{॥ ശ്രീശിവപഞ്ചാക്ഷരനക്ഷത്രമാലാസ്തോത്രമ് ॥}
ശ്രീമദാത്മനേ ഗുണൈകസിന്ധവേ നമഃ ശിവായ
ധാമലേശധൂതകോകബന്ധവേ നമഃ ശിവായ ।
നാമശേഷിതാനമദ്ഭാവാന്ധവേ നമഃ ശിവായ
പാമരേതരപ്രധാനബന്ധവേ നമഃ ശിവായ ॥ ൧॥

കാലഭീതവിപ്രബാലപാല തേ നമഃ ശിവായ
ശൂലഭിന്നദുഷ്ടദക്ഷഫാല തേ നമഃ ശിവായ ।
മൂലകാരണായ കാലകാല തേ നമഃ ശിവായ
പാലയാധുനാ ദയാലവാല തേ നമഃ ശിവായ ॥ ൨॥

ഇഷ്ടവസ്തുമുഖ്യദാനഹേതവേ നമഃ ശിവായ
ദുഷ്ടദൈത്യവംശധൂമകേതവേ നമഃ ശിവായ ।
സൃഷ്ടിരക്ഷണായ ധര്മസേതവേ നമഃ ശിവായ
അഷ്ടമൂര്തയേ വൃഷേന്ദ്രകേതവേ നമഃ ശിവായ ॥ ൩॥

ആപദദ്രിഭേദടങ്കഹസ്ത തേ നമഃ ശിവായ
പാപഹാരിദിവ്യസിന്ധുമസ്ത തേ നമഃ ശിവായ ।
പാപദാരിണേ ലസന്നമസ്തതേ നമഃ ശിവായ
ശാപദോഷഖണ്ഡനപ്രശസ്ത തേ നമഃ ശിവായ ॥ ൪॥

വ്യോമകേശ ദിവ്യഭവ്യരൂപ തേ നമഃ ശിവായ
ഹേമമേദിനീധരേന്ദ്രചാപ തേ നമഃ ശിവായ ।
നാമമാത്രദഗ്ധസര്വപാപ തേ നമഃ ശിവായ
കാമനൈകതാനഹൃദ്ദുരാപ തേ നമഃ ശിവായ ॥ ൫॥

ബ്രഹ്മമസ്തകാവലീനിബദ്ധ തേ നമഃ ശിവായ
ജിഹ്മഗേന്ദ്രകുണ്ഡലപ്രസിദ്ധ തേ നമഃ ശിവായ ।
ബ്രഹ്മണേ പ്രണീതവേദപദ്ധതേ നമഃ ശിവായ
ജിംഹകാലദേഹദത്തപദ്ധതേ നമഃ ശിവായ ॥ ൬॥

കാമനാശനായ ശുദ്ധകര്മണേ നമഃ ശിവായ
സാമഗാനജായമാനശര്മണേ നമഃ ശിവായ ।
ഹേമകാന്തിചാകചക്യവര്മണേ നമഃ ശിവായ
സാമജാസുരാങ്ഗലബ്ധചര്മണേ നമഃ ശിവായ ॥ ൭॥

ജന്മമൃത്യുഘോരദുഃഖഹാരിണേ നമഃ ശിവായ
ചിന്മയൈകരൂപദേഹധാരിണേ നമഃ ശിവായ ।
മന്മനോരഥാവപൂര്തികാരിണേ നമഃ ശിവായ
സന്മനോഗതായ കാമവൈരിണേ നമഃ ശിവായ ॥ ൮॥

യക്ഷരാജബന്ധവേ ദയാലവേ നമഃ ശിവായ
ദക്ഷപാണിശോഭികാഞ്ചനാലവേ നമഃ ശിവായ ।
പക്ഷിരാജവാഹഹൃച്ഛയാലവേ നമഃ ശിവായ
അക്ഷിഫാല വേദപൂതതാലവേ നമഃ ശിവായ ॥ ൯॥

ദക്ഷഹസ്തനിഷ്ഠജാതവേദസേ നമഃ ശിവായ
അക്ഷരാത്മനേ നമദ്ബിഡൌജസേ നമഃ ശിവായ ।
ദീക്ഷിതപ്രകാശിതാത്മതേജസേ നമഃ ശിവായ
ഉക്ഷരാജവാഹ തേ സതാം ഗതേ നമഃ ശിവായ ॥ ൧൦॥

രാജതാചലേന്ദ്രസാനുവാസിനേ നമഃ ശിവായ
രാജമാനനിത്യമന്ദഹാസിനേ നമഃ ശിവായ ।
രാജകോരകാവതംസഭാസിനേ നമഃ ശിവായ
രാജരാജമിത്രതാപ്രകാശിനേ നമഃ ശിവായ ॥ ൧൧॥

ദീനമാനവാലികാമധേനവേ നമഃ ശിവായ
സൂനബാണദാഹകൃത്കൃശാനവേ നമഃ ശിവായ ।
സ്വാനുരാഗഭക്തരത്നസാനവേ നമഃ ശിവായ
ദാനവാന്ധകാരചണ്ഡഭാനവേ നമഃ ശിവായ ॥ ൧൨॥

സര്വമങ്ഗലാകുചാഗ്രശായിനേ നമഃ ശിവായ
സര്വദേവതാഗണാതിശായിനേ നമഃ ശിവായ ।
പൂര്വദേവനാശസംവിധായിനേ നമഃ ശിവായ
സര്വമന്മനോജഭങ്ഗദായിനേ നമഃ ശിവായ ॥ ൧൩॥

സ്തോകഭക്തിതോഽപി ഭക്തപോഷിണേ നമഃ ശിവായ
മാകരന്ദസാരവര്ഷിഭാഷിണേ നമഃ ശിവായ ।
ഏകബില്വദാനതോഽപി തോഷിണേ നമഃ ശിവായ
നൈകജന്മപാപജാലശോഷിണേ നമഃ ശിവായ ॥ ൧൪॥

സര്വജീവരക്ഷണൈകശീലിനേ നമഃ ശിവായ
പാര്വതീപ്രിയായ ഭക്തപാലിനേ നമഃ ശിവായ ।
ദുര്വിദഗ്ധദൈത്യസൈന്യദാരിണേ നമഃ ശിവായ
ശര്വരീശധാരിണേ കപാലിനേ നമഃ ശിവായ ॥ ൧൫॥

പാഹി മാമുമാമനോജ്ഞദേഹ തേ നമഃ ശിവായ
ദേഹി മേ വരം സിതാദ്രിഗേഹ തേ നമഃ ശിവായ ।
മോഹിതര്ഷികാമിനീസമൂഹ തേ നമഃ ശിവായ
സ്വേഹിതപ്രസന്ന കാമദോഹ തേ നമഃ ശിവായ ॥ ൧൬॥

മങ്ഗലപ്രദായ ഗോതുരംഗ തേ നമഃ ശിവായ
ഗങ്ഗയാ തരങ്ഗിതോത്തമാങ്ഗ തേ നമഃ ശിവായ ।
സങ്ഗരപ്രവൃത്തവൈരിഭങ്ഗ തേ നമഃ ശിവായ
അങ്ഗജാരയേ കരേകുരങ്ഗ തേ നമഃ ശിവായ ॥ ൧൭॥

ഈഹിതക്ഷണപ്രദാനഹേതവേ നമഃ ശിവായ
ആഹിതാഗ്നിപാലകോക്ഷകേതവേ നമഃ ശിവായ ।
ദേഹകാന്തിധൂതരൌപ്യധാതവേ നമഃ ശിവായ
ഗേഹദുഃഖപുഞ്ജധൂമകേതവേ നമഃ ശിവായ ॥ ൧൮॥

ത്ര്യക്ഷ ദീനസത്കൃപാകടാക്ഷ തേ നമഃ ശിവായ
ദക്ഷസപ്തതന്തുനാശദക്ഷ തേ നമഃ ശിവായ ।
ഋക്ഷരാജഭാനുപാവകാക്ഷ തേ നമഃ ശിവായ
രക്ഷ മാം പ്രപന്നമാത്രരക്ഷ തേ നമഃ ശിവായ ॥ ൧൯॥

ന്യങ്കുപാണയേ ശിവംകരായ തേ നമഃ ശിവായ
സംകടാബ്ധിതീര്ണകിംകരായ തേ നമഃ ശിവായ ।
കങ്കഭീഷിതാഭയംകരായ തേ നമഃ ശിവായ
പങ്കജാനനായ ശംകരായ തേ നമഃ ശിവായ ॥ ൨൦॥

കര്മപാശനാശ നീലകണ്ഠ തേ നമഃ ശിവായ
ശര്മദായ നര്യഭസ്മകണ്ഠ തേ നമഃ ശിവായ ।
നിര്മമര്ഷിസേവിതോപകണ്ഠ തേ നമഃ ശിവായ
കുര്മഹേ നതീര്നമദ്വികുണ്ഠ തേ നമഃ ശിവായ ॥ ൨൧॥

വിഷ്ടപാധിപായ നമ്രവിഷ്ണവേ നമഃ ശിവായ
ശിഷ്ടവിപ്രഹൃദ്ഗുഹാചരിഷ്ണവേ നമഃ ശിവായ ।
ഇഷ്ടവസ്തുനിത്യതുഷ്ടജിഷ്ണവേ നമഃ ശിവായ
കഷ്ടനാശനായ ലോകജിഷ്ണവേ നമഃ ശിവായ ॥ ൨൨॥

അപ്രമേയദിവ്യസുപ്രഭാവ തേ നമഃ ശിവായ
സത്പ്രപന്നരക്ഷണസ്വഭാവ തേ നമഃ ശിവായ ।
സ്വപ്രകാശ നിസ്തുലാനുഭാവ തേ നമഃ ശിവായ
വിപ്രഡിമ്ഭദര്ശിതാര്ദ്രഭാവ തേ നമഃ ശിവായ ॥ ൨൩॥

സേവകായ മേ മൃഡ പ്രസീദ തേ നമഃ ശിവായ
ഭാവലഭ്യ താവകപ്രസാദ തേ നമഃ ശിവായ ।
പാവകാക്ഷ ദേവപൂജ്യപാദ തേ നമഃ ശിവായ
തവകാങ്ഘ്രിഭക്തദത്തമോദ തേ നമഃ ശിവായ ॥ ൨൪॥

ഭുക്തിമുക്തിദിവ്യഭോഗദായിനേ നമഃ ശിവായ
ശക്തികല്പിതപ്രപഞ്ചഭാഗിനേ നമഃ ശിവായ ।
ഭക്തസംകടാപഹാരയോഗിനേ നമഃ ശിവായ
യുക്തസന്മനഃസരോജയോഗിനേ നമഃ ശിവായ ॥ ൨൫॥

അന്തകാന്തകായ പാപഹാരിണേ നമഃ ശിവായ
ശാന്തമായദന്തിചര്മധാരിണേ നമഃ ശിവായ ।
സംതതാശ്രിതവ്യഥാവിദാരിണേ നമഃ ശിവായ
ജന്തുജാതനിത്യസൌഖ്യകാരിണേ നമഃ ശിവായ ॥ ൨൬॥

ശൂലിനേ നമോ നമഃ കപാലിനേ നമഃ ശിവായ
പാലിനേ വിരിഞ്ചിതുണ്ഡമാലിനേ നമഃ ശിവായ ।
ലീലിനേ വിശേഷരുണ്ഡമാലിനേ നമഃ ശിവായ
ശീലിനേ നമഃ പ്രപുണ്യശാലിനേ നമഃ ശിവായ ॥ ൨൭॥

ശിവപഞ്ചാക്ഷരമുദ്രാം
ചതുഷ്പദോല്ലാസപദ്യമണിഘടിതാമ് ।
നക്ഷത്രമാലികാമിഹ
ദധദുപകണ്ഠം നരോ ഭവേത്സോമഃ ॥ ൨൮॥

ഇതി ശ്രീമത്പരമഹംസപരിവ്രാജകാചാര്യസ്യ
ശ്രീഗോവിന്ദഭഗവത്പൂജ്യപാദശിഷ്യസ്യ
ശ്രീമച്ഛംകരഭഗവതഃ കൃതൌ
ശിവപഞ്ചാക്ഷരനക്ഷത്രമാലാസ്തോത്രം സംപൂര്ണമ് ॥


Encoded by Sridhar-Seshagiri seshagir at engineering.sdsu.edu

Please send corrections to sanskrit@cheerful.com
Last updated ത്oday
http://sanskritdocuments.org

Shiva Panchakshara Nakshatramala Stotram Lyrics in Malayalam PDF
% File name : shiva5nakshatra.itx
% Category : panchaka
% Location : doc\_shiva
% Author : Adi Shankaracharya
% Language : Sanskrit
% Subject : philosophy/hinduism/religion
% Transliterated by : Sridhar Seshagiri seshagir at engineering.sdsu.edu
% Proofread by : Sridhar Seshagiri seshagir at engineering.sdsu.edu
% Latest update : July 29, 2000
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website