{॥ ಶಾಕಿನೀಸದಾಶಿವಸ್ತವನಮಙ್ಗಲಾಷ್ಟೋತ್ತರಸಹಸ್ರನಾಮಸ್ತೋತ್ರ ॥}
ಶ್ರೀಗಣೇಶಾಯ ನಮಃ ।
ಶ್ರೀಆನನ್ದಭೈರವೀ ಉವಾಚ ।
ಕೈಲಾಸಶಿಖರಾರೂಢ ಪಞ್ಚವಕ್ತ್ರ ತ್ರಿಲೋಚನ ।
ಅಭೇದ್ಯಭೇದಕಪ್ರಾಣವಲ್ಲಭ ಶ್ರೀಸದಾಶಿವ ॥ ೧ ॥

ಭವಪ್ರಾಣಪ್ರರಕ್ಷಾಯ ಕಾಲಕೂಟಹರಾಯ ಚ ।
ಪ್ರತ್ಯಙ್ಗಿರಾಪಾದುಕಾಯ ದಾನ್ತಂ ಶಬ್ದಮಯಂ ಪ್ರಿಯಮ್ ॥ ೨ ॥

ಇಚ್ಛಾಮಿ ರಕ್ಷಣಾರ್ಥಾಯ ಭಕ್ತಾನಾಂ ಯೋಗಿನಾಂ ಸದಾಮ್ ।
ಅವಶ್ಯಂ ಕಥಯಾಮ್ಯತ್ರ ಸರ್ವಮಙ್ಗಲಲಕ್ಷಣಮ್ ॥ ೩ ॥

ಅಷ್ಟೋತ್ತರಸಹಸ್ರಾಖ್ಯಂ ಸದಾಶಿವಸಮನ್ವಿತಮ್ ।
ಮಹಾಪ್ರಭಾವಜನನಂ ದಮನಂ ದುಷ್ಟಚೇತಸಾಮ್ ॥ ೪ ॥

ಸರ್ವರಕ್ಷಾಕರಂ ಲೋಕೇ ಕಣ್ಠಪದ್ಮಪ್ರಸಿದ್ಧಯೇ ।
ಅಕಾಲಮೃತ್ಯುಹರಣಂ ಸರ್ವವ್ಯಾಧಿನಿವಾರಣಮ್ ॥ ೫ ॥

ಯೋಗಸಿದ್ಧಿಕರಂ ಸಾಕ್ಷಾದ್ ಅಮೃತಾನನ್ದಕಾರಕಮ್ ।
ವಿಷಜ್ವಾಲಾದಿಹರಣಂ ಮನ್ತ್ರಸಿದ್ಧಿಕರಂ ಪರಮ್ ॥ ೬ ॥

ನಾಮ್ನಾಂ ಸ್ಮರಣಮಾತ್ರೇಣ ಯೋಗಿನಾಂ ವಲ್ಲಭೋ ಭವೇತ್ ।
ಸದಾಶಿವಯುತಾಂ ದೇವೀಂ ಸಮ್ಪೂಜ್ಯ ಸಂಸ್ಮರೇದ್ ಯದಿ ॥ ೭ ॥

ಮಾಸಾನ್ತೇ ಸಿದ್ಧಿಮಾಪ್ನೋತಿ ಖೇಚರೀಮೇಲನಂ ಭವೇತ್ ।
ಆಕಾಶಗಾಮಿನೀಸಿದ್ಧಿಃ ಪಠಿತ್ವಾ ಲಭ್ಯತೇ ಧ್ರುವಮ್ ॥ ೮ ॥

ಧನಂ ರತ್ನಂ ಕ್ರಿಯಾಸಿದ್ಧಿಂ ವಿಭೂತಿಸಿದ್ಧಿಮಾಂ ಲಭೇತ್ ।
ಪಠನಾದ್ ಧಾರಣಾದ್ಯೋಗೀ ಮಹಾದೇವಃ ಸದಾಶಿವಃ ॥ ೯ ॥

ವಿಷ್ಣುಶ್ಚಕ್ರಧರಃ ಸಾಕ್ಷಾದ್ ಬ್ರಹ್ಮಾ ನಿತ್ಯಂ ತಪೋಧನಃ ।
ಯೋಗಿನಃ ಸರ್ವದೇವಾಶ್ಚ ಮುನಯಶ್ಚಾಪಿ ಯೋಗಿನಃ ॥ ೧೦ ॥

ಸಿದ್ಧಾಃ ಸರ್ವೇ ಸಞ್ಚರನ್ತಿ ಧೃತ್ವಾ ಚ ಪಠನಾದ್ ಯತಃ ।
ಯೇ ಯೇ ಪಠನ್ತಿ ನಿತ್ಯಂ ತು ತೇ ಸಿದ್ಧಾ ವಿಷ್ಣುಸಮ್ಭವಾಃ ॥ ೧೧ ॥

ಕಿಮನ್ಯತ್ ಕಥನೇನಾಪಿ ಭುಕ್ತಿಂ ಮುಕ್ತಿಂ ಕ್ಷಣಾಲ್ಲಭೇತ್ ॥ ೧೨ ॥

ಅಸ್ಯ ಶ್ರೀಭುವನಮಙ್ಗಲಮಹಾಸ್ತೋತ್ರಾಷ್ಟೋತ್ತರಸಹಸ್ರನಾಮ್ನಃ ,
ಶ್ರೀಸದಾಶಿವಋಷಿಃ , ಗಾಯತ್ರೀಚ್ಛನ್ದಃ , ಶ್ರೀಸದಾಶಿವಶಾಕಿನೀದೇವತಾ ,
ಪುರುಷಾರ್ಥಾಷ್ಟಸಿದ್ಧಿಸಮಯಯೋಗಸಮೃದ್ಧಯೇ ವಿನಿಯೋಗಃ ।
ಓಂ ಶಾಕಿನೀ ಪೀತವಸ್ತ್ರಾ ಸದಾಶಿವ ಉಮಾಪತಿಃ ।
ಶಾಕಮ್ಭರೀ ಮಹಾದೇವೀ ಭವಾನೀ ಭುವನಪ್ರಿಯಃ ॥ ೧೩ ॥

ಯೋಗಿನೀ ಯೋಗಧರ್ಮಾತ್ಮಾ ಯೋಗಾತ್ಮಾ ಶ್ರೀಸದಾಶಿವಃ ।
ಯುಗಾದ್ಯಾ ಯುಗಧರ್ಮಾ ಚ ಯೋಗವಿದ್ಯಾ ಸುಯೋಗಿರಾಟ್ ॥ ೧೪ ॥

ಯೋಗಿನೀ ಯೋಗಜೇತಾಖ್ಯಃ ಸುಯೋಗಾ ಯೋಗಶಙ್ಕರಃ ।
ಯೋಗಪ್ರಿಯಾ ಯೋಗವಿದ್ವಾನ್ ಯೋಗದಾ ಯೋಗಷಡ್ಭುವಿಃ ॥ ೧೫ ॥

ತ್ರಿಯೋಗಾ ಜಗದೀಶಾತ್ಮಾ ಜಾಪಿಕಾ ಜಪಸಿದ್ಧಿದಃ ।
ಯತ್ನೀ ಯತ್ನಪ್ರಿಯಾನನ್ದೋ ವಿಧಿಜ್ಞಾ ವೇದಸಾರವಿತ್ ॥ ೧೬ ॥

ಸುಪ್ರತಿಷ್ಠಾ ಶುಭಕರೋ ಮದಿರಾ ಮದನಪ್ರಿಯಃ ।
ಮಧುವಿದ್ಯಾ ಮಾಧವೀಶಃ ಕ್ಷಿತಿಃ ಕ್ಷೋಭವಿನಾಶನಃ ॥ ೧೭ ॥

ವೀತಿಜ್ಞಾ ಮನ್ಮಥಘ್ನಶ್ಚ ಚಮರೀ ಚಾರುಲೋಚನಃ ।
ಏಕಾನ್ತರಾ ಕಲ್ಪತರುಃ ಕ್ಷಮಾಬುದ್ಧೋ ರಮಾಸವಃ ॥ ೧೮ ॥

ವಸುನ್ಧರಾ ವಾಮದೇವಃ ಶ್ರೀವಿದ್ಯಾ ಮನ್ದರಸ್ಥಿತಃ ।
ಅಕಲಙ್ಕಾ ನಿರಾತಙ್ಕಃ ಉತಙ್ಕಾ ಶಙ್ಕರಾಶ್ರಯಃ ॥ ೧೯ ॥

ನಿರಾಕಾರಾ ನಿರ್ವಿಕಲ್ಪೋ ರಸದಾ ರಸಿಕಾಶ್ರಯಃ ।
ರಾಮಾ ರಾಮನನಾಥಶ್ಚ ಲಕ್ಷ್ಮೀ ನೀಲೇಷುಲೋಚನಃ ॥ ೨೦ ॥

ವಿದ್ಯಾಧರೀ ಧರಾನನ್ದಃ ಕನಕಾ ಕಾಞ್ಚನಾಙ್ಗಧೃಕ್ ।
ಶುಭಾ ಶುಭಕರೋನ್ಮತ್ತಃ ಪ್ರಚಣ್ಡಾ ಚಣ್ಡವಿಕ್ರಮಃ ॥ ೨೧ ॥

ಸುಶೀಲಾ ದೇವಜನಕಃ ಕಾಕಿನೀ ಕಮಲಾನನಃ ।
ಕಜ್ಜಲಾಭಾ ಕೃಷ್ಣದೇಹಃ ಶೂಲಿನೀ ಖಡ್ಗಚರ್ಮಧೃಕ್ ॥ ೨೨ ॥

ಗತಿಗ್ರಾಹ್ಯಃ ಪ್ರಭಾಗೌರಃ ಕ್ಷಮಾ ಕ್ಷುಬ್ಧಃ ಶಿವಾ ಶಿವಃ ।
ಜವಾ ಯತಿಃ ಪರಾ ಹರಿರ್ಹರಾಹರೋಽಕ್ಷರಾಕ್ಷರಃ ॥ ೨೩ ॥

ಸನಾತನೀ ಸನಾತನಃ ಶ್ಮಶಾನವಾಸಿನೀಪತಿಃ ।
ಜಯಾಕ್ಷಯೋ ಧರಾಚರಃ ಸಮಾಗತಿಃ ಪ್ರಮಾಪತಿಃ ॥ ೨೪ ॥

ಕುಲಾಕುಲೋ ಮಲಾನನೋ ವಲೀವಲಾ ಮಲಾಮಲಃ ।
ಪ್ರಭಾಧರಃ ಪರಾಪರಃ ಸರಾಸರಃ ಕರಾಕರಃ ॥ ೨೫ ॥

ಮಯಾಮಯಃ ಪಯಾಪಯಃ ಪಲಾಪಲೋ ದಯಾದಯಃ ।
ಭಯಾಭಯೋ ಜಯಾಜಯೋ ಗಯಾಗಯಃ ಫಲಾನ್ವಯಃ ॥ ೨೬ ॥

ಸಮಾಗಮೋ ಧಮಾಧಮೋ ರಮಾರಮೋ ವಮಾವಮಃ ।
ವರಾಙ್ಗಣಾ ಧರಾಧರಃ ಪ್ರಭಾಕರೋ ಭ್ರಮಾಭ್ರಮಃ ॥ ೨೭ ॥

ಸತೀ ಸುಖೀ ಸುಲಕ್ಷಣಾ ಕೃಪಾಕರೋ ದಯಾನಿಧಿಃ ।
ಧರಾಪತಿಃ ಪ್ರಿಯಾಪತಿವೀರಾಗಿಣೀ ಮನೋನ್ಮನಃ ॥ ೨೮ ॥

ಪ್ರಧಾವಿನೀ ಸದಾಚಲಃ ಪ್ರಚಞ್ಚಲಾತಿಚಞ್ಚಲಃ ।
ಕಟುಪ್ರಿಯಾ ಮಹಾಕಟುಃ ಪಟುಪ್ರಿಯಾ ಮಹಾಪಟುಃ ॥ ೨೯ ॥

ಧನಾವಲೀ ಗಣಾಗಣೀ ಖರಾಖರಃ ಫಣಿಃ ಕ್ಷಣಃ ।
ಪ್ರಿಯಾನ್ವಿತಾ ಶಿರೋಮಣಿಸ್ತು ಶಾಕಿನೀ ಸದಾಶಿವಃ ॥ ೩೦ ॥

ರುಣಾರುಣೋ ಘನಾಘನೋ ಹಯೀ ಹಯೋ ಲಯೀ ಲಯಃ ।
ಸುದನ್ತರಾ ಸುದಾಗಮಃ ಖಲಾಪಹಾ ಮಹಾಶಯಃ ॥ ೩೧ ॥

ಚಲತ್ಕುಚಾ ಜವಾವೃತೋ ಘನಾನ್ತರಾ ಸ್ವರಾನ್ತಕಃ ।
ಪ್ರಚಣ್ಡಘರ್ಘರಧ್ವನಿಃ ಪ್ರಿಯಾ ಪ್ರತಾಪವಹ್ನಿಗಃ ॥ ೩೨ ॥

ಪ್ರಶಾನ್ತಿರುನ್ದುರುಸ್ಥಿತಾ ಮಹೇಶ್ವರೀ ಮಹೇಶ್ವರಃ ।
ಮಹಾಶಿವಾವಿನೀ ಘನೀ ರಣೇಶ್ವರೀ ರಣೇಶ್ವರಃ ॥ ೩೩ ॥

ಪ್ರತಾಪಿನೀ ಪ್ರತಾಪನಃ ಪ್ರಮಾಣಿಕಾ ಪ್ರಮಾಣವಿತ್ ।
ವಿಶುದ್ಧವಾಸಿನೀ ಮುನಿವಿಶುದ್ಧವಿನ್ಮಧೂತ್ತಮಾ ॥ ೩೪ ॥

ತಿಲೋತ್ತಮಾ ಮಹೋತ್ತಮಃ ಸದಾಮಯಾ ದಯಾಮಯಃ ।
ವಿಕಾರತಾರಿಣೀ ತರುಃ ಸುರಾಸುರೋಽಮರಾಗುರುಃ ॥ ೩೫ ॥

ಪ್ರಕಾಶಿಕಾ ಪ್ರಕಾಶಕಃ ಪ್ರಚಣ್ಡಿಕಾ ವಿಭಾಣ್ಡಕಃ ।
ತ್ರಿಶೂಲಿನೀ ಗದಾಧರಃ ಪ್ರವಾಲಿಕಾ ಮಹಾಬಲಃ ॥ ೩೬ ॥

ಕ್ರಿಯಾವತೀ ಜರಾಪತಿಃ ಪ್ರಭಾಮ್ಬರಾ ದಿಗಮ್ಬರಃ ।
ಕುಲಾಮ್ಬರಾ ಮೃಗಾಮ್ಬರಾ ನಿರನ್ತರಾ ಜರಾನ್ತರಃ ॥ ೩೭ ॥

ಶ್ಮಶಾನನಿಲಯಾ ಶಮ್ಭುರ್ಭವಾನೀ ಭೀಮಲೋಚನಃ ।
ಕೃತಾನ್ತಹಾರಿಣೀಕಾನ್ತಃ ಕುಪಿತಾ ಕಾಮನಾಶನಃ ॥ ೩೮ ॥

ಚತುರ್ಭುಜಾ ಪದ್ಮನೇತ್ರೋ ದಶಹಸ್ತಾ ಮಹಾಗುರುಃ ।
ದಶಾನನಾ ದಶಗ್ರೀವಃ ಕ್ಷಿಪ್ತಾಕ್ಷೀ ಕ್ಷೇಪನಪ್ರಿಯಃ ॥ ೩೯ ॥

ವಾರಾಣಸೀ ಪೀಠವಾಸೀ ಕಾಶೀ ವಿಶ್ವಗುರುಪ್ರಿಯಃ ।
ಕಪಾಲಿನೀ ಮಹಾಕಾಲಃ ಕಾಲಿಕಾ ಕಲಿಪಾವನಃ ॥ ೪೦ ॥

ರನ್ಧ್ರವರ್ತ್ಮಸ್ಥಿತಾ ವಾಗ್ಮೀ ರತೀ ರಾಮಗುರುಪ್ರಭುಃ ।
ಸುಲಕ್ಷ್ಮೀಃ ಪ್ರಾನ್ತರಸ್ಥಶ್ಚ ಯೋಗಿಕನ್ಯಾ ಕೃತಾನ್ತಕಃ ॥ ೪೧ ॥

ಸುರಾನ್ತಕಾ ಪುಣ್ಯದಾತಾ ತಾರಿಣೀ ತರುಣಪ್ರಿಯಃ ।
ಮಹಾಭಯತರಾ ತಾರಾಸ್ತಾರಿಕಾ ತಾರಕಪ್ರಭುಃ ॥ ೪೨ ॥

ತಾರಕಬ್ರಹ್ಮಜನನೀ ಮಹಾದೃಪ್ತಃ ಭವಾಗ್ರಜಃ ।
ಲಿಙ್ಗಗಮ್ಯಾ ಲಿಙ್ಗರೂಪೀ ಚಣ್ಡಿಕಾ ವೃಷವಾಹನಃ ॥ ೪೩ ॥

ರುದ್ರಾಣೀ ರುದ್ರದೇವಶ್ಚ ಕಾಮಜಾ ಕಾಮಮನ್ಥನಃ ।
ವಿಜಾತೀಯಾ ಜಾತಿತಾತೋ ವಿಧಾತ್ರೀ ಧಾತೃಪೋಷಕಃ ॥ ೪೪ ॥

ನಿರಾಕಾರಾ ಮಹಾಕಾಶಃ ಸುಪ್ರವಿದ್ಯಾ ವಿಭಾವಸುಃ ।
ವಾಸುಕೀ ಪತಿತತ್ರಾತಾ ತ್ರಿವೇಣೀ ತತ್ತ್ವದರ್ಶಕಃ ॥ ೪೫ ॥

ಪತಾಕಾ ಪದ್ಮವಾಸೀ ಚ ತ್ರಿವಾರ್ತಾ ಕೀರ್ತಿವರ್ಧನಃ ।
ಧರಣೀ ಧಾರಣಾವ್ಯಾಪ್ತೋ ವಿಮಲಾನನ್ದವರ್ಧನಃ ॥ ೪೬ ॥

ವಿಪ್ರಚಿತ್ತಾ ಕುಣ್ಡಕಾರೀ ವಿರಜಾ ಕಾಲಕಮ್ಪನಃ ।
ಸೂಕ್ಷ್ಮಾಧಾರಾ ಅತಿಜ್ಞಾನೀ ಮನ್ತ್ರಸಿದ್ಧಿಃ ಪ್ರಮಾಣಗಃ ॥ ೪೭ ॥

ವಾಚ್ಯಾ ವಾರಣತುಣ್ಡಶ್ಚ ಕಮಲಾ ಕೃಷ್ಣಸೇವಕಃ ।
ದುನ್ದುಭಿಸ್ಥಾ ವಾದ್ಯಭಾಣ್ಡೋ ನೀಲಾಙ್ಗೀ ವಾರಣಾಶ್ರಯಃ ॥ ೪೮ ॥

ವಸನ್ತಾದ್ಯಾ ಶೀತರಶ್ಮಿಃ ಪ್ರಮಾದ್ಯಾ ಶಕ್ತಿವಲ್ಲಭಃ ।
ಖಡ್ಗನಾ ಚಕ್ರಕುನ್ತಾಢ್ಯಃ ಶಿಶಿರಾಲ್ಪಧನಪ್ರಿಯಃ ॥ ೪೯ ॥

ದುರ್ವಾಚ್ಯಾ ಮನ್ತ್ರನಿಲಯಃ ಖಣ್ಡಕಾಲೀ ಕುಲಾಶ್ರಯಃ ।
ವಾನರೀ ಹಸ್ತಿಹಾರಾದ್ಯಃ ಪ್ರಣಯಾ ಲಿಙ್ಗಪೂಜಕಃ ॥ ೫೦ ॥

ಮಾನುಷೀ ಮನುರೂಪಶ್ಚ ನೀಲವರ್ಣಾ ವಿಧುಪ್ರಭಃ ।
ಅರ್ಧಶ್ಚನ್ದ್ರಧರಾ ಕಾಲಃ ಕಮಲಾ ದೀರ್ಘಕೇಶಧೃಕ್ ॥ ೫೧ ॥

ದೀರ್ಘಕೇಶೀ ವಿಶ್ವಕೇಶೀ ತ್ರಿವರ್ಗಾ ಖಣ್ಡನಿರ್ಣಯಃ ।
ಗೃಹಿಣೀ ಗ್ರಹಹರ್ತಾ ಚ ಗ್ರಹಪೀಡಾ ಗ್ರಹಕ್ಷಯಃ ॥ ೫೨ ॥

ಪುಷ್ಪಗನ್ಧಾ ವಾರಿಚರಃ ಕ್ರೋಧಾದೇವೀ ದಿವಾಕರಃ ।
ಅಞ್ಜನಾ ಕ್ರೂರಹರ್ತಾ ಚ ಕೇವಲಾ ಕಾತರಪ್ರಿಯಃ ॥ ೫೩ ॥

ಪದ್ಯಾಮಯೀ ಪಾಪಹರ್ತಾ ವಿದ್ಯಾದ್ಯಾ ಶೈಲಮರ್ದಕಃ ।
ಕೃಷ್ಣಜಿಹ್ವಾ ರಕ್ತಮುಖೋ ಭುವನೇಶೀ ಪರಾತ್ಪರಃ ॥ ೫೪ ॥

ವದರೀ ಮೂಲಸಮ್ಪರ್ಕಃ ಕ್ಷೇತ್ರಪಾಲಾ ಬಲಾನಲಃ ।
ಪಿತೃಭೂಮಿಸ್ಥಿತಾಚಾರ್ಯೋ ವಿಷಯಾ ಬಾದರಾಯಣಿಃ ॥ ೫೫ ॥

ಪುರೋಗಮಾ ಪುರೋಗಾಮೀ ವೀರಗಾ ರಿಪುನಾಶಕಃ ।
ಮಹಾಮಾಯಾ ಮಹಾನ್ಮಾಯೋ ವರದಃ ಕಾಮದಾನ್ತಕಃ ॥ ೫೬ ॥

ಪಶುಲಕ್ಷ್ಮೀಃ ಪಶುಪತಿಃ ಪಞ್ಚಶಕ್ತಿಃ ಕ್ಷಪಾನ್ತಕಃ ।
ವ್ಯಾಪಿಕಾ ವಿಜಯಾಚ್ಛನ್ನೋ ವಿಜಾತೀಯಾ ವರಾನನಃ ॥ ೫೭ ॥

ಕಟುಮೂತೀಃ ಶಾಕಮೂತೀಸ್ತ್ರಿಪುರಾ ಪದ್ಮಗರ್ಭಜಃ ।
ಅಜಾಬ್ಯಾ ಜಾರಕಃ ಪ್ರಕ್ಷ್ಯಾ ವಾತುಲಃ ಕ್ಷೇತ್ರಬಾನ್ಧವಾ ॥ ೫೮ ॥

ಅನನ್ತಾನನ್ತರೂಪಸ್ಥೋ ಲಾವಣ್ಯಸ್ಥಾ ಪ್ರಸಞ್ಚಯಃ ।
ಯೋಗಜ್ಞೋ ಜ್ಞಾನಚಕ್ರೇಶೋ ಬಭ್ರಮಾ ಭ್ರಮಣಸ್ಥಿತಃ ॥ ೫೯ ॥

ಶಿಶುಪಾಲಾ ಭೂತನಾಶೋ ಭೂತಕೃತ್ಯಾ ಕುಟುಮ್ಬಪಃ ।
ತೃಪ್ತಾಶ್ವತ್ಥೋ ವರಾರೋಹಾ ವಟುಕಃ ಪ್ರೋಟಿಕಾವಶಃ ॥ ೬೦ ॥

ಶ್ರದ್ಧಾ ಶ್ರದ್ಧಾನ್ವಿತಃ ಪುಷ್ಟಿಃ ಪುಷ್ಟೋ ರುಷ್ಟಾಷ್ಟಮಾಧವಾ ।
ಮಿಲಿತಾ ಮೇಲನಃ ಪೃಥ್ವೀ ತತ್ತ್ವಜ್ಞಾನೀ ಚಾರುಪ್ರಿಯಾ ॥ ೬೧ ॥

ಅಲಬ್ಧಾ ಭಯಹನ್ತ್ಯಾ ದಶನಃ ಪ್ರಾಪ್ತಮಾನಸಾ ।
ಜೀವನೀ ಪರಮಾನನ್ದೋ ವಿದ್ಯಾಢ್ಯಾ ಧರ್ಮಕರ್ಮಜಃ ॥ ೬೨ ॥

ಅಪವಾದರತಾಕಾಙ್ಕ್ಷೀ ವಿಲ್ವಾನಾಭದ್ರಕಮ್ಬಲಃ ।
ಶಿವಿವಾರಾಹನೋನ್ಮತ್ತೋ ವಿಶಾಲಾಕ್ಷೀ ಪರನ್ತಪಃ ॥ ೬೩ ॥

ಗೋಪನೀಯಾ ಸುಗೋಪ್ತಾ ಚ ಪಾರ್ವತೀ ಪರಮೇಶ್ವರಃ ।
ಶ್ರೀಮಾತಙ್ಗೀ ತ್ರಿಪೀಠಸ್ಥೋ ವಿಕಾರೀ ಧ್ಯಾನನಿರ್ಮಲಃ ॥ ೬೪ ॥

ಚಾತುರೀ ಚತುರಾನನ್ದಃ ಪುತ್ರಿಣೀ ಸುತವತ್ಸಲಃ ।
ವಾಮನೀ ವಿಷಯಾನನ್ದಃ ಕಿಙ್ಕರೀ ಕ್ರೋಧಜೀವನಃ ॥ ೬೫ ॥

ಚನ್ದ್ರಾನನಾ ಪ್ರಿಯಾನನ್ದಃ ಕುಶಲಾ ಕೇತಕೀಪ್ರಿಯಃ ।
ಪ್ರಚಲಾ ತಾರಕಜ್ಞಾನೀ ತ್ರಿಕರ್ಮಾ ನರ್ಮದಾಪತಿಃ ॥ ೬೬ ॥

ಕಪಾಟಸ್ಥಾ ಕಲಾಪಸ್ಥೋ ವಿದ್ಯಾಜ್ಞಾ ವರ್ಧಮಾನಗಃ ।
ತ್ರಿಕೂಟಾ ತ್ರಿವಿಧಾನನ್ದೋ ನನ್ದನಾ ನನ್ದನಪ್ರಿಯಃ ॥ ೬೭ ॥

ವಿಚಿಕಿತ್ಸಾ ಸಮಾಪ್ತಾಙ್ಗೋ ಮನ್ತ್ರಜ್ಞಾ ಮನುವರ್ಧನಃ ।
ಮನ್ನಿಕಾ ಚಾಮ್ಬಿಕಾನಾಥೋ ವಿವಾಶೀ ವಂಶವರ್ಧನಃ ॥ ೬೮ ॥

ವಜ್ರಜಿಹ್ವಾ ವಜ್ರದನ್ತೋ ವಿಕ್ರಿಯಾ ಕ್ಷೇತ್ರಪಾಲನಃ ।
ವಿಕಾರಣೀ ಪಾರ್ವತೀಶಃ ಪ್ರಿಯಾಙ್ಗೀ ಪಞ್ಚಚಾಮರಃ ॥ ೬೯ ॥

ಆಂಶಿಕಾ ವಾಮದೇವಾದ್ಯಾ ವಿಮಾಯಾಢ್ಯಾ ಪರಾಪರಃ ।
ಪಾಯಾಙ್ಗೀ ಪರಮೈಶ್ವರ್ಯಾ ದಾತಾ ಭೋಕ್ತ್ರೀ ದಿವಾಕರಃ ॥ ೭೦ ॥

ಕಾಮದಾತ್ರೀ ವಿಚಿತ್ರಾಕ್ಷೋ ರಿಪುರಕ್ಷಾ ಕ್ಷಪಾನ್ತಕೃತ್ ।
ಘೋರಮುಖೀ ಘರ್ಘರಾಖ್ಯೋ ವಿಲಜ್ವಾ ಜ್ವಾಲಿನೀಪತಿಃ ॥ ೭೧ ॥

ಜ್ವಾಲಾಮುಖೀ ಧರ್ಮಕರ್ತಾ ಶ್ರೀಕರ್ತ್ರೀ ಕಾರಣಾತ್ಮಕಃ ।
ಮುಣ್ಡಾಲೀ ಪಞ್ಚಚೂಡಾಶ್ಚ ತ್ರಿಶಾವರ್ಣಾ ಸ್ಥಿತಾಗ್ರಜಃ ॥ ೭೨ ॥

ವಿರೂಪಾಕ್ಷೀ ಬೃಹದ್ಗರ್ಭೋ ರಾಕಿನೀ ಶ್ರೀಪಿತಾಮಹಃ ।
ವೈಷ್ಣವೀ ವಿಷ್ಣುಭಕ್ತಶ್ಚ ಡಾಕಿನೀ ಡಿಣ್ಡಿಮಪ್ರಿಯಃ ॥ ೭೩ ॥

ರತಿವಿದ್ಯಾ ರಾಮನಾಥೋ ರಾಧಿಕಾ ವಿಷ್ಣುಲಕ್ಷಣಃ ।
ಚತುರ್ಭುಜಾ ವೇದಹಸ್ತೋ ಲಾಕಿನೀ ಮೀನಕುನ್ತಲಃ ॥ ೭೪ ॥

ಮೂರ್ಧಜಾ ಲಾಙ್ಗಲೀದೇವಃ ಸ್ಥವಿರಾ ಜೀರ್ಣವಿಗ್ರಹಃ ।
ಲಾಕಿನೀಶಾ ಲಾಕಿನೀಶಃ ಪ್ರಿಯಾಖ್ಯಾ ಚಾರುವಾಹನಃ ॥ ೭೫ ॥

ಜಟಿಲಾ ತ್ರಿಜಟಾಧಾರೀ ಚತುರಾಙ್ಗೀ ಚರಾಚರಃ ।
ತ್ರಿಶ್ರೋತಾ ಪಾರ್ವಂತೀನಾಥೋ ಭುವನೇಶೀ ನರೇಶ್ವರಃ ॥ ೭೬ ॥

ಪಿನಾಕಿನೀ ಪಿನಾಕೀ ಚ ಚನ್ದ್ರಚೂಡಾ ವಿಚಾರವಿತ್ ।
ಜಾಡ್ಯಹನ್ತ್ರೀ ಜಡಾತ್ಮಾ ಚ ಜಿಹ್ವಾಯುಕ್ತೋ ಜರಾಮರಃ ॥ ೭೭ ॥

ಅನಾಹತಾಖ್ಯಾ ರಾಜೇನ್ದ್ರಃ ಕಾಕಿನೀ ಸಾತ್ತ್ವಿಕಸ್ಥಿತಃ ।
ಮರುನ್ಮೂರ್ತಿ ಪದ್ಮಹಸ್ತೋ ವಿಶುದ್ಧಾ ಶುದ್ಧವಾಹನಃ ॥ ೭೮ ॥

ವೃಷಲೀ ವೃಷಪೃಷ್ಠಸ್ಥೋ ವಿಭೋಗಾ ಭೋಗವರ್ಧನಃ ।
ಯೌವನಸ್ಥಾ ಯುವಾಸಾಕ್ಷೀ ಲೋಕಾದ್ಯಾ ಲೋಕಸಾಕ್ಷಿಣೀ ॥ ೭೯ ॥

ಬಗಲಾ ಚನ್ದ್ರಚೂಡಾಖ್ಯೋ ಭೈರವೀ ಮತ್ತಭೈರವಃ ।
ಕ್ರೋಧಾಧಿಪಾ ವಜ್ರಧಾರೀ ಇನ್ದ್ರಾಣೀ ವಹ್ನಿವಲ್ಲಭಃ ॥ ೮೦ ॥

ನಿರ್ವಿಕಾರಾ ಸೂತ್ರಧಾರೀ ಮತ್ತಪಾನಾ ದಿವಾಶ್ರಯಃ ।
ಶಬ್ದಗರ್ಭಾ ಶಬ್ದಮಯೋ ವಾಸವಾ ವಾಸವಾನುಜಃ ॥ ೮೧ ॥

ದಿಕ್ಪಾಲಾ ಗ್ರಹನಾಥಶ್ಚ ಈಶಾನೀ ನರವಾಹನಃ ।
ಯಕ್ಷಿಣೀಶಾ ಭೂತಿನೀಶೋ ವಿಭೂತಿರ್ಭೂತಿವರ್ಧನಃ ॥ ೮೨ ॥

ಜಯಾವತೀ ಕಾಲಕಾರೀ ಕಲ್ಕ್ಯವಿದ್ಯಾ ವಿಧಾನವಿತ್ ।
ಲಜ್ಜಾತೀತಾ ಲಕ್ಷಣಾಙ್ಗೋ ವಿಷಪಾಯೀ ಮದಾಶ್ರಯಃ ॥ ೮೩ ॥

ವಿದೇಶಿನೀ ವಿದೇಶಸ್ಥೋಽಪಾಪಾ ಪಾಪವರ್ಜಿತಃ ।
ಅತಿಕ್ಷೋಭಾ ಕಲಾತೀತೋ ನಿರಿನ್ದ್ರಿಯಗಣೋದಯಾ ॥ ೮೪ ॥

ವಾಚಾಲೋ ವಚನಗ್ರನ್ಥಿಮನ್ದರೋ ವೇದಮನ್ದಿರಾ ।
ಪಞ್ಚಮಃ ಪಞ್ಚಮೀದುರ್ಗೋ ದುರ್ಗಾ ದುರ್ಗತಿನಾಶನಃ ॥ ೮೫ ॥

ದುರ್ಗನ್ಧಾ ಗನ್ಧರಾಜಶ್ಚ ಸುಗನ್ಧಾ ಗನ್ಧಚಾಲನಃ ।
ಚಾರ್ವಙ್ಗೀ ಚರ್ವಣಪ್ರೀತೋ ವಿಶಙ್ಕಾ ಮರಲಾರವಿತ್ ॥ ೮೬ ॥

ಅತಿಥಿಸ್ಥಾ ಸ್ಥಾವರಾದ್ಯಾ ಜಪಸ್ಥಾ ಜಪಮಾಲಿನೀ ।
ವಸುನ್ಧರಸುತಾ ತಾರ್ಕ್ಷೀ ತಾರ್ಕೀಕಃ ಪ್ರಾಣತಾರ್ಕೀಕಃ ॥ ೮೭ ॥

ತಾಲವೃಕ್ಷಾವೃತೋನ್ನಾಸಾ ತಾಲಜಾಯಾ ಜಟಾಧರಃ ।
ಜಟಿಲೇಶೀ ಜಟಾಧಾರೀ ಸಪ್ತಮೀಶಃ ಪ್ರಸಪ್ತಮೀ ॥ ೮೮ ॥

ಅಷ್ಟಮೀವೇಶಕೃತ್ ಕಾಲೀ ಸರ್ವಃ ಸರ್ವೇಶ್ವರೀಶ್ವರಃ ।
ಶತ್ರುಹನ್ತ್ರೀ ನಿತ್ಯಮನ್ತ್ರೀ ತರುಣೀ ತಾರಕಾಶ್ರಯಃ ॥ ೮೯ ॥

ಧರ್ಮಗುಪ್ತಿಃ ಸಾರಗುಪ್ತೋ ಮನೋಯೋಗಾ ವಿಷಾಪಹಃ ।
ವಜ್ರಾವೀರಃ ಸುರಾಸೌರೀ ಚನ್ದ್ರಿಕಾ ಚನ್ದ್ರಶೇಖರಃ ॥ ೯೦ ॥

ವಿಟಪೀನ್ದ್ರಾ ವಟಸ್ಥಾನೀ ಭದ್ರಪಾಲಃ ಕುಲೇಶ್ವರಃ ।
ಚಾತಕಾದ್ಯಾ ಚನ್ದ್ರದೇಹಃ ಪ್ರಿಯಾಭಾರ್ಯಾ ಮನೋಯವಃ ॥ ೯೧ ॥

ತೀರ್ಥಪುಣ್ಯಾ ತೀರ್ಥಯೋಗೀ ಜಲಜಾ ಜಲಶಾಯಕಃ ।
ಭೂತೇಶ್ವರಪ್ರಿಯಾಭೂತೋ ಭಗಮಾಲಾ ಭಗಾನನಃ ॥ ೯೨ ॥

ಭಗಿನೀ ಭಗವಾನ್ ಭೋಗ್ಯಾ ಭವತೀ ಭೀಮಲೋಚನಃ ।
ಭೃಗುಪುತ್ರೀ ಭಾರ್ಗವೇಶಃ ಪ್ರಲಯಾಲಯಕಾರಣಃ ॥ ೯೩ ॥

ರುದ್ರಾಣೀ ರುದ್ರಗಣಪೋ ರೌದ್ರಾಕ್ಷೀ ಕ್ಷೀಣವಾಹನಃ ।
ಕುಮ್ಭಾನ್ತಕಾ ನಿಕುಮ್ಭಾರಿಃ ಕುಮ್ಭಾನ್ತೀ ಕುಮ್ಭಿನೀರಗಃ ॥ ೯೪ ॥

ಕೂಷ್ಮಾಣ್ಡೀ ಧನರತ್ನಾಢ್ಯೋ ಮಹೋಗ್ರಾಗ್ರಾಹಕಃ ಶುಭಾ ।
ಶಿವಿರಸ್ಥಾ ಶಿವಾನನ್ದಃ ಶವಾಸನಕೃತಾಸನೀ ॥ ೯೫ ॥

ಪ್ರಶಂಸಾ ಸಮನಃ ಪ್ರಾಜ್ಞಾ ವಿಭಾವ್ಯಾ ಭವ್ಯಲೋಚನಃ ।
ಕುರುವಿದ್ಯಾ ಕೌರವಂಶಃ ಕುಲಕನ್ಯಾ ಮೃಣಾಲಧೃಕ್ ॥ ೯೬ ॥

ದ್ವಿದಲಸ್ಥಾ ಪರಾನನ್ದೋ ನನ್ದಿಸೇವ್ಯಾ ಬೃಹನ್ನಲಾ ।
ವ್ಯಾಸಸೇವ್ಯಾ ವ್ಯಾಸಪೂಜ್ಯೋ ಧರಣೀ ಧೀರಲೋಚನಃ ॥ ೯೭ ॥

ತ್ರಿವಿಧಾರಣ್ಯಾ ತುಲಾಕೋಟಿಃ ಕಾರ್ಪಾಸಾ ಖಾರ್ಪರಾಙ್ಗಧೃಕ್ ।
ವಶಿಷ್ಠಾರಾಧಿತಾವಿಷ್ಟೋ ವಶಗಾ ವಶಜೀವನಃ ॥ ೯೮ ॥

ಖಡ್ಗಹಸ್ತಾ ಖಡ್ಗಧಾರೀ ಶೂಲಹಸ್ತಾ ವಿಭಾಕರಃ ।
ಅತುಲಾ ತುಲನಾಹೀನೋ ವಿವಿಧಾ ಧ್ಯಾನನಿರ್ಣಯಃ ॥ ೯೯ ॥

ಅಪ್ರಕಾಶ್ಯಾ ವಿಶೋಧ್ಯಶ್ಚ ಚಾಮುಣ್ಡಾ ಚಣ್ಡವಾಹನಃ ।
ಗಿರಿಜಾ ಗಾಯನೋನ್ಮತ್ತೋ ಮಲಾಮಾಲೀ ಚಲಾಧಮಃ ॥ ೧೦೦ ॥

ಪಿಙ್ಗದೇಹಾ ಪಿಙ್ಗಕೇಶೋಽಸಮರ್ಥಾ ಶೀಲವಾಹನಃ ।
ಗಾರುಡೀ ಗರುಡಾನನ್ದೋ ವಿಶೋಕಾ ವಂಶವರ್ಧನಃ ॥ ೧೦೧ ॥

ವೇಣೀನ್ದ್ರಾ ಚಾತಕಪ್ರಾಯೋ ವಿದ್ಯಾದ್ಯಾ ದೋಷಮರ್ದಕಃ ।
ಅಟ್ಟಹಾಸಾ ಅಟ್ಟಹಾಸೋ ಮಧುಭಕ್ಷಾ ಮಧುವ್ರತಃ ॥ ೧೦೨ ॥

ಮಧುರಾನನ್ದಸಮ್ಪನ್ನಾ ಮಾಧವೋ ಮಧುನಾಶಿಕಾ ।
ಮಾಕರೀ ಮಕರಪ್ರೇಮೋ ಮಾಘಸ್ಥಾ ಮಘವಾಹನಃ ॥ ೧೦೩ ॥

ವಿಶಾಖಾ ಸುಸಖಾ ಸೂಕ್ಷ್ಮಾ ಜ್ಯೇಷ್ಠೋ ಜ್ಯೇಷ್ಠಜನಪ್ರಿಯಾ ।
ಆಷಾಢನಿಲಯಾಷಾಢೋ ಮಿಥಿಲಾ ಮೈಥಿಲೀಶ್ವರಃ ॥ ೧೦೪ ॥

ಶೀತಶೈತ್ಯಗತೋ ವಾಣೀ ವಿಮಲಾಲಕ್ಷಣೇಶ್ವರಃ ।
ಅಕಾರ್ಯಕಾರ್ಯಜನಕೋ ಭದ್ರಾ ಭಾದ್ರಪದೀಯಕಃ ॥ ೧೦೫ ॥

ಪ್ರವರಾ ವರಹಂಸಾಖ್ಯಃ ಪವಶೋಭಾ ಪುರಾಣವಿತ್ ।
ಶ್ರಾವಣೀ ಹರಿನಾಥಶ್ಚ ಶ್ರವಣಾ ಶ್ರವಣಾಙ್ಕುರಃ ॥ ೧೦೬ ॥

ಸುಕರ್ತ್ರೀ ಸಾಧನಾಧ್ಯಕ್ಷೋ ವಿಶೋಧ್ಯಾ ಶುದ್ಧಭಾವನಃ ।
ಏಕಶೇಷಾ ಶಶಿಧರೋ ಧರಾನ್ತಃ ಸ್ಥಾವರಾಧರಃ ॥ ೧೦೭ ॥

ಧರ್ಮಪುತ್ರೀ ಧರ್ಮಮಾತ್ರೋ ವಿಜಯಾ ಜಯದಾಯಕಃ ।
ದಾಸರಕ್ಷಾದಿ ವಿದಶಕಲಾಪೋ ವಿಧವಾಪತಿಃ ॥ ೧೦೮ ॥

ವಿಧವಾಧವಲೋ ಧೂರ್ತಃ ಧೂರ್ತಾಢ್ಯೋ ಧೂರ್ತಪಾಲಿಕಾ ।
ಶಙ್ಕರಃ ಕಾಮಗಾಮೀ ಚ ದೇವಲಾ ದೇವಮಾಯಿಕಾ ॥ ೧೦೯ ॥

ವಿನಾಶೋ ಮನ್ದರಾಚ್ಛನ್ನಾ ಮನ್ದರಸ್ಥೋ ಮಹಾದ್ವಯಾ ।
ಅತಿಪುತ್ರೀ ತ್ರಿಮುಣ್ಡೀ ಚ ಮುಣ್ಡಮಾಲಾ ತ್ರಿಚಣ್ಡಿಕಾ ॥ ೧೧೦ ॥

ಕರ್ಕಟೀಶಃ ಕೋಟರಶ್ಚ ಸಿಂಹಿಕಾ ಸಿಂಹವಾಹನಃ ।
ನಾರಸಿಂಹೀ ನೃಸಿಂಹಶ್ಚ ನರ್ಮದಾ ಜಾಹ್ನವೀಪತಿಃ ॥ ೧೧೧ ॥

ತ್ರಿವಿಧಸ್ತ್ರೀ ತ್ರಿಸರ್ಗಾಸ್ತ್ರೋ ದಿಗಮ್ಬರೋ ದಿಗಮ್ಬರೀ ।
ಮುಞ್ಚಾನೋ ಮಞ್ಚಭೇದೀ ಚ ಮಾಲಞ್ಚಾ ಚಞ್ಚಲಾಗ್ರಜಃ ॥ ೧೧೨ ॥

ಕಟುತುಙ್ಗೀ ವಿಕಾಶಾತ್ಮಾ ಋದ್ಧಿಸ್ಪಷ್ಟಾಕ್ಷರೋಽನ್ತರಾ ।
ವಿರಿಞ್ಚಃ ಪ್ರಭವಾನನ್ದೋ ನನ್ದಿನೀ ಮನ್ದರಾದ್ರಿಧೃಕ್ ॥ ೧೧೩ ॥

ಕಾಲಿಕಾಭಾ ಕಾಞ್ಚನಾಭೋ ಮದಿರಾದ್ಯಾ ಮದೋದಯಃ ।
ದ್ರವಿಡಸ್ಥಾ ದಾಡಿಮಸ್ಥೋ ಮಜ್ಜಾತೀತಾ ಮರುದ್ಗತಿಃ ॥ ೧೧೪ ॥

ಕ್ಷಾನ್ತಿಪ್ರಜ್ಞೋ ವಿಧಿಪ್ರಜ್ಞಾ ವೀತಿಜ್ಞೋತ್ಸುಕನಿಶ್ಚಯಾ ।
ಅಭಾವೋ ಮಲಿನಾಕಾರಾ ಕಾರಾಗಾರಾ ವಿಚಾರಹಾ ॥ ೧೧೫ ॥

ಶಬ್ದಃ ಕಟಾಹಭೇದಾತ್ಮಾ ಶಿಶುಲೋಕಪ್ರಪಾಲಿಕಾ ।
ಅತಿವಿಸ್ತಾರವದನೋ ವಿಭವಾನನ್ದಮಾನಸಾ ॥ ೧೧೬ ॥

ಆಕಾಶವಸನೋನ್ಮಾದೀ ಮೇಪುರಾ ಮಾಂಸಚರ್ವಣಃ ।
ಅತಿಕಾನ್ತಾ ಪ್ರಶಾನ್ತಾತ್ಮಾ ನಿತ್ಯಗುಹ್ಯಾ ಗಭೀರಗಃ ॥ ೧೧೭ ॥

ತ್ರಿಗಮ್ಭೀರಾ ತತ್ತ್ವವಾಸೀ ರಾಕ್ಷಸೀ ಪೂತನಾಕ್ಷರಃ ।
ಅಭೋಗಗಣಿಕಾ ಹಸ್ತೀ ಗಣೇಶಜನನೀಶ್ವರಃ ॥ ೧೧೮ ॥

ಕುಣ್ಡಪಾಲಕಕರ್ತಾ ಚ ತ್ರಿರೂಣ್ಡಾ ರುಣ್ಡಭಾಲಧೃಕ್ ।
ಅತಿಶಕ್ತಾ ವಿಶಕ್ತಾತ್ಮಾ ದೇವ್ಯಾಙ್ಗೀ ನನ್ದನಾಶ್ರಯಃ ॥ ೧೧೯ ॥

ಭಾವನೀಯಾ ಭ್ರಾನ್ತಿಹರಃ ಕಾಪಿಲಾಭಾ ಮನೋಹರಃ ।
ಆರ್ಯಾದೇವೀ ನೀಲವರ್ಣಾ ಸಾಯಕೋ ಬಲವೀರ್ಯದಾ ॥ ೧೨೦ ॥

ಸುಖದೋ ಮೋಕ್ಷದಾತಾಽತೋ ಜನನೀ ವಾಞ್ಛಿತಪ್ರದಃ ।
ಚಾತಿರೂಪಾ ವಿರೂಪಸ್ಥೋ ವಾಚ್ಯಾ ವಾಚ್ಯವಿವರ್ಜಿತಃ ॥ ೧೨೧ ॥

ಮಹಾಲಿಙ್ಗಸಮುತ್ಪನ್ನಾ ಕಾಕಭೇರೀ ನದಸ್ಥಿತಃ ।
ಆತ್ಮಾರಾಮಕಲಾಕಾಯಃ ಸಿದ್ಧಿದಾತಾ ಗಣೇಶ್ವರೀ ॥ ೧೨೨ ॥

ಕಲ್ಪದ್ರುಮಃ ಕಲ್ಪಲತಾ ಕುಲವೃಕ್ಷಃ ಕುಲದ್ರುಮಾ ।
ಸುಮನಾ ಶ್ರೀಗುರುಮಯೀ ಗುರುಮನ್ತ್ರಪ್ರದಾಯಕಃ ॥ ೧೨೩ ॥

ಅನನ್ತಶಯನಾಽನನ್ತೋ ಜಲೇಶೀ ಜಹ್ನಜೇಶ್ವರಃ ।
ಗಙ್ಗಾ ಗಙ್ಗಾಧರಃ ಶ್ರೀದಾ ಭಾಸ್ಕರೇಶೋ ಮಹಾಬಲಾ ॥ ೧೨೪ ॥

ಗುಪ್ತಾಕ್ಷರೋ ವಿಧಿರತಾ ವಿಧಾನಪುರುಷೇಶ್ವರಃ ।
ಸಿದ್ಧಕಲಙ್ಕಾ ಕುಣ್ಡಾಲೀ ವಾಗ್ದೇವಃ ಪಞ್ಚದೇವತಾ ॥ ೧೨೫ ॥

ಅಲ್ಪಾತೀತಾ ಮನೋಹಾರೀ ತ್ರಿವಿಧಾ ತತ್ತ್ವಲೋಚನಾ ।
ಅಮಾಯಾಪತಿರ್ಭೂಭ್ರಾನ್ತಿಃ ಪಾಞ್ಚಜನ್ಯಧರೋಽಗ್ರಜಾ ॥ ೧೨೬ ॥

ಅತಿತಪ್ತಃ ಕಾಮತಪ್ತಾ ಮಾಯಾಮೋಹವಿವರ್ಜಿತಃ ।
ಆರ್ಯಾ ಪುತ್ರೀಶ್ವರಃ ಸ್ಥಾಣುಃ ಕೃಶಾನುಸ್ಥಾ ಜಲಾಪ್ಲುತಃ ॥ ೧೨೭ ॥

ವಾರುಣೀ ಮದಿರಾಮತ್ತೋ ಮಾಂಸಪ್ರೇಮದಿಗಮ್ಬರಾ ।
ಅನ್ತರಸ್ಥೋ ದೇಹಸಿದ್ಧಾ ಕಾಲಾನಲಸುರಾದ್ರಿಪಃ ॥ ೧೨೮ ॥

ಆಕಾಶವಾಹಿನೀ ದೇವಃ ಕಾಕಿನೀಶೋ ದಿಗಮ್ಬರೀ ।
ಕಾಕಚಞ್ಚುಪುಟಮಧುಹರೋ ಗಗನಮಾಬ್ಧಿಪಾ ॥ ೧೨೯ ॥

ಮುದ್ರಾಹಾರೀ ಮಹಾಮುದ್ರಾ ಮೀನಪೋ ಮೀನಭಕ್ಷಿಣೀ ।
ಶಾಕಿನೀ ಶಿವನಾಥೇಶಃ ಕಾಕೋರ್ಧ್ವೇಶೀ ಸದಾಶಿವಃ ॥ ೧೩೦ ॥

ಕಮಲಾ ಕಣ್ಠಕಮಲಃ ಸ್ಥಾಯುಕಃ ಪ್ರೇಮನಾಯಿಕಾ ।
ಮೃಣಾಲಮಾಲಾಧಾರೀ ಚ ಮೃಣಾಲಮಾಲಾಮಾಲಿನೀ ॥ ೧೩೧ ॥

ಅನಾದಿನಿಧನಾ ತಾರಾ ದುರ್ಗತಾರಾ ನಿರಕ್ಷರಾ ।
ಸರ್ವಾಕ್ಷರಾ ಸರ್ವವರ್ಣಾ ಸರ್ವಮನ್ತ್ರಾಕ್ಷಮಾಲಿಕಾ ॥ ೧೩೨ ॥

ಆನನ್ದಭೈರವೋ ನೀಲಕಣ್ಠೋ ಬ್ರಹ್ಮಾಣ್ಡಮಣ್ಡಿತಃ ।
ಶಿವೋ ವಿಶ್ವೇಶ್ವರೋಽನನ್ತಃ ಸರ್ವಾತೀತೋ ನಿರಞ್ಜನಃ ॥ ೧೩೩ ॥

ಇತಿ ತೇ ಕಥಿತಂ ನಾಥ ತ್ರೈಲೋಕ್ಯಸಾರಮಙ್ಗಲಮ್ ।
ಭುವನಮಙ್ಗಲಂ ನಾಮ ಮಹಾಪಾತಕನಾಶನಮ್ ॥ ೧೩೪ ॥

ಅಸ್ಯ ಪ್ರಪಠನೇಽಪಿ ಚ ಯತ್ಫಲಂ ಲಭತೇ ನರಃ ।
ತತ್ಸರ್ವಂ ಕಥಿತುಂ ನಾಲಂ ಕೋಟಿವರ್ಷಶತೈರಪಿ ॥ ೧೩೫ ॥

ತಥಾಪಿ ತವ ಯತ್ನೇನ ಫಲಂ ಶೃಣು ದಯಾರ್ಣವ ।
ರಾಜದ್ವಾರೇ ನದೀತೀರೇ ಸಙ್ಗ್ರಾಮೇ ವಿಜನೇಽನಲೇ ॥ ೧೩೬ ॥

ಶೂನ್ಯಾಗಾರೇ ನಿರ್ಜನೇ ವಾ ಘೋರಾನ್ಧಕಾರರಾತ್ರಿಕೇ ।
ಚತುಷ್ಟಯೇ ಶ್ಮಶಾನೇ ವಾ ಪಠಿತ್ವಾ ಷೋಡಶೇ ದಲೇ ॥ ೧೩೭ ॥

ರಕ್ತಾಮ್ಭೋಜೈಃ ಪೂಜಯಿತ್ವಾ ಮನಸಾ ಕಾಮಚಿನ್ತಯನ್ ।
ಘೃತಾಕ್ತೈರ್ಜುಹುಯಾನ್ನಿತ್ಯಂ ನಾಮ ಪ್ರತ್ಯೇಕಮುಚ್ಚರನ್ ॥ ೧೩೮ ॥

ಮೂಲಮನ್ತ್ರೇಣ ಪುಟಿತಮಾಜ್ಯಂ ವಹ್ನೌ ಸಮರ್ಪಯೇತ್ ।
ಅನ್ತರೇ ಸ್ವಸುಖೇ ಹೋಮಃ ಸರ್ವಸಿದ್ಧಿಸುಖಪ್ರದಃ ॥ ೧೩೯ ॥

ಸದ್ಯೋಮಧುಯುತೈರ್ಮಾಂಸೈಃ ಸುಸುಖೇ ಮನ್ತ್ರಮುಚ್ಚರನ್ ।
ಪ್ರತ್ಯೇಕಂ ನಾಮಪುಟಿತಂ ಹುತ್ವಾ ಪುನರ್ಮುಖಾಮ್ಬುಜೇ ॥ ೧೪೦ ॥

ಕುಣ್ಡಲೀರಸಜಿಹ್ವಾಯಾಂ ಜೀವನ್ಮುಕ್ತೋ ಭವೇನ್ನರಃ ।
ಧೃತ್ವಾ ವಾಪಿ ಪಠಿತ್ವಾ ವಾ ಸ್ತುತ್ವಾ ವಾ ವಿಧಿನಾ ಪ್ರಭೋ ॥ ೧೪೧ ॥

ಮಹಾರುದ್ರೋ ಭವೇತ್ಸಾಕ್ಷಾನ್ಮಮ ದೇಹಾನ್ವಿತೋ ಭವೇತ್ ।
ಯೋಗೀ ಜ್ಞಾನೀ ಭವೇತ್ ಸಿದ್ಧಃ ಸಾರಸಙ್ಕೇತದರ್ಶಕಃ ॥ ೧೪೨ ॥

ಅಪರಾಜಿತಃ ಸರ್ವಲೋಕೇ ಕಿಮನ್ಯತ್ ಫಲಸಾಧನಮ್ ।
ಧೃತ್ವಾ ರಾಜತ್ವಮಾಪ್ನೋತಿ ಕಣ್ಠೇ ಪೃಥ್ವೀಶ್ವರೋ ಭವೇತ್ ॥ ೧೪೩ ॥

ದಕ್ಷಹಸ್ತೇ ತಥಾ ಧೃತ್ವಾ ಧನವಾನ್ ಗುಣವಾನ್ ಭವೇತ್ ।
ಅಕಾಲಮೃತ್ಯುಹರಣಂ ಸರ್ವವ್ಯಾಧಿನಿವಾರಣಮ್ ॥ ೧೪೪ ॥

ಹುತ್ವಾ ರಾಜೇನ್ದ್ರನಾಥಶ್ಚ ಮಹಾವಾಗ್ಮೀ ಸದಾಽಭಯಃ ।
ಸರ್ವೇಷಾಂ ಮಥನಂ ಕೃತ್ವಾ ಗಣೇಶೋ ಮಮ ಕಾರ್ತೀಕಃ ॥ ೧೪೫ ॥

ದೇವನಾಮಧಿಪೋ ಭೂತ್ವಾ ಸರ್ವಜ್ಞೋ ಭವತಿ ಪ್ರಭೋ ।
ಯಥಾ ತಥಾ ಮಹಾಯೋಗೀ ಭ್ರಮತ್ಯೇವ ನ ಸಂಶಯಃ ॥ ೧೪೬ ॥

ಪ್ರಾತಃಕಾಲೇ ಪಠೇದ್ ಯಸ್ತು ಮಸ್ತಕೇ ಸ್ತುತಿಧಾರಕಃ ।
ಜಲಸ್ತಮ್ಭಂ ಕರೋತ್ಯೇವ ರಸಸ್ತಮ್ಭಂ ತಥೈವ ಚ ॥ ೧೪೭ ॥

ರಾಜ್ಯಸ್ತಮ್ಭಂ ನರಸ್ತಮ್ಭಂ ವೀರ್ಯಸ್ತಮ್ಭಂ ತಥೈವ ಚ
ವಿದ್ಯಾಸ್ತಮ್ಭಂ ಸುಖಸ್ತಮ್ಭಂ ಕ್ಷೇತ್ರಸ್ತಮ್ಭಂ ತಥೈವ ಚ ॥ ೧೪೮ ॥

ರಾಜಸ್ತಮ್ಭಂ ಧನಸ್ತಮ್ಭಂ ಗ್ರಾಮಸ್ತಮ್ಭಂ ತಥೈವ ಚ
ಮಧ್ಯಾಹ್ನೇ ಚ ಪಠೇದ್ ಯಸ್ತು ವಹ್ನಿಸ್ತಮ್ಭಂ ಕರೋತ್ಯಪಿ ॥ ೧೪೯ ॥

ಕಾಲಸ್ತಮ್ಭಂ ವಯಃಸ್ತಮ್ಭಂ ಶ್ವಾಸಸ್ತಮ್ಭಂ ತಥೈವ ಚ ।
ರಸಸ್ತಮ್ಭಂ ವಾಯುಸ್ತಮ್ಭಂ ಬಾಹುಸ್ತಮ್ಭಂ ಕರೋತ್ಯಪಿ ॥ ೧೫೦ ॥

ಸಾಯಾಹ್ನೇ ಚ ಪಠೇದ್ ಯಸ್ತು ಕಣ್ಠೋದರೇ ಚ ಧಾರಯನ್ ।
ಮನ್ತ್ರಸ್ತಮ್ಭಂ ಶಿಲಾಸ್ತಮ್ಭಂ ಶಾಸ್ತ್ರಸ್ತಮ್ಭಂ ಕರೋತ್ಯಪಿ ॥ ೧೫೧ ॥

ಹಿರಣ್ಯರಜತಸ್ತಮ್ಭಂ ವಜ್ರಸ್ತಮ್ಭಂ ತಥೈವ ಚ ।
ಅಕಾಲತ್ವಾದಿಸಂಸ್ತಮ್ಭಂ ವಾತಸ್ತಮ್ಭಂ ಕರೋತ್ಯಪಿ ॥ ೧೫೨ ॥

ಪಾರದಸ್ತಮ್ಭನಂ ಶಿಲ್ಪಕಲ್ಪನಾ ಜ್ಞಾನಸ್ತಮ್ಭನಮ್ ।
ಆಸನಸ್ತಮ್ಭನಂ ವ್ಯಾಧಿಸ್ತಮ್ಭನಂ ಬನ್ಧನಂ ರಿಪೋಃ ॥ ೧೫೩ ॥

ಷಟ್ಪದ್ಮಸ್ತಮ್ಭನಂ ಕೃತ್ವಾ ಯೋಗೀ ಭವತಿ ನಿಶ್ಚಿತಮ್ ।
ವನ್ಧ್ಯಾ ನಾರೀ ಲಭೇತ್ ಪುತ್ರಂ ಸುನ್ದರಂ ಸುಮನೋಹರಮ್ ॥ ೧೫೪ ॥

ಭ್ರಷ್ಟೋ ಮನುಷ್ಯೋ ರಾಜೇನ್ದ್ರಃ ಕಿಮನ್ಯೇ ಸಾಧವೋ ಜನಾಃ ।
ಶ್ರವಣಾನ್ಮಕರೇ ಲಗ್ನೇ ಚಿತ್ರಾಯೋಗೇ ಚ ಪರ್ವಣಿ ॥ ೧೫೫ ॥

ಹಿರಣ್ಯಯೋಗೇ ವಾಯವ್ಯಾಂ ಲಿಖಿತ್ವಾ ಮಾಘಮಾಸಕೇ ।
ವೈಶಾಖೇ ರಾಜಯೋಗೇ ವಾ ರೋಹಿಣ್ಯಾಖ್ಯಾ ವಿಶೇಷತಃ ॥ ೧೫೬ ॥

ಶ್ರೀಮದ್ಭುವನಮಙ್ಗಲಂ ನಾಮ ಯಶೋದಾತೃ ಭವೇದ್ ಧ್ರುವಮ್ ।
ಜಾಯನ್ತೇ ರಾಜವಲ್ಲಭಾ ಅಮರಾಃ ಖೇಚರಾ ಲಿಖನೇನ ॥ ೧೫೭ ॥

ಧರ್ಮಾರ್ಥಕಾಮಮೋಕ್ಷಂ ಚ ಪ್ರಾಪ್ನುವನ್ತಿ ಚ ಪಾಠಕಾಃ ।
ಕೀರ್ತಿರಾತ್ಮದೃಷ್ಟಿಪಾತಂ ಲಭತೇ ನಾತ್ರ ಸಂಶಯಃ ॥ ೧೫೮ ॥

॥ ಇತಿ ಶ್ರೀರುದ್ರಯಾಮಲೇ ಉತ್ತರತನ್ತ್ರೇ ಭೈರವೀಭೈರವಸಂವಾದೇ

ಶಾಕಿನೀಸದಾಶಿವಸ್ತವನಮಙ್ಗಲಾಷ್ಟೋತ್ತರಸಹಸ್ರನಾಮ ಸಮ್ಪೂರ್ಣಮ್ ॥


Proofread by Ravin Bhalekar ravibhalekar@hotmail.com

Please send corrections to sanskrit@cheerful.com
Last updated ತ್oday
http://sanskritdocuments.org

Shakini SadaShiva Stavana Mangala Ashtottara Sahasranama Stotram Lyrics in Kannada PDF
% File name : shAkinIsadAshivasahasra.itx
% Category : sahasranAma
% Location : doc\_devii
% Author : Traditional
% Language : Sanskrit
% Subject : philosophy/hinduism/religion
% Transliterated by : Mark S.G. Dyczkowski muktAbodha
% Proofread by : Ravin Bhalekar ravibhalekar at hotmail.com
% Description-comments : rudrayAmale uttaratantre bhairava bhairavI sa.nvAde
% Latest update : May 25, 2009
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 15, 2015 ] at Stotram Website