{॥ ଶ୍ରୀଶିଵଶଙ୍କର ଅଥଵା ଯମଭଯ ନିଵାରଣସ୍ତୋତ୍ରମ୍ ॥}
ଅତିଭୀଷଣକଟୁଭାଷଣଯମକିଙ୍କିରପଟଲୀ
କୃତତାଡନପରିପୀଡନମରଣାଗମସମଯେ ।
ଉମଯା ସହ ମମ ଚେତସି ଯମଶାସନ ନିଵସନ୍
ଶିଵଶଙ୍କର ଶିଵଶଙ୍କର ହର ମେ ହର ଦୁରିତମ୍ ॥ ୧॥

ଅସଦିନ୍ଦ୍ରିଯଵିଷଯୋଦଯସୁଖସାତ୍କୃତସୁକୃତେଃ
ପରଦୂଷଣପରିମୋକ୍ଷଣକୃତପାତକଵିକୃତେଃ ।
ଶମନାନନଭଵକାନନନିରତେର୍ଭଵ ଶରଣଂ
ଶିଵଶଙ୍କର ଶିଵଶଙ୍କର ହର ମେ ହର ଦୁରିତମ୍ ॥ ୨॥

ଵିଷଯାଭିଧବଡିଶାଯୁଧପିଶିତାଯିତସୁଖତୋ
ମକରାଯିତମତିସନ୍ତତିକୃତସାହସଵିପଦମ୍ ।
ପରମାଲଯ ପରିପାଲଯ ପରିତାପିତମନିଶଂ
ଶିଵଶଙ୍କର ଶିଵଶଙ୍କର ହର ମେ ହର ଦୁରିତମ୍ ॥ ୩॥

ଦଯିତା ମମ ଦୁହିତା ମମ ଜନନୀ ମମ ଜନକୋ
ମମ କଲ୍ପିତମତିସନ୍ତତିମରୁଭୂମିଷୁ ନିରତମ୍ ।
ଗିରିଜାସୁଖ ଜନିତାସୁଖ ଵସତିଂ କୁରୁ ସୁଖିନଂ
ଶିଵଶଙ୍କର ଶିଵଶଙ୍କର ହର ମେ ହର ଦୁରିତମ୍ ॥ ୪॥

ଜନିନାଶନ ମୃତିମୋଚନ ଶିଵପୂଜନନିରତେଃ
ଅଭିତୋ ଦୃଶମିଦମୀଦୃଶମହମାଵହ ଇତି ହା ।
ଗଜକଚ୍ଛପ ଜନିତଶ୍ରମ ଵିମଲୀକୁରୁ ସୁମତିଂ
ଶିଵଶଙ୍କର ଶିଵଶଙ୍କର ହର ମେ ହର ଦୁରିତମ୍ ॥ ୫॥

ତ୍ଵଯି ତିଷ୍ଠତି ସକଲସ୍ଥିତିକରୁଣାତ୍ମନି ହୃଦଯେ
ଵସୁମାର୍ଗଣ କୃପଣେକ୍ଷଣ ମନସା ଶିଵ ଵିମୁଖମ୍ ।
ଅକୃତାହ୍ନିକମସୁପୋଷକମଵତାତ୍ ଗିରିସୁତଯା
ଶିଵଶଙ୍କର ଶିଵଶଙ୍କର ହର ମେ ହର ଦୁରିତମ୍ ॥ ୬॥

ପିତରାଵିତି ସୁଖଦାଵିତି ଶିଶ୍ନୁନା କୃତହୃଦଯୌ
ଶିଵଯା ସହ ଭଯକେ ହୃଦି ଜନିତଂ ତଵ ସୁକୃତମ୍ ।
ଇତି ମେ ଶିଵ ହୃଦଯଂ ଭଵ ଭଵତାତ୍ତଵ ଦଯଯା
ଶିଵଶଙ୍କର ଶିଵଶଙ୍କର ହର ମେ ହର ଦୁରିତମ୍ ॥ ୭॥

ଶରଣାଗତଭରଣାଶ୍ରିତ କରୁଣାମୃତଜଲଧେ
ଶରଣଂ ତଵ ଚରଣୌ ଶିଵ ମମ ସଂସୃତିଵସତେଃ ।
ପରିଚିନ୍ମଯ ଜଗଦାମଯଭିଷଜେ ନତିରାଵତାତ୍
ଶିଵଶଙ୍କର ଶିଵଶଙ୍କର ହର ମେ ହର ଦୁରିତମ୍ ॥ ୮॥

ଵିଵିଧାଧିଭିରତିଭୀତିରକୃତାଧିକସୁକୃତଂ
ଶତକୋଟିଷୁ ନରକାଦିଷୁ ହତପାତକଵିଵଶମ୍ ।
ମୃଡ ମାମଵ ସୁକୃତୀଭଵ ଶିଵଯା ସହ କୃପଯା
ଶିଵଶଙ୍କର ଶିଵଶଙ୍କର ହର ମେ ହର ଦୁରିତମ୍ ॥ ୯॥

କଲିନାଶନ ଗରଲାଶନ କମଲାସନଵିନୁତ
କମଲାପତିନଯନାର୍ଚିତକରୁଣାକୃତିଚରଣ ।
କରୁଣାକର ମୁନିସେଵିତ ଭଵସାଗରହରଣ
ଶିଵଶଙ୍କର ଶିଵଶଙ୍କର ହର ମେ ହର ଦୁରିତମ୍ ॥ ୧୦॥

ଵିଜିତେନ୍ଦ୍ରିଯ ଵିବୁଧାର୍ଚିତ ଵିମଲାମ୍ବୁଜଚରଣ
ଭଵନାଶନ ଭଯନାଶନଭଜିତାଙ୍ଗିତହୃଦଯ ।
ଫଣିଭୂଷଣ ମୁନିଵେଷଣ ମଦନାନ୍ତକ ଶରଣଂ
ଶିଵଶଙ୍କର ଶିଵଶଙ୍କର ହର ମେ ହର ଦୁରିତମ୍ ॥ ୧୧॥

ତ୍ରିପୁରାନ୍ତକ ତ୍ରିଦଶେଶ୍ଵର ତ୍ରିଗୁଣାତ୍ମକ ଶମ୍ଭୋ
ଵୃଷଵାହନ ଵିଷଦୂଷଣ ପତିତୋଦ୍ଧର ଶରଣମ୍ ।
କନକାସନ କନକାମ୍ବର କଲିନାଶନ ଶରଣଂ
ଶିଵଶଙ୍କର ଶିଵଶଙ୍କର ହର ମେ ହର ଦୁରିତମ୍ ॥ ୧୨॥

॥ ଇତି ଶ୍ରୀଶିଵଶଙ୍କରସ୍ତୋତ୍ରମ୍ ॥

Encoded and proofread by SUnder Hattangadi sunderh@hotmail.com

Please send corrections to sanskrit@cheerful.com
Last updated ତ୍oday
http://sanskritdocuments.org

Shivashankara Stotram ( Yamabhaya Nivarana Stotram ) Lyrics in Oriya PDF
% File name : shivashankarastotra.itx
% Location : doc\_shiva
% Language : Sanskrit
% Subject : philosophy/hinduism/religion
% Transliterated by : Sunder Hattangadi sunderh at hotmail.com
% Proofread by : Sunder Hattangadi sunderh at hotmail.com
% Latest update : December 22, 2008
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website