{॥ ಮೃತ್ಯುಞ್ಜಯಸಹಸ್ರನಾಮಸ್ತೋತ್ರಮ್ ॥}
ಶ್ರೀಗಣೇಶಾಯ ನಮಃ ।
ಶ್ರೀಭೈರವ ಉವಾಚ ।
ಅಧುನಾ ಶ್ರೃಣು ದೇವೇಶಿ ಸಹಸ್ರಾಖ್ಯಸ್ತವೋತ್ತಮಮ್ ।
ಮಹಾಮೃತ್ಯುಞ್ಜಯಸ್ಯಾಸ್ಯ ಸಾರಾತ್ ಸಾರೋತ್ತಮೋತ್ತಮಮ್ ॥

ಅಸ್ಯ ಶ್ರೀಮಹಾಮೃತ್ಯುಞ್ಜಸಹಸ್ರನಾಮಸ್ತೋತ್ರ ಮನ್ತ್ರಸ್ಯ,
ಭೈರವ ಋಷಿಃ, ಉಷ್ಣಿಕ್ ಛನ್ದಃ, ಶ್ರೀಮಹಾಮೃತ್ಯುಞ್ಜಯೋ ದೇವತಾ,
ಓಂ ಬೀಜಂ, ಜುಂ ಶಕ್ತಿಃ, ಸಃ ಕೀಲಕಂ, ಪುರುಷಾರ್ಥಸಿದ್ಧಯೇ
ಸಹಸ್ರನಾಮ ಪಾಠೇ ವಿನಿಯೋಗಃ ।
ಧ್ಯಾನಮ್
ಉದ್ಯಚ್ಚನ್ದ್ರಸಮಾನದೀಪ್ತಿಮಮೃತಾನನ್ದೈಕಹೇತುಂ ಶಿವಂ
ಓಂಜುಂಸಃಭುವನೈಕಸೃಷ್ಟಿಪ್ರಲಯೋದ್ಭೂತ್ಯೇಕರಕ್ಷಾಕರಮ್ ।
ಶ್ರೀಮತ್ತಾರದಶಾರ್ಣಮಣ್ಡಿತತನುಂ ತ್ರ್ಯಕ್ಷಂ ದ್ವಿಬಾಹುಂ ಪರಂ
ಶ್ರೀಮೃತ್ಯುಞ್ಜಯಮೀಡ್ಯವಿಕ್ರಮಗುಣೈಃ ಪೂರ್ಣಂ ಹೃದಬ್ಜೇ ಭಜೇ ॥

ಓಂಜುಂಸಃಹೌಂ ಮಹಾದೇವೋ ಮನ್ತ್ರಜ್ಞೋ ಮಾನದಾಯಕಃ ।
ಮಾನೀ ಮನೋರಮಾಙ್ಗಶ್ಚ ಮನಸ್ವೀ ಮಾನವರ್ಧನಃ ॥ ೧॥

ಮಾಯಾಕರ್ತಾ ಮಲ್ಲರೂಪೋ ಮಲ್ಲೋ ಮಾರಾನ್ತಕೋ ಮುನಿಃ ।
ಮಹೇಶ್ವರೋ ಮಹಾಮಾನ್ಯೋ ಮನ್ತ್ರೀ ಮನ್ತ್ರಿಜನಪ್ರಿಯಃ ॥ ೨॥

ಮಾರುತೋ ಮರುತಾಂ ಶ್ರೇಷ್ಠೋ ಮಾಸಿಕಃ ಪಕ್ಷಿಕೋಽಮೃತಃ ।
ಮಾತಙ್ಗಕೋ ಮತ್ತಚಿತ್ತೋ ಮತಚಿನ್ಮತ್ತಭಾವನಃ ॥ ೩॥

ಮಾನವೇಷ್ಟಪ್ರದೋ ಮೇಷೋ ಮೇನಕಾಪತಿವಲ್ಲಭಃ ।
ಮಾನಕಾಯೋ ಮಧುಸ್ತೇಯೀ ಮಾರಯುಕ್ತೋ ಜಿತೇನ್ದ್ರಿಯಃ ॥ ೪॥

ಜಯೋ ವಿಜಯದೋ ಜೇತಾ ಜಯೇಶೋ ಜಯವಲ್ಲಭಃ ।
ಡಾಮರೇಶೋ ವಿರೂಪಾಕ್ಷೋ ವಿಶ್ವಭೋಕ್ತಾ ವಿಭಾವಸುಃ ॥ ೫॥

ವಿಶ್ವೇಶೋ ವಿಶ್ವನಾಥಶ್ಚ ವಿಶ್ವಸೂರ್ವಿಶ್ವನಾಯಕಃ ।
ವಿನೇತಾ ವಿನಯೀ ವಾದೀ ವಾನ್ತದೋ ವಾಕ್ಪ್ರದೋ ವಟುಃ ॥ ೬॥

ಸ್ಥೂಲಃ ಸೂಕ್ಷ್ಮೋಽಚಲೋ ಲೋಲೋ ಲೋಲಜಿಹ್ವಃ ಕರಾಲಕಃ ।
ವಿರಾಧೇಯೋ ವಿರಾಗೀನೋ ವಿಲಾಸೀ ಲಾಸ್ಯಲಾಲಸಃ ॥ ೭॥

ಲೋಲಾಕ್ಷೋ ಲೋಲಧೀರ್ಧರ್ಮೀ ಧನದೋ ಧನದಾರ್ಚಿತಃ ।
ಧನೀ ಧ್ಯೇಯೋಽಪ್ಯಧ್ಯೇಯಶ್ಚ ಧರ್ಮ್ಯೋ ಧರ್ಮಮಯೋ ದಯಃ ॥ ೮॥

ದಯಾವಾನ್ ದೇವಜನಕೋ ದೇವಸೇವ್ಯೋ ದಯಾಪತಿಃ ।
ಡುಲಿಚಕ್ಷುರ್ದರೀವಾಸೋ ದಮ್ಭೀ ದೇವಮಯಾತ್ಮಕಃ ॥ ೯॥

ಕುರೂಪಃ ಕೀರ್ತಿದಃ ಕಾನ್ತಃ ಕ್ಲೀವೋಽಕ್ಲೀವಾತ್ಮಕಃ ಕುಜಃ ।
ಬುಧೋ ವಿದ್ಯಾಮಯಃ ಕಾಮೀ ಕಾಮಕಾಲಾನ್ಧಕಾನ್ತಕಃ ॥ ೧೦॥

ಜೀವೋ ಜೀವಪ್ರದಃ ಶುಕ್ರಃ ಶುದ್ಧಃ ಶರ್ಮಪ್ರದೋಽನಘಃ ।
ಶನೈಶ್ಚರೋ ವೇಗಗತಿರ್ವಾಚಾಲೋ ರಾಹುರವ್ಯಯಃ ॥ ೧೧॥

ಕೇತುಃ ಕಾರಾಪತಿಃ ಕಾಲಃ ಸೂರ್ಯೋಽಮಿತಪರಾಕ್ರಮಃ ।
ಚನ್ದ್ರೋ ರುದ್ರಪತಿಃ ಭಾಸ್ವಾನ್ ಭಾಗ್ಯದೋ ಭರ್ಗರೂಪಭೃತ್ ॥ ೧೨॥

ಕ್ರೂರೋ ಧೂರ್ತೋ ವಿಯೋಗೀ ಚ ಸಙ್ಗೀ ಗಙ್ಗಾಧರೋ ಗಜಃ ।
ಗಜಾನನಪ್ರಿಯೋ ಗೀತೋ ಗಾನೀ ಸ್ನಾನಾರ್ಚನಪ್ರಿಯಃ ॥ ೧೩॥

ಪರಮಃ ಪೀವರಾಙ್ಗಶ್ಚ ಪಾರ್ವತೀವಲ್ಲಭೋ ಮಹಾನ್ ।
ಪರಾತ್ಮಕೋ ವಿರಾಡ್ಧೌಮ್ಯಃ ವಾನರೋಽಮಿತಕರ್ಮಕೃತ್ ॥ ೧೪॥

ಚಿದಾನನ್ದೀ ಚಾರುರೂಪೋ ಗಾರುಡೋ ಗರುಡಪ್ರಿಯಃ ।
ನನ್ದೀಶ್ವರೋ ನಯೋ ನಾಗೋ ನಾಗಾಲಙ್ಕಾರಮಣ್ಡಿತಃ ॥ ೧೫॥

ನಾಗಹಾರೋ ಮಹಾನಾಗೋ ಗೋಧರೋ ಗೋಪತಿಸ್ತಪಃ ।
ತ್ರಿಲೋಚನಸ್ತ್ರಿಲೋಕೇಶಸ್ತ್ರಿಮೂರ್ತಿಸ್ತ್ರಿಪುರಾನ್ತಕಃ ॥ ೧೬॥

ತ್ರಿಧಾಮಯೋ ಲೋಕಮಯೋ ಲೋಕೈಕವ್ಯಸನಾಪಹಃ ।
ವ್ಯಸನೀ ತೋಷಿತಃ ಶಮ್ಭುಸ್ತ್ರಿಧಾರೂಪಸ್ತ್ರಿವರ್ಣಭಾಕ್ ॥ ೧೭॥

ತ್ರಿಜ್ಯೋತಿಸ್ತ್ರಿಪುರೀನಾಥಸ್ತ್ರಿಧಾಶಾನ್ತಸ್ತ್ರಿಧಾಗತಿಃ ।
ತ್ರಿಧಾಗುಣೀ ವಿಶ್ವಕರ್ತಾ ವಿಶ್ವಭರ್ತಾಽಽಧಿಪೂರುಷಃ ॥ ೧೮॥

ಉಮೇಶೋ ವಾಸುಕಿರ್ವೀರೋ ವೈನತೇಯೋ ವಿಚಾರಕೃತ್ ।
ವಿವೇಕಾಕ್ಷೋ ವಿಶಾಲಾಕ್ಷೋಽವಿಧಿರ್ವಿಧಿರನುತ್ತಮಃ ॥ ೧೯॥

ವಿದ್ಯಾನಿಧಿಃ ಸರೋಜಾಕ್ಷೋ ನಿಃಸ್ಮರಃ ಸ್ಮರನಾಶನಃ ।
ಸ್ಮೃತಿಮಾನ್ ಸ್ಮೃತಿದಃ ಸ್ಮಾರ್ತೋ ಬ್ರಹ್ಮಾ ಬ್ರಹ್ಮವಿದಾಂ ವರಃ ॥ ೨೦॥

ಬ್ರಾಹ್ಮವ್ರತೀ ಬ್ರಹ್ಮಚಾರೀ ಚತುರಶ್ಚತುರಾನನಃ ।
ಚಲಾಚಲೋಽಚಲಗತಿರ್ವೇಗೀ ವೀರಾಧಿಪೋ ವರಃ ॥ ೨೧॥

ಸರ್ವವಾಮಃ ಸರ್ವಗತಿಃ ಸರ್ವಮಾನ್ಯಃ ಸನಾತನಃ ।
ಸರ್ವವ್ಯಾಪೀ ಸರ್ವರೂಪಃ ಸಾಗರಶ್ಚ ಸಮೇಶ್ವರಃ ॥ ೨೨॥

ಸಮನೇತ್ರಃ ಸಮದ್ಯುತಿಃ ಸಮಕಾಯಃ ಸರೋವರಃ ।
ಸರಸ್ವಾನ್ ಸತ್ಯವಾಕ್ ಸತ್ಯಃ ಸತ್ಯರೂಪಃ ಸುಧೀಃ ಸುಖೀ ॥ ೨೩॥

ಸುರಾಟ್ ಸತ್ಯಃ ಸತ್ಯಮತೀ ರುದ್ರೋ ರೌದ್ರವಪುರ್ವಸುಃ ।
ವಸುಮಾನ್ ವಸುಧಾನಾಥೋ ವಸುರೂಪೋ ವಸುಪ್ರದಃ ॥ ೨೪॥

ಈಶಾನಃ ಸರ್ವದೇವಾನಾಮೀಶಾನಃ ಸರ್ವಬೋಧಿನಾಮ್ ।
ಈಶೋಽವಶೇಷೋಽವಯವೀ ಶೇಷಶಾಯೀ ಶ್ರಿಯಃ ಪತಿಃ ॥ ೨೫॥

ಇನ್ದ್ರಶ್ಚನ್ದ್ರಾವತಂಸೀ ಚ ಚರಾಚರಜಗತ್ಸ್ಥಿತಿಃ ।
ಸ್ಥಿರಃ ಸ್ಥಾಣುರಣುಃ ಪೀನಃ ಪೀನವಕ್ಷಾಃ ಪರಾತ್ಪರಃ ॥ ೨೬॥

ಪೀನರೂಪೋ ಜಟಾಧಾರೀ ಜಟಾಜೂಟಸಮಾಕುಲಃ ।
ಪಶುರೂಪಃ ಪಶುಪತಿಃ ಪಶುಜ್ಞಾನೀ ಪಯೋನಿಧಿಃ ॥ ೨೭॥

ವೇದ್ಯೋ ವೈದ್ಯೋ ವೇದಮಯೋ ವಿಧಿಜ್ಞೋ ವಿಧಿಮಾನ್ ಮೃಡಃ ।
ಶೂಲೀ ಶುಭಙ್ಕರಃ ಶೋಭ್ಯಃ ಶುಭಕರ್ತಾ ಶಚೀಪತಿಃ ॥ ೨೮॥

ಶಶಾಙ್ಕಧವಲಃ ಸ್ವಾಮೀ ವಜ್ರೀ ಶಙ್ಖೀ ಗದಾಧರಃ ।
ಚತುರ್ಭುಜಶ್ಚಾಷ್ಟಭುಜಃ ಸಹಸ್ರಭುಜಮಣ್ಡಿತಃ ॥ ೨೯॥

ಸ್ರುವಹಸ್ತೋ ದೀರ್ಘಕೇಶೋ ದೀರ್ಘೋ ದಮ್ಭವಿವರ್ಜಿತಃ ।
ದೇವೋ ಮಹೋದಧಿರ್ದಿವ್ಯೋ ದಿವ್ಯಕೀರ್ತಿರ್ದಿವಾಕರಃ ॥ ೩೦॥

ಉಗ್ರರೂಪ ಉಗ್ರಪತಿರುಗ್ರವಕ್ಷಾಸ್ತಪೋಮಯಃ ।
ತಪಸ್ವೀ ಜಟಿಲಸ್ತಾಪೀ ತಾಪಹಾ ತಾಪವರ್ಜಿತಃ ॥ ೩೧॥

ಹವಿರ್ಹರೋ ಹಯಪತಿರ್ಹಯದೋ ಹರಿಮಣ್ಡಿತಃ ।
ಹರಿವಾಹೀ ಮಹೌಜಸ್ಕೋ ನಿತ್ಯೋ ನಿತ್ಯಾತ್ಮಕೋಽನಲಃ ॥ ೩೨॥

ಸಮ್ಮಾನೀ ಸಂಸೃತಿರ್ಹಾರೀ ಸರ್ಗೀ ಸನ್ನಿಧಿರನ್ವಯಃ ।
ವಿದ್ಯಾಧರೋ ವಿಮಾನೀ ಚ ವೈಮಾನಿಕವರಪ್ರದಃ ॥ ೩೩॥

ವಾಚಸ್ಪತಿರ್ವಸಾಸಾರೋ ವಾಮಾಚಾರೀ ಬಲನ್ಧರಃ ।
ವಾಗ್ಭವೋ ವಾಸವೋ ವಾಯುರ್ವಾಸನಾಬೀಜಮಣ್ಡಿತಃ ॥ ೩೪॥

ವಾಸೀ ಕೋಲಶ್ರೃತಿರ್ದಕ್ಷೋ ದಕ್ಷಯಜ್ಞವಿನಾಶನಃ ।
ದಾಕ್ಷೋ ದೌರ್ಭಾಗ್ಯಹಾ ದೈತ್ಯಮರ್ದನೋ ಭೋಗವರ್ಧನಃ ॥ ೩೫॥

ಭೋಗೀ ರೋಗಹರೋ ಹೇಯೋ ಹಾರೀ ಹರಿವಿಭೂಷಣಃ ।
ಬಹುರೂಪೋ ಬಹುಮತಿರ್ಬಹುವಿತ್ತೋ ವಿಚಕ್ಷಣಃ ॥ ೩೬॥

ನೃತ್ತಕೃಚ್ಚಿತ್ತಸನ್ತೋಷೋ ನೃತ್ತಗೀತವಿಶಾರದಃ ।
ಶರದ್ವರ್ಣವಿಭೂಷಾಢ್ಯೋ ಗಲದಗ್ಧೋಽಘನಾಶನಃ ॥ ೩೭॥

ನಾಗೀ ನಾಗಮಯೋಽನನ್ತೋಽನನ್ತರೂಪಃ ಪಿನಾಕಭೃತಃ ।
ನಟನೋ ಹಾಟಕೇಶಾನೋ ವರೀಯಾಂಶ್ಚ ವಿವರ್ಣಭೃತ್ ॥ ೩೮॥

ಝಾಙ್ಕಾರೀ ಟಙ್ಕಹಸ್ತಶ್ಚ ಪಾಶೀ ಶಾರ್ಙ್ಗೀ ಶಶಿಪ್ರಭಃ ।
ಸಹಸ್ರರೂಪೋ ಸಮಗುಃ ಸಾಧೂನಾಮಭಯಪ್ರದಃ ॥ ೩೯॥

ಸಾಧುಸೇವ್ಯಃ ಸಾಧುಗತಿಃ ಸೇವಾಫಲಪ್ರದೋ ವಿಭುಃ ।
ಸುಮಹಾ ಮದ್ಯಪೋ ಮತ್ತೋ ಮತ್ತಮೂರ್ತಿಃ ಸುಮನ್ತಕಃ ॥ ೪೦॥

ಕೀಲೀ ಲೀಲಾಕರೋ ಲಾನ್ತಃ ಭವಬನ್ಧೈಕಮೋಚನಃ ।
ರೋಚಿಷ್ಣುರ್ವಿಷ್ಣುರಚ್ಯುತಶ್ಚೂತನೋ ನೂತನೋ ನವಃ ॥ ೪೧॥

ನ್ಯಗ್ರೋಧರೂಪೋ ಭಯದೋ ಭಯಹಾಽಭೀತಿಧಾರಣಃ ।
ಧರಣೀಧರಸೇವ್ಯಶ್ಚ ಧರಾಧರಸುತಾಪತಿಃ ॥ ೪೨॥

ಧರಾಧರೋಽನ್ಧಕರಿಪುರ್ವಿಜ್ಞಾನೀ ಮೋಹವರ್ಜಿತಃ ।
ಸ್ಥಾಣುಕೇಶೋ ಜಟೀ ಗ್ರಾಮ್ಯೋ ಗ್ರಾಮಾರಾಮೋ ರಮಾಪ್ರಿಯಃ ॥ ೪೩॥

ಪ್ರಿಯಕೃತ್ ಪ್ರಿಯರೂಪಶ್ಚ ವಿಪ್ರಯೋಗೀ ಪ್ರತಾಪನಃ ।
ಪ್ರಭಾಕರಃ ಪ್ರಭಾದೀಪ್ತೋ ಮನ್ಯುಮಾನ್ ಅವನೀಶ್ವರಃ ॥ ೪೪॥

ತೀಕ್ಷ್ಣಬಾಹುಸ್ತೀಕ್ಷ್ಣಕರಸ್ತೀಕ್ಷ್ಣಾಂಶುಸ್ತೀಕ್ಷ್ಣಲೋಚನಃ ।
ತೀಕ್ಷ್ಣಚಿತ್ತಸ್ತ್ರಯೀರೂಪಸ್ತ್ರಯೀಮೂರ್ತಿಸ್ತ್ರಯೀತನುಃ ॥ ೪೫॥

ಹವಿರ್ಭುಗ್ ಹವಿಷಾಂ ಜ್ಯೋತಿರ್ಹಾಲಾಹಲೋ ಹಲೀಪತಿಃ ।
ಹವಿಷ್ಮಲ್ಲೋಚನೋ ಹಾಲಾಮಯೋ ಹರಿತರೂಪಭೃತ್ ॥ ೪೬॥

ಮ್ರದಿಮಾಽಽಮ್ರಮಯೋ ವೃಕ್ಷೋ ಹುತಾಶೋ ಹುತಭುಗ್ ಗುಣೀ ।
ಗುಣಜ್ಞೋ ಗರುಡೋ ಗಾನತತ್ಪರೋ ವಿಕ್ರಮೀ ಕ್ರಮೀ ॥ ೪೭॥

ಕ್ರಮೇಶ್ವರಃ ಕ್ರಮಕರಃ ಕ್ರಮಿಕೃತ್ ಕ್ಲಾನ್ತಮಾನಸಃ ।
ಮಹಾತೇಜಾ ಮಹಾಮಾರೋ ಮೋಹಿತೋ ಮೋಹವಲ್ಲಭಃ ॥ ೪೮॥

ಮಹಸ್ವೀ ತ್ರಿದಶೋ ಬಾಲೋ ಬಾಲಾಪತಿರಘಾಪಹಃ ।
ಬಾಲ್ಯೋ ರಿಪುಹರೋ ಹಾಹೀ ಗೋವಿರ್ಗವಿಮತೋಽಗುಣಃ ॥ ೪೯॥

ಸಗುಣೋ ವಿತ್ತರಾಡ್ ವೀರ್ಯೋ ವಿರೋಚನೋ ವಿಭಾವಸುಃ ।
ಮಾಲಾಮಯೋ ಮಾಧವಶ್ಚ ವಿಕರ್ತನೋ ವಿಕತ್ಥನಃ ॥ ೫೦॥

ಮಾನಕೃನ್ಮುಕ್ತಿದೋಽತುಲ್ಯೋ ಮುಖ್ಯಃ ಶತ್ರುಭಯಙ್ಕರಃ ।
ಹಿರಣ್ಯರೇತಾಃ ಸುಭಗಃ ಸತೀನಾಥಃ ಸಿರಾಪತಿಃ ॥ ೫೧॥

ಮೇಢ್ರೀ ಮೈನಾಕಭಗಿನೀಪತಿರುತ್ತಮರೂಪಭೃತ್ ।
ಆದಿತ್ಯೋ ದಿತಿಜೇಶಾನೋ ದಿತಿಪುತ್ರಕ್ಷಯಙ್ಕರಃ ॥ ೫೨॥

ವಸುದೇವೋ ಮಹಾಭಾಗ್ಯೋ ವಿಶ್ವಾವಸುರ್ವಸುಪ್ರಿಯಃ ।
ಸಮುದ್ರೋಽಮಿತತೇಜಾಶ್ಚ ಖಗೇನ್ದ್ರೋ ವಿಶಿಖೀ ಶಿಖೀ ॥ ೫೩॥

ಗರುತ್ಮಾನ್ ವಜ್ರಹಸ್ತಶ್ಚ ಪೌಲೋಮೀನಾಥ ಈಶ್ವರಃ ।
ಯಜ್ಞಪೇಯೋ ವಾಜಪೇಯಃ ಶತಕ್ರತುಃ ಶತಾನನಃ ॥ ೫೪॥

ಪ್ರತಿಷ್ಠಸ್ತೀವ್ರವಿಸ್ರಮ್ಭೀ ಗಮ್ಭೀರೋ ಭಾವವರ್ಧನಃ ।
ಗಾಯಿಷ್ಠೋ ಮಧುರಾಲಾಪೋ ಮಧುಮತ್ತಶ್ಚ ಮಾಧವಃ ॥ ೫೫॥

ಮಾಯಾತ್ಮಾ ಭೋಗಿನಾಂ ತ್ರಾತಾ ನಾಕಿನಾಮಿಷ್ಟದಾಯಕಃ ।
ನಾಕೀನ್ದ್ರೋ ಜನಕೋ ಜನ್ಯಃ ಸ್ತಮ್ಭನೋ ರಮ್ಭನಾಶನಃ ॥ ೫೬॥

ಶಙ್ಕರ ಈಶ್ವರ ಈಶಃ ಶರ್ವರೀಪತಿಶೇಖರಃ ।
ಲಿಙ್ಗಾಧ್ಯಕ್ಷಃ ಸುರಾಧ್ಯಕ್ಷೋ ವೇದಾಧ್ಯಕ್ಷೋ ವಿಚಾರಕಃ ॥ ೫೭॥

ಭರ್ಗೋಽನರ್ಘ್ಯೋ ನರೇಶಾನೋ ನರವಾಹನಸೇವಿತಃ ।
ಚತುರೋ ಭವಿತಾ ಭಾವೀ ಭಾವದೋ ಭವಭೀತಿಹಾ ॥ ೫೮॥

ಭೂತೇಶೋ ಮಹಿತೋ ರಾಮೋ ವಿರಾಮೋ ರಾತ್ರಿವಲ್ಲಭಃ ।
ಮಙ್ಗಲೋ ಧರಣೀಪುತ್ರೋ ಧನ್ಯೋ ಬುದ್ಧಿವಿವರ್ಧನಃ ॥ ೫೯॥

ಜಯೀ ಜೀವೇಶ್ವರೋ ಜಾರೋ ಜಾಠರೋ ಜಹ್ನುತಾಪನಃ ।
ಜಹ್ನುಕನ್ಯಾಧರಃ ಕಲ್ಪೋ ವತ್ಸರೋ ಮಾಸರೂಪಧೃತ್ ॥ ೬೦॥

ಋತುರೃಭೂಸುತಾಧ್ಯಕ್ಷೋ ವಿಹಾರೀ ವಿಹಗಾಧಿಪಃ ।
ಶುಕ್ಲಾಮ್ಬರೋ ನೀಲಕಣ್ಠಃ ಶುಕ್ಲೋ ಭೃಗುಸುತೋ ಭಗಃ ॥ ೬೧॥

ಶಾನ್ತಃ ಶಿವಪ್ರದೋಽಭೇದ್ಯೋಽಭೇದಕೃಚ್ಛಾನ್ತಕೃತ್ ಪತಿಃ ।
ನಾಥೋ ದಾನ್ತೋ ಭಿಕ್ಷುರೂಪೀ ದಾತೃಶ್ರೇಷ್ಠೋ ವಿಶಾಮ್ಪತಿಃ ॥ ೬೨॥

ಕುಮಾರಃ ಕ್ರೋಧನಃ ಕ್ರೋಧೀ ವಿರೋಧೀ ವಿಗ್ರಹೀ ರಸಃ ।
ನೀರಸಃ ಸರಸಃ ಸಿದ್ಧೋ ವೃಷಣೀ ವೃಷಘಾತನಃ ॥ ೬೩॥

ಪಞ್ಚಾಸ್ಯಃ ಷಣ್ಮುಖಶ್ಚೈವ ವಿಮುಖಃ ಸುಮುಖೀಪ್ರಿಯಃ ।
ದುರ್ಮುಖೋ ದುರ್ಜಯೋ ದುಃಖೀ ಸುಖೀ ಸುಖವಿಲಾಸದಃ ॥ ೬೪॥

ಪಾತ್ರೀ ಪೌತ್ರೀ ಪವಿತ್ರಶ್ಚ ಭೂತಾತ್ಮಾ ಪೂತನಾನ್ತಕಃ ।
ಅಕ್ಷರಂ ಪರಮಂ ತತ್ವಂ ಬಲವಾನ್ ಬಲಘಾತನಃ ॥ ೬೫॥

ಭಲ್ಲೀ ಭೌಲಿರ್ಭವಾಭಾವೋ ಭಾವಾಭಾವವಿಮೋಚನಃ ।
ನಾರಾಯಣೋ ಮುಕ್ತಕೇಶೋ ದಿಗ್ದೇವೋ ಧರ್ಮನಾಯಕಃ ॥ ೬೬॥

ಕಾರಾಮೋಕ್ಷಪ್ರದೋಽಜೇಯೋ ಮಹಾಙ್ಗಃ ಸಾಮಗಾಯನಃ ।
ತತ್ಸಙ್ಗಮೋ ನಾಮಕಾರೀ ಚಾರೀ ಸ್ಮರನಿಸೂದನಃ ॥ ೬೭॥

ಕೃಷ್ಣಃ ಕೃಷ್ಣಾಮ್ಬರಃ ಸ್ತುತ್ಯಸ್ತಾರಾವರ್ಣಸ್ತ್ರಪಾಕುಲಃ ।
ತ್ರಪಾವಾನ್ ದುರ್ಗತಿತ್ರಾತಾ ದುರ್ಗಮೋ ದುರ್ಗಘಾತನಃ ॥ ೬೮॥

ಮಹಾಪಾದೋ ವಿಪಾದಶ್ಚ ವಿಪದಂ ನಾಶಕೋ ನರಃ ।
ಮಹಾಬಾಹುರ್ಮಹೋರಸ್ಕೋ ಮಹಾನನ್ದಪ್ರದಾಯಕಃ ॥ ೬೯॥

ಮಹಾನೇತ್ರೋ ಮಹಾದಾತಾ ನಾನಾಶಾಸ್ತ್ರವಿಚಕ್ಷಣಃ ।
ಮಹಾಮೂರ್ಧಾ ಮಹಾದನ್ತೋ ಮಹಾಕರ್ಣೋ ಮಹೋರಗಃ ॥ ೭೦॥

ಮಹಾಚಕ್ಷುರ್ಮಹಾನಾಸೋ ಮಹಾಗ್ರೀವೋ ದಿಗಾಲಯಃ ।
ದಿಗ್ವಾಸಾ ದಿತಿಜೇಶಾನೋ ಮುಣ್ಡೀ ಮುಣ್ಡಾಕ್ಷಸೂತ್ರ ಭೃತ್ ॥ ೭೧॥

ಶ್ಮಶಾನನಿಲಯೋಽರಾಗೀ ಮಹಾಕಟಿರನೂತನಃ ।
ಪುರಾಣಪುರುಷೋಽಪಾರಃ ಪರಮಾತ್ಮಾ ಮಹಾಕರಃ ॥ ೭೨॥

ಮಹಾಲಸ್ಯೋ ಮಹಾಕೇಶೋ ಮಹೋಷ್ಠೋ ಮೋಹನೋ ವಿರಾಟ್ ।
ಮಹಾಮುಖೋ ಮಹಾಜಙ್ಘೋ ಮಣ್ಡಲೀ ಕುಣ್ಡಲೀ ನಟಃ ॥ ೭೩॥

ಅಸಪತ್ನಃ ಪತ್ರಕರಃ ಪಾತ್ರಹಸ್ತಶ್ಚ ಪಾಟವಃ ।
ಲಾಲಸಃ ಸಾಲಸಃ ಸಾಲಃ ಕಲ್ಪವೃಕ್ಷಶ್ಚ ಕಮ್ಪಿತಃ ॥ ೭೪॥

ಕಮ್ಪಹಾ ಕಲ್ಪನಾಹಾರೀ ಮಹಾಕೇತುಃ ಕಠೋರಕಃ ।
ಅನಲಃ ಪವನಃ ಪಾಠಃ ಪೀಠಸ್ಥಃ ಪೀಠರೂಪಕಃ ॥ ೭೫॥

ಪಾಟೀನಃ ಕುಲಿಶೀ ಪೀನೋ ಮೇರುಧಾಮಾ ಮಹಾಗುಣೀ ।
ಮಹಾತೂಣೀರಸಂಯುಕ್ತೋ ದೇವದಾನವದರ್ಪಹಾ ॥ ೭೬॥

ಅಥರ್ವಶೀರ್ಷಃ ಸೋಮ್ಯಾಸ್ಯಃ ಋಕ್ಸಹಸ್ರಾಮಿತೇಕ್ಷಣಃ ।
ಯಜುಃಸಾಮಮುಖೋ ಗುಹ್ಯೋ ಯಜುರ್ವೇದವಿಚಕ್ಷಣಃ ॥ ೭೭॥

ಯಾಜ್ಞಿಕೋ ಯಜ್ಞರೂಪಶ್ಚ ಯಜ್ಞಜ್ಞೋ ಧರಣೀಪತಿಃ ।
ಜಙ್ಗಮೀ ಭಙ್ಗದೋ ಭಾಷಾದಕ್ಷೋಽಭಿಗಮದರ್ಶನಃ ॥ ೭೮॥

ಅಗಮ್ಯಃ ಸುಗಮಃ ಖರ್ವಃ ಖೇಟೀ ಖಟ್ವಾನನಃ ನಯಃ ।
ಅಮೋಘಾರ್ಥಃ ಸಿನ್ಧುಪತಿಃ ಸೈನ್ಧವಃ ಸಾನುಮಧ್ಯಗಃ ॥ ೭೯॥

ಪ್ರತಾಪೀ ಪ್ರಜಯೀ ಪ್ರಾತರ್ಮಧ್ಯಾಹ್ನಸಾಯಮಧ್ವರಃ ।
ತ್ರಿಕಾಲಜ್ಞಃ ಸುಗಣಕಃ ಪುಷ್ಕರಸ್ಥಃ ಪರೋಪಕೃತ್ ॥ ೮೦॥

ಉಪಕರ್ತಾಪಹರ್ತಾ ಚ ಘೃಣೀ ರಣಜಯಪ್ರದಃ ।
ಧರ್ಮೀ ಚರ್ಮಾಮ್ಬರಶ್ಚಾರುರೂಪಶ್ಚಾರುವಿಶೋಷಣಃ ॥ ೮೧॥

ನಕ್ತಞ್ಚರಃಕಾಲವಶೀ ವಶೀ ವಶಿವರೋಽವಶಃ ।
ವಶ್ಯೋ ವಶ್ಯಕರೋ ಭಸ್ಮಶಾಯೀ ಭಸ್ಮವಿಲೇಪನಃ ॥ ೮೨॥

ಭಸ್ಮಾಙ್ಗೀ ಮಲಿನಾಙ್ಗಶ್ಚ ಮಾಲಾಮಣ್ಡಿತಮೂರ್ಧಜಃ ।
ಗಣಕಾರ್ಯಃ ಕುಲಾಚಾರಃ ಸರ್ವಾಚಾರಃ ಸಖಾ ಸಮಃ ॥ ೮೩॥

ಸುಕುರಃ ಗೋತ್ರಭಿದ್ ಗೋಪ್ತಾ ಭೀಮರೂಪೋ ಭಯಾನಕಃ ।
ಅರುಣಶ್ಚೈಕಚಿನ್ತ್ಯಶ್ಚ ತ್ರಿಶಙ್ಕುಃ ಶಙ್ಕುಧಾರಣಃ ॥ ೮೪॥

ಆಶ್ರಮೀ ಬ್ರಾಹ್ಮಣೋ ವಜ್ರೀ ಕ್ಷತ್ರಿಯಃ ಕಾರ್ಯಹೇತುಕಃ ।
ವೈಶ್ಯಃ ಶೂದ್ರಃ ಕಪೋತಸ್ಥಃ ತ್ವಷ್ಟಾ ತುಷ್ಟೋ ರುಷಾಕುಲಃ ॥ ೮೫॥

ರೋಗೀ ರೋಗಾಪಹಃ ಶೂರಃ ಕಪಿಲಃ ಕಪಿನಾಯಕಃ ।
ಪಿನಾಕೀ ಚಾಷ್ಟಮೂರ್ತಿಶ್ಚ ಕ್ಷಿತಿಮಾನ್ ಧೃತಿಮಾಂಸ್ತಥಾ ॥ ೮೬॥

ಜಲಮೂರ್ತಿರ್ವಾಯುಮೂರ್ತಿರ್ಹುತಾಶಃ ಸೋಮಮೂರ್ತಿಮಾನ್ ।
ಸೂರ್ಯದೇವೋ ಯಜಮಾನ ಆಕಾಶಃ ಪರಮೇಶ್ವರಃ ॥ ೮೭॥

ಭವಹಾ ಭವಮೂರ್ತಿಶ್ಚ ಭೂತಾತ್ಮಾ ಭೂತಭಾವನಃ ।
ಭವಃ ಶರ್ವಸ್ತಥಾ ರುದ್ರಃ ಪಶುನಾಥಶ್ಚ ಶಙ್ಕರಃ ॥ ೮೮॥

ಗಿರಿಜೋ ಗಿರಿಜಾನಾಥೋ ಗಿರೀನ್ದ್ರಶ್ಚ ಮಹೇಶ್ವರಃ ।
ಗಿರೀಶಃ ಖಣ್ಡಹಸ್ತಶ್ಚ ಮಹಾನುಗ್ರೋ ಗಣೇಶ್ವರಃ ॥ ೮೯॥

ಭೀಮಃ ಕಪರ್ದೀ ಭೀತಿಜ್ಞಃ ಖಣ್ಡಪಶ್ಚಣ್ಡವಿಕ್ರಮಃ ।
ಖಡ್ಗಭೃತ್ ಖಣ್ಡಪರಶುಃ ಕೃತ್ತಿವಾಸಾ ವಿಷಾಪಹಃ ॥ ೯೦॥

ಕಙ್ಕಾಲಃ ಕಲನಾಕಾರಃ ಶ್ರೀಕಣ್ಠೋ ನೀಲಲೋಹಿತಃ ।
ಗಣೇಶ್ವರೋ ಗುಣೀ ನನ್ದೀ ಧರ್ಮರಾಜೋ ದುರನ್ತಕಃ ॥ ೯೧॥

ಭೃಙ್ಗಿರೀಟೀ ರಸಾಸಾರೋ ದಯಾಲೂ ರೂಪಮಣ್ಡಿತಃ ।
ಅಮೃತಃ ಕಾಲರುದ್ರಶ್ಚ ಕಾಲಾಗ್ನಿಃ ಶಶಿಶೇಖರಃ ॥ ೯೨॥

ಸದ್ಯೋಜಾತಃ ಸುವರ್ಣಮುಞ್ಜಮೇಖಲೀ ದುರ್ನಿಮಿತ್ತಹೃತ್ ।
ದುಃಸ್ವಪ್ನಹೃತ್ ಪ್ರಸಹನೋ ಗುಣಿನಾದಪ್ರತಿಷ್ಠಿತಃ ॥ ೯೩॥

ಶುಕ್ಲಸ್ತ್ರಿಶುಕ್ಲಃ ಸಮ್ಪನ್ನಃ ಶುಚಿರ್ಭೂತನಿಷೇವಿತಃ ।
ಯಜ್ಞರೂಪೋ ಯಜ್ಞಮುಖೋ ಯಜಮಾನೇಷ್ಟದಃ ಶುಚಿಃ ॥ ೯೪॥

ಧೃತಿಮಾನ್ ಮತಿಮಾನ್ ದಕ್ಷೋ ದಕ್ಷಯಜ್ಞವಿಘಾತಕಃ ।
ನಾಗಹಾರೀ ಭಸ್ಮಧಾರೀ ಭೂತಿಭೂಷಿತವಿಗ್ರಹಃ ॥ ೯೫॥

ಕಪಾಲೀ ಕುಣ್ಡಲೀ ಭರ್ಗಃ ಭಕ್ತಾರ್ತಿಭಞ್ಜನೋ ವಿಭುಃ ।
ವೃಷಧ್ವಜೋ ವೃಷಾರೂಢೋ ಧರ್ಮವೃಷವಿವರ್ಧಕಃ ॥ ೯೬॥

ಮಹಾಬಲಃ ಸರ್ವತೀರ್ಥಃ ಸರ್ವಲಕ್ಷಣಲಕ್ಷಿತಃ ।
ಸಹಸ್ರಬಾಹುಃ ಸರ್ವಾಙ್ಗಃ ಶರಣ್ಯಃ ಸರ್ವಲೋಕಕೃತ್ ॥ ೯೭॥

ಪವಿತ್ರಸ್ತ್ರಿಕಕುನ್ಮನ್ತ್ರಃ ಕನಿಷ್ಠಃ ಕೃಷ್ಣಪಿಙ್ಗಲಃ ।
ಬ್ರಹ್ಮದಣ್ಡವಿನಿರ್ಮಾತಾ ಶತಘ್ನೀಪಾಶಶಕ್ತಿಮಾನ್ ॥ ೯೮॥

ಪದ್ಮಗರ್ಭೋ ಮಹಾಗರ್ಭೋ ಬ್ರಹ್ಮಗರ್ಭೋ ಜಲೋದ್ಭವಃ ।
ದೇವಾಸುರವಿನಿರ್ಮಾತಾ ದೇವಾಸುರಪರಾಯಣ ॥ ೯೯॥

ದೇವಾಸುರಗುರುರ್ದೇವೋ ದೇವಾಸುರನಮಸ್ಕೃತ್ ।
ಗುಹಪ್ರಿಯೋ ಗಣಸೇವ್ಯಃ ಪವಿತ್ರಃ ಸರ್ವಪಾವನಃ ॥ ೧೦೦॥

ಲಲಾಟಾಕ್ಷೋ ವಿಶ್ವದೇವೋ ದಮನಃ ಶ್ವೇತಪಿಙ್ಗಲಃ ।
ವಿಮುಕ್ತಿರ್ಮುಕ್ತಿತೇಜಸ್ಕೋ ಭಕ್ತಾನಾಂ ಪರಮಾ ಗತಿಃ ॥ ೧೦೧॥

ದೇವಾತಿದೇವೋ ದೇವರ್ಷಿರ್ದೇವಾಸುರವರಪ್ರದಃ ।
ಕೈಲಾಸಗಿರಿವಾಸೀ ಚ ಹಿಮವದ್ಗಿರಿಸಂಶ್ರಯಃ ॥ ೧೦೨॥

ನಾಥಪೂಜ್ಯಃ ಸಿದ್ಧನೃತ್ಯೋ ನವನಾಥಸಮರ್ಚಿತಃ ।
ಕಪರ್ದೀ ಕಲ್ಪಕೃದ್ ರುದ್ರಃ ಸುಮನಾ ಧರ್ಮವತ್ಸಲಃ ॥ ೧೦೩॥

ವೃಷಾಕಪಿಃ ಕಲ್ಪಕರ್ತಾ ನಿಯತಾತ್ಮಾ ನಿರಾಕುಲಃ ।
ನೀಲಕಣ್ಠೋ ಧನಾಧ್ಯಕ್ಷೋ ನಾಥಃ ಪ್ರಮಥನಾಯಕಃ ॥ ೧೦೪॥

ಅನಾದಿರನ್ತರಹಿತೋ ಭೂತಿದೋ ಭೂತಿವಿಗ್ರಹಃ ।
ಸೇನಾಕಲ್ಪೋ ಮಹಾಕಲ್ಪೋ ಯೋಗೋ ಯುಗಕರೋ ಹರಿಃ ॥ ೧೦೫॥

ಯುಗರೂಪೋ ಮಹಾರೂಪೋ ಮಹಾಗೀತೋ ಮಹಾಗುಣಃ ।
ವಿಸರ್ಗೋ ಲಿಙ್ಗರೂಪಶ್ಚ ಪವಿತ್ರಃ ಪಾಪನಾಶನಃ ॥ ೧೦೬॥

ಈಡ್ಯೋ ಮಹೇಶ್ವರಃ ಶಮ್ಭುರ್ದೇವಸಿಂಹೋ ನರರ್ಷಭಃ ।
ವಿಬುಧೋಽಗ್ರವರಃ ಸೂಕ್ಷ್ಮಃ ಸರ್ವದೇವಸ್ತಪೋಮಯಃ ॥ ೧೦೭॥

ಸುಯುಕ್ತಃ ಶೋಭನೋ ವಜ್ರೀ ದೇವಾನಾಂ ಪ್ರಭವೋಽವ್ಯಯಃ ।
ಗುಹಃ ಕಾನ್ತೋ ನಿಜಸರ್ಗಃ ಪವಿತ್ರಃ ಸರ್ವಪಾವನಃ ॥ ೧೦೮॥

ಶೃಙ್ಗೀ ಶೃಙ್ಗಪ್ರಿಯೋ ಬಭ್ರೂ ರಾಜರಾಜೋ ನಿರಾಮಯಃ ।
ದೇವಾಸುರಗಣಾಧ್ಯಕ್ಷೋ ನಿಯಮೇನ್ದ್ರಿಯವರ್ಧನಃ ॥ ೧೦೯॥

ತ್ರಿಪುರಾನ್ತಕಃ ಶ್ರೀಕಣ್ಠಸ್ತ್ರಿನೇತ್ರಃ ಪಞ್ಚವಕ್ತ್ರಕಃ ।
ಕಾಲಹೃತ್ ಕೇವಲಾತ್ಮಾ ಚ ಋಗ್ಯಜುಃಸಾಮವೇದವಾನ್ ॥ ೧೧೦॥

ಈಶಾನಃ ಸರ್ವಭೂತಾಮೀಶ್ವರಃ ಸರ್ವರಕ್ಷಸಾಮ್ ।
ಬ್ರಹ್ಮಾಧಿಪತಿರ್ಬ್ರಹ್ಮಪತಿರ್ಬ್ರಹ್ಮಣೋಽಧಿಪತಿಸ್ತಥಾ ॥ ೧೧೧॥

ಬ್ರಹ್ಮಾ ಶಿವಃ ಸದಾನನ್ದೀ ಸದಾನನ್ತಃ ಸದಾಶಿವಃ ।
ಮೇ-ಅಸ್ತುರೂಪಶ್ಚಾರ್ವಙ್ಗೋ ಗಾಯತ್ರೀರೂಪಧಾರಣಃ ॥ ೧೧೨॥

ಅಘೋರೇಭ್ಯೋಽಥಘೋರೇಭ್ಯೋ ಘೋರಘೋರತರೇಭ್ಯಶ್ಚ ।
ಸರ್ವತಃ ಶರ್ವಸರ್ವೇಭ್ಯೋ ನಮಸ್ತೇ ರುದ್ರರೂಪೇಭ್ಯಃ ॥ ೧೧೩॥

ವಾಮದೇವಸ್ತಥಾ ಜ್ಯೇಷ್ಠಃ ಶ್ರೇಷ್ಠಃ ಕಾಲಃ ಕರಾಲಕಃ ।
ಮಹಾಕಾಲೋ ಭೈರವೇಶೋ ವೇಶೀ ಕಲವಿಕರಣಃ ॥ ೧೧೪॥

ಬಲವಿಕರಣೋ ಬಾಲೋ ಬಲಪ್ರಮಥನಸ್ತಥಾ ।
ಸರ್ವಭೂತಾದಿದಮನೋ ದೇವದೇವೋ ಮನೋನ್ಮನಃ ॥ ೧೧೫॥

ಸದ್ಯೋಜಾತಂ ಪ್ರಪದ್ಯಾಮಿ ಸದ್ಯೋಜಾತಾಯ ವೈ ನಮಃ ।
ಭವೇ ಭವೇ ನಾತಿಭವೇ ಭಜಸ್ವ ಮಾಂ ಭವೋದ್ಭವಃ ॥ ೧೧೬॥

ಭಾವನೋ ಭವನೋ ಭಾವ್ಯೋ ಬಲಕಾರೀ ಪರಂ ಪದಮ್ ।
ಪರಃ ಶಿವಃ ಪರೋ ಧ್ಯೇಯಃ ಪರಂ ಜ್ಞಾನಂ ಪರಾತ್ಪರಃ ॥೧೧೭॥

ಪಾರಾವಾರಃ ಪಲಾಶೀ ಚ ಮಾಂಸಾಶೀ ವೈಷ್ಣವೋತ್ತಮಃ ।
ಓಂಐಂಹ್ರೀಂಶ್ರೀಂಹ್ಸೌಃ ದೇವೋ ಓಂಶ್ರೀಂಹೌಂ ಭೈರವೋತ್ತಮಃ ॥ ೧೧೮॥

ಓಂಹ್ರಾಂ ನಮಃ ಶಿವಾಯೇತಿ ಮನ್ತ್ರೋ ವಟುರ್ವರಾಯುಧಃ ।
ಓಂಹ್ರೀಂ ಸದಾಶಿವಃ ಓಂಹ್ರೀಂ ಆಪದುದ್ಧಾರಣೋ ಮನುಃ ॥ ೧೧೯॥

ಓಂಹ್ರೀಂ ಮಹಾಕರಾಲಾಸ್ಯಃ ಓಂಹ್ರೀಂ ಬಟುಕಭೈರವಃ ।
ಭಗವಾಂಸ್ತ್ರ್ಯಮ್ಬಕ ಓಂಹ್ರೀಂ ಓಂಹ್ರೀಂ ಚನ್ದ್ರಾರ್ಧಶೇಖರಃ ॥ ೧೨೦॥

ಓಂಹ್ರೀಂ ಸಞ್ಜಟಿಲೋ ಧೂಮ್ರೋ ಓಂಹ್ರೀಂ ತ್ರಿಪುರಘಾತನಃ ।
ಹ್ರಾಂಹ್ರೀಂಹ್ರುಂ ಹರಿವಾಮಾಙ್ಗ ಓಂಹ್ರೀಂಹ್ರೂಂಹ್ರೀಂ ತ್ರಿಲೋಚನಃ ॥ ೧೨೧॥

ಓಂ ವೇದರೂಪೋ ವೇದಜ್ಞ ಋಗ್ಯಜುಃಸಾಮಮೂರ್ತಿಮಾನ್ ।
ರುದ್ರೋ ಘೋರರವೋಽಘೋರೋ ಓಂ ಕ್ಷ್ಮ್ಯೂಂ ಅಘೋರಭೈರವಃ ॥ ೧೨೨॥

ಓಂಜುಂಸಃ ಪೀಯುಷಸಕ್ತೋಽಮೃತಾಧ್ಯಕ್ಷೋಽಮೃತಾಲಸಃ ।
ಓಂ ತ್ರ್ಯಮ್ಬಕಂ ಯಜಾಮಹೇ ಸುಗನ್ಧಿಂ ಪುಷ್ಟಿವರ್ಧನಮ್ ॥ ೧೨೩॥

ಉರ್ವಾರುಕಮಿವ ಬನ್ಧನಾನ್ಮೃತ್ಯೋರ್ಮುಕ್ಷೀಯ ಮಾಮೃತಾತ್ ।
ಓಂಹೌಂಜುಂಸಃ ಓಂಭೂರ್ಭುವಃ ಸ್ವಃ ಓಂಜುಂಸಃ ಮೃತ್ಯುಞ್ಜಯಃ ॥ ೧೨೪॥

ಇದಂ ನಾಮ್ನಾಂ ಸಹಸ್ರಂ ತು ರಹಸ್ಯಂ ಪರಮಾದ್ಭುತಮ್ ।
ಸರ್ವಸ್ವಂ ನಾಕಿನಾಂ ದೇವಿ ಜನ್ತೂನಾಂ ಭುವಿ ಕಾ ಕಥಾ ॥ ೧೨೫॥

ತವ ಭಕ್ತ್ಯಾ ಮಯಾಖ್ಯಾತಂ ತ್ರಿಷು ಲೋಕೇಷು ದುರ್ಲಭಮ್ ।
ಗೋಪ್ಯಂ ಸಹಸ್ರನಾಮೇದಂ ಸಾಕ್ಷಾದಮೃತರೂಪಕಮ್ ॥ ೧೨೬॥

ಯಃ ಪಠೇತ್ ಪಾಠಯೇದ್ವಾಪಿ ಶ್ರಾವಯೇಚ್ಛೃಣುಯಾತ್ ತಥಾ ।
ಮೃತ್ಯುಞ್ಜಯಸ್ಯ ದೇವಸ್ಯ ಫಲಂ ತಸ್ಯ ಶಿವೇ ಶ್ರೃಣು ॥ ೧೨೭॥

ಲಕ್ಷ್ಮ್ಯಾ ಕೃಷ್ಣೋ ಧಿಯಾ ಜೀವೋ ಪ್ರತಾಪೇನ ದಿವಾಕರಃ ।
ತೇಜಸಾ ವಹ್ನಿದೇವಸ್ತು ಕವಿತ್ವೇ ಚೈವ ಭಾರ್ಗವಃ ॥ ೧೨೮॥

ಶೌರ್ಯೇಣ ಹರಿಸಙ್ಕಾಶೋ ನೀತ್ಯಾ ದ್ರುಹಿಣಸನ್ನಿಭಃ ।
ಈಶ್ವರತ್ವೇನ ದೇವೇಶಿ ಮತ್ಸಮಃ ಕಿಮತಃ ಪರಮ್ ॥ ೧೨೯॥

ಯಃ ಪಠೇದರ್ಧರಾತ್ರೇ ಚ ಸಾಧಕೋ ಧೈರ್ಯಸಂಯುತಃ ।
ಪಠೇತ್ ಸಹಸ್ರನಾಮೇದಂ ಸಿದ್ಧಿಮಾಪ್ನೋತಿ ಸಾಧಕಃ ॥ ೧೩೦॥

ಚತುಷ್ಪಥೇ ಚೈಕಲಿಙ್ಗೇ ಮರುದೇಶೇ ವನೇಽಜನೇ ।
ಶ್ಮಶಾನೇ ಪ್ರಾನ್ತರೇ ದುರ್ಗೇ ಪಾಠಾತ್ ಸಿದ್ಧಿರ್ನ ಸಂಶಯಃ ॥ ೧೩೧॥

ನೌಕಾಯಾಂ ಚೌರಸಙ್ಘೇ ಚ ಸಙ್ಕಟೇ ಪ್ರಾಣಸಂಕ್ಷಯೇ ।
ಯತ್ರ ಯತ್ರ ಭಯೇ ಪ್ರಾಪ್ತೇ ವಿಷವಹ್ನಿಭಯಾದಿಷು ॥ ೧೩೨॥

ಪಠೇತ್ ಸಹಸ್ರನಾಮಾಶು ಮುಚ್ಯತೇ ನಾತ್ರ ಸಂಶಯಃ ।
ಭೌಮಾವಸ್ಯಾಂ ನಿಶೀಥೇ ಚ ಗತ್ವಾ ಪ್ರೇತಾಲಯಂ ಸುಧೀಃ ॥ ೧೩೩॥

ಪಠಿತ್ವಾ ಸ ಭವೇದ್ ದೇವಿ ಸಾಕ್ಷಾದಿನ್ದ್ರೋಽರ್ಚಿತಃ ಸುರೈಃ ।
ಶನೌ ದರ್ಶದಿನೇ ದೇವಿ ನಿಶಾಯಾಂ ಸರಿತಸ್ತಟೇ ॥ ೧೩೪॥

ಪಠೇನ್ನಾಮಸಹಸ್ರಂ ವೈ ಜಪೇದಷ್ಟೋತ್ತರಂ ಶತಮ್ ।
ಸುದರ್ಶನೋ ಭವೇದಾಶು ಮೃತ್ಯುಞ್ಜಯಪ್ರಸಾದತಃ ॥ ೧೩೫॥

ದಿಗಮ್ಬರೋ ಮುಕ್ತಕೇಶಃ ಸಾಧಕೋ ದಶಧಾ ಪಠೇತ್ ।
ಇಹ ಲೋಕೇ ಭವೇದ್ರಾಜಾ ಪರೇ ಮುಕ್ತಿರ್ಭವಿಷ್ಯತಿ ॥ ೧೩೬॥

ಇದಂ ರಹಸ್ಯಂ ಪರಮಂ ಭಕ್ತ್ಯಾ ತವ ಮಯೋದಿತಮ್ ।
ಮನ್ತ್ರಗರ್ಭಂ ಮನುಮಯಂ ನ ಚಾಖ್ಯೇಯಂ ದುರಾತ್ಮನೇ ॥ ೧೩೭॥

ನೋ ದದ್ಯಾತ್ ಪರಶಿಷ್ಯೇಭ್ಯಃ ಪುತ್ರೇಭ್ಯೋಽಪಿ ವಿಶೇಷತಃ ।
ರಹಸ್ಯಂ ಮಮ ಸರ್ವಸ್ವಂ ಗೋಪ್ಯಂ ಗುಪ್ತತರಂ ಕಲೌ ॥ ೧೩೮॥

ಷಣ್ಮುಖಸ್ಯಾಪಿ ನೋ ವಾಚ್ಯಂ ಗೋಪನೀಯಂ ತಥಾತ್ಮನಃ ।
ದುರ್ಜನಾದ್ ರಕ್ಷಣೀಯಂ ಚ ಪಠನೀಯಮಹರ್ನಿಶಮ್ ॥ ೧೩೯॥

ಶ್ರೋತವ್ಯಂ ಸಾಧಕಮುಖಾದ್ರಕ್ಷಣೀಯಂ ಸ್ವಪುತ್ರವತ್ ।
॥ ಇತಿ ಶ್ರೀರುದ್ರಯಾಮಲೇ ತನ್ತ್ರೇ ಶ್ರೀದೇವೀರಹಸ್ಯೇ

ಮೃತ್ಯುಞ್ಜಯಸಹಸ್ರನಾಮಂ ಸಮ್ಪೂರ್ಣಮ್ ॥


Encoded and Proofread by Ravin Bhalekar ravibhalekar@hotmail.com

Please send corrections to sanskrit@cheerful.com
Last updated ತ್oday
http://sanskritdocuments.org

Mrutyunjaya Sahasranama Stotram Lyrics in Kannada PDF
% File name : mRityunjayasahasra.itx
% Category : sahasranAma
% Location : doc\_shiva
% Author : Traditional
% Language : Sanskrit
% Subject : philosophy/hinduism/religion
% Transliterated by : Ravin Bhalekar ravibhalekar at hotmail.com
% Proofread by : Ravin Bhalekar ravibhalekar at hotmail.com
% Description-comments : rudrayAmale tantre devIrahasye
% Latest update : January 24, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website