{॥ ശ്രീഭൂതനാഥ കരാവലമ്ബസ്തവഃ ॥}
ഓങ്കാരരൂപ ശബരീവരപീഠദീപ
ശൃങ്ഗാര രങ്ഗ രമണീയ കലാകലാപ
അങ്ഗാര വര്ണ മണികണ്ഠ മഹത്പ്രതാപ
ശ്രീ ഭൂതനാഥ മമ ദേഹി കരാവലമ്ബമ് ॥ ൧

നക്ഷത്രചാരുനഖരപ്രദ നിഷ്കളങ്ക
നക്ഷത്രനാഥമുഖ നിര്മല ചിത്തരങ്ഗ
കുക്ഷിസ്ഥല സ്ഥിരചരാചര ഭൂതസംഘ
ശ്രീ ഭൂതനാഥ മമ ദേഹി കരാവലമ്ബമ് ॥ ൨

മന്ത്രാര്ഥ തത്വനിഗമാര്ഥ മഹാവരിഷു
യന്ത്രാദി തന്ത്ര വര വര്ണിത പുഷ്കലേഷ്ട
സന്ത്രാസിതാരികുല പദ്മസുഖോപവിഷ്ട
ശ്രീ ഭൂതനാഥ മമ ദേഹി കരാവലമ്ബമ് ॥ ൩

ശിക്ഷാപരായണ ശിവാത്മജസര്വഭൂത
രക്ഷാപരായണ ചരാചരഹേതുഭൂത
അക്ഷയ്യ മങ്ഗള വരപ്രദ ചിത്പ്രബോധ
ശ്രീ ഭൂതനാഥ മമ ദേഹി കരാവലമ്ബമ് ॥ ൪

വാഗീശ വര്ണിത വിശിഷ്ട വചോവിലാസ
യോഗീശ യോഗകര യാഗഫലപ്രകാശ
യോഗേശയോഗി പരമാത്മഹിതോപദേശ
ശ്രീ ഭൂതനാഥ മമ ദേഹി കരാവലമ്ബമ് ॥ ൫

യക്ഷേശപൂജ്യ നിധിസഞ്ചയ നിത്യപാല
യക്ഷീശ കാംക്ഷിത സുലക്ഷണ ലക്ഷ്യമൂല
അക്ഷീണ പുണ്യനിജ ഭക്തജനാനുകൂല
ശ്രീ ഭൂതനാഥ മമ ദേഹി കരാവലമ്ബമ് ॥ ൬

സ്വാമിന് പ്രഭാരമണ ചന്ദനലിപ്തദേഹ
ചാമീകരാഭരണ ചാരുതുരങ്ഗവാഹ
ശ്രീമദ്സുരാഭരണ ശാസ്വതസമത്സമൂഹ
ശ്രീ ഭൂതനാഥ മമ ദേഹി കരാവലമ്ബമ് ॥ ൭

ആതാമ്രഹോരുചിരഞ്ജിതാഞ്ജുഗാത്ര
വേദാന്തവേദ്യ വിധിവര്ണിത വീര്യവേത്ര
പാദാരവിന്ദ പരിപാവനഭക്തമിത്ര
ശ്രീ ഭൂതനാഥ മമ ദേഹി കരാവലമ്ബമ് ॥ ൮

ബാലാമൃതാംശു പരിശോഭിത ഫാലപട്ട
നീലാളിപാളിഘനകുന്തള ദിവ്യസൂത്ര
ലീലാവിനോദ മൃഗയാപര സചരിത്ര
ശ്രീ ഭൂതനാഥ മമ ദേഹി കരാവലമ്ബമ് ॥ ൯

ഭൂതിപ്രദായക ജഗത് പ്രഥിതപ്രതാപ
ഭീതിപ്രമോചക വിശാലകലാകലാപ
ബോധപ്രദീപ ഭവതാപഹര സ്വരൂപ
ശ്രീ ഭൂതനാഥ മമ ദേഹി കരാവലമ്ബമ് ॥ ൧൦

വേതാളഭൂതപരിവാരവിനോദശീല
പാതാളഭൂമി സുരലോക സുഖാനുകൂല
നാദാന്തരങ്ഗ നതകല്പക ധര്മപാല
ശ്രീ ഭൂതനാഥ മമ ദേഹി കരാവലമ്ബമ് ॥ ൧൧

ശാര്ദൂലദുഗ്ധഹര സര്വരുജാപഹാര
ശാസ്ത്രാനുസാരപരസാത്വിക ഹൃദ്വിഹാര
ശസ്ത്രാസ്ത്ര ശക്തിധര മൌക്തികമുഗ്ധഹാര
ശ്രീ ഭൂതനാഥ മമ ദേഹി കരാവലമ്ബമ് ॥ ൧൨

ആദിത്യകോടിരുചിരഞ്ജിത വേദസാര
ആധാരഭൂത ഭുവനൈക ഹിതാവതാര
ആധിപ്രമാഥി പദസാരസ പാപദൂര
ശ്രീ ഭൂതനാഥ മമ ദേഹി കരാവലമ്ബമ് ॥ ൧൩

പഞ്ചാദ്രിവാസ പരമാദ്ഭുതഭാവനീയ
പഞ്ഛാവതംസമകുടോജ്വല പൂജനീയ
വാഞ്ഛാനുകൂല വരദായക സത്സഹായ
ശ്രീ ഭൂതനാഥ മമ ദേഹി കരാവലമ്ബമ് ॥ ൧൪

ഹിംസാവിഹീന ശരണാഗതപാരിജാത
സംസാരസാഗര സമുത്തരണൈകപോത
ഹംസാദിസേവിതവിഭോ പരമാത്മബോധ
ശ്രീ ഭൂതനാഥ മമ ദേഹി കരാവലമ്ബമ് ॥ ൧൫

കുമ്ഭീന്ദ്രകേസരിതുരങ്ഗാവാഹ തുങ്ഗ-
ഗംഭീര വീരമണികണ്ഠ വിമോഹനാങ്ഗ
കുംഭോത്ഭവാദിവരതാപ സച്ചിത്തരങ്ഗ
ശ്രീ ഭൂതനാഥ മമ ദേഹി കരാവലമ്ബമ് ॥ ൧൬

സമ്പൂര്ണ ഭക്തവര സന്തതിദാന ശീല
സമ്പത്സുഖപ്രദ സനാതന ഗാനലോല
സമ്പൂരിതാഖില ചരാചര ലോകപാല
ശ്രീ ഭൂതനാഥ മമ ദേഹി കരാവലമ്ബമ് ॥ ൧൭

വീരാസനസ്ഥിത വിചിത്രവനാധിവാസ
നാരായണപ്രിയ നടേശ മനോവിലാസ
വാരാശിപൂര്ണ കരുണാമൃത വാഗ്വികാസ
ശ്രീ ഭൂതനാഥ മമ ദേഹി കരാവലമ്ബമ് ॥ ൧൮

ക്ഷിപ്രപ്രസാദക സുരാസുരസേവ്യപാദ
വിപ്രാദിവന്ദിത വരപ്രദ സുപ്രസാദ
വിഭ്രാജമാന മണികണ്ഠ വിനോദഭൂത
ശ്രീ ഭൂതനാഥ മമ ദേഹി കരാവലമ്ബമ് ॥ ൧൯

കോടീരചാരുതര കോടിദിവാകരാഭ
പാടീരപങ്കകളഭപ്രിയ പൂര്ണശോഭ
വാടീവനാന്തര വിഹാരവിചിത്രരൂപ
ശ്രീ ഭൂതനാഥ മമ ദേഹി കരാവലമ്ബമ് ॥ ൨൦

ദുര്വാരദുഃഖഹര ദീനജനാനുകൂല
ദുര്വാസ ആദ്യഋഷിവരാര്ചിതപാദമൂല
ദര്വീകരേന്ദ്രമണിഭൂഷണ ധര്മപാല
ശ്രീ ഭൂതനാഥ മമ ദേഹി കരാവലമ്ബമ് ॥ ൨൧

നൃത്താഭിരമ്യ നിഗമാഗമ സാക്ഷിഭൂത
ഭക്താനുഗമ്യ പരമാത്ഭുത ഹൃത്പ്രബോധ
സത്താപസാര്ചിത സനാതന മോക്ഷഭൂത
ശ്രീ ഭൂതനാഥ മമ ദേഹി കരാവലമ്ബമ് ॥ ൨൨

കന്ദര്പകോടി കമനീയതരാവതാര
മന്ദാര കുന്ദ സുമവൃന്ദ മനോജ്ഞഹാര
മന്ദാകിനീതടവിഹാര വിനോദപൂര
ശ്രീ ഭൂതനാഥ മമ ദേഹി കരാവലമ്ബമ് ॥ ൨൩

സത്കീര്തനപ്രിയ സമസ്തസുരാധിനാഥ
സത്കുമാരസാധു ഹൃദയാമ്ബുജ സന്നികേതന
സത്കീര്തിസൌഖ്യ വരദായക സത്കിരാത
ശ്രീ ഭൂതനാഥ മമ ദേഹി കരാവലമ്ബമ് ॥ ൨൪

ജ്ഞാനിപ്രപൂജിത പദാമ്ബുജ ഭൂതിഭൂഷ
ദീനാനുകംപിത ദയാപര ദിവ്യവേഷ
ജ്ഞാനസ്വരൂപ വരചാക്ഷുഷ വേദഘോഷ
ശ്രീ ഭൂതനാഥ മമ ദേഹി കരാവലമ്ബമ് ॥ ൨൫

നാദാന്തരങ്ഗ വരമങ്ഗളനൃത്തരങ്ഗ-
പാദാരവിന്ദ കുസുമായുധകോമളാങ്ഗ
മാതങ്ഗകേസരിതുരങ്ഗമവാഹതുരങ്ഗ
ശ്രീ ഭൂതനാഥ മമ ദേഹി കരാവലമ്ബമ് ॥ ൨൬

ബ്രഹ്മസ്വരൂപ ഭവരോഗപുരാണവൈദ്യ
ധര്മാര്ഥകാമവരമുക്തിദ വേദവേദ്യ
കര്മാനുകൂലഫലദായക ചിന്മയാദ്യ
ശ്രീ ഭൂതനാഥ മമ ദേഹി കരാവലമ്ബമ് ॥ ൨൭

താപത്രയാപഹര താപസഹൃദ്വിഹാര
താപിഞ്ഛ ചാരുതരഗാത്ര കിരാതവീര
ആപാദമസ്തകലസന്മണിമുഗ്ധഹാര
ശ്രീ ഭൂതനാഥ മമ ദേഹി കരാവലമ്ബമ് ॥ ൨൮

ചിന്താമണിപ്രഥിത ഭൂഷണഭൂഷിതാങ്ഗ
ദന്താവലേന്ദ്രഹരിവാഹന മോഹനാങ്ഗ
സന്താനദായക വിഭോ കരുണാന്തരങ്ഗ
ശ്രീ ഭൂതനാഥ മമ ദേഹി കരാവലമ്ബമ് ॥ ൨൯

ആരണ്യവാസവരതാപസ ബോധരൂപ
കാരുണ്യസാഗര കലേശ കലാകലാപ
താരുണ്യതാമരസലോചന ലോകദീപ
ശ്രീ ഭൂതനാഥ മമ ദേഹി കരാവലമ്ബമ് ॥ ൩൦

ആപാദചാരുതരകാമസമാഭിരാമ
ശോഭായമാന സുരസഞ്ചയസാര്വഭൌമ
ശ്രീപാണ്ഡ്യപൂര്വസകൃതാമൃത പൂര്ണധാമ
ശ്രീ ഭൂതനാഥ മമ ദേഹി കരാവലമ്ബമ് ॥ ൩൧

ഇതി ശ്രീ ഭൂതനാഥ കരാവലമ്ബസ്തവഃ സമ്പൂര്ണമ് ॥


Encoded and proofread by Antaratma antaratma at Safe-mail.net

Please send corrections to sanskrit@cheerful.com
Last updated ത്oday
http://sanskritdocuments.org

Bhuthanatha Karavalamba Stavam Lyrics in Malayalam PDF
% File name : karaavalamba.itx
% Location : doc\_deities\_misc
% Language : Sanskrit
% Subject : Hinduism/religion/traditional
% Transliterated by : Antaratma antaratma at Safe-mail.net
% Proofread by : Antaratma antaratma at Safe-mail.net
% Latest update : April 23, 2008
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 15, 2015 ] at Stotram Website