ശ്രീമൃത്യുഞ്ജയമാനസികപൂജാസ്തോത്രമ്
{॥ ശ്രീമൃത്യുഞ്ജയമാനസികപൂജാസ്തോത്രമ് ॥}
കൈലാസേ കമനീയരത്നഖചിതേ കല്പദ്രുമൂലേ സ്ഥിതം
കര്പൂരസ്ഫടികേന്ദുസുന്ദരതനും കാത്യായനീസേവിതമ് ।
ഗങ്ഗാതുങ്ഗതരങ്ഗരഞ്ജിതജടാഭാരം കൃപാസാഗരം
കണ്ഠാലംകൃതശേഷഭൂഷണമമും മൃത്യുഞ്ജയം ഭാവയേ ॥ ൧॥
ആഗത്യ മൃത്യുഞ്ജയ ചന്ദ്രമൌലേ
വ്യാഘ്രാജിനാലംകൃത ശൂലപാണേ ।
സ്വഭക്തസംരക്ഷണകാമധേനോ
പ്രസീദ വിശ്വേശ്വര പാര്വതീശ ॥ ൨॥
ഭാസ്വന്മൌക്തികതോരണേ മരകതസ്തമ്ഭായുധാലംകൃതേ
സൌധേ ധൂപസുവാസിതേ മണിമയേ മാണിക്യദീപാഞ്ചിതേ ।
ബ്രഹ്മേന്ദ്രാമരയോഗിപുങ്ഗവഗണൈര്യുക്തേ ച കല്പദ്രുമൈഃ
ശ്രീമൃത്യുഞ്ജയ സുസ്ഥിരോ ഭവ വിഭോ മാണിക്യസിംഹാസനേ ॥ ൩॥
മന്ദാരമല്ലീകരവീരമാധവീ-
പുന്നാഗനീലോത്പലചമ്പകാന്വിതൈഃ ।
കര്പൂരപാടീരസുവാസിതൈര്ജലൈ-
രാധത്സ്വ മൃത്യുഞ്ജയ പാദ്യമുത്തമമ് ॥ ൪॥
സുഗന്ധപുഷ്പപ്രകരൈഃ സുവാസിതൈ-
ര്വിയന്നദീശീതലവാരിഭിഃ ശുഭൈഃ ।
ത്രിലോകനാഥാര്തിഹരാര്ഘ്യമാദരാ-
ദ്ഗൃഹാണ മൃത്യുഞ്ജയ സര്വവന്ദിത ॥ ൫॥
ഹിമാമ്ബുവാസിതൈസ്തോയൈഃ ശീതലൈരതിപാവനൈഃ ।
മൃത്യുഞ്ജയ മഹാദേവ ശുദ്ധാചമനമാചര ॥ ൬॥
ഗുഡദധിസഹിതം മധുപ്രകീര്ണം
സുഘൃതസമന്വിതധേനുദുഗ്ധയുക്തമ് ।
ശുഭകര മധുപര്കമാഹര ത്വം
ത്രിനയന മൃത്യുഹര ത്രിലോകവന്ദ്യ ॥ ൭॥
പഞ്ചാസ്ര ശാന്ത പഞ്ചാസ്യ പഞ്ചപാതകസംഹര ।
പഞ്ചാമൃതസ്നാനമിദം കുരു മൃത്യുഞ്ജയ പ്രഭോ ॥ ൮॥
ജഗത്ത്രയീഖ്യാത സമസ്തതീര്ഥ-
സമാഹൃതൈഃ കല്മഷഹാരിഭിശ്ച ।
സ്നാനം സുതോയൈഃ സമുദാചര ത്വം
മൃത്യുഞ്ജയാനന്തഗുണാഭിരാമ ॥ ൯॥
ആനീതേനാതിശുഭ്രേണ കൌശേയേനാമരദ്രുമാത് ।
മാര്ജയാമി ജടാഭാരം ശിവ മൃത്യുഞ്ജയ പ്രഭോ ॥ ൧൦॥
നാനാഹേമവിചിത്രാണി ചീരചീനാമ്ബരാണി ച ।
വിവിധാനി ച ദിവ്യാനി മൃത്യുഞ്ജയ സുധാരയ ॥ ൧൧॥
വിശുദ്ധമുക്താഫലജാലരമ്യം
മനോഹരം കാഞ്ചനഹേമസൂത്രമ് ।
യജ്ഞോപവീതം പരമം പവിത്ര-
മാധത്സ്വ മൃത്യുഞ്ജയ ഭക്തിഗമ്യ ॥ ൧൨॥
ശ്രീഗന്ധം ഘനസാരകുങ്കുമയുതം കസ്തൂരികാപൂരിതം
കാലേയേന ഹിമാമ്ബുനാ വിരചിതം മന്ദാരസംവാസിതമ് ।
ദിവ്യം ദേവമനോഹരം മണിമയേ പാത്രേ സമാരോപിതം
സര്വാങ്ഗേഷു വിലേപയാമി സതതം മൃത്യുഞ്ജയ ശ്രീവിഭോ ॥ ൧൩॥
അക്ഷതൈര്ധവലൈര്ദിവ്യൈഃ സമ്യക്തിലസമന്വിതൈഃ ।
മൃത്യുഞ്ജയ മഹാദേവ പൂജയാമി വൃഷധ്വജ ॥ ൧൪॥
ചമ്പകപങ്കജകുരവകകുന്ദൈഃ കരവീരമല്ലികാകുസുമൈഃ ।
വിസ്താരയ നിജമകുടം മൃത്യുഞ്ജയ പുണ്ഡരീകനയനാപ്ത ॥ ൧൫॥
മാണിക്യപാദുകാദ്വന്ദ്വേ മൌനിഹൃത്പദ്മമന്ദിരേ ।
പാദൌ സത്പദ്മസദൃശൌ മൃത്യുഞ്ജയ നിവേശയ ॥ ൧൬॥
മാണിക്യകേയൂരകിരീടഹാരൈഃ
കാഞ്ചീമണിസ്ഥാപിതകുണ്ഡലൈശ്ച ।
മഞ്ജീരമുഖ്യാഭരണൈര്മനോജ്ഞൈ-
രങ്ഗാനി മൃത്യുഞ്ജയ ഭൂഷയാമി ॥ ൧൭॥
ഗജവദനസ്കന്ദധൃതേ-
നാതിസ്വച്ഛേന ചാമരയുഗേന ।
ഗലദലകാനനപദ്മം
മൃത്യുഞ്ജയ ഭാവയാമി ഹൃത്പദ്മേ ॥ ൧൮॥
മുക്താതപത്രം ശശികോടിശുഭ്രം
ശുഭപ്രദം കാഞ്ചനദണ്ഡയുക്തമ് ।
മാണിക്യസംസ്ഥാപിതഹേമകുമ്ഭം
സുരേശ മൃത്യുഞ്ജയ തേഽര്പയാമി ॥ ൧൯॥
മണിമുകുരേ നിഷ്പടലേ ത്രിജഗദ്ഗാഢാന്ധകാരസപ്താശ്വേ ।
കന്ദര്പകോടിസദൃശം മൃത്യുഞ്ജയ പശ്യ വദനമാത്മീയമ് ॥ ൨൦॥
കര്പൂരചൂര്ണം കപിലാജ്യപൂതം
ദാസ്യാമി കാലേയസമാന്വിതൈശ്ച ।
സമുദ്ഭവം പാവനഗന്ധധൂപിതം
മൃത്യുഞ്ജയാങ്ഗം പരികല്പയാമി ॥ ൨൧॥
വര്തിത്രയോപേതമഖണ്ഡദീപ്ത്യാ
തമോഹരം ബാഹ്യമഥാന്തരം ച ।
സാജ്യം സമസ്താമരവര്ഗഹൃദ്യം
സുരേശ മൃത്യുഞ്ജയ വംശദീപമ് ॥ ൨൨॥
രാജാന്നം മധുരാന്വിതം ച മൃദുലം മാണിക്യപാത്രേ സ്ഥിതം
ഹിങ്ഗൂജീരകസന്മരീചിമിലിതൈഃ ശാകൈരനേകൈഃ ശുഭൈഃ ।
ശാകം സമ്യഗപൂപസൂപസഹിതം സദ്യോഘൃതേനാപ്ലുതം
ശ്രീമൃത്യുഞ്ജയ പാര്വതീപ്രിയ വിഭോ സാപോശനം ഭുജ്യതാമ് ॥ ൨൩॥
കൂഷ്മാണ്ഡവാര്താകപടോലികാനാം
ഫലാനി രമ്യാണി ച കാരവല്ല്യാ ।
സുപാകയുക്താനി സസൌരഭാണി
ശ്രീകണ്ഠ മൃത്യുഞ്ജയ ഭക്ഷയേശ ॥ ൨൪॥
ശീതലം മധുരം സ്വച്ഛം പാവനം വാസിതം ലഘു ।
മധ്യേ സ്വീകുരു പാനീയം ശിവ മൃത്യുഞ്ജയ പ്രഭോ ॥ ൨൫॥
ശര്കരാമിലിതം സ്നിഗ്ധം ദുഗ്ധാന്നം ഗോഘൃതാന്വിതമ് ।
കദലീഫലസംമിശ്രം ഭുജ്യതാം മൃത്യുസംഹര ॥ ൨൬॥
കേവലമതിമാധുര്യം ദുഗ്ധൈഃ സ്നിഗ്ധൈശ്ച ശര്കരാമിലിതൈഃ ।
ഏലാമരീചമിലിതം മൃത്യുഞ്ജയ ദേവ ഭുങ്ക്ഷ്വ പരമാന്നമ് ॥ ൨൭॥
രമ്ഭാചൂതകപിത്ഥകണ്ഠകഫലൈര്ദ്രാക്ഷാരസാസ്വാദുമ-
ത്ഖര്ജൂരൈര്മധുരേക്ഷുഖണ്ഡശകലൈഃ സന്നാരികേലാമ്ബുഭിഃ ।
കര്പൂരേണ സുവാസിതൈര്ഗുഡജലൈര്മാധുര്യയുക്തൈര്വിഭോ
ശ്രീമൃത്യുഞ്ജയ പൂരയ ത്രിഭുവനാധാരം വിശാലോദരമ് ॥ ൨൮॥
മനോജ്ഞരമ്ഭാവനഖണ്ഡഖണ്ഡിതാ-
ന്രുചിപ്രദാന്സര്ഷപജീരകാംശ്ച ।
സസൌരഭാന്സൈന്ധവസേവിതാംശ്ച
ഗൃഹാണ മൃത്യുഞ്ജയ ലോകവന്ദ്യ ॥ ൨൯॥
ഹിങ്ഗൂജീരകസഹിതം വിമലാമലകം കപിത്ഥമതിമധുരമ് ।
ബിസഖണ്ഡാँല്ലാവണയുതാന്മൃത്യുഞ്ജയ തേഽര്പയാമി ജഗദീശ ॥ ൩൦॥
ഏലാശുണ്ഠീസഹീതം ദധ്യന്നം ചാരുഹേമപാത്രസ്ഥമ് ।
അമൃതപ്രതിനിധിമാഢ്യം മൃത്യുഞ്ജയ ഭുജ്യതാം ത്രിലോകേശ ॥ ൩൧॥
ജമ്ബീരനീരാഞ്ചിതശൃങ്ഗബേരം
മനോഹരാനമ്ലശലാടുഖണ്ഡാന് ।
മൃദൂപദംശാന്സഹസോപഭുങ്ക്ഷ്വ
മൃത്യുഞയ ശ്രീകരുണാസമുദ്ര ॥ ൩൨॥
നാഗരരാമഠയുക്തം സുലലിതജമ്ബീരനീരസമ്പൂര്ണമ് ।
മഥിതം സൈന്ധവസഹിതം പിബ ഹര മൃത്യുഞ്ജയ ക്രതുധ്വംസിന് ॥ ൩൩॥
മന്ദാരഹേമാമ്ബുജഗന്ധയുക്തൈ-
ര്മന്ദാകിനീനിര്മലപുണ്യതോയൈഃ ।
ഗൃഹാണ മൃത്യുഞ്ജയ പൂര്ണകാമ
ശ്രീമത്പരാപോശനമഭ്രകേശ ॥ ൩൪॥
ഗഗനധുനീവിമലജലൈര്മൃത്യുഞ്ജയ പദ്മരാഗപാത്രഗതൈഃ ।
മൃഗമദചന്ദനപൂര്ണം പ്രക്ഷാലയ ചാരു ഹസ്തപദയുഗ്മമ് ॥ ൩൫॥
പുംനാഗമല്ലികാകുന്ദവാസിതൈര്ജാഹ്നവീജലൈഃ ।
മൃത്യുഞ്ജയ മഹാദേവ പുനരാചമനം കുരു ॥ ൩൬॥
മൌക്തികചൂര്ണസമേതൈര്മൃഗമദഘനസാരവാസിതൈഃ പൂഗൈഃ ।
പര്ണൈഃ സ്വര്ണസമാനൈര്മൃത്യുഞ്ജയ തേഽര്പയാമി താമ്ബൂലമ് ॥ ൩൭॥
നീരാജനം നിര്മലദീപ്തിമദ്ഭി-
ര്ദീപാങ്കുരൈരുജ്ജ്വലമുച്ഛ്രിതൈശ്ച ।
ഘണ്ടാനിനാദേന സമര്പയാമി
മൃത്യുഞ്ജയായ ത്രിപുരാന്തകായ ॥ ൩൮॥
വിരിഞ്ചിമുഖ്യാമരബൃന്ദവന്ദിതേ
സരോജമത്സ്യാങ്കിതചക്രചിഹ്നിതേ ।
ദദാമി മൃത്യുഞ്ജയ പാദപങ്കജേ
ഫണീന്ദ്രഭൂഷേ പുനരര്ഘ്യമീശ്വര ॥ ൩൯॥
പുംനാഗനീലോത്പലകുന്ദജാജീ-
മന്ദാരമല്ലീകരവീരപങ്കജൈഃ ।
പുഷ്പാഞ്ജലിം ബില്വദലൈസ്തുലസ്യാ
മൃത്യുഞ്ജയാങ്ഘ്രൌ വിനിവേശയാമി ॥ ൪൦॥
പദേ പദേ സര്വതമോനികൃന്തനം
പദേ പദേ സര്വശുഭപ്രദായകമ് ।
പ്രദക്ഷിണം ഭക്തിയുതേന ചേതസാ
കരോമി മൃത്യുഞ്ജയ രക്ഷ രക്ഷ മാമ് ॥ ൪൧॥
നമോ ഗൌരീശായ സ്ഫടികധവലാങ്ഗായ ച നമോ
നമോ ലോകേശായ സ്തുതവിബുധലോകായ ച നമഃ ।
നമഃ ശ്രീകണ്ഠായ ക്ഷപിതപുരദൈത്യായ ച നമോ
നമഃ ഫാലാക്ഷായ സ്മരമദവിനാശായ ച നമഃ ॥ ൪൨॥
സംസാരേ ജനിതാപരോഗസഹിതേ താപത്രയാക്രന്ദിതേ
നിത്യം പുത്രകലത്രവിത്തവിലസത്പാശൈര്നിബദ്ധം ദൃഢമ് ।
ഗര്വാന്ധം ബഹുപാപവര്ഗസഹിതം കാരുണ്യദൃഷ്ട്യാ വിഭോ
ശ്രീമൃത്യുഞ്ജയ പാര്വതീപ്രിയ സദാ മാം പാഹി സര്വേശ്വര ॥ ൪൩॥
സൌധേ രത്നമയേ നവോത്പലദലാകീര്ണേ ച തല്പാന്തരേ
കൌശേയേന മനോഹരേണ ധവലേനാച്ഛാദിതേ സര്വശഃ ।
കര്പൂരാഞ്ചിതദീപദീപ്തിമിലിതേ രമ്യോപധാനദ്വയേ
പാര്വത്യാഃ കരപദ്മലാലിതപദം മൃത്യുഞ്ജയം ഭാവയേ ॥ ൪൪॥
ചതുശ്ചത്വാരിംശദ്വിലസദുപചാരൈരഭിമതൈ-
ര്മനഃ പദ്മേ ഭക്ത്യാ ബഹിരപി ച പൂജാം ശുഭകരീമ് ।
കരോതി പ്രത്യൂഷേ നിശി ദിവസമധ്യേഽപി ച പുമാ-
ന്പ്രയാതി ശ്രീമൃത്യുഞ്ജയപദമനേകാദ്ഭുതപദമ് ॥ ൪൫॥
പ്രാതര്ലിങ്ഗമുമാപതേരഹരഹഃ സംദര്ശനാത്സ്വര്ഗദം
മധ്യാഹ്നേ ഹയമേധതുല്യഫലദം സായംതനേ മോക്ഷദമ് ।
ഭാനോരസ്തമയേ പ്രദോഷസമയേ പഞ്ചാക്ഷരാരാധനം
തത്കാലത്രയതുല്യമിഷ്ടഫലദം സദ്യോഽനവദ്യം ദൃഢമ് ॥ ൪൬॥
॥ ഇതി ശ്രീമച്ഛങ്കരഭഗവതഃ കൃതൌ
മൃത്യുഞ്ജയമാനസികപൂജാസ്തോത്രം സമ്പൂര്ണമ് ॥
Encoded and proofread by P. P. Narayanaswami swami@math.mun.ca
Proofread and corrected by Sunder Hattangadi sunderh@hotmail.com
Please send corrections to sanskrit@cheerful.com
Last updated ത്oday
http://sanskritdocuments.org
കൈലാസേ കമനീയരത്നഖചിതേ കല്പദ്രുമൂലേ സ്ഥിതം
കര്പൂരസ്ഫടികേന്ദുസുന്ദരതനും കാത്യായനീസേവിതമ് ।
ഗങ്ഗാതുങ്ഗതരങ്ഗരഞ്ജിതജടാഭാരം കൃപാസാഗരം
കണ്ഠാലംകൃതശേഷഭൂഷണമമും മൃത്യുഞ്ജയം ഭാവയേ ॥ ൧॥
ആഗത്യ മൃത്യുഞ്ജയ ചന്ദ്രമൌലേ
വ്യാഘ്രാജിനാലംകൃത ശൂലപാണേ ।
സ്വഭക്തസംരക്ഷണകാമധേനോ
പ്രസീദ വിശ്വേശ്വര പാര്വതീശ ॥ ൨॥
ഭാസ്വന്മൌക്തികതോരണേ മരകതസ്തമ്ഭായുധാലംകൃതേ
സൌധേ ധൂപസുവാസിതേ മണിമയേ മാണിക്യദീപാഞ്ചിതേ ।
ബ്രഹ്മേന്ദ്രാമരയോഗിപുങ്ഗവഗണൈര്യുക്തേ ച കല്പദ്രുമൈഃ
ശ്രീമൃത്യുഞ്ജയ സുസ്ഥിരോ ഭവ വിഭോ മാണിക്യസിംഹാസനേ ॥ ൩॥
മന്ദാരമല്ലീകരവീരമാധവീ-
പുന്നാഗനീലോത്പലചമ്പകാന്വിതൈഃ ।
കര്പൂരപാടീരസുവാസിതൈര്ജലൈ-
രാധത്സ്വ മൃത്യുഞ്ജയ പാദ്യമുത്തമമ് ॥ ൪॥
സുഗന്ധപുഷ്പപ്രകരൈഃ സുവാസിതൈ-
ര്വിയന്നദീശീതലവാരിഭിഃ ശുഭൈഃ ।
ത്രിലോകനാഥാര്തിഹരാര്ഘ്യമാദരാ-
ദ്ഗൃഹാണ മൃത്യുഞ്ജയ സര്വവന്ദിത ॥ ൫॥
ഹിമാമ്ബുവാസിതൈസ്തോയൈഃ ശീതലൈരതിപാവനൈഃ ।
മൃത്യുഞ്ജയ മഹാദേവ ശുദ്ധാചമനമാചര ॥ ൬॥
ഗുഡദധിസഹിതം മധുപ്രകീര്ണം
സുഘൃതസമന്വിതധേനുദുഗ്ധയുക്തമ് ।
ശുഭകര മധുപര്കമാഹര ത്വം
ത്രിനയന മൃത്യുഹര ത്രിലോകവന്ദ്യ ॥ ൭॥
പഞ്ചാസ്ര ശാന്ത പഞ്ചാസ്യ പഞ്ചപാതകസംഹര ।
പഞ്ചാമൃതസ്നാനമിദം കുരു മൃത്യുഞ്ജയ പ്രഭോ ॥ ൮॥
ജഗത്ത്രയീഖ്യാത സമസ്തതീര്ഥ-
സമാഹൃതൈഃ കല്മഷഹാരിഭിശ്ച ।
സ്നാനം സുതോയൈഃ സമുദാചര ത്വം
മൃത്യുഞ്ജയാനന്തഗുണാഭിരാമ ॥ ൯॥
ആനീതേനാതിശുഭ്രേണ കൌശേയേനാമരദ്രുമാത് ।
മാര്ജയാമി ജടാഭാരം ശിവ മൃത്യുഞ്ജയ പ്രഭോ ॥ ൧൦॥
നാനാഹേമവിചിത്രാണി ചീരചീനാമ്ബരാണി ച ।
വിവിധാനി ച ദിവ്യാനി മൃത്യുഞ്ജയ സുധാരയ ॥ ൧൧॥
വിശുദ്ധമുക്താഫലജാലരമ്യം
മനോഹരം കാഞ്ചനഹേമസൂത്രമ് ।
യജ്ഞോപവീതം പരമം പവിത്ര-
മാധത്സ്വ മൃത്യുഞ്ജയ ഭക്തിഗമ്യ ॥ ൧൨॥
ശ്രീഗന്ധം ഘനസാരകുങ്കുമയുതം കസ്തൂരികാപൂരിതം
കാലേയേന ഹിമാമ്ബുനാ വിരചിതം മന്ദാരസംവാസിതമ് ।
ദിവ്യം ദേവമനോഹരം മണിമയേ പാത്രേ സമാരോപിതം
സര്വാങ്ഗേഷു വിലേപയാമി സതതം മൃത്യുഞ്ജയ ശ്രീവിഭോ ॥ ൧൩॥
അക്ഷതൈര്ധവലൈര്ദിവ്യൈഃ സമ്യക്തിലസമന്വിതൈഃ ।
മൃത്യുഞ്ജയ മഹാദേവ പൂജയാമി വൃഷധ്വജ ॥ ൧൪॥
ചമ്പകപങ്കജകുരവകകുന്ദൈഃ കരവീരമല്ലികാകുസുമൈഃ ।
വിസ്താരയ നിജമകുടം മൃത്യുഞ്ജയ പുണ്ഡരീകനയനാപ്ത ॥ ൧൫॥
മാണിക്യപാദുകാദ്വന്ദ്വേ മൌനിഹൃത്പദ്മമന്ദിരേ ।
പാദൌ സത്പദ്മസദൃശൌ മൃത്യുഞ്ജയ നിവേശയ ॥ ൧൬॥
മാണിക്യകേയൂരകിരീടഹാരൈഃ
കാഞ്ചീമണിസ്ഥാപിതകുണ്ഡലൈശ്ച ।
മഞ്ജീരമുഖ്യാഭരണൈര്മനോജ്ഞൈ-
രങ്ഗാനി മൃത്യുഞ്ജയ ഭൂഷയാമി ॥ ൧൭॥
ഗജവദനസ്കന്ദധൃതേ-
നാതിസ്വച്ഛേന ചാമരയുഗേന ।
ഗലദലകാനനപദ്മം
മൃത്യുഞ്ജയ ഭാവയാമി ഹൃത്പദ്മേ ॥ ൧൮॥
മുക്താതപത്രം ശശികോടിശുഭ്രം
ശുഭപ്രദം കാഞ്ചനദണ്ഡയുക്തമ് ।
മാണിക്യസംസ്ഥാപിതഹേമകുമ്ഭം
സുരേശ മൃത്യുഞ്ജയ തേഽര്പയാമി ॥ ൧൯॥
മണിമുകുരേ നിഷ്പടലേ ത്രിജഗദ്ഗാഢാന്ധകാരസപ്താശ്വേ ।
കന്ദര്പകോടിസദൃശം മൃത്യുഞ്ജയ പശ്യ വദനമാത്മീയമ് ॥ ൨൦॥
കര്പൂരചൂര്ണം കപിലാജ്യപൂതം
ദാസ്യാമി കാലേയസമാന്വിതൈശ്ച ।
സമുദ്ഭവം പാവനഗന്ധധൂപിതം
മൃത്യുഞ്ജയാങ്ഗം പരികല്പയാമി ॥ ൨൧॥
വര്തിത്രയോപേതമഖണ്ഡദീപ്ത്യാ
തമോഹരം ബാഹ്യമഥാന്തരം ച ।
സാജ്യം സമസ്താമരവര്ഗഹൃദ്യം
സുരേശ മൃത്യുഞ്ജയ വംശദീപമ് ॥ ൨൨॥
രാജാന്നം മധുരാന്വിതം ച മൃദുലം മാണിക്യപാത്രേ സ്ഥിതം
ഹിങ്ഗൂജീരകസന്മരീചിമിലിതൈഃ ശാകൈരനേകൈഃ ശുഭൈഃ ।
ശാകം സമ്യഗപൂപസൂപസഹിതം സദ്യോഘൃതേനാപ്ലുതം
ശ്രീമൃത്യുഞ്ജയ പാര്വതീപ്രിയ വിഭോ സാപോശനം ഭുജ്യതാമ് ॥ ൨൩॥
കൂഷ്മാണ്ഡവാര്താകപടോലികാനാം
ഫലാനി രമ്യാണി ച കാരവല്ല്യാ ।
സുപാകയുക്താനി സസൌരഭാണി
ശ്രീകണ്ഠ മൃത്യുഞ്ജയ ഭക്ഷയേശ ॥ ൨൪॥
ശീതലം മധുരം സ്വച്ഛം പാവനം വാസിതം ലഘു ।
മധ്യേ സ്വീകുരു പാനീയം ശിവ മൃത്യുഞ്ജയ പ്രഭോ ॥ ൨൫॥
ശര്കരാമിലിതം സ്നിഗ്ധം ദുഗ്ധാന്നം ഗോഘൃതാന്വിതമ് ।
കദലീഫലസംമിശ്രം ഭുജ്യതാം മൃത്യുസംഹര ॥ ൨൬॥
കേവലമതിമാധുര്യം ദുഗ്ധൈഃ സ്നിഗ്ധൈശ്ച ശര്കരാമിലിതൈഃ ।
ഏലാമരീചമിലിതം മൃത്യുഞ്ജയ ദേവ ഭുങ്ക്ഷ്വ പരമാന്നമ് ॥ ൨൭॥
രമ്ഭാചൂതകപിത്ഥകണ്ഠകഫലൈര്ദ്രാക്ഷാരസാസ്വാദുമ-
ത്ഖര്ജൂരൈര്മധുരേക്ഷുഖണ്ഡശകലൈഃ സന്നാരികേലാമ്ബുഭിഃ ।
കര്പൂരേണ സുവാസിതൈര്ഗുഡജലൈര്മാധുര്യയുക്തൈര്വിഭോ
ശ്രീമൃത്യുഞ്ജയ പൂരയ ത്രിഭുവനാധാരം വിശാലോദരമ് ॥ ൨൮॥
മനോജ്ഞരമ്ഭാവനഖണ്ഡഖണ്ഡിതാ-
ന്രുചിപ്രദാന്സര്ഷപജീരകാംശ്ച ।
സസൌരഭാന്സൈന്ധവസേവിതാംശ്ച
ഗൃഹാണ മൃത്യുഞ്ജയ ലോകവന്ദ്യ ॥ ൨൯॥
ഹിങ്ഗൂജീരകസഹിതം വിമലാമലകം കപിത്ഥമതിമധുരമ് ।
ബിസഖണ്ഡാँല്ലാവണയുതാന്മൃത്യുഞ്ജയ തേഽര്പയാമി ജഗദീശ ॥ ൩൦॥
ഏലാശുണ്ഠീസഹീതം ദധ്യന്നം ചാരുഹേമപാത്രസ്ഥമ് ।
അമൃതപ്രതിനിധിമാഢ്യം മൃത്യുഞ്ജയ ഭുജ്യതാം ത്രിലോകേശ ॥ ൩൧॥
ജമ്ബീരനീരാഞ്ചിതശൃങ്ഗബേരം
മനോഹരാനമ്ലശലാടുഖണ്ഡാന് ।
മൃദൂപദംശാന്സഹസോപഭുങ്ക്ഷ്വ
മൃത്യുഞയ ശ്രീകരുണാസമുദ്ര ॥ ൩൨॥
നാഗരരാമഠയുക്തം സുലലിതജമ്ബീരനീരസമ്പൂര്ണമ് ।
മഥിതം സൈന്ധവസഹിതം പിബ ഹര മൃത്യുഞ്ജയ ക്രതുധ്വംസിന് ॥ ൩൩॥
മന്ദാരഹേമാമ്ബുജഗന്ധയുക്തൈ-
ര്മന്ദാകിനീനിര്മലപുണ്യതോയൈഃ ।
ഗൃഹാണ മൃത്യുഞ്ജയ പൂര്ണകാമ
ശ്രീമത്പരാപോശനമഭ്രകേശ ॥ ൩൪॥
ഗഗനധുനീവിമലജലൈര്മൃത്യുഞ്ജയ പദ്മരാഗപാത്രഗതൈഃ ।
മൃഗമദചന്ദനപൂര്ണം പ്രക്ഷാലയ ചാരു ഹസ്തപദയുഗ്മമ് ॥ ൩൫॥
പുംനാഗമല്ലികാകുന്ദവാസിതൈര്ജാഹ്നവീജലൈഃ ।
മൃത്യുഞ്ജയ മഹാദേവ പുനരാചമനം കുരു ॥ ൩൬॥
മൌക്തികചൂര്ണസമേതൈര്മൃഗമദഘനസാരവാസിതൈഃ പൂഗൈഃ ।
പര്ണൈഃ സ്വര്ണസമാനൈര്മൃത്യുഞ്ജയ തേഽര്പയാമി താമ്ബൂലമ് ॥ ൩൭॥
നീരാജനം നിര്മലദീപ്തിമദ്ഭി-
ര്ദീപാങ്കുരൈരുജ്ജ്വലമുച്ഛ്രിതൈശ്ച ।
ഘണ്ടാനിനാദേന സമര്പയാമി
മൃത്യുഞ്ജയായ ത്രിപുരാന്തകായ ॥ ൩൮॥
വിരിഞ്ചിമുഖ്യാമരബൃന്ദവന്ദിതേ
സരോജമത്സ്യാങ്കിതചക്രചിഹ്നിതേ ।
ദദാമി മൃത്യുഞ്ജയ പാദപങ്കജേ
ഫണീന്ദ്രഭൂഷേ പുനരര്ഘ്യമീശ്വര ॥ ൩൯॥
പുംനാഗനീലോത്പലകുന്ദജാജീ-
മന്ദാരമല്ലീകരവീരപങ്കജൈഃ ।
പുഷ്പാഞ്ജലിം ബില്വദലൈസ്തുലസ്യാ
മൃത്യുഞ്ജയാങ്ഘ്രൌ വിനിവേശയാമി ॥ ൪൦॥
പദേ പദേ സര്വതമോനികൃന്തനം
പദേ പദേ സര്വശുഭപ്രദായകമ് ।
പ്രദക്ഷിണം ഭക്തിയുതേന ചേതസാ
കരോമി മൃത്യുഞ്ജയ രക്ഷ രക്ഷ മാമ് ॥ ൪൧॥
നമോ ഗൌരീശായ സ്ഫടികധവലാങ്ഗായ ച നമോ
നമോ ലോകേശായ സ്തുതവിബുധലോകായ ച നമഃ ।
നമഃ ശ്രീകണ്ഠായ ക്ഷപിതപുരദൈത്യായ ച നമോ
നമഃ ഫാലാക്ഷായ സ്മരമദവിനാശായ ച നമഃ ॥ ൪൨॥
സംസാരേ ജനിതാപരോഗസഹിതേ താപത്രയാക്രന്ദിതേ
നിത്യം പുത്രകലത്രവിത്തവിലസത്പാശൈര്നിബദ്ധം ദൃഢമ് ।
ഗര്വാന്ധം ബഹുപാപവര്ഗസഹിതം കാരുണ്യദൃഷ്ട്യാ വിഭോ
ശ്രീമൃത്യുഞ്ജയ പാര്വതീപ്രിയ സദാ മാം പാഹി സര്വേശ്വര ॥ ൪൩॥
സൌധേ രത്നമയേ നവോത്പലദലാകീര്ണേ ച തല്പാന്തരേ
കൌശേയേന മനോഹരേണ ധവലേനാച്ഛാദിതേ സര്വശഃ ।
കര്പൂരാഞ്ചിതദീപദീപ്തിമിലിതേ രമ്യോപധാനദ്വയേ
പാര്വത്യാഃ കരപദ്മലാലിതപദം മൃത്യുഞ്ജയം ഭാവയേ ॥ ൪൪॥
ചതുശ്ചത്വാരിംശദ്വിലസദുപചാരൈരഭിമതൈ-
ര്മനഃ പദ്മേ ഭക്ത്യാ ബഹിരപി ച പൂജാം ശുഭകരീമ് ।
കരോതി പ്രത്യൂഷേ നിശി ദിവസമധ്യേഽപി ച പുമാ-
ന്പ്രയാതി ശ്രീമൃത്യുഞ്ജയപദമനേകാദ്ഭുതപദമ് ॥ ൪൫॥
പ്രാതര്ലിങ്ഗമുമാപതേരഹരഹഃ സംദര്ശനാത്സ്വര്ഗദം
മധ്യാഹ്നേ ഹയമേധതുല്യഫലദം സായംതനേ മോക്ഷദമ് ।
ഭാനോരസ്തമയേ പ്രദോഷസമയേ പഞ്ചാക്ഷരാരാധനം
തത്കാലത്രയതുല്യമിഷ്ടഫലദം സദ്യോഽനവദ്യം ദൃഢമ് ॥ ൪൬॥
॥ ഇതി ശ്രീമച്ഛങ്കരഭഗവതഃ കൃതൌ
മൃത്യുഞ്ജയമാനസികപൂജാസ്തോത്രം സമ്പൂര്ണമ് ॥
Encoded and proofread by P. P. Narayanaswami swami@math.mun.ca
Proofread and corrected by Sunder Hattangadi sunderh@hotmail.com
Please send corrections to sanskrit@cheerful.com
Last updated ത്oday
http://sanskritdocuments.org
Mrutyunjaya Manasika Puja Stotram Lyrics in Malayalam PDF
% File name : mrtyumaanasa.itx
% Category : pUjA
% Location : doc\_shiva
% Language : Sanskrit
% Subject : philosophy/hinduism/religion
% Transliterated by : P. P. Narayanaswami swami at math.mun.ca
% Proofread by : Narayanaswami and Sunder Hattangadi sunderh at hotmail.com
% Latest update : July 25, 2008
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : mrtyumaanasa.itx
% Category : pUjA
% Location : doc\_shiva
% Language : Sanskrit
% Subject : philosophy/hinduism/religion
% Transliterated by : P. P. Narayanaswami swami at math.mun.ca
% Proofread by : Narayanaswami and Sunder Hattangadi sunderh at hotmail.com
% Latest update : July 25, 2008
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website