{॥ ಶ್ರೀಶಿವಶಙ್ಕರ ಅಥವಾ ಯಮಭಯ ನಿವಾರಣಸ್ತೋತ್ರಮ್ ॥}
ಅತಿಭೀಷಣಕಟುಭಾಷಣಯಮಕಿಙ್ಕಿರಪಟಲೀ
ಕೃತತಾಡನಪರಿಪೀಡನಮರಣಾಗಮಸಮಯೇ ।
ಉಮಯಾ ಸಹ ಮಮ ಚೇತಸಿ ಯಮಶಾಸನ ನಿವಸನ್
ಶಿವಶಙ್ಕರ ಶಿವಶಙ್ಕರ ಹರ ಮೇ ಹರ ದುರಿತಮ್ ॥ ೧॥

ಅಸದಿನ್ದ್ರಿಯವಿಷಯೋದಯಸುಖಸಾತ್ಕೃತಸುಕೃತೇಃ
ಪರದೂಷಣಪರಿಮೋಕ್ಷಣಕೃತಪಾತಕವಿಕೃತೇಃ ।
ಶಮನಾನನಭವಕಾನನನಿರತೇರ್ಭವ ಶರಣಂ
ಶಿವಶಙ್ಕರ ಶಿವಶಙ್ಕರ ಹರ ಮೇ ಹರ ದುರಿತಮ್ ॥ ೨॥

ವಿಷಯಾಭಿಧಬಡಿಶಾಯುಧಪಿಶಿತಾಯಿತಸುಖತೋ
ಮಕರಾಯಿತಮತಿಸನ್ತತಿಕೃತಸಾಹಸವಿಪದಮ್ ।
ಪರಮಾಲಯ ಪರಿಪಾಲಯ ಪರಿತಾಪಿತಮನಿಶಂ
ಶಿವಶಙ್ಕರ ಶಿವಶಙ್ಕರ ಹರ ಮೇ ಹರ ದುರಿತಮ್ ॥ ೩॥

ದಯಿತಾ ಮಮ ದುಹಿತಾ ಮಮ ಜನನೀ ಮಮ ಜನಕೋ
ಮಮ ಕಲ್ಪಿತಮತಿಸನ್ತತಿಮರುಭೂಮಿಷು ನಿರತಮ್ ।
ಗಿರಿಜಾಸುಖ ಜನಿತಾಸುಖ ವಸತಿಂ ಕುರು ಸುಖಿನಂ
ಶಿವಶಙ್ಕರ ಶಿವಶಙ್ಕರ ಹರ ಮೇ ಹರ ದುರಿತಮ್ ॥ ೪॥

ಜನಿನಾಶನ ಮೃತಿಮೋಚನ ಶಿವಪೂಜನನಿರತೇಃ
ಅಭಿತೋ ದೃಶಮಿದಮೀದೃಶಮಹಮಾವಹ ಇತಿ ಹಾ ।
ಗಜಕಚ್ಛಪ ಜನಿತಶ್ರಮ ವಿಮಲೀಕುರು ಸುಮತಿಂ
ಶಿವಶಙ್ಕರ ಶಿವಶಙ್ಕರ ಹರ ಮೇ ಹರ ದುರಿತಮ್ ॥ ೫॥

ತ್ವಯಿ ತಿಷ್ಠತಿ ಸಕಲಸ್ಥಿತಿಕರುಣಾತ್ಮನಿ ಹೃದಯೇ
ವಸುಮಾರ್ಗಣ ಕೃಪಣೇಕ್ಷಣ ಮನಸಾ ಶಿವ ವಿಮುಖಮ್ ।
ಅಕೃತಾಹ್ನಿಕಮಸುಪೋಷಕಮವತಾತ್ ಗಿರಿಸುತಯಾ
ಶಿವಶಙ್ಕರ ಶಿವಶಙ್ಕರ ಹರ ಮೇ ಹರ ದುರಿತಮ್ ॥ ೬॥

ಪಿತರಾವಿತಿ ಸುಖದಾವಿತಿ ಶಿಶ್ನುನಾ ಕೃತಹೃದಯೌ
ಶಿವಯಾ ಸಹ ಭಯಕೇ ಹೃದಿ ಜನಿತಂ ತವ ಸುಕೃತಮ್ ।
ಇತಿ ಮೇ ಶಿವ ಹೃದಯಂ ಭವ ಭವತಾತ್ತವ ದಯಯಾ
ಶಿವಶಙ್ಕರ ಶಿವಶಙ್ಕರ ಹರ ಮೇ ಹರ ದುರಿತಮ್ ॥ ೭॥

ಶರಣಾಗತಭರಣಾಶ್ರಿತ ಕರುಣಾಮೃತಜಲಧೇ
ಶರಣಂ ತವ ಚರಣೌ ಶಿವ ಮಮ ಸಂಸೃತಿವಸತೇಃ ।
ಪರಿಚಿನ್ಮಯ ಜಗದಾಮಯಭಿಷಜೇ ನತಿರಾವತಾತ್
ಶಿವಶಙ್ಕರ ಶಿವಶಙ್ಕರ ಹರ ಮೇ ಹರ ದುರಿತಮ್ ॥ ೮॥

ವಿವಿಧಾಧಿಭಿರತಿಭೀತಿರಕೃತಾಧಿಕಸುಕೃತಂ
ಶತಕೋಟಿಷು ನರಕಾದಿಷು ಹತಪಾತಕವಿವಶಮ್ ।
ಮೃಡ ಮಾಮವ ಸುಕೃತೀಭವ ಶಿವಯಾ ಸಹ ಕೃಪಯಾ
ಶಿವಶಙ್ಕರ ಶಿವಶಙ್ಕರ ಹರ ಮೇ ಹರ ದುರಿತಮ್ ॥ ೯॥

ಕಲಿನಾಶನ ಗರಲಾಶನ ಕಮಲಾಸನವಿನುತ
ಕಮಲಾಪತಿನಯನಾರ್ಚಿತಕರುಣಾಕೃತಿಚರಣ ।
ಕರುಣಾಕರ ಮುನಿಸೇವಿತ ಭವಸಾಗರಹರಣ
ಶಿವಶಙ್ಕರ ಶಿವಶಙ್ಕರ ಹರ ಮೇ ಹರ ದುರಿತಮ್ ॥ ೧೦॥

ವಿಜಿತೇನ್ದ್ರಿಯ ವಿಬುಧಾರ್ಚಿತ ವಿಮಲಾಮ್ಬುಜಚರಣ
ಭವನಾಶನ ಭಯನಾಶನಭಜಿತಾಙ್ಗಿತಹೃದಯ ।
ಫಣಿಭೂಷಣ ಮುನಿವೇಷಣ ಮದನಾನ್ತಕ ಶರಣಂ
ಶಿವಶಙ್ಕರ ಶಿವಶಙ್ಕರ ಹರ ಮೇ ಹರ ದುರಿತಮ್ ॥ ೧೧॥

ತ್ರಿಪುರಾನ್ತಕ ತ್ರಿದಶೇಶ್ವರ ತ್ರಿಗುಣಾತ್ಮಕ ಶಮ್ಭೋ
ವೃಷವಾಹನ ವಿಷದೂಷಣ ಪತಿತೋದ್ಧರ ಶರಣಮ್ ।
ಕನಕಾಸನ ಕನಕಾಮ್ಬರ ಕಲಿನಾಶನ ಶರಣಂ
ಶಿವಶಙ್ಕರ ಶಿವಶಙ್ಕರ ಹರ ಮೇ ಹರ ದುರಿತಮ್ ॥ ೧೨॥

॥ ಇತಿ ಶ್ರೀಶಿವಶಙ್ಕರಸ್ತೋತ್ರಮ್ ॥

Encoded and proofread by SUnder Hattangadi sunderh@hotmail.com

Please send corrections to sanskrit@cheerful.com
Last updated ತ್oday
http://sanskritdocuments.org

Shivashankara Stotram ( Yamabhaya Nivarana Stotram ) Lyrics in Kannada PDF
% File name : shivashankarastotra.itx
% Location : doc\_shiva
% Language : Sanskrit
% Subject : philosophy/hinduism/religion
% Transliterated by : Sunder Hattangadi sunderh at hotmail.com
% Proofread by : Sunder Hattangadi sunderh at hotmail.com
% Latest update : December 22, 2008
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website