% Text title            : bhRiNgikRitashivastotraM shivarahasye
% File name             : bhRingikRitashivastotram.itx
% Location              : doc\_shiva
% Author                : Traditional
% Language              : Sanskrit
% Subject               : philosophy/hinduism/religion
% Transliterated by     : DPD
% Proofread by          : DPD
% Latest update         : November 24, 2012
% Send corrections to   : Sanskrit@cheerful.com
% Site access           : http://sanskritdocuments.org
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. bhRi~NgikRitashivastotram ..}##
\itxtitle{.. bhR^i~NgikR^itashivastotraM shivarahasye ..}##\endtitles ##
\section{.. bhR^i~NgikR^itashivastotraM shivarahasye ..}

skandaH \-
hR^iShTAM devIM tadA vIkShya bhR^i~NgiH sAmbaM maheshvaram |
tuShTAva devyA deveshaM sa bhR^i~NgI vinayAt sadA || 1||
bhR^i~NgI \-
krUraM duShTaM vinaShTamanasaM bhraShTaM shaThaM niShThuraM
nirlajjaM kR^ipaNaM kR^itaghnashuchiM bahvAshanaM hiMsakam |
AshApAshashataprabandhamanasaM duShkIrtibhAjaM jaDaM
kAruNyAkara bhoH pitaH pashupate doShAkaraM pAhi mAm || 2||
kShudraM durbhagamalpasatvamalasaM bhagnavrataM rAgiNaM
bhIruM DAMbhikapakShamaM vyasaninaM pApAtmakaM sUchakam |
AdhivyAdhinipIDitaM jaDadhiyaM sadbhiH sadA ninditaM
kAruNyAkara bhoH pitaH pashupate doShAkaraM pAhi mAm || 3||
mUrkhaM bAlamatiM svadharmarahitaM dharmArthahInaM khalaM
kAmAndhaM kShaNikaM tadarthanaparaM dauHshIlyajanmasthalam |
sarvalubdhamasatyaniShThamadhamaM praj~nAyashovarjitaM
kAruNyAkara bhoH pitaH pashupate doShAkaraM pAhi mAm || 4||
AkA~NkShAshayamAryavR^ittivimukhaM kShINaM gurudveShiNaM
dhUrtaM durguNamatyashuddhahR^idayaM sarvatra sandehinam |
dInaM pAparataM samastaviShayeShvAsaktamanyAyine
kAruNyAkara bhoH pitaH pashupate doShAkaraM pAhi mAm || 5||
svapne.apyuttamagandhapuShpanikarairIshArchanAvarjitaM
dhayAnadhyeyavichAraNAvirahitaM tuchChaM sadochChR^i~Nkhalam |
dAridrayAspadamAtmavairivashagaM tApatrayasyAspadaM
kAruNyAkara bhoH pitaH pashupate doShAkaraM pAhi mAm || 6||
mAyAgrastasamastavR^ittikushalaM satsa~NgavidveShiNaM
duHsa~NgapriyamapratiShThavavanaM kAmAturaM taskaram |
shaivaj~nAnaparA~NgamukhaM khalajanavyApArapAraM gataM
kAruNyAkara bhoH pitaH pashupate doShAkaraM pAhi mAm || 7||
durmaryAdamatipravR^iddhajarasaM sadvR^ittisevAripuM
saddharmAdisamutsuke gurujane mAnyeShu chAtyuddhatam |
shiShTAniShTakaraM kriyAparichitaM duShTapratuShTipadaM
kAruNyAkara bhoH pitaH pashupate doShAkaraM pAhi mAm || 8||
karmAdistutikAraNaM paramahAnindAkaraM ninditaM luNTAkaM
patitaM viparyayagatasvAntaM sadA yAchakam |
vaikalyApagataM sukAryanichayaM sarvApadAM saMchayaM
kAruNyAkara bhoH pitaH pashupate doShAkaraM pAhi mAm || 9||
kR^ityAkR^ityavichAravarjitamatiM vrAtyaM mahAkAtaraM
durbuddhiM madapAnamatsaradhiyaM durvR^ittavR^ittyAshrayam |
mithyAj~nAninamAtmAtmakaNTakamalaM lokatraye ninditaM
kAruNyAkara bhoH pitaH pashupate doShAkaraM pAhi mAm || 10||
duShkarmaprachayaprabhinnahR^idayaM kleshaishcha sampiDitaM
chArvAkaM kumatiM kushIlamanasaM kArpaNyajanmasthalam |
bhAryAputragR^ihAdisaktamanasaM gAMbhiryadhairyadviShaM
kAruNyAkara bhoH pitaH pashupate doShAkaraM pAhi mAm || 11||
Atmaj~nAnavihInamAtmavimukhaM sarvAtmabhAvadviShaM
saMkalpairbahubhirvibhinnahR^idayaM dvaitaprasaktaM sadA
marmachChidvachanaM kaThorahR^idayaM mitradruhaM kShudrakaM
kAruNyAkara bhoH pitaH pashupate doShAkaraM pAhi mAm || 12||
chittakShobhakaraM kalatrahR^idayaM sha~NkApadaM lolupaM
sArAsAravichArahinamanasaM nIchakriyaM nIrasam |
mattonmattanikR^iShTaduShTacharitaM shochyaM vR^ithAlApinaM
kAruNyAkara bhoH pitaH pashupate doShAkaraM pAhi mAm || 13||
satyatyAgadayAkShamAshamadamAdyarthAnabhij~nAnakaM
devabrAhmaNagotrajAtitithipitR^ij~nAnAtmakApUjanam |
vishvasteShvapakArava~nchanaparairmaitrIparaM durjayaM
kAruNyAkara bhoH pitaH pashupate doShAkaraM pAhi mAm || 14||
matvA.adharmamatiM kadarthanaparaM ko matsamo.asmin
bhavedityevaM bahujalpinaM kutrapuShaM pApAshritaM rAkShasam |
dR^iShTvA dR^iShTasukheShaNaM tava madAt tyaktvA shivArAdhanaM
kAruNyAkara bhoH pitaH pashupate doShAkaraM pAhi mAm || 15||
duShpUrasvakakukShipUraNaparaM bhAraM bhuvaH kevalaM
dAsImeShakharasvabhAvamapaTuM saMmAnanAbhAjanam |
riktaM bAlamadIrghasutriNamalaM hR^ichChalyabhUtaM satAM
kAruNyAkara bhoH pitaH pashupate doShAkaraM pAhi mAm || 16||
mArjArAkhuvR^ikashvakukkuTakapikroDAbhivR^ittiM sadA
tIrthadhvAMkShamanarthakampini hite santApinaM duHsaham |
tyaktopAyamapAyakAMkShiNamaho.ashuddhapriyaM chApalaM
kAruNyAkara bhoH pitaH pashupate doShAkaraM pAhi mAm || 17||
aspR^ishyaM vikalaM kardayamakhilaiH doShaiH svakiryaitaM
pApiShThaM viShayeShu saktamanasaM tyAjyaM vivAdAspadam |
chintAshokaparItachetasamalaM sarvAshubhAnAM padaM
kAruNyAkara bhoH pitaH pashupate doShAkaraM pAhi mAm || 18||
atyAveshanamuttamasthitimatAM satyAgninAM nAstikaM
randhrAnveShaNamandhamUkabadhiraM shaMbhostu vishvAtmanaH |
mAhAtmyashravaNastutikShaNavidhau mAheshvarAvatsalaM
kAruNyAkara bhoH pitaH pashupate doShAkaraM pAhi mAm || 19||
bhraShTaM sarvajugupsitaM parahitavyAghAtinaM tAmasaM saMbhrAntaM
chapalaM vichAravihitavyApAravidveShaNam |
shaMbho tvatpadabhaktihInamanasaM mUDhaM samAtmadviShaM
kAruNyAkara bhoH pitaH pashupate doShAkaraM pAhi mAm || 20||
doShAvAsamatiM pramAditamatiM kShuttuDjvarAbhyarditaM
svapne.apyatra paropakArarahitaM sarvAhitaM durbalam |
loke satparihAryaninditamahAduHkhapradaikendriyaM
kAruNyAkara bhoH pitaH pashupate doShAkaraM pAhi mAm || 21||
kiM vAchA bahuvistareNa bhagavan matsannibho bhUtale
bhUto nAsti vibho bhaviShyati pumAn nirbhAgyachUDAmaNiH |
tasmAdIdR^ishamAtmavaMchanaparaM trailokyarakShAmaNe
kAruNyAkara bhoH pitaH pashupate doShAkaraM pAhi mAm || 22||
sarvashreShThaguNaikabhAjanamaho sarvottameShUttaM 
saMkhyepArthaguNaikabhAjanamalaM kaShTAtikaShTapriyam |
shrIkAshrIkamatendriyasya vashagaM niHsaMshayaM sa~NginaM
kAruNyAkara bhoH pitaH pashupate doShAkaraM pAhi mAm || 23||
viNmUtrakrimimAMsashoNitamayaM medo.asthimajjAtmakaM
durgandhaikanidhiM jarAparigataM vAtAdidoShAspadam |
dR^iShTvA.api svakalevaraM kR^ishamayaM tavAriktaM pashuM
kAruNyAkara bhoH pitaH pashupate doShAkaraM pAhi mAm || 24||
viShTAviShTakujantuniShThamashuchiM svAbhAvyato nashvaraM
kuShThakShauNyaviShUchikAjvarashiraH shUlAdivegAspadam |
j~nAtvA.api svasharIramatra tu sadA samprItiyuktaM pashuM
kAruNyAkara bhoH pitaH pashupate doShAkaraM pAhi mAm || 25||
svAtmAdhAratayA sthitAM nijatanuM bAlye tathA yauvane
vR^iddhatve.api bahuprakAravikR^itiM prAptAM samikShyApi cha |
tatrAtmanyatirAgiNaM tvayi kR^ite svAnyAnuraktaM pashuM
kAruNyAkara bhoH pitaH pashupate doShAkaraM pAhi mAm || 26||
dehaM kShAlanalepanAdividhinA saMspR^ishya yogyArthavat
ChinnaM klinnamahAvraNaM navamukhaM nityaM sravantaM malam |
taM dR^iShTvA.apyatirAgiNaM cha narake nUnaM sarAgaM pashuM
kAruNyAkara bhoH pitaH pashupate doShAkaraM pAhi mAm || 27||
loke.atyantapavitratAmupagataM yat pa~nchagavyAdikaM
taddehotthakaphAsthiromarudhirasnAyvAdisaMsparshataH |
syAdevAshuchi tadvibudhya cha sadA taddehasaktaM pashuM
kAruNyAkara bhoH pitaH pashupate doShAkaraM pAhi mAm || 28||
svasyAryunichayasya madhyata imau nityaM nishAvAsarau
jAgratsvapnasuShuptiShu sthitimataH svalpAyuShaH khaNDakaM |
gachChat tAvadabuddhaya cha svahitasatkarmaNyaraktaM pashuM
kAruNyAkara bhoH pitaH pashupate doShAkaraM pAhi mAm || 29||
sarpiH khaNDapayomadhuprabhR^itikaM tyaktavA tR^iNAnyapi gauH
yadvat shAshvatashAMbhavoktamahimAnandAnpekShaM sadA |
shaMbho vaiShayike sukhe.ativirase tuchChe.atisaktaM pashuM
kAruNyAkara bhoH pitaH pashupate doShAkaraM pAhi mAm || 30||
dhUme kuMkumagandhakAMkShiNamaho toyArthinaM vA marau
tailAnveShiNamashvachUtNanichaye maitryarthinaM durjane |
durbuddhIM triguNAtmake malanidhau kShetre sukhepsuM pashuM
kAruNyAkara bhoH pitaH pashupate doShAkaraM pAhi mAm || 31||
devAnAmapi mArutasya cha vibho gamyaM na yat tatra tu
svairaM gachChati me mano nahi tadA chittaM tavAMghridvaye |
dhartustachcha niyantumuchchasukhado nairvAsamarthaM pashuM
kAruNyAkara bhoH pitaH pashupate doShAkaraM pAhi mAm || 32||
vedairapyakhilairmahesha bahusho vedAntashAstrAdibhiH
vyApi chinmaya eka Ishvara iti prokte tvayi tvatpade |
chittaM dhartumashaktamAtmavachanaiH vyApArahInaM pashuM
kAruNyAkara bhoH pitaH pashupate doShAkaraM pAhi mAm || 33||
j~nAnAj~nAnadayAdayAshamadamAsaMmohamohAnatikhyAtyakhyAti
bhayAbhayAsukhasukhAhiMsAmanastuShTayaH |
bhUtanAM bhavadAj~nayaiva vidhinA nityaM bhavanti dhruvaM
kAruNyAkara bhoH pitaH pashupate doShAkaraM pAhi mAm || 34||
bhAvAbhAvabhavAbhavAmR^itaviShasatsatsamastA kriyA
divyatvaM cha nirAmayatvanikhilAbhIShTArthasampattayaH |
bhUtAnAM bhavadichChayaiva bhagavan jAyanta evAnishaM
kAruNyAkara bhoH pitaH pashupate doShAkaraM pAhi mAm || 35||
yogaishvaryasamastadAnaparatA shraddhAtmabhaktirdR^iDhA 
vairAgyaM paramaM mahesha parame dharme matishchArutA |
bhUtAnAM bhavataH prasAdata ime jAyanta eva dhruvaM
kAruNyAkara bhoH pitaH pashupate doShAkaraM pAhi mAm || 36||
nAlaM chAlayituM tR^iNaM cha pavanaH shaMbho tvadAj~nAM vinA
dagdhuM taM na samartha eva hutabhuk shakro.api no vrajataH |
shaktaH Chettumapi prabho jagadidaM sarvaM tvadAj~nAvashaM
kAruNyAkara bhoH pitaH pashupate doShAkaraM pAhi mAm || 37||
chittaM chetayate manashcha sakalaM saMkalpayatyAj~nayA
sarvArthAnabhimanyate nanu mahAdevAj~nayA.ahaMkR^itiH |
sve sve tvindriyavarga eva viShayechChAste tavaivAj~nayA
kAruNyAkara bhoH pitaH pashupate doShAkaraM pAhi mAm || 38||
brahmA sR^iShTikaro hariH sthitikaro rudrastu kAlAtmakaH
saMhartA jagataM shriyaM janayati shrIyugmavidyAM pumAn |
gAyatrI cha tavAj~nayaiva narakAt santArayatyAshritAn
kAruNyAkara bhoH pitaH pashupate doShAkaraM pAhi mAm || 39||
vAyurvAti tavAj~nayA shashiravI nityaM jagadbhAsakau
AhAraM pachate cha kukShisadane vahniH sada prANinAm |
devAnAM vahatIva havyama.api yaH pAkaM karotyatti yaH
kAruNyAkara bhoH pitaH pashupate doShAkaraM pAhi mAm || 40||
bhUtAnyApa ihAj~nayaiva bhavataH saMjIvayanti prabho vAchA
vAg vipulaM dadAti jagatAM yattekhilaM puMnabhaH |
bhUtAnAmavakAshadaM trijagatAM shItoShNasha~NkAspadaH
kAruNyAkara bhoH pitaH pashupate doShAkaraM pAhi mAm || 41||
sendrAH sarvasurAsurAdaya iha tvachChAsane saMsthitAH
brahmANDAni ihAtmavastuni pare sandhArakAH santatam |
trailokyAnugatAnapIha subahUnyAj~nAvashAdeva te
kAruNyAkara bhoH pitaH pashupate doShAkaraM pAhi mAm || 42||
hartAsau mahadAdikaM prakR^itirapyAj~nAvashA te vibho
kAlashcha prakR^itiH puruH puruSha ityetat trayaM sarvadA |
shaMbho deva bhava tvameva cha tathA bhUtaM bhaviShyat bhavaM
kAruNyAkara bhoH pitaH pashupate doShAkaraM pAhi mAm || 43||
tvayopari tamo ghR^itaM tava mahAbdhilIlArthameva
tvayonnatipreraNayaiva te tachcha viShayeShvatra pravR^itaM jagat |
tApashchApi raveH samastajagatAM duHkhArtihArina probho
kAruNyAkara bhoH pitaH pashupate doShAkaraM pAhi mAm || 44||
bandhachChedavidhau tvameva bhuvaneShvekaH samartho bhaveH 
tvaM pAshairbhavabandhametadakhilaM karmachChalenApi cha |
shaMbho tvAM sharaNAgataM karuNayA tvaM shaMkaro yena vA
kAruNyAkara bhoH pitaH pashupate doShAkaraM pAhi mAm || 45||
mahAmurte mahAdeva tvanmUrtau sarvadevatAH |
yathA bIjA~NkurotpattiH tathedaM tvayyavasthitam || 46||
jagajjAlamidaM shambho sasurAsuramAnuSham |
nitya nirmAya nIrUpa dhurandhara sunirmalam || 47||
manovAchAM sudurAtman paramesha namostu te |
tvattaH sarvaM tvayA sarvaM tvaM sarvaM sarvago.asi cha || 48||
namaste devadevesha sarvakAraNakAraNa |
kartavya cha dayA dine karuNAkara sha~Nkara || 49||
sarvAparAdhaM me deva kShamasva jagatAM pate |
tava rUpaM jagachChambho aShTamUrtiranIshvaraH || 50||
pitA tvameva bhagavan mAtA sAkShAdumA yataH |
kShamasvAgo mameda nIM bahunoktena kiM prabho ||
tvayi bhaktiM mahAdeva dR^iDhAM dehi mR^iDAvyaya || 52||
skandaH \-
ityuktAM munivachanastutiM maheshaH
shrutvA chAgakumArikAyuto harastam |
datvA rUpamapAradivyagaNapasyendrAdhipatyaM dadau
tenaivottamasaddvijena viharat kailAsamaulau shivaH || 53||
yasttvetachChR^iNuyAta paThena shambhoH
stavyAnAM paramaH stavo.ayamIshatuShTyai |
so.ante chApyachireNa bhR^i~NgitulyaH
pAdAbje parameshvarasya yuktabhR^i~NgaH || 54||
|| iti shrIshivarahasye shivAkhye chaturthAMshe
bhR^i~NgikR^itashivastotravarNanaM nAma dashamo.adhyAyaH ||
##
Encoded and proofread byDPD

\medskip\hrule\obeylines

Please send corrections to sanskrit@cheerful.com
Last updated \today
http://sanskritdocuments.org

\end{document}