{॥ ಶ್ರೀರಾಕಿಣೀಕೇಶವಸಹಸ್ರನಾಮಸ್ತೋತ್ರಮ್ ॥}
ಶ್ರೀಗಣೇಶಾಯ ನಮಃ ।
ಆನನ್ದಭೈರವೀ ಉವಾಚ ।
ಕಥಯಾಮಿ ಮಹಾಕಾಲ ಪರಮಾದ್ಭುತಸಾಧನಮ್ ।
ಕುಣ್ಡಲೀರೂಪಿಣೀ ದೇವೀ ರಾಕಿಣ್ಯಾಃ ಕುಲವಲ್ಲಭ ॥ ೧॥

ಮಾನಸಂ ದ್ರವ್ಯಮಾನೀಯ ಚಾಥವಾ ಬಾಹ್ಯದ್ರವ್ಯಕಮ್ ।
ಅನಷ್ಟಹೃಷ್ಟಚಿತ್ತಶ್ಚ ಪೂಜಯೇತ್ ಸಾವಧಾನತಃ ॥ ೨॥

ಭಕ್ತ್ಯಾ ಜಪೇನ್ಮೂಲಮನ್ತ್ರಂ ಮಾನಸಂ ಸರ್ವಮೇವ ಚ ।
ಪೂಜಯಿತ್ವಾ ತತೋ ಜಪ್ತ್ವಾ ಹೋಮಂ ಕುರ್ಯಾತ್ ಪರಾಮೃತೈಃ ॥ ೩॥

ಸಮಾಸೈಃ ಪಕ್ವನೈವೇದ್ಯೈಃ ಸುಗನ್ಧಿಕುಸುಮೈಸ್ತಥಾ ।
ಸ್ವಯಮ್ಭೂಕುಸುಮೈನೀತ್ಯಮರ್ಘ್ಯಂ ಕೃತ್ತ್ವಾ ನಿವೇದಯೇತ್ ॥ ೪॥

ಸುಮುಖಂ ಪೂಜಯೇನ್ನಿತ್ಯಂ ಮಧುಮಾಂಸೇನ ಶಙ್ಕರ ।
ಹುತ್ವಾ ಹುತ್ವಾ ಪುನರ್ಹುತ್ವಾ ಪ್ರಾಣವಾಯ್ವಗ್ನಿಸಙ್ಗಮೈಃ ॥ ೫॥

ಭ್ರಾಮಯಿತ್ತ್ವಾ ಮನೋ ಬಾಹ್ಯೇ ಸ್ಥಾಪಯಿತ್ತ್ವಾ ಪುನಃ ಪುನಃ ।
ಪುನರಾಗಮ್ಯಗಮನಂ ಕಾರಯಿತ್ತ್ವಾ ಸುಮಙ್ಗಲಮ್ ॥ ೬॥

ವಾಚಯಿತ್ತ್ವಾ ಸುವಾಣೀಭಿರ್ಯಾಚಯಿತ್ತ್ವಾ ಸವಾಪಿಕಮ್ ।
ತರ್ಪಣಂ ಚಾಭಿಷೇಕಞ್ಚ ಕೇವಲಾಸವಮಿಶ್ರಿತೈಃ ॥ ೭॥

ಮಾಂಸೈರ್ಮುದ್ರಾದಿಭಿರ್ಮತ್ಸ್ಯೈಃ ಸಾರದ್ರವ್ಯೈಃ ಸಪಿಷ್ಟಕೈಃ ।
ಘೃತಾದಿಸುಫಲೈರ್ವಾಪಿ ಯದ್ ಯದಾಯಾತಿ ಕೌಲಿಕೇ ॥ ೮॥

ಅಚಲಾಂ ಭಕ್ತಿಮಾಪ್ನೋತಿ ವಿಶ್ವಾಮಿತ್ರೋ ಯಥಾ ವಶೀ ।
ತತ್ತದ್ದ್ರವ್ಯೈಃ ಸಾಧಕೇನ್ದ್ರೋ ನಿತ್ಯಂ ಸನ್ತರ್ಪ್ಯ ಸಞ್ಜಪೇತ್ ॥ ೯॥

ಏತನ್ಮನ್ತ್ರಂ ಪಾಠಿತ್ತ್ವಾ ಚ ತರ್ಪಣಞ್ಚ ಸಮಾಚರೇತ್ ।
ತರ್ಪಣಾನ್ತೇ ಚಾಭಿಷೇಕಂ ಸದಾ ಕುರ್ಯಾಚ್ಚ ತಾನ್ತ್ರಿಕಃ ॥ ೧೦॥

ಮೂಲಾನ್ತೇ ಚಾಭಿಷಿಞ್ಚಾಮಿ ನಮಃ ಸ್ವಾಹಾ ಪದಂ ತತಃ ।
ತತೋ ಹಿ ಪ್ರಣಮೇದ್ಭಕ್ತ್ಯಾ ಅಷ್ಟಾಙ್ಗನತಿಭಿಃ ಪ್ರಭೋ ॥ ೧೧॥

ಸಹಸ್ರನಾಮ್ನಾ ಸ್ತವನಮಷ್ಟೋತ್ತರಸಮನ್ವಿತಮ್ ।
ಅರ್ಧಾಙ್ಗ ರಾಕಿಣೀಯುಕ್ತಂ ರಾಕಿಣೀಕೇಶವಸ್ತವಮ್ ॥ ೧೨॥

ಶೃಣು ತಂ ಸಕಲಂ ನಾಥ ಯತ್ರ ಶ್ರದ್ಧಾ ಸದಾ ತವ ।
ಶ್ರವಣಾರ್ಥಂ ಬಹೂಕ್ತಂ ತತ್ ಕೃಪಯಾ ತೇ ವದಾಮ್ಯಹ ॥ ೧೩॥

ಏತತ್ ಶ್ರವಣಮಾತ್ರೇಣ ಸರ್ವಪಾಪಕ್ಷಯೋ ಭವೇತ್ ।
ರಾಕಿಣೀಸಙ್ಗಮಂ ನಾಥ ಸ್ತವನಂ ನಾಮ ಪಾವನಮ್ ॥ ೧೪॥

ಯೇ ಪಠನ್ತಿ ಶ್ರದ್ಧಯಾ ಚಾಶ್ರದ್ಧಯಾ ವಾ ಪುನಃ ಪುನಃ ।
ತಸ್ಯ ಸರ್ವಃ ಪಾಪರಾಶಿಃ ಕ್ಷಯಂ ಯಾತಿ ಕ್ಷಣಾದಿಹ ॥ ೧೫॥

ಕಾಲೇ ಕಾಲೇ ಮಹಾವೀರೋ ಭವತ್ಯೇವ ಹಿ ಯೋಗಿರಾಟ್ ।
ಸಂಸಾರೋತ್ತಾರಣೇ ಯುಕ್ತೋ ಮಹಾಬಲಪರಾಕ್ರಮಃ ॥ ೧೬॥

ಓಂ ಶ್ರೀಕೃಷ್ಣೋ ಮಹಾಮಾಯಾ ಯಾದವೋ ದೇವರಾಕಿಣೀ ।
ಗೋವಿನ್ದೋ ವಿಶ್ವಜನನೀ ಮಹಾವಿಷ್ಣುರ್ಮಹೇಶ್ವರೀ ॥ ೧೭॥

ಮುಕುನ್ದೋ ಮಾಲತೀ ಮಾಲಾ ವಿಮಲಾ ವಿಮಲಾಕೃತಿಃ ।
ರಮಾನಾಥೋ ಮಹಾದೇವೀ ಮಹಾಯೋಗೀ ಪ್ರಭಾವತೀ ॥ ೧೮॥

ವೈಕುಣ್ಠೋ ದೇವಜನನೀ ದಹನೋ ದಹನಪ್ರಿಯಾ ।
ದೈತ್ಯಾರಿರ್ದೈತ್ಯಮಥಿನೀ ಮುನೀಶೋ ಮೌನಭಾವಿತಾ ॥ ೧೯॥

ನಾರಾಯಣೋ ಜಯಕಲಾ ಕರುಣೋ ಕರುಣಾಮಯೀ ।
ಹೃಷೀಕೇಶಃ ಕೌಶಿಕೀ ಚ ಕೇಶವಃ ಕೇಶಿಘಾತಿನೀ ॥ ೨೦॥

ಕಿಶೋರಾಪಿ ಕೈಶೋರೀ ಮಹಾಕಾಲೀ ಮಹಾಕಲಾ ।
ಮಹಾಯಜ್ಞೋ ಯಜ್ಞಹರ್ತ್ರೀ ದಕ್ಷೇಶೋ ದಕ್ಷಕನ್ಯಕಾ ॥ ೨೧॥

ಮಹಾಬಲೀ ಮಹಾಬಾಲಾ ಬಾಲಕೋ ದೇವಬಾಲಿಕಾ ।
ಚಕ್ರಧಾರೀ ಚಕ್ರಕರಾ ಚಕ್ರಾಙ್ಗಃ ಚಕ್ರಮದೀಕಾ ॥ ೨೨॥

ಅಮರೋ ಯುವತೀ ಭೀಮೋ ಭಯಾ ದೇವೋ ದಿವಿಸ್ಥಿತಾ ।
ಶ್ರೀಕರೋ ವೇಶದಾ ವೈದ್ಯೋ ಗುಣಾ ಯೋಗೀ ಕುಲಸ್ಥಿತಾ ॥ ೨೩॥

ಸಮಯಜ್ಞೋ ಮಾನಸಜ್ಞಾ ಕ್ರಿಯಾವಿಜ್ಞಃ ಕ್ರಿಯಾನ್ವಿತಾ ।
ಅಕ್ಷರೋ ವನಮಾಲಾ ಚ ಕಾಲರೂಪೀ ಕುಲಾಕ್ಷರಾ ॥ ೨೪॥

ವಿಶಾಲಾಕ್ಷೋ ದೀರ್ಘನೇತ್ರಾ ಜಯದೋ ಜಯವಾಹನಾ ।
ಶಾನ್ತಃ ಶಾನ್ತಿಕರೀ ಶ್ಯಾಮೋ ವಿಮಲಶ್ಯಾಮ ವಿಗ್ರಹಾ ॥ ೨೫॥

ಕಮಲೇಶೋ ಮಹಾಲಕ್ಷ್ಮೀ ಸತ್ಯಃ ಸಾಧ್ವೀ ಶಿಶುಃ ಪ್ರಭಾ ।
ವಿದ್ಯುತಾಕಾರವದನೋ ವಿದ್ಯುತ್ಪುಞ್ಜನಭೋದಯಾ ॥ ೨೬॥

ರಾಧೇಶ್ವರೋ ರಾಕಿಣೀ ಚ ಕುಲದೇವಃ ಕುಲಾಮರಾ ।
ದಕ್ಷಿಣೋ ದಕ್ಷಿಣೀ ಶ್ರೀದಾ ಕ್ರಿಯಾದಕ್ಷೋ ಮಹಾಲಯಾ ॥ ೨೭॥

ವಶಿಷ್ಠಗಮನೋ ವಿದ್ಯಾ ವಿದ್ಯೇಶೋ ವಾಕ್ಸರಸ್ವತೀ ।
ಅತೀನ್ದ್ರಿಯೋ ಯೋಗಮಾತಾ ರಣೇಶೀ ರಣಪಣ್ಡಿತಾ ॥ ೨೮॥

ಕೃತಾನ್ತಕೋ ಬಾಲಕೃಷ್ಣಾ ಕಮನೀಯಃ ಸುಕಾಮನಾ ।
ಅನನ್ತೋ ಅನನ್ತಗುಣದಾ ವಾಣೀನಾಥೋ ವಿಲಕ್ಷಣಾ ॥ ೨೯॥

ಗೋಪಾಲೋ ಗೋಪವನಿತಾ ಗೋಗೋಪ ಕುಲಾತ್ಮಜಾ ।
ಮೌನೀ ಮೌನಕರೋಲ್ಲಾಸಾ ಮಾನವೋ ಮಾನವಾತ್ಮಜಾ ॥ ೩೦॥

ಸರ್ವಾಚ್ಛಿನ್ನೋ ಮೋಹಿನೀ ಚ ಮಾಯೀ ಮಾಯಾ ಶರೀರಜಾ ।
ಅಕ್ಷುಣ್ಣೋ ವಜ್ರದೇಹಸ್ಥಾ ಗರುಡಸ್ಥೋ ಹಿ ಗಾರುಡೀ ॥ ೩೧॥

ಸತ್ಯಪ್ರಿಯಾ ರುಕ್ಮಿಣೀ ಚ ಸತ್ಯಪ್ರಾಣೋಽಮೃತಾಪಹಾ ।
ಸತ್ಯಕರ್ಮಾ ಸತ್ಯಭಾಮಾ ಸತ್ಯರೂಪೀ ತ್ರಿಸತ್ಯದಾ ॥ ೩೨॥

ಶಶೀಶೋ ವಿಧುವದನಾ ಕೃಷ್ಣವರ್ಣೋ ವಿಶಾಲಧೀಃ ।
ತ್ರಿವಿಕ್ರಮೋ ವಿಕ್ರಮಸ್ಥಾ ಸ್ಥಿತಿಮಾರ್ಗಃ ಸ್ಥಿತಿಪ್ರಿಯಾ ॥ ೩೩॥

ಶ್ರೀಮಾಧವೋ ಮಾಧವೀ ಚ ಮಧುಹಾ ಮಧುಸೂದನೀ ।
ವೈಕುಣ್ಠನಾಥೋ ವಿಕಲಾ ವಿವೇಕಸ್ಥೋ ವಿವೇಕಿನೀ ॥ ೩೪॥

ವಿವಾದಸ್ಥೋ ವಿವಾದೇಶೀ ಕುಮ್ಭಕಃ ಕುಮ್ಭಕಾರಿಕಾ ।
ಸುಧಾಪಾನಃ ಸುಧಾರೂಪಾ ಸುವೇಶೋ ದೇವಮೋಹಿನೀ ॥ ೩೫॥

ಪ್ರಕ್ರಿಯಾಧಾರಕೋ ಧನ್ಯಾ ಧನ್ಯಾರ್ಥೋ ಧನ್ಯವಿಗ್ರಹಾ ।
ಧರಣೀಶೋ ಮಹಾನನ್ತಾ ಸಾನನ್ತೋ ನನ್ದನಪ್ರಿಯಾ ॥ ೩೬॥

ಪ್ರಿಯೋ ವಿಪ್ರಿಯಹರಾ ಚ ವಿಪ್ರಪೂಜ್ಯೋ ದ್ವಿಜಪ್ರಿಯಾ ।
ಕಾನ್ತೋ ವಿಧುಮುಖೀ ವೇದ್ಯೋ ವಿದ್ಯಾ ವಾಗೀಶ್ವರೋಽರುಣಾ ॥ ೩೭॥

ಅಕಾಮೀ ಕಾಮರಹಿತಾ ಕಮ್ರೋ ವಿಲಚರಪ್ರಿಯಾ ।
ಪುಣ್ಡರೀಕೋ ವಿಕುಣ್ಡಸ್ಥಾ ವೈಕುಣ್ಠೋ ಬಾಲಭಾವಿನೀ ॥ ೩೮॥

ಪದ್ಮನೇತ್ರ ಪದ್ಮಮಾಲಾ ಪದ್ಮಹಸ್ತೋಽಮ್ಬುಜಾನನಾ ।
ಪದ್ಮನಾಭಿಃ ಪದ್ಮನೇತ್ರಾ ಪದ್ಮಸ್ಥಃ ಪದ್ಮವಾಹನಾ ॥ ೩೯॥

ವಾಸುದೇವೋ ಬೃಹದ್ಗರ್ಭಾ ಮಹಾಮಾನೀ ಮಹಾಞ್ಜನಾ ।
ಕಾರುಣ್ಯೋ ಬಾಲಗರ್ಭಾ ಚ ಆಕಾಶಸ್ಥೋ ವಿಭಾಣ್ಡಜಾ ॥ ೪೦॥

ತೇಜೋರಾಶಿಸ್ತೈಜಸೀ ಚ ಭಯಾಚ್ಛನ್ನೋ ಭಯಪ್ರದಾ ।
ಉಪೇನ್ದ್ರೋ ವರ್ಣಜಾಲಸ್ಥಾ ಸ್ವತನ್ತ್ರಸ್ಥೋ ವಿಮಾನಗಾ ॥ ೪೧॥

ನಗೇನ್ದ್ರಸ್ಥೋ ನಾಗಿನೀ ಚ ನಗೇಶೋ ನಾಗನನ್ದಿನೀ ।
ಸಾರ್ವಭೌಮೋ ಮಹಾಕಾಲೀ ನಗೇನ್ದ್ರಃ ನನ್ದಿನೀಸುತಾ ॥ ೪೨॥

ಕಾಮದೇವಾಶ್ರಯೋ ಮಾಯಾ ಮಿತ್ರಸ್ಥೋ ಮಿತ್ರವಾಸನಾ ।
ಮಾನಭಙ್ಗಕರೋ ರಾವಾ ವಾರಣಾರಿಪ್ರಿಯಃ ಪ್ರಿಯಾ ॥ ೪೩॥

ರಿಪುಹಾ ರಾಕಿಣೀ ಮಾತಾ ಸುಮಿತ್ರೋ ಮಿತ್ರರಕ್ಷಿಕಾ ।
ಕಾಲಾನ್ತ ಕಲಹಾ ದೇವೀ ಪೀತವಾಸಾಮ್ಬರಪ್ರಿಯಾ ॥ ೪೪॥

ಪಾಪಹರ್ತಾ ಪಾಪಹನ್ತ್ರೀ ನಿಷ್ಪಾಪಃ ಪಾಪನಾಶಿನೀ ।
ಪರಾನನ್ದಪ್ರಿಯೋ ಮೀನಾ ಮೀನರೂಪೀ ಮಲಾಪಹಾ ॥ ೪೫॥

ಇನ್ದ್ರನೀಲಮಣಿಶ್ಯಾಮೋ ಮಹೇನ್ದ್ರೋ ನೀಲರೂಪಿಣೀ ।
ನೀಲಕಣ್ಠಪ್ರಿಯೋ ದುರ್ಗಾ ದುರ್ಗಾದುರ್ಗತಿನಾಶಿನೀ ॥ ೪೬॥

ತ್ರಿಕೋಣಮನ್ದಿರಶ್ರೀದೋ ವಿಮಾಯಾ ಮನ್ದಿರಸ್ಥಿತಾ ।
ಮಕರನ್ದರಸೋಲ್ಲಾಸೋ ಮಕರನ್ದರಸಪ್ರಿಯಾ ॥ ೪೭॥

ದಾರುಣಾರಿನಿಹನ್ತಾ ಚ ದಾರುಣಾರಿವಿನಾಶಿನೀ ।
ಕಲಿಕಾಲಕುಲಾಚಾರಃ ಕಲಿಕಾಲಫಲಾವಹಾ ॥ ೪೮॥

ಕಾಲಕ್ಷೇತ್ರಸ್ಥಿತೋ ರೌದ್ರೀ ವ್ರತಸ್ಥೋ ವ್ರತಧಾರಿಣೀ ।
ವಿಶಾಲಾಕ್ಷೋ ವಿಶಾಲಾಸ್ಯಾ ಚಮತ್ಕಾರೋ ಕರೋದ್ಯಮಾ ॥ ೪೯॥

ಲಕಾರಸ್ಥೋ ಲಾಕಿನೀ ಚ ಲಾಙ್ಗಲೀ ಲೋಲಯಾನ್ವಿತಾ ।
ನಾಕಸ್ಥೋ ನಾಕಪದಕಾ ನಾಕಾಕ್ಷೋ ನಾಕರಕ್ಷಕಾ ॥ ೫೦॥

ಕಾಮಗೋ ನಾಮಸಮ್ಬನ್ಧಾ ಸಾಮವೇದವಿಶೋಧಿಕಾ ।
ಸಾಮವೇದಃ ಸಾಮಸನ್ಧ್ಯಾ ಸಾಮಗೋ ಮಾಂಸಭಕ್ಷಿಣೀ ॥ ೫೧॥

ಸರ್ವಭಕ್ಷೋ ರಾತ್ರಭಕ್ಷಾ ರೇತಸ್ಥೋ ರೇತಪಾಲಿನೀ ।
ರಾತ್ರಿಕಾರೀ ಮಹಾರಾತ್ರಿಃ ಕಾಲರಾತ್ರೋ ಮಹಾನಿಶಾ ॥ ೫೨॥

ನಾನಾದೋಷಹರೋ ಮಾತ್ರಾ ಮಾರಹನ್ತಾ ಸುರಾಪಹಾ ।
ಚನ್ದನಾಙ್ಗೀ ನನ್ದಪುತ್ರೀ ನನ್ದಪಾಲಃ ವಿಲೋಪಿನೀ ॥ ೫೩॥

ಮುದ್ರಾಕಾರೀ ಮಹಾಮುದ್ರಾ ಮುದ್ರಿತೋ ಮುದ್ರಿತಾ ರತಿಃ ।
ಶಾಕ್ತೋ ಲಾಕ್ಷಾ ವೇದಲಾಕ್ಷೀ ಲೋಪಾಮುದ್ರಾ ನರೋತ್ತಮಾ ॥ ೫೪॥

ಮಹಾಜ್ಞಾನಧರೋಽಜ್ಞಾನೀ ನೀರಾ ಮಾನಹರೋಽಮರಾ ।
ಸತ್ಕೀರ್ತೀಸ್ಥೋ ಮಹಾಕೀರ್ತೀಃ ಕುಲಾಖ್ಯೋ ಕುಲಕೀರ್ತೀತಾ ॥ ೫೫॥

ಆಶಾವಾಸೀ ವಾಸನಾ ಸಾ ಕುಲವೇತ್ತಾ ಸುಗೋಪಿತಾ ।
ಅಶ್ವತ್ಥವೃಕ್ಷನಿಲಯೋ ವೃಕ್ಷಸಾರನಿವಾಸಿನೀ ॥ ೫೬॥

ನಿತ್ಯವೃಕ್ಷೋ ನಿತ್ಯಲತಾ ಕ್ಲೃಪ್ತಃ ಕ್ಲೃಪ್ತಪದಸ್ಥಿತಃ ।
ಕಲ್ಪವೃಕ್ಷೋ ಕಲ್ಪಲತಾ ಸುಕಾಲಃ ಕಾಲಭಕ್ಷಿಕಾ ॥ ೫೭॥

ಸರ್ವಾಲಙ್ಕಾರಭೂಷಾಢ್ಯೋ ಸರ್ವಾಲಙ್ಕಾರಭೂಷಿತಾ ।
ಅಕಲಙ್ಕೀ ನಿರಾಹಾರಾ ದುರ್ನೀರೀಕ್ಷ್ಯೋ ನಿರಾಪದಾ ॥ ೫೮॥

ಕಾಮಕರ್ತಾ ಕಾಮಕಾನ್ತಾ ಕಾಮರೂಪೀ ಮಹಾಜವಾ ।
ಜಯನ್ತೋ ಯಾಜಯನ್ತೀ ಚ ಜಯಾಖ್ಯ ಜಯದಾಯಿನೀ ॥ ೫೯॥

ತ್ರಿಜೀವನೋ ಜೀವಮಾತಾ ಕುಶಲಾಖ್ಯೋ ವಿಸುನ್ದರಾ ।
ಕೇಶಧಾರೀ ಕೇಶಿನೀ ಚ ಕಾಮಜೋ ಕಾಮಜಾಡ್ಯದಾ ॥ ೬೦॥

ಕಿಙ್ಕರಸ್ಥೋ ವಿಕಾರಸ್ಥಾ ಮಾನಸಂಜ್ಞೋ ಮನೀಷಿಣೀ ।
ಮಿಥ್ಯಾಹರೋ ಮಹಾಮಿಥ್ಯಾ ಮಿಥ್ಯಾಸರ್ಗೋ ನಿರಾಕೃತಿ ॥ ೬೧॥

ನಾಗಯಜ್ಞೋಪವೀತಶ್ಚ ನಾಗಮಾಲಾವಿಭೂಷಿತಾ ।
ನಾಗಾಖ್ಯೋ ನಾಗಕುಲಪಾ ನಾಯಕೋ ನಾಯಿಕಾ ವಧೂಃ ॥ ೬೨॥

ನಾಯಕಕ್ಷೇಮದೋ ನಾರೀ ನರೋ ನಾರಾಯಣಪ್ರಿಯಾ ।
ಕಿರಾತವರ್ಣೋ ರಾಸಜ್ಞೀ ತಾರಕೋ ಗುಣತಾರಿಕಾ ॥ ೬೩॥

ಶಙ್ಕರಾಖ್ಯೋಽಮ್ಬುಜಾಕಾರಾ ಕೃಪಣಃ ಕೃಪಣಾವತೀ ।
ದೇಶಗೋ ದೇಶಸನ್ತೋಷಾ ದರ್ಶೋ ದರ್ಶನಿವಾಸಿನೀ ॥ ೬೪॥

ದರ್ಶನಜ್ಞೋ ದರ್ಶನಸ್ಥಾ ದೃಗ್ ದೃದಿಕ್ಷಾ ಸುರೋಽಸುರಾಃ ।
ಸುರಪಾಲೋ ದೇವರಕ್ಷಾ ತ್ರಿರಕ್ಷೋ ರಕ್ಷದೇವತಾ ॥ ೬೫॥

ಶ್ರೀರಾಮಸೇವೀ ಸುಖದಾ ಸುಖದೋ ವ್ಯಾಸವಾಸಿನೀ ।
ವೃನ್ದಾವನಸ್ಥೋ ವೃನ್ದಾ ಚ ವೃನ್ದಾವನ್ಯೋ ಮಹತ್ತನೂ ॥ ೬೬॥

ಬ್ರಹ್ಮರೂಪೀ ತ್ರಿತಾರೀ ಚ ತಾರಕಾಕ್ಷೋ ಹಿ ತಾರಿಣೀ ।
ತನ್ತ್ರರ್ಥಜ್ಞಃ ತನ್ತ್ರವಿದ್ಯಾ ಸುತನ್ತ್ರಜ್ಞಃ ಸುತನ್ತ್ರಿಕಾ ॥ ೬೭॥

ತೃಪ್ತಃ ಸುತೃಪ್ತಾ ಲೋಕಾನಾಂ ತರ್ಪಣಸ್ಥೋ ವಿಲಾಸಿನೀ ।
ಮಯೂರಾ ಮನ್ದಿರರತೋ ಮಥುರಾ ಮನ್ದಿರೇಽಮಲಾ ॥ ೬೮॥

ಮನ್ದಿರೋ ಮನ್ದಿರಾದೇವೀ ನಿರ್ಮಾಯೀ ಮಾಯಸಂಹರಾ ।
ಶ್ರೀವತ್ಸಹೃದಯೋ ವತ್ಸಾ ವತ್ಸಲೋ ಭಕ್ತವತ್ಸಲಾ ॥ ೬೯॥

ಭಕ್ತಪ್ರಿಯೋ ಭಕ್ತಗಮ್ಯಾ ಭಕ್ತೋ ಭಕ್ತಿಃ ಪ್ರಭುಃ ಪ್ರಭಾ ।
ಜರೋ ಜರಾ ವರೋ ರಾವಾ ಹವಿರ್ಹೇಮಾ ಕ್ಷಮಃ ಕ್ಷಿತಿ ॥ ೭೦॥

ಕ್ಷೋಣೀಪೋ ವಿಜಯೋಲ್ಲಾಸಾ ವಿಜಯೋಜಯರೂಪಿಣೀ ।
ಜಯದಾತಾ ದಾತೃಜಾಯಾ ಬಲಿಪೋ ಬಲಿಪಾಲಿಕಾ ॥ ೭೧॥

ಕೃಷ್ಣಮಾರ್ಜಾರರೂಪೀ ಚ ಕೃಷ್ಣಮಾರ್ಜಾರರೂಪಿಣೀ ।
ಘೋಟಕಸ್ಥೋ ಹಯಸ್ಥಾ ಚ ಗಜಗೋ ಗಜವಾಹನಾ ॥ ೭೨॥

ಗಜೇಶ್ವರೋ ಗಜಾಧಾರಾ ಗಜೋ ಗರ್ಜನತತ್ಪರಾ ।
ಗಯಾಸುರೋ ಗಯಾದೇವೀ ಗಜದರ್ಪೋ ಗಜಾಪೀತಾ ॥ ೭೩॥

ಕಾಮನಾಫಲಸಿದ್ಧ್ಯರ್ಥೀ ಕಾಮನಾಫಲಸಿದ್ಧಿದಾ ।
ಧರ್ಮದಾತಾ ಧರ್ಮವಿದ್ಯಾ ಮೋಕ್ಷದೋ ಮೋಕ್ಷದಾಯಿನೀ ॥ ೭೪॥

ಮೋಕ್ಷಾಶ್ರಯೋ ಮೋಕ್ಷಕರ್ತ್ರೀ ನನ್ದಗೋಪಾಲ ಈಶ್ವರೀ ।
ಶ್ರೀಪತಿಃ ಶ್ರೀಮಹಾಕಾಲೀ ಕಿರಣೋ ವಾಯುರೂಪಿಣೀ ॥ ೭೫॥

ವಾಯ್ವಾಹಾರೀ ವಾಯುನಿಷ್ಠಾ ವಾಯುಬೀಜಯಶಸ್ವಿನೀ ।
ಜೇತಾ ಜಯನ್ತೀ ಯಾಗಸ್ಥೋ ಯಾಗವಿದ್ಯಾ ಶಿವಃ ಶಿವಾ ॥ ೭೬॥

ವಾಸವೋ ವಾಸವಸ್ಥೀ ಚ ವಾಸಾಖ್ಯೋ ಧನವಿಗ್ರಹಾ ।
ಆಖಣ್ಡಲೋ ವಿಖಣ್ಡಾ ಚ ಖಣ್ಡಸ್ಥೋ ಖಣ್ಡಖಞ್ಜನೀ ॥ ೭೭॥

ಖಡ್ಗಹಸ್ತೋ ಬಾಣಹಸ್ತಾ ಬಾಣಗೋ ಬಾಣವಾಹನಾ ।
ಸಿದ್ಧಾನ್ತಜ್ಞೋ ಧ್ವಾನ್ತಹನ್ತ್ರೀ ಧನಸ್ಥೋ ಧಾನ್ಯವರ್ದ್ಧೀನೀ ॥ ೭೮॥

ಲೋಕಾನುರಾಗೋ ರಾಗಸ್ಥಾ ಸ್ಥಿತಃ ಸ್ಥಾಪಕಭಾವನಾ ।
ಸ್ಥಾನಭ್ರಷ್ಟೋಽಪದಸ್ಥಾ ಚ ಶರಚ್ಚನ್ದ್ರನಿಭಾನನಾ ॥ ೭೯॥

ಚನ್ದ್ರೋದಯಶ್ಚನ್ದ್ರವರ್ಣಾ ಚಾರುಚನ್ದ್ರೋ ರುಚಿಸ್ಥಿತಾ ।
ರುಚಿಕಾರೀ ರುಚಿಪ್ರೀತಾ ರಚನೋ ರಚನಾಸನಾ ॥ ೮೦॥

ರಾಜರಾಜೋ ರಾಜಕನ್ಯಾ ಭುವನೋ ಭುವನಾಶ್ರಯಾ ।
ಸರ್ವಜ್ಞಃ ಸರ್ವತೋಭದ್ರಾ ವಾಚಾಲೋ ಲಯಧಾತಿನೀ ॥ ೮೧॥

ಲಿಙ್ಗರೂಪಧರೋ ಲಿಙ್ಗಾ ಕಲಿಙ್ಗಃ ಕಾಲಕೇಶರೀ ।
ಕೇವಲಾನನ್ದರೂಪಾಖ್ಯೋ ನಿರ್ವಾಣಮೋಕ್ಷದಾಯಿನೀ ॥ ೮೨॥

ಮಹಾಮೇಘಗಾಢ ಮಹಾನನ್ದರೂಪಾ ಮಹಾಮೇಘಜಾಲೋ ಮಹಾಘೋರರೂಪಾ ।
ಮಹಾಮೇಘಮಾಲಃ ಸದಾಕಾರಪಾಲಾ ಮಹಾಮೇಘಮಾಲಾಮಲಾಲೋಲಕಾಲೀ ॥ ೮೩॥

ವಿಯದ್ವ್ಯಾಪಕೋ ವ್ಯಾಪಿಕಾ ಸರ್ವದೇಹೇ ಮಹಾಶೂರವೀರೋ ಮಹಾಧರ್ಮವೀರಾ ।
ಮಹಾಕಾಲರೂಪೀ ಮಹಾಚಣ್ಡರೂಪಾ ವಿವೇಕೀ ಮದೈಕೀ ಕುಲೇಶಃ ಕುಲೇಶೀ ॥ ೮೪॥

ಸುಮಾರ್ಗೀ ಸುಗೀತಾ ಶುಚಿಸ್ವೋ ವಿನಿತಾ ಮಹಾರ್ಕೋ ವಿತರ್ಕಾ ಸುತರ್ಕೋಽವಿತರ್ಕಾ ।
ಕೃತೀನ್ದ್ರೋ ಮಹೇನ್ದ್ರೀ ಭಗೋ ಭಾಗ್ಯಚನ್ದ್ರಾ ಚತುರ್ಥೋ ಮಹಾರ್ಥಾ ನಗಃ ಕೀರ್ತೀಚನ್ದ್ರಾ ॥ ೮೫॥

ವಿಶಿಷ್ಟೋ ಮಹೇಷ್ಟಿರ್ಮನಸ್ವೀ ಸುತುಷ್ಟಿರ್ಮಹಾಷಡ್ದಲಸ್ಥೋ ಮಹಾಸುಪ್ರಕಾಶಾ ।
ಗಲಚ್ಚನ್ದ್ರಧಾರಾಮೃತಸ್ನಿಗ್ಧದೇಹೋ ಗಲತ್ಕೋಟಿಸೂರ್ಯಪ್ರಕಾಶಾಭಿಲಾಷಾ ॥ ೮೬॥

ಮಹಾಚಣ್ಡವೇಗೋ ಮಹಾಕುಣ್ಡವೇಗೀ ಮಹಾರುಣ್ಡಖಣ್ಡೋ ಮಹಾಮುಣ್ಡಖಣ್ಡಾ ।
ಕುಲಾಲಭ್ರಮಚ್ಚಕ್ರಸಾರಃ ಪ್ರಕಾರಾ ಕುಲಾಲೋ ಮಲಾಕಾ ರಚಕ್ರಪ್ರಸಾರೀ ॥ ೮೭॥

ಕುಲಾಲಕ್ರಿಯಾವಾನ್ ಮಹಾಘೋರಖಣ್ಡಃ ಕುಲಾಲಕ್ರಮೇಣ ಭ್ರಮಜ್ಞಾನಖಣ್ಡಾ ।
ಪ್ರತಿಷ್ಠಃ ಪ್ರತಿಷ್ಠಾ ಪ್ರತೀಕ್ಷಃ ಪ್ರತೀಕ್ಷಾ ಮಹಾಖ್ಯೋ ಮಹಾಖ್ಯಾ ಸುಕಾಲೋಽತಿದೀಕ್ಷಾ ॥ ೮೮॥

ಮಹಾಪಞ್ಚಮಾಚಾರತುಷ್ಟಃ ಪ್ರಚೇಷ್ಟಾ ಮಹಾಪಞ್ಚಮಾ ಪ್ರೇಮಹಾ ಕಾನ್ತಚೇಷ್ಟಾ ।
ಮಹಾಮತ್ತವೇಶೋ ಮಹಾಮಙ್ಗಲೇಶೀ ಸುರೇಶಃ ಕ್ಷಪೇಶೀ ವರೋ ದೀರ್ಘವೇಶಾ ॥ ೮೯॥

ಚರೋ ಬಾಹ್ಯನಿಷ್ಠಾ ಚರಶ್ಚಾರುವರ್ಣಾ ಕುಲಾದ್ಯೋಽಕುಲಾದ್ಯಾ ಯತಿರ್ಯಾಗವಾದ್ಯಾ ।
ಕುಲೋಕಾಪಹನ್ತಾ ಮಹಾಮಾನಹನ್ತ್ರೀ ಮಹಾವಿಷ್ಣುಯೋಗೀ ಮಹಾವಿಷ್ಣುಯೋಗಾ ॥ ೯೦॥

ಕ್ಷಿತಿಕ್ಷೋಭಹನ್ತಾ ಕ್ಷಿತಿಕ್ಷುಬ್ಧಬಾಧಾ ಮಹಾರ್ಘೋ ಮಹಾರ್ಘಾ ಧನೀ ರಾಜ್ಯಕಾರ್ಯಾ ।
ಮಹಾರಾತ್ರಿ ಸಾನ್ದ್ರಾನ್ಧಕಾರಪ್ರಕಾಶೋ ಮಹಾರಾತ್ರಿ ಸಾನ್ದ್ರಾನ್ಧಕಾರಪ್ರವೇಶಾ ॥ ೯೧॥

ಮಹಾಭೀಮಗಮ್ಭೀರಶಬ್ದಪ್ರಶಬ್ದೋ ಮಹಾಭೀಮಗಮ್ಭೀರಶಬ್ದಾಪಶಬ್ದಾ ।
ಕುಲಾ ಜ್ಞಾನದಾತ್ರೀ ಯಮೋ ಯಾಮಯಾತ್ರಾ ವಶೀ ಸೂಕ್ಷ್ಮವೇಶಾಶ್ವಗೋ ನಾಮಮಾತ್ರಾ ॥ ೯೨॥

ಹಿರಣ್ಯಾಕ್ಷಹನ್ತಾ ಮಹಾಶತ್ರುಹನ್ತ್ರೀ ವಿನಾಶಪ್ರಿಯೋ ಬಾಣನಾಶಪ್ರಿಯಾ ಚ ।
ಮಹಾಡಾಕಿನೀಶೋ ಮಹಾರಾಕಿಣೀಶೋ ಮಹಾಡಾಕಿನೀ ಸಾ ಮಹಾರಾಕಿಣೀ ಸಾ ॥ ೯೩॥

ಮುಕುನ್ದೋ ಮಹೇನ್ದ್ರೋ ಮಹಾಭದ್ರಚನ್ದ್ರಾ ಕ್ಷಿತಿತ್ಯಾಗಕರ್ತಾ ಮಹಾಯೋಗಕರ್ತ್ರೀ ।
ಹಿತೋ ಮಾರಹನ್ತ್ರೀ ಮಹೇಶೇಶ ಇನ್ದ್ರಾ ಗತಿಕ್ಷೋಭಭಾವೋ ಮಹಾಭಾವಪುಞ್ಜಾ ॥ ೯೪॥

ಶಶೀನಾಂ ಸಮೂಹೋ ವಿಧೋಃ ಕೋಟಿಶಕ್ತಿಃ ಕದಮ್ಬಾಶ್ರಿತೋ ವಾರಮುಖ್ಯಾ ಸತೀನಾ ।
ಮಹೋಲ್ಲಾಸದಾತಾ ಮಹಾಕಾಲಮಾತಾ ಸ್ವಯಂ ಸರ್ವಪುತ್ರಃ ಸ್ವಯಂ ಲೋಕಪುತ್ರೀ ॥ ೯೫॥

ಮಹಾಪಾಪಹನ್ತಾ ಮಹಾಭಾವಭರ್ತ್ರೀ ಹರಿಃ ಕಾರ್ತೀಕೀ ಕಾರ್ತೀಕೋ ದೇವಸೇನಾ ।
ಜಯಾಪ್ತೋ ವಿಲಿಪ್ತಾ ಕುಲಾಪ್ತೋ ಗಣಾಪ್ತಾ ಸುವೀರ್ಯೋ ಸಭಾಷಾ ಕ್ಷಿತೀಶೋಽಭಿಯಾತಾ ॥ ೯೬॥

ಭವಾನ್ ಭಾವಲಕ್ಷ್ಮೀಃ ಪ್ರಿಯಃ ಪ್ರೇಮಸೂಕ್ಷ್ಮಾ ಜನೇಶೋ ಧನೇಶೀ ಕೃಪೋ ಮಾನಭಙ್ಗಾ ।
ಕಠೋರೋತ್ಕಟಾನಾಂ ಮಹಾಬುದ್ಧಿದಾತಾ ಕೃತಿಸ್ಥಾ ಗುಣಜ್ಞೋ ಗುಣಾನನ್ದವಿಜ್ಞಾ ॥ ೯೭॥

ಮಹಾಕಾಲಪೂಜ್ಯೋ ಮಹಾಕಾಲಪೂಜ್ಯಾ ಖಗಾಖ್ಯೋ ನಗಾಖ್ಯಾ ಖರಃ ಖಡ್ಗಹಸ್ತಾ ।
ಅಥರ್ವೋಽಥರ್ವಾನ್ದೋಲಿತಸ್ಥಃ ಮಹಾರ್ಥಾ ಖಗಕ್ಷೋಭನಾಶಾ ಹವಿಃ ಕೂಟಹಾಲಾ ॥ ೯೮॥

ಮಹಾಪದ್ಮ ಮಾಲಾಧೃತೋ ಗಾಣಪತ್ಯಾ ಗಣಸ್ಥೋ ಗಭೀರಾ ಗುರುಃ ಜ್ಞಾನಗಮ್ಯಾ ।
ಘಟಪ್ರಾಣದಾತಾ ಘನಾಕಾರರೂಪಾ ಭಯಾರ್ಥೋಙಬೀಜಾಙವಾರೀಙಕರ್ತಾ ॥ ೯೯॥

ಭವೋ ಭಾವಮಾತಾ ನರೋ ಯಾಮಧ್ಯಾತಾ ಚಲಾನ್ತೋಽಚಲಾಖ್ಯಾ ಚಯೋಽಞ್ಜಾಲಿಕಾ ಚ ।
ಛಲಜ್ಞಶ್ಛಲಾಢ್ಯಾ ಛಕಾರಶ್ಛಕಾರಾ ಜಯೋ ಜೀವನಸ್ಥಾ ಜಲೇಶೋ ಜಲೇಶಾ ॥ ೧೦೦॥

ಜಪಞ್ಜಾಪಕಾರೀ ಜಗಜ್ಜೀವನೀಶಾ ಜಗತ್ಪ್ರಾಣನಾಥೋ ಜಗದಾಲ್ಹಾದಕಾರೀ ।
ಝರೋ ಝರ್ಝರೀಶಾ ಝನತ್ಕಾರಶಬ್ದೋ ಝನಞ್ಝಞ್ಜನಾನಾದಝಙ್ಕಾರರಾವಾ ॥ ೧೦೧॥

ಞಚೈತನ್ಯಕಾರೀ ಞಕೈವಲ್ಯನಾರೀ ಹನೋಲ್ಲಾಸಧಾರೀ ಟನತ್ಟಙ್ಕಹಸ್ತಾ ।
ಠರೇಶೋ ಪವಿಷ್ಟಶ್ಠಕಾರಾದಿಕೋಟೀ ಡರೋ ಡಾಕಿನೀಶೋ ಡರೇಶೋ ಡಮಾರಾ ॥ ೧೦೨॥

ಢಮೇಶೋ ಹಿ ಢಕ್ಕಾ ವರಸ್ಥಾನಬೀಜೋ ಣವರ್ಣಾ ತಮಾಲತನುಃ ಸ್ಥಾನನಿಷ್ಠಾ ।
ಥಕಾರಾರ್ಣಮಾನಸ್ಥನಿಸ್ಥೋಽಸಂಖ್ಯಾ ದಯಾವಾನ್ ದಯಾರ್ದ್ರಾ ಧನೇಶೋ ಧನಾಢ್ಯಾ ॥ ೧೦೩॥

ನವೀನೋ ನಗೇಭಾಗತೀರ್ಣಾಙ್ಗಹಾರೋ ನಗೇಶೀ ಪರಃ ಪಾರಣೀ ಸಾದಿಪಾಲಾ ।
ಫಲಾತ್ಮಾ ಫಲಾ ಫಾಲ್ಗುನೀ ಫೇಣನಾಶಃ ಫಲಾಭೂಷಣಾಢ್ಯಾ ವಶೀ ವಾಸರಮ್ಯಾ ॥ ೧೦೪॥

ಭಗಾತ್ಮಾ ಭವಸ್ತ್ರೀ ಮಹಾಬೀಜಮಾನೋ ಮಹಾಬೀಜಮಾಲಾ ಮುಕುನ್ದಃ ಸುಸೂಕ್ಷ್ಮಾ ।
ಯತಿಸ್ಥಾ ಯಶಸ್ಥಾ ರತಾನನ್ದಕರ್ತಾ ರತಿರ್ಲಾಕಿನೀಶೋ ಲಯಾರ್ಥ ಪ್ರಚಣ್ಡಾ ॥ ೧೦೫॥

ಪ್ರವಾಲಾಙ್ಗಧಾರೀ ಪ್ರವಾಲಾಙ್ಗಮಾಲಾ ಹಲೋಹಾಲಹೇಲಾಪದಃ ಪಾದತಾಲಾ ।
ವಶೀನ್ದ್ರಃ ಪ್ರಕಾಶೋ ವರಸ್ಥಾನವಾಸಾ ಶಿವಃ ಶ್ರೀಧರಾಙ್ಗಃ ಶಲಾಕಾ ಶಿಲಾ ಚ ॥ ೧೦೬॥

ಷಡಾಧಾರವಾಸೀ ಷಡಾಧಾರವಿದ್ಯಾ ಷಡಾಮ್ಭೋಜಸಂಸ್ಥಃ ಷಡಬ್ಜೋಪವಿಷ್ಟಾ ।
ಸದಾ ಸಾಧರೋಗ್ರೋಪವಿಷ್ಟಾಽಪರಾಗೀ ಸುಸೂಕ್ತಾಪಯಸ್ಥಾ ಪಲಾಶ್ರಯಸ್ಥಿತಾ ॥ ೧೦೭॥

ಹರಸ್ಥೋಗ್ರಕರ್ಮಾ ಹರಾನನ್ದಧಾರಾ ಲಘುಸ್ಥೋ ಲಿಪಿಸ್ಥಾ ಕ್ಷಯೀಕ್ಷುಬ್ಧಕ ಸಂಖ್ಯಾ ।
ಅನನ್ತೋ ನಿರ್ವಾಣಾಹರಾಕಾರಬೀಜಾ ಉರಸ್ಥೋಽಪ್ಯುರುಸ್ಥಾ ಉರಾ ಊರ್ಧ್ವರೂಪಾ ॥ ೧೦೮॥

ಋಚಸ್ಥೋ ಹಿ ೠಗಾಲಸೋ ದೀರ್ಘಲೃಸ್ಥಾ ತ್ವಮೇಕೋ ಹಿ ಚೈಮ್ಬೀಜಗುರ್ವೀ ಗುಣಸ್ಥಾ ।
ಸದೌಙ್ಕಾರವರ್ಣಾ ಹ್ಸೌಂಕಾರಬೀಜಾ ಅಸಙ್ಕಾರಚನ್ದ್ರೋ ಹ್ಯುಸಃ ಕಾರವೀರಾ ॥ ೧೦೯॥

ಹರೀನ್ದ್ರೋ ಹರೀಶಾ ಹರಿಃ ಕೃಷ್ಣರೂಪಾ ಶಿವೋ ವೇದಭಾಷಾ ಚ ಶೌರಿಃ ಪ್ರಸಙ್ಗಾ ।
ಗಣಾಧ್ಯಕ್ಷರೂಪೀ ಪರಾನನ್ದಭಕ್ಷಾ ಪರೇಶೋ ಗಣೇಶೀ ರಸೋ ವಾಸಪೂಜ್ಯಾ ॥ ೧೧೦॥

ಚಕೋರಿ ಕುಲಪ್ರಾಣಬುದ್ಧಿಸ್ಥಿತಿಸ್ಥಾ ಸ್ವಯಂ ಕಾಮಧೇನುಸ್ವರೂಪೀ ವಿರೂಪಾ ।
ಶ್ರೀಹಿರಣ್ಯಪ್ರಭಃ ಶ್ರೀ ಹಿರಣ್ಯಪ್ರಭಾಙ್ಗೀ ಪ್ರಭಾತಾರ್ಕವರ್ಣೋಽರುಣಾಕಾರಣಾಙ್ಗೀ ॥ ೧೧೧॥

ವಿಭಾ ಕೋಟಿಧಾರಾ ಧರಾಧಾರ ಕೋಷಾ ರಣೀಶೋ ಪ್ರತ್ಯಾದಿಕೂಟೋಽಧರೋ ಧಾರಣಾ ಶೌರಿರಾರ್ಯಾ ।
ಮಹಾಯಜ್ಞಸಂಸ್ಥೋ ಮಹಾಯಜ್ಞನಿಷ್ಠಾ ಸದಾಕರ್ಮಸಙ್ಗಃ ಸದಾಮಙ್ಗರಙ್ಗಾ ॥ ೧೧೨॥

ಕಿರಾತೀಪತಿ ರಾಕಿಣೀ ಕಾಲಪುತ್ರೀ ಶಿಲಾಕೋಟ ನಿರ್ಮಾಣದೋಹಾ ವಿಶಾಲಾ ।
ಕಲಾರ್ಕಕಲಸ್ಥೋ ಕಲಾಕಿಙ್ಕಿಣೀಸ್ಥಾ ಕಿಶೋರಃ ಕಿಶೋರೀ ಕುರುಕ್ಷೇತ್ರಕನ್ಯಾ ॥ ೧೧೩॥

ಮಹಾಲಾಙ್ಗಲಿಶ್ರೀ ಬಲೋದ್ಧಾಮಕೃಷ್ಣಃ ಕುಲಾಲಾದಿವಿದ್ಯಾಽಭಯೋ ಭಾವಶೂನ್ಯಾ ।
ಮಹಾಲಾಕಿನೀ ಕಾಕಿನೀ ಶಾಕಿನೀಶೋ ಮಹಾಸುಪ್ರಕಾಶಾ ಪರೋ ಹಾಕಿನೀಶಾ ॥ ೧೧೪॥

ಕುರುಕ್ಷೇತ್ರವಾಸೀ ಕುರುಪ್ರೇಮಮೂರ್ತೀ ರ್ಮಹಾಭೂತಿಭೋಗೀ ಮಹಾಯೋಗಿನೀ ಚ ।
ಕುಲಾಙ್ಗಾರಕಾರೋ ಕುಲಾಙ್ಗೀಶಕನ್ಯಾ ತೃತೀಯಸ್ತೃತೀಯಾಽದ್ವಿತೀಯೋಽದ್ವಿತೀಯಾ ॥ ೧೧೫॥

ಮಹಾಕನ್ದವಾಸೀ ಮಹಾನನ್ದಕಾಶೀ ಪುರಗ್ರಾಮವಾಸೀ ಮಹಾಪೀಠದೇಶಾ ।
ಜಗನ್ನಾಥ ವಕ್ಷಃ ಸ್ಥಲಸ್ಥೋ ವರೇಣ್ಯಾ ಚ್ಯುತಾನನ್ದಕರ್ತಾ ರಸಾನನ್ದಕರ್ತ್ರೀ ॥ ೧೧೬॥

ಜಗದ್ದೀಪಕಲೋ ಜಗದ್ದೀಪಕಾಲೀ ಮಹಾಕಾಮರೂಪೀ ಮಹಾಕಾಮಪೀಠಾ ।
ಮಹಾಕಾಮಪೀಠಸ್ಥಿರೋ ಭೂತಶುದ್ಧಿ ರ್ಮಹಾಭೂತಶುದ್ಧಿಃ ಮಹಾಭೂತಸಿದ್ಧಿಃ ॥ ೧೧೭॥

ಪ್ರಭಾನ್ತಃ ಪ್ರವೀಣಾ ಗುರುಸ್ಥೋ ಗಿರಿಸ್ಥಾ ಗಲದ್ಧಾರಧಾರೀ ಮಹಾಭಕ್ತವೇಷಾ ।
ಕ್ಷಣಕ್ಷುನ್ನಿವೃತ್ತಿನೀವೃತ್ತಾನ್ತರಾತ್ಮಾ ಸದನ್ತರ್ಗತಸ್ಥಾ ಲಯಸ್ಥಾನಗಾಮೀ ॥ ೧೧೮॥

ಲಯಾನನ್ದಕಾಮ್ಯಾ ವಿಸರ್ಗಾಪ್ತವರ್ಗೋ ವಿಶಾಲಾಕ್ಷಮಾರ್ಗಾ ಕುಲಾರ್ಣಃ ಕುಲಾರ್ಣಾ ।
ಮನಸ್ಥಾ ಮನಃಶ್ರೀಃ ಭಯಾನನ್ದದಾತಾ ಸದಾ ಲಾಣಗೀತಾ ಗಜಜ್ಞಾನದಾತಾ ಮಹಾಮೇರುಪಾಯಾ ॥ ೧೧೯॥

ತರೋರ್ಮೂಲವಾಸೀ ತರಜ್ಞೋಪದರ್ಶಾ ಸುರೇಶಃ ಸಮೇಶಃ ಸುರೇಶಾ ಸುಖೀ ಖಡ್ಗನಿಷ್ಠಾ ।
ಭಯತ್ರಾಣಕರ್ತಾ ಭಯಜ್ಞಾನಹನ್ತ್ರೀ ಜನಾನಾಂ ಮಖಸ್ಥೋ ಮಖಾನನ್ದಭಙ್ಗಾ ॥ ೧೨೦॥

ಮಹಾಸತ್ಪಥಸ್ಥೋ ಮಹಾಸತ್ಪಥಜ್ಞಾ ಮಹಾಬಿನ್ದುಮಾನೋ ಮಹಾಬಿನ್ದುಮಾನಾ ।
ಖಗೇನ್ದ್ರೋಪವಿಷ್ಟೋ ವಿಸರ್ಗಾನ್ತರಸ್ಥಾ ವಿಸರ್ಗಪ್ರವಿಷ್ಟೋ ಮಹಾಬಿನ್ದುನಾದಾ ॥ ೧೨೧॥

ಸುಧಾನನ್ದಭಕ್ತೋ ವಿಧಾನನ್ದಮುಕ್ತಿಃ ಶಿವಾನನ್ದಸುಸ್ಥೋ ವಿನಾನನ್ದಧಾತ್ರೀ ।
ಮಹಾವಾಹನಾಹ್ಲಾದಕಾರೀ ಸುವಾಹಾ ಸುರಾನನ್ದಕಾರಾ ಗಿರಾನನ್ದಕಾರೀ ॥ ೧೨೨॥

ಹಯಾನನ್ದಕಾನ್ತಿಃ ಮತಙ್ಗಸ್ಥದೇವೋ ಮತಙ್ಗಾಧಿದೇವೀ ಮಹಾಮತ್ತರೂಪಃ ।
ತದೇಕೋ ಮಹಾಚಕ್ರಪಾಣಿಃ ಪ್ರಚಣ್ಡಾ ಖಿಲಾಪಸ್ಥಲಸ್ಥೋಽವಿಹಮ್ನೀಶಪತ್ನೀ ॥ ೧೨೩॥

ಶಿಖಾನನ್ದಕರ್ತಾ ಶಿಖಾಸಾರವಾಸೀ ಸುಶಾಕಮ್ಭರೀ ಕ್ರೋಷ್ಟರೀ ವೇದವೇದೀಸುಗನ್ಧಾ ।
ಯುಗೋ ಯೋಗಕನ್ಯಾ ದವೋ ದೀರ್ಘಕನ್ಯಾ ಶರಣ್ಯಃ ಶರಣ್ಯಾ ಮುನಿಜ್ಞಾನಗಮ್ಯಾ ಸುಧನ್ಯಃ ಸುಧನ್ಯಾ ॥ ೧೨೪॥

ಶಶೀ ವೇದಜನ್ಯಾ ಯಮೀ ಯಾಮವಾಮಾ ಹ್ಯಕಾಮೋ ಹ್ಯಕಾಮಾ ಸದಾ ಗ್ರಾಮಕಾಮಾ ।
ಧೃತೀಶಃ ಧೃತೀಶಾ ಸದಾ ಹಾಟಕಸ್ಥಾಽ ಯನೇಶೋಽಯನೇಶೀ ಭಕಾರೋ ಭಗೀರಾ ॥ ೧೨೫॥

ಚಲತ್ಖಞ್ಜನಸ್ಥಃ ಖಲತ್ಖೇಲನಸ್ಥಾ ವಿವಾತೀ ಕಿರಾತೀ ಖಿಲಾಙ್ಗೋಽಖಿಲಾಙ್ಗೀ ।
ಬೃಹತ್ಖೇಚರಸ್ಥೋ ಬೃಹತ್ಖೇಚರೀ ಚ ಮಹಾನಾಗರಾಜೋ ಮಹಾನಾಗಮಾಲಾ ॥ ೧೨೬॥

ಹಕಾರಾರ್ದ್ಧಸಂಜ್ಞಾ ವೃತೋಹಾರಮಾಲಾ ಮಹಾಕಾಲನೇಮಿಪ್ರಹಾ ಪಾರ್ವತೀ ಚ ।
ತಮಿಸ್ರಾ ತಮಿಸ್ರಾವೃತೋ ದುಃಖಹತ್ಯಾ ವಿಪನ್ನೋ ವಿಪನ್ನಾ ಗುಣಾನನ್ದಕನ್ಯಾ ॥ ೧೨೭॥

ಸದಾ ದುಃಖಹನ್ತಾ ಮಹಾದುಃಖಹನ್ತ್ರೀ ಪ್ರಭಾತಾರ್ಕ ವರ್ಣಃ ಪ್ರಭಾತಾರುಣಶ್ರೀಃ ।
ಮಹಾಪರ್ವತಪ್ರೇಮಭಾವೋಪಪನ್ನೋ ಮಹಾದೇವಪತ್ನೀಶಭಾವೋಪಪನ್ನಾ ॥ ೧೨೮॥

ಮಹಾಮೋಕ್ಷನೀಲಪ್ರಿಯಾ ಭಕ್ತಿದಾತಾ ನಯಾನನ್ದ ಭಕ್ತಿಪ್ರದಾ ದೇವಮಾತಾ ॥ ೧೨೯॥

ಇತ್ಯೇತತ್ಕಥಿತಂ ನಾಥ ಮಹಾಸ್ತೋತ್ರಂ ಮನೋರಮಮ್ ।
ಸಹಸ್ರನಾಮಯೋಗಾಽಙ್ಗಮಷ್ಟೋತ್ತರಸಮನ್ವಿತಮಮ್ ॥ ೧೩೦॥

ಯಃ ಪಠೇತ್ ಪ್ರಾತರುತ್ಥಾಯ ಶುಚಿರ್ವಾಶುಚಿಮಾನಸಃ ।
ಭಕ್ತ್ಯಾ ಶಾನ್ತಿಮವಾಪ್ನೋತಿ ಅನಾಯಾಸೇನ ಯೋಗಿರಾಟ್ ॥ ೧೩೧॥

ಪ್ರತ್ಯಹಂ ಧ್ಯಾನಮಾಕೃತ್ಯ ತ್ರಿಸನ್ಧ್ಯಂ ಯಃ ಪಠೇತ್ ಶುಚಿಃ ।
ಷಣ್ಮಾಸಾತ್ ಪರಮೋ ಯೋಗೀ ಸತ್ಯಂ ಸತ್ಯಂ ಸುರೇಶ್ವರ ॥ ೧೩೨॥

ಅಕಾಲಮೃತ್ಯುಹರಣಂ ಸರ್ವವ್ಯಾಧಿವಿನಾಶನಮ್ ।
ಅಪಮೃತ್ಯ್ವಾದಿಹರಣಂ ವಾರಮೇಕಂ ಪಠೇದ್ಯದಿ ॥ ೧೩೩॥

ಪಠಿತ್ತ್ವಾ ಯೇ ನ ಗಚ್ಛನ್ತಿ ವಿಪತ್ಕಾಲೇ ಮಹಾನಿಶಿ ।
ಅನಾಯಾಸೇನ ತೇ ಯಾನ್ತಿ ಮಹಾಘೋರೇ ಭಯಾರ್ಣವೇ ॥ ೧೩೪॥

ಅಕಾಲೇ ಯಃ ಪಠೇನ್ನಿತ್ಯಂ ಸುಕಾಲಸ್ತತ್ಕ್ಷಣಾದ್ಭವೇತ್ ।
ರಾಜಸ್ವಹರಣೇ ಚೈವ ಸುವೃತ್ತಿಹರಣಾದಿಕೇ ॥ ೧೩೫॥

ಮಾಸೈಕಪಠನಾದೇವ ರಾಜಸ್ವಂ ಸ ಲಭೇದ್ ಧ್ರುವಮ್ ।
ವಿಚರನ್ತಿ ಮಹಾವೀರಾಃ ಸ್ವರ್ಗೇ ಮರ್ತ್ಯೇ ರಸಾತಲೇ ॥ ೧೩೬॥

ಗಣೇಶತುಲ್ಯವಲಿನೋ ಮಹಾಕ್ರೋಧಶರೀರಿಣಃ ।
ಏತತ್ಸ್ತೋತ್ರಪ್ರಸಾದೇನ ಜೀವನ್ಮುಕ್ತೋ ಮಹೀತಲೇ ॥ ೧೩೭॥

ಮಹಾನಾಮಸ್ತೋತ್ರಸಾರಂ ಧರ್ಮಾಧರ್ಮನಿರೂಪಣಮ್ ।
ಅಕಸ್ಮಾತ್ ಸಿದ್ಧಿದಂ ಕಾಮ್ಯಂ ಕಾಮ್ಯಂ ಪರಮಸಿದ್ಧಿದಮ್ ॥ ೧೩೮॥

ಮಹಾಕುಲಕುಣ್ಡಲಿನ್ಯಾಃ ಭವಾನ್ಯಾಃ ಸಾಧನೇ ಶುಭೇ ।
ಅಭೇದ್ಯಭೇದನೇ ಚೈವ ಮಹಾಪಾತಕನಾಶನೇ ॥ ೧೩೯॥

ಮಹಾಘೋರತರೇ ಕಾಲೇ ಪಠಿತ್ವಾ ಸಿದ್ಧಿಮಾಪ್ನುಯಾತ್ ।
ಷಟ್ಚಕ್ರಸ್ತಮ್ಭನಂ ನಾಥ ಪ್ರತ್ಯಹಂ ಯಃ ಕರೋತಿ ಹಿ ॥ ೧೪೦॥

ಮನೋಗತಿಸ್ತಸ್ಯ ಹಸ್ತೇ ಸ ಶಿವೋ ನ ತು ಮಾನುಷಃ ।
ಯೋಗಾಭ್ಯಾಸಂ ಯಃ ಕರೋತಿ ನ ಸ್ತವಃ ಪಠ್ಯತೇ ಯದಿ ॥ ೧೪೧॥

ಯೋಗಭ್ರಷ್ಟೋ ಭವೇತ್ ಕ್ಷಿಪ್ರಂ ಕುಲಾಚಾರವಿಲಙ್ಘನಾತ್ ।
ಕುಲೀನಾಯ ಪ್ರದಾತವ್ಯಂ ನ ಖಲ್ವಕುಲೇಶ್ವರಮ್ ॥ ೧೪೨॥

ಕುಲಾಚಾರಂ ಸಮಾಕೃತ್ಯ ಬ್ರಾಹ್ಮಣಾಃ ಕ್ಷತ್ರಿಯಾದಯಃ ।
ಯೋಗಿನಃ ಪ್ರಭವನ್ತ್ಯೇವ ಸ್ತೋತ್ರಪಾಠಾತ್ ಸದಾಮರಾಃ ॥ ೧೪೩॥

ಆನನ್ದಭೈರವ ಉವಾಚ
ವದ ಕಾನ್ತೇ ರಹಸ್ಯಂ ಮೇ ಮಯಾ ಸರ್ವಞ್ಚ ವಿಸ್ಮೃತಮ್ ।
ಮಹಾವಿಷಂ ಕಾಲಕೂಟಂ ಪೀತ್ತ್ವಾ ದೇವಾದಿರಕ್ಷಣಾತ್ ॥ ೧೪೪॥

ಕಣ್ಠಸ್ಥಾಃ ದೇವತಾಃ ಸರ್ವಾ ಭಸ್ಮೀಭೂತಾಃ ಸುಸಮ್ಭೃತಾಃ ।
ಮಹಾವಿಷಜ್ವಾಲಯಾ ಚ ಮಮ ದೇಹಸ್ಥದೇವತಾಃ ॥ ೧೪೫॥

ಕೈವಲ್ಯನಿರತಾಃ ಸರ್ವೇ ಪ್ರಾರ್ಥಯನ್ತಿ ನಿರನ್ತರಮ್ ।
ಷಟ್ಚಕ್ರಂ ಕಥಯಿತ್ವಾ ತು ಸನ್ತೋಷಂ ಮೇ ಕುರು ಪ್ರಭೋ ।
ಷಟ್ಚಕ್ರಭೇದಕಥನಮಮೃತಶ್ರವಣಾದಿಕಮ್ ॥ ೧೪೬॥

ಕಥಿತ್ವಾ ಮಮ ಸನ್ತೋಷಂ ಕುರು ಕಲ್ಯಾಣಿ ವಲ್ಲಭೇ ।
ಅಮೃತಾನನ್ದಜಲಧೌ ಸುಧಾಭಿಃ ಸಿಕ್ತವಿಗ್ರಹಮ್ ॥ ೧೪೭॥

ಕೃತ್ತ್ವಾ ಕಥಯ ಶೀಘ್ರಂ ಮೇ ಚಾಯುಷಂ ಪರಿವರ್ಧಯ ।
ಆನನ್ದಭೈರವೀ ಉವಾಚ
ನಿಗೂಢಾರ್ಥ ಮಹಾಕಾಲ ಕಾಲೇಶ ಜಗದೀಶ್ವರ ॥ ೧೪೮॥

ಭೈರವಾನನ್ದನಿಲಯ ಕಾಲಕೂಟನಿಷೇವಣ ।
ಇದಾನೀಂ ಶೃಣು ಯೋಗಾರ್ಥ ಮಯಿ ಸಂಯೋಗ ಏವ ಚ ॥ ೧೪೯॥

ಶ್ರುತ್ವಾ ಚೈತತ್ಕ್ರಿಯಾಕಾರ್ಯಂ ನರೋ ಯೋಗೀಶ್ವರೋ ಭವೇತ್ ।
ಮಮೋದ್ಭವಃ ಖೇಽಮಲೇ ಚ ಸರ್ವಾಕಾರವಿವರ್ಜೀತೇ ॥ ೧೫೦॥

ಭ್ರೂಮಧ್ಯೇ ಸರ್ವದೇಹೇ ಚ ಸ್ಥಾಪಯಿತ್ವಾ ಚ ಮಾಂ ನರಃ ।
ಭಾವ್ಯತೇ ಚಾಪರಿಚ್ಛನ್ನಂ ಬ್ರಹ್ಮವಿಷ್ಣುಶಿವಾತ್ಮಕಮ್ ॥ ೧೫೧॥

ಮಮ ರೂಪಂ ಮಹಾಕಾಲ ಸತ್ತ್ವರಜಸ್ತಮಃ ಪ್ರಿಯಮ್ ।
ಕೇವಲಂ ರಜೋಯೋಗೇನ ಶರೀರಂ ನಾಪಿ ತಿಷ್ಠತಿ ॥ ೧೫೨॥

ತಥಾ ಕೇವಲಯೋಗೇನ ತಮಸಾ ನಾಪಿ ತಿಷ್ಠತಿ ।
ತಥಾ ಕೇವಲಸತ್ತ್ವೇನ ಕುತೋ ದೇಹೀ ಪ್ರತಿಷ್ಠತಿ ।
ಅತಸ್ತ್ರಿಗುಣಯೋಗೇನ ಧಾರಯಾಮಿ ನವಾಙ್ಗಕಮ್ ॥ ೧೫೩॥

ಶನೈಃ ಶನೈಃ ವಿಜೇತವ್ಯಾಃ ಸತ್ತ್ವರಜಸ್ತಮೋಗುಣಾಃ ।
ಆದೌ ಜಿತ್ವಾ ರಜೋಧರ್ಮಂ ಪಶ್ಚಾತ್ತಾಮಸಮೇವ ಚ ॥ ೧೫೪॥

ಸರ್ವಶೇಷೇ ಸತ್ತ್ವಗುಣಂ ನರೋ ಯೋಗೀಶ್ವರೋ ಭವೇತ್ ।
ಗುಣವಾನ್ ಜ್ಞಾನವಾನ್ ವಾಗ್ಮೀ ಸುಶ್ರೀರ್ಧರ್ಮೀ ಜಿತೇನ್ದ್ರಿಯಃ ॥ ೧೫೫॥

ಶುದ್ಧನಿರ್ಮಲಸತ್ವಂ ತು ಗುಣಮಾಶ್ರಿತ್ಯ ಮೋಕ್ಷಭಾಕ್ ।
ಸದಾ ಸತ್ತ್ವಗುಣಾಚ್ಛನ್ನಂ ಪುರುಷಂ ಕಾಲ ಏವ ಚ ॥ ೧೫೬॥

ಪಶ್ಯತೀಹ ನ ಕದಾಚಿಜ್ಜರಾಮೃತ್ಯುವಿವರ್ಜೀತಮ್ ।
ತಂ ಜನಂ ಪರಮಂ ಶಾನ್ತಂ ನಿರ್ಮಲಂ ದ್ವೈತವರ್ಜೀತಮ್ ॥ ೧೫೭॥

ಸರ್ವತ್ಯಾಗಿನಮಾತ್ಮಾನಂ ಕಾಲಃ ಸರ್ವತ್ರ ರಕ್ಷತಿ ।
ಜಲೇ ವಾ ಪರ್ವತೇ ವಾಪಿ ಮಹಾರಣ್ಯೇ ರಣಸ್ಥಲೇ ॥ ೧೫೮॥

ಭೂಗರ್ತ್ತನಿಲಯೇ ಭೀತೇ ಸಂಹಾರೇ ದುಷ್ಟವಿಗ್ರಹೇ ।
ಸನ್ತಿಷ್ಠತಿ ಮಹಾಯೋಗೀ ಸತ್ಯಂ ಸತ್ಯಂ ಕುಲೇಶ್ವರ ॥ ೧೫೯॥

ಮಹಾಯೋಗಂ ಶೃಣು ಪ್ರಾಣವಲ್ಲಭ ಶ್ರೀನಿಕೇತನ ।
ಯೋಗಾರ್ಥಂ ಪರಮಂ ಬ್ರಹ್ಮಯೋಗಾರ್ಥ ಪರನ್ತಪಃ ॥ ೧೬೦॥

ಯೇ ಜಾನನ್ತಿ ಮಹಾಯೋಗಂ ಮಿರಯನ್ತೇ ನ ಚ ತೇ ನರಾಃ ।
ಕೃತ್ವಾ ಕೃತ್ವಾ ಷಡ್ದಲಸ್ಯ ಸಾಧನಂ ಕೃತ್ಸ್ನಸಾಧನಮ್ ॥ ೧೬೧॥

ತತಃ ಕುರ್ಯಾನ್ಮೂಲಪದ್ಮೇ ಕುಣ್ಡಲೀಪರಿಚಾಲನಮ್ ।
ಮುಹುರ್ಮುಹುಶ್ಚಾಲನೇನ ನರೋ ಯೋಗೀಶ್ವರೋ ಭವೇತ್ ॥ ೧೬೨॥

ಏಕಾನ್ತನಿರ್ಮಲೇ ದೇಶೇ ದುರ್ಭೀಕ್ಷಾದಿವಿವರ್ಜೀತೇ ।
ವರ್ಷಮೇಕಾಸನೇ ಯೋಗೀ ಯೋಗಮಾರ್ಗಪರೋ ಭವೇತ್ ॥ ೧೬೩॥

ಪದ್ಮಾಸನಂ ಸದಾ ಕುರ್ಯಾದ್ ಬದ್ಧಪದ್ಮಾಸನಂ ತಥಾ ।
ಮಹಾಪದ್ಮಾಸನಂ ಕೃತ್ವಾ ತಥಾ ಚಾಸನಮಞ್ಜನಮ್ ॥ ೧೬೪॥

ತತ್ಪಶ್ಚಾತ್ ಸ್ವಸ್ತಿಕಾಖ್ಯಞ್ಚ ಬದ್ಧಸ್ವಸ್ತಿಕಮೇವ ಚ ।
ಯೋಗಾಭ್ಯಾಸೇ ಸದಾ ಕುರ್ಯಾತ್ ಮನ್ತ್ರಸಿದ್ಧ್ಯಾದಿಕರ್ಮಣಿ ॥ ೧೬೫॥

ಚಕ್ರಾಸನಂ ಸದಾ ಯೋಗೀ ಯೋಗಸಾಧನಕರ್ಮಣಿ ।
ಬದ್ಧಚಕ್ರಾಸನಂ ನಾಮ ಮಹಾಚಕ್ರಾಸನಂ ತಥಾ ॥ ೧೬೬॥

ಕೃತ್ವಾ ಪುನಃ ಪ್ರಕರ್ತವ್ಯಂ ಬದ್ಧಯೋಗೇಶ್ವರಾಸನಮ್ ।
ಯೋಗೇಶ್ವರಾಸನಂ ಕೃತ್ವಾ ಮಹಾಯೋಗೇಶ್ವರಾಸನಮ್ ॥ ೧೬೭॥

ವೀರಾಸನಂ ತತಃ ಕುರ್ಯಾತ್ ಮಹಾವೀರಾಸನಂ ತಥಾ ।
ಬದ್ಧವೀರಾಸನಂ ಕೃತ್ವಾ ನರೋ ಯೋಗೇಶ್ವರೋ ಭವೇತ್ ॥ ೧೬೮॥

ತತಃ ಕುರ್ಯಾನ್ಮಹಾಕಾಲ ಬದ್ಧಕುಕ್ಕುಟಾಸನಮ್ ।
ಮಹಾಕುಕ್ಕುಟಮಾಕೃತ್ಯ ಕೇವಲಂ ಕುಕ್ಕುಟಾಸನಮ್ ॥ ೧೬೯॥

ಮಯೂರಾಸನಮೇವಂ ಹಿ ಮಹಾಮಯೂರಮೇವ ಚ ।
ಬದ್ಧಮಯೂರಮಾಕೃತ್ಯ ನರೋ ಯೋಗೇಶ್ವರೋ ಭವೇತ್ ॥ ೧೭೦॥

ಏತತ್ ಸರ್ವಂ ಪ್ರವಕ್ತವ್ಯಂ ವಿಚಾರ್ಯ ಸುಮನಃಪ್ರಿಯ ।
ಅಭಿಷೇಕಪ್ರಕರಣೇ ಆಸನಾದಿಪ್ರಕಾಶಕಮ್ ॥ ೧೭೧॥

ಕಥಿತವ್ಯಂ ವಿಶೇಷೇಣ ಇದಾನೀಂ ಶೃಣು ಷಟ್ಕ್ರಮಮ್ ।
ಬ್ರಹ್ಮಾ ವಿಷ್ಣುಶ್ಚ ರುದ್ರಶ್ಚ ಈಶ್ವರಶ್ಚ ಸದಾಶಿವಃ ॥ ೧೭೨॥

ತತಃ ಪರಶಿವೋ ದೇವಃ ಷಟ್ಶಿವಾಃ ಷಟ್ಪ್ರಕಾಶಕಾಃ ।
ಏತೇಷಾಂ ಷಡ್ಗುಣಾನನ್ದಾಃ ಶಕ್ತಯಃ ಪರದೇವತಾಃ ॥ ೧೭೩॥

ಷಟ್ಚಕ್ರಭೇದನರತಾ ಮಹಾವಿದ್ಯಾಧಿದೇವತಾಃ ।
ಏತೇಷಾಂ ಸ್ತವನಂ ಕುರ್ಯಾತ್ ಪರದೇವಸಮನ್ವಿತಮ್ ॥ ೧೭೪॥

ಏತತ್ಪ್ರಕಾರಕರಣೇ ಯಶ್ಚ ಪ್ರತ್ಯಹಮಾದರಾತ್ ।
ಕ್ರಿಯಾನಿವಿಷ್ಟಃ ಸರ್ವತ್ರ ಭಾವನಾಗ್ರಹರೂಪಧೃಕ್ ॥ ೧೭೫॥

ಸ ಪಶ್ಯತಿ ಜಗನ್ನಾಥಂ ಕಮಲೋಪಗತಂ ಹರಿಮ್ ।
ಆದೌ ಹರೇರ್ದರ್ಶನಞ್ಚ ಕಾರಯೇದ್ಯೇನ ಕುಣ್ಡಲೀ ॥ ೧೭೬॥

ತತೋ ರುದ್ರಸ್ಯ ಸಞ್ಜ್ಞಾಯಾಂ ಲಾಕಿನ್ಯಾಃ ಶುಭದರ್ಶನಮ್ ।
ಸರ್ವಶಃ ಕ್ರಮಶೋ ನಾಥ ದರ್ಶನಂ ಪ್ರಾಪ್ಯತೇ ನರಃ ॥ ೧೭೭॥

ಶನೈಃ ಶನೈರ್ಮಹಾಕಾಲ ಕೈಲಾಸದರ್ಶನಂ ಭವೇತ್ ।
ಕ್ರಮೇಣ ಸರ್ವಸಿದ್ಧಿಃ ಸ್ಯಾತ್ ಅಷ್ಟಾಙ್ಗಯೋಗಸಾಧನಾತ್ ॥ ೧೭೮॥

ಅಷ್ಟಾಙ್ಗಸಾಧನೇ ಕಾಲೇ ಯದ್ಯತ್ ಕರ್ಮಂ ಕರೋತಿ ಹಿ ।
ತತ್ಸರ್ವಂ ಪರಿಯತ್ನೇನ ಶೃಣು ಸಾದರಪೂರ್ವಕಮ್ ।
ತತ್ಕ್ರಿಯಾದಿಕಮಾಕೃತ್ಯ ಶೀಧ್ರಂ ಯೋಗೀ ಭವಿಷ್ಯತಿ ॥ ೧೭೯॥

॥ ಇತಿ ಶ್ರೀರುದ್ರಯಾಮಲೇ ಉತ್ತರತನ್ತ್ರೇ ಭೈರವೀಭೈರವಸಂವಾದೇ

ಶ್ರೀರಾಕಿಣೀಕೇಶವಸಹಸ್ರನಾಮಸ್ತೋತ್ರಂ ಸಮ್ಪೂರ್ಣಮ್ ॥


Encoded by Mark S.G. Dyczkowski muktAbodha
Proofread by Ravin Bhalekar ravibhalekar@hotmail.com

Please send corrections to sanskrit@cheerful.com
Last updated ತ್oday
http://sanskritdocuments.org

Rakini Kesava Sahasranama Stotram Lyrics in Kannada PDF
% File name : rAkiNIkeshavasahasra.itx
% Category : sahasranAma
% Location : doc\_devii
% Author : Traditional
% Language : Sanskrit
% Subject : philosophy/hinduism/religion
% Transliterated by : Mark S.G. Dyczkowski muktAbodha
% Proofread by : Ravin Bhalekar ravibhalekar at hotmail.com
% Description-comments : rudrayAmale uttaratantre bhairava bhairavI sa.nvAde
% Latest update : April 18, 2008
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 15, 2015 ] at Stotram Website