{॥ ಶ್ರೀಭೂತನಾಥ ಕರಾವಲಮ್ಬಸ್ತವಃ ॥}
ಓಙ್ಕಾರರೂಪ ಶಬರೀವರಪೀಠದೀಪ
ಶೃಙ್ಗಾರ ರಙ್ಗ ರಮಣೀಯ ಕಲಾಕಲಾಪ
ಅಙ್ಗಾರ ವರ್ಣ ಮಣಿಕಣ್ಠ ಮಹತ್ಪ್ರತಾಪ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೧

ನಕ್ಷತ್ರಚಾರುನಖರಪ್ರದ ನಿಷ್ಕಳಙ್ಕ
ನಕ್ಷತ್ರನಾಥಮುಖ ನಿರ್ಮಲ ಚಿತ್ತರಙ್ಗ
ಕುಕ್ಷಿಸ್ಥಲ ಸ್ಥಿರಚರಾಚರ ಭೂತಸಂಘ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೨

ಮನ್ತ್ರಾರ್ಥ ತತ್ವನಿಗಮಾರ್ಥ ಮಹಾವರಿಷು
ಯನ್ತ್ರಾದಿ ತನ್ತ್ರ ವರ ವರ್ಣಿತ ಪುಷ್ಕಲೇಷ್ಟ
ಸನ್ತ್ರಾಸಿತಾರಿಕುಲ ಪದ್ಮಸುಖೋಪವಿಷ್ಟ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೩

ಶಿಕ್ಷಾಪರಾಯಣ ಶಿವಾತ್ಮಜಸರ್ವಭೂತ
ರಕ್ಷಾಪರಾಯಣ ಚರಾಚರಹೇತುಭೂತ
ಅಕ್ಷಯ್ಯ ಮಙ್ಗಳ ವರಪ್ರದ ಚಿತ್ಪ್ರಬೋಧ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೪

ವಾಗೀಶ ವರ್ಣಿತ ವಿಶಿಷ್ಟ ವಚೋವಿಲಾಸ
ಯೋಗೀಶ ಯೋಗಕರ ಯಾಗಫಲಪ್ರಕಾಶ
ಯೋಗೇಶಯೋಗಿ ಪರಮಾತ್ಮಹಿತೋಪದೇಶ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೫

ಯಕ್ಷೇಶಪೂಜ್ಯ ನಿಧಿಸಞ್ಚಯ ನಿತ್ಯಪಾಲ
ಯಕ್ಷೀಶ ಕಾಂಕ್ಷಿತ ಸುಲಕ್ಷಣ ಲಕ್ಷ್ಯಮೂಲ
ಅಕ್ಷೀಣ ಪುಣ್ಯನಿಜ ಭಕ್ತಜನಾನುಕೂಲ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೬

ಸ್ವಾಮಿನ್ ಪ್ರಭಾರಮಣ ಚನ್ದನಲಿಪ್ತದೇಹ
ಚಾಮೀಕರಾಭರಣ ಚಾರುತುರಙ್ಗವಾಹ
ಶ್ರೀಮದ್ಸುರಾಭರಣ ಶಾಸ್ವತಸಮತ್ಸಮೂಹ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೭

ಆತಾಮ್ರಹೋರುಚಿರಞ್ಜಿತಾಞ್ಜುಗಾತ್ರ
ವೇದಾನ್ತವೇದ್ಯ ವಿಧಿವರ್ಣಿತ ವೀರ್ಯವೇತ್ರ
ಪಾದಾರವಿನ್ದ ಪರಿಪಾವನಭಕ್ತಮಿತ್ರ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೮

ಬಾಲಾಮೃತಾಂಶು ಪರಿಶೋಭಿತ ಫಾಲಪಟ್ಟ
ನೀಲಾಳಿಪಾಳಿಘನಕುನ್ತಳ ದಿವ್ಯಸೂತ್ರ
ಲೀಲಾವಿನೋದ ಮೃಗಯಾಪರ ಸಚರಿತ್ರ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೯

ಭೂತಿಪ್ರದಾಯಕ ಜಗತ್ ಪ್ರಥಿತಪ್ರತಾಪ
ಭೀತಿಪ್ರಮೋಚಕ ವಿಶಾಲಕಲಾಕಲಾಪ
ಬೋಧಪ್ರದೀಪ ಭವತಾಪಹರ ಸ್ವರೂಪ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೧೦

ವೇತಾಳಭೂತಪರಿವಾರವಿನೋದಶೀಲ
ಪಾತಾಳಭೂಮಿ ಸುರಲೋಕ ಸುಖಾನುಕೂಲ
ನಾದಾನ್ತರಙ್ಗ ನತಕಲ್ಪಕ ಧರ್ಮಪಾಲ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೧೧

ಶಾರ್ದೂಲದುಗ್ಧಹರ ಸರ್ವರುಜಾಪಹಾರ
ಶಾಸ್ತ್ರಾನುಸಾರಪರಸಾತ್ವಿಕ ಹೃದ್ವಿಹಾರ
ಶಸ್ತ್ರಾಸ್ತ್ರ ಶಕ್ತಿಧರ ಮೌಕ್ತಿಕಮುಗ್ಧಹಾರ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೧೨

ಆದಿತ್ಯಕೋಟಿರುಚಿರಞ್ಜಿತ ವೇದಸಾರ
ಆಧಾರಭೂತ ಭುವನೈಕ ಹಿತಾವತಾರ
ಆಧಿಪ್ರಮಾಥಿ ಪದಸಾರಸ ಪಾಪದೂರ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೧೩

ಪಞ್ಚಾದ್ರಿವಾಸ ಪರಮಾದ್ಭುತಭಾವನೀಯ
ಪಞ್ಛಾವತಂಸಮಕುಟೋಜ್ವಲ ಪೂಜನೀಯ
ವಾಞ್ಛಾನುಕೂಲ ವರದಾಯಕ ಸತ್ಸಹಾಯ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೧೪

ಹಿಂಸಾವಿಹೀನ ಶರಣಾಗತಪಾರಿಜಾತ
ಸಂಸಾರಸಾಗರ ಸಮುತ್ತರಣೈಕಪೋತ
ಹಂಸಾದಿಸೇವಿತವಿಭೋ ಪರಮಾತ್ಮಬೋಧ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೧೫

ಕುಮ್ಭೀನ್ದ್ರಕೇಸರಿತುರಙ್ಗಾವಾಹ ತುಙ್ಗ-
ಗಂಭೀರ ವೀರಮಣಿಕಣ್ಠ ವಿಮೋಹನಾಙ್ಗ
ಕುಂಭೋತ್ಭವಾದಿವರತಾಪ ಸಚ್ಚಿತ್ತರಙ್ಗ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೧೬

ಸಮ್ಪೂರ್ಣ ಭಕ್ತವರ ಸನ್ತತಿದಾನ ಶೀಲ
ಸಮ್ಪತ್ಸುಖಪ್ರದ ಸನಾತನ ಗಾನಲೋಲ
ಸಮ್ಪೂರಿತಾಖಿಲ ಚರಾಚರ ಲೋಕಪಾಲ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೧೭

ವೀರಾಸನಸ್ಥಿತ ವಿಚಿತ್ರವನಾಧಿವಾಸ
ನಾರಾಯಣಪ್ರಿಯ ನಟೇಶ ಮನೋವಿಲಾಸ
ವಾರಾಶಿಪೂರ್ಣ ಕರುಣಾಮೃತ ವಾಗ್ವಿಕಾಸ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೧೮

ಕ್ಷಿಪ್ರಪ್ರಸಾದಕ ಸುರಾಸುರಸೇವ್ಯಪಾದ
ವಿಪ್ರಾದಿವನ್ದಿತ ವರಪ್ರದ ಸುಪ್ರಸಾದ
ವಿಭ್ರಾಜಮಾನ ಮಣಿಕಣ್ಠ ವಿನೋದಭೂತ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೧೯

ಕೋಟೀರಚಾರುತರ ಕೋಟಿದಿವಾಕರಾಭ
ಪಾಟೀರಪಙ್ಕಕಳಭಪ್ರಿಯ ಪೂರ್ಣಶೋಭ
ವಾಟೀವನಾನ್ತರ ವಿಹಾರವಿಚಿತ್ರರೂಪ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೨೦

ದುರ್ವಾರದುಃಖಹರ ದೀನಜನಾನುಕೂಲ
ದುರ್ವಾಸ ಆದ್ಯಋಷಿವರಾರ್ಚಿತಪಾದಮೂಲ
ದರ್ವೀಕರೇನ್ದ್ರಮಣಿಭೂಷಣ ಧರ್ಮಪಾಲ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೨೧

ನೃತ್ತಾಭಿರಮ್ಯ ನಿಗಮಾಗಮ ಸಾಕ್ಷಿಭೂತ
ಭಕ್ತಾನುಗಮ್ಯ ಪರಮಾತ್ಭುತ ಹೃತ್ಪ್ರಬೋಧ
ಸತ್ತಾಪಸಾರ್ಚಿತ ಸನಾತನ ಮೋಕ್ಷಭೂತ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೨೨

ಕನ್ದರ್ಪಕೋಟಿ ಕಮನೀಯತರಾವತಾರ
ಮನ್ದಾರ ಕುನ್ದ ಸುಮವೃನ್ದ ಮನೋಜ್ಞಹಾರ
ಮನ್ದಾಕಿನೀತಟವಿಹಾರ ವಿನೋದಪೂರ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೨೩

ಸತ್ಕೀರ್ತನಪ್ರಿಯ ಸಮಸ್ತಸುರಾಧಿನಾಥ
ಸತ್ಕುಮಾರಸಾಧು ಹೃದಯಾಮ್ಬುಜ ಸನ್ನಿಕೇತನ
ಸತ್ಕೀರ್ತಿಸೌಖ್ಯ ವರದಾಯಕ ಸತ್ಕಿರಾತ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೨೪

ಜ್ಞಾನಿಪ್ರಪೂಜಿತ ಪದಾಮ್ಬುಜ ಭೂತಿಭೂಷ
ದೀನಾನುಕಂಪಿತ ದಯಾಪರ ದಿವ್ಯವೇಷ
ಜ್ಞಾನಸ್ವರೂಪ ವರಚಾಕ್ಷುಷ ವೇದಘೋಷ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೨೫

ನಾದಾನ್ತರಙ್ಗ ವರಮಙ್ಗಳನೃತ್ತರಙ್ಗ-
ಪಾದಾರವಿನ್ದ ಕುಸುಮಾಯುಧಕೋಮಳಾಙ್ಗ
ಮಾತಙ್ಗಕೇಸರಿತುರಙ್ಗಮವಾಹತುರಙ್ಗ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೨೬

ಬ್ರಹ್ಮಸ್ವರೂಪ ಭವರೋಗಪುರಾಣವೈದ್ಯ
ಧರ್ಮಾರ್ಥಕಾಮವರಮುಕ್ತಿದ ವೇದವೇದ್ಯ
ಕರ್ಮಾನುಕೂಲಫಲದಾಯಕ ಚಿನ್ಮಯಾದ್ಯ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೨೭

ತಾಪತ್ರಯಾಪಹರ ತಾಪಸಹೃದ್ವಿಹಾರ
ತಾಪಿಞ್ಛ ಚಾರುತರಗಾತ್ರ ಕಿರಾತವೀರ
ಆಪಾದಮಸ್ತಕಲಸನ್ಮಣಿಮುಗ್ಧಹಾರ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೨೮

ಚಿನ್ತಾಮಣಿಪ್ರಥಿತ ಭೂಷಣಭೂಷಿತಾಙ್ಗ
ದನ್ತಾವಲೇನ್ದ್ರಹರಿವಾಹನ ಮೋಹನಾಙ್ಗ
ಸನ್ತಾನದಾಯಕ ವಿಭೋ ಕರುಣಾನ್ತರಙ್ಗ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೨೯

ಆರಣ್ಯವಾಸವರತಾಪಸ ಬೋಧರೂಪ
ಕಾರುಣ್ಯಸಾಗರ ಕಲೇಶ ಕಲಾಕಲಾಪ
ತಾರುಣ್ಯತಾಮರಸಲೋಚನ ಲೋಕದೀಪ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೩೦

ಆಪಾದಚಾರುತರಕಾಮಸಮಾಭಿರಾಮ
ಶೋಭಾಯಮಾನ ಸುರಸಞ್ಚಯಸಾರ್ವಭೌಮ
ಶ್ರೀಪಾಣ್ಡ್ಯಪೂರ್ವಸಕೃತಾಮೃತ ಪೂರ್ಣಧಾಮ
ಶ್ರೀ ಭೂತನಾಥ ಮಮ ದೇಹಿ ಕರಾವಲಮ್ಬಮ್ ॥ ೩೧

ಇತಿ ಶ್ರೀ ಭೂತನಾಥ ಕರಾವಲಮ್ಬಸ್ತವಃ ಸಮ್ಪೂರ್ಣಮ್ ॥


Encoded and proofread by Antaratma antaratma at Safe-mail.net

Please send corrections to sanskrit@cheerful.com
Last updated ತ್oday
http://sanskritdocuments.org

Bhuthanatha Karavalamba Stavam Lyrics in Kannada PDF
% File name : karaavalamba.itx
% Location : doc\_deities\_misc
% Language : Sanskrit
% Subject : Hinduism/religion/traditional
% Transliterated by : Antaratma antaratma at Safe-mail.net
% Proofread by : Antaratma antaratma at Safe-mail.net
% Latest update : April 23, 2008
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 15, 2015 ] at Stotram Website