% Text title : mRityuJNjayamaanasikapuujaastotram % File name : mrtyumaanasa.itx % Category : pUjA % Location : doc\_shiva % Language : Sanskrit % Subject : philosophy/hinduism/religion % Transliterated by : P. P. Narayanaswami swami at math.mun.ca % Proofread by : Narayanaswami and Sunder Hattangadi sunderh at hotmail.com % Latest update : July 25, 2008 % Send corrections to : Sanskrit@cheerful.com % Site access : http://sanskritdocuments.org % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. mRityuJNjaya mAnasa pUjA stotram ..}## \itxtitle{.. shrImR^ityuJNjayamAnasikapUjAstotram ..}##\endtitles ## \section{.. shrImR^ityuJNjayamAnasikapUjAstotram ..} kailAse kamanIyaratnakhachite kalpadrumUle sthitaM karpUrasphaTikendusundaratanuM kAtyAyanIsevitam.h | gaN^gAtuN^gataraN^garaJNjitajaTAbhAraM kR^ipAsAgaraM kaNThAla.nkR^itasheShabhUShaNamamuM mR^ityuJNjayaM bhAvaye || 1|| Agatya mR^ityuJNjaya chandramaule vyAghrAjinAla.nkR^ita shUlapANe | svabhaktasa.nrakShaNakAmadheno prasIda vishveshvara pArvatIsha || 2|| bhAsvanmauktikatoraNe marakatastambhAyudhAla.nkR^ite saudhe dhUpasuvAsite maNimaye mANikyadIpAJNchite | brahmendrAmarayogipuN^gavagaNairyukte cha kalpadrumaiH shrImR^ityuJNjaya susthiro bhava vibho mANikyasiMhAsane || 3|| mandAramallIkaravIramAdhavI\- punnAganIlotpalachampakAnvitaiH | karpUrapATIrasuvAsitairjalai\- rAdhatsva mR^ityuJNjaya pAdyamuttamam.h || 4|| sugandhapuShpaprakaraiH suvAsitai\- rviyannadIshItalavAribhiH shubhaiH | trilokanAthArtiharArghyamAdarA\- dgR^ihANa mR^ityuJNjaya sarvavandita || 5|| himAmbuvAsitaistoyaiH shItalairatipAvanaiH | mR^ityuJNjaya mahAdeva shuddhAchamanamAchara || 6|| guDadadhisahitaM madhuprakIrNaM sughR^itasamanvitadhenudugdhayuktam.h | shubhakara madhuparkamAhara tvaM trinayana mR^ityuhara trilokavandya || 7|| paJNchAsra shAnta paJNchAsya paJNchapAtakasaMhara | paJNchAmR^itasnAnamidaM kuru mR^ityuJNjaya prabho || 8|| jagattrayIkhyAta samastatIrtha\- samAhR^itaiH kalmaShahAribhishcha | snAnaM sutoyaiH samudAchara tvaM mR^ityuJNjayAnantaguNAbhirAma || 9|| AnItenAtishubhreNa kausheyenAmaradrumAt.h | mArjayAmi jaTAbhAraM shiva mR^ityuJNjaya prabho || 10|| nAnAhemavichitrANi chIrachInAmbarANi cha | vividhAni cha divyAni mR^ityuJNjaya sudhAraya || 11|| vishuddhamuktAphalajAlaramyaM manoharaM kAJNchanahemasUtram.h | yaGYopavItaM paramaM pavitra\- mAdhatsva mR^ityuJNjaya bhaktigamya || 12|| shrIgandhaM ghanasArakuN^kumayutaM kastUrikApUritaM kAleyena himAmbunA virachitaM mandArasa.nvAsitam.h | divyaM devamanoharaM maNimaye pAtre samAropitaM sarvAN^geShu vilepayAmi satataM mR^ityuJNjaya shrIvibho || 13|| akShatairdhavalairdivyaiH samyaktilasamanvitaiH | mR^ityuJNjaya mahAdeva pUjayAmi vR^iShadhvaja || 14|| champakapaN^kajakuravakakundaiH karavIramallikAkusumaiH | vistAraya nijamakuTaM mR^ityuJNjaya puNDarIkanayanApta || 15|| mANikyapAdukAdvandve maunihR^itpadmamandire | pAdau satpadmasadR^ishau mR^ityuJNjaya niveshaya || 16|| mANikyakeyUrakirITahAraiH kAJNchImaNisthApitakuNDalaishcha | maJNjIramukhyAbharaNairmanoGYai\- raN^gAni mR^ityuJNjaya bhUShayAmi || 17|| gajavadanaskandadhR^ite\- nAtisvachChena chAmarayugena | galadalakAnanapadmaM mR^ityuJNjaya bhAvayAmi hR^itpadme || 18|| muktAtapatraM shashikoTishubhraM shubhapradaM kAJNchanadaNDayuktam.h | mANikyasa.nsthApitahemakumbhaM suresha mR^ityuJNjaya te.arpayAmi || 19|| maNimukure niShpaTale trijagadgADhAndhakArasaptAshve | kandarpakoTisadR^ishaM mR^ityuJNjaya pashya vadanamAtmIyam.h || 20|| karpUrachUrNaM kapilAjyapUtaM dAsyAmi kAleyasamAnvitaishcha | samudbhavaM pAvanagandhadhUpitaM mR^ityuJNjayAN^gaM parikalpayAmi || 21|| vartitrayopetamakhaNDadIptyA tamoharaM bAhyamathAntaraM cha | sAjyaM samastAmaravargahR^idyaM suresha mR^ityuJNjaya va.nshadIpam.h || 22|| rAjAnnaM madhurAnvitaM cha mR^idulaM mANikyapAtre sthitaM hiN^gUjIrakasanmarIchimilitaiH shAkairanekaiH shubhaiH | shAkaM samyagapUpasUpasahitaM sadyoghR^itenAplutaM shrImR^ityuJNjaya pArvatIpriya vibho sAposhanaM bhujyatAm.h || 23|| kUShmANDavArtAkapaTolikAnAM phalAni ramyANi cha kAravallyA | supAkayuktAni sasaurabhANi shrIkaNTha mR^ityuJNjaya bhakShayesha || 24|| shItalaM madhuraM svachChaM pAvanaM vAsitaM laghu | madhye svIkuru pAnIyaM shiva mR^ityuJNjaya prabho || 25|| sharkarAmilitaM snigdhaM dugdhAnnaM goghR^itAnvitam.h | kadalIphalasaMmishraM bhujyatAM mR^ityusaMhara || 26|| kevalamatimAdhuryaM dugdhaiH snigdhaishcha sharkarAmilitaiH | elAmarIchamilitaM mR^ityuJNjaya deva bhuN^kShva paramAnnam.h || 27|| rambhAchUtakapitthakaNThakaphalairdrAkShArasAsvAduma\- tkharjUrairmadhurekShukhaNDashakalaiH sannArikelAmbubhiH | karpUreNa suvAsitairguDajalairmAdhuryayuktairvibho shrImR^ityuJNjaya pUraya tribhuvanAdhAraM vishAlodaram.h || 28|| manoGYarambhAvanakhaNDakhaNDitA\- nruchipradAnsarShapajIrakA.nshcha | sasaurabhAnsaindhavasevitA.nshcha gR^ihANa mR^ityuJNjaya lokavandya || 29|| hiN^gUjIrakasahitaM vimalAmalakaM kapitthamatimadhuram.h | bisakhaNDA.NllAvaNayutAnmR^ityuJNjaya te.arpayAmi jagadIsha || 30|| elAshuNThIsahItaM dadhyannaM chAruhemapAtrastham.h | amR^itapratinidhimADhyaM mR^ityuJNjaya bhujyatAM trilokesha || 31|| jambIranIrAJNchitashR^iN^gaberaM manoharAnamlashalATukhaNDAn.h | mR^idUpada.nshAnsahasopabhuN^kShva mR^ityuJNaya shrIkaruNAsamudra || 32|| nAgararAmaThayuktaM sulalitajambIranIrasampUrNam.h | mathitaM saindhavasahitaM piba hara mR^ityuJNjaya kratudhva.nsin.h || 33|| mandArahemAmbujagandhayuktai\- rmandAkinInirmalapuNyatoyaiH | gR^ihANa mR^ityuJNjaya pUrNakAma shrImatparAposhanamabhrakesha || 34|| gaganadhunIvimalajalairmR^ityuJNjaya padmarAgapAtragataiH | mR^igamadachandanapUrNaM prakShAlaya chAru hastapadayugmam.h || 35|| puMnAgamallikAkundavAsitairjAhnavIjalaiH | mR^ityuJNjaya mahAdeva punarAchamanaM kuru || 36|| mauktikachUrNasametairmR^igamadaghanasAravAsitaiH pUgaiH | parNaiH svarNasamAnairmR^ityuJNjaya te.arpayAmi tAmbUlam.h || 37|| nIrAjanaM nirmaladIptimadbhi\- rdIpAN^kurairujjvalamuchChritaishcha | ghaNTAninAdena samarpayAmi mR^ityuJNjayAya tripurAntakAya || 38|| viriJNchimukhyAmarabR^indavandite sarojamatsyAN^kitachakrachihnite | dadAmi mR^ityuJNjaya pAdapaN^kaje phaNIndrabhUShe punararghyamIshvara || 39|| puMnAganIlotpalakundajAjI\- mandAramallIkaravIrapaN^kajaiH | puShpAJNjaliM bilvadalaistulasyA mR^ityuJNjayAN^ghrau viniveshayAmi || 40|| pade pade sarvatamonikR^intanaM pade pade sarvashubhapradAyakam.h | pradakShiNaM bhaktiyutena chetasA karomi mR^ityuJNjaya rakSha rakSha mAm.h || 41|| namo gaurIshAya sphaTikadhavalAN^gAya cha namo namo lokeshAya stutavibudhalokAya cha namaH | namaH shrIkaNThAya kShapitapuradaityAya cha namo namaH phAlAkShAya smaramadavinAshAya cha namaH || 42|| sa.nsAre janitAparogasahite tApatrayAkrandite nityaM putrakalatravittavilasatpAshairnibaddhaM dR^iDham.h | garvAndhaM bahupApavargasahitaM kAruNyadR^iShTyA vibho shrImR^ityuJNjaya pArvatIpriya sadA mAM pAhi sarveshvara || 43|| saudhe ratnamaye navotpaladalAkIrNe cha talpAntare kausheyena manohareNa dhavalenAchChAdite sarvashaH | karpUrAJNchitadIpadIptimilite ramyopadhAnadvaye pArvatyAH karapadmalAlitapadaM mR^ityuJNjayaM bhAvaye || 44|| chatushchatvAriMshadvilasadupachArairabhimatai\- rmanaH padme bhaktyA bahirapi cha pUjAM shubhakarIm.h | karoti pratyUShe nishi divasamadhye.api cha pumA\- nprayAti shrImR^ityuJNjayapadamanekAdbhutapadam.h || 45|| prAtarliN^gamumApateraharahaH sa.ndarshanAtsvargadaM madhyAhne hayamedhatulyaphaladaM sAya.ntane mokShadam.h | bhAnorastamaye pradoShasamaye paJNchAkSharArAdhanaM tatkAlatrayatulyamiShTaphaladaM sadyo.anavadyaM dR^iDham.h || 46|| || iti shrImachChaN^karabhagavataH kR^itau mR^ityuJNjayamAnasikapUjAstotraM sampUrNam.h || ## Encoded and proofread by P. P. Narayanaswami swami@math.mun.ca Proofread and corrected by Sunder Hattangadi sunderh@hotmail.com \medskip\hrule\obeylines Please send corrections to sanskrit@cheerful.com Last updated \today http://sanskritdocuments.org \end{document}