{॥ ಕಾಕಿನ್ಯಷ್ಟೋತ್ತರಸಹಸ್ರನಾಮಸ್ತೋತ್ರ ॥}
ಶ್ರೀಗಣೇಶಾಯ ನಮಃ ।
ಶ್ರೀಆನನ್ದಭೈರವ ಉವಾಚ ।
ವದ ಕಲ್ಯಾಣಿ ಕಾಮೇಶಿ ತ್ರೈಲೋಕ್ಯಪರಿಪೂಜಿತೇ ।
ಬ್ರಹ್ಮಾಣ್ಡಾನನ್ತನಿಲಯೇ ಕೈಲಾಸಶಿಖರೋಜ್ಜ್ವಲೇ ॥ ೧ ॥

ಕಾಲಿಕೇ ಕಾಲರಾತ್ರಿಸ್ಥೇ ಮಹಾಕಾಲನಿಷೇವಿತೇ ।
ಶಬ್ದಬ್ರಹ್ಮಸ್ವರೂಪೇ ತ್ವಂ ವಕ್ತುಮರ್ಹಸಿ ಸಾದರಾತ್ ॥ ೨ ॥

ಸಹಸ್ರನಾಮಯೋಗಾಖ್ಯಮ್ ಅಷ್ಟೋತ್ತರಮನನ್ತರಮ್ ।
ಅನನ್ತಕೋಟಿಬ್ರಹ್ಮಾಣ್ಡಂ ಸಾರಂ ಪರಮಮಙ್ಗಲಮ್ ॥ ೩ ॥

ಜ್ಞಾನಸಿದ್ಧಿಕರಂ ಸಾಕ್ಷಾದ್ ಅತ್ಯನ್ತಾನನ್ದವರ್ಧನಮ್ ।
ಸಙ್ಕೇತಶಬ್ದಮೋಕ್ಷಾರ್ಥಂ ಕಾಕಿನೀಶ್ವರಸಂಯುತಮ್ ॥ ೪ ॥

ಪರಾನನ್ದಕರಂ ಬ್ರಹ್ಮ ನಿರ್ವಾಣಪದಲಾಲಿತಮ್ ।
ಸ್ನೇಹಾದಭಿಸುಖಾನನ್ದಾದಾದೌ ಬ್ರಹ್ಮ ವರಾನನೇ ॥ ೫ ॥

ಇಚ್ಛಾಮಿ ಸರ್ವದಾ ಮಾತರ್ಜಗತಾಂ ಸುರಸುನ್ದರಿ ।
ಸ್ನೇಹಾನನ್ದರಸೋದ್ರೇಕಸಮ್ಬನ್ಧಾನ್ ಕಥಯ ದ್ರುತಮ್ ॥ ೬ ॥

ಶ್ರೀಆನನ್ದಭೈರವೀ ಉವಾಚ
ಈಶ್ವರ ಶ್ರೀನೀಲಕಣ್ಠ ನಾಗಮಾಲಾವಿಭೂಷಿತಃ ।
ನಾಗೇನ್ದ್ರಚಿತ್ರಮಾಲಾಢ್ಯ ನಾಗಾಧಿಪರಮೇಶ್ವರಃ ॥ ೭ ॥

ಕಾಕಿನೀಶ್ವರಯೋಗಾಢ್ಯಂ ಸಹಸ್ರನಾಮ ಮಙ್ಗಲಮ್ ।
ಅಷ್ಟೋತ್ತರಂ ವೃತಾಕಾರಂ ಕೋಟಿಸೌದಾಮಿನೀಪ್ರಭಮ್ ॥ ೮ ॥

ಆಯುರಾರೋಗ್ಯಜನನಂ ಶೃಣುಷ್ವಾವಹಿತೋ ಮಮ ।
ಅನನ್ತಕೋಟಿಬ್ರಹ್ಮಾಣ್ಡಸಾರಂ ನಿತ್ಯಂ ಪರಾತ್ಪರಮ್ ॥ ೯ ॥

ಸಾಧನಂ ಬ್ರಹ್ಮಣೋ ಜ್ಞಾನಂ ಯೋಗಾನಾಂ ಯೋಗಸಾಧನಮ್ ।
ಸಾರ್ವಜ್ಞಗುಹ್ಯಸಂಸ್ಕಾರಂ ಸಂಸ್ಕಾರಾದಿಫಲಪ್ರದಮ್ ॥ ೧೦ ॥

ವಾಞ್ಛಾಸಿದ್ಧಿಕರಂ ಸಾಕ್ಷಾನ್ಮಹಾಪಾತಕನಾಶನಮ್ ।
ಮಹಾದಾರಿದ್ರ್ಯಶಮನಂ ಮಹೈಶ್ವರ್ಯಪ್ರದಾಯಕಮ್ ॥ ೧೧ ॥

ಜಪೇದ್ಯಃ ಪ್ರಾತರಿ ಪ್ರೀತೋ ಮಧ್ಯಾಹ್ನೇಽಸ್ತಮಿತೇ ರವೌ ।
ನಮಸ್ಕೃತ್ಯ ಜಪೇನ್ನಾಮ ಧ್ಯಾನಯೋಗಪರಾಯಣಃ ॥ ೧೨ ॥

ಕಾಕಿನೀಶ್ವರಸಂಯೋಗಂ ಧ್ಯಾನಂ ಧ್ಯಾನಗುಣೋದಯಮ್ ।
ಆದೌ ಧ್ಯಾನಂ ಸಮಾಚರ್ಯ ನಿರ್ಮಲೋಽಮಲಚೇತಸಾ ॥ ೧೩ ॥

ಧ್ಯಾಯೇದ್ ದೇವೀಂ ಮಹಾಕಾಲೀಂ ಕಾಕಿನೀಂ ಕಾಲರೂಪಿಣೀಮ್ ।
ಪರಾನನ್ದರಸೋನ್ಮತ್ತಾಂ ಶ್ಯಾಮಾಂ ಕಾಮದುಘಾಂ ಪರಾಮ್ ॥ ೧೪ ॥

ಚತುರ್ಭುಜಾಂ ಖಡ್ಗಚರ್ಮವರಪದ್ಮಧರಾಂ ಹರಾಮ್ ।
ಶತ್ರುಕ್ಷಯಕರೀಂ ರತ್ನಾಽಲಙ್ಕಾರಕೋಟಿಮಣ್ಡಿತಾಮ್ ॥ ೧೫ ॥

ತರುಣಾನನ್ದರಸಿಕಾಂ ಪೀತವಸ್ತ್ರಾಂ ಮನೋರಮಾಮ್ ।
ಕೇಯೂರಹಾರಲಲಿತಾಂ ತಾಟಙ್ಕದ್ವಯಶೋಭಿತಾಮ್ ॥ ೧೬ ॥

ಈಶ್ವರೀಂ ಕಾಮರತ್ನಾಖ್ಯಾಂ ಕಾಕಚಞ್ಚುಪುಟಾನನಾಮ್ ।
ಸುನ್ದರೀಂ ವನಮಾಲಾಢ್ಯಾಂ ಚಾರುಸಿಂಹಾಸನಸ್ಥಿತಾಮ್ ॥ ೧೭ ॥

ಹೃತ್ಪದ್ಮಕರ್ಣಿಕಾಮಧ್ಯಾಕಾಶಸೌದಾಮಿನೀಪ್ರಭಾಮ್ ।
ಏವಂ ಧ್ಯಾತ್ವಾ ಪಠೇನ್ನಾಮಮಙ್ಗಲಾನಿ ಪುನಃ ಪುನಃ ॥ ೧೮ ॥

ಈಶ್ವರಂ ಕೋಟಿಸೂರ್ಯಾಭಂ ಧ್ಯಾಯೇದ್ಧೃದಯಮಣ್ಡಲೇ ।
ಚತುರ್ಭುಜಂ ವೀರರೂಪಂ ಲಾವಣ್ಯಂ ಭಾವಸಮ್ಭವಮ್ ॥ ೧೯ ॥

ಶ್ಯಾಮಂ ಹಿರಣ್ಯಭೂಷಾಙ್ಗಂ ಚನ್ದ್ರಕೋಟಿಸುಶೀತಲಮ್ ।
ಅಭಯಂ ವರದಂ ಪದ್ಮಂ ಮಹಾಖಡ್ಗಧರಂ ವಿಭುಮ್ ॥ ೨೦ ॥

ಕಿರೀಟಿನಂ ಮಹಾಕಾಯಂ ಸ್ಮಿತಹಾಸ್ಯಂ ಪ್ರಕಾಶಕಮ್ ।
ಹೃದಯಾಮ್ಬುಜಮಧ್ಯಸ್ಥಂ ನೂಪುರೈರುಪಶೋಭಿತಮ್ ॥ ೨೧ ॥

ಕೋಟಿಕಾಲಾನಲಂ ದೀಪ್ತಂ ಕಾಕಿನೀದಕ್ಷಿಣಸ್ಥಿತಮ್ ।
ಏವಂ ವಿಚಿನ್ತ್ಯ ಮನಸಾ ಯೋಗಿನಂ ಪರಮೇಶ್ವರಮ್ ॥ ೨೨ ॥

ತತಃ ಪಠೇತ್ ಸಹಸ್ರಾಖ್ಯಂ ವದಾಮಿ ಶೃಣು ತತ್ಪ್ರಭೋ ॥ ೨೩ ॥

ಅಸ್ಯ ಶ್ರೀಕಾಕಿನೀಶ್ವರಸಹಸ್ರನಾಮಸ್ತೋತ್ರಸ್ಯ ಬ್ರಹ್ಮಾಋಷಿ ,
ಗಾಯತ್ರೀಚ್ಛನ್ದಃ , ಜಗದೀಶ್ವರ ಕಾಕಿನೀ ದೇವತಾ ,
ನಿರ್ವಾಣಯೋಗಾರ್ಥ ಸಿದ್ಧಯರ್ಥೇ ಜಪೇ ವಿನಿಯೋಗಃ ।
ಓಂ ಈಶ್ವರಃ ಕಾಕಿನೀಶಾನ ಈಶಾನ ಕಮಲೇಶ್ವರೀ ।
ಈಶಃ ಕಾಕೇಶ್ವರೀಶಾನೀ ಈಶ್ವರೀಶಃ ಕುಲೇಶ್ವರೀ ॥ ೨೪ ॥

ಈಶಮೋಕ್ಷಃ ಕಾಮಧೇನುಃ ಕಪರ್ದೀಶಃ ಕಪರ್ದಿನೀ ।
ಕೌಲಃ ಕುಲೀನಾನ್ತರಗಾ ಕವಿಃ ಕಾವ್ಯಪ್ರಕಾಶಿನೀ ॥ ೨೫ ॥

ಕಲಾದೇಶಃ ಸುಕವಿತಾ ಕಾರಣಃ ಕರುಣಾಮಯೀ ।
ಕಞ್ಜಪತ್ರೇಕ್ಷಣಃ ಕಾಲೀ ಕಾಮಃ ಕೋಲಾವಲೀಶ್ವರೀ ॥ ೨೬ ॥

ಕಿರಾತರೂಪೀ ಕೈವಲ್ಯಾ ಕಿರಣಃ ಕಾಮನಾಶನಾ ।
ಕಾರ್ಣಾಟೇಶಃ ಸಕರ್ಣಾಟೀ ಕಲಿಕಃ ಕಾಲಿಕಾಪುಟಾ ॥ ೨೭ ॥

ಕಿಶೋರಃ ಕೀಶುನಮಿತಾ ಕೇಶವೇಶಃ ಕುಲೇಶ್ವರೀ ।
ಕೇಶಕಿಞ್ಜಲ್ಕಕುಟಿಲಃ ಕಾಮರಾಜಕುತೂಹಲಾ ॥ ೨೮ ॥

ಕರಕೋಟಿಧರಃ ಕೂಟಾ ಕ್ರಿಯಾಕ್ರೂರಃ ಕ್ರಿಯಾವತೀ ।
ಕುಮ್ಭಹಾ ಕುಮ್ಭಹನ್ತ್ರೀ ಚ ಕಟಕಚ್ಛಕಲಾವತೀ ॥ ೨೯ ॥

ಕಞ್ಜವಕ್ತ್ರಃ ಕಾಲಮುಖೀ ಕೋಟಿಸೂರ್ಯಕರಾನನಾ ।
ಕಮ್ರಃ ಕಲಪಃ ಸಮೃದ್ಧಿಸ್ಥಾ ಕುಪೋಽನ್ತಸ್ಥಃ ಕುಲಾಚಲಾ ॥ ೩೦ ॥

ಕುಣಪಃ ಕೌಲಪಾಕಾಶಾ ಸ್ವಕಾನ್ತಃ ಕಾಮವಾಸಿನೀ ।
ಸುಕೃತಿಃ ಶಾಙ್ಕರೀ ವಿದ್ಯಾ ಕಲಕಃ ಕಲನಾಶ್ರಯಾ ॥ ೩೧ ॥

ಕರ್ಕನ್ಧುಸ್ಥಃ ಕೌಲಕನ್ಯಾ ಕುಲೀನಃ ಕನ್ಯಕಾಕುಲಾ ।
ಕುಮಾರಃ ಕೇಶರೀ ವಿದ್ಯಾ ಕಾಮಹಾ ಕುಲಪಣ್ಡಿತಾ ॥ ೩೨ ॥

ಕಲ್ಕೀಶಃ ಕಮನೀಯಾಙ್ಗೀ ಕುಶಲಃ ಕುಶಲಾವತೀ ।
ಕೇತಕೀಪುಷ್ಪಮಾಲಾಢ್ಯಃ ಕೇತಕೀಕುಸುಮಾನ್ವಿತಾ ॥ ೩೩ ॥

ಕುಸುಮಾನನ್ದಮಾಲಾಢ್ಯಃ ಕುಸುಮಾಮಲಮಾಲಿಕಾ ।
ಕವೀನ್ದ್ರಃ ಕಾವ್ಯಸಮ್ಭೂತಃ ಕಾಮಮಞ್ಜೀರರಞ್ಜಿನೀ ॥ ೩೪ ॥

ಕುಶಾಸನಸ್ಥಃ ಕೌಶಲ್ಯಾಕುಲಪಃ ಕಲ್ಪಪಾದಪಾ ।
ಕಲ್ಪವೃಕ್ಷಃ ಕಲ್ಪಲತಾ ವಿಕಲ್ಪಃ ಕಲ್ಪಗಾಮಿನೀ ॥ ೩೫ ॥

ಕಠೋರಸ್ಥಃ ಕಾಚನಿಭಾ ಕರಾಲಃ ಕಾಲವಾಸಿನೀ ।
ಕಾಲಕೂಟಾಶ್ರಯಾನನ್ದಃ ಕರ್ಕಶಾಕಾಶವಾಹಿನೀ ॥ ೩೬ ॥

ಕಟಧೂಮಾಕೃತಿಚ್ಛಾಯೋ ವಿಕಟಾಸನಸಂಸ್ಥಿತಾ ।
ಕಾಯಧಾರೀ ಕೂಪಕರೀ ಕರವೀರಾಗತಃ ಕೃಷೀ ॥ ೩೭ ॥

ಕಾಲಗಮ್ಭೀರನಾದಾನ್ತಾ ವಿಕಲಾಲಾಪಮಾನಸಾ ।
ಪ್ರಕೃತೀಶಃ ಸತ್ಪ್ರಕೃತಿಃ ಪ್ರಕೃಷ್ಟಃ ಕರ್ಷಿಣೀಶ್ವರೀ ॥ ೩೮ ॥

ಭಗವಾನ್ ವಾರುಣೀವರ್ಣಾ ವಿವರ್ಣೋ ವರ್ಣರೂಪಿಣೀ ।
ಸುವರ್ಣವರ್ಣೋ ಹೇಮಾಭೋ ಮಹಾನ್ ಮಹೇನ್ದ್ರಪೂಜಿತಾ ॥ ೩೯ ॥

ಮಹಾತ್ಮಾ ಮಹತೀಶಾನೀ ಮಹೇಶೋ ಮತ್ತಗಾಮಿನೀ ।
ಮಹಾವೀರೋ ಮಹಾವೇಗಾ ಮಹಾಲಕ್ಷ್ಮೀಶ್ವರೋ ಮತಿಃ ॥ ೪೦ ॥

ಮಹಾದೇವೋ ಮಹಾದೇವೀ ಮಹಾನನ್ದೋ ಮಹಾಕಲಾ ।
ಮಹಾಕಾಲೋ ಮಹಾಕಾಲೀ ಮಹಾಬಲೋ ಮಹಾಬಲಾ ॥ ೪೧ ॥

ಮಹಾಮಾನ್ಯೋ ಮಹಾಮಾನ್ಯಾ ಮಹಾಧನ್ಯೋ ಮಹಾಧನೀ ।
ಮಹಾಮಾಲೋ ಮಹಾಮಾಲಾ ಮಹಾಕಾಶೋ ಮಹಾಕಾಶಾ ॥ ೪೨ ॥

ಮಹಾಯಶೋ ಮಹಾಯಜ್ಞಾ ಮಹಾರಾಜೋ ಮಹಾರಜಾ ।
ಮಹಾವಿದ್ಯೋ ಮಹಾವಿದ್ಯಾ ಮಹಾಮುಖ್ಯೋ ಮಹಾಮಖೀ ॥ ೪೩ ॥

ಮಹಾರಾತ್ರೋ ಮಹಾರಾತ್ರಿರ್ಮಹಾಧೀರೋ ಮಹಾಶಯಾ ।
ಮಹಾಕ್ಷೇತ್ರೋ ಮಹಾಕ್ಷೇತ್ರಾ ಕುರುಕ್ಷೇತ್ರಃ ಕುರುಪ್ರಿಯಾ ॥ ೪೪ ॥

ಮಹಾಚಣ್ಡೋ ಮಹೋಗ್ರಾ ಚ ಮಹಾಮತ್ತೋ ಮಹಾಮತಿಃ ।
ಮಹಾವೇದೋ ಮಹಾವೇದಾ ಮಹೋತ್ಸಾಹೋ ಮಹೋತ್ಸವಾ ॥ ೪೫ ॥

ಮಹಾಕಲ್ಪೋ ಮಹಾಕಲ್ಪಾ ಮಹಾಯೋಗೋ ಮಹಾಗತಿಃ ।
ಮಹಾಭದ್ರೋ ಮಹಾಭದ್ರಾ ಮಹಾಸೂಕ್ಷ್ಮೋ ಮಹಾಚಲಾ ॥ ೪೬ ॥

ಮಹಾವಾಕ್ಯೋ ಮಹಾವಾಣೀ ಮಹಾಯಜ್ವಾ ಮಹಾಜವಾ ।
ಮಹಾಮೂರ್ತೀರ್ಮಹಾಕಾನ್ತಾ ಮಹಾಧರ್ಮೋ ಮಹಾಧನಾ ॥ ೪೭ ॥

ಮಹಾಮಹೋಗ್ರೋ ಮಹಿಷೀ ಮಹಾಭೋಗ್ಯೋ ಮಹಾಪ್ರಭಾ ।
ಮಹಾಕ್ಷೇಮೋ ಮಹಾಮಾಯಾ ಮಹಾಮಾಯಾ ಮಹಾರಮಾ ॥ ೪೮ ॥

ಮಹೇನ್ದ್ರಪೂಜಿತಾ ಮಾತಾ ವಿಭಾಲೋ ಮಣ್ಡಲೇಶ್ವರೀ ।
ಮಹಾವಿಕಾಲೋ ವಿಕಲಾ ಪ್ರತಲಸ್ಥಲಲಾಮಗಾ ॥ ೪೯ ॥

ಕೈವಲ್ಯದಾತಾ ಕೈವಲ್ಯಾ ಕೌತುಕಸ್ಥೋ ವಿಕರ್ಷಿಣೀ ।
ವಾಲಾಪ್ರತಿರ್ವಾಲಪತ್ನೀ ಬಲರಾಮೋ ವಲಾಙ್ಗಜಾ ॥ ೫೦ ॥

ಅವಲೇಶಃ ಕಾಮವೀರಾ ಪ್ರಾಣೇಶಃ ಪ್ರಾಣರಕ್ಷಿಣೀ ।
ಪಞ್ಚಮಾಚಾರಗಃ ಪಞ್ಚಾಪಞ್ಚಮಃ ಪಞ್ಚಮೀಶ್ವರೀ ॥ ೫೧ ॥

ಪ್ರಪಞ್ಚಃ ಪಞ್ಚರಸಗಾ ನಿಷ್ಪ್ರಪಞ್ಚಃ ಕೃಪಾಮಯೀ ।
ಕಾಮರೂಪೀ ಕಾಮರೂಪಾ ಕಾಮಕ್ರೋಧವಿವರ್ಜಿತಾ ॥ ೫೨ ॥

ಕಾಮಾತ್ಮಾ ಕಾಮನಿಲಯಾ ಕಾಮಾಖ್ಯಾ ಕಾಮಚಞ್ಚಲಾ ।
ಕಾಮಪುಷ್ಪಧರಃ ಕಾಮಾ ಕಾಮೇಶಃ ಕಾಮಪುಷ್ಪಿಣೀ ॥ ೫೩ ॥

ಮಹಾಮುದ್ರಾಧರೋ ಮುದ್ರಾ ಸನ್ಮುದ್ರಃ ಕಾಮಮುದ್ರಿಕಾ ।
ಚನ್ದ್ರಾರ್ಧಕೃತಭಾಲಾಭೋ ವಿಧುಕೋಟಿಮುಖಾಮ್ಬುಜಾ ॥ ೫೪ ॥

ಚನ್ದ್ರಕೋಟಿಪ್ರಭಾಧಾರೀ ಚನ್ದ್ರಜ್ಯೋತಿಃಸ್ವರೂಪಿಣೀ ।
ಸೂರ್ಯಾಭೋ ವೀರಕಿರಣಾ ಸೂರ್ಯಕೋಟಿವಿಭಾವಿತಾ ॥ ೫೫ ॥

ಮಿಹಿರೇಶೋ ಮಾನವಕಾ ಅನ್ತರ್ಗ್ಗಾಮೀ ನಿರಾಶ್ರಯಾ ।
ಪ್ರಜಾಪತೀಶಃ ಕಲ್ಯಾಣೀ ದಕ್ಷೇಶಃ ಕುಲರೋಹಿಣೀ ॥ ೫೬ ॥

ಅಪ್ರಚೇತಾಃ ಪ್ರಚೇತಸ್ಥಾ ವ್ಯಾಸೇಶೋ ವ್ಯಾಸಪೂಜಿತಾ ।
ಕಾಶ್ಯಪೇಶಃ ಕಾಶ್ಯಪೇಶೀ ಭೃಗ್ವೀಶೋ ಭಾರ್ಗವೇಶ್ವರೀ ॥ ೫೭ ॥

ವಶಿಷ್ಠಃ ಪ್ರಿಯಭಾವಸ್ಥೋ ವಶಿಷ್ಠಬಾಧಿತಾಪರಾ ।
ಪುಲಸ್ತ್ಯಪೂಜಿತೋ ದೇವಃ ಪುಲಸ್ತ್ಯಚಿತ್ತಸಂಸ್ಥಿತಾ ॥ ೫೮ ॥

ಅಗಸ್ತ್ಯಾರ್ಚ್ಯೋಽಗಸ್ತ್ಯಮಾತಾ ಪ್ರಹ್ಲಾದೇಶೋ ವಲೀಶ್ವರೀ ।
ಕರ್ದಮೇಶಃ ಕರ್ದಮಾದ್ಯಾ ಬಾಲಕೋ ಬಾಲಪೂಜಿತಾ ॥ ೫೯ ॥

ಮನಸ್ಥಶ್ಚಾನ್ತರಿಕ್ಷಸ್ಥಾ ಶಬ್ದಜ್ಞಾನೀ ಸರಸ್ವತೀ ।
ರೂಪಾತೀತಾ ರೂಪಶೂನ್ಯಾ ವಿರೂಪೋ ರೂಪಮೋಹಿನೀ ॥ ೬೦ ॥

ವಿದ್ಯಾಧರೇಶೋ ವಿದ್ಯೇಶೀ ವೃಷಸ್ಥೋ ವೃಷವಾಹಿನೀ ।
ರಸಜ್ಞೋ ರಸಿಕಾನನ್ದಾ ವಿರಸೋ ರಸವರ್ಜಿತಾ ॥ ೬೧ ॥

ಸೌನಃ ಸನತ್ಕುಮಾರೇಶೀ ಯೋಗಚರ್ಯೇಶ್ವರಃ ಪ್ರಿಯಾ ।
ದುರ್ವಾಶಾಃ ಪ್ರಾಣನಿಲಯಃ ಸಾಙ್ಖ್ಯಯೋಗಸಮುದ್ಭವಾ ॥ ೬೨ ॥

ಅಸಙ್ಖ್ಯೇಯೋ ಮಾಂಸಭಕ್ಷಾ ಸುಮಾಂಸಾಶೀ ಮನೋರಮಾ ।
ನರಮಾಂಸವಿಭೋಕ್ತಾ ಚ ನರಮಾಂಸವಿನೋದಿನೀ ॥ ೬೩ ॥

ಮೀನವಕ್ತ್ರಪ್ರಿಯೋ ಮೀನಾ ಮೀನಭುಙ್ಮೀನಭಕ್ಷಿಣೀ ।
ರೋಹಿತಾಶೀ ಮತ್ಸ್ಯಗನ್ಧಾ ಮತ್ಸ್ಯನಾಥೋ ರಸಾಪಹಾ ॥ ೬೪ ॥

ಪಾರ್ವತೀಪ್ರೇಮನಿಕರೋ ವಿಧಿದೇವಾಧಿಪೂಜಿತಾ ।
ವಿಧಾತೃವರದೋ ವೇದ್ಯಾ ವೇದೋ ವೇದಕುಮಾರಿಕಾ ॥ ೬೫ ॥

ಶ್ಯಾಮೇಶೋ ಸಿತವರ್ಣಾ ಚ ಚಾಸಿತೋಽಸಿತರೂಪಿಣೀ ।
ಮಹಾಮತ್ತಾಽಽಸವಾಶೀ ಚ ಮಹಾಮತ್ತಾಽಽಸವಪ್ರಿಯಾ ॥ ೬೬ ॥

ಆಸವಾಢ್ಯೋಽಮನಾದೇವೀ ನಿರ್ಮಲಾಸವಪಾಮರಾ ।
ವಿಸತ್ತೋ ಮದಿರಾಮತ್ತಾ ಮತ್ತಕುಞ್ಜರಗಾಮಿನೀ ॥ ೬೭ ॥

ಮಣಿಮಾಲಾಧರೋ ಮಾಲಾಮಾತೃಕೇಶಃ ಪ್ರಸನ್ನಧೀಃ ।
ಜರಾಮೃತ್ಯುಹರೋ ಗೌರೀ ಗಾಯನಸ್ಥೋ ಜರಾಮರಾ ॥ ೬೮ ॥

ಸುಚಞ್ಚಲೋಽತಿದುರ್ಧರ್ಷಾ ಕಣ್ಠಸ್ಥೋ ಹೃದ್ಗತಾ ಸತೀ ।
ಅಶೋಕಃ ಶೋಕರಹಿತಾ ಮನ್ದರಸ್ಥೋ ಹಿ ಮನ್ತ್ರಿಣೀ ॥ ೬೯ ॥

ಮನ್ತ್ರಮಾಲಾಧರಾನನ್ದೋ ಮನ್ತ್ರಯನ್ತ್ರಪ್ರಕಾಶಿನೀ ।
ಮನ್ತ್ರಾರ್ಥಚೈತನ್ಯಕರೋ ಮನ್ತ್ರಸಿದ್ಧಿಪ್ರಕಾಶಿನೀ ॥ ೭೦ ॥

ಮನ್ತ್ರಜ್ಞೋ ಮನ್ತ್ರನಿಲಯಾ ಮನ್ತ್ರಾರ್ಥಾಮನ್ತ್ರಮನ್ತ್ರಿಣೀ ।
ಬೀಜಧ್ಯಾನಸಮನ್ತಸ್ಥಾ ಮನ್ತ್ರಮಾಲೇಽತಿಸಿದ್ಧಿದಾ ॥ ೭೧ ॥

ಮನ್ತ್ರವೇತ್ತಾ ಮನ್ತ್ರಸಿದ್ಧಿರ್ಮನ್ತ್ರಸ್ಥೋ ಮಾನ್ತ್ರಿಕಾನ್ತರಾ ।
ಬೀಜಸ್ವರೂಪೋ ಬೀಜೇಶೀ ಬೀಜಮಾಲೇಽತಿ ಬೀಜಿಕಾ ॥ ೭೨ ॥

ಬೀಜಾತ್ಮಾ ಬೀಜನಿಲಯಾ ಬೀಜಾಢ್ಯಾ ಬೀಜಮಾಲಿನೀ ।
ಬೀಜಧ್ಯಾನೋ ಬೀಜಯಜ್ಞಾ ಬೀಜಾಢ್ಯಾ ಬೀಜಮಾಲಿನೀ ॥ ೭೩ ॥

ಮಹಾಬೀಜಧರೋ ಬೀಜಾ ಬೀಜಾಢ್ಯಾ ಬೀಜವಲ್ಲಭಾ ।
ಮೇಘಮಾಲಾ ಮೇಘಮಾಲೋ ವನಮಾಲೀ ಹಲಾಯುಧಾ ॥ ೭೪ ॥

ಕೃಷ್ಣಾಜಿನಧರೋ ರೌದ್ರಾ ರೌದ್ರೀ ರೌದ್ರಗಣಾಶ್ರಯಾ ।
ರೌದ್ರಪ್ರಿಯೋ ರೌದ್ರಕರ್ತ್ರೀ ರೌದ್ರಲೋಕಪ್ರದಃ ಪ್ರಭಾ ॥ ೭೫ ॥

ವಿನಾಶೀ ಸರ್ವಗಾನಾಂ ಚ ಸರ್ವಾಣೀ ಸರ್ವಸಮ್ಪದಾ ।
ನಾರದೇಶಃ ಪ್ರಧಾನೇಶೀ ವಾರಣೇಶೋ ವನೇಶ್ವರೀ ॥ ೭೬ ॥

ಕೃಷ್ಣೇಶ್ವರಃ ಕೇಶವೇಶೀ ಕೃಷ್ಣವರ್ಣಸ್ತ್ರಿಲೋಚನಾ ।
ಕಾಮೇಶ್ವರೋ ರಾಘವೇಶೀ ಬಾಲೇಶೀ ವಾ ಬಾಣಪೂಜಿತಃ ॥ ೭೭ ॥

ಭವಾನೀಶೋ ಭವಾನೀ ಚ ಭವೇನ್ದ್ರೋ ಭವವಲ್ಲಭಾ ।
ಭವಾನನ್ದೋಽತಿಸೂಕ್ಷ್ಮಾಖ್ಯಾ ಭವಮೂತೀರ್ಭವೇಶ್ವರೀ ॥ ೭೮ ॥

ಭವಚ್ಛಾಯೋ ಭವಾನನ್ದೋ ಭವಭೀತಿಹರೋ ವಲಾ ।
ಭಾಷಾಜ್ಞಾನೀಭಾಷಮಾಲಾ ಮಹಾಜೀವೋಽತಿವಾಸನಾ ॥ ೭೯ ॥

ಲೋಭಾಪದೋ ಲೋಭಕರ್ತ್ರೀ ಪ್ರಲೋಭೋ ಲೋಭವರ್ಧಿನೀ ।
ಮೋಹಾತೀತೋ ಮೋಹಮಾತಾ ಮೋಹಜಾಲೋ ಮಹಾವತೀ ॥ ೮೦ ॥

ಮೋಹಮುದ್ಗರಧಾರೀ ಚ ಮೋಹಮುದ್ಗರಧಾರಿಣೀ ।
ಮೋಹಾನ್ವಿತೋ ಮೋಹಮುಗ್ಧಾ ಕಾಮೇಶಃ ಕಾಮಿನೀಶ್ವರೀ ॥ ೮೧ ॥

ಕಾಮಲಾಪಕರೋಽಕಾಮಾ ಸತ್ಕಾಮೋ ಕಾಮನಾಶಿನೀ ।
ಬೃಹನ್ಮುಖೋ ಬೃಹನ್ನೇತ್ರಾ ಪದ್ಮಾಭೋಽಮ್ಬುಜಲೋಚನಾ ॥ ೮೨ ॥

ಪದ್ಮಮಾಲಃ ಪದ್ಮಮಾಲಾ ಶ್ರೀದೇವೋ ದೇವರಕ್ಷಿಣೀ ।
ಅಸಿತೋಽಪ್ಯಸಿತಾ ಚೈವ ಆಹ್ಲಾದೋ ದೇವಮಾತೃಕಾ ॥ ೮೩ ॥

ನಾಗೇಶ್ವರಃ ಶೈಲಮಾತಾ ನಾಗೇನ್ದ್ರೋ ವೈ ನಗಾತ್ಮಜಾ ।
ನಾರಾಯಣೇಶ್ವರಃ ಕೀರ್ತಿಃ ಸತ್ಕೀರ್ತಿಃ ಕೀರ್ತಿವರ್ಧಿನೀ ॥ ೮೪ ॥

ಕಾರ್ತಿಕೇಶಃ ಕಾರ್ತಿಕೀ ಚ ವಿಕರ್ತಾ ಗಹನಾಶ್ರಯಾ ।
ವಿರಕ್ತೋ ಗರುಡಾರೂಢಾ ಗರುಡಸ್ಥೋ ಹಿ ಗಾರುಡೀ ॥ ೮೫ ॥

ಗರುಡೇಶೋ ಗುರುಮಯೀ ಗುರುದೇವೋ ಗುರುಪ್ರದಾ ।
ಗೌರಾಙ್ಗೇಶೋ ಗೌರಕನ್ಯಾ ಗಙ್ಗೇಶಃ ಪ್ರಾಙ್ಗಣೇಶ್ವರೀ ॥ ೮೬ ॥

ಪ್ರತಿಕೇಶೋ ವಿಶಾಲಾ ಚ ನಿರಾಲೋಕೋ ನಿರೀನ್ದ್ರಿಯಾ ।
ಪ್ರೇತಬೀಜಸ್ವರೂಪಶ್ಚ ಪ್ರೇತಾಽಲಙ್ಕಾರಭೂಷಿತಾ ॥ ೮೭ ॥

ಪ್ರೇಮಗೇಹಃ ಪ್ರೇಮಹನ್ತ್ರೀ ಹರೀನ್ದ್ರೋ ಹರಿಣೇಕ್ಷಣಾ ।
ಕಾಲೇಶಃ ಕಾಲಿಕೇಶಾನೀ ಕೌಲಿಕೇಶಶ್ಚ ಕಾಕಿನೀ ॥ ೮೮ ॥

ಕಾಲಮಞ್ಜೀರಧಾರೀ ಚ ಕಾಲಮಞ್ಜೀರಮೋಹಿನೀ ।
ಕರಾಲವದನಃ ಕಾಲೀ ಕೈವಲ್ಯದಾನದಃ ಕಥಾ ॥ ೮೯ ॥

ಕಮಲಾಪಾಲಕಃ ಕುನ್ತೀ ಕೈಕೇಯೀಶಃ ಸುತಃ ಕಲಾ ।
ಕಾಲಾನಲಃ ಕುಲಜ್ಞಾ ಚ ಕುಲಗಾಮೀ ಕುಲಾಶ್ರಯಾ ॥ ೯೦ ॥

ಕುಲಧರ್ಮಸ್ಥಿತಃ ಕೌಲಾ ಕುಲಮಾರ್ಗಃ ಕುಲಾತುರಾ ।
ಕುಲಜಿಹ್ವಃ ಕುಲಾನನ್ದಾ ಕೃಷ್ಣಃ ಕೃಷ್ಣಸಮುದ್ಭವಾ ॥ ೯೧ ॥

ಕೃಷ್ಣೇಶಃ ಕೃಷ್ಣಮಹಿಷೀ ಕಾಕಸ್ಥಃ ಕಾಕಚಞ್ಚುಕಾ ।
ಕಾಲಧರ್ಮಃ ಕಾಲರೂಪಾ ಕಾಲಃ ಕಾಲಪ್ರಕಾಶಿನೀ ॥ ೯೨ ॥

ಕಾಲಜಃ ಕಾಲಕನ್ಯಾ ಚ ಕಾಲೇಶಃ ಕಾಲಸುನ್ದರೀ ।
ಖಡ್ಗಹಸ್ತಃ ಖರ್ಪರಾಢ್ಯಾ ಖರಗಃ ಖರಖಡ್ಗನೀ ॥ ೯೩ ॥

ಖಲಬುದ್ಧಿಹರಃ ಖೇಲಾ ಖಞ್ಜನೇಶಃ ಸುಖಾಞ್ಜನೀ ।
ಗೀತಪ್ರಿಯೋ ಗಾಯನಸ್ಥಾ ಗಣಪಾಲೋ ಗೃಹಾಶ್ರಯಾ ॥ ೯೪ ॥

ಗರ್ಗಪ್ರಿಯೋ ಗಯಾಪ್ರಾಪ್ತಿರ್ಗರ್ಗಸ್ಥೋ ಹಿ ಗಭೀರಿಣಾ ।
ಗಾರುಡೀಶೋ ಹಿ ಗಾನ್ಧರ್ವೀ ಗತೀಶೋ ಗಾರ್ಹವಹ್ನಿಜಾ ॥ ೯೫ ॥

ಗಣಗನ್ಧರ್ವಗೋಪಾಲೋ ಗಣಗನ್ಧರ್ವಗೋ ಗತಾ ।
ಗಭೀರಮಾನೀ ಸಮ್ಭೇದೋ ಗಭೀರಕೋಟಿಸಾಗರಾ ॥ ೯೬ ॥

ಗತಿಸ್ಥೋ ಗಾಣಪತ್ಯಸ್ಥಾ ಗಣನಾದ್ಯೋ ಗವಾ ತನೂಃ ।
ಗನ್ಧದ್ವಾರೋ ಗನ್ಧಮಾಲಾ ಗನ್ಧಾಢ್ಯೋ ಗನ್ಧನಿರ್ಗಮಾ ॥ ೯೭ ॥

ಗನ್ಧಮೋಹಿತಸರ್ವಾಙ್ಗೋ ಗನ್ಧಚಞ್ಚಲಮೋಹಿನೀ ।
ಗನ್ಧಪುಷ್ಪಧೂಪದೀಪನೈವೇದ್ಯಾದಿಪ್ರಪೂಜಿತಾ ॥ ೯೮ ॥

ಗನ್ಧಾಗುರುಸುಕಸ್ತೂರೀ ಕುಙ್ಕುಮಾದಿವಿಮಣ್ಡಿತಾ ।
ಗೋಕುಲಾ ಮಧುರಾನನ್ದಾ ಪುಷ್ಪಗನ್ಧಾನ್ತರಸ್ಥಿತಾ ॥ ೯೯ ॥

ಗನ್ಧಮಾದನಸಮ್ಭೂತಪುಷ್ಪಮಾಲ್ಯವಿಭೂಷಿತಃ ।
ರತ್ನಾದ್ಯಶೇಷಾಲಙ್ಕಾರಮಾಲಾಮಣ್ಡಿತವಿಗ್ರಹಃ ॥ ೧೦೦ ॥

ಸ್ವರ್ಣಾದ್ಯಶೇಷಾಲಙ್ಕಾರಹಾರಮಾಲಾವಿಮಣ್ಡಿತಾ ।
ಕರವೀರಾ ಯುತಪ್ರಖ್ಯರಕ್ತಲೋಚನಪಙ್ಕಜಃ ॥ ೧೦೧ ॥

ಜವಾಕೋಟಿಕೋಟಿಶತ ಚಾರುಲೋಚನಪಙ್ಕಜಾ ।
ಘನಕೋಟಿಮಹಾನಾಸ್ಯ ಪಙ್ಕಜಾಲೋಲವಿಗ್ರಹಾ ॥ ೧೦೨ ॥

ಘರ್ಘರಧ್ವನಿಮಾನನ್ದಕಾವ್ಯಾಮ್ಬುಧಿಮುಖಾಮ್ಬುಜಾ ।
ಘೋರಚಿತ್ರಸರ್ಪರಾಜ ಮಾಲಾಕೋಟಿಶತಾಙ್ಕಭೃತ್ ॥ ೧೦೩ ॥

ಘನಘೋರಮಹಾನಾಗ ಚಿತ್ರಮಾಲಾವಿಭೂಷಿತಾ ।
ಘಣ್ಟಾಕೋಟಿಮಹಾನಾದಮಾನನ್ದಲೋಲವಿಗ್ರಹಃ ॥ ೧೦೪ ॥

ಘಣ್ಟಾಡಮರುಮನ್ತ್ರಾದಿ ಧ್ಯಾನಾನನ್ದಕರಾಮ್ಬುಜಾ ।
ಘಟಕೋಟಿಕೋಟಿಶತಸಹಸ್ರಮಙ್ಗಲಾಸನಾ ॥ ೧೦೫ ॥

ಘಣ್ಟಾಶಙ್ಖಪದ್ಮಚಕ್ರವರಾಭಯಕರಾಮ್ಬುಜಾ ।
ಘಾತಕೋ ರಿಪುಕೋಟೀನಾಂ ಶುಮ್ಭಾದೀನಾಂ ತಥಾ ಸತಾಮ್ ॥ ೧೦೬ ॥

ಘಾತಿನೀದೈತ್ಯಘೋರಾಶ್ಚ ಶಙ್ಖಾನಾಂ ಸತತಂ ತಥಾ ।
ಚಾರ್ವಾಕಮತಸಙ್ಘಾತಚತುರಾನನಪಙ್ಕಜಃ ॥ ೧೦೭ ॥

ಚಞ್ಚಲಾನನ್ದಸರ್ವಾರ್ಥಸಾರವಾಗ್ವಾದಿನೀಶ್ವರೀ ।
ಚನ್ದ್ರಕೋಟಿಸುನಿರ್ಮಾಲ ಮಾಲಾಲಮ್ಬಿತಕಣ್ಠಭೃತ್ ॥ ೧೦೮ ॥

ಚನ್ದ್ರಕೋಟಿಸಮಾನಸ್ಯ ಪಙ್ಕೇರುಹಮನೋಹರಾ ।
ಚನ್ದ್ರಜ್ಯೋತ್ಸ್ನಾಯುತಪ್ರಖ್ಯಹಾರಭೂಷಿತಮಸ್ತಕಃ ॥ ೧೦೯ ॥

ಚನ್ದ್ರಬಿಮ್ಬಸಹಸ್ರಾಭಾಯುತಭೂಷಿತಮಸ್ತಕಃ ।
ಚಾರುಚನ್ದ್ರಕಾನ್ತಮಣಿಮಣಿಹಾರಾಯುತಾಙ್ಗಭೃತ್ ॥ ೧೧೦ ॥

ಚನ್ದನಾಗುರುಕಸ್ತೂರೀ ಕುಙ್ಕುಮಾಸಕ್ತಮಾಲಿನೀ ।
ಚಣ್ಡಮುಣ್ಡಮಹಾಮುಣ್ಡಾಯುತನಿರ್ಮಲಮಾಲ್ಯಭೃತ್ ॥ ೧೧೧ ॥

ಚಣ್ಡಮುಣ್ಡಘೋರಮುಣ್ಡನಿರ್ಮಾಣಕುಲಮಾಲಿನೀ ।
ಚಣ್ಡಾಟ್ಟಹಾಸಘೋರಾಢ್ಯವದನಾಮ್ಭೋಜಚಞ್ಚಲಃ ॥ ೧೧೨ ॥

ಚಲತ್ಖಞ್ಜನನೇತ್ರಾಮ್ಭೋರುಹಮೋಹಿತಶಙ್ಕರಾ ।
ಚಲದಮ್ಭೋಜನಯನಾನನ್ದಪುಷ್ಪಕರಮೋಹಿತಃ ॥ ೧೧೩ ॥

ಚಲದಿನ್ದುಭಾಷಮಾಣಾವಗ್ರಹಖೇದಚನ್ದ್ರಿಕಾ ।
ಚನ್ದ್ರಾರ್ಧಕೋಟಿಕಿರಣಚೂಡಾಮಣ್ಡಲಮಣ್ಡಿತಃ ॥ ೧೧೪ ॥

ಚನ್ದ್ರಚೂಡಾಮ್ಭೋಜಮಾಲಾ ಉತ್ತಮಾಙ್ಗವಿಮಣ್ಡಿತಃ ।
ಚಲದರ್ಕಸಹಸ್ರಾನ್ತ ರತ್ನಹಾರವಿಭೂಷಿತಃ ॥ ೧೧೫ ॥

ಚಲದರ್ಕಕೋಟಿಶತಮುಖಾಮ್ಭೋಜತಪೋಜ್ಜ್ವಲಾ ।
ಚಾರುರತ್ನಾಸನಾಮ್ಭೋಜಚನ್ದ್ರಿಕಾಮಧ್ಯಸಂಸ್ಥಿತಃ ॥ ೧೧೬ ॥

ಚಾರುದ್ವಾದಶಪತ್ರಾದಿ ಕರ್ಣಿಕಾಸುಪ್ರಕಾಶಿಕಾ ।
ಚಮತ್ಕಾರಗಟಙ್ಕಾರಧುನರ್ಬಾಣಕರಾಮ್ಬುಜಃ ॥ ೧೧೭ ॥

ಚತುರ್ಥವೇದಗಾಥಾದಿ ಸ್ತುತಿಕೋಟಿಸುಸಿದ್ಧಿದಾ ।
ಚಲದಮ್ಬುಜನೇತ್ರಾರ್ಕವಹ್ನಿಚನ್ದ್ರತ್ರಯಾನ್ವಿತಃ ॥ ೧೧೮ ॥

ಚಲತ್ಸಹಸ್ರಸಙ್ಖ್ಯಾತ ಪಙ್ಕಜಾದಿಪ್ರಕಾಶಿಕಾ ।
ಚಮತ್ಕಾರಾಟ್ಟಹಾಸಾಸ್ಯ ಸ್ಮಿತಪಙ್ಕಜರಾಜಯಃ ॥ ೧೧೯ ॥

ಚಮತ್ಕಾರಮಹಾಘೋರಸಾಟ್ಟಾಟ್ಟಹಾಸಶೋಭಿತಾ ।
ಛಾಯಾಸಹಸ್ರಸಂಸಾರಶೀತಲಾನಿಲಶೀತಲಃ ॥ ೧೨೦ ॥

ಛದಪದ್ಮಪ್ರಭಾಮಾನಸಿಂಹಾಸನಸಮಾಸ್ಥಿತಾ ।
ಛಲತ್ಕೋಟಿದೈತ್ಯರಾಜಮುಣ್ಡಮಾಲಾವಿಭೂಷಿತಃ ॥ ೧೨೧ ॥

ಛಿನ್ನಾದಿಕೋಟಿಮನ್ತ್ರಾರ್ಥಜ್ಞಾನಚೈತನ್ಯಕಾರಿಣೀ ।
ಚಿತ್ರಮಾರ್ಗಮಹಾಧ್ವಾನ್ತಗ್ರನ್ಥಿಸಮ್ಭೇದಕಾರಕಃ ॥ ೧೨೨ ॥

ಅಸ್ತ್ರಕಾಸ್ತ್ರಾದಿಬ್ರಹ್ಮಾಸ್ತ್ರಸಹಸ್ರಕೋಟಿಧಾರಿಣೀ ।
ಅಜಾಮಾಂಸಾದಿಸದ್ಭಕ್ಷರಸಾಮೋದಪ್ರವಾಹಗಃ ॥ ೧೨೩ ॥

ಛೇದನಾದಿಮಹೋಗ್ರಾಸ್ತ್ರೇ ಭುಜವಾಮಪ್ರಕಾಶಿನೀ ।
ಜಯಾಖ್ಯಾದಿಮಹಾಸಾಮ ಜ್ಞಾನಾರ್ಥಸ್ಯ ಪ್ರಕಾಶಕಃ ॥ ೧೨೪ ॥

ಜಾಯಾಗಣಹೃದಮ್ಭೋಜ ಬುದ್ಧಿಜ್ಞಾನಪ್ರಕಾಶಿನೀ ।
ಜನಾರ್ದನಪ್ರೇಮಭಾವ ಮಹಾಧನಸುಖಪ್ರದಃ ॥ ೧೨೫ ॥

ಜಗದೀಶಕುಲಾನನ್ದಸಿನ್ಧುಪಙ್ಕಜವಾಸಿನೀ ।
ಜೀವನಾಸ್ಥಾದಿಜನಕಃ ಪರಮಾನನ್ದಯೋಗಿನಾಮ್ ॥ ೧೨೬ ॥

ಜನನೀ ಯೋಗಶಾಸ್ತ್ರಾಣಾಂ ಭಕ್ತಾನಾಂ ಪಾದಪದ್ಮಯೋಃ ।
ರುಕ್ಷಪವನನಿರ್ವಾತಮಹೋಲ್ಕಾಪಾತಕಾರುಣಃ ॥ ೧೨೭ ॥

ಝರ್ಝರೀಮಧುರೀ ವೀಣಾ ವೇಣುಶಙ್ಖಪ್ರವಾದಿನೀ ।
ಝನತ್ಕಾರೌಘಸಂಹಾರಕರದಣ್ಡವಿಶಾನಧೃಕ್ ॥ ೧೨೮ ॥

ಝರ್ಝರೀನಾಯಿಕಾರ್ಯ್ಯಾದಿಕರಾಮ್ಭೋಜನಿಷೇವಿತಾ ।
ಟಙ್ಕಾರಭಾವಸಂಹಾರಮಹಾಜಾಗರವೇಶಧೃಕ್ ॥ ೧೨೯ ॥

ಟಙ್ಕಾಸಿಪಾಶುಪಾತಾಸ್ತ್ರಚರ್ಮಕಾರ್ಮುಕಧಾರಿಣೀ ।
ಟಲನಾನಲಸಙ್ಘಟ್ಟಪಟ್ಟಾಮ್ಬರವಿಭೂಷಿತಃ ॥ ೧೩೦ ॥

ಟುಲ್ಟುನೀ ಕಿಙ್ಕಿಣೀ ಕೋಟಿ ವಿಚಿತ್ರಧ್ವನಿಗಾಮಿನೀ ।
ಠಂ ಠಂ ಠಂ ಮನುಮೂಲಾನ್ತಃ ಸ್ವಪ್ರಕಾಶಪ್ರಬೋಧಕಃ ॥ ೧೩೧ ॥

ಠಂ ಠಂ ಠಂ ಪ್ರಖರಾಹ್ಲಾದನಾದಸಂವಾದವಾದಿನೀ ।
ಠಂ ಠಂ ಠಂ ಕೂರ್ಮಪೃಷ್ಠಸ್ಥಃ ಕಾಮಚಾಕಾರಭಾಸನಃ ॥ ೧೩೨ ॥

ಠಂ ಠಂ ಠಂ ಬೀಜವಹ್ನಿಸ್ಥ ಹಾತುಕಭ್ರೂವಿಭೂಷಿತಾ ।
ಡಾಮರಪ್ರಖರಾಹ್ಲಾದಸಿದ್ಧಿವಿದ್ಯಾಪ್ರಕಾಶಕಃ ॥ ೧೩೩ ॥

ಡಿಣ್ಡಿಮಧ್ವಾನಮಧುರವಾಣೀಸಮ್ಮುಖಪಙ್ಕಜಾ ।
ಡಂ ಡಂ ಡಂ ಖರಕೃತ್ಯಾದಿ ಮಾರಣಾನ್ತಃಪ್ರಕಾಶಿಕಾ ॥ ೧೩೪ ॥

ಢಕ್ಕಾರವಾದ್ಯಭೂಪೂರತಾರಸಪ್ತಸ್ವರಾಶ್ರಯಃ ।
ಢೌಂ ಢೌಂ ಢೌಂ ಢೌಕಢಕ್ಕಲಂ ವಹ್ನಿಜಾಯಾಮನುಪ್ರಿಯಃ ॥ ೧೩೫ ॥

ಢಂ ಢಂ ಢಂ ಢೌಂ ಢ ಢಂ ಢ ಕೃತ್ಯೇತ್ಥಾಹೇತಿ ವಾಸಿನೀ ।
ತಾರಕಬ್ರಹ್ಮಮನ್ತ್ರಸ್ಥಃ ಶ್ರೀಪಾದಪದ್ಮಭಾವಕಃ ॥ ೧೩೬ ॥

ತಾರಿಣ್ಯಾದಿಮಹಾಮನ್ತ್ರ ಸಿದ್ಧಿಸರ್ವಾರ್ಥಸಿದ್ಧಿದಾ ।
ತನ್ತ್ರಮನ್ತ್ರಮಹಾಯನ್ತ್ರ ವೇದಯೋಗಸುಸಾರವಿತ್ ॥ ೧೩೭ ॥

ತಾಲವೇತಾಲದೈತಾಲಶ್ರೀತಾಲಾದಿಸುಸಿದ್ಧದಾ ।
ತರುಕಲ್ಪಲತಾಪುಷ್ಪಕಲಬೀಜಪ್ರಕಾಶಕಃ ॥ ೧೩೮ ॥

ಡಿನ್ತಿಡೀತಾಲಹಿನ್ತಾಲತುಲಸೀಕುಲವೃಕ್ಷಜಾ ।
ಅಕಾರಕೂಟವಿನ್ದ್ವಿನ್ದುಮಾಲಾಮಣ್ಡಿತವಿಗ್ರಹಃ ॥ ೧೩೯ ॥

ಸ್ಥಾತೃಪ್ರಸ್ಥಪ್ರಥಾಗಾಥಾಸ್ಥೂಲಸ್ಥಿತ್ಯನ್ತಸಂಹರಾ ।
ದರೀಕುಞ್ಜಹೇಮಮಾಲಾವನಮಾಲಾದಿಭೂಷಿತಃ ॥ ೧೪೦ ॥

ದಾರಿದ್ರ್ಯದುಃಖದಹನಕಾಲಾನಲಶತೋಪಮಃ ।
ದಶಸಾಹಸ್ರವಕ್ತ್ರಾಮ್ಭೋರುಹಶೋಭಿತವಿಗ್ರಹಃ ॥ ೧೪೧ ॥

ಪಾಶಾಭಯವರಾಹ್ಲಾದಧನಧರ್ಮಾದಿವರ್ಧಿನೀ ।
ಧರ್ಮಕೋಟಿಶತೋಲ್ಲಾಸಸಿದ್ಧಿಋದ್ಧಿಸಮೃದ್ಧಿದಾ ॥ ೧೪೨ ॥

ಧ್ಯಾನಯೋಗಜ್ಞಾನಯೋಗಮನ್ತ್ರಯೋಗಫಲಪ್ರದಾ ।
ನಾಮಕೋಟಿಶತಾನನ್ತಸುಕೀರ್ತಿಗುಣಮೋಹನಃ ॥ ೧೪೩ ॥

ನಿಮಿತ್ತಫಲಸದ್ಭಾವಭಾವಾಭಾವವಿವರ್ಜಿತಾ ।
ಪರಮಾನನ್ದಪದವೀ ದಾನಲೋಲಪದಾಮ್ಬುಜಃ ॥ ೧೪೪ ॥

ಪ್ರತಿಷ್ಠಾಸುನಿವೃತ್ತಾದಿ ಸಮಾಧಿಫಲಸಾಧಿನೀ ।
ಫೇರವೀಗಣಸನ್ಮಾನವಸುಸಿದ್ಧಿಪ್ರದಾಯಕಃ ॥ ೧೪೫ ॥

ಫೇತ್ಕಾರೀಕುಲತನ್ತ್ರಾದಿ ಫಲಸಿದ್ಧಿಸ್ವರೂಪಿಣೀ ।
ವರಾಙ್ಗನಾಕೋಟಿಕೋಟಿಕರಾಮ್ಭೋಜನಿಸೇವಿತಾ ॥ ೧೪೬ ॥

ವರದಾನಜ್ಞಾನದಾನ ಮೋಕ್ಷದಾತಿಚಞ್ಚಲಾ ।
ಭೈರವಾನನ್ದನಾಥಾಖ್ಯ ಶತಕೋಟಿಮುದಾನ್ವಿತಃ ॥ ೧೪೭ ॥

ಭಾವಸಿದ್ಧಿಕ್ರಿಯಾಸಿದ್ಧಿ ಸಾಷ್ಟಾಙ್ಗಸಿದ್ಧಿದಾಯಿನೀ ।
ಮಕಾರಪಞ್ಚಕಾಹ್ಲಾದಮಹಾಮೋದಶರೀರಧೃಕ್ ॥ ೧೪೮ ॥

ಮದಿರಾದಿಪಞ್ಚತತ್ತ್ವನಿರ್ವಾಣಜ್ಞಾನದಾಯಿನೀ ।
ಯಜಮಾನಕ್ರಿಯಾಯೋಗವಿಭಾಗಫಲದಾಯಕಃ ॥ ೧೪೯ ॥

ಯಶಃ ಸಹಸ್ರಕೋಟಿಸ್ಥ ಗುಣಗಾಯನತತ್ಪರಾ ।
ರಣಮಧ್ಯಸ್ಥಕಾಲಾಗ್ನಿ ಕ್ರೋಧಧಾರಸುವಿಗ್ರಹಃ ॥ ೧೫೦ ॥

ಕಾಕಿನೀಶಾಕಿನೀಶಕ್ತಿಯೋಗಾದಿ ಕಾಕಿನೀಕಲಾ ।
ಲಕ್ಷಣಾಯುತಕೋಟೀನ್ದುಲಲಾಟತಿಲಕಾನ್ವಿತಃ ॥ ೧೫೧ ॥

ಲಾಕ್ಷಾಬನ್ಧೂಕಸಿನ್ದೂರವರ್ಣಲಾವಣ್ಯಲಾಲಿತಾ ।
ವಾತಾಯುತಸಹಸ್ರಾಙ್ಗಘೂರ್ಣಾಯಮಾನಭೂಧರಃ ॥ ೧೫೨ ॥

ವಿವಸ್ವತ್ಪ್ರೇಮಭಕ್ತಿಸ್ಥ ಚರಣದ್ವನ್ದ್ವನಿರ್ಮಲಾ ।
ಶ್ರೀಸೀತಾಪತಿಶುದ್ಧಾಙ್ಗ ವ್ಯಾಪ್ತೇನ್ದ್ರನೀಲಸನ್ನಿಭಃ ॥ ೧೫೩ ॥

ಶೀತನೀಲಾಶತಾನನ್ದಸಾಗರಪ್ರೇಮಭಕ್ತಿದಾ ।
ಷಟ್ಪಙ್ಕೇರುಹದೇವಾದಿಸ್ವಪ್ರಕಾಶಪ್ರಬೋಧಿನೀ ॥ ೧೫೪ ॥

ಮಹೋಮೀಸ್ಥಷಡಾಧಾರಪ್ರಸನ್ನಹೃದಯಾಮ್ಬುಜಾ ।
ಶ್ಯಾಮಪ್ರೇಮಕಲಾಬನ್ಧಸರ್ವಾಙ್ಗಕುಲನಾಯಕಃ ॥ ೧೫೫ ॥

ಸಂಸಾರಸಾರಶಾಸ್ತ್ರಾದಿ ಸಮ್ಬನ್ಧಸುನ್ದರಾಶ್ರಯಾ ।
ಹ್ಸೌಃ ಪ್ರೇತಮಹಾಬೀಜಮಾಲಾಚಿತ್ರಿತಕಣ್ಠಧೃಕ್ ॥ ೧೫೬ ॥

ಹಕಾರವಾಮಕರ್ಣಾಢ್ಯ ಚನ್ದ್ರಬಿನ್ದುವಿಭೂಷಿತಾ ।
ಲಯಸೃಷ್ಟಿಸ್ಥಿತಿಕ್ಷೇತ್ರಪಾನಪಾಲಕನಾಮಧೃಕ್ ॥ ೧೫೭ ॥

ಲಕ್ಷ್ಮೀಲಕ್ಷಜಪಾನನ್ದಸಿದ್ಧಿಸಿದ್ಧಾನ್ತವರ್ಣಿನೀ ।
ಕ್ಷುನ್ನಿವೃತ್ತಿಕ್ಷಪಾರಕ್ಷಾ ಕ್ಷುಧಾಕ್ಷೋಭನಿವಾರಕಃ ॥ ೧೫೮ ॥

ಕ್ಷತ್ರಿಯಾದಿಕುರುಕ್ಷೇತ್ರಾರುಣಾಕ್ಷಿಪ್ತತ್ರಿಲೋಚನಾ ।
ಅನನ್ತ ಇತಿಹಾಸಸ್ಥ ಆಜ್ಞಾಗಾಮೀ ಚ ಈಶ್ವರೀ ॥ ೧೫೯ ॥

ಉಮೇಶ ಉಟಕನ್ಯೇಶೀ ಋದ್ಧಿಸ್ಥಹೃಸ್ಥಗೋಮುಖೀ ।
ಗಕಾರೇಶ್ವರಸಂಯುಕ್ತ ತ್ರಿಕುಣ್ಡದೇವತಾರಿಣೀ ॥ ೧೬೦ ॥

ಐಣಾಚೀಶಪ್ರಿಯಾನನ್ದ ಐರಾವತಕುಲೇಶ್ವರೀ ।
ಓಢ್ರಪುಷ್ಪಾನನ್ತದೀಪ್ತ ಓಢ್ರಪುಷ್ಪಾನಖಾಗ್ರಕಾ ॥ ೧೬೧ ॥

ಏಹೃತ್ಯಶತಕೋಟಿಸ್ಥ ಔ ದೀರ್ಘಪ್ರಣವಾಶ್ರಯಾ ।
ಅಙ್ಗಸ್ಥಾಙ್ಗದೇವಸ್ಥಾ ಅರ್ಯಸ್ಥಶ್ಚಾರ್ಯಮೇಶ್ವರೀ ॥ ೧೬೨ ॥

ಮಾತೃಕಾವರ್ಣನಿಲಯಃ ಸರ್ವಮಾತೃಕಲಾನ್ವಿತಾ ।
ಮಾತೃಕಾಮನ್ತ್ರಜಾಲಸ್ಥಃ ಪ್ರಸನ್ನಗುಣದಾಯಿನೀ ॥ ೧೬೩ ॥

ಅತ್ಯುತ್ಕಟಪಥಿಪ್ರಜ್ಞಾ ಗುಣಮಾತೃಪದೇ ಸ್ಥಿತಾ ।
ಸ್ಥಾವರಾನನ್ದದೇವೇಶೋ ವಿಸರ್ಗಾನ್ತರಗಾಮಿನೀ ॥ ೧೬೪ ॥

ಅಕಲಙ್ಕೋ ನಿಷ್ಕಲಙ್ಕೋ ನಿರಾಧಾರೋ ನಿರಾಶ್ರಯಾ ।
ನಿರಾಶ್ರಯೋ ನಿರಾಧಾರೋ ನಿರ್ಬೀಜೋ ಬೀಜಯೋಗಿನೀ ॥ ೧೬೫ ॥

ನಿಃಶಙ್ಕೋ ನಿಸ್ಪೃಹಾನನ್ದೋ ಸಿನ್ಧೂರತ್ನಾವಲಿಪ್ರಭಾ ।
ಆಕಾಶಸ್ಥಃ ಖೇಚರೀ ಚ ಸ್ವರ್ಗದಾತಾ ಶಿವೇಶ್ವರೀ ॥ ೧೬೬ ॥

ಸೂಕ್ಷ್ಮಾತಿಸೂಕ್ಷ್ಮಾತ್ವೈರ್ಜ್ಞೇಯಾ ದಾರಾಪದುಃಖಹಾರಿಣೀ ।
ನಾನಾದೇಶಸಮುದ್ಭೂತೋ ನಾನಾಲಙ್ಕಾರಲಙ್ಕೃತಾ ॥ ೧೬೭ ॥

ನವೀನಾಖ್ಯೋ ನೂತನಸ್ಥ ನಯನಾಬ್ಜನಿವಾಸಿನೀ ।
ವಿಷಯಾಖ್ಯವಿಷಾನನ್ದಾ ವಿಷಯಾಶೀ ವಿಷಾಪಹಾ ॥ ೧೬೮ ॥

ವಿಷಯಾತೀತಭಾವಸ್ಥೋ ವಿಷಯಾನನ್ದಘಾತಿನೀ ।
ವಿಷಯಚ್ಛೇದನಾಸ್ತ್ರಸ್ಥೋ ವಿಷಯಜ್ಞಾನನಾಶಿನೀ ॥ ೧೬೯ ॥

ಸಂಸಾರಛೇದಕಚ್ಛಾಯೋ ಭವಚ್ಛಾಯೋ ಭವಾನ್ತಕಾ ।
ಸಂಸಾರಾರ್ಥಪ್ರವರ್ತಶ್ಚ ಸಂಸಾರಪರಿವರ್ತಿಕಾ ॥ ೧೭೦ ॥

ಸಂಸಾರಮೋಹಹನ್ತಾ ಚ ಸಂಸಾರಾರ್ಣವತಾರಿಣೀ ।
ಸಂಸಾರಘಟಕಶ್ರೀದಾಸಂಸಾರಧ್ವಾನ್ತಮೋಹಿನೀ ॥ ೧೭೧ ॥

ಪಞ್ಚತತ್ತ್ವಸ್ವರೂಪಶ್ಚ ಪಞ್ಚತತ್ತ್ವಪ್ರಬೋಧಿನೀ ।
ಪಾರ್ಥಿವಃ ಪೃಥಿವೀಶಾನೀ ಪೃಥುಪೂಜ್ಯಃ ಪುರಾತನೀ ॥ ೧೭೨ ॥

ವರುಣೇಶೋ ವಾರುಣಾ ಚ ವಾರಿದೇಶೋ ಜಲೋದ್ಯಮಾ ।
ಮರುಸ್ಥೋ ಜೀವನಸ್ಥಾ ಚ ಜಲಭುಗ್ಜಲವಾಹನಾ ॥ ೧೭೩ ॥

ತೇಜಃ ಕಾನ್ತಃ ಪ್ರೋಜ್ಜ್ವಲಸ್ಥಾ ತೇಜೋರಾಶೇಸ್ತು ತೇಜಸೀ ।
ತೇಜಸ್ಥಸ್ತೇಜಸೋ ಮಾಲಾ ತೇಜಃ ಕೀರ್ತಿಃ ಸ್ವರಶ್ಮಿಗಾ ॥ ೧೭೪ ॥

ಪವನೇಶಶ್ಚಾನಿಲಸ್ಥಾ ಪರಮಾತ್ಮಾ ನಿನಾನ್ತರಾ ।
ವಾಯುಪೂರಕಕಾರೀ ಚ ವಾಯುಕುಮ್ಭಕವರ್ಧಿನೀ ॥ ೧೭೫ ॥

ವಾಯುಚ್ಛಿದ್ರಕರೋ ವಾತಾ ವಾಯುನಿರ್ಗಮಮುದ್ರಿಕಾ ।
ಕುಮ್ಭಕಸ್ಥೋ ರೇಚಕಸ್ಥಾ ಪೂರಕಸ್ಥಾತಿಪೂರಿಣೀ ॥ ೧೭೬ ॥

ವಾಯ್ವಾಕಾಶಾಧಾರರೂಪೀ ವಾಯುಸಞ್ಚಾರಕಾರಿಣೀ ।
ವಾಯುಸಿದ್ಧಿಕರೋ ದಾತ್ರೀ ವಾಯುಯೋಗೀ ಚ ವಾಯುಗಾ ॥ ೧೭೭ ॥

ಆಕಾಶಪ್ರಕರೋ ಬ್ರಾಹ್ಮೀ ಆಕಾಶಾನ್ತರ್ಗತದ್ರಿಗಾ ।
ಆಕಾಶಕುಮ್ಭಕಾನನ್ದೋ ಗಗನಾಹ್ಲಾದವರ್ಧಿನೀ ॥ ೧೭೮ ॥

ಗಗನಾಚ್ಛನ್ನದೇಹಸ್ಥೋ ಗಗನಾಭೇದಕಾರಿಣೀ ।
ಗಗನಾದಿಮಹಾಸಿದ್ಧೋ ಗಗನಗ್ರನ್ಥಿಭೇದಿನೀ ॥ ೧೭೯ ॥

ಕಲಕರ್ಮಾ ಮಹಾಕಾಲೀ ಕಾಲಯೋಗೀ ಚ ಕಾಲಿಕಾ ।
ಕಾಲಛತ್ರಃ ಕಾಲಹತ್ಯಾ ಕಾಲದೇವೋ ಹಿ ಕಾಲಿಕಾ ॥ ೧೮೦ ॥

ಕಾಲಬ್ರಹ್ಮಸ್ವರೂಪಶ್ಚ ಕಾಲಿತತ್ತ್ವಾರ್ಥರಕ್ಷಿಣೀ ।
ದಿಗಮ್ಬರೋ ದಿಕ್ಪತಿಸ್ಥಾ ದಿಗಾತ್ಮಾ ದಿಗಿಭಾಸ್ವರಾ ॥ ೧೮೧ ॥

ದಿಕ್ಪಾಲಸ್ಥೋ ದಿಕ್ಪ್ರಸನ್ನಾ ದಿಗ್ವಲೋ ದಿಕ್ಕುಲೇಶ್ವರೀ ।
ದಿಗಘೋರೋ ದಿಗ್ವಸನಾ ದಿಗ್ವೀರಾ ದಿಕ್ಪತೀಶ್ವರೀ ॥ ೧೮೨ ॥

ಆತ್ಮಾರ್ಥೋ ವ್ಯಾಪಿತತ್ತ್ವಜ್ಞ ಆತ್ಮಜ್ಞಾನೀ ಚ ಸಾತ್ಮಿಕಾ ।
ಆತ್ಮೀಯಶ್ಚಾತ್ಮಬೀಜಸ್ಥಾ ಚಾನ್ತರಾತ್ಮಾತ್ಮಮೋಹಿನೀ ॥ ೧೮೩ ॥

ಆತ್ಮಸಞ್ಜ್ಞಾನಕಾರೀ ಚ ಆತ್ಮಾನನ್ದಸ್ವರೂಪಿಣೀ ।
ಆತ್ಮಯಜ್ಞೋ ಮಹಾತ್ಮಜ್ಞಾ ಮಹಾತ್ಮಾತ್ಮಪ್ರಕಾಶಿನೀ ॥ ೧೮೪ ॥

ಆತ್ಮವಿಕಾರಹನ್ತಾ ಚ ವಿದ್ಯಾತ್ಮೀಯಾದಿದೇವತಾ ।
ಮನೋಯೋಗಕರೋ ದುರ್ಗಾ ಮನಃ ಪ್ರತ್ಯಕ್ಷ ಈಶ್ವರೀ ॥ ೧೮೫ ॥

ಮನೋಭವನಿಹನ್ತಾ ಚ ಮನೋಭವವಿವರ್ಧಿನೀ ।
ಮನಶ್ಚಾನ್ತರೀಕ್ಷಯೋಗೋ ನಿರಾಕಾರಗುಣೋದಯಾ ॥ ೧೮೬ ॥

ಮನೋನಿರಾಕಾರಯೋಗೀ ಮನೋಯೋಗೇನ್ದ್ರಸಾಕ್ಷಿಣೀ ।
ಮನಃಪ್ರತಿಷ್ಠೋ ಮನಸಾ ಮಾನಶಙ್ಕಾ ಮನೋಗತಿಃ ॥ ೧೮೭ ॥

ನವದ್ರವ್ಯನಿಗೂಢಾರ್ಥೋ ನರೇನ್ದ್ರವಿನಿವಾರಿಣೀ ।
ನವೀನಗುಣಕರ್ಮಾದಿಸಾಕಾರಃ ಖಗಗಾಮಿನೀ ॥ ೧೮೮ ॥

ಅತ್ಯುನ್ಮತ್ತಾ ಮಹಾವಾಣೀ ವಾಯವೀಶೋ ಮಹಾನಿಲಾ ।
ಸರ್ವಪಾಪಾಪಹನ್ತಾ ಚ ಸರ್ವವ್ಯಾಧಿನಿವಾರಿಣೀ ॥ ೧೮೯ ॥

ದ್ವಾರದೇವೀಶ್ವರೀ ಪ್ರೀತಿಃ ಪ್ರಲಯಾಗ್ನಿಃ ಕರಾಲಿನೀ ।
ಭೂಷಣ್ಡಗಣತಾತಶ್ಚ ಭೂಃಷಣ್ಡರುಧಿರಪ್ರದಾ ॥ ೧೯೦ ॥

ಕಾಕಾವಲೀಶಃ ಸರ್ವೇಶೀ ಕಾಕಪುಚ್ಛಧರೋ ಜಯಾ ।
ಅಜಿತೇಶೋ ಜಿತಾನನ್ದಾ ವೀರಭದ್ರಃ ಪ್ರಭಾವತೀ ॥ ೧೯೧ ॥

ಅನ್ತರ್ನಾಡೀಗತಪ್ರಾಣೋ ವೈಶೇಷಿಕಗುಣೋದಯಾ ।
ರತ್ನನಿರ್ಮಿತಪೀಠಸ್ಥಃ ಸಿಂಹಸ್ಥಾ ರಥಗಾಮಿನೀ ॥ ೧೯೨ ॥

ಕುಲಕೋಟೀಶ್ವರಾಚಾರ್ಯೋ ವಾಸುದೇವನಿಷೇವಿತಾ ।
ಆಧಾರವಿರಹಜ್ಞಾನೀ ಸರ್ವಾಧಾರಸ್ವರೂಪಿಣೀ ॥ ೧೯೩ ॥

ಸರ್ವಜ್ಞಃ ಸರ್ವವಿಜ್ಞಾನಾ ಮಾರ್ತಣ್ಡೋ ಯಶ ಇಲ್ವಲಾ ।
ಇನ್ದ್ರೇಶೋ ವಿನ್ಧ್ಯಶೈಲೇಶೀ ವಾರಣೇಶಃ ಪ್ರಕಾಶಿನೀ ॥ ೧೯೪ ॥

ಅನನ್ತಭುಜರಾಜೇನ್ದ್ರೋ ಅನನ್ತಾಕ್ಷರನಾಶಿನೀ ।
ಆಶೀರ್ವಾದಸ್ತು ವರದೋಽನುಗ್ರಹೋಽನುಗ್ರಹಕ್ರಿಯಾ ॥ ೧೯೫ ॥

ಪ್ರೇತಾಸನಸಮಾಸೀನೋ ಮೇರುಕುಞ್ಜನಿವಾಸಿನೀ ।
ಮಣಿಮನ್ದಿರಮಧ್ಯಸ್ಥೋ ಮಣಿಪೀಠನಿವಾಸಿನೀ ॥ ೧೯೬ ॥

ಸರ್ವಪ್ರಹರಣಃ ಪ್ರೇತೋ ವಿಧಿವಿದ್ಯಾಪ್ರಕಾಶಿನೀ ।
ಪ್ರಚಣ್ಡನಯನಾನನ್ದೋ ಮಞ್ಜೀರಕಲರಞ್ಜಿನೀ ॥ ೧೯೭ ॥

ಕಲಮಞ್ಜೀರಪಾದಾಬ್ಜೋ ಬಲಮೃತ್ಯುಪರಾಯಣಾ ।
ಕುಲಮಾಲಾವ್ಯಾಪಿತಾಙ್ಗಃ ಕುಲೇನ್ದ್ರಃ ಕುಲಪಣ್ಡಿತಾ ॥ ೧೯೮ ॥

ಬಾಲಿಕೇಶೋ ರುದ್ರಚಣ್ಡಾ ಬಾಲೇನ್ದ್ರಾಃ ಪ್ರಾಣಬಾಲಿಕಾ ।
ಕುಮಾರೀಶಃ ಕಾಮಮಾತಾ ಮನ್ದಿರೇಶಃ ಸ್ವಮನ್ದಿರಾ ॥ ೧೯೯ ॥

ಅಕಾಲಜನನೀನಾಥೋ ವಿದಗ್ಧಾತ್ಮಾ ಪ್ರಿಯಙ್ಕರೀ ।
ವೇದಾದ್ಯೋ ವೇದಜನನೀ ವೈರಾಗ್ಯಸ್ಥೋ ವಿರಾಗದಾ ॥ ೨೦೦ ॥

ಸ್ಮಿತಹಾಸ್ಯಾಸ್ಯಕಮಲಃ ಸ್ಮಿತಹಾಸ್ಯವಿಮೋಹಿನೀ ।
ದನ್ತುರೇಶೋ ದನ್ತುರು ಚ ದನ್ತೀಶೋ ದರ್ಶನಪ್ರಭಾ ॥ ೨೦೧ ॥

ದಿಗ್ದನ್ತೋ ಹಿ ದಿಗ್ದಶನಾ ಭ್ರಷ್ಟಭುಕ್ ಚರ್ವಣಪ್ರಿಯಾ ।
ಮಾಂಸಪ್ರಧಾನಾ ಭೋಕ್ತಾ ಚ ಪ್ರಧಾನಮಾಂಸಭಕ್ಷಿಣೀ ॥ ೨೦೨ ॥

ಮತ್ಸ್ಯಮಾಂಸಮಹಾಮುದ್ರಾ ರಜೋರುಧಿರಭುಕ್ಪ್ರಿಯಾ ।
ಸುರಾಮಾಂಸಮಹಾಮೀನಮುದ್ರಾಮೈಥುನಸುಪ್ರಿಯಾ ॥ ೨೦೩ ॥

ಕುಲದ್ರವ್ಯಪ್ರಿಯಾನನ್ದೋ ಮದ್ಯಾದಿಕುಲಸಿದ್ಧಿದಾ ।
ಹೃತ್ಕಣ್ಠಭ್ರೂಸಹಸ್ರಾರಭೇದನೋಽನ್ತೇ ವಿಭೇದಿನೀ ॥ ೨೦೪ ॥

ಪ್ರಸನ್ನಹೃದಯಾಮ್ಭೋಜಃ ಪ್ರಸನ್ನಹೃದಯಾಮ್ಬುಜಾ ।
ಪ್ರಸನ್ನವರದಾನಾಢ್ಯಃ ಪ್ರಸನ್ನವರದಾಯಿನೀ ॥ ೨೦೫ ॥

ಪ್ರೇಮಭಕ್ತಿಪ್ರಕಾಶಾಢ್ಯಃ ಪ್ರೇಮಾನನ್ದಪ್ರಕಾಶಿನೀ ॥ ೨೦೬ ॥

ಪ್ರಭಾಕರಫಲೋದಯಃ ಪರಮಸೂಕ್ಷ್ಮಪುರಪ್ರಿಯಾ ।
ಪ್ರಭಾತರವಿರಶ್ಮಿಗಃ ಪ್ರಥಮಭಾನುಶೋಭಾನ್ವಿತಾ ।
ಪ್ರಚಣ್ಡರಿಪುಮನ್ಮಥಃ ಪ್ರಚಲಿತೇನ್ದುದೇಹೋದ್ಗತಃ ।
ಪ್ರಭಾಪಟಲಪಾಟಲಪ್ರಚಯಧರ್ಮಪುಞ್ಜಾಚೀತಾ ॥ ೨೦೭ ॥

ಸುರೇನ್ದ್ರಗಣಪೂಜಿತಃ ಸುರವರೇಶಸಮ್ಪೂಜಿತಾ ।
ಸುರೇನ್ದ್ರಕುಲ ಸೇವಿತೋ ನರಪತೀನ್ದ್ರಸಂಸೇವಿತಾ ।
ಗಣೇನ್ದ್ರ ಗಣನಾಯಕೋ ಗಣಪತೀನ್ದ್ರ ದೇವಾತ್ಮಜಾ ।
ಭವಾರ್ಣವರ್ಗತಾರಕೋ ಜಲಧಿಕರ್ಣಧಾರಪ್ರಿಯಾ ॥ ೨೦೮ ॥

ಸುರಾಸುರಕುಲೋದ್ಭವಃ ಸುರರಿಪುಪ್ರಸಿದ್ಧಿಸ್ಥಿತಾ
ಸುರಾರಿಗಣಘಾತಕಃ ಸುರಗಣೇನ್ದ್ರಸಂಸಿದ್ಧಿದಾ ।
ಅಭೀಪ್ಸಿತಫಲಪ್ರದಃ ಸುರವರಾದಿಸಿದ್ಧಿಪ್ರದಾ
ಪ್ರಿಯಾಙ್ಗಜ ಕುಲಾರ್ಥದಃ ಸುತಧನಾಪವರ್ಗಪ್ರದಾ ॥ ೨೦೯ ॥

ಶಿವಸ್ವಶಿವಕಾಕಿನೀ ಹರಹರಾ ಚ ಭೀಮಸ್ವನಾ
ಕ್ಷಿತೀಶ ಇಷುರಕ್ಷಕಾ ಸಮನದರ್ಪಹನ್ತೋದಯಾ ।
ಗುಣೇಶ್ವರ ಉಮಾಪತೀ ಹೃದಯಪದ್ಮಭೇದೀ ಗತಿಃ
ಕ್ಷಪಾಕರಲಲಾಟಧೃಕ್ ಸ್ವಸುಖಮಾರ್ಗಸನ್ದಾಯಿನೀ ॥ ೨೧೦ ॥

ಶ್ಮಶಾನತಟನಿಷ್ಪಟ ಪ್ರಚಟಹಾಸಕಾಲಙ್ಕೃತಾ
ಹಠತ್ಶಠಮನಸ್ತಟೇ ಸುರಕಪಾಟಸಂಛೇದಕಃ ।
ಸ್ಮರಾನನವಿವರ್ಧನಃ ಪ್ರಿಯವಸನ್ತಸಮ್ಬಾಯವೀ
ವಿರಾಜಿತಮುಖಾಮ್ಬುಜಃ ಕಮಲಮಞ್ಜಸಿಂಹಾಸನಾ ॥ ೨೧೧ ॥

ಭವೋ ಭವಪತಿಪ್ರಭಾಭವಃ ಕವಿಶ್ಚ ಭಾವ್ಯಾಸುರೈಃ
ಕ್ರಿಯೇಶ್ವರ ಈಲಾವತೀ ತರುಣಗಾಹಿತಾರಾವತೀ ।
ಮುನೀನ್ದ್ರಮನುಸಿದ್ಧಿದಃ ಸುರಮುನೀನ್ದ್ರಸಿದ್ಧಾಯುಷೀ
ಮುರಾರಿಹರದೇಹಗಸ್ತ್ರಿಭುವನಾ ವಿನಾಶಕ್ರಿಯಾ ॥ ೨೧೨ ॥

ದ್ವಿಕಃ ಕನಕಕಾಕಿನೀ ಕನಕತುಙ್ಗಕೀಲಾಲಕಃ
ಕಮಲಾಕುಲಃ ಕುಲಕಲಾರ್ಕಮಾಲಾಮಲಾ ।
ಸುಭಕ್ತ ತಮಸಾಧಕಪ್ರಕೃತಿಯೋಗಯೋಗ್ಯಾರ್ಚಿತೋ
ವಿವೇಕಗತಮಾನಸಃ ಪ್ರಭುಪರಾದಿಹಸ್ತಾಚೀತಾ ॥ ೨೧೩ ॥

ತ್ವಮೇವ ಕುಲನಾಯಕಃ ಪ್ರಲಯಯೋಗವಿದ್ಯೇಶ್ವರೀ
ಪ್ರಚಣ್ಡಗಣಗೋ ನಗಾಭುವನದರ್ಪಹಾರೀ ಹರಾ ।
ಚರಾಚರಸಹಸ್ರಗಃ ಸಕಲರೂಪಮಧ್ಯಸ್ಥಿತಃ
ಸ್ವನಾಮಗುಣಪೂರಕಃ ಸ್ವಗುಣನಾಮಸಮ್ಪೂರಣೀ ॥ ೨೧೪ ॥

ಇತಿ ತೇ ಕಥಿತಂ ನಾಥ ಸಹಸ್ರನಾಮ ಮಙ್ಗಲಮ್ ।
ಅತ್ಯದ್ಭುತಂ ಪರಾನನ್ದರಸಸಿದ್ಧಾನ್ತದಾಯಕಮ್ ॥ ೨೧೫ ॥

ಮಾತೃಕಾಮನ್ತ್ರಘಟಿತಂ ಸರ್ವಸಿದ್ಧಾನ್ತಸಾಗರಮ್ ।
ಸಿದ್ಧವಿದ್ಯಾಮಹೋಲ್ಲಾಸ ಮಾನನ್ದಗುಣಸಾಧನಮ್ ॥ ೨೧೬ ॥

ದುರ್ಲಭಂ ಸರ್ವಲೋಕೇಷು ಯಾಮಲೇ ತತ್ಪ್ರಕಾಶಿತಮ್ ।
ತವ ಸ್ನೇಹರಸಾಮೋದಮೋಹಿತಾನನ್ದಭೈರವ ॥ ೨೧೭ ॥

ಕುತ್ರಾಪಿ ನಾಪಿ ಕಥಿತಂ ಸ್ವಸಿದ್ಧ ಹಾನಿಶಙ್ಕಯಾ ।
ಸರ್ವಾದಿಯೋಗ ಸಿದ್ಧಾನ್ತಸಿದ್ಧಯೇ ಭುಕ್ತಿಮುಕ್ತಯೇ ॥ ೨೧೮ ॥

ಪ್ರೇಮಾಹ್ಲಾದರಸೇನೈವ ದುರ್ಲಭಂ ತತ್ಪ್ರಕಾಶಿತಮ್ ।
ಯೇನ ವಿಜ್ಞಾತಮಾತ್ರೇಣ ಭವೇದ್ಛ್ರೀಭೈರವೇಶ್ವರಃ ॥ ೨೧೯ ॥

ಏತನ್ನಾಮ ಶುಭಫಲಂ ವಕ್ತುಂ ನ ಚ ಸಮರ್ಥಕಃ ।
ಕೋಟಿವರ್ಷಶತೈನಾಪಿ ಯತ್ಫಲಂ ಲಭತೇ ನರಃ ॥ ೨೨೦ ॥

ತತ್ಫಲಂ ಯೋಗಿನಾಮೇಕ ಕ್ಷಣಾಲ್ಲಭ್ಯಂ ಭವಾರ್ಣವೇ ।
ಯಃ ಪಠೇತ್ ಪ್ರಾತರುತ್ಥಾಯ ದುರ್ಗಗ್ರಹನಿವರಣಾತ್ ॥ ೨೨೧ ॥

ದುಷ್ಟೇನ್ದ್ರಿಯಭಯೇನಾಪಿ ಮಹಾಭಯನಿವಾರಣಾತ್ ।
ಧ್ಯಾತ್ವಾ ನಾಮ ಜಪೇನ್ನಿತ್ಯಂ ಮಧ್ಯಾಹ್ನೇ ಚ ವಿಶೇಷತಃ ॥ ೨೨೨ ॥

ಸನ್ಧ್ಯಾಯಾಂ ರಾತ್ರಿಯೋಗೇ ಚ ಸಾಧಯೇನ್ನಾಮಸಾಧನಮ್ ।
ಯೋಗಾಭ್ಯಾಸೇ ಗ್ರನ್ಥಿಭೇದೇ ಯೋಗಧ್ಯಾನನಿರೂಪಣೇ ॥ ೨೨೩ ॥

ಪಠನಾದ್ ಯೋಗಸಿದ್ಧಿಃ ಸ್ಯಾದ್ ಗ್ರನ್ಥಿಭೇದೋ ದಿನೇ ದಿನೇ ।
ಯೋಗಜ್ಞಾನಪ್ರಸಿದ್ಧಿಃ ಸ್ಯಾದ್ ಯೋಗಃ ಸ್ಯಾದೇಕಚಿತ್ತತಃ ॥ ೨೨೪ ॥

ದೇಹಸ್ಥ ದೇವವಶ್ಯಾಯ ಮಹಾಮೋಹಪ್ರಶಾನ್ತಯೇ ।
ಸ್ತಮ್ಭನಾಯಾರಿಸೈನ್ಯಾನಾಂ ಪ್ರತ್ಯಹಂ ಪ್ರಪಠೇಚ್ಛುಚಿಃ ॥ ೨೨೫ ॥

ಭಕ್ತಿಭಾವೇನ ಪಾಠೇನ ಸರ್ವಕರ್ಮಸು ಸುಕ್ಷಮಃ ।
ಸ್ತಮ್ಭಯೇತ್ ಪರಸೈನ್ಯಾನಿ ವಾರೈಕಪಾಠಮಾತ್ರತಃ ॥ ೨೨೬ ॥

ವಾರತ್ರಯಪ್ರಪಠನಾದ್ ವಶಯೇದ್ ಭುವನತ್ರಯಮ್ ।
ವಾರತ್ರಯಂ ತು ಪ್ರಪಠೇದ್ ಯೋ ಮೂರ್ಖಃ ಪಣ್ಡಿತೋಽಪಿ ವಾ ॥ ೨೨೭ ॥

ಶಾನ್ತಿಮಾಪ್ನೋತಿ ಪರಮಾಂ ವಿದ್ಯಾಂ ಭುವನಮೋಹಿನೀಮ್ ।
ಪ್ರತಿಷ್ಠಾಞ್ಚ ತತಃ ಪ್ರಾಪ್ಯ ಮೋಕ್ಷನಿರ್ವಾಣಮಾಪ್ನುಯಾತ್ ॥ ೨೨೮ ॥

ವಿನಾಶಯೇದರೀಞ್ಛೀಘ್ರಂ ಚತುರ್ವಾರಪ್ರಪಾಠನೇ ।
ಪಞ್ಚಾವೃತ್ತಿಪ್ರಪಾಠೇನ ಶತ್ರುಮುಚ್ಚಾಟಯೇತ್ ಕ್ಷಣಾತ್ ॥ ೨೨೯ ॥

ಷಡಾವೃತ್ಯಾ ಸಾಧಕೇನ್ದ್ರಃ ಶತ್ರೂಣಾಂ ನಾಶಕೋ ಭವೇತ್ ।
ಆಕರ್ಷಯೇತ್ ಪರದ್ರವ್ಯಂ ಸಪ್ತವಾರಂ ಪಠೇದ್ ಯದಿ ॥ ೨೩೦ ॥

ಏವಂ ಕ್ರಮಗತಂ ಧ್ಯಾತ್ವಾ ಯಃ ಪಠೇದತಿಭಕ್ತಿತಃ ।
ಸ ಭವೇದ್ ಯೋಗಿನೀನಾಥೋ ಮಹಾಕಲ್ಪದ್ರುಮೋಪಮಃ ॥ ೨೩೧ ॥

ಗ್ರನ್ಥಿಭೇದಸಮರ್ಥಃ ಸ್ಯಾನ್ಮಾಸಮಾತ್ರಂ ಪಠೇದ್ ಯದಿ ।
ದೂರದರ್ಶೀ ಮಹಾವೀರೋ ಬಲವಾನ್ ಪಣ್ಡಿತೇಶ್ವರಃ ॥ ೨೩೨ ॥

ಮಹಾಜ್ಞಾನೀ ಲೋಕನಾಥೋ ಭವತ್ಯೇವ ನ ಸಂಶಯಃ ।
ಮಾಸೈಕೇನ ಸಮರ್ಥಃ ಸ್ಯಾನ್ನಿರ್ವಾಣಮೋಕ್ಷಸಿದ್ಧಿಭಾಕ್ ॥ ೨೩೩ ॥

ಪ್ರಪಠೇದ್ ಯೋಗಸಿದ್ಧ್ಯರ್ಥಂ ಭಾವಕಃ ಪರಮಪ್ರಿಯಃ ।
ಶೂನ್ಯಾಗಾರೇ ಭೂಮಿಗರ್ತಮಣ್ಡಪೇ ಶೂನ್ಯದೇಶಕೇ ॥ ೨೩೪ ॥

ಗಙ್ಗಾಗರ್ಭೇ ಮಹಾರಣ್ಯೇ ಚೈಕಾನ್ತೇ ನಿರ್ಜನೇಽಪಿ ವಾ ।
ದುರ್ಭಿಕ್ಷವರ್ಜಿತೇ ದೇಶೇ ಸರ್ವೋಪದ್ರವವರ್ಜಿತೇ ॥ ೨೩೫ ॥

ಶ್ಮಶಾನೇ ಪ್ರಾನ್ತರೇಽಶ್ವತ್ಥಮೂಲೇ ವಟತರುಸ್ಥಲೇ ।
ಇಷ್ಟಕಾಮಯಗೇಹೇ ವಾ ಯತ್ರ ಲೋಕೋ ನ ವರ್ತತೇ ॥ ೨೩೬ ॥

ತತ್ರ ತತ್ರಾನನ್ದರೂಪೀ ಮಹಾಪೀಠಸ್ಥಲೇಽಪಿ ಚ ।
ದೃಢಾಸನಸ್ಥಃ ಪ್ರಜಪೇನ್ನಾಮಮಙ್ಗಲಮುತ್ತಮಮ್ ॥ ೨೩೭ ॥

ಧ್ಯಾನಧಾರಣಶುದ್ಧಾಙ್ಗೋ ನ್ಯಾಸಪೂಜಾಪರಾಯಣಃ ।
ಧ್ಯಾತ್ವಾ ಸ್ತೌತಿ ಪ್ರಭಾತೇ ಚ ಮೃತ್ಯುಜೇತಾ ಭವೇದ್ ಧ್ರುವಮ್ ॥ ೨೩೮ ॥

ಅಷ್ಟಾಙ್ಗಸಿದ್ಧಿಮಾಪ್ನೋತಿ ಚಾಮರತ್ವಮವಾಪ್ನುಯಾತ್ ।
ಗುರುದೇವಮಹಾಮನ್ತ್ರಭಕ್ತೋ ಭವತಿ ನಿಶ್ಚಿತಮ್ ॥ ೨೩೯ ॥

ಶರೀರೇ ತಸ್ಯ ದುಃಖಾನಿ ನ ಭವನ್ತಿ ಕುವೃದ್ಧಯಃ ।
ದುಷ್ಟಗ್ರಹಾಃ ಪಲಾಯನ್ತೇ ತಂ ದೃಷ್ಟ್ವಾ ಯೋಗಿನಂ ಪರಮ್ ॥ ೨೪೦ ॥

ಯಃ ಪಠೇತ್ ಸತತಂ ಮನ್ತ್ರೀ ತಸ್ಯ ಹಸ್ತೇಽಷ್ಟಸಿದ್ಧಯಃ ।
ತಸ್ಯ ಹೃತ್ಪದ್ಮಲಿಙ್ಗಸ್ಥಾ ದೇವಾಃ ಸಿದ್ಧ್ಯನ್ತಿ ಚಾಪರಾಃ ॥ ೨೪೧ ॥

ಯುಗಕೋಟಿಸಹಸ್ರಾಣಿ ಚಿರಾಯುರ್ಯೋಗಿರಾಡ್ ಭವೇತ್ ।
ಶುದ್ಧಶೀಲೋ ನಿರಾಕಾರೋ ಬ್ರಹ್ಮಾ ವಿಷ್ಣುಃ ಶಿವಃ ಸ ಚ ।
ಸ ನಿತ್ಯಃ ಕಾರ್ಯಸಿದ್ಧಶ್ಚ ಸ ಜೀವನ್ಮುಕ್ತಿಮಾಪ್ನುಯಾತ್ ॥ ೨೪೨ ॥

॥ ಇತಿ ಶ್ರೀರುದ್ರಯಾಮಲೇ ಉತ್ತರತನ್ತ್ರೇ ಮಹಾತನ್ತ್ರೋದ್ದೀಪನೇ

ಈಶ್ವರಶಕ್ತಿಕಾಕಿನ್ಯಷ್ಟೋತ್ತರ ಸಹಸ್ರನಾಮಸ್ತೋತ್ರಂ ಸಮ್ಪೂರ್ಣಮ್ ॥


Proofread by Ravin Bhalekar ravibhalekar@hotmail.com

Please send corrections to sanskrit@cheerful.com
Last updated ತ್oday
http://sanskritdocuments.org

Kakinya Ashtottara Sahasranama Stotram Lyrics in Kannada PDF
% File name : kAkinIshvarasahasra.itx
% Category : sahasranAma
% Location : doc\_devii
% Author : Traditional
% Language : Sanskrit
% Subject : philosophy/hinduism/religion
% Transliterated by : Mark S.G. Dyczkowski muktAbodha
% Proofread by : Ravin Bhalekar ravibhalekar at hotmail.com
% Description-comments : rudrayAmale uttaratantre bhairava bhairavI sa.nvAde
% Latest update : May 25, 2009
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 15, 2015 ] at Stotram Website