ಶ್ರೀರಮಣಚತ್ವಾರಿಂಶತ್
{॥ ಶ್ರೀರಮಣಚತ್ವಾರಿಂಶತ್ ॥}
ವನ್ದೇ ಶ್ರೀರಮಣರ್ಷೇರಾಚಾರ್ಯಸ್ಯ ಪದಾಬ್ಜಮ್ ।
ಯೋ ಮೇಽದರ್ಶಯದೀಶಂ ಭಾನ್ತಂ ಧ್ವಾನ್ತಮತೀತ್ಯ ॥
ಕಥಯಾ ನಿಜಯಾ ಕಲುಷಂ ಹರತಾ ಕರುಣಾನಿಧಿನಾಽರುಣಶೈಲಜುಷಾ ।
ಖಗವಾಹನಭಾಷಿತತತ್ತ್ವವಿದಾ ವೃಷವಾಹನಮೌನರಹಸ್ಯಭೃತಾ ॥ ೧॥
ಗಣರಾಣ್ಮುಖಸೂರಿಸಭಾಗುರುಣಾ ಗುಣಸಞ್ಚಯರತ್ನಮಹೋದಧಿನಾ ।
ಘನಗೂಢಸಹಸ್ರಕರೇಣ ಯಥಾ ತನುಕಞ್ಚುಕಗುಪ್ತಮಹಾಮಹಸಾ ॥ ೨॥
ಚತುರೇಣ ಚಲೇನ್ದ್ರಿಯನಿಗ್ರಹಣೇ ಪಟುನಾ ಪರಕೀಯಗುಣಗ್ರಹಣೇ ।
ಛಲವರ್ಜಿತಮೌನಸಮಾಧಿಜುಷಾ ಬಲತರ್ಜಿತಭೀಕರಕಾಮರುಷಾ ॥ ೩॥
ಜಠರಂ ಸಮಯೇ ಪರಿಪೂರಯತಾ ಕಠಿನಂ ವ್ರತಮದ್ರಿತಟೇ ಚರತಾ ।
ಝಷಕೇತನಶಸ್ತ್ರದುರಾಪಹೃದಾ ಕೃಷಿಮಾತ್ಮವಿಬೋಧವಿಧೌ ದಧತಾ ॥ ೪॥
ಭವಭೀಕರವಾರಿನಿಧಿಂ ತರತಾ ಕರತಾಮರಸೇನ ಸುಪಾತ್ರವತಾ ।
ಸ್ವದೃಶಾಽಧಿಕಶೀತಲಕಾನ್ತಿಭೃತಾ ಭಯಮಙ್ಘ್ರಿಸರೋಜಜುಷಾಂ ಹರತಾ ॥ ೫॥
ನಮತಾಮತಿಭಕ್ತಿಮತಾಂ ನಿಧಿನಾ ಘನತಾಪವಿಧೂನನಸನ್ನಿಧಿನಾ ।
ಯತಿಧರ್ಮತತಿಂ ಪರಿಪಾಲಯತಾ ಪರಿತಶ್ಚ ತಮೋ ವಿನಿವಾರಯತಾ ॥ ೬॥
ಫಣಿನಾಯಕವರ್ಣ್ಯಗುಣೌಘಭೃತಾ ಭಣಿತೀಃ ಪ್ರಿಯಸತ್ಯಹಿತಾ ಭಣತಾ ।
ಬಹುಮಾನವಶಾದಯತಾ ಸುಖಿತಾಮವಮಾನತತೇರವಿದೂನವತಾ ॥ ೭॥
ಯತಿನಾಮಧಿಪೇನ ಕುಶಾಗ್ರಲಸನ್ಮತಿನಾ ಧೃತಿನಾ ಶಿತಚಿತ್ತಭುವಾ ।
ಲಹರೀಂಪ್ರಮದಸ್ಯ ಸದಾವಹತಾ ನಿಹತಾನ್ತರಶಾತ್ರವಸಂಹತಿನಾ ॥ ೮॥
ಭಗವತ್ಪದಮನ್ಯಜನಾಸುಲಭಂ ಸ್ವಗುಣೈರಧಿಗತ್ಯ ಪರಂ ಜಯತಾ ।
ಮಮತಾರಹಿತೇನ ಹಿತೇನ ಸತಾಂ ನಿಹಿತೇನ ಗಣಪ್ರಭುಣಾ ಹೃದಯೇ ॥ ೯॥
ಧರಣೀಧರಜಾಙ್ಕಮಪಿ ತ್ಯಜತಾ ಧರಣೀತಲವಾಸಿತಮೋಧುತಯೇ ।
ನರವೇಷಭೃತಾ ನಗರನ್ಧ್ರಕೃತಾ ರಮಣೇನ ಸನಾಥಮಿದಂ ಭುವನಮ್ ॥ ೧೦॥
ಪರದೇಶಿನೇವ ಧವಲೇನ ವಾಸಸಃ ಶಕಲೇನ ವೇಷ್ಟಿತಕಟೀವಿಶೋಭಿನಾ ।
ವರದೇಶಿಕೇನ ನರವೇಷಧಾರಿಣಾ ಶಿಖಿವಾಹನೇನ ಗುರುಮಜ್ಜಗದ್ಭವೇತ್ ॥ ೧೧॥
ಅತೀತಗುಣಜಾಲಾಯ ನೈಷ್ಠಿಕಬ್ರಹ್ಮಚಾರಿಣೇ ।
ನಮೋ ಮಾಯಾಮನುಷ್ಯಾಯ ಗುರವೇ ತಾರಕಾರಯೇ ॥ ೧೨॥
ಯಾನಾಯಾತ್ರ ನ ಕೇಕಿನಾಂ ಕುಲಪತಿಃ ಸ್ನಾನಾಯ ನ ಸ್ವರ್ಣದೀ
ಪಾನಾಯ ಕ್ಷಿತಿಭೃನ್ಮಹೇನ್ದ್ರದುಹಿತುರ್ನಸ್ತನ್ಯದುಗ್ಧಾಮೃತಮ್ ।
ಗಾನಾಯ ಪ್ರಮಥೇಶ್ವರಾಸ್ಸವಯಸೋ ನೈವಾತ್ರ ವೀಣಾಭೃತೋ
ವಾಸಂ ಶೋಣಗಿರೌ ಕರೋಷಿ ಭಗವನ್ ಕ್ರೌಞ್ಚಾದ್ರಿಭೇತ್ತಃ ಕುತಃ ॥ ೧೩॥
ಏಕಂ ವಕ್ತ್ರಮುಮಾಙ್ಕವಾಸವಿರಹಃ ಪಾಣೌ ನ ಶಕ್ತ್ಯಾಯುಧಂ
ಮರ್ತ್ಯತ್ವಂ ನ ಪತಾಕಿನೀ ಚ ಪೃತನಾ ಪಾರ್ಶ್ವದ್ವಯೇ ನಾಕಿನಾಮ್ ।
ವೇಷೋಽಲಂ ಪುನರೇಷ ಮುಗ್ಧನಯನಪ್ರಚ್ಛಾದನೇ ಭೂಜುಷಾ-
ಮನ್ತರ್ಧಾನಮುಪೈಷಿ ತಾರಕರಿಪೋ ಕ್ವ ಸ್ತನ್ಯದಾಯಾದತಃ ॥ ೧೪॥
ಕೇಚಿದ್ಯೋಗವಿದಾಂ ಪುರಃಸರ ಇತಿ ಪ್ರಜ್ಞಾನಿಬುದ್ಧ್ಯಾ ಪರೇ
ಸಾಧುಃ ಕಶ್ಚಿದಿತೀತರೇ ಗುರುಧಿಯಾ ಕೇಽಪ್ಯಙ್ಘ್ರಿಪದ್ಮಂ ತವ ।
ಸೇವನ್ತೇ ರಮಣಾಭಿಧಾನಮನುಜಕ್ಷೇಮಾಯ ಜಾತಕ್ಷಿತೌ
ದ್ವಿತ್ರಾಸ್ತ್ವಾಂ ಗಿರಿಜಾಙ್ಕಪೀಠನಿಲಯಂ ಜಾನನ್ತಿ ದೇವಂ ಗುಹಮ್ ॥ ೧೫॥
ಓಙ್ಕಾರಾರ್ಥಮುಪಾದಿಶೋ ಭಗವತೇ ವಾಣೀಮನೋಹಾರಿಣೇ
ತಾತಾಯಾಪ್ಯುಪದೇಷ್ಟುಮುದ್ಯತಮಭೂತ್ ಕಿಞ್ಚಿತ್ತ್ವದೀಯಂ ಮುಖಮ್ ।
ಜ್ಯೇಷ್ಠಸ್ಯಾದ್ಯ ಸಹೋದರಸ್ಯ ಗುರುತಾಂ ಪ್ರಾಪ್ತೋಽಸಿ ಧೀಗೌರವಾತ್
ಸುಬ್ರಹ್ಮಣ್ಯ ಕನಿಷ್ಠತಾಮಪಿ ಗತಃ ಸರ್ವಾಧಿಕಸ್ತ್ವಂ ಗುಣೈಃ ॥ ೧೬॥
ಯತ್ಪೂರ್ವಂ ಶ್ರುತಿಪಾರದರ್ಶಿಧಿಷಣೋ ದ್ವೈಪಾಯನೋಽಧ್ಯಾರುಹತ್
ಪಶ್ಚಾದ್ಬೋಧಕಲಾವಿಧೂತತಿಮಿರಃ ಶಙ್ಕಾಪಹಶ್ಶಙ್ಕರಃ ।
ತತ್ಸಮ್ಪ್ರತ್ಯಖಿಲಾವನೀತಲಜುಷಾಮಾಚಾರ್ಯಸಿಂಹಾಸನಂ
ದೇವ ತ್ವಾಂ ಪ್ರತಿವೀಕ್ಷತೇ ನರತನೋ ಗೀರ್ವಾಣಸೇನಾಪತೇ ॥ ೧೭॥
ಧರ್ಮೇ ನಾಶಮುಪಾಗತೇ ತ್ರಿಭುವನೇ ಪರ್ಯಾಕುಲೇ ಪಾಪತಃ
ಪ್ರಜ್ಞಾನೇ ಪರಿತೋ ಗಿರಾಂ ಪಥಿ ಮುಧಾ ಸಞ್ಚಾರ್ಯಮಾಣೇ ಜನೈಃ ।
ಸದ್ಭಾವೇ ಪರಮೇಶ್ವರಸ್ಯ ಚ ಪಿತುಃ ಸನ್ದೇಹಡೋಲಾಂ ಗತೇ
ದ್ವೀಪಃ ಕೈತವಮರ್ತ್ಯಕೇಕಿತುರಗ ತ್ವಾಮನ್ತರಾ ಕಸ್ಸತಾಮ್ ॥ ೧೮॥
ವೈರಾಗ್ಯಂ ತವ ವಿತ್ತಮಸ್ತು ಕರುಣಾಂ ಶಕ್ನೋಷಿ ಹಾತುಂ ಕಥಂ
ದೂಶ್ಯಸ್ತೇಽಸ್ತು ಸಮುದ್ಯಮಃ ಪಿತೃಪದಧ್ಯಾನಂ ಚ ಕಿಂ ತಾದೃಶಮ್ ।
ಕಾಮಸ್ತೇಽಸ್ತು ವಿಗರ್ಹಿತೋ ವಿನಮತಾಂ ರಕ್ಷಾ ಚ ಕಿಂ ಗರ್ಹಿತಾ
ಸ್ಕನ್ದಚ್ಛದ್ಮಮನುಷ್ಯ ಕಿಂ ನು ಸಮಯಂ ಕಞ್ಚಿತ್ಸಮುದ್ವೀಕ್ಷಸೇ ॥ ೧೯॥
ದೂರಂ ಯಾಹಿ ಕುವಾದ ಧರ್ಮವೃಷ ತೇ ನೇತಃ ಪರಂ ಪಙ್ಗುತಾ
ದುರ್ಭ್ರಾನ್ತೇ ಭುವನಂ ಜಹೀಹಿ ಪರಿತೋ ವರ್ಧಸ್ವ ಸಂಸತ್ಸತಾಮ್ ।
ಸೋದರ್ಯೇಣ ಸಮನ್ವಿತೋ ಭುವಮಿಮಾಂ ಪ್ರಾಪ್ತೋ ಗುರುಗ್ರಾಮಣೀಃ
ಶೂರಾನ್ತಃಪುರನೇತ್ರವಿಭ್ರಮಹರೋ ದೇವೋ ಭವಾನೀಸುತಃ ॥ ೨೦॥
ಜನ್ಮಸ್ಥಾನಮವಾಪ್ಯ ಗುಪ್ತಮಹಮೋ ಯೋ ಭೇದಮಾಧೂತವಾನ್
ಭೂತಾನಾಂ ಚರತಾಂ ಪೃಥಗ್ವಿಧಧಿಯಾಮಾತ್ಮೈವ ಯೋ ಭಾಸತೇ ।
ದೇಹಂ ಸರ್ವಮಿದಂ ಜಗಚ್ಚ ವಿಭವಾದಾಕ್ರಮ್ಯ ಯಃ ಪ್ರೋಲ್ಲಸ-
ತ್ಯೇಕಸ್ತಂ ಗುರುಮೂರ್ತಿಮಾನಮತ ರೇ ಲಮ್ಬೋದರಭ್ರಾತರಮ್ ॥ ೨೧॥
ಅನ್ತರ್ಯಶ್ಚ ಬಹಿರ್ವಿಧೂತತಿಮಿರಂ ಜ್ಯೋತಿರ್ಮಯಂ ಶಾಶ್ವತಂ
ಸ್ಥಾನಂ ಪ್ರಾಪ್ಯ ವಿರಾಜತೇ ವಿನಮತಾಮಜ್ಞಾನಮುನ್ಮೂಲಯನ್ ।
ಪಶ್ಯನ್ವಿಶ್ವಮಪೀದಮುಲ್ಲಸತಿ ಯೋ ವಿಶ್ವಸ್ಯ ಪಾರೇ ಪರ-
ಸ್ತಸ್ಮೈ ಶ್ರೀರಮಣಾಯ ಲೋಕಗುರವೇ ಶೋಕಸ್ಯ ಹನ್ತ್ರೇ ನಮಃ ॥ ೨೨॥
ಪ್ರಸರತಾದಿತಃ ಶುಭವಿಲೋಕಿತಮ್ ।
ರಮಣ ತೇ ಸಕೃತ್ಫಲತು ಮೇ ಕೃತಮ್ ॥ ೨೩॥
ರಮಣ ಜನ್ಮಿನಾಮಯಿ ಭವಾನ್ ಗುರುಃ ।
ಅಭಿದ ಆಶಯಸ್ತವ ಮಹಾನುರುಃ ॥ ೨೪॥
ಜಗದಹಂ ಪರಃ ಸ್ಫುರತಿ ಮೇ ತ್ರಯಮ್ ।
ಸದಭಿದಂ ಗಿರಾ ತವ ವಿಸಂಶಯಮ್ ॥ ೨೫॥
ತ್ವದುಪದೇಶತೋ ಗಲತಿ ಸಂವಿದಾ ।
ಮಯಿ ನಿರನ್ಯಯಾ ಸದಹಮೋರ್ಭಿದಾ ॥ ೨೬॥
ಅಹಮಿ ಯೋಽನ್ತರಸ್ತಮಮಲಂ ಹೃದಿ ।
ಅನುಭವೇಮ ಭೋಸ್ತವ ಕೃಪಾ ಯದಿ ॥ ೨೭॥
ನ ಕರುಣಾ ಗುಣಸ್ತವ ವಿದಾಂ ಪತೇ ।
ಹೃದಯತೇಜಸಃ ಸಹಜಭೈವತೇ ॥ ೨೮॥
ತವ ತನುರ್ಜ್ವಲತ್ಯನಘ ವಿದ್ಯುತಾ ।
ತವ ದೃಗಾತತಾ ಲಸತಿ ಭಾಸ್ವತಾ ॥ ೨೯॥
ಕಬಲಿತಂ ಮನಸ್ತವ ವಿಭೋ ಹೃದಾ ।
ತ್ವಮಸಿ ಸನ್ತತಂ ವಿಲಸಿತೋ ಮುದಾ ॥ ೩೦॥
ಭುವನಭೂಪತೇರ್ಭಗವತಃ ಕೃತೇ ।
ಭವಸಿ ಪಾಚಕೋ ಯಮವತಾಂ ಪತೇ ॥ ೩೧॥
ನರಪಶೂನಿಮಾನಹಮಿ ತಾಡಯನ್ ।
ಪರಶಿವೌದನಂ ವಿತನುಷೇ ಪಚನ್ ॥ ೩೨॥
ತಿಮಿರಾಣಿ ನ ಕೇವಲಂ ವಚೋಭಿಃ
ಕರುಣಾಪಾಙ್ಗವಿಲೋಕಿತೈಶ್ಚ ನೄಣಾಮ್ ।
ಹೃದಯೇ ಪ್ರಸರನ್ತಿ ಮರ್ದಯನ್ತಂ
ಭಗವನ್ತಂ ರಮಣಂ ಗುರುಂ ನಮಾಮಿ ॥ ೩೩॥
ಭವಜಲನಿಧಿಂ ಗಾಹಂ ಗಾಹಂ ಚಿರಾದಲಸಾಲಸಾನ್
ಪದಜಲರುಹದ್ವನ್ದ್ವದ್ವೀಪಂ ಶ್ರಿತಾಂಸ್ತವ ಸಮ್ಪ್ರತಿ ।
ರಮಣಭಗವನ್ ಕಲ್ಯಾಣಾನಾಂ ನಿಕೇತನ ಪಾಹಿ ನಃ
ಸದಯ ದಯಯಾ ಸಿಕ್ತೈರ್ಭಕ್ತಾನಪಾಙ್ಗವಿಲೋಕಿತೈಃ ॥ ೩೪॥
ಯದಿ ನ ಜನನೀ ಸ್ತನ್ಯಂ ದದ್ಯಾಚ್ಛಿಶೋರ್ಬತ ಕಾ ಗತಿಃ
ಯದಿ ಪಶುಪತಿಃ ಕ್ರೋಧಂ ಕುರ್ಯಾತ್ಪಶೋರವನಂ ಕುತಃ ।
ಯದಿ ಪದಜುಷಾಮಾಚಾರ್ಯ ತ್ವಂ ನಿಹಂಸಿ ನ ಸಂಶಯಂ
ಭ್ರಮಶತಪರಾಭೂತಾ ಏತೇ ತರನ್ತು ಭವಂ ಕಥಮ್ ॥ ೩೫॥
ವಿಶದಹಸಿತೇ ಪೂರ್ಣಾ ಶಾನ್ತಿಃ ಸುಧಾಕರಸೋದರೇ
ಸ್ಥಿರಪೃಥುಲಯೋಃ ಪೂರ್ಣಾ ಶಕ್ತಿರ್ದೃಶೋರತುಲಾರ್ಚಿಷೋಃ ।
ಹೃದಯಕಮಲೇ ನಿತ್ಯಾ ನಿಷ್ಠಾ ಬಹಿಶ್ಚ ಸರತ್ಪ್ರಭೇ
ರಮಣಭಗವನ್ ಕೋ ವಾ ಮೌನೀ ಸಮಸ್ತವ ಭೂತಲೇ ॥ ೩೬॥
ದೇವೀ ಶಕ್ತಿರಿಯಂ ದೃಶೋಃ ಶ್ರಿತಜನಧ್ವಾನ್ತಕ್ಷಯಾಧಾಯಿನೀ
ದೇವೀ ಶ್ರೀರಿಯಮಮ್ಬುಜಾಕ್ಷಮಹಿಷೀ ವಕ್ತ್ರೋ ಸಹಸ್ರಚ್ಛದೇ ।
ದೇವೀ ಬ್ರಹ್ಮವಧೂರಿಯಂ ವಿಜಯತೇ ವ್ಯಾಹಾರಗೂಢಾ ಪರಾ
ವಿಶ್ವಾಚಾರ್ಯ ಮಹಾನುಭಾವ ರಮಣ ತ್ವಾಂ ಸ್ತೌತು ಕಃ ಪ್ರಾಕೃತಃ ॥ ೩೭॥
ಸೋಽಹಂ ಜಾತೋ ರಮಣಭಗವನ್ ಪಾದಯೋಸ್ತೇ ದವಿಷ್ಠೋ
ಯದ್ಯಪ್ಯಸ್ಮಿನ್ಮಹತಿ ಸಮಯೇ ಶಕ್ತಿಲಾಸ್ಯೇ ಪ್ರವೃತ್ತೇ ।
ಸೂರ್ಯಸ್ಯೇವ ಜ್ವಲಿತಮಹಸೋ ದೂರಗಾಂ ನಾಥ ಶಕ್ತಿಂ
ವಿಶ್ವಸ್ಯಾಗ್ಯ್ರಾಂ ತವ ಮಮ ಮನೋ ವೀತದುಃಖಂ ತಥಾಪಿ ॥ ೩೮॥
ತದ್ಭಾಗಧೇಯಮಸಮಾನಮನೇಕಮೌನಿ-
ವಾಸಾರ್ಜಿತಂ ಕ್ಷಿತಿಭೃತಃ ಖಲು ಲೋಹಿತಸ್ಯ ।
ಅಙ್ಗೀಚಕಾರ ಭಗವಾನ್ ರಮಣೋ ಮಹರ್ಷಿ-
ರನ್ಯೇಷು ಸತ್ಸು ಯದಿಮಂ ಬಹುಷು ಸ್ಥಲೇಷು ॥ ೩೯॥
ಶಾನ್ತಿರ್ನಿತಾನ್ತಮಧಿಕಾ ಪರಮಾಸ್ಯ ಶಕ್ತಿ-
ರ್ವೈರಾಗ್ಯಮದ್ಭುತತಮಂ ಕರುಣಾ ತು ಸಾನ್ದ್ರಾ ।
ಜ್ಞಾನಂ ನಿರಸ್ತಕುಹನಂ ಮಧುರಂ ಚ ವೄತ್ತಂ
ನೄಣಾಂ ನಿದರ್ಶನಮಯಂ ರಮಣೋ ಮಹರ್ಷಿಃ ॥ ೪೦॥
ನಾರಸಿಂಹಿರ್ಗಣಪತಿರ್ವಾಸಿಷ್ಠೋ ರಮಣಂ ಗುರುಮ್ ।
ಚತ್ವಾರಿಂಶನ್ಮಿತೈಃ ಪದ್ಯೈಃ ಸ್ಕನ್ದಾಂಶಂ ಸ್ತುತವಾನೃಷಿಮ್ ॥
Proofread by Sunder Hattangadi sunderh at hotmail.com
This work is published by Sri Ramanasramam.
It has been approved to be posted on sanskritdocuments.org
by permission of Sri V. S. Ramanan, President, Sri Ramanasramam.
Please send corrections to sanskrit@cheerful.com
Last updated ತ್oday
http://sanskritdocuments.org
ವನ್ದೇ ಶ್ರೀರಮಣರ್ಷೇರಾಚಾರ್ಯಸ್ಯ ಪದಾಬ್ಜಮ್ ।
ಯೋ ಮೇಽದರ್ಶಯದೀಶಂ ಭಾನ್ತಂ ಧ್ವಾನ್ತಮತೀತ್ಯ ॥
ಕಥಯಾ ನಿಜಯಾ ಕಲುಷಂ ಹರತಾ ಕರುಣಾನಿಧಿನಾಽರುಣಶೈಲಜುಷಾ ।
ಖಗವಾಹನಭಾಷಿತತತ್ತ್ವವಿದಾ ವೃಷವಾಹನಮೌನರಹಸ್ಯಭೃತಾ ॥ ೧॥
ಗಣರಾಣ್ಮುಖಸೂರಿಸಭಾಗುರುಣಾ ಗುಣಸಞ್ಚಯರತ್ನಮಹೋದಧಿನಾ ।
ಘನಗೂಢಸಹಸ್ರಕರೇಣ ಯಥಾ ತನುಕಞ್ಚುಕಗುಪ್ತಮಹಾಮಹಸಾ ॥ ೨॥
ಚತುರೇಣ ಚಲೇನ್ದ್ರಿಯನಿಗ್ರಹಣೇ ಪಟುನಾ ಪರಕೀಯಗುಣಗ್ರಹಣೇ ।
ಛಲವರ್ಜಿತಮೌನಸಮಾಧಿಜುಷಾ ಬಲತರ್ಜಿತಭೀಕರಕಾಮರುಷಾ ॥ ೩॥
ಜಠರಂ ಸಮಯೇ ಪರಿಪೂರಯತಾ ಕಠಿನಂ ವ್ರತಮದ್ರಿತಟೇ ಚರತಾ ।
ಝಷಕೇತನಶಸ್ತ್ರದುರಾಪಹೃದಾ ಕೃಷಿಮಾತ್ಮವಿಬೋಧವಿಧೌ ದಧತಾ ॥ ೪॥
ಭವಭೀಕರವಾರಿನಿಧಿಂ ತರತಾ ಕರತಾಮರಸೇನ ಸುಪಾತ್ರವತಾ ।
ಸ್ವದೃಶಾಽಧಿಕಶೀತಲಕಾನ್ತಿಭೃತಾ ಭಯಮಙ್ಘ್ರಿಸರೋಜಜುಷಾಂ ಹರತಾ ॥ ೫॥
ನಮತಾಮತಿಭಕ್ತಿಮತಾಂ ನಿಧಿನಾ ಘನತಾಪವಿಧೂನನಸನ್ನಿಧಿನಾ ।
ಯತಿಧರ್ಮತತಿಂ ಪರಿಪಾಲಯತಾ ಪರಿತಶ್ಚ ತಮೋ ವಿನಿವಾರಯತಾ ॥ ೬॥
ಫಣಿನಾಯಕವರ್ಣ್ಯಗುಣೌಘಭೃತಾ ಭಣಿತೀಃ ಪ್ರಿಯಸತ್ಯಹಿತಾ ಭಣತಾ ।
ಬಹುಮಾನವಶಾದಯತಾ ಸುಖಿತಾಮವಮಾನತತೇರವಿದೂನವತಾ ॥ ೭॥
ಯತಿನಾಮಧಿಪೇನ ಕುಶಾಗ್ರಲಸನ್ಮತಿನಾ ಧೃತಿನಾ ಶಿತಚಿತ್ತಭುವಾ ।
ಲಹರೀಂಪ್ರಮದಸ್ಯ ಸದಾವಹತಾ ನಿಹತಾನ್ತರಶಾತ್ರವಸಂಹತಿನಾ ॥ ೮॥
ಭಗವತ್ಪದಮನ್ಯಜನಾಸುಲಭಂ ಸ್ವಗುಣೈರಧಿಗತ್ಯ ಪರಂ ಜಯತಾ ।
ಮಮತಾರಹಿತೇನ ಹಿತೇನ ಸತಾಂ ನಿಹಿತೇನ ಗಣಪ್ರಭುಣಾ ಹೃದಯೇ ॥ ೯॥
ಧರಣೀಧರಜಾಙ್ಕಮಪಿ ತ್ಯಜತಾ ಧರಣೀತಲವಾಸಿತಮೋಧುತಯೇ ।
ನರವೇಷಭೃತಾ ನಗರನ್ಧ್ರಕೃತಾ ರಮಣೇನ ಸನಾಥಮಿದಂ ಭುವನಮ್ ॥ ೧೦॥
ಪರದೇಶಿನೇವ ಧವಲೇನ ವಾಸಸಃ ಶಕಲೇನ ವೇಷ್ಟಿತಕಟೀವಿಶೋಭಿನಾ ।
ವರದೇಶಿಕೇನ ನರವೇಷಧಾರಿಣಾ ಶಿಖಿವಾಹನೇನ ಗುರುಮಜ್ಜಗದ್ಭವೇತ್ ॥ ೧೧॥
ಅತೀತಗುಣಜಾಲಾಯ ನೈಷ್ಠಿಕಬ್ರಹ್ಮಚಾರಿಣೇ ।
ನಮೋ ಮಾಯಾಮನುಷ್ಯಾಯ ಗುರವೇ ತಾರಕಾರಯೇ ॥ ೧೨॥
ಯಾನಾಯಾತ್ರ ನ ಕೇಕಿನಾಂ ಕುಲಪತಿಃ ಸ್ನಾನಾಯ ನ ಸ್ವರ್ಣದೀ
ಪಾನಾಯ ಕ್ಷಿತಿಭೃನ್ಮಹೇನ್ದ್ರದುಹಿತುರ್ನಸ್ತನ್ಯದುಗ್ಧಾಮೃತಮ್ ।
ಗಾನಾಯ ಪ್ರಮಥೇಶ್ವರಾಸ್ಸವಯಸೋ ನೈವಾತ್ರ ವೀಣಾಭೃತೋ
ವಾಸಂ ಶೋಣಗಿರೌ ಕರೋಷಿ ಭಗವನ್ ಕ್ರೌಞ್ಚಾದ್ರಿಭೇತ್ತಃ ಕುತಃ ॥ ೧೩॥
ಏಕಂ ವಕ್ತ್ರಮುಮಾಙ್ಕವಾಸವಿರಹಃ ಪಾಣೌ ನ ಶಕ್ತ್ಯಾಯುಧಂ
ಮರ್ತ್ಯತ್ವಂ ನ ಪತಾಕಿನೀ ಚ ಪೃತನಾ ಪಾರ್ಶ್ವದ್ವಯೇ ನಾಕಿನಾಮ್ ।
ವೇಷೋಽಲಂ ಪುನರೇಷ ಮುಗ್ಧನಯನಪ್ರಚ್ಛಾದನೇ ಭೂಜುಷಾ-
ಮನ್ತರ್ಧಾನಮುಪೈಷಿ ತಾರಕರಿಪೋ ಕ್ವ ಸ್ತನ್ಯದಾಯಾದತಃ ॥ ೧೪॥
ಕೇಚಿದ್ಯೋಗವಿದಾಂ ಪುರಃಸರ ಇತಿ ಪ್ರಜ್ಞಾನಿಬುದ್ಧ್ಯಾ ಪರೇ
ಸಾಧುಃ ಕಶ್ಚಿದಿತೀತರೇ ಗುರುಧಿಯಾ ಕೇಽಪ್ಯಙ್ಘ್ರಿಪದ್ಮಂ ತವ ।
ಸೇವನ್ತೇ ರಮಣಾಭಿಧಾನಮನುಜಕ್ಷೇಮಾಯ ಜಾತಕ್ಷಿತೌ
ದ್ವಿತ್ರಾಸ್ತ್ವಾಂ ಗಿರಿಜಾಙ್ಕಪೀಠನಿಲಯಂ ಜಾನನ್ತಿ ದೇವಂ ಗುಹಮ್ ॥ ೧೫॥
ಓಙ್ಕಾರಾರ್ಥಮುಪಾದಿಶೋ ಭಗವತೇ ವಾಣೀಮನೋಹಾರಿಣೇ
ತಾತಾಯಾಪ್ಯುಪದೇಷ್ಟುಮುದ್ಯತಮಭೂತ್ ಕಿಞ್ಚಿತ್ತ್ವದೀಯಂ ಮುಖಮ್ ।
ಜ್ಯೇಷ್ಠಸ್ಯಾದ್ಯ ಸಹೋದರಸ್ಯ ಗುರುತಾಂ ಪ್ರಾಪ್ತೋಽಸಿ ಧೀಗೌರವಾತ್
ಸುಬ್ರಹ್ಮಣ್ಯ ಕನಿಷ್ಠತಾಮಪಿ ಗತಃ ಸರ್ವಾಧಿಕಸ್ತ್ವಂ ಗುಣೈಃ ॥ ೧೬॥
ಯತ್ಪೂರ್ವಂ ಶ್ರುತಿಪಾರದರ್ಶಿಧಿಷಣೋ ದ್ವೈಪಾಯನೋಽಧ್ಯಾರುಹತ್
ಪಶ್ಚಾದ್ಬೋಧಕಲಾವಿಧೂತತಿಮಿರಃ ಶಙ್ಕಾಪಹಶ್ಶಙ್ಕರಃ ।
ತತ್ಸಮ್ಪ್ರತ್ಯಖಿಲಾವನೀತಲಜುಷಾಮಾಚಾರ್ಯಸಿಂಹಾಸನಂ
ದೇವ ತ್ವಾಂ ಪ್ರತಿವೀಕ್ಷತೇ ನರತನೋ ಗೀರ್ವಾಣಸೇನಾಪತೇ ॥ ೧೭॥
ಧರ್ಮೇ ನಾಶಮುಪಾಗತೇ ತ್ರಿಭುವನೇ ಪರ್ಯಾಕುಲೇ ಪಾಪತಃ
ಪ್ರಜ್ಞಾನೇ ಪರಿತೋ ಗಿರಾಂ ಪಥಿ ಮುಧಾ ಸಞ್ಚಾರ್ಯಮಾಣೇ ಜನೈಃ ।
ಸದ್ಭಾವೇ ಪರಮೇಶ್ವರಸ್ಯ ಚ ಪಿತುಃ ಸನ್ದೇಹಡೋಲಾಂ ಗತೇ
ದ್ವೀಪಃ ಕೈತವಮರ್ತ್ಯಕೇಕಿತುರಗ ತ್ವಾಮನ್ತರಾ ಕಸ್ಸತಾಮ್ ॥ ೧೮॥
ವೈರಾಗ್ಯಂ ತವ ವಿತ್ತಮಸ್ತು ಕರುಣಾಂ ಶಕ್ನೋಷಿ ಹಾತುಂ ಕಥಂ
ದೂಶ್ಯಸ್ತೇಽಸ್ತು ಸಮುದ್ಯಮಃ ಪಿತೃಪದಧ್ಯಾನಂ ಚ ಕಿಂ ತಾದೃಶಮ್ ।
ಕಾಮಸ್ತೇಽಸ್ತು ವಿಗರ್ಹಿತೋ ವಿನಮತಾಂ ರಕ್ಷಾ ಚ ಕಿಂ ಗರ್ಹಿತಾ
ಸ್ಕನ್ದಚ್ಛದ್ಮಮನುಷ್ಯ ಕಿಂ ನು ಸಮಯಂ ಕಞ್ಚಿತ್ಸಮುದ್ವೀಕ್ಷಸೇ ॥ ೧೯॥
ದೂರಂ ಯಾಹಿ ಕುವಾದ ಧರ್ಮವೃಷ ತೇ ನೇತಃ ಪರಂ ಪಙ್ಗುತಾ
ದುರ್ಭ್ರಾನ್ತೇ ಭುವನಂ ಜಹೀಹಿ ಪರಿತೋ ವರ್ಧಸ್ವ ಸಂಸತ್ಸತಾಮ್ ।
ಸೋದರ್ಯೇಣ ಸಮನ್ವಿತೋ ಭುವಮಿಮಾಂ ಪ್ರಾಪ್ತೋ ಗುರುಗ್ರಾಮಣೀಃ
ಶೂರಾನ್ತಃಪುರನೇತ್ರವಿಭ್ರಮಹರೋ ದೇವೋ ಭವಾನೀಸುತಃ ॥ ೨೦॥
ಜನ್ಮಸ್ಥಾನಮವಾಪ್ಯ ಗುಪ್ತಮಹಮೋ ಯೋ ಭೇದಮಾಧೂತವಾನ್
ಭೂತಾನಾಂ ಚರತಾಂ ಪೃಥಗ್ವಿಧಧಿಯಾಮಾತ್ಮೈವ ಯೋ ಭಾಸತೇ ।
ದೇಹಂ ಸರ್ವಮಿದಂ ಜಗಚ್ಚ ವಿಭವಾದಾಕ್ರಮ್ಯ ಯಃ ಪ್ರೋಲ್ಲಸ-
ತ್ಯೇಕಸ್ತಂ ಗುರುಮೂರ್ತಿಮಾನಮತ ರೇ ಲಮ್ಬೋದರಭ್ರಾತರಮ್ ॥ ೨೧॥
ಅನ್ತರ್ಯಶ್ಚ ಬಹಿರ್ವಿಧೂತತಿಮಿರಂ ಜ್ಯೋತಿರ್ಮಯಂ ಶಾಶ್ವತಂ
ಸ್ಥಾನಂ ಪ್ರಾಪ್ಯ ವಿರಾಜತೇ ವಿನಮತಾಮಜ್ಞಾನಮುನ್ಮೂಲಯನ್ ।
ಪಶ್ಯನ್ವಿಶ್ವಮಪೀದಮುಲ್ಲಸತಿ ಯೋ ವಿಶ್ವಸ್ಯ ಪಾರೇ ಪರ-
ಸ್ತಸ್ಮೈ ಶ್ರೀರಮಣಾಯ ಲೋಕಗುರವೇ ಶೋಕಸ್ಯ ಹನ್ತ್ರೇ ನಮಃ ॥ ೨೨॥
ಪ್ರಸರತಾದಿತಃ ಶುಭವಿಲೋಕಿತಮ್ ।
ರಮಣ ತೇ ಸಕೃತ್ಫಲತು ಮೇ ಕೃತಮ್ ॥ ೨೩॥
ರಮಣ ಜನ್ಮಿನಾಮಯಿ ಭವಾನ್ ಗುರುಃ ।
ಅಭಿದ ಆಶಯಸ್ತವ ಮಹಾನುರುಃ ॥ ೨೪॥
ಜಗದಹಂ ಪರಃ ಸ್ಫುರತಿ ಮೇ ತ್ರಯಮ್ ।
ಸದಭಿದಂ ಗಿರಾ ತವ ವಿಸಂಶಯಮ್ ॥ ೨೫॥
ತ್ವದುಪದೇಶತೋ ಗಲತಿ ಸಂವಿದಾ ।
ಮಯಿ ನಿರನ್ಯಯಾ ಸದಹಮೋರ್ಭಿದಾ ॥ ೨೬॥
ಅಹಮಿ ಯೋಽನ್ತರಸ್ತಮಮಲಂ ಹೃದಿ ।
ಅನುಭವೇಮ ಭೋಸ್ತವ ಕೃಪಾ ಯದಿ ॥ ೨೭॥
ನ ಕರುಣಾ ಗುಣಸ್ತವ ವಿದಾಂ ಪತೇ ।
ಹೃದಯತೇಜಸಃ ಸಹಜಭೈವತೇ ॥ ೨೮॥
ತವ ತನುರ್ಜ್ವಲತ್ಯನಘ ವಿದ್ಯುತಾ ।
ತವ ದೃಗಾತತಾ ಲಸತಿ ಭಾಸ್ವತಾ ॥ ೨೯॥
ಕಬಲಿತಂ ಮನಸ್ತವ ವಿಭೋ ಹೃದಾ ।
ತ್ವಮಸಿ ಸನ್ತತಂ ವಿಲಸಿತೋ ಮುದಾ ॥ ೩೦॥
ಭುವನಭೂಪತೇರ್ಭಗವತಃ ಕೃತೇ ।
ಭವಸಿ ಪಾಚಕೋ ಯಮವತಾಂ ಪತೇ ॥ ೩೧॥
ನರಪಶೂನಿಮಾನಹಮಿ ತಾಡಯನ್ ।
ಪರಶಿವೌದನಂ ವಿತನುಷೇ ಪಚನ್ ॥ ೩೨॥
ತಿಮಿರಾಣಿ ನ ಕೇವಲಂ ವಚೋಭಿಃ
ಕರುಣಾಪಾಙ್ಗವಿಲೋಕಿತೈಶ್ಚ ನೄಣಾಮ್ ।
ಹೃದಯೇ ಪ್ರಸರನ್ತಿ ಮರ್ದಯನ್ತಂ
ಭಗವನ್ತಂ ರಮಣಂ ಗುರುಂ ನಮಾಮಿ ॥ ೩೩॥
ಭವಜಲನಿಧಿಂ ಗಾಹಂ ಗಾಹಂ ಚಿರಾದಲಸಾಲಸಾನ್
ಪದಜಲರುಹದ್ವನ್ದ್ವದ್ವೀಪಂ ಶ್ರಿತಾಂಸ್ತವ ಸಮ್ಪ್ರತಿ ।
ರಮಣಭಗವನ್ ಕಲ್ಯಾಣಾನಾಂ ನಿಕೇತನ ಪಾಹಿ ನಃ
ಸದಯ ದಯಯಾ ಸಿಕ್ತೈರ್ಭಕ್ತಾನಪಾಙ್ಗವಿಲೋಕಿತೈಃ ॥ ೩೪॥
ಯದಿ ನ ಜನನೀ ಸ್ತನ್ಯಂ ದದ್ಯಾಚ್ಛಿಶೋರ್ಬತ ಕಾ ಗತಿಃ
ಯದಿ ಪಶುಪತಿಃ ಕ್ರೋಧಂ ಕುರ್ಯಾತ್ಪಶೋರವನಂ ಕುತಃ ।
ಯದಿ ಪದಜುಷಾಮಾಚಾರ್ಯ ತ್ವಂ ನಿಹಂಸಿ ನ ಸಂಶಯಂ
ಭ್ರಮಶತಪರಾಭೂತಾ ಏತೇ ತರನ್ತು ಭವಂ ಕಥಮ್ ॥ ೩೫॥
ವಿಶದಹಸಿತೇ ಪೂರ್ಣಾ ಶಾನ್ತಿಃ ಸುಧಾಕರಸೋದರೇ
ಸ್ಥಿರಪೃಥುಲಯೋಃ ಪೂರ್ಣಾ ಶಕ್ತಿರ್ದೃಶೋರತುಲಾರ್ಚಿಷೋಃ ।
ಹೃದಯಕಮಲೇ ನಿತ್ಯಾ ನಿಷ್ಠಾ ಬಹಿಶ್ಚ ಸರತ್ಪ್ರಭೇ
ರಮಣಭಗವನ್ ಕೋ ವಾ ಮೌನೀ ಸಮಸ್ತವ ಭೂತಲೇ ॥ ೩೬॥
ದೇವೀ ಶಕ್ತಿರಿಯಂ ದೃಶೋಃ ಶ್ರಿತಜನಧ್ವಾನ್ತಕ್ಷಯಾಧಾಯಿನೀ
ದೇವೀ ಶ್ರೀರಿಯಮಮ್ಬುಜಾಕ್ಷಮಹಿಷೀ ವಕ್ತ್ರೋ ಸಹಸ್ರಚ್ಛದೇ ।
ದೇವೀ ಬ್ರಹ್ಮವಧೂರಿಯಂ ವಿಜಯತೇ ವ್ಯಾಹಾರಗೂಢಾ ಪರಾ
ವಿಶ್ವಾಚಾರ್ಯ ಮಹಾನುಭಾವ ರಮಣ ತ್ವಾಂ ಸ್ತೌತು ಕಃ ಪ್ರಾಕೃತಃ ॥ ೩೭॥
ಸೋಽಹಂ ಜಾತೋ ರಮಣಭಗವನ್ ಪಾದಯೋಸ್ತೇ ದವಿಷ್ಠೋ
ಯದ್ಯಪ್ಯಸ್ಮಿನ್ಮಹತಿ ಸಮಯೇ ಶಕ್ತಿಲಾಸ್ಯೇ ಪ್ರವೃತ್ತೇ ।
ಸೂರ್ಯಸ್ಯೇವ ಜ್ವಲಿತಮಹಸೋ ದೂರಗಾಂ ನಾಥ ಶಕ್ತಿಂ
ವಿಶ್ವಸ್ಯಾಗ್ಯ್ರಾಂ ತವ ಮಮ ಮನೋ ವೀತದುಃಖಂ ತಥಾಪಿ ॥ ೩೮॥
ತದ್ಭಾಗಧೇಯಮಸಮಾನಮನೇಕಮೌನಿ-
ವಾಸಾರ್ಜಿತಂ ಕ್ಷಿತಿಭೃತಃ ಖಲು ಲೋಹಿತಸ್ಯ ।
ಅಙ್ಗೀಚಕಾರ ಭಗವಾನ್ ರಮಣೋ ಮಹರ್ಷಿ-
ರನ್ಯೇಷು ಸತ್ಸು ಯದಿಮಂ ಬಹುಷು ಸ್ಥಲೇಷು ॥ ೩೯॥
ಶಾನ್ತಿರ್ನಿತಾನ್ತಮಧಿಕಾ ಪರಮಾಸ್ಯ ಶಕ್ತಿ-
ರ್ವೈರಾಗ್ಯಮದ್ಭುತತಮಂ ಕರುಣಾ ತು ಸಾನ್ದ್ರಾ ।
ಜ್ಞಾನಂ ನಿರಸ್ತಕುಹನಂ ಮಧುರಂ ಚ ವೄತ್ತಂ
ನೄಣಾಂ ನಿದರ್ಶನಮಯಂ ರಮಣೋ ಮಹರ್ಷಿಃ ॥ ೪೦॥
ನಾರಸಿಂಹಿರ್ಗಣಪತಿರ್ವಾಸಿಷ್ಠೋ ರಮಣಂ ಗುರುಮ್ ।
ಚತ್ವಾರಿಂಶನ್ಮಿತೈಃ ಪದ್ಯೈಃ ಸ್ಕನ್ದಾಂಶಂ ಸ್ತುತವಾನೃಷಿಮ್ ॥
Proofread by Sunder Hattangadi sunderh at hotmail.com
This work is published by Sri Ramanasramam.
It has been approved to be posted on sanskritdocuments.org
by permission of Sri V. S. Ramanan, President, Sri Ramanasramam.
Please send corrections to sanskrit@cheerful.com
Last updated ತ್oday
http://sanskritdocuments.org
Ramana Chatvarimshat Lyrics in Kannada PDF
% File name : ramaNachatvAriMshatGM.itx
% Location : doc\_deities\_misc
% Author : Vasishtha Ganapati Muni
% Language : Sanskrit
% Subject : philosophy/hinduism/religion
% Proofread by : Sunder Hattangadi sunderh at hotmail.com
% Acknowledge-Permission: Sri V.S. Ramanan, President, Sri Ramanasramam sriramanamaharshi.org
% Latest update : October 1, 2014
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : ramaNachatvAriMshatGM.itx
% Location : doc\_deities\_misc
% Author : Vasishtha Ganapati Muni
% Language : Sanskrit
% Subject : philosophy/hinduism/religion
% Proofread by : Sunder Hattangadi sunderh at hotmail.com
% Acknowledge-Permission: Sri V.S. Ramanan, President, Sri Ramanasramam sriramanamaharshi.org
% Latest update : October 1, 2014
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 15, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ December 15, 2015 ] at Stotram Website