{॥ శ్రీరామనాథ-సుప్రభాతమ్ ॥}
గణేశం శారదాం శంభుం దేవీం దుర్గాం చ రాఘవమ్ ।
రామనాథం నమస్కృత్య సుప్రభాతం కరోమ్యహమ్ ॥ ౧॥

నమస్తే గిరిజా-కాన్త శరణాగత-వత్సల ।
ఉత్తిష్ఠ కరుణాసిన్ధో సన్ధ్యాకాలః ప్రవర్తతే ॥ ౨॥

ఉత్తిష్ఠోత్తిష్ఠ గౌరీశ ఉత్తిష్ఠ వృషభ-ధ్వజ ।
ఉత్తిష్ఠ పార్వతీ-నాథ త్రైలోక్యం మఙ్గలం కురు ॥ ౩॥

మాతః పురారి-హృదయాంబుజ-నిత్యవాసే భక్త్యా మురారి-ముఖపూజిత-పాదయుగ్మే ।
శ్రీశంకరాశ్రిత-జనేషు దయార్ద్ర-చిత్తే శ్రీరామనాథ-దయితే తవ సుప్రభాతమ్ ॥ ౪॥

తవ సుప్రభాతమమరేన్ద్ర-వన్దితే నిజ-దీన-భక్త-వరదాన-శోభితే ।
హర్-ఇధాతృ-దేవరమణీభిరర్చితే హ్యవ రామనాథ-దయితే దయాయుతే ॥ ౫॥

రామాది-భక్తనిచయాస్త్వదుపాసనాయ గంగాది-పుణ్యసరిదాహృత-దివ్యపుష్పైః ।
ఆగత్య పాదయుగలార్చన-జాగరూకాః శ్రీగన్ధమాదనవిభో తవ సుప్రభాతమ్ ॥ ౬॥

వీణా-మృదఙ్గ-పరిమణ్డిత-నారదాద్యైః సంగీయమాన-చరితామృత పుణ్యదేహ ।
చూడామణీకృత-మనోహర-చన్ద్రబింబ శ్రీగన్ధమాదనవిభో తవ సుప్రభాతమ్ ॥ ౭॥

రామేశ్వరేతి ప్రథితే ప్రదేశే రామం పురస్కృత్య శివం స్తువన్తి ।
ఐక్యం ప్రదిష్టం శివరామయోశ్చ విష్ణ్వీశమూర్తే తవ సుప్రభాతమ్ ॥ ౮॥

బ్రహ్మేన్ద్ర-విష్ణు-గుహ-వాక్పతి-సోమసూర్యాః మృత్యుఞ్జయాది-చరితం బహుధా స్తువన్తి ।
వాచస్పతిర్వదతి వాసరశుద్ధిమారాత్ శ్రీగన్ధమాదనవిభో తవ సుప్రభాతమ్ ॥ ౯॥

దుష్పణ్యజాత-శిశుమారణవారకం చ యత్పావకాఖ్యమతిపావనమగ్నితీర్థమ్ ।
ఆవాతి మన్దమనిలస్సహ తస్య తోయైః శ్రీగన్ధమాదనవిభో తవ సుప్రభాతమ్ ॥ ౧౦॥

శ్రీరామమన్త్ర-జపపావన-చిత్తవృత్తిః ఆపాదవక్త్రమనులేపిత-రక్తవర్ణః ।
శ్రీమారుతిర్జయతి మన్దిర-పూర్వభాగే శ్రీగన్ధమాదనవిభో తవ సుప్రభాతమ్ ॥ ౧౧॥

సీతాపహర్తృ-దశకణ్ఠ-విమర్దనాయ దేవాంశభూత-హరియూథ-సహాయకేన ।
రామేణ బద్ధ-వరసేతుతల-ప్రసన్న శ్రీగన్ధమాదనవిభో తవ సుప్రభాతమ్ ॥ ౧౨॥

బ్రహ్మఘ్న-పాప-పరిహారవిధౌ యతేన రామేణ పూజిత-పవిత్ర-పదాబ్జ-యుగ్మ ।
భక్తార్తి-భఞ్జన నిరఞ్జన రామనాథ శ్రీగన్ధమాదనవిభో తవ సుప్రభాతమ్ ॥ ౧౩॥

శైలాధిరాజ-తనయాఞ్చిఅత-వామభాగ కైలాసవాస కరుణామృత-పూర్ణ-నేత్ర ।
గంగాధర త్రినయనాఙ్కిత చన్ద్రచూడ శ్రీగన్ధమాదనవిభో తవ సుప్రభాతమ్ ॥ ౧౪॥

నిత్యాభిషేచన-విధౌ తవ గాఙ్గ-తోయం యేన ప్రదిష్టమిహ రావణ-ఘాతకేన ।
తత్కోటి-తీర్థ-మహిమావృత-సన్నిధాన శ్రీగన్ధమాదనవిభో తవ సుప్రభాతమ్ ॥ ౧౫॥

శేషేణ వాయుకృత-విక్రమ-వాద-యుద్ధే వాతేన భేదితమభూత్ కిల పర్వతాగ్రమ్ ।
తద్గన్ధమాదన-గిరౌ కృత-సన్నిధానం శ్రీగన్ధమాదనవిభో తవ సుప్రభాతమ్ ॥ ౧౬॥

గఙ్గానదీ-తట-వరాల-పుణ్యభూమౌ బ్రహ్మాది-దేవ-నికరైః స్తుత-విశ్వనాథః ।
త్వద్వామభాగ-పరికల్పిత-మన్దిరస్థః శ్రీగన్ధమాదనవిభో తవ సుప్రభాతమ్ ॥ ౧౭॥

పూర్ణేన్దు-బింబ-వదనస్సరసీరుహాక్షః కోదణ్డ-మణ్డిత-కరః కరుణా-సముద్రః ।
సీతాపతిర్జయతి సున్దర తే సమక్షం శ్రీరామనాథ శివ భో తవ సుప్రభాతమ్ ॥ ౧౮॥

నన్దీశ్వరేణ గజవక్త్ర-షడాననాద్యైః దేవైరనన్త-వరదైశ్చ నవగ్రహాద్యైః ।
భక్త్యా సమర్చిత-నిజామ్బుజ-పాద-యుగ్మ శ్రీరామనాథ శివ భో తవ సుప్రభాతమ్ ॥ ౧౯॥

పద్మాలయాపతి-విధీన్ద్ర-కిరీట-రత్నైః నీరాజితాఙ్ఘ్రి-యుగలా గిరిరాజ-పుత్రీ ।
త్వద్దక్షిణాలయవరే కృత-సన్నిధానా శ్రీరామనాథ శివ భో తవ సుప్రభాతమ్ ॥ ౨౦॥

లక్ష్మీసరః-ప్రభృతి పాప-హరాణి సన్తి తీర్థాని పుణ్య-ఫలదాని తవాలయాన్తే ।
తత్తీర్థ-దివ్య-మహిమావృత-పుణ్య-దేశ శ్రీరామనాథ శివ భో తవ సుప్రభాతమ్ ॥ ౨౧॥

శ్రీరామలిఙ్గ కరుణామృత-పూర్ణ-నేత్ర శ్రీభూమినాథ-పరిసేవిత-దివ్యగాత్ర ।
శ్రీపార్వతీశ భవతాప-వినాశ-దక్ష శ్రీరామనాథ శివ భో తవ సుప్రభాతమ్ ॥ ౨౨॥

జ్యోతిః-స్వరూప తవ దివ్య-పదామ్బుజే మే నిర్వ్యాజ-భక్తిమిహ దేహి కృపామ్బురాశే ।
మాం పాహి దేవ శరణాగత-పారిజాత శ్రీరామనాథ శివ భో తవ సుప్రభాతమ్ ॥ ౨౩॥

॥ ఇతి శ్రీరామనాథ సుప్రభాతమ్॥

Encoded and proofread by N.Balasubramanian bbalu@satyam.net.in

Please send corrections to sanskrit@cheerful.com
Last updated త్oday
http://sanskritdocuments.org

Ramanatha Suprabhatam Lyrics in Telugu PDF
% File name : rAmanAthasuprabhAtam.itx
% Category : suprabhAta
% Location : doc\_shiva
% Language : Sanskrit
% Subject : philosophy/hinduism/religion
% Transliterated by : N.Balasubramanian bbalu at satyam.net.in
% Proofread by : N.Balasubramanian bbalu at satyam.net.in
% Latest update : January 3, 2009
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website