ശ്രീഹയഗ്രീവസ്തോത്രമ്
{॥ ശ്രീഹയഗ്രീവസ്തോത്രമ് ॥}
ശ്രിഃ
ശ്രീമാന് വേങ്കടനാഥാര്യഃ കവിതാര്കികകേസരീ ।
വേദാന്താചാര്യവര്യോ മേ സന്നിധത്താം സദാ ഹൃദി ॥
ജ്ഞാനാനന്ദമയം ദേവം നിര്മലസ്ഫടികാകൃതിമ് ।
ആധാരം സര്വവിദ്യാനാം ഹയഗ്രീവമുപാസ്മഹേ ॥ ൧॥
സ്വതഃ സിദ്ധം ശുദ്ധസ്ഫടികമണി ഭൂഭൃത്പ്രതിഭടം
സുധാസധ്രീചീഭിര്ദ്യുതിഭിരവദാതത്രിഭുവനമ് ।
അനന്തൈസ്ത്രയ്യന്തൈരനുവിഹിത ഹേഷാഹലഹലം
ഹതാശേഷാവദ്യം ഹയവദനമീഡീമഹി മഹഃ ॥ ൨॥
സമാഹാരഃ സാമ്നാം പ്രതിപദമൃചാം ധാമ യജുഷാം
ലയഃ പ്രത്യൂഹാനാം ലഹരി വിതതിര്ബോധജലധേഃ ।
കഥാദര്പക്ഷുഭ്യത്കഥകകുല കോലാഹലഭവം
ഹരത്വന്തര്ധ്വാന്തം ഹയവദന ഹേഷാ ഹലഹലഃ ॥ ൩॥
പ്രാചീ സന്ധ്യാ കാചിദന്തര്നിശായാഃ
പ്രജ്ഞാദൃഷ്ടേരഞ്ജനശ്രീരപൂര്വാ ।
വക്ത്രീ വേദാന് ഭാതു മേ വാജിവക്ത്രാ
വാഗീശാഖ്യാ വാസുദേവസ്യ മൂര്തിഃ ॥ ൪॥
വിശുദ്ധ വിജ്ഞാന ഘന സ്വരൂപം
വിജ്ഞാന വിശ്രാണന ബദ്ധദീക്ഷമ് ।
ദയാനിധിം ദേഹഭൃതാം ശരണ്യം
ദേവമ് ഹയഗ്രീവമഹം പ്രപദ്യേ ॥ ൫॥
അപൌരുഷേയൈരപി വാക്പ്രപഞ്ചൈഃ
അദ്യാപി തേ ഭൂതിമദൃഷ്ടപാരാമ് ।
സ്തുവന്നഹം മുഗ്ധ ഇതി ത്വയൈവ
കാരുണ്യതോ നാഥ കടാക്ഷണീയഃ ॥ ൬॥
ദാക്ഷിണ്യരമ്യാ ഗിരിശസ്യ മൂര്തിഃ
ദേവീ സരോജാസന ധര്മപത്നീ ।
വ്യാസാദയോഽപി വ്യപദേശ്യവാചഃ
സ്ഫുരന്തി സര്വേ തവ ശക്തിലേശൈഃ ॥ ൭॥
മന്ദോഽഭവിഷ്യന്നിയതം വിരിഞ്ചോ
വാചാം നിധേ വഞ്ചിതഭാഗധേയഃ ।
ദൈത്യാപനീതാന് ദയയൈവ ഭൂയോഽപി
അധ്യാപയിഷ്യോ നിഗമാന് ന ചേത് ത്വമ് ॥ ൮॥
വിതര്കഡോലാം വ്യവധൂയ സത്വേ
ബൃഹസ്പതിം വര്തയസേ യതസ്ത്വമ് ।
തേനൈവ ദേവ ത്രിദശേശ്വരാണാമ്
അസ്പൃഷ്ട ഡോലായിത മാധിരാജ്യമ് ॥ ൯॥
അഗ്നൌ സമിദ്ധാര്ചിഷി സപ്തതന്തോഃ
ആതസ്ഥിവാന് മന്ത്രമയം ശരീരമ് ।
അഖണ്ഡസാരൈര്ഹവിഷാം പ്രദാനൈഃ
ആപ്യായനം വ്യോമസദാം വിധത്സേ ॥ ൧൦॥
യന്മൂലമീദൃക് പ്രതിഭാതി തത്വം
യാ മൂലമാമ്നായ മഹാദ്രുമാണാമ് ।
തത്വേന ജാനന്തി വിശുദ്ധ സത്വാഃ
താമക്ഷരാ മക്ഷരമാതൃകാം ത്വാമ് ॥ ൧൧॥
അവ്യാകൃതാദ് വ്യാകൃതവാനസി ത്വമ്
നാമാനി രൂപാണി ച യാനി പൂര്വമ് ।
ശംസന്തി തേഷാം ചരമാം പ്രതിഷ്ഠാം
വാഗീശ്വര ത്വാം ത്വദുപജ്ഞവാചഃ ॥ ൧൨॥
മുഗ്ധേന്ദു നിഷ്യന്ദ വിലോഭനീയാം
മൂര്തിം തവാനന്ദ സുധാ പ്രസൂതിമ് ।
വിപശ്ചിതശ്ചേതസി ഭാവയന്തേ
വേലാമുദാരാമിവ ദുഗ്ധസിന്ധോഃ ॥ ൧൩॥
മനോഗതം പശ്യതി യഃ സദാ ത്വാം
മനീഷിനാം മാനസ രാജഹംസമ് ।
സ്വയമ് പുരോഭാവ വിവാദഭാജഃ
കിംകുര്വതേ തസ്യ ഗിരോ യഥാര്ഹമ് ॥ ൧൪॥
അപി ക്ഷണാര്ധം കലയന്തി യേ ത്വാമ്
ആപ്ലാവയന്തം വിശദൈര്മയൂഖൈഃ ।
വാചാം പ്രവാഹൈരനിവാരിതൈസ്തേ
മന്ദാകിനീം മന്ദയിതും ക്ഷമന്തേ ॥ ൧൫॥
സ്വാമിന് ഭവദ്ധ്യാന സുധാഭിഷേകാത്
വഹന്തി ധന്യാഃ പുലകാനുബന്ധമ് ।
അലക്ഷിതേ ക്വാപി നിരൂഢമൂലമ്
അങ്ഗേഷ്വിവാനന്ദഥും അങ്കുരന്തമ് ॥ ൧൬॥
സ്വാമിന് പ്രതീചാ ഹൃദയേന ധന്യാഃ
ത്വദ്ധ്യന ചന്ദ്രോദയ വര്ധമാനമ് ।
അമാന്തമാനന്ദ പയോധിമന്ത
പയോഭിരക്ഷ്ണാം പരിവാഹയന്തി ॥ ൧൭॥
സ്വൈരാനുഭാവാസ്ത്വദധീന ഭാവാഃ
സമൃദ്ധവീര്യാസ്ത്വദനുഗ്രഹേണ ।
വിപശ്ചിതോ നാഥ തരന്തി മായാം
വൈഹാരികീം മോഹന പിഞ്ഛികാം തേ ॥ ൧൮॥
പ്രാങ്നിര്മിതാനാം തപസാം വിപാകാഃ
പ്രത്യഗ്രനിഃശ്രേയസ സമ്പദോ മേ ।
സമേധിഷീരംസ്തവ പാദപദ്മേ
സംകല്പ ചിന്താമണയഃ പ്രണാമാഃ ॥ ൧൯॥
വിലുപ്ത മൂര്ധന്യ ലിപി ക്രമാണാമ്
സുരേന്ദ്ര ചൂഡാപദ ലാലിതാനാമ് ।
ത്വദംഘ്രി രാജീവ രജഃകണാനാമ്
ഭൂയാന് പ്രസാദോ മയി നാഥ ഭൂയാത് ॥ ൨൦॥
പരിസ്ഫുരന്നൂപുര ചിത്രഭാനു-
പ്രകാശ നിര്ധൂത തമോനുഷങ്ഗാമ് ।
പദദ്വയീം തേ പരിചിന്മഹേ ഽന്തഃ
പ്രബോധ രാജീവ വിഭാത സന്ധ്യാമ് ॥ ൨൧॥
ത്വത്കിങ്കരാലമ്കരണോചിതാനാം
ത്വയൈവ കല്പാന്തര പാലിതാനാമ് ।
മഞ്ജുപ്രണാദം മണിനൂപുരം തേ
മഞ്ജൂഷികാം വേദഗിരാം പ്രതീമഃ ॥ ൨൨॥
സന്ചിന്തയാമി പ്രതിഭാദശാസ്ഥാന്
സന്ധുക്ഷയന്തം സമയ പ്രദീപാന് ।
വിജ്ഞാന കല്പദ്രുമ പല്ലവാഭം
വ്യാഖ്യാന മുദ്രാ മധുരം കരം തേ ॥ ൨൩॥
ചിത്തേ കരോമി സ്ഫുരിതാക്ഷമാലം
സവ്യേതരം നാഥ കരം ത്വദീയമ് ।
ജ്ഞാനാമൃതോദഞ്ചനലമ്പടാനാം
ലീലാഘടീ യന്ത്രമിവാശ്രിതാനാമ് ॥ ൨൪॥
പ്രബോധ സിന്ധോരരുണൈഃ പ്രകാശൈഃ
പ്രവാള സങ്ഘാതമിവോദ്വഹന്തമ് ।
വിഭാവയേ ദേവ സപുസ്തകം തേ
വാമം കരം ദക്ഷിണമാശ്രിതാനാമ് ॥ ൨൫॥
തമാംസി ഭിത്വാ വിശദൈര്മയൂഖൈഃ
സമ്പ്രീണയന്തം വിദുഷശ്ചകോരാന് ।
നിശാമയേ ത്വാം നവപുണ്ഡരീകേ
ശരദ്ഘനേ ചന്ദ്രമിവ സ്ഫുരന്തമ് ॥ ൨൬॥
ദിശന്തു മേ ദേവ സദാ ത്വദീയാഃ
ദയാതരങ്ഗാനുചരാഃ കടാക്ഷാഃ ।
ശ്രോത്രേഷു പുമ്സാമമൃതമ് ക്ഷരന്തീം
സരസ്വതീം സംശ്രിത കാമധേനുമ് ॥ ൨൭॥
വിശേഷവിത്പാരിഷദേഷു നാഥ
വിദഗ്ധ ഗോഷ്ടീസമരാങ്ഗണേഷു ।
ജിഗീഷതോ മേ കവിതാര്കികേന്ദ്രാന്
ജിഹ്വാഗ്ര സിംഹാസനമഭ്യുപേയാഃ ॥ ൨൮॥
ത്വാം ചിന്തയന് ത്വന്മയതാം പ്രപന്നഃ
ത്വാമുദ്ഗൃണന് ശബ്ദമയേന ധാമ്നാ ।
സ്വാമിന് സമാജേഷു സമേധിഷീയ
സ്വച്ഛന്ദ വാദാഹവ ബദ്ധശൂരഃ ॥ ൨൯॥
നാനാവിധാനാമഗതിഃ കലാനാം
ന ചാപി തീര്ഥേഷു കൃതാവതാരഃ ।
ധ്രുവം തവാനാഥപരിഗ്രഹായാഃ
നവം നവം പാത്രമഹം ദയായാഃ ॥ ൩൦॥
അകമ്പനീയാന്യപനീതി ഭേദൈഃ
അലന്കൃഷീരന് ഹൃദയം മദീയമ് ।
ശങ്കാകളങ്കാപഗമോജ്ജ്വലാനി
തത്വാനി സമ്യഞ്ചി തവ പ്രസാദാത് ॥ ൩൧॥
വ്യാഖ്യാ മുദ്രാം കരസരസിജൈഃ പുസ്തകമ് ശങ്ഖചക്രേ
ബിഭ്രദ്ഭിന്നസ്ഫടികരുചിരേ പുണ്ഡരീകേ നിഷണ്ണഃ ।
അമ്ലാനശ്രീരമൃതവിശദൈരംശുഭിഃ പ്ലാവയന് മാം
ആവിര്ഭൂയാദനഘ മഹിമാ മാനസേ വാഗധീശഃ ॥ ൩൨॥
വാഗര്ഥ സിദ്ധിഹേതോഃ
പഠത ഹയഗ്രീവസംസ്തുതിം ഭക്ത്യാ ।
കവിതാര്കികകേസരിണാ
വേങ്കടനാഥേന വിരചിതാമേതാമ് ॥ ൩൩॥
॥ ഇതി ശ്രീഹയഗ്രീവസ്തോത്രം സമാപ്തമ് ॥
കവിതാര്കികസിംഹായ കല്യാണഗുണശാലിനേ ।
ശ്രീമതേ വേങ്കടേശായ വേദാന്തഗുരവേ നമഃ ॥
Encoded and proofread by Sundar Rajan RD sundar.rajanrd at gmail.com
Please send corrections to sanskrit@cheerful.com
Last updated ത്oday
http://sanskritdocuments.org
ശ്രിഃ
ശ്രീമാന് വേങ്കടനാഥാര്യഃ കവിതാര്കികകേസരീ ।
വേദാന്താചാര്യവര്യോ മേ സന്നിധത്താം സദാ ഹൃദി ॥
ജ്ഞാനാനന്ദമയം ദേവം നിര്മലസ്ഫടികാകൃതിമ് ।
ആധാരം സര്വവിദ്യാനാം ഹയഗ്രീവമുപാസ്മഹേ ॥ ൧॥
സ്വതഃ സിദ്ധം ശുദ്ധസ്ഫടികമണി ഭൂഭൃത്പ്രതിഭടം
സുധാസധ്രീചീഭിര്ദ്യുതിഭിരവദാതത്രിഭുവനമ് ।
അനന്തൈസ്ത്രയ്യന്തൈരനുവിഹിത ഹേഷാഹലഹലം
ഹതാശേഷാവദ്യം ഹയവദനമീഡീമഹി മഹഃ ॥ ൨॥
സമാഹാരഃ സാമ്നാം പ്രതിപദമൃചാം ധാമ യജുഷാം
ലയഃ പ്രത്യൂഹാനാം ലഹരി വിതതിര്ബോധജലധേഃ ।
കഥാദര്പക്ഷുഭ്യത്കഥകകുല കോലാഹലഭവം
ഹരത്വന്തര്ധ്വാന്തം ഹയവദന ഹേഷാ ഹലഹലഃ ॥ ൩॥
പ്രാചീ സന്ധ്യാ കാചിദന്തര്നിശായാഃ
പ്രജ്ഞാദൃഷ്ടേരഞ്ജനശ്രീരപൂര്വാ ।
വക്ത്രീ വേദാന് ഭാതു മേ വാജിവക്ത്രാ
വാഗീശാഖ്യാ വാസുദേവസ്യ മൂര്തിഃ ॥ ൪॥
വിശുദ്ധ വിജ്ഞാന ഘന സ്വരൂപം
വിജ്ഞാന വിശ്രാണന ബദ്ധദീക്ഷമ് ।
ദയാനിധിം ദേഹഭൃതാം ശരണ്യം
ദേവമ് ഹയഗ്രീവമഹം പ്രപദ്യേ ॥ ൫॥
അപൌരുഷേയൈരപി വാക്പ്രപഞ്ചൈഃ
അദ്യാപി തേ ഭൂതിമദൃഷ്ടപാരാമ് ।
സ്തുവന്നഹം മുഗ്ധ ഇതി ത്വയൈവ
കാരുണ്യതോ നാഥ കടാക്ഷണീയഃ ॥ ൬॥
ദാക്ഷിണ്യരമ്യാ ഗിരിശസ്യ മൂര്തിഃ
ദേവീ സരോജാസന ധര്മപത്നീ ।
വ്യാസാദയോഽപി വ്യപദേശ്യവാചഃ
സ്ഫുരന്തി സര്വേ തവ ശക്തിലേശൈഃ ॥ ൭॥
മന്ദോഽഭവിഷ്യന്നിയതം വിരിഞ്ചോ
വാചാം നിധേ വഞ്ചിതഭാഗധേയഃ ।
ദൈത്യാപനീതാന് ദയയൈവ ഭൂയോഽപി
അധ്യാപയിഷ്യോ നിഗമാന് ന ചേത് ത്വമ് ॥ ൮॥
വിതര്കഡോലാം വ്യവധൂയ സത്വേ
ബൃഹസ്പതിം വര്തയസേ യതസ്ത്വമ് ।
തേനൈവ ദേവ ത്രിദശേശ്വരാണാമ്
അസ്പൃഷ്ട ഡോലായിത മാധിരാജ്യമ് ॥ ൯॥
അഗ്നൌ സമിദ്ധാര്ചിഷി സപ്തതന്തോഃ
ആതസ്ഥിവാന് മന്ത്രമയം ശരീരമ് ।
അഖണ്ഡസാരൈര്ഹവിഷാം പ്രദാനൈഃ
ആപ്യായനം വ്യോമസദാം വിധത്സേ ॥ ൧൦॥
യന്മൂലമീദൃക് പ്രതിഭാതി തത്വം
യാ മൂലമാമ്നായ മഹാദ്രുമാണാമ് ।
തത്വേന ജാനന്തി വിശുദ്ധ സത്വാഃ
താമക്ഷരാ മക്ഷരമാതൃകാം ത്വാമ് ॥ ൧൧॥
അവ്യാകൃതാദ് വ്യാകൃതവാനസി ത്വമ്
നാമാനി രൂപാണി ച യാനി പൂര്വമ് ।
ശംസന്തി തേഷാം ചരമാം പ്രതിഷ്ഠാം
വാഗീശ്വര ത്വാം ത്വദുപജ്ഞവാചഃ ॥ ൧൨॥
മുഗ്ധേന്ദു നിഷ്യന്ദ വിലോഭനീയാം
മൂര്തിം തവാനന്ദ സുധാ പ്രസൂതിമ് ।
വിപശ്ചിതശ്ചേതസി ഭാവയന്തേ
വേലാമുദാരാമിവ ദുഗ്ധസിന്ധോഃ ॥ ൧൩॥
മനോഗതം പശ്യതി യഃ സദാ ത്വാം
മനീഷിനാം മാനസ രാജഹംസമ് ।
സ്വയമ് പുരോഭാവ വിവാദഭാജഃ
കിംകുര്വതേ തസ്യ ഗിരോ യഥാര്ഹമ് ॥ ൧൪॥
അപി ക്ഷണാര്ധം കലയന്തി യേ ത്വാമ്
ആപ്ലാവയന്തം വിശദൈര്മയൂഖൈഃ ।
വാചാം പ്രവാഹൈരനിവാരിതൈസ്തേ
മന്ദാകിനീം മന്ദയിതും ക്ഷമന്തേ ॥ ൧൫॥
സ്വാമിന് ഭവദ്ധ്യാന സുധാഭിഷേകാത്
വഹന്തി ധന്യാഃ പുലകാനുബന്ധമ് ।
അലക്ഷിതേ ക്വാപി നിരൂഢമൂലമ്
അങ്ഗേഷ്വിവാനന്ദഥും അങ്കുരന്തമ് ॥ ൧൬॥
സ്വാമിന് പ്രതീചാ ഹൃദയേന ധന്യാഃ
ത്വദ്ധ്യന ചന്ദ്രോദയ വര്ധമാനമ് ।
അമാന്തമാനന്ദ പയോധിമന്ത
പയോഭിരക്ഷ്ണാം പരിവാഹയന്തി ॥ ൧൭॥
സ്വൈരാനുഭാവാസ്ത്വദധീന ഭാവാഃ
സമൃദ്ധവീര്യാസ്ത്വദനുഗ്രഹേണ ।
വിപശ്ചിതോ നാഥ തരന്തി മായാം
വൈഹാരികീം മോഹന പിഞ്ഛികാം തേ ॥ ൧൮॥
പ്രാങ്നിര്മിതാനാം തപസാം വിപാകാഃ
പ്രത്യഗ്രനിഃശ്രേയസ സമ്പദോ മേ ।
സമേധിഷീരംസ്തവ പാദപദ്മേ
സംകല്പ ചിന്താമണയഃ പ്രണാമാഃ ॥ ൧൯॥
വിലുപ്ത മൂര്ധന്യ ലിപി ക്രമാണാമ്
സുരേന്ദ്ര ചൂഡാപദ ലാലിതാനാമ് ।
ത്വദംഘ്രി രാജീവ രജഃകണാനാമ്
ഭൂയാന് പ്രസാദോ മയി നാഥ ഭൂയാത് ॥ ൨൦॥
പരിസ്ഫുരന്നൂപുര ചിത്രഭാനു-
പ്രകാശ നിര്ധൂത തമോനുഷങ്ഗാമ് ।
പദദ്വയീം തേ പരിചിന്മഹേ ഽന്തഃ
പ്രബോധ രാജീവ വിഭാത സന്ധ്യാമ് ॥ ൨൧॥
ത്വത്കിങ്കരാലമ്കരണോചിതാനാം
ത്വയൈവ കല്പാന്തര പാലിതാനാമ് ।
മഞ്ജുപ്രണാദം മണിനൂപുരം തേ
മഞ്ജൂഷികാം വേദഗിരാം പ്രതീമഃ ॥ ൨൨॥
സന്ചിന്തയാമി പ്രതിഭാദശാസ്ഥാന്
സന്ധുക്ഷയന്തം സമയ പ്രദീപാന് ।
വിജ്ഞാന കല്പദ്രുമ പല്ലവാഭം
വ്യാഖ്യാന മുദ്രാ മധുരം കരം തേ ॥ ൨൩॥
ചിത്തേ കരോമി സ്ഫുരിതാക്ഷമാലം
സവ്യേതരം നാഥ കരം ത്വദീയമ് ।
ജ്ഞാനാമൃതോദഞ്ചനലമ്പടാനാം
ലീലാഘടീ യന്ത്രമിവാശ്രിതാനാമ് ॥ ൨൪॥
പ്രബോധ സിന്ധോരരുണൈഃ പ്രകാശൈഃ
പ്രവാള സങ്ഘാതമിവോദ്വഹന്തമ് ।
വിഭാവയേ ദേവ സപുസ്തകം തേ
വാമം കരം ദക്ഷിണമാശ്രിതാനാമ് ॥ ൨൫॥
തമാംസി ഭിത്വാ വിശദൈര്മയൂഖൈഃ
സമ്പ്രീണയന്തം വിദുഷശ്ചകോരാന് ।
നിശാമയേ ത്വാം നവപുണ്ഡരീകേ
ശരദ്ഘനേ ചന്ദ്രമിവ സ്ഫുരന്തമ് ॥ ൨൬॥
ദിശന്തു മേ ദേവ സദാ ത്വദീയാഃ
ദയാതരങ്ഗാനുചരാഃ കടാക്ഷാഃ ।
ശ്രോത്രേഷു പുമ്സാമമൃതമ് ക്ഷരന്തീം
സരസ്വതീം സംശ്രിത കാമധേനുമ് ॥ ൨൭॥
വിശേഷവിത്പാരിഷദേഷു നാഥ
വിദഗ്ധ ഗോഷ്ടീസമരാങ്ഗണേഷു ।
ജിഗീഷതോ മേ കവിതാര്കികേന്ദ്രാന്
ജിഹ്വാഗ്ര സിംഹാസനമഭ്യുപേയാഃ ॥ ൨൮॥
ത്വാം ചിന്തയന് ത്വന്മയതാം പ്രപന്നഃ
ത്വാമുദ്ഗൃണന് ശബ്ദമയേന ധാമ്നാ ।
സ്വാമിന് സമാജേഷു സമേധിഷീയ
സ്വച്ഛന്ദ വാദാഹവ ബദ്ധശൂരഃ ॥ ൨൯॥
നാനാവിധാനാമഗതിഃ കലാനാം
ന ചാപി തീര്ഥേഷു കൃതാവതാരഃ ।
ധ്രുവം തവാനാഥപരിഗ്രഹായാഃ
നവം നവം പാത്രമഹം ദയായാഃ ॥ ൩൦॥
അകമ്പനീയാന്യപനീതി ഭേദൈഃ
അലന്കൃഷീരന് ഹൃദയം മദീയമ് ।
ശങ്കാകളങ്കാപഗമോജ്ജ്വലാനി
തത്വാനി സമ്യഞ്ചി തവ പ്രസാദാത് ॥ ൩൧॥
വ്യാഖ്യാ മുദ്രാം കരസരസിജൈഃ പുസ്തകമ് ശങ്ഖചക്രേ
ബിഭ്രദ്ഭിന്നസ്ഫടികരുചിരേ പുണ്ഡരീകേ നിഷണ്ണഃ ।
അമ്ലാനശ്രീരമൃതവിശദൈരംശുഭിഃ പ്ലാവയന് മാം
ആവിര്ഭൂയാദനഘ മഹിമാ മാനസേ വാഗധീശഃ ॥ ൩൨॥
വാഗര്ഥ സിദ്ധിഹേതോഃ
പഠത ഹയഗ്രീവസംസ്തുതിം ഭക്ത്യാ ।
കവിതാര്കികകേസരിണാ
വേങ്കടനാഥേന വിരചിതാമേതാമ് ॥ ൩൩॥
॥ ഇതി ശ്രീഹയഗ്രീവസ്തോത്രം സമാപ്തമ് ॥
കവിതാര്കികസിംഹായ കല്യാണഗുണശാലിനേ ।
ശ്രീമതേ വേങ്കടേശായ വേദാന്തഗുരവേ നമഃ ॥
Encoded and proofread by Sundar Rajan RD sundar.rajanrd at gmail.com
Please send corrections to sanskrit@cheerful.com
Last updated ത്oday
http://sanskritdocuments.org
Hayagriva Stotram Lyrics in Malayalam PDF
% File name : hayagrIvastotramDesika.itx
% Location : doc\_deities\_misc
% Author : Vedanta Desika
% Language : Sanskrit
% Subject : philosophy/hinduism/religion
% Transliterated by : Sundar Rajan RD sundar.rajanrd at gmail.com
% Proofread by : Sundar Rajan RD sundar.rajanrd at gmail.com
% Latest update : November 23, 2011
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : hayagrIvastotramDesika.itx
% Location : doc\_deities\_misc
% Author : Vedanta Desika
% Language : Sanskrit
% Subject : philosophy/hinduism/religion
% Transliterated by : Sundar Rajan RD sundar.rajanrd at gmail.com
% Proofread by : Sundar Rajan RD sundar.rajanrd at gmail.com
% Latest update : November 23, 2011
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 15, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ December 15, 2015 ] at Stotram Website