{॥ ಆಶ್ರಯಾಷ್ಟಕಮ್ ॥}
ಗಿರಿಚರಂ ಕರುಣಾಮೃತ ಸಾಗರಂ
ಪರಿಚರಂ ಪರಮಂ ಮೃಗಯಾಪರಮ್ ।
ಸುರುಚಿರಂ ಸುಚರಾಚರಗೋಚರಂ
ಹರಿಹರಾತ್ಮಜಮೀಶ್ವರಮಾಶ್ರಯೇ ॥ ೧

ಪ್ರಣತಸಞ್ಚಯಚಿನ್ತಿತ ಕಲ್ಪಕಂ
ಪ್ರಣತಮಾದಿಗುರುಂ ಸುರಶಿಲ್ಪಕಮ್ ।
ಪ್ರಣವರಞ್ಜಿತ ಮಞ್ಜುಳತಲ್ಪಕಂ
ಹರಿಹರಾತ್ಮಜಮೀಶ್ವರಮಾಶ್ರಯೇ ॥ ೨

ಅರಿಸರೋರುಹಶಂಖಗದಾಧರಂ
ಪರಿಘಮುದ್ಗರಬಾಣಧನುರ್ಧರಮ್ ।
ಕ್ಷುರಿಕ ತೋಮರ ಶಕ್ತಿಲಸತ್ಕರಂ
ಹರಿಹರಾತ್ಮಜಮೀಶ್ವರಮಾಶ್ರಯೇ ॥ ೩

ವಿಮಲಮಾನಸ ಸಾರಸಭಾಸ್ಕರಂ
ವಿಪುಲವೇತ್ರಧರಂ ಪ್ರಯಶಸ್ಕರಮ್ ।
ವಿಮತಖಣ್ಡನ ಚಣ್ಡಧನುಷ್ಕರಂ
ಹರಿಹರಾತ್ಮಜಮೀಶ್ವರಮಾಶ್ರಯೇ ॥ ೪

ಸಕಲಲೋಕ ನಮಸ್ಕೃತ ಪಾದುಕಂ
ಸಕೃದುಪಾಸಕ ಸಜ್ಜನಮೋದಕಮ್ ।
ಸುಕೃತಭಕ್ತಜನಾವನ ದೀಕ್ಷಕಂ
ಹರಿಹರಾತ್ಮಜಮೀಶ್ವರಮಾಶ್ರಯೇ ॥ ೫

ಶರಣಕೀರ್ತನ ಭಕ್ತಪರಾಯಣಂ
ಚರಣವಾರಿಧರಾತ್ಮರಸಾಯನಮ್ ।
ವರಕರಾತ್ತವಿಭೂತಿ ವಿಭೂಷಣಂ
ಹರಿಹರಾತ್ಮಜಮೀಶ್ವರಮಾಶ್ರಯೇ ॥ ೬

ಮೃಗಮದಾಙ್ಗಿತ ಸತ್ತಿಲಕೋಜ್ವಲಂ
ಮೃಗಗಣಾಕಲಿತಂ ಮೃಗಯಾಕುಲಮ್ ।
ಮೃಗವರಾಸನಮದ್ಭುತ ದರ್ಶನಂ
ಹರಿಹರಾತ್ಮಜಮೀಶ್ವರಮಾಶ್ರಯೇ ॥ ೭

ಗುರುವರಂ ಕರುಣಾಮೃತ ಲೋಚನಂ
ನಿರುಪಮಂ ನಿಖಿಲಾಮಯಮೋಚನಮ್ ।
ಪುರುಸುಖಪ್ರದಮಾತ್ಮನಿದರ್ಶನಂ
ಹರಿಹರಾತ್ಮಜಮೀಶ್ವರಮಾಶ್ರಯೇ ॥ ೮

ಆಶ್ರಯಾಷ್ಟಕಂ ಸಮ್ಪೂರ್ಣಮ್ ॥


Encoded and proofread by Antaratma antaratma at Safe-mail.net

Please send corrections to sanskrit@cheerful.com
Last updated ತ್oday
http://sanskritdocuments.org

Ashraya Ashtakam Lyrics in Kannada PDF
% File name : aashrayaashtakam.itx
% Category : aShTaka
% Location : doc\_deities\_misc
% Language : Sanskrit
% Subject : Hinduism/religion/traditional
% Transliterated by : Antaratma antaratma at Safe-mail.net
% Proofread by : Antaratma antaratma at Safe-mail.net
% Latest update : April 23, 2008
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 15, 2015 ] at Stotram Website