{॥ শ্রীশিবশঙ্কর অথবা যমভয নিবারণস্তোত্রম্ ॥}
অতিভীষণকটুভাষণযমকিঙ্কিরপটলী
কৃততাডনপরিপীডনমরণাগমসমযে ।
উমযা সহ মম চেতসি যমশাসন নিবসন্
শিবশঙ্কর শিবশঙ্কর হর মে হর দুরিতম্ ॥ ১॥

অসদিন্দ্রিযবিষযোদযসুখসাত্কৃতসুকৃতেঃ
পরদূষণপরিমোক্ষণকৃতপাতকবিকৃতেঃ ।
শমনাননভবকানননিরতের্ভব শরণং
শিবশঙ্কর শিবশঙ্কর হর মে হর দুরিতম্ ॥ ২॥

বিষযাভিধবডিশাযুধপিশিতাযিতসুখতো
মকরাযিতমতিসন্ততিকৃতসাহসবিপদম্ ।
পরমালয পরিপালয পরিতাপিতমনিশং
শিবশঙ্কর শিবশঙ্কর হর মে হর দুরিতম্ ॥ ৩॥

দযিতা মম দুহিতা মম জননী মম জনকো
মম কল্পিতমতিসন্ততিমরুভূমিষু নিরতম্ ।
গিরিজাসুখ জনিতাসুখ বসতিং কুরু সুখিনং
শিবশঙ্কর শিবশঙ্কর হর মে হর দুরিতম্ ॥ ৪॥

জনিনাশন মৃতিমোচন শিবপূজননিরতেঃ
অভিতো দৃশমিদমীদৃশমহমাবহ ইতি হা ।
গজকচ্ছপ জনিতশ্রম বিমলীকুরু সুমতিং
শিবশঙ্কর শিবশঙ্কর হর মে হর দুরিতম্ ॥ ৫॥

ত্বযি তিষ্ঠতি সকলস্থিতিকরুণাত্মনি হৃদযে
বসুমার্গণ কৃপণেক্ষণ মনসা শিব বিমুখম্ ।
অকৃতাহ্নিকমসুপোষকমবতাত্ গিরিসুতযা
শিবশঙ্কর শিবশঙ্কর হর মে হর দুরিতম্ ॥ ৬॥

পিতরাবিতি সুখদাবিতি শিশ্নুনা কৃতহৃদযৌ
শিবযা সহ ভযকে হৃদি জনিতং তব সুকৃতম্ ।
ইতি মে শিব হৃদযং ভব ভবতাত্তব দযযা
শিবশঙ্কর শিবশঙ্কর হর মে হর দুরিতম্ ॥ ৭॥

শরণাগতভরণাশ্রিত করুণামৃতজলধে
শরণং তব চরণৌ শিব মম সংসৃতিবসতেঃ ।
পরিচিন্ময জগদামযভিষজে নতিরাবতাত্
শিবশঙ্কর শিবশঙ্কর হর মে হর দুরিতম্ ॥ ৮॥

বিবিধাধিভিরতিভীতিরকৃতাধিকসুকৃতং
শতকোটিষু নরকাদিষু হতপাতকবিবশম্ ।
মৃড মামব সুকৃতীভব শিবযা সহ কৃপযা
শিবশঙ্কর শিবশঙ্কর হর মে হর দুরিতম্ ॥ ৯॥

কলিনাশন গরলাশন কমলাসনবিনুত
কমলাপতিনযনার্চিতকরুণাকৃতিচরণ ।
করুণাকর মুনিসেবিত ভবসাগরহরণ
শিবশঙ্কর শিবশঙ্কর হর মে হর দুরিতম্ ॥ ১০॥

বিজিতেন্দ্রিয বিবুধার্চিত বিমলাম্বুজচরণ
ভবনাশন ভযনাশনভজিতাঙ্গিতহৃদয ।
ফণিভূষণ মুনিবেষণ মদনান্তক শরণং
শিবশঙ্কর শিবশঙ্কর হর মে হর দুরিতম্ ॥ ১১॥

ত্রিপুরান্তক ত্রিদশেশ্বর ত্রিগুণাত্মক শম্ভো
বৃষবাহন বিষদূষণ পতিতোদ্ধর শরণম্ ।
কনকাসন কনকাম্বর কলিনাশন শরণং
শিবশঙ্কর শিবশঙ্কর হর মে হর দুরিতম্ ॥ ১২॥

॥ ইতি শ্রীশিবশঙ্করস্তোত্রম্ ॥

Encoded and proofread by SUnder Hattangadi sunderh@hotmail.com

Please send corrections to sanskrit@cheerful.com
Last updated ত্oday
http://sanskritdocuments.org

Shivashankara Stotram ( Yamabhaya Nivarana Stotram ) Lyrics in Bengali PDF
% File name : shivashankarastotra.itx
% Location : doc\_shiva
% Language : Sanskrit
% Subject : philosophy/hinduism/religion
% Transliterated by : Sunder Hattangadi sunderh at hotmail.com
% Proofread by : Sunder Hattangadi sunderh at hotmail.com
% Latest update : December 22, 2008
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website