ଶ୍ରୀରମଣଚତ୍ଵାରିଂଶତ୍
{॥ ଶ୍ରୀରମଣଚତ୍ଵାରିଂଶତ୍ ॥}
ଵନ୍ଦେ ଶ୍ରୀରମଣର୍ଷେରାଚାର୍ଯସ୍ଯ ପଦାବ୍ଜମ୍ ।
ଯୋ ମେଽଦର୍ଶଯଦୀଶଂ ଭାନ୍ତଂ ଧ୍ଵାନ୍ତମତୀତ୍ଯ ॥
କଥଯା ନିଜଯା କଲୁଷଂ ହରତା କରୁଣାନିଧିନାଽରୁଣଶୈଲଜୁଷା ।
ଖଗଵାହନଭାଷିତତତ୍ତ୍ଵଵିଦା ଵୃଷଵାହନମୌନରହସ୍ଯଭୃତା ॥ ୧॥
ଗଣରାଣ୍ମୁଖସୂରିସଭାଗୁରୁଣା ଗୁଣସଞ୍ଚଯରତ୍ନମହୋଦଧିନା ।
ଘନଗୂଢସହସ୍ରକରେଣ ଯଥା ତନୁକଞ୍ଚୁକଗୁପ୍ତମହାମହସା ॥ ୨॥
ଚତୁରେଣ ଚଲେନ୍ଦ୍ରିଯନିଗ୍ରହଣେ ପଟୁନା ପରକୀଯଗୁଣଗ୍ରହଣେ ।
ଛଲଵର୍ଜିତମୌନସମାଧିଜୁଷା ବଲତର୍ଜିତଭୀକରକାମରୁଷା ॥ ୩॥
ଜଠରଂ ସମଯେ ପରିପୂରଯତା କଠିନଂ ଵ୍ରତମଦ୍ରିତଟେ ଚରତା ।
ଝଷକେତନଶସ୍ତ୍ରଦୁରାପହୃଦା କୃଷିମାତ୍ମଵିବୋଧଵିଧୌ ଦଧତା ॥ ୪॥
ଭଵଭୀକରଵାରିନିଧିଂ ତରତା କରତାମରସେନ ସୁପାତ୍ରଵତା ।
ସ୍ଵଦୃଶାଽଧିକଶୀତଲକାନ୍ତିଭୃତା ଭଯମଙ୍ଘ୍ରିସରୋଜଜୁଷାଂ ହରତା ॥ ୫॥
ନମତାମତିଭକ୍ତିମତାଂ ନିଧିନା ଘନତାପଵିଧୂନନସନ୍ନିଧିନା ।
ଯତିଧର୍ମତତିଂ ପରିପାଲଯତା ପରିତଶ୍ଚ ତମୋ ଵିନିଵାରଯତା ॥ ୬॥
ଫଣିନାଯକଵର୍ଣ୍ଯଗୁଣୌଘଭୃତା ଭଣିତୀଃ ପ୍ରିଯସତ୍ଯହିତା ଭଣତା ।
ବହୁମାନଵଶାଦଯତା ସୁଖିତାମଵମାନତତେରଵିଦୂନଵତା ॥ ୭॥
ଯତିନାମଧିପେନ କୁଶାଗ୍ରଲସନ୍ମତିନା ଧୃତିନା ଶିତଚିତ୍ତଭୁଵା ।
ଲହରୀଂପ୍ରମଦସ୍ଯ ସଦାଵହତା ନିହତାନ୍ତରଶାତ୍ରଵସଂହତିନା ॥ ୮॥
ଭଗଵତ୍ପଦମନ୍ଯଜନାସୁଲଭଂ ସ୍ଵଗୁଣୈରଧିଗତ୍ଯ ପରଂ ଜଯତା ।
ମମତାରହିତେନ ହିତେନ ସତାଂ ନିହିତେନ ଗଣପ୍ରଭୁଣା ହୃଦଯେ ॥ ୯॥
ଧରଣୀଧରଜାଙ୍କମପି ତ୍ଯଜତା ଧରଣୀତଲଵାସିତମୋଧୁତଯେ ।
ନରଵେଷଭୃତା ନଗରନ୍ଧ୍ରକୃତା ରମଣେନ ସନାଥମିଦଂ ଭୁଵନମ୍ ॥ ୧୦॥
ପରଦେଶିନେଵ ଧଵଲେନ ଵାସସଃ ଶକଲେନ ଵେଷ୍ଟିତକଟୀଵିଶୋଭିନା ।
ଵରଦେଶିକେନ ନରଵେଷଧାରିଣା ଶିଖିଵାହନେନ ଗୁରୁମଜ୍ଜଗଦ୍ଭଵେତ୍ ॥ ୧୧॥
ଅତୀତଗୁଣଜାଲାଯ ନୈଷ୍ଠିକବ୍ରହ୍ମଚାରିଣେ ।
ନମୋ ମାଯାମନୁଷ୍ଯାଯ ଗୁରଵେ ତାରକାରଯେ ॥ ୧୨॥
ଯାନାଯାତ୍ର ନ କେକିନାଂ କୁଲପତିଃ ସ୍ନାନାଯ ନ ସ୍ଵର୍ଣଦୀ
ପାନାଯ କ୍ଷିତିଭୃନ୍ମହେନ୍ଦ୍ରଦୁହିତୁର୍ନସ୍ତନ୍ଯଦୁଗ୍ଧାମୃତମ୍ ।
ଗାନାଯ ପ୍ରମଥେଶ୍ଵରାସ୍ସଵଯସୋ ନୈଵାତ୍ର ଵୀଣାଭୃତୋ
ଵାସଂ ଶୋଣଗିରୌ କରୋଷି ଭଗଵନ୍ କ୍ରୌଞ୍ଚାଦ୍ରିଭେତ୍ତଃ କୁତଃ ॥ ୧୩॥
ଏକଂ ଵକ୍ତ୍ରମୁମାଙ୍କଵାସଵିରହଃ ପାଣୌ ନ ଶକ୍ତ୍ଯାଯୁଧଂ
ମର୍ତ୍ଯତ୍ଵଂ ନ ପତାକିନୀ ଚ ପୃତନା ପାର୍ଶ୍ଵଦ୍ଵଯେ ନାକିନାମ୍ ।
ଵେଷୋଽଲଂ ପୁନରେଷ ମୁଗ୍ଧନଯନପ୍ରଚ୍ଛାଦନେ ଭୂଜୁଷା-
ମନ୍ତର୍ଧାନମୁପୈଷି ତାରକରିପୋ କ୍ଵ ସ୍ତନ୍ଯଦାଯାଦତଃ ॥ ୧୪॥
କେଚିଦ୍ଯୋଗଵିଦାଂ ପୁରଃସର ଇତି ପ୍ରଜ୍ଞାନିବୁଦ୍ଧ୍ଯା ପରେ
ସାଧୁଃ କଶ୍ଚିଦିତୀତରେ ଗୁରୁଧିଯା କେଽପ୍ଯଙ୍ଘ୍ରିପଦ୍ମଂ ତଵ ।
ସେଵନ୍ତେ ରମଣାଭିଧାନମନୁଜକ୍ଷେମାଯ ଜାତକ୍ଷିତୌ
ଦ୍ଵିତ୍ରାସ୍ତ୍ଵାଂ ଗିରିଜାଙ୍କପୀଠନିଲଯଂ ଜାନନ୍ତି ଦେଵଂ ଗୁହମ୍ ॥ ୧୫॥
ଓଙ୍କାରାର୍ଥମୁପାଦିଶୋ ଭଗଵତେ ଵାଣୀମନୋହାରିଣେ
ତାତାଯାପ୍ଯୁପଦେଷ୍ଟୁମୁଦ୍ଯତମଭୂତ୍ କିଞ୍ଚିତ୍ତ୍ଵଦୀଯଂ ମୁଖମ୍ ।
ଜ୍ଯେଷ୍ଠସ୍ଯାଦ୍ଯ ସହୋଦରସ୍ଯ ଗୁରୁତାଂ ପ୍ରାପ୍ତୋଽସି ଧୀଗୌରଵାତ୍
ସୁବ୍ରହ୍ମଣ୍ଯ କନିଷ୍ଠତାମପି ଗତଃ ସର୍ଵାଧିକସ୍ତ୍ଵଂ ଗୁଣୈଃ ॥ ୧୬॥
ଯତ୍ପୂର୍ଵଂ ଶ୍ରୁତିପାରଦର୍ଶିଧିଷଣୋ ଦ୍ଵୈପାଯନୋଽଧ୍ଯାରୁହତ୍
ପଶ୍ଚାଦ୍ବୋଧକଲାଵିଧୂତତିମିରଃ ଶଙ୍କାପହଶ୍ଶଙ୍କରଃ ।
ତତ୍ସମ୍ପ୍ରତ୍ଯଖିଲାଵନୀତଲଜୁଷାମାଚାର୍ଯସିଂହାସନଂ
ଦେଵ ତ୍ଵାଂ ପ୍ରତିଵୀକ୍ଷତେ ନରତନୋ ଗୀର୍ଵାଣସେନାପତେ ॥ ୧୭॥
ଧର୍ମେ ନାଶମୁପାଗତେ ତ୍ରିଭୁଵନେ ପର୍ଯାକୁଲେ ପାପତଃ
ପ୍ରଜ୍ଞାନେ ପରିତୋ ଗିରାଂ ପଥି ମୁଧା ସଞ୍ଚାର୍ଯମାଣେ ଜନୈଃ ।
ସଦ୍ଭାଵେ ପରମେଶ୍ଵରସ୍ଯ ଚ ପିତୁଃ ସନ୍ଦେହଡୋଲାଂ ଗତେ
ଦ୍ଵୀପଃ କୈତଵମର୍ତ୍ଯକେକିତୁରଗ ତ୍ଵାମନ୍ତରା କସ୍ସତାମ୍ ॥ ୧୮॥
ଵୈରାଗ୍ଯଂ ତଵ ଵିତ୍ତମସ୍ତୁ କରୁଣାଂ ଶକ୍ନୋଷି ହାତୁଂ କଥଂ
ଦୂଶ୍ଯସ୍ତେଽସ୍ତୁ ସମୁଦ୍ଯମଃ ପିତୃପଦଧ୍ଯାନଂ ଚ କିଂ ତାଦୃଶମ୍ ।
କାମସ୍ତେଽସ୍ତୁ ଵିଗର୍ହିତୋ ଵିନମତାଂ ରକ୍ଷା ଚ କିଂ ଗର୍ହିତା
ସ୍କନ୍ଦଚ୍ଛଦ୍ମମନୁଷ୍ଯ କିଂ ନୁ ସମଯଂ କଞ୍ଚିତ୍ସମୁଦ୍ଵୀକ୍ଷସେ ॥ ୧୯॥
ଦୂରଂ ଯାହି କୁଵାଦ ଧର୍ମଵୃଷ ତେ ନେତଃ ପରଂ ପଙ୍ଗୁତା
ଦୁର୍ଭ୍ରାନ୍ତେ ଭୁଵନଂ ଜହୀହି ପରିତୋ ଵର୍ଧସ୍ଵ ସଂସତ୍ସତାମ୍ ।
ସୋଦର୍ଯେଣ ସମନ୍ଵିତୋ ଭୁଵମିମାଂ ପ୍ରାପ୍ତୋ ଗୁରୁଗ୍ରାମଣୀଃ
ଶୂରାନ୍ତଃପୁରନେତ୍ରଵିଭ୍ରମହରୋ ଦେଵୋ ଭଵାନୀସୁତଃ ॥ ୨୦॥
ଜନ୍ମସ୍ଥାନମଵାପ୍ଯ ଗୁପ୍ତମହମୋ ଯୋ ଭେଦମାଧୂତଵାନ୍
ଭୂତାନାଂ ଚରତାଂ ପୃଥଗ୍ଵିଧଧିଯାମାତ୍ମୈଵ ଯୋ ଭାସତେ ।
ଦେହଂ ସର୍ଵମିଦଂ ଜଗଚ୍ଚ ଵିଭଵାଦାକ୍ରମ୍ଯ ଯଃ ପ୍ରୋଲ୍ଲସ-
ତ୍ଯେକସ୍ତଂ ଗୁରୁମୂର୍ତିମାନମତ ରେ ଲମ୍ବୋଦରଭ୍ରାତରମ୍ ॥ ୨୧॥
ଅନ୍ତର୍ଯଶ୍ଚ ବହିର୍ଵିଧୂତତିମିରଂ ଜ୍ଯୋତିର୍ମଯଂ ଶାଶ୍ଵତଂ
ସ୍ଥାନଂ ପ୍ରାପ୍ଯ ଵିରାଜତେ ଵିନମତାମଜ୍ଞାନମୁନ୍ମୂଲଯନ୍ ।
ପଶ୍ଯନ୍ଵିଶ୍ଵମପୀଦମୁଲ୍ଲସତି ଯୋ ଵିଶ୍ଵସ୍ଯ ପାରେ ପର-
ସ୍ତସ୍ମୈ ଶ୍ରୀରମଣାଯ ଲୋକଗୁରଵେ ଶୋକସ୍ଯ ହନ୍ତ୍ରେ ନମଃ ॥ ୨୨॥
ପ୍ରସରତାଦିତଃ ଶୁଭଵିଲୋକିତମ୍ ।
ରମଣ ତେ ସକୃତ୍ଫଲତୁ ମେ କୃତମ୍ ॥ ୨୩॥
ରମଣ ଜନ୍ମିନାମଯି ଭଵାନ୍ ଗୁରୁଃ ।
ଅଭିଦ ଆଶଯସ୍ତଵ ମହାନୁରୁଃ ॥ ୨୪॥
ଜଗଦହଂ ପରଃ ସ୍ଫୁରତି ମେ ତ୍ରଯମ୍ ।
ସଦଭିଦଂ ଗିରା ତଵ ଵିସଂଶଯମ୍ ॥ ୨୫॥
ତ୍ଵଦୁପଦେଶତୋ ଗଲତି ସଂଵିଦା ।
ମଯି ନିରନ୍ଯଯା ସଦହମୋର୍ଭିଦା ॥ ୨୬॥
ଅହମି ଯୋଽନ୍ତରସ୍ତମମଲଂ ହୃଦି ।
ଅନୁଭଵେମ ଭୋସ୍ତଵ କୃପା ଯଦି ॥ ୨୭॥
ନ କରୁଣା ଗୁଣସ୍ତଵ ଵିଦାଂ ପତେ ।
ହୃଦଯତେଜସଃ ସହଜଭୈଵତେ ॥ ୨୮॥
ତଵ ତନୁର୍ଜ୍ଵଲତ୍ଯନଘ ଵିଦ୍ଯୁତା ।
ତଵ ଦୃଗାତତା ଲସତି ଭାସ୍ଵତା ॥ ୨୯॥
କବଲିତଂ ମନସ୍ତଵ ଵିଭୋ ହୃଦା ।
ତ୍ଵମସି ସନ୍ତତଂ ଵିଲସିତୋ ମୁଦା ॥ ୩୦॥
ଭୁଵନଭୂପତେର୍ଭଗଵତଃ କୃତେ ।
ଭଵସି ପାଚକୋ ଯମଵତାଂ ପତେ ॥ ୩୧॥
ନରପଶୂନିମାନହମି ତାଡଯନ୍ ।
ପରଶିଵୌଦନଂ ଵିତନୁଷେ ପଚନ୍ ॥ ୩୨॥
ତିମିରାଣି ନ କେଵଲଂ ଵଚୋଭିଃ
କରୁଣାପାଙ୍ଗଵିଲୋକିତୈଶ୍ଚ ନୄଣାମ୍ ।
ହୃଦଯେ ପ୍ରସରନ୍ତି ମର୍ଦଯନ୍ତଂ
ଭଗଵନ୍ତଂ ରମଣଂ ଗୁରୁଂ ନମାମି ॥ ୩୩॥
ଭଵଜଲନିଧିଂ ଗାହଂ ଗାହଂ ଚିରାଦଲସାଲସାନ୍
ପଦଜଲରୁହଦ୍ଵନ୍ଦ୍ଵଦ୍ଵୀପଂ ଶ୍ରିତାଂସ୍ତଵ ସମ୍ପ୍ରତି ।
ରମଣଭଗଵନ୍ କଲ୍ଯାଣାନାଂ ନିକେତନ ପାହି ନଃ
ସଦଯ ଦଯଯା ସିକ୍ତୈର୍ଭକ୍ତାନପାଙ୍ଗଵିଲୋକିତୈଃ ॥ ୩୪॥
ଯଦି ନ ଜନନୀ ସ୍ତନ୍ଯଂ ଦଦ୍ଯାଚ୍ଛିଶୋର୍ବତ କା ଗତିଃ
ଯଦି ପଶୁପତିଃ କ୍ରୋଧଂ କୁର୍ଯାତ୍ପଶୋରଵନଂ କୁତଃ ।
ଯଦି ପଦଜୁଷାମାଚାର୍ଯ ତ୍ଵଂ ନିହଂସି ନ ସଂଶଯଂ
ଭ୍ରମଶତପରାଭୂତା ଏତେ ତରନ୍ତୁ ଭଵଂ କଥମ୍ ॥ ୩୫॥
ଵିଶଦହସିତେ ପୂର୍ଣା ଶାନ୍ତିଃ ସୁଧାକରସୋଦରେ
ସ୍ଥିରପୃଥୁଲଯୋଃ ପୂର୍ଣା ଶକ୍ତିର୍ଦୃଶୋରତୁଲାର୍ଚିଷୋଃ ।
ହୃଦଯକମଲେ ନିତ୍ଯା ନିଷ୍ଠା ବହିଶ୍ଚ ସରତ୍ପ୍ରଭେ
ରମଣଭଗଵନ୍ କୋ ଵା ମୌନୀ ସମସ୍ତଵ ଭୂତଲେ ॥ ୩୬॥
ଦେଵୀ ଶକ୍ତିରିଯଂ ଦୃଶୋଃ ଶ୍ରିତଜନଧ୍ଵାନ୍ତକ୍ଷଯାଧାଯିନୀ
ଦେଵୀ ଶ୍ରୀରିଯମମ୍ବୁଜାକ୍ଷମହିଷୀ ଵକ୍ତ୍ରୋ ସହସ୍ରଚ୍ଛଦେ ।
ଦେଵୀ ବ୍ରହ୍ମଵଧୂରିଯଂ ଵିଜଯତେ ଵ୍ଯାହାରଗୂଢା ପରା
ଵିଶ୍ଵାଚାର୍ଯ ମହାନୁଭାଵ ରମଣ ତ୍ଵାଂ ସ୍ତୌତୁ କଃ ପ୍ରାକୃତଃ ॥ ୩୭॥
ସୋଽହଂ ଜାତୋ ରମଣଭଗଵନ୍ ପାଦଯୋସ୍ତେ ଦଵିଷ୍ଠୋ
ଯଦ୍ଯପ୍ଯସ୍ମିନ୍ମହତି ସମଯେ ଶକ୍ତିଲାସ୍ଯେ ପ୍ରଵୃତ୍ତେ ।
ସୂର୍ଯସ୍ଯେଵ ଜ୍ଵଲିତମହସୋ ଦୂରଗାଂ ନାଥ ଶକ୍ତିଂ
ଵିଶ୍ଵସ୍ଯାଗ୍ଯ୍ରାଂ ତଵ ମମ ମନୋ ଵୀତଦୁଃଖଂ ତଥାପି ॥ ୩୮॥
ତଦ୍ଭାଗଧେଯମସମାନମନେକମୌନି-
ଵାସାର୍ଜିତଂ କ୍ଷିତିଭୃତଃ ଖଲୁ ଲୋହିତସ୍ଯ ।
ଅଙ୍ଗୀଚକାର ଭଗଵାନ୍ ରମଣୋ ମହର୍ଷି-
ରନ୍ଯେଷୁ ସତ୍ସୁ ଯଦିମଂ ବହୁଷୁ ସ୍ଥଲେଷୁ ॥ ୩୯॥
ଶାନ୍ତିର୍ନିତାନ୍ତମଧିକା ପରମାସ୍ଯ ଶକ୍ତି-
ର୍ଵୈରାଗ୍ଯମଦ୍ଭୁତତମଂ କରୁଣା ତୁ ସାନ୍ଦ୍ରା ।
ଜ୍ଞାନଂ ନିରସ୍ତକୁହନଂ ମଧୁରଂ ଚ ଵୄତ୍ତଂ
ନୄଣାଂ ନିଦର୍ଶନମଯଂ ରମଣୋ ମହର୍ଷିଃ ॥ ୪୦॥
ନାରସିଂହିର୍ଗଣପତିର୍ଵାସିଷ୍ଠୋ ରମଣଂ ଗୁରୁମ୍ ।
ଚତ୍ଵାରିଂଶନ୍ମିତୈଃ ପଦ୍ଯୈଃ ସ୍କନ୍ଦାଂଶଂ ସ୍ତୁତଵାନୃଷିମ୍ ॥
Proofread by Sunder Hattangadi sunderh at hotmail.com
This work is published by Sri Ramanasramam.
It has been approved to be posted on sanskritdocuments.org
by permission of Sri V. S. Ramanan, President, Sri Ramanasramam.
Please send corrections to sanskrit@cheerful.com
Last updated ତ୍oday
http://sanskritdocuments.org
ଵନ୍ଦେ ଶ୍ରୀରମଣର୍ଷେରାଚାର୍ଯସ୍ଯ ପଦାବ୍ଜମ୍ ।
ଯୋ ମେଽଦର୍ଶଯଦୀଶଂ ଭାନ୍ତଂ ଧ୍ଵାନ୍ତମତୀତ୍ଯ ॥
କଥଯା ନିଜଯା କଲୁଷଂ ହରତା କରୁଣାନିଧିନାଽରୁଣଶୈଲଜୁଷା ।
ଖଗଵାହନଭାଷିତତତ୍ତ୍ଵଵିଦା ଵୃଷଵାହନମୌନରହସ୍ଯଭୃତା ॥ ୧॥
ଗଣରାଣ୍ମୁଖସୂରିସଭାଗୁରୁଣା ଗୁଣସଞ୍ଚଯରତ୍ନମହୋଦଧିନା ।
ଘନଗୂଢସହସ୍ରକରେଣ ଯଥା ତନୁକଞ୍ଚୁକଗୁପ୍ତମହାମହସା ॥ ୨॥
ଚତୁରେଣ ଚଲେନ୍ଦ୍ରିଯନିଗ୍ରହଣେ ପଟୁନା ପରକୀଯଗୁଣଗ୍ରହଣେ ।
ଛଲଵର୍ଜିତମୌନସମାଧିଜୁଷା ବଲତର୍ଜିତଭୀକରକାମରୁଷା ॥ ୩॥
ଜଠରଂ ସମଯେ ପରିପୂରଯତା କଠିନଂ ଵ୍ରତମଦ୍ରିତଟେ ଚରତା ।
ଝଷକେତନଶସ୍ତ୍ରଦୁରାପହୃଦା କୃଷିମାତ୍ମଵିବୋଧଵିଧୌ ଦଧତା ॥ ୪॥
ଭଵଭୀକରଵାରିନିଧିଂ ତରତା କରତାମରସେନ ସୁପାତ୍ରଵତା ।
ସ୍ଵଦୃଶାଽଧିକଶୀତଲକାନ୍ତିଭୃତା ଭଯମଙ୍ଘ୍ରିସରୋଜଜୁଷାଂ ହରତା ॥ ୫॥
ନମତାମତିଭକ୍ତିମତାଂ ନିଧିନା ଘନତାପଵିଧୂନନସନ୍ନିଧିନା ।
ଯତିଧର୍ମତତିଂ ପରିପାଲଯତା ପରିତଶ୍ଚ ତମୋ ଵିନିଵାରଯତା ॥ ୬॥
ଫଣିନାଯକଵର୍ଣ୍ଯଗୁଣୌଘଭୃତା ଭଣିତୀଃ ପ୍ରିଯସତ୍ଯହିତା ଭଣତା ।
ବହୁମାନଵଶାଦଯତା ସୁଖିତାମଵମାନତତେରଵିଦୂନଵତା ॥ ୭॥
ଯତିନାମଧିପେନ କୁଶାଗ୍ରଲସନ୍ମତିନା ଧୃତିନା ଶିତଚିତ୍ତଭୁଵା ।
ଲହରୀଂପ୍ରମଦସ୍ଯ ସଦାଵହତା ନିହତାନ୍ତରଶାତ୍ରଵସଂହତିନା ॥ ୮॥
ଭଗଵତ୍ପଦମନ୍ଯଜନାସୁଲଭଂ ସ୍ଵଗୁଣୈରଧିଗତ୍ଯ ପରଂ ଜଯତା ।
ମମତାରହିତେନ ହିତେନ ସତାଂ ନିହିତେନ ଗଣପ୍ରଭୁଣା ହୃଦଯେ ॥ ୯॥
ଧରଣୀଧରଜାଙ୍କମପି ତ୍ଯଜତା ଧରଣୀତଲଵାସିତମୋଧୁତଯେ ।
ନରଵେଷଭୃତା ନଗରନ୍ଧ୍ରକୃତା ରମଣେନ ସନାଥମିଦଂ ଭୁଵନମ୍ ॥ ୧୦॥
ପରଦେଶିନେଵ ଧଵଲେନ ଵାସସଃ ଶକଲେନ ଵେଷ୍ଟିତକଟୀଵିଶୋଭିନା ।
ଵରଦେଶିକେନ ନରଵେଷଧାରିଣା ଶିଖିଵାହନେନ ଗୁରୁମଜ୍ଜଗଦ୍ଭଵେତ୍ ॥ ୧୧॥
ଅତୀତଗୁଣଜାଲାଯ ନୈଷ୍ଠିକବ୍ରହ୍ମଚାରିଣେ ।
ନମୋ ମାଯାମନୁଷ୍ଯାଯ ଗୁରଵେ ତାରକାରଯେ ॥ ୧୨॥
ଯାନାଯାତ୍ର ନ କେକିନାଂ କୁଲପତିଃ ସ୍ନାନାଯ ନ ସ୍ଵର୍ଣଦୀ
ପାନାଯ କ୍ଷିତିଭୃନ୍ମହେନ୍ଦ୍ରଦୁହିତୁର୍ନସ୍ତନ୍ଯଦୁଗ୍ଧାମୃତମ୍ ।
ଗାନାଯ ପ୍ରମଥେଶ୍ଵରାସ୍ସଵଯସୋ ନୈଵାତ୍ର ଵୀଣାଭୃତୋ
ଵାସଂ ଶୋଣଗିରୌ କରୋଷି ଭଗଵନ୍ କ୍ରୌଞ୍ଚାଦ୍ରିଭେତ୍ତଃ କୁତଃ ॥ ୧୩॥
ଏକଂ ଵକ୍ତ୍ରମୁମାଙ୍କଵାସଵିରହଃ ପାଣୌ ନ ଶକ୍ତ୍ଯାଯୁଧଂ
ମର୍ତ୍ଯତ୍ଵଂ ନ ପତାକିନୀ ଚ ପୃତନା ପାର୍ଶ୍ଵଦ୍ଵଯେ ନାକିନାମ୍ ।
ଵେଷୋଽଲଂ ପୁନରେଷ ମୁଗ୍ଧନଯନପ୍ରଚ୍ଛାଦନେ ଭୂଜୁଷା-
ମନ୍ତର୍ଧାନମୁପୈଷି ତାରକରିପୋ କ୍ଵ ସ୍ତନ୍ଯଦାଯାଦତଃ ॥ ୧୪॥
କେଚିଦ୍ଯୋଗଵିଦାଂ ପୁରଃସର ଇତି ପ୍ରଜ୍ଞାନିବୁଦ୍ଧ୍ଯା ପରେ
ସାଧୁଃ କଶ୍ଚିଦିତୀତରେ ଗୁରୁଧିଯା କେଽପ୍ଯଙ୍ଘ୍ରିପଦ୍ମଂ ତଵ ।
ସେଵନ୍ତେ ରମଣାଭିଧାନମନୁଜକ୍ଷେମାଯ ଜାତକ୍ଷିତୌ
ଦ୍ଵିତ୍ରାସ୍ତ୍ଵାଂ ଗିରିଜାଙ୍କପୀଠନିଲଯଂ ଜାନନ୍ତି ଦେଵଂ ଗୁହମ୍ ॥ ୧୫॥
ଓଙ୍କାରାର୍ଥମୁପାଦିଶୋ ଭଗଵତେ ଵାଣୀମନୋହାରିଣେ
ତାତାଯାପ୍ଯୁପଦେଷ୍ଟୁମୁଦ୍ଯତମଭୂତ୍ କିଞ୍ଚିତ୍ତ୍ଵଦୀଯଂ ମୁଖମ୍ ।
ଜ୍ଯେଷ୍ଠସ୍ଯାଦ୍ଯ ସହୋଦରସ୍ଯ ଗୁରୁତାଂ ପ୍ରାପ୍ତୋଽସି ଧୀଗୌରଵାତ୍
ସୁବ୍ରହ୍ମଣ୍ଯ କନିଷ୍ଠତାମପି ଗତଃ ସର୍ଵାଧିକସ୍ତ୍ଵଂ ଗୁଣୈଃ ॥ ୧୬॥
ଯତ୍ପୂର୍ଵଂ ଶ୍ରୁତିପାରଦର୍ଶିଧିଷଣୋ ଦ୍ଵୈପାଯନୋଽଧ୍ଯାରୁହତ୍
ପଶ୍ଚାଦ୍ବୋଧକଲାଵିଧୂତତିମିରଃ ଶଙ୍କାପହଶ୍ଶଙ୍କରଃ ।
ତତ୍ସମ୍ପ୍ରତ୍ଯଖିଲାଵନୀତଲଜୁଷାମାଚାର୍ଯସିଂହାସନଂ
ଦେଵ ତ୍ଵାଂ ପ୍ରତିଵୀକ୍ଷତେ ନରତନୋ ଗୀର୍ଵାଣସେନାପତେ ॥ ୧୭॥
ଧର୍ମେ ନାଶମୁପାଗତେ ତ୍ରିଭୁଵନେ ପର୍ଯାକୁଲେ ପାପତଃ
ପ୍ରଜ୍ଞାନେ ପରିତୋ ଗିରାଂ ପଥି ମୁଧା ସଞ୍ଚାର୍ଯମାଣେ ଜନୈଃ ।
ସଦ୍ଭାଵେ ପରମେଶ୍ଵରସ୍ଯ ଚ ପିତୁଃ ସନ୍ଦେହଡୋଲାଂ ଗତେ
ଦ୍ଵୀପଃ କୈତଵମର୍ତ୍ଯକେକିତୁରଗ ତ୍ଵାମନ୍ତରା କସ୍ସତାମ୍ ॥ ୧୮॥
ଵୈରାଗ୍ଯଂ ତଵ ଵିତ୍ତମସ୍ତୁ କରୁଣାଂ ଶକ୍ନୋଷି ହାତୁଂ କଥଂ
ଦୂଶ୍ଯସ୍ତେଽସ୍ତୁ ସମୁଦ୍ଯମଃ ପିତୃପଦଧ୍ଯାନଂ ଚ କିଂ ତାଦୃଶମ୍ ।
କାମସ୍ତେଽସ୍ତୁ ଵିଗର୍ହିତୋ ଵିନମତାଂ ରକ୍ଷା ଚ କିଂ ଗର୍ହିତା
ସ୍କନ୍ଦଚ୍ଛଦ୍ମମନୁଷ୍ଯ କିଂ ନୁ ସମଯଂ କଞ୍ଚିତ୍ସମୁଦ୍ଵୀକ୍ଷସେ ॥ ୧୯॥
ଦୂରଂ ଯାହି କୁଵାଦ ଧର୍ମଵୃଷ ତେ ନେତଃ ପରଂ ପଙ୍ଗୁତା
ଦୁର୍ଭ୍ରାନ୍ତେ ଭୁଵନଂ ଜହୀହି ପରିତୋ ଵର୍ଧସ୍ଵ ସଂସତ୍ସତାମ୍ ।
ସୋଦର୍ଯେଣ ସମନ୍ଵିତୋ ଭୁଵମିମାଂ ପ୍ରାପ୍ତୋ ଗୁରୁଗ୍ରାମଣୀଃ
ଶୂରାନ୍ତଃପୁରନେତ୍ରଵିଭ୍ରମହରୋ ଦେଵୋ ଭଵାନୀସୁତଃ ॥ ୨୦॥
ଜନ୍ମସ୍ଥାନମଵାପ୍ଯ ଗୁପ୍ତମହମୋ ଯୋ ଭେଦମାଧୂତଵାନ୍
ଭୂତାନାଂ ଚରତାଂ ପୃଥଗ୍ଵିଧଧିଯାମାତ୍ମୈଵ ଯୋ ଭାସତେ ।
ଦେହଂ ସର୍ଵମିଦଂ ଜଗଚ୍ଚ ଵିଭଵାଦାକ୍ରମ୍ଯ ଯଃ ପ୍ରୋଲ୍ଲସ-
ତ୍ଯେକସ୍ତଂ ଗୁରୁମୂର୍ତିମାନମତ ରେ ଲମ୍ବୋଦରଭ୍ରାତରମ୍ ॥ ୨୧॥
ଅନ୍ତର୍ଯଶ୍ଚ ବହିର୍ଵିଧୂତତିମିରଂ ଜ୍ଯୋତିର୍ମଯଂ ଶାଶ୍ଵତଂ
ସ୍ଥାନଂ ପ୍ରାପ୍ଯ ଵିରାଜତେ ଵିନମତାମଜ୍ଞାନମୁନ୍ମୂଲଯନ୍ ।
ପଶ୍ଯନ୍ଵିଶ୍ଵମପୀଦମୁଲ୍ଲସତି ଯୋ ଵିଶ୍ଵସ୍ଯ ପାରେ ପର-
ସ୍ତସ୍ମୈ ଶ୍ରୀରମଣାଯ ଲୋକଗୁରଵେ ଶୋକସ୍ଯ ହନ୍ତ୍ରେ ନମଃ ॥ ୨୨॥
ପ୍ରସରତାଦିତଃ ଶୁଭଵିଲୋକିତମ୍ ।
ରମଣ ତେ ସକୃତ୍ଫଲତୁ ମେ କୃତମ୍ ॥ ୨୩॥
ରମଣ ଜନ୍ମିନାମଯି ଭଵାନ୍ ଗୁରୁଃ ।
ଅଭିଦ ଆଶଯସ୍ତଵ ମହାନୁରୁଃ ॥ ୨୪॥
ଜଗଦହଂ ପରଃ ସ୍ଫୁରତି ମେ ତ୍ରଯମ୍ ।
ସଦଭିଦଂ ଗିରା ତଵ ଵିସଂଶଯମ୍ ॥ ୨୫॥
ତ୍ଵଦୁପଦେଶତୋ ଗଲତି ସଂଵିଦା ।
ମଯି ନିରନ୍ଯଯା ସଦହମୋର୍ଭିଦା ॥ ୨୬॥
ଅହମି ଯୋଽନ୍ତରସ୍ତମମଲଂ ହୃଦି ।
ଅନୁଭଵେମ ଭୋସ୍ତଵ କୃପା ଯଦି ॥ ୨୭॥
ନ କରୁଣା ଗୁଣସ୍ତଵ ଵିଦାଂ ପତେ ।
ହୃଦଯତେଜସଃ ସହଜଭୈଵତେ ॥ ୨୮॥
ତଵ ତନୁର୍ଜ୍ଵଲତ୍ଯନଘ ଵିଦ୍ଯୁତା ।
ତଵ ଦୃଗାତତା ଲସତି ଭାସ୍ଵତା ॥ ୨୯॥
କବଲିତଂ ମନସ୍ତଵ ଵିଭୋ ହୃଦା ।
ତ୍ଵମସି ସନ୍ତତଂ ଵିଲସିତୋ ମୁଦା ॥ ୩୦॥
ଭୁଵନଭୂପତେର୍ଭଗଵତଃ କୃତେ ।
ଭଵସି ପାଚକୋ ଯମଵତାଂ ପତେ ॥ ୩୧॥
ନରପଶୂନିମାନହମି ତାଡଯନ୍ ।
ପରଶିଵୌଦନଂ ଵିତନୁଷେ ପଚନ୍ ॥ ୩୨॥
ତିମିରାଣି ନ କେଵଲଂ ଵଚୋଭିଃ
କରୁଣାପାଙ୍ଗଵିଲୋକିତୈଶ୍ଚ ନୄଣାମ୍ ।
ହୃଦଯେ ପ୍ରସରନ୍ତି ମର୍ଦଯନ୍ତଂ
ଭଗଵନ୍ତଂ ରମଣଂ ଗୁରୁଂ ନମାମି ॥ ୩୩॥
ଭଵଜଲନିଧିଂ ଗାହଂ ଗାହଂ ଚିରାଦଲସାଲସାନ୍
ପଦଜଲରୁହଦ୍ଵନ୍ଦ୍ଵଦ୍ଵୀପଂ ଶ୍ରିତାଂସ୍ତଵ ସମ୍ପ୍ରତି ।
ରମଣଭଗଵନ୍ କଲ୍ଯାଣାନାଂ ନିକେତନ ପାହି ନଃ
ସଦଯ ଦଯଯା ସିକ୍ତୈର୍ଭକ୍ତାନପାଙ୍ଗଵିଲୋକିତୈଃ ॥ ୩୪॥
ଯଦି ନ ଜନନୀ ସ୍ତନ୍ଯଂ ଦଦ୍ଯାଚ୍ଛିଶୋର୍ବତ କା ଗତିଃ
ଯଦି ପଶୁପତିଃ କ୍ରୋଧଂ କୁର୍ଯାତ୍ପଶୋରଵନଂ କୁତଃ ।
ଯଦି ପଦଜୁଷାମାଚାର୍ଯ ତ୍ଵଂ ନିହଂସି ନ ସଂଶଯଂ
ଭ୍ରମଶତପରାଭୂତା ଏତେ ତରନ୍ତୁ ଭଵଂ କଥମ୍ ॥ ୩୫॥
ଵିଶଦହସିତେ ପୂର୍ଣା ଶାନ୍ତିଃ ସୁଧାକରସୋଦରେ
ସ୍ଥିରପୃଥୁଲଯୋଃ ପୂର୍ଣା ଶକ୍ତିର୍ଦୃଶୋରତୁଲାର୍ଚିଷୋଃ ।
ହୃଦଯକମଲେ ନିତ୍ଯା ନିଷ୍ଠା ବହିଶ୍ଚ ସରତ୍ପ୍ରଭେ
ରମଣଭଗଵନ୍ କୋ ଵା ମୌନୀ ସମସ୍ତଵ ଭୂତଲେ ॥ ୩୬॥
ଦେଵୀ ଶକ୍ତିରିଯଂ ଦୃଶୋଃ ଶ୍ରିତଜନଧ୍ଵାନ୍ତକ୍ଷଯାଧାଯିନୀ
ଦେଵୀ ଶ୍ରୀରିଯମମ୍ବୁଜାକ୍ଷମହିଷୀ ଵକ୍ତ୍ରୋ ସହସ୍ରଚ୍ଛଦେ ।
ଦେଵୀ ବ୍ରହ୍ମଵଧୂରିଯଂ ଵିଜଯତେ ଵ୍ଯାହାରଗୂଢା ପରା
ଵିଶ୍ଵାଚାର୍ଯ ମହାନୁଭାଵ ରମଣ ତ୍ଵାଂ ସ୍ତୌତୁ କଃ ପ୍ରାକୃତଃ ॥ ୩୭॥
ସୋଽହଂ ଜାତୋ ରମଣଭଗଵନ୍ ପାଦଯୋସ୍ତେ ଦଵିଷ୍ଠୋ
ଯଦ୍ଯପ୍ଯସ୍ମିନ୍ମହତି ସମଯେ ଶକ୍ତିଲାସ୍ଯେ ପ୍ରଵୃତ୍ତେ ।
ସୂର୍ଯସ୍ଯେଵ ଜ୍ଵଲିତମହସୋ ଦୂରଗାଂ ନାଥ ଶକ୍ତିଂ
ଵିଶ୍ଵସ୍ଯାଗ୍ଯ୍ରାଂ ତଵ ମମ ମନୋ ଵୀତଦୁଃଖଂ ତଥାପି ॥ ୩୮॥
ତଦ୍ଭାଗଧେଯମସମାନମନେକମୌନି-
ଵାସାର୍ଜିତଂ କ୍ଷିତିଭୃତଃ ଖଲୁ ଲୋହିତସ୍ଯ ।
ଅଙ୍ଗୀଚକାର ଭଗଵାନ୍ ରମଣୋ ମହର୍ଷି-
ରନ୍ଯେଷୁ ସତ୍ସୁ ଯଦିମଂ ବହୁଷୁ ସ୍ଥଲେଷୁ ॥ ୩୯॥
ଶାନ୍ତିର୍ନିତାନ୍ତମଧିକା ପରମାସ୍ଯ ଶକ୍ତି-
ର୍ଵୈରାଗ୍ଯମଦ୍ଭୁତତମଂ କରୁଣା ତୁ ସାନ୍ଦ୍ରା ।
ଜ୍ଞାନଂ ନିରସ୍ତକୁହନଂ ମଧୁରଂ ଚ ଵୄତ୍ତଂ
ନୄଣାଂ ନିଦର୍ଶନମଯଂ ରମଣୋ ମହର୍ଷିଃ ॥ ୪୦॥
ନାରସିଂହିର୍ଗଣପତିର୍ଵାସିଷ୍ଠୋ ରମଣଂ ଗୁରୁମ୍ ।
ଚତ୍ଵାରିଂଶନ୍ମିତୈଃ ପଦ୍ଯୈଃ ସ୍କନ୍ଦାଂଶଂ ସ୍ତୁତଵାନୃଷିମ୍ ॥
Proofread by Sunder Hattangadi sunderh at hotmail.com
This work is published by Sri Ramanasramam.
It has been approved to be posted on sanskritdocuments.org
by permission of Sri V. S. Ramanan, President, Sri Ramanasramam.
Please send corrections to sanskrit@cheerful.com
Last updated ତ୍oday
http://sanskritdocuments.org
Ramana Chatvarimshat Lyrics in Oriya PDF
% File name : ramaNachatvAriMshatGM.itx
% Location : doc\_deities\_misc
% Author : Vasishtha Ganapati Muni
% Language : Sanskrit
% Subject : philosophy/hinduism/religion
% Proofread by : Sunder Hattangadi sunderh at hotmail.com
% Acknowledge-Permission: Sri V.S. Ramanan, President, Sri Ramanasramam sriramanamaharshi.org
% Latest update : October 1, 2014
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : ramaNachatvAriMshatGM.itx
% Location : doc\_deities\_misc
% Author : Vasishtha Ganapati Muni
% Language : Sanskrit
% Subject : philosophy/hinduism/religion
% Proofread by : Sunder Hattangadi sunderh at hotmail.com
% Acknowledge-Permission: Sri V.S. Ramanan, President, Sri Ramanasramam sriramanamaharshi.org
% Latest update : October 1, 2014
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 15, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ December 15, 2015 ] at Stotram Website