{॥ శ్రీశివశఙ్కర అథవా యమభయ నివారణస్తోత్రమ్ ॥}
అతిభీషణకటుభాషణయమకిఙ్కిరపటలీ
కృతతాడనపరిపీడనమరణాగమసమయే ।
ఉమయా సహ మమ చేతసి యమశాసన నివసన్
శివశఙ్కర శివశఙ్కర హర మే హర దురితమ్ ॥ ౧॥

అసదిన్ద్రియవిషయోదయసుఖసాత్కృతసుకృతేః
పరదూషణపరిమోక్షణకృతపాతకవికృతేః ।
శమనాననభవకానననిరతేర్భవ శరణం
శివశఙ్కర శివశఙ్కర హర మే హర దురితమ్ ॥ ౨॥

విషయాభిధబడిశాయుధపిశితాయితసుఖతో
మకరాయితమతిసన్తతికృతసాహసవిపదమ్ ।
పరమాలయ పరిపాలయ పరితాపితమనిశం
శివశఙ్కర శివశఙ్కర హర మే హర దురితమ్ ॥ ౩॥

దయితా మమ దుహితా మమ జననీ మమ జనకో
మమ కల్పితమతిసన్తతిమరుభూమిషు నిరతమ్ ।
గిరిజాసుఖ జనితాసుఖ వసతిం కురు సుఖినం
శివశఙ్కర శివశఙ్కర హర మే హర దురితమ్ ॥ ౪॥

జనినాశన మృతిమోచన శివపూజననిరతేః
అభితో దృశమిదమీదృశమహమావహ ఇతి హా ।
గజకచ్ఛప జనితశ్రమ విమలీకురు సుమతిం
శివశఙ్కర శివశఙ్కర హర మే హర దురితమ్ ॥ ౫॥

త్వయి తిష్ఠతి సకలస్థితికరుణాత్మని హృదయే
వసుమార్గణ కృపణేక్షణ మనసా శివ విముఖమ్ ।
అకృతాహ్నికమసుపోషకమవతాత్ గిరిసుతయా
శివశఙ్కర శివశఙ్కర హర మే హర దురితమ్ ॥ ౬॥

పితరావితి సుఖదావితి శిశ్నునా కృతహృదయౌ
శివయా సహ భయకే హృది జనితం తవ సుకృతమ్ ।
ఇతి మే శివ హృదయం భవ భవతాత్తవ దయయా
శివశఙ్కర శివశఙ్కర హర మే హర దురితమ్ ॥ ౭॥

శరణాగతభరణాశ్రిత కరుణామృతజలధే
శరణం తవ చరణౌ శివ మమ సంసృతివసతేః ।
పరిచిన్మయ జగదామయభిషజే నతిరావతాత్
శివశఙ్కర శివశఙ్కర హర మే హర దురితమ్ ॥ ౮॥

వివిధాధిభిరతిభీతిరకృతాధికసుకృతం
శతకోటిషు నరకాదిషు హతపాతకవివశమ్ ।
మృడ మామవ సుకృతీభవ శివయా సహ కృపయా
శివశఙ్కర శివశఙ్కర హర మే హర దురితమ్ ॥ ౯॥

కలినాశన గరలాశన కమలాసనవినుత
కమలాపతినయనార్చితకరుణాకృతిచరణ ।
కరుణాకర మునిసేవిత భవసాగరహరణ
శివశఙ్కర శివశఙ్కర హర మే హర దురితమ్ ॥ ౧౦॥

విజితేన్ద్రియ విబుధార్చిత విమలామ్బుజచరణ
భవనాశన భయనాశనభజితాఙ్గితహృదయ ।
ఫణిభూషణ మునివేషణ మదనాన్తక శరణం
శివశఙ్కర శివశఙ్కర హర మే హర దురితమ్ ॥ ౧౧॥

త్రిపురాన్తక త్రిదశేశ్వర త్రిగుణాత్మక శమ్భో
వృషవాహన విషదూషణ పతితోద్ధర శరణమ్ ।
కనకాసన కనకామ్బర కలినాశన శరణం
శివశఙ్కర శివశఙ్కర హర మే హర దురితమ్ ॥ ౧౨॥

॥ ఇతి శ్రీశివశఙ్కరస్తోత్రమ్ ॥

Encoded and proofread by SUnder Hattangadi sunderh@hotmail.com

Please send corrections to sanskrit@cheerful.com
Last updated త్oday
http://sanskritdocuments.org

Shivashankara Stotram ( Yamabhaya Nivarana Stotram ) Lyrics in Telugu PDF
% File name : shivashankarastotra.itx
% Location : doc\_shiva
% Language : Sanskrit
% Subject : philosophy/hinduism/religion
% Transliterated by : Sunder Hattangadi sunderh at hotmail.com
% Proofread by : Sunder Hattangadi sunderh at hotmail.com
% Latest update : December 22, 2008
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website