{॥ സ്വര്ണാകര്ഷണഭൈരവസഹസ്രനാമസ്തോത്രമ് ॥}
ശ്രീ ഗണേശായ നമഃ ।
കൈലാസശിഖരേ രമ്യേ ദേവദേവം ജഗദ്ഗുരുമ് ।
പപ്രച്ഛ പാര്വതീകാന്തം ശങ്കരം ലോകനായകമ് ॥ ൧॥

പാര്വത്യുവാച ।
ദേവദേവ മഹാദേവ സര്വജ്ഞ സുഖദായക ।
ആപദുഃഖദാരിദ്ര്യാദി പീഡിതാനാം നൃണാം വിഭോ ॥ ൨॥

യദ്വിത്തം സുഖസമ്പത്തിധനധാന്യകരം സദാ ।
വിശേഷതോ രാജകുലേ ശാന്തി പുഷ്ടി പ്രദായകമ് ॥ ൩॥

ബാലഗ്രഹാദി ശമനം നാനാ സിദ്ധികരം നൃണാമ് ।
നോക്തപൂര്വഞ്ചയന്നാഥ ധ്യാനപൂജാ സമന്വിതമ് ॥ ൪॥

വക്തുമര്ഹസ്യ ശേഷേണ മമാനന്ദ കരം പരമ് ।
ഈശ്വര ഉവാച ।
സ്തവരാജം മഹാമന്ത്രം ഭൈരവസ്യ ശ്രൃണു പ്രിയേ ॥ ൫॥

സര്വകാമാര്ഥദം ദേവി രാജ്യഭോഗപ്രദം നൃണാമ് ।
സ്മരണാത്സ്തവരാജസ്യ ഭൂതപ്രേത പിശാചകാഃ ॥ ൬॥

വിദ്രവന്ത്യഭിതോഭിതാഃ കാലരുദ്രാദിവപ്രജാഃ ।
ഏകതഃ പന്നഗാഃ സര്വേ ഗരുഡശ്ചൈകതസ്തഥാ ॥ ൭॥

ഏകതോ ഘനസങ്ഘാതാശ്ചണ്ഡവാതോയഥൈകതഃ ।
ഏകതഃ പര്വതാഃ സര്വേ ദമ്ഭോലിസ്ത്വേകസ്തഥാ ॥ ൮॥

ഏകതോ ദൈത്യസങ്ഘാതാഹ്യകതഃ സ്യാത്സുദര്ശനമ് ।
ഏകതഃ കാഷ്ഠ സങ്ഘാതാ ഏകതോഗ്നികണോയഥാ ॥ ൯॥

ഘനാന്ധകാരസ്ത്വേകത്ര തപനസ്ത്വേകതസ്തഥാ ।
തഥൈവാസ്യ പ്രഭാവസ്തു സ്മൃതമാത്രേ ന ദൃശ്യതേ ॥ ൧൦॥

സ്തവരാജം ഭൈരവസ്യ ജപാത്സിദ്ധിമവാപ്നുയാത് ।
ലിഖിത്വായദ്ഗൃഹേ ദേവി സ്ഥാപിതം സ്തവമുത്തമമ് ॥ ൧൧॥

തദ്ഗൃഹം നാഭിഭൂയേത ഭൂതപ്രേതാദിഭിര്ഗ്രഹൈഃ ।
സാമ്രാജ്യം സര്വസമ്പത്തിഃ സമൃദ്ധി ലഭ്യതേ സുഖമ് ॥ ൧൨॥

തത്കുലം നന്ദതേ പുംസാമ്പുത്രപൌത്രാദിഭിര്ധൃവമ് ।
പാര്വത്യുവാച ।
യസ്ത്വയാ കഥിതോ ദേവ ഭൈരവഃ സ്തോത്രമുത്തമമ് ॥ ൧൩॥

അഗണ്യ മഹിമാ സിന്ധുഃ ശ്രുതോ മേ ബഹുധാ വിഭോ ।
തസ്യ നാമാന്യനന്താനി പ്രയുതാന്യര്ബുദാനി ച ॥ ൧൪॥

സന്തി സത്യം പുരാ ജ്ഞാതം മയാ വൈ പരമേശ്വര ।
സാരാത്സാരം സമുധൃത്യ തേഷു നാമ സഹസ്രകമ് ॥ ൧൫॥

ബ്രൂഹി മേ കരുണാകാന്ത മമാനന്ദ വര്ദ്ധന ।
യന്നിത്യം കീര്തയേന്മര്ത്യഃ സര്വദുഃഖവിവര്ജിതഃ ॥ ൧൬॥

സര്വാന്കാമാന്വാപ്നോതി സര്വസിദ്ധിഞ്ച വിന്ദതി ।
സാധകഃ ശ്രദ്ധയായുക്തഃ സര്വാധിക്യോര്കസദ്യുതിഃ ॥ ൧൭॥

അപ്രധൃഷ്യശ്ച ഭവതി സങ്ഗ്രാമാങ്ഗണ മൂര്ദ്ധതി ।
നാഗ്നിചോരഭയം തസ്യ ഗ്രഹരാജ ഭയം ന ച ॥ ൧൮॥

ന ച മാരീ ഭയം തസ്യ വ്യാഘ്രചോരഭയം ന ച ।
ശത്രുണാം ശസ്ത്രസങ്ഘാതേ ഭയം ക്വാപി ന ജായതേ ॥ ൧൯॥

ആയുരാരോഗ്യമൈശ്വര്യം പുത്ര പൌത്രാദി സമ്പദഃ ।
ഭവതി കീര്തനാദ്യസ്യത്ബ്രൂഹി കരുണാകര ॥ ൨൦॥

ഈശ്വര ഉവാച ।
നാമ്നാം സഹസ്രം ദിവ്യാനം ഭൈരവസ്യ ഭവത്കൃതേ ।
വക്ഷ്യാമി തത്വതഃ സമ്യക് സാരാത്സാരതരം ശുഭമ് ॥ ൨൧॥

സര്വപാപഹരം പുണ്യം സര്വോപദ്രവ നാശനമ് ।
സര്വസമ്പത്പ്രദം ചൈവ സാധകാനം സുഖാവഹമ് ॥ ൨൨॥

സര്വ മങ്ഗലമാങ്ഗല്യം സര്വവ്യാധിനിവാരണമ് ।
ആയുഃകരം പുഷ്ടികരം ശ്രീകരം ച യശസ്കരമ് ॥ ൨൩॥

ഭൈരവ സ്തവരാജസ്യ മഹാദേവ ഋഷിഃ സ്മൃതഃ ।
ഭൈരവോദേവതാഽനുഷ്ടുപ്ഛന്ദശ്ചൈവ പ്രകീര്തിതമ് ॥ ൨൪॥

സര്വകാര്യപ്രസിദ്ധ്യര്ഥം പ്രീതയേ ഭൈരവസ്യഹി ।
കരിഷ്യേ ഹം ജപമിതി സങ്കല്പ്യാദൌപുമാന്സുധീഃ ॥ ൨൫॥

ഋഷിഃ ശിരസി വിന്യസ്യ ഛന്ദസ്തു മുഖതോ ന്യസേത് ।
ദേവതാം ഹൃദയേന്യസ്യ തതോ ന്യാസം സമാചരേത് ॥ ൨൬॥

ഭൈരവം ശിരസിന്യസ്യ ലലാടേ ഭീമദര്ശനമ് ।
നേത്രയോ ഭൂതഹനനം സാരമേയാനുഗം ഭ്രുവൌഃ ॥ ൨൭॥

കര്ണയോര്ഭൂതനാഥം ച പ്രേതവാഹം കപോലയോഃ ।
നാസാപുടോഷ്ഠ്യോശ്ചൈവ ഭസ്മാങ്ഗം സര്വഭൂഷണമ് ॥ ൨൮॥

അനാദിഭൂതമാസ്യേ ച ശക്തി ഹസ്തങ്ഗലേ ന്യസ്യേത് ।
സ്കന്ധയേര്ദൈത്യശമനം ബാവ്ഹോരതുലതേജസമ് ॥ ൨൯॥

പാണ്യോഃ കപാലിനം ന്യസ്യ ഹൃദയേ മുണ്ഡമാലിനമ് ।
ശാന്തം വക്ഷസ്ഥലേ ന്യസ്യ സ്തനയോഃ കാമചാരിണമ് ॥ ൩൦॥

ഉദരേ ച സദാതുഷ്ടം ക്ഷേത്രേശം പാര്ശ്വയോസ്തഥാ ।
ക്ഷേത്രപാലം പൃഷ്ഠദേശം ക്ഷേത്രേജ്ഞം നാഭിദേശകേ ॥ ൩൧॥

പാപൌഘനാശം കട്യാം ബടുകം ലിങ്ഗദേശകേ ।
ഗുദേ രക്ഷാകരം ന്യസ്യ തഥോര്വോ രക്തലോചനമ് ॥ ൩൨॥

ജാനുനീര്ഘുര്ഘുരാരാവം ജങ്ഘയോ രക്തപായിനമ് ।
ഗുല്ഫയോഃ പാദുപാസിദ്ധിം പാദപൃഷ്ഠേ സുരേശ്വരമ് ॥ ൩൩॥

ആപാദമസ്തകം ചൈവ ആപദുദ്ധാരകം ന്യസേത് ।
പൂര്വേ ഡമരുഹസ്തം ച ദക്ഷിണേ ദണ്ഡധാരിണമ് ॥ ൩൪॥

ഖഡ്ഗഹസ്തം പശ്ചിമേ ച ഘണ്ടാവാദിനമുത്തരേ ।
ആഗ്നേയാമഗ്നിവര്ണം ച നൈഋത്യേ ച ദിഗമ്ബരമ് ॥ ൩൫॥

വായവ്യേ സര്വഭൂതസ്ഥമീശാന്യേചാഷ്ടസിദ്ധിദമ് ।
ഊര്ധ്വം ഖേചരിണം ന്യസ്യ പാതാലേ രൌദ്രരൂപിണമ് ॥ ൩൬॥

ഏവം വിന്യസ്യ ദേവേശീ ഷഡങ്ഗേഷു തതോ ന്യസേത് ।
ഹൃദയേ ഭൂതനാഥായ ആദിനാഥായമൂര്ദ്ധനി ॥ ൩൭॥

ആനന്ദപദപൂര്വായനാഥായാഥ ശിഖാലയേ ।
സിദ്ധിശാമ്ബരനാഥായ കവചേ വിന്യസ്യേത്തഥാ ॥ ൩൮॥

സഹജാനന്ദനാഥായന്യസേന്നേത്രത്രയേ തഥാ ।
നിഃസീമാനദനാഥായ അസ്ത്രൈ ചൈവ പ്രയോജയേത് ॥ ൩൯॥

ഏവം ന്യാസവിധിം കൃത്വാ യഥാവത്തദനന്തരമ് ।
ധ്യാനം തസ്യ പ്രവക്ഷ്യാമി യഥാ ധ്യാത്വാ പഠേന്നരഃ ॥ ൪൦॥

ശുദ്ധസ്ഫടികസങ്കാശം സഹസ്രാദിത്യവര്ചസമ് ।
നീലജീമൂതസങ്കാശം നീലാഞ്ജനസമപ്രഭമ് ॥ ൪൧॥

അഷ്ടബാഹും ത്രിനയനം ചതുര്ബാഹും ദ്വിബാഹുകമ് ।
ദശബാഹുമഥോഗ്രം ച ദിവ്യാമ്ബര പരിഗ്രഹമ് ॥ ൪൨॥

ദംഷ്ട്രാകരാലവദനം നൂപുരാരാവസങ്കുലമ് ।
ഭുജങ്ഗമേഖലം ദേവമഗ്നിവര്ണം ശിരോരുഹമ് ॥ ൪൩॥

ദിഗമ്ബരമാകുരേശം ബടുകാഖ്യം മഹാബലമ് ।
ഖട്വാങ്ഗമശിപാശം ച ശൂലം ദക്ഷിണഭാഗതഃ ॥ ൪൪॥

ഡമരും ച കപാലം ച വരദം ഭുജഗം തഥാ ।
ആത്മവര്ണസമോപേതം സാരമേയ സമന്വിതമ് ॥ ൪൫॥

ഏവം ധ്യാത്വാ സു സന്തുഷ്ടോ ജപാത്കാമാന്മവാപ്നുയാത് ।
സാധകഃ സര്വലോകേഷു സത്യം സത്യം ന സംശയഃ ॥ ൪൬॥

ആനന്ദ സര്വഗീര്വാണ ശിരോശൃങ്ഗാങ്ഗ സഗിനഃ ।
ഭൈരവസ്യ പദാമ്ഭോജം ഭൂയസ്തന്നൌമി സിദ്ധയേ ॥ ൪൭॥

ഓം ഭൈരവോ ഭൂതനാഥശ്ച ഭൂതാത്മാ ഭൂതഭാവനഃ ।
ഭൂതാവാസോ ഭൂതപതിര്ഭൂരിദോ ഭൂരിദക്ഷിണഃ ॥ ൪൮॥

ഭൂതാധ്യക്ഷോ ഭൂധരേശോ ഭൂധരോ ഭൂധരാത്മജഃ ।
ഭൂപതിര്ഭാസ്കരി ഭീരുര്ഭീമോ ഭൂതിര്വിഭൂതിദഃ ॥ ൪൯॥

ഭൂതോ ഭൂകമ്പനോ ഭൂമിര്ഭൌമോ ഭൂതാഭിഭാവകഃ ।
ഭഗനേത്രോഭവോഭോക്താ ഭൂദേവോ ഭഗവാനഭീഃ ॥ ൫൦॥

ഭസ്മപ്രിയോ ഭസ്മശായീ ഭസ്മോദ്ധൂലിതവിഗ്രഹഃ ।
ഭര്ഗഃ ശുഭാങ്ഗോ ഭവ്യശ്ചഭൂതവാഹനസാരഥിഃ ॥ ൫൧॥

ഭ്രാജിഷ്ണുര്ഭോജനമ്ഭോക്താ ഭിക്ഷുര്ഭക്തിജനപ്രിയഃ ।
ഭക്തിഗമ്യോ ഭൃങ്ഗിരിടിര്ഭക്ത്യാ വേദിതവിഗ്രഹഃ ॥ ൫൨॥

ഭൂതചാരീ നിശാചാരീ പ്രേതചാരീ ഭയാനകഃ ।
ഭാവാത്മാ ഭൂര്ഭുവോലക്ഷ്മീര്ഭാനുര്ഭീമപരാക്രമഃ ॥ ൫൩॥

പദ്മഗര്ഭോ മഹാഗര്ഭോ വിശ്വഗര്ഭാഃ സ്വഭൂരഭൂഃ ।
ഭൂതലോഭുവനാധിശോ ഭൂതികൃദ്ഭ്രാന്തിനാശനഃ ॥ ൫൪॥

ഭൂതിഭൂഷിതസര്വാങ്ഗോ ഭൂശയോഭൂതവാഹനഃ ।
ക്ഷേത്രജ്ഞഃ ക്ഷേത്രപാലശ്ച ക്ഷേത്രവിഘ്നനിവാരണഃ ॥ ൫൫॥

ക്ഷാന്തഃ ക്ഷുദ്രഃ ക്ഷേത്രപശ്ച ക്ഷുദ്രഘ്നഃ ക്ഷ്വിയഃ ക്ഷമീ ।
ക്ഷോഭണോ മാരണസ്തമ്ഭീ മോഹനോ ജൃമ്ഭണോ വശീ ॥ ൫൬॥

ക്ഷേപണഃ ക്ഷാന്തിദഃ ക്ഷാമഃ ക്ഷമാക്ഷേത്രം ക്ഷരോക്ഷരഃ ।
കങ്കാലഃ കാലശമനഃ കലാകാഷ്ടാതനുഃ കവിഃ ॥ ൫൭॥

കാലഃ കരാലീ കങ്കാലീ കപാലീ കമനീയകഃ ।
കാലകാലഃ കൃത്തിവാസാഃ കപര്ദീ കാമശാസനഃ ॥ ൫൮॥

കുബേരബന്ധുഃ കാമാത്മാ കര്ണികാരപ്രിയഃ കവിഃ ।
കാമദേവഃ കാമപാലഃ കാമീകാന്തഃ കൃതാഗമഃ ॥ ൫൯॥

കല്യാണഃ പ്രകൃതിഃ കല്പഃ കല്പാദിഃ കമലേക്ഷണഃ ।
കമണ്ഡ്ലുധരഃ കേതുഃ കാലയോഗീത്വകല്മഷഃ ॥ ൬൦॥

കരണം കാരണംകര്താ കൈലാസപതിരീശ്വരഃ ।
കാമാരിഃ കശ്യപോനാദി കിരീടീ കൌശികസ്തഥാ ॥ ൬൧॥

കപിലഃ കുശലഃ കര്താകുമാരഃ കല്പവൃക്ഷകഃ ।
കലാധരഃ കലാധീശഃ കാലകണ്ഠഃ കപാലഭൃത് ॥ ൬൨॥

കൈലാസശിഖരാവാസഃ ക്രൂരഃ കിര്തിവിഭൂഷണഃ ।
കാലജ്ഞാനീ കലിഘ്നശ്ച കമ്പിതഃ കാലവിഗ്രഹഃ ॥ ൬൩॥

കവചീ കഞ്ചുകീ കുണ്ഡീ കുണ്ഡലീ കര്യകോവിദഃ ।
കാലഭക്ഷഃ കലങ്കാരിഃ കിങ്കിണീകൃതവാസുകിഃ ॥ ൬൪॥

ഗണേശ്വരശ്ച ഗൌരീശോ ഗിരിശോ ഗിരിബാന്ധവഃ ।
ഗിരിധന്വാ ഗുഹോ ഗോപ്താ ഗുണരാശിര്ഗുണാകരഃ ॥ ൬൫॥

ഗമ്ഭീരോ ഗഹനോ ഗോസാഗോമാനൂമന്താ മനോഗതിഃ ।
ശ്രീശോ ഗൃഹപതിര്ഗോപ്താ ഗൌരോഗവ്യമയഃ ഖഗഃ ॥ ൬൬॥

ഗണഗ്രാഹി ഗുണഗ്രാഹീ ഗഗനോ ഗഹ്വരാശ്രയഃ ।
അഗ്രഗണ്യേശ്വരോ യോഗീ ഖട്വാങ്ഗീ ഗഗനാലയഃ ॥ ൬൭॥

അമോഘോ മോഘഫലദോ ഘണ്ടാരാവോ ഘടപ്രിയഃ ।
ചന്ദ്രപീഡശ്ചന്ദ്രമൌലിശ്ചിത്രവേശശ്ചിരന്തനഃ ॥ ൬൮॥

ചതുഃശയശ്ചിത്രബാഹുരചലശ്ഛിന്നസംശയഃ ।
ചതുര്വേദശ്ചതുര്ബാഹുശ്ചതുരശ്ചതുരപ്രിയഃ ॥ ൬൯॥

ചാമുണ്ഡാജനകശ്ചക്ഷുശ്ചലചക്ഷുരചഞ്ചലഃ ।
അചിന്ത്യ മഹിമാചിന്ത്യശ്ചരാചര ചരിത്രഗുഃ ॥ ൭൦॥

ചന്ദ്രസഞ്ജീവനശ്ചിത്ര ആചാര്യശ്ച ചതുര്മുഖഃ ।
ഓജസ്തേജോദ്യുതി ധരോജിത കാമോജനപ്രിയഃ ॥ ൭൧॥

അജാതശത്രുരോജസ്വീ ജിതകാലോ ജഗത്പതിഃ ।
ജഗദാദിരജോജാതോ ജഗദീശോ ജനാര്ദനഃ ॥ ൭൨॥

ജനനോജന ജന്മാദിരാര്ജുനോ ജന്മവിജയീ ।
ജന്മാധിപോജടിര്ജ്യോതിര്ജന്മമൃത്യുജരാപഹഃ ॥ ൭൩॥

ജയോജയാരി ജ്യോതിഷ്മാന് ജാനകര്ണോ ജഗദ്ധിതഃ ।
ജമദഗ്നിര്ജലനിധിര്ജടിലോ ജീവിതേശ്വരഃ ॥ ൭൪॥

ജീവിതാന്തകരോ ജ്യേഷ്ഠോ ജഗന്നാഥോ ജനേശ്വരഃ ।
ത്രിവര്ഗസാധനസ്താര്ക്ഷ്യസ്തരണിസ്തന്തുവര്ദ്ധനഃ ॥ ൭൫॥

തപസ്വീ താരകസ്ത്വഷ്ടാ തീവ്രശ്ചാത്മസംസ്ഥിതഃ ।
തപനസ്താപസന്തുഷ്ടശ്ചാത്മയോനിരതീന്ദ്രിയഃ ॥ ൭൬॥

ഉത്താരകസ്തിമിരഹാതീവ്രാനന്ദസ്തനൂനപാതൂ ।
അന്തര്ഹിതസ്തമിശ്രശ്ചസ്തേജസ്തേജോമയസ്തുതിഃ ॥ ൭൭॥

തരുസ്തീര്ഥങ്കരസ്ത്വഷ്ടാതത്വന്തത്വവിദുത്തമഃ ।
തേജോരാശിസ്തുമ്ബവീണസ്ത്വതിഥിരതിഥിപ്രിയഃ ॥ ൭൮॥

ആത്മയോഗസമാന്മാതസ്തീര്ഥദേവ ശിലാമയഃ ।
സ്ഥാനദഃ സ്ഥാപിതഃ സ്ഥാണുഃ സ്ഥവിഷ്ടഃ സ്ഥവിരഃ സ്ഥിതഃ ॥ ൭൯॥

ത്രിലോകേശഃ ത്രിലോകാത്മാ ത്രിശൂലഃ ത്രിദശാധിപഃ ।
ത്രിലോചനഃ ത്രയീവേദ്യഃ ത്രിവര്ഗസ്ഥഃ ത്രിവര്ഗദഃ ॥ ൮൦॥

ദൂരശ്രവാ ദുഷ്കൃതഘ്നോദുര്ദ്ധര്ഷോ ദുഃസഹോദയഃ ।
ദൃഢപാരീ ദൃഢോദേവോ ദേവദേവോഥ ദുന്ദുഭഃ ॥ ൮൧॥

ദീര്ഘായുധോ ദീര്ഘതപോ ദക്ഷോദുഃസ്വപ്നനാശനഃ ।
ദുര്ലഭോ ദുര്ഗമോ ദുര്ഗോ ദുരാവാസോ ദുരാസദഃ ॥ ൮൨॥

ദമോ ദമയിതാ ദാന്തോ ദാതാദാനന്ദയാകരഃ ।
ദുര്വാസാദ്രിര്ദേവകാര്യോ ദുര്ജ്ഞേയോ ദുര്ഭഗോദയഃ ॥ ൮൩॥

ദണ്ഡിദാഹോ ദാനവാരിര്ദേവേന്ദ്രസ്ത്വരിമര്ദനഃ ।
ദേവാസുരഗുരുര്ദേവോ ദേവാസുരനമസ്കൃതഃ ॥ ൮൪॥

ദേവാസുരമഹാമന്ത്രോ ദേവാസുരമഹാശ്രയഃ ।
ദേവാധിദേവോ ദേവര്ഷി ദേവാസുരവരപ്രദഃ ॥ ൮൫॥

ദേവാസുരേശ്വരോ ദേവ്യോ ദേവാസുര മഹേശ്വരഃ ।
സര്വദേവമയോ ദണ്ഡോ ദേവസിംഹോ ദിവാകരഃ ॥ ൮൬॥

ദമ്ഭോ ദമ്ഭോമഹാദമ്ഭോ ദമ്ഭകൃദ്ദമ്ഭമര്ദനഃ ।
ദര്പഘ്നോ ദര്പദോദ്ദപ്തോ ദുര്ജയോ ദുരതിക്രമഃ ॥ ൮൭॥

ദേവനാഥോ ദുരാധര്ഷോ ദൈവജ്ഞോ ദേവചിന്തകഃ ।
ദക്ഷാരിര്ദേവപാലശ്ച ദുഃഖദാരിദ്ര്യഹാരകഃ ॥ ൮൮॥

അധ്യാത്മയോഗരതോ നിരതോ ധര്മശത്രു ധനുര്ദ്ധരഃ ।
ധനാധിപോ ധര്മചാരീ ധര്മധന്വാ ധനാഗമഃ ॥ ൮൯॥

ധ്യേയോഽഗ്രധുര്യോ ധാത്രീശോ ധര്മകൃദ്ധര്മവര്ദ്ധനഃ ।
ധ്യാനാധാരോ ധനന്ധ്യേയോ ധര്മപൂജ്യോഽഥ ധൂര്ജടിഃ ॥ ൯൦॥

ധര്മധാമാ ധനുര്ധന്യോ ധനുര്വേദോ ധരാതിപഃ ।
അനന്തദൃഷ്ടിരാനന്ദോ നിയമോ നിയമാശ്രയഃ ॥ ൯൧॥

നലോഽനലോ നാഗഭുജോ നിദാദ്യോ നീലലോഹിതഃ ।
അനാദിമധ്യനിധനോ നീലകണ്ഠോ നിശാചരഃ ॥ ൯൨॥

അനഘോ നര്തകോ നേതാ നിയതാത്മാ നിജോദ്ഭടഃ ।
ജ്ഞാനന്നിത്യപ്രകാശാത്മാ നിവൃത്താത്മാ നദീധരഃ ॥ ൯൩॥

നീതിഃ സുനീതിരുന്മത്തോഽനുത്തമസ്ത്വ നിവാരിതഃ ।
അനാദിനിധനോഽനന്തോ നിരാകാരോ നഭോഗതിഃ ॥ ൯൪॥

നിത്യോ നിയതകല്യാണോനഗോനിഃശ്രേയസാലയഃ ।
നക്ഷത്രമാലിനാകേശോ നാഗഹാരഃ പിനാകധൃക് ॥ ൯൫॥

ന്യായനിര്വാഹകോ ന്യായോ ന്യായഗമ്യോ നിരഞ്ജനഃ ।
നിരാവരണവിജ്ഞാനോ നരസിംഹോ നിപാതനഃ ॥ ൯൬॥

നന്ദീനന്ദീശ്വരോ നഗ്നോ നഗ്നബ്രഹ്മ ധരോനരഃ ।
ധര്മദോ നിരഹങ്കാരോ നിര്മോഹോ നിരുപദ്രവഃ ॥ ൯൭॥

നിഷ്കണ്ടകഃ കൃതാനന്ദോ നിര്വ്യാജോ വ്യാജമര്ദ്ദനഃ ।
അനഘോ നിഷ്കലോ നിഷ്ഠോ നീലഗ്രീവോ നിരാമയഃ ॥ ൯൮॥

അനിരുദ്ധസ്ത്വനാദ്യന്തോ നൈകാത്മാ നൈകകര്മകൃത് ।
നഗരേതാനഗീനന്ദീത്ദ്യാനന്ദധനവര്ദ്ധനഃ ॥ ൯൯॥

യോഗീ വിയോഗീ ഖട്വാങ്ഗീ ഖഡ്ഗീ ശ്രൄങ്ഗീഖരീഗരീ ।
രാഗീ വിരാഗീ സംരാഗീ ത്യാഗീ ഗൌരീവരാങ്ഗദീ ॥ ൧൦൦॥

ഡമരൂമരുക വ്യാഘ്രഹസ്താഗ്രശ്ചന്ദ്രഖണ്ഡഭൃത് ।
താണ്ഡവാഡമ്ബരരുചീരുണ്ഡമുണ്ഡനപണ്ഡിതഃ ॥ ൧൦൧॥

പരമേശ്വരഃ പശുപതിഃ പിനാകീ പുരശാസനഃ ।
പുരാതനോ ദേവകാര്യഃ പരമേഷ്ഠീ പരായണഃ ॥ ൧൦൨॥

പഞ്ചവിംശതിതത്വജ്ഞഃ പഞ്ചയജ്ഞപ്രഭഞ്ജനഃ ।
പുഷ്കരഞ്ച പരമ്ബ്രഹ്മപാരിജാതഃ പരാത്പരഃ ॥ ൧൦൩॥

പ്രതിഷ്ഠിതഃ പ്രമാണജ്ഞഃ പ്രമാണമ്പരമന്തപഃ ।
പഞ്ചബ്രഹ്മസമുത്പത്തിഃ പരമാത്മാ പരാവരഃ ॥ ൧൦൪॥

പിനാകപാണിഃ പ്രാംശുശ്ചപ്രത്യയഃ പരമേശ്വരഃ ।
പ്രഭാകരഃ പ്രത്യയശ്ച പ്രണവശ്ച പുരഞ്ജയഃ ॥ ൧൦൫॥

പവിത്രപാണിഃ പാപാരിഃ പ്രതാപാര്ചിരപാന്നിധിഃ ।
പുലസ്ത്യഃ പുലഹോഗസ്ത്യോ പുരുഹൂതഃ പുരുഷ്ടുതഃ ॥ ൧൦൬॥

പദ്മാകരഃ പരഞ്ജ്യോതിഃ പരാപരഫലപ്രദഃ ।
പരാപരജ്ഞഃ പരദഃ പരശത്രുഃ പരമ്പദഃ ॥ ൧൦൭॥

പൂര്ണഃ പൂരയിതാപുണ്യഃ പുണ്യശ്രവണകീര്തനഃ ।
പുരന്ദരഃ പുണ്യകീര്തിഃ പ്രമാദീ പാപനാശനഃ ॥ ൧൦൮॥

പരശീലഃ പരഗുണഃ പാണ്ഡുരാഗപുരന്ദരഃ ।
പരാര്ഥവൃത്തിഃ പ്രഭവഃ പുരുഷഃ പൂര്വജഃ പിതാ ॥ ൧൦൯॥

പിങ്ഗലഃ പവനഃ പ്രേക്ഷഃ പ്രതപ്തഃ പൂഷദന്തഹാ ।
പരമാര്ഥഗുരുഃ പ്രീതഃ പ്രീതിമാംശ്ച പ്രതാപനഃ ॥ ൧൧൦॥

പരാശരഃ പദ്മഗര്ഭഃ പരഃ പരപുരഞ്ജയഃ ।
ഉപദ്രവഃ പദ്മകരഃ പരമാര്ഥൈക പണ്ഡിതഃ ॥ ൧൧൧॥

മഹേശ്വരോ മഹാദേവോ മുദ്ഗലോ മധുരോമൃദുഃ ।
മനഃശായീ മഹായോഗീ മഹാകര്മാ മഹൌഷധമ് ॥ ൧൧൨॥

മഹര്ഷിഃ കപിലാചാര്യോ മൃഗവ്യാധോ മഹാബലഃ ।
മഹാനിധിര്മഹാഭൂതിര്മഹാനീതിര്മഹാമതിഃ ॥ ൧൧൩॥

മഹാഹൃദോ മഹാഗര്തോ മഹാഭൂതോ മൃതോപമഃ ।
അമൃതാംശോമൃതവപുര്മരീചിര്മഹിമാലയഃ ॥ ൧൧൪॥

മഹാതമോ മഹാകായോ മൃഗബാണാര്പണോമലഃ ।
മഹാബലോ മഹാതേജോ മഹായോഗീ മഹാമനഃ ॥ ൧൧൫॥

മഹാമായോ മഹാസത്വോ മഹാനാദോ മഹോത്സവഃ ।
മഹാബുദ്ധിര്മഹാവീര്യോ മഹാശക്തിര്മഹാദ്യുതിഃ ॥ ൧൧൬॥

ഉന്മത്തകീര്തിരുന്മത്തോ മാധവീനമിതോമതിഃ ।
മഹാശ്രൃങ്ഗോഽമൃതോമന്ത്രോ മാങ്ഗല്യോ മങ്ഗലപ്രിയഃ ॥ ൧൧൭॥

അമോഘദണ്ഡോ മധ്യസ്ഛോമഹേന്ദ്രോഽമോഘവിക്രമഃ ।
അമേയോഽരിഷ്ടമഥനോ മുകുന്ദസ്ത്വമയാചലഃ ॥ ൧൧൮॥

മാതാമഹോ മാതരിശ്വാ മണിപൂരോ മഹാശയഃ ।
മഹാശ്രയോ മഹാഗര്ഭോ മഹാകല്പോ മഹാധനുഃ ॥ ൧൧൯॥

മനോ മനോജവോ മാനീ മേരുമേദ്യോ മൃദോമനുഃ ।
മഹാകോശോ മഹാജ്ഞാനീ മഹാകാലഃ കലിപ്രിയഃ ॥ ൧൨൦॥

മഹാബടുര്മഹാത്യാഗീ മഹാകോശോമഹാഗതിഃ ।
ശിഖണ്ഡീ കവചീ ശൂലീ ജടീ മുണ്ഡീ ച കുണ്ഡലീ ॥ ൧൨൧॥

മേഖലീ കഞ്ചുകീ ഖഡ്ഗീ മാലീ മായീ മഹാമണിഃ ।
മഹേഷ്വാസോ മഹീഭര്താ മഹാവീരോ മഹീഭൂജഃ ॥ ൧൨൨॥

മഖകര്താ മഖധ്വംസീ മധുരോ മധുരപ്രിയഃ ।
ബ്രഹ്മസൃഷ്ടിര്ബ്രഹ്മവീര്യോ ബാണഹസ്തോ മഹാബലീ ॥ ൧൨൩॥

കാലരൂപോ ബലോന്മാദീ ബ്രഹ്മണ്യോ ബ്രഹ്മവര്ചസീ ।
ബഹുരൂപോ ബഹുമായോ ബ്രഹ്മാവിഷ്ണുശിവാത്മകഃ ॥ ൧൨൪॥

ബ്രഹ്മഗര്ഭോ ബൃഹദ്ഗര്ഭോ ബൃഹജ്ജ്യോതിര്ബൃഹത്തരഃ ।
ബീജാധ്യക്ഷോ ബീജകര്താ ബീജാങ്ഗോ ബീജവാഹനഃ ॥ ൧൨൫॥

ബ്രഹ്മ ബ്രഹ്മവിദോ ബ്രഹ്മജ്യോതിര്ബൃഹസ്പതിഃ ।
ബീജബുദ്ധി ബ്രഹ്മചാരീ ബ്രഹ്മണ്യോ ബ്രാഹ്മണപ്രിയഃ ॥ ൧൨൬॥

യുഗാദികൃദ്യുഗാവര്തോ യുഗാധ്യക്ഷോ യുഗാപഹാ ।
യജ്ഞോ യജ്ഞപതിര്യജ്വാ യജ്ഞാങ്ഗോ യജ്ഞവാഹനഃ ॥ ൧൨൭॥

യോഗാചാര്യോ യോഗഗമ്യോ യോഗീ യോഗശ്ചയോഗവിത് ।
യോഗാങ്ഗോ യോഗസാരങ്ഗോ യക്ഷോയുക്തിര്യമോയമീ ॥ ൧൨൮॥

രൌദ്രോ രുദ്ര ഋഷീ രാഹൂ രുചിര്ത്വം രണപ്രിയഃ ।
അരോഗോ രോഗഹാരീ ച രുധിരോ രുചിരാങ്ഗദീ ॥ ൧൨൯॥

ലോഹിതാക്ഷോ ലലാടാക്ഷോ ലോകദോ ലോകകാരകഃ ।
ലോകബന്ധുര്ലോകനാഥോ ലക്ഷണ ജ്ഞോഥലക്ഷണഃ ॥ ൧൩൦॥

ലോകമായോ ലോകകര്താ ലൌല്യോ ലലിത ഏവ ച ।
വരീയാനൂ വരദോ വന്ദ്യോ വിദ്വാന് വിശ്വാമരേശ്വരഃ ॥ ൧൩൧॥

വേദാന്തസാരസന്ദേഹോ വീതരാഗോ വിശാരദഃ ।
വിശ്വമൂര്തിര്വിശ്വവേദ്യോ വാമദേവോ വിമോചകഃ ॥ ൧൩൨॥

വിശ്വരൂപോ വിശ്വപക്ഷോ വാഗീശോ വൃഷവാഹനഃ ।
വൃഷാങ്കോഥ വിശാലാക്ഷോ വിശ്വദീപ്തിര്വിലോചനഃ ॥ ൧൩൩॥

വിലോകോ വിശ്വദൃഗ്വിശ്വോവിജിതാത്മാലയഃ പുമാന് ।
വ്യാഘ്രചര്മധരോവാങ്ഗീ വാങ്മയൈകവിധിര്വിഭുഃ ॥ ൧൩൪॥

വര്ണാശ്രമ ഗുരുവര്ണീ വരദോ വായുവാഹനഃ ।
വിശ്വകര്മാ വിനീതാത്മാ വേദശാസ്ത്രാര്ഥ തത്വവിത് ॥ ൧൩൫॥

വസുര്വസുമനാ വ്യാലോ വിരാമോ വിമദഃ കവിഃ ।
വിമോചകശ്ചവിജയോ വിശിഷ്ടോ വൃഷവാഹനഃ ॥ ൧൩൬॥

വിദ്യേശോ വിബുധോ വാദീ വേദാങ്ഗോ വേദവിന്മുതിഃ ।
വിശ്വേശ്വരോ വീരഭദ്രോ വീരാസന വിധിര്വിരാട ॥ ൧൩൭॥

വ്യവസായോ വ്യവസ്ഛാനഃ വീരചുഡാമണിര്വരഃ ।
വാലഖില്യോ വിശ്വദേഹോ വിരാമോ വസുദോവസുഃ ॥ ൧൩൮॥

വിരോചനോ വരരുചിര്വേദ്യോ വാചസ്പതിര്ഗതിഃ ।
വിദ്വത്തമോവീതഭയോ വിശ്രുതിര്വിമലോദയഃ ॥ ൧൩൯॥

വൈവസ്വതോ വസിഷ്ഠശ്ച വിഭൂതിര്വിഗതജ്വരഃ ।
വിശ്വഹര്താ വിശ്വാഗോപ്താ വിശ്വാമിത്രോ ദ്വിജേശ്വരഃ ॥ ൧൪൦॥

വിശ്വോത്പത്തിര്വിശ്വസഹോ വിശ്വാവാസോ വസുശ്രവാഃ ।
വിശ്വരൂപോ വജ്രഹസ്തോ വിപാകോ വിശ്വകാരകഃ ॥ ൧൪൧॥

വൃഷദര്ശ്വോ വ്യാസകല്പോ വിശല്പോ ലോകശല്യഹൃത് ।
വിരൂപോ വികൃതോ വേഗീ വിരഞ്ചിര്വിഷ്ടരശ്രവാഃ ॥ ൧൪൨॥

അവ്യക്തലക്ഷണോ വ്യക്തോ വ്യക്താവ്യക്തോ വിശാമ്പതിഃ ।
വിബുദ്ധോഽഗ്രകരോ വേദോ വിശ്വഗര്ഭോ വിചക്ഷണഃ ॥ ൧൪൩॥

വിഷ്മാക്ഷോ വിലോമാക്ഷോ വൃഷഭോ വൃഷവര്ദ്ധനഃ ।
വിത്തപ്രദോ വസന്തശ്ച വിവസ്വാന് വിക്രമോത്തമഃ ॥ ൧൪൪॥

വേദ്യോ വൈദ്യോ വിശ്വരൂപോ വിവിക്തോ വിശ്വഭാജനമ് ।
വിഷയസ്ഛോ വിവിക്തസ്ഛോ വിദ്യാരാശിര്വിയത്പ്രിയഃ ॥ ൧൪൫॥

ശിവഃ സര്വഃ സദാചാരഃ ശമ്ഭുരീശാന ഈശ്വരഃ ।
ശ്രുതിധര്മാനസംവാദീ സഹസ്രാക്ഷഃ സഹസ്രപാത് ॥ ൧൪൬॥

സര്വജ്ഞഃ സര്വദേവശ്ച ശങ്കരഃ ശൂലധാരകഃ ।
സുശരീരഃ സ്കന്ദഗുരുഃ ശ്രീകണ്ഠഃ സൂര്യതാപനഃ ॥ ൧൪൭॥

ഈശാനോ നിലയഃ സ്വസ്തി സാമവേദസ്ത്വഥര്വവിത് ।
നീതിഃ സുനീതിഃ ശ്രദ്ധാത്മാ സോമഃ സോമതരഃ സുഖീ ॥ ൧൪൮॥

സോമപാമൃതപഃ സൌമ്യഃ സൂത്രകാരഃ സനാതനഃ ।
ശാഖോ വിശാഖോ സമ്ഭാവ്യഃ സര്വദഃ സര്വഗോചരഃ ॥ ൧൪൯॥

സദാശിവഃ സമാവൃത്തിഃ സുകീര്തിഃ സ്ഛിന്നസംശയഃ ।
സര്വാവാസഃ സദാവാസഃ സര്വായുധവിശാരദഃ ॥ ൧൫൦॥

സുലഭഃ സുവ്രതഃ ശൂരഃ ശുഭാങ്ഗഃ ശുഭവിഗ്രഹഃ ।
സുവര്ണാങ്ഗഃ സ്വാത്മശത്രുഃ ശത്രുജിഛത്രുതാപനഃ ॥ ൧൫൧॥

ശനിഃ സൂര്യഃ സര്വകര്മാ സര്വലോകപ്രജാപതിഃ ।
സിദ്ധഃ സര്വേശ്വരഃ സ്വസ്തി സ്വസ്തികൃത്സ്വസ്തി ഭൂസ്വധാ ॥ ൧൫൨॥

വസുര്വസുമനാസത്യഃ സര്വപാപഹരോഹരഃ ।
സര്വാദിഃ സിദ്ധിദഃ സിദ്ധിഃ സത്വാവാസഃശ്ചതുഷ്പഥഃ ॥ ൧൫൩॥

സംവത്സരകരഃ ശ്രീമാന് ശാന്തഃ സംവത്സരഃ ശിശുഃ ।
സ്പഷ്ടാക്ഷരഃ സര്വഹാരീ സങ്ഗ്രാമഃ സമരാധികഃ ॥ ൧൫൪॥

ഇഷ്ടോവിശിഷ്ടഃ ശിഷ്ടേഷ്ടഃ ശുഭദഃ സുലഭായനഃ ।
സുബ്രഹ്മണ്യഃ സുരഗണോ സുശരണ്യഃ സുധാപതിഃ ॥ ൧൫൫॥

ശരണ്യഃ ശാശ്വതഃ സ്കന്ദഃ ശിപിവിഷ്ടഃ ശിവാശ്രയഃ ।
സംസാരചക്രഭൃത്സാരഃ ശങ്കരഃ സര്വസാധകഃ ॥ ൧൫൬॥

ശസ്ത്രം ശാസ്ത്രം ശാന്തരാഗഃ സവിതാസകലാഗമഃ ।
സുവീരഃ സത്പഥാചാരഃ ഷഡ്വിംശഃ സപ്തലോകധൃക് ॥ ൧൫൭॥

സമ്രാട് സുവേഷഃ ശത്രുഘ്നോഽസുരശത്രുഃ ശുഭോദയഃ ।
സമര്ഥഃ സുഗതഃ ശക്രഃ സദ്യോഗീ സദസന്മയഃ ॥ ൧൫൮॥

ശാസ്ത്രനേത്രം മുഖം ശ്മശ്രു സ്വാധിഷ്ഠാനം ഷഡാശ്രയഃ ।
അഭൂഃ സത്യപതിര്വൃദ്ധഃ ശമനഃ ശിഖിസാരഥിഃ ॥ ൧൫൯॥

സുപ്രതീകഃ സുവൃദ്ധാത്മാ വാമനഃ സുഖവാരിധിഃ ।
സുഖാനീഡഃ സുനിഷ്പന്നഃ സുരഭിഃ സൃഷ്ടിരാത്മകഃ ॥ ൧൬൦॥

സര്വദേവമയഃ ശൈലഃ സര്വശസ്ത്രപ്രഭഞ്ജനഃ ।
ശിവാലയഃ സര്വരൂപഃ സഹസ്രമുഖനാസികാ ॥ ൧൬൧॥

സഹസ്രബാഹുഃ സര്വേഷാം ശരണ്യഃ സര്വലോകധൃക് ।
ഇന്ദ്രേശഃ സുരസവ്യാസഃ സര്വദേവോത്തമോത്തമഃ ॥ ൧൬൨॥

ശിവധ്യാനരതഃ ശ്രീമാന് ശിഖിശ്രീ ചണ്ഡികാപ്രിയഃ ।
ശ്മശാനനിലയഃ സേതുഃ സര്വഭൂതമഹേശ്വരഃ ॥ ൧൬൩॥

സുവിശിഷ്ടഃ സുരാധ്യക്ഷഃ സുകുമാരഃ സുലോചനഃ ।
സകലഃ സ്വര്ഗതഃ സ്വര്ഗഃ സര്ഗഃ സ്വരമയഃ സ്വനഃ ॥ ൧൬൪॥

സാമഗഃ സകലധാരഃ സാമഗാനപ്രിയഃ ശിചിഃ ।
സദ്ഗതിഃ സത്കൃതിഃ ശാന്തസദ്ഭൂതിഃ സത്പരായണഃ ॥ ൧൬൫॥

ശുചിസ്മിതഃ പ്രസന്നാത്മാ സര്വശസ്ത്രമൃതാംവരഃ ।
സര്വാവാസഃ സ്തുതസ്ത്വഷ്ടാ സത്യവ്രതപരായണഃ ॥ ൧൬൬॥

ശ്രീവല്ലഭഃ ശിവാരമ്ഭഃ ശാന്തഭദ്രഃ സുമാനസഃ ।
സത്യവാന് സാത്വികഃ സത്യഃ സര്വജിഛ്രുതിസാഗരഃ ॥ ൧൬൭॥

സഹസ്രാര്ചിഃ സപ്തജിഹ്വഃ സപ്താവര മുനീശ്വരഃ ।
സംസാരസാരഥിഃ ശുദ്ധഃ ശത്രുഘ്നഃ ശത്രുതാപനഃ ॥ ൧൬൮॥

സുരേശഃ ശരണം ശര്മ സര്വദേവഃ സതാങ്ഗതിഃ ।
സദ്ധൃത്തോവ്രതസിദ്ധിശ്ച സിദ്ധിദഃ സിദ്ധിസാധനഃ ॥ ൧൬൯॥

ശാന്തബുദ്ധിഃ ശുദ്ധബുദ്ധിഃ സ്രഷ്ടാസ്തോഽതാസ്തവപ്രിയഃ ।
രസജ്ഞഃ സര്വസാരജ്ഞഃ സര്വസത്വാവലമ്ബനഃ ॥ ൧൭൦॥

സ്ഥൂലഃ സൂക്ഷ്മഃ സുസൂക്ഷ്മശ്ച സഹസ്രാക്ഷഃ പ്രകാശകഃ ।
സാരമേയാനുഗഃ സുഭ്രൂഃ പ്രൌഢബാഹുഃ സഹസ്രദൃക് ॥ ൧൭൧॥

ഗൃഹാത്മകോ രുദ്രരൂപീ വഷട് സ്വരമയഃ ശശീ ॥

ആദിത്യഃ സര്വകര്ത്താ ച സര്വായുഃ സര്വബുദ്ധിദഃ । ൧൭൨॥

സംഹൃഷ്ടസ്തുസദാപുഷ്ടോ ഘുര്ഘുരോ രക്തലോചനഃ ।
പാദുകാസിദ്ധിദഃ പാതാ പാരുഷ്യ വിനിഷൂദനഃ ॥ ൧൭൩॥

അഷ്ടസിദ്ധിര്മഹാസിദ്ധിഃ പരഃ സര്വാഭിചാരകഃ ।
ഭൂതവേതാലഘാതീ ച വേതാലാനുചരോരവിഃ ॥ ൧൭൪॥

കാലാഗ്നിഃ കാലരുദ്രശ്ച കാലാദിത്യഃ കലാമയഃ ।
കാലമാലീ കാലകണ്ഠസ്ത്ര്യ്മ്ബകസ്ത്രിപുരാന്തകഃ ॥ ൧൭൫॥

സര്വാഭിചാരീഹന്താ ച തഥാ കൃത്യാനിഷൂദനഃ ।
ആന്ത്രമാലീ ഘണ്ടമാലീ സ്വര്ണാകര്ഷണഭൈരവഃ ॥ ൧൭൬॥

നാമ്നാം സഹസ്രം ദിവ്യാനാം ഭൈരവസ്യ മഹാത്മനഃ ।
മയാ തേ കഥിതം ദേവി രഹസ്യം സര്വകാമദമ് ॥ ൧൭൭॥

ഭൈരവസ്യ വരാരോഹേ വരം നാമസഹസ്രകമ് ।
പഠതേ പാഠയേദ്യസ്തു ശ്രുണുയാത്സു സമാഹിതഃ ॥ ൧൭൮॥

ന തസ്യ ദുരിതം കിഞ്ചിന്നമാരീ ഭയമേവച ।
ന ച ഭൂതഭയം കിഞ്ചിന്ന രോഗാണാം ഭയം തഥാ ॥ ൧൭൯॥

ന പാതകാദ്ഭയം ചൈവ ശത്രുതോ ന ഭയം ഭവേത് ।
മാരീഭയം ചോരഭയം നാഗ്നിവ്യാഘ്രാദിജം ഭയമ് ॥ ൧൮൦॥

ഔത്പാതികം മഹാഘോരം പഠതേ യോ വിലീയതേ ।
ദുഃസ്വപ്നജേ രാജഭയേ വിപത്തൌ ഘോരദര്ശനേ ॥ ൧൮൧॥

സ്തോത്രമേതത്പഠേദ്വിദ്വാന്സര്വദുഃഖൌഘനാശനമ് ।
സര്വപ്രശമമായാതി സഹസ്രപരികീര്തനാത് ॥ ൧൮൨॥

ഏകകാലം ദ്വികാലം വാ ത്രികാലമഥവാനിശീ ।
പഠേദ്യോ നിയതാഹാരഃ സര്വസിദ്ധി ച വിന്ദതി ॥ ൧൮൩॥

ഭൂമികാമോ ഭൂതികാമഃ ഷണ്മാസം ച ജപേത്സുധീഃ ।
പ്രതികൃത്യാ വിനാശാര്ഥം ജപേത്രിശതമുത്തമമ് ॥ ൧൮൪॥

മാസത്രയേണ സര്വേഷാം രിപൂണാമന്തകോ ഭവേത് ।
മാസത്രയം ജപേദ്ദേവി നിശിനിശ്ചലമാനസഃ ॥ ൧൮൫॥

ധനം പുത്രാന് തഥാദാരാന് പ്രാപ്നുയാന്നാത്ര സംശയഃ ।
മഹാകാരാഗൃഹേ ബദ്ധപിശാചൈഃ പരിവാരിതഃ ॥ ൧൮൬॥

നിഗഡൈഃ ശൃങ്ഖലാഭിശ്ച ബന്ധനം പരമം ഗതഃ ।
പഠേദ്ദേവി ദിവാരാത്രൌ സര്വാന്കാമാന്നവാപ്നുയാത് ॥ ൧൮൭॥

ശതമാവര്തനാദ്ദേവി പുരശ്ചരണമുച്യതേ ।
യം യം കാമയതേ കാമം തം തം പ്രാപ്നോതി നിശ്ചിതമ് ॥ ൧൮൮॥

സത്യം സത്യം പുനഃ സത്യം സത്യം സത്യം പുനഃ പുനഃ ।
സര്വ കാമഃ പ്രദോ ദേവി ഭൈരവഃ സര്വസിദ്ധിദഃ ॥ ൧൮൯॥

സത്കുലീനായ ശാന്തായ ഋഷയേ സത്യവാദിന ।
സ്തോത്രദാനാത്സു പ്രഹൃഷ്ടോ ഭൈരവോഭൂന്മഹേശ്വരഃ ॥ ൧൯൦॥

॥ ഇതിശ്രീഉഡ്ഡാമരേതന്ത്രേ ഉമാമഹേശ്വര സംവാദേ

ഭൈരവസഹസ്രനാമസ്തോത്രം സമ്പൂര്ണമ് ॥


Encoded and Proofread by Ravin Bhalekar ravibhalekar@hotmail.com

Please send corrections to sanskrit@cheerful.com
Last updated ത്oday
http://sanskritdocuments.org

Swarnakarshana Bhairava Sahasranama Stotram Lyrics in Malayalam PDF
% File name : svarNAkarShaNabhairavasahasra.itx
% Category : sahasranAma
% Location : doc\_shiva
% Author : Traditional
% Language : Sanskrit
% Subject : philosophy/hinduism/religion
% Transliterated by : Ravin bhalekar ravibhalekar at hotmail.com
% Proofread by : Ravin bhalekar ravibhalekar at hotmail.com
% Description-comments : uDDAmaretantre umAmaheshvarasa.vAde
% Latest update : November 26, 2006, July 10 2010 name change
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website