{॥ ଶ୍ରୀଶିଵାପରାଧ କ୍ଷମାପଣସ୍ତୋତ୍ର ॥}
ଆଦୌ କର୍ମପ୍ରସଙ୍ଗାତ୍କଲଯତି କଲୁଷଂ ମାତୃକୁକ୍ଷୌ ସ୍ଥିତଂ ମାଂ
ଵିଣ୍ମୂତ୍ରାମେଧ୍ଯମଧ୍ଯେ କଥଯତି ନିତରାଂ ଜାଠରୋ ଜାତଵେଦାଃ ।
ଯଦ୍ଯଦ୍ଵୈ ତତ୍ର ଦୁଃଖଂ ଵ୍ଯଥଯତି ନିତରାଂ ଶକ୍ଯତେ କେନ ଵକ୍ତୁଂ
କ୍ଷନ୍ତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀ ମହାଦେଵ ଶମ୍ଭୋ ॥ ୧॥

ବାଲ୍ଯେ ଦୁଃଖାତିରେକୋ ମଲଲୁଲିତଵପୁଃ ସ୍ତନ୍ଯପାନେ ପିପାସା
ନୋ ଶକ୍ତଶ୍ଚେନ୍ଦ୍ରିଯେଭ୍ଯୋ ଭଵଗୁଣଜନିତାଃ ଜନ୍ତଵୋ ମାଂ ତୁଦନ୍ତି ।
ନାନାରୋଗାଦିଦୁଃଖାଦ୍ରୁଦନପରଵଶଃ ଶଙ୍କରଂ ନ ସ୍ମରାମି
କ୍ଷନ୍ତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀ ମହାଦେଵ ଶମ୍ଭୋ ॥ ୨॥

ପ୍ରୌଢୋଽହଂ ଯୌଵନସ୍ଥୋ ଵିଷଯଵିଷଧରୈଃ ପଞ୍ଚଭିର୍ମର୍ମସନ୍ଧୌ
ଦଷ୍ଟୋ ନଷ୍ଟୋଽଵିଵେକଃ ସୁତଧନଯୁଵତିସ୍ଵାଦୁସୌଖ୍ଯେ ନିଷଣ୍ଣଃ ।
ଶୈଵୀଚିନ୍ତାଵିହୀନଂ ମମ ହୃଦଯମହୋ ମାନଗର୍ଵାଧିରୂଢଂ
କ୍ଷନ୍ତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀ ମହାଦେଵ ଶମ୍ଭୋ ॥ ୩॥

ଵାର୍ଧକ୍ଯେ ଚେନ୍ଦ୍ରିଯାଣାଂ ଵିଗତଗତିମତିଶ୍ଚାଧିଦୈଵାଦିତାପୈଃ
ପାପୈ ରୋଗୈର୍ଵିଯୋଗୈସ୍ତ୍ଵନଵସିତଵପୁଃ ପ୍ରୌଢହୀନଂ ଚ ଦୀନମ୍ ।
ମିଥ୍ଯାମୋହାଭିଲାଷୈର୍ଭ୍ରମତି ମମ ମନୋ ଧୂର୍ଜଟେର୍ଧ୍ଯାନଶୂନ୍ଯଂ
କ୍ଷନ୍ତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀ ମହାଦେଵ ଶମ୍ଭୋ ॥ ୪॥

ନୋ ଶକ୍ଯଂ ସ୍ମାର୍ତକର୍ମ ପ୍ରତିପଦଗହନପ୍ରତ୍ଯଵାଯାକୁଲାଖ୍ଯଂ
ଶ୍ରୌତେ ଵାର୍ତା କଥଂ ମେ ଦ୍ଵିଜକୁଲଵିହିତେ ବ୍ରହ୍ମମାର୍ଗେଽସୁସାରେ ।
ଜ୍ଞାତୋ ଧର୍ମୋ ଵିଚାରୈଃ ଶ୍ରଵଣମନନଯୋଃ କିଂ ନିଦିଧ୍ଯାସିତଵ୍ଯଂ
କ୍ଷନ୍ତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀ ମହାଦେଵ ଶମ୍ଭୋ ॥ ୫॥

ସ୍ନାତ୍ଵା ପ୍ରତ୍ଯୂଷକାଲେ ସ୍ନପନଵିଧିଵିଧୌ ନାହୃତଂ ଗାଙ୍ଗତୋଯଂ
ପୂଜାର୍ଥଂ ଵା କଦାଚିଦ୍ବହୁତରଗହନାତ୍ଖଣ୍ଡବିଲ୍ଵୀଦଲାନି ।
ନାନୀତା ପଦ୍ମମାଲା ସରସି ଵିକସିତା ଗନ୍ଧଧୂପୈଃ ତ୍ଵଦର୍ଥଂ
କ୍ଷନ୍ତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀ ମହାଦେଵ ଶମ୍ଭୋ ॥ ୬॥

ଦୁଗ୍ଧୈର୍ମଧ୍ଵାଜ୍ଯୁତୈର୍ଦଧିସିତସହିତୈଃ ସ୍ନାପିତଂ ନୈଵ ଲିଙ୍ଗଂ
ନୋ ଲିପ୍ତଂ ଚନ୍ଦନାଦ୍ଯୈଃ କନକଵିରଚିତୈଃ ପୂଜିତଂ ନ ପ୍ରସୂନୈଃ ।
ଧୂପୈଃ କର୍ପୂରଦୀପୈର୍ଵିଵିଧରସଯୁତୈର୍ନୈଵ ଭକ୍ଷ୍ଯୋପହାରୈଃ
କ୍ଷନ୍ତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀ ମହାଦେଵ ଶମ୍ଭୋ ॥ ୭॥

ଧ୍ଯାତ୍ଵା ଚିତ୍ତେ ଶିଵାଖ୍ଯଂ ପ୍ରଚୁରତରଧନଂ ନୈଵ ଦତ୍ତଂ ଦ୍ଵିଜେଭ୍ଯୋ
ହଵ୍ଯଂ ତେ ଲକ୍ଷସଙ୍ଖ୍ଯୈର୍ହୁତଵହଵଦନେ ନାର୍ପିତଂ ବୀଜମନ୍ତ୍ରୈଃ ।
ନୋ ତପ୍ତଂ ଗାଙ୍ଗାତୀରେ ଵ୍ରତଜନନିଯମୈଃ ରୁଦ୍ରଜାପ୍ଯୈର୍ନ ଵେଦୈଃ
କ୍ଷନ୍ତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀ ମହାଦେଵ ଶମ୍ଭୋ ॥ ୮॥

ସ୍ଥିତ୍ଵା ସ୍ଥାନେ ସରୋଜେ ପ୍ରଣଵମଯମରୁତ୍କୁମ୍ଭକେ (କୁଣ୍ଡଲେ) ସୂକ୍ଷ୍ମମାର୍ଗେ
ଶାନ୍ତେ ସ୍ଵାନ୍ତେ ପ୍ରଲୀନେ ପ୍ରକଟିତଵିଭଵେ ଜ୍ଯୋତିରୂପେଽପରାଖ୍ଯେ ।
ଲିଙ୍ଗଜ୍ଞେ ବ୍ରହ୍ମଵାକ୍ଯେ ସକଲତନୁଗତଂ ଶଙ୍କରଂ ନ ସ୍ମରାମି
କ୍ଷନ୍ତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀ ମହାଦେଵ ଶମ୍ଭୋ ॥ ୯॥

ନଗ୍ନୋ ନିଃସଙ୍ଗଶୁଦ୍ଧସ୍ତ୍ରିଗୁଣଵିରହିତୋ ଧ୍ଵସ୍ତମୋହାନ୍ଧକାରୋ
ନାସାଗ୍ରେ ନ୍ଯସ୍ତଦୃଷ୍ଟିର୍ଵିଦିତଭଵଗୁଣୋ ନୈଵ ଦୃଷ୍ଟଃ କଦାଚିତ୍ ।
ଉନ୍ମନ୍ଯାଽଵସ୍ଥଯା ତ୍ଵାଂ ଵିଗତକଲିମଲଂ ଶଙ୍କରଂ ନ ସ୍ମରାମି
କ୍ଷନ୍ତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀ ମହାଦେଵ ଶମ୍ଭୋ ॥ ୧୦॥

ଚନ୍ଦ୍ରୋଦ୍ଭାସିତଶେଖରେ ସ୍ମରହରେ ଗଙ୍ଗାଧରେ ଶଙ୍କରେ
ସର୍ପୈର୍ଭୂଷିତକଣ୍ଠକର୍ଣଯୁଗଲେ (ଵିଵରେ) ନେତ୍ରୋତ୍ଥଵୈଶ୍ଵାନରେ ।
ଦନ୍ତିତ୍ଵକ୍କୃତସୁନ୍ଦରାମ୍ବରଧରେ ତ୍ରୈଲୋକ୍ଯସାରେ ହରେ
ମୋକ୍ଷାର୍ଥଂ କୁରୁ ଚିତ୍ତଵୃତ୍ତିମଚଲାମନ୍ଯୈସ୍ତୁ କିଂ କର୍ମଭିଃ ॥ ୧୧॥

କିଂ ଵାଽନେନ ଧନେନ ଵାଜିକରିଭିଃ ପ୍ରାପ୍ତେନ ରାଜ୍ଯେନ କିଂ
କିଂ ଵା ପୁତ୍ରକଲତ୍ରମିତ୍ରପଶୁଭିର୍ଦେହେନ ଗେହେନ କିମ୍ ।
ଜ୍ଞାତ୍ଵୈତତ୍କ୍ଷଣଭଙ୍ଗୁରଂ ସପଦି ରେ ତ୍ଯାଜ୍ଯଂ ମନୋ ଦୂରତଃ
ସ୍ଵାତ୍ମାର୍ଥଂ ଗୁରୁଵାକ୍ଯତୋ ଭଜ ମନ ଶ୍ରୀପାର୍ଵତୀଵଲ୍ଲଭମ୍ ॥ ୧୨॥

ଆଯୁର୍ନଶ୍ଯତି ପଶ୍ଯତାଂ ପ୍ରତିଦିନଂ ଯାତି କ୍ଷଯଂ ଯୌଵନଂ
ପ୍ରତ୍ଯାଯାନ୍ତି ଗତାଃ ପୁନର୍ନ ଦିଵସାଃ କାଲୋ ଜଗଦ୍ଭକ୍ଷକଃ ।
ଲକ୍ଷ୍ମୀସ୍ତୋଯତରଙ୍ଗଭଙ୍ଗଚପଲା ଵିଦ୍ଯୁଚ୍ଚଲଂ ଜୀଵିତଂ
ତସ୍ମାତ୍ତ୍ଵାଂ (ମାଂ) ଶରଣାଗତଂ ଶରଣଦ ତ୍ଵଂ ରକ୍ଷ ରକ୍ଷାଧୁନା ॥ ୧୩॥

ଵନ୍ଦେ ଦେଵମୁମାପତିଂ ସୁରଗୁରୁଂ ଵନ୍ଦେ ଜଗତ୍କାରଣଂ
ଵନ୍ଦେ ପନ୍ନଗଭୂଷଣଂ ମୃଗଧରଂ ଵନ୍ଦେ ପଶୂନାଂ ପତିମ୍ ।
ଵନ୍ଦେ ସୂର୍ଯଶଶାଙ୍କଵହ୍ନିନଯନଂ ଵନ୍ଦେ ମୁକୁନ୍ଦପ୍ରିଯଂ
ଵନ୍ଦେ ଭକ୍ତଜନାଶ୍ରଯଂ ଚ ଵରଦଂ ଵନ୍ଦେ ଶିଵଂ ଶଙ୍କରମ୍ ॥୧୪॥

ଗାତ୍ରଂ ଭସ୍ମସିତଂ ଚ ହସିତଂ ହସ୍ତେ କପାଲଂ ସିତଂ
ଖଟ୍ଵାଙ୍ଗଂ ଚ ସିତଂ ସିତଶ୍ଚ ଵୃଷଭଃ କର୍ଣେ ସିତେ କୁଣ୍ଡଲେ ।
ଗଙ୍ଗାଫେନସିତା ଜଟା ପଶୁପତେଶ୍ଚନ୍ଦ୍ରଃ ସିତୋ ମୂର୍ଧନି
ସୋଽଯଂ ସର୍ଵସିତୋ ଦଦାତୁ ଵିଭଵଂ ପାପକ୍ଷଯଂ ସର୍ଵଦା ॥ ୧୫॥

କରଚରଣକୃତଂ ଵାକ୍କାଯଜଂ କର୍ମଜଂ ଵା
ଶ୍ରଵଣନଯନଜଂ ଵା ମାନସଂ ଵାଽପରାଧମ୍ ।
ଵିହିତମଵିହିତଂ ଵା ସର୍ଵମେତତ୍କ୍ଷ୍ମସ୍ଵ
ଶିଵ ଶିଵ କରୁଣାବ୍ଧେ ଶ୍ରୀ ମହାଦେଵ ଶମ୍ଭୋ ॥ ୧୬॥

॥ ଇତି ଶ୍ରୀମଦ୍ ଶଙ୍କରାଚାର୍ଯକୃତ ଶିଵାପରାଧକ୍ଷମାପଣ ସ୍ତୋତ୍ରଂ ସମ୍ପୂର୍ଣମ୍ ॥

Encoded and proofread by P. P. Narayanaswami at swami at math.mun.ca

Please send corrections to sanskrit@cheerful.com
Last updated ତ୍oday
http://sanskritdocuments.org

Shiva Aparadha kshamapana Stotram Lyrics in Oriya PDF
% File name : shivaaparaadha.itx
% Location : doc\_shiva
% Language : Sanskrit
% Subject : philosophy/hinduism/religion
% Transliterated by : P. P. Narayanaswami swami at math.mun.ca
% Proofread by : P. P. Narayanaswami swami at math.mun.ca
% Latest update : November 1, 2010
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website