{॥ ശാകിനീസദാശിവസ്തവനമങ്ഗലാഷ്ടോത്തരസഹസ്രനാമസ്തോത്ര ॥}
ശ്രീഗണേശായ നമഃ ।
ശ്രീആനന്ദഭൈരവീ ഉവാച ।
കൈലാസശിഖരാരൂഢ പഞ്ചവക്ത്ര ത്രിലോചന ।
അഭേദ്യഭേദകപ്രാണവല്ലഭ ശ്രീസദാശിവ ॥ ൧ ॥

ഭവപ്രാണപ്രരക്ഷായ കാലകൂടഹരായ ച ।
പ്രത്യങ്ഗിരാപാദുകായ ദാന്തം ശബ്ദമയം പ്രിയമ് ॥ ൨ ॥

ഇച്ഛാമി രക്ഷണാര്ഥായ ഭക്താനാം യോഗിനാം സദാമ് ।
അവശ്യം കഥയാമ്യത്ര സര്വമങ്ഗലലക്ഷണമ് ॥ ൩ ॥

അഷ്ടോത്തരസഹസ്രാഖ്യം സദാശിവസമന്വിതമ് ।
മഹാപ്രഭാവജനനം ദമനം ദുഷ്ടചേതസാമ് ॥ ൪ ॥

സര്വരക്ഷാകരം ലോകേ കണ്ഠപദ്മപ്രസിദ്ധയേ ।
അകാലമൃത്യുഹരണം സര്വവ്യാധിനിവാരണമ് ॥ ൫ ॥

യോഗസിദ്ധികരം സാക്ഷാദ് അമൃതാനന്ദകാരകമ് ।
വിഷജ്വാലാദിഹരണം മന്ത്രസിദ്ധികരം പരമ് ॥ ൬ ॥

നാമ്നാം സ്മരണമാത്രേണ യോഗിനാം വല്ലഭോ ഭവേത് ।
സദാശിവയുതാം ദേവീം സമ്പൂജ്യ സംസ്മരേദ് യദി ॥ ൭ ॥

മാസാന്തേ സിദ്ധിമാപ്നോതി ഖേചരീമേലനം ഭവേത് ।
ആകാശഗാമിനീസിദ്ധിഃ പഠിത്വാ ലഭ്യതേ ധ്രുവമ് ॥ ൮ ॥

ധനം രത്നം ക്രിയാസിദ്ധിം വിഭൂതിസിദ്ധിമാം ലഭേത് ।
പഠനാദ് ധാരണാദ്യോഗീ മഹാദേവഃ സദാശിവഃ ॥ ൯ ॥

വിഷ്ണുശ്ചക്രധരഃ സാക്ഷാദ് ബ്രഹ്മാ നിത്യം തപോധനഃ ।
യോഗിനഃ സര്വദേവാശ്ച മുനയശ്ചാപി യോഗിനഃ ॥ ൧൦ ॥

സിദ്ധാഃ സര്വേ സഞ്ചരന്തി ധൃത്വാ ച പഠനാദ് യതഃ ।
യേ യേ പഠന്തി നിത്യം തു തേ സിദ്ധാ വിഷ്ണുസമ്ഭവാഃ ॥ ൧൧ ॥

കിമന്യത് കഥനേനാപി ഭുക്തിം മുക്തിം ക്ഷണാല്ലഭേത് ॥ ൧൨ ॥

അസ്യ ശ്രീഭുവനമങ്ഗലമഹാസ്തോത്രാഷ്ടോത്തരസഹസ്രനാമ്നഃ ,
ശ്രീസദാശിവഋഷിഃ , ഗായത്രീച്ഛന്ദഃ , ശ്രീസദാശിവശാകിനീദേവതാ ,
പുരുഷാര്ഥാഷ്ടസിദ്ധിസമയയോഗസമൃദ്ധയേ വിനിയോഗഃ ।
ഓം ശാകിനീ പീതവസ്ത്രാ സദാശിവ ഉമാപതിഃ ।
ശാകമ്ഭരീ മഹാദേവീ ഭവാനീ ഭുവനപ്രിയഃ ॥ ൧൩ ॥

യോഗിനീ യോഗധര്മാത്മാ യോഗാത്മാ ശ്രീസദാശിവഃ ।
യുഗാദ്യാ യുഗധര്മാ ച യോഗവിദ്യാ സുയോഗിരാട് ॥ ൧൪ ॥

യോഗിനീ യോഗജേതാഖ്യഃ സുയോഗാ യോഗശങ്കരഃ ।
യോഗപ്രിയാ യോഗവിദ്വാന് യോഗദാ യോഗഷഡ്ഭുവിഃ ॥ ൧൫ ॥

ത്രിയോഗാ ജഗദീശാത്മാ ജാപികാ ജപസിദ്ധിദഃ ।
യത്നീ യത്നപ്രിയാനന്ദോ വിധിജ്ഞാ വേദസാരവിത് ॥ ൧൬ ॥

സുപ്രതിഷ്ഠാ ശുഭകരോ മദിരാ മദനപ്രിയഃ ।
മധുവിദ്യാ മാധവീശഃ ക്ഷിതിഃ ക്ഷോഭവിനാശനഃ ॥ ൧൭ ॥

വീതിജ്ഞാ മന്മഥഘ്നശ്ച ചമരീ ചാരുലോചനഃ ।
ഏകാന്തരാ കല്പതരുഃ ക്ഷമാബുദ്ധോ രമാസവഃ ॥ ൧൮ ॥

വസുന്ധരാ വാമദേവഃ ശ്രീവിദ്യാ മന്ദരസ്ഥിതഃ ।
അകലങ്കാ നിരാതങ്കഃ ഉതങ്കാ ശങ്കരാശ്രയഃ ॥ ൧൯ ॥

നിരാകാരാ നിര്വികല്പോ രസദാ രസികാശ്രയഃ ।
രാമാ രാമനനാഥശ്ച ലക്ഷ്മീ നീലേഷുലോചനഃ ॥ ൨൦ ॥

വിദ്യാധരീ ധരാനന്ദഃ കനകാ കാഞ്ചനാങ്ഗധൃക് ।
ശുഭാ ശുഭകരോന്മത്തഃ പ്രചണ്ഡാ ചണ്ഡവിക്രമഃ ॥ ൨൧ ॥

സുശീലാ ദേവജനകഃ കാകിനീ കമലാനനഃ ।
കജ്ജലാഭാ കൃഷ്ണദേഹഃ ശൂലിനീ ഖഡ്ഗചര്മധൃക് ॥ ൨൨ ॥

ഗതിഗ്രാഹ്യഃ പ്രഭാഗൌരഃ ക്ഷമാ ക്ഷുബ്ധഃ ശിവാ ശിവഃ ।
ജവാ യതിഃ പരാ ഹരിര്ഹരാഹരോഽക്ഷരാക്ഷരഃ ॥ ൨൩ ॥

സനാതനീ സനാതനഃ ശ്മശാനവാസിനീപതിഃ ।
ജയാക്ഷയോ ധരാചരഃ സമാഗതിഃ പ്രമാപതിഃ ॥ ൨൪ ॥

കുലാകുലോ മലാനനോ വലീവലാ മലാമലഃ ।
പ്രഭാധരഃ പരാപരഃ സരാസരഃ കരാകരഃ ॥ ൨൫ ॥

മയാമയഃ പയാപയഃ പലാപലോ ദയാദയഃ ।
ഭയാഭയോ ജയാജയോ ഗയാഗയഃ ഫലാന്വയഃ ॥ ൨൬ ॥

സമാഗമോ ധമാധമോ രമാരമോ വമാവമഃ ।
വരാങ്ഗണാ ധരാധരഃ പ്രഭാകരോ ഭ്രമാഭ്രമഃ ॥ ൨൭ ॥

സതീ സുഖീ സുലക്ഷണാ കൃപാകരോ ദയാനിധിഃ ।
ധരാപതിഃ പ്രിയാപതിവീരാഗിണീ മനോന്മനഃ ॥ ൨൮ ॥

പ്രധാവിനീ സദാചലഃ പ്രചഞ്ചലാതിചഞ്ചലഃ ।
കടുപ്രിയാ മഹാകടുഃ പടുപ്രിയാ മഹാപടുഃ ॥ ൨൯ ॥

ധനാവലീ ഗണാഗണീ ഖരാഖരഃ ഫണിഃ ക്ഷണഃ ।
പ്രിയാന്വിതാ ശിരോമണിസ്തു ശാകിനീ സദാശിവഃ ॥ ൩൦ ॥

രുണാരുണോ ഘനാഘനോ ഹയീ ഹയോ ലയീ ലയഃ ।
സുദന്തരാ സുദാഗമഃ ഖലാപഹാ മഹാശയഃ ॥ ൩൧ ॥

ചലത്കുചാ ജവാവൃതോ ഘനാന്തരാ സ്വരാന്തകഃ ।
പ്രചണ്ഡഘര്ഘരധ്വനിഃ പ്രിയാ പ്രതാപവഹ്നിഗഃ ॥ ൩൨ ॥

പ്രശാന്തിരുന്ദുരുസ്ഥിതാ മഹേശ്വരീ മഹേശ്വരഃ ।
മഹാശിവാവിനീ ഘനീ രണേശ്വരീ രണേശ്വരഃ ॥ ൩൩ ॥

പ്രതാപിനീ പ്രതാപനഃ പ്രമാണികാ പ്രമാണവിത് ।
വിശുദ്ധവാസിനീ മുനിവിശുദ്ധവിന്മധൂത്തമാ ॥ ൩൪ ॥

തിലോത്തമാ മഹോത്തമഃ സദാമയാ ദയാമയഃ ।
വികാരതാരിണീ തരുഃ സുരാസുരോഽമരാഗുരുഃ ॥ ൩൫ ॥

പ്രകാശികാ പ്രകാശകഃ പ്രചണ്ഡികാ വിഭാണ്ഡകഃ ।
ത്രിശൂലിനീ ഗദാധരഃ പ്രവാലികാ മഹാബലഃ ॥ ൩൬ ॥

ക്രിയാവതീ ജരാപതിഃ പ്രഭാമ്ബരാ ദിഗമ്ബരഃ ।
കുലാമ്ബരാ മൃഗാമ്ബരാ നിരന്തരാ ജരാന്തരഃ ॥ ൩൭ ॥

ശ്മശാനനിലയാ ശമ്ഭുര്ഭവാനീ ഭീമലോചനഃ ।
കൃതാന്തഹാരിണീകാന്തഃ കുപിതാ കാമനാശനഃ ॥ ൩൮ ॥

ചതുര്ഭുജാ പദ്മനേത്രോ ദശഹസ്താ മഹാഗുരുഃ ।
ദശാനനാ ദശഗ്രീവഃ ക്ഷിപ്താക്ഷീ ക്ഷേപനപ്രിയഃ ॥ ൩൯ ॥

വാരാണസീ പീഠവാസീ കാശീ വിശ്വഗുരുപ്രിയഃ ।
കപാലിനീ മഹാകാലഃ കാലികാ കലിപാവനഃ ॥ ൪൦ ॥

രന്ധ്രവര്ത്മസ്ഥിതാ വാഗ്മീ രതീ രാമഗുരുപ്രഭുഃ ।
സുലക്ഷ്മീഃ പ്രാന്തരസ്ഥശ്ച യോഗികന്യാ കൃതാന്തകഃ ॥ ൪൧ ॥

സുരാന്തകാ പുണ്യദാതാ താരിണീ തരുണപ്രിയഃ ।
മഹാഭയതരാ താരാസ്താരികാ താരകപ്രഭുഃ ॥ ൪൨ ॥

താരകബ്രഹ്മജനനീ മഹാദൃപ്തഃ ഭവാഗ്രജഃ ।
ലിങ്ഗഗമ്യാ ലിങ്ഗരൂപീ ചണ്ഡികാ വൃഷവാഹനഃ ॥ ൪൩ ॥

രുദ്രാണീ രുദ്രദേവശ്ച കാമജാ കാമമന്ഥനഃ ।
വിജാതീയാ ജാതിതാതോ വിധാത്രീ ധാതൃപോഷകഃ ॥ ൪൪ ॥

നിരാകാരാ മഹാകാശഃ സുപ്രവിദ്യാ വിഭാവസുഃ ।
വാസുകീ പതിതത്രാതാ ത്രിവേണീ തത്ത്വദര്ശകഃ ॥ ൪൫ ॥

പതാകാ പദ്മവാസീ ച ത്രിവാര്താ കീര്തിവര്ധനഃ ।
ധരണീ ധാരണാവ്യാപ്തോ വിമലാനന്ദവര്ധനഃ ॥ ൪൬ ॥

വിപ്രചിത്താ കുണ്ഡകാരീ വിരജാ കാലകമ്പനഃ ।
സൂക്ഷ്മാധാരാ അതിജ്ഞാനീ മന്ത്രസിദ്ധിഃ പ്രമാണഗഃ ॥ ൪൭ ॥

വാച്യാ വാരണതുണ്ഡശ്ച കമലാ കൃഷ്ണസേവകഃ ।
ദുന്ദുഭിസ്ഥാ വാദ്യഭാണ്ഡോ നീലാങ്ഗീ വാരണാശ്രയഃ ॥ ൪൮ ॥

വസന്താദ്യാ ശീതരശ്മിഃ പ്രമാദ്യാ ശക്തിവല്ലഭഃ ।
ഖഡ്ഗനാ ചക്രകുന്താഢ്യഃ ശിശിരാല്പധനപ്രിയഃ ॥ ൪൯ ॥

ദുര്വാച്യാ മന്ത്രനിലയഃ ഖണ്ഡകാലീ കുലാശ്രയഃ ।
വാനരീ ഹസ്തിഹാരാദ്യഃ പ്രണയാ ലിങ്ഗപൂജകഃ ॥ ൫൦ ॥

മാനുഷീ മനുരൂപശ്ച നീലവര്ണാ വിധുപ്രഭഃ ।
അര്ധശ്ചന്ദ്രധരാ കാലഃ കമലാ ദീര്ഘകേശധൃക് ॥ ൫൧ ॥

ദീര്ഘകേശീ വിശ്വകേശീ ത്രിവര്ഗാ ഖണ്ഡനിര്ണയഃ ।
ഗൃഹിണീ ഗ്രഹഹര്താ ച ഗ്രഹപീഡാ ഗ്രഹക്ഷയഃ ॥ ൫൨ ॥

പുഷ്പഗന്ധാ വാരിചരഃ ക്രോധാദേവീ ദിവാകരഃ ।
അഞ്ജനാ ക്രൂരഹര്താ ച കേവലാ കാതരപ്രിയഃ ॥ ൫൩ ॥

പദ്യാമയീ പാപഹര്താ വിദ്യാദ്യാ ശൈലമര്ദകഃ ।
കൃഷ്ണജിഹ്വാ രക്തമുഖോ ഭുവനേശീ പരാത്പരഃ ॥ ൫൪ ॥

വദരീ മൂലസമ്പര്കഃ ക്ഷേത്രപാലാ ബലാനലഃ ।
പിതൃഭൂമിസ്ഥിതാചാര്യോ വിഷയാ ബാദരായണിഃ ॥ ൫൫ ॥

പുരോഗമാ പുരോഗാമീ വീരഗാ രിപുനാശകഃ ।
മഹാമായാ മഹാന്മായോ വരദഃ കാമദാന്തകഃ ॥ ൫൬ ॥

പശുലക്ഷ്മീഃ പശുപതിഃ പഞ്ചശക്തിഃ ക്ഷപാന്തകഃ ।
വ്യാപികാ വിജയാച്ഛന്നോ വിജാതീയാ വരാനനഃ ॥ ൫൭ ॥

കടുമൂതീഃ ശാകമൂതീസ്ത്രിപുരാ പദ്മഗര്ഭജഃ ।
അജാബ്യാ ജാരകഃ പ്രക്ഷ്യാ വാതുലഃ ക്ഷേത്രബാന്ധവാ ॥ ൫൮ ॥

അനന്താനന്തരൂപസ്ഥോ ലാവണ്യസ്ഥാ പ്രസഞ്ചയഃ ।
യോഗജ്ഞോ ജ്ഞാനചക്രേശോ ബഭ്രമാ ഭ്രമണസ്ഥിതഃ ॥ ൫൯ ॥

ശിശുപാലാ ഭൂതനാശോ ഭൂതകൃത്യാ കുടുമ്ബപഃ ।
തൃപ്താശ്വത്ഥോ വരാരോഹാ വടുകഃ പ്രോടികാവശഃ ॥ ൬൦ ॥

ശ്രദ്ധാ ശ്രദ്ധാന്വിതഃ പുഷ്ടിഃ പുഷ്ടോ രുഷ്ടാഷ്ടമാധവാ ।
മിലിതാ മേലനഃ പൃഥ്വീ തത്ത്വജ്ഞാനീ ചാരുപ്രിയാ ॥ ൬൧ ॥

അലബ്ധാ ഭയഹന്ത്യാ ദശനഃ പ്രാപ്തമാനസാ ।
ജീവനീ പരമാനന്ദോ വിദ്യാഢ്യാ ധര്മകര്മജഃ ॥ ൬൨ ॥

അപവാദരതാകാങ്ക്ഷീ വില്വാനാഭദ്രകമ്ബലഃ ।
ശിവിവാരാഹനോന്മത്തോ വിശാലാക്ഷീ പരന്തപഃ ॥ ൬൩ ॥

ഗോപനീയാ സുഗോപ്താ ച പാര്വതീ പരമേശ്വരഃ ।
ശ്രീമാതങ്ഗീ ത്രിപീഠസ്ഥോ വികാരീ ധ്യാനനിര്മലഃ ॥ ൬൪ ॥

ചാതുരീ ചതുരാനന്ദഃ പുത്രിണീ സുതവത്സലഃ ।
വാമനീ വിഷയാനന്ദഃ കിങ്കരീ ക്രോധജീവനഃ ॥ ൬൫ ॥

ചന്ദ്രാനനാ പ്രിയാനന്ദഃ കുശലാ കേതകീപ്രിയഃ ।
പ്രചലാ താരകജ്ഞാനീ ത്രികര്മാ നര്മദാപതിഃ ॥ ൬൬ ॥

കപാടസ്ഥാ കലാപസ്ഥോ വിദ്യാജ്ഞാ വര്ധമാനഗഃ ।
ത്രികൂടാ ത്രിവിധാനന്ദോ നന്ദനാ നന്ദനപ്രിയഃ ॥ ൬൭ ॥

വിചികിത്സാ സമാപ്താങ്ഗോ മന്ത്രജ്ഞാ മനുവര്ധനഃ ।
മന്നികാ ചാമ്ബികാനാഥോ വിവാശീ വംശവര്ധനഃ ॥ ൬൮ ॥

വജ്രജിഹ്വാ വജ്രദന്തോ വിക്രിയാ ക്ഷേത്രപാലനഃ ।
വികാരണീ പാര്വതീശഃ പ്രിയാങ്ഗീ പഞ്ചചാമരഃ ॥ ൬൯ ॥

ആംശികാ വാമദേവാദ്യാ വിമായാഢ്യാ പരാപരഃ ।
പായാങ്ഗീ പരമൈശ്വര്യാ ദാതാ ഭോക്ത്രീ ദിവാകരഃ ॥ ൭൦ ॥

കാമദാത്രീ വിചിത്രാക്ഷോ രിപുരക്ഷാ ക്ഷപാന്തകൃത് ।
ഘോരമുഖീ ഘര്ഘരാഖ്യോ വിലജ്വാ ജ്വാലിനീപതിഃ ॥ ൭൧ ॥

ജ്വാലാമുഖീ ധര്മകര്താ ശ്രീകര്ത്രീ കാരണാത്മകഃ ।
മുണ്ഡാലീ പഞ്ചചൂഡാശ്ച ത്രിശാവര്ണാ സ്ഥിതാഗ്രജഃ ॥ ൭൨ ॥

വിരൂപാക്ഷീ ബൃഹദ്ഗര്ഭോ രാകിനീ ശ്രീപിതാമഹഃ ।
വൈഷ്ണവീ വിഷ്ണുഭക്തശ്ച ഡാകിനീ ഡിണ്ഡിമപ്രിയഃ ॥ ൭൩ ॥

രതിവിദ്യാ രാമനാഥോ രാധികാ വിഷ്ണുലക്ഷണഃ ।
ചതുര്ഭുജാ വേദഹസ്തോ ലാകിനീ മീനകുന്തലഃ ॥ ൭൪ ॥

മൂര്ധജാ ലാങ്ഗലീദേവഃ സ്ഥവിരാ ജീര്ണവിഗ്രഹഃ ।
ലാകിനീശാ ലാകിനീശഃ പ്രിയാഖ്യാ ചാരുവാഹനഃ ॥ ൭൫ ॥

ജടിലാ ത്രിജടാധാരീ ചതുരാങ്ഗീ ചരാചരഃ ।
ത്രിശ്രോതാ പാര്വംതീനാഥോ ഭുവനേശീ നരേശ്വരഃ ॥ ൭൬ ॥

പിനാകിനീ പിനാകീ ച ചന്ദ്രചൂഡാ വിചാരവിത് ।
ജാഡ്യഹന്ത്രീ ജഡാത്മാ ച ജിഹ്വായുക്തോ ജരാമരഃ ॥ ൭൭ ॥

അനാഹതാഖ്യാ രാജേന്ദ്രഃ കാകിനീ സാത്ത്വികസ്ഥിതഃ ।
മരുന്മൂര്തി പദ്മഹസ്തോ വിശുദ്ധാ ശുദ്ധവാഹനഃ ॥ ൭൮ ॥

വൃഷലീ വൃഷപൃഷ്ഠസ്ഥോ വിഭോഗാ ഭോഗവര്ധനഃ ।
യൌവനസ്ഥാ യുവാസാക്ഷീ ലോകാദ്യാ ലോകസാക്ഷിണീ ॥ ൭൯ ॥

ബഗലാ ചന്ദ്രചൂഡാഖ്യോ ഭൈരവീ മത്തഭൈരവഃ ।
ക്രോധാധിപാ വജ്രധാരീ ഇന്ദ്രാണീ വഹ്നിവല്ലഭഃ ॥ ൮൦ ॥

നിര്വികാരാ സൂത്രധാരീ മത്തപാനാ ദിവാശ്രയഃ ।
ശബ്ദഗര്ഭാ ശബ്ദമയോ വാസവാ വാസവാനുജഃ ॥ ൮൧ ॥

ദിക്പാലാ ഗ്രഹനാഥശ്ച ഈശാനീ നരവാഹനഃ ।
യക്ഷിണീശാ ഭൂതിനീശോ വിഭൂതിര്ഭൂതിവര്ധനഃ ॥ ൮൨ ॥

ജയാവതീ കാലകാരീ കല്ക്യവിദ്യാ വിധാനവിത് ।
ലജ്ജാതീതാ ലക്ഷണാങ്ഗോ വിഷപായീ മദാശ്രയഃ ॥ ൮൩ ॥

വിദേശിനീ വിദേശസ്ഥോഽപാപാ പാപവര്ജിതഃ ।
അതിക്ഷോഭാ കലാതീതോ നിരിന്ദ്രിയഗണോദയാ ॥ ൮൪ ॥

വാചാലോ വചനഗ്രന്ഥിമന്ദരോ വേദമന്ദിരാ ।
പഞ്ചമഃ പഞ്ചമീദുര്ഗോ ദുര്ഗാ ദുര്ഗതിനാശനഃ ॥ ൮൫ ॥

ദുര്ഗന്ധാ ഗന്ധരാജശ്ച സുഗന്ധാ ഗന്ധചാലനഃ ।
ചാര്വങ്ഗീ ചര്വണപ്രീതോ വിശങ്കാ മരലാരവിത് ॥ ൮൬ ॥

അതിഥിസ്ഥാ സ്ഥാവരാദ്യാ ജപസ്ഥാ ജപമാലിനീ ।
വസുന്ധരസുതാ താര്ക്ഷീ താര്കീകഃ പ്രാണതാര്കീകഃ ॥ ൮൭ ॥

താലവൃക്ഷാവൃതോന്നാസാ താലജായാ ജടാധരഃ ।
ജടിലേശീ ജടാധാരീ സപ്തമീശഃ പ്രസപ്തമീ ॥ ൮൮ ॥

അഷ്ടമീവേശകൃത് കാലീ സര്വഃ സര്വേശ്വരീശ്വരഃ ।
ശത്രുഹന്ത്രീ നിത്യമന്ത്രീ തരുണീ താരകാശ്രയഃ ॥ ൮൯ ॥

ധര്മഗുപ്തിഃ സാരഗുപ്തോ മനോയോഗാ വിഷാപഹഃ ।
വജ്രാവീരഃ സുരാസൌരീ ചന്ദ്രികാ ചന്ദ്രശേഖരഃ ॥ ൯൦ ॥

വിടപീന്ദ്രാ വടസ്ഥാനീ ഭദ്രപാലഃ കുലേശ്വരഃ ।
ചാതകാദ്യാ ചന്ദ്രദേഹഃ പ്രിയാഭാര്യാ മനോയവഃ ॥ ൯൧ ॥

തീര്ഥപുണ്യാ തീര്ഥയോഗീ ജലജാ ജലശായകഃ ।
ഭൂതേശ്വരപ്രിയാഭൂതോ ഭഗമാലാ ഭഗാനനഃ ॥ ൯൨ ॥

ഭഗിനീ ഭഗവാന് ഭോഗ്യാ ഭവതീ ഭീമലോചനഃ ।
ഭൃഗുപുത്രീ ഭാര്ഗവേശഃ പ്രലയാലയകാരണഃ ॥ ൯൩ ॥

രുദ്രാണീ രുദ്രഗണപോ രൌദ്രാക്ഷീ ക്ഷീണവാഹനഃ ।
കുമ്ഭാന്തകാ നികുമ്ഭാരിഃ കുമ്ഭാന്തീ കുമ്ഭിനീരഗഃ ॥ ൯൪ ॥

കൂഷ്മാണ്ഡീ ധനരത്നാഢ്യോ മഹോഗ്രാഗ്രാഹകഃ ശുഭാ ।
ശിവിരസ്ഥാ ശിവാനന്ദഃ ശവാസനകൃതാസനീ ॥ ൯൫ ॥

പ്രശംസാ സമനഃ പ്രാജ്ഞാ വിഭാവ്യാ ഭവ്യലോചനഃ ।
കുരുവിദ്യാ കൌരവംശഃ കുലകന്യാ മൃണാലധൃക് ॥ ൯൬ ॥

ദ്വിദലസ്ഥാ പരാനന്ദോ നന്ദിസേവ്യാ ബൃഹന്നലാ ।
വ്യാസസേവ്യാ വ്യാസപൂജ്യോ ധരണീ ധീരലോചനഃ ॥ ൯൭ ॥

ത്രിവിധാരണ്യാ തുലാകോടിഃ കാര്പാസാ ഖാര്പരാങ്ഗധൃക് ।
വശിഷ്ഠാരാധിതാവിഷ്ടോ വശഗാ വശജീവനഃ ॥ ൯൮ ॥

ഖഡ്ഗഹസ്താ ഖഡ്ഗധാരീ ശൂലഹസ്താ വിഭാകരഃ ।
അതുലാ തുലനാഹീനോ വിവിധാ ധ്യാനനിര്ണയഃ ॥ ൯൯ ॥

അപ്രകാശ്യാ വിശോധ്യശ്ച ചാമുണ്ഡാ ചണ്ഡവാഹനഃ ।
ഗിരിജാ ഗായനോന്മത്തോ മലാമാലീ ചലാധമഃ ॥ ൧൦൦ ॥

പിങ്ഗദേഹാ പിങ്ഗകേശോഽസമര്ഥാ ശീലവാഹനഃ ।
ഗാരുഡീ ഗരുഡാനന്ദോ വിശോകാ വംശവര്ധനഃ ॥ ൧൦൧ ॥

വേണീന്ദ്രാ ചാതകപ്രായോ വിദ്യാദ്യാ ദോഷമര്ദകഃ ।
അട്ടഹാസാ അട്ടഹാസോ മധുഭക്ഷാ മധുവ്രതഃ ॥ ൧൦൨ ॥

മധുരാനന്ദസമ്പന്നാ മാധവോ മധുനാശികാ ।
മാകരീ മകരപ്രേമോ മാഘസ്ഥാ മഘവാഹനഃ ॥ ൧൦൩ ॥

വിശാഖാ സുസഖാ സൂക്ഷ്മാ ജ്യേഷ്ഠോ ജ്യേഷ്ഠജനപ്രിയാ ।
ആഷാഢനിലയാഷാഢോ മിഥിലാ മൈഥിലീശ്വരഃ ॥ ൧൦൪ ॥

ശീതശൈത്യഗതോ വാണീ വിമലാലക്ഷണേശ്വരഃ ।
അകാര്യകാര്യജനകോ ഭദ്രാ ഭാദ്രപദീയകഃ ॥ ൧൦൫ ॥

പ്രവരാ വരഹംസാഖ്യഃ പവശോഭാ പുരാണവിത് ।
ശ്രാവണീ ഹരിനാഥശ്ച ശ്രവണാ ശ്രവണാങ്കുരഃ ॥ ൧൦൬ ॥

സുകര്ത്രീ സാധനാധ്യക്ഷോ വിശോധ്യാ ശുദ്ധഭാവനഃ ।
ഏകശേഷാ ശശിധരോ ധരാന്തഃ സ്ഥാവരാധരഃ ॥ ൧൦൭ ॥

ധര്മപുത്രീ ധര്മമാത്രോ വിജയാ ജയദായകഃ ।
ദാസരക്ഷാദി വിദശകലാപോ വിധവാപതിഃ ॥ ൧൦൮ ॥

വിധവാധവലോ ധൂര്തഃ ധൂര്താഢ്യോ ധൂര്തപാലികാ ।
ശങ്കരഃ കാമഗാമീ ച ദേവലാ ദേവമായികാ ॥ ൧൦൯ ॥

വിനാശോ മന്ദരാച്ഛന്നാ മന്ദരസ്ഥോ മഹാദ്വയാ ।
അതിപുത്രീ ത്രിമുണ്ഡീ ച മുണ്ഡമാലാ ത്രിചണ്ഡികാ ॥ ൧൧൦ ॥

കര്കടീശഃ കോടരശ്ച സിംഹികാ സിംഹവാഹനഃ ।
നാരസിംഹീ നൃസിംഹശ്ച നര്മദാ ജാഹ്നവീപതിഃ ॥ ൧൧൧ ॥

ത്രിവിധസ്ത്രീ ത്രിസര്ഗാസ്ത്രോ ദിഗമ്ബരോ ദിഗമ്ബരീ ।
മുഞ്ചാനോ മഞ്ചഭേദീ ച മാലഞ്ചാ ചഞ്ചലാഗ്രജഃ ॥ ൧൧൨ ॥

കടുതുങ്ഗീ വികാശാത്മാ ഋദ്ധിസ്പഷ്ടാക്ഷരോഽന്തരാ ।
വിരിഞ്ചഃ പ്രഭവാനന്ദോ നന്ദിനീ മന്ദരാദ്രിധൃക് ॥ ൧൧൩ ॥

കാലികാഭാ കാഞ്ചനാഭോ മദിരാദ്യാ മദോദയഃ ।
ദ്രവിഡസ്ഥാ ദാഡിമസ്ഥോ മജ്ജാതീതാ മരുദ്ഗതിഃ ॥ ൧൧൪ ॥

ക്ഷാന്തിപ്രജ്ഞോ വിധിപ്രജ്ഞാ വീതിജ്ഞോത്സുകനിശ്ചയാ ।
അഭാവോ മലിനാകാരാ കാരാഗാരാ വിചാരഹാ ॥ ൧൧൫ ॥

ശബ്ദഃ കടാഹഭേദാത്മാ ശിശുലോകപ്രപാലികാ ।
അതിവിസ്താരവദനോ വിഭവാനന്ദമാനസാ ॥ ൧൧൬ ॥

ആകാശവസനോന്മാദീ മേപുരാ മാംസചര്വണഃ ।
അതികാന്താ പ്രശാന്താത്മാ നിത്യഗുഹ്യാ ഗഭീരഗഃ ॥ ൧൧൭ ॥

ത്രിഗമ്ഭീരാ തത്ത്വവാസീ രാക്ഷസീ പൂതനാക്ഷരഃ ।
അഭോഗഗണികാ ഹസ്തീ ഗണേശജനനീശ്വരഃ ॥ ൧൧൮ ॥

കുണ്ഡപാലകകര്താ ച ത്രിരൂണ്ഡാ രുണ്ഡഭാലധൃക് ।
അതിശക്താ വിശക്താത്മാ ദേവ്യാങ്ഗീ നന്ദനാശ്രയഃ ॥ ൧൧൯ ॥

ഭാവനീയാ ഭ്രാന്തിഹരഃ കാപിലാഭാ മനോഹരഃ ।
ആര്യാദേവീ നീലവര്ണാ സായകോ ബലവീര്യദാ ॥ ൧൨൦ ॥

സുഖദോ മോക്ഷദാതാഽതോ ജനനീ വാഞ്ഛിതപ്രദഃ ।
ചാതിരൂപാ വിരൂപസ്ഥോ വാച്യാ വാച്യവിവര്ജിതഃ ॥ ൧൨൧ ॥

മഹാലിങ്ഗസമുത്പന്നാ കാകഭേരീ നദസ്ഥിതഃ ।
ആത്മാരാമകലാകായഃ സിദ്ധിദാതാ ഗണേശ്വരീ ॥ ൧൨൨ ॥

കല്പദ്രുമഃ കല്പലതാ കുലവൃക്ഷഃ കുലദ്രുമാ ।
സുമനാ ശ്രീഗുരുമയീ ഗുരുമന്ത്രപ്രദായകഃ ॥ ൧൨൩ ॥

അനന്തശയനാഽനന്തോ ജലേശീ ജഹ്നജേശ്വരഃ ।
ഗങ്ഗാ ഗങ്ഗാധരഃ ശ്രീദാ ഭാസ്കരേശോ മഹാബലാ ॥ ൧൨൪ ॥

ഗുപ്താക്ഷരോ വിധിരതാ വിധാനപുരുഷേശ്വരഃ ।
സിദ്ധകലങ്കാ കുണ്ഡാലീ വാഗ്ദേവഃ പഞ്ചദേവതാ ॥ ൧൨൫ ॥

അല്പാതീതാ മനോഹാരീ ത്രിവിധാ തത്ത്വലോചനാ ।
അമായാപതിര്ഭൂഭ്രാന്തിഃ പാഞ്ചജന്യധരോഽഗ്രജാ ॥ ൧൨൬ ॥

അതിതപ്തഃ കാമതപ്താ മായാമോഹവിവര്ജിതഃ ।
ആര്യാ പുത്രീശ്വരഃ സ്ഥാണുഃ കൃശാനുസ്ഥാ ജലാപ്ലുതഃ ॥ ൧൨൭ ॥

വാരുണീ മദിരാമത്തോ മാംസപ്രേമദിഗമ്ബരാ ।
അന്തരസ്ഥോ ദേഹസിദ്ധാ കാലാനലസുരാദ്രിപഃ ॥ ൧൨൮ ॥

ആകാശവാഹിനീ ദേവഃ കാകിനീശോ ദിഗമ്ബരീ ।
കാകചഞ്ചുപുടമധുഹരോ ഗഗനമാബ്ധിപാ ॥ ൧൨൯ ॥

മുദ്രാഹാരീ മഹാമുദ്രാ മീനപോ മീനഭക്ഷിണീ ।
ശാകിനീ ശിവനാഥേശഃ കാകോര്ധ്വേശീ സദാശിവഃ ॥ ൧൩൦ ॥

കമലാ കണ്ഠകമലഃ സ്ഥായുകഃ പ്രേമനായികാ ।
മൃണാലമാലാധാരീ ച മൃണാലമാലാമാലിനീ ॥ ൧൩൧ ॥

അനാദിനിധനാ താരാ ദുര്ഗതാരാ നിരക്ഷരാ ।
സര്വാക്ഷരാ സര്വവര്ണാ സര്വമന്ത്രാക്ഷമാലികാ ॥ ൧൩൨ ॥

ആനന്ദഭൈരവോ നീലകണ്ഠോ ബ്രഹ്മാണ്ഡമണ്ഡിതഃ ।
ശിവോ വിശ്വേശ്വരോഽനന്തഃ സര്വാതീതോ നിരഞ്ജനഃ ॥ ൧൩൩ ॥

ഇതി തേ കഥിതം നാഥ ത്രൈലോക്യസാരമങ്ഗലമ് ।
ഭുവനമങ്ഗലം നാമ മഹാപാതകനാശനമ് ॥ ൧൩൪ ॥

അസ്യ പ്രപഠനേഽപി ച യത്ഫലം ലഭതേ നരഃ ।
തത്സര്വം കഥിതും നാലം കോടിവര്ഷശതൈരപി ॥ ൧൩൫ ॥

തഥാപി തവ യത്നേന ഫലം ശൃണു ദയാര്ണവ ।
രാജദ്വാരേ നദീതീരേ സങ്ഗ്രാമേ വിജനേഽനലേ ॥ ൧൩൬ ॥

ശൂന്യാഗാരേ നിര്ജനേ വാ ഘോരാന്ധകാരരാത്രികേ ।
ചതുഷ്ടയേ ശ്മശാനേ വാ പഠിത്വാ ഷോഡശേ ദലേ ॥ ൧൩൭ ॥

രക്താമ്ഭോജൈഃ പൂജയിത്വാ മനസാ കാമചിന്തയന് ।
ഘൃതാക്തൈര്ജുഹുയാന്നിത്യം നാമ പ്രത്യേകമുച്ചരന് ॥ ൧൩൮ ॥

മൂലമന്ത്രേണ പുടിതമാജ്യം വഹ്നൌ സമര്പയേത് ।
അന്തരേ സ്വസുഖേ ഹോമഃ സര്വസിദ്ധിസുഖപ്രദഃ ॥ ൧൩൯ ॥

സദ്യോമധുയുതൈര്മാംസൈഃ സുസുഖേ മന്ത്രമുച്ചരന് ।
പ്രത്യേകം നാമപുടിതം ഹുത്വാ പുനര്മുഖാമ്ബുജേ ॥ ൧൪൦ ॥

കുണ്ഡലീരസജിഹ്വായാം ജീവന്മുക്തോ ഭവേന്നരഃ ।
ധൃത്വാ വാപി പഠിത്വാ വാ സ്തുത്വാ വാ വിധിനാ പ്രഭോ ॥ ൧൪൧ ॥

മഹാരുദ്രോ ഭവേത്സാക്ഷാന്മമ ദേഹാന്വിതോ ഭവേത് ।
യോഗീ ജ്ഞാനീ ഭവേത് സിദ്ധഃ സാരസങ്കേതദര്ശകഃ ॥ ൧൪൨ ॥

അപരാജിതഃ സര്വലോകേ കിമന്യത് ഫലസാധനമ് ।
ധൃത്വാ രാജത്വമാപ്നോതി കണ്ഠേ പൃഥ്വീശ്വരോ ഭവേത് ॥ ൧൪൩ ॥

ദക്ഷഹസ്തേ തഥാ ധൃത്വാ ധനവാന് ഗുണവാന് ഭവേത് ।
അകാലമൃത്യുഹരണം സര്വവ്യാധിനിവാരണമ് ॥ ൧൪൪ ॥

ഹുത്വാ രാജേന്ദ്രനാഥശ്ച മഹാവാഗ്മീ സദാഽഭയഃ ।
സര്വേഷാം മഥനം കൃത്വാ ഗണേശോ മമ കാര്തീകഃ ॥ ൧൪൫ ॥

ദേവനാമധിപോ ഭൂത്വാ സര്വജ്ഞോ ഭവതി പ്രഭോ ।
യഥാ തഥാ മഹായോഗീ ഭ്രമത്യേവ ന സംശയഃ ॥ ൧൪൬ ॥

പ്രാതഃകാലേ പഠേദ് യസ്തു മസ്തകേ സ്തുതിധാരകഃ ।
ജലസ്തമ്ഭം കരോത്യേവ രസസ്തമ്ഭം തഥൈവ ച ॥ ൧൪൭ ॥

രാജ്യസ്തമ്ഭം നരസ്തമ്ഭം വീര്യസ്തമ്ഭം തഥൈവ ച
വിദ്യാസ്തമ്ഭം സുഖസ്തമ്ഭം ക്ഷേത്രസ്തമ്ഭം തഥൈവ ച ॥ ൧൪൮ ॥

രാജസ്തമ്ഭം ധനസ്തമ്ഭം ഗ്രാമസ്തമ്ഭം തഥൈവ ച
മധ്യാഹ്നേ ച പഠേദ് യസ്തു വഹ്നിസ്തമ്ഭം കരോത്യപി ॥ ൧൪൯ ॥

കാലസ്തമ്ഭം വയഃസ്തമ്ഭം ശ്വാസസ്തമ്ഭം തഥൈവ ച ।
രസസ്തമ്ഭം വായുസ്തമ്ഭം ബാഹുസ്തമ്ഭം കരോത്യപി ॥ ൧൫൦ ॥

സായാഹ്നേ ച പഠേദ് യസ്തു കണ്ഠോദരേ ച ധാരയന് ।
മന്ത്രസ്തമ്ഭം ശിലാസ്തമ്ഭം ശാസ്ത്രസ്തമ്ഭം കരോത്യപി ॥ ൧൫൧ ॥

ഹിരണ്യരജതസ്തമ്ഭം വജ്രസ്തമ്ഭം തഥൈവ ച ।
അകാലത്വാദിസംസ്തമ്ഭം വാതസ്തമ്ഭം കരോത്യപി ॥ ൧൫൨ ॥

പാരദസ്തമ്ഭനം ശില്പകല്പനാ ജ്ഞാനസ്തമ്ഭനമ് ।
ആസനസ്തമ്ഭനം വ്യാധിസ്തമ്ഭനം ബന്ധനം രിപോഃ ॥ ൧൫൩ ॥

ഷട്പദ്മസ്തമ്ഭനം കൃത്വാ യോഗീ ഭവതി നിശ്ചിതമ് ।
വന്ധ്യാ നാരീ ലഭേത് പുത്രം സുന്ദരം സുമനോഹരമ് ॥ ൧൫൪ ॥

ഭ്രഷ്ടോ മനുഷ്യോ രാജേന്ദ്രഃ കിമന്യേ സാധവോ ജനാഃ ।
ശ്രവണാന്മകരേ ലഗ്നേ ചിത്രായോഗേ ച പര്വണി ॥ ൧൫൫ ॥

ഹിരണ്യയോഗേ വായവ്യാം ലിഖിത്വാ മാഘമാസകേ ।
വൈശാഖേ രാജയോഗേ വാ രോഹിണ്യാഖ്യാ വിശേഷതഃ ॥ ൧൫൬ ॥

ശ്രീമദ്ഭുവനമങ്ഗലം നാമ യശോദാതൃ ഭവേദ് ധ്രുവമ് ।
ജായന്തേ രാജവല്ലഭാ അമരാഃ ഖേചരാ ലിഖനേന ॥ ൧൫൭ ॥

ധര്മാര്ഥകാമമോക്ഷം ച പ്രാപ്നുവന്തി ച പാഠകാഃ ।
കീര്തിരാത്മദൃഷ്ടിപാതം ലഭതേ നാത്ര സംശയഃ ॥ ൧൫൮ ॥

॥ ഇതി ശ്രീരുദ്രയാമലേ ഉത്തരതന്ത്രേ ഭൈരവീഭൈരവസംവാദേ

ശാകിനീസദാശിവസ്തവനമങ്ഗലാഷ്ടോത്തരസഹസ്രനാമ സമ്പൂര്ണമ് ॥


Proofread by Ravin Bhalekar ravibhalekar@hotmail.com

Please send corrections to sanskrit@cheerful.com
Last updated ത്oday
http://sanskritdocuments.org

Shakini SadaShiva Stavana Mangala Ashtottara Sahasranama Stotram Lyrics in Malayalam PDF
% File name : shAkinIsadAshivasahasra.itx
% Category : sahasranAma
% Location : doc\_devii
% Author : Traditional
% Language : Sanskrit
% Subject : philosophy/hinduism/religion
% Transliterated by : Mark S.G. Dyczkowski muktAbodha
% Proofread by : Ravin Bhalekar ravibhalekar at hotmail.com
% Description-comments : rudrayAmale uttaratantre bhairava bhairavI sa.nvAde
% Latest update : May 25, 2009
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 15, 2015 ] at Stotram Website