শ্রীশিবানন্দ লহরী
{॥ শ্রীশিবানন্দ লহরী ॥}
শিবানন্দলহরী
Encoded and proofread by P . P . Narayanaswami at
swami at math.mun.ca
কলাভ্যাং চূডালঙ্কৃতশশিকলাভ্যাং নিজতপঃ-
ফলাভ্যাং ভক্তেষু প্রকটিতফলাভ্যাং ভবতু মে ।
শিবাভ্যামস্তোকত্রিভুবনশিবাভ্যাং হৃদি পুন-
র্ভবাভ্যামানন্দস্ফুরদনুভবাভ্যাং নতিরিযম্ ॥ ১॥
গলন্তী শংভো ত্বচ্চরিতসরিতঃ কিল্বিষরজো
দলন্তী ধীকুল্যাসরণিষু পতন্তী বিজযতাম্ ।
দিশন্তী সংসারভ্রমণপরিতাপোপশমনং
বসন্তী মচ্চেতোহৃদভুবি শিবানন্দলহরী ॥ ২॥
ত্রযীবেদ্যং হৃদ্যং ত্রিপুরহরমাদ্যং ত্রিনযনং
জটাভারোদারং চলদুরগহারং মৃগধরম্ ।
মহাদেবং দেবং মযি সদযভাবং পশুপতিং
চিদালম্বং সাম্বং শিবমতিবিডম্বং হৃদি ভজে ॥ ৩॥
সহস্রং বর্তন্তে জগতি বিবুধাঃ ক্ষুদ্রফলদা
ন মন্যে স্বপ্নে বা তদনুসরণং তত্কৃতফলম্ ।
হরিব্রহ্মাদীনামাপি নিকটভাজামসুলভং
চিরং যাচে শংভো তব পদাংভোজভজনম্ ॥ ৪॥
স্মৃতৌ শাস্ত্রে বৈদ্যে শকুনকবিতাগানফণিতৌ
পুরাণে মন্ত্রে বা স্তুতিনটনহাস্যেষ্বচতুরঃ ।
কথং রাজ্ঞাং প্রীতির্ভবতি মযি কোঽহং পশুপতে
পশুং মাং সর্বজ্ঞ প্রথিত কৃপযা পালয বিভো ॥ ৫॥
ঘটো বা মৃত্পিণ্ডোঽপ্যণুরপি চ ধূমোঽগ্নিরচলঃ
পটো বা তন্তুর্বা পরিহরতি কিং ঘোরশমনম্ ।
বৃথা কণ্ঠক্ষোভং বহসি তরসা তর্কবচসা
পদাম্ভোজং শংভোর্ভজ পরমসৌখ্যং ব্রজ সুধীঃ ॥ ৬॥
মনস্তে পাদাব্জে নিবসতু বচঃ স্তোত্রফণিতৌ
করৌ চাভ্যর্চাযাং শ্রুতিরপি কথাকর্ণনবিধৌ ।
তব ধ্যানে বুদ্ধির্নযনযুগলং মূর্তিবিভবে
পরগ্রন্থান্ কৈর্বা পরমশিব জানে পরমতঃ ॥ ৭॥
যথা বুদ্ধিঃ শুক্তৌ রজতমিতি কাচাশ্মনি মণি-
র্জলে পৈষ্টে ক্ষীরং ভবতি মৃগতৃষ্ণাসু সলিলম্ ।
তথা দেবভ্রান্ত্যা ভজতি ভবদন্যং জডজনো
মহাদেবেশং ত্বাং মনসি চ ন মত্বা পশুপতে ॥ ৮॥
গভীরে কাসারে বিশতি বিজনে ঘোরবিপিনে
বিশালে শৈলে চ ভ্রমতি কুসুমার্থং জডমতিঃ ।
সমর্প্যৈকং চেতঃ সরসিজমুমানাথ ভবতে
সুখেনাবস্থাতুং জন ইহ ন জানাতি কিমহো ॥ ৯॥
নরত্বং দেবত্বং নগবনমৃগত্বং মশকতা
পশুত্বং কীটত্বং ভবতু বিহগত্বাদি জননম্ ।
সদা ত্বত্পাদাব্জস্মরণপরমানন্দলহরী-
বিহারাসক্তং চেদ্ধৃদযমিহ কিং তেন বপুষা ॥ ১০॥
বটুর্বা গেহী বা যতিরপি জটী বা তদিতরো
নরো বা যঃ কশ্চিদ্ভবতু ভব কিং তেন ভবতি ।
যদীযং হৃত্পদ্মং যদি ভবদধীনং পশুপতে
তদীযস্ত্বং শংভো ভবসি ভবভারং চ বহসি ॥ ১১॥
গুহাযাং গেহে বা বহিরপি বনে বাঽদ্রিশিখরে
জলে বা বহ্নৌ বা বসতু বসতেঃ কিং বদ ফলম্ ।
সদা যস্যৈবান্তঃকরণমপি শংভো তব পদে
স্থিতং চেদ্যোগোঽসৌ স চ পরমযোগী স চ সুখী ॥ ১২॥
অসারে সংসারে নিজভজনদূরে জডধিযা
ভ্রমন্তং মামন্ধং পরমকৃপযা পাতুমুচিতম্ ।
মদন্যঃ কো দীনস্তব কৃপণরক্ষাতিনিপুণ-
স্ত্বদন্যঃ কো বা মে ত্রিজগতি শরণ্যঃ পশুপতে ॥ ১৩॥
প্রভুস্ত্বং দীনানাং খলু পরমবন্ধুঃ পশুপতে
প্রমুখ্যোঽহং তেষামপি কিমুত বন্ধুত্বমনযোঃ ।
ত্বযৈব ক্ষন্তব্যাঃ শিব মদপরাধাশ্চ সকলাঃ
প্রযত্নাত্কর্তব্যং মদবনমিযং বন্ধুসরণিঃ ॥ ১৪॥
উপেক্ষা নো চেত্ কিং ন হরসি ভবদ্ধ্যানবিমুখাং
দুরাশাভূযিষ্ঠাং বিধিলিপিমশক্তো যদি ভবান্ ।
শিরস্তদ্বৈধাত্রং ন নখলু সুবৃত্তং পশুপতে
কথং বা নির্যত্নং করনখমুখেনৈব লুলিতম্ ॥ ১৫॥
বিরিঞ্চির্দীর্ঘাযুর্ভবতু ভবতা তত্পরশির-
শ্চতুষ্কং সংরক্ষ্যং স খলু ভুবি দৈন্যং লিখিতবান্ ।
বিচারঃ কো বা মাং বিশদ কৃপযা পাতি শিব তে
কটাক্ষব্যাপারঃ স্বযমপি চ দীনাবনপরঃ ॥ ১৬॥
ফলাদ্বা পুণ্যানাং মযি করুণযা বা ত্বযি বিভো
প্রসন্নেঽপি স্বামিন্ ভবদমলপাদাব্জযুগলম্ ।
কথং পশ্যেযং মাং স্থগযতি নমঃ সংভ্রমজুষাং
নিলিম্পানাং শ্রোণির্নিজকনকমাণিক্যমকুটৈঃ ॥ ১৭॥
ত্বমেকো লোকানাং পরমফলদো দিব্যপদবীং
বহন্তস্ত্বন্মূলাং পুনরপি ভজন্তে হরিমুখাঃ ।
কিযদ্বা দাক্ষিণ্যং তব শিব মদাশা চ কিযতী
কদা বা মদ্রক্ষাং বহসি করুণাপূরিতদৃশা ॥ ১৮॥
দুরাশাভূযিষ্ঠে দুরধিপগৃহদ্বারঘটকে
দুরন্তে সংসারে দুরিতনিলযে দুঃখজনকে ।
মদাযাসং কিং ন ব্যপনযসি কস্যোপকৃতযে
বদেযং প্রীতিশ্চেত্তব শিব কৃতার্থাঃ খলু বযম্ ॥ ১৯॥
সদা মোহাটব্যাং চরতি যুবতীনাং কুচগিরৌ
নটত্যাশাশাখাস্বটতি ঝটিতি স্বৈরমভিতঃ ।
কপালিন্ ভিক্ষো মে হৃদযকপিমত্যন্তচপলং
দৃঢং ভক্ত্যা বদ্ধ্বা শিব ভবদধীনং কুরু বিভো ॥ ২০॥
ধৃতিস্তংভাধারাং দৃঢগুণনিবদ্ধাং সগমনাং
বিচিত্রাং পদ্মাঢ্যাং প্রতিদিবসসন্মার্গঘটিতাম্ ।
স্মরারে মচ্চেতঃস্ফুটপটকুটীং প্রাপ্য বিশদাং
জয স্বামিন্ শক্ত্যা সহ শিবগণৈঃ সেবিত বিভো ॥ ২১॥
প্রলোভাদ্যৈরর্থাহরণপরতন্ত্রো ধনিগৃহে
প্রবেশোদ্যুক্তস্সন্ ভ্রমতি বহুধা তস্করপতে ।
ইমং চেতশ্চোরং কথমিহ সহে শংকর বিভো
তবাধীনং কৃত্বা মযি নিরপরাধে কুরু কৃপাম্ ॥ ২২॥
করোমি ত্বত্পূজাং সপদি সুখদো মে ভব বিভো
বিধিত্বং বিষ্ণুত্বং দিশসি খলু তস্যাঃ ফলমিতি ।
পুনশ্চ ত্বাং দ্রষ্টুং দিবি ভুবি বহন্ পক্ষিমৃগতা-
মদৃষ্ট্বা তত্খেদং কথমিহ সহে শংকর বিভো ॥ ২৩॥
কদা বা কৈলাসে কনকমণিসৌধে সহগণৈ-
র্বসন্ শংভোরগ্রে স্ফুটঘটিতমূর্ধাঞ্জলিপুটঃ ।
বিভো সাম্ব স্বামিন্ পরমশিব পাহীতি নিগদন্
বিধাতৄণাং কল্পান্ ক্ষণমিব বিনেষ্যামি সুখতঃ ॥ ২৪॥
স্তবৈর্ব্রহ্মাদীনাং জযজযবচোভির্নিযমিনাং
গণানাং কেলীভির্মদকলমহোক্ষস্য ককুদি ।
স্থিতং নীলগ্রীবং ত্রিনযনমুমাশ্লিষ্টবপুষং
কদা ত্বাং পশ্যেযং করধৃতমৃগং খণ্ডপরশুম্ ॥ ২৫॥
কদা বা ত্বাং দৃষ্ট্বা গিরিশ তব ভব্যাঙ্ঘ্রিযুগলং
গৃহীত্বা হস্তাভ্যাং শিরসি নযনে বক্ষসি বহন্ ।
সমাশ্লিষ্যাঘ্রায স্ফুটজলজগন্ধান্ পরিমলা-
নলাভ্যাং ব্রহ্মাদ্যৈর্মুদমনুভবিষ্যামি হৃদযে ॥ ২৬॥
করস্থে হেমাদ্রৌ গিরিশ নিকটস্থে ধনপতৌ
গৃহস্থে স্বর্ভূজাঽমরসুরভিচিন্তামণিগণে ।
শিরস্থে শীতাংশৌ চরণযুগলস্থেঽখিলশুভে
কমর্থং দাস্যেঽহং ভবতু ভবদর্থং মম মনঃ ॥ ২৭॥
সারূপ্যং তব পূজনে শিব মহাদেবেতি সংকীর্তনে
সামীপ্যং শিবভক্তিধুর্যজনতাসাংগত্যসংভাষণে ।
সালোক্যং চ চরাচরাত্মকতনুধ্যানে ভবানীপতে
সাযুজ্যং মম সিদ্ধমত্র ভবতি স্বামিন্ কৃতার্থোঽস্ম্যহম্
॥ ২৮॥
ত্বত্পাদাম্বুজমর্চযামি পরমং ত্বাং চিন্তযাম্যন্বহং
ত্বামীশং শরণং ব্রজামি বচসা ত্বামেব যাচে বিভো ।
বীক্ষাং মে দিশ চাক্ষুষীং সকরুণাং দিব্যৈশ্চিরং প্রার্থিতাং
শংভো লোকগুরো মদীযমনসঃ সৌখ্যোপদেশং কুরু ॥ ২৯॥
বস্ত্রোদ্ধূতবিধৌ সহস্রকরতা পুষ্পার্চনে বিষ্ণুতা
গন্ধে গন্ধবহাত্মতাঽন্নপচনে বর্হির্মুখাধ্যক্ষতা ।
পাত্রে কাঞ্চনগর্ভতাস্তি মযি চেদ্ বালেন্দুচূডামণে
শুশ্রূষাং করবাণি তে পশুপতে স্বামিন্ ত্রিলোকীগুরো ॥ ৩০॥
নালং বা পরমোপকারকমিদং ত্বেকং পশূনাং পতে
পশ্যন্ কুক্ষিগতান্ চরাচরগণান্ বাহ্যস্থিতান্ রক্ষিতুম্ ।
সর্বামর্ত্যপলাযনৌষধমতিজ্বালাকরং ভীকরং
নিক্ষিপ্তং গরলং গলে ন গিলিতং নোদ্গীর্ণমেব ত্বযা ॥ ৩১॥
জ্বালোগ্রঃ সকলামরাতিভযদঃ ক্ষ্বেলঃ কথং বা ত্বযা
দৃষ্টঃ কিং চ করে ধৃতঃ করতলে কিং পক্বজংবূফলম্ ।
জিহ্বাযাং নিহিতশ্চ সিদ্ধঘুটিকা বা কণ্ঠদেশে ভৃতঃ
কিং তে নীলমণির্বিভূষণমযং শংভো মহাত্মন্ বদ ॥ ৩২॥
নালং বা সকৃদেব দেব ভবতঃ সেবা নতির্বা নুতিঃ
পূজা বা স্মরণং কথাশ্রবণমপ্যালোকনং মাদৃশাম্ ।
স্বামিন্নস্থিরদেবতানুসরণাযাসেন কিং লভ্যতে
কা বা মুক্তিরিতঃ কুতো ভবতি চেত্ কিং প্রার্থনীযং তদা
॥ ৩৩॥
কিং ব্রূমস্তব সাহসং পশুপতে কস্যাস্তি শংভো ভব-
দ্ধৈর্যং চেদৃশমাত্মনঃ স্থিতিরিযং চান্যৈঃ কথং লভ্যতে ।
ভ্রশ্যদ্দেবগণং ত্রসন্মুনিগণং নশ্যত্প্রপঞ্চং লযং
পশ্যন্নির্ভয এক এব বিহরত্যানন্দসান্দ্রো ভবান্ ॥ ৩৪॥
যোগক্ষেমধুরংধরস্য সকলশ্রেযঃপ্রদোদ্যোগিনো
দৃষ্টাদৃষ্টমতোপদেশকৃতিনো বাহ্যান্তরব্যাপিনঃ ।
সর্বজ্ঞস্য দযাকরস্য ভবতঃ কিং বেদিতব্যং মযা
শংভো ত্বং পরমান্তরঙ্গ ইতি মে চিত্তে স্মরাম্যন্বহম্ ॥ ৩৫॥
ভক্তো ভক্তিগুণাবৃতে মুদমৃতাপূর্ণে প্রসন্নে মনঃ
কুম্ভে সাম্ব তবাঙ্ঘ্রিপল্লবযুগং সংস্থাপ্য সংবিত্ফলম্ ।
সত্বং মন্ত্রমুদীরযন্নিজশরীরাগারশুদ্ধিং বহন্
পুণ্যাহং প্রকটীকরোমি রুচিরং কল্যাণমাপাদযন্ ॥ ৩৬॥
আম্নাযাম্বুধিমাদরেণ সুমনস্সংঘাঃ সমুদ্যন্মনো
মন্থানং দৃঢভক্তিরজ্জুসহিতং কৃত্বা মথিত্বা ততঃ ।
সোমং কল্পতরুং সুপর্বসুরভিং চিন্তামণিং ধীমতাং
নিত্যানন্দসুধাং নিরন্তররমাসৌভাগ্যমাতন্বতে ॥ ৩৭॥
প্রাক্পুণ্যাচলমার্গদর্শিতসুধামূর্তিঃপ্রসন্নঃ শিবঃ
সোমঃ সদ্গুণসেবিতো মৃগধরঃ পূর্ণস্তমোমোচকঃ ।
চেতঃ পুষ্করলক্ষিতো ভবতি চেদানন্দপাথোনিধিঃ
প্রাগল্ভ্যেন বিজৃম্ভতে সুমনসাং বৃত্তিস্তদা জাযতে ॥ ৩৮॥
ধর্মো মে চতুরঙ্ঘ্রিকঃ সুচরিতঃ পাপং বিনাশং গতং
কামক্রোধমদাদযো বিগলিতাঃ কালাঃ সুখাবিষ্কৃতাঃ ।
জ্ঞানানন্দমহৌষধিঃ সুফলিতা কৈবল্যনাথে সদা
মান্যে মানসপুণ্ডরীকনগরে রাজাবতংসে স্থিতে ॥ ৩৯॥
ধীযন্ত্রেণ বচোঘটেন কবিতাকুল্যোপকুল্যাক্রমৈ-
রানীতৈশ্চ সদাশিবস্য চরিতাম্ভোরাশিদিব্যামৃতৈঃ ।
হৃত্কেদারযুতাশ্চ ভক্তিকলমাঃ সাফল্যমাতন্বতে
দুর্ভিক্ষান্ মম সেবকস্য ভগবন্ বিশ্বেশ ভীতিঃ কুতঃ ॥ ৪০॥
পাপোত্পাতবিমোচনায রুচিরৈশ্বর্যায মৃত্যুংজয
স্তোত্রধ্যাননতিপ্রদক্ষিণসপর্যালোকনাকর্ণনে ।
জিহ্বাচিত্তশিরোঙ্ঘ্রিহস্তনযনশ্রোত্রৈরহং প্রার্থিতো
মামাজ্ঞাপয তন্নিরূপয মুহুর্মামেব মা মেঽবচঃ ॥ ৪১॥
গাম্ভীর্যং পরিখাপদং ঘনধৃতিঃ প্রাকার উদ্যদ্গুণ-
স্তোমশ্চাপ্তবলং ঘনেন্দ্রিযচযো দ্বারাণি দেহে স্থিতঃ ।
বিদ্যাবস্তুসমৃদ্ধিরিত্যখিলসামগ্রীসমেতে সদা
দুর্গাতিপ্রিযদেব মামকমনোদুর্গে নিবাসং কুরু ॥ ৪২॥
মা গচ্ছ ত্বমিতস্ততো গিরিশ ভো ময্যেব বাসং কুরু
স্বামিন্নাদিকিরাত মামকমনঃকান্তারসীমান্তরে ।
বর্তন্তে বহুশো মৃগা মদজুষো মাত্সর্যমোহাদয-
স্তান্ হত্বা মৃগযাবিনোদরুচিতালাভং চ সম্প্রাপ্স্যসি
॥ ৪৩॥
করলগ্নমৃগঃ করীন্দ্রভঙ্গো
ঘনশার্দূলবিখণ্ডনোঽস্তজন্তুঃ ।
গিরিশো বিশদাকৃতিশ্চ চেতঃ-
কুহরে পঞ্চমুখোস্তি মে কুতো ভীঃ ॥ ৪৪॥
ছন্দঃশাখিশিখান্বিতৈর্দ্বিজবরৈঃ সংসেবিতে শাশ্বতে
সৌখ্যাপাদিনি খেদভেদিনি সুধাসারৈঃ ফলৈর্দীপিতে ।
চেতঃপক্ষিশিখামণে ত্যজ বৃথাসংচারমন্যৈরলং
নিত্যং শংকরপাদপদ্মযুগলীনীডে বিহারং কুরু ॥ ৪৫॥
আকীর্ণে নখরাজিকান্তিবিভবৈরুদ্যত্সুধাবৈভবৈ-
রাধৌতেপি চ পদ্মরাগললিতে হংসব্রজৈরাশ্রিতে ।
নিত্যং ভক্তিবধূগণৈশ্চ রহসি স্বেচ্ছাবিহারং কুরু
স্থিত্বা মানসরাজহংস গিরিজানাথাঙ্ঘ্রিসৌধান্তরে ॥ ৪৬॥
শংভুধ্যানবসন্তসংগিনি হৃদারামেঽঘজীর্ণচ্ছদাঃ
স্রস্তা ভক্তিলতাচ্ছটা বিলসিতাঃ পুণ্যপ্রবালশ্রিতাঃ ।
দীপ্যন্তে গুণকোরকা জপবচঃপুষ্পাণি সদ্বাসনা
জ্ঞানানন্দসুধামরন্দলহরী সংবিত্ফলাভ্যুন্নতিঃ ॥ ৪৭॥
নিত্যানন্দরসালযং সুরমুনিস্বান্তাম্বুজাতাশ্রযং
স্বচ্ছং সদ্দ্বিজসেবিতং কলুষহৃত্সদ্বাসনাবিষ্কৃতম্ ।
শংভুধ্যানসরোবরং ব্রজ মনো হংসাবতংস স্থিরং
কিং ক্ষুদ্রাশ্রযপল্বলভ্রমণসংজাতশ্রমং প্রাপ্স্যসি ॥ ৪৮॥
আনন্দামৃতপূরিতা হরপদাম্ভোজালবালোদ্যতা
স্থৈর্যোপঘ্নমুপেত্য ভক্তিলতিকা শাখোপশাখান্বিতা ।
উচ্ছৈর্মানসকাযমানপটলীমাক্রম্য নিষ্কল্মষা
নিত্যাভীষ্টফলপ্রদা ভবতু মে সত্কর্মসংবর্ধিতা ॥ ৪৯॥
সন্ধ্যারংভবিজৃম্ভিতং শ্রুতিশিরস্থানান্তরাধিষ্ঠিতং
সপ্রেমভ্রমরাভিরামমসকৃত্ সদ্বাসনাশোভিতম্ ।
ভোগীন্দ্রাভরণং সমস্তসুমনঃপূজ্যং গুণাবিষ্কৃতং
সেবে শ্রীগিরিমল্লিকার্জুনমহালিঙ্গং শিবালিঙ্গিতং ॥ ৫০॥
ভৃংগীচ্ছানটনোত্কটঃ করমদিগ্রাহী স্ফুরন্মাধবা-
হ্লাদো নাদযুতো মহাসিতবপুঃ পঞ্চেষুণা চাদৃতঃ ।
সত্পক্ষঃ সুমনোবনেষু স পুনঃ সাক্ষান্মদীযে মনো-
রাজীবে ভ্রমরাধিপো বিহরতাং শ্রীশৈলবাসী বিভু: ॥ ৫১।
কারুণ্যামৃতবর্ষিণং ঘনবিপদ্গ্রীষ্মচ্ছিদাকর্মঠং
বিদ্যাসস্যফলোদযায সুমনঃসংসেব্যমিচ্ছাকৃতিম্ ।
নৃত্যদ্ভক্তমযূরমদ্রিনিলযং চঞ্চজ্জটামণ্ডলং
শংভো বাঞ্ছতি নীলকন্ধর সদা ত্বাং মে মনশ্চাতকঃ
॥ ৫২॥
আকাশেন শিখী সমস্তফণিনাং নেত্রা কলাপী নতা-
ঽনুগ্রাহিপ্রণবোপদেশনিনদৈঃ কেকীতি যো গীযতে ।
শ্যামাং শৈলসমুদ্ভবাং ঘনরুচিং দৃষ্ট্বা নটন্তং মুদা
বেদান্তোপবনে বিহাররসিকং তং নীলকণ্ঠং ভজে ॥ ৫৩॥
সন্ধ্যাঘর্মদিনাত্যযো হরিকরাঘাতপ্রভূতানক-
ধ্বানো বারিদগর্জিতং দিবিষদাং দৃষ্টিচ্ছটা চঞ্চলা ।
ভক্তানাং পরিতোষবাষ্পবিততির্বৃষ্টির্মযূরী শিবা
যস্মিন্নুজ্জ্বলতাণ্ডবং বিজযতে তং নীলকণ্ঠং ভজে ॥ ৫৪॥
আদ্যাযামিততেজসে শ্রুতিপদৈর্বেদ্যায সাধ্যায তে
বিদ্যানন্দমযাত্মনে ত্রিজগতঃ সংরক্ষণোদ্যোগিনে ।
ধ্যেযাযাখিলযোগিভিঃ সুরগণৈর্গেযায মাযাবিনে
সম্যক্তাণ্ডবসংভ্রমায জটিনে সেযং নতিঃ শংভবে ॥ ৫৫॥
নিত্যায ত্রিগুণাত্মনে পুরজিতে কাত্যাযনীশ্রেযসে
সত্যাযাদিকুটুম্বিনে মুনিমনঃ প্রত্যক্ষচিন্মূর্তযে ।
মাযাসৃষ্টজগত্ত্রযায সকলাম্নাযান্তসংচারিণে
সাযং তাণ্ডবসংভ্রমায জটিনে সেযং নতিঃ শংভবে ॥ ৫৬॥
নিত্যং স্বোদরপোষণায সকলানুদ্দিশ্য বিত্তাশযা
ব্যর্থং পর্যটনং করোমি ভবতঃ সেবাং ন জানে বিভো ।
মজ্জন্মান্তরপুণ্যপাকবলতস্ত্বং শর্ব সর্বান্তর-
স্তিষ্ঠস্যেব হি তেন বা পশুপতে তে রক্ষনীযোঽস্ম্যহম্ ॥ ৫৭॥
একো বারিজবান্ধবঃ ক্ষিতিনভো ব্যাপ্তং তমোমণ্ডলং
ভিত্বা লোচনগোচরোঽপি ভবতি ত্বং কোটিসূর্যপ্রভঃ ।
বেদ্যঃ কিন্ন ভবস্যহো ঘনতরং কীদৃগ্ভবেন্মত্তম-
স্তত্সর্বং ব্যপনীয মে পশুপতে সাক্ষাত্ প্রসন্নো ভব ॥ ৫৮॥
হংসঃ পদ্মবনং সমিচ্ছতি যথা নীলাম্বুদং চাতকঃ
কোকঃ কোকনদপ্রিযং প্রতিদিনং চন্দ্রং চকোরস্তথা ।
চেতো বাঞ্ছতি মামকং পশুপতে চিন্মার্গমৃগ্যং বিভো
গৌরীনাথ ভবত্পদাব্জযুগলং কৈবল্যসৌখ্যপ্রদম্ ॥ ৫৯॥
রোধস্তোযহৃতঃ শ্রমেণ পথিকশ্ছাযাং তরোর্বৃষ্টিতো
ভীতঃ স্বস্থগৃহং গৃহস্থমতিথির্দীনঃ প্রভুং ধার্মিকম্ ।
দীপং সন্তমসাকুলশ্চ শিখিনং শীতাবৃতস্ত্বং তথা
চেতঃ সর্বভযাপহং ব্রজ সুখং শংভোঃ পদাম্ভোরুহম্ ॥ ৬০॥
অঙ্কোলং নিজবীজসন্ততিরযস্কান্তোপলং সূচিকা
সাধ্বী নৈজবিভুং লতা ক্ষিতিরুহং সিন্ধুঃ সরিদ্বল্লভম্ ।
প্রাপ্নোতীহ যথা তথা পশুপতেঃ পাদারবিন্দদ্বযং
চেতোবৃত্তিরুপেত্য তিষ্ঠতি সদা সা ভক্তিরিত্যুচ্যতে ॥ ৬১॥
আনন্দাশ্রুভিরাতনোতি পুলকং নৈর্মল্যতচ্ছাদনং
বাচা শঙ্খমুখে স্থিতৈশ্চ জঠরাপূর্তিং চরিত্রামৃতৈঃ ।
রুদ্রাক্ষৈর্ভসিতেন দেব বপুষো রক্ষাং ভবদ্ভাবনা-
পর্যঙ্কে বিনিবেশ্য ভক্তিজননী ভক্তার্ভকং রক্ষতি ॥ ৬২॥
মার্গাবর্তিতপাদুকা পশুপতেরঙ্গস্য কূর্চাযতে
গণ্ডূষাংবুনিষেচনং পুররিপোর্দিব্যাভিষেকাযতে ।
কিংচিদ্ভক্ষিতমাংসশেষকবলং নব্যোপহারাযতে
ভক্তিঃ কিং ন করোত্যহো বনচরো ভক্তাবতংসাযতে ॥ ৬৩॥
বক্ষস্তাডনমন্তকস্য কঠিনাপস্মারসংমর্দনং
ভূভৃত্পর্যটনং নমস্সুরশিরঃকোটীরসংঘর্ষণম্ ।
কর্মেদং মৃদুলস্য তাবকপদদ্বন্দ্বস্য গৌরীপতে
মচ্চেতোমণিপাদুকাবিহরণং শংভো সদাঙ্গীকুরু ॥ ৬৪॥
বক্ষস্তাডনশঙ্কযা বিচলিতো বৈবস্বতো নির্জরাঃ
কোটীরোজ্জ্বলরত্নদীপকলিকানীরাজনং কুর্বতে ।
দৃষ্ট্বা মুক্তিবধূস্তনোতি নিভৃতাশ্লেষং ভবানীপতে
যচ্চেতস্তব পাদপদ্মভজনং তস্যেহ কিং দুর্লভম্ ॥ ৬৫॥
ক্রীডার্থং সৃজসি প্রপঞ্চমখিলং ক্রীডামৃগাস্তে জনাঃ
যত্কর্মাচরিতং মযা চ ভবতঃ প্রীত্যৈ ভবত্যেব তত্ ।
শংভো স্বস্য কুতূহলস্য করণং মচ্চেষ্টিতং নিশ্চিতং
তস্মান্মামকরক্ষণং পশুপতে কর্তব্যমেব ত্বযা ॥ ৬৬॥
বহুবিধপরিতোষবাষ্পপূর-
স্ফুটপুলকাঙ্কিতচারুভোগভূমিম্ ।
চিরপদফলকাঙ্ক্ষিসেব্যমানাং
পরমসদাশিবভাবনাং প্রপদ্যে ॥ ৬৭॥
অমিতমুদমৃতং মুহুর্দুহন্তীং
বিমলভবত্পদগোষ্ঠমাবসন্তীম্ ।
সদয পশুপতে সুপুণ্যপাকাং
মম পরিপালয ভক্তিধেনুমেকাম্ ॥ ৬৮॥
জডতা পশুতা কলঙ্কিতা
কুটিলচরত্বং চ নাস্তি মযি দেব ।
অস্তি যদি রাজমৌলে
ভবদাভরণস্য নাস্মি কিং পাত্রম্ ॥ ৬৯॥
অরহসি রহসি স্বতন্ত্রবুদ্ধ্যা
বরিবসিতুং সুলভঃ প্রসন্নমূর্তিঃ ।
অগণিতফলদাযকঃ প্রভুর্মে
জগদধিকো হৃদি রাজশেখরোঽস্তি ॥ ৭০॥
আরূঢভক্তিগুণকুঞ্চিতভাবচাপ-
যুক্তৈঃ শিবস্মরণবাণগণৈরমোঘৈঃ ।
নির্জিত্য কিল্বিষরিপূন্ বিজযী সুধীন্দ্রঃ
সানন্দমাবহতি সুস্থিররাজলক্ষ্মীম্ ॥ ৭১॥
ধ্যানাঞ্জনেন সমবেক্ষ্য তমঃপ্রদেশং
ভিত্বা মহাবলিভিরীশ্বরনামমন্ত্রৈঃ ।
দিব্যাশ্রিতং ভুজগভূষণমুদ্বহন্তি
যে পাদপদ্মমিহ তে শিব তে কৃতার্থাঃ ॥ ৭২॥
ভূদারতামুদবহদ্যদপেক্ষযা শ্রী-
ভূদার এব কিমতঃ সুমতে লভস্ব ।
কেদারমাকলিতমুক্তিমহৌষধীনাং
পাদারবিন্দভজনং পরমেশ্বরস্য । ৭৩॥
আশাপাশক্লেশদুর্বাসনাদি-
ভেদোদ্যুক্তৈর্দিব্যগন্ধৈরমন্দৈঃ ।
আশাশাটীকস্য পাদারবিন্দং
চেতঃপেটীং বাসিতাং মে তনোতু ॥ ৭৪॥
কল্যাণিনাং সরসচিত্রগতিং সবেগং
সর্বেঙ্গিতজ্ঞমনঘং ধ্রুবলক্ষণাঢ্যম্ ।
চেতস্তুরঙ্গমধিরুহ্য চর স্মরারে
নেতঃ সমস্তজগতাং বৃষভাধিরূঢ ॥ ৭৫॥
ভক্তির্মহেশপদপুষ্করমাবসন্তী
কাদম্বিনীব কুরুতে পরিতোষবর্ষম্ ।
সম্পূরিতো ভবতি যস্য মনস্ত্তটাক-
স্তজ্জন্মসস্যমখিলং সফলং চ নাঽন্যত্ ॥ ৭৬॥
বুদ্ধিঃস্থিরা ভবিতুমীশ্বরপাদপদ্ম-
সক্তা বধূর্বিরহিণীব সদা স্মরন্তী ।
সদ্ভাবনাস্মরণদর্শনকীর্তনাদি
সংমোহিতেব শিবমন্ত্রজপেন বিন্তে ॥ ৭৭॥
সদুপচারবিধিষ্বনুবোধিতাং
সবিনযাং সহৃদযং সদুপাশ্রিতাম্ ।
মম সমুদ্ধর বুদ্ধিমিমাং প্রভো
বরগুণেন নবোঢবধূমিব ॥ ৭৮॥
নিত্যং যোগিমনঃ সরোজদলসঞ্চারক্ষমস্ত্বত্ক্রমঃ
শংভো তেন কথং কঠোরযমরাড্বক্ষঃকবাটক্ষতিঃ ।
অত্যন্তং মৃদুলং ত্বদঙ্ঘ্রিযুগলং হা মে মনশ্চিন্তয-
ত্যেতল্লোচনগোচরং কুরু বিভো হস্তেন সংবাহযে ॥ ৭৯।
এষ্যত্যেষ জনিং মনোঽস্য কঠিনং তস্মিন্নটানীতি ম-
দ্রক্ষাযৈ গিরিসীম্নি কোমলপদন্যাসঃ পুরাভ্যাসিতঃ ।
নোচেদ্দিব্যগৃহান্তরেষু সুমনস্তল্পেষু বেদ্যাদিষু
প্রাযঃ সত্সু শিলাতলেষু নটনং শংভো কিমর্থং তব ॥ ৮০॥
কংচিত্কালমুমামহেশ ভবতঃ পাদারবিন্দার্চনৈঃ
কংচিদ্ধ্যানসমাধিভিশ্চ নতিভিঃ কংচিত্কথাকর্ণনৈঃ ।
কংচিত্ কংচিদবেক্ষনৈশ্চ নুতিভিঃ কংচিদ্দশামীদৃশীং
যঃ প্রাপ্নোতি মুদা ত্বদর্পিতমনা জীবন্ স মুক্তঃ খলু
॥ ৮১॥
বাণত্বং বৃষভত্বমর্ধবপুষা ভার্যাত্বমার্যাপতে
ঘোণিত্বং সখিতা মৃদঙ্গবহতা চেত্যাদি রূপং দধৌ ।
ত্বত্পাদে নযনার্পণং চ কৃতবান্ ত্বদ্দেহভাগো হরিঃ
পূজ্যাত্পূজ্যতরঃ স এব হি ন চেত্ কো বা তদান্যোঽধিকঃ ॥ ৮২॥
জননমৃতিযুতানাং সেবযা দেবতানাং
ন ভবতি সুখলেশঃ সংশযো নাস্তি তত্র ।
অজনিমমৃতরূপং সাম্বমীশং ভজন্তে
য ইহ পরমসৌখ্যং তে হি ধন্যা লভন্তে ॥ ৮৩॥
শিব তব পরিচর্যাসন্নিধানায গৌর্যা
ভব মম গুণধুর্যাং বুদ্ধিকন্যাং প্রদাস্যে ।
সকলভুবনবন্ধো সচ্চিদানন্দসিন্ধো
সদয হৃদযগেহে সর্বদা সংবস ত্বম্ ॥ ৮৪॥
জলধিমথনদক্ষো নৈব পাতালভেদী
ন চ বনমৃগযাযাং নৈব লুব্ধঃ প্রবীণঃ ।
অশনকুসুমভূষাবস্ত্রমুখ্যাং সপর্যাং
কথয কথমহং তে কল্পযানীন্দুমৌলে ॥ ৮৫॥
পূজাদ্রব্যসমৃদ্ধযো বিরচিতাঃ পূজাং কথং কুর্মহে
পক্ষিত্বং ন চ বা কিটিত্বমপি ন প্রাপ্তং মযা দুর্লভম্ ।
জানে মস্তকমঙ্ঘ্রিপল্লবমুমাজানে ন তেঽহং বিভো
ন জ্ঞাতং হি পিতামহেন হরিণা তত্ত্বেন তদ্রূপিণা ॥ ৮৬॥
অশলং গরলং ফণী কলাপো
বসনং চর্ম চ বাহনং মহোক্ষঃ ।
মম দাস্যসি কিং কিমস্তি শংভো
তব পাদাম্বুজভক্তিমেব দেহি ॥ ৮৭॥
যদা কৃতাংভোনিধিসেতুবন্ধনঃ
করস্থলাধঃকৃতপর্বতাধিপঃ ।
ভবানি তে লঙ্ঘিতপদ্মসংভবঃ
তদা শিবার্চাস্তবভাবনক্ষমঃ ॥ ৮৮॥
নতিভির্নুতিভিস্ত্বমীশপূজা-
বিধিভির্ধ্যানসমাধিভির্ন তুষ্টঃ ।
ধনুষা মুসলেন চাশ্মভির্বা
বদ তে প্রীতিকরং তথা করোমি ॥ ৮৯॥
বচসা চরিতং বদামি শংভো-
রহমুদ্যোগবিধাসু তেঽপ্রসক্তঃ ।
মনসা কৃতিমীশ্বরস্য সেবে
শিরসা চৈব সদাশিবং নমামি ॥ ৯০॥
আদ্যাঽবিদ্যা হৃদ্গতা নির্গতাসী-
দ্বিদ্যা হৃদ্যা হৃদ্গতা ত্বত্প্রসাদাত্ ।
সেবে নিত্যং শ্রীকরং ত্বত্পদাব্জং
ভাবে মুক্তের্ভাজনং রাজমৌলে ॥ ৯১॥
দূরীকৃতানি দুরিতানি দুরক্ষরাণি
দৌর্ভাগ্যদুঃখদুরহংকৃতিদুর্বচাংসি ।
সারং ত্বদীযচরিতং নিতরাং পিবন্তং
গৌরীশ মামিহ সমুদ্ধর সত্কটাক্ষৈঃ ॥ ৯২॥
সোমকলাধরমৌলৌ
কোমলঘনকন্ধরে মহামহসি ।
স্বামিনি গিরিজানাথে
মামকহৃদযং নিরন্তরং রমতাম্ ॥ ৯৩॥
সা রসনা তে নযনে
তাবেব করৌ স এব কৃতকৃত্যঃ ।
যা যে যৌ যো ভর্গং
বদতীক্ষেতে সদার্চতঃ স্মরতি ॥ ৯৪॥
অতিমৃদুলৌ মম চরণা-
বতিকঠিনং তে মনো ভবানীশ ।
ইতি বিচিকিত্সাং সংত্যজ
শিব কথমাসীদ্গিরৌ তথা প্রবেশঃ ॥ ৯৫॥
ধৈর্যাঙ্কুশেন নিভৃতং
রভসাদাকৃষ্য ভক্তিশৃঙ্খলযা ।
পুরহর চরণালানে
হৃদযমদেভং বধান চিদ্যন্ত্রৈঃ ॥ ৯৬॥
প্রচরত্যভিতঃ প্রগল্ভবৃত্ত্যা
মদবানেষ মনঃ করী গরীযান্ ।
পরিগৃহ্য নযেন ভক্তিরজ্জ্বা
পরম স্থাণুপদং দৃঢং নযামুম্ ॥ ৯৭॥
সর্বালংকারযুক্তাং সরলপদযুতাং সাধুবৃত্তাং সুবর্ণাং
সদ্ভিঃসংস্তূযমানাং সরসগুণযুতাং লক্ষিতাং লক্ষণাঢ্যাম্ ।
উদ্যদ্ভূষাবিশেষামুপগতবিনযাং দ্যোতমানার্থরেখাং
কল্যাণীং দেব গৌরীপ্রিয মম কবিতাকন্যকাং ত্বং গৃহাণ
॥ ৯৮॥
ইদং তে যুক্তং বা পরমশিব কারুণ্যজলধে
গতৌ তির্যগ্রূপং তব পদশিরোদর্শনধিযা ।
হরিব্রহ্মাণৌ তৌ দিবি ভুবি চরন্তৌ শ্রমযুতৌ
কথং শংভো স্বামিন্ কথয মম বেদ্যোঽসি পুরতঃ ॥ ৯৯॥
স্তোত্রেণালমহং প্রবচ্মি ন মৃষা দেবা বিরিঞ্চাদয্ঃ
স্তুত্যানং গণনাপ্রসঙ্গসমযে ত্বামগ্রগণ্যং বিদুঃ ।
মাহাত্ম্যাগ্রবিচারণপ্রকরণে ধানাতুষস্তোমব-
দ্ধূতাস্ত্বাং বিদুরুত্তমোত্তমফলং শংভো ভবত্সেবকাঃ ॥ ১০০॥
॥ ইতি শ্রীমচ্ছঙ্করাচার্যবিরচিত
শিবানন্দলহরী সমাপ্তা ॥
#এন্দ্সন্স্ক্রিত্
Pলেঅসে সেন্দ্ চোর্রেচ্তিওন্স্ তো সন্স্ক্রিত্@চীর্ুল্।চোম্
ळস্ত্ উপ্দতেদ্ tওদয্
হ্ত্ত্প্://সন্স্ক্রিত্দোচুমেন্ত্স্।ওর্গ্
শিবানন্দলহরী
Encoded and proofread by P . P . Narayanaswami at
swami at math.mun.ca
কলাভ্যাং চূডালঙ্কৃতশশিকলাভ্যাং নিজতপঃ-
ফলাভ্যাং ভক্তেষু প্রকটিতফলাভ্যাং ভবতু মে ।
শিবাভ্যামস্তোকত্রিভুবনশিবাভ্যাং হৃদি পুন-
র্ভবাভ্যামানন্দস্ফুরদনুভবাভ্যাং নতিরিযম্ ॥ ১॥
গলন্তী শংভো ত্বচ্চরিতসরিতঃ কিল্বিষরজো
দলন্তী ধীকুল্যাসরণিষু পতন্তী বিজযতাম্ ।
দিশন্তী সংসারভ্রমণপরিতাপোপশমনং
বসন্তী মচ্চেতোহৃদভুবি শিবানন্দলহরী ॥ ২॥
ত্রযীবেদ্যং হৃদ্যং ত্রিপুরহরমাদ্যং ত্রিনযনং
জটাভারোদারং চলদুরগহারং মৃগধরম্ ।
মহাদেবং দেবং মযি সদযভাবং পশুপতিং
চিদালম্বং সাম্বং শিবমতিবিডম্বং হৃদি ভজে ॥ ৩॥
সহস্রং বর্তন্তে জগতি বিবুধাঃ ক্ষুদ্রফলদা
ন মন্যে স্বপ্নে বা তদনুসরণং তত্কৃতফলম্ ।
হরিব্রহ্মাদীনামাপি নিকটভাজামসুলভং
চিরং যাচে শংভো তব পদাংভোজভজনম্ ॥ ৪॥
স্মৃতৌ শাস্ত্রে বৈদ্যে শকুনকবিতাগানফণিতৌ
পুরাণে মন্ত্রে বা স্তুতিনটনহাস্যেষ্বচতুরঃ ।
কথং রাজ্ঞাং প্রীতির্ভবতি মযি কোঽহং পশুপতে
পশুং মাং সর্বজ্ঞ প্রথিত কৃপযা পালয বিভো ॥ ৫॥
ঘটো বা মৃত্পিণ্ডোঽপ্যণুরপি চ ধূমোঽগ্নিরচলঃ
পটো বা তন্তুর্বা পরিহরতি কিং ঘোরশমনম্ ।
বৃথা কণ্ঠক্ষোভং বহসি তরসা তর্কবচসা
পদাম্ভোজং শংভোর্ভজ পরমসৌখ্যং ব্রজ সুধীঃ ॥ ৬॥
মনস্তে পাদাব্জে নিবসতু বচঃ স্তোত্রফণিতৌ
করৌ চাভ্যর্চাযাং শ্রুতিরপি কথাকর্ণনবিধৌ ।
তব ধ্যানে বুদ্ধির্নযনযুগলং মূর্তিবিভবে
পরগ্রন্থান্ কৈর্বা পরমশিব জানে পরমতঃ ॥ ৭॥
যথা বুদ্ধিঃ শুক্তৌ রজতমিতি কাচাশ্মনি মণি-
র্জলে পৈষ্টে ক্ষীরং ভবতি মৃগতৃষ্ণাসু সলিলম্ ।
তথা দেবভ্রান্ত্যা ভজতি ভবদন্যং জডজনো
মহাদেবেশং ত্বাং মনসি চ ন মত্বা পশুপতে ॥ ৮॥
গভীরে কাসারে বিশতি বিজনে ঘোরবিপিনে
বিশালে শৈলে চ ভ্রমতি কুসুমার্থং জডমতিঃ ।
সমর্প্যৈকং চেতঃ সরসিজমুমানাথ ভবতে
সুখেনাবস্থাতুং জন ইহ ন জানাতি কিমহো ॥ ৯॥
নরত্বং দেবত্বং নগবনমৃগত্বং মশকতা
পশুত্বং কীটত্বং ভবতু বিহগত্বাদি জননম্ ।
সদা ত্বত্পাদাব্জস্মরণপরমানন্দলহরী-
বিহারাসক্তং চেদ্ধৃদযমিহ কিং তেন বপুষা ॥ ১০॥
বটুর্বা গেহী বা যতিরপি জটী বা তদিতরো
নরো বা যঃ কশ্চিদ্ভবতু ভব কিং তেন ভবতি ।
যদীযং হৃত্পদ্মং যদি ভবদধীনং পশুপতে
তদীযস্ত্বং শংভো ভবসি ভবভারং চ বহসি ॥ ১১॥
গুহাযাং গেহে বা বহিরপি বনে বাঽদ্রিশিখরে
জলে বা বহ্নৌ বা বসতু বসতেঃ কিং বদ ফলম্ ।
সদা যস্যৈবান্তঃকরণমপি শংভো তব পদে
স্থিতং চেদ্যোগোঽসৌ স চ পরমযোগী স চ সুখী ॥ ১২॥
অসারে সংসারে নিজভজনদূরে জডধিযা
ভ্রমন্তং মামন্ধং পরমকৃপযা পাতুমুচিতম্ ।
মদন্যঃ কো দীনস্তব কৃপণরক্ষাতিনিপুণ-
স্ত্বদন্যঃ কো বা মে ত্রিজগতি শরণ্যঃ পশুপতে ॥ ১৩॥
প্রভুস্ত্বং দীনানাং খলু পরমবন্ধুঃ পশুপতে
প্রমুখ্যোঽহং তেষামপি কিমুত বন্ধুত্বমনযোঃ ।
ত্বযৈব ক্ষন্তব্যাঃ শিব মদপরাধাশ্চ সকলাঃ
প্রযত্নাত্কর্তব্যং মদবনমিযং বন্ধুসরণিঃ ॥ ১৪॥
উপেক্ষা নো চেত্ কিং ন হরসি ভবদ্ধ্যানবিমুখাং
দুরাশাভূযিষ্ঠাং বিধিলিপিমশক্তো যদি ভবান্ ।
শিরস্তদ্বৈধাত্রং ন নখলু সুবৃত্তং পশুপতে
কথং বা নির্যত্নং করনখমুখেনৈব লুলিতম্ ॥ ১৫॥
বিরিঞ্চির্দীর্ঘাযুর্ভবতু ভবতা তত্পরশির-
শ্চতুষ্কং সংরক্ষ্যং স খলু ভুবি দৈন্যং লিখিতবান্ ।
বিচারঃ কো বা মাং বিশদ কৃপযা পাতি শিব তে
কটাক্ষব্যাপারঃ স্বযমপি চ দীনাবনপরঃ ॥ ১৬॥
ফলাদ্বা পুণ্যানাং মযি করুণযা বা ত্বযি বিভো
প্রসন্নেঽপি স্বামিন্ ভবদমলপাদাব্জযুগলম্ ।
কথং পশ্যেযং মাং স্থগযতি নমঃ সংভ্রমজুষাং
নিলিম্পানাং শ্রোণির্নিজকনকমাণিক্যমকুটৈঃ ॥ ১৭॥
ত্বমেকো লোকানাং পরমফলদো দিব্যপদবীং
বহন্তস্ত্বন্মূলাং পুনরপি ভজন্তে হরিমুখাঃ ।
কিযদ্বা দাক্ষিণ্যং তব শিব মদাশা চ কিযতী
কদা বা মদ্রক্ষাং বহসি করুণাপূরিতদৃশা ॥ ১৮॥
দুরাশাভূযিষ্ঠে দুরধিপগৃহদ্বারঘটকে
দুরন্তে সংসারে দুরিতনিলযে দুঃখজনকে ।
মদাযাসং কিং ন ব্যপনযসি কস্যোপকৃতযে
বদেযং প্রীতিশ্চেত্তব শিব কৃতার্থাঃ খলু বযম্ ॥ ১৯॥
সদা মোহাটব্যাং চরতি যুবতীনাং কুচগিরৌ
নটত্যাশাশাখাস্বটতি ঝটিতি স্বৈরমভিতঃ ।
কপালিন্ ভিক্ষো মে হৃদযকপিমত্যন্তচপলং
দৃঢং ভক্ত্যা বদ্ধ্বা শিব ভবদধীনং কুরু বিভো ॥ ২০॥
ধৃতিস্তংভাধারাং দৃঢগুণনিবদ্ধাং সগমনাং
বিচিত্রাং পদ্মাঢ্যাং প্রতিদিবসসন্মার্গঘটিতাম্ ।
স্মরারে মচ্চেতঃস্ফুটপটকুটীং প্রাপ্য বিশদাং
জয স্বামিন্ শক্ত্যা সহ শিবগণৈঃ সেবিত বিভো ॥ ২১॥
প্রলোভাদ্যৈরর্থাহরণপরতন্ত্রো ধনিগৃহে
প্রবেশোদ্যুক্তস্সন্ ভ্রমতি বহুধা তস্করপতে ।
ইমং চেতশ্চোরং কথমিহ সহে শংকর বিভো
তবাধীনং কৃত্বা মযি নিরপরাধে কুরু কৃপাম্ ॥ ২২॥
করোমি ত্বত্পূজাং সপদি সুখদো মে ভব বিভো
বিধিত্বং বিষ্ণুত্বং দিশসি খলু তস্যাঃ ফলমিতি ।
পুনশ্চ ত্বাং দ্রষ্টুং দিবি ভুবি বহন্ পক্ষিমৃগতা-
মদৃষ্ট্বা তত্খেদং কথমিহ সহে শংকর বিভো ॥ ২৩॥
কদা বা কৈলাসে কনকমণিসৌধে সহগণৈ-
র্বসন্ শংভোরগ্রে স্ফুটঘটিতমূর্ধাঞ্জলিপুটঃ ।
বিভো সাম্ব স্বামিন্ পরমশিব পাহীতি নিগদন্
বিধাতৄণাং কল্পান্ ক্ষণমিব বিনেষ্যামি সুখতঃ ॥ ২৪॥
স্তবৈর্ব্রহ্মাদীনাং জযজযবচোভির্নিযমিনাং
গণানাং কেলীভির্মদকলমহোক্ষস্য ককুদি ।
স্থিতং নীলগ্রীবং ত্রিনযনমুমাশ্লিষ্টবপুষং
কদা ত্বাং পশ্যেযং করধৃতমৃগং খণ্ডপরশুম্ ॥ ২৫॥
কদা বা ত্বাং দৃষ্ট্বা গিরিশ তব ভব্যাঙ্ঘ্রিযুগলং
গৃহীত্বা হস্তাভ্যাং শিরসি নযনে বক্ষসি বহন্ ।
সমাশ্লিষ্যাঘ্রায স্ফুটজলজগন্ধান্ পরিমলা-
নলাভ্যাং ব্রহ্মাদ্যৈর্মুদমনুভবিষ্যামি হৃদযে ॥ ২৬॥
করস্থে হেমাদ্রৌ গিরিশ নিকটস্থে ধনপতৌ
গৃহস্থে স্বর্ভূজাঽমরসুরভিচিন্তামণিগণে ।
শিরস্থে শীতাংশৌ চরণযুগলস্থেঽখিলশুভে
কমর্থং দাস্যেঽহং ভবতু ভবদর্থং মম মনঃ ॥ ২৭॥
সারূপ্যং তব পূজনে শিব মহাদেবেতি সংকীর্তনে
সামীপ্যং শিবভক্তিধুর্যজনতাসাংগত্যসংভাষণে ।
সালোক্যং চ চরাচরাত্মকতনুধ্যানে ভবানীপতে
সাযুজ্যং মম সিদ্ধমত্র ভবতি স্বামিন্ কৃতার্থোঽস্ম্যহম্
॥ ২৮॥
ত্বত্পাদাম্বুজমর্চযামি পরমং ত্বাং চিন্তযাম্যন্বহং
ত্বামীশং শরণং ব্রজামি বচসা ত্বামেব যাচে বিভো ।
বীক্ষাং মে দিশ চাক্ষুষীং সকরুণাং দিব্যৈশ্চিরং প্রার্থিতাং
শংভো লোকগুরো মদীযমনসঃ সৌখ্যোপদেশং কুরু ॥ ২৯॥
বস্ত্রোদ্ধূতবিধৌ সহস্রকরতা পুষ্পার্চনে বিষ্ণুতা
গন্ধে গন্ধবহাত্মতাঽন্নপচনে বর্হির্মুখাধ্যক্ষতা ।
পাত্রে কাঞ্চনগর্ভতাস্তি মযি চেদ্ বালেন্দুচূডামণে
শুশ্রূষাং করবাণি তে পশুপতে স্বামিন্ ত্রিলোকীগুরো ॥ ৩০॥
নালং বা পরমোপকারকমিদং ত্বেকং পশূনাং পতে
পশ্যন্ কুক্ষিগতান্ চরাচরগণান্ বাহ্যস্থিতান্ রক্ষিতুম্ ।
সর্বামর্ত্যপলাযনৌষধমতিজ্বালাকরং ভীকরং
নিক্ষিপ্তং গরলং গলে ন গিলিতং নোদ্গীর্ণমেব ত্বযা ॥ ৩১॥
জ্বালোগ্রঃ সকলামরাতিভযদঃ ক্ষ্বেলঃ কথং বা ত্বযা
দৃষ্টঃ কিং চ করে ধৃতঃ করতলে কিং পক্বজংবূফলম্ ।
জিহ্বাযাং নিহিতশ্চ সিদ্ধঘুটিকা বা কণ্ঠদেশে ভৃতঃ
কিং তে নীলমণির্বিভূষণমযং শংভো মহাত্মন্ বদ ॥ ৩২॥
নালং বা সকৃদেব দেব ভবতঃ সেবা নতির্বা নুতিঃ
পূজা বা স্মরণং কথাশ্রবণমপ্যালোকনং মাদৃশাম্ ।
স্বামিন্নস্থিরদেবতানুসরণাযাসেন কিং লভ্যতে
কা বা মুক্তিরিতঃ কুতো ভবতি চেত্ কিং প্রার্থনীযং তদা
॥ ৩৩॥
কিং ব্রূমস্তব সাহসং পশুপতে কস্যাস্তি শংভো ভব-
দ্ধৈর্যং চেদৃশমাত্মনঃ স্থিতিরিযং চান্যৈঃ কথং লভ্যতে ।
ভ্রশ্যদ্দেবগণং ত্রসন্মুনিগণং নশ্যত্প্রপঞ্চং লযং
পশ্যন্নির্ভয এক এব বিহরত্যানন্দসান্দ্রো ভবান্ ॥ ৩৪॥
যোগক্ষেমধুরংধরস্য সকলশ্রেযঃপ্রদোদ্যোগিনো
দৃষ্টাদৃষ্টমতোপদেশকৃতিনো বাহ্যান্তরব্যাপিনঃ ।
সর্বজ্ঞস্য দযাকরস্য ভবতঃ কিং বেদিতব্যং মযা
শংভো ত্বং পরমান্তরঙ্গ ইতি মে চিত্তে স্মরাম্যন্বহম্ ॥ ৩৫॥
ভক্তো ভক্তিগুণাবৃতে মুদমৃতাপূর্ণে প্রসন্নে মনঃ
কুম্ভে সাম্ব তবাঙ্ঘ্রিপল্লবযুগং সংস্থাপ্য সংবিত্ফলম্ ।
সত্বং মন্ত্রমুদীরযন্নিজশরীরাগারশুদ্ধিং বহন্
পুণ্যাহং প্রকটীকরোমি রুচিরং কল্যাণমাপাদযন্ ॥ ৩৬॥
আম্নাযাম্বুধিমাদরেণ সুমনস্সংঘাঃ সমুদ্যন্মনো
মন্থানং দৃঢভক্তিরজ্জুসহিতং কৃত্বা মথিত্বা ততঃ ।
সোমং কল্পতরুং সুপর্বসুরভিং চিন্তামণিং ধীমতাং
নিত্যানন্দসুধাং নিরন্তররমাসৌভাগ্যমাতন্বতে ॥ ৩৭॥
প্রাক্পুণ্যাচলমার্গদর্শিতসুধামূর্তিঃপ্রসন্নঃ শিবঃ
সোমঃ সদ্গুণসেবিতো মৃগধরঃ পূর্ণস্তমোমোচকঃ ।
চেতঃ পুষ্করলক্ষিতো ভবতি চেদানন্দপাথোনিধিঃ
প্রাগল্ভ্যেন বিজৃম্ভতে সুমনসাং বৃত্তিস্তদা জাযতে ॥ ৩৮॥
ধর্মো মে চতুরঙ্ঘ্রিকঃ সুচরিতঃ পাপং বিনাশং গতং
কামক্রোধমদাদযো বিগলিতাঃ কালাঃ সুখাবিষ্কৃতাঃ ।
জ্ঞানানন্দমহৌষধিঃ সুফলিতা কৈবল্যনাথে সদা
মান্যে মানসপুণ্ডরীকনগরে রাজাবতংসে স্থিতে ॥ ৩৯॥
ধীযন্ত্রেণ বচোঘটেন কবিতাকুল্যোপকুল্যাক্রমৈ-
রানীতৈশ্চ সদাশিবস্য চরিতাম্ভোরাশিদিব্যামৃতৈঃ ।
হৃত্কেদারযুতাশ্চ ভক্তিকলমাঃ সাফল্যমাতন্বতে
দুর্ভিক্ষান্ মম সেবকস্য ভগবন্ বিশ্বেশ ভীতিঃ কুতঃ ॥ ৪০॥
পাপোত্পাতবিমোচনায রুচিরৈশ্বর্যায মৃত্যুংজয
স্তোত্রধ্যাননতিপ্রদক্ষিণসপর্যালোকনাকর্ণনে ।
জিহ্বাচিত্তশিরোঙ্ঘ্রিহস্তনযনশ্রোত্রৈরহং প্রার্থিতো
মামাজ্ঞাপয তন্নিরূপয মুহুর্মামেব মা মেঽবচঃ ॥ ৪১॥
গাম্ভীর্যং পরিখাপদং ঘনধৃতিঃ প্রাকার উদ্যদ্গুণ-
স্তোমশ্চাপ্তবলং ঘনেন্দ্রিযচযো দ্বারাণি দেহে স্থিতঃ ।
বিদ্যাবস্তুসমৃদ্ধিরিত্যখিলসামগ্রীসমেতে সদা
দুর্গাতিপ্রিযদেব মামকমনোদুর্গে নিবাসং কুরু ॥ ৪২॥
মা গচ্ছ ত্বমিতস্ততো গিরিশ ভো ময্যেব বাসং কুরু
স্বামিন্নাদিকিরাত মামকমনঃকান্তারসীমান্তরে ।
বর্তন্তে বহুশো মৃগা মদজুষো মাত্সর্যমোহাদয-
স্তান্ হত্বা মৃগযাবিনোদরুচিতালাভং চ সম্প্রাপ্স্যসি
॥ ৪৩॥
করলগ্নমৃগঃ করীন্দ্রভঙ্গো
ঘনশার্দূলবিখণ্ডনোঽস্তজন্তুঃ ।
গিরিশো বিশদাকৃতিশ্চ চেতঃ-
কুহরে পঞ্চমুখোস্তি মে কুতো ভীঃ ॥ ৪৪॥
ছন্দঃশাখিশিখান্বিতৈর্দ্বিজবরৈঃ সংসেবিতে শাশ্বতে
সৌখ্যাপাদিনি খেদভেদিনি সুধাসারৈঃ ফলৈর্দীপিতে ।
চেতঃপক্ষিশিখামণে ত্যজ বৃথাসংচারমন্যৈরলং
নিত্যং শংকরপাদপদ্মযুগলীনীডে বিহারং কুরু ॥ ৪৫॥
আকীর্ণে নখরাজিকান্তিবিভবৈরুদ্যত্সুধাবৈভবৈ-
রাধৌতেপি চ পদ্মরাগললিতে হংসব্রজৈরাশ্রিতে ।
নিত্যং ভক্তিবধূগণৈশ্চ রহসি স্বেচ্ছাবিহারং কুরু
স্থিত্বা মানসরাজহংস গিরিজানাথাঙ্ঘ্রিসৌধান্তরে ॥ ৪৬॥
শংভুধ্যানবসন্তসংগিনি হৃদারামেঽঘজীর্ণচ্ছদাঃ
স্রস্তা ভক্তিলতাচ্ছটা বিলসিতাঃ পুণ্যপ্রবালশ্রিতাঃ ।
দীপ্যন্তে গুণকোরকা জপবচঃপুষ্পাণি সদ্বাসনা
জ্ঞানানন্দসুধামরন্দলহরী সংবিত্ফলাভ্যুন্নতিঃ ॥ ৪৭॥
নিত্যানন্দরসালযং সুরমুনিস্বান্তাম্বুজাতাশ্রযং
স্বচ্ছং সদ্দ্বিজসেবিতং কলুষহৃত্সদ্বাসনাবিষ্কৃতম্ ।
শংভুধ্যানসরোবরং ব্রজ মনো হংসাবতংস স্থিরং
কিং ক্ষুদ্রাশ্রযপল্বলভ্রমণসংজাতশ্রমং প্রাপ্স্যসি ॥ ৪৮॥
আনন্দামৃতপূরিতা হরপদাম্ভোজালবালোদ্যতা
স্থৈর্যোপঘ্নমুপেত্য ভক্তিলতিকা শাখোপশাখান্বিতা ।
উচ্ছৈর্মানসকাযমানপটলীমাক্রম্য নিষ্কল্মষা
নিত্যাভীষ্টফলপ্রদা ভবতু মে সত্কর্মসংবর্ধিতা ॥ ৪৯॥
সন্ধ্যারংভবিজৃম্ভিতং শ্রুতিশিরস্থানান্তরাধিষ্ঠিতং
সপ্রেমভ্রমরাভিরামমসকৃত্ সদ্বাসনাশোভিতম্ ।
ভোগীন্দ্রাভরণং সমস্তসুমনঃপূজ্যং গুণাবিষ্কৃতং
সেবে শ্রীগিরিমল্লিকার্জুনমহালিঙ্গং শিবালিঙ্গিতং ॥ ৫০॥
ভৃংগীচ্ছানটনোত্কটঃ করমদিগ্রাহী স্ফুরন্মাধবা-
হ্লাদো নাদযুতো মহাসিতবপুঃ পঞ্চেষুণা চাদৃতঃ ।
সত্পক্ষঃ সুমনোবনেষু স পুনঃ সাক্ষান্মদীযে মনো-
রাজীবে ভ্রমরাধিপো বিহরতাং শ্রীশৈলবাসী বিভু: ॥ ৫১।
কারুণ্যামৃতবর্ষিণং ঘনবিপদ্গ্রীষ্মচ্ছিদাকর্মঠং
বিদ্যাসস্যফলোদযায সুমনঃসংসেব্যমিচ্ছাকৃতিম্ ।
নৃত্যদ্ভক্তমযূরমদ্রিনিলযং চঞ্চজ্জটামণ্ডলং
শংভো বাঞ্ছতি নীলকন্ধর সদা ত্বাং মে মনশ্চাতকঃ
॥ ৫২॥
আকাশেন শিখী সমস্তফণিনাং নেত্রা কলাপী নতা-
ঽনুগ্রাহিপ্রণবোপদেশনিনদৈঃ কেকীতি যো গীযতে ।
শ্যামাং শৈলসমুদ্ভবাং ঘনরুচিং দৃষ্ট্বা নটন্তং মুদা
বেদান্তোপবনে বিহাররসিকং তং নীলকণ্ঠং ভজে ॥ ৫৩॥
সন্ধ্যাঘর্মদিনাত্যযো হরিকরাঘাতপ্রভূতানক-
ধ্বানো বারিদগর্জিতং দিবিষদাং দৃষ্টিচ্ছটা চঞ্চলা ।
ভক্তানাং পরিতোষবাষ্পবিততির্বৃষ্টির্মযূরী শিবা
যস্মিন্নুজ্জ্বলতাণ্ডবং বিজযতে তং নীলকণ্ঠং ভজে ॥ ৫৪॥
আদ্যাযামিততেজসে শ্রুতিপদৈর্বেদ্যায সাধ্যায তে
বিদ্যানন্দমযাত্মনে ত্রিজগতঃ সংরক্ষণোদ্যোগিনে ।
ধ্যেযাযাখিলযোগিভিঃ সুরগণৈর্গেযায মাযাবিনে
সম্যক্তাণ্ডবসংভ্রমায জটিনে সেযং নতিঃ শংভবে ॥ ৫৫॥
নিত্যায ত্রিগুণাত্মনে পুরজিতে কাত্যাযনীশ্রেযসে
সত্যাযাদিকুটুম্বিনে মুনিমনঃ প্রত্যক্ষচিন্মূর্তযে ।
মাযাসৃষ্টজগত্ত্রযায সকলাম্নাযান্তসংচারিণে
সাযং তাণ্ডবসংভ্রমায জটিনে সেযং নতিঃ শংভবে ॥ ৫৬॥
নিত্যং স্বোদরপোষণায সকলানুদ্দিশ্য বিত্তাশযা
ব্যর্থং পর্যটনং করোমি ভবতঃ সেবাং ন জানে বিভো ।
মজ্জন্মান্তরপুণ্যপাকবলতস্ত্বং শর্ব সর্বান্তর-
স্তিষ্ঠস্যেব হি তেন বা পশুপতে তে রক্ষনীযোঽস্ম্যহম্ ॥ ৫৭॥
একো বারিজবান্ধবঃ ক্ষিতিনভো ব্যাপ্তং তমোমণ্ডলং
ভিত্বা লোচনগোচরোঽপি ভবতি ত্বং কোটিসূর্যপ্রভঃ ।
বেদ্যঃ কিন্ন ভবস্যহো ঘনতরং কীদৃগ্ভবেন্মত্তম-
স্তত্সর্বং ব্যপনীয মে পশুপতে সাক্ষাত্ প্রসন্নো ভব ॥ ৫৮॥
হংসঃ পদ্মবনং সমিচ্ছতি যথা নীলাম্বুদং চাতকঃ
কোকঃ কোকনদপ্রিযং প্রতিদিনং চন্দ্রং চকোরস্তথা ।
চেতো বাঞ্ছতি মামকং পশুপতে চিন্মার্গমৃগ্যং বিভো
গৌরীনাথ ভবত্পদাব্জযুগলং কৈবল্যসৌখ্যপ্রদম্ ॥ ৫৯॥
রোধস্তোযহৃতঃ শ্রমেণ পথিকশ্ছাযাং তরোর্বৃষ্টিতো
ভীতঃ স্বস্থগৃহং গৃহস্থমতিথির্দীনঃ প্রভুং ধার্মিকম্ ।
দীপং সন্তমসাকুলশ্চ শিখিনং শীতাবৃতস্ত্বং তথা
চেতঃ সর্বভযাপহং ব্রজ সুখং শংভোঃ পদাম্ভোরুহম্ ॥ ৬০॥
অঙ্কোলং নিজবীজসন্ততিরযস্কান্তোপলং সূচিকা
সাধ্বী নৈজবিভুং লতা ক্ষিতিরুহং সিন্ধুঃ সরিদ্বল্লভম্ ।
প্রাপ্নোতীহ যথা তথা পশুপতেঃ পাদারবিন্দদ্বযং
চেতোবৃত্তিরুপেত্য তিষ্ঠতি সদা সা ভক্তিরিত্যুচ্যতে ॥ ৬১॥
আনন্দাশ্রুভিরাতনোতি পুলকং নৈর্মল্যতচ্ছাদনং
বাচা শঙ্খমুখে স্থিতৈশ্চ জঠরাপূর্তিং চরিত্রামৃতৈঃ ।
রুদ্রাক্ষৈর্ভসিতেন দেব বপুষো রক্ষাং ভবদ্ভাবনা-
পর্যঙ্কে বিনিবেশ্য ভক্তিজননী ভক্তার্ভকং রক্ষতি ॥ ৬২॥
মার্গাবর্তিতপাদুকা পশুপতেরঙ্গস্য কূর্চাযতে
গণ্ডূষাংবুনিষেচনং পুররিপোর্দিব্যাভিষেকাযতে ।
কিংচিদ্ভক্ষিতমাংসশেষকবলং নব্যোপহারাযতে
ভক্তিঃ কিং ন করোত্যহো বনচরো ভক্তাবতংসাযতে ॥ ৬৩॥
বক্ষস্তাডনমন্তকস্য কঠিনাপস্মারসংমর্দনং
ভূভৃত্পর্যটনং নমস্সুরশিরঃকোটীরসংঘর্ষণম্ ।
কর্মেদং মৃদুলস্য তাবকপদদ্বন্দ্বস্য গৌরীপতে
মচ্চেতোমণিপাদুকাবিহরণং শংভো সদাঙ্গীকুরু ॥ ৬৪॥
বক্ষস্তাডনশঙ্কযা বিচলিতো বৈবস্বতো নির্জরাঃ
কোটীরোজ্জ্বলরত্নদীপকলিকানীরাজনং কুর্বতে ।
দৃষ্ট্বা মুক্তিবধূস্তনোতি নিভৃতাশ্লেষং ভবানীপতে
যচ্চেতস্তব পাদপদ্মভজনং তস্যেহ কিং দুর্লভম্ ॥ ৬৫॥
ক্রীডার্থং সৃজসি প্রপঞ্চমখিলং ক্রীডামৃগাস্তে জনাঃ
যত্কর্মাচরিতং মযা চ ভবতঃ প্রীত্যৈ ভবত্যেব তত্ ।
শংভো স্বস্য কুতূহলস্য করণং মচ্চেষ্টিতং নিশ্চিতং
তস্মান্মামকরক্ষণং পশুপতে কর্তব্যমেব ত্বযা ॥ ৬৬॥
বহুবিধপরিতোষবাষ্পপূর-
স্ফুটপুলকাঙ্কিতচারুভোগভূমিম্ ।
চিরপদফলকাঙ্ক্ষিসেব্যমানাং
পরমসদাশিবভাবনাং প্রপদ্যে ॥ ৬৭॥
অমিতমুদমৃতং মুহুর্দুহন্তীং
বিমলভবত্পদগোষ্ঠমাবসন্তীম্ ।
সদয পশুপতে সুপুণ্যপাকাং
মম পরিপালয ভক্তিধেনুমেকাম্ ॥ ৬৮॥
জডতা পশুতা কলঙ্কিতা
কুটিলচরত্বং চ নাস্তি মযি দেব ।
অস্তি যদি রাজমৌলে
ভবদাভরণস্য নাস্মি কিং পাত্রম্ ॥ ৬৯॥
অরহসি রহসি স্বতন্ত্রবুদ্ধ্যা
বরিবসিতুং সুলভঃ প্রসন্নমূর্তিঃ ।
অগণিতফলদাযকঃ প্রভুর্মে
জগদধিকো হৃদি রাজশেখরোঽস্তি ॥ ৭০॥
আরূঢভক্তিগুণকুঞ্চিতভাবচাপ-
যুক্তৈঃ শিবস্মরণবাণগণৈরমোঘৈঃ ।
নির্জিত্য কিল্বিষরিপূন্ বিজযী সুধীন্দ্রঃ
সানন্দমাবহতি সুস্থিররাজলক্ষ্মীম্ ॥ ৭১॥
ধ্যানাঞ্জনেন সমবেক্ষ্য তমঃপ্রদেশং
ভিত্বা মহাবলিভিরীশ্বরনামমন্ত্রৈঃ ।
দিব্যাশ্রিতং ভুজগভূষণমুদ্বহন্তি
যে পাদপদ্মমিহ তে শিব তে কৃতার্থাঃ ॥ ৭২॥
ভূদারতামুদবহদ্যদপেক্ষযা শ্রী-
ভূদার এব কিমতঃ সুমতে লভস্ব ।
কেদারমাকলিতমুক্তিমহৌষধীনাং
পাদারবিন্দভজনং পরমেশ্বরস্য । ৭৩॥
আশাপাশক্লেশদুর্বাসনাদি-
ভেদোদ্যুক্তৈর্দিব্যগন্ধৈরমন্দৈঃ ।
আশাশাটীকস্য পাদারবিন্দং
চেতঃপেটীং বাসিতাং মে তনোতু ॥ ৭৪॥
কল্যাণিনাং সরসচিত্রগতিং সবেগং
সর্বেঙ্গিতজ্ঞমনঘং ধ্রুবলক্ষণাঢ্যম্ ।
চেতস্তুরঙ্গমধিরুহ্য চর স্মরারে
নেতঃ সমস্তজগতাং বৃষভাধিরূঢ ॥ ৭৫॥
ভক্তির্মহেশপদপুষ্করমাবসন্তী
কাদম্বিনীব কুরুতে পরিতোষবর্ষম্ ।
সম্পূরিতো ভবতি যস্য মনস্ত্তটাক-
স্তজ্জন্মসস্যমখিলং সফলং চ নাঽন্যত্ ॥ ৭৬॥
বুদ্ধিঃস্থিরা ভবিতুমীশ্বরপাদপদ্ম-
সক্তা বধূর্বিরহিণীব সদা স্মরন্তী ।
সদ্ভাবনাস্মরণদর্শনকীর্তনাদি
সংমোহিতেব শিবমন্ত্রজপেন বিন্তে ॥ ৭৭॥
সদুপচারবিধিষ্বনুবোধিতাং
সবিনযাং সহৃদযং সদুপাশ্রিতাম্ ।
মম সমুদ্ধর বুদ্ধিমিমাং প্রভো
বরগুণেন নবোঢবধূমিব ॥ ৭৮॥
নিত্যং যোগিমনঃ সরোজদলসঞ্চারক্ষমস্ত্বত্ক্রমঃ
শংভো তেন কথং কঠোরযমরাড্বক্ষঃকবাটক্ষতিঃ ।
অত্যন্তং মৃদুলং ত্বদঙ্ঘ্রিযুগলং হা মে মনশ্চিন্তয-
ত্যেতল্লোচনগোচরং কুরু বিভো হস্তেন সংবাহযে ॥ ৭৯।
এষ্যত্যেষ জনিং মনোঽস্য কঠিনং তস্মিন্নটানীতি ম-
দ্রক্ষাযৈ গিরিসীম্নি কোমলপদন্যাসঃ পুরাভ্যাসিতঃ ।
নোচেদ্দিব্যগৃহান্তরেষু সুমনস্তল্পেষু বেদ্যাদিষু
প্রাযঃ সত্সু শিলাতলেষু নটনং শংভো কিমর্থং তব ॥ ৮০॥
কংচিত্কালমুমামহেশ ভবতঃ পাদারবিন্দার্চনৈঃ
কংচিদ্ধ্যানসমাধিভিশ্চ নতিভিঃ কংচিত্কথাকর্ণনৈঃ ।
কংচিত্ কংচিদবেক্ষনৈশ্চ নুতিভিঃ কংচিদ্দশামীদৃশীং
যঃ প্রাপ্নোতি মুদা ত্বদর্পিতমনা জীবন্ স মুক্তঃ খলু
॥ ৮১॥
বাণত্বং বৃষভত্বমর্ধবপুষা ভার্যাত্বমার্যাপতে
ঘোণিত্বং সখিতা মৃদঙ্গবহতা চেত্যাদি রূপং দধৌ ।
ত্বত্পাদে নযনার্পণং চ কৃতবান্ ত্বদ্দেহভাগো হরিঃ
পূজ্যাত্পূজ্যতরঃ স এব হি ন চেত্ কো বা তদান্যোঽধিকঃ ॥ ৮২॥
জননমৃতিযুতানাং সেবযা দেবতানাং
ন ভবতি সুখলেশঃ সংশযো নাস্তি তত্র ।
অজনিমমৃতরূপং সাম্বমীশং ভজন্তে
য ইহ পরমসৌখ্যং তে হি ধন্যা লভন্তে ॥ ৮৩॥
শিব তব পরিচর্যাসন্নিধানায গৌর্যা
ভব মম গুণধুর্যাং বুদ্ধিকন্যাং প্রদাস্যে ।
সকলভুবনবন্ধো সচ্চিদানন্দসিন্ধো
সদয হৃদযগেহে সর্বদা সংবস ত্বম্ ॥ ৮৪॥
জলধিমথনদক্ষো নৈব পাতালভেদী
ন চ বনমৃগযাযাং নৈব লুব্ধঃ প্রবীণঃ ।
অশনকুসুমভূষাবস্ত্রমুখ্যাং সপর্যাং
কথয কথমহং তে কল্পযানীন্দুমৌলে ॥ ৮৫॥
পূজাদ্রব্যসমৃদ্ধযো বিরচিতাঃ পূজাং কথং কুর্মহে
পক্ষিত্বং ন চ বা কিটিত্বমপি ন প্রাপ্তং মযা দুর্লভম্ ।
জানে মস্তকমঙ্ঘ্রিপল্লবমুমাজানে ন তেঽহং বিভো
ন জ্ঞাতং হি পিতামহেন হরিণা তত্ত্বেন তদ্রূপিণা ॥ ৮৬॥
অশলং গরলং ফণী কলাপো
বসনং চর্ম চ বাহনং মহোক্ষঃ ।
মম দাস্যসি কিং কিমস্তি শংভো
তব পাদাম্বুজভক্তিমেব দেহি ॥ ৮৭॥
যদা কৃতাংভোনিধিসেতুবন্ধনঃ
করস্থলাধঃকৃতপর্বতাধিপঃ ।
ভবানি তে লঙ্ঘিতপদ্মসংভবঃ
তদা শিবার্চাস্তবভাবনক্ষমঃ ॥ ৮৮॥
নতিভির্নুতিভিস্ত্বমীশপূজা-
বিধিভির্ধ্যানসমাধিভির্ন তুষ্টঃ ।
ধনুষা মুসলেন চাশ্মভির্বা
বদ তে প্রীতিকরং তথা করোমি ॥ ৮৯॥
বচসা চরিতং বদামি শংভো-
রহমুদ্যোগবিধাসু তেঽপ্রসক্তঃ ।
মনসা কৃতিমীশ্বরস্য সেবে
শিরসা চৈব সদাশিবং নমামি ॥ ৯০॥
আদ্যাঽবিদ্যা হৃদ্গতা নির্গতাসী-
দ্বিদ্যা হৃদ্যা হৃদ্গতা ত্বত্প্রসাদাত্ ।
সেবে নিত্যং শ্রীকরং ত্বত্পদাব্জং
ভাবে মুক্তের্ভাজনং রাজমৌলে ॥ ৯১॥
দূরীকৃতানি দুরিতানি দুরক্ষরাণি
দৌর্ভাগ্যদুঃখদুরহংকৃতিদুর্বচাংসি ।
সারং ত্বদীযচরিতং নিতরাং পিবন্তং
গৌরীশ মামিহ সমুদ্ধর সত্কটাক্ষৈঃ ॥ ৯২॥
সোমকলাধরমৌলৌ
কোমলঘনকন্ধরে মহামহসি ।
স্বামিনি গিরিজানাথে
মামকহৃদযং নিরন্তরং রমতাম্ ॥ ৯৩॥
সা রসনা তে নযনে
তাবেব করৌ স এব কৃতকৃত্যঃ ।
যা যে যৌ যো ভর্গং
বদতীক্ষেতে সদার্চতঃ স্মরতি ॥ ৯৪॥
অতিমৃদুলৌ মম চরণা-
বতিকঠিনং তে মনো ভবানীশ ।
ইতি বিচিকিত্সাং সংত্যজ
শিব কথমাসীদ্গিরৌ তথা প্রবেশঃ ॥ ৯৫॥
ধৈর্যাঙ্কুশেন নিভৃতং
রভসাদাকৃষ্য ভক্তিশৃঙ্খলযা ।
পুরহর চরণালানে
হৃদযমদেভং বধান চিদ্যন্ত্রৈঃ ॥ ৯৬॥
প্রচরত্যভিতঃ প্রগল্ভবৃত্ত্যা
মদবানেষ মনঃ করী গরীযান্ ।
পরিগৃহ্য নযেন ভক্তিরজ্জ্বা
পরম স্থাণুপদং দৃঢং নযামুম্ ॥ ৯৭॥
সর্বালংকারযুক্তাং সরলপদযুতাং সাধুবৃত্তাং সুবর্ণাং
সদ্ভিঃসংস্তূযমানাং সরসগুণযুতাং লক্ষিতাং লক্ষণাঢ্যাম্ ।
উদ্যদ্ভূষাবিশেষামুপগতবিনযাং দ্যোতমানার্থরেখাং
কল্যাণীং দেব গৌরীপ্রিয মম কবিতাকন্যকাং ত্বং গৃহাণ
॥ ৯৮॥
ইদং তে যুক্তং বা পরমশিব কারুণ্যজলধে
গতৌ তির্যগ্রূপং তব পদশিরোদর্শনধিযা ।
হরিব্রহ্মাণৌ তৌ দিবি ভুবি চরন্তৌ শ্রমযুতৌ
কথং শংভো স্বামিন্ কথয মম বেদ্যোঽসি পুরতঃ ॥ ৯৯॥
স্তোত্রেণালমহং প্রবচ্মি ন মৃষা দেবা বিরিঞ্চাদয্ঃ
স্তুত্যানং গণনাপ্রসঙ্গসমযে ত্বামগ্রগণ্যং বিদুঃ ।
মাহাত্ম্যাগ্রবিচারণপ্রকরণে ধানাতুষস্তোমব-
দ্ধূতাস্ত্বাং বিদুরুত্তমোত্তমফলং শংভো ভবত্সেবকাঃ ॥ ১০০॥
॥ ইতি শ্রীমচ্ছঙ্করাচার্যবিরচিত
শিবানন্দলহরী সমাপ্তা ॥
#এন্দ্সন্স্ক্রিত্
Pলেঅসে সেন্দ্ চোর্রেচ্তিওন্স্ তো সন্স্ক্রিত্@চীর্ুল্।চোম্
ळস্ত্ উপ্দতেদ্ tওদয্
হ্ত্ত্প্://সন্স্ক্রিত্দোচুমেন্ত্স্।ওর্গ্
Shivananda Lahari Lyrics in Bengali PDF
% File name : shivaananda.itx
% Category : laharI
% Location : doc\_shiva
% Language : Sanskrit
% Subject : philosophy/hinduism/religion
% Transliterated by : P. P. Narayanaswami swami at math.mun.ca
% Proofread by : P. P. Narayanaswami swami at math.mun.ca
% Latest update : November 1, 2010
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : shivaananda.itx
% Category : laharI
% Location : doc\_shiva
% Language : Sanskrit
% Subject : philosophy/hinduism/religion
% Transliterated by : P. P. Narayanaswami swami at math.mun.ca
% Proofread by : P. P. Narayanaswami swami at math.mun.ca
% Latest update : November 1, 2010
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website