{॥ ఆశ్రయాష్టకమ్ ॥}
గిరిచరం కరుణామృత సాగరం
పరిచరం పరమం మృగయాపరమ్ ।
సురుచిరం సుచరాచరగోచరం
హరిహరాత్మజమీశ్వరమాశ్రయే ॥ ౧

ప్రణతసఞ్చయచిన్తిత కల్పకం
ప్రణతమాదిగురుం సురశిల్పకమ్ ।
ప్రణవరఞ్జిత మఞ్జుళతల్పకం
హరిహరాత్మజమీశ్వరమాశ్రయే ॥ ౨

అరిసరోరుహశంఖగదాధరం
పరిఘముద్గరబాణధనుర్ధరమ్ ।
క్షురిక తోమర శక్తిలసత్కరం
హరిహరాత్మజమీశ్వరమాశ్రయే ॥ ౩

విమలమానస సారసభాస్కరం
విపులవేత్రధరం ప్రయశస్కరమ్ ।
విమతఖణ్డన చణ్డధనుష్కరం
హరిహరాత్మజమీశ్వరమాశ్రయే ॥ ౪

సకలలోక నమస్కృత పాదుకం
సకృదుపాసక సజ్జనమోదకమ్ ।
సుకృతభక్తజనావన దీక్షకం
హరిహరాత్మజమీశ్వరమాశ్రయే ॥ ౫

శరణకీర్తన భక్తపరాయణం
చరణవారిధరాత్మరసాయనమ్ ।
వరకరాత్తవిభూతి విభూషణం
హరిహరాత్మజమీశ్వరమాశ్రయే ॥ ౬

మృగమదాఙ్గిత సత్తిలకోజ్వలం
మృగగణాకలితం మృగయాకులమ్ ।
మృగవరాసనమద్భుత దర్శనం
హరిహరాత్మజమీశ్వరమాశ్రయే ॥ ౭

గురువరం కరుణామృత లోచనం
నిరుపమం నిఖిలామయమోచనమ్ ।
పురుసుఖప్రదమాత్మనిదర్శనం
హరిహరాత్మజమీశ్వరమాశ్రయే ॥ ౮

ఆశ్రయాష్టకం సమ్పూర్ణమ్ ॥


Encoded and proofread by Antaratma antaratma at Safe-mail.net

Please send corrections to sanskrit@cheerful.com
Last updated త్oday
http://sanskritdocuments.org

Ashraya Ashtakam Lyrics in Telugu PDF
% File name : aashrayaashtakam.itx
% Category : aShTaka
% Location : doc\_deities\_misc
% Language : Sanskrit
% Subject : Hinduism/religion/traditional
% Transliterated by : Antaratma antaratma at Safe-mail.net
% Proofread by : Antaratma antaratma at Safe-mail.net
% Latest update : April 23, 2008
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 15, 2015 ] at Stotram Website