{॥ శ్రీభూతనాథ కరావలమ్బస్తవః ॥}
ఓఙ్కారరూప శబరీవరపీఠదీప
శృఙ్గార రఙ్గ రమణీయ కలాకలాప
అఙ్గార వర్ణ మణికణ్ఠ మహత్ప్రతాప
శ్రీ భూతనాథ మమ దేహి కరావలమ్బమ్ ॥ ౧

నక్షత్రచారునఖరప్రద నిష్కళఙ్క
నక్షత్రనాథముఖ నిర్మల చిత్తరఙ్గ
కుక్షిస్థల స్థిరచరాచర భూతసంఘ
శ్రీ భూతనాథ మమ దేహి కరావలమ్బమ్ ॥ ౨

మన్త్రార్థ తత్వనిగమార్థ మహావరిషు
యన్త్రాది తన్త్ర వర వర్ణిత పుష్కలేష్ట
సన్త్రాసితారికుల పద్మసుఖోపవిష్ట
శ్రీ భూతనాథ మమ దేహి కరావలమ్బమ్ ॥ ౩

శిక్షాపరాయణ శివాత్మజసర్వభూత
రక్షాపరాయణ చరాచరహేతుభూత
అక్షయ్య మఙ్గళ వరప్రద చిత్ప్రబోధ
శ్రీ భూతనాథ మమ దేహి కరావలమ్బమ్ ॥ ౪

వాగీశ వర్ణిత విశిష్ట వచోవిలాస
యోగీశ యోగకర యాగఫలప్రకాశ
యోగేశయోగి పరమాత్మహితోపదేశ
శ్రీ భూతనాథ మమ దేహి కరావలమ్బమ్ ॥ ౫

యక్షేశపూజ్య నిధిసఞ్చయ నిత్యపాల
యక్షీశ కాంక్షిత సులక్షణ లక్ష్యమూల
అక్షీణ పుణ్యనిజ భక్తజనానుకూల
శ్రీ భూతనాథ మమ దేహి కరావలమ్బమ్ ॥ ౬

స్వామిన్ ప్రభారమణ చన్దనలిప్తదేహ
చామీకరాభరణ చారుతురఙ్గవాహ
శ్రీమద్సురాభరణ శాస్వతసమత్సమూహ
శ్రీ భూతనాథ మమ దేహి కరావలమ్బమ్ ॥ ౭

ఆతామ్రహోరుచిరఞ్జితాఞ్జుగాత్ర
వేదాన్తవేద్య విధివర్ణిత వీర్యవేత్ర
పాదారవిన్ద పరిపావనభక్తమిత్ర
శ్రీ భూతనాథ మమ దేహి కరావలమ్బమ్ ॥ ౮

బాలామృతాంశు పరిశోభిత ఫాలపట్ట
నీలాళిపాళిఘనకున్తళ దివ్యసూత్ర
లీలావినోద మృగయాపర సచరిత్ర
శ్రీ భూతనాథ మమ దేహి కరావలమ్బమ్ ॥ ౯

భూతిప్రదాయక జగత్ ప్రథితప్రతాప
భీతిప్రమోచక విశాలకలాకలాప
బోధప్రదీప భవతాపహర స్వరూప
శ్రీ భూతనాథ మమ దేహి కరావలమ్బమ్ ॥ ౧౦

వేతాళభూతపరివారవినోదశీల
పాతాళభూమి సురలోక సుఖానుకూల
నాదాన్తరఙ్గ నతకల్పక ధర్మపాల
శ్రీ భూతనాథ మమ దేహి కరావలమ్బమ్ ॥ ౧౧

శార్దూలదుగ్ధహర సర్వరుజాపహార
శాస్త్రానుసారపరసాత్విక హృద్విహార
శస్త్రాస్త్ర శక్తిధర మౌక్తికముగ్ధహార
శ్రీ భూతనాథ మమ దేహి కరావలమ్బమ్ ॥ ౧౨

ఆదిత్యకోటిరుచిరఞ్జిత వేదసార
ఆధారభూత భువనైక హితావతార
ఆధిప్రమాథి పదసారస పాపదూర
శ్రీ భూతనాథ మమ దేహి కరావలమ్బమ్ ॥ ౧౩

పఞ్చాద్రివాస పరమాద్భుతభావనీయ
పఞ్ఛావతంసమకుటోజ్వల పూజనీయ
వాఞ్ఛానుకూల వరదాయక సత్సహాయ
శ్రీ భూతనాథ మమ దేహి కరావలమ్బమ్ ॥ ౧౪

హింసావిహీన శరణాగతపారిజాత
సంసారసాగర సముత్తరణైకపోత
హంసాదిసేవితవిభో పరమాత్మబోధ
శ్రీ భూతనాథ మమ దేహి కరావలమ్బమ్ ॥ ౧౫

కుమ్భీన్ద్రకేసరితురఙ్గావాహ తుఙ్గ-
గంభీర వీరమణికణ్ఠ విమోహనాఙ్గ
కుంభోత్భవాదివరతాప సచ్చిత్తరఙ్గ
శ్రీ భూతనాథ మమ దేహి కరావలమ్బమ్ ॥ ౧౬

సమ్పూర్ణ భక్తవర సన్తతిదాన శీల
సమ్పత్సుఖప్రద సనాతన గానలోల
సమ్పూరితాఖిల చరాచర లోకపాల
శ్రీ భూతనాథ మమ దేహి కరావలమ్బమ్ ॥ ౧౭

వీరాసనస్థిత విచిత్రవనాధివాస
నారాయణప్రియ నటేశ మనోవిలాస
వారాశిపూర్ణ కరుణామృత వాగ్వికాస
శ్రీ భూతనాథ మమ దేహి కరావలమ్బమ్ ॥ ౧౮

క్షిప్రప్రసాదక సురాసురసేవ్యపాద
విప్రాదివన్దిత వరప్రద సుప్రసాద
విభ్రాజమాన మణికణ్ఠ వినోదభూత
శ్రీ భూతనాథ మమ దేహి కరావలమ్బమ్ ॥ ౧౯

కోటీరచారుతర కోటిదివాకరాభ
పాటీరపఙ్కకళభప్రియ పూర్ణశోభ
వాటీవనాన్తర విహారవిచిత్రరూప
శ్రీ భూతనాథ మమ దేహి కరావలమ్బమ్ ॥ ౨౦

దుర్వారదుఃఖహర దీనజనానుకూల
దుర్వాస ఆద్యఋషివరార్చితపాదమూల
దర్వీకరేన్ద్రమణిభూషణ ధర్మపాల
శ్రీ భూతనాథ మమ దేహి కరావలమ్బమ్ ॥ ౨౧

నృత్తాభిరమ్య నిగమాగమ సాక్షిభూత
భక్తానుగమ్య పరమాత్భుత హృత్ప్రబోధ
సత్తాపసార్చిత సనాతన మోక్షభూత
శ్రీ భూతనాథ మమ దేహి కరావలమ్బమ్ ॥ ౨౨

కన్దర్పకోటి కమనీయతరావతార
మన్దార కున్ద సుమవృన్ద మనోజ్ఞహార
మన్దాకినీతటవిహార వినోదపూర
శ్రీ భూతనాథ మమ దేహి కరావలమ్బమ్ ॥ ౨౩

సత్కీర్తనప్రియ సమస్తసురాధినాథ
సత్కుమారసాధు హృదయామ్బుజ సన్నికేతన
సత్కీర్తిసౌఖ్య వరదాయక సత్కిరాత
శ్రీ భూతనాథ మమ దేహి కరావలమ్బమ్ ॥ ౨౪

జ్ఞానిప్రపూజిత పదామ్బుజ భూతిభూష
దీనానుకంపిత దయాపర దివ్యవేష
జ్ఞానస్వరూప వరచాక్షుష వేదఘోష
శ్రీ భూతనాథ మమ దేహి కరావలమ్బమ్ ॥ ౨౫

నాదాన్తరఙ్గ వరమఙ్గళనృత్తరఙ్గ-
పాదారవిన్ద కుసుమాయుధకోమళాఙ్గ
మాతఙ్గకేసరితురఙ్గమవాహతురఙ్గ
శ్రీ భూతనాథ మమ దేహి కరావలమ్బమ్ ॥ ౨౬

బ్రహ్మస్వరూప భవరోగపురాణవైద్య
ధర్మార్థకామవరముక్తిద వేదవేద్య
కర్మానుకూలఫలదాయక చిన్మయాద్య
శ్రీ భూతనాథ మమ దేహి కరావలమ్బమ్ ॥ ౨౭

తాపత్రయాపహర తాపసహృద్విహార
తాపిఞ్ఛ చారుతరగాత్ర కిరాతవీర
ఆపాదమస్తకలసన్మణిముగ్ధహార
శ్రీ భూతనాథ మమ దేహి కరావలమ్బమ్ ॥ ౨౮

చిన్తామణిప్రథిత భూషణభూషితాఙ్గ
దన్తావలేన్ద్రహరివాహన మోహనాఙ్గ
సన్తానదాయక విభో కరుణాన్తరఙ్గ
శ్రీ భూతనాథ మమ దేహి కరావలమ్బమ్ ॥ ౨౯

ఆరణ్యవాసవరతాపస బోధరూప
కారుణ్యసాగర కలేశ కలాకలాప
తారుణ్యతామరసలోచన లోకదీప
శ్రీ భూతనాథ మమ దేహి కరావలమ్బమ్ ॥ ౩౦

ఆపాదచారుతరకామసమాభిరామ
శోభాయమాన సురసఞ్చయసార్వభౌమ
శ్రీపాణ్డ్యపూర్వసకృతామృత పూర్ణధామ
శ్రీ భూతనాథ మమ దేహి కరావలమ్బమ్ ॥ ౩౧

ఇతి శ్రీ భూతనాథ కరావలమ్బస్తవః సమ్పూర్ణమ్ ॥


Encoded and proofread by Antaratma antaratma at Safe-mail.net

Please send corrections to sanskrit@cheerful.com
Last updated త్oday
http://sanskritdocuments.org

Bhuthanatha Karavalamba Stavam Lyrics in Telugu PDF
% File name : karaavalamba.itx
% Location : doc\_deities\_misc
% Language : Sanskrit
% Subject : Hinduism/religion/traditional
% Transliterated by : Antaratma antaratma at Safe-mail.net
% Proofread by : Antaratma antaratma at Safe-mail.net
% Latest update : April 23, 2008
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 15, 2015 ] at Stotram Website