{॥ ଶ୍ରୀଶିଵମୀଡେସ୍ତଵରତ୍ନମ୍ ॥}
ସ୍ଵପ୍ରକାଶଶିଵରୂପସଦ୍ଗୁରୁଂ ନିଷ୍ପ୍ରକାଶଜଡଚୈତ୍ଯଭାସକମ୍ ।
ଅପ୍ରମେଯସୁଗୁଣାମୃତାଲଯଂ ସଂସ୍ମରାମି ହୃଦି ନିତ୍ଯମଦ୍ଭୁତମ୍ ॥ ୧॥

ଯଃ କ୍ରୀଡାର୍ଥଂ ଵିଶ୍ଵମଶେଷଂ ନିଜଶକ୍ତ୍ଯା
ସୃଷ୍ଟ୍ଵା ସ୍ଵସ୍ମିନ୍ କ୍ରୀଡତି ଦେଵୋଽପ୍ଯନଵଦ୍ଯଃ ।
ନିସ୍ତ୍ରୈଗୁଣ୍ଯୋ ମାଯିକଭୂମିଵ୍ଯତିରିକ୍ତଃ
ତଂ ସର୍ଵାଘଧ୍ଵଂସକମାଦ୍ଯଂ ଶିଵମୀଡେ ॥ ୨॥

ଏକୋ ଦେଵୋ ଭାତି ତରଙ୍ଗେଷ୍ଵିଵ ଭାନୁଃ
ନାନାଭୂତେଷ୍ଵାତ୍ମସୁ ସର୍ଵେଷ୍ଵପି ନିତ୍ଯମ୍ ।
ଶୁଦ୍ଧୋ ବୁଦ୍ଧୋ ନିର୍ମଲରୂପୋ ନିରଵଦ୍ଯଃ
ତଂ ସର୍ଵାଘଧ୍ଵଂସକମାଦ୍ଯଂ ଶିଵମୀଡେ ॥ ୩॥

ଦେଵାଧୀଶଂ ସର୍ଵଵରେଣ୍ଯଂ ହୃଦଯାବ୍ଜେ
ନିତ୍ଯଂ ଧ୍ଯାତ୍ଵା ଯୋଗିଵରା ଯଂ ଦୃଢଭକ୍ତ୍ଯା ।
ଶୁଦ୍ଧା ଭୂତ୍ଵା ଯାନ୍ତି ଭଵାବ୍ଧିଂ ନ ପୁନସ୍ତେ
ତଂ ସର୍ଵାଘଧ୍ଵଂସକମାଦ୍ଯଂ ଶିଵମୀଡେ ॥ ୪॥

ଶ୍ରୌତୈଃ ସ୍ମାର୍ତୈଃ କର୍ମଶତୈଶ୍ଚପି ଯ ଈଶୋ
ଦୁର୍ଵିଜ୍ଞେଯଃ କଲ୍ପଶତଂ ତୈର୍ଜଡରୂପୈଃ ।
ସଂଵିଦ୍ରୂପସ୍ଵୈକଵିଚାରାଦଧିଗମ୍ଯଃ
ତଂ ସର୍ଵାଘଧ୍ଵଂସକମାଦ୍ଯଂ ଶିଵମୀଡେ ॥ ୫॥

କର୍ମାଧ୍ଯକ୍ଷଃ କାମିଜନାନାଂ ଫଲଦାତା
କର୍ତୃତ୍ଵାହଂକାରଵିମୁକ୍ତୋ ନିରପେକ୍ଷଃ ।
ଦେହାତୀତୋ ଦୃଶ୍ଯଵିଵିକ୍ତୋ ଜଗଦୀଶଃ
ତଂ ସର୍ଵାଘଧ୍ଵଂସକମାଦ୍ଯଂ ଶିଵମୀଡେ ॥ ୬॥

ନାନ୍ତର୍ବାହ୍ଯେ ନୋଭଯତୋ ଵା ପ୍ରଵିଭକ୍ତଂ
ଯଂ ସର୍ଵଜ୍ଞଂ ନାପି ସମର୍ଥୋ ନିଗମାଦିଃ ।
ତତ୍ତ୍ଵାତୀତଂ ତତ୍ପଦଲକ୍ଷ୍ଯଂ ଗୁରୁଗମ୍ଯଂ
ତଂ ସର୍ଵାଘଧ୍ଵଂସକମାଦ୍ଯଂ ଶିଵମୀଡେ ॥ ୭॥

ଯଦ୍ଭାସାର୍କୋ ଭାତି ହିମାଂଶୁର୍ଦହନୋ ଵା
ଦୃଶ୍ଯୈର୍ଭାସ୍ଯୈର୍ଯୋ ନ ଚ ଭାତି ପ୍ରିଯରୂପଃ ।
ଯସ୍ମାଦ୍ ଭାତି ଵ୍ଯଷ୍ଟିସମଷ୍ଟ୍ଯାତ୍ମକମେତତ୍
ତଂ ସର୍ଵାଘଧ୍ଵଂସକମାଦ୍ଯଂ ଶିଵମୀଡେ ॥ ୮॥

ଆଶାଦେଶାଦ୍ଯଵ୍ଯଵଧାନୋ ଵିଭୁରେକଃ
ସର୍ଵାଧାରଃ ସର୍ଵନିଯନ୍ତା ପରମାତ୍ମା ।
ପୂର୍ଣାନନ୍ଦଃ ସତ୍ତ୍ଵଵତାଂ ଯୋ ହୃଦି ଦେଵଃ
ତଂ ସର୍ଵାଘଧ୍ଵଂସକମାଦ୍ଯଂ ଶିଵମୀଡେ ॥ ୯॥

କୋଽହଂ ଦେଵଃ କିଂ ଜଗଦେତତ୍ ପ୍ରଵିଚାରାଦ୍
ଦୃଶ୍ଯଂ ସର୍ଵଂ ନଶ୍ଵରରୂପଂ ଗୁରୁଵାକ୍ଯାତ୍ ।
ସିଦ୍ଧେ ଚୈଵଂ ଯଃ ଖଲୁ ଶେଷଃ ପ୍ରତିପନ୍ନଃ
ତଂ ସର୍ଵାଘଧ୍ଵଂସକମାଦ୍ଯଂ ଶିଵମୀଡେ ॥ ୧୦॥

ସତ୍ଯଂ ଜ୍ଞାନଂ ବ୍ରହ୍ମ ସୁଖଂ ଯଂ ପ୍ରଣଵାନ୍ତଂ
ସର୍ଵସ୍ଫୂର୍ତିଃ ଶାଶ୍ଵତରୂପସ୍ତ୍ଵିତି ଵେଦ୍ଃ ।
ଜଲ୍ପନ୍ତ୍ଯେଵଂ ସ୍ଵଚ୍ଛଧିଯୋଽପି ପ୍ରଭୁମେକଂ
ତଂ ସର୍ଵାଘଧ୍ଵଂସକମାଦ୍ଯଂ ଶିଵମୀଡେ ॥ ୧୧॥

ଯସ୍ମାଦ୍ ଭୀତୋ ଵାତି ଚ ଵାଯୁସ୍ତ୍ରିପୁରେଷୁ
ବ୍ରହ୍ମେନ୍ଦ୍ରାଦ୍ଯାସ୍ତେ ନିଜକର୍ମସ୍ଵନୁବଦ୍ଧାଃ ।
ଚନ୍ଦ୍ରାଦିତ୍ଯୌ ଲୋକସମୂହେ ପ୍ରଚରନ୍ତୌ
ତଂ ସର୍ଵାଘଧ୍ଵଂସକମାଦ୍ଯଂ ଶିଵମୀଡେ ॥ ୧୨॥

ମାଯାକାର୍ଯଂ ଜନ୍ମ ଚ ନାଶଃ ପୁରଜେତୁଃ
ନାସ୍ତି ଦ୍ଵନ୍ଦ୍ଵଂ ନାମ ଚ ରୂପଂ ଶ୍ରୁତିଵାକ୍ଯାତ୍ ।
ନିର୍ଣୀତାର୍ଥୋ ନିତ୍ଯଵିମୁକ୍ତୋ ନିରପାଯଃ
ତଂ ସର୍ଵାଘଧ୍ଵଂସକମାଦ୍ଯଂ ଶିଵମୀଡେ ॥ ୧୩॥

ନାଯଂ ଦେହୋ ନେନ୍ଦ୍ରିଯଵର୍ଗୋ ନ ଚ ଵାଯୁଃ
ନେଦଂ ଦୃଶ୍ଯଂ ଜାତ୍ଯଭିମାନୋ ନ ଚ ବୁଦ୍ଧିଃ ।
ଇତ୍ଥଂ ଶ୍ରୁତ୍ଯା ଯୋ ଗୁରୁଵାକ୍ଯାତ୍ ପ୍ରତିଲବ୍ଧଃ
ତଂ ସର୍ଵାଘଧ୍ଵଂସକମାଦ୍ଯଂ ଶିଵମୀଡେ ॥ ୧୪॥

ସ୍ଥୂଲଂ ସୂକ୍ଷ୍ମଂ କ୍ଷାମମନେକଂ ନ ଚ ଦୀର୍ଘଂ
ହ୍ରସ୍ଵଂ ଶୁକ୍ଲଂ କୃଷ୍ଣମଖଣ୍ଡୋଽଵ୍ଯଯରୂପଃ ।
ପ୍ରତ୍ଯକ୍ସାକ୍ଷୀ ଯଃ ପରତେଜାଃ ପ୍ରଣଵାନ୍ତଃ
ତଂ ସର୍ଵାଘଧ୍ଵଂସକମାଦ୍ଯଂ ଶିଵମୀଡେ ॥ ୧୫॥

ଯତ୍ସୌଖ୍ଯାବ୍ଧେର୍ଲେଶକଣାଂଶୋଃ ସୁରମର୍ତ୍ଯା-
ସ୍ତିର୍ଯଞ୍ଚୋଽପି ସ୍ଥାଵରଭେଦାଃ ପ୍ରଭଵନ୍ତି ।
ତତ୍ତତ୍କାର୍ଯପ୍ରାଭଵଵନ୍ତଃ ସୁଖିନସ୍ତେ
ତଂ ସର୍ଵାଘଧ୍ଵଂସକମାଦ୍ଯଂ ଶିଵମୀଡେ ॥ ୧୬॥

ଯସ୍ମିଞ୍ଜ୍ଞାତେ ଜ୍ଞାତମଶେଷଂ ଭୁଵନଂ ସ୍ଯାଦ୍
ଯସ୍ମିନ୍ ଦୃଷ୍ଟେ ଭେଦସମୂହୋ ଲଯମେତି ।
ଯସ୍ମିନ୍ମୃତ୍ଯୁର୍ନାସ୍ତି ଚ ଶୋକୋ ଭଵପାଶାଃ
ତଂ ସର୍ଵାଘଧ୍ଵଂସକମାଦ୍ଯଂ ଶିଵମୀଡେ ॥ ୧୭॥

ଦ୍ଯାଂ ମୂର୍ଧାନଂ ଯସ୍ଯ ଵଦନ୍ତି ଶ୍ରୁତଯସ୍ତାଃ
ଚନ୍ଦ୍ରାଦିତ୍ଯୌ ନେତ୍ରଯୁଗଂ ଜ୍ଯାଂ ପଦଯୁଗ୍ମମ୍ ।
ଆଶାଂ ଶ୍ରୋତ୍ରଂ ଲୋମସମୂହଂ ତରୁଵଲ୍ଲୀଃ
ତଂ ସର୍ଵାଘଧ୍ଵଂସକମାଦ୍ଯଂ ଶିଵମୀଡେ ॥ ୧୮॥

ପ୍ରାଣାଯାମୈଃ ପୂତଧିଯୋ ଯଂ ପ୍ରଣଵାନ୍ତଂ
ସଂଧାଯାତ୍ମନ୍ଯଵ୍ଯପଦେଶ୍ଯଂ ନିଜବୋଧମ୍ ।
ଜୀଵନ୍ମୁକ୍ତାଃ ସନ୍ତି ଦିଶାସୁ ପ୍ରଚରନ୍ତଃ
ତଂ ସର୍ଵାଘଧ୍ଵଂସକମାଦ୍ଯଂ ଶିଵମୀଡେ ॥ ୧୯॥

ଯଚ୍ଛ୍ରୋତଵ୍ଯଂ ଶ୍ରୌତଗିରା ଶ୍ରୀଗୁରୁଵାକ୍ଯାଦ୍
ଯନ୍ମନ୍ତଵ୍ଯଂ ସ୍ଵାତ୍ମସୁଖାର୍ଥଂ ପୁରୁଷାଣାମ୍ ।
ଯଦ୍ ଧ୍ଯାତଵ୍ଯଂ ସତ୍ଯମଖଣ୍ଡଂ ନିରଵଦ୍ଯଂ
ତଂ ସର୍ଵାଘଧ୍ଵଂସକମାଦ୍ଯଂ ଶିଵମୀଡେ ॥ ୨୦॥

ଯଂ ଜିଜ୍ଞାସୁଃ ସଦ୍ଗୁରୁମୂର୍ତିଂ ଦ୍ଵିଜଵର୍ଯଂ
ନିତ୍ଯାନନ୍ଦଂ ତଂ ଫଲପାଣିଃ ସମୁପୈତି ।
ଭକ୍ତିଶ୍ରଦ୍ଧାଦାନ୍ତିଵିଶିଷ୍ଟୋ ଧୃତିଯୁକ୍ତଃ
ତଂ ସର୍ଵାଘଧ୍ଵଂସକମାଦ୍ଯଂ ଶିଵମୀଡେ ॥ ୨୧॥

ପୃଥଵ୍ଯମ୍ବଵଗ୍ନିସ୍ପର୍ଶନଖାନି ପ୍ରଵିଲାପ୍ଯ
ସ୍ଵସ୍ମିନ୍ ମତ୍ଯା ଧାରନଯା ଵା ପ୍ରଣଵେନ ।
ଯଚ୍ଛିଷ୍ଟଂ ତଦ୍ ବ୍ରହ୍ମ ଭଵାମୀତ୍ଯନୁଭୂତଂ
ତଂ ସର୍ଵାଘଧ୍ଵଂସକମାଦ୍ଯଂ ଶିଵମୀଡେ ॥ ୨୨॥

ଲୀନେ ଚିତ୍ତେ ଭାତି ଚ ଏକୋ ନିଖିଲେଷୁ
ପ୍ରତ୍ଯଗ୍ଦୃଷ୍ଟ୍ଯା ସ୍ଥାଵରଜନ୍ତୁଷ୍ଵପି ନିତ୍ଯମ୍ ।
ସତ୍ଯାସତ୍ଯେ ସତ୍ଯମଭୂଚ୍ଚ ଵ୍ଯତିରେକାତ୍
ତଂ ସର୍ଵାଘଧ୍ଵଂସକମାଦ୍ଯଂ ଶିଵମୀଡେ ॥ ୨୩॥

ଚେତଃସାକ୍ଷୀ ପ୍ରତ୍ଯଗଭିନ୍ନୋ ଵିଭୁରେକଃ
ପ୍ରଜ୍ଞାନାତ୍ମା ଵିଶ୍ଵଭୁଗାଦିଵ୍ଯତିରିକ୍ତଃ ।
ସତ୍ଯଜ୍ଞାନାନନ୍ଦସୁଧାବ୍ଧିଃ ପରିପୂର୍ଣଃ
ତଂ ସର୍ଵାଘଧ୍ଵଂସକମାଦ୍ଯଂ ଶିଵମୀଡେ ॥ ୨୪॥

ସର୍ଵେ କାମା ଯସ୍ଯ ଵିଲୀନା ହୃଦି ସଂସ୍ଥାଃ
ତସ୍ଯୋଦେତି ବ୍ରହ୍ମରଵିର୍ଯୋ ହୃଦି ତତ୍ର ।
ଵିଦ୍ଯାଵିଦ୍ଯା ନାସ୍ତି ପରେ ଚ ଶ୍ରୁତିଵାକ୍ଯାତ୍
ତଂ ସର୍ଵାଘଧ୍ଵଂସକମାଦ୍ଯଂ ଶିଵମୀଡେ ॥ ୨୫॥

ସ ତ୍ଯାଗେଶଃ ସର୍ଵଗୁହାନ୍ତଃ ପରିପୂର୍ଣୋ
ଵକ୍ତା ଶ୍ରୋତା ଵେଦପୁରାଣପ୍ରତିପାଦ୍ଯଃ ।
ଇତ୍ଥଂ ବୁଦ୍ଧୌ ଜ୍ଞାନମଖଣ୍ଡଂ ସ୍ଫୁରଦାସ୍ତେ
ତଂ ସର୍ଵାଘଧ୍ଵଂସକମାଦ୍ଯଂ ଶିଵମୀଡେ ॥ ୨୬॥

ନିତ୍ଯଂ ଭକ୍ତ୍ଯା ଯଃ ପଠତୀଦଂ ସ୍ତଵରତ୍ନଂ
ତସ୍ଯାଵିଦ୍ଯା ଜନ୍ମ ଚ ନାଶୋ ଲଯମେତୁ ।
କିଂ ଚାତ୍ମନଂ ପଶ୍ଯତୁ ସତ୍ଯଂ ନିଜବୋଧଂ
ସର୍ଵାନ୍ କାମାନ୍ ସ୍ଵଂ ଲଭତାଂ ସ ପ୍ରିଯରୂପମ୍ ॥ ୨୭॥

ଇତ୍ଯାନନ୍ଦନାଥପାଦପପଦ୍ମୋପଜୀଵିନା କାଶ୍ଯପଗୋତ୍ରୋତ୍ପନ୍ନେନାନ୍ଧ୍ରେଣ
ତ୍ଯାଗରାଜନାମ୍ନା ଵିରଚିତଂ ଶିଵମୀଡେସ୍ତଵରତ୍ନଂ ସଂପୂର୍ଣମ୍ ॥


Encoded by Sridhar Seshagiri seshagir at engineering.sdsu.edu

Please send corrections to sanskrit@cheerful.com
Last updated ତ୍oday
http://sanskritdocuments.org

Shivamide Stavaratnam Lyrics in Oriya PDF
% File name : shivamIDestava.itx
% Location : doc\_shiva
% Author : tyAgarAja
% Language : Sanskrit
% Subject : philosophy/hinduism/religion
% Transliterated by : Sridhar Seshagiri seshagir at engineering.sdsu.edu
% Proofread by : Sridhar Seshagiri seshagir at engineering.sdsu.edu
% Latest update : June 20, 2002
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website