{॥ ధన్వన్తరీ సుప్రభాతమ్ ॥}
శ్రీ గణేశాయ నమః ॥

అస్మత్స్తవమ్ జలధిమన్థనఘోషతుల్య -
మాకర్ణ్య భగ్న నిజయోగసమాధినిద్రః ।
ఉన్మీల్య నేత్రయుగలీమవలోకయాస్మాన్,
ధన్వన్తరే, భవతు భో తవ సుప్రభాతమ్ ॥ ౧॥

క్షీరార్ణవే భుజగవర్ష్మణి యోగనిద్రా -
లీనస్య నిస్తులనిజాత్మసుఖోత్సుకస్య ।
కారుణ్యతోఽద్య శయనాత్ స్వయముత్థితస్య,
ధన్వన్తరే, మధురిపో తవ సుప్రభాతమ్ ॥ ౨॥

ఉద్_బిభ్రతో నవసుధాకలశం జలూకాం,
శంఖం రథాఙ్గమపి పాణితలైశ్చతుర్భిః ।
చిహ్నాని కౌస్తుభముఖాని చ తత్తద్ఙ్గైర్
ధన్వన్తరే, మురరిపో తవ సుప్రభాతమ్ ॥ ౩॥

ఆనీలగాత్ర, కపిశామ్బర, వన్యమాలిన్,
కాఞ్చీకిరీటకటకాది విభూషితాఙ్గ ।
ధన్వన్తరే ధృతసుధాఘట దీనబన్ధో,
భో భోతు తే భవచికిత్సక సుప్రభాతమ్ ॥ ౪॥

ఆపీనదీర్ఘభుజదణ్డ మృగాదిపాంస,
కారూణ్యశీతలవిలోచన కమ్బుకణ్ఠ ।
హాసోల్లసన్ముఖ విశాల భుజాన్తరాల,
ధన్వన్తరేఽస్తు భగవంస్తవ సుప్రభాతమ్ ॥ ౫॥

విష్ణో, జనార్దన, మురాన్తక, వాసుదేవ,
వైకుణ్ఠ, కేశవ, హరే, జగదీశ, శౌరే ।
గోవిన్ద, నన్దసుత, కంసరిపో, ముకున్ద,
ధన్వన్తరే భవతు భో తవ సుప్రభాతమ్ ॥ ౬॥

పఞ్చాస్త్రకోటికమనీయ కలేవరాయ,
పఞ్చాస్యసన్నిభవిలోకన విక్రమాయ ।
రాగాదిరోగకులనాశకృతేఽస్తు తుభ్యమ్,
ధన్వన్తరే ప్రణతవత్సల సుప్రభాతమ్ ॥ ౭॥

నామ్నైవ యో ఝటితికృన్తతి దోషకోపమ్,
స్మృత్యైవ యస్సపది హన్తి గుణత్రయం చ ।
బాహ్యన్తరద్వివిధ రోగహరస్య తస్య,
ధన్వన్తరే, భవతు భో తవ సుప్రభాతమ్ ॥ ౮॥

ద్రవ్యామృతస్య కలశార్ణవ నిర్గతస్య,
జ్ఞానామృతస్య నిగమాబ్ధి సముత్థితస్య ।
రోగద్వయ ప్రశమనాయ నృణాం ప్రదాతుర్,
ధన్వన్తరే, భవతు భో తవ సుప్రభాతమ్ ॥ ౯॥

అమృతఘటజవూకం చక్రశంఖాంశ్చతుర్భిః,
మసృణకరసరోజైర్బిభ్రతే, విశ్వగోప్త్రే ।
ఉభయనరకహంత్రే, నాథ, ధన్వన్తరే, తే,
భవతు శుభవరాణాం దాశుషే సుప్రభాతమ్ ॥ ౧౦॥

మేఘశ్యామలలోభనీయవపుషే విధ్యుత్ స్ఫురద్వాససే,
శ్రీమద్దీర్ఘ చతుర్భుజైః నవసుధాకుమ్భమ్ జలూకామరిమ్ ।
శంఖంచోద్వహతే, కృపాప్లుతదృశే మన్దస్మితశ్రీముచే,
భూయాత్ సన్తత సుప్రభాతమయి భో ధన్వన్తరే తే హరే ॥ ౧౧॥

ఆయుర్వేదవిధాయిన స్తనుభృతామన్తర్బహిర్వాసినః,
శ్రీనామౌషధదాయినో, భవమహారోగస్య సంహారిణః ।
నిర్వాణామృతవర్షిణో నిజయశస్సిన్ధౌ జగత్ ప్లావితో,
భో భూయాత్తవ సుప్రభాత మయి భో ధన్వన్తరే శ్రీహరే ॥ ౧౨॥

సర్వేషాం సుఖహేతవే, భవ మహాపాథోనిధేస్సేతవే,
ముక్తిశ్రీజయకేతవే, మృతిభయత్రస్తస్య జీవాతవే ।
సక్తానాం సురధేనవే, విధివిమృగ్యాంఘ్రిద్వయీరేణవే,
భూయాదుజ్జ్వల సుప్రభాతమయి తే గోవిన్ద ధన్వన్తరే ॥ ౧౩॥

శ్రీధన్వన్తరిమూర్తయే సురవరైరుద్గీతసత్కీర్తయే,
విధ్వస్తప్రణతార్త్తయే త్రిభువనీ సౌభాగ్యసమ్పూర్తయే ।
కారుణ్యామృతసిన్ధవే భవరుజాశాన్త్యర్థినా బన్ధవే,
తుభ్యమ్ భాస్వర సుప్రభాతమయి భో, భూయోఽపి భో భూయతామ్ ॥ ౧౪॥

భక్తైర్నిర్మథ్య మానాన్నవవిధభగవద్ధర్మదుగ్ధామ్బురాశేః,
ప్రాదుర్భూతాయ భక్త్యాత్మకవయునసుధాకుమ్భ హస్తామ్బుజాయ,
సంసారవ్యాధిహంత్రే, నిరుపమ పరమానన్ద సన్దోహదాత్రే,
భో భూయాత్ సుప్రభాతం మురమథన, హరే కృష్ణ ధన్వన్తరే తే ॥ ౧౫॥


Composed by OttUr Unni NamboodripAdu
Encoded and proofread by Usha K.Iyer iyerku at gmail.com

Please send corrections to sanskrit@cheerful.com
Last updated త్oday
http://sanskritdocuments.org

Dhanvantari Suprabhatam Lyrics in Telugu PDF
% File name : dhanvantarIsuprabhAtam.itx
% Category : suprabhAta
% Location : doc\_deities\_misc
% Author : Ottuur Unni Namboodripaadu
% Language : Sanskrit
% Subject : philosophy/hinduism/religion/Ayurveda
% Transliterated by : Usha Iyer iyerku at gmail.com
% Proofread by : Usha Iyer iyerku at gmail.com
% Latest update : June 19, 2011
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 15, 2015 ] at Stotram Website