{॥ ସୁଵର୍ଣମାଲାସ୍ତୁତୀ ॥}
ଅଥ କଥମପି ମଦ୍ରସନାଂ ତ୍ଵଦ୍ଗୁଣଲେଶୈର୍ଵିଶୋଧଯାମି ଵିଭୋ ।
ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍ ॥ ୧

ଆଖଣ୍ଡଲମଦଖଣ୍ଡନପଣ୍ଡିତ ତଣ୍ଡୁପ୍ରିଯ ଚଣ୍ଡୀଶ ଵିଭୋ । ସାମ୍ବ୦ ॥ ୨

ଇଭଚର୍ମାମ୍ବର ଶମ୍ବରରିପୁଵପୁରପହରଣୋଜ୍ଜ୍ଵଲନଯନ ଵିଭୋ । ସାମ୍ବ୦ ॥ ୩

ଈଶ ଗିରୀଶ ନରେଶ ପରେଶ ମହେଶ ବିଲେଶଯ ଭୂଷଣ ଭୋ । ସାମ୍ବ୦ ॥ ୪

ଉମଯା ଦିଵ୍ଯସୁମଙ୍ଗଲଵିଗ୍ରହଯାଲିଙ୍ଗିତଵାମାଙ୍ଗ ଵିଭୋ । ସାମ୍ବ୦ ॥ ୫

ଊରୀକୁରୁ ମାମଜ୍ଞମନାଥଂ ଦୂରୀକୁରୁ ମେ ଦୁରିତଂ ଭୋ । ସାମ୍ବ୦ ॥ ୬

ଋଷିଵରମାନସହଂସ ଚରାଚରଜନନସ୍ଥିତିଲଯକାରଣ ଭୋ । ସାମ୍ବ୦ ॥ ୭

ୠକ୍ଷାଧୀଶକିରୀଟ ମହୋକ୍ଷାରୂଢ ଵିଧୃତରୁଦ୍ରାକ୍ଷ ଵିଭୋ । ସାମ୍ବ୦ ॥ ୮

ଲୃଵର୍ଣଦ୍ଵନ୍ଦ୍ଵମଵୃଂତସୁକୁସୁମମିଵାଙ୍ଘ୍ରୌ ତଵାର୍ପଯାମି ଵିଭୋ । ସାମ୍ବ୦ ॥ ୯

ଏକଂ ସଦିତି ଶ୍ରୁତ୍ଯା ତ୍ଵମେଵ ସଦସୀତ୍ଯୁପାସ୍ମହେ ମୃଡ ଭୋ । ସାମ୍ବ୦ ॥ ୧୦

ଐକ୍ଯଂ ନିଜଭକ୍ତ୍ଯେଭ୍ଯୋ ଵିତରସି ଵିଶ୍ଵଂଭରୋଽତ୍ର ସାକ୍ଷୀ ଭୋ । ସାମ୍ବ୦ ॥ ୧୧

ଓମିତି ତଵ ନିର୍ଦେଷ୍ଟ୍ରୀ ମାଯାଽସ୍ମାକଂ ମୃଡୋପକର୍ତ୍ରୀ ଭୋ । ସାମ୍ବ୦ ॥ ୧୨

ଔଦାସ୍ଯଂ ସ୍ଫୁଟଯତି ଵିଷଯେଷୁ ଦିଗମ୍ବରତା ଚ ତଵୈଵ ଵିଭୋ । ସାମ୍ବ୦ ॥ ୧୩

ଅନ୍ତଃକରଣଵିଶୁଦ୍ଧିଂ ଭକ୍ତିଂ ଚ ତ୍ଵଯି ସତୀଂ ପ୍ରଦେହି ଵିଭୋ । ସାମ୍ବ୦ ॥ ୧୪

ଅସ୍ତୋପାଧିସମସ୍ତଵ୍ଯସ୍ତୈ ରୂପୈର୍ଜଗନ୍ମଯୋଽସି ଵିଭୋ । ସାମ୍ବ୦ ॥ ୧୫

କରୁଣାଵରୁଣାଲଯ ମଯି ଦାସ ଉଦାସସ୍ତଵୋଚିତୋ ନ ହି ଭୋ । ସାମ୍ବ୦ ॥ ୧୬

ଖଲସହଵାସଂ ଵିଘଟଯ ସତାମେଵ ସଙ୍ଗମନିଶଂ ଭୋ । ସାମ୍ବ୦ ॥ ୧୭

ଗରଲଂ ଜଗଦୁପକୃତଯେ ଗିଲିତଂ ଭଵତା ସମୋଽସ୍ତି କୋଽତ୍ର ଵିଭୋ । ସାମ୍ବ୦ ॥ ୧୮

ଘନସାରଗୌରଗାତ୍ର ପ୍ରଚୁରଜଟାଜୂଟବଦ୍ଧଗଙ୍ଗ ଵିଭୋ । ସାମ୍ବ୦ ॥ ୧୯

ଜ୍ଞପ୍ତିଃ ସର୍ଵଶରୀରେଷ୍ଵଖଣ୍ଡିତା ଯା ଵିଭାତି ସାତ୍ଵଂ ଭୋ । ସାମ୍ବ୦ ॥ ୨୦

ଚପଲଂ ମମ ହୃଦଯକପିଂ ଵିଷଯଦ୍ରୁଚରଂ ଦୃଢଂ ବଧାନ ଵିଭୋ । ସାମ୍ବ୦ ॥ ୨୧

ଛାଯା ସ୍ଥାଣୋରପି ତଵ ପାପଂ ନମତାଂ ହରତ୍ଯହୋ ଶିଵ ଭୋ । ସାମ୍ବ୦ ॥ ୨୨

ଜଯ କୈଲାସନିଵାସ ପ୍ରମଥଗଣାଧୀଶ ଭୂସୁରାର୍ଚିତ ଭୋ । ସାମ୍ବ୦ ॥ ୨୩

ଝଣୁତକଝିଙ୍କିଣୁଝଣୁତତ୍କିଟତକଶବ୍ଦୈର୍ନଟସି ମହାନଟ ଭୋ । ସାମ୍ବ୦ ॥ ୨୪

ଜ୍ଞାନଂ ଵିକ୍ଷେପାଵୃତିରହିତଂ କୁରୁ ମେ ଗୁରୂସ୍ତ୍ଵମେଵ ଵିଭୋ । ସାମ୍ବ୦ ॥ ୨୫

ଟଙ୍କାରସ୍ତଵ ଧନୁଷୋ ଦଲଯତି ହୃଦଯଂ ଦ୍ଵିପାମଶନିରିଵ ଭୋ । ସାମ୍ବ୦ ॥ ୨୬

ଠାକୃତିରିଵ ତଵ ମାଯା ବହିରନ୍ତଃ ଶୂନ୍ଯରୂପିଣୀ ଖଲୁ ଭୋ । ସାମ୍ବ୦ ॥ ୨୭

ଡମ୍ବରମମ୍ବୁରୁହାମପି ଦଲଯତ୍ଯନଘଂ ତ୍ଵଦଙ୍ଘ୍ରିଯୁଗଲଂ ଭୋ । ସାମ୍ବ୦ ॥ ୨୮

ଢକ୍କାକ୍ଷସୂତ୍ରଶୂଲଦ୍ରୁହିଣକରୋଟୀସମୁଲ୍ଲସତ୍କର ଭୋ । ସାମ୍ବ୦ ॥ ୨୯

ଣାକାରଗର୍ଭିଣୀ ଚେଚ୍ଛଭଦା ତେ ଶରଣଗତିର୍ନୃଣାମିହ ଭୋ । ସାମ୍ବ୦ ॥ ୩୦

ତଵ ମନ୍ଵତିସଞ୍ଜପତଃ ସଦ୍ଯସ୍ତରତି ନରୋ ହି ଭଵାବ୍ଧିଂ ଭୋ । ସାମ୍ବ୦ ॥ ୩୧

ଥୂତ୍କାରସ୍ତସ୍ଯ ମୁଖେ ଭୂଯାତ୍ତେ ନାମ ନାସ୍ତି ଯସ୍ଯ ଵିଭୋ । ସାମ୍ବ୦ ॥ ୩୨

ଦଯନୀଯଶ୍ଚ ଦଯାଲୁଃ କୋଽସ୍ତି ମଦନ୍ଯସ୍ତ୍ଵଦନ୍ଯ ଇହ ଵଦ ଭୋ । ସାମ୍ବ୦ ॥ ୩୩

ଧର୍ମସ୍ଥାପନଦକ୍ଷ ତ୍ର୍ଯକ୍ଷ ଗୁରୋ ଦକ୍ଷଯଜ୍ଞଶିକ୍ଷକ ଭୋ । ସାମ୍ବ୦ ॥ ୩୪

ନନୁତାଡିତୋଽସି ଧନୁଷା ଲୁବ୍ଧଧିଯା ତ୍ଵଂ ପୁରା ନରେଣ ଵିଭୋ । ସାମ୍ବ୦ ॥ ୩୫

ପରିମାତୁଂ ତଵ ମୂର୍ତିଂ ନାଲମଜସ୍ତତ୍ପରାତ୍ପରୋଽସି ଵିଭୋ । ସାମ୍ବ୦ ॥ ୩୬

ଫଲମିହ ନୃତଯା ଜନୁଷସ୍ତ୍ଵତ୍ପଦସେଵା ସନାତନେଶ ଵିଭୋ । ସାମ୍ବ୦ ॥ ୩୭

ବଲମାରୋଗ୍ଯଂ ଚାଯୁସ୍ତ୍ଵଦ୍ଗୁଣରୁଚିତାଂ ଚିରଂ ପ୍ରଦେହି ଵିଭୋ । ସାମ୍ବ୦ ॥ ୩୮

ଭଗଵନ୍ ଭର୍ଗ ଭଯାପହ ଭୂତପତେ ଭୂତିଭୂଷିତାଙ୍ଗ ଵିଭୋ । ସାମ୍ବ୦ ॥ ୩୯

ମହିମା ତଵ ନହି ମାତି ଶ୍ରୁତିଷୁ ହିମାନୀଧରାତ୍ମଜାଧଵ ଭୋ । ସାମ୍ବ୦ ॥ ୪୦

ଯମନିଯମାଦିଭିରଙ୍ଗୈର୍ଯମିନୋ ହୃଦଯେ ଭଜନ୍ତି ସ ତ୍ଵଂ ଭୋ । ସାମ୍ବ୦ ॥ ୪୧

ରଜ୍ଜାଵହିରିଵ ଶୁକ୍ତୌ ରଜତମିଵ ତ୍ଵଯି ଜଗନ୍ତି ଭାନ୍ତି ଵିଭୋ । ସାମ୍ବ୦ ॥ ୪୨

ଲବ୍ଧ୍ଵା ଭଵତ୍ପ୍ରସାଦାଚ୍ଚକ୍ରଂ ଵିଧୁରଵତି ଲୋକମଖିଲଂ ଭୋ । ସାମ୍ବ୦ ॥ ୪୩

ଵସୁଧାତଦ୍ଧରଚ୍ଛଯରଥମୌର୍ଵୀଶରପରାକୃତାସୁର ଭୋ । ସାମ୍ବ୦ ॥ ୪୪

ଶର୍ଵ ଦେଵ ସର୍ଵୋତ୍ତମ ସର୍ଵଦ ଦୁର୍ଵତ୍ତଗର୍ଵହରଣ ଵିଭୋ । ସାମ୍ବ୦ ॥ ୪୫

ଷଡ୍ରିପୁଷଡୂର୍ମିଷଡ୍ଵିକାରହର ସନ୍ମୁଖ ଷଣ୍ମୁଖଜନକ ଵିଭୋ । ସାମ୍ବ୦ ॥ ୪୬

ସତ୍ଯଂ ଜ୍ଞାନମନନ୍ତଂ ବ୍ରହ୍ମେତ୍ଯେତଲ୍ଲକ୍ଷଣଲକ୍ଷିତ ଭୋ । ସାମ୍ବ୦ ॥ ୪୭

ହାହାହୂହୂମୁଖସୁରଗାଯକଗୀତାପଦାନଵଦ୍ଯ ଵିଭୋ । ସାମ୍ବ୦ ॥ ୪୮

ଳାଦିର୍ନ ହି ପ୍ରଯୋଗସ୍ତଦନ୍ତମିହ ମଙ୍ଗଲଂ ସଦାଽସ୍ତୁ ଵିଭୋ । ସାମ୍ବ୦ ॥ ୪୯

କ୍ଷଣମିଵ ଦିଵସାନ୍ନେଷ୍ଯତି ତ୍ଵତ୍ପଦସେଵାକ୍ଷଣୋତ୍ସୁକଃ ଶିଵ ଭୋ ।
ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍ ॥ ୫୦

॥ ଇତି ଶ୍ରୀମତ୍ପରମହଂସପରିଵ୍ରାଜକାଚାର୍ଯଶ୍ରୀଗୋଵିନ୍ଦଭଗଵତ୍ପୂଜ୍ଯପାଦଶିଷ୍ଯସ୍ଯ

ଶ୍ରୀଶଙ୍କରଭଗଵତଃ କୃତୌ ସୁଵର୍ଣମାଲାସ୍ତୁତିଃ ସମ୍ପୂର୍ଣା ॥



Encoded partial by Subramanian Ganesh sgesh@hotmail.com, extended NA
Proofread by NA

Please send corrections to sanskrit@cheerful.com
Last updated ତ୍oday
http://sanskritdocuments.org

Suvarnamala Stuti Lyrics in Oriya PDF
% File name : suvarNamaalaa.itx
% Category : varNamAlA
% Location : doc\_shiva
% Author : Traditional
% Language : Sanskrit
% Subject : philosophy/hinduism/religion
% Transliterated by : Subramanian Ganesh sgesh at hotmail.com, NA
% Proofread by : NA
% Latest update : March 15, 2001, March 6, 2014
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website