{॥ സദാശിവാഷ്ടകമ് ॥}
പതഞ്ജലിരുവാച -
സുവര്ണപദ്മിനീ-തടാന്ത-ദിവ്യഹര്മ്യ-വാസിനേ
സുപര്ണവാഹന-പ്രിയായ സൂര്യകോടി-തേജസേ ।
അപര്ണയാ വിഹാരിണേ ഫണാധരേന്ദ്ര-ധാരിണേ
സദാ നമശ്ശിവായ തേ സദാശിവായ ശംഭവേ ॥ ൧॥

സതുങ്ഗ ഭങ്ഗ ജഹ്നുജാ സുധാംശു ഖണ്ഡ മൌളയേ
പതങ്ഗപങ്കജാസുഹൃത്കൃപീടയോനിചക്ഷുഷേ ।
ഭുജങ്ഗരാജ-മണ്ഡലായ പുണ്യശാലി-ബന്ധവേ
സദാ നമശ്ശിവായ തേ സദാശിവായ ശംഭവേ ॥ ൨॥

ചതുര്മുഖാനനാരവിന്ദ-വേദഗീത-ഭൂതയേ
ചതുര്ഭുജാനുജാ-ശരീര-ശോഭമാന-മൂര്തയേ ।
ചതുര്വിധാര്ഥ-ദാന-ശൌണ്ഡ താണ്ഡവ-സ്വരൂപിണേ
സദാ നമശ്ശിവായ തേ സദാശിവായ ശംഭവേ ॥ ൩॥

ശരന്നിശാകര പ്രകാശ മന്ദഹാസ മഞ്ജുലാ
ധരപ്രവാള ഭാസമാന വക്ത്രമണ്ഡല ശ്രിയേ ।
കരസ്പുരത്കപാലമുക്തരക്ത-വിഷ്ണുപാലിനേ
സദാ നമശ്ശിവായ തേ സദാശിവായ ശംഭവേ ॥ ൪॥

സഹസ്ര പുണ്ഡരീക പൂജനൈക ശൂന്യദര്ശനാത്-
സഹസ്രനേത്ര കല്പിതാര്ചനാച്യുതായ ഭക്തിതഃ ।
സഹസ്രഭാനുമണ്ഡല-പ്രകാശ-ചക്രദായിനേ
സദാ നമശ്ശിവായ തേ സദാശിവായ ശംഭവേ ॥ ൫॥

രസാരഥായ രമ്യപത്ര ഭൃദ്രഥാങ്ഗപാണയേ
രസാധരേന്ദ്ര ചാപശിഞ്ജിനീകൃതാനിലാശിനേ ।
സ്വസാരഥീ-കൃതാജനുന്നവേദരൂപവാജിനേ
സദാ നമശ്ശിവായ തേ സദാശിവായ ശംഭവേ ॥ ൬॥

അതി പ്രഗല്ഭ വീരഭദ്ര-സിംഹനാദ ഗര്ജിത
ശ്രുതിപ്രഭീത ദക്ഷയാഗ ഭോഗിനാക സദ്മനാമ് ।
ഗതിപ്രദായ ഗര്ജിതാഖില-പ്രപഞ്ചസാക്ഷിണേ
സദാ നമശ്ശിവായ തേ സദാശിവായ ശംഭവേ ॥ ൭॥

മൃകണ്ഡുസൂനു രക്ഷണാവധൂതദണ്ഡ-പാണയേ
സുഗന്ധമണ്ഡല സ്ഫുരത്പ്രഭാജിതാമൃതാംശവേ ।
അഖണ്ഡഭോഗ-സമ്പദര്ഥലോക-ഭാവിതാത്മനേ
സദാ നമശ്ശിവായ തേ സദാശിവായ ശംഭവേ ॥ ൮॥

മധുരിപു-വിധി ശക്ര മുഖ്യ-ദേവൈരപി നിയമാര്ചിത-പാദപങ്കജായ ।
കനകഗിരി-ശരാസനായ തുഭ്യം രജത സഭാപതയേ നമശ്ശിവായ ॥ ൯॥

ഹാലാസ്യനാഥായ മഹേശ്വരായ ഹാലാഹലാലംകൃത കന്ധരായ ।
മീനേക്ഷണായാഃ പതയേ ശിവായ നമോ-നമസ്സുന്ദര-താണ്ഡവായ ॥ ൧൦॥

॥ ഇതി ശ്രീ ഹാലാസ്യമാഹാത്മ്യേ പതഞ്ജലികൃതമിദം സദാശിവാഷ്ടകമ് ॥

Encoded and proofread by
N. Balasubramanian bbalu at satyam.net.in

Please send corrections to sanskrit@cheerful.com
Last updated ത്oday
http://sanskritdocuments.org

Sadashiva Ashtakam Lyrics in Malayalam PDF
% File name : sadashiva8.itx
% Category : aShTaka
% Location : doc\_shiva
% Author : patanjalikRitam sadAshivAShTakam
% Language : Sanskrit
% Subject : philosophy/hinduism/religion
% Transliterated by : N.Balasubramanian bbalu at satyam.net.in
% Proofread by : N.Balasubramanian bbalu at satyam.net.in
% Description-comments : halAsyamAhAtmye
% Latest update : July 2, 2008
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website