{॥ ଶଙ୍କରାଷ୍ଟକମ୍ ॥}
ଶ୍ରୀଗଣେଶାଯ ନମଃ ।
ଶୀର୍ଷଜଟାଗଣଭାରଂ ଗରଲାହାରଂ ସମସ୍ତସଂହାରମ୍ ।
କୈଲାସାଦ୍ରିଵିହାରଂ ପାରଂ ଭଵଵାରିଧେରହଂ ଵନ୍ଦେ ॥ ୧॥

ଚନ୍ଦ୍ରକଲୋଜ୍ଜ୍ଵଲଭାଲଂ କଣ୍ଠଵ୍ଯାଲଂ ଜଗତ୍ତ୍ରଯୀପାଲମ୍ ।
କୃତନରମସ୍ତକମାଲଂ କାଲଂ କାଲସ୍ଯ କୋମଲଂ ଵନ୍ଦେ ॥ ୨॥

କୋପେକ୍ଷଣହତକାମଂ ସ୍ଵାତ୍ମାରାମଂ ନଗେନ୍ଦ୍ରଜାଵାମମ୍ ।
ସଂସୃତିଶୋକଵିରାମଂ ଶ୍ଯାମଂ କଣ୍ଠେନ କାରଣଂ ଵନ୍ଦେ ॥ ୩॥

କଟିତଟଵିଲସିତନାଗଂ ଖଣ୍ଡିତଯାଗଂ ମହାଦ୍ଭୁତତ୍ଯାଗମ୍ ।
ଵିଗତଵିଷଯରସରାଗଂ ଭାଗଂ ଯଜ୍ଞେଷୁ ବିଭ୍ରତଂ ଵନ୍ଦେ ॥ ୪॥

ତ୍ରିପୁରାଦିକଦନୁଜାନ୍ତଂ ଗିରିଜାକାନ୍ତଂ ସଦୈଵ ସଂଶାନ୍ତମ୍ ।
ଲୀଲାଵିଜିତକୃତାନ୍ତଂ ଭାନ୍ତଂ ସ୍ଵାନ୍ତେପୁ ଦେହିନାଂ ଵନ୍ଦେ ॥ ୫॥

ସୁରସରିଦାପ୍ଲୁତକେଶଂ ତ୍ରିଦଶକୁଲେଶଂ ହୃଦାଲଯାଵେଶମ୍ ।
ଵିଗତାଶେଷକ୍ଲେଶଂ ଦେଶଂ ସର୍ଵେଷ୍ଟସମ୍ପଦାଂ ଵନ୍ଦେ ॥ ୬॥

କରତଲକଲିତପିନାକଂ ଵିଗତଜରାକଂ ସୁକର୍ମଣାଂ ପାକମ୍ ।
ପରପଦଵୀତଵରାକଂ ନାକଙ୍ଗମପୂଗଵନ୍ଦିତଂ ଵନ୍ଦେ ॥ ୭॥

ଭୂତିଵିଭୂଷିତକାଯଂ ଦୁସ୍ତରମାଯଂ ଵିଵର୍ଜିତାପାଯମ୍ ।
ପ୍ରମଥସମୂହସହାଯଂ ସାଯଂ ପ୍ରାତର୍ନିରନ୍ତରଂ ଵନ୍ଦେ ॥ ୮॥

ଯସ୍ତୁପଦାଷ୍ଟକମେତଦ୍ବ୍ରହ୍ମାନନ୍ଦେନ ନିର୍ମିତଂ ନିତ୍ଯମ୍ ।
ପଠତି ସମାହିତଚେତାଃ ପ୍ରାପ୍ନୋତ୍ଯନ୍ତେ ସ ଶୈଵମେଵ ପଦମ୍ ॥ ୯॥

ଇତି ଶ୍ରୀମତ୍ପରମହଂସସ୍ଵାମିବ୍ରହ୍ମାନନ୍ଦଵିରଚିତଂ ଶ୍ରୀଶଙ୍କରାଷ୍ଟକଂ ସମ୍ପୂର୍ଣମ୍ ।

Encoded and proofread by Kaushal S. Kaloo kaushalskaloo at gmail.com

Please send corrections to sanskrit@cheerful.com
Last updated ତ୍oday
http://sanskritdocuments.org

Shankarashtakam Lyrics in Oriya PDF
% File name : shankarAShTakam.itx
% Category : aShTaka
% Location : doc\_shiva
% Language : Sanskrit
% Subject : philosophy/hinduism/religion
% Transliterated by : Kaushal S. Kaloo kaushalskaloo at gmail.com
% Proofread by : Kaushal S. Kaloo kaushalskaloo at gmail.com
% Description-comments : Swami Brhmanananda
% Latest update : April 17, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website