{॥ ശ്രീരാകിണീകേശവസഹസ്രനാമസ്തോത്രമ് ॥}
ശ്രീഗണേശായ നമഃ ।
ആനന്ദഭൈരവീ ഉവാച ।
കഥയാമി മഹാകാല പരമാദ്ഭുതസാധനമ് ।
കുണ്ഡലീരൂപിണീ ദേവീ രാകിണ്യാഃ കുലവല്ലഭ ॥ ൧॥

മാനസം ദ്രവ്യമാനീയ ചാഥവാ ബാഹ്യദ്രവ്യകമ് ।
അനഷ്ടഹൃഷ്ടചിത്തശ്ച പൂജയേത് സാവധാനതഃ ॥ ൨॥

ഭക്ത്യാ ജപേന്മൂലമന്ത്രം മാനസം സര്വമേവ ച ।
പൂജയിത്വാ തതോ ജപ്ത്വാ ഹോമം കുര്യാത് പരാമൃതൈഃ ॥ ൩॥

സമാസൈഃ പക്വനൈവേദ്യൈഃ സുഗന്ധികുസുമൈസ്തഥാ ।
സ്വയമ്ഭൂകുസുമൈനീത്യമര്ഘ്യം കൃത്ത്വാ നിവേദയേത് ॥ ൪॥

സുമുഖം പൂജയേന്നിത്യം മധുമാംസേന ശങ്കര ।
ഹുത്വാ ഹുത്വാ പുനര്ഹുത്വാ പ്രാണവായ്വഗ്നിസങ്ഗമൈഃ ॥ ൫॥

ഭ്രാമയിത്ത്വാ മനോ ബാഹ്യേ സ്ഥാപയിത്ത്വാ പുനഃ പുനഃ ।
പുനരാഗമ്യഗമനം കാരയിത്ത്വാ സുമങ്ഗലമ് ॥ ൬॥

വാചയിത്ത്വാ സുവാണീഭിര്യാചയിത്ത്വാ സവാപികമ് ।
തര്പണം ചാഭിഷേകഞ്ച കേവലാസവമിശ്രിതൈഃ ॥ ൭॥

മാംസൈര്മുദ്രാദിഭിര്മത്സ്യൈഃ സാരദ്രവ്യൈഃ സപിഷ്ടകൈഃ ।
ഘൃതാദിസുഫലൈര്വാപി യദ് യദായാതി കൌലികേ ॥ ൮॥

അചലാം ഭക്തിമാപ്നോതി വിശ്വാമിത്രോ യഥാ വശീ ।
തത്തദ്ദ്രവ്യൈഃ സാധകേന്ദ്രോ നിത്യം സന്തര്പ്യ സഞ്ജപേത് ॥ ൯॥

ഏതന്മന്ത്രം പാഠിത്ത്വാ ച തര്പണഞ്ച സമാചരേത് ।
തര്പണാന്തേ ചാഭിഷേകം സദാ കുര്യാച്ച താന്ത്രികഃ ॥ ൧൦॥

മൂലാന്തേ ചാഭിഷിഞ്ചാമി നമഃ സ്വാഹാ പദം തതഃ ।
തതോ ഹി പ്രണമേദ്ഭക്ത്യാ അഷ്ടാങ്ഗനതിഭിഃ പ്രഭോ ॥ ൧൧॥

സഹസ്രനാമ്നാ സ്തവനമഷ്ടോത്തരസമന്വിതമ് ।
അര്ധാങ്ഗ രാകിണീയുക്തം രാകിണീകേശവസ്തവമ് ॥ ൧൨॥

ശൃണു തം സകലം നാഥ യത്ര ശ്രദ്ധാ സദാ തവ ।
ശ്രവണാര്ഥം ബഹൂക്തം തത് കൃപയാ തേ വദാമ്യഹ ॥ ൧൩॥

ഏതത് ശ്രവണമാത്രേണ സര്വപാപക്ഷയോ ഭവേത് ।
രാകിണീസങ്ഗമം നാഥ സ്തവനം നാമ പാവനമ് ॥ ൧൪॥

യേ പഠന്തി ശ്രദ്ധയാ ചാശ്രദ്ധയാ വാ പുനഃ പുനഃ ।
തസ്യ സര്വഃ പാപരാശിഃ ക്ഷയം യാതി ക്ഷണാദിഹ ॥ ൧൫॥

കാലേ കാലേ മഹാവീരോ ഭവത്യേവ ഹി യോഗിരാട് ।
സംസാരോത്താരണേ യുക്തോ മഹാബലപരാക്രമഃ ॥ ൧൬॥

ഓം ശ്രീകൃഷ്ണോ മഹാമായാ യാദവോ ദേവരാകിണീ ।
ഗോവിന്ദോ വിശ്വജനനീ മഹാവിഷ്ണുര്മഹേശ്വരീ ॥ ൧൭॥

മുകുന്ദോ മാലതീ മാലാ വിമലാ വിമലാകൃതിഃ ।
രമാനാഥോ മഹാദേവീ മഹായോഗീ പ്രഭാവതീ ॥ ൧൮॥

വൈകുണ്ഠോ ദേവജനനീ ദഹനോ ദഹനപ്രിയാ ।
ദൈത്യാരിര്ദൈത്യമഥിനീ മുനീശോ മൌനഭാവിതാ ॥ ൧൯॥

നാരായണോ ജയകലാ കരുണോ കരുണാമയീ ।
ഹൃഷീകേശഃ കൌശികീ ച കേശവഃ കേശിഘാതിനീ ॥ ൨൦॥

കിശോരാപി കൈശോരീ മഹാകാലീ മഹാകലാ ।
മഹായജ്ഞോ യജ്ഞഹര്ത്രീ ദക്ഷേശോ ദക്ഷകന്യകാ ॥ ൨൧॥

മഹാബലീ മഹാബാലാ ബാലകോ ദേവബാലികാ ।
ചക്രധാരീ ചക്രകരാ ചക്രാങ്ഗഃ ചക്രമദീകാ ॥ ൨൨॥

അമരോ യുവതീ ഭീമോ ഭയാ ദേവോ ദിവിസ്ഥിതാ ।
ശ്രീകരോ വേശദാ വൈദ്യോ ഗുണാ യോഗീ കുലസ്ഥിതാ ॥ ൨൩॥

സമയജ്ഞോ മാനസജ്ഞാ ക്രിയാവിജ്ഞഃ ക്രിയാന്വിതാ ।
അക്ഷരോ വനമാലാ ച കാലരൂപീ കുലാക്ഷരാ ॥ ൨൪॥

വിശാലാക്ഷോ ദീര്ഘനേത്രാ ജയദോ ജയവാഹനാ ।
ശാന്തഃ ശാന്തികരീ ശ്യാമോ വിമലശ്യാമ വിഗ്രഹാ ॥ ൨൫॥

കമലേശോ മഹാലക്ഷ്മീ സത്യഃ സാധ്വീ ശിശുഃ പ്രഭാ ।
വിദ്യുതാകാരവദനോ വിദ്യുത്പുഞ്ജനഭോദയാ ॥ ൨൬॥

രാധേശ്വരോ രാകിണീ ച കുലദേവഃ കുലാമരാ ।
ദക്ഷിണോ ദക്ഷിണീ ശ്രീദാ ക്രിയാദക്ഷോ മഹാലയാ ॥ ൨൭॥

വശിഷ്ഠഗമനോ വിദ്യാ വിദ്യേശോ വാക്സരസ്വതീ ।
അതീന്ദ്രിയോ യോഗമാതാ രണേശീ രണപണ്ഡിതാ ॥ ൨൮॥

കൃതാന്തകോ ബാലകൃഷ്ണാ കമനീയഃ സുകാമനാ ।
അനന്തോ അനന്തഗുണദാ വാണീനാഥോ വിലക്ഷണാ ॥ ൨൯॥

ഗോപാലോ ഗോപവനിതാ ഗോഗോപ കുലാത്മജാ ।
മൌനീ മൌനകരോല്ലാസാ മാനവോ മാനവാത്മജാ ॥ ൩൦॥

സര്വാച്ഛിന്നോ മോഹിനീ ച മായീ മായാ ശരീരജാ ।
അക്ഷുണ്ണോ വജ്രദേഹസ്ഥാ ഗരുഡസ്ഥോ ഹി ഗാരുഡീ ॥ ൩൧॥

സത്യപ്രിയാ രുക്മിണീ ച സത്യപ്രാണോഽമൃതാപഹാ ।
സത്യകര്മാ സത്യഭാമാ സത്യരൂപീ ത്രിസത്യദാ ॥ ൩൨॥

ശശീശോ വിധുവദനാ കൃഷ്ണവര്ണോ വിശാലധീഃ ।
ത്രിവിക്രമോ വിക്രമസ്ഥാ സ്ഥിതിമാര്ഗഃ സ്ഥിതിപ്രിയാ ॥ ൩൩॥

ശ്രീമാധവോ മാധവീ ച മധുഹാ മധുസൂദനീ ।
വൈകുണ്ഠനാഥോ വികലാ വിവേകസ്ഥോ വിവേകിനീ ॥ ൩൪॥

വിവാദസ്ഥോ വിവാദേശീ കുമ്ഭകഃ കുമ്ഭകാരികാ ।
സുധാപാനഃ സുധാരൂപാ സുവേശോ ദേവമോഹിനീ ॥ ൩൫॥

പ്രക്രിയാധാരകോ ധന്യാ ധന്യാര്ഥോ ധന്യവിഗ്രഹാ ।
ധരണീശോ മഹാനന്താ സാനന്തോ നന്ദനപ്രിയാ ॥ ൩൬॥

പ്രിയോ വിപ്രിയഹരാ ച വിപ്രപൂജ്യോ ദ്വിജപ്രിയാ ।
കാന്തോ വിധുമുഖീ വേദ്യോ വിദ്യാ വാഗീശ്വരോഽരുണാ ॥ ൩൭॥

അകാമീ കാമരഹിതാ കമ്രോ വിലചരപ്രിയാ ।
പുണ്ഡരീകോ വികുണ്ഡസ്ഥാ വൈകുണ്ഠോ ബാലഭാവിനീ ॥ ൩൮॥

പദ്മനേത്ര പദ്മമാലാ പദ്മഹസ്തോഽമ്ബുജാനനാ ।
പദ്മനാഭിഃ പദ്മനേത്രാ പദ്മസ്ഥഃ പദ്മവാഹനാ ॥ ൩൯॥

വാസുദേവോ ബൃഹദ്ഗര്ഭാ മഹാമാനീ മഹാഞ്ജനാ ।
കാരുണ്യോ ബാലഗര്ഭാ ച ആകാശസ്ഥോ വിഭാണ്ഡജാ ॥ ൪൦॥

തേജോരാശിസ്തൈജസീ ച ഭയാച്ഛന്നോ ഭയപ്രദാ ।
ഉപേന്ദ്രോ വര്ണജാലസ്ഥാ സ്വതന്ത്രസ്ഥോ വിമാനഗാ ॥ ൪൧॥

നഗേന്ദ്രസ്ഥോ നാഗിനീ ച നഗേശോ നാഗനന്ദിനീ ।
സാര്വഭൌമോ മഹാകാലീ നഗേന്ദ്രഃ നന്ദിനീസുതാ ॥ ൪൨॥

കാമദേവാശ്രയോ മായാ മിത്രസ്ഥോ മിത്രവാസനാ ।
മാനഭങ്ഗകരോ രാവാ വാരണാരിപ്രിയഃ പ്രിയാ ॥ ൪൩॥

രിപുഹാ രാകിണീ മാതാ സുമിത്രോ മിത്രരക്ഷികാ ।
കാലാന്ത കലഹാ ദേവീ പീതവാസാമ്ബരപ്രിയാ ॥ ൪൪॥

പാപഹര്താ പാപഹന്ത്രീ നിഷ്പാപഃ പാപനാശിനീ ।
പരാനന്ദപ്രിയോ മീനാ മീനരൂപീ മലാപഹാ ॥ ൪൫॥

ഇന്ദ്രനീലമണിശ്യാമോ മഹേന്ദ്രോ നീലരൂപിണീ ।
നീലകണ്ഠപ്രിയോ ദുര്ഗാ ദുര്ഗാദുര്ഗതിനാശിനീ ॥ ൪൬॥

ത്രികോണമന്ദിരശ്രീദോ വിമായാ മന്ദിരസ്ഥിതാ ।
മകരന്ദരസോല്ലാസോ മകരന്ദരസപ്രിയാ ॥ ൪൭॥

ദാരുണാരിനിഹന്താ ച ദാരുണാരിവിനാശിനീ ।
കലികാലകുലാചാരഃ കലികാലഫലാവഹാ ॥ ൪൮॥

കാലക്ഷേത്രസ്ഥിതോ രൌദ്രീ വ്രതസ്ഥോ വ്രതധാരിണീ ।
വിശാലാക്ഷോ വിശാലാസ്യാ ചമത്കാരോ കരോദ്യമാ ॥ ൪൯॥

ലകാരസ്ഥോ ലാകിനീ ച ലാങ്ഗലീ ലോലയാന്വിതാ ।
നാകസ്ഥോ നാകപദകാ നാകാക്ഷോ നാകരക്ഷകാ ॥ ൫൦॥

കാമഗോ നാമസമ്ബന്ധാ സാമവേദവിശോധികാ ।
സാമവേദഃ സാമസന്ധ്യാ സാമഗോ മാംസഭക്ഷിണീ ॥ ൫൧॥

സര്വഭക്ഷോ രാത്രഭക്ഷാ രേതസ്ഥോ രേതപാലിനീ ।
രാത്രികാരീ മഹാരാത്രിഃ കാലരാത്രോ മഹാനിശാ ॥ ൫൨॥

നാനാദോഷഹരോ മാത്രാ മാരഹന്താ സുരാപഹാ ।
ചന്ദനാങ്ഗീ നന്ദപുത്രീ നന്ദപാലഃ വിലോപിനീ ॥ ൫൩॥

മുദ്രാകാരീ മഹാമുദ്രാ മുദ്രിതോ മുദ്രിതാ രതിഃ ।
ശാക്തോ ലാക്ഷാ വേദലാക്ഷീ ലോപാമുദ്രാ നരോത്തമാ ॥ ൫൪॥

മഹാജ്ഞാനധരോഽജ്ഞാനീ നീരാ മാനഹരോഽമരാ ।
സത്കീര്തീസ്ഥോ മഹാകീര്തീഃ കുലാഖ്യോ കുലകീര്തീതാ ॥ ൫൫॥

ആശാവാസീ വാസനാ സാ കുലവേത്താ സുഗോപിതാ ।
അശ്വത്ഥവൃക്ഷനിലയോ വൃക്ഷസാരനിവാസിനീ ॥ ൫൬॥

നിത്യവൃക്ഷോ നിത്യലതാ ക്ലൃപ്തഃ ക്ലൃപ്തപദസ്ഥിതഃ ।
കല്പവൃക്ഷോ കല്പലതാ സുകാലഃ കാലഭക്ഷികാ ॥ ൫൭॥

സര്വാലങ്കാരഭൂഷാഢ്യോ സര്വാലങ്കാരഭൂഷിതാ ।
അകലങ്കീ നിരാഹാരാ ദുര്നീരീക്ഷ്യോ നിരാപദാ ॥ ൫൮॥

കാമകര്താ കാമകാന്താ കാമരൂപീ മഹാജവാ ।
ജയന്തോ യാജയന്തീ ച ജയാഖ്യ ജയദായിനീ ॥ ൫൯॥

ത്രിജീവനോ ജീവമാതാ കുശലാഖ്യോ വിസുന്ദരാ ।
കേശധാരീ കേശിനീ ച കാമജോ കാമജാഡ്യദാ ॥ ൬൦॥

കിങ്കരസ്ഥോ വികാരസ്ഥാ മാനസംജ്ഞോ മനീഷിണീ ।
മിഥ്യാഹരോ മഹാമിഥ്യാ മിഥ്യാസര്ഗോ നിരാകൃതി ॥ ൬൧॥

നാഗയജ്ഞോപവീതശ്ച നാഗമാലാവിഭൂഷിതാ ।
നാഗാഖ്യോ നാഗകുലപാ നായകോ നായികാ വധൂഃ ॥ ൬൨॥

നായകക്ഷേമദോ നാരീ നരോ നാരായണപ്രിയാ ।
കിരാതവര്ണോ രാസജ്ഞീ താരകോ ഗുണതാരികാ ॥ ൬൩॥

ശങ്കരാഖ്യോഽമ്ബുജാകാരാ കൃപണഃ കൃപണാവതീ ।
ദേശഗോ ദേശസന്തോഷാ ദര്ശോ ദര്ശനിവാസിനീ ॥ ൬൪॥

ദര്ശനജ്ഞോ ദര്ശനസ്ഥാ ദൃഗ് ദൃദിക്ഷാ സുരോഽസുരാഃ ।
സുരപാലോ ദേവരക്ഷാ ത്രിരക്ഷോ രക്ഷദേവതാ ॥ ൬൫॥

ശ്രീരാമസേവീ സുഖദാ സുഖദോ വ്യാസവാസിനീ ।
വൃന്ദാവനസ്ഥോ വൃന്ദാ ച വൃന്ദാവന്യോ മഹത്തനൂ ॥ ൬൬॥

ബ്രഹ്മരൂപീ ത്രിതാരീ ച താരകാക്ഷോ ഹി താരിണീ ।
തന്ത്രര്ഥജ്ഞഃ തന്ത്രവിദ്യാ സുതന്ത്രജ്ഞഃ സുതന്ത്രികാ ॥ ൬൭॥

തൃപ്തഃ സുതൃപ്താ ലോകാനാം തര്പണസ്ഥോ വിലാസിനീ ।
മയൂരാ മന്ദിരരതോ മഥുരാ മന്ദിരേഽമലാ ॥ ൬൮॥

മന്ദിരോ മന്ദിരാദേവീ നിര്മായീ മായസംഹരാ ।
ശ്രീവത്സഹൃദയോ വത്സാ വത്സലോ ഭക്തവത്സലാ ॥ ൬൯॥

ഭക്തപ്രിയോ ഭക്തഗമ്യാ ഭക്തോ ഭക്തിഃ പ്രഭുഃ പ്രഭാ ।
ജരോ ജരാ വരോ രാവാ ഹവിര്ഹേമാ ക്ഷമഃ ക്ഷിതി ॥ ൭൦॥

ക്ഷോണീപോ വിജയോല്ലാസാ വിജയോജയരൂപിണീ ।
ജയദാതാ ദാതൃജായാ ബലിപോ ബലിപാലികാ ॥ ൭൧॥

കൃഷ്ണമാര്ജാരരൂപീ ച കൃഷ്ണമാര്ജാരരൂപിണീ ।
ഘോടകസ്ഥോ ഹയസ്ഥാ ച ഗജഗോ ഗജവാഹനാ ॥ ൭൨॥

ഗജേശ്വരോ ഗജാധാരാ ഗജോ ഗര്ജനതത്പരാ ।
ഗയാസുരോ ഗയാദേവീ ഗജദര്പോ ഗജാപീതാ ॥ ൭൩॥

കാമനാഫലസിദ്ധ്യര്ഥീ കാമനാഫലസിദ്ധിദാ ।
ധര്മദാതാ ധര്മവിദ്യാ മോക്ഷദോ മോക്ഷദായിനീ ॥ ൭൪॥

മോക്ഷാശ്രയോ മോക്ഷകര്ത്രീ നന്ദഗോപാല ഈശ്വരീ ।
ശ്രീപതിഃ ശ്രീമഹാകാലീ കിരണോ വായുരൂപിണീ ॥ ൭൫॥

വായ്വാഹാരീ വായുനിഷ്ഠാ വായുബീജയശസ്വിനീ ।
ജേതാ ജയന്തീ യാഗസ്ഥോ യാഗവിദ്യാ ശിവഃ ശിവാ ॥ ൭൬॥

വാസവോ വാസവസ്ഥീ ച വാസാഖ്യോ ധനവിഗ്രഹാ ।
ആഖണ്ഡലോ വിഖണ്ഡാ ച ഖണ്ഡസ്ഥോ ഖണ്ഡഖഞ്ജനീ ॥ ൭൭॥

ഖഡ്ഗഹസ്തോ ബാണഹസ്താ ബാണഗോ ബാണവാഹനാ ।
സിദ്ധാന്തജ്ഞോ ധ്വാന്തഹന്ത്രീ ധനസ്ഥോ ധാന്യവര്ദ്ധീനീ ॥ ൭൮॥

ലോകാനുരാഗോ രാഗസ്ഥാ സ്ഥിതഃ സ്ഥാപകഭാവനാ ।
സ്ഥാനഭ്രഷ്ടോഽപദസ്ഥാ ച ശരച്ചന്ദ്രനിഭാനനാ ॥ ൭൯॥

ചന്ദ്രോദയശ്ചന്ദ്രവര്ണാ ചാരുചന്ദ്രോ രുചിസ്ഥിതാ ।
രുചികാരീ രുചിപ്രീതാ രചനോ രചനാസനാ ॥ ൮൦॥

രാജരാജോ രാജകന്യാ ഭുവനോ ഭുവനാശ്രയാ ।
സര്വജ്ഞഃ സര്വതോഭദ്രാ വാചാലോ ലയധാതിനീ ॥ ൮൧॥

ലിങ്ഗരൂപധരോ ലിങ്ഗാ കലിങ്ഗഃ കാലകേശരീ ।
കേവലാനന്ദരൂപാഖ്യോ നിര്വാണമോക്ഷദായിനീ ॥ ൮൨॥

മഹാമേഘഗാഢ മഹാനന്ദരൂപാ മഹാമേഘജാലോ മഹാഘോരരൂപാ ।
മഹാമേഘമാലഃ സദാകാരപാലാ മഹാമേഘമാലാമലാലോലകാലീ ॥ ൮൩॥

വിയദ്വ്യാപകോ വ്യാപികാ സര്വദേഹേ മഹാശൂരവീരോ മഹാധര്മവീരാ ।
മഹാകാലരൂപീ മഹാചണ്ഡരൂപാ വിവേകീ മദൈകീ കുലേശഃ കുലേശീ ॥ ൮൪॥

സുമാര്ഗീ സുഗീതാ ശുചിസ്വോ വിനിതാ മഹാര്കോ വിതര്കാ സുതര്കോഽവിതര്കാ ।
കൃതീന്ദ്രോ മഹേന്ദ്രീ ഭഗോ ഭാഗ്യചന്ദ്രാ ചതുര്ഥോ മഹാര്ഥാ നഗഃ കീര്തീചന്ദ്രാ ॥ ൮൫॥

വിശിഷ്ടോ മഹേഷ്ടിര്മനസ്വീ സുതുഷ്ടിര്മഹാഷഡ്ദലസ്ഥോ മഹാസുപ്രകാശാ ।
ഗലച്ചന്ദ്രധാരാമൃതസ്നിഗ്ധദേഹോ ഗലത്കോടിസൂര്യപ്രകാശാഭിലാഷാ ॥ ൮൬॥

മഹാചണ്ഡവേഗോ മഹാകുണ്ഡവേഗീ മഹാരുണ്ഡഖണ്ഡോ മഹാമുണ്ഡഖണ്ഡാ ।
കുലാലഭ്രമച്ചക്രസാരഃ പ്രകാരാ കുലാലോ മലാകാ രചക്രപ്രസാരീ ॥ ൮൭॥

കുലാലക്രിയാവാന് മഹാഘോരഖണ്ഡഃ കുലാലക്രമേണ ഭ്രമജ്ഞാനഖണ്ഡാ ।
പ്രതിഷ്ഠഃ പ്രതിഷ്ഠാ പ്രതീക്ഷഃ പ്രതീക്ഷാ മഹാഖ്യോ മഹാഖ്യാ സുകാലോഽതിദീക്ഷാ ॥ ൮൮॥

മഹാപഞ്ചമാചാരതുഷ്ടഃ പ്രചേഷ്ടാ മഹാപഞ്ചമാ പ്രേമഹാ കാന്തചേഷ്ടാ ।
മഹാമത്തവേശോ മഹാമങ്ഗലേശീ സുരേശഃ ക്ഷപേശീ വരോ ദീര്ഘവേശാ ॥ ൮൯॥

ചരോ ബാഹ്യനിഷ്ഠാ ചരശ്ചാരുവര്ണാ കുലാദ്യോഽകുലാദ്യാ യതിര്യാഗവാദ്യാ ।
കുലോകാപഹന്താ മഹാമാനഹന്ത്രീ മഹാവിഷ്ണുയോഗീ മഹാവിഷ്ണുയോഗാ ॥ ൯൦॥

ക്ഷിതിക്ഷോഭഹന്താ ക്ഷിതിക്ഷുബ്ധബാധാ മഹാര്ഘോ മഹാര്ഘാ ധനീ രാജ്യകാര്യാ ।
മഹാരാത്രി സാന്ദ്രാന്ധകാരപ്രകാശോ മഹാരാത്രി സാന്ദ്രാന്ധകാരപ്രവേശാ ॥ ൯൧॥

മഹാഭീമഗമ്ഭീരശബ്ദപ്രശബ്ദോ മഹാഭീമഗമ്ഭീരശബ്ദാപശബ്ദാ ।
കുലാ ജ്ഞാനദാത്രീ യമോ യാമയാത്രാ വശീ സൂക്ഷ്മവേശാശ്വഗോ നാമമാത്രാ ॥ ൯൨॥

ഹിരണ്യാക്ഷഹന്താ മഹാശത്രുഹന്ത്രീ വിനാശപ്രിയോ ബാണനാശപ്രിയാ ച ।
മഹാഡാകിനീശോ മഹാരാകിണീശോ മഹാഡാകിനീ സാ മഹാരാകിണീ സാ ॥ ൯൩॥

മുകുന്ദോ മഹേന്ദ്രോ മഹാഭദ്രചന്ദ്രാ ക്ഷിതിത്യാഗകര്താ മഹായോഗകര്ത്രീ ।
ഹിതോ മാരഹന്ത്രീ മഹേശേശ ഇന്ദ്രാ ഗതിക്ഷോഭഭാവോ മഹാഭാവപുഞ്ജാ ॥ ൯൪॥

ശശീനാം സമൂഹോ വിധോഃ കോടിശക്തിഃ കദമ്ബാശ്രിതോ വാരമുഖ്യാ സതീനാ ।
മഹോല്ലാസദാതാ മഹാകാലമാതാ സ്വയം സര്വപുത്രഃ സ്വയം ലോകപുത്രീ ॥ ൯൫॥

മഹാപാപഹന്താ മഹാഭാവഭര്ത്രീ ഹരിഃ കാര്തീകീ കാര്തീകോ ദേവസേനാ ।
ജയാപ്തോ വിലിപ്താ കുലാപ്തോ ഗണാപ്താ സുവീര്യോ സഭാഷാ ക്ഷിതീശോഽഭിയാതാ ॥ ൯൬॥

ഭവാന് ഭാവലക്ഷ്മീഃ പ്രിയഃ പ്രേമസൂക്ഷ്മാ ജനേശോ ധനേശീ കൃപോ മാനഭങ്ഗാ ।
കഠോരോത്കടാനാം മഹാബുദ്ധിദാതാ കൃതിസ്ഥാ ഗുണജ്ഞോ ഗുണാനന്ദവിജ്ഞാ ॥ ൯൭॥

മഹാകാലപൂജ്യോ മഹാകാലപൂജ്യാ ഖഗാഖ്യോ നഗാഖ്യാ ഖരഃ ഖഡ്ഗഹസ്താ ।
അഥര്വോഽഥര്വാന്ദോലിതസ്ഥഃ മഹാര്ഥാ ഖഗക്ഷോഭനാശാ ഹവിഃ കൂടഹാലാ ॥ ൯൮॥

മഹാപദ്മ മാലാധൃതോ ഗാണപത്യാ ഗണസ്ഥോ ഗഭീരാ ഗുരുഃ ജ്ഞാനഗമ്യാ ।
ഘടപ്രാണദാതാ ഘനാകാരരൂപാ ഭയാര്ഥോങബീജാങവാരീങകര്താ ॥ ൯൯॥

ഭവോ ഭാവമാതാ നരോ യാമധ്യാതാ ചലാന്തോഽചലാഖ്യാ ചയോഽഞ്ജാലികാ ച ।
ഛലജ്ഞശ്ഛലാഢ്യാ ഛകാരശ്ഛകാരാ ജയോ ജീവനസ്ഥാ ജലേശോ ജലേശാ ॥ ൧൦൦॥

ജപഞ്ജാപകാരീ ജഗജ്ജീവനീശാ ജഗത്പ്രാണനാഥോ ജഗദാല്ഹാദകാരീ ।
ഝരോ ഝര്ഝരീശാ ഝനത്കാരശബ്ദോ ഝനഞ്ഝഞ്ജനാനാദഝങ്കാരരാവാ ॥ ൧൦൧॥

ഞചൈതന്യകാരീ ഞകൈവല്യനാരീ ഹനോല്ലാസധാരീ ടനത്ടങ്കഹസ്താ ।
ഠരേശോ പവിഷ്ടശ്ഠകാരാദികോടീ ഡരോ ഡാകിനീശോ ഡരേശോ ഡമാരാ ॥ ൧൦൨॥

ഢമേശോ ഹി ഢക്കാ വരസ്ഥാനബീജോ ണവര്ണാ തമാലതനുഃ സ്ഥാനനിഷ്ഠാ ।
ഥകാരാര്ണമാനസ്ഥനിസ്ഥോഽസംഖ്യാ ദയാവാന് ദയാര്ദ്രാ ധനേശോ ധനാഢ്യാ ॥ ൧൦൩॥

നവീനോ നഗേഭാഗതീര്ണാങ്ഗഹാരോ നഗേശീ പരഃ പാരണീ സാദിപാലാ ।
ഫലാത്മാ ഫലാ ഫാല്ഗുനീ ഫേണനാശഃ ഫലാഭൂഷണാഢ്യാ വശീ വാസരമ്യാ ॥ ൧൦൪॥

ഭഗാത്മാ ഭവസ്ത്രീ മഹാബീജമാനോ മഹാബീജമാലാ മുകുന്ദഃ സുസൂക്ഷ്മാ ।
യതിസ്ഥാ യശസ്ഥാ രതാനന്ദകര്താ രതിര്ലാകിനീശോ ലയാര്ഥ പ്രചണ്ഡാ ॥ ൧൦൫॥

പ്രവാലാങ്ഗധാരീ പ്രവാലാങ്ഗമാലാ ഹലോഹാലഹേലാപദഃ പാദതാലാ ।
വശീന്ദ്രഃ പ്രകാശോ വരസ്ഥാനവാസാ ശിവഃ ശ്രീധരാങ്ഗഃ ശലാകാ ശിലാ ച ॥ ൧൦൬॥

ഷഡാധാരവാസീ ഷഡാധാരവിദ്യാ ഷഡാമ്ഭോജസംസ്ഥഃ ഷഡബ്ജോപവിഷ്ടാ ।
സദാ സാധരോഗ്രോപവിഷ്ടാഽപരാഗീ സുസൂക്താപയസ്ഥാ പലാശ്രയസ്ഥിതാ ॥ ൧൦൭॥

ഹരസ്ഥോഗ്രകര്മാ ഹരാനന്ദധാരാ ലഘുസ്ഥോ ലിപിസ്ഥാ ക്ഷയീക്ഷുബ്ധക സംഖ്യാ ।
അനന്തോ നിര്വാണാഹരാകാരബീജാ ഉരസ്ഥോഽപ്യുരുസ്ഥാ ഉരാ ഊര്ധ്വരൂപാ ॥ ൧൦൮॥

ഋചസ്ഥോ ഹി ൠഗാലസോ ദീര്ഘലൃസ്ഥാ ത്വമേകോ ഹി ചൈമ്ബീജഗുര്വീ ഗുണസ്ഥാ ।
സദൌങ്കാരവര്ണാ ഹ്സൌംകാരബീജാ അസങ്കാരചന്ദ്രോ ഹ്യുസഃ കാരവീരാ ॥ ൧൦൯॥

ഹരീന്ദ്രോ ഹരീശാ ഹരിഃ കൃഷ്ണരൂപാ ശിവോ വേദഭാഷാ ച ശൌരിഃ പ്രസങ്ഗാ ।
ഗണാധ്യക്ഷരൂപീ പരാനന്ദഭക്ഷാ പരേശോ ഗണേശീ രസോ വാസപൂജ്യാ ॥ ൧൧൦॥

ചകോരി കുലപ്രാണബുദ്ധിസ്ഥിതിസ്ഥാ സ്വയം കാമധേനുസ്വരൂപീ വിരൂപാ ।
ശ്രീഹിരണ്യപ്രഭഃ ശ്രീ ഹിരണ്യപ്രഭാങ്ഗീ പ്രഭാതാര്കവര്ണോഽരുണാകാരണാങ്ഗീ ॥ ൧൧൧॥

വിഭാ കോടിധാരാ ധരാധാര കോഷാ രണീശോ പ്രത്യാദികൂടോഽധരോ ധാരണാ ശൌരിരാര്യാ ।
മഹായജ്ഞസംസ്ഥോ മഹായജ്ഞനിഷ്ഠാ സദാകര്മസങ്ഗഃ സദാമങ്ഗരങ്ഗാ ॥ ൧൧൨॥

കിരാതീപതി രാകിണീ കാലപുത്രീ ശിലാകോട നിര്മാണദോഹാ വിശാലാ ।
കലാര്കകലസ്ഥോ കലാകിങ്കിണീസ്ഥാ കിശോരഃ കിശോരീ കുരുക്ഷേത്രകന്യാ ॥ ൧൧൩॥

മഹാലാങ്ഗലിശ്രീ ബലോദ്ധാമകൃഷ്ണഃ കുലാലാദിവിദ്യാഽഭയോ ഭാവശൂന്യാ ।
മഹാലാകിനീ കാകിനീ ശാകിനീശോ മഹാസുപ്രകാശാ പരോ ഹാകിനീശാ ॥ ൧൧൪॥

കുരുക്ഷേത്രവാസീ കുരുപ്രേമമൂര്തീ ര്മഹാഭൂതിഭോഗീ മഹായോഗിനീ ച ।
കുലാങ്ഗാരകാരോ കുലാങ്ഗീശകന്യാ തൃതീയസ്തൃതീയാഽദ്വിതീയോഽദ്വിതീയാ ॥ ൧൧൫॥

മഹാകന്ദവാസീ മഹാനന്ദകാശീ പുരഗ്രാമവാസീ മഹാപീഠദേശാ ।
ജഗന്നാഥ വക്ഷഃ സ്ഥലസ്ഥോ വരേണ്യാ ച്യുതാനന്ദകര്താ രസാനന്ദകര്ത്രീ ॥ ൧൧൬॥

ജഗദ്ദീപകലോ ജഗദ്ദീപകാലീ മഹാകാമരൂപീ മഹാകാമപീഠാ ।
മഹാകാമപീഠസ്ഥിരോ ഭൂതശുദ്ധി ര്മഹാഭൂതശുദ്ധിഃ മഹാഭൂതസിദ്ധിഃ ॥ ൧൧൭॥

പ്രഭാന്തഃ പ്രവീണാ ഗുരുസ്ഥോ ഗിരിസ്ഥാ ഗലദ്ധാരധാരീ മഹാഭക്തവേഷാ ।
ക്ഷണക്ഷുന്നിവൃത്തിനീവൃത്താന്തരാത്മാ സദന്തര്ഗതസ്ഥാ ലയസ്ഥാനഗാമീ ॥ ൧൧൮॥

ലയാനന്ദകാമ്യാ വിസര്ഗാപ്തവര്ഗോ വിശാലാക്ഷമാര്ഗാ കുലാര്ണഃ കുലാര്ണാ ।
മനസ്ഥാ മനഃശ്രീഃ ഭയാനന്ദദാതാ സദാ ലാണഗീതാ ഗജജ്ഞാനദാതാ മഹാമേരുപായാ ॥ ൧൧൯॥

തരോര്മൂലവാസീ തരജ്ഞോപദര്ശാ സുരേശഃ സമേശഃ സുരേശാ സുഖീ ഖഡ്ഗനിഷ്ഠാ ।
ഭയത്രാണകര്താ ഭയജ്ഞാനഹന്ത്രീ ജനാനാം മഖസ്ഥോ മഖാനന്ദഭങ്ഗാ ॥ ൧൨൦॥

മഹാസത്പഥസ്ഥോ മഹാസത്പഥജ്ഞാ മഹാബിന്ദുമാനോ മഹാബിന്ദുമാനാ ।
ഖഗേന്ദ്രോപവിഷ്ടോ വിസര്ഗാന്തരസ്ഥാ വിസര്ഗപ്രവിഷ്ടോ മഹാബിന്ദുനാദാ ॥ ൧൨൧॥

സുധാനന്ദഭക്തോ വിധാനന്ദമുക്തിഃ ശിവാനന്ദസുസ്ഥോ വിനാനന്ദധാത്രീ ।
മഹാവാഹനാഹ്ലാദകാരീ സുവാഹാ സുരാനന്ദകാരാ ഗിരാനന്ദകാരീ ॥ ൧൨൨॥

ഹയാനന്ദകാന്തിഃ മതങ്ഗസ്ഥദേവോ മതങ്ഗാധിദേവീ മഹാമത്തരൂപഃ ।
തദേകോ മഹാചക്രപാണിഃ പ്രചണ്ഡാ ഖിലാപസ്ഥലസ്ഥോഽവിഹമ്നീശപത്നീ ॥ ൧൨൩॥

ശിഖാനന്ദകര്താ ശിഖാസാരവാസീ സുശാകമ്ഭരീ ക്രോഷ്ടരീ വേദവേദീസുഗന്ധാ ।
യുഗോ യോഗകന്യാ ദവോ ദീര്ഘകന്യാ ശരണ്യഃ ശരണ്യാ മുനിജ്ഞാനഗമ്യാ സുധന്യഃ സുധന്യാ ॥ ൧൨൪॥

ശശീ വേദജന്യാ യമീ യാമവാമാ ഹ്യകാമോ ഹ്യകാമാ സദാ ഗ്രാമകാമാ ।
ധൃതീശഃ ധൃതീശാ സദാ ഹാടകസ്ഥാഽ യനേശോഽയനേശീ ഭകാരോ ഭഗീരാ ॥ ൧൨൫॥

ചലത്ഖഞ്ജനസ്ഥഃ ഖലത്ഖേലനസ്ഥാ വിവാതീ കിരാതീ ഖിലാങ്ഗോഽഖിലാങ്ഗീ ।
ബൃഹത്ഖേചരസ്ഥോ ബൃഹത്ഖേചരീ ച മഹാനാഗരാജോ മഹാനാഗമാലാ ॥ ൧൨൬॥

ഹകാരാര്ദ്ധസംജ്ഞാ വൃതോഹാരമാലാ മഹാകാലനേമിപ്രഹാ പാര്വതീ ച ।
തമിസ്രാ തമിസ്രാവൃതോ ദുഃഖഹത്യാ വിപന്നോ വിപന്നാ ഗുണാനന്ദകന്യാ ॥ ൧൨൭॥

സദാ ദുഃഖഹന്താ മഹാദുഃഖഹന്ത്രീ പ്രഭാതാര്ക വര്ണഃ പ്രഭാതാരുണശ്രീഃ ।
മഹാപര്വതപ്രേമഭാവോപപന്നോ മഹാദേവപത്നീശഭാവോപപന്നാ ॥ ൧൨൮॥

മഹാമോക്ഷനീലപ്രിയാ ഭക്തിദാതാ നയാനന്ദ ഭക്തിപ്രദാ ദേവമാതാ ॥ ൧൨൯॥

ഇത്യേതത്കഥിതം നാഥ മഹാസ്തോത്രം മനോരമമ് ।
സഹസ്രനാമയോഗാഽങ്ഗമഷ്ടോത്തരസമന്വിതമമ് ॥ ൧൩൦॥

യഃ പഠേത് പ്രാതരുത്ഥായ ശുചിര്വാശുചിമാനസഃ ।
ഭക്ത്യാ ശാന്തിമവാപ്നോതി അനായാസേന യോഗിരാട് ॥ ൧൩൧॥

പ്രത്യഹം ധ്യാനമാകൃത്യ ത്രിസന്ധ്യം യഃ പഠേത് ശുചിഃ ।
ഷണ്മാസാത് പരമോ യോഗീ സത്യം സത്യം സുരേശ്വര ॥ ൧൩൨॥

അകാലമൃത്യുഹരണം സര്വവ്യാധിവിനാശനമ് ।
അപമൃത്യ്വാദിഹരണം വാരമേകം പഠേദ്യദി ॥ ൧൩൩॥

പഠിത്ത്വാ യേ ന ഗച്ഛന്തി വിപത്കാലേ മഹാനിശി ।
അനായാസേന തേ യാന്തി മഹാഘോരേ ഭയാര്ണവേ ॥ ൧൩൪॥

അകാലേ യഃ പഠേന്നിത്യം സുകാലസ്തത്ക്ഷണാദ്ഭവേത് ।
രാജസ്വഹരണേ ചൈവ സുവൃത്തിഹരണാദികേ ॥ ൧൩൫॥

മാസൈകപഠനാദേവ രാജസ്വം സ ലഭേദ് ധ്രുവമ് ।
വിചരന്തി മഹാവീരാഃ സ്വര്ഗേ മര്ത്യേ രസാതലേ ॥ ൧൩൬॥

ഗണേശതുല്യവലിനോ മഹാക്രോധശരീരിണഃ ।
ഏതത്സ്തോത്രപ്രസാദേന ജീവന്മുക്തോ മഹീതലേ ॥ ൧൩൭॥

മഹാനാമസ്തോത്രസാരം ധര്മാധര്മനിരൂപണമ് ।
അകസ്മാത് സിദ്ധിദം കാമ്യം കാമ്യം പരമസിദ്ധിദമ് ॥ ൧൩൮॥

മഹാകുലകുണ്ഡലിന്യാഃ ഭവാന്യാഃ സാധനേ ശുഭേ ।
അഭേദ്യഭേദനേ ചൈവ മഹാപാതകനാശനേ ॥ ൧൩൯॥

മഹാഘോരതരേ കാലേ പഠിത്വാ സിദ്ധിമാപ്നുയാത് ।
ഷട്ചക്രസ്തമ്ഭനം നാഥ പ്രത്യഹം യഃ കരോതി ഹി ॥ ൧൪൦॥

മനോഗതിസ്തസ്യ ഹസ്തേ സ ശിവോ ന തു മാനുഷഃ ।
യോഗാഭ്യാസം യഃ കരോതി ന സ്തവഃ പഠ്യതേ യദി ॥ ൧൪൧॥

യോഗഭ്രഷ്ടോ ഭവേത് ക്ഷിപ്രം കുലാചാരവിലങ്ഘനാത് ।
കുലീനായ പ്രദാതവ്യം ന ഖല്വകുലേശ്വരമ് ॥ ൧൪൨॥

കുലാചാരം സമാകൃത്യ ബ്രാഹ്മണാഃ ക്ഷത്രിയാദയഃ ।
യോഗിനഃ പ്രഭവന്ത്യേവ സ്തോത്രപാഠാത് സദാമരാഃ ॥ ൧൪൩॥

ആനന്ദഭൈരവ ഉവാച
വദ കാന്തേ രഹസ്യം മേ മയാ സര്വഞ്ച വിസ്മൃതമ് ।
മഹാവിഷം കാലകൂടം പീത്ത്വാ ദേവാദിരക്ഷണാത് ॥ ൧൪൪॥

കണ്ഠസ്ഥാഃ ദേവതാഃ സര്വാ ഭസ്മീഭൂതാഃ സുസമ്ഭൃതാഃ ।
മഹാവിഷജ്വാലയാ ച മമ ദേഹസ്ഥദേവതാഃ ॥ ൧൪൫॥

കൈവല്യനിരതാഃ സര്വേ പ്രാര്ഥയന്തി നിരന്തരമ് ।
ഷട്ചക്രം കഥയിത്വാ തു സന്തോഷം മേ കുരു പ്രഭോ ।
ഷട്ചക്രഭേദകഥനമമൃതശ്രവണാദികമ് ॥ ൧൪൬॥

കഥിത്വാ മമ സന്തോഷം കുരു കല്യാണി വല്ലഭേ ।
അമൃതാനന്ദജലധൌ സുധാഭിഃ സിക്തവിഗ്രഹമ് ॥ ൧൪൭॥

കൃത്ത്വാ കഥയ ശീഘ്രം മേ ചായുഷം പരിവര്ധയ ।
ആനന്ദഭൈരവീ ഉവാച
നിഗൂഢാര്ഥ മഹാകാല കാലേശ ജഗദീശ്വര ॥ ൧൪൮॥

ഭൈരവാനന്ദനിലയ കാലകൂടനിഷേവണ ।
ഇദാനീം ശൃണു യോഗാര്ഥ മയി സംയോഗ ഏവ ച ॥ ൧൪൯॥

ശ്രുത്വാ ചൈതത്ക്രിയാകാര്യം നരോ യോഗീശ്വരോ ഭവേത് ।
മമോദ്ഭവഃ ഖേഽമലേ ച സര്വാകാരവിവര്ജീതേ ॥ ൧൫൦॥

ഭ്രൂമധ്യേ സര്വദേഹേ ച സ്ഥാപയിത്വാ ച മാം നരഃ ।
ഭാവ്യതേ ചാപരിച്ഛന്നം ബ്രഹ്മവിഷ്ണുശിവാത്മകമ് ॥ ൧൫൧॥

മമ രൂപം മഹാകാല സത്ത്വരജസ്തമഃ പ്രിയമ് ।
കേവലം രജോയോഗേന ശരീരം നാപി തിഷ്ഠതി ॥ ൧൫൨॥

തഥാ കേവലയോഗേന തമസാ നാപി തിഷ്ഠതി ।
തഥാ കേവലസത്ത്വേന കുതോ ദേഹീ പ്രതിഷ്ഠതി ।
അതസ്ത്രിഗുണയോഗേന ധാരയാമി നവാങ്ഗകമ് ॥ ൧൫൩॥

ശനൈഃ ശനൈഃ വിജേതവ്യാഃ സത്ത്വരജസ്തമോഗുണാഃ ।
ആദൌ ജിത്വാ രജോധര്മം പശ്ചാത്താമസമേവ ച ॥ ൧൫൪॥

സര്വശേഷേ സത്ത്വഗുണം നരോ യോഗീശ്വരോ ഭവേത് ।
ഗുണവാന് ജ്ഞാനവാന് വാഗ്മീ സുശ്രീര്ധര്മീ ജിതേന്ദ്രിയഃ ॥ ൧൫൫॥

ശുദ്ധനിര്മലസത്വം തു ഗുണമാശ്രിത്യ മോക്ഷഭാക് ।
സദാ സത്ത്വഗുണാച്ഛന്നം പുരുഷം കാല ഏവ ച ॥ ൧൫൬॥

പശ്യതീഹ ന കദാചിജ്ജരാമൃത്യുവിവര്ജീതമ് ।
തം ജനം പരമം ശാന്തം നിര്മലം ദ്വൈതവര്ജീതമ് ॥ ൧൫൭॥

സര്വത്യാഗിനമാത്മാനം കാലഃ സര്വത്ര രക്ഷതി ।
ജലേ വാ പര്വതേ വാപി മഹാരണ്യേ രണസ്ഥലേ ॥ ൧൫൮॥

ഭൂഗര്ത്തനിലയേ ഭീതേ സംഹാരേ ദുഷ്ടവിഗ്രഹേ ।
സന്തിഷ്ഠതി മഹായോഗീ സത്യം സത്യം കുലേശ്വര ॥ ൧൫൯॥

മഹായോഗം ശൃണു പ്രാണവല്ലഭ ശ്രീനികേതന ।
യോഗാര്ഥം പരമം ബ്രഹ്മയോഗാര്ഥ പരന്തപഃ ॥ ൧൬൦॥

യേ ജാനന്തി മഹായോഗം മിരയന്തേ ന ച തേ നരാഃ ।
കൃത്വാ കൃത്വാ ഷഡ്ദലസ്യ സാധനം കൃത്സ്നസാധനമ് ॥ ൧൬൧॥

തതഃ കുര്യാന്മൂലപദ്മേ കുണ്ഡലീപരിചാലനമ് ।
മുഹുര്മുഹുശ്ചാലനേന നരോ യോഗീശ്വരോ ഭവേത് ॥ ൧൬൨॥

ഏകാന്തനിര്മലേ ദേശേ ദുര്ഭീക്ഷാദിവിവര്ജീതേ ।
വര്ഷമേകാസനേ യോഗീ യോഗമാര്ഗപരോ ഭവേത് ॥ ൧൬൩॥

പദ്മാസനം സദാ കുര്യാദ് ബദ്ധപദ്മാസനം തഥാ ।
മഹാപദ്മാസനം കൃത്വാ തഥാ ചാസനമഞ്ജനമ് ॥ ൧൬൪॥

തത്പശ്ചാത് സ്വസ്തികാഖ്യഞ്ച ബദ്ധസ്വസ്തികമേവ ച ।
യോഗാഭ്യാസേ സദാ കുര്യാത് മന്ത്രസിദ്ധ്യാദികര്മണി ॥ ൧൬൫॥

ചക്രാസനം സദാ യോഗീ യോഗസാധനകര്മണി ।
ബദ്ധചക്രാസനം നാമ മഹാചക്രാസനം തഥാ ॥ ൧൬൬॥

കൃത്വാ പുനഃ പ്രകര്തവ്യം ബദ്ധയോഗേശ്വരാസനമ് ।
യോഗേശ്വരാസനം കൃത്വാ മഹായോഗേശ്വരാസനമ് ॥ ൧൬൭॥

വീരാസനം തതഃ കുര്യാത് മഹാവീരാസനം തഥാ ।
ബദ്ധവീരാസനം കൃത്വാ നരോ യോഗേശ്വരോ ഭവേത് ॥ ൧൬൮॥

തതഃ കുര്യാന്മഹാകാല ബദ്ധകുക്കുടാസനമ് ।
മഹാകുക്കുടമാകൃത്യ കേവലം കുക്കുടാസനമ് ॥ ൧൬൯॥

മയൂരാസനമേവം ഹി മഹാമയൂരമേവ ച ।
ബദ്ധമയൂരമാകൃത്യ നരോ യോഗേശ്വരോ ഭവേത് ॥ ൧൭൦॥

ഏതത് സര്വം പ്രവക്തവ്യം വിചാര്യ സുമനഃപ്രിയ ।
അഭിഷേകപ്രകരണേ ആസനാദിപ്രകാശകമ് ॥ ൧൭൧॥

കഥിതവ്യം വിശേഷേണ ഇദാനീം ശൃണു ഷട്ക്രമമ് ।
ബ്രഹ്മാ വിഷ്ണുശ്ച രുദ്രശ്ച ഈശ്വരശ്ച സദാശിവഃ ॥ ൧൭൨॥

തതഃ പരശിവോ ദേവഃ ഷട്ശിവാഃ ഷട്പ്രകാശകാഃ ।
ഏതേഷാം ഷഡ്ഗുണാനന്ദാഃ ശക്തയഃ പരദേവതാഃ ॥ ൧൭൩॥

ഷട്ചക്രഭേദനരതാ മഹാവിദ്യാധിദേവതാഃ ।
ഏതേഷാം സ്തവനം കുര്യാത് പരദേവസമന്വിതമ് ॥ ൧൭൪॥

ഏതത്പ്രകാരകരണേ യശ്ച പ്രത്യഹമാദരാത് ।
ക്രിയാനിവിഷ്ടഃ സര്വത്ര ഭാവനാഗ്രഹരൂപധൃക് ॥ ൧൭൫॥

സ പശ്യതി ജഗന്നാഥം കമലോപഗതം ഹരിമ് ।
ആദൌ ഹരേര്ദര്ശനഞ്ച കാരയേദ്യേന കുണ്ഡലീ ॥ ൧൭൬॥

തതോ രുദ്രസ്യ സഞ്ജ്ഞായാം ലാകിന്യാഃ ശുഭദര്ശനമ് ।
സര്വശഃ ക്രമശോ നാഥ ദര്ശനം പ്രാപ്യതേ നരഃ ॥ ൧൭൭॥

ശനൈഃ ശനൈര്മഹാകാല കൈലാസദര്ശനം ഭവേത് ।
ക്രമേണ സര്വസിദ്ധിഃ സ്യാത് അഷ്ടാങ്ഗയോഗസാധനാത് ॥ ൧൭൮॥

അഷ്ടാങ്ഗസാധനേ കാലേ യദ്യത് കര്മം കരോതി ഹി ।
തത്സര്വം പരിയത്നേന ശൃണു സാദരപൂര്വകമ് ।
തത്ക്രിയാദികമാകൃത്യ ശീധ്രം യോഗീ ഭവിഷ്യതി ॥ ൧൭൯॥

॥ ഇതി ശ്രീരുദ്രയാമലേ ഉത്തരതന്ത്രേ ഭൈരവീഭൈരവസംവാദേ

ശ്രീരാകിണീകേശവസഹസ്രനാമസ്തോത്രം സമ്പൂര്ണമ് ॥


Encoded by Mark S.G. Dyczkowski muktAbodha
Proofread by Ravin Bhalekar ravibhalekar@hotmail.com

Please send corrections to sanskrit@cheerful.com
Last updated ത്oday
http://sanskritdocuments.org

Rakini Kesava Sahasranama Stotram Lyrics in Malayalam PDF
% File name : rAkiNIkeshavasahasra.itx
% Category : sahasranAma
% Location : doc\_devii
% Author : Traditional
% Language : Sanskrit
% Subject : philosophy/hinduism/religion
% Transliterated by : Mark S.G. Dyczkowski muktAbodha
% Proofread by : Ravin Bhalekar ravibhalekar at hotmail.com
% Description-comments : rudrayAmale uttaratantre bhairava bhairavI sa.nvAde
% Latest update : April 18, 2008
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 15, 2015 ] at Stotram Website