{॥ ಧನ್ವನ್ತರೀ ಸುಪ್ರಭಾತಮ್ ॥}
ಶ್ರೀ ಗಣೇಶಾಯ ನಮಃ ॥

ಅಸ್ಮತ್ಸ್ತವಮ್ ಜಲಧಿಮನ್ಥನಘೋಷತುಲ್ಯ -
ಮಾಕರ್ಣ್ಯ ಭಗ್ನ ನಿಜಯೋಗಸಮಾಧಿನಿದ್ರಃ ।
ಉನ್ಮೀಲ್ಯ ನೇತ್ರಯುಗಲೀಮವಲೋಕಯಾಸ್ಮಾನ್,
ಧನ್ವನ್ತರೇ, ಭವತು ಭೋ ತವ ಸುಪ್ರಭಾತಮ್ ॥ ೧॥

ಕ್ಷೀರಾರ್ಣವೇ ಭುಜಗವರ್ಷ್ಮಣಿ ಯೋಗನಿದ್ರಾ -
ಲೀನಸ್ಯ ನಿಸ್ತುಲನಿಜಾತ್ಮಸುಖೋತ್ಸುಕಸ್ಯ ।
ಕಾರುಣ್ಯತೋಽದ್ಯ ಶಯನಾತ್ ಸ್ವಯಮುತ್ಥಿತಸ್ಯ,
ಧನ್ವನ್ತರೇ, ಮಧುರಿಪೋ ತವ ಸುಪ್ರಭಾತಮ್ ॥ ೨॥

ಉದ್_ಬಿಭ್ರತೋ ನವಸುಧಾಕಲಶಂ ಜಲೂಕಾಂ,
ಶಂಖಂ ರಥಾಙ್ಗಮಪಿ ಪಾಣಿತಲೈಶ್ಚತುರ್ಭಿಃ ।
ಚಿಹ್ನಾನಿ ಕೌಸ್ತುಭಮುಖಾನಿ ಚ ತತ್ತದ್ಙ್ಗೈರ್
ಧನ್ವನ್ತರೇ, ಮುರರಿಪೋ ತವ ಸುಪ್ರಭಾತಮ್ ॥ ೩॥

ಆನೀಲಗಾತ್ರ, ಕಪಿಶಾಮ್ಬರ, ವನ್ಯಮಾಲಿನ್,
ಕಾಞ್ಚೀಕಿರೀಟಕಟಕಾದಿ ವಿಭೂಷಿತಾಙ್ಗ ।
ಧನ್ವನ್ತರೇ ಧೃತಸುಧಾಘಟ ದೀನಬನ್ಧೋ,
ಭೋ ಭೋತು ತೇ ಭವಚಿಕಿತ್ಸಕ ಸುಪ್ರಭಾತಮ್ ॥ ೪॥

ಆಪೀನದೀರ್ಘಭುಜದಣ್ಡ ಮೃಗಾದಿಪಾಂಸ,
ಕಾರೂಣ್ಯಶೀತಲವಿಲೋಚನ ಕಮ್ಬುಕಣ್ಠ ।
ಹಾಸೋಲ್ಲಸನ್ಮುಖ ವಿಶಾಲ ಭುಜಾನ್ತರಾಲ,
ಧನ್ವನ್ತರೇಽಸ್ತು ಭಗವಂಸ್ತವ ಸುಪ್ರಭಾತಮ್ ॥ ೫॥

ವಿಷ್ಣೋ, ಜನಾರ್ದನ, ಮುರಾನ್ತಕ, ವಾಸುದೇವ,
ವೈಕುಣ್ಠ, ಕೇಶವ, ಹರೇ, ಜಗದೀಶ, ಶೌರೇ ।
ಗೋವಿನ್ದ, ನನ್ದಸುತ, ಕಂಸರಿಪೋ, ಮುಕುನ್ದ,
ಧನ್ವನ್ತರೇ ಭವತು ಭೋ ತವ ಸುಪ್ರಭಾತಮ್ ॥ ೬॥

ಪಞ್ಚಾಸ್ತ್ರಕೋಟಿಕಮನೀಯ ಕಲೇವರಾಯ,
ಪಞ್ಚಾಸ್ಯಸನ್ನಿಭವಿಲೋಕನ ವಿಕ್ರಮಾಯ ।
ರಾಗಾದಿರೋಗಕುಲನಾಶಕೃತೇಽಸ್ತು ತುಭ್ಯಮ್,
ಧನ್ವನ್ತರೇ ಪ್ರಣತವತ್ಸಲ ಸುಪ್ರಭಾತಮ್ ॥ ೭॥

ನಾಮ್ನೈವ ಯೋ ಝಟಿತಿಕೃನ್ತತಿ ದೋಷಕೋಪಮ್,
ಸ್ಮೃತ್ಯೈವ ಯಸ್ಸಪದಿ ಹನ್ತಿ ಗುಣತ್ರಯಂ ಚ ।
ಬಾಹ್ಯನ್ತರದ್ವಿವಿಧ ರೋಗಹರಸ್ಯ ತಸ್ಯ,
ಧನ್ವನ್ತರೇ, ಭವತು ಭೋ ತವ ಸುಪ್ರಭಾತಮ್ ॥ ೮॥

ದ್ರವ್ಯಾಮೃತಸ್ಯ ಕಲಶಾರ್ಣವ ನಿರ್ಗತಸ್ಯ,
ಜ್ಞಾನಾಮೃತಸ್ಯ ನಿಗಮಾಬ್ಧಿ ಸಮುತ್ಥಿತಸ್ಯ ।
ರೋಗದ್ವಯ ಪ್ರಶಮನಾಯ ನೃಣಾಂ ಪ್ರದಾತುರ್,
ಧನ್ವನ್ತರೇ, ಭವತು ಭೋ ತವ ಸುಪ್ರಭಾತಮ್ ॥ ೯॥

ಅಮೃತಘಟಜವೂಕಂ ಚಕ್ರಶಂಖಾಂಶ್ಚತುರ್ಭಿಃ,
ಮಸೃಣಕರಸರೋಜೈರ್ಬಿಭ್ರತೇ, ವಿಶ್ವಗೋಪ್ತ್ರೇ ।
ಉಭಯನರಕಹಂತ್ರೇ, ನಾಥ, ಧನ್ವನ್ತರೇ, ತೇ,
ಭವತು ಶುಭವರಾಣಾಂ ದಾಶುಷೇ ಸುಪ್ರಭಾತಮ್ ॥ ೧೦॥

ಮೇಘಶ್ಯಾಮಲಲೋಭನೀಯವಪುಷೇ ವಿಧ್ಯುತ್ ಸ್ಫುರದ್ವಾಸಸೇ,
ಶ್ರೀಮದ್ದೀರ್ಘ ಚತುರ್ಭುಜೈಃ ನವಸುಧಾಕುಮ್ಭಮ್ ಜಲೂಕಾಮರಿಮ್ ।
ಶಂಖಂಚೋದ್ವಹತೇ, ಕೃಪಾಪ್ಲುತದೃಶೇ ಮನ್ದಸ್ಮಿತಶ್ರೀಮುಚೇ,
ಭೂಯಾತ್ ಸನ್ತತ ಸುಪ್ರಭಾತಮಯಿ ಭೋ ಧನ್ವನ್ತರೇ ತೇ ಹರೇ ॥ ೧೧॥

ಆಯುರ್ವೇದವಿಧಾಯಿನ ಸ್ತನುಭೃತಾಮನ್ತರ್ಬಹಿರ್ವಾಸಿನಃ,
ಶ್ರೀನಾಮೌಷಧದಾಯಿನೋ, ಭವಮಹಾರೋಗಸ್ಯ ಸಂಹಾರಿಣಃ ।
ನಿರ್ವಾಣಾಮೃತವರ್ಷಿಣೋ ನಿಜಯಶಸ್ಸಿನ್ಧೌ ಜಗತ್ ಪ್ಲಾವಿತೋ,
ಭೋ ಭೂಯಾತ್ತವ ಸುಪ್ರಭಾತ ಮಯಿ ಭೋ ಧನ್ವನ್ತರೇ ಶ್ರೀಹರೇ ॥ ೧೨॥

ಸರ್ವೇಷಾಂ ಸುಖಹೇತವೇ, ಭವ ಮಹಾಪಾಥೋನಿಧೇಸ್ಸೇತವೇ,
ಮುಕ್ತಿಶ್ರೀಜಯಕೇತವೇ, ಮೃತಿಭಯತ್ರಸ್ತಸ್ಯ ಜೀವಾತವೇ ।
ಸಕ್ತಾನಾಂ ಸುರಧೇನವೇ, ವಿಧಿವಿಮೃಗ್ಯಾಂಘ್ರಿದ್ವಯೀರೇಣವೇ,
ಭೂಯಾದುಜ್ಜ್ವಲ ಸುಪ್ರಭಾತಮಯಿ ತೇ ಗೋವಿನ್ದ ಧನ್ವನ್ತರೇ ॥ ೧೩॥

ಶ್ರೀಧನ್ವನ್ತರಿಮೂರ್ತಯೇ ಸುರವರೈರುದ್ಗೀತಸತ್ಕೀರ್ತಯೇ,
ವಿಧ್ವಸ್ತಪ್ರಣತಾರ್ತ್ತಯೇ ತ್ರಿಭುವನೀ ಸೌಭಾಗ್ಯಸಮ್ಪೂರ್ತಯೇ ।
ಕಾರುಣ್ಯಾಮೃತಸಿನ್ಧವೇ ಭವರುಜಾಶಾನ್ತ್ಯರ್ಥಿನಾ ಬನ್ಧವೇ,
ತುಭ್ಯಮ್ ಭಾಸ್ವರ ಸುಪ್ರಭಾತಮಯಿ ಭೋ, ಭೂಯೋಽಪಿ ಭೋ ಭೂಯತಾಮ್ ॥ ೧೪॥

ಭಕ್ತೈರ್ನಿರ್ಮಥ್ಯ ಮಾನಾನ್ನವವಿಧಭಗವದ್ಧರ್ಮದುಗ್ಧಾಮ್ಬುರಾಶೇಃ,
ಪ್ರಾದುರ್ಭೂತಾಯ ಭಕ್ತ್ಯಾತ್ಮಕವಯುನಸುಧಾಕುಮ್ಭ ಹಸ್ತಾಮ್ಬುಜಾಯ,
ಸಂಸಾರವ್ಯಾಧಿಹಂತ್ರೇ, ನಿರುಪಮ ಪರಮಾನನ್ದ ಸನ್ದೋಹದಾತ್ರೇ,
ಭೋ ಭೂಯಾತ್ ಸುಪ್ರಭಾತಂ ಮುರಮಥನ, ಹರೇ ಕೃಷ್ಣ ಧನ್ವನ್ತರೇ ತೇ ॥ ೧೫॥


Composed by OttUr Unni NamboodripAdu
Encoded and proofread by Usha K.Iyer iyerku at gmail.com

Please send corrections to sanskrit@cheerful.com
Last updated ತ್oday
http://sanskritdocuments.org

Dhanvantari Suprabhatam Lyrics in Kannada PDF
% File name : dhanvantarIsuprabhAtam.itx
% Category : suprabhAta
% Location : doc\_deities\_misc
% Author : Ottuur Unni Namboodripaadu
% Language : Sanskrit
% Subject : philosophy/hinduism/religion/Ayurveda
% Transliterated by : Usha Iyer iyerku at gmail.com
% Proofread by : Usha Iyer iyerku at gmail.com
% Latest update : June 19, 2011
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 15, 2015 ] at Stotram Website