ಶ್ರೀಶಿವರಹಸ್ಯಾನ್ತರ್ಗತಂ ಶಿವಸಹಸ್ರನಾಮಸ್ತೋತ್ರಮ್

{॥ ಶ್ರೀಶಿವರಹಸ್ಯಾನ್ತರ್ಗತಂ ಶಿವಸಹಸ್ರನಾಮಸ್ತೋತ್ರಮ್ ॥}
॥ ಶಿವರಹಸ್ಯೇ ಪಞ್ಚಮಾಂಶೇ ಚತ್ವಾರಿಂಶೋಽಧ್ಯಾಯಃ ॥
ದೇವೀ -
ಶ್ರುತಂ ಸುದರ್ಶನಾಖ್ಯಾನಂ ತ್ವತ್ತೋ ವಿಸ್ಮಾಪನಂ ಮಮ ।
ಪ್ರದೋಷೇ ಪಾಪಿನಾ ತೇನ ದೃಷ್ಟಶ್ಚಾನ್ಯಾರ್ಚಿತಃ ಶಿವಃ ॥ ೧॥

ಶೇಷೇಣ ನಾಮಸಾಹತ್ರೈಸ್ತ್ವಂ ಸ್ತುತಃ ಕಥಮೀಶ್ವರ ।
ತನ್ನಾಮ್ನಾಂ ಶ್ರವಣೇಚ್ಛಾ ಮೇ ಭೂಯಸೀ ಭವತಿ ಪ್ರಭೋ ॥ ೨॥

ಸೂತಃ -
ತಸ್ಮಿನ್ ಕೈಲಾಸಶಿಖರೇ ಸುಖಾಸೀನಂ ಮಹೇಶ್ವರಮ್ ।
ಪ್ರಣಮ್ಯ ಪ್ರಾರ್ಥಯಾಮಾಸ ಸಾ ದೇವೀ ಜಗದಂಬಿಕಾ ॥ ೩॥

ತದಾ ದೇವ್ಯಾ ಮಹಾದೇವಃ ಪ್ರಾರ್ಥಿತಃ ಸರ್ವಕಾಮದಃ ।
ಭವೋ ಭವಾನೀಮಾಹೇತ್ಥಂ ಸರ್ವಪಾಪಪ್ರಣಾಶಕಮ್ ॥ ೪॥

ಫಣೀಶೋ ಮುಖಸಾಹಸ್ರೈತ್ರ್ಯಾನಿ ನಾಮಾನಿ ಚೋಕ್ತ್ತವಾನ್ ।
ತಾನಿ ವಃ ಸಮ್ಪ್ರವಕ್ಷ್ಯಾಮಿ ಯಥಾ ಮಮ ಗುರೋಃ ಶ್ರುತಮ್ ॥ ೫॥

ಈಶ್ವರಃ -
ಋಷಿಃ ಛನ್ದೋ ದೈವತಂ ಚ ತಾನ್ಯಹಂ ಕ್ರಮಶೋಂಽಬಿಕೇ ।
ಸಹಸ್ರನಾಮ್ನಾಂ ಪುಣ್ಯಂ ಮೇ ಫಣಿನ್ದ್ರಃ ಕೃತವಾನುಮೇ ॥ ೬॥

ಋಷಿಸ್ತಸ್ಯ ಹಿ ಶೇಷೋಽಯಂ ಛನ್ದೋಽನುಷ್ಟುಪ್ ಪ್ರಕೀರ್ತಿತಮ್ ।
ದೇವತಾಸ್ಯಾಹಮೀಶಾನಿ ಸರ್ವತ್ರ ವಿನಿಯೋಜನಮ್ ॥ ೭॥

ಧ್ಯಾನಂ ತೇ ಕಥಯಾಮ್ಯದ್ಯ ಶ್ರೂಣು ತ್ವಮಗಕನ್ಯಕೇ ।
ಕೈಲಾಸೇ ಸುಹಿರಣ್ಯವಿಷ್ಟರವರೇ ದೇವ್ಯಾ ಸಮಾಲಿಙ್ಗಿತಂ
ನನ್ದ್ಯಾದ್ಯೈರ್ಗಣಪೈಃ ಸದಾ ಪರಿವೃತಂ ವನ್ದೇ ಶಿವಂ ಸುನ್ದರಮ್ ।
ಭಕ್ತಾಘೌಘನಿಕೃನ್ತನೈಕಪರಶುಂ ಬಿಭ್ರಾಣಮಿನ್ದುಪ್ರಭಂ
ಸ್ಕನ್ದಾದ್ಯೈರ್ಗಜವಕ್ತ್ರ (?) ಸೇವಿತಪದಂ ಧ್ಯಾಯಾಮಿ ಸಾಂಬಂ ಸದಾ ॥ ೮॥

ಏವಂ ಮಾಮಬಿಕೇ ಧ್ಯಾತ್ವಾ ನಾಮಾನಿ ಪ್ರಜಪೇತ್ತತಃ ।
ಹೃತ್ಪದ್ಮಸದ್ಮಸಂಸ್ಥಂ ಮಾಂ ಸರ್ವಾಭೀಷ್ಟಾರ್ಥಸಿದ್ಧಯೇ ॥ ೯॥

ಪುಣ್ಯಕಾಲೇಷು ಸರ್ವೇಷು ಸೋಮವಾರೇ ವಿಶೇಷತಃ ।
ಬಿಲ್ವಪತ್ರೈಃ ಪಙ್ಕಜೈಶ್ಚ ಪುಣ್ಯನಾಮಾನಿ ಶಙ್ಕರಿ ॥ ೧೦॥

ಪೂಜಯೇನ್ನಾಮಸಾಹಸ್ರೈಃ ಸರ್ವಾರ್ಥಪ್ರಾಪ್ತಯೇ ಶಿವೇ ।
ಯೋ ಯಂ ಕಾಮಯತೇ ಕಾಮಂ ತಂ ತಮಾಪ್ನೋತಿ ಶಙ್ಕರಿ ॥ ೧೧॥

ಧನಾರ್ಥೀ ಲಭತೇ ವಿತ್ತಂ ಕನ್ಯಾರ್ಥೀ ಕನ್ಯಕಾಂ ತಥಾ ।
ರಾಜ್ಯಾರ್ಥೀ ರಾಜ್ಯಮಾಪ್ನೋತಿ ಮೋಕ್ಷಾರ್ಥೀ ಮೋಕ್ಷಮಾಪ್ನುಯಾತ್ ॥ ೧೨॥

ಶೃಣು ದೇವಿ ಪರಂ ಪುಣ್ಯಂ ಮಾತೃಕಾನಾಮನುತ್ತಮಮ್ ।
ಸಹಸ್ರಂ ಪ್ರಜಪೇನ್ನಿತ್ರ್ಯಂ ಧರ್ಮಕಾಮಾರ್ಥಮೋಕ್ಷಭಾಕ್ ॥ ೧೩॥

ಈಶ್ವರಃ -
ಓಂಕಾರನಿಲಯಾತ್ಮಸ್ಥಃ ಓಂಕಾರಾರ್ಥೈಕವಾಚಕಃ ।
ಓಂಕಾರೇಶಾಕೃತಿರೋಮಿತಿಶಬ್ದಕೃತಸ್ತುತಿಃ ॥ ೧೪॥

ಓಂಕಾರಕುಣ್ಡನಿಲಯಲಿಙ್ಗಪೃಜನಪಾಪಹೃತ್ ।
ನಮಿತಾಶೇಷದೇವಾದಿರ್ನದೀಪುಲಿತಸಂಸ್ಥಿತಃ ॥ ೧೫॥

ನನ್ದಿವಾದ್ಯಪ್ರಿಯೋ ನಿತ್ಯೋ ನಾಮಪಾರಾಯಣಪ್ರಿಯಃ ।
ಮಹೇನ್ದ್ರನಿಲಯೋ ಮಾನಿ ಮಾನಸಾನ್ತರಪಾಪಭಿತ್ ॥ ೧೬॥

ಮಯಸ್ಕರೋ ಮಹಾಯೋಗೀ ಮಾಯಾಚಕ್ರಪ್ರವರ್ತಕಃ ।
ಶಿವಃ ಶಿವತರಃ ಶೀತಃ ಶೀತಾಂಶುಕೃತಭೂಷಣಃ ॥ ೧೭॥

ಧನುಃಶರಕರೋ ಧ್ಯಾತಾ ಧರ್ಮಾಧರ್ಮಪ್ರಾಯಾಣಃ ।
ಆತ್ಮಾ ಆತಾರ್ಯ ಆಲಾದ್ಯ ಅನಙ್ಗಶರಖಣ್ಡನಃ ॥ ೧೮॥

ಈಶಾನ ಈಡ್ಯ ಈಘ್ರ್ಯಶ್ಚ ಇಭಮಸ್ತಕಸಂಸ್ತುತಃ ।
ಉಮಾಸಂಶ್ಲಿಷ್ಟವಾಮಾಙ್ಗ ಉಶೀನರನೃಪಾರ್ಚಿತಃ ॥ ೧೯॥

ಉದುಮ್ಬರಫಲಪ್ರೀತ ಉಮಾದಿಸುರಪೂಜಿತಃ ।
ಋಜೀಷೀಕೃತಭೃಚಕ್ರೋ ರಿಪುಪ್ರಮಥನೋರ್ಜಿತಃ ॥ ೨೦॥

ಲಿಙ್ಗಾರ್ಚಕಜನಪ್ರೀತೋ ಲಿಙ್ಗೀ ಲಿಙ್ಗಸಮಪ್ರಿಯಃ ।
ಲಿಪಿಪ್ರಿಯೋ ಬಿನ್ದುಹೀನೋ ಲೀಲಾಕೃತಜಗನ್ತ್ತ್ರಯಃ ॥ ೨೧॥

ಐನ್ದ್ರೀದಿಕ್ಪತಿಸಂಯುಕ್ತ ಐಶ್ವರ್ಯಾದಿಫಲಪ್ರದಃ ।
ಔತ್ತಾನಪಾದಪೂಜ್ಯಾಙ್ಘ್ರಿರೌಮಾದಿಸುರಪೂಜಿತಃ ॥ ೨೨॥

ಕಲ್ಯಾಣಾಚಲಕೋದಣ್ಡಃ ಕಾಮಿತಾರ್ಥಫಲಪ್ರದಃ ।
ಕಸ್ತೂರೀತಿಲಕಪ್ರೀತಃ ಕರ್ಪೂರಾಭಕಲೇವರಃ ॥ ೨೩॥

ಕರನ್ಧಮಸುತಪ್ರೀತಃ ಕಲ್ಪಾದಿಪರಿವರ್ಜಿತಃ ।
ಕಲ್ಪಿತಾನೇಕಭೂತಾದಿಃ ಕಲಿಕಲ್ಮಷನಾಶನಃ ॥ ೨೪॥

ಕಮಲಾಮಲಸನ್ನೇತ್ರಃ ಕಮಲಾಪತಿಪೂಜಿತಃ ।
ಖಗೋಲ್ಕಾದಿತ್ಯವರದಃ ಖಞ್ಜರೀಟವರಪ್ರದಃ ॥ ೨೫॥

ಖರ್ಜುರವನಮಧ್ಯಸ್ಥಃ ಖಣ್ಡಿತಾಖಣ್ಡಲೀಕರಃ ।
ಖಗಃ ಖಙ್ಗಹರಃ ಖಣ್ಡಃ ಖಗಗಃ ಖಾಕೃತಿಃ ಖಸಃ ॥ ೨೬॥

ಖಣ್ಡಪರ್ಶುಃ ಖಣ್ಡಧನಃ ಖಣ್ಡಿತಾರಾತಿಮಣ್ಡಲಃ ।
ಗನ್ಧರ್ವಗಣಸುಪ್ರೀತೋ ಗನ್ಧಧೃಕ್ ಗರ್ವನಾಶಕಃ ॥ ೨೭॥

ಗಙ್ಗಾಧರೋ ಗೋಗಣೇಶೋ ಗಣೇಶವರಪುತ್ರಕಃ ।
ಗತಿದೋ ಗದಹಾ ಗನ್ಧೀ ಗನ್ಧಮಾಲ್ಯವರಾರ್ಚಿತಃ ॥ ೨೮॥

ಗಗನಸ್ಥೋ ಗಣಪತಿರ್ಗಗನಾಭೋಗಭೂಷಣಃ ।
ಘಣ್ಟಾಕರ್ಣಪ್ರಿಯೋ ಘಣ್ಟೀ ಘಟಜಸ್ತುತಿಸುಪ್ರಿಯಃ ॥ ೨೯॥

ಘೋಟಕಪ್ರಿಯಪುತ್ರಶ್ಚ ಧರ್ಮಕಾಲೋ ಘನಾಕೃತಿಃ ।
ಘನವಾಹೋ ಘೃತಾಧ್ಯಕ್ಷೋ ಘನಘೋಷೋ ಘಟೇಶ್ವರಃ ॥ ೩೦॥

ಘಟಾನಾದಕರಪ್ರೀತೋ ಘಟೀಭೂತಮಹಾಗಿರಿಃ ।
ಚನ್ದ್ರಚೂಡಶ್ಚನ್ದ್ರಕರಶ್ಚನ್ದನಾರ್ದ್ರಶ್ಚತುಷ್ಪಥಃ ॥ ೩೧॥

ಚಮಸೋದ್ಭೇದಮಧ್ಯಸ್ಥಶ್ಚಣ್ಡಕೋಪಶ್ಚತುರ್ಮುಖಃ ।
ಚಕ್ಷುಃಶ್ರೋತ್ರಮಹಾಹಾರಶ್ಚಣ್ಡಿಕೇಶವರಪ್ರದಃ ॥ ೩೨॥

ಚೇತೋಜನ್ಮಹರಶ್ಚಣ್ಡಶ್ಚಾತುರ್ಹೋತ್ರಪ್ರಿಯಶ್ಚರಃ ।
ಚತುರ್ಮುಖಮುಖಸ್ತುತ್ಯಶ್ಚತುರ್ವೇದಶ್ಚರಾಚರಃ ॥ ೩೩॥

ಚಣ್ಡಭಾನುಕರಾನ್ತಃಸ್ಥಶ್ಚತುರ್ಮೂರ್ತಿವಪುಃಸ್ಥಿತಃ ।
ಛಾದಿತಾನೇಕಲೋಕಾದಿಃ ಛನ್ದಸಾಂ ಗಣಮಧ್ಯಗಃ ॥ ೩೪॥

ಛತ್ರಚಾಮರಶೋಭಾಢ್ಯಃ ಛನ್ದೋಗಗತಿದಾಯಕಃ ।
ಜಙ್ಗಮಾಜಙ್ಗಮಾಕಾರೋ ಜಗನ್ನಾಥೋ ಜಗದ್ಗತಃ ॥ ೩೫॥

ಜಹ್ನುಕನ್ಯಾಜಟೋ ಜಪ್ಯೋ ಜೇತಾ ಜತ್ರುರ್ಜನಾರ್ತಿಹಾ ।
ಜಮ್ಭಾರಾತಿರ್ಜನಪ್ರೀತೋ ಜನಕೋ ಜನಿಕೋವಿದಃ ॥ ೩೬॥

ಜನಾರ್ದನಾರ್ದನೋ ಜಾಮಿಜಾತ್ಯಾದಿಪರಿವರ್ಜಿತಃ ।
ಝಣಜ್ಝಣಾನ್ಘ್ರಿಜಾರಾವೋ ಝಙ್ಕಾರೋಜ್ಝಿತದುಷ್ಕ್ರಿಯಃ ॥ ೩೭॥

ಟಙ್ಕಪ್ರಿಯಷ್ಟಂಕೃತಿಕಷ್ಟಂಕಭೇದೀ ಟಕಾರಕಃ ।
ಟಾದಿವರ್ಣಪ್ರಿಯಷ್ಠಾನ್ತೋ ಢಕ್ಕಾನಾದಪ್ರಿಯೋ ರಸಃ ॥ ೩೮॥

ಡಾಮರಿತನ್ತ್ರಮಧ್ಯಸ್ಥೋ ಡಮರುಧ್ವನಿಶೋಭಿತಃ ।
ಢಕ್ಕಾಧ್ವನಿಕೃತಾನಲ್ಪಬಧಿರೀಕೃತದಿಙ್ಮುಖಃ ॥ ೩೯॥

ಣಕಾರೋ ಣಣುಕೋತ್ಥಾದಿರ್ಣಾನ್ತಕೃಣ್ಣವಿಮೋಚಕಃ ।
ತಸ್ಕರಸ್ತಾಮ್ರಕಸ್ತಾರ್ಕ್ಷ್ಯಸ್ತಾಮಸಾದಿಗುಣೋಜ್ಝಿತಃ ॥ ೪೦॥

ತರುಮೂಲಪ್ರಿಯಸ್ತಾತಸ್ತಮಸಾಂ ನಾಶಕಸ್ತಟಃ ।
ಥಾನಾಸುರಹರಃ ಸ್ಥಾತಾ ಸ್ಥಾಣುಃ ಸ್ಥಾನಪ್ರಿಯಃ ಸ್ಥಿರಃ ॥ ೪೧॥

ದಾತಾ ದಾನಪತಿರ್ದಾನ್ತೋ ದನ್ದಶೂಕವಿಭುಷಿತಃ ।
ದರ್ಶನಿಯೋ ದೀನದಯೋ ದಣ್ಡಿತಾರಾತಿಮಣ್ಡಲಃ ॥ ೪೨॥

ದಕ್ಷಯಜ್ಞಹರೋ ದೇವೋ ದಾನವಾರಿರ್ದಮೋದಯಃ ।
ದತ್ತಾತ್ರೇಯಪ್ರಿಯೋ ದಣ್ಡೀ ದಾಡಿಮೀಕುಸುಮಪ್ರಿಯಃ ॥ ೪೩॥

ಧತಾ ಧನಾಧಿಪಸಖೋ ಧನಧಾನ್ಯಪ್ರದೋ ಧನಮ್ ।
ಧಾಮಪ್ರಿಯೋಽನ್ಧಸಾಂ ನಾಥೋ ಧರ್ಮವಾಹೋ ಧನುರ್ಧರಃ ॥ ೪೪॥

ನಮಸ್ಕಾರಪ್ರಿಯೋ ನಾಥೋ ನಮಿತಾಶೇಷದುಃಖಹೃತ್ ।
ನನ್ದಿಪ್ರಿಯೋ ನರ್ಮಸಖೋ ನರ್ಮದಾತೀರಸಂಸ್ಥಿತಃ ॥ ೪೫॥

ನನ್ದನೋ ನಮಸಾಮೀಶೋ ನಾನಾರೂಪೋ ನದೀಗತಃ ।
ನಾಮಪ್ರೀತೋ ನಾಮರೂಪಗುಣಕರ್ಮವಿವರ್ಜಿತಃ ॥ ೪೬॥

ಪತ್ತೀನಾಂ ಚ ಪತಿಃ ಪಾರ್ಯಃ ಪರಮಾತ್ಮಾ ಪರಾತ್ಪರಃ ।
ಪಙ್ಕಜಾಸನಪೂಜ್ಯಾಙ್ಘ್ರಿಃ ಪದ್ಮನಾಭವರಪ್ರದಃ ॥ ೪೭॥

ಪನ್ನಗಾಧಿಪಸದ್ಧಾರಃ ಪಶೂನಾಂ ಪತಿಪಾವಕಃ ।
ಪಾಪಹಾ ಪಣ್ಡಿತಃ ಪಾನ್ಥೋ ಪಾದಪೋನ್ಮಥನಃ ಪರಃ ॥ ೪೮॥

ಫಣೀಫಣಾಲಸಮ್ಮೌಲಿಃ ಫಣಿಕಙ್ಕಣಸತ್ಕರಃ ।
ಫಣಿತಾ ನೇಕವೇದೋಕ್ತ್ತಿಃ ಫಣಿಮಾಣಿಕ್ಯಭೂಷಿತಃ ॥ ೪೯॥

ಬನ್ಧಮೋಚನಕೃದ್ಬನ್ಧುರ್ಬನ್ಧುರಾಲಕಶೋಭಿತಃ ।
ಬಲೀ ಬಲವತಾಂ ಮುಖ್ಯೋ ಬಲಿಪುತ್ರವರಪ್ರದಃ ॥ ೫೦॥

ಬಾಣಾಸುರೇನ್ದ್ರಪೂಜ್ಯಾಙ್ಘ್ರಿರ್ಬಾಣಲಿಙ್ಗೋ ಬಹುಪದಃ ।
ವನ್ದೀಕೃತಾಗಮೋ ಬಾಲಪಾಲಕೋ ಬಹುಶೋಭಿತಃ ॥ ೫೧॥

ಭವಾದಿರ್ಭವಹಾ ಭವ್ಯೋ ಭವೋ ಭಾವಪರಾಯಣಃ ।
ಭಯಹೃದ್ಭವದೋ ಭೂತೋ ಭಣ್ಡಾಸುರವರಪ್ರದಃ ॥ ೫೨॥

ಭಗಾಕ್ಷಿಮಥನೋ ಭರ್ಗೋ ಭವಾನೀಶೋ ಭಯಙ್ಕರಃ ।
ಭಙ್ಕಾರೋ ಭಾವುಕದೋ ಭಸ್ಮಾಭ್ಯಕ್ತ್ತತನುರ್ಭಟಃ ॥ ೫೩॥

ಮಯಸ್ಕರೋ ಮಹಾದೇವೋ ಮಾಯಾವೀ ಮಾನಸಾನ್ತರಃ ।
ಮಾಯಾತೀತೋ ಮನ್ಮಥಾರಿರ್ಮಧುಪೋಽಥ ಮನೋನ್ಮನಃ ॥ ೫೪॥

ಮಧ್ಯಸ್ಥೋ ಮಧುಮಾಂಸಾತ್ಮಾ ಮನೋವಾಚಾಮಗೋಚರಃ ।
ಮಣ್ಡಿತೋ ಮಣ್ಡನಾಕಾರೋ ಮತಿದೋ ಮಾನಪಾಲಕಃ ॥ ೫೫॥

ಮನಸ್ವೀ ಮನುರೂಪಶ್ಚ ಮನ್ತ್ರಮೂರ್ತಿರ್ಮಹಾಹನುಃ ।
ಯಶಸ್ಕರೋ ಯನ್ತ್ರರೂಪೋ ಯಮಿಮಾನಸಪಾವನಃ ॥ ೫೬॥

ಯಮಾನ್ತಕರಣೋ ಯಾಮೀ ಯಜಮಾನೋ ಯದುರ್ಯಮೀ ।
ರಮಾನಾಥಾರ್ಚಿತಪದೋ ರಮ್ಯೋ ರತಿವಿಶಾರದಃ ॥ ೫೭॥

ರಂಭಾಪ್ರೀತೋ ರಸೋ ರಾತ್ರಿಚರೋ ರಾವಣಪೂಜಿತಃ ।
ರಙ್ಗಪಾದೋ ರನ್ತಿದೇವೋ ರವಿಮಣ್ಡಲಮಧ್ಯಗಃ ॥ ೫೮॥

ರಥನ್ತರಸ್ತುತೋ ರಕ್ತ್ತಪಾನೋ ರಥಪತೀ ರಜಃ ।
ರಥಾತ್ಮಕೋ ಲಮ್ಬತನುರ್ಲಾಙ್ಗಲೀ ಲೋಲಗಣ್ಡಕಃ ॥ ೫೯॥

ಲಲಾಮಸೋಮಲೂತಾದಿರ್ಲಲಿತಾಪೂಜಿತೋ ಲವಃ ।
ವಾಮನೋ ವಾಯುರೂಪಶ್ಚ ವರಾಹಮಥನೋ ವಟುಃ ॥ ೬೦॥

ವಾಕ್ಯಜಾತೋ ವರೋ ವಾರ್ಯೋ ವರುಣೇಡ್ಯೋ ವರಾಶ್ರಯಃ ।
ವಪುರ್ಧರೋ ವರ್ಷವರೋ ವರಿಯಾನ್ ವರದೋ ವರಃ ॥ ೬೧॥

ವಸುಪ್ರದೋ ವಸುಪತಿರ್ವನ್ದಾರುಜನಪಾಲಕಃ ।
ಶಾನ್ತಃ ಶಮಪರಃ ಶಾಸ್ತಾ ಶಮನಾನ್ತಕರಃ ಶಠಃ ॥ ೬೨॥

ಶಙ್ಖಹಸ್ತಃ ಶತ್ರುಹನ್ತಾ ಶಮಿತಾಖಿಲದುಷ್ಕೃತಃ ।
ಶರಹಸ್ತಃ ಶತಾವರ್ತಃ ಶತಕ್ರತುವರಪ್ರದಃ ॥ ೬೩॥

ಶಮ್ಭುಃ ಶಮ್ಯಾಕಪುಷ್ಪಾರ್ಚ್ಯಃ ಶಙ್ಕರಃ ಶತರುದ್ರಗಃ ।
ಶಮ್ಯಾಕರಃ ಶಾನ್ತಮನಾಃ ಶಾನ್ತಃ ಶಶಿಕಲಾಧರಃ ॥ ೬೪॥

ಷಡಾನನಗುರುಃ ಷಣ್ಡಃ ಷಟ್ಕರ್ಮನಿರತಃ ಷಗುಃ ।
ಷಡ್ಜಾದಿರಸಿಕಃ ಷಷ್ಠಃ ಷಷ್ಠೀಪ್ರೀತಃ ಷಡಙ್ಗವಾನ್ ॥ ೬೫॥

ಷಡೂರ್ಮಿರಹಿತಃ ಶಷ್ಪ್ಯಃ ಷಿದ್ಗಃ ಷಾಡ್ಗುಣ್ಯದಾಯಕಃ ।
ಸತ್ಯಪ್ರಿಯಃ ಸತ್ಯಧಾಮಾ ಸಂಸಾರರಹಿತಃ ಸಮಃ ॥ ೬೬॥

ಸಖಾ ಸನ್ಧಾನಕುಶಲಃ ಸರ್ವಸಮ್ಪತ್ಪ್ರದಾಯಕಃ ।
ಸಗರಃ ಸಾಗರಾನ್ತಸ್ಥಃ ಸತ್ರಾಶಃ ಸರಣಃ ಸಹಃ ॥ ೬೭॥

ಸಾಂಬಃ ಸನಾತನಃ ಸಾಧುಃ ಸಾರಾಸಾರವಿಶಾರದಃ ।
ಸಾಮಗಾನಪ್ರಿಯಃ ಸಾರಃ ಸರಸ್ವತ್ಯಾ ಸುಪೂಜಿತಃ ॥ ೬೮॥

ಹತಾರಾತಿರ್ಹಂಸಗತಿರ್ಹಾಹಾಹೂಹೂಸ್ತುತಿಪ್ರಿಯಃ ।
ಹರಿಕೇಶೋ ಹರಿದ್ರಾಙ್ಗೋ ಹರಿನ್ಮಣಿಸರೋಹಠಃ ॥ ೬೯॥

ಹರಿಪೃಜ್ಯೋ ಹರೋ ಹಾರ್ಯೋ ಹರಿಣಾಙ್ಕಶಿಖಣ್ಡಕಃ ॥

ಹಾಹಾಕಾರಾದಿರಹಿತೋ ಹನುನಾಸೋ ಹಹುಂಕೃತಃ ॥ ೭೦॥

ಲಲಾನನೋ ಲತಾಸೋಮೋ ಲಕ್ಷಮೀಕಾನ್ತವರಪ್ರದಃ ।
ಲಮ್ಬೋದರಗುರುರ್ಲಭ್ಯೋ ಲವಲೀಶೋ ಲುಲಾಯಗಃ ॥ ೭೧॥

ಕ್ಷಯದ್ವೀರಃ ಕ್ಷಮಾಯುತ್ತಃ ಕ್ಷಯಾದಿರಹಿತಃ ಕ್ಷಮೀ ।
ಕ್ಷತ್ರಿಯಾನ್ತಕರಃ ಕ್ಷಾನ್ತಃ ಕ್ಷಾತ್ರಧರ್ಮಪ್ರವರ್ತಕಃ ॥ ೭೨॥

ಕ್ಷಯಿಷ್ಣುವರ್ಧನಃ ಕ್ಷಾನ್ತಃ ಕ್ಷಪಾನಾಥಕಲಧರಃ ।
ಕ್ಷಪಾದಿಪೂಜನಪ್ರೀತಃ ಕ್ಷಪಣಾನ್ತಃ ಕ್ಷರಾಕ್ಷರಃ ॥ ೭೩॥

ರುದ್ರೋ ಮನ್ಯುಃ ಸುಧನ್ವಾ ಚ ಬಾಹುಮಾನ್ ಪರಮೇಶ್ವರಃ ।
ಸ್ವಿಷುಃ ಸ್ವಿಷ್ಟಕೃದೀಶಾನಃ ಶರವ್ಯಾಧಾರಕೋ ಯುವಾ॥ ೭೪॥

ಅಘೋರಸ್ತನುಮಾನ್ ದೇವೋ ಗಿರೀಶಃ ಪಾಕಶಾಸನಃ ।
ಗಿರಿತ್ರಃ ಪುರುಷಃ ಪ್ರಾಣಃ ಪಞ್ಚಪ್ರಾಣಪ್ರವರ್ತಕಃ ॥ ೭೫॥

ಅಧ್ಯವೋಚೋ ಮಹಾದೇವ ಅಧಿವಕ್ತಾ ಮಹೇಶ್ವರಃ ।
ಈಶಾನಃ ಪ್ರಥಮೋ ದೇವೋ ಭಿಷಜಾಂ ಪತಿರೀಶ್ವರಃ ॥ ೭೬॥

ತಾಮ್ರೋಽರುಣೋ ವಿಶ್ವನಾಥೋ ಬಭ್ರುಶ್ಚೈವ ಸುಮಙ್ಗಲಃ ।
ನೀಲಗ್ರೀವಃ ಶಿವೋ ಹೃಷ್ಟೋ ದೇವದೇವೋ ವಿಲೋಹಿತಃ ॥ ೭೭॥

ಗೋಪವಶ್ಯೋ ವಿಶ್ವಕರ್ತಾ ಉದಹಾರ್ಯಜನೇಕ್ಷಿತಃ ।
ವಿಶ್ವದೃಷ್ಟಃ ಸಹಸ್ರಾಕ್ಷೋ ಮೀಢುಷ್ಠೋ ಭಗವನ್ ಹರಃ ॥ ೭೮॥

ಶತೇಷುಧಿಃ ಕಪರ್ದೀ ಚ ಸೋಮೋ ಮೀಢುಷ್ಟಮೋ ಭವಃ ।
ಅನಾತತಶ್ಚಾತಿಧೃಷ್ಣುಃ ಸತ್ವಾನಾಂ ರಕ್ಷಕಃ ಪ್ರಭುಃ ॥ ೭೯॥

ವಿಶ್ವೇಶ್ವರೋ ಮಹಾದೇವಸ್ತ್ರ್ಯಂಬಕಸ್ತ್ರಿಪುರಾನ್ತಕಃ ।
ತ್ರಿಕಾಗ್ನಿಕಾಲಃ ಕಾಲಾಗ್ನಿರುದ್ರೋ ನೀಲೋಽಧಿಪೋಽನಿಲಃ ॥ ೮೦॥

ಸರ್ವೇಶ್ವರಃ ಸದಾ ಶಮ್ಭುಃ ಶ್ರೀಮಾನ್ ಮೃತ್ಯುಞ್ಜಯಃ ಶಿವಃ ।
ಸ್ವರ್ಣಬಾಹುಃ ಸೈನ್ಯಪಾಲೋ ದಿಶಾಧೀಶೋ ವನಸ್ಪತಿಃ ॥ ೮೧॥

ಹರಿಕೇಶಃ ಪಶುಪತಿರುಗ್ರಃ ಸಸ್ಪಿಞ್ಜರೋಽನ್ತಕಃ ।
ತ್ವಿಷೀಮಾನ್ ಮಾರ್ಗಪೋ ಬಭ್ರುರ್ವಿವ್ಯಾಧೀ ಚಾನ್ನಪಾಲಕಃ ॥ ೮೨॥

ಪುಷ್ಟೋ ಭವಾಧಿಪೋ ಲೋಕನಾಥೋ ರುದ್ರಾತತಾಯಿಕಃ ।
ಕ್ಷೇತ್ರಶಃ ಸೂತಪೋಽಹನ್ತ್ಯೋ ವನಪೋ ರೋಹಿತಃ ಸ್ಥಪಃ ॥ ೮೩॥

ವೄಕ್ಷೇಶೋ ಮನ್ತ್ರಜೋ ವಾಣ್ಯೋ ಭುವನ್ತ್ಯೋ ವಾರಿವಸ್ಕೃತಃ ।
ಓಷದೀಶೋ ಮಹಾಘೋಷಃ ಕ್ರನ್ದನಃ ಪತ್ತಿನಾಯಕಃ ॥ ೮೪॥

ಕೃತ್ಸ್ನವೀತೀ ಧಾವಮನಃ ಸತ್ವನಾಂ ಪತಿರವ್ಯಯಃ ।
ಸಹಮಾನೋಽಥ ನಿರ್ವ್ಯಾಧಿರವ್ಯಾಧಿಃ ಕುಕುಭೋ ನಟಃ ॥ ೮೫॥

ನಿಷಙ್ಗೀ ಸ್ತೇನಪಃ ಕಕ್ಷ್ಯೋ ನಿಚೇರುಃ ಪರಿಚಾರಕಃ ।
ಆರಣ್ಯಪಃ ಸೃಕಾವಿ ಚ ಜಿಘಾಂಸುರ್ಮುಷ್ಣಪೋಽಸಿಮಾನ್ ॥ ೮೬॥

ನಕ್ತಶ್ವರಃ ಪ್ರಕೃನ್ತಶ್ಚ ಉಷ್ಣೀಷೀ ಗಿರಿಸಞ್ಚರಃ ।
ಕುಲುಞ್ಚ ಇಷುಮಾನ್ ಧನ್ವೀ ಆತನ್ವಾನ್ ಪ್ರತಿಧಾನವಾನ್ ॥ ೮೭॥

ಆಯಚ್ಛೋ ವಿಸೃಜೋಽಪ್ಯಾತ್ಮಾ ವೇಧನೋ ಆಸನಃ ಪರಃ ।
ಶಯಾನಃ ಸ್ವಾಪಕೃತ್ ಜಾಗ್ರತ್ ಸ್ಥಿತೋ ಧಾವನಕಾರಕಃ ॥ ೮೮॥

ಸಭಾಪತಿಸ್ತುರಙ್ಗೇಶ ಉಗಣಸ್ತೃಂಹತಿರ್ಗುರುಃ ।
ವಿಶ್ವೋ ವ್ರಾತೋ ಗಣೋ ವಿಶ್ವರುಪೋ ವೈರುಪ್ಯಕಾರಕಃ ॥ ೮೯॥

ಮಹಾನಣೀಯಾನ್ ರಥಪಃ ಸೇನಾನೀಃ ಕ್ಷತ್ರಸಂಗ್ರಹಃ ।
ತಕ್ಷಾ ಚ ರಥಕಾರಶ್ಚ ಕುಲಾಲಃ ಕರ್ಮಕಾರಕಃ ॥ ೯೦॥

ಪುಞ್ಜಿಷ್ಠಶ್ಚ ನಿಷಾದಶ್ಚ ಇಷುಕೃದ್ಧನ್ವಕಾರಕಃ ।
ಮೃಗಯುಃ ಶ್ವಾನಪೋ ದೇವೋ ಭವೋ ರುದ್ರೋಽಥ ಶರ್ವಕಃ ॥ ೯೧॥

ಪಶುಪೋ ನೀಲಕಣ್ಠಶ್ಚ ಶಿತಿಕಣ್ಠಃ ಕಪರ್ದಭೃತ್ ।
ವ್ಯುಪ್ತಕೇಶಃ ಸಹಸ್ರಾಕ್ಷಃ ಶತಧನ್ವಾ ಗಿರೀಶ್ವರಃ ॥ ೯೨॥

ಶಿಪಿವಿಷ್ಟೋಽಥ ಮೀಢುಷ್ಟ ಇಷುಮಾನ್ ಹೃಸ್ವವಾಮನಃ ।
ಬಹುರ್ವರ್ಷವಯಾ ವೃದ್ಧಃ ಸಂವೃದ್ಧ್ವಾ ಪಥಮೋಽಗ್ರಿಯಃ ॥ ೯೩॥

ಆಶುಶ್ವೈವಾಜಿರಃ ಶೀಘ್ರ್ಯಃ ಶೀಮ್ಯ ಊರ್ಮ್ಯೋಽಥ ವಸ್ವನಃ ।
ಸ್ರೋತೋ ದ್ವೀಪ್ಯಸ್ತಥಾ ಜ್ಯೇಷ್ಠಃ ಕನಿಷ್ಠಃ ಪೂರ್ವಜೋಽಪರಃ ॥ ೯೪॥

ಮಧ್ಯಶ್ಚಾಥಾಪ್ರಗಲ್ಭಶ್ಚ ....
ಆಶುಷೇಣಶ್ಚಾಶುರಥಃ ಶೂರೋ ವೈ ಭಿನ್ದಿವರ್ಮಧೃಕ್ ॥ ೯೫॥

ವರೂಥೀ ವಿರುಮೀ ಕಾವಚೀ ಶ್ರುತಸೇನೋಽಥ ದುನ್ದುಭಿಃ ।
ಧೃಷ್ಣುಶ್ಚ ಪ್ರಹಿತೋ ದೂತೋ ನಿಷಙ್ಗೀ ತೀಕ್ಷ್ಣಸಾಯಕಃ ॥ ೯೬॥

ಆಯುಧೀ ಸ್ವಾಯುಧೀ ದೇವ ಉಪವೀತೀ ಸುಧನ್ವಧೃಕ್ ।
ಸ್ರುತ್ಯಃ ಪಥ್ಯಸ್ತಥಾ ಕಾಟ್ಯೋ ನೀಪ್ಯಃ ಸೂದ್ಯಃ ಸರೋದ್ಭವಃ ॥ ೯೭॥

ನಾದ್ಯವೈಶನ್ತಕೂಪ್ಯಾಶ್ಚಾವಟ್ಯೋ ವರ್ಷ್ಯೋ ಮೇಘ್ಯೋಽಥ ವೈದ್ಯುತಃ।
ಈಘ್ರ್ಯ ಆತಪ್ಯ ವಾತೋತ್ಥೋ ರಶ್ಮಿಜೋ ವಾಸ್ತವೋಽಸ್ತುಪಃ ॥ ೯೮॥

ಸೋಮೋ ರುದ್ರಸ್ತಥಾ ತಾಮ್ರ ಅರುಣಃ ಶಙ್ಗಃ ಈಶ್ವರಃ ।
ಉಗ್ರೋ ಭೀಮಸ್ತಥೈವಾಗ್ರೇವಧೋ ದೂರೇವಧಸ್ತಥಾ ॥ ೯೯॥

ಹನ್ತಾ ಹನೀಯಾನ್ ವೃಕ್ಷಶ್ಚ ಹರಿಕೇಶಃ ಪ್ರತರ್ದನಃ ।
ತಾರಃ ಶಮ್ಭುರ್ಮಯೋಭೂಶ್ಚ ಶಙ್ಕರಶ್ಚ ಮಯಸ್ಕರಃ ॥ ೧೦೦॥

ಶಿವಃ ಶಿವತರಸ್ತೀರ್ಥ್ಯಃ ಕೂಲ್ಯಃ ಪಾರ್ಯೋ ವಾರ್ಯಃ ಪ್ರತಾರಣಃ ।
ಉತ್ತಾರಣಸ್ತಥಾಲಾದ್ಯ ಆರ್ತಾಯಃ ಶಷ್ಪ್ಯಫೇನಜಃ ॥ ೧೦೧॥

ಸಿಕತ್ಯಶ್ಚ ಪ್ರವಾಹ್ಯಶ್ಚ ಇರಿಣ್ಯಃ ಪ್ರಮಥಃ ಕಿಂಶಿಲಃ ।
ಕ್ಷಯಣಃ ಕೂಲಗೋ ಗೋಷ್ಠ್ಯಃ ಪುಲತ್ಸ್ಯೋ ಗೃಹ್ಯ ಏವ ಚ ॥ ೧೦೨॥

ತಲ್ಪ್ಯೋ ಗೇಹ್ಯಸ್ತಥಾ ಕಾಟ್ಯೋ ಗಹ್ವರೇಷ್ಠೋ ಹೃದೋದ್ಭವಃ ।
ನಿವೇಷ್ಟ್ಯಃ ಪಾಸುಮಧ್ಯಸ್ಥೋ ರಜಸ್ಯೋ ಹರಿತಸ್ಥಿತಃ ॥ ೧೦೩॥

ಶುಷ್ಕ್ಯೋ ಲೋಪ್ಯಸ್ತಥೋಲಪ್ಯ ಊರ್ಮ್ಯಃ ಸೂರ್ಮ್ಯಶ್ಚ ಪರ್ಣಜಃ ।
ಪರ್ಣಶದ್ಯೋಽಪಗುರಕಃ ಅಭಿಘ್ನೋತ್ಖಿದ್ಯಕೋವಿದಃ ॥ ೧೦೪॥

ಅವಃ (?) ಕಿರಿಕ ಈಶಾನೋ ದೇವಾದಿಹೃದಯಾನ್ತರಃ ।
ವಿಕ್ಷೀಣಕೋ ವಿಚಿನ್ವತ್ಕ್ಯಃ ಆನಿರ್ಹ ಆಮಿವತ್ಕಕಃ ॥ ೧೦೫॥

ದ್ರಾಪಿರನ್ಘಸ್ಪತಿರ್ದಾತಾ ದರಿದ್ರನ್ನಿಲಲೋಹಿತಃ ।
ತವಸ್ವಾಂಶ್ಚ ಕಪರ್ದೀಶಃ ಕ್ಷಯದ್ವಿರೋಽಥ ಗೋಹನಃ ॥ ೧೦೬॥

ಪುರುಷನ್ತೋ ಗರ್ತಗತೋ ಯುವಾ ಮೃಗವರೋಗ್ರಕಃ ।
ಮೃಡಶ್ಚ ಜರಿತಾ ರುದ್ರೋ ಮೀಢ್ಯೋ ದೇವಪತಿರ್ಹರಿಃ ॥ ೧೦೭॥

ಮೀಢುಷ್ಟಮಃ ಶಿವತಮೋ ಭಗವಾನರ್ಣವಾನ್ತರಃ ।
ಶಿಖೀ ಚ ಕೃತ್ತಿವಾಸಾಶ್ಚ ಪಿನಾಕೀ ವೃಷ್ಭಸ್ಥಿತಃ ॥ ೧೦೮॥

ಅಗ್ನೀಷುಶ್ಚ ವರ್ಷೇಷುರ್ವಾತೇಷುಶ್ಚ ......
ಪೃಥಿವೀಸ್ಥೋ ದಿವಿಷ್ಟಶ್ಚ ಅನ್ತರಿಕ್ಷಸ್ಥಿತೋ ಹರಃ ॥ ೧೦೯॥

ಅಪ್ಸು ಸ್ಥಿತೋ ವಿಶ್ವನೇತಾ ಪಥಿಸ್ಥೋ ವೃಕ್ಷಮೂಲಗಃ ।
ಭೂತಾಧಿಪಃ ಪ್ರಮಥಪ ..... ॥ ೧೧೦॥

ಅವಪಲಃ ಸಹಸ್ರಾಸ್ಯಃ ಸಹಸ್ರನಯನಶ್ರವಾಃ ।
ಋಗ್ಗಣಾತ್ಮಾ ಯಜುರ್ಮಧ್ಯಃ ಸಾಮಮಧ್ಯೋ ಗಣಾಧಿಪಃ ॥ ೧೧೧॥

ಉರ್ಮ್ಯರ್ವಶೀರ್ಷಪರಮಃ ಶಿಖಾಸ್ತುತ್ಯೋಽಪಸೂಯಕಃ ।
ಮೈತ್ರಾಯಣೋ ಮಿತ್ರಗತಿಸ್ತಣ್ಡುಪ್ರೀತೋ ರಿಟಿಪ್ರಿಯಃ ॥ ೧೧೨॥

ಉಮಾಧವೋ ವಿಶ್ವಭರ್ತಾ ವಿಶ್ವಹರ್ತಾ ಸನಾತನಃ ।
ಸೋಮೋ ರುದ್ರೋ ಮೇಧಪತಿವಂಕುರ್ವೈ ಮರುತಾಂ ಪಿತಾ॥ ೧೧೩॥

....... ಅರುಷೋ ಅಧ್ವರೇಶ್ವರಃ ।
ಜಲಾಷಭೇಷಜೋ ಭೂರಿದಾತಾ ಸುಜನಿಮಾ ಸುರಃ ॥ ೧೧೪॥

ಸಮ್ರಾಟ್ ಪುರಾಂಭಿದ್ ದುಃಖಸ್ಥಃ ಸತ್ಪತಿಃ ಪಾವನಃ ಕ್ರತುಃ ।
ಹಿರಣ್ಯರೇತಾ ದುರ್ಧರ್ಷೋ ವಿಶ್ವಾಧಿಕ ಉರುಕ್ರಮಃ ॥ ೧೧೫॥

ಗುರುಗಾಯೋಽಮಿತಗುಣೋ ಮಹಾಭೂತಸ್ರ್ತ್ರಿವಿಕ್ರಮಃ ।
ಅಮೃತೋ ಅಜರೋಽಜಯ್ಯೋ ರುದ್ರೋಽಗ್ನಿಃ ಪುರುಷೋ ವಿರಾಟ್ ॥ ೧೧೬॥

ತುಷಾರಾಟ್ಪೂಜಿತಪದೋ ಮಹಾಹರ್ಷೋ ರಸಾತ್ಮಕಃ ।
ಮಹರ್ಷಿಬುದ್ಧಿದೋ ಗೋಪ್ತಾ ಗುಪ್ತಮನ್ತ್ರೋ ಗತಿಪ್ರದಃ ॥ ೧೧೭॥

ಗನ್ಧರ್ವಗಾನಪ್ರೀತಾತ್ಮಾ ಗೀತಪ್ರೀತೋರುಶಾಸನಃ ।
ವಿದ್ವೇಷಣಹರೋ ಹಾರ್ಯೋ ಹರ್ಷಕ್ರೋಧವಿವರ್ಜಿತಃ ॥ ೧೧೮॥

ಭಕ್ತ್ತಪ್ರಿಯೋ ಭಕ್ತ್ತಿವಶ್ಯೋ ಭಯಹೃದ್ಭೂತಸಙ್ಧಭಿತ್ ।
ಭುವನೇಶೋ ಭೂಧರಾತ್ಮಾ ವಿಶ್ವವನ್ದ್ಯೋ ವಿಶೋಷಕಃ ॥ ೧೧೯॥

ಜ್ವರನಾಶೋ ರೋಗನಾಶೋ ಮುಞ್ಜಿಕೇಶೋ ವರಪ್ರದಃ ।
ಪುಣ್ಡರೀಕಮಹಾಹಾರಃ ಪುಣ್ಡರೀಕತ್ವಗಮ್ಬರಃ ॥ ೧೨೦॥

ಆಖನ್ಡಲಮುಖಸ್ತುತ್ಯಃ ಕುಣ್ಡಲೀ ಕುಣ್ಡಲಪ್ರಿಯಃ ।
ಚಣ್ಡಾಂಶುಮಣ್ಡಲಾನ್ತಸ್ಥಃ ಶಶಿಖಣ್ಡಶಿಖಣ್ಡಕಃ ॥ ೧೨೧॥

ಚಣ್ಡತನಾಣ್ಡವಸನ್ನಾಹಶ್ಚಣ್ಡಕೋಪೋಽಖಿಲಾಣ್ಡಗಃ ।
ಚಣ್ಡಿಕಾಪೂಜಿತಪದೋ ಮಣ್ಡನಾಕಲ್ಪಕಾಣ್ಡಜಃ ॥ ೧೨೨॥

ರಣಶೌಣ್ಡೋ ಮಹಾದಣ್ಡಸ್ತುಹುಣ್ಡವರದಾಯಕಃ ।
ಕಪಾಲಮಾಲಾಭರಣಸ್ತಾರಣಃ ಶೋಕಹಾರಣಃ ॥ ೧೨೩॥

ವಿಧಾರಣಃ ಶೂಲಕರೋ ಘರ್ಷಣಃ ಶತ್ರುಮಾರಣಃ ।
ಗಙ್ಗಾಧರೋ ಗರಧರಸ್ತ್ರಿಪುಣ್ಟ್ರಾವಲಿಭಾಸುರಃ ॥ ೧೨೪॥

ಶಮ್ಬರಾರಿಹರೋ ದಕ್ಷಹರೋಽನ್ಧಕಹರೋ ಹರಃ ।
ವಿಶ್ವಜಿದ್ಗೋಜಿದೀಶಾನೋ ಅಶ್ವಜಿದ್ಧನಜಿತ್ ತಥಾ ॥ ೧೨೫॥

ಉರ್ವರಾಜಿದುದ್ವಜ್ಜಿಚ್ಚ ಸರ್ವಜಿತ್ ಸರ್ವಹಾರಕಃ ।
ಮನ್ದಾರನಿಲಯೋ ನನ್ದಃ ಕುನ್ದಮಾಲಾಧರೋಽಮ್ಬುದಃ ॥ ೧೨೬॥

ನನ್ದಿಪ್ರೀತೋ ಮನ್ದಹಾಸಃ ಸುರವೃನ್ದನಿಷೇವಿತಃ ।
ಮುಚುಕುನ್ದಾರ್ಚಿತಪದೋ ದ್ವನ್ದ್ವಹೀನೇನ್ದಿರಾರ್ಚಿತಃ ॥ ೧೨೭॥

ವಿಶ್ವಾಧಾರೋ ವಿಶ್ವನೇತಾ ವೀತಿಹೋತ್ರೋ ವಿನೀತಕಃ ।
ಶಙ್ಕರಃ ಶಾಶ್ವತಃ ಶಾಸ್ತಾ ಸಹಮಾನಃ ಸಹಸ್ರದಃ ॥ ೧೨೮॥

ಭೀಮೋ ಮಹೇಶ್ವರೋ ನಿತ್ಯ ಅಂಬರಾನ್ತರನರ್ತನಃ ।
ಉಗ್ರೋ ಭವಹರೋ ಧೌಮ್ಯೋ ಧೀರೋದಾತ್ತೋ ವಿರಾಜಿತಃ ॥ ೧೨೯॥

ವಞ್ಚಕೋ ನಿಯತೋ ವಿಷ್ಣುಃ ಪರಿವಞ್ಚಕ ಈಶ್ವರಃ ।
ಉಮಾವರಪ್ರದೋ ಮುಣ್ಡೀ ಜಟಿಲ ಶುಚಿಲಕ್ಷಣಃ ॥ ೧೩೦॥

ಚರ್ಮಾಮ್ಬರಃ ಕಾನ್ತಿಕರಃ ಕಙ್ಕಾಲವರವೇಷಧೃಕ್ ।
ಮೇಖಲೀ ಅಜಿನೀ ದಣ್ಡೀ ಕಪಾಲೀ ಮೇಖಲಾಧರಃ ॥ ೧೩೧॥

ಸದ್ಯೋಜಾತಃ ಕಾಲಿಪತಿರ್ವರೇಣ್ಯೋ ವರದೋ ಮುನಿಃ ।
ವಸಾಪ್ರಿಯೋ ವಾಮದೇವಸ್ತತ್ಪೂರ್ವೋ ವಟಮೂಲಗ ॥ ೧೩೨॥

ಉಲೂಕರೋಮಾ ಘೋರಾತ್ಮಾ ಲಾಸ್ಯಪ್ರೀತೋ ಲಘುಃ ಸ್ಥಿರಃ ।
ಅಣೋರಣೀಯಾನೀಶಾನಃ ಸುನ್ದರಭ್ರೂಃ ಸುತಾಣ್ಡವಃ ॥ ೧೩೩॥

ಕಿರೀಟಮಾಲಾಭರಣೋ ರಾಜರಾಜಲಸದ್ಗತಿಃ ।
ಹರಿಕೇಶೋ ಮುಞ್ಜಿಕೇಶೋ ವ್ಯೋಮಕೇಶೋ ಯಶೋಧರಃ ॥ ೧೩೪॥

ಪಾತಾಲವಸನೋ ಭರ್ತಾ ಶಿಪಿವಿಷ್ಟಃ ಕೃಪಾಕರಃ ।
ಹಿರಣ್ಯವರ್ಣೋ ದಿವ್ಯಾತ್ಮಾ ವೃಷಧರ್ಮಾ ವಿರೋಚನಃ ॥ ೧೩೫॥

ದೈತ್ಯೇನ್ದ್ರವರದೋ ವೈದ್ಯಃ ಸುರವನ್ದ್ಯೋಽಘನಾಶಕಃ ।
ಆನನ್ದೇಶಃ ಕುಶಾವರ್ತೋ ನನ್ದ್ಯಾವರ್ತೋ ಮಧುಪ್ರಿಯಃ ॥ ೧೩೬॥

ಪ್ರಸನ್ನಾತ್ಮಾ ವಿರೂಪಾಕ್ಷೋ ವನಾನಾಂ ಪತಿರವ್ಯಯಃ ।
ಮಸ್ತಕಾದೋ ವೇದವೇದ್ಯಃ ಸರ್ವೋ ಬ್ರಹ್ಮೌದನಪ್ರಿಯಃ ॥ ೧೩೭॥

ಪಿಶಙ್ಗಿತಜಟಾಜೂಟಸ್ತಡಿಲ್ಲೋಕವಿಲೋಚನಃ ।
ಗೃಹಾಧಾರೋ ಗ್ರಾಮಪಾಲೋ ನರಸಿಂಹವಿನಾಶಕಃ ॥ ೧೩೮॥

ಮತ್ಸ್ಯಹಾ ಕೂರ್ಮಾಪೃಷ್ಠಾಸ್ಥಿಧರೋ ಭೂದಾರದಾರಕಃ ॥

ವಿಧೀನ್ದ್ರಪೂಜಿತಪದಃ ಪಾರದೋ ವಾರಿಧಿಸ್ಥಿತಃ ॥ ೧೩೯॥

ಮಹೋದಯೋ ಮಹಾದೇವೋ ಮಹಾಬೀಜೋ ಮಹಾಙ್ಗಧೃಕ್ ।
ಉಲೂಕನಾಗಾಭರಣೋ ವಿಧಿಕನ್ಧರಪಾತನಃ ॥ ೧೪೦॥

ಆಕಾಶಕೋಶೋ ಹಾರ್ದಾತ್ಮಾ ಮಾಯಾವೀ ಪ್ರಕೃತೇಃ ಪರಃ ।
ಶುಲ್ಕಸ್ತ್ರಿಶುಲ್ಕಸ್ತ್ರಿಮಧುಸ್ತ್ರಿಸುಪರ್ಣಃ ಷಡಙ್ಗವಿತ್ ॥ ೧೪೧॥

ಲಲನಾಜನಪೂಜ್ಯಾಂಘ್ರಿರ್ಲಙ್ಕಾವಾಸೋಽನಿಲಾಶನಃ ।
ವಿಶ್ವತಶ್ಚಕ್ಷುರೀಶಾನೋ ವಿಶ್ವತೋಬಾಹುರೀಶ್ವರಃ ॥ ೧೪೨॥

ಸರ್ವಾತ್ಮಾ ಭಾವನಾಗಮ್ಯಃ ಸ್ವತನ್ತ್ರಃ ಪರಮೇಶ್ವರಃ ।
ವಿಶ್ವಭಕ್ಷೋ ವಿದ್ರುಮಾಕ್ಷಃ ಸರ್ವದೇವಶಿರೋಮಣಿಃ ॥ ೧೪೩॥

ಬ್ರಹಮ ಸತ್ಯಂ ತಥಾನನ್ದೋ ಜ್ಞಾನಾನನ್ದಮಹಾಫಲಃ ।
ಈಶ್ವರಃ -
ಅಷ್ಟೋತ್ತರಂ ಮಹಾದೇವಿ ಶೇಷಾಶೇಷಮುಖೋದ್ಗತಮ್ ।
ಇತ್ಯೇತನ್ನಾಮಸಾಹ್ಸ್ರಂ ರಹಸ್ಯಂ ಕಥಿತಂ ಮಯಾ॥ ೧೪೪॥

ಪವಿತ್ರಮಿದಮಾಯುಷ್ಯಂ ಪಠತಾಂ ಶೃಣ್ವತಾಂ ಸದಾ।
ಯಸ್ತ್ವೇತನ್ನಮಸಾಹಸ್ರೈಃ ಬಿಲ್ವೈಃ ಪಙ್ಕಜಕುಡ್ಮಲೈಃ ॥ ೧೪೫॥

ಪೂಜಯೇತ್ ಸರ್ವಕಾಲೇಷು ಶಿವರಾತ್ರೌ ಮಹೇಶ್ವರಿ ।
ತಸ್ಯ ಮುಕ್ತ್ತಿಂ ದದಾಮೀಶೇ ಸತ್ಯಂ ಸತ್ಯಂ ನ ಸಂಶಯಃ ॥ ೧೪೬॥

ಮಮ ಪ್ರಿಯಕರಂ ಹ್ಯೇತತ್ ಫಣಿನಾ ಫಣಿತಂ ಶುಭಮ್ ।
ಪಠೇತ್ ಸರ್ವಾನ್ ಲಭೇತೈವ ಕಾಮಾನಾಯುಷ್ಯಮೇವ ಚ ॥ ೧೪೭॥

ನಾಮಸಾಹಸ್ರಪಾಠೀ ಸ ಯಮಲೋಕಂ ನ ಪಶ್ಯತಿ ।
ಕಲ್ಯಾಣೀಂ ಚ ಲಭೇದ್ಗೌರಿ ಗತಿಂ ನಾಮ್ನಾಂ ಚ ವೈಭವಾತ್ ॥ ೧೪೮॥

ನಾಖ್ಯೇಯಂ ಗೋಪ್ಯಮೇತದ್ಧಿ ನಾಭಕ್ತಾಯ ಕದಾಚನ ।
ನ ಪ್ರಕಾಶ್ಯಮಿದಂ ದೇವಿ ಮಾತೃಕಾರುದ್ರಸಂಹಿತಮ್ ॥ ೧೪೯॥

ಭಕ್ತ್ತೇಷು ಲಭತೇ ನಿತ್ಯಂ ಭಕ್ತ್ತಿಂ ಮತ್ಪಾದಯೋರ್ದೃಢಾಮ್ ।
ದತ್ವಾಽಭಕ್ತ್ತೇಷು ಪಾಪಾತ್ಮಾ ರೌರವಂ ನರಕಂ ವ್ರಜೇತ್ ॥ ೧೫೦॥

ಸೂತಃ -
ಇತಿ ಶಿವವಚನಂ ನಿಶಮ್ಯ ಗೌರೀ ಪ್ರಣಯಾಚ್ಚ ಪ್ರಣತಾ ಶಿವಾಙ್ಘ್ರಿಪದ್ಮೇ ।
ಸುರವರತರುಸುನ್ದರೋರುಪುಷ್ಪೈರಭಿಪೂಜ್ಯ ಪ್ರಮಥಾಧಿಪಂ ತುತೋಷ ॥ ೧೫೧॥

ತುಷ್ಟಾವ ಕಷ್ಟಹರಮಿಷ್ಟದಮಷ್ಟದೇಹಂ
ನಷ್ಟಾಘಸಂಘದುರದೃಷ್ಟಹರಂ ಪ್ರಕೃಷ್ಟಮ್ ।
ಉತ್ಕೃಷ್ಟವಾಕ್ಯಸುರಬೃನ್ದಗಣೇಷ್ಟದಾನಲೋಲಂ
ವಿನಷ್ಟತಮಸಂ ಶಿಪಿವಿಷ್ಟಮೀಶಮ್ ॥ ೧೫೨॥

ಶ್ರೀಪಾರ್ವತೀ -
ಚಣ್ಡಾಂಶುಶೀತಾಂಶುಹುತಾಶನೇತ್ರಂ ಚಕ್ಷುಃಶ್ರವಾಪಾರವಿಲೋಲಹಾರಮ್ ।
ಚರ್ಮಾಮ್ಬರಂ ಚನ್ದ್ರಕಲಾವತಂಸಂ ಚರಾಚರಸ್ಥಂ ಚತುರಾನನೇಡ್ಯಮ್ ॥ ೧೫೩॥

ವಿಶ್ವಾಧಿಕಂ ವಿಶ್ವವಿಧಾನದಕ್ಷಂ ವಿಶ್ವೇಶ್ವರಂ ವಿಶ್ರುತನಾಮಸಾರಮ್ ।
ವಿನಾಯಕೇಡ್ಯಂ ವಿಧಿವಿಷ್ಣುಪೂಜ್ಯಂ ವಿಭುಂ ವಿರುಪಾಕ್ಷಮಜಂ ಭಜೇಽಹಮ್ ॥ ೧೫೪॥

ಮಧುಮಥನಾಕ್ಷಿವರಾಬ್ಜಪೂಜ್ಯಪಾದಂ ಮನಸಿಜತನುನಾಶನೋತ್ಥದೀಪ್ತಮನ್ಯುಮ್ ।
ಮಮ ಮಾನಸಪದ್ಮಸದ್ಮಸಂಸ್ಥಂ ಮತಿದಾನೇ ನಿಪುಣಂ ಭಜಾಮಿ ಶಮ್ಭುಮ್ ॥ ೧೫೫॥

ಹರಿಂ ಹರನ್ತಮನುಯನ್ತಿ ದೇವಾ ನಖೈಸ್ತಥಾ ಪಕ್ಷವಾತೈಃ ಸುಘೋಣೈಃ ।
ನೃಸಿಂಹಮುಗ್ರಂ ಶರಭಾಕೃತಿಂ ಶಿವಂ ಮತ್ತಂ ತದಾ ದಾನವರಕ್ತಪಾನಾತ್ ॥ ೧೫೬॥

ನಖರಮುಖರಘಾತೈಸ್ತೀಕ್ಷ್ಣಯಾ ದಂಷ್ಟ್ರಯಾಪಿ
ಜ್ವರಪರಿಕರದೇಹೇ ನಾಶತಾಪೈಃ ಸುದೀಪ್ತೇ ।
ದಿತಿಜಕದನಮತ್ತಂ ಸಂಹರನ್ತಂ ಜಗಚ್ಚ
ಹರಿಮಸುರಕುಲಘ್ನಂ ದೇವತುಷ್ಟ್ಯೈ ಮಹೇಶಃ ।
ಪರಶುವರನಿಖಾತೈಃ ಕ್ರೋಡಮುತ್ಕ್ರೋಷ್ಟುಮೀಷ್ಟೇ ॥ ೧೫೭॥

ರೌದ್ರನಾಮಭಿರೀಶಾನಂ ಸ್ತುತ್ವಾಽಥ ಜಗದಂಬಿಕಾ।
ಪ್ರೇಮಾಶ್ರುಪುಲಕಾ ದೇವಂ ಸಾ ಗಾಢಂ ಪರಿಷಸ್ವಜೇ ॥ ೧೫೮॥

ಶೌನಕಃ -
ಕಾನಿ ರೌದ್ರಾಣಿ ನಾಮಾನಿ ತ್ವಂ ನೋ ವದ ವಿಶೇಷತಃ ।
ನ ತೃಪ್ತಿರೀಶಚರಿತಂ ಶೃಣ್ವತಾಂ ನಃ ಪ್ರಸೀದ ಭೋ ॥ ೧೫೯॥

ಸೂತಃ -
ತಾನ್ಯಹಂ ವೋ ವದಾಮ್ಯದ್ಯ ಶೃಣುದ್ವಂ ಶೌನಕಾದಯಃ ॥

ಪವಿತ್ರಾಣಿ ವಿಚಿತ್ರಾಣಿ ದೇವ್ಯಾ ಪ್ರೋಕ್ತ್ತಾನಿ ಸತ್ತಮಾಃ ॥ ೧೬೦॥

ದೇವೀ -
ದಿಶಾಂಪತಿಃ ಪಶುಪತಿಃ ಪಥೀನಾಂ ಪತಿರೀಶ್ವರಃ ।
ಅನ್ನಾನಾಂ ಚ ಪತಿಃ ಶಂಭುಃ ಪುಷ್ಟಾನಾಂ ಚ ಪತಿಃ ಶಿವಃ ॥ ೧೬೧॥

ಜಗತಾಂ ಚ ಪತಿಃ ಸೋಮಃ ಕ್ಷೇತ್ರಾಣಾಂ ಚ ಪತಿರ್ಹರಃ ।
ವನಾನಾಂ ಪತಿರೀಶಾನೋ ವೃಕ್ಷಾಣಾಂ ಚ ಪತಿರ್ಭವಃ ॥ ೧೬೨॥

ಆವ್ಯಾಧಿನೀನಾಂ ಚ ಪತಿಃ ಸ್ನಾಯೂನಾಂ ಚ ಪತಿರ್ಗುರುಃ ।
ಪತ್ತಿನಾಂ ಚ ಪತಿಸ್ತಾಮ್ರಃ ಸತ್ವನಾಂ ಚ ಪತಿರ್ಭವಃ ॥ ೧೬೩॥

ಆರಣ್ಯಾನಾಂ ಪತಿಃ ಶಮ್ಭುರ್ಮುಷ್ಣತಾಂ ಪತಿರುಷ್ಣಗುಃ ।
ಪ್ರಕೃತೀನಾಂ ಪತಿಶ್ಚೇಶಃ ಕುಲುಞ್ಚಾನಾಂ ಪತಿಃ ಸಮಃ ॥ ೧೬೪॥

ರುದ್ರೋ ಗೃತ್ಸಪತಿರ್ವ್ರಾತ್ಯೋ ಭಗೀರಥಪತಿಃ ಶುಭಃ ।
ಅನ್ಧಸಾಂಪತಿರೀಶಾನಃ ಸಭಾಯಾಃ ಪತಿರೀಶ್ವರಃ ॥ ೧೬೫॥

ಸೇನಾಪತಿಶ್ಚ ಶ್ವಪತಿಃ ಸರ್ವಾಧಿಪತಯೇ ನಮಃ ।
ಪ್ರಣತಾ ವಿನತಾ ತವಾಙ್ಘ್ರಿಪದ್ಮೇ ಭಗವನ್ ಪರಿಪಾಹಿ ಮಾಂ ವಿಭೋ ತ್ವಮ್ ।
ತವ ಕಾರುಣ್ಯಕಟಾಕ್ಷಲೇಶಲೇಶೈರ್ಮುದಿತಾ ಶಙ್ಕರ ಭರ್ಗ ದೇವದೇವ ॥ ೧೬೬॥

ಸೂತಃ -
ಇತಿ ಗಿರಿವರಜಾಪ್ರಕೃಷ್ಟವಾಕ್ಯಂ ಸ್ತುತಿರೂಪಂ ವಿಬುಧಾಧಿಪೋ ಮಹೇಶಃ ।
ಅಭಿವೀಕ್ಷ್ಯ ತದಾ ಮುದಾ ಭವಾನೀಮಿದಮಾಹ ಸ್ಮರಗರ್ವನಾಶಕಃ ॥ ೧೬೭॥

ಶಿವಃ -
ಇದಮಗತನಯೇ ಸಹಸ್ರನಾಮ್ನಾಂ ಪರಮರಹಸ್ಯಮಹೋ ಮಹಾಘಶೋಷಮ್ ।
ಪ್ರಬಲತರವರೈಶ್ಚ ಪಾತಕೌಧೈರ್ಯದಿ ಪಠತೇ ಹಿ ದ್ವಿಜಃ ಸ ಮುಕ್ತಿಭಾಕ್ ॥ ೧೬೮॥

ಶೈವಂ ಮೇಽದ್ಯ ರಹಸ್ಯಮದ್ಭ್ಹುತತರಂ ಸದ್ ದ್ವಾದಶಾಂಶಾನ್ವಿತಮ್ ।
ಶ್ರುತ್ವೋದಾರಗಿರಾ ದರೋರುಕಥಯಾ ಸಮ್ಪೂರಿತಂ ಧಾರಿತಮ್ ।
ಪಾಪಾನಂ ಪ್ರಲಯಾಯ ತದ್ಭವತಿ ವೈ ಸತ್ಯಂ ವದಾಮ್ಯದ್ರಿಜೇ ॥ ೧೬೯॥

ಶ್ರುತಿಗಿರಿಕರಿಕುಮ್ಭಗುಂಭರತ್ನೇ ತ್ವಯಿ ಗಿರಿಜೇ ಪರಯಾ ರಮಾರ್ದ್ರದೃಷ್ಟ್ಯಾ ।
ನಿಹಿತೋಽಜಿಹ್ಮಧಿಯಾಂ ಮುದೇಽಯಮೇಷ ... ಮಮ ಭಕ್ತ್ತಜನಾರ್ಪಣಂ ಮುದೇ ॥ ೧೭೦॥

ಈಶ್ವರಃ -
ಏತತ್ತೇ ಪಞ್ಚಮಾಂಶಸ್ಯ ವಿಸ್ತರಃ ಕಥಿತೋ ಮಯಾ ।
ರಹಸ್ಯಾರ್ಥಸ್ಯ ದೇವೇಶಿ ಕಿಂ ಭೂಯಃ ಶ್ರೋತುಮಿಚ್ಛಸಿ ॥ ೧೭೧॥

ಇತ್ಥಂ ಶಿವವಚಃ ಶ್ರುತ್ವಾ ಪ್ರಣಮ್ಯಾಥ ಮಹೇಶ್ವರೀ ।
ಸಮಾಲಿಙ್ಗ್ಯ ಮಹಾದೇವಂ ಸಹರ್ಷಂ ಗಿರಿಜಾ ತದಾ॥ ೧೭೨॥

ಪ್ರಾಹ ಪ್ರೇಮಾಶ್ರುಪುಲಕಾ ಶ್ರುತ್ವಾ ಶಿವಕಥಾಸುಧಾಮ್ ।
ದೇವೀ -
ಅಹೋ ಧನ್ಯಾಸ್ಮಿ ದೇವೇಶ ತ್ವತ್ಕಥಾಮ್ಭೋಧಿವೀಚಿಭಿಃ ॥ ೧೭೩॥

ಶ್ರೋತ್ರೇ ಪವಿತ್ರತಾಂ ಯಾತೇ ಮಾಹಾತ್ಮ್ಯಂ ವೇದ ಕಸ್ತವ।
ಮಾಮೃತೇ ದೇವದೇವೇಶ ನ ಭೇದೋಽಸ್ತ್ಯಾವಯೋಃ ಶಿವಃ ॥ ೧೭೪॥

ಭವ ಭವ ಭಗವನ್ ಭವಾಬ್ಧಿಪಾರ ಸ್ಮರಗರಖ್ಣ್ಡನಮಣ್ಡನೋರುಗಣ್ಡ ।
ಸ್ಫುರದುರುಮುಕುಟೋತ್ತಮಾಙ್ಗಗಙ್ಗಾ... ದಿವ್ಯದೇಹ ॥ ೧೭೫॥

ಅವ ಭವ ಭವಹನ್ ಪ್ರಕರ್ಷಪಾಪಾಞ್ಜನಮಜ್ಞಂ ಜಡದುಃಖಭೋಗಸಙ್ಗಮ್ ।
ತವ ಸುಖಕಥಯಾ ಜಗತ್ ಪವಿತ್ರಂ ಭವ ಭವತಾತ್ ಭವತಾಪಹನ್ ಮುದೇ ಮೇ ॥ ೧೭೬॥

ಸೂತಃ -
ಇತಿ ದೇವ್ಯಾ ಸ್ತುತೋ ದೇವೋ ಮಹೇಶಃ ಕರುಣಾನಿಧಿಃ ।
ತದ್ವತ್ ಕಥಾನಿಧಿಃ ಪ್ರೋಕ್ತಃ ಶಿವರತ್ನಮಹಾಖನಿಃ ॥ ೧೭೭॥

ಭವತಾಂ ದರ್ಶನೇನಾದ್ಯ ಶಿವಭಕ್ತಿಕಥಾರಸೈಃ ।
ಪಾವಿತೋಽಸ್ಮಿ ಮುನಿಶ್ರೇಷ್ಠಾಃ ಕಿಂ ಭೂಯಃ ಶ್ರೋತುಮಿಚ್ಛಥ ॥ ೧೭೮॥

ಇತಿ ತದ್ವದನಾಮ್ಭೋಜಸುಧಾನಿಷ್ಯನ್ದಿನೀಂ ಗಿರಮ್ ।
ಶ್ರುತ್ವಾ ಪ್ರಕಟರೋಮಾಞ್ಚಃ ಶೌನಕಃ ಪ್ರಾಹ ಸಾದರಮ್ ॥ ೧೭೯॥

ಶೌನಕಃ -
ಅಹೋ ಮಹಾದೇವಕಥಾಸುಧಾಮ್ಬುಭಿಃ ಸಮ್ಪ್ಲಾವಿತೋಽಸ್ಮ್ಯದ್ಯ ಭವಾಗ್ನಿತಪ್ತಃ ।
ಧನ್ಯೋಽಸ್ಮಿ ತ್ವದ್ವಾಕ್ಯಸುಜಾತಹರ್ಷೋ ದ್ವಿಜೈಃ ಸುಜಾತೈರಪಿ ಜಾತಹರ್ಷಃ ॥ ೧೮೦॥

ಸೂತಃ -
ಶ್ರೀಮತ್ಕೈಲಾಸವರ್ಯೇ ಭುವನಜನಕತಃ ಸಂಶ್ರುತಾ ಪುಣ್ಯದಾತ್ರೀ
ಶಮ್ಭೋರ್ದಿವ್ಯಕಥಾಸುಧಾಬ್ಧಿಲಹರೀ ಪಾಪಾಪನೋದಕ್ಷಮಾ ।
ದೇವ್ಯಾಸ್ತಚ್ಛ್ರುತವಾನ್ ಗುರುರ್ಮಮ ಮುನಿಃ ಸ್ಕನ್ದಾಚ್ಚ ತಲ್ಲಬ್ಧವಾನ್
ಸೇಯಂ ಶಙ್ಕರಕಿಙ್ಕರೇಷು ವಿಹಿತಾ ವಿಶ್ವೈಕಮೋಕ್ಷಪ್ರದಾ ॥ ೧೮೧॥

ಇತಿ ಶ್ರೀಶಿವರಹಸ್ಯೇ ಭರ್ಗಾಖ್ಯೇ ಪಞ್ಚಮಾಂಶೇ
.... ನಾಮ ಚತ್ವಾರಿಂಶೋಽಧ್ಯಾಯಃ ॥


Encoded and proofread byDPD

Please send corrections to sanskrit@cheerful.com
Last updated ತ್oday
http://sanskritdocuments.org

Shiva Sahasranama Stotram ( Shivarahasya Puranam ) Lyrics in Kannada PDF
% File name : shivasahasranAmastotramshivarahasya.itx
% Category : sahasranAma
% Location : doc\_shiva
% Author : Traditional
% Language : Sanskrit
% Subject : philosophy/hinduism/religion
% Transliterated by : DPD
% Proofread by : DPD
% Latest update : November 10, 2012
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website