ଶ୍ରୀଶିଵାନନ୍ଦ ଲହରୀ
{॥ ଶ୍ରୀଶିଵାନନ୍ଦ ଲହରୀ ॥}
ଶିଵାନନ୍ଦଲହରୀ
Encoded and proofread by P . P . Narayanaswami at
swami at math.mun.ca
କଲାଭ୍ଯାଂ ଚୂଡାଲଙ୍କୃତଶଶିକଲାଭ୍ଯାଂ ନିଜତପଃ-
ଫଲାଭ୍ଯାଂ ଭକ୍ତେଷୁ ପ୍ରକଟିତଫଲାଭ୍ଯାଂ ଭଵତୁ ମେ ।
ଶିଵାଭ୍ଯାମସ୍ତୋକତ୍ରିଭୁଵନଶିଵାଭ୍ଯାଂ ହୃଦି ପୁନ-
ର୍ଭଵାଭ୍ଯାମାନନ୍ଦସ୍ଫୁରଦନୁଭଵାଭ୍ଯାଂ ନତିରିଯମ୍ ॥ ୧॥
ଗଲନ୍ତୀ ଶଂଭୋ ତ୍ଵଚ୍ଚରିତସରିତଃ କିଲ୍ବିଷରଜୋ
ଦଲନ୍ତୀ ଧୀକୁଲ୍ଯାସରଣିଷୁ ପତନ୍ତୀ ଵିଜଯତାମ୍ ।
ଦିଶନ୍ତୀ ସଂସାରଭ୍ରମଣପରିତାପୋପଶମନଂ
ଵସନ୍ତୀ ମଚ୍ଚେତୋହୃଦଭୁଵି ଶିଵାନନ୍ଦଲହରୀ ॥ ୨॥
ତ୍ରଯୀଵେଦ୍ଯଂ ହୃଦ୍ଯଂ ତ୍ରିପୁରହରମାଦ୍ଯଂ ତ୍ରିନଯନଂ
ଜଟାଭାରୋଦାରଂ ଚଲଦୁରଗହାରଂ ମୃଗଧରମ୍ ।
ମହାଦେଵଂ ଦେଵଂ ମଯି ସଦଯଭାଵଂ ପଶୁପତିଂ
ଚିଦାଲମ୍ବଂ ସାମ୍ବଂ ଶିଵମତିଵିଡମ୍ବଂ ହୃଦି ଭଜେ ॥ ୩॥
ସହସ୍ରଂ ଵର୍ତନ୍ତେ ଜଗତି ଵିବୁଧାଃ କ୍ଷୁଦ୍ରଫଲଦା
ନ ମନ୍ଯେ ସ୍ଵପ୍ନେ ଵା ତଦନୁସରଣଂ ତତ୍କୃତଫଲମ୍ ।
ହରିବ୍ରହ୍ମାଦୀନାମାପି ନିକଟଭାଜାମସୁଲଭଂ
ଚିରଂ ଯାଚେ ଶଂଭୋ ତଵ ପଦାଂଭୋଜଭଜନମ୍ ॥ ୪॥
ସ୍ମୃତୌ ଶାସ୍ତ୍ରେ ଵୈଦ୍ଯେ ଶକୁନକଵିତାଗାନଫଣିତୌ
ପୁରାଣେ ମନ୍ତ୍ରେ ଵା ସ୍ତୁତିନଟନହାସ୍ଯେଷ୍ଵଚତୁରଃ ।
କଥଂ ରାଜ୍ଞାଂ ପ୍ରୀତିର୍ଭଵତି ମଯି କୋଽହଂ ପଶୁପତେ
ପଶୁଂ ମାଂ ସର୍ଵଜ୍ଞ ପ୍ରଥିତ କୃପଯା ପାଲଯ ଵିଭୋ ॥ ୫॥
ଘଟୋ ଵା ମୃତ୍ପିଣ୍ଡୋଽପ୍ଯଣୁରପି ଚ ଧୂମୋଽଗ୍ନିରଚଲଃ
ପଟୋ ଵା ତନ୍ତୁର୍ଵା ପରିହରତି କିଂ ଘୋରଶମନମ୍ ।
ଵୃଥା କଣ୍ଠକ୍ଷୋଭଂ ଵହସି ତରସା ତର୍କଵଚସା
ପଦାମ୍ଭୋଜଂ ଶଂଭୋର୍ଭଜ ପରମସୌଖ୍ଯଂ ଵ୍ରଜ ସୁଧୀଃ ॥ ୬॥
ମନସ୍ତେ ପାଦାବ୍ଜେ ନିଵସତୁ ଵଚଃ ସ୍ତୋତ୍ରଫଣିତୌ
କରୌ ଚାଭ୍ଯର୍ଚାଯାଂ ଶ୍ରୁତିରପି କଥାକର୍ଣନଵିଧୌ ।
ତଵ ଧ୍ଯାନେ ବୁଦ୍ଧିର୍ନଯନଯୁଗଲଂ ମୂର୍ତିଵିଭଵେ
ପରଗ୍ରନ୍ଥାନ୍ କୈର୍ଵା ପରମଶିଵ ଜାନେ ପରମତଃ ॥ ୭॥
ଯଥା ବୁଦ୍ଧିଃ ଶୁକ୍ତୌ ରଜତମିତି କାଚାଶ୍ମନି ମଣି-
ର୍ଜଲେ ପୈଷ୍ଟେ କ୍ଷୀରଂ ଭଵତି ମୃଗତୃଷ୍ଣାସୁ ସଲିଲମ୍ ।
ତଥା ଦେଵଭ୍ରାନ୍ତ୍ଯା ଭଜତି ଭଵଦନ୍ଯଂ ଜଡଜନୋ
ମହାଦେଵେଶଂ ତ୍ଵାଂ ମନସି ଚ ନ ମତ୍ଵା ପଶୁପତେ ॥ ୮॥
ଗଭୀରେ କାସାରେ ଵିଶତି ଵିଜନେ ଘୋରଵିପିନେ
ଵିଶାଲେ ଶୈଲେ ଚ ଭ୍ରମତି କୁସୁମାର୍ଥଂ ଜଡମତିଃ ।
ସମର୍ପ୍ଯୈକଂ ଚେତଃ ସରସିଜମୁମାନାଥ ଭଵତେ
ସୁଖେନାଵସ୍ଥାତୁଂ ଜନ ଇହ ନ ଜାନାତି କିମହୋ ॥ ୯॥
ନରତ୍ଵଂ ଦେଵତ୍ଵଂ ନଗଵନମୃଗତ୍ଵଂ ମଶକତା
ପଶୁତ୍ଵଂ କୀଟତ୍ଵଂ ଭଵତୁ ଵିହଗତ୍ଵାଦି ଜନନମ୍ ।
ସଦା ତ୍ଵତ୍ପାଦାବ୍ଜସ୍ମରଣପରମାନନ୍ଦଲହରୀ-
ଵିହାରାସକ୍ତଂ ଚେଦ୍ଧୃଦଯମିହ କିଂ ତେନ ଵପୁଷା ॥ ୧୦॥
ଵଟୁର୍ଵା ଗେହୀ ଵା ଯତିରପି ଜଟୀ ଵା ତଦିତରୋ
ନରୋ ଵା ଯଃ କଶ୍ଚିଦ୍ଭଵତୁ ଭଵ କିଂ ତେନ ଭଵତି ।
ଯଦୀଯଂ ହୃତ୍ପଦ୍ମଂ ଯଦି ଭଵଦଧୀନଂ ପଶୁପତେ
ତଦୀଯସ୍ତ୍ଵଂ ଶଂଭୋ ଭଵସି ଭଵଭାରଂ ଚ ଵହସି ॥ ୧୧॥
ଗୁହାଯାଂ ଗେହେ ଵା ବହିରପି ଵନେ ଵାଽଦ୍ରିଶିଖରେ
ଜଲେ ଵା ଵହ୍ନୌ ଵା ଵସତୁ ଵସତେଃ କିଂ ଵଦ ଫଲମ୍ ।
ସଦା ଯସ୍ଯୈଵାନ୍ତଃକରଣମପି ଶଂଭୋ ତଵ ପଦେ
ସ୍ଥିତଂ ଚେଦ୍ଯୋଗୋଽସୌ ସ ଚ ପରମଯୋଗୀ ସ ଚ ସୁଖୀ ॥ ୧୨॥
ଅସାରେ ସଂସାରେ ନିଜଭଜନଦୂରେ ଜଡଧିଯା
ଭ୍ରମନ୍ତଂ ମାମନ୍ଧଂ ପରମକୃପଯା ପାତୁମୁଚିତମ୍ ।
ମଦନ୍ଯଃ କୋ ଦୀନସ୍ତଵ କୃପଣରକ୍ଷାତିନିପୁଣ-
ସ୍ତ୍ଵଦନ୍ଯଃ କୋ ଵା ମେ ତ୍ରିଜଗତି ଶରଣ୍ଯଃ ପଶୁପତେ ॥ ୧୩॥
ପ୍ରଭୁସ୍ତ୍ଵଂ ଦୀନାନାଂ ଖଲୁ ପରମବନ୍ଧୁଃ ପଶୁପତେ
ପ୍ରମୁଖ୍ଯୋଽହଂ ତେଷାମପି କିମୁତ ବନ୍ଧୁତ୍ଵମନଯୋଃ ।
ତ୍ଵଯୈଵ କ୍ଷନ୍ତଵ୍ଯାଃ ଶିଵ ମଦପରାଧାଶ୍ଚ ସକଲାଃ
ପ୍ରଯତ୍ନାତ୍କର୍ତଵ୍ଯଂ ମଦଵନମିଯଂ ବନ୍ଧୁସରଣିଃ ॥ ୧୪॥
ଉପେକ୍ଷା ନୋ ଚେତ୍ କିଂ ନ ହରସି ଭଵଦ୍ଧ୍ଯାନଵିମୁଖାଂ
ଦୁରାଶାଭୂଯିଷ୍ଠାଂ ଵିଧିଲିପିମଶକ୍ତୋ ଯଦି ଭଵାନ୍ ।
ଶିରସ୍ତଦ୍ଵୈଧାତ୍ରଂ ନ ନଖଲୁ ସୁଵୃତ୍ତଂ ପଶୁପତେ
କଥଂ ଵା ନିର୍ଯତ୍ନଂ କରନଖମୁଖେନୈଵ ଲୁଲିତମ୍ ॥ ୧୫॥
ଵିରିଞ୍ଚିର୍ଦୀର୍ଘାଯୁର୍ଭଵତୁ ଭଵତା ତତ୍ପରଶିର-
ଶ୍ଚତୁଷ୍କଂ ସଂରକ୍ଷ୍ଯଂ ସ ଖଲୁ ଭୁଵି ଦୈନ୍ଯଂ ଲିଖିତଵାନ୍ ।
ଵିଚାରଃ କୋ ଵା ମାଂ ଵିଶଦ କୃପଯା ପାତି ଶିଵ ତେ
କଟାକ୍ଷଵ୍ଯାପାରଃ ସ୍ଵଯମପି ଚ ଦୀନାଵନପରଃ ॥ ୧୬॥
ଫଲାଦ୍ଵା ପୁଣ୍ଯାନାଂ ମଯି କରୁଣଯା ଵା ତ୍ଵଯି ଵିଭୋ
ପ୍ରସନ୍ନେଽପି ସ୍ଵାମିନ୍ ଭଵଦମଲପାଦାବ୍ଜଯୁଗଲମ୍ ।
କଥଂ ପଶ୍ଯେଯଂ ମାଂ ସ୍ଥଗଯତି ନମଃ ସଂଭ୍ରମଜୁଷାଂ
ନିଲିମ୍ପାନାଂ ଶ୍ରୋଣିର୍ନିଜକନକମାଣିକ୍ଯମକୁଟୈଃ ॥ ୧୭॥
ତ୍ଵମେକୋ ଲୋକାନାଂ ପରମଫଲଦୋ ଦିଵ୍ଯପଦଵୀଂ
ଵହନ୍ତସ୍ତ୍ଵନ୍ମୂଲାଂ ପୁନରପି ଭଜନ୍ତେ ହରିମୁଖାଃ ।
କିଯଦ୍ଵା ଦାକ୍ଷିଣ୍ଯଂ ତଵ ଶିଵ ମଦାଶା ଚ କିଯତୀ
କଦା ଵା ମଦ୍ରକ୍ଷାଂ ଵହସି କରୁଣାପୂରିତଦୃଶା ॥ ୧୮॥
ଦୁରାଶାଭୂଯିଷ୍ଠେ ଦୁରଧିପଗୃହଦ୍ଵାରଘଟକେ
ଦୁରନ୍ତେ ସଂସାରେ ଦୁରିତନିଲଯେ ଦୁଃଖଜନକେ ।
ମଦାଯାସଂ କିଂ ନ ଵ୍ଯପନଯସି କସ୍ଯୋପକୃତଯେ
ଵଦେଯଂ ପ୍ରୀତିଶ୍ଚେତ୍ତଵ ଶିଵ କୃତାର୍ଥାଃ ଖଲୁ ଵଯମ୍ ॥ ୧୯॥
ସଦା ମୋହାଟଵ୍ଯାଂ ଚରତି ଯୁଵତୀନାଂ କୁଚଗିରୌ
ନଟତ୍ଯାଶାଶାଖାସ୍ଵଟତି ଝଟିତି ସ୍ଵୈରମଭିତଃ ।
କପାଲିନ୍ ଭିକ୍ଷୋ ମେ ହୃଦଯକପିମତ୍ଯନ୍ତଚପଲଂ
ଦୃଢଂ ଭକ୍ତ୍ଯା ବଦ୍ଧ୍ଵା ଶିଵ ଭଵଦଧୀନଂ କୁରୁ ଵିଭୋ ॥ ୨୦॥
ଧୃତିସ୍ତଂଭାଧାରାଂ ଦୃଢଗୁଣନିବଦ୍ଧାଂ ସଗମନାଂ
ଵିଚିତ୍ରାଂ ପଦ୍ମାଢ୍ଯାଂ ପ୍ରତିଦିଵସସନ୍ମାର୍ଗଘଟିତାମ୍ ।
ସ୍ମରାରେ ମଚ୍ଚେତଃସ୍ଫୁଟପଟକୁଟୀଂ ପ୍ରାପ୍ଯ ଵିଶଦାଂ
ଜଯ ସ୍ଵାମିନ୍ ଶକ୍ତ୍ଯା ସହ ଶିଵଗଣୈଃ ସେଵିତ ଵିଭୋ ॥ ୨୧॥
ପ୍ରଲୋଭାଦ୍ଯୈରର୍ଥାହରଣପରତନ୍ତ୍ରୋ ଧନିଗୃହେ
ପ୍ରଵେଶୋଦ୍ଯୁକ୍ତସ୍ସନ୍ ଭ୍ରମତି ବହୁଧା ତସ୍କରପତେ ।
ଇମଂ ଚେତଶ୍ଚୋରଂ କଥମିହ ସହେ ଶଂକର ଵିଭୋ
ତଵାଧୀନଂ କୃତ୍ଵା ମଯି ନିରପରାଧେ କୁରୁ କୃପାମ୍ ॥ ୨୨॥
କରୋମି ତ୍ଵତ୍ପୂଜାଂ ସପଦି ସୁଖଦୋ ମେ ଭଵ ଵିଭୋ
ଵିଧିତ୍ଵଂ ଵିଷ୍ଣୁତ୍ଵଂ ଦିଶସି ଖଲୁ ତସ୍ଯାଃ ଫଲମିତି ।
ପୁନଶ୍ଚ ତ୍ଵାଂ ଦ୍ରଷ୍ଟୁଂ ଦିଵି ଭୁଵି ଵହନ୍ ପକ୍ଷିମୃଗତା-
ମଦୃଷ୍ଟ୍ଵା ତତ୍ଖେଦଂ କଥମିହ ସହେ ଶଂକର ଵିଭୋ ॥ ୨୩॥
କଦା ଵା କୈଲାସେ କନକମଣିସୌଧେ ସହଗଣୈ-
ର୍ଵସନ୍ ଶଂଭୋରଗ୍ରେ ସ୍ଫୁଟଘଟିତମୂର୍ଧାଞ୍ଜଲିପୁଟଃ ।
ଵିଭୋ ସାମ୍ବ ସ୍ଵାମିନ୍ ପରମଶିଵ ପାହୀତି ନିଗଦନ୍
ଵିଧାତୄଣାଂ କଲ୍ପାନ୍ କ୍ଷଣମିଵ ଵିନେଷ୍ଯାମି ସୁଖତଃ ॥ ୨୪॥
ସ୍ତଵୈର୍ବ୍ରହ୍ମାଦୀନାଂ ଜଯଜଯଵଚୋଭିର୍ନିଯମିନାଂ
ଗଣାନାଂ କେଲୀଭିର୍ମଦକଲମହୋକ୍ଷସ୍ଯ କକୁଦି ।
ସ୍ଥିତଂ ନୀଲଗ୍ରୀଵଂ ତ୍ରିନଯନମୁମାଶ୍ଲିଷ୍ଟଵପୁଷଂ
କଦା ତ୍ଵାଂ ପଶ୍ଯେଯଂ କରଧୃତମୃଗଂ ଖଣ୍ଡପରଶୁମ୍ ॥ ୨୫॥
କଦା ଵା ତ୍ଵାଂ ଦୃଷ୍ଟ୍ଵା ଗିରିଶ ତଵ ଭଵ୍ଯାଙ୍ଘ୍ରିଯୁଗଲଂ
ଗୃହୀତ୍ଵା ହସ୍ତାଭ୍ଯାଂ ଶିରସି ନଯନେ ଵକ୍ଷସି ଵହନ୍ ।
ସମାଶ୍ଲିଷ୍ଯାଘ୍ରାଯ ସ୍ଫୁଟଜଲଜଗନ୍ଧାନ୍ ପରିମଲା-
ନଲାଭ୍ଯାଂ ବ୍ରହ୍ମାଦ୍ଯୈର୍ମୁଦମନୁଭଵିଷ୍ଯାମି ହୃଦଯେ ॥ ୨୬॥
କରସ୍ଥେ ହେମାଦ୍ରୌ ଗିରିଶ ନିକଟସ୍ଥେ ଧନପତୌ
ଗୃହସ୍ଥେ ସ୍ଵର୍ଭୂଜାଽମରସୁରଭିଚିନ୍ତାମଣିଗଣେ ।
ଶିରସ୍ଥେ ଶୀତାଂଶୌ ଚରଣଯୁଗଲସ୍ଥେଽଖିଲଶୁଭେ
କମର୍ଥଂ ଦାସ୍ଯେଽହଂ ଭଵତୁ ଭଵଦର୍ଥଂ ମମ ମନଃ ॥ ୨୭॥
ସାରୂପ୍ଯଂ ତଵ ପୂଜନେ ଶିଵ ମହାଦେଵେତି ସଂକୀର୍ତନେ
ସାମୀପ୍ଯଂ ଶିଵଭକ୍ତିଧୁର୍ଯଜନତାସାଂଗତ୍ଯସଂଭାଷଣେ ।
ସାଲୋକ୍ଯଂ ଚ ଚରାଚରାତ୍ମକତନୁଧ୍ଯାନେ ଭଵାନୀପତେ
ସାଯୁଜ୍ଯଂ ମମ ସିଦ୍ଧମତ୍ର ଭଵତି ସ୍ଵାମିନ୍ କୃତାର୍ଥୋଽସ୍ମ୍ଯହମ୍
॥ ୨୮॥
ତ୍ଵତ୍ପାଦାମ୍ବୁଜମର୍ଚଯାମି ପରମଂ ତ୍ଵାଂ ଚିନ୍ତଯାମ୍ଯନ୍ଵହଂ
ତ୍ଵାମୀଶଂ ଶରଣଂ ଵ୍ରଜାମି ଵଚସା ତ୍ଵାମେଵ ଯାଚେ ଵିଭୋ ।
ଵୀକ୍ଷାଂ ମେ ଦିଶ ଚାକ୍ଷୁଷୀଂ ସକରୁଣାଂ ଦିଵ୍ଯୈଶ୍ଚିରଂ ପ୍ରାର୍ଥିତାଂ
ଶଂଭୋ ଲୋକଗୁରୋ ମଦୀଯମନସଃ ସୌଖ୍ଯୋପଦେଶଂ କୁରୁ ॥ ୨୯॥
ଵସ୍ତ୍ରୋଦ୍ଧୂତଵିଧୌ ସହସ୍ରକରତା ପୁଷ୍ପାର୍ଚନେ ଵିଷ୍ଣୁତା
ଗନ୍ଧେ ଗନ୍ଧଵହାତ୍ମତାଽନ୍ନପଚନେ ବର୍ହିର୍ମୁଖାଧ୍ଯକ୍ଷତା ।
ପାତ୍ରେ କାଞ୍ଚନଗର୍ଭତାସ୍ତି ମଯି ଚେଦ୍ ବାଲେନ୍ଦୁଚୂଡାମଣେ
ଶୁଶ୍ରୂଷାଂ କରଵାଣି ତେ ପଶୁପତେ ସ୍ଵାମିନ୍ ତ୍ରିଲୋକୀଗୁରୋ ॥ ୩୦॥
ନାଲଂ ଵା ପରମୋପକାରକମିଦଂ ତ୍ଵେକଂ ପଶୂନାଂ ପତେ
ପଶ୍ଯନ୍ କୁକ୍ଷିଗତାନ୍ ଚରାଚରଗଣାନ୍ ବାହ୍ଯସ୍ଥିତାନ୍ ରକ୍ଷିତୁମ୍ ।
ସର୍ଵାମର୍ତ୍ଯପଲାଯନୌଷଧମତିଜ୍ଵାଲାକରଂ ଭୀକରଂ
ନିକ୍ଷିପ୍ତଂ ଗରଲଂ ଗଲେ ନ ଗିଲିତଂ ନୋଦ୍ଗୀର୍ଣମେଵ ତ୍ଵଯା ॥ ୩୧॥
ଜ୍ଵାଲୋଗ୍ରଃ ସକଲାମରାତିଭଯଦଃ କ୍ଷ୍ଵେଲଃ କଥଂ ଵା ତ୍ଵଯା
ଦୃଷ୍ଟଃ କିଂ ଚ କରେ ଧୃତଃ କରତଲେ କିଂ ପକ୍ଵଜଂବୂଫଲମ୍ ।
ଜିହ୍ଵାଯାଂ ନିହିତଶ୍ଚ ସିଦ୍ଧଘୁଟିକା ଵା କଣ୍ଠଦେଶେ ଭୃତଃ
କିଂ ତେ ନୀଲମଣିର୍ଵିଭୂଷଣମଯଂ ଶଂଭୋ ମହାତ୍ମନ୍ ଵଦ ॥ ୩୨॥
ନାଲଂ ଵା ସକୃଦେଵ ଦେଵ ଭଵତଃ ସେଵା ନତିର୍ଵା ନୁତିଃ
ପୂଜା ଵା ସ୍ମରଣଂ କଥାଶ୍ରଵଣମପ୍ଯାଲୋକନଂ ମାଦୃଶାମ୍ ।
ସ୍ଵାମିନ୍ନସ୍ଥିରଦେଵତାନୁସରଣାଯାସେନ କିଂ ଲଭ୍ଯତେ
କା ଵା ମୁକ୍ତିରିତଃ କୁତୋ ଭଵତି ଚେତ୍ କିଂ ପ୍ରାର୍ଥନୀଯଂ ତଦା
॥ ୩୩॥
କିଂ ବ୍ରୂମସ୍ତଵ ସାହସଂ ପଶୁପତେ କସ୍ଯାସ୍ତି ଶଂଭୋ ଭଵ-
ଦ୍ଧୈର୍ଯଂ ଚେଦୃଶମାତ୍ମନଃ ସ୍ଥିତିରିଯଂ ଚାନ୍ଯୈଃ କଥଂ ଲଭ୍ଯତେ ।
ଭ୍ରଶ୍ଯଦ୍ଦେଵଗଣଂ ତ୍ରସନ୍ମୁନିଗଣଂ ନଶ୍ଯତ୍ପ୍ରପଞ୍ଚଂ ଲଯଂ
ପଶ୍ଯନ୍ନିର୍ଭଯ ଏକ ଏଵ ଵିହରତ୍ଯାନନ୍ଦସାନ୍ଦ୍ରୋ ଭଵାନ୍ ॥ ୩୪॥
ଯୋଗକ୍ଷେମଧୁରଂଧରସ୍ଯ ସକଲଶ୍ରେଯଃପ୍ରଦୋଦ୍ଯୋଗିନୋ
ଦୃଷ୍ଟାଦୃଷ୍ଟମତୋପଦେଶକୃତିନୋ ବାହ୍ଯାନ୍ତରଵ୍ଯାପିନଃ ।
ସର୍ଵଜ୍ଞସ୍ଯ ଦଯାକରସ୍ଯ ଭଵତଃ କିଂ ଵେଦିତଵ୍ଯଂ ମଯା
ଶଂଭୋ ତ୍ଵଂ ପରମାନ୍ତରଙ୍ଗ ଇତି ମେ ଚିତ୍ତେ ସ୍ମରାମ୍ଯନ୍ଵହମ୍ ॥ ୩୫॥
ଭକ୍ତୋ ଭକ୍ତିଗୁଣାଵୃତେ ମୁଦମୃତାପୂର୍ଣେ ପ୍ରସନ୍ନେ ମନଃ
କୁମ୍ଭେ ସାମ୍ବ ତଵାଙ୍ଘ୍ରିପଲ୍ଲଵଯୁଗଂ ସଂସ୍ଥାପ୍ଯ ସଂଵିତ୍ଫଲମ୍ ।
ସତ୍ଵଂ ମନ୍ତ୍ରମୁଦୀରଯନ୍ନିଜଶରୀରାଗାରଶୁଦ୍ଧିଂ ଵହନ୍
ପୁଣ୍ଯାହଂ ପ୍ରକଟୀକରୋମି ରୁଚିରଂ କଲ୍ଯାଣମାପାଦଯନ୍ ॥ ୩୬॥
ଆମ୍ନାଯାମ୍ବୁଧିମାଦରେଣ ସୁମନସ୍ସଂଘାଃ ସମୁଦ୍ଯନ୍ମନୋ
ମନ୍ଥାନଂ ଦୃଢଭକ୍ତିରଜ୍ଜୁସହିତଂ କୃତ୍ଵା ମଥିତ୍ଵା ତତଃ ।
ସୋମଂ କଲ୍ପତରୁଂ ସୁପର୍ଵସୁରଭିଂ ଚିନ୍ତାମଣିଂ ଧୀମତାଂ
ନିତ୍ଯାନନ୍ଦସୁଧାଂ ନିରନ୍ତରରମାସୌଭାଗ୍ଯମାତନ୍ଵତେ ॥ ୩୭॥
ପ୍ରାକ୍ପୁଣ୍ଯାଚଲମାର୍ଗଦର୍ଶିତସୁଧାମୂର୍ତିଃପ୍ରସନ୍ନଃ ଶିଵଃ
ସୋମଃ ସଦ୍ଗୁଣସେଵିତୋ ମୃଗଧରଃ ପୂର୍ଣସ୍ତମୋମୋଚକଃ ।
ଚେତଃ ପୁଷ୍କରଲକ୍ଷିତୋ ଭଵତି ଚେଦାନନ୍ଦପାଥୋନିଧିଃ
ପ୍ରାଗଲ୍ଭ୍ଯେନ ଵିଜୃମ୍ଭତେ ସୁମନସାଂ ଵୃତ୍ତିସ୍ତଦା ଜାଯତେ ॥ ୩୮॥
ଧର୍ମୋ ମେ ଚତୁରଙ୍ଘ୍ରିକଃ ସୁଚରିତଃ ପାପଂ ଵିନାଶଂ ଗତଂ
କାମକ୍ରୋଧମଦାଦଯୋ ଵିଗଲିତାଃ କାଲାଃ ସୁଖାଵିଷ୍କୃତାଃ ।
ଜ୍ଞାନାନନ୍ଦମହୌଷଧିଃ ସୁଫଲିତା କୈଵଲ୍ଯନାଥେ ସଦା
ମାନ୍ଯେ ମାନସପୁଣ୍ଡରୀକନଗରେ ରାଜାଵତଂସେ ସ୍ଥିତେ ॥ ୩୯॥
ଧୀଯନ୍ତ୍ରେଣ ଵଚୋଘଟେନ କଵିତାକୁଲ୍ଯୋପକୁଲ୍ଯାକ୍ରମୈ-
ରାନୀତୈଶ୍ଚ ସଦାଶିଵସ୍ଯ ଚରିତାମ୍ଭୋରାଶିଦିଵ୍ଯାମୃତୈଃ ।
ହୃତ୍କେଦାରଯୁତାଶ୍ଚ ଭକ୍ତିକଲମାଃ ସାଫଲ୍ଯମାତନ୍ଵତେ
ଦୁର୍ଭିକ୍ଷାନ୍ ମମ ସେଵକସ୍ଯ ଭଗଵନ୍ ଵିଶ୍ଵେଶ ଭୀତିଃ କୁତଃ ॥ ୪୦॥
ପାପୋତ୍ପାତଵିମୋଚନାଯ ରୁଚିରୈଶ୍ଵର୍ଯାଯ ମୃତ୍ଯୁଂଜଯ
ସ୍ତୋତ୍ରଧ୍ଯାନନତିପ୍ରଦକ୍ଷିଣସପର୍ଯାଲୋକନାକର୍ଣନେ ।
ଜିହ୍ଵାଚିତ୍ତଶିରୋଙ୍ଘ୍ରିହସ୍ତନଯନଶ୍ରୋତ୍ରୈରହଂ ପ୍ରାର୍ଥିତୋ
ମାମାଜ୍ଞାପଯ ତନ୍ନିରୂପଯ ମୁହୁର୍ମାମେଵ ମା ମେଽଵଚଃ ॥ ୪୧॥
ଗାମ୍ଭୀର୍ଯଂ ପରିଖାପଦଂ ଘନଧୃତିଃ ପ୍ରାକାର ଉଦ୍ଯଦ୍ଗୁଣ-
ସ୍ତୋମଶ୍ଚାପ୍ତବଲଂ ଘନେନ୍ଦ୍ରିଯଚଯୋ ଦ୍ଵାରାଣି ଦେହେ ସ୍ଥିତଃ ।
ଵିଦ୍ଯାଵସ୍ତୁସମୃଦ୍ଧିରିତ୍ଯଖିଲସାମଗ୍ରୀସମେତେ ସଦା
ଦୁର୍ଗାତିପ୍ରିଯଦେଵ ମାମକମନୋଦୁର୍ଗେ ନିଵାସଂ କୁରୁ ॥ ୪୨॥
ମା ଗଚ୍ଛ ତ୍ଵମିତସ୍ତତୋ ଗିରିଶ ଭୋ ମଯ୍ଯେଵ ଵାସଂ କୁରୁ
ସ୍ଵାମିନ୍ନାଦିକିରାତ ମାମକମନଃକାନ୍ତାରସୀମାନ୍ତରେ ।
ଵର୍ତନ୍ତେ ବହୁଶୋ ମୃଗା ମଦଜୁଷୋ ମାତ୍ସର୍ଯମୋହାଦଯ-
ସ୍ତାନ୍ ହତ୍ଵା ମୃଗଯାଵିନୋଦରୁଚିତାଲାଭଂ ଚ ସମ୍ପ୍ରାପ୍ସ୍ଯସି
॥ ୪୩॥
କରଲଗ୍ନମୃଗଃ କରୀନ୍ଦ୍ରଭଙ୍ଗୋ
ଘନଶାର୍ଦୂଲଵିଖଣ୍ଡନୋଽସ୍ତଜନ୍ତୁଃ ।
ଗିରିଶୋ ଵିଶଦାକୃତିଶ୍ଚ ଚେତଃ-
କୁହରେ ପଞ୍ଚମୁଖୋସ୍ତି ମେ କୁତୋ ଭୀଃ ॥ ୪୪॥
ଛନ୍ଦଃଶାଖିଶିଖାନ୍ଵିତୈର୍ଦ୍ଵିଜଵରୈଃ ସଂସେଵିତେ ଶାଶ୍ଵତେ
ସୌଖ୍ଯାପାଦିନି ଖେଦଭେଦିନି ସୁଧାସାରୈଃ ଫଲୈର୍ଦୀପିତେ ।
ଚେତଃପକ୍ଷିଶିଖାମଣେ ତ୍ଯଜ ଵୃଥାସଂଚାରମନ୍ଯୈରଲଂ
ନିତ୍ଯଂ ଶଂକରପାଦପଦ୍ମଯୁଗଲୀନୀଡେ ଵିହାରଂ କୁରୁ ॥ ୪୫॥
ଆକୀର୍ଣେ ନଖରାଜିକାନ୍ତିଵିଭଵୈରୁଦ୍ଯତ୍ସୁଧାଵୈଭଵୈ-
ରାଧୌତେପି ଚ ପଦ୍ମରାଗଲଲିତେ ହଂସଵ୍ରଜୈରାଶ୍ରିତେ ।
ନିତ୍ଯଂ ଭକ୍ତିଵଧୂଗଣୈଶ୍ଚ ରହସି ସ୍ଵେଚ୍ଛାଵିହାରଂ କୁରୁ
ସ୍ଥିତ୍ଵା ମାନସରାଜହଂସ ଗିରିଜାନାଥାଙ୍ଘ୍ରିସୌଧାନ୍ତରେ ॥ ୪୬॥
ଶଂଭୁଧ୍ଯାନଵସନ୍ତସଂଗିନି ହୃଦାରାମେଽଘଜୀର୍ଣଚ୍ଛଦାଃ
ସ୍ରସ୍ତା ଭକ୍ତିଲତାଚ୍ଛଟା ଵିଲସିତାଃ ପୁଣ୍ଯପ୍ରଵାଲଶ୍ରିତାଃ ।
ଦୀପ୍ଯନ୍ତେ ଗୁଣକୋରକା ଜପଵଚଃପୁଷ୍ପାଣି ସଦ୍ଵାସନା
ଜ୍ଞାନାନନ୍ଦସୁଧାମରନ୍ଦଲହରୀ ସଂଵିତ୍ଫଲାଭ୍ଯୁନ୍ନତିଃ ॥ ୪୭॥
ନିତ୍ଯାନନ୍ଦରସାଲଯଂ ସୁରମୁନିସ୍ଵାନ୍ତାମ୍ବୁଜାତାଶ୍ରଯଂ
ସ୍ଵଚ୍ଛଂ ସଦ୍ଦ୍ଵିଜସେଵିତଂ କଲୁଷହୃତ୍ସଦ୍ଵାସନାଵିଷ୍କୃତମ୍ ।
ଶଂଭୁଧ୍ଯାନସରୋଵରଂ ଵ୍ରଜ ମନୋ ହଂସାଵତଂସ ସ୍ଥିରଂ
କିଂ କ୍ଷୁଦ୍ରାଶ୍ରଯପଲ୍ଵଲଭ୍ରମଣସଂଜାତଶ୍ରମଂ ପ୍ରାପ୍ସ୍ଯସି ॥ ୪୮॥
ଆନନ୍ଦାମୃତପୂରିତା ହରପଦାମ୍ଭୋଜାଲଵାଲୋଦ୍ଯତା
ସ୍ଥୈର୍ଯୋପଘ୍ନମୁପେତ୍ଯ ଭକ୍ତିଲତିକା ଶାଖୋପଶାଖାନ୍ଵିତା ।
ଉଚ୍ଛୈର୍ମାନସକାଯମାନପଟଲୀମାକ୍ରମ୍ଯ ନିଷ୍କଲ୍ମଷା
ନିତ୍ଯାଭୀଷ୍ଟଫଲପ୍ରଦା ଭଵତୁ ମେ ସତ୍କର୍ମସଂଵର୍ଧିତା ॥ ୪୯॥
ସନ୍ଧ୍ଯାରଂଭଵିଜୃମ୍ଭିତଂ ଶ୍ରୁତିଶିରସ୍ଥାନାନ୍ତରାଧିଷ୍ଠିତଂ
ସପ୍ରେମଭ୍ରମରାଭିରାମମସକୃତ୍ ସଦ୍ଵାସନାଶୋଭିତମ୍ ।
ଭୋଗୀନ୍ଦ୍ରାଭରଣଂ ସମସ୍ତସୁମନଃପୂଜ୍ଯଂ ଗୁଣାଵିଷ୍କୃତଂ
ସେଵେ ଶ୍ରୀଗିରିମଲ୍ଲିକାର୍ଜୁନମହାଲିଙ୍ଗଂ ଶିଵାଲିଙ୍ଗିତଂ ॥ ୫୦॥
ଭୃଂଗୀଚ୍ଛାନଟନୋତ୍କଟଃ କରମଦିଗ୍ରାହୀ ସ୍ଫୁରନ୍ମାଧଵା-
ହ୍ଲାଦୋ ନାଦଯୁତୋ ମହାସିତଵପୁଃ ପଞ୍ଚେଷୁଣା ଚାଦୃତଃ ।
ସତ୍ପକ୍ଷଃ ସୁମନୋଵନେଷୁ ସ ପୁନଃ ସାକ୍ଷାନ୍ମଦୀଯେ ମନୋ-
ରାଜୀଵେ ଭ୍ରମରାଧିପୋ ଵିହରତାଂ ଶ୍ରୀଶୈଲଵାସୀ ଵିଭୁ: ॥ ୫୧।
କାରୁଣ୍ଯାମୃତଵର୍ଷିଣଂ ଘନଵିପଦ୍ଗ୍ରୀଷ୍ମଚ୍ଛିଦାକର୍ମଠଂ
ଵିଦ୍ଯାସସ୍ଯଫଲୋଦଯାଯ ସୁମନଃସଂସେଵ୍ଯମିଚ୍ଛାକୃତିମ୍ ।
ନୃତ୍ଯଦ୍ଭକ୍ତମଯୂରମଦ୍ରିନିଲଯଂ ଚଞ୍ଚଜ୍ଜଟାମଣ୍ଡଲଂ
ଶଂଭୋ ଵାଞ୍ଛତି ନୀଲକନ୍ଧର ସଦା ତ୍ଵାଂ ମେ ମନଶ୍ଚାତକଃ
॥ ୫୨॥
ଆକାଶେନ ଶିଖୀ ସମସ୍ତଫଣିନାଂ ନେତ୍ରା କଲାପୀ ନତା-
ଽନୁଗ୍ରାହିପ୍ରଣଵୋପଦେଶନିନଦୈଃ କେକୀତି ଯୋ ଗୀଯତେ ।
ଶ୍ଯାମାଂ ଶୈଲସମୁଦ୍ଭଵାଂ ଘନରୁଚିଂ ଦୃଷ୍ଟ୍ଵା ନଟନ୍ତଂ ମୁଦା
ଵେଦାନ୍ତୋପଵନେ ଵିହାରରସିକଂ ତଂ ନୀଲକଣ୍ଠଂ ଭଜେ ॥ ୫୩॥
ସନ୍ଧ୍ଯାଘର୍ମଦିନାତ୍ଯଯୋ ହରିକରାଘାତପ୍ରଭୂତାନକ-
ଧ୍ଵାନୋ ଵାରିଦଗର୍ଜିତଂ ଦିଵିଷଦାଂ ଦୃଷ୍ଟିଚ୍ଛଟା ଚଞ୍ଚଲା ।
ଭକ୍ତାନାଂ ପରିତୋଷବାଷ୍ପଵିତତିର୍ଵୃଷ୍ଟିର୍ମଯୂରୀ ଶିଵା
ଯସ୍ମିନ୍ନୁଜ୍ଜ୍ଵଲତାଣ୍ଡଵଂ ଵିଜଯତେ ତଂ ନୀଲକଣ୍ଠଂ ଭଜେ ॥ ୫୪॥
ଆଦ୍ଯାଯାମିତତେଜସେ ଶ୍ରୁତିପଦୈର୍ଵେଦ୍ଯାଯ ସାଧ୍ଯାଯ ତେ
ଵିଦ୍ଯାନନ୍ଦମଯାତ୍ମନେ ତ୍ରିଜଗତଃ ସଂରକ୍ଷଣୋଦ୍ଯୋଗିନେ ।
ଧ୍ଯେଯାଯାଖିଲଯୋଗିଭିଃ ସୁରଗଣୈର୍ଗେଯାଯ ମାଯାଵିନେ
ସମ୍ଯକ୍ତାଣ୍ଡଵସଂଭ୍ରମାଯ ଜଟିନେ ସେଯଂ ନତିଃ ଶଂଭଵେ ॥ ୫୫॥
ନିତ୍ଯାଯ ତ୍ରିଗୁଣାତ୍ମନେ ପୁରଜିତେ କାତ୍ଯାଯନୀଶ୍ରେଯସେ
ସତ୍ଯାଯାଦିକୁଟୁମ୍ବିନେ ମୁନିମନଃ ପ୍ରତ୍ଯକ୍ଷଚିନ୍ମୂର୍ତଯେ ।
ମାଯାସୃଷ୍ଟଜଗତ୍ତ୍ରଯାଯ ସକଲାମ୍ନାଯାନ୍ତସଂଚାରିଣେ
ସାଯଂ ତାଣ୍ଡଵସଂଭ୍ରମାଯ ଜଟିନେ ସେଯଂ ନତିଃ ଶଂଭଵେ ॥ ୫୬॥
ନିତ୍ଯଂ ସ୍ଵୋଦରପୋଷଣାଯ ସକଲାନୁଦ୍ଦିଶ୍ଯ ଵିତ୍ତାଶଯା
ଵ୍ଯର୍ଥଂ ପର୍ଯଟନଂ କରୋମି ଭଵତଃ ସେଵାଂ ନ ଜାନେ ଵିଭୋ ।
ମଜ୍ଜନ୍ମାନ୍ତରପୁଣ୍ଯପାକବଲତସ୍ତ୍ଵଂ ଶର୍ଵ ସର୍ଵାନ୍ତର-
ସ୍ତିଷ୍ଠସ୍ଯେଵ ହି ତେନ ଵା ପଶୁପତେ ତେ ରକ୍ଷନୀଯୋଽସ୍ମ୍ଯହମ୍ ॥ ୫୭॥
ଏକୋ ଵାରିଜବାନ୍ଧଵଃ କ୍ଷିତିନଭୋ ଵ୍ଯାପ୍ତଂ ତମୋମଣ୍ଡଲଂ
ଭିତ୍ଵା ଲୋଚନଗୋଚରୋଽପି ଭଵତି ତ୍ଵଂ କୋଟିସୂର୍ଯପ୍ରଭଃ ।
ଵେଦ୍ଯଃ କିନ୍ନ ଭଵସ୍ଯହୋ ଘନତରଂ କୀଦୃଗ୍ଭଵେନ୍ମତ୍ତମ-
ସ୍ତତ୍ସର୍ଵଂ ଵ୍ଯପନୀଯ ମେ ପଶୁପତେ ସାକ୍ଷାତ୍ ପ୍ରସନ୍ନୋ ଭଵ ॥ ୫୮॥
ହଂସଃ ପଦ୍ମଵନଂ ସମିଚ୍ଛତି ଯଥା ନୀଲାମ୍ବୁଦଂ ଚାତକଃ
କୋକଃ କୋକନଦପ୍ରିଯଂ ପ୍ରତିଦିନଂ ଚନ୍ଦ୍ରଂ ଚକୋରସ୍ତଥା ।
ଚେତୋ ଵାଞ୍ଛତି ମାମକଂ ପଶୁପତେ ଚିନ୍ମାର୍ଗମୃଗ୍ଯଂ ଵିଭୋ
ଗୌରୀନାଥ ଭଵତ୍ପଦାବ୍ଜଯୁଗଲଂ କୈଵଲ୍ଯସୌଖ୍ଯପ୍ରଦମ୍ ॥ ୫୯॥
ରୋଧସ୍ତୋଯହୃତଃ ଶ୍ରମେଣ ପଥିକଶ୍ଛାଯାଂ ତରୋର୍ଵୃଷ୍ଟିତୋ
ଭୀତଃ ସ୍ଵସ୍ଥଗୃହଂ ଗୃହସ୍ଥମତିଥିର୍ଦୀନଃ ପ୍ରଭୁଂ ଧାର୍ମିକମ୍ ।
ଦୀପଂ ସନ୍ତମସାକୁଲଶ୍ଚ ଶିଖିନଂ ଶୀତାଵୃତସ୍ତ୍ଵଂ ତଥା
ଚେତଃ ସର୍ଵଭଯାପହଂ ଵ୍ରଜ ସୁଖଂ ଶଂଭୋଃ ପଦାମ୍ଭୋରୁହମ୍ ॥ ୬୦॥
ଅଙ୍କୋଲଂ ନିଜବୀଜସନ୍ତତିରଯସ୍କାନ୍ତୋପଲଂ ସୂଚିକା
ସାଧ୍ଵୀ ନୈଜଵିଭୁଂ ଲତା କ୍ଷିତିରୁହଂ ସିନ୍ଧୁଃ ସରିଦ୍ଵଲ୍ଲଭମ୍ ।
ପ୍ରାପ୍ନୋତୀହ ଯଥା ତଥା ପଶୁପତେଃ ପାଦାରଵିନ୍ଦଦ୍ଵଯଂ
ଚେତୋଵୃତ୍ତିରୁପେତ୍ଯ ତିଷ୍ଠତି ସଦା ସା ଭକ୍ତିରିତ୍ଯୁଚ୍ଯତେ ॥ ୬୧॥
ଆନନ୍ଦାଶ୍ରୁଭିରାତନୋତି ପୁଲକଂ ନୈର୍ମଲ୍ଯତଚ୍ଛାଦନଂ
ଵାଚା ଶଙ୍ଖମୁଖେ ସ୍ଥିତୈଶ୍ଚ ଜଠରାପୂର୍ତିଂ ଚରିତ୍ରାମୃତୈଃ ।
ରୁଦ୍ରାକ୍ଷୈର୍ଭସିତେନ ଦେଵ ଵପୁଷୋ ରକ୍ଷାଂ ଭଵଦ୍ଭାଵନା-
ପର୍ଯଙ୍କେ ଵିନିଵେଶ୍ଯ ଭକ୍ତିଜନନୀ ଭକ୍ତାର୍ଭକଂ ରକ୍ଷତି ॥ ୬୨॥
ମାର୍ଗାଵର୍ତିତପାଦୁକା ପଶୁପତେରଙ୍ଗସ୍ଯ କୂର୍ଚାଯତେ
ଗଣ୍ଡୂଷାଂବୁନିଷେଚନଂ ପୁରରିପୋର୍ଦିଵ୍ଯାଭିଷେକାଯତେ ।
କିଂଚିଦ୍ଭକ୍ଷିତମାଂସଶେଷକବଲଂ ନଵ୍ଯୋପହାରାଯତେ
ଭକ୍ତିଃ କିଂ ନ କରୋତ୍ଯହୋ ଵନଚରୋ ଭକ୍ତାଵତଂସାଯତେ ॥ ୬୩॥
ଵକ୍ଷସ୍ତାଡନମନ୍ତକସ୍ଯ କଠିନାପସ୍ମାରସଂମର୍ଦନଂ
ଭୂଭୃତ୍ପର୍ଯଟନଂ ନମସ୍ସୁରଶିରଃକୋଟୀରସଂଘର୍ଷଣମ୍ ।
କର୍ମେଦଂ ମୃଦୁଲସ୍ଯ ତାଵକପଦଦ୍ଵନ୍ଦ୍ଵସ୍ଯ ଗୌରୀପତେ
ମଚ୍ଚେତୋମଣିପାଦୁକାଵିହରଣଂ ଶଂଭୋ ସଦାଙ୍ଗୀକୁରୁ ॥ ୬୪॥
ଵକ୍ଷସ୍ତାଡନଶଙ୍କଯା ଵିଚଲିତୋ ଵୈଵସ୍ଵତୋ ନିର୍ଜରାଃ
କୋଟୀରୋଜ୍ଜ୍ଵଲରତ୍ନଦୀପକଲିକାନୀରାଜନଂ କୁର୍ଵତେ ।
ଦୃଷ୍ଟ୍ଵା ମୁକ୍ତିଵଧୂସ୍ତନୋତି ନିଭୃତାଶ୍ଲେଷଂ ଭଵାନୀପତେ
ଯଚ୍ଚେତସ୍ତଵ ପାଦପଦ୍ମଭଜନଂ ତସ୍ଯେହ କିଂ ଦୁର୍ଲଭମ୍ ॥ ୬୫॥
କ୍ରୀଡାର୍ଥଂ ସୃଜସି ପ୍ରପଞ୍ଚମଖିଲଂ କ୍ରୀଡାମୃଗାସ୍ତେ ଜନାଃ
ଯତ୍କର୍ମାଚରିତଂ ମଯା ଚ ଭଵତଃ ପ୍ରୀତ୍ଯୈ ଭଵତ୍ଯେଵ ତତ୍ ।
ଶଂଭୋ ସ୍ଵସ୍ଯ କୁତୂହଲସ୍ଯ କରଣଂ ମଚ୍ଚେଷ୍ଟିତଂ ନିଶ୍ଚିତଂ
ତସ୍ମାନ୍ମାମକରକ୍ଷଣଂ ପଶୁପତେ କର୍ତଵ୍ଯମେଵ ତ୍ଵଯା ॥ ୬୬॥
ବହୁଵିଧପରିତୋଷବାଷ୍ପପୂର-
ସ୍ଫୁଟପୁଲକାଙ୍କିତଚାରୁଭୋଗଭୂମିମ୍ ।
ଚିରପଦଫଲକାଙ୍କ୍ଷିସେଵ୍ଯମାନାଂ
ପରମସଦାଶିଵଭାଵନାଂ ପ୍ରପଦ୍ଯେ ॥ ୬୭॥
ଅମିତମୁଦମୃତଂ ମୁହୁର୍ଦୁହନ୍ତୀଂ
ଵିମଲଭଵତ୍ପଦଗୋଷ୍ଠମାଵସନ୍ତୀମ୍ ।
ସଦଯ ପଶୁପତେ ସୁପୁଣ୍ଯପାକାଂ
ମମ ପରିପାଲଯ ଭକ୍ତିଧେନୁମେକାମ୍ ॥ ୬୮॥
ଜଡତା ପଶୁତା କଲଙ୍କିତା
କୁଟିଲଚରତ୍ଵଂ ଚ ନାସ୍ତି ମଯି ଦେଵ ।
ଅସ୍ତି ଯଦି ରାଜମୌଲେ
ଭଵଦାଭରଣସ୍ଯ ନାସ୍ମି କିଂ ପାତ୍ରମ୍ ॥ ୬୯॥
ଅରହସି ରହସି ସ୍ଵତନ୍ତ୍ରବୁଦ୍ଧ୍ଯା
ଵରିଵସିତୁଂ ସୁଲଭଃ ପ୍ରସନ୍ନମୂର୍ତିଃ ।
ଅଗଣିତଫଲଦାଯକଃ ପ୍ରଭୁର୍ମେ
ଜଗଦଧିକୋ ହୃଦି ରାଜଶେଖରୋଽସ୍ତି ॥ ୭୦॥
ଆରୂଢଭକ୍ତିଗୁଣକୁଞ୍ଚିତଭାଵଚାପ-
ଯୁକ୍ତୈଃ ଶିଵସ୍ମରଣବାଣଗଣୈରମୋଘୈଃ ।
ନିର୍ଜିତ୍ଯ କିଲ୍ବିଷରିପୂନ୍ ଵିଜଯୀ ସୁଧୀନ୍ଦ୍ରଃ
ସାନନ୍ଦମାଵହତି ସୁସ୍ଥିରରାଜଲକ୍ଷ୍ମୀମ୍ ॥ ୭୧॥
ଧ୍ଯାନାଞ୍ଜନେନ ସମଵେକ୍ଷ୍ଯ ତମଃପ୍ରଦେଶଂ
ଭିତ୍ଵା ମହାବଲିଭିରୀଶ୍ଵରନାମମନ୍ତ୍ରୈଃ ।
ଦିଵ୍ଯାଶ୍ରିତଂ ଭୁଜଗଭୂଷଣମୁଦ୍ଵହନ୍ତି
ଯେ ପାଦପଦ୍ମମିହ ତେ ଶିଵ ତେ କୃତାର୍ଥାଃ ॥ ୭୨॥
ଭୂଦାରତାମୁଦଵହଦ୍ଯଦପେକ୍ଷଯା ଶ୍ରୀ-
ଭୂଦାର ଏଵ କିମତଃ ସୁମତେ ଲଭସ୍ଵ ।
କେଦାରମାକଲିତମୁକ୍ତିମହୌଷଧୀନାଂ
ପାଦାରଵିନ୍ଦଭଜନଂ ପରମେଶ୍ଵରସ୍ଯ । ୭୩॥
ଆଶାପାଶକ୍ଲେଶଦୁର୍ଵାସନାଦି-
ଭେଦୋଦ୍ଯୁକ୍ତୈର୍ଦିଵ୍ଯଗନ୍ଧୈରମନ୍ଦୈଃ ।
ଆଶାଶାଟୀକସ୍ଯ ପାଦାରଵିନ୍ଦଂ
ଚେତଃପେଟୀଂ ଵାସିତାଂ ମେ ତନୋତୁ ॥ ୭୪॥
କଲ୍ଯାଣିନାଂ ସରସଚିତ୍ରଗତିଂ ସଵେଗଂ
ସର୍ଵେଙ୍ଗିତଜ୍ଞମନଘଂ ଧ୍ରୁଵଲକ୍ଷଣାଢ୍ଯମ୍ ।
ଚେତସ୍ତୁରଙ୍ଗମଧିରୁହ୍ଯ ଚର ସ୍ମରାରେ
ନେତଃ ସମସ୍ତଜଗତାଂ ଵୃଷଭାଧିରୂଢ ॥ ୭୫॥
ଭକ୍ତିର୍ମହେଶପଦପୁଷ୍କରମାଵସନ୍ତୀ
କାଦମ୍ବିନୀଵ କୁରୁତେ ପରିତୋଷଵର୍ଷମ୍ ।
ସମ୍ପୂରିତୋ ଭଵତି ଯସ୍ଯ ମନସ୍ତ୍ତଟାକ-
ସ୍ତଜ୍ଜନ୍ମସସ୍ଯମଖିଲଂ ସଫଲଂ ଚ ନାଽନ୍ଯତ୍ ॥ ୭୬॥
ବୁଦ୍ଧିଃସ୍ଥିରା ଭଵିତୁମୀଶ୍ଵରପାଦପଦ୍ମ-
ସକ୍ତା ଵଧୂର୍ଵିରହିଣୀଵ ସଦା ସ୍ମରନ୍ତୀ ।
ସଦ୍ଭାଵନାସ୍ମରଣଦର୍ଶନକୀର୍ତନାଦି
ସଂମୋହିତେଵ ଶିଵମନ୍ତ୍ରଜପେନ ଵିନ୍ତେ ॥ ୭୭॥
ସଦୁପଚାରଵିଧିଷ୍ଵନୁବୋଧିତାଂ
ସଵିନଯାଂ ସହୃଦଯଂ ସଦୁପାଶ୍ରିତାମ୍ ।
ମମ ସମୁଦ୍ଧର ବୁଦ୍ଧିମିମାଂ ପ୍ରଭୋ
ଵରଗୁଣେନ ନଵୋଢଵଧୂମିଵ ॥ ୭୮॥
ନିତ୍ଯଂ ଯୋଗିମନଃ ସରୋଜଦଲସଞ୍ଚାରକ୍ଷମସ୍ତ୍ଵତ୍କ୍ରମଃ
ଶଂଭୋ ତେନ କଥଂ କଠୋରଯମରାଡ୍ଵକ୍ଷଃକଵାଟକ୍ଷତିଃ ।
ଅତ୍ଯନ୍ତଂ ମୃଦୁଲଂ ତ୍ଵଦଙ୍ଘ୍ରିଯୁଗଲଂ ହା ମେ ମନଶ୍ଚିନ୍ତଯ-
ତ୍ଯେତଲ୍ଲୋଚନଗୋଚରଂ କୁରୁ ଵିଭୋ ହସ୍ତେନ ସଂଵାହଯେ ॥ ୭୯।
ଏଷ୍ଯତ୍ଯେଷ ଜନିଂ ମନୋଽସ୍ଯ କଠିନଂ ତସ୍ମିନ୍ନଟାନୀତି ମ-
ଦ୍ରକ୍ଷାଯୈ ଗିରିସୀମ୍ନି କୋମଲପଦନ୍ଯାସଃ ପୁରାଭ୍ଯାସିତଃ ।
ନୋଚେଦ୍ଦିଵ୍ଯଗୃହାନ୍ତରେଷୁ ସୁମନସ୍ତଲ୍ପେଷୁ ଵେଦ୍ଯାଦିଷୁ
ପ୍ରାଯଃ ସତ୍ସୁ ଶିଲାତଲେଷୁ ନଟନଂ ଶଂଭୋ କିମର୍ଥଂ ତଵ ॥ ୮୦॥
କଂଚିତ୍କାଲମୁମାମହେଶ ଭଵତଃ ପାଦାରଵିନ୍ଦାର୍ଚନୈଃ
କଂଚିଦ୍ଧ୍ଯାନସମାଧିଭିଶ୍ଚ ନତିଭିଃ କଂଚିତ୍କଥାକର୍ଣନୈଃ ।
କଂଚିତ୍ କଂଚିଦଵେକ୍ଷନୈଶ୍ଚ ନୁତିଭିଃ କଂଚିଦ୍ଦଶାମୀଦୃଶୀଂ
ଯଃ ପ୍ରାପ୍ନୋତି ମୁଦା ତ୍ଵଦର୍ପିତମନା ଜୀଵନ୍ ସ ମୁକ୍ତଃ ଖଲୁ
॥ ୮୧॥
ବାଣତ୍ଵଂ ଵୃଷଭତ୍ଵମର୍ଧଵପୁଷା ଭାର୍ଯାତ୍ଵମାର୍ଯାପତେ
ଘୋଣିତ୍ଵଂ ସଖିତା ମୃଦଙ୍ଗଵହତା ଚେତ୍ଯାଦି ରୂପଂ ଦଧୌ ।
ତ୍ଵତ୍ପାଦେ ନଯନାର୍ପଣଂ ଚ କୃତଵାନ୍ ତ୍ଵଦ୍ଦେହଭାଗୋ ହରିଃ
ପୂଜ୍ଯାତ୍ପୂଜ୍ଯତରଃ ସ ଏଵ ହି ନ ଚେତ୍ କୋ ଵା ତଦାନ୍ଯୋଽଧିକଃ ॥ ୮୨॥
ଜନନମୃତିଯୁତାନାଂ ସେଵଯା ଦେଵତାନାଂ
ନ ଭଵତି ସୁଖଲେଶଃ ସଂଶଯୋ ନାସ୍ତି ତତ୍ର ।
ଅଜନିମମୃତରୂପଂ ସାମ୍ବମୀଶଂ ଭଜନ୍ତେ
ଯ ଇହ ପରମସୌଖ୍ଯଂ ତେ ହି ଧନ୍ଯା ଲଭନ୍ତେ ॥ ୮୩॥
ଶିଵ ତଵ ପରିଚର୍ଯାସନ୍ନିଧାନାଯ ଗୌର୍ଯା
ଭଵ ମମ ଗୁଣଧୁର୍ଯାଂ ବୁଦ୍ଧିକନ୍ଯାଂ ପ୍ରଦାସ୍ଯେ ।
ସକଲଭୁଵନବନ୍ଧୋ ସଚ୍ଚିଦାନନ୍ଦସିନ୍ଧୋ
ସଦଯ ହୃଦଯଗେହେ ସର୍ଵଦା ସଂଵସ ତ୍ଵମ୍ ॥ ୮୪॥
ଜଲଧିମଥନଦକ୍ଷୋ ନୈଵ ପାତାଲଭେଦୀ
ନ ଚ ଵନମୃଗଯାଯାଂ ନୈଵ ଲୁବ୍ଧଃ ପ୍ରଵୀଣଃ ।
ଅଶନକୁସୁମଭୂଷାଵସ୍ତ୍ରମୁଖ୍ଯାଂ ସପର୍ଯାଂ
କଥଯ କଥମହଂ ତେ କଲ୍ପଯାନୀନ୍ଦୁମୌଲେ ॥ ୮୫॥
ପୂଜାଦ୍ରଵ୍ଯସମୃଦ୍ଧଯୋ ଵିରଚିତାଃ ପୂଜାଂ କଥଂ କୁର୍ମହେ
ପକ୍ଷିତ୍ଵଂ ନ ଚ ଵା କିଟିତ୍ଵମପି ନ ପ୍ରାପ୍ତଂ ମଯା ଦୁର୍ଲଭମ୍ ।
ଜାନେ ମସ୍ତକମଙ୍ଘ୍ରିପଲ୍ଲଵମୁମାଜାନେ ନ ତେଽହଂ ଵିଭୋ
ନ ଜ୍ଞାତଂ ହି ପିତାମହେନ ହରିଣା ତତ୍ତ୍ଵେନ ତଦ୍ରୂପିଣା ॥ ୮୬॥
ଅଶଲଂ ଗରଲଂ ଫଣୀ କଲାପୋ
ଵସନଂ ଚର୍ମ ଚ ଵାହନଂ ମହୋକ୍ଷଃ ।
ମମ ଦାସ୍ଯସି କିଂ କିମସ୍ତି ଶଂଭୋ
ତଵ ପାଦାମ୍ବୁଜଭକ୍ତିମେଵ ଦେହି ॥ ୮୭॥
ଯଦା କୃତାଂଭୋନିଧିସେତୁବନ୍ଧନଃ
କରସ୍ଥଲାଧଃକୃତପର୍ଵତାଧିପଃ ।
ଭଵାନି ତେ ଲଙ୍ଘିତପଦ୍ମସଂଭଵଃ
ତଦା ଶିଵାର୍ଚାସ୍ତଵଭାଵନକ୍ଷମଃ ॥ ୮୮॥
ନତିଭିର୍ନୁତିଭିସ୍ତ୍ଵମୀଶପୂଜା-
ଵିଧିଭିର୍ଧ୍ଯାନସମାଧିଭିର୍ନ ତୁଷ୍ଟଃ ।
ଧନୁଷା ମୁସଲେନ ଚାଶ୍ମଭିର୍ଵା
ଵଦ ତେ ପ୍ରୀତିକରଂ ତଥା କରୋମି ॥ ୮୯॥
ଵଚସା ଚରିତଂ ଵଦାମି ଶଂଭୋ-
ରହମୁଦ୍ଯୋଗଵିଧାସୁ ତେଽପ୍ରସକ୍ତଃ ।
ମନସା କୃତିମୀଶ୍ଵରସ୍ଯ ସେଵେ
ଶିରସା ଚୈଵ ସଦାଶିଵଂ ନମାମି ॥ ୯୦॥
ଆଦ୍ଯାଽଵିଦ୍ଯା ହୃଦ୍ଗତା ନିର୍ଗତାସୀ-
ଦ୍ଵିଦ୍ଯା ହୃଦ୍ଯା ହୃଦ୍ଗତା ତ୍ଵତ୍ପ୍ରସାଦାତ୍ ।
ସେଵେ ନିତ୍ଯଂ ଶ୍ରୀକରଂ ତ୍ଵତ୍ପଦାବ୍ଜଂ
ଭାଵେ ମୁକ୍ତେର୍ଭାଜନଂ ରାଜମୌଲେ ॥ ୯୧॥
ଦୂରୀକୃତାନି ଦୁରିତାନି ଦୁରକ୍ଷରାଣି
ଦୌର୍ଭାଗ୍ଯଦୁଃଖଦୁରହଂକୃତିଦୁର୍ଵଚାଂସି ।
ସାରଂ ତ୍ଵଦୀଯଚରିତଂ ନିତରାଂ ପିବନ୍ତଂ
ଗୌରୀଶ ମାମିହ ସମୁଦ୍ଧର ସତ୍କଟାକ୍ଷୈଃ ॥ ୯୨॥
ସୋମକଲାଧରମୌଲୌ
କୋମଲଘନକନ୍ଧରେ ମହାମହସି ।
ସ୍ଵାମିନି ଗିରିଜାନାଥେ
ମାମକହୃଦଯଂ ନିରନ୍ତରଂ ରମତାମ୍ ॥ ୯୩॥
ସା ରସନା ତେ ନଯନେ
ତାଵେଵ କରୌ ସ ଏଵ କୃତକୃତ୍ଯଃ ।
ଯା ଯେ ଯୌ ଯୋ ଭର୍ଗଂ
ଵଦତୀକ୍ଷେତେ ସଦାର୍ଚତଃ ସ୍ମରତି ॥ ୯୪॥
ଅତିମୃଦୁଲୌ ମମ ଚରଣା-
ଵତିକଠିନଂ ତେ ମନୋ ଭଵାନୀଶ ।
ଇତି ଵିଚିକିତ୍ସାଂ ସଂତ୍ଯଜ
ଶିଵ କଥମାସୀଦ୍ଗିରୌ ତଥା ପ୍ରଵେଶଃ ॥ ୯୫॥
ଧୈର୍ଯାଙ୍କୁଶେନ ନିଭୃତଂ
ରଭସାଦାକୃଷ୍ଯ ଭକ୍ତିଶୃଙ୍ଖଲଯା ।
ପୁରହର ଚରଣାଲାନେ
ହୃଦଯମଦେଭଂ ବଧାନ ଚିଦ୍ଯନ୍ତ୍ରୈଃ ॥ ୯୬॥
ପ୍ରଚରତ୍ଯଭିତଃ ପ୍ରଗଲ୍ଭଵୃତ୍ତ୍ଯା
ମଦଵାନେଷ ମନଃ କରୀ ଗରୀଯାନ୍ ।
ପରିଗୃହ୍ଯ ନଯେନ ଭକ୍ତିରଜ୍ଜ୍ଵା
ପରମ ସ୍ଥାଣୁପଦଂ ଦୃଢଂ ନଯାମୁମ୍ ॥ ୯୭॥
ସର୍ଵାଲଂକାରଯୁକ୍ତାଂ ସରଲପଦଯୁତାଂ ସାଧୁଵୃତ୍ତାଂ ସୁଵର୍ଣାଂ
ସଦ୍ଭିଃସଂସ୍ତୂଯମାନାଂ ସରସଗୁଣଯୁତାଂ ଲକ୍ଷିତାଂ ଲକ୍ଷଣାଢ୍ଯାମ୍ ।
ଉଦ୍ଯଦ୍ଭୂଷାଵିଶେଷାମୁପଗତଵିନଯାଂ ଦ୍ଯୋତମାନାର୍ଥରେଖାଂ
କଲ୍ଯାଣୀଂ ଦେଵ ଗୌରୀପ୍ରିଯ ମମ କଵିତାକନ୍ଯକାଂ ତ୍ଵଂ ଗୃହାଣ
॥ ୯୮॥
ଇଦଂ ତେ ଯୁକ୍ତଂ ଵା ପରମଶିଵ କାରୁଣ୍ଯଜଲଧେ
ଗତୌ ତିର୍ଯଗ୍ରୂପଂ ତଵ ପଦଶିରୋଦର୍ଶନଧିଯା ।
ହରିବ୍ରହ୍ମାଣୌ ତୌ ଦିଵି ଭୁଵି ଚରନ୍ତୌ ଶ୍ରମଯୁତୌ
କଥଂ ଶଂଭୋ ସ୍ଵାମିନ୍ କଥଯ ମମ ଵେଦ୍ଯୋଽସି ପୁରତଃ ॥ ୯୯॥
ସ୍ତୋତ୍ରେଣାଲମହଂ ପ୍ରଵଚ୍ମି ନ ମୃଷା ଦେଵା ଵିରିଞ୍ଚାଦଯ୍ଃ
ସ୍ତୁତ୍ଯାନଂ ଗଣନାପ୍ରସଙ୍ଗସମଯେ ତ୍ଵାମଗ୍ରଗଣ୍ଯଂ ଵିଦୁଃ ।
ମାହାତ୍ମ୍ଯାଗ୍ରଵିଚାରଣପ୍ରକରଣେ ଧାନାତୁଷସ୍ତୋମଵ-
ଦ୍ଧୂତାସ୍ତ୍ଵାଂ ଵିଦୁରୁତ୍ତମୋତ୍ତମଫଲଂ ଶଂଭୋ ଭଵତ୍ସେଵକାଃ ॥ ୧୦୦॥
॥ ଇତି ଶ୍ରୀମଚ୍ଛଙ୍କରାଚାର୍ଯଵିରଚିତ
ଶିଵାନନ୍ଦଲହରୀ ସମାପ୍ତା ॥
#ଏନ୍ଦ୍ସନ୍ସ୍କ୍ରିତ୍
Pଲେଅସେ ସେନ୍ଦ୍ ଚୋର୍ରେଚ୍ତିଓନ୍ସ୍ ତୋ ସନ୍ସ୍କ୍ରିତ୍@ଚୀର୍ୁଲ୍।ଚୋମ୍
ଳସ୍ତ୍ ଉପ୍ଦତେଦ୍ tଓଦଯ୍
ହ୍ତ୍ତ୍ପ୍://ସନ୍ସ୍କ୍ରିତ୍ଦୋଚୁମେନ୍ତ୍ସ୍।ଓର୍ଗ୍
ଶିଵାନନ୍ଦଲହରୀ
Encoded and proofread by P . P . Narayanaswami at
swami at math.mun.ca
କଲାଭ୍ଯାଂ ଚୂଡାଲଙ୍କୃତଶଶିକଲାଭ୍ଯାଂ ନିଜତପଃ-
ଫଲାଭ୍ଯାଂ ଭକ୍ତେଷୁ ପ୍ରକଟିତଫଲାଭ୍ଯାଂ ଭଵତୁ ମେ ।
ଶିଵାଭ୍ଯାମସ୍ତୋକତ୍ରିଭୁଵନଶିଵାଭ୍ଯାଂ ହୃଦି ପୁନ-
ର୍ଭଵାଭ୍ଯାମାନନ୍ଦସ୍ଫୁରଦନୁଭଵାଭ୍ଯାଂ ନତିରିଯମ୍ ॥ ୧॥
ଗଲନ୍ତୀ ଶଂଭୋ ତ୍ଵଚ୍ଚରିତସରିତଃ କିଲ୍ବିଷରଜୋ
ଦଲନ୍ତୀ ଧୀକୁଲ୍ଯାସରଣିଷୁ ପତନ୍ତୀ ଵିଜଯତାମ୍ ।
ଦିଶନ୍ତୀ ସଂସାରଭ୍ରମଣପରିତାପୋପଶମନଂ
ଵସନ୍ତୀ ମଚ୍ଚେତୋହୃଦଭୁଵି ଶିଵାନନ୍ଦଲହରୀ ॥ ୨॥
ତ୍ରଯୀଵେଦ୍ଯଂ ହୃଦ୍ଯଂ ତ୍ରିପୁରହରମାଦ୍ଯଂ ତ୍ରିନଯନଂ
ଜଟାଭାରୋଦାରଂ ଚଲଦୁରଗହାରଂ ମୃଗଧରମ୍ ।
ମହାଦେଵଂ ଦେଵଂ ମଯି ସଦଯଭାଵଂ ପଶୁପତିଂ
ଚିଦାଲମ୍ବଂ ସାମ୍ବଂ ଶିଵମତିଵିଡମ୍ବଂ ହୃଦି ଭଜେ ॥ ୩॥
ସହସ୍ରଂ ଵର୍ତନ୍ତେ ଜଗତି ଵିବୁଧାଃ କ୍ଷୁଦ୍ରଫଲଦା
ନ ମନ୍ଯେ ସ୍ଵପ୍ନେ ଵା ତଦନୁସରଣଂ ତତ୍କୃତଫଲମ୍ ।
ହରିବ୍ରହ୍ମାଦୀନାମାପି ନିକଟଭାଜାମସୁଲଭଂ
ଚିରଂ ଯାଚେ ଶଂଭୋ ତଵ ପଦାଂଭୋଜଭଜନମ୍ ॥ ୪॥
ସ୍ମୃତୌ ଶାସ୍ତ୍ରେ ଵୈଦ୍ଯେ ଶକୁନକଵିତାଗାନଫଣିତୌ
ପୁରାଣେ ମନ୍ତ୍ରେ ଵା ସ୍ତୁତିନଟନହାସ୍ଯେଷ୍ଵଚତୁରଃ ।
କଥଂ ରାଜ୍ଞାଂ ପ୍ରୀତିର୍ଭଵତି ମଯି କୋଽହଂ ପଶୁପତେ
ପଶୁଂ ମାଂ ସର୍ଵଜ୍ଞ ପ୍ରଥିତ କୃପଯା ପାଲଯ ଵିଭୋ ॥ ୫॥
ଘଟୋ ଵା ମୃତ୍ପିଣ୍ଡୋଽପ୍ଯଣୁରପି ଚ ଧୂମୋଽଗ୍ନିରଚଲଃ
ପଟୋ ଵା ତନ୍ତୁର୍ଵା ପରିହରତି କିଂ ଘୋରଶମନମ୍ ।
ଵୃଥା କଣ୍ଠକ୍ଷୋଭଂ ଵହସି ତରସା ତର୍କଵଚସା
ପଦାମ୍ଭୋଜଂ ଶଂଭୋର୍ଭଜ ପରମସୌଖ୍ଯଂ ଵ୍ରଜ ସୁଧୀଃ ॥ ୬॥
ମନସ୍ତେ ପାଦାବ୍ଜେ ନିଵସତୁ ଵଚଃ ସ୍ତୋତ୍ରଫଣିତୌ
କରୌ ଚାଭ୍ଯର୍ଚାଯାଂ ଶ୍ରୁତିରପି କଥାକର୍ଣନଵିଧୌ ।
ତଵ ଧ୍ଯାନେ ବୁଦ୍ଧିର୍ନଯନଯୁଗଲଂ ମୂର୍ତିଵିଭଵେ
ପରଗ୍ରନ୍ଥାନ୍ କୈର୍ଵା ପରମଶିଵ ଜାନେ ପରମତଃ ॥ ୭॥
ଯଥା ବୁଦ୍ଧିଃ ଶୁକ୍ତୌ ରଜତମିତି କାଚାଶ୍ମନି ମଣି-
ର୍ଜଲେ ପୈଷ୍ଟେ କ୍ଷୀରଂ ଭଵତି ମୃଗତୃଷ୍ଣାସୁ ସଲିଲମ୍ ।
ତଥା ଦେଵଭ୍ରାନ୍ତ୍ଯା ଭଜତି ଭଵଦନ୍ଯଂ ଜଡଜନୋ
ମହାଦେଵେଶଂ ତ୍ଵାଂ ମନସି ଚ ନ ମତ୍ଵା ପଶୁପତେ ॥ ୮॥
ଗଭୀରେ କାସାରେ ଵିଶତି ଵିଜନେ ଘୋରଵିପିନେ
ଵିଶାଲେ ଶୈଲେ ଚ ଭ୍ରମତି କୁସୁମାର୍ଥଂ ଜଡମତିଃ ।
ସମର୍ପ୍ଯୈକଂ ଚେତଃ ସରସିଜମୁମାନାଥ ଭଵତେ
ସୁଖେନାଵସ୍ଥାତୁଂ ଜନ ଇହ ନ ଜାନାତି କିମହୋ ॥ ୯॥
ନରତ୍ଵଂ ଦେଵତ୍ଵଂ ନଗଵନମୃଗତ୍ଵଂ ମଶକତା
ପଶୁତ୍ଵଂ କୀଟତ୍ଵଂ ଭଵତୁ ଵିହଗତ୍ଵାଦି ଜନନମ୍ ।
ସଦା ତ୍ଵତ୍ପାଦାବ୍ଜସ୍ମରଣପରମାନନ୍ଦଲହରୀ-
ଵିହାରାସକ୍ତଂ ଚେଦ୍ଧୃଦଯମିହ କିଂ ତେନ ଵପୁଷା ॥ ୧୦॥
ଵଟୁର୍ଵା ଗେହୀ ଵା ଯତିରପି ଜଟୀ ଵା ତଦିତରୋ
ନରୋ ଵା ଯଃ କଶ୍ଚିଦ୍ଭଵତୁ ଭଵ କିଂ ତେନ ଭଵତି ।
ଯଦୀଯଂ ହୃତ୍ପଦ୍ମଂ ଯଦି ଭଵଦଧୀନଂ ପଶୁପତେ
ତଦୀଯସ୍ତ୍ଵଂ ଶଂଭୋ ଭଵସି ଭଵଭାରଂ ଚ ଵହସି ॥ ୧୧॥
ଗୁହାଯାଂ ଗେହେ ଵା ବହିରପି ଵନେ ଵାଽଦ୍ରିଶିଖରେ
ଜଲେ ଵା ଵହ୍ନୌ ଵା ଵସତୁ ଵସତେଃ କିଂ ଵଦ ଫଲମ୍ ।
ସଦା ଯସ୍ଯୈଵାନ୍ତଃକରଣମପି ଶଂଭୋ ତଵ ପଦେ
ସ୍ଥିତଂ ଚେଦ୍ଯୋଗୋଽସୌ ସ ଚ ପରମଯୋଗୀ ସ ଚ ସୁଖୀ ॥ ୧୨॥
ଅସାରେ ସଂସାରେ ନିଜଭଜନଦୂରେ ଜଡଧିଯା
ଭ୍ରମନ୍ତଂ ମାମନ୍ଧଂ ପରମକୃପଯା ପାତୁମୁଚିତମ୍ ।
ମଦନ୍ଯଃ କୋ ଦୀନସ୍ତଵ କୃପଣରକ୍ଷାତିନିପୁଣ-
ସ୍ତ୍ଵଦନ୍ଯଃ କୋ ଵା ମେ ତ୍ରିଜଗତି ଶରଣ୍ଯଃ ପଶୁପତେ ॥ ୧୩॥
ପ୍ରଭୁସ୍ତ୍ଵଂ ଦୀନାନାଂ ଖଲୁ ପରମବନ୍ଧୁଃ ପଶୁପତେ
ପ୍ରମୁଖ୍ଯୋଽହଂ ତେଷାମପି କିମୁତ ବନ୍ଧୁତ୍ଵମନଯୋଃ ।
ତ୍ଵଯୈଵ କ୍ଷନ୍ତଵ୍ଯାଃ ଶିଵ ମଦପରାଧାଶ୍ଚ ସକଲାଃ
ପ୍ରଯତ୍ନାତ୍କର୍ତଵ୍ଯଂ ମଦଵନମିଯଂ ବନ୍ଧୁସରଣିଃ ॥ ୧୪॥
ଉପେକ୍ଷା ନୋ ଚେତ୍ କିଂ ନ ହରସି ଭଵଦ୍ଧ୍ଯାନଵିମୁଖାଂ
ଦୁରାଶାଭୂଯିଷ୍ଠାଂ ଵିଧିଲିପିମଶକ୍ତୋ ଯଦି ଭଵାନ୍ ।
ଶିରସ୍ତଦ୍ଵୈଧାତ୍ରଂ ନ ନଖଲୁ ସୁଵୃତ୍ତଂ ପଶୁପତେ
କଥଂ ଵା ନିର୍ଯତ୍ନଂ କରନଖମୁଖେନୈଵ ଲୁଲିତମ୍ ॥ ୧୫॥
ଵିରିଞ୍ଚିର୍ଦୀର୍ଘାଯୁର୍ଭଵତୁ ଭଵତା ତତ୍ପରଶିର-
ଶ୍ଚତୁଷ୍କଂ ସଂରକ୍ଷ୍ଯଂ ସ ଖଲୁ ଭୁଵି ଦୈନ୍ଯଂ ଲିଖିତଵାନ୍ ।
ଵିଚାରଃ କୋ ଵା ମାଂ ଵିଶଦ କୃପଯା ପାତି ଶିଵ ତେ
କଟାକ୍ଷଵ୍ଯାପାରଃ ସ୍ଵଯମପି ଚ ଦୀନାଵନପରଃ ॥ ୧୬॥
ଫଲାଦ୍ଵା ପୁଣ୍ଯାନାଂ ମଯି କରୁଣଯା ଵା ତ୍ଵଯି ଵିଭୋ
ପ୍ରସନ୍ନେଽପି ସ୍ଵାମିନ୍ ଭଵଦମଲପାଦାବ୍ଜଯୁଗଲମ୍ ।
କଥଂ ପଶ୍ଯେଯଂ ମାଂ ସ୍ଥଗଯତି ନମଃ ସଂଭ୍ରମଜୁଷାଂ
ନିଲିମ୍ପାନାଂ ଶ୍ରୋଣିର୍ନିଜକନକମାଣିକ୍ଯମକୁଟୈଃ ॥ ୧୭॥
ତ୍ଵମେକୋ ଲୋକାନାଂ ପରମଫଲଦୋ ଦିଵ୍ଯପଦଵୀଂ
ଵହନ୍ତସ୍ତ୍ଵନ୍ମୂଲାଂ ପୁନରପି ଭଜନ୍ତେ ହରିମୁଖାଃ ।
କିଯଦ୍ଵା ଦାକ୍ଷିଣ୍ଯଂ ତଵ ଶିଵ ମଦାଶା ଚ କିଯତୀ
କଦା ଵା ମଦ୍ରକ୍ଷାଂ ଵହସି କରୁଣାପୂରିତଦୃଶା ॥ ୧୮॥
ଦୁରାଶାଭୂଯିଷ୍ଠେ ଦୁରଧିପଗୃହଦ୍ଵାରଘଟକେ
ଦୁରନ୍ତେ ସଂସାରେ ଦୁରିତନିଲଯେ ଦୁଃଖଜନକେ ।
ମଦାଯାସଂ କିଂ ନ ଵ୍ଯପନଯସି କସ୍ଯୋପକୃତଯେ
ଵଦେଯଂ ପ୍ରୀତିଶ୍ଚେତ୍ତଵ ଶିଵ କୃତାର୍ଥାଃ ଖଲୁ ଵଯମ୍ ॥ ୧୯॥
ସଦା ମୋହାଟଵ୍ଯାଂ ଚରତି ଯୁଵତୀନାଂ କୁଚଗିରୌ
ନଟତ୍ଯାଶାଶାଖାସ୍ଵଟତି ଝଟିତି ସ୍ଵୈରମଭିତଃ ।
କପାଲିନ୍ ଭିକ୍ଷୋ ମେ ହୃଦଯକପିମତ୍ଯନ୍ତଚପଲଂ
ଦୃଢଂ ଭକ୍ତ୍ଯା ବଦ୍ଧ୍ଵା ଶିଵ ଭଵଦଧୀନଂ କୁରୁ ଵିଭୋ ॥ ୨୦॥
ଧୃତିସ୍ତଂଭାଧାରାଂ ଦୃଢଗୁଣନିବଦ୍ଧାଂ ସଗମନାଂ
ଵିଚିତ୍ରାଂ ପଦ୍ମାଢ୍ଯାଂ ପ୍ରତିଦିଵସସନ୍ମାର୍ଗଘଟିତାମ୍ ।
ସ୍ମରାରେ ମଚ୍ଚେତଃସ୍ଫୁଟପଟକୁଟୀଂ ପ୍ରାପ୍ଯ ଵିଶଦାଂ
ଜଯ ସ୍ଵାମିନ୍ ଶକ୍ତ୍ଯା ସହ ଶିଵଗଣୈଃ ସେଵିତ ଵିଭୋ ॥ ୨୧॥
ପ୍ରଲୋଭାଦ୍ଯୈରର୍ଥାହରଣପରତନ୍ତ୍ରୋ ଧନିଗୃହେ
ପ୍ରଵେଶୋଦ୍ଯୁକ୍ତସ୍ସନ୍ ଭ୍ରମତି ବହୁଧା ତସ୍କରପତେ ।
ଇମଂ ଚେତଶ୍ଚୋରଂ କଥମିହ ସହେ ଶଂକର ଵିଭୋ
ତଵାଧୀନଂ କୃତ୍ଵା ମଯି ନିରପରାଧେ କୁରୁ କୃପାମ୍ ॥ ୨୨॥
କରୋମି ତ୍ଵତ୍ପୂଜାଂ ସପଦି ସୁଖଦୋ ମେ ଭଵ ଵିଭୋ
ଵିଧିତ୍ଵଂ ଵିଷ୍ଣୁତ୍ଵଂ ଦିଶସି ଖଲୁ ତସ୍ଯାଃ ଫଲମିତି ।
ପୁନଶ୍ଚ ତ୍ଵାଂ ଦ୍ରଷ୍ଟୁଂ ଦିଵି ଭୁଵି ଵହନ୍ ପକ୍ଷିମୃଗତା-
ମଦୃଷ୍ଟ୍ଵା ତତ୍ଖେଦଂ କଥମିହ ସହେ ଶଂକର ଵିଭୋ ॥ ୨୩॥
କଦା ଵା କୈଲାସେ କନକମଣିସୌଧେ ସହଗଣୈ-
ର୍ଵସନ୍ ଶଂଭୋରଗ୍ରେ ସ୍ଫୁଟଘଟିତମୂର୍ଧାଞ୍ଜଲିପୁଟଃ ।
ଵିଭୋ ସାମ୍ବ ସ୍ଵାମିନ୍ ପରମଶିଵ ପାହୀତି ନିଗଦନ୍
ଵିଧାତୄଣାଂ କଲ୍ପାନ୍ କ୍ଷଣମିଵ ଵିନେଷ୍ଯାମି ସୁଖତଃ ॥ ୨୪॥
ସ୍ତଵୈର୍ବ୍ରହ୍ମାଦୀନାଂ ଜଯଜଯଵଚୋଭିର୍ନିଯମିନାଂ
ଗଣାନାଂ କେଲୀଭିର୍ମଦକଲମହୋକ୍ଷସ୍ଯ କକୁଦି ।
ସ୍ଥିତଂ ନୀଲଗ୍ରୀଵଂ ତ୍ରିନଯନମୁମାଶ୍ଲିଷ୍ଟଵପୁଷଂ
କଦା ତ୍ଵାଂ ପଶ୍ଯେଯଂ କରଧୃତମୃଗଂ ଖଣ୍ଡପରଶୁମ୍ ॥ ୨୫॥
କଦା ଵା ତ୍ଵାଂ ଦୃଷ୍ଟ୍ଵା ଗିରିଶ ତଵ ଭଵ୍ଯାଙ୍ଘ୍ରିଯୁଗଲଂ
ଗୃହୀତ୍ଵା ହସ୍ତାଭ୍ଯାଂ ଶିରସି ନଯନେ ଵକ୍ଷସି ଵହନ୍ ।
ସମାଶ୍ଲିଷ୍ଯାଘ୍ରାଯ ସ୍ଫୁଟଜଲଜଗନ୍ଧାନ୍ ପରିମଲା-
ନଲାଭ୍ଯାଂ ବ୍ରହ୍ମାଦ୍ଯୈର୍ମୁଦମନୁଭଵିଷ୍ଯାମି ହୃଦଯେ ॥ ୨୬॥
କରସ୍ଥେ ହେମାଦ୍ରୌ ଗିରିଶ ନିକଟସ୍ଥେ ଧନପତୌ
ଗୃହସ୍ଥେ ସ୍ଵର୍ଭୂଜାଽମରସୁରଭିଚିନ୍ତାମଣିଗଣେ ।
ଶିରସ୍ଥେ ଶୀତାଂଶୌ ଚରଣଯୁଗଲସ୍ଥେଽଖିଲଶୁଭେ
କମର୍ଥଂ ଦାସ୍ଯେଽହଂ ଭଵତୁ ଭଵଦର୍ଥଂ ମମ ମନଃ ॥ ୨୭॥
ସାରୂପ୍ଯଂ ତଵ ପୂଜନେ ଶିଵ ମହାଦେଵେତି ସଂକୀର୍ତନେ
ସାମୀପ୍ଯଂ ଶିଵଭକ୍ତିଧୁର୍ଯଜନତାସାଂଗତ୍ଯସଂଭାଷଣେ ।
ସାଲୋକ୍ଯଂ ଚ ଚରାଚରାତ୍ମକତନୁଧ୍ଯାନେ ଭଵାନୀପତେ
ସାଯୁଜ୍ଯଂ ମମ ସିଦ୍ଧମତ୍ର ଭଵତି ସ୍ଵାମିନ୍ କୃତାର୍ଥୋଽସ୍ମ୍ଯହମ୍
॥ ୨୮॥
ତ୍ଵତ୍ପାଦାମ୍ବୁଜମର୍ଚଯାମି ପରମଂ ତ୍ଵାଂ ଚିନ୍ତଯାମ୍ଯନ୍ଵହଂ
ତ୍ଵାମୀଶଂ ଶରଣଂ ଵ୍ରଜାମି ଵଚସା ତ୍ଵାମେଵ ଯାଚେ ଵିଭୋ ।
ଵୀକ୍ଷାଂ ମେ ଦିଶ ଚାକ୍ଷୁଷୀଂ ସକରୁଣାଂ ଦିଵ୍ଯୈଶ୍ଚିରଂ ପ୍ରାର୍ଥିତାଂ
ଶଂଭୋ ଲୋକଗୁରୋ ମଦୀଯମନସଃ ସୌଖ୍ଯୋପଦେଶଂ କୁରୁ ॥ ୨୯॥
ଵସ୍ତ୍ରୋଦ୍ଧୂତଵିଧୌ ସହସ୍ରକରତା ପୁଷ୍ପାର୍ଚନେ ଵିଷ୍ଣୁତା
ଗନ୍ଧେ ଗନ୍ଧଵହାତ୍ମତାଽନ୍ନପଚନେ ବର୍ହିର୍ମୁଖାଧ୍ଯକ୍ଷତା ।
ପାତ୍ରେ କାଞ୍ଚନଗର୍ଭତାସ୍ତି ମଯି ଚେଦ୍ ବାଲେନ୍ଦୁଚୂଡାମଣେ
ଶୁଶ୍ରୂଷାଂ କରଵାଣି ତେ ପଶୁପତେ ସ୍ଵାମିନ୍ ତ୍ରିଲୋକୀଗୁରୋ ॥ ୩୦॥
ନାଲଂ ଵା ପରମୋପକାରକମିଦଂ ତ୍ଵେକଂ ପଶୂନାଂ ପତେ
ପଶ୍ଯନ୍ କୁକ୍ଷିଗତାନ୍ ଚରାଚରଗଣାନ୍ ବାହ୍ଯସ୍ଥିତାନ୍ ରକ୍ଷିତୁମ୍ ।
ସର୍ଵାମର୍ତ୍ଯପଲାଯନୌଷଧମତିଜ୍ଵାଲାକରଂ ଭୀକରଂ
ନିକ୍ଷିପ୍ତଂ ଗରଲଂ ଗଲେ ନ ଗିଲିତଂ ନୋଦ୍ଗୀର୍ଣମେଵ ତ୍ଵଯା ॥ ୩୧॥
ଜ୍ଵାଲୋଗ୍ରଃ ସକଲାମରାତିଭଯଦଃ କ୍ଷ୍ଵେଲଃ କଥଂ ଵା ତ୍ଵଯା
ଦୃଷ୍ଟଃ କିଂ ଚ କରେ ଧୃତଃ କରତଲେ କିଂ ପକ୍ଵଜଂବୂଫଲମ୍ ।
ଜିହ୍ଵାଯାଂ ନିହିତଶ୍ଚ ସିଦ୍ଧଘୁଟିକା ଵା କଣ୍ଠଦେଶେ ଭୃତଃ
କିଂ ତେ ନୀଲମଣିର୍ଵିଭୂଷଣମଯଂ ଶଂଭୋ ମହାତ୍ମନ୍ ଵଦ ॥ ୩୨॥
ନାଲଂ ଵା ସକୃଦେଵ ଦେଵ ଭଵତଃ ସେଵା ନତିର୍ଵା ନୁତିଃ
ପୂଜା ଵା ସ୍ମରଣଂ କଥାଶ୍ରଵଣମପ୍ଯାଲୋକନଂ ମାଦୃଶାମ୍ ।
ସ୍ଵାମିନ୍ନସ୍ଥିରଦେଵତାନୁସରଣାଯାସେନ କିଂ ଲଭ୍ଯତେ
କା ଵା ମୁକ୍ତିରିତଃ କୁତୋ ଭଵତି ଚେତ୍ କିଂ ପ୍ରାର୍ଥନୀଯଂ ତଦା
॥ ୩୩॥
କିଂ ବ୍ରୂମସ୍ତଵ ସାହସଂ ପଶୁପତେ କସ୍ଯାସ୍ତି ଶଂଭୋ ଭଵ-
ଦ୍ଧୈର୍ଯଂ ଚେଦୃଶମାତ୍ମନଃ ସ୍ଥିତିରିଯଂ ଚାନ୍ଯୈଃ କଥଂ ଲଭ୍ଯତେ ।
ଭ୍ରଶ୍ଯଦ୍ଦେଵଗଣଂ ତ୍ରସନ୍ମୁନିଗଣଂ ନଶ୍ଯତ୍ପ୍ରପଞ୍ଚଂ ଲଯଂ
ପଶ୍ଯନ୍ନିର୍ଭଯ ଏକ ଏଵ ଵିହରତ୍ଯାନନ୍ଦସାନ୍ଦ୍ରୋ ଭଵାନ୍ ॥ ୩୪॥
ଯୋଗକ୍ଷେମଧୁରଂଧରସ୍ଯ ସକଲଶ୍ରେଯଃପ୍ରଦୋଦ୍ଯୋଗିନୋ
ଦୃଷ୍ଟାଦୃଷ୍ଟମତୋପଦେଶକୃତିନୋ ବାହ୍ଯାନ୍ତରଵ୍ଯାପିନଃ ।
ସର୍ଵଜ୍ଞସ୍ଯ ଦଯାକରସ୍ଯ ଭଵତଃ କିଂ ଵେଦିତଵ୍ଯଂ ମଯା
ଶଂଭୋ ତ୍ଵଂ ପରମାନ୍ତରଙ୍ଗ ଇତି ମେ ଚିତ୍ତେ ସ୍ମରାମ୍ଯନ୍ଵହମ୍ ॥ ୩୫॥
ଭକ୍ତୋ ଭକ୍ତିଗୁଣାଵୃତେ ମୁଦମୃତାପୂର୍ଣେ ପ୍ରସନ୍ନେ ମନଃ
କୁମ୍ଭେ ସାମ୍ବ ତଵାଙ୍ଘ୍ରିପଲ୍ଲଵଯୁଗଂ ସଂସ୍ଥାପ୍ଯ ସଂଵିତ୍ଫଲମ୍ ।
ସତ୍ଵଂ ମନ୍ତ୍ରମୁଦୀରଯନ୍ନିଜଶରୀରାଗାରଶୁଦ୍ଧିଂ ଵହନ୍
ପୁଣ୍ଯାହଂ ପ୍ରକଟୀକରୋମି ରୁଚିରଂ କଲ୍ଯାଣମାପାଦଯନ୍ ॥ ୩୬॥
ଆମ୍ନାଯାମ୍ବୁଧିମାଦରେଣ ସୁମନସ୍ସଂଘାଃ ସମୁଦ୍ଯନ୍ମନୋ
ମନ୍ଥାନଂ ଦୃଢଭକ୍ତିରଜ୍ଜୁସହିତଂ କୃତ୍ଵା ମଥିତ୍ଵା ତତଃ ।
ସୋମଂ କଲ୍ପତରୁଂ ସୁପର୍ଵସୁରଭିଂ ଚିନ୍ତାମଣିଂ ଧୀମତାଂ
ନିତ୍ଯାନନ୍ଦସୁଧାଂ ନିରନ୍ତରରମାସୌଭାଗ୍ଯମାତନ୍ଵତେ ॥ ୩୭॥
ପ୍ରାକ୍ପୁଣ୍ଯାଚଲମାର୍ଗଦର୍ଶିତସୁଧାମୂର୍ତିଃପ୍ରସନ୍ନଃ ଶିଵଃ
ସୋମଃ ସଦ୍ଗୁଣସେଵିତୋ ମୃଗଧରଃ ପୂର୍ଣସ୍ତମୋମୋଚକଃ ।
ଚେତଃ ପୁଷ୍କରଲକ୍ଷିତୋ ଭଵତି ଚେଦାନନ୍ଦପାଥୋନିଧିଃ
ପ୍ରାଗଲ୍ଭ୍ଯେନ ଵିଜୃମ୍ଭତେ ସୁମନସାଂ ଵୃତ୍ତିସ୍ତଦା ଜାଯତେ ॥ ୩୮॥
ଧର୍ମୋ ମେ ଚତୁରଙ୍ଘ୍ରିକଃ ସୁଚରିତଃ ପାପଂ ଵିନାଶଂ ଗତଂ
କାମକ୍ରୋଧମଦାଦଯୋ ଵିଗଲିତାଃ କାଲାଃ ସୁଖାଵିଷ୍କୃତାଃ ।
ଜ୍ଞାନାନନ୍ଦମହୌଷଧିଃ ସୁଫଲିତା କୈଵଲ୍ଯନାଥେ ସଦା
ମାନ୍ଯେ ମାନସପୁଣ୍ଡରୀକନଗରେ ରାଜାଵତଂସେ ସ୍ଥିତେ ॥ ୩୯॥
ଧୀଯନ୍ତ୍ରେଣ ଵଚୋଘଟେନ କଵିତାକୁଲ୍ଯୋପକୁଲ୍ଯାକ୍ରମୈ-
ରାନୀତୈଶ୍ଚ ସଦାଶିଵସ୍ଯ ଚରିତାମ୍ଭୋରାଶିଦିଵ୍ଯାମୃତୈଃ ।
ହୃତ୍କେଦାରଯୁତାଶ୍ଚ ଭକ୍ତିକଲମାଃ ସାଫଲ୍ଯମାତନ୍ଵତେ
ଦୁର୍ଭିକ୍ଷାନ୍ ମମ ସେଵକସ୍ଯ ଭଗଵନ୍ ଵିଶ୍ଵେଶ ଭୀତିଃ କୁତଃ ॥ ୪୦॥
ପାପୋତ୍ପାତଵିମୋଚନାଯ ରୁଚିରୈଶ୍ଵର୍ଯାଯ ମୃତ୍ଯୁଂଜଯ
ସ୍ତୋତ୍ରଧ୍ଯାନନତିପ୍ରଦକ୍ଷିଣସପର୍ଯାଲୋକନାକର୍ଣନେ ।
ଜିହ୍ଵାଚିତ୍ତଶିରୋଙ୍ଘ୍ରିହସ୍ତନଯନଶ୍ରୋତ୍ରୈରହଂ ପ୍ରାର୍ଥିତୋ
ମାମାଜ୍ଞାପଯ ତନ୍ନିରୂପଯ ମୁହୁର୍ମାମେଵ ମା ମେଽଵଚଃ ॥ ୪୧॥
ଗାମ୍ଭୀର୍ଯଂ ପରିଖାପଦଂ ଘନଧୃତିଃ ପ୍ରାକାର ଉଦ୍ଯଦ୍ଗୁଣ-
ସ୍ତୋମଶ୍ଚାପ୍ତବଲଂ ଘନେନ୍ଦ୍ରିଯଚଯୋ ଦ୍ଵାରାଣି ଦେହେ ସ୍ଥିତଃ ।
ଵିଦ୍ଯାଵସ୍ତୁସମୃଦ୍ଧିରିତ୍ଯଖିଲସାମଗ୍ରୀସମେତେ ସଦା
ଦୁର୍ଗାତିପ୍ରିଯଦେଵ ମାମକମନୋଦୁର୍ଗେ ନିଵାସଂ କୁରୁ ॥ ୪୨॥
ମା ଗଚ୍ଛ ତ୍ଵମିତସ୍ତତୋ ଗିରିଶ ଭୋ ମଯ୍ଯେଵ ଵାସଂ କୁରୁ
ସ୍ଵାମିନ୍ନାଦିକିରାତ ମାମକମନଃକାନ୍ତାରସୀମାନ୍ତରେ ।
ଵର୍ତନ୍ତେ ବହୁଶୋ ମୃଗା ମଦଜୁଷୋ ମାତ୍ସର୍ଯମୋହାଦଯ-
ସ୍ତାନ୍ ହତ୍ଵା ମୃଗଯାଵିନୋଦରୁଚିତାଲାଭଂ ଚ ସମ୍ପ୍ରାପ୍ସ୍ଯସି
॥ ୪୩॥
କରଲଗ୍ନମୃଗଃ କରୀନ୍ଦ୍ରଭଙ୍ଗୋ
ଘନଶାର୍ଦୂଲଵିଖଣ୍ଡନୋଽସ୍ତଜନ୍ତୁଃ ।
ଗିରିଶୋ ଵିଶଦାକୃତିଶ୍ଚ ଚେତଃ-
କୁହରେ ପଞ୍ଚମୁଖୋସ୍ତି ମେ କୁତୋ ଭୀଃ ॥ ୪୪॥
ଛନ୍ଦଃଶାଖିଶିଖାନ୍ଵିତୈର୍ଦ୍ଵିଜଵରୈଃ ସଂସେଵିତେ ଶାଶ୍ଵତେ
ସୌଖ୍ଯାପାଦିନି ଖେଦଭେଦିନି ସୁଧାସାରୈଃ ଫଲୈର୍ଦୀପିତେ ।
ଚେତଃପକ୍ଷିଶିଖାମଣେ ତ୍ଯଜ ଵୃଥାସଂଚାରମନ୍ଯୈରଲଂ
ନିତ୍ଯଂ ଶଂକରପାଦପଦ୍ମଯୁଗଲୀନୀଡେ ଵିହାରଂ କୁରୁ ॥ ୪୫॥
ଆକୀର୍ଣେ ନଖରାଜିକାନ୍ତିଵିଭଵୈରୁଦ୍ଯତ୍ସୁଧାଵୈଭଵୈ-
ରାଧୌତେପି ଚ ପଦ୍ମରାଗଲଲିତେ ହଂସଵ୍ରଜୈରାଶ୍ରିତେ ।
ନିତ୍ଯଂ ଭକ୍ତିଵଧୂଗଣୈଶ୍ଚ ରହସି ସ୍ଵେଚ୍ଛାଵିହାରଂ କୁରୁ
ସ୍ଥିତ୍ଵା ମାନସରାଜହଂସ ଗିରିଜାନାଥାଙ୍ଘ୍ରିସୌଧାନ୍ତରେ ॥ ୪୬॥
ଶଂଭୁଧ୍ଯାନଵସନ୍ତସଂଗିନି ହୃଦାରାମେଽଘଜୀର୍ଣଚ୍ଛଦାଃ
ସ୍ରସ୍ତା ଭକ୍ତିଲତାଚ୍ଛଟା ଵିଲସିତାଃ ପୁଣ୍ଯପ୍ରଵାଲଶ୍ରିତାଃ ।
ଦୀପ୍ଯନ୍ତେ ଗୁଣକୋରକା ଜପଵଚଃପୁଷ୍ପାଣି ସଦ୍ଵାସନା
ଜ୍ଞାନାନନ୍ଦସୁଧାମରନ୍ଦଲହରୀ ସଂଵିତ୍ଫଲାଭ୍ଯୁନ୍ନତିଃ ॥ ୪୭॥
ନିତ୍ଯାନନ୍ଦରସାଲଯଂ ସୁରମୁନିସ୍ଵାନ୍ତାମ୍ବୁଜାତାଶ୍ରଯଂ
ସ୍ଵଚ୍ଛଂ ସଦ୍ଦ୍ଵିଜସେଵିତଂ କଲୁଷହୃତ୍ସଦ୍ଵାସନାଵିଷ୍କୃତମ୍ ।
ଶଂଭୁଧ୍ଯାନସରୋଵରଂ ଵ୍ରଜ ମନୋ ହଂସାଵତଂସ ସ୍ଥିରଂ
କିଂ କ୍ଷୁଦ୍ରାଶ୍ରଯପଲ୍ଵଲଭ୍ରମଣସଂଜାତଶ୍ରମଂ ପ୍ରାପ୍ସ୍ଯସି ॥ ୪୮॥
ଆନନ୍ଦାମୃତପୂରିତା ହରପଦାମ୍ଭୋଜାଲଵାଲୋଦ୍ଯତା
ସ୍ଥୈର୍ଯୋପଘ୍ନମୁପେତ୍ଯ ଭକ୍ତିଲତିକା ଶାଖୋପଶାଖାନ୍ଵିତା ।
ଉଚ୍ଛୈର୍ମାନସକାଯମାନପଟଲୀମାକ୍ରମ୍ଯ ନିଷ୍କଲ୍ମଷା
ନିତ୍ଯାଭୀଷ୍ଟଫଲପ୍ରଦା ଭଵତୁ ମେ ସତ୍କର୍ମସଂଵର୍ଧିତା ॥ ୪୯॥
ସନ୍ଧ୍ଯାରଂଭଵିଜୃମ୍ଭିତଂ ଶ୍ରୁତିଶିରସ୍ଥାନାନ୍ତରାଧିଷ୍ଠିତଂ
ସପ୍ରେମଭ୍ରମରାଭିରାମମସକୃତ୍ ସଦ୍ଵାସନାଶୋଭିତମ୍ ।
ଭୋଗୀନ୍ଦ୍ରାଭରଣଂ ସମସ୍ତସୁମନଃପୂଜ୍ଯଂ ଗୁଣାଵିଷ୍କୃତଂ
ସେଵେ ଶ୍ରୀଗିରିମଲ୍ଲିକାର୍ଜୁନମହାଲିଙ୍ଗଂ ଶିଵାଲିଙ୍ଗିତଂ ॥ ୫୦॥
ଭୃଂଗୀଚ୍ଛାନଟନୋତ୍କଟଃ କରମଦିଗ୍ରାହୀ ସ୍ଫୁରନ୍ମାଧଵା-
ହ୍ଲାଦୋ ନାଦଯୁତୋ ମହାସିତଵପୁଃ ପଞ୍ଚେଷୁଣା ଚାଦୃତଃ ।
ସତ୍ପକ୍ଷଃ ସୁମନୋଵନେଷୁ ସ ପୁନଃ ସାକ୍ଷାନ୍ମଦୀଯେ ମନୋ-
ରାଜୀଵେ ଭ୍ରମରାଧିପୋ ଵିହରତାଂ ଶ୍ରୀଶୈଲଵାସୀ ଵିଭୁ: ॥ ୫୧।
କାରୁଣ୍ଯାମୃତଵର୍ଷିଣଂ ଘନଵିପଦ୍ଗ୍ରୀଷ୍ମଚ୍ଛିଦାକର୍ମଠଂ
ଵିଦ୍ଯାସସ୍ଯଫଲୋଦଯାଯ ସୁମନଃସଂସେଵ୍ଯମିଚ୍ଛାକୃତିମ୍ ।
ନୃତ୍ଯଦ୍ଭକ୍ତମଯୂରମଦ୍ରିନିଲଯଂ ଚଞ୍ଚଜ୍ଜଟାମଣ୍ଡଲଂ
ଶଂଭୋ ଵାଞ୍ଛତି ନୀଲକନ୍ଧର ସଦା ତ୍ଵାଂ ମେ ମନଶ୍ଚାତକଃ
॥ ୫୨॥
ଆକାଶେନ ଶିଖୀ ସମସ୍ତଫଣିନାଂ ନେତ୍ରା କଲାପୀ ନତା-
ଽନୁଗ୍ରାହିପ୍ରଣଵୋପଦେଶନିନଦୈଃ କେକୀତି ଯୋ ଗୀଯତେ ।
ଶ୍ଯାମାଂ ଶୈଲସମୁଦ୍ଭଵାଂ ଘନରୁଚିଂ ଦୃଷ୍ଟ୍ଵା ନଟନ୍ତଂ ମୁଦା
ଵେଦାନ୍ତୋପଵନେ ଵିହାରରସିକଂ ତଂ ନୀଲକଣ୍ଠଂ ଭଜେ ॥ ୫୩॥
ସନ୍ଧ୍ଯାଘର୍ମଦିନାତ୍ଯଯୋ ହରିକରାଘାତପ୍ରଭୂତାନକ-
ଧ୍ଵାନୋ ଵାରିଦଗର୍ଜିତଂ ଦିଵିଷଦାଂ ଦୃଷ୍ଟିଚ୍ଛଟା ଚଞ୍ଚଲା ।
ଭକ୍ତାନାଂ ପରିତୋଷବାଷ୍ପଵିତତିର୍ଵୃଷ୍ଟିର୍ମଯୂରୀ ଶିଵା
ଯସ୍ମିନ୍ନୁଜ୍ଜ୍ଵଲତାଣ୍ଡଵଂ ଵିଜଯତେ ତଂ ନୀଲକଣ୍ଠଂ ଭଜେ ॥ ୫୪॥
ଆଦ୍ଯାଯାମିତତେଜସେ ଶ୍ରୁତିପଦୈର୍ଵେଦ୍ଯାଯ ସାଧ୍ଯାଯ ତେ
ଵିଦ୍ଯାନନ୍ଦମଯାତ୍ମନେ ତ୍ରିଜଗତଃ ସଂରକ୍ଷଣୋଦ୍ଯୋଗିନେ ।
ଧ୍ଯେଯାଯାଖିଲଯୋଗିଭିଃ ସୁରଗଣୈର୍ଗେଯାଯ ମାଯାଵିନେ
ସମ୍ଯକ୍ତାଣ୍ଡଵସଂଭ୍ରମାଯ ଜଟିନେ ସେଯଂ ନତିଃ ଶଂଭଵେ ॥ ୫୫॥
ନିତ୍ଯାଯ ତ୍ରିଗୁଣାତ୍ମନେ ପୁରଜିତେ କାତ୍ଯାଯନୀଶ୍ରେଯସେ
ସତ୍ଯାଯାଦିକୁଟୁମ୍ବିନେ ମୁନିମନଃ ପ୍ରତ୍ଯକ୍ଷଚିନ୍ମୂର୍ତଯେ ।
ମାଯାସୃଷ୍ଟଜଗତ୍ତ୍ରଯାଯ ସକଲାମ୍ନାଯାନ୍ତସଂଚାରିଣେ
ସାଯଂ ତାଣ୍ଡଵସଂଭ୍ରମାଯ ଜଟିନେ ସେଯଂ ନତିଃ ଶଂଭଵେ ॥ ୫୬॥
ନିତ୍ଯଂ ସ୍ଵୋଦରପୋଷଣାଯ ସକଲାନୁଦ୍ଦିଶ୍ଯ ଵିତ୍ତାଶଯା
ଵ୍ଯର୍ଥଂ ପର୍ଯଟନଂ କରୋମି ଭଵତଃ ସେଵାଂ ନ ଜାନେ ଵିଭୋ ।
ମଜ୍ଜନ୍ମାନ୍ତରପୁଣ୍ଯପାକବଲତସ୍ତ୍ଵଂ ଶର୍ଵ ସର୍ଵାନ୍ତର-
ସ୍ତିଷ୍ଠସ୍ଯେଵ ହି ତେନ ଵା ପଶୁପତେ ତେ ରକ୍ଷନୀଯୋଽସ୍ମ୍ଯହମ୍ ॥ ୫୭॥
ଏକୋ ଵାରିଜବାନ୍ଧଵଃ କ୍ଷିତିନଭୋ ଵ୍ଯାପ୍ତଂ ତମୋମଣ୍ଡଲଂ
ଭିତ୍ଵା ଲୋଚନଗୋଚରୋଽପି ଭଵତି ତ୍ଵଂ କୋଟିସୂର୍ଯପ୍ରଭଃ ।
ଵେଦ୍ଯଃ କିନ୍ନ ଭଵସ୍ଯହୋ ଘନତରଂ କୀଦୃଗ୍ଭଵେନ୍ମତ୍ତମ-
ସ୍ତତ୍ସର୍ଵଂ ଵ୍ଯପନୀଯ ମେ ପଶୁପତେ ସାକ୍ଷାତ୍ ପ୍ରସନ୍ନୋ ଭଵ ॥ ୫୮॥
ହଂସଃ ପଦ୍ମଵନଂ ସମିଚ୍ଛତି ଯଥା ନୀଲାମ୍ବୁଦଂ ଚାତକଃ
କୋକଃ କୋକନଦପ୍ରିଯଂ ପ୍ରତିଦିନଂ ଚନ୍ଦ୍ରଂ ଚକୋରସ୍ତଥା ।
ଚେତୋ ଵାଞ୍ଛତି ମାମକଂ ପଶୁପତେ ଚିନ୍ମାର୍ଗମୃଗ୍ଯଂ ଵିଭୋ
ଗୌରୀନାଥ ଭଵତ୍ପଦାବ୍ଜଯୁଗଲଂ କୈଵଲ୍ଯସୌଖ୍ଯପ୍ରଦମ୍ ॥ ୫୯॥
ରୋଧସ୍ତୋଯହୃତଃ ଶ୍ରମେଣ ପଥିକଶ୍ଛାଯାଂ ତରୋର୍ଵୃଷ୍ଟିତୋ
ଭୀତଃ ସ୍ଵସ୍ଥଗୃହଂ ଗୃହସ୍ଥମତିଥିର୍ଦୀନଃ ପ୍ରଭୁଂ ଧାର୍ମିକମ୍ ।
ଦୀପଂ ସନ୍ତମସାକୁଲଶ୍ଚ ଶିଖିନଂ ଶୀତାଵୃତସ୍ତ୍ଵଂ ତଥା
ଚେତଃ ସର୍ଵଭଯାପହଂ ଵ୍ରଜ ସୁଖଂ ଶଂଭୋଃ ପଦାମ୍ଭୋରୁହମ୍ ॥ ୬୦॥
ଅଙ୍କୋଲଂ ନିଜବୀଜସନ୍ତତିରଯସ୍କାନ୍ତୋପଲଂ ସୂଚିକା
ସାଧ୍ଵୀ ନୈଜଵିଭୁଂ ଲତା କ୍ଷିତିରୁହଂ ସିନ୍ଧୁଃ ସରିଦ୍ଵଲ୍ଲଭମ୍ ।
ପ୍ରାପ୍ନୋତୀହ ଯଥା ତଥା ପଶୁପତେଃ ପାଦାରଵିନ୍ଦଦ୍ଵଯଂ
ଚେତୋଵୃତ୍ତିରୁପେତ୍ଯ ତିଷ୍ଠତି ସଦା ସା ଭକ୍ତିରିତ୍ଯୁଚ୍ଯତେ ॥ ୬୧॥
ଆନନ୍ଦାଶ୍ରୁଭିରାତନୋତି ପୁଲକଂ ନୈର୍ମଲ୍ଯତଚ୍ଛାଦନଂ
ଵାଚା ଶଙ୍ଖମୁଖେ ସ୍ଥିତୈଶ୍ଚ ଜଠରାପୂର୍ତିଂ ଚରିତ୍ରାମୃତୈଃ ।
ରୁଦ୍ରାକ୍ଷୈର୍ଭସିତେନ ଦେଵ ଵପୁଷୋ ରକ୍ଷାଂ ଭଵଦ୍ଭାଵନା-
ପର୍ଯଙ୍କେ ଵିନିଵେଶ୍ଯ ଭକ୍ତିଜନନୀ ଭକ୍ତାର୍ଭକଂ ରକ୍ଷତି ॥ ୬୨॥
ମାର୍ଗାଵର୍ତିତପାଦୁକା ପଶୁପତେରଙ୍ଗସ୍ଯ କୂର୍ଚାଯତେ
ଗଣ୍ଡୂଷାଂବୁନିଷେଚନଂ ପୁରରିପୋର୍ଦିଵ୍ଯାଭିଷେକାଯତେ ।
କିଂଚିଦ୍ଭକ୍ଷିତମାଂସଶେଷକବଲଂ ନଵ୍ଯୋପହାରାଯତେ
ଭକ୍ତିଃ କିଂ ନ କରୋତ୍ଯହୋ ଵନଚରୋ ଭକ୍ତାଵତଂସାଯତେ ॥ ୬୩॥
ଵକ୍ଷସ୍ତାଡନମନ୍ତକସ୍ଯ କଠିନାପସ୍ମାରସଂମର୍ଦନଂ
ଭୂଭୃତ୍ପର୍ଯଟନଂ ନମସ୍ସୁରଶିରଃକୋଟୀରସଂଘର୍ଷଣମ୍ ।
କର୍ମେଦଂ ମୃଦୁଲସ୍ଯ ତାଵକପଦଦ୍ଵନ୍ଦ୍ଵସ୍ଯ ଗୌରୀପତେ
ମଚ୍ଚେତୋମଣିପାଦୁକାଵିହରଣଂ ଶଂଭୋ ସଦାଙ୍ଗୀକୁରୁ ॥ ୬୪॥
ଵକ୍ଷସ୍ତାଡନଶଙ୍କଯା ଵିଚଲିତୋ ଵୈଵସ୍ଵତୋ ନିର୍ଜରାଃ
କୋଟୀରୋଜ୍ଜ୍ଵଲରତ୍ନଦୀପକଲିକାନୀରାଜନଂ କୁର୍ଵତେ ।
ଦୃଷ୍ଟ୍ଵା ମୁକ୍ତିଵଧୂସ୍ତନୋତି ନିଭୃତାଶ୍ଲେଷଂ ଭଵାନୀପତେ
ଯଚ୍ଚେତସ୍ତଵ ପାଦପଦ୍ମଭଜନଂ ତସ୍ଯେହ କିଂ ଦୁର୍ଲଭମ୍ ॥ ୬୫॥
କ୍ରୀଡାର୍ଥଂ ସୃଜସି ପ୍ରପଞ୍ଚମଖିଲଂ କ୍ରୀଡାମୃଗାସ୍ତେ ଜନାଃ
ଯତ୍କର୍ମାଚରିତଂ ମଯା ଚ ଭଵତଃ ପ୍ରୀତ୍ଯୈ ଭଵତ୍ଯେଵ ତତ୍ ।
ଶଂଭୋ ସ୍ଵସ୍ଯ କୁତୂହଲସ୍ଯ କରଣଂ ମଚ୍ଚେଷ୍ଟିତଂ ନିଶ୍ଚିତଂ
ତସ୍ମାନ୍ମାମକରକ୍ଷଣଂ ପଶୁପତେ କର୍ତଵ୍ଯମେଵ ତ୍ଵଯା ॥ ୬୬॥
ବହୁଵିଧପରିତୋଷବାଷ୍ପପୂର-
ସ୍ଫୁଟପୁଲକାଙ୍କିତଚାରୁଭୋଗଭୂମିମ୍ ।
ଚିରପଦଫଲକାଙ୍କ୍ଷିସେଵ୍ଯମାନାଂ
ପରମସଦାଶିଵଭାଵନାଂ ପ୍ରପଦ୍ଯେ ॥ ୬୭॥
ଅମିତମୁଦମୃତଂ ମୁହୁର୍ଦୁହନ୍ତୀଂ
ଵିମଲଭଵତ୍ପଦଗୋଷ୍ଠମାଵସନ୍ତୀମ୍ ।
ସଦଯ ପଶୁପତେ ସୁପୁଣ୍ଯପାକାଂ
ମମ ପରିପାଲଯ ଭକ୍ତିଧେନୁମେକାମ୍ ॥ ୬୮॥
ଜଡତା ପଶୁତା କଲଙ୍କିତା
କୁଟିଲଚରତ୍ଵଂ ଚ ନାସ୍ତି ମଯି ଦେଵ ।
ଅସ୍ତି ଯଦି ରାଜମୌଲେ
ଭଵଦାଭରଣସ୍ଯ ନାସ୍ମି କିଂ ପାତ୍ରମ୍ ॥ ୬୯॥
ଅରହସି ରହସି ସ୍ଵତନ୍ତ୍ରବୁଦ୍ଧ୍ଯା
ଵରିଵସିତୁଂ ସୁଲଭଃ ପ୍ରସନ୍ନମୂର୍ତିଃ ।
ଅଗଣିତଫଲଦାଯକଃ ପ୍ରଭୁର୍ମେ
ଜଗଦଧିକୋ ହୃଦି ରାଜଶେଖରୋଽସ୍ତି ॥ ୭୦॥
ଆରୂଢଭକ୍ତିଗୁଣକୁଞ୍ଚିତଭାଵଚାପ-
ଯୁକ୍ତୈଃ ଶିଵସ୍ମରଣବାଣଗଣୈରମୋଘୈଃ ।
ନିର୍ଜିତ୍ଯ କିଲ୍ବିଷରିପୂନ୍ ଵିଜଯୀ ସୁଧୀନ୍ଦ୍ରଃ
ସାନନ୍ଦମାଵହତି ସୁସ୍ଥିରରାଜଲକ୍ଷ୍ମୀମ୍ ॥ ୭୧॥
ଧ୍ଯାନାଞ୍ଜନେନ ସମଵେକ୍ଷ୍ଯ ତମଃପ୍ରଦେଶଂ
ଭିତ୍ଵା ମହାବଲିଭିରୀଶ୍ଵରନାମମନ୍ତ୍ରୈଃ ।
ଦିଵ୍ଯାଶ୍ରିତଂ ଭୁଜଗଭୂଷଣମୁଦ୍ଵହନ୍ତି
ଯେ ପାଦପଦ୍ମମିହ ତେ ଶିଵ ତେ କୃତାର୍ଥାଃ ॥ ୭୨॥
ଭୂଦାରତାମୁଦଵହଦ୍ଯଦପେକ୍ଷଯା ଶ୍ରୀ-
ଭୂଦାର ଏଵ କିମତଃ ସୁମତେ ଲଭସ୍ଵ ।
କେଦାରମାକଲିତମୁକ୍ତିମହୌଷଧୀନାଂ
ପାଦାରଵିନ୍ଦଭଜନଂ ପରମେଶ୍ଵରସ୍ଯ । ୭୩॥
ଆଶାପାଶକ୍ଲେଶଦୁର୍ଵାସନାଦି-
ଭେଦୋଦ୍ଯୁକ୍ତୈର୍ଦିଵ୍ଯଗନ୍ଧୈରମନ୍ଦୈଃ ।
ଆଶାଶାଟୀକସ୍ଯ ପାଦାରଵିନ୍ଦଂ
ଚେତଃପେଟୀଂ ଵାସିତାଂ ମେ ତନୋତୁ ॥ ୭୪॥
କଲ୍ଯାଣିନାଂ ସରସଚିତ୍ରଗତିଂ ସଵେଗଂ
ସର୍ଵେଙ୍ଗିତଜ୍ଞମନଘଂ ଧ୍ରୁଵଲକ୍ଷଣାଢ୍ଯମ୍ ।
ଚେତସ୍ତୁରଙ୍ଗମଧିରୁହ୍ଯ ଚର ସ୍ମରାରେ
ନେତଃ ସମସ୍ତଜଗତାଂ ଵୃଷଭାଧିରୂଢ ॥ ୭୫॥
ଭକ୍ତିର୍ମହେଶପଦପୁଷ୍କରମାଵସନ୍ତୀ
କାଦମ୍ବିନୀଵ କୁରୁତେ ପରିତୋଷଵର୍ଷମ୍ ।
ସମ୍ପୂରିତୋ ଭଵତି ଯସ୍ଯ ମନସ୍ତ୍ତଟାକ-
ସ୍ତଜ୍ଜନ୍ମସସ୍ଯମଖିଲଂ ସଫଲଂ ଚ ନାଽନ୍ଯତ୍ ॥ ୭୬॥
ବୁଦ୍ଧିଃସ୍ଥିରା ଭଵିତୁମୀଶ୍ଵରପାଦପଦ୍ମ-
ସକ୍ତା ଵଧୂର୍ଵିରହିଣୀଵ ସଦା ସ୍ମରନ୍ତୀ ।
ସଦ୍ଭାଵନାସ୍ମରଣଦର୍ଶନକୀର୍ତନାଦି
ସଂମୋହିତେଵ ଶିଵମନ୍ତ୍ରଜପେନ ଵିନ୍ତେ ॥ ୭୭॥
ସଦୁପଚାରଵିଧିଷ୍ଵନୁବୋଧିତାଂ
ସଵିନଯାଂ ସହୃଦଯଂ ସଦୁପାଶ୍ରିତାମ୍ ।
ମମ ସମୁଦ୍ଧର ବୁଦ୍ଧିମିମାଂ ପ୍ରଭୋ
ଵରଗୁଣେନ ନଵୋଢଵଧୂମିଵ ॥ ୭୮॥
ନିତ୍ଯଂ ଯୋଗିମନଃ ସରୋଜଦଲସଞ୍ଚାରକ୍ଷମସ୍ତ୍ଵତ୍କ୍ରମଃ
ଶଂଭୋ ତେନ କଥଂ କଠୋରଯମରାଡ୍ଵକ୍ଷଃକଵାଟକ୍ଷତିଃ ।
ଅତ୍ଯନ୍ତଂ ମୃଦୁଲଂ ତ୍ଵଦଙ୍ଘ୍ରିଯୁଗଲଂ ହା ମେ ମନଶ୍ଚିନ୍ତଯ-
ତ୍ଯେତଲ୍ଲୋଚନଗୋଚରଂ କୁରୁ ଵିଭୋ ହସ୍ତେନ ସଂଵାହଯେ ॥ ୭୯।
ଏଷ୍ଯତ୍ଯେଷ ଜନିଂ ମନୋଽସ୍ଯ କଠିନଂ ତସ୍ମିନ୍ନଟାନୀତି ମ-
ଦ୍ରକ୍ଷାଯୈ ଗିରିସୀମ୍ନି କୋମଲପଦନ୍ଯାସଃ ପୁରାଭ୍ଯାସିତଃ ।
ନୋଚେଦ୍ଦିଵ୍ଯଗୃହାନ୍ତରେଷୁ ସୁମନସ୍ତଲ୍ପେଷୁ ଵେଦ୍ଯାଦିଷୁ
ପ୍ରାଯଃ ସତ୍ସୁ ଶିଲାତଲେଷୁ ନଟନଂ ଶଂଭୋ କିମର୍ଥଂ ତଵ ॥ ୮୦॥
କଂଚିତ୍କାଲମୁମାମହେଶ ଭଵତଃ ପାଦାରଵିନ୍ଦାର୍ଚନୈଃ
କଂଚିଦ୍ଧ୍ଯାନସମାଧିଭିଶ୍ଚ ନତିଭିଃ କଂଚିତ୍କଥାକର୍ଣନୈଃ ।
କଂଚିତ୍ କଂଚିଦଵେକ୍ଷନୈଶ୍ଚ ନୁତିଭିଃ କଂଚିଦ୍ଦଶାମୀଦୃଶୀଂ
ଯଃ ପ୍ରାପ୍ନୋତି ମୁଦା ତ୍ଵଦର୍ପିତମନା ଜୀଵନ୍ ସ ମୁକ୍ତଃ ଖଲୁ
॥ ୮୧॥
ବାଣତ୍ଵଂ ଵୃଷଭତ୍ଵମର୍ଧଵପୁଷା ଭାର୍ଯାତ୍ଵମାର୍ଯାପତେ
ଘୋଣିତ୍ଵଂ ସଖିତା ମୃଦଙ୍ଗଵହତା ଚେତ୍ଯାଦି ରୂପଂ ଦଧୌ ।
ତ୍ଵତ୍ପାଦେ ନଯନାର୍ପଣଂ ଚ କୃତଵାନ୍ ତ୍ଵଦ୍ଦେହଭାଗୋ ହରିଃ
ପୂଜ୍ଯାତ୍ପୂଜ୍ଯତରଃ ସ ଏଵ ହି ନ ଚେତ୍ କୋ ଵା ତଦାନ୍ଯୋଽଧିକଃ ॥ ୮୨॥
ଜନନମୃତିଯୁତାନାଂ ସେଵଯା ଦେଵତାନାଂ
ନ ଭଵତି ସୁଖଲେଶଃ ସଂଶଯୋ ନାସ୍ତି ତତ୍ର ।
ଅଜନିମମୃତରୂପଂ ସାମ୍ବମୀଶଂ ଭଜନ୍ତେ
ଯ ଇହ ପରମସୌଖ୍ଯଂ ତେ ହି ଧନ୍ଯା ଲଭନ୍ତେ ॥ ୮୩॥
ଶିଵ ତଵ ପରିଚର୍ଯାସନ୍ନିଧାନାଯ ଗୌର୍ଯା
ଭଵ ମମ ଗୁଣଧୁର୍ଯାଂ ବୁଦ୍ଧିକନ୍ଯାଂ ପ୍ରଦାସ୍ଯେ ।
ସକଲଭୁଵନବନ୍ଧୋ ସଚ୍ଚିଦାନନ୍ଦସିନ୍ଧୋ
ସଦଯ ହୃଦଯଗେହେ ସର୍ଵଦା ସଂଵସ ତ୍ଵମ୍ ॥ ୮୪॥
ଜଲଧିମଥନଦକ୍ଷୋ ନୈଵ ପାତାଲଭେଦୀ
ନ ଚ ଵନମୃଗଯାଯାଂ ନୈଵ ଲୁବ୍ଧଃ ପ୍ରଵୀଣଃ ।
ଅଶନକୁସୁମଭୂଷାଵସ୍ତ୍ରମୁଖ୍ଯାଂ ସପର୍ଯାଂ
କଥଯ କଥମହଂ ତେ କଲ୍ପଯାନୀନ୍ଦୁମୌଲେ ॥ ୮୫॥
ପୂଜାଦ୍ରଵ୍ଯସମୃଦ୍ଧଯୋ ଵିରଚିତାଃ ପୂଜାଂ କଥଂ କୁର୍ମହେ
ପକ୍ଷିତ୍ଵଂ ନ ଚ ଵା କିଟିତ୍ଵମପି ନ ପ୍ରାପ୍ତଂ ମଯା ଦୁର୍ଲଭମ୍ ।
ଜାନେ ମସ୍ତକମଙ୍ଘ୍ରିପଲ୍ଲଵମୁମାଜାନେ ନ ତେଽହଂ ଵିଭୋ
ନ ଜ୍ଞାତଂ ହି ପିତାମହେନ ହରିଣା ତତ୍ତ୍ଵେନ ତଦ୍ରୂପିଣା ॥ ୮୬॥
ଅଶଲଂ ଗରଲଂ ଫଣୀ କଲାପୋ
ଵସନଂ ଚର୍ମ ଚ ଵାହନଂ ମହୋକ୍ଷଃ ।
ମମ ଦାସ୍ଯସି କିଂ କିମସ୍ତି ଶଂଭୋ
ତଵ ପାଦାମ୍ବୁଜଭକ୍ତିମେଵ ଦେହି ॥ ୮୭॥
ଯଦା କୃତାଂଭୋନିଧିସେତୁବନ୍ଧନଃ
କରସ୍ଥଲାଧଃକୃତପର୍ଵତାଧିପଃ ।
ଭଵାନି ତେ ଲଙ୍ଘିତପଦ୍ମସଂଭଵଃ
ତଦା ଶିଵାର୍ଚାସ୍ତଵଭାଵନକ୍ଷମଃ ॥ ୮୮॥
ନତିଭିର୍ନୁତିଭିସ୍ତ୍ଵମୀଶପୂଜା-
ଵିଧିଭିର୍ଧ୍ଯାନସମାଧିଭିର୍ନ ତୁଷ୍ଟଃ ।
ଧନୁଷା ମୁସଲେନ ଚାଶ୍ମଭିର୍ଵା
ଵଦ ତେ ପ୍ରୀତିକରଂ ତଥା କରୋମି ॥ ୮୯॥
ଵଚସା ଚରିତଂ ଵଦାମି ଶଂଭୋ-
ରହମୁଦ୍ଯୋଗଵିଧାସୁ ତେଽପ୍ରସକ୍ତଃ ।
ମନସା କୃତିମୀଶ୍ଵରସ୍ଯ ସେଵେ
ଶିରସା ଚୈଵ ସଦାଶିଵଂ ନମାମି ॥ ୯୦॥
ଆଦ୍ଯାଽଵିଦ୍ଯା ହୃଦ୍ଗତା ନିର୍ଗତାସୀ-
ଦ୍ଵିଦ୍ଯା ହୃଦ୍ଯା ହୃଦ୍ଗତା ତ୍ଵତ୍ପ୍ରସାଦାତ୍ ।
ସେଵେ ନିତ୍ଯଂ ଶ୍ରୀକରଂ ତ୍ଵତ୍ପଦାବ୍ଜଂ
ଭାଵେ ମୁକ୍ତେର୍ଭାଜନଂ ରାଜମୌଲେ ॥ ୯୧॥
ଦୂରୀକୃତାନି ଦୁରିତାନି ଦୁରକ୍ଷରାଣି
ଦୌର୍ଭାଗ୍ଯଦୁଃଖଦୁରହଂକୃତିଦୁର୍ଵଚାଂସି ।
ସାରଂ ତ୍ଵଦୀଯଚରିତଂ ନିତରାଂ ପିବନ୍ତଂ
ଗୌରୀଶ ମାମିହ ସମୁଦ୍ଧର ସତ୍କଟାକ୍ଷୈଃ ॥ ୯୨॥
ସୋମକଲାଧରମୌଲୌ
କୋମଲଘନକନ୍ଧରେ ମହାମହସି ।
ସ୍ଵାମିନି ଗିରିଜାନାଥେ
ମାମକହୃଦଯଂ ନିରନ୍ତରଂ ରମତାମ୍ ॥ ୯୩॥
ସା ରସନା ତେ ନଯନେ
ତାଵେଵ କରୌ ସ ଏଵ କୃତକୃତ୍ଯଃ ।
ଯା ଯେ ଯୌ ଯୋ ଭର୍ଗଂ
ଵଦତୀକ୍ଷେତେ ସଦାର୍ଚତଃ ସ୍ମରତି ॥ ୯୪॥
ଅତିମୃଦୁଲୌ ମମ ଚରଣା-
ଵତିକଠିନଂ ତେ ମନୋ ଭଵାନୀଶ ।
ଇତି ଵିଚିକିତ୍ସାଂ ସଂତ୍ଯଜ
ଶିଵ କଥମାସୀଦ୍ଗିରୌ ତଥା ପ୍ରଵେଶଃ ॥ ୯୫॥
ଧୈର୍ଯାଙ୍କୁଶେନ ନିଭୃତଂ
ରଭସାଦାକୃଷ୍ଯ ଭକ୍ତିଶୃଙ୍ଖଲଯା ।
ପୁରହର ଚରଣାଲାନେ
ହୃଦଯମଦେଭଂ ବଧାନ ଚିଦ୍ଯନ୍ତ୍ରୈଃ ॥ ୯୬॥
ପ୍ରଚରତ୍ଯଭିତଃ ପ୍ରଗଲ୍ଭଵୃତ୍ତ୍ଯା
ମଦଵାନେଷ ମନଃ କରୀ ଗରୀଯାନ୍ ।
ପରିଗୃହ୍ଯ ନଯେନ ଭକ୍ତିରଜ୍ଜ୍ଵା
ପରମ ସ୍ଥାଣୁପଦଂ ଦୃଢଂ ନଯାମୁମ୍ ॥ ୯୭॥
ସର୍ଵାଲଂକାରଯୁକ୍ତାଂ ସରଲପଦଯୁତାଂ ସାଧୁଵୃତ୍ତାଂ ସୁଵର୍ଣାଂ
ସଦ୍ଭିଃସଂସ୍ତୂଯମାନାଂ ସରସଗୁଣଯୁତାଂ ଲକ୍ଷିତାଂ ଲକ୍ଷଣାଢ୍ଯାମ୍ ।
ଉଦ୍ଯଦ୍ଭୂଷାଵିଶେଷାମୁପଗତଵିନଯାଂ ଦ୍ଯୋତମାନାର୍ଥରେଖାଂ
କଲ୍ଯାଣୀଂ ଦେଵ ଗୌରୀପ୍ରିଯ ମମ କଵିତାକନ୍ଯକାଂ ତ୍ଵଂ ଗୃହାଣ
॥ ୯୮॥
ଇଦଂ ତେ ଯୁକ୍ତଂ ଵା ପରମଶିଵ କାରୁଣ୍ଯଜଲଧେ
ଗତୌ ତିର୍ଯଗ୍ରୂପଂ ତଵ ପଦଶିରୋଦର୍ଶନଧିଯା ।
ହରିବ୍ରହ୍ମାଣୌ ତୌ ଦିଵି ଭୁଵି ଚରନ୍ତୌ ଶ୍ରମଯୁତୌ
କଥଂ ଶଂଭୋ ସ୍ଵାମିନ୍ କଥଯ ମମ ଵେଦ୍ଯୋଽସି ପୁରତଃ ॥ ୯୯॥
ସ୍ତୋତ୍ରେଣାଲମହଂ ପ୍ରଵଚ୍ମି ନ ମୃଷା ଦେଵା ଵିରିଞ୍ଚାଦଯ୍ଃ
ସ୍ତୁତ୍ଯାନଂ ଗଣନାପ୍ରସଙ୍ଗସମଯେ ତ୍ଵାମଗ୍ରଗଣ୍ଯଂ ଵିଦୁଃ ।
ମାହାତ୍ମ୍ଯାଗ୍ରଵିଚାରଣପ୍ରକରଣେ ଧାନାତୁଷସ୍ତୋମଵ-
ଦ୍ଧୂତାସ୍ତ୍ଵାଂ ଵିଦୁରୁତ୍ତମୋତ୍ତମଫଲଂ ଶଂଭୋ ଭଵତ୍ସେଵକାଃ ॥ ୧୦୦॥
॥ ଇତି ଶ୍ରୀମଚ୍ଛଙ୍କରାଚାର୍ଯଵିରଚିତ
ଶିଵାନନ୍ଦଲହରୀ ସମାପ୍ତା ॥
#ଏନ୍ଦ୍ସନ୍ସ୍କ୍ରିତ୍
Pଲେଅସେ ସେନ୍ଦ୍ ଚୋର୍ରେଚ୍ତିଓନ୍ସ୍ ତୋ ସନ୍ସ୍କ୍ରିତ୍@ଚୀର୍ୁଲ୍।ଚୋମ୍
ଳସ୍ତ୍ ଉପ୍ଦତେଦ୍ tଓଦଯ୍
ହ୍ତ୍ତ୍ପ୍://ସନ୍ସ୍କ୍ରିତ୍ଦୋଚୁମେନ୍ତ୍ସ୍।ଓର୍ଗ୍
Shivananda Lahari Lyrics in Oriya PDF
% File name : shivaananda.itx
% Category : laharI
% Location : doc\_shiva
% Language : Sanskrit
% Subject : philosophy/hinduism/religion
% Transliterated by : P. P. Narayanaswami swami at math.mun.ca
% Proofread by : P. P. Narayanaswami swami at math.mun.ca
% Latest update : November 1, 2010
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : shivaananda.itx
% Category : laharI
% Location : doc\_shiva
% Language : Sanskrit
% Subject : philosophy/hinduism/religion
% Transliterated by : P. P. Narayanaswami swami at math.mun.ca
% Proofread by : P. P. Narayanaswami swami at math.mun.ca
% Latest update : November 1, 2010
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website