ಶ್ರೀ ಯಕ್ಷರಾಜಾಷ್ಟಕಮ್

ರತ್ನಭದ್ರಾಙ್ಗಜೋದ್‌ಭೂತ ! ಪೂರ್ಣಭದ್ರಸುತೋತ್ತಮ !| ನಿರ್ವಿಘ್ನಂ ಕುರು ಮೇ ಯಕ್ಷ ! ಕಾಶೀವಾಸಂ ಶಿವಾಪ್ತಯೇ || 1 ||

ಧನ್ಯೋಯಕ್ಷಃಪೂರ್ಣಭದ್ರೋ ಧನ್ಯಾಕಾಞ್ಚನಕುಣ್ಡಲಾ | ಯಯೋರ್ಜಠರಪೀಠೇಽಭೂರ್ದಣ್ಡಪಾಣೇ ! ಮಹಾಮತೇ ! || 2 ||

ಜಯಯಕ್ಷಪತೇ ! ಧೀರ ಜಯಪಿಙ್ಗಲಲೋಚನ !| ಜಯಪಿಙ್ಗ ! ಜಟಾಭಾರ ! ಜಯದಣ್ಡ ! ಮಹಾಯುಧ ! || 3 ||

ಅವಿಮುಕ್ತಮಹಾಕ್ಷೇತ್ರಸೂತ್ರಧಾರೋಗ್ರತಾಪಸ !| ದಣ್ಡನಾಯಕ ! ಭೀಮಾಸ್ಯ ! ಜಯವಿಶ್ವೇಶ್ವರಪ್ರಿಯ ! || 4 ||

ಸೌಮ್ಯಾನಾಂ ಸೌಮ್ಯವದನಭೀಷಣಾನಾಂ ಭಯಾನಕ !| ಕ್ಷೇತ್ರಪಾಪಧಿಯಾಂಕಾಲಮಹಾಕಾಲಮಹಾಪ್ರಿಯ ! || 5 ||

ಜಯ ಪ್ರಾಣದ ! ಯಕ್ಷೇನ್ದ್ರ ! ಕಾಶೀವಾಸಾನ್ನಮೋಕ್ಷದ ! | ಮಹಾರತ್ನಸ್ಫುರದ್ರಶ್ಮಿಚಯಚರ್ಚಿತವಿಗ್ರಹ ! || 6 ||

ಮಹಾಸಮ್ಭ್ರಾನ್ತಿಜನಕ ! ಮಹೋದ್‌ಭ್ರಾನ್ತಿಪ್ರದಾಯಕ ! ಅಭಕ್ತಾನಾಂ ಚ ಭಕ್ತಾನಾಂ ಸಮ್ಭ್ರಾನ್ತ್ಯುದ್‌ಭ್ರಾನ್ತಿನಾಶಕ ! || 7 ||

ಪ್ರಾನ್ತನೇಪಥ್ಯಚತುರ ! ಜಯಜ್ಞಾನನಿಧಿಪ್ರದ ! | ಜಯ ಗೌರೀಪದಾಬ್ಜಾಲೇ ! ಮೋಕ್ಷೇಕ್ಷಣವಿಚಕ್ಷಣ ! || 8 ||

ಯಕ್ಷರಾಜಾಷ್ಟಕಂ ಪುಣ್ಯಮಿದಂನಿತ್ಯಂ ತ್ರಿಕಾಲತಃ | ಜಪಾಮಿಮೈತ್ರಾವರೂಣೇ ! ವಾರಾಣಸ್ಯಾಪ್ತಿಕಾರಣಮ್ ! || 9 ||

ದಣ್ಡಪಾಣ್ಯಷ್ಟಕಂಧೀಮಾನ್ ಜಪನ್ವಿಘ್ನೈರ್ನಜಾತುಚಿತ್ | ಶ್ರದ್ಧಯಾಪರಿಭೂಯೇತಕಾಶೀವಾಸಫಲಂಲಭೇತ್ ! || 10 ||


॥ ಇತಿ ಶ್ರೀ ಸ್ಕನ್ದಪ್ರಣೀತಂ ಶ್ರೀ ಯಕ್ಷರಾಜಾಷ್ಟಕಮ್ ಸಂಪೂರ್ಣಮ್ ॥

Text Source stotram.co.in
PDF file is generated [ October 11, 2015 ] at Stotram Website