{॥ ଶ୍ରୀରାମନାଥ-ସୁପ୍ରଭାତମ୍ ॥}
ଗଣେଶଂ ଶାରଦାଂ ଶଂଭୁଂ ଦେଵୀଂ ଦୁର୍ଗାଂ ଚ ରାଘଵମ୍ ।
ରାମନାଥଂ ନମସ୍କୃତ୍ଯ ସୁପ୍ରଭାତଂ କରୋମ୍ଯହମ୍ ॥ ୧॥

ନମସ୍ତେ ଗିରିଜା-କାନ୍ତ ଶରଣାଗତ-ଵତ୍ସଲ ।
ଉତ୍ତିଷ୍ଠ କରୁଣାସିନ୍ଧୋ ସନ୍ଧ୍ଯାକାଲଃ ପ୍ରଵର୍ତତେ ॥ ୨॥

ଉତ୍ତିଷ୍ଠୋତ୍ତିଷ୍ଠ ଗୌରୀଶ ଉତ୍ତିଷ୍ଠ ଵୃଷଭ-ଧ୍ଵଜ ।
ଉତ୍ତିଷ୍ଠ ପାର୍ଵତୀ-ନାଥ ତ୍ରୈଲୋକ୍ଯଂ ମଙ୍ଗଲଂ କୁରୁ ॥ ୩॥

ମାତଃ ପୁରାରି-ହୃଦଯାଂବୁଜ-ନିତ୍ଯଵାସେ ଭକ୍ତ୍ଯା ମୁରାରି-ମୁଖପୂଜିତ-ପାଦଯୁଗ୍ମେ ।
ଶ୍ରୀଶଂକରାଶ୍ରିତ-ଜନେଷୁ ଦଯାର୍ଦ୍ର-ଚିତ୍ତେ ଶ୍ରୀରାମନାଥ-ଦଯିତେ ତଵ ସୁପ୍ରଭାତମ୍ ॥ ୪॥

ତଵ ସୁପ୍ରଭାତମମରେନ୍ଦ୍ର-ଵନ୍ଦିତେ ନିଜ-ଦୀନ-ଭକ୍ତ-ଵରଦାନ-ଶୋଭିତେ ।
ହର୍-ଇଧାତୃ-ଦେଵରମଣୀଭିରର୍ଚିତେ ହ୍ଯଵ ରାମନାଥ-ଦଯିତେ ଦଯାଯୁତେ ॥ ୫॥

ରାମାଦି-ଭକ୍ତନିଚଯାସ୍ତ୍ଵଦୁପାସନାଯ ଗଂଗାଦି-ପୁଣ୍ଯସରିଦାହୃତ-ଦିଵ୍ଯପୁଷ୍ପୈଃ ।
ଆଗତ୍ଯ ପାଦଯୁଗଲାର୍ଚନ-ଜାଗରୂକାଃ ଶ୍ରୀଗନ୍ଧମାଦନଵିଭୋ ତଵ ସୁପ୍ରଭାତମ୍ ॥ ୬॥

ଵୀଣା-ମୃଦଙ୍ଗ-ପରିମଣ୍ଡିତ-ନାରଦାଦ୍ଯୈଃ ସଂଗୀଯମାନ-ଚରିତାମୃତ ପୁଣ୍ଯଦେହ ।
ଚୂଡାମଣୀକୃତ-ମନୋହର-ଚନ୍ଦ୍ରବିଂବ ଶ୍ରୀଗନ୍ଧମାଦନଵିଭୋ ତଵ ସୁପ୍ରଭାତମ୍ ॥ ୭॥

ରାମେଶ୍ଵରେତି ପ୍ରଥିତେ ପ୍ରଦେଶେ ରାମଂ ପୁରସ୍କୃତ୍ଯ ଶିଵଂ ସ୍ତୁଵନ୍ତି ।
ଐକ୍ଯଂ ପ୍ରଦିଷ୍ଟଂ ଶିଵରାମଯୋଶ୍ଚ ଵିଷ୍ଣ୍ଵୀଶମୂର୍ତେ ତଵ ସୁପ୍ରଭାତମ୍ ॥ ୮॥

ବ୍ରହ୍ମେନ୍ଦ୍ର-ଵିଷ୍ଣୁ-ଗୁହ-ଵାକ୍ପତି-ସୋମସୂର୍ଯାଃ ମୃତ୍ଯୁଞ୍ଜଯାଦି-ଚରିତଂ ବହୁଧା ସ୍ତୁଵନ୍ତି ।
ଵାଚସ୍ପତିର୍ଵଦତି ଵାସରଶୁଦ୍ଧିମାରାତ୍ ଶ୍ରୀଗନ୍ଧମାଦନଵିଭୋ ତଵ ସୁପ୍ରଭାତମ୍ ॥ ୯॥

ଦୁଷ୍ପଣ୍ଯଜାତ-ଶିଶୁମାରଣଵାରକଂ ଚ ଯତ୍ପାଵକାଖ୍ଯମତିପାଵନମଗ୍ନିତୀର୍ଥମ୍ ।
ଆଵାତି ମନ୍ଦମନିଲସ୍ସହ ତସ୍ଯ ତୋଯୈଃ ଶ୍ରୀଗନ୍ଧମାଦନଵିଭୋ ତଵ ସୁପ୍ରଭାତମ୍ ॥ ୧୦॥

ଶ୍ରୀରାମମନ୍ତ୍ର-ଜପପାଵନ-ଚିତ୍ତଵୃତ୍ତିଃ ଆପାଦଵକ୍ତ୍ରମନୁଲେପିତ-ରକ୍ତଵର୍ଣଃ ।
ଶ୍ରୀମାରୁତିର୍ଜଯତି ମନ୍ଦିର-ପୂର୍ଵଭାଗେ ଶ୍ରୀଗନ୍ଧମାଦନଵିଭୋ ତଵ ସୁପ୍ରଭାତମ୍ ॥ ୧୧॥

ସୀତାପହର୍ତୃ-ଦଶକଣ୍ଠ-ଵିମର୍ଦନାଯ ଦେଵାଂଶଭୂତ-ହରିଯୂଥ-ସହାଯକେନ ।
ରାମେଣ ବଦ୍ଧ-ଵରସେତୁତଲ-ପ୍ରସନ୍ନ ଶ୍ରୀଗନ୍ଧମାଦନଵିଭୋ ତଵ ସୁପ୍ରଭାତମ୍ ॥ ୧୨॥

ବ୍ରହ୍ମଘ୍ନ-ପାପ-ପରିହାରଵିଧୌ ଯତେନ ରାମେଣ ପୂଜିତ-ପଵିତ୍ର-ପଦାବ୍ଜ-ଯୁଗ୍ମ ।
ଭକ୍ତାର୍ତି-ଭଞ୍ଜନ ନିରଞ୍ଜନ ରାମନାଥ ଶ୍ରୀଗନ୍ଧମାଦନଵିଭୋ ତଵ ସୁପ୍ରଭାତମ୍ ॥ ୧୩॥

ଶୈଲାଧିରାଜ-ତନଯାଞ୍ଚିଅତ-ଵାମଭାଗ କୈଲାସଵାସ କରୁଣାମୃତ-ପୂର୍ଣ-ନେତ୍ର ।
ଗଂଗାଧର ତ୍ରିନଯନାଙ୍କିତ ଚନ୍ଦ୍ରଚୂଡ ଶ୍ରୀଗନ୍ଧମାଦନଵିଭୋ ତଵ ସୁପ୍ରଭାତମ୍ ॥ ୧୪॥

ନିତ୍ଯାଭିଷେଚନ-ଵିଧୌ ତଵ ଗାଙ୍ଗ-ତୋଯଂ ଯେନ ପ୍ରଦିଷ୍ଟମିହ ରାଵଣ-ଘାତକେନ ।
ତତ୍କୋଟି-ତୀର୍ଥ-ମହିମାଵୃତ-ସନ୍ନିଧାନ ଶ୍ରୀଗନ୍ଧମାଦନଵିଭୋ ତଵ ସୁପ୍ରଭାତମ୍ ॥ ୧୫॥

ଶେଷେଣ ଵାଯୁକୃତ-ଵିକ୍ରମ-ଵାଦ-ଯୁଦ୍ଧେ ଵାତେନ ଭେଦିତମଭୂତ୍ କିଲ ପର୍ଵତାଗ୍ରମ୍ ।
ତଦ୍ଗନ୍ଧମାଦନ-ଗିରୌ କୃତ-ସନ୍ନିଧାନଂ ଶ୍ରୀଗନ୍ଧମାଦନଵିଭୋ ତଵ ସୁପ୍ରଭାତମ୍ ॥ ୧୬॥

ଗଙ୍ଗାନଦୀ-ତଟ-ଵରାଲ-ପୁଣ୍ଯଭୂମୌ ବ୍ରହ୍ମାଦି-ଦେଵ-ନିକରୈଃ ସ୍ତୁତ-ଵିଶ୍ଵନାଥଃ ।
ତ୍ଵଦ୍ଵାମଭାଗ-ପରିକଲ୍ପିତ-ମନ୍ଦିରସ୍ଥଃ ଶ୍ରୀଗନ୍ଧମାଦନଵିଭୋ ତଵ ସୁପ୍ରଭାତମ୍ ॥ ୧୭॥

ପୂର୍ଣେନ୍ଦୁ-ବିଂବ-ଵଦନସ୍ସରସୀରୁହାକ୍ଷଃ କୋଦଣ୍ଡ-ମଣ୍ଡିତ-କରଃ କରୁଣା-ସମୁଦ୍ରଃ ।
ସୀତାପତିର୍ଜଯତି ସୁନ୍ଦର ତେ ସମକ୍ଷଂ ଶ୍ରୀରାମନାଥ ଶିଵ ଭୋ ତଵ ସୁପ୍ରଭାତମ୍ ॥ ୧୮॥

ନନ୍ଦୀଶ୍ଵରେଣ ଗଜଵକ୍ତ୍ର-ଷଡାନନାଦ୍ଯୈଃ ଦେଵୈରନନ୍ତ-ଵରଦୈଶ୍ଚ ନଵଗ୍ରହାଦ୍ଯୈଃ ।
ଭକ୍ତ୍ଯା ସମର୍ଚିତ-ନିଜାମ୍ବୁଜ-ପାଦ-ଯୁଗ୍ମ ଶ୍ରୀରାମନାଥ ଶିଵ ଭୋ ତଵ ସୁପ୍ରଭାତମ୍ ॥ ୧୯॥

ପଦ୍ମାଲଯାପତି-ଵିଧୀନ୍ଦ୍ର-କିରୀଟ-ରତ୍ନୈଃ ନୀରାଜିତାଙ୍ଘ୍ରି-ଯୁଗଲା ଗିରିରାଜ-ପୁତ୍ରୀ ।
ତ୍ଵଦ୍ଦକ୍ଷିଣାଲଯଵରେ କୃତ-ସନ୍ନିଧାନା ଶ୍ରୀରାମନାଥ ଶିଵ ଭୋ ତଵ ସୁପ୍ରଭାତମ୍ ॥ ୨୦॥

ଲକ୍ଷ୍ମୀସରଃ-ପ୍ରଭୃତି ପାପ-ହରାଣି ସନ୍ତି ତୀର୍ଥାନି ପୁଣ୍ଯ-ଫଲଦାନି ତଵାଲଯାନ୍ତେ ।
ତତ୍ତୀର୍ଥ-ଦିଵ୍ଯ-ମହିମାଵୃତ-ପୁଣ୍ଯ-ଦେଶ ଶ୍ରୀରାମନାଥ ଶିଵ ଭୋ ତଵ ସୁପ୍ରଭାତମ୍ ॥ ୨୧॥

ଶ୍ରୀରାମଲିଙ୍ଗ କରୁଣାମୃତ-ପୂର୍ଣ-ନେତ୍ର ଶ୍ରୀଭୂମିନାଥ-ପରିସେଵିତ-ଦିଵ୍ଯଗାତ୍ର ।
ଶ୍ରୀପାର୍ଵତୀଶ ଭଵତାପ-ଵିନାଶ-ଦକ୍ଷ ଶ୍ରୀରାମନାଥ ଶିଵ ଭୋ ତଵ ସୁପ୍ରଭାତମ୍ ॥ ୨୨॥

ଜ୍ଯୋତିଃ-ସ୍ଵରୂପ ତଵ ଦିଵ୍ଯ-ପଦାମ୍ବୁଜେ ମେ ନିର୍ଵ୍ଯାଜ-ଭକ୍ତିମିହ ଦେହି କୃପାମ୍ବୁରାଶେ ।
ମାଂ ପାହି ଦେଵ ଶରଣାଗତ-ପାରିଜାତ ଶ୍ରୀରାମନାଥ ଶିଵ ଭୋ ତଵ ସୁପ୍ରଭାତମ୍ ॥ ୨୩॥

॥ ଇତି ଶ୍ରୀରାମନାଥ ସୁପ୍ରଭାତମ୍॥

Encoded and proofread by N.Balasubramanian bbalu@satyam.net.in

Please send corrections to sanskrit@cheerful.com
Last updated ତ୍oday
http://sanskritdocuments.org

Ramanatha Suprabhatam Lyrics in Oriya PDF
% File name : rAmanAthasuprabhAtam.itx
% Category : suprabhAta
% Location : doc\_shiva
% Language : Sanskrit
% Subject : philosophy/hinduism/religion
% Transliterated by : N.Balasubramanian bbalu at satyam.net.in
% Proofread by : N.Balasubramanian bbalu at satyam.net.in
% Latest update : January 3, 2009
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website