{॥ ಸದಾಶಿವಾಷ್ಟಕಮ್ ॥}
ಪತಞ್ಜಲಿರುವಾಚ -
ಸುವರ್ಣಪದ್ಮಿನೀ-ತಟಾನ್ತ-ದಿವ್ಯಹರ್ಮ್ಯ-ವಾಸಿನೇ
ಸುಪರ್ಣವಾಹನ-ಪ್ರಿಯಾಯ ಸೂರ್ಯಕೋಟಿ-ತೇಜಸೇ ।
ಅಪರ್ಣಯಾ ವಿಹಾರಿಣೇ ಫಣಾಧರೇನ್ದ್ರ-ಧಾರಿಣೇ
ಸದಾ ನಮಶ್ಶಿವಾಯ ತೇ ಸದಾಶಿವಾಯ ಶಂಭವೇ ॥ ೧॥

ಸತುಙ್ಗ ಭಙ್ಗ ಜಹ್ನುಜಾ ಸುಧಾಂಶು ಖಣ್ಡ ಮೌಳಯೇ
ಪತಙ್ಗಪಙ್ಕಜಾಸುಹೃತ್ಕೃಪೀಟಯೋನಿಚಕ್ಷುಷೇ ।
ಭುಜಙ್ಗರಾಜ-ಮಣ್ಡಲಾಯ ಪುಣ್ಯಶಾಲಿ-ಬನ್ಧವೇ
ಸದಾ ನಮಶ್ಶಿವಾಯ ತೇ ಸದಾಶಿವಾಯ ಶಂಭವೇ ॥ ೨॥

ಚತುರ್ಮುಖಾನನಾರವಿನ್ದ-ವೇದಗೀತ-ಭೂತಯೇ
ಚತುರ್ಭುಜಾನುಜಾ-ಶರೀರ-ಶೋಭಮಾನ-ಮೂರ್ತಯೇ ।
ಚತುರ್ವಿಧಾರ್ಥ-ದಾನ-ಶೌಣ್ಡ ತಾಣ್ಡವ-ಸ್ವರೂಪಿಣೇ
ಸದಾ ನಮಶ್ಶಿವಾಯ ತೇ ಸದಾಶಿವಾಯ ಶಂಭವೇ ॥ ೩॥

ಶರನ್ನಿಶಾಕರ ಪ್ರಕಾಶ ಮನ್ದಹಾಸ ಮಞ್ಜುಲಾ
ಧರಪ್ರವಾಳ ಭಾಸಮಾನ ವಕ್ತ್ರಮಣ್ಡಲ ಶ್ರಿಯೇ ।
ಕರಸ್ಪುರತ್ಕಪಾಲಮುಕ್ತರಕ್ತ-ವಿಷ್ಣುಪಾಲಿನೇ
ಸದಾ ನಮಶ್ಶಿವಾಯ ತೇ ಸದಾಶಿವಾಯ ಶಂಭವೇ ॥ ೪॥

ಸಹಸ್ರ ಪುಣ್ಡರೀಕ ಪೂಜನೈಕ ಶೂನ್ಯದರ್ಶನಾತ್-
ಸಹಸ್ರನೇತ್ರ ಕಲ್ಪಿತಾರ್ಚನಾಚ್ಯುತಾಯ ಭಕ್ತಿತಃ ।
ಸಹಸ್ರಭಾನುಮಣ್ಡಲ-ಪ್ರಕಾಶ-ಚಕ್ರದಾಯಿನೇ
ಸದಾ ನಮಶ್ಶಿವಾಯ ತೇ ಸದಾಶಿವಾಯ ಶಂಭವೇ ॥ ೫॥

ರಸಾರಥಾಯ ರಮ್ಯಪತ್ರ ಭೃದ್ರಥಾಙ್ಗಪಾಣಯೇ
ರಸಾಧರೇನ್ದ್ರ ಚಾಪಶಿಞ್ಜಿನೀಕೃತಾನಿಲಾಶಿನೇ ।
ಸ್ವಸಾರಥೀ-ಕೃತಾಜನುನ್ನವೇದರೂಪವಾಜಿನೇ
ಸದಾ ನಮಶ್ಶಿವಾಯ ತೇ ಸದಾಶಿವಾಯ ಶಂಭವೇ ॥ ೬॥

ಅತಿ ಪ್ರಗಲ್ಭ ವೀರಭದ್ರ-ಸಿಂಹನಾದ ಗರ್ಜಿತ
ಶ್ರುತಿಪ್ರಭೀತ ದಕ್ಷಯಾಗ ಭೋಗಿನಾಕ ಸದ್ಮನಾಮ್ ।
ಗತಿಪ್ರದಾಯ ಗರ್ಜಿತಾಖಿಲ-ಪ್ರಪಞ್ಚಸಾಕ್ಷಿಣೇ
ಸದಾ ನಮಶ್ಶಿವಾಯ ತೇ ಸದಾಶಿವಾಯ ಶಂಭವೇ ॥ ೭॥

ಮೃಕಣ್ಡುಸೂನು ರಕ್ಷಣಾವಧೂತದಣ್ಡ-ಪಾಣಯೇ
ಸುಗನ್ಧಮಣ್ಡಲ ಸ್ಫುರತ್ಪ್ರಭಾಜಿತಾಮೃತಾಂಶವೇ ।
ಅಖಣ್ಡಭೋಗ-ಸಮ್ಪದರ್ಥಲೋಕ-ಭಾವಿತಾತ್ಮನೇ
ಸದಾ ನಮಶ್ಶಿವಾಯ ತೇ ಸದಾಶಿವಾಯ ಶಂಭವೇ ॥ ೮॥

ಮಧುರಿಪು-ವಿಧಿ ಶಕ್ರ ಮುಖ್ಯ-ದೇವೈರಪಿ ನಿಯಮಾರ್ಚಿತ-ಪಾದಪಙ್ಕಜಾಯ ।
ಕನಕಗಿರಿ-ಶರಾಸನಾಯ ತುಭ್ಯಂ ರಜತ ಸಭಾಪತಯೇ ನಮಶ್ಶಿವಾಯ ॥ ೯॥

ಹಾಲಾಸ್ಯನಾಥಾಯ ಮಹೇಶ್ವರಾಯ ಹಾಲಾಹಲಾಲಂಕೃತ ಕನ್ಧರಾಯ ।
ಮೀನೇಕ್ಷಣಾಯಾಃ ಪತಯೇ ಶಿವಾಯ ನಮೋ-ನಮಸ್ಸುನ್ದರ-ತಾಣ್ಡವಾಯ ॥ ೧೦॥

॥ ಇತಿ ಶ್ರೀ ಹಾಲಾಸ್ಯಮಾಹಾತ್ಮ್ಯೇ ಪತಞ್ಜಲಿಕೃತಮಿದಂ ಸದಾಶಿವಾಷ್ಟಕಮ್ ॥

Encoded and proofread by
N. Balasubramanian bbalu at satyam.net.in

Please send corrections to sanskrit@cheerful.com
Last updated ತ್oday
http://sanskritdocuments.org

Sadashiva Ashtakam Lyrics in Kannada PDF
% File name : sadashiva8.itx
% Category : aShTaka
% Location : doc\_shiva
% Author : patanjalikRitam sadAshivAShTakam
% Language : Sanskrit
% Subject : philosophy/hinduism/religion
% Transliterated by : N.Balasubramanian bbalu at satyam.net.in
% Proofread by : N.Balasubramanian bbalu at satyam.net.in
% Description-comments : halAsyamAhAtmye
% Latest update : July 2, 2008
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website