtA prahlAdesho valIshvarI | kardameshaH kardamAdyA bAlako bAlapUjitA || 59 || manasthashchAntarikShasthA shabdaj~nAnI sarasvatI | rUpAtItA rUpashUnyA virUpo rUpamohinI || 60 || vidyAdharesho vidyeshI vR^iShastho vR^iShavAhinI | rasaj~no rasikAnandA viraso rasavarjitA || 61 || saunaH sanatkumAreshI yogacharyeshvaraH priyA | durvAshAH prANanilayaH sA~NkhyayogasamudbhavA || 62 || asa~Nkhyeyo mAMsabhakShA sumAMsAshI manoramA | naramAMsavibhoktA cha naramAMsavinodinI || 63 || mInavaktrapriyo mInA mInabhu~NmInabhakShiNI | rohitAshI matsyagandhA matsyanAtho rasApahA || 64 || pArvatIpremanikaro vidhidevAdhipUjitA | vidhAtR^ivarado vedyA vedo vedakumArikA || 65 || shyAmesho sitavarNA cha chAsito.asitarUpiNI | mahAmattA.a.asavAshI cha mahAmattA.a.asavapriyA || 66 || AsavADhyo.amanAdevI nirmalAsavapAmarA | visatto madirAmattA mattaku~njaragAminI || 67 || maNimAlAdharo mAlAmAtR^ikeshaH prasannadhIH | jarAmR^ityuharo gaurI gAyanastho jarAmarA || 68 || sucha~nchalo.atidurdharShA kaNThastho hR^idgatA satI | ashokaH shokarahitA mandarastho hi mantriNI || 69 || mantramAlAdharAnando mantrayantraprakAshinI | mantrArthachaitanyakaro mantrasiddhiprakAshinI || 70 || mantraj~no mantranilayA mantrArthAmantramantriNI | bIjadhyAnasamantasthA mantramAle.atisiddhidA || 71 || mantravettA mantrasiddhirmantrastho mAntrikAntarA | bIjasvarUpo bIjeshI bIjamAle.ati bIjikA || 72 || bIjAtmA bIjanilayA bIjADhyA bIjamAlinI | bIjadhyAno bIjayaj~nA bIjADhyA bIjamAlinI || 73 || mahAbIjadharo bIjA bIjADhyA bIjavallabhA | meghamAlA meghamAlo vanamAlI halAyudhA || 74 || kR^iShNAjinadharo raudrA raudrI raudragaNAshrayA | raudrapriyo raudrakartrI raudralokapradaH prabhA || 75 || vinAshI sarvagAnAM cha sarvANI sarvasampadA | nAradeshaH pradhAneshI vAraNesho vaneshvarI || 76 || kR^iShNeshvaraH keshaveshI kR^iShNavarNastrilochanA | kAmeshvaro rAghaveshI bAleshI vA bANapUjitaH || 77 || bhavAnIsho bhavAnI cha bhavendro bhavavallabhA | bhavAnando.atisUkShmAkhyA bhavamUtIrbhaveshvarI || 78 || bhavachChAyo bhavAnando bhavabhItiharo valA | bhAShAj~nAnIbhAShamAlA mahAjIvo.ativAsanA || 79 || lobhApado lobhakartrI pralobho lobhavardhinI | mohAtIto mohamAtA mohajAlo mahAvatI || 80 || mohamudgaradhArI cha mohamudgaradhAriNI | mohAnvito mohamugdhA kAmeshaH kAminIshvarI || 81 || kAmalApakaro.akAmA satkAmo kAmanAshinI | bR^ihanmukho bR^ihannetrA padmAbho.ambujalochanA || 82 || padmamAlaH padmamAlA shrIdevo devarakShiNI | asito.apyasitA chaiva AhlAdo devamAtR^ikA || 83 || nAgeshvaraH shailamAtA nAgendro vai nagAtmajA | nArAyaNeshvaraH kIrtiH satkIrtiH kIrtivardhinI || 84 || kArtikeshaH kArtikI cha vikartA gahanAshrayA | virakto garuDArUDhA garuDastho hi gAruDI || 85 || garuDesho gurumayI gurudevo gurupradA | gaurA~Ngesho gaurakanyA ga~NgeshaH prA~NgaNeshvarI || 86 || pratikesho vishAlA cha nirAloko nirIndriyA | pretabIjasvarUpashcha pretA.ala~NkArabhUShitA || 87 || premagehaH premahantrI harIndro hariNekShaNA | kAleshaH kAlikeshAnI kaulikeshashcha kAkinI || 88 || kAlama~njIradhArI cha kAlama~njIramohinI | karAlavadanaH kAlI kaivalyadAnadaH kathA || 89 || kamalApAlakaH kuntI kaikeyIshaH sutaH kalA | kAlAnalaH kulaj~nA cha kulagAmI kulAshrayA || 90 || kuladharmasthitaH kaulA kulamArgaH kulAturA | kulajihvaH kulAnandA kR^iShNaH kR^iShNasamudbhavA || 91 || kR^iShNeshaH kR^iShNamahiShI kAkasthaH kAkacha~nchukA | kAladharmaH kAlarUpA kAlaH kAlaprakAshinI || 92 || kAlajaH kAlakanyA cha kAleshaH kAlasundarI | khaDgahastaH kharparADhyA kharagaH kharakhaDganI || 93 || khalabuddhiharaH khelA kha~njaneshaH sukhA~njanI | gItapriyo gAyanasthA gaNapAlo gR^ihAshrayA || 94 || gargapriyo gayAprAptirgargastho hi gabhIriNA | gAruDIsho hi gAndharvI gatIsho gArhavahnijA || 95 || gaNagandharvagopAlo gaNagandharvago gatA | gabhIramAnI sambhedo gabhIrakoTisAgarA || 96 || gatistho gANapatyasthA gaNanAdyo gavA tanUH | gandhadvAro gandhamAlA gandhADhyo gandhanirgamA || 97 || gandhamohitasarvA~Ngo gandhacha~nchalamohinI | gandhapuShpadhUpadIpanaivedyAdiprapUjitA || 98 || gandhAgurusukastUrI ku~NkumAdivimaNDitA | gokulA madhurAnandA puShpagandhAntarasthitA || 99 || gandhamAdanasambhUtapuShpamAlyavibhUShitaH | ratnAdyasheShAla~NkAramAlAmaNDitavigrahaH || 100 || svarNAdyasheShAla~NkArahAramAlAvimaNDitA | karavIrA yutaprakhyaraktalochanapa~NkajaH || 101 || javAkoTikoTishata chArulochanapa~NkajA | ghanakoTimahAnAsya pa~NkajAlolavigrahA || 102 || ghargharadhvanimAnandakAvyAmbudhimukhAmbujA | ghorachitrasarparAja mAlAkoTishatA~NkabhR^it || 103 || ghanaghoramahAnAga chitramAlAvibhUShitA | ghaNTAkoTimahAnAdamAnandalolavigrahaH || 104 || ghaNTADamarumantrAdi dhyAnAnandakarAmbujA | ghaTakoTikoTishatasahasrama~NgalAsanA || 105 || ghaNTAsha~NkhapadmachakravarAbhayakarAmbujA | ghAtako ripukoTInAM shumbhAdInAM tathA satAm || 106 || ghAtinIdaityaghorAshcha sha~NkhAnAM satataM tathA | chArvAkamatasa~NghAtachaturAnanapa~NkajaH || 107 || cha~nchalAnandasarvArthasAravAgvAdinIshvarI | chandrakoTisunirmAla mAlAlambitakaNThabhR^it || 108 || chandrakoTisamAnasya pa~NkeruhamanoharA | chandrajyotsnAyutaprakhyahArabhUShitamastakaH || 109 || chandrabimbasahasrAbhAyutabhUShitamastakaH | chAruchandrakAntamaNimaNihArAyutA~NgabhR^it || 110 || chandanAgurukastUrI ku~NkumAsaktamAlinI | chaNDamuNDamahAmuNDAyutanirmalamAlyabhR^it || 111 || chaNDamuNDaghoramuNDanirmANakulamAlinI | chaNDATTahAsaghorADhyavadanAmbhojacha~nchalaH || 112 || chalatkha~njananetrAmbhoruhamohitasha~NkarA | chaladambhojanayanAnandapuShpakaramohitaH || 113 || chaladindubhAShamANAvagrahakhedachandrikA | chandrArdhakoTikiraNachUDAmaNDalamaNDitaH || 114 || chandrachUDAmbhojamAlA uttamA~NgavimaNDitaH | chaladarkasahasrAnta ratnahAravibhUShitaH || 115 || chaladarkakoTishatamukhAmbhojatapojjvalA | chAruratnAsanAmbhojachandrikAmadhyasaMsthitaH || 116 || chArudvAdashapatrAdi karNikAsuprakAshikA | chamatkAragaTa~NkAradhunarbANakarAmbujaH || 117 || chaturthavedagAthAdi stutikoTisusiddhidA | chaladambujanetrArkavahnichandratrayAnvitaH || 118 || chalatsahasrasa~NkhyAta pa~NkajAdiprakAshikA | chamatkArATTahAsAsya smitapa~NkajarAjayaH || 119 || chamatkAramahAghorasATTATTahAsashobhitA | ChAyAsahasrasaMsArashItalAnilashItalaH || 120 || ChadapadmaprabhAmAnasiMhAsanasamAsthitA | ChalatkoTidaityarAjamuNDamAlAvibhUShitaH || 121 || ChinnAdikoTimantrArthaj~nAnachaitanyakAriNI | chitramArgamahAdhvAntagranthisambhedakArakaH || 122 || astrakAstrAdibrahmAstrasahasrakoTidhAriNI | ajAmAMsAdisadbhakSharasAmodapravAhagaH || 123 || ChedanAdimahogrAstre bhujavAmaprakAshinI | jayAkhyAdimahAsAma j~nAnArthasya prakAshakaH || 124 || jAyAgaNahR^idambhoja buddhij~nAnaprakAshinI | janArdanapremabhAva mahAdhanasukhapradaH || 125 || jagadIshakulAnandasindhupa~NkajavAsinI | jIvanAsthAdijanakaH paramAnandayoginAm || 126 || jananI yogashAstrANAM bhaktAnAM pAdapadmayoH | rukShapavananirvAtamaholkApAtakAruNaH || 127 || jharjharImadhurI vINA veNusha~NkhapravAdinI | jhanatkAraughasaMhArakaradaNDavishAnadhR^ik || 128 || jharjharInAyikAryyAdikarAmbhojaniShevitA | Ta~NkArabhAvasaMhAramahAjAgaraveshadhR^ik || 129 || Ta~NkAsipAshupAtAstracharmakArmukadhAriNI | TalanAnalasa~NghaTTapaTTAmbaravibhUShitaH || 130 || TulTunI ki~NkiNI koTi vichitradhvanigAminI | ThaM ThaM ThaM manumUlAntaH svaprakAshaprabodhakaH || 131 || ThaM ThaM ThaM prakharAhlAdanAdasa.nvAdavAdinI | ThaM ThaM ThaM kUrmapR^iShThasthaH kAmachAkArabhAsanaH || 132 || ThaM ThaM ThaM bIjavahnistha hAtukabhrUvibhUShitA | DAmaraprakharAhlAdasiddhividyAprakAshakaH || 133 || DiNDimadhvAnamadhuravANIsammukhapa~NkajA | DaM DaM DaM kharakR^ityAdi mAraNAntaHprakAshikA || 134 || DhakkAravAdyabhUpUratArasaptasvarAshrayaH | DhauM DhauM DhauM DhaukaDhakkalaM vahnijAyAmanupriyaH || 135 || DhaM DhaM DhaM DhauM Dha DhaM Dha kR^ityetthAheti vAsinI | tArakabrahmamantrasthaH shrIpAdapadmabhAvakaH || 136 || tAriNyAdimahAmantra siddhisarvArthasiddhidA | tantramantramahAyantra vedayogasusAravit || 137 || tAlavetAladaitAlashrItAlAdisusiddhadA | tarukalpalatApuShpakalabIjaprakAshakaH || 138 || DintiDItAlahintAlatulasIkulavR^ikShajA | akArakUTavindvindumAlAmaNDitavigrahaH || 139 || sthAtR^iprasthaprathAgAthAsthUlasthityantasaMharA | darIku~njahemamAlAvanamAlAdibhUShitaH || 140 || dAridryaduHkhadahanakAlAnalashatopamaH | dashasAhasravaktrAmbhoruhashobhitavigrahaH || 141 || pAshAbhayavarAhlAdadhanadharmAdivardhinI | dharmakoTishatollAsasiddhiR^iddhisamR^iddhidA || 142 || dhyAnayogaj~nAnayogamantrayogaphalapradA | nAmakoTishatAnantasukIrtiguNamohanaH || 143 || nimittaphalasadbhAvabhAvAbhAvavivarjitA | paramAnandapadavI dAnalolapadAmbujaH || 144 || pratiShThAsunivR^ittAdi samAdhiphalasAdhinI | pheravIgaNasanmAnavasusiddhipradAyakaH || 145 || phetkArIkulatantrAdi phalasiddhisvarUpiNI | varA~NganAkoTikoTikarAmbhojanisevitA || 146 || varadAnaj~nAnadAna mokShadAticha~nchalA | bhairavAnandanAthAkhya shatakoTimudAnvitaH || 147 || bhAvasiddhikriyAsiddhi sAShTA~NgasiddhidAyinI | makArapa~nchakAhlAdamahAmodasharIradhR^ik || 148 || madirAdipa~nchatattvanirvANaj~nAnadAyinI | yajamAnakriyAyogavibhAgaphaladAyakaH || 149 || yashaH sahasrakoTistha guNagAyanatatparA | raNamadhyasthakAlAgni krodhadhArasuvigrahaH || 150 || kAkinIshAkinIshaktiyogAdi kAkinIkalA | lakShaNAyutakoTIndulalATatilakAnvitaH || 151 || lAkShAbandhUkasindUravarNalAvaNyalAlitA | vAtAyutasahasrA~NgaghUrNAyamAnabhUdharaH || 152 || vivasvatpremabhaktistha charaNadvandvanirmalA | shrIsItApatishuddhA~Nga vyAptendranIlasannibhaH || 153 || shItanIlAshatAnandasAgarapremabhaktidA | ShaTpa~NkeruhadevAdisvaprakAshaprabodhinI || 154 || mahomIsthaShaDAdhAraprasannahR^idayAmbujA | shyAmapremakalAbandhasarvA~NgakulanAyakaH || 155 || saMsArasArashAstrAdi sambandhasundarAshrayA | hsauH pretamahAbIjamAlAchitritakaNThadhR^ik || 156 || hakAravAmakarNADhya chandrabinduvibhUShitA | layasR^iShTisthitikShetrapAnapAlakanAmadhR^ik || 157 || lakShmIlakShajapAnandasiddhisiddhAntavarNinI | kShunnivR^ittikShapArakShA kShudhAkShobhanivArakaH || 158 || kShatriyAdikurukShetrAruNAkShiptatrilochanA | ananta itihAsastha Aj~nAgAmI cha IshvarI || 159 || umesha uTakanyeshI R^iddhisthahR^isthagomukhI | gakAreshvarasaMyukta trikuNDadevatAriNI || 160 || aiNAchIshapriyAnanda airAvatakuleshvarI | oDhrapuShpAnantadIpta oDhrapuShpAnakhAgrakA || 161 || ehR^ityashatakoTistha au dIrghapraNavAshrayA | a~NgasthA~NgadevasthA aryasthashchAryameshvarI || 162 || mAtR^ikAvarNanilayaH sarvamAtR^ikalAnvitA | mAtR^ikAmantrajAlasthaH prasannaguNadAyinI || 163 || atyutkaTapathipraj~nA guNamAtR^ipade sthitA | sthAvarAnandadevesho visargAntaragAminI || 164 || akala~Nko niShkala~Nko nirAdhAro nirAshrayA | nirAshrayo nirAdhAro nirbIjo bIjayoginI || 165 || niHsha~Nko nispR^ihAnando sindhUratnAvaliprabhA | AkAshasthaH khecharI cha svargadAtA shiveshvarI || 166 || sUkShmAtisUkShmAtvairj~neyA dArApaduHkhahAriNI | nAnAdeshasamudbhUto nAnAla~NkArala~NkR^itA || 167 || navInAkhyo nUtanastha nayanAbjanivAsinI | viShayAkhyaviShAnandA viShayAshI viShApahA || 168 || viShayAtItabhAvastho viShayAnandaghAtinI | viShayachChedanAstrastho viShayaj~nAnanAshinI || 169 || saMsAraChedakachChAyo bhavachChAyo bhavAntakA | saMsArArthapravartashcha saMsAraparivartikA || 170 || saMsAramohahantA cha saMsArArNavatAriNI | saMsAraghaTakashrIdAsaMsAradhvAntamohinI || 171 || pa~nchatattvasvarUpashcha pa~nchatattvaprabodhinI | pArthivaH pR^ithivIshAnI pR^ithupUjyaH purAtanI || 172 || varuNesho vAruNA cha vAridesho jalodyamA | marustho jIvanasthA cha jalabhugjalavAhanA || 173 || tejaH kAntaH projjvalasthA tejorAshestu tejasI | tejasthastejaso mAlA tejaH kIrtiH svarashmigA || 174 || pavaneshashchAnilasthA paramAtmA ninAntarA | vAyupUrakakArI cha vAyukumbhakavardhinI || 175 || vAyuchChidrakaro vAtA vAyunirgamamudrikA | kumbhakastho rechakasthA pUrakasthAtipUriNI || 176 || vAyvAkAshAdhArarUpI vAyusa~nchArakAriNI | vAyusiddhikaro dAtrI vAyuyogI cha vAyugA || 177 || AkAshaprakaro brAhmI AkAshAntargatadrigA | AkAshakumbhakAnando gaganAhlAdavardhinI || 178 || gaganAchChannadehastho gaganAbhedakAriNI | gaganAdimahAsiddho gaganagranthibhedinI || 179 || kalakarmA mahAkAlI kAlayogI cha kAlikA | kAlaChatraH kAlahatyA kAladevo hi kAlikA || 180 || kAlabrahmasvarUpashcha kAlitattvArtharakShiNI | digambaro dikpatisthA digAtmA digibhAsvarA || 181 || dikpAlastho dikprasannA digvalo dikkuleshvarI | digaghoro digvasanA digvIrA dikpatIshvarI || 182 || AtmArtho vyApitattvaj~na Atmaj~nAnI cha sAtmikA | AtmIyashchAtmabIjasthA chAntarAtmAtmamohinI || 183 || Atmasa~nj~nAnakArI cha AtmAnandasvarUpiNI | Atmayaj~no mahAtmaj~nA mahAtmAtmaprakAshinI || 184 || AtmavikArahantA cha vidyAtmIyAdidevatA | manoyogakaro durgA manaH pratyakSha IshvarI || 185 || manobhavanihantA cha manobhavavivardhinI | manashchAntarIkShayogo nirAkAraguNodayA || 186 || manonirAkArayogI manoyogendrasAkShiNI | manaHpratiShTho manasA mAnasha~NkA manogatiH || 187 || navadravyanigUDhArtho narendravinivAriNI | navInaguNakarmAdisAkAraH khagagAminI || 188 || atyunmattA mahAvANI vAyavIsho mahAnilA | sarvapApApahantA cha sarvavyAdhinivAriNI || 189 || dvAradevIshvarI prItiH pralayAgniH karAlinI | bhUShaNDagaNatAtashcha bhUHShaNDarudhirapradA || 190 || kAkAvalIshaH sarveshI kAkapuchChadharo jayA | ajitesho jitAnandA vIrabhadraH prabhAvatI || 191 || antarnADIgataprANo vaisheShikaguNodayA | ratnanirmitapIThasthaH siMhasthA rathagAminI || 192 || kulakoTIshvarAchAryo vAsudevaniShevitA | AdhAravirahaj~nAnI sarvAdhArasvarUpiNI || 193 || sarvaj~naH sarvavij~nAnA mArtaNDo yasha ilvalA | indresho vindhyashaileshI vAraNeshaH prakAshinI || 194 || anantabhujarAjendro anantAkSharanAshinI | AshIrvAdastu varado.anugraho.anugrahakriyA || 195 || pretAsanasamAsIno meruku~njanivAsinI | maNimandiramadhyastho maNipIThanivAsinI || 196 || sarvapraharaNaH preto vidhividyAprakAshinI | prachaNDanayanAnando ma~njIrakalara~njinI || 197 || kalama~njIrapAdAbjo balamR^ityuparAyaNA | kulamAlAvyApitA~NgaH kulendraH kulapaNDitA || 198 || bAlikesho rudrachaNDA bAlendrAH prANabAlikA | kumArIshaH kAmamAtA mandireshaH svamandirA || 199 || akAlajananInAtho vidagdhAtmA priya~NkarI | vedAdyo vedajananI vairAgyastho virAgadA || 200 || smitahAsyAsyakamalaH smitahAsyavimohinI | danturesho danturu cha dantIsho darshanaprabhA || 201 || digdanto hi digdashanA bhraShTabhuk charvaNapriyA | mAMsapradhAnA bhoktA cha pradhAnamAMsabhakShiNI || 202 || matsyamAMsamahAmudrA rajorudhirabhukpriyA | surAmA.nsamahAmInamudrAmaithunasupriyA || 203 || kuladravyapriyAnando madyAdikulasiddhidA | hR^itkaNThabhrUsahasrArabhedano.ante vibhedinI || 204 || prasannahR^idayAmbhojaH prasannahR^idayAmbujA | prasannavaradAnADhyaH prasannavaradAyinI || 205 || premabhaktiprakAshADhyaH premAnandaprakAshinI || 206 || prabhAkaraphalodayaH paramasUkShmapurapriyA | prabhAtaravirashmigaH prathamabhAnushobhAnvitA | prachaNDaripumanmathaH prachalitendudehodgataH | prabhApaTalapATalaprachayadharmapu~njAchItA || 207 || surendragaNapUjitaH suravareshasampUjitA | surendrakula sevito narapatIndrasaMsevitA | gaNendra gaNanAyako gaNapatIndra devAtmajA | bhavArNavargatArako jaladhikarNadhArapriyA || 208 || surAsurakulodbhavaH suraripuprasiddhisthitA surArigaNaghAtakaH suragaNendrasaMsiddhidA | abhIpsitaphalapradaH suravarAdisiddhipradA priyA~Ngaja kulArthadaH sutadhanApavargapradA || 209 || shivasvashivakAkinI haraharA cha bhImasvanA kShitIsha iShurakShakA samanadarpahantodayA | guNeshvara umApatI hR^idayapadmabhedI gatiH kShapAkaralalATadhR^ik svasukhamArgasandAyinI || 210 || shmashAnataTaniShpaTa prachaTahAsakAla~NkR^itA haThatshaThamanastaTe surakapATasaMChedakaH | smarAnanavivardhanaH priyavasantasambAyavI virAjitamukhAmbujaH kamalama~njasiMhAsanA || 211 || bhavo bhavapatiprabhAbhavaH kavishcha bhAvyAsuraiH kriyeshvara IlAvatI taruNagAhitArAvatI | munIndramanusiddhidaH suramunIndrasiddhAyuShI murAriharadehagastribhuvanA vinAshakriyA || 212 || dvikaH kanakakAkinI kanakatu~NgakIlAlakaH kamalAkulaH kulakalArkamAlAmalA | subhakta tamasAdhakaprakR^itiyogayogyArchito vivekagatamAnasaH prabhuparAdihastAchItA || 213 || tvameva kulanAyakaH pralayayogavidyeshvarI prachaNDagaNago nagAbhuvanadarpahArI harA | charAcharasahasragaH sakalarUpamadhyasthitaH svanAmaguNapUrakaH svaguNanAmasampUraNI || 214 || iti te kathitaM nAtha sahasranAma ma~Ngalam | atyadbhutaM parAnandarasasiddhAntadAyakam || 215 || mAtR^ikAmantraghaTitaM sarvasiddhAntasAgaram | siddhavidyAmahollAsa mAnandaguNasAdhanam || 216 || durlabhaM sarvalokeShu yAmale tatprakAshitam | tava sneharasAmodamohitAnandabhairava || 217 || kutrApi nApi kathitaM svasiddha hAnisha~NkayA | sarvAdiyoga siddhAntasiddhaye bhuktimuktaye || 218 || premAhlAdarasenaiva durlabhaM tatprakAshitam | yena vij~nAtamAtreNa bhavedChrIbhairaveshvaraH || 219 || etannAma shubhaphalaM vaktuM na cha samarthakaH | koTivarShashatainApi yatphalaM labhate naraH || 220 || tatphalaM yoginAmeka kShaNAllabhyaM bhavArNave | yaH paThet prAtarutthAya durgagrahanivaraNAt || 221 || duShTendriyabhayenApi mahAbhayanivAraNAt | dhyAtvA nAma japennityaM madhyAhne cha visheShataH || 222 || sandhyAyAM rAtriyoge cha sAdhayennAmasAdhanam | yogAbhyAse granthibhede yogadhyAnanirUpaNe || 223 || paThanAd yogasiddhiH syAd granthibhedo dine dine | yogaj~nAnaprasiddhiH syAd yogaH syAdekachittataH || 224 || dehastha devavashyAya mahAmohaprashAntaye | stambhanAyArisainyAnAM pratyahaM prapaThechChuchiH || 225 || bhaktibhAvena pAThena sarvakarmasu sukShamaH | stambhayet parasainyAni vAraikapAThamAtrataH || 226 || vAratrayaprapaThanAd vashayed bhuvanatrayam | vAratrayaM tu prapaThed yo mUrkhaH paNDito.api vA || 227 || shAntimApnoti paramAM vidyAM bhuvanamohinIm | pratiShThA~ncha tataH prApya mokShanirvANamApnuyAt || 228 || vinAshayedarI~nChIghraM chaturvAraprapAThane | pa~nchAvR^ittiprapAThena shatrumuchchATayet kShaNAt || 229 || ShaDAvR^ityA sAdhakendraH shatrUNAM nAshako bhavet | AkarShayet paradravyaM saptavAraM paThed yadi || 230 || evaM kramagataM dhyAtvA yaH paThedatibhaktitaH | sa bhaved yoginInAtho mahAkalpadrumopamaH || 231 || granthibhedasamarthaH syAnmAsamAtraM paThed yadi | dUradarshI mahAvIro balavAn paNDiteshvaraH || 232 || mahAj~nAnI lokanAtho bhavatyeva na saMshayaH | mAsaikena samarthaH syAnnirvANamokShasiddhibhAk || 233 || prapaThed yogasiddhyarthaM bhAvakaH paramapriyaH | shUnyAgAre bhUmigartamaNDape shUnyadeshake || 234 || ga~NgAgarbhe mahAraNye chaikAnte nirjane.api vA | durbhikShavarjite deshe sarvopadravavarjite || 235 || shmashAne prAntare.ashvatthamUle vaTatarusthale | iShTakAmayagehe vA yatra loko na vartate || 236 || tatra tatrAnandarUpI mahApIThasthale.api cha | dR^iDhAsanasthaH prajapennAmama~Ngalamuttamam || 237 || dhyAnadhAraNashuddhA~Ngo nyAsapUjAparAyaNaH | dhyAtvA stauti prabhAte cha mR^ityujetA bhaved dhruvam || 238 || aShTA~NgasiddhimApnoti chAmaratvamavApnuyAt | gurudevamahAmantrabhakto bhavati nishchitam || 239 || sharIre tasya duHkhAni na bhavanti kuvR^iddhayaH | duShTagrahAH palAyante taM dR^iShTvA yoginaM param || 240 || yaH paThet satataM mantrI tasya haste.aShTasiddhayaH | tasya hR^itpadmali~NgasthA devAH siddhyanti chAparAH || 241 || yugakoTisahasrANi chirAyuryogirAD bhavet | shuddhashIlo nirAkAro brahmA viShNuH shivaH sa cha | sa nityaH kAryasiddhashcha sa jIvanmuktimApnuyAt || 242 || || iti shrIrudrayAmale uttaratantre mahAtantroddIpane IshvarashaktikAkinyaShTottara sahasranAmastotraM sampUrNam || ## Proofread by Ravin Bhalekar ravibhalekar@hotmail.com \medskip\hrule\obeylines Please send corrections to sanskrit@cheerful.com Last updated \today http://sanskritdocuments.org \end{document}