ଶ୍ରୀମୃତ୍ଯୁଞ୍ଜଯମାନସିକପୂଜାସ୍ତୋତ୍ରମ୍
{॥ ଶ୍ରୀମୃତ୍ଯୁଞ୍ଜଯମାନସିକପୂଜାସ୍ତୋତ୍ରମ୍ ॥}
କୈଲାସେ କମନୀଯରତ୍ନଖଚିତେ କଲ୍ପଦ୍ରୁମୂଲେ ସ୍ଥିତଂ
କର୍ପୂରସ୍ଫଟିକେନ୍ଦୁସୁନ୍ଦରତନୁଂ କାତ୍ଯାଯନୀସେଵିତମ୍ ।
ଗଙ୍ଗାତୁଙ୍ଗତରଙ୍ଗରଞ୍ଜିତଜଟାଭାରଂ କୃପାସାଗରଂ
କଣ୍ଠାଲଂକୃତଶେଷଭୂଷଣମମୁଂ ମୃତ୍ଯୁଞ୍ଜଯଂ ଭାଵଯେ ॥ ୧॥
ଆଗତ୍ଯ ମୃତ୍ଯୁଞ୍ଜଯ ଚନ୍ଦ୍ରମୌଲେ
ଵ୍ଯାଘ୍ରାଜିନାଲଂକୃତ ଶୂଲପାଣେ ।
ସ୍ଵଭକ୍ତସଂରକ୍ଷଣକାମଧେନୋ
ପ୍ରସୀଦ ଵିଶ୍ଵେଶ୍ଵର ପାର୍ଵତୀଶ ॥ ୨॥
ଭାସ୍ଵନ୍ମୌକ୍ତିକତୋରଣେ ମରକତସ୍ତମ୍ଭାଯୁଧାଲଂକୃତେ
ସୌଧେ ଧୂପସୁଵାସିତେ ମଣିମଯେ ମାଣିକ୍ଯଦୀପାଞ୍ଚିତେ ।
ବ୍ରହ୍ମେନ୍ଦ୍ରାମରଯୋଗିପୁଙ୍ଗଵଗଣୈର୍ଯୁକ୍ତେ ଚ କଲ୍ପଦ୍ରୁମୈଃ
ଶ୍ରୀମୃତ୍ଯୁଞ୍ଜଯ ସୁସ୍ଥିରୋ ଭଵ ଵିଭୋ ମାଣିକ୍ଯସିଂହାସନେ ॥ ୩॥
ମନ୍ଦାରମଲ୍ଲୀକରଵୀରମାଧଵୀ-
ପୁନ୍ନାଗନୀଲୋତ୍ପଲଚମ୍ପକାନ୍ଵିତୈଃ ।
କର୍ପୂରପାଟୀରସୁଵାସିତୈର୍ଜଲୈ-
ରାଧତ୍ସ୍ଵ ମୃତ୍ଯୁଞ୍ଜଯ ପାଦ୍ଯମୁତ୍ତମମ୍ ॥ ୪॥
ସୁଗନ୍ଧପୁଷ୍ପପ୍ରକରୈଃ ସୁଵାସିତୈ-
ର୍ଵିଯନ୍ନଦୀଶୀତଲଵାରିଭିଃ ଶୁଭୈଃ ।
ତ୍ରିଲୋକନାଥାର୍ତିହରାର୍ଘ୍ଯମାଦରା-
ଦ୍ଗୃହାଣ ମୃତ୍ଯୁଞ୍ଜଯ ସର୍ଵଵନ୍ଦିତ ॥ ୫॥
ହିମାମ୍ବୁଵାସିତୈସ୍ତୋଯୈଃ ଶୀତଲୈରତିପାଵନୈଃ ।
ମୃତ୍ଯୁଞ୍ଜଯ ମହାଦେଵ ଶୁଦ୍ଧାଚମନମାଚର ॥ ୬॥
ଗୁଡଦଧିସହିତଂ ମଧୁପ୍ରକୀର୍ଣଂ
ସୁଘୃତସମନ୍ଵିତଧେନୁଦୁଗ୍ଧଯୁକ୍ତମ୍ ।
ଶୁଭକର ମଧୁପର୍କମାହର ତ୍ଵଂ
ତ୍ରିନଯନ ମୃତ୍ଯୁହର ତ୍ରିଲୋକଵନ୍ଦ୍ଯ ॥ ୭॥
ପଞ୍ଚାସ୍ର ଶାନ୍ତ ପଞ୍ଚାସ୍ଯ ପଞ୍ଚପାତକସଂହର ।
ପଞ୍ଚାମୃତସ୍ନାନମିଦଂ କୁରୁ ମୃତ୍ଯୁଞ୍ଜଯ ପ୍ରଭୋ ॥ ୮॥
ଜଗତ୍ତ୍ରଯୀଖ୍ଯାତ ସମସ୍ତତୀର୍ଥ-
ସମାହୃତୈଃ କଲ୍ମଷହାରିଭିଶ୍ଚ ।
ସ୍ନାନଂ ସୁତୋଯୈଃ ସମୁଦାଚର ତ୍ଵଂ
ମୃତ୍ଯୁଞ୍ଜଯାନନ୍ତଗୁଣାଭିରାମ ॥ ୯॥
ଆନୀତେନାତିଶୁଭ୍ରେଣ କୌଶେଯେନାମରଦ୍ରୁମାତ୍ ।
ମାର୍ଜଯାମି ଜଟାଭାରଂ ଶିଵ ମୃତ୍ଯୁଞ୍ଜଯ ପ୍ରଭୋ ॥ ୧୦॥
ନାନାହେମଵିଚିତ୍ରାଣି ଚୀରଚୀନାମ୍ବରାଣି ଚ ।
ଵିଵିଧାନି ଚ ଦିଵ୍ଯାନି ମୃତ୍ଯୁଞ୍ଜଯ ସୁଧାରଯ ॥ ୧୧॥
ଵିଶୁଦ୍ଧମୁକ୍ତାଫଲଜାଲରମ୍ଯଂ
ମନୋହରଂ କାଞ୍ଚନହେମସୂତ୍ରମ୍ ।
ଯଜ୍ଞୋପଵୀତଂ ପରମଂ ପଵିତ୍ର-
ମାଧତ୍ସ୍ଵ ମୃତ୍ଯୁଞ୍ଜଯ ଭକ୍ତିଗମ୍ଯ ॥ ୧୨॥
ଶ୍ରୀଗନ୍ଧଂ ଘନସାରକୁଙ୍କୁମଯୁତଂ କସ୍ତୂରିକାପୂରିତଂ
କାଲେଯେନ ହିମାମ୍ବୁନା ଵିରଚିତଂ ମନ୍ଦାରସଂଵାସିତମ୍ ।
ଦିଵ୍ଯଂ ଦେଵମନୋହରଂ ମଣିମଯେ ପାତ୍ରେ ସମାରୋପିତଂ
ସର୍ଵାଙ୍ଗେଷୁ ଵିଲେପଯାମି ସତତଂ ମୃତ୍ଯୁଞ୍ଜଯ ଶ୍ରୀଵିଭୋ ॥ ୧୩॥
ଅକ୍ଷତୈର୍ଧଵଲୈର୍ଦିଵ୍ଯୈଃ ସମ୍ଯକ୍ତିଲସମନ୍ଵିତୈଃ ।
ମୃତ୍ଯୁଞ୍ଜଯ ମହାଦେଵ ପୂଜଯାମି ଵୃଷଧ୍ଵଜ ॥ ୧୪॥
ଚମ୍ପକପଙ୍କଜକୁରଵକକୁନ୍ଦୈଃ କରଵୀରମଲ୍ଲିକାକୁସୁମୈଃ ।
ଵିସ୍ତାରଯ ନିଜମକୁଟଂ ମୃତ୍ଯୁଞ୍ଜଯ ପୁଣ୍ଡରୀକନଯନାପ୍ତ ॥ ୧୫॥
ମାଣିକ୍ଯପାଦୁକାଦ୍ଵନ୍ଦ୍ଵେ ମୌନିହୃତ୍ପଦ୍ମମନ୍ଦିରେ ।
ପାଦୌ ସତ୍ପଦ୍ମସଦୃଶୌ ମୃତ୍ଯୁଞ୍ଜଯ ନିଵେଶଯ ॥ ୧୬॥
ମାଣିକ୍ଯକେଯୂରକିରୀଟହାରୈଃ
କାଞ୍ଚୀମଣିସ୍ଥାପିତକୁଣ୍ଡଲୈଶ୍ଚ ।
ମଞ୍ଜୀରମୁଖ୍ଯାଭରଣୈର୍ମନୋଜ୍ଞୈ-
ରଙ୍ଗାନି ମୃତ୍ଯୁଞ୍ଜଯ ଭୂଷଯାମି ॥ ୧୭॥
ଗଜଵଦନସ୍କନ୍ଦଧୃତେ-
ନାତିସ୍ଵଚ୍ଛେନ ଚାମରଯୁଗେନ ।
ଗଲଦଲକାନନପଦ୍ମଂ
ମୃତ୍ଯୁଞ୍ଜଯ ଭାଵଯାମି ହୃତ୍ପଦ୍ମେ ॥ ୧୮॥
ମୁକ୍ତାତପତ୍ରଂ ଶଶିକୋଟିଶୁଭ୍ରଂ
ଶୁଭପ୍ରଦଂ କାଞ୍ଚନଦଣ୍ଡଯୁକ୍ତମ୍ ।
ମାଣିକ୍ଯସଂସ୍ଥାପିତହେମକୁମ୍ଭଂ
ସୁରେଶ ମୃତ୍ଯୁଞ୍ଜଯ ତେଽର୍ପଯାମି ॥ ୧୯॥
ମଣିମୁକୁରେ ନିଷ୍ପଟଲେ ତ୍ରିଜଗଦ୍ଗାଢାନ୍ଧକାରସପ୍ତାଶ୍ଵେ ।
କନ୍ଦର୍ପକୋଟିସଦୃଶଂ ମୃତ୍ଯୁଞ୍ଜଯ ପଶ୍ଯ ଵଦନମାତ୍ମୀଯମ୍ ॥ ୨୦॥
କର୍ପୂରଚୂର୍ଣଂ କପିଲାଜ୍ଯପୂତଂ
ଦାସ୍ଯାମି କାଲେଯସମାନ୍ଵିତୈଶ୍ଚ ।
ସମୁଦ୍ଭଵଂ ପାଵନଗନ୍ଧଧୂପିତଂ
ମୃତ୍ଯୁଞ୍ଜଯାଙ୍ଗଂ ପରିକଲ୍ପଯାମି ॥ ୨୧॥
ଵର୍ତିତ୍ରଯୋପେତମଖଣ୍ଡଦୀପ୍ତ୍ଯା
ତମୋହରଂ ବାହ୍ଯମଥାନ୍ତରଂ ଚ ।
ସାଜ୍ଯଂ ସମସ୍ତାମରଵର୍ଗହୃଦ୍ଯଂ
ସୁରେଶ ମୃତ୍ଯୁଞ୍ଜଯ ଵଂଶଦୀପମ୍ ॥ ୨୨॥
ରାଜାନ୍ନଂ ମଧୁରାନ୍ଵିତଂ ଚ ମୃଦୁଲଂ ମାଣିକ୍ଯପାତ୍ରେ ସ୍ଥିତଂ
ହିଙ୍ଗୂଜୀରକସନ୍ମରୀଚିମିଲିତୈଃ ଶାକୈରନେକୈଃ ଶୁଭୈଃ ।
ଶାକଂ ସମ୍ଯଗପୂପସୂପସହିତଂ ସଦ୍ଯୋଘୃତେନାପ୍ଲୁତଂ
ଶ୍ରୀମୃତ୍ଯୁଞ୍ଜଯ ପାର୍ଵତୀପ୍ରିଯ ଵିଭୋ ସାପୋଶନଂ ଭୁଜ୍ଯତାମ୍ ॥ ୨୩॥
କୂଷ୍ମାଣ୍ଡଵାର୍ତାକପଟୋଲିକାନାଂ
ଫଲାନି ରମ୍ଯାଣି ଚ କାରଵଲ୍ଲ୍ଯା ।
ସୁପାକଯୁକ୍ତାନି ସସୌରଭାଣି
ଶ୍ରୀକଣ୍ଠ ମୃତ୍ଯୁଞ୍ଜଯ ଭକ୍ଷଯେଶ ॥ ୨୪॥
ଶୀତଲଂ ମଧୁରଂ ସ୍ଵଚ୍ଛଂ ପାଵନଂ ଵାସିତଂ ଲଘୁ ।
ମଧ୍ଯେ ସ୍ଵୀକୁରୁ ପାନୀଯଂ ଶିଵ ମୃତ୍ଯୁଞ୍ଜଯ ପ୍ରଭୋ ॥ ୨୫॥
ଶର୍କରାମିଲିତଂ ସ୍ନିଗ୍ଧଂ ଦୁଗ୍ଧାନ୍ନଂ ଗୋଘୃତାନ୍ଵିତମ୍ ।
କଦଲୀଫଲସଂମିଶ୍ରଂ ଭୁଜ୍ଯତାଂ ମୃତ୍ଯୁସଂହର ॥ ୨୬॥
କେଵଲମତିମାଧୁର୍ଯଂ ଦୁଗ୍ଧୈଃ ସ୍ନିଗ୍ଧୈଶ୍ଚ ଶର୍କରାମିଲିତୈଃ ।
ଏଲାମରୀଚମିଲିତଂ ମୃତ୍ଯୁଞ୍ଜଯ ଦେଵ ଭୁଙ୍କ୍ଷ୍ଵ ପରମାନ୍ନମ୍ ॥ ୨୭॥
ରମ୍ଭାଚୂତକପିତ୍ଥକଣ୍ଠକଫଲୈର୍ଦ୍ରାକ୍ଷାରସାସ୍ଵାଦୁମ-
ତ୍ଖର୍ଜୂରୈର୍ମଧୁରେକ୍ଷୁଖଣ୍ଡଶକଲୈଃ ସନ୍ନାରିକେଲାମ୍ବୁଭିଃ ।
କର୍ପୂରେଣ ସୁଵାସିତୈର୍ଗୁଡଜଲୈର୍ମାଧୁର୍ଯଯୁକ୍ତୈର୍ଵିଭୋ
ଶ୍ରୀମୃତ୍ଯୁଞ୍ଜଯ ପୂରଯ ତ୍ରିଭୁଵନାଧାରଂ ଵିଶାଲୋଦରମ୍ ॥ ୨୮॥
ମନୋଜ୍ଞରମ୍ଭାଵନଖଣ୍ଡଖଣ୍ଡିତା-
ନ୍ରୁଚିପ୍ରଦାନ୍ସର୍ଷପଜୀରକାଂଶ୍ଚ ।
ସସୌରଭାନ୍ସୈନ୍ଧଵସେଵିତାଂଶ୍ଚ
ଗୃହାଣ ମୃତ୍ଯୁଞ୍ଜଯ ଲୋକଵନ୍ଦ୍ଯ ॥ ୨୯॥
ହିଙ୍ଗୂଜୀରକସହିତଂ ଵିମଲାମଲକଂ କପିତ୍ଥମତିମଧୁରମ୍ ।
ବିସଖଣ୍ଡାଁଲ୍ଲାଵଣଯୁତାନ୍ମୃତ୍ଯୁଞ୍ଜଯ ତେଽର୍ପଯାମି ଜଗଦୀଶ ॥ ୩୦॥
ଏଲାଶୁଣ୍ଠୀସହୀତଂ ଦଧ୍ଯନ୍ନଂ ଚାରୁହେମପାତ୍ରସ୍ଥମ୍ ।
ଅମୃତପ୍ରତିନିଧିମାଢ୍ଯଂ ମୃତ୍ଯୁଞ୍ଜଯ ଭୁଜ୍ଯତାଂ ତ୍ରିଲୋକେଶ ॥ ୩୧॥
ଜମ୍ବୀରନୀରାଞ୍ଚିତଶୃଙ୍ଗବେରଂ
ମନୋହରାନମ୍ଲଶଲାଟୁଖଣ୍ଡାନ୍ ।
ମୃଦୂପଦଂଶାନ୍ସହସୋପଭୁଙ୍କ୍ଷ୍ଵ
ମୃତ୍ଯୁଞଯ ଶ୍ରୀକରୁଣାସମୁଦ୍ର ॥ ୩୨॥
ନାଗରରାମଠଯୁକ୍ତଂ ସୁଲଲିତଜମ୍ବୀରନୀରସମ୍ପୂର୍ଣମ୍ ।
ମଥିତଂ ସୈନ୍ଧଵସହିତଂ ପିବ ହର ମୃତ୍ଯୁଞ୍ଜଯ କ୍ରତୁଧ୍ଵଂସିନ୍ ॥ ୩୩॥
ମନ୍ଦାରହେମାମ୍ବୁଜଗନ୍ଧଯୁକ୍ତୈ-
ର୍ମନ୍ଦାକିନୀନିର୍ମଲପୁଣ୍ଯତୋଯୈଃ ।
ଗୃହାଣ ମୃତ୍ଯୁଞ୍ଜଯ ପୂର୍ଣକାମ
ଶ୍ରୀମତ୍ପରାପୋଶନମଭ୍ରକେଶ ॥ ୩୪॥
ଗଗନଧୁନୀଵିମଲଜଲୈର୍ମୃତ୍ଯୁଞ୍ଜଯ ପଦ୍ମରାଗପାତ୍ରଗତୈଃ ।
ମୃଗମଦଚନ୍ଦନପୂର୍ଣଂ ପ୍ରକ୍ଷାଲଯ ଚାରୁ ହସ୍ତପଦଯୁଗ୍ମମ୍ ॥ ୩୫॥
ପୁଂନାଗମଲ୍ଲିକାକୁନ୍ଦଵାସିତୈର୍ଜାହ୍ନଵୀଜଲୈଃ ।
ମୃତ୍ଯୁଞ୍ଜଯ ମହାଦେଵ ପୁନରାଚମନଂ କୁରୁ ॥ ୩୬॥
ମୌକ୍ତିକଚୂର୍ଣସମେତୈର୍ମୃଗମଦଘନସାରଵାସିତୈଃ ପୂଗୈଃ ।
ପର୍ଣୈଃ ସ୍ଵର୍ଣସମାନୈର୍ମୃତ୍ଯୁଞ୍ଜଯ ତେଽର୍ପଯାମି ତାମ୍ବୂଲମ୍ ॥ ୩୭॥
ନୀରାଜନଂ ନିର୍ମଲଦୀପ୍ତିମଦ୍ଭି-
ର୍ଦୀପାଙ୍କୁରୈରୁଜ୍ଜ୍ଵଲମୁଚ୍ଛ୍ରିତୈଶ୍ଚ ।
ଘଣ୍ଟାନିନାଦେନ ସମର୍ପଯାମି
ମୃତ୍ଯୁଞ୍ଜଯାଯ ତ୍ରିପୁରାନ୍ତକାଯ ॥ ୩୮॥
ଵିରିଞ୍ଚିମୁଖ୍ଯାମରବୃନ୍ଦଵନ୍ଦିତେ
ସରୋଜମତ୍ସ୍ଯାଙ୍କିତଚକ୍ରଚିହ୍ନିତେ ।
ଦଦାମି ମୃତ୍ଯୁଞ୍ଜଯ ପାଦପଙ୍କଜେ
ଫଣୀନ୍ଦ୍ରଭୂଷେ ପୁନରର୍ଘ୍ଯମୀଶ୍ଵର ॥ ୩୯॥
ପୁଂନାଗନୀଲୋତ୍ପଲକୁନ୍ଦଜାଜୀ-
ମନ୍ଦାରମଲ୍ଲୀକରଵୀରପଙ୍କଜୈଃ ।
ପୁଷ୍ପାଞ୍ଜଲିଂ ବିଲ୍ଵଦଲୈସ୍ତୁଲସ୍ଯା
ମୃତ୍ଯୁଞ୍ଜଯାଙ୍ଘ୍ରୌ ଵିନିଵେଶଯାମି ॥ ୪୦॥
ପଦେ ପଦେ ସର୍ଵତମୋନିକୃନ୍ତନଂ
ପଦେ ପଦେ ସର୍ଵଶୁଭପ୍ରଦାଯକମ୍ ।
ପ୍ରଦକ୍ଷିଣଂ ଭକ୍ତିଯୁତେନ ଚେତସା
କରୋମି ମୃତ୍ଯୁଞ୍ଜଯ ରକ୍ଷ ରକ୍ଷ ମାମ୍ ॥ ୪୧॥
ନମୋ ଗୌରୀଶାଯ ସ୍ଫଟିକଧଵଲାଙ୍ଗାଯ ଚ ନମୋ
ନମୋ ଲୋକେଶାଯ ସ୍ତୁତଵିବୁଧଲୋକାଯ ଚ ନମଃ ।
ନମଃ ଶ୍ରୀକଣ୍ଠାଯ କ୍ଷପିତପୁରଦୈତ୍ଯାଯ ଚ ନମୋ
ନମଃ ଫାଲାକ୍ଷାଯ ସ୍ମରମଦଵିନାଶାଯ ଚ ନମଃ ॥ ୪୨॥
ସଂସାରେ ଜନିତାପରୋଗସହିତେ ତାପତ୍ରଯାକ୍ରନ୍ଦିତେ
ନିତ୍ଯଂ ପୁତ୍ରକଲତ୍ରଵିତ୍ତଵିଲସତ୍ପାଶୈର୍ନିବଦ୍ଧଂ ଦୃଢମ୍ ।
ଗର୍ଵାନ୍ଧଂ ବହୁପାପଵର୍ଗସହିତଂ କାରୁଣ୍ଯଦୃଷ୍ଟ୍ଯା ଵିଭୋ
ଶ୍ରୀମୃତ୍ଯୁଞ୍ଜଯ ପାର୍ଵତୀପ୍ରିଯ ସଦା ମାଂ ପାହି ସର୍ଵେଶ୍ଵର ॥ ୪୩॥
ସୌଧେ ରତ୍ନମଯେ ନଵୋତ୍ପଲଦଲାକୀର୍ଣେ ଚ ତଲ୍ପାନ୍ତରେ
କୌଶେଯେନ ମନୋହରେଣ ଧଵଲେନାଚ୍ଛାଦିତେ ସର୍ଵଶଃ ।
କର୍ପୂରାଞ୍ଚିତଦୀପଦୀପ୍ତିମିଲିତେ ରମ୍ଯୋପଧାନଦ୍ଵଯେ
ପାର୍ଵତ୍ଯାଃ କରପଦ୍ମଲାଲିତପଦଂ ମୃତ୍ଯୁଞ୍ଜଯଂ ଭାଵଯେ ॥ ୪୪॥
ଚତୁଶ୍ଚତ୍ଵାରିଂଶଦ୍ଵିଲସଦୁପଚାରୈରଭିମତୈ-
ର୍ମନଃ ପଦ୍ମେ ଭକ୍ତ୍ଯା ବହିରପି ଚ ପୂଜାଂ ଶୁଭକରୀମ୍ ।
କରୋତି ପ୍ରତ୍ଯୂଷେ ନିଶି ଦିଵସମଧ୍ଯେଽପି ଚ ପୁମା-
ନ୍ପ୍ରଯାତି ଶ୍ରୀମୃତ୍ଯୁଞ୍ଜଯପଦମନେକାଦ୍ଭୁତପଦମ୍ ॥ ୪୫॥
ପ୍ରାତର୍ଲିଙ୍ଗମୁମାପତେରହରହଃ ସଂଦର୍ଶନାତ୍ସ୍ଵର୍ଗଦଂ
ମଧ୍ଯାହ୍ନେ ହଯମେଧତୁଲ୍ଯଫଲଦଂ ସାଯଂତନେ ମୋକ୍ଷଦମ୍ ।
ଭାନୋରସ୍ତମଯେ ପ୍ରଦୋଷସମଯେ ପଞ୍ଚାକ୍ଷରାରାଧନଂ
ତତ୍କାଲତ୍ରଯତୁଲ୍ଯମିଷ୍ଟଫଲଦଂ ସଦ୍ଯୋଽନଵଦ୍ଯଂ ଦୃଢମ୍ ॥ ୪୬॥
॥ ଇତି ଶ୍ରୀମଚ୍ଛଙ୍କରଭଗଵତଃ କୃତୌ
ମୃତ୍ଯୁଞ୍ଜଯମାନସିକପୂଜାସ୍ତୋତ୍ରଂ ସମ୍ପୂର୍ଣମ୍ ॥
Encoded and proofread by P. P. Narayanaswami swami@math.mun.ca
Proofread and corrected by Sunder Hattangadi sunderh@hotmail.com
Please send corrections to sanskrit@cheerful.com
Last updated ତ୍oday
http://sanskritdocuments.org
କୈଲାସେ କମନୀଯରତ୍ନଖଚିତେ କଲ୍ପଦ୍ରୁମୂଲେ ସ୍ଥିତଂ
କର୍ପୂରସ୍ଫଟିକେନ୍ଦୁସୁନ୍ଦରତନୁଂ କାତ୍ଯାଯନୀସେଵିତମ୍ ।
ଗଙ୍ଗାତୁଙ୍ଗତରଙ୍ଗରଞ୍ଜିତଜଟାଭାରଂ କୃପାସାଗରଂ
କଣ୍ଠାଲଂକୃତଶେଷଭୂଷଣମମୁଂ ମୃତ୍ଯୁଞ୍ଜଯଂ ଭାଵଯେ ॥ ୧॥
ଆଗତ୍ଯ ମୃତ୍ଯୁଞ୍ଜଯ ଚନ୍ଦ୍ରମୌଲେ
ଵ୍ଯାଘ୍ରାଜିନାଲଂକୃତ ଶୂଲପାଣେ ।
ସ୍ଵଭକ୍ତସଂରକ୍ଷଣକାମଧେନୋ
ପ୍ରସୀଦ ଵିଶ୍ଵେଶ୍ଵର ପାର୍ଵତୀଶ ॥ ୨॥
ଭାସ୍ଵନ୍ମୌକ୍ତିକତୋରଣେ ମରକତସ୍ତମ୍ଭାଯୁଧାଲଂକୃତେ
ସୌଧେ ଧୂପସୁଵାସିତେ ମଣିମଯେ ମାଣିକ୍ଯଦୀପାଞ୍ଚିତେ ।
ବ୍ରହ୍ମେନ୍ଦ୍ରାମରଯୋଗିପୁଙ୍ଗଵଗଣୈର୍ଯୁକ୍ତେ ଚ କଲ୍ପଦ୍ରୁମୈଃ
ଶ୍ରୀମୃତ୍ଯୁଞ୍ଜଯ ସୁସ୍ଥିରୋ ଭଵ ଵିଭୋ ମାଣିକ୍ଯସିଂହାସନେ ॥ ୩॥
ମନ୍ଦାରମଲ୍ଲୀକରଵୀରମାଧଵୀ-
ପୁନ୍ନାଗନୀଲୋତ୍ପଲଚମ୍ପକାନ୍ଵିତୈଃ ।
କର୍ପୂରପାଟୀରସୁଵାସିତୈର୍ଜଲୈ-
ରାଧତ୍ସ୍ଵ ମୃତ୍ଯୁଞ୍ଜଯ ପାଦ୍ଯମୁତ୍ତମମ୍ ॥ ୪॥
ସୁଗନ୍ଧପୁଷ୍ପପ୍ରକରୈଃ ସୁଵାସିତୈ-
ର୍ଵିଯନ୍ନଦୀଶୀତଲଵାରିଭିଃ ଶୁଭୈଃ ।
ତ୍ରିଲୋକନାଥାର୍ତିହରାର୍ଘ୍ଯମାଦରା-
ଦ୍ଗୃହାଣ ମୃତ୍ଯୁଞ୍ଜଯ ସର୍ଵଵନ୍ଦିତ ॥ ୫॥
ହିମାମ୍ବୁଵାସିତୈସ୍ତୋଯୈଃ ଶୀତଲୈରତିପାଵନୈଃ ।
ମୃତ୍ଯୁଞ୍ଜଯ ମହାଦେଵ ଶୁଦ୍ଧାଚମନମାଚର ॥ ୬॥
ଗୁଡଦଧିସହିତଂ ମଧୁପ୍ରକୀର୍ଣଂ
ସୁଘୃତସମନ୍ଵିତଧେନୁଦୁଗ୍ଧଯୁକ୍ତମ୍ ।
ଶୁଭକର ମଧୁପର୍କମାହର ତ୍ଵଂ
ତ୍ରିନଯନ ମୃତ୍ଯୁହର ତ୍ରିଲୋକଵନ୍ଦ୍ଯ ॥ ୭॥
ପଞ୍ଚାସ୍ର ଶାନ୍ତ ପଞ୍ଚାସ୍ଯ ପଞ୍ଚପାତକସଂହର ।
ପଞ୍ଚାମୃତସ୍ନାନମିଦଂ କୁରୁ ମୃତ୍ଯୁଞ୍ଜଯ ପ୍ରଭୋ ॥ ୮॥
ଜଗତ୍ତ୍ରଯୀଖ୍ଯାତ ସମସ୍ତତୀର୍ଥ-
ସମାହୃତୈଃ କଲ୍ମଷହାରିଭିଶ୍ଚ ।
ସ୍ନାନଂ ସୁତୋଯୈଃ ସମୁଦାଚର ତ୍ଵଂ
ମୃତ୍ଯୁଞ୍ଜଯାନନ୍ତଗୁଣାଭିରାମ ॥ ୯॥
ଆନୀତେନାତିଶୁଭ୍ରେଣ କୌଶେଯେନାମରଦ୍ରୁମାତ୍ ।
ମାର୍ଜଯାମି ଜଟାଭାରଂ ଶିଵ ମୃତ୍ଯୁଞ୍ଜଯ ପ୍ରଭୋ ॥ ୧୦॥
ନାନାହେମଵିଚିତ୍ରାଣି ଚୀରଚୀନାମ୍ବରାଣି ଚ ।
ଵିଵିଧାନି ଚ ଦିଵ୍ଯାନି ମୃତ୍ଯୁଞ୍ଜଯ ସୁଧାରଯ ॥ ୧୧॥
ଵିଶୁଦ୍ଧମୁକ୍ତାଫଲଜାଲରମ୍ଯଂ
ମନୋହରଂ କାଞ୍ଚନହେମସୂତ୍ରମ୍ ।
ଯଜ୍ଞୋପଵୀତଂ ପରମଂ ପଵିତ୍ର-
ମାଧତ୍ସ୍ଵ ମୃତ୍ଯୁଞ୍ଜଯ ଭକ୍ତିଗମ୍ଯ ॥ ୧୨॥
ଶ୍ରୀଗନ୍ଧଂ ଘନସାରକୁଙ୍କୁମଯୁତଂ କସ୍ତୂରିକାପୂରିତଂ
କାଲେଯେନ ହିମାମ୍ବୁନା ଵିରଚିତଂ ମନ୍ଦାରସଂଵାସିତମ୍ ।
ଦିଵ୍ଯଂ ଦେଵମନୋହରଂ ମଣିମଯେ ପାତ୍ରେ ସମାରୋପିତଂ
ସର୍ଵାଙ୍ଗେଷୁ ଵିଲେପଯାମି ସତତଂ ମୃତ୍ଯୁଞ୍ଜଯ ଶ୍ରୀଵିଭୋ ॥ ୧୩॥
ଅକ୍ଷତୈର୍ଧଵଲୈର୍ଦିଵ୍ଯୈଃ ସମ୍ଯକ୍ତିଲସମନ୍ଵିତୈଃ ।
ମୃତ୍ଯୁଞ୍ଜଯ ମହାଦେଵ ପୂଜଯାମି ଵୃଷଧ୍ଵଜ ॥ ୧୪॥
ଚମ୍ପକପଙ୍କଜକୁରଵକକୁନ୍ଦୈଃ କରଵୀରମଲ୍ଲିକାକୁସୁମୈଃ ।
ଵିସ୍ତାରଯ ନିଜମକୁଟଂ ମୃତ୍ଯୁଞ୍ଜଯ ପୁଣ୍ଡରୀକନଯନାପ୍ତ ॥ ୧୫॥
ମାଣିକ୍ଯପାଦୁକାଦ୍ଵନ୍ଦ୍ଵେ ମୌନିହୃତ୍ପଦ୍ମମନ୍ଦିରେ ।
ପାଦୌ ସତ୍ପଦ୍ମସଦୃଶୌ ମୃତ୍ଯୁଞ୍ଜଯ ନିଵେଶଯ ॥ ୧୬॥
ମାଣିକ୍ଯକେଯୂରକିରୀଟହାରୈଃ
କାଞ୍ଚୀମଣିସ୍ଥାପିତକୁଣ୍ଡଲୈଶ୍ଚ ।
ମଞ୍ଜୀରମୁଖ୍ଯାଭରଣୈର୍ମନୋଜ୍ଞୈ-
ରଙ୍ଗାନି ମୃତ୍ଯୁଞ୍ଜଯ ଭୂଷଯାମି ॥ ୧୭॥
ଗଜଵଦନସ୍କନ୍ଦଧୃତେ-
ନାତିସ୍ଵଚ୍ଛେନ ଚାମରଯୁଗେନ ।
ଗଲଦଲକାନନପଦ୍ମଂ
ମୃତ୍ଯୁଞ୍ଜଯ ଭାଵଯାମି ହୃତ୍ପଦ୍ମେ ॥ ୧୮॥
ମୁକ୍ତାତପତ୍ରଂ ଶଶିକୋଟିଶୁଭ୍ରଂ
ଶୁଭପ୍ରଦଂ କାଞ୍ଚନଦଣ୍ଡଯୁକ୍ତମ୍ ।
ମାଣିକ୍ଯସଂସ୍ଥାପିତହେମକୁମ୍ଭଂ
ସୁରେଶ ମୃତ୍ଯୁଞ୍ଜଯ ତେଽର୍ପଯାମି ॥ ୧୯॥
ମଣିମୁକୁରେ ନିଷ୍ପଟଲେ ତ୍ରିଜଗଦ୍ଗାଢାନ୍ଧକାରସପ୍ତାଶ୍ଵେ ।
କନ୍ଦର୍ପକୋଟିସଦୃଶଂ ମୃତ୍ଯୁଞ୍ଜଯ ପଶ୍ଯ ଵଦନମାତ୍ମୀଯମ୍ ॥ ୨୦॥
କର୍ପୂରଚୂର୍ଣଂ କପିଲାଜ୍ଯପୂତଂ
ଦାସ୍ଯାମି କାଲେଯସମାନ୍ଵିତୈଶ୍ଚ ।
ସମୁଦ୍ଭଵଂ ପାଵନଗନ୍ଧଧୂପିତଂ
ମୃତ୍ଯୁଞ୍ଜଯାଙ୍ଗଂ ପରିକଲ୍ପଯାମି ॥ ୨୧॥
ଵର୍ତିତ୍ରଯୋପେତମଖଣ୍ଡଦୀପ୍ତ୍ଯା
ତମୋହରଂ ବାହ୍ଯମଥାନ୍ତରଂ ଚ ।
ସାଜ୍ଯଂ ସମସ୍ତାମରଵର୍ଗହୃଦ୍ଯଂ
ସୁରେଶ ମୃତ୍ଯୁଞ୍ଜଯ ଵଂଶଦୀପମ୍ ॥ ୨୨॥
ରାଜାନ୍ନଂ ମଧୁରାନ୍ଵିତଂ ଚ ମୃଦୁଲଂ ମାଣିକ୍ଯପାତ୍ରେ ସ୍ଥିତଂ
ହିଙ୍ଗୂଜୀରକସନ୍ମରୀଚିମିଲିତୈଃ ଶାକୈରନେକୈଃ ଶୁଭୈଃ ।
ଶାକଂ ସମ୍ଯଗପୂପସୂପସହିତଂ ସଦ୍ଯୋଘୃତେନାପ୍ଲୁତଂ
ଶ୍ରୀମୃତ୍ଯୁଞ୍ଜଯ ପାର୍ଵତୀପ୍ରିଯ ଵିଭୋ ସାପୋଶନଂ ଭୁଜ୍ଯତାମ୍ ॥ ୨୩॥
କୂଷ୍ମାଣ୍ଡଵାର୍ତାକପଟୋଲିକାନାଂ
ଫଲାନି ରମ୍ଯାଣି ଚ କାରଵଲ୍ଲ୍ଯା ।
ସୁପାକଯୁକ୍ତାନି ସସୌରଭାଣି
ଶ୍ରୀକଣ୍ଠ ମୃତ୍ଯୁଞ୍ଜଯ ଭକ୍ଷଯେଶ ॥ ୨୪॥
ଶୀତଲଂ ମଧୁରଂ ସ୍ଵଚ୍ଛଂ ପାଵନଂ ଵାସିତଂ ଲଘୁ ।
ମଧ୍ଯେ ସ୍ଵୀକୁରୁ ପାନୀଯଂ ଶିଵ ମୃତ୍ଯୁଞ୍ଜଯ ପ୍ରଭୋ ॥ ୨୫॥
ଶର୍କରାମିଲିତଂ ସ୍ନିଗ୍ଧଂ ଦୁଗ୍ଧାନ୍ନଂ ଗୋଘୃତାନ୍ଵିତମ୍ ।
କଦଲୀଫଲସଂମିଶ୍ରଂ ଭୁଜ୍ଯତାଂ ମୃତ୍ଯୁସଂହର ॥ ୨୬॥
କେଵଲମତିମାଧୁର୍ଯଂ ଦୁଗ୍ଧୈଃ ସ୍ନିଗ୍ଧୈଶ୍ଚ ଶର୍କରାମିଲିତୈଃ ।
ଏଲାମରୀଚମିଲିତଂ ମୃତ୍ଯୁଞ୍ଜଯ ଦେଵ ଭୁଙ୍କ୍ଷ୍ଵ ପରମାନ୍ନମ୍ ॥ ୨୭॥
ରମ୍ଭାଚୂତକପିତ୍ଥକଣ୍ଠକଫଲୈର୍ଦ୍ରାକ୍ଷାରସାସ୍ଵାଦୁମ-
ତ୍ଖର୍ଜୂରୈର୍ମଧୁରେକ୍ଷୁଖଣ୍ଡଶକଲୈଃ ସନ୍ନାରିକେଲାମ୍ବୁଭିଃ ।
କର୍ପୂରେଣ ସୁଵାସିତୈର୍ଗୁଡଜଲୈର୍ମାଧୁର୍ଯଯୁକ୍ତୈର୍ଵିଭୋ
ଶ୍ରୀମୃତ୍ଯୁଞ୍ଜଯ ପୂରଯ ତ୍ରିଭୁଵନାଧାରଂ ଵିଶାଲୋଦରମ୍ ॥ ୨୮॥
ମନୋଜ୍ଞରମ୍ଭାଵନଖଣ୍ଡଖଣ୍ଡିତା-
ନ୍ରୁଚିପ୍ରଦାନ୍ସର୍ଷପଜୀରକାଂଶ୍ଚ ।
ସସୌରଭାନ୍ସୈନ୍ଧଵସେଵିତାଂଶ୍ଚ
ଗୃହାଣ ମୃତ୍ଯୁଞ୍ଜଯ ଲୋକଵନ୍ଦ୍ଯ ॥ ୨୯॥
ହିଙ୍ଗୂଜୀରକସହିତଂ ଵିମଲାମଲକଂ କପିତ୍ଥମତିମଧୁରମ୍ ।
ବିସଖଣ୍ଡାଁଲ୍ଲାଵଣଯୁତାନ୍ମୃତ୍ଯୁଞ୍ଜଯ ତେଽର୍ପଯାମି ଜଗଦୀଶ ॥ ୩୦॥
ଏଲାଶୁଣ୍ଠୀସହୀତଂ ଦଧ୍ଯନ୍ନଂ ଚାରୁହେମପାତ୍ରସ୍ଥମ୍ ।
ଅମୃତପ୍ରତିନିଧିମାଢ୍ଯଂ ମୃତ୍ଯୁଞ୍ଜଯ ଭୁଜ୍ଯତାଂ ତ୍ରିଲୋକେଶ ॥ ୩୧॥
ଜମ୍ବୀରନୀରାଞ୍ଚିତଶୃଙ୍ଗବେରଂ
ମନୋହରାନମ୍ଲଶଲାଟୁଖଣ୍ଡାନ୍ ।
ମୃଦୂପଦଂଶାନ୍ସହସୋପଭୁଙ୍କ୍ଷ୍ଵ
ମୃତ୍ଯୁଞଯ ଶ୍ରୀକରୁଣାସମୁଦ୍ର ॥ ୩୨॥
ନାଗରରାମଠଯୁକ୍ତଂ ସୁଲଲିତଜମ୍ବୀରନୀରସମ୍ପୂର୍ଣମ୍ ।
ମଥିତଂ ସୈନ୍ଧଵସହିତଂ ପିବ ହର ମୃତ୍ଯୁଞ୍ଜଯ କ୍ରତୁଧ୍ଵଂସିନ୍ ॥ ୩୩॥
ମନ୍ଦାରହେମାମ୍ବୁଜଗନ୍ଧଯୁକ୍ତୈ-
ର୍ମନ୍ଦାକିନୀନିର୍ମଲପୁଣ୍ଯତୋଯୈଃ ।
ଗୃହାଣ ମୃତ୍ଯୁଞ୍ଜଯ ପୂର୍ଣକାମ
ଶ୍ରୀମତ୍ପରାପୋଶନମଭ୍ରକେଶ ॥ ୩୪॥
ଗଗନଧୁନୀଵିମଲଜଲୈର୍ମୃତ୍ଯୁଞ୍ଜଯ ପଦ୍ମରାଗପାତ୍ରଗତୈଃ ।
ମୃଗମଦଚନ୍ଦନପୂର୍ଣଂ ପ୍ରକ୍ଷାଲଯ ଚାରୁ ହସ୍ତପଦଯୁଗ୍ମମ୍ ॥ ୩୫॥
ପୁଂନାଗମଲ୍ଲିକାକୁନ୍ଦଵାସିତୈର୍ଜାହ୍ନଵୀଜଲୈଃ ।
ମୃତ୍ଯୁଞ୍ଜଯ ମହାଦେଵ ପୁନରାଚମନଂ କୁରୁ ॥ ୩୬॥
ମୌକ୍ତିକଚୂର୍ଣସମେତୈର୍ମୃଗମଦଘନସାରଵାସିତୈଃ ପୂଗୈଃ ।
ପର୍ଣୈଃ ସ୍ଵର୍ଣସମାନୈର୍ମୃତ୍ଯୁଞ୍ଜଯ ତେଽର୍ପଯାମି ତାମ୍ବୂଲମ୍ ॥ ୩୭॥
ନୀରାଜନଂ ନିର୍ମଲଦୀପ୍ତିମଦ୍ଭି-
ର୍ଦୀପାଙ୍କୁରୈରୁଜ୍ଜ୍ଵଲମୁଚ୍ଛ୍ରିତୈଶ୍ଚ ।
ଘଣ୍ଟାନିନାଦେନ ସମର୍ପଯାମି
ମୃତ୍ଯୁଞ୍ଜଯାଯ ତ୍ରିପୁରାନ୍ତକାଯ ॥ ୩୮॥
ଵିରିଞ୍ଚିମୁଖ୍ଯାମରବୃନ୍ଦଵନ୍ଦିତେ
ସରୋଜମତ୍ସ୍ଯାଙ୍କିତଚକ୍ରଚିହ୍ନିତେ ।
ଦଦାମି ମୃତ୍ଯୁଞ୍ଜଯ ପାଦପଙ୍କଜେ
ଫଣୀନ୍ଦ୍ରଭୂଷେ ପୁନରର୍ଘ୍ଯମୀଶ୍ଵର ॥ ୩୯॥
ପୁଂନାଗନୀଲୋତ୍ପଲକୁନ୍ଦଜାଜୀ-
ମନ୍ଦାରମଲ୍ଲୀକରଵୀରପଙ୍କଜୈଃ ।
ପୁଷ୍ପାଞ୍ଜଲିଂ ବିଲ୍ଵଦଲୈସ୍ତୁଲସ୍ଯା
ମୃତ୍ଯୁଞ୍ଜଯାଙ୍ଘ୍ରୌ ଵିନିଵେଶଯାମି ॥ ୪୦॥
ପଦେ ପଦେ ସର୍ଵତମୋନିକୃନ୍ତନଂ
ପଦେ ପଦେ ସର୍ଵଶୁଭପ୍ରଦାଯକମ୍ ।
ପ୍ରଦକ୍ଷିଣଂ ଭକ୍ତିଯୁତେନ ଚେତସା
କରୋମି ମୃତ୍ଯୁଞ୍ଜଯ ରକ୍ଷ ରକ୍ଷ ମାମ୍ ॥ ୪୧॥
ନମୋ ଗୌରୀଶାଯ ସ୍ଫଟିକଧଵଲାଙ୍ଗାଯ ଚ ନମୋ
ନମୋ ଲୋକେଶାଯ ସ୍ତୁତଵିବୁଧଲୋକାଯ ଚ ନମଃ ।
ନମଃ ଶ୍ରୀକଣ୍ଠାଯ କ୍ଷପିତପୁରଦୈତ୍ଯାଯ ଚ ନମୋ
ନମଃ ଫାଲାକ୍ଷାଯ ସ୍ମରମଦଵିନାଶାଯ ଚ ନମଃ ॥ ୪୨॥
ସଂସାରେ ଜନିତାପରୋଗସହିତେ ତାପତ୍ରଯାକ୍ରନ୍ଦିତେ
ନିତ୍ଯଂ ପୁତ୍ରକଲତ୍ରଵିତ୍ତଵିଲସତ୍ପାଶୈର୍ନିବଦ୍ଧଂ ଦୃଢମ୍ ।
ଗର୍ଵାନ୍ଧଂ ବହୁପାପଵର୍ଗସହିତଂ କାରୁଣ୍ଯଦୃଷ୍ଟ୍ଯା ଵିଭୋ
ଶ୍ରୀମୃତ୍ଯୁଞ୍ଜଯ ପାର୍ଵତୀପ୍ରିଯ ସଦା ମାଂ ପାହି ସର୍ଵେଶ୍ଵର ॥ ୪୩॥
ସୌଧେ ରତ୍ନମଯେ ନଵୋତ୍ପଲଦଲାକୀର୍ଣେ ଚ ତଲ୍ପାନ୍ତରେ
କୌଶେଯେନ ମନୋହରେଣ ଧଵଲେନାଚ୍ଛାଦିତେ ସର୍ଵଶଃ ।
କର୍ପୂରାଞ୍ଚିତଦୀପଦୀପ୍ତିମିଲିତେ ରମ୍ଯୋପଧାନଦ୍ଵଯେ
ପାର୍ଵତ୍ଯାଃ କରପଦ୍ମଲାଲିତପଦଂ ମୃତ୍ଯୁଞ୍ଜଯଂ ଭାଵଯେ ॥ ୪୪॥
ଚତୁଶ୍ଚତ୍ଵାରିଂଶଦ୍ଵିଲସଦୁପଚାରୈରଭିମତୈ-
ର୍ମନଃ ପଦ୍ମେ ଭକ୍ତ୍ଯା ବହିରପି ଚ ପୂଜାଂ ଶୁଭକରୀମ୍ ।
କରୋତି ପ୍ରତ୍ଯୂଷେ ନିଶି ଦିଵସମଧ୍ଯେଽପି ଚ ପୁମା-
ନ୍ପ୍ରଯାତି ଶ୍ରୀମୃତ୍ଯୁଞ୍ଜଯପଦମନେକାଦ୍ଭୁତପଦମ୍ ॥ ୪୫॥
ପ୍ରାତର୍ଲିଙ୍ଗମୁମାପତେରହରହଃ ସଂଦର୍ଶନାତ୍ସ୍ଵର୍ଗଦଂ
ମଧ୍ଯାହ୍ନେ ହଯମେଧତୁଲ୍ଯଫଲଦଂ ସାଯଂତନେ ମୋକ୍ଷଦମ୍ ।
ଭାନୋରସ୍ତମଯେ ପ୍ରଦୋଷସମଯେ ପଞ୍ଚାକ୍ଷରାରାଧନଂ
ତତ୍କାଲତ୍ରଯତୁଲ୍ଯମିଷ୍ଟଫଲଦଂ ସଦ୍ଯୋଽନଵଦ୍ଯଂ ଦୃଢମ୍ ॥ ୪୬॥
॥ ଇତି ଶ୍ରୀମଚ୍ଛଙ୍କରଭଗଵତଃ କୃତୌ
ମୃତ୍ଯୁଞ୍ଜଯମାନସିକପୂଜାସ୍ତୋତ୍ରଂ ସମ୍ପୂର୍ଣମ୍ ॥
Encoded and proofread by P. P. Narayanaswami swami@math.mun.ca
Proofread and corrected by Sunder Hattangadi sunderh@hotmail.com
Please send corrections to sanskrit@cheerful.com
Last updated ତ୍oday
http://sanskritdocuments.org
Mrutyunjaya Manasika Puja Stotram Lyrics in Oriya PDF
% File name : mrtyumaanasa.itx
% Category : pUjA
% Location : doc\_shiva
% Language : Sanskrit
% Subject : philosophy/hinduism/religion
% Transliterated by : P. P. Narayanaswami swami at math.mun.ca
% Proofread by : Narayanaswami and Sunder Hattangadi sunderh at hotmail.com
% Latest update : July 25, 2008
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : mrtyumaanasa.itx
% Category : pUjA
% Location : doc\_shiva
% Language : Sanskrit
% Subject : philosophy/hinduism/religion
% Transliterated by : P. P. Narayanaswami swami at math.mun.ca
% Proofread by : Narayanaswami and Sunder Hattangadi sunderh at hotmail.com
% Latest update : July 25, 2008
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website