{॥ ଦଶଶ୍ଲୋକୀସ୍ତୁତୀ ॥}
ସାମ୍ବୋ ନଃ କୁଲଦୈଵତଂ ପଶୁପତେ ସାମ୍ବ ତ୍ଵଦୀଯା ଵଯଂ
ସାମ୍ବଂ ସ୍ତୌମି ସୁରାସୁରୋରଗଗଣାଃ ସାମ୍ବେନ ସଂତାରିତାଃ ।
ସାମ୍ବାଯାସ୍ତୁ ନମୋ ମଯା ଵିରଚିତଂ ସାମ୍ବାତ୍ପରଂ ନୋ ଭଜେ
ସାମ୍ବସ୍ଯାନୁଚରୋଽସ୍ମ୍ଯହଂ ମମ ରତିଃ ସାମ୍ବେ ପରବ୍ରହ୍ମଣି ॥ ୧॥

ଵିଷ୍ଣ୍ଵାଦ୍ଯାଶ୍ଚ ପୁରତ୍ରଯଂ ସୁରଗଣା ଜେତୁଂ ନ ଶକ୍ତାଃ ସ୍ଵଯଂ
ଯଂ ଶଂଭୁଂ ଭଗଵନ୍ଵଯଂ ତୁ ପଶଵୋଽସ୍ମାକଂ ତ୍ଵମେଵେଶ୍ଵରଃ ।
ସ୍ଵସ୍ଵସ୍ଥାନନିଯୋଜିତାଃ ସୁମନସଃ ସ୍ଵସ୍ଥା ବଭୂଵୁସ୍ତତ-
ସ୍ତସ୍ମିନ୍ମେ ହୃଦଯଂ ସୁଖେନ ରମତାଂ ସାମ୍ବେ ପରବ୍ରହ୍ମଣି ॥ ୨॥

କ୍ଷୋଣୀ ଯସ୍ଯ ରଥୋ ରଥାଙ୍ଗଯୁଗଲଂ ଚନ୍ଦ୍ରାର୍କବିମ୍ବଦ୍ଵଯଂ
କୋଦଣ୍ଡଃ କନକାଚଲୋ ହରିରଭୂଦ୍ବାଣୋ ଵିଧିଃ ସାରଥିଃ ।
ତୂଣୀରୋ ଜଲଧିର୍ହଯାଃ ଶ୍ରୁତିଚଯୋ ମୌର୍ଵୀ ଭୁଜଙ୍ଗାଧିପ-
ସ୍ତସ୍ମିନ୍ମେ ହୃଦଯଂ ସୁଖେନ ରମତାଂ ସାମ୍ବେ ପରବ୍ରହ୍ମଣି ॥ ୩॥

ଯେନାପାଦିତମଙ୍ଗଜାଙ୍ଗଭସିତଂ ଦିଵ୍ଯାଙ୍ଗରାଗୈଃ ସମଂ
ଯେନ ସ୍ଵୀକୃତମବ୍ଜସଂଭଵଶିରଃ ସୌଵର୍ଣପାତ୍ରୈଃ ସମମ୍ ।
ଯେନାଙ୍ଗୀକୃତମଚ୍ଯୁତସ୍ଯ ନଯନଂ ପୂଜାରଵିନ୍ଦୈଃ ସମଂ
ତସ୍ମିନ୍ମେ ହୃଦଯଂ ସୁଖେନ ରମତାଂ ସାମ୍ବେ ପରବ୍ରହ୍ମଣି ॥ ୪॥

ଗୋଵିନ୍ଦାଦଧିକଂ ନ ଦୈଵତମିତି ପ୍ରୋଚ୍ଚାର୍ଯ ହସ୍ତାଵୁଭା-
ଵୁଦ୍ଧୃତ୍ଯାଥ ଶିଵସ୍ଯ ସଂନିଧିଗତୋ ଵ୍ଯାସୋ ମୁନୀନାଂ ଵରଃ ।
ଯସ୍ଯ ସ୍ତମ୍ଭିତପାଣିରାନତିକୃତା ନନ୍ଦୀଶ୍ଵରେଣାଭଵ-
ତ୍ତସ୍ମିନ୍ମେ ହୃଦଯଂ ସୁଖେନ ରମତାଂ ସାମ୍ବେ ପରବ୍ରହ୍ମଣି ॥ ୫॥

ଆକାଶଶ୍ଚିକୁରାଯତେ ଦଶଦିଶାଭୋଗୋ ଦୁକୂଲାଯତେ
ଶୀତାଂଶୁଃ ପ୍ରସଵାଯତେ ସ୍ଥିରତରାନନ୍ଦଃ ସ୍ଵରୂପାଯତେ ।
ଵେଦାନ୍ତୋ ନିଲଯାଯତେ ସୁଵିନଯୋ ଯସ୍ଯ ସ୍ଵଭାଵାଯତେ
ତସ୍ମିନ୍ମେ ହୃଦଯଂ ସୁଖେନ ରମତାଂ ସାମ୍ବେ ପରବ୍ରହ୍ମଣି ॥ ୬॥

ଵିଷ୍ଣୁର୍ଯସ୍ଯ ସହସ୍ରନାମନିଯମାଦମ୍ଭୋରୁହାଣ୍ଯର୍ଚଯ-
ନ୍ନେକୋନୋପଚିତେଷୁ ନେତ୍ରକମଲଂ ନୈଜଂ ପଦାବ୍ଜଦ୍ଵଯେ ।
ସମ୍ପୂଜ୍ଯାସୁରସଂହତିଂ ଵିଦଲଯଂସ୍ତ୍ରୈଲୋକ୍ଯପାଲୋଽଭଵ-
ତ୍ତସ୍ମିନ୍ମେ ହୃଦଯଂ ସୁଖେନ ରମତାଂ ସାମ୍ବେ ପରବ୍ରହ୍ମଣି ॥ ୭॥

ଶୌରିଂ ସତ୍ଯଗିରଂ ଵରାହଵପୁଷଂ ପାଦାମ୍ବୁଜାଦର୍ଶନେ
ଚକ୍ରେ ଯୋ ଦଯଯା ସମସ୍ତଜଗତାଂ ନାଥଂ ଶିରୋଦର୍ଶନେ ।
ମିଥ୍ଯାଵାଚମପୂଜ୍ଯମେଵ ସତତଂ ହଂସସ୍ଵରୂପଂ ଵିଧିଂ
ତସ୍ମିନ୍ମେ ହୃଦଯଂ ସୁଖେନ ରମତାଂ ସାମ୍ବେ ପରବ୍ରହ୍ମଣି ॥ ୮॥

ଯସ୍ଯାସନ୍ଧରଣୀଜଲାଗ୍ନିପଵନଵ୍ଯୋମାର୍କଚନ୍ଦ୍ରାଦଯୋ
ଵିଖ୍ଯାତାସ୍ତନଵୋଽଷ୍ଟଧା ପରିଣତା ନାନ୍ଯତ୍ତତୋ ଵର୍ତତେ ।
ଓଂକାରାର୍ଥଵିଵେଚନୀ ଶ୍ରୁତିରିଯଂ ଚାଚଷ୍ଟ ତୁର୍ଯଂ ଶିଵଂ
ତସ୍ମିନ୍ମେ ହୃଦଯଂ ସୁଖେନ ରମତାଂ ସାମ୍ବେ ପରବ୍ରହ୍ମଣି ॥ ୯॥

ଵିଷ୍ଣୁବ୍ରହ୍ମସୁରାଧିପପ୍ରଭୃତଯଃ ସର୍ଵେଽପି ଦେଵା ଯଦା
ସଂଭୂତାଜ୍ଜଲଧେର୍ଵିଷାତ୍ପରିଭଵଂ ପ୍ରାପ୍ତାସ୍ତଦା ସତ୍ଵରମ୍ ।
ତାନାର୍ତାଞ୍ଶରଣାଗତାନିତି ସୁରାନ୍ଯୋଽରକ୍ଷଦର୍ଧକ୍ଷଣା-
ତ୍ତସ୍ମିନ୍ମେ ହୃଦଯଂ ସୁଖେନ ରମତାଂ ସାମ୍ବେ ପରବ୍ରହ୍ମଣି ॥ ୧୦॥

ଇତି ଶ୍ରୀମତ୍ପରମହଂସପରିଵ୍ରଜକାଚାର୍ଯସ୍ଯ
ଶ୍ରୀଗୋଵିନ୍ଦଭଗଵତ୍ପୂଜ୍ଯପାଦଶିଷ୍ଯସ୍ଯ
ଶ୍ରୀମଚ୍ଛଂକରଭଗଵତ୍ପାଦ କୃତୌ
ଦଶଶ୍ଲୋକୀସ୍ତୁତିଃ ସମ୍ପୂର୍ଣା ॥


Encoded and proofread by Sridhar Seshagiri
s underscore seshagiri@yahoo.com

Please send corrections to sanskrit@cheerful.com
Last updated ତ୍oday
http://sanskritdocuments.org

Dashashloki Stuti Lyrics in Oriya PDF
% File name : dashashlokIstuti.itx
% Location : doc\_shiva
% Language : Sanskrit
% Subject : Hinduism/religion/traditional
% Transliterated by : Sridhar Seshagiri s\_seshagiri at yahoo.com
% Proofread by : Sridhar Seshagiri s\_seshagiri at yahoo.com
% Latest update : December 23, 2007
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website