{॥ ಶ್ರೀಮಹಾಶಾಸ್ತ್ರನುಗ್ರಹಕವಚಮ್ಸ್ತೋತ್ರಮ್ ॥}
ಶ್ರೀದೇವ್ಯುವಾಚ-
ಭಗವನ್ ದೇವದೇವೇಶ ಸರ್ವಜ್ಞ ತ್ರಿಪುರಾನ್ತಕ
ಪ್ರಾಪ್ತೇ ಕಲಿಯುಗೇ ಘೋರೇ ಮಹಾಭೂತೈಃ ಸಮಾವೃತೇ ॥ ೧

ಮಹಾವ್ಯಾಧಿಮಹಾವ್ಯಾಳಘೋರರಾಜೈಃ ಸಮಾವೃತೇ
ದುಃಸ್ವರ್ಪ್ನಶೋಕಸನ್ತಾಪೈಃ ದುರ್ವಿನೀತೈಃ ಸಮಾವೃತೇ ॥ ೨

ಸ್ವಧರ್ಮವಿರತೇ ಮಾರ್ಗೇ ಪ್ರವೃತ್ತೇ ಹೃದಿ ಸರ್ವದಾ
ತೇಷಾಂ ಸಿದ್ಧಿಞ್ಚ ಮುಕ್ತಿಞ್ಚತ್ವಂ ಮೇ ಬ್ರೂಹಿವೃಷದ್ವಜ ॥ ೩

ಈಶ್ವರ ಉವಾಚ-
ಶೃಣು ದೇವಿ ಮಹಾಭಾಗೇ ಸರ್ವಕಲ್ಯಾಣಕಾರಣೇ ।
ಮಹಾಶಾಸ್ತುಶ್ಚ ದೇವೇಶಿ ಕವಚಂ ಪುಣ್ಯವರ್ಧನಮ್ ॥ ೪

ಅಗ್ನಿಸ್ತಮ್ಭ ಜಲಸ್ತಂಭ ಸೇನಾಸ್ತಂಭ ವಿಧಾಯಕಮ್ ।
ಮಹಾಭೂತಪ್ರಶಮನಂ ಮಹಾವ್ಯಾಧಿ ನಿವಾರಣಮ್ ॥ ೫

ಮಹಾಜ್ಞಾನಪ್ರದಂ ಪುಣ್ಯಂ ವಿಶೇಷಾತ್ ಕಲಿತಾಪಹಮ್ ।
ಸರ್ವರಕ್ಷೋತ್ತಮಂ ಆಯುರಾರೋಗ್ಯವರ್ಧನಮ್ ॥ ೬

ಕಿಮತೋ ಬಹುನೋಕ್ತೇನ ಯಂ ಯಂ ಕಾಮಯತೇ ದ್ವಿಜಃ ।
ತಂತಮಾಪ್ನೋತ್ಯಸನ್ದೇಹೋ ಮಹಾಶಾಸ್ತುಃ ಪ್ರಸಾದನಾತ್ ॥ ೭

ಕವಚಸ್ಯ ಋಷಿರ್ಬ್ರಹ್ಮಾ ಗಾಯತ್ರೀಃಛನ್ದ ಉಚ್ಯತೇ ।
ದೇವತಾ ಶ್ರೀಮಹಾಶಾಸ್ತಾ ದೇವೋ ಹರಿಹರಾತ್ಮಜಃ ॥ ೮

ಷಡಙ್ಗಮಾಚರೇದ್ಭಕ್ತ್ಯಾ ಮಾತ್ರಯಾ ಜಾತಿಯುಕ್ತಯಾ ।
ಧ್ಯಾನಮಸ್ಯ ಪ್ರವಕ್ಷ್ಯಾಮಿ ಶೃಣುಷ್ವಾವಹಿತಾ ಪ್ರಿಯೇ ॥ ೯

ಅಸ್ಯ ಶ್ರೀ ಮಹಾಶಾಸ್ತುಃ ಕವಚಮನ್ತ್ರಸ್ಯ । ಬ್ರಹ್ಮಾ ಋಷಿಃ ।
ಗಾಯತ್ರೀಃ ಛನ್ದಃ । ಮಹಾಶಾಸ್ತಾ ದೇವತಾ । ಹ್ರಾಂ ಬೀಜಮ್ ।
ಹ್ರೀಂ ಶಕ್ತಿಃ । ಹ್ರೂಂ ಕೀಲಕಮ್ ।
ಶ್ರೀ ಮಹಾಶಾಸ್ತುಃ ಪ್ರಸಾದ ಸಿದ್ಧ್ಯರ್ಥೇ ಜಪೇ ವಿನಿಯೋಗಃ ॥

ಹ್ರಾಂ ಇತ್ಯಾದಿ ಷಡಙ್ಗನ್ಯಾಸಃ ॥

ಧ್ಯಾನಮ್ ॥

ತೇಜೋಮಣ್ಡಲ ಮಧ್ಯಗಂ ತ್ರಿನಯನಂ ದಿವ್ಯಾಮ್ಬರಾಲಙ್ಕೃತಂ
ದೇವಂ ಪುಷ್ಪಶರೇಷು ಕಾರ್ಮುಕಲಸನ್ಮಾಣಿಕ್ಯಪಾತ್ರಾಭಯಮ್ ।
ಬಿಭ್ರಾಣಂ ಕರಪಙ್ಕಜೈಃ ಮದಗಜ ಸ್ಕನ್ಧಾಧಿರೂಢಂ ವಿಭುಂ
ಶಾಸ್ತಾರಂ ಶರಣಂ ವ್ರಜಾಮಿ ಸತತಂ ತ್ರೈಲೋಕ್ಯ ಸಂಮೋಹನಮ್ ॥

ಲಂ ಇತ್ಯಾದಿ ಪಞ್ಚೋಪಚಾರ ಪೂಜಾ ॥

ಮಹಾಶಾಸ್ತಾ ಶಿರಃ ಪಾತು ಫಾಲಂ ಹರಿಹರಾತ್ಮಜಃ ।
ಕಾಮರೂಪೀ ದೃಶಂ ಪಾತು ಸರ್ವಜ್ಞೋ ಮೇ ಶ್ರುತೀ ಸದಾ ॥ ೧

ಘ್ರಾಣಂ ಪಾತು ಕೃಪಾಧ್ಯಕ್ಷೋ ಮುಖಂ ಗೌರೀಪ್ರಿಯಃ ಸದಾ ।
ವೇದಾಧ್ಯಾಯೀ ಚ ಮೇ ಜಿಹ್ವಾಂ ಪಾತು ಮೇ ಚಿಬುಕಂ ಗುರುಃ ॥ ೨

ಕಣ್ಠಂ ಪಾತು ವಿಶುದ್ಧಾತ್ಮಾ ಸ್ಕನ್ಧೌ ಪಾತು ಸುರಾರ್ಚಿತಃ ।
ಬಾಹು ಪಾತು ವಿರೂಪಾಕ್ಷಃ ಕರೌ ತು ಕಮಲಾಪ್ರಿಯಃ ॥ ೩

ಭೂತಾಧಿಪೋ ಮೇ ಹೃದಯಂ ಮಧ್ಯಂ ಪಾತು ಮಹಾಬಲಃ ।
ನಾಭಿಂ ಪಾತು ಮಹಾವೀರಃ ಕಮಲಾಕ್ಷೋಽವತಾತ್ ಕಟೀಮ್ ॥ ೪

ಸನೀಪಂ ಪಾತು ವಿಶ್ವೇಶೋ ಗುಹ್ಯಂ ಗುಹ್ಯಾರ್ಥವಿತ್ಸದಾ ।
ಊರು ಪಾತು ಗಜಾರೂಢೋ ವಜ್ರಧಾರೀ ಚ ಜಾನುನೀ ॥ ೫

ಜಙ್ಘೇ ಪಾಶಾಙ್ಕುಶಧರಃ ಪಾದೌ ಪಾತು ಮಹಾಮತಿಃ ।
ಸರ್ವಾಙ್ಗಂ ಪಾತು ಮೇ ನಿತ್ಯಂ ಮಹಾಮಾಯಾವಿಶಾರದಃ ॥ ೬

ಇತೀದಂ ಕವಚಂ ಪುಣ್ಯಂ ಸರ್ವಾಘೌಘನಿಕೃನ್ತನಮ್ ।
ಮಹಾವ್ಯಾಧಿಪ್ರಶಮನಂ ಮಹಾಪಾತಕ ನಾಶನಮ್ ॥ ೭

ಜ್ಞಾನವೈರಾಗ್ಯದಂ ದಿವ್ಯಮಣಿಮಾದಿವಿಭೂಷಿತಮ್ ।
ಆಯುರಾರೋಗ್ಯಜನನಂ ಮಹಾವಶ್ಯಕರಂ ಪರಮ್ ॥ ೮

ಯಂ ಯಂ ಕಾಮಯತೇ ಕಾಮಂ ತಂ ತಮಾಪ್ನೋತ್ಯಸಂಶಯಃ ।
ತ್ರಿಸನ್ಧ್ಯಂ ಯಃ ಪಠೇದ್ವಿದ್ವಾನ್ ಸ ಯಾತಿ ಪರಮಾಂ ಗತಿಮ್ ॥

ಇತಿ ಶ್ರೀಗುಹ್ಯರತ್ನ ಚಿನ್ತಾಮಣೌ ಶ್ರೀಮಹಾಶಾಸ್ತ್ರನುಗ್ರಹಕವಚಂ ಸಮಾಪ್ತಮ್ ॥


Encoded and proofread by Antaratma antaratma at Safe-mail.net

Please send corrections to sanskrit@cheerful.com
Last updated ತ್oday
http://sanskritdocuments.org

Maha Shasta Anugraha Kavacham Lyrics in Kannada PDF
% File name : shaastranugrahakavacam.itx
% Category : kavacha
% Location : doc\_deities\_misc
% Language : Sanskrit
% Subject : Hinduism/religion/traditional
% Transliterated by : Antaratma antaratma at Safe-mail.net
% Proofread by : Antaratma antaratma at Safe-mail.net
% Latest update : April 23, 2008
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ December 15, 2015 ] at Stotram Website